မြစ်ကြီးနား စက်မှုဇုန်ကိစ္စ ပွင့်လင်းမြင်သာမှုရှိရန်နှင့် မြစ်ဆုံစီမံကိန်းကဲ့သို့ တရားမျှတမှုမရှိသော စာချုပ်များ ဖြေရှင်းဆဲ ကာလဖြစ်၍ ကချင်ပြည်သူတို့အပေါ် မျှတစွာ ဆောင်ရွက်နိုင်စွမ်း၊ လိုအပ်ချက်များ ရှိလာမည်ကို စိုးရိမ်ကြောင်း ကချင်အမျိုးသား ကွန်ဂရက်ပါတီ တောင်းဆို

မြစ်ကြီးနား စက်မှုဇုန်ကိစ္စ ပွင့်လင်းမြင်သာမှုရှိရန်နှင့် ကချင်အမျိုးသား ကွန်ဂရက်ပါတီက သြဂုတ် ၂၃ ရက်တွင် သတင်းထုတ်ပြန် တောင်းဆိုခဲ့ကြောင်း သတင်းရရှိသည်။

ထုတ်ပြန်ချက်တွင် မြစ်ကြီးနားမြို့ နန်ကျင်ကျေးရွာအနီးတွင် နိုင်ငံခြားရင်းနှီးမြှုပ်နှံမှုဖြင့် ပြည်နယ်အစိုးရအဖွဲ့ စီးပွားရေးဇုန် တည်ဆောက်ရန် ကြိုးပမ်းနေကြောင်း၊ နားလည်မှု စာချွန်လွှာကိုလည်း လက်မှတ်ရေးထိုးပြီး ဖြစ်ကြောင်း၊ လုပ်ငန်း အကောင်အထည် ဖော်ရာတွင် EIT ကို ယူနန်-ထိန်ချုံး ဟုန်ရင် ကုမ္ပဏီက လုပ်ဆောင်မည်ဖြစ်ပြီး ဖြစ်မြောက်နိုင်စွမ်း အစီရင်ခံစာကို တစ်လအတွင်း ရေးသွင်းခြင်း၊ မြေနေရာ ရွေးချယ်ခြင်း၊ မြေယာလျော်ကြေး ကိစ္စများ ရှင်းလင်းခြင်းကို ကချင်ပြည်နယ် အစိုးရအဖွဲ့၏ အများပိုင် ကုမ္ပဏီက ဆောင်ရွက်ရမည် ဖြစ်ကြောင်း၊ MoA အတွက် အဆင့်ဆင့် ဆွေးနွေးနေဆဲ ဖြစ်ကြောင်း၊ ကချင်ပြည်နယ်သည် ငြိမ်းချမ်းရေး ဆွေးနွေးဆဲကာလ၊ စစ်ဒဏ်ခံနေရဆဲကာလ၊ မြစ်ဆုံစီမံကိန်းကဲ့သို့ ကချင်ပြည်သူတို့ တရားမျှတမှု မရှိသော စာချုပ်များ ဖြေရှင်းဆဲကာလ ဖြစ်သဖြင့် စာချုပ်ပါ သဘောတူညီချက်များက ကချင်ပြည်သူအပေါ် မျှတစွာ ဆောင်ရွက်နိုင်စွမ်း၊ လိုအပ်ချက်များ ရှိလာမည်ကို စိုးရိမ်ပါကြောင်း၊ မြန်မာနိုင်ငံ၏ ရေရှည်အကျိုးစီးပွားများ အကောင်အထည်ဖော်မှု အပိုင်းတွင် လိုအပ်ချက်များ ဖြစ်လာမည်ကို စိုးရိမ်ပါကြောင်း၊ တရုတ်ကုမ္ပဏီဘက်က မူလတောင်းဆိုချက်များတွင် မမျှတသော တောင်းဆိုမှုများ ရှိခဲ့ကြောင်း၊ MoU၊ MoA ရေးထိုးရာတွင် ကချင်ပြည်သူများ၏ ကိုယ်စားပြုဆွေးနွေးချက်များ လုပ်ဆောင်မှသာ ပိုမိုကောင်းမွန်သော နိုင်ငံခြားရင်းနှီးမြှုပ်နှံမှု စီမံကိန်း ဖြစ်ပေါ်လာမည်ဟု ယုံကြည်ပါကြောင်း၊ နိုင်ငံရေးပဋိက္ခများ ဖြေရှင်းဆဲကာလတွင် စီးပွားရေးဘက် တစ်ခုတည်း မကြည့်ဘဲ နိုင်ငံရေးအရ ဖြေရှင်းဆောင်ရွက်နိုင်သော စီမံကိန်းဖြစ်ရေးမှာ MoA အတွက် ဆွေးနွေးချက် အဆင့်တိုင်းတွင် ကချင်နိုင်ငံရေး အစုအဖွဲ့များ ထည့်သွင်းဆွေးနွေးချက်များကို တောင်းဆိုပါကြောင်း ပါရှိသည်။

ယင်းထုတ်ပြန်ချက်နှင့် ပတ်သက်၍ ကချင်အမျိုးသား ကွန်ဂရက်ပါတီမှ ပြောဆိုခွင့်ရှိသူ ဦးလဖိုင်အောင်လက “မြေယာပြဿနာနဲ့ ပတ်သက်ပြီး စိုးရိမ်စရာရှိတယ်။ ဖြစ်ပေါ်လာမယ့် ကိစ္စတွေကို ပွင့်ပွင့်လင်းလင်းမရှိဘူး။ သူတို့ချည်းပဲ ဆွေးနွေးတိုင်ပင်တယ်။ လုပ်ဆောင်ချက်တွေ၊ တရုတ်ကုမ္ပဏီတွေကိုရော နစ်နာမှုမရှိအောင် လူထုကိုချပြသင့်တယ်။ အခုအချိန်က ငြိမ်းချမ်းရေး ဆွေးနွေးနေချိန် ဖြစ်နေတယ်။ စစ်ဒဏ်ခံရချိန်၊ မြစ်ဆုံလို ဒဏ်ခံရချိန်တွေမှာ စိတ်ဒဏ်ရာ ဖိအားရှိနေချိန်ဆိုတော့ စီမံကိန်းကို နားစေချင်တယ်။ တကယ်လို့ ဆက်လုပ်မယ် ဆိုရင်လည်း လူထုကို ရှင်းရှင်းလင်းလင်း ပြတ်ပြတ်သားသားပြောဖို့ လိုပါတယ်။ အဲဒါတွေကြောင့် ထုတ်ပြန်ချက် ထုတ်တာပါ” ဟု ပြောကြားသည်။

ကချင်ပြည်နယ် အစိုးရအဖွဲ့၏ ပြောဆိုခွင့်ရှိသူ ဥပဒေချုပ် ဦးဒီဆင်ရမ်က “ဒီကိစ္စကို ပြည်နယ်ဝန်ကြီးချုပ် ကိုယ်တိုင် လာမယ့် ၂၅ ရက်မှာ ရှင်းလင်းမယ်။ MoA ထိုးနိုင်ဖို့က အဆင့်အများကြီး ကျန်သေးတယ်။ အခုက နေရာအနေထားနဲ့ မြေယာကိစ္စပါတော့ ပြည်ထောင်စုကို တင်ပြထားဆဲပါ။ ပြည်ထောင်စုက မချပေးသေးဘူး။ တရုတ်နိုင်ငံဘက်ကတော့ သူတို့ဘက်က လုပ်မယ့်ဟာကို အရင်ကတည်းက ချပြသွားပြီ။ အသေးစိတ်တွေ  ဖြေရှင်းပြီးမှပဲ အားလုံးကို ချပြလို့ရမှာ။ ခုကဘာမှလုပ်လို့ မရနိုင်သေးဘူး” ဟုဆိုသည်။

မြစ်ကြီးနား စီးပွားဖွံ့ဖြိုးရေးဇုန် တည်ဆောက်ရေးအတွက် ကချင်ပြည်နယ် အစိုးရအဖွဲ့နှင့် တရုတ်ပြည်သူ့ သမ္မတနိုင်ငံ ပေါင်စန်းပြည်နယ်ခွဲမှ ဒုတိယအုပ်ချုပ်ရေးမှူးအဖွဲ့တို့ မေ ၈ ရက် နံနက်ပိုင်းက နားလည်မှုစာချွန်လွှာ MoU ကို ကချင်ပြည်နယ် အစိုးရအဖွဲ့ရုံးတွင် လက်မှတ်ရေးထိုးခဲ့ကြောင်း သိရသည်။

မြစ်ကြီးနား စီးပွားဖွံ့ဖြိုးရေးဇုန် စီမံကိန်းသည် မြစ်ကြီးနားမြို့နယ်၊ နန်ကျင်ကျေးရွာအုပ်စု၊ ပလနကျေးရွာအုပ်စုတွင် တည်ရှိပြီး  ၄၇၅၁ ဧကကျော်ရှိကြောင်း သိရသည်။

စီမံကိန်းကို တရုတ်နိုင်ငံဘက်မှ ဟိန်ယုံရင်းနှီးမြှုပ်နှံမှု ကုမ္ပဏီလီမိတက်နှင့် ကချင်ပြည်နယ် စီးပွားဖွံ့ဖြိုး တိုးတက်ရေး ပြည်သူ့ကုမ္ပဏီလီမိတက်တို့ ပူးပေါင်း၍ စုပေါင်းရင်းနှီးမြုပ်နှံရေးကုမ္ပဏီ (Joint Venture Company) ဖြင့် အကောင်အထည်ဖော် ဆောင်ရွက်ရန် ရည်ရွယ်ကြောင်း သိရသည်။

ကုမ္ပဏီရင်းနှီးမြုပ်နှံမှု ရှယ်ယာကို မြန်မာနိုင်ငံဘက်မှ အနည်းဆုံး ၅၁ ရာခိုင်နှုန်း ယူထားပြီး ၁၀ နှစ်ကြာ တည်ဆောက်ရန် လျာထားကြောင်း သိရသည်။

ကျပ် ၃၇၂ ဘီလျံ (ဒေါ်လာ ၂၇၃ သန်း) တန်ဖိုးရှိ မြစ်ကြီးနား စီးပွားဖွံ့ဖြိုးရေးဇုန် စီမံကိန်းအတွက် ပြည်ထောင်စု စီမံကိန်းနှင့် ဘဏ္ဍာရေးဝန်ကြီးက ကချင်ပြည်နယ် အစိုးရအဖွဲ့နှင့် စီးပွားရေး လုပ်ငန်းရှင်များနှင့် ၂၀၁၈ ခုနှစ် ဇန်န၀ါရီ ၂၃ ရက်က တွေ့ဆုံဆွေးနွေးခဲ့သည်။ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက အကြံပြုရာတွင် တစ်ဖက်နိုင်ငံကုမ္ပဏီ၏ နောက်ခံ၊ ငွေကြေးခိုင်မာမှု၊ နိုင်ငံအပေါ်တွင် တာဝန်ကျေပွန်စေသည့် အချက်အလက်များကို သံရုံးများမှတစ်ဆင့် တောင်းယူမှတ်တမ်းတင်ရန်၊ သီလ၀ါစက်မှုဇုန်အပြင် မင်္ဂလာဒုံ စက်မှုဇုန်ကို လေ့လာရန်၊ ပတ်ဝန်းကျင်မှ ချဉ်းကပ်ဖော်ဆောင်နိုင်မည့် လုပ်ငန်းငယ်များကိုပါ ထည့်သွင်းစဉ်းစားရန်၊ ထိုင်းနှင့် ဗီယက်နမ်တို့ရှိ စက်မှုဇုန်များမှာ အတုယူစရာများ ရှိနေပြီး လုပ်ငန်းသဘောအရ အရှုံးအမြတ် ရှိနိုင်သဖြင့် ရှယ်ယာအများဆုံး ယူထားသူက တာဝန်အရ အရှုံးအမြတ်ကို ထည့်သွင်းတွက်ချက်ရန်၊ သီလ၀ါစက်မှုဇုန် အောင်မြင်ခြင်းမှာ နိုင်ငံရေးအရလည်း ပါဝင်နေကြောင်း စသည့် အကြံပြုချက်များ ပြောကြားခဲ့သည်။

ကချင်ပြည်နယ်သည် တရုတ်နိုင်ငံနှင့် အိန္ဒိယနိုင်ငံတို့နှင့် ဆက်သွယ်ထားသည့် လီဒိုလမ်းမကြီးက ပြည်နယ်အလယ်ပိုင်းမှ ဖြတ်သန်းထားသည်။ လက်ရှိတွင် တရုတ်နိုင်ငံနှင့် ကချင်ပြည်နယ်တို့ တရားဝင် အဓိက ဆက်သွယ်သည့် ၀င်ပေါက်မှာ ကန်ပိုင်တည် ၀င်ပေါက်နှင့် လွယ်ဂျွယ်ဝင်ပေါက်၊ ပန်ဝါ၀င်ပေါက်တို့ကို အဓိက အသုံးပြုနေသည်။ ထို့ပြင် လိုင်ဇာ၊ မန်ဝိန်းကြီး ၀င်ပေါက်များကိုလည်း အသုံးပြုနေကြသည်။

မြစ်ကြီးနားမြို့ ဗိုလ်ချုပ်ပန်းခြံအတွင်းရှိ ဗိုလ်ချုပ်ကြေးရုပ် ဖျက်ဆီးခံရမှုကို ပြည်သူပိုင်အက်ဥပဒေဖြင့် အမှုဖွင့်

ဓာတ်ပုံ – ကျော်ကျော်ဦး

မြစ်ကြီးနားမြို့ ဗိုလ်ချုပ်ပန်းခြံအတွင်းရှိ ဗိုလ်ချုပ်ကြေးရုပ် ဖျက်ဆီးခံရမှုကို ပြည်သူပိုင် အက်ဥပဒေဖြင့် အမှုဖွင့်ခဲ့ကြောင်း သိရသည်။

ဇူလိုင် ၂၄ ရက်တွင် သက်ဆိုင်ရာ အမှတ် ၂ ရဲစခန်း၌ (ပ) ၁၈၄၊ ပြည်သူပိုင်ပစ္စည်း ကာကွယ်ရေး ဥပဒေပုဒ်မ ၆ (၁)ဖြင့် မြို့နယ် စည်ပင်သာယာရေးအဖွဲ့မှ ဦးယုန်ဖုက တရားလိုပြုလုပ်ကာ အမှုဖွင့်ခြင်း ဖြစ်ကြောင်း သိရသည်။

မြစ်ကြီးနားမြို့ ဗိုလ်ချုပ်ပန်းခြံအတွင်း ဗိုလ်ချုပ်ကြေးရုပ်ကို ဇူလိုင် ၂၂ ရက်ညပိုင်းက အောက်ခြေခုံ ၁၀ ပေခန့်ကို တက်ပြီးနောက် ဗိုလ်ချုပ်ရုပ်တုကို သင်္ဘောဆေး အစိမ်းရောင်ဖြင့် ပက်ဖျန်းခဲ့ပြီး အောက်ခြေရှိ ဗိုလ်ချုပ်မိန့်ခွန်းနှင့် ဗိုလ်ချုပ်နှစ် ၁၀၀ ပြည့်အထိမ်းအမှတ် ကျောက်စာများကို တူဖြင့်ထုရိုက်ခဲ့ခြင်း ဖြစ်ပေါ်ခဲ့ခြင်း ဖြစ်ကြောင်း သိရသည်။

ကချင်ပြည်နယ်ရဲတပ်ဖွဲ့ ဒုတိယပြည်နယ် ရဲတပ်ဖွဲ့မှူး ရဲမှူးကြီး လွင်မောင်သိန်းက “အမှုဖွင့်ဖို့ စည်ပင်က လာဆွေးနွေးတယ်။ အခုအထိတော့ အမှုမဖွင့်ရသေးဘူး။ ပြည်သူပိုင်ပစ္စည်း ဖျက်ဆီးမှုနဲ့ဖွင့်မယ်။ ဖျက်ဆီးတဲ့ သူတွေကိုလည်း စုံစမ်းနေပါတယ်။ အားလုံးတော့ ပြောမရသေးဘူး။ ဒီကိစ္စနဲ့ ပတ်သက်ပြီး အများကြီး ဆွေးနွေးခဲ့ပါပြီ” ဟု ဇူလိုင် ၂၄ ရက် နေ့လယ်ပိုင်းက ပြောကြားသည်။

ဇူလိုင် ၂၄ ရက်အထိ သက်ဆိုင်ရာ အမှတ် ၂ ရဲစခန်းသို့ ဆက်သွယ် မေးမြန်းသော်လည်း တိုင်စာရေးဆဲ အဆင့်သာ ရှိနေသေးကြောင်း စခန်းတာဝန်ရှိသူက ညနေ ၅ နာရီကျော်တွင် ဖြေကြားသည်။

ဇူလိုင် ၂၃ ရက်နေ့လယ်ပိုင်းတွင် ဖျက်ဆီးခံရသည့် နေရာများကို ပြန်လည်ပြင်ဆင်မှုများ ပြုလုပ်ခဲ့ကြောင်း သိရသည်။

မြစ်ကြီးနားမြို့တွင် တစ်ခုတည်းသာရှိသည့် ဗိုလ်ချုပ်ပန်းခြံအတွင်းမှ ကြေးရုပ်သည် အမြင့် ကိုးပေကျော်ရှိပြီး ၂၀၁၇ ခုနှစ် ဖေဖော်ဝါရီ ၁၃ ရက်က ဖွင့်လှစ်ခဲ့သည်။

ဗိုလ်ချုပ်ကြေးရုပ် စိုက်ထူရခြင်း ရည်ရွယ် ချက်သုံးချက်ရှိပြီး ပြည်ထောင်စု တစ်မျိုးသားလုံး လွတ်လပ်ရေးရအောင် ကြိုးပမ်းခဲ့သည့် ဗိုလ်ချုပ်၏ ကျေးဇူးတရားများကို အောက်မေ့ သတိရစေလိုခြင်း၊ ဒုတိယအချက်က ကြီးငယ်မရွေး ပြည်ထောင်စုတိုင်းရင်းသား အားလုံး၏ စိတ်တွင် ဗိုလ်ချုပ်ကဲ့သို့ ရိုးသားခြင်း၊ ဖြောင့်မတ်ခြင်း၊ ဇွဲရှိခြင်း၊ စွန့်လွှတ်အနစ်နာခံခြင်း၊ မည်သူ့ကိုမျှ ရန်သူလို သဘောမထားခြင်း၊ ကောင်းကျိုးလိုလားသော စိတ်မေတ္တာဖြင့် ဆက်ဆံခြင်း၊ အများအကျိုးနှင့် ကိုယ်ကျိုးယှဉ်လာလျှင် အများအကျိုးကို ဦးစားပေးခြင်း၊ တိုင်းရင်းသား ညီညွတ်မှုကို အမြဲလိုလားခြင်း၊ ကိုယ်ချင်းစာခြင်း စသော ဗိုလ်ချုပ်စိတ်ဓာတ်များ တိုးပွားရှင်သန်စေလိုခြင်း၊ တတိယအချက်မှာ ကျောင်းသားလူငယ်များ အနေဖြင့် ဗိုလ်ချုပ်ကြေးရုပ်ကို တွေ့မြင်ရပါက ဗိုလ်ချုပ်ကို အားကျအတူယူကာ အနာဂတ် ခေါင်းဆောင်ကောင်းများ ဖြစ်လာစေပြီး နိုင်ငံကို ကမ္ဘာက လေးစားသည့် ခေါင်းဆောင်များ ဖြစ်လာရန် စသည့်ရည်ရွယ်ချက်များဖြင့် ဖွင့်လှစ်ခဲ့ခြင်း ဖြစ်ကြောင်း သိရသည်။

မြစ်ကြီးနားမြို့တွင် စိုက်ထူသည့် ကြေးရုပ်မှာ ပထမဆုံး ဗိုလ်ချုပ်ကြေးရုပ်ဖြစ်ပြီး ကချင်တိုင်းရင်းသား ပါတီများက ကချင်ပြည်နယ်တွင် စစ်မက်များ ဖြစ်ပွားနေခြင်းကြောင့် ဗိုလ်ချုပ်၏ ပင်လုံကတိက၀တ်ကို အကောင်အထည်ဖော်ရန် လိုလားပါကြောင်း၊ ကတိက၀တ်များ ပြီးပြည့်စုံလင်မှသာ ကြေးရုပ်စိုက်ထူရေးကို စီမံစေလိုကြောင်း၊ ကျင်းပဆဲဖြစ်သည့် ပြည်ထောင်စု ငြိမ်းချမ်းရေး ညီလာခံ ဒုတိယပင်လုံ ကျင်းပရာတွင် ဗိုလ်ချုပ်၏ ကတိဖြစ်သည့် လွတ်လပ်မှု၊ တန်းတူညီမျှမှု၊ ငြိမ်းချမ်းမှုကို ဖော်ဆောင်နိုင်လိမ့်ဟု ယုံကြည်ကြောင်း ထုတ်ပြန်သည့် ထုတ်ပြန်ချက်တစ်စောင် ၂၀၁၇ ခုနှစ် ဖေဖော်ဝါရီ ၆ ရက်က ထုတ်ပြန်ခဲ့သည်။

ပြည်သူပိုင်ပစ္စည်း ဖျက်ဆီးမှုပုဒ်မ ၆ (၁)ဆိုသည်မှာ ပြည်သူပိုင်ပစ္စည်း ကာကွယ်ရေး အက်ဥပဒေ (၁၉၅၇/၈၃) တွင် ပြဋ္ဌာန်းထားသည့် ပုဒ်မ ၆၊ အပိုဒ်ခွဲ ၁ ကို ဆိုလိုခြင်းဖြစ်သည်။

ပြည်သူပိုင်ပစ္စည်း တစ်စုံတစ်ရာကို (က) ပိုင်ဆိုင်ခွင့်မရှိဘဲ လက်ဝယ်ထားခြင်း၊ (ခ) ခိုးယူခြင်း၊ (ဂ) အလွဲသုံးစားမှုပြုခြင်း၊ (ဃ) အကျိုးပျက်စီးစေခြင်းများကို ပြုလုပ်လျှင် ကျူးလွန်သူအား ခုနစ်နှစ်အထိ ထောင်ဒဏ်ဖြစ်စေ၊ ကြိမ်ဒဏ်ဖြစ်စေ၊ ထောင်ဒဏ်နှင့် ကြိမ်ဒဏ် နှစ်ရပ်လုံးအပြင် ငွေဒဏ်ပါ တစ်ပေါင်းတည်း ကျခံစေရန် ပြစ်ဒဏ်ချမှတ်နိုင်သည်ဟု ပြဋ္ဌာန်းထားသည်။

 

မြစ်ကြီးနားမြို့ရှိ ဗိုလ်ချုပ်ကြေးရုပ် သင်္ဘောဆေးဖြင့် ပက်ဖျန်းခံရပြီး အောက်ခြေပိုင်းများ တူဖြင့်ရိုက်ဖျက်ခံရ

ဓာတ်ပုံ – ကျော်ကျော်ဦး

မြစ်ကြီးနားမြို့ရှိ ဗိုလ်ချုပ်ကြေးရုပ် သင်္ဘောဆေးဖြင့် ပက်ဖျန်းခံရပြီး အောက်ခြေပိုင်းများ တူဖြင့်ရိုက်ဖျက်ခံရမှု ဇူလိုင် ၂၂ ရက်ညပိုင်းက ဖြစ်ပွားခဲ့ကြောင်း သတင်းရရှိသည်။

အောက်ခြေခုံ ၁၀ ပေခန့်ကို တက်ပြီးနောက် ဗိုလ်ချုပ်ရုပ်တုကို သင်္ဘောဆေး အစိမ်းရောင်ဖြင့် ပက်ဖျန်းခဲ့ပြီး အောက်ခြေရှိ ဗိုလ်ချုပ်မိန့်ခွန်းနှင့် ဗိုလ်ချုပ်နှစ်တစ်ရာပြည့် အထိမ်းအမှတ် ကျောက်စာများကို တူဖြင့်ထုရိုက်ခဲ့မှု ဖြစ်ပေါ်ခဲ့ခြင်းဖြစ်ကြောင်း သိရသည်။

ရုပ်တုဖြစ်မြောက်ရေး အဖွဲ့ဝင်တစ်ဦးဖြစ်သူက “ရုပ်တုအခြေက ၁၀ ပေကျော်မြင့်တယ်။ တွယ်တက်လို့ မရဘူး။ လူတစ်ယောက်က ပခုံးပေါ်တက်ပြီး လုပ်တဲ့သဘောပေါ့။ ရုပ်တုကို သင်္ဘောဆေးပုံးနဲ့ပတ်ပြီး သင်္ဘောဆေးပုံးကို ရုပ်တုအပေါ်မှာ ထားခဲ့တာ။ အောက်ခြေက ထောင်တွေက ၁၆ ပေါင်တူနဲ့ထုသွားတယ်။ နောက်ပြီး မိန့်ခွန်းနှင့် နှစ်တစ်ရာပြည့် မှတ်တမ်းကျောက်စာကို တူနဲ့ထုတယ်။ မပျက်ဘူး ချိင့်သွားတယ်။ အနည်းဆုံး သုံးယောက်ဖြစ်မယ်။ နောက်ကွယ်က အဖွဲ့တော့ ရှိမှာပေါ့။ ပြောလို့မကောင်းဘူးလေ။ ကိုယ်မမြင်တော့။ ဒီရုပ်တုဟာ အစိုးရကစိုက်တာ မဟုတ်ဘူး။ ဗိုလ်ချုပ်ကို လေးစားလို့ မြို့တွေ၊ ရွာတွေမှာ အလှူခံပြီး ဗိုလ်ချုပ်ကိုချစ်သူအားစုပြီး တည်ဆောက်ခဲ့တာပါ” ဟု ပြောကြားသည်။

ရုပ်တုဖြစ်မြောက်ရေး ကော်မတီဥက္ကဋ္ဌ ဦးမြတ်ကျော်သူက “ကျနော်တို့က စိတ်မကောင်းဖြစ်တယ်။ စိုက်ထူထားတာပဲ နှစ်နှစ်ကျော်ပြီ။ ဒီနေ့မှဆိုတော့ အခြေအနေ အကြောင်းကြောင်း အပေါ်မှာ မကျေနပ်ချက်တွေကနေပြီးတော့ ဗိုလ်ချုပ်ကို သက်ရောက်တယ် ထင်တာပဲ။ အရင်က ကန့်ကွက်ခဲ့တာက စိုက်ထူခါနီးမှာ ကချင်အမျိုးသားများ အတိုင်ပင်ခံအဖွဲ့ ထင်ပါတယ်။ ဒါလည်း အစိုးရနှင့် ညှိနှိုင်းကြတယ်လို့ သိရတယ်။ ကျနော်တို့ လုပ်ခဲ့တာက အရင်ဦးသိန်းစိန်အစိုးရ လက်ထက်ကတည်းက ကြိုးစားခဲ့တာပါ” ဟု ပြောကြားသည်။

ဇူလိုင် ၂၃ ရက်နေ့လည်ပိုင်းတွင် ဖျက်ဆီးခံရသည့် နေရာများကို ပြင်ဆင်မှုများ ပြုလုပ်လျက်ရှိကြောင်း သိရသည်။

မြစ်ကြီးနားမြို့တွင် တစ်ခုသည်းသာရှိသည့် ဗိုလ်ချုပ်ပန်းခြံအတွင်းမှ ကြေးရုပ်သည် အမြင့်ပေ ၉ ပေကျော်ရှိပြီး ၂၀၁၇ ခုနှစ် ဖေဖော်ဝါရီ ၁၃ ရက်နေ့တွင် ဖွင့်လှစ်ခဲ့သည်။

ဗိုလ်ချုပ်ကြေးရုပ် စိုက်ထူရခြင်း ရည်ရွယ်ချက် သုံးချက်ရှိပြီး ပြည်ထောင်စု တစ်မျိုးသားလုံး လွတ်လပ်ရေးရအောင် ကြိုးပမ်းခဲ့သည့် ဗိုလ်ချုပ်ရဲ့ ကျေးဇူးတရားတွေကို အောက်မေ့သတိရစေလိုခြင်း၊ ဒုတိယအချက်က ကြီးငယ်မရွေး ပြည်ထောင်စု တိုင်းရင်းသားအားလုံးရဲ့စိတ်မှာ ဗိုလ်ချုပ်ကဲ့သို ရိုးသားခြင်း၊ ဖြောင့်မတ်ခြင်း၊ ဇွဲရှိခြင်း၊ စွန့်လွှတ်အနစ်နာခံခြင်း မည်သူကိုမျှ ရန်သူလို သဘောမထားခြင်း၊ ကောင်းကျိုးလိုလားသော စိတ်မေတ္တာဖြင့် ဆက်ဆံခြင်း၊ အများအကျိုးနှင့် ကိုယ်ကျိုးယှဉ်လာလျှင် အများအကျိုးကို ဦးစားပေးခြင်း၊ တိုင်းရင်းသား ညီညွတ်မှုကို အမြဲလိုလားခြင်း၊ ကိုယ်ခြင်းစာခြင်းစသော ဗိုလ်ချုပ်စိတ်ဓာတ်များ တိုးပွားရှင်သန်စေလိုခြင်း၊ တတိယအချက်မှာ ကျောင်းသားလူငယ်များ အနေခြင့် ဗိုလ်ချုပ်ကြေးရုပ်ကို တွေ့မြင်ရပါက ဗိုလ်ချုပ်ကို အားကျအတူယူကာ အနာဂါတ် ခေါင်းဆောင်ကောင်းများ ဖြစ်လာစေပြီး နိုင်ငံကို ကမ္ဘာက လေးစားသည့် ခေါင်းဆောင်များ ဖြစ်လာရန်စသည့် ရည်ရွယ်ချက်များဖြင့် ဖွင့်လှစ်ခဲ့ခြင်းကြောင်း သိရသည်။

 

မြစ်ကြီးနားမြို့တွင် စိုက်ထူသည့် ကြေးရုပ်မှာ ပထမဆုံး ဗိုလ်ချုပ်ကြေးရုပ်ဖြစ်ပြီး ကချင်တိုင်းရင်းသားပါတီများက ကချင်ပြည်နယ်တွင် စစ်မက်များ ဖြစ်ပွားနေခြင်းကြောင့် ဗိုလ်ချုပ်၏ ပင်လုံကတိက၀တ်ကို အကောင်အထည်ဖော်ရန် လိုလားပါကြောင်း၊ ကတိက၀တ်များ ပြီးပြည့်စုံလင်မှသာ ကြေးရုပ်စိုက်ထူရေးကို စီမံစေလိုကြောင်း၊ ကျင်းပဆဲဖြစ်သည့် ပြည်ထောင်စု ငြိမ်းချမ်းရေး ညီလာခံ ဒုတိယပင်လုံ ကျင်းပရာတွင် ဗိုလ်ချုပ်၏ ကတိဖြစ်သည့် လွတ်လပ်မှု၊ တန်းတူညီမျှမှု၊ ငြိမ်းချမ်းမှုကို ဖော်ဆောင်နိုင်လိမ့်မည်ဟု ယုံကြည်ကြောင်း ထုတ်ပြန်သည့် ထုတ်ပြန်ချက်တစ်စောင် ၂၀၁၇ ခုနှစ် ဖေဖော်ဝါရီလ (၆) ရက်နေ့က ထုတ်ပြန်ခဲ့သည်။

 

မြစ်ကြီးနားလေဆိပ်တွင် ၂၀၁၇-၂၀၁၈ ဘဏ္ဍာနှစ်၌ ခရီးသည် နှစ်သိန်းခွဲကျော် ၀င်ထွက်အသုံးပြုခဲ့

လေဆိပ် အဆောက်အုံသစ် တိုးချဲ့ဖွင့်လှစ်ခဲ့သည့် ကချင်ပြည်နယ် မြစ်ကြီးနားလေဆိပ်တွင်၂၀၁၇-၂၀၁၈ ဘဏ္ဍာနှစ်၌ ခရီးသည် နှစ်သိန်းခွဲကျော် ၀င်ထွက် အသုံးပြုခဲ့ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန လေကြောင်းပို့ဆောင်ရေး ညွှန်ကြားမှုဦးစီးဌာနမှ သတင်းရရှိသည်။

မြန်မာကျပ်သန်း ၁,၂၀၀ ကျော် အကုန်အကျခံ တည်ဆောက်ခဲ့သည့် မြစ်ကြီးနားလေဆိပ်၌ ခရီးသည် အဆောက်အအုံသစ်အား၂၀၁၆ ခုနှစ် မေ ၁၀ ရက်က စတင်ဖွင့်လှစ် အသုံးပြုခဲ့ခြင်း ဖြစ်သည်။ ထိုအဆောက်အအုံသစ်တွင် အပေါ်ထပ်၊ အောက်ထပ် ပါရှိပြီး ခရီးသည် ၃၀၀ ခန့်ကို တစ်ပြိုင်နက် ၀န်ဆောင်မှုပေးနိုင်မည်ဟု သိရသည်။

မြစ်ကြီးနားလေဆိပ်သို့ ၂၀၁၇ ဧပြီလ မှ ၂၀၁၈ မတ်လကုန်အထိ ခရီးသည်အ၀င် ၁၂၄,၇၄၃ ဦး၊ အထွက် ၁၂၈,၁၉၄ ဦး၊ စုစုပေါင်း ခရီးသည်၂၅၂,၉၃၇ ဦး ၀င်ထွက် အသုံးပြုခဲ့ခြင်း ဖြစ်သည်။

မြစ်ကြီးနားလေဆိပ်၌ ကုန်စည်စီးဆင်းမှုများအနေဖြင့် မြစ်ကြီးနားမှတစ်ဆင့် ပူတာအို၊ မန္တလေးမြို့နှင့် ရန်ကုန်မြို့များသို့ ကုန်စည်စီးဆင်းမှုများ အများဆုံး ပြုလုပ်ကြကြောင်း သိရသည်။

မြစ်ကြီးနားလေဆိပ်သည် လေကြောင်းခရီးစဉ် လက်ခံပျံသန်း ဆောင်ရွက်ပေးနိုင်မှုတွင် ၂၀၁၄ ခုနှစ်၌ ပြည်တွင်းလေကြောင်းလိုင်း ခုနစ်လိုင်းသာ ဆင်းသက် အသုံးပြုခဲ့သော်လည်း ၂၀၁၅ ခုနှစ်တွင် ပြည်တွင်းလေကြောင်းလိုင်း ကိုးလိုင်းအထိ တိုးချဲ့ပျံသန်းခဲ့ပြီး ခရီးသည် ၀င်ထွက်မှုတွင်လည်း ၁၆ ဒသမ ၃၆ ရာခိုင်နှုန်း တိုးတက်လာသည့်အတွက် မူလခရီးသည် လေဆိပ်အဆောက်အအုံနှင့် လုံလောက်မှု မရှိတော့သဖြင့် ယခု အသစ်တည်ဆောက်ခဲ့သည့် အလျား ၂၀၀ ပေ၊ အကျယ် ၈၀ ပေရှိ နှစ်ထပ် သံကူကွန်ကရစ် အဆောက်အဦသစ်အား အစိုးရဘတ်ဂျက်ဖြင့် တည်ဆောက်ခဲ့ခြင်း ဖြစ်ကြောင်း သိရသည်။

ကချင်ပြည်နယ် မြို့တော် မြစ်ကြီးနားမြို့၌ တည်ဆောက်ထားသည့် မြစ်ကြီးနား လေယာဉ်ကွင်းသည် ဒုတိယကမ္ဘာစစ်အတွင်းက အမေရိကန်တို့ စတင်တည်ဆောက်ခဲ့သည့် လေယာဉ်ကွင်း တစ်ခုဖြစ်သည်။ မြန်မာနိုင်ငံ လွတ်လပ်ရေး ရရှိပြီးချိန်နောက်ပိုင်းမှ လေကြောင်းပို့ဆောင်ရေး ညွှန်ကြားမှုဦးစီးဌာနမှ ဆက်လက်ပြုပြင်ပြီး F28 ဂျက်လေယာဉ်များ ဆင်းသက်နိုင်အောင် ဆောင်ရွက်ခဲ့ပြီး တိုးချဲ့ပြင်ဆင်မှုများအနေဖြင့် သက်တမ်းကုန်နေသည့် ပြေးလမ်းမျက်နှာပြင်ကို ကျောက်ကတ္တရာ ရေပိတ်လွှာတင်ခြင်း၊ မူလ လေဆိပ်အဆောက်အအုံ (၁၁၇x၄၅) ပေတွင် အရေးကြီးပုဂ္ဂိုလ်ဆောင် တိုးချဲ့တည်ဆောက်ခြင်း၊ မူလလေဆိပ် အဆောက်အဦ အကြီးစားပြုပြင်ခြင်း၊ လေကြောင်းထိန်း မျှော်စင်မြှင့်တင်ခြင်းနှင့် လေဆိပ်ဆိုင်ရာ အခြားဆက်စပ် လုပ်ငန်းများကို ဆောင်ရွက်ခဲ့ကြောင်း သိရသည်။

မန္တလေး-မြစ်ကြီးနား ပျက်စီးခဲ့သောလမ်းပိုင်းကို ပြန်လည်ပြင်ဆင်ခဲ့ပြီး ခရီးစဉ်များ ပုံမှန်အတိုင်း ပြန်လည်ပြေးဆွဲ

နယ်မြေလုံခြုံရေး အခြေအနေအရ မန္တလေး-မြစ်ကြီးနား မီးရထားလမ်းပိုင်း ကချင်ပြည်နယ်အတွင်း အစုန်၊ အဆန်ရထားများကို နံနက် ၆ နာရီမှ ညနေ ၆ နာရီအထိသာ ဖြတ်သန်းခွင့်ပြုမည်ဟူသော သတင်းမှာ မဟုတ်မှန်ဘဲ ပျက်စီးခဲ့သောလမ်းပိုင်းအား ပြန်လည်ပြင်ဆင်မှုများ ပြုလုပ်ခဲ့ပြီး လက်ရှိတွင် ရထားခရီးစဉ်များကို ပုံမှန်အတိုင်း ပြန်လည်ပြေးဆွဲလျက်ရှိကြောင်း မြန်မာ့မီးရထားတိုင်း (၃) မှ သိရသည်။

မန္တလေး-မြစ်ကြီးနား ရထားလမ်းပိုင်းတွင် မေ ၁၅ ရက် ညပိုင်းက မိုင်းရှင်းရထားနှင့် တံတားသုံးစင်းအား မိုင်းခွဲဖျက်ဆီးခံခဲ့ရပြီး မီးရထားလမ်းပိုင်း ပျက်စီးမှုများကြောင့် ခရီးသွားပြည်သူများ လမ်းပိုင်းဘူတာများတွင် ပိတ်မိမှုဖြစ်ခဲ့ကာ မီးရထားခရီးစဉ်များကို ပြေးဆွဲမှု ခေတ္တရပ်ဆိုင်းခဲ့ခြင်းဖြစ်ကြောင်း သိရသည်။

“မြစ်ကြီးနားရထားလမ်းပိုင်းကို မနေ့က နေ့ပိုင်း ၂ နာရီမှာ ပြန်ဖွင့်လိုက်တယ်။ အခု ပုံမှန်အတိုင်းပြေးနေတယ်။ မြစ်ကြီးနားဘက်က ရထားလည်းလာသလို မန္တလေးကရထားလည်း ပုံမှန်အတိုင်းပြေးနေပါတယ်။ ပျက်စီးခဲ့တဲ့ ရထားလမ်းပိုင်းတွေကို မေ ၁၇ ရက် ညနေ ၆ နာရီလောက်မှာ အားလုံးပြင်ဆင်ပြီးသွားခဲ့တယ်။ ဒါကြောင့် မနေ့က မွန်းလွဲ ၂ နာရီကနေစပြီး ပြန်ပြေးနေတယ်။ မြစ်ကြီးနားကနေပြီး ၄၂ အစုန်၊ ၅၆ အစုန်၊ ၅၀ အစုန်ရထားတွေကို မန္တလေးဘက်ကို လွှတ်လိုက်တယ်။ မန္တလေးဘက်ကနေလည်း ပုံမှန်အချိန်တွေအတိုင်း ပြေးဆွဲနေပါတယ်” ဟု မြန်မာမီးရထား မန္တလေးတိုင်းတိုင်းအမှတ် (၃) မှ အထွေထွေမန်နေဂျာက ပြောကြားသည်။

အွန်လိုင်းသတင်းများတွင် မန္တလေး-မြစ်ကြီးနား ရထားလမ်းပိုင်း ကချင်ပြည်နယ်အတွင်း အစုန်၊ အဆန်ရထားများကို နယ်မြေလုံခြုံရေးအခြေအနေအရ နံနက် ၆ နာရီမှ ညနေ ၆ နာရီအတွင်း သွားလာခွင့်ပြုထားကြောင်းနှင့် ရထားစီးခရီးသည်များ ဘေးကင်းလုံခြုံစေရန် လမ်းပိုင်းတွင် ပြေးဆွဲသည့် အစုန်၊ အဆန်ရထားများအနေဖြင့် ညနေ ၆ နာရီတွင် ရောက်ရှိသည့်ဘူတာတွင် ညအိပ်ရပ်နားရမည်ဟု သတင်းများပျံ့နှံ့ခဲ့သော်လည်း ယင်းကဲ့သို့ ကန့်သတ်ထားခြင်းမရှိကြောင်း သိရသည်။

ကချင်ပြည်နယ်အတွင်း မြစ်ကြီးနားလမ်းပိုင်းတွင် မေ ၁၅ ရက်က မိုင်းရှင်းရထားနှင့် တံတားသုံးစင်း မိုင်းခွဲဖျက်စီခံခဲ့ရခြင်းကြောင့် ၄၅ ဒီဂရီတိမ်းစောင်းကာ ဘီးပြုတ်ကျခြင်း၊ လမ်းပိုင်းချော်ကျခြင်းများ ဖြစ်ပေါ်ခဲ့ပြီး မီးရထားလမ်းနှင့် တံတားများပျက်စီးမှု ဖြစ်ပေါ်ခဲ့ခြင်းဖြစ်ကာ ယင်းဖြစ်စဉ်များကြောင့် ရထားစီးနင်းခငွေများ ပြန်အမ်းခြင်းပြုလုပ်ခဲ့ရပြီး ရထားခရီးစဉ်များကို ဖျက်သိမ်းခဲ့ခြင်းများ ပြုလုပ်ခဲ့ခြင်းဖြစ်ကြောင်း သိရသည်။

မြစ်ကြီးနားမြို့ မန်ဝယ် (လိုင်နောင်ခူး) ကျေးရွာမှ ပြည်သူများကို ခေါ်ထုတ်နိုင်ခဲ့ပြီဖြစ်ကြောင်း ပြည်ထောင်စုဝန်ကြီး ပြောကြား

မြစ်ကြီးနားမြို့ နှစ်ခြင်းဘုရားကျောင်းဝင်းအတွင်း ရောက်ရှိနေသော စစ်ဘေးဒုက္ခသည်များအား တွေ့ရစဉ်

မြစ်ကြီးနားမြို့ မန်ဝယ် (လိုင်နောင်ခူး) ကျေးရွာမှ ပြည်သူများကို ခေါ်ထုတ်နိုင်ခဲ့ပြီဖြစ်ကြောင်း ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

ဒေါက်တာဝင်းမြတ်အေးက “အခုခရီးစဉ်က လတ်တလော စစ်ရှောင်တွေအတွက် ဘာတွေခက်ခဲလဲ၊ ဘာတွေကူညီရမလဲပေါ့။ သူတို့သဘောထားတွေ၊ လိုအပ်ချက်တွေလည်း သိခဲ့ရပါတယ်။ ကျန်တဲ့သူတွေကို စိုးရိမ်နေကြတယ်ပေါ့။ အထူးသဖြင့် လုံခြုံရေးပေါ့။ တောင်းဆိုကြတယ်။ ပြည်နယ်အစိုးရနဲ့ တိုင်ပင်ပြီး အခုသွားကြိုနေပြီ။ အခုလုပ်နေတာ မန်ဝယ်ပေါ့။ ၁၅၃ ဦးပေါ့။ ပြည်နယ်ဝန်ကြီးချုပ်နဲ့လည်း ဆွေးနွေးခဲ့ပြီ။ အခုခရီးစဉ်မှာ လူမှုဝန်ထမ်းဦးစီးဌာနက ၃၉၆ သိန်း၊ သဘာဝဘေးအန္တရာယ် လျှော့ချရေး ၃၁၂ သိန်းကျော်ပေါ့။ အားလုံး ၇၀၈ သိန်းကျော်ပါတယ်။ ပိတ်မိနေတယ်ဆိုတဲ့ အခြေအနေတွေနဲ့ ပတ်သက်ပြီး ပြည်ထောင်စုအစိုးရဆီကို တက်လာတယ်။ လက်တွေ့အခြေအနေကို သိဖို့နဲ့ ဖြေရှင်းဆောင်ရွက်ပေးစရာတွေအတွက် ဒီကိုလာတာဖြစ်ပါတယ်။ အစိုးရအဖွဲ့က မန်ဝယ်ကို ရောက်သွားပါပြီ။ အခုပဲ ပြောင်းရွှေ့ဖို့ ဆောင်ရွက်ဖို့လုပ်နေပါပြီ။ သူတို့ကတော့ ကာမိုင်းကို ပြောင်းဖို့လုပ်နေတာပေါ့။ အင်းတော်ကြီးဘက်နေ ထွက်လာကြရမှာပါ။ ကာမိုင်းမြို့ကို ပို့ပေးဖို့လည်း အားလုံးစီစဉ်ထားပါပြီ။ အခုထွက်လာတဲ့သူတွေဟာ တောင်ယာ၊ လယ်လုပ်ငန်း လုပ်ကိုင်သူတွေဖြစ်တဲ့အတွက် နေရပ်လုံခြုံတာနဲ့ ပြန်နိုင်ဖို့ ဆွေးနွေးနေကြပါတယ်။ မနှစ်တုန်းကတော့ လုပ်နိုင်ခဲ့တာတွေ ရှိပါတယ်” ဟုပြောကြားသည်။

ဒေါက်တာဝင်းမြတ်အေးသည် ကချင်ပြည်နယ်သို့ မေ ၅ ရက်မှ ၆ ရက်တွင် ကချင်ပြည်နယ် မြစ်ကြီးနားမြို့နှင့် နမ္မတီးမြို့များရှိ လတ်တလော စစ်ရှောင်သူများကို သွားရောက်ကူညီခဲ့ပြီး လတ်တလောလိုအပ်ချက်များ၊ သဘောထားများနှင့် ဒေသတွင်းအခြေအနေများကိုလည်း မေးမြန်းခဲ့ကြောင်း သိရသည်။

လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက “တိုက်ပွဲရှောင်ပြည်သူအများစုနှင့် ဒီရက်အတွင်း တွေ့ခဲ့တယ်။ သူတို့ရဲ့ဆန္ဒကတော့ တစ်ထပ်တည်းတွေပါပဲ။ ဒီလိုမျိုးမနေချင်ဘူး။ ကိုယ်ဒေသမှာ အေးအေးချမ်းချမ်း နေချင်တယ်။ လုံလုံခြုံခြုံနေချင်တယ်။ ကြောက်နေတဲ့ဘ၀နဲ့ မနေချင်ဘူး။ ကလေးသူငယ်တွေကို သေနတ်သံ၊ ဗုံးသံကြားရင် ကြောက်နေလန့်ကြတယ်။ ဒီထိခိုက်မှုတွေကို ကလေးတွေကို မခံစားချင်ဘူး။ လုံခြုံချင်တယ်။ အဲဒီအတွက် ထာဝရငြိမ်းချမ်းရေးရဖို့ ကြိုးစားနေပါတယ်။ သေနတ်နဲ့ သူနိုင်ကိုယ်နိုင်လုပ်တဲ့ကိစ္စဟာ ခဏပဲငြိမ်မယ်။ ငြိမ်းချမ်းတာ မဟုတ်ဘူး။ ထာဝရငြိမ်းချမ်းရေးက ညှိနှိုင်းမှရတယ်။ ဖြေလျှော့မှရတယ်။ မျက်နှာချင်းဆိုင် ဖြေရှင်းမှရတယ်။ အပေးအယူလုပ်ရတယ်။ သာတူညီမျှလုပ်ရတယ်။ ဒီလမ်းအတိုင်းရောက်အောင် နည်းမျိုးစုံနဲ့ ကြိုးစားနေပါတယ်။ စွန့်လွှတ်ခဲ့တာတွေ၊ ပညာရေး၊ ကျန်းမာရေးတွေ စိုးရိမ်နေတယ်။ အဲဒီအတွက် ရေတိုကတော့ ကျွန်တော်တို့ တာဝန်ခံပါတယ်။ မကြာခင်မှာ နေရပ်ပြန်နိုင်အောင် ကြိုးစားနေတယ်။ နောက်ပြီး ပိတ်နေသူတွေ ကယ်ထုတ်ပေးဖို့ လုပ်နေပါတယ်။ ကချင်ပြည်နယ်အစိုးရအဖွဲ့၊ နိုင်ငံတော်သမ္မတရုံးကနေတစ်ဆင့် သက်ဆိုင်ရာနဲ့ ညှိနှိုင်းပြီးပါပြီ။ ပိတ်မိနေတဲ့သူတွေ ကယ်ထုတ်လို့ရအောင် သက်ဆိုင်ရာ တပ်မတော်ကလည်း ကူညီမယ်ဆိုတဲ့ စကားလည်းရပါပြီ။ ညှိနှိုင်းပြီးပါပြီ။ သံသယဖြစ်ရင်လည်း စောင့်ကြည့်ပါ။ အချိန်အနည်းငယ် ကြန့်ကြာတာကိုလည်း စိတ်ထဲမှာမထားကြပါနဲ့။ ကျွန်တော်တို့ ပြည်သူကို အမြဲတမ်းအလေးထားပါတယ်။ ထောက်ပံ့တာက အားလုံးကို တန်းတူထောက်ပံ့ပါတယ်။ အထူးသဖြင့် သက်ကြီးရွယ်အိုတွေ၊ ကလေးတွေ၊ မသန်စွမ်းနဲ့ ကိုယ်ဝန်ဆောင်မိခင်များကို အနည်းငယ်ပိုပြီး ထောက်ပံ့ထားတာ ရှိပါတယ်” ဟု မြစ်ကြီးနားမြို့ နောင်နန်းထရီနတီဘုရားကျောင်းတွင် ပြောကြားသည်။

ကချင်ပြည်နယ်အစိုးရအဖွဲ့ မေ ၅ ရက်တွင် တနိုင်း (အောင်လောဒ်ကျေးရွာ)၊ ကာမိုင်းဒေသ၊ မန်ဝယ် (လိုင်နောင်ခူး) ကျေးရွာ၊ ရှငေါ်ကျေးရွာ၊ ချီဖွေဒေသများသို့ ကူညီရေးနှင့် ကယ်ဆယ်ရေးအဖွဲ့များ စေလွှတ်ခဲ့ကြောင်း သိရသည်။ ယင်းခရီစဉ်များအနက် အောင်လောဒ်ကျေးရွာမှာ ကျေးရွာသားများမရှိသဖြင့် ကူညီဆောင်ရွက်ပေးနိုင်ခဲ့ခြင်းမရှိဘဲ ကျန်ခရီးစဉ်များအားလုံးမှာ အဆင်ပြေအောင်မြင်ခဲ့ကြောင့် ကချင်ပြည်နယ်အစိုးရအဖွဲ့ လူမှုရေးဝန်ကြီး ဒေါက်တာသင်းလွင်က ဆိုသည်။

ကချင်ပြည်နယ်တွင် ၂၀၁၈ ခုနှစ် ဧပြီလအတွင်း စစ်ရှောင်ပေါင်း ၃၀၀၀ ကျော်ရှိကြောင်း အစိုးရစာရင်းများအရ သိရသည်။ မေ ၁ ရက်စာရင်းအရ မြစ်ကြီးနားမြို့နယ် တီယန်ဇွတ် နှစ်ခြင်းအသင်းတော်တွင် ၁၃၀၊ တန်ဖဲ RC ဘုရားကျောင်းတွင် ၁၀၀၂ ဦး၊ နောင်နန်းထရီနတီ ဘုရားကျောင်းတွင် ၅၁၃ ဦး၊ နမ္မတီးမြို့တွင် ၁၇၃ ဦး၊ ကံလှကျေးရွာတွင် ၈၁ ဦး၊ အောင်လောဒ်ကျေးရွာတွင် ၁၃၆ ဦး၊ နမ္မတီးလမ်းဆုံ ဘုရားကျောင်းနှစ်ခုတွင် ၁၀၄၃ ဦးရှိနေကြောင်း စုစုပေါင်း ၃၀၇၈ ဦးရှိကြောင်း အစိုးရစာရင်းအများအရ သိရသည်။

ဧပြီ ၃၀ ရက်တွင် ကချင်တိုင်းရင်းသားများ လူပေါင်းထောင်နှင့်ချီ၍ တိုက်ပွဲအတွင်း ပိတ်မိနေသူများ ကယ်ဆယ်ရေး လမ်းလျှောက် ဆန္ဒဖော်ထုတ်ခဲ့ကြသည်။ ထိုင်သပိတ်စခန်း ဖွင့်လှစ်ရေးကို အစိုးရအဖွဲ့က တားမြစ်ခဲ့ပြီးနောက် မနောကွင်းတွင် လူငယ်များစုပေါင်းကာ ဆုတောင်းမှုများပြုလုပ်ခဲ့သည်။ မေ ၃ ရက်တွင် ပြည်နယ်အစိုးရရုံး နောက်ကျောတွင် ကချင်လူငယ်တစ်ထောင်ခန့်က တောထဲတွင် ပိတ်မိနေသူများကို အမြန်ဆုံးပြန်လွှတ်ပေးရန် တောင်းဆိုခဲ့သည်။

တံတားမိုင်းခွဲခြင်း၊ ကားမီးရှို့ပြီး ပိတ်ဆို့ခြင်း၊ မြေသားများ ဖြိုချခြင်း ပြုလုပ်ခဲ့သည့် မြစ်ကြီးနား-ဆွမ်ပရာဘွမ်-ပူတာအိုလမ်းပိုင်း ပြန်လည်ပြင်ဆင်မှု ပြီးစီး

တံတားမိုင်းခွဲခြင်း၊ ကားမီးရှို့ပြီး ပိတ်ဆို့ခြင်း၊ မြေသားများ ဖြိုချခြင်း ပြုလုပ်ခဲ့သည့် မြစ်ကြီးနား-ဆွမ်ပရာဘွမ်-ပူတာအို လမ်းပိုင်း ပြန်လည်ပြင်ဆင်မှု ပြီးစီးပြီ ဖြစ်ကြောင်း ကချင်ပြည်နယ်ဝန်ကြီးချုပ် ဒေါက်တာခက်အောင် က မတ် ၃ ရက်တွင် ပြောကြားသည်။

မြစ်ကြီးနား-ဆွမ်ပရာဘွမ်-ပူတာအို လမ်းပိုင်း ပြန်လည်ပြင်ဆင်မှု ပြီးစီးခဲ့သော်လည်း သွားလာနိုင်ရေးအတွက်မှာ မြောက်ပိုင်းတိုင်းစစ်ဌာနချုပ်က လုံခြုံရေးအရ ခွင့်ပြုမှသာ စတင်သွားလာနိုင်မည် ဖြစ်ကြောင်း၊ ယခင်အတိုင်း မဖြစ်သေးသော်လည်း ဆိုင်ကယ်နှင့် ကားများ သွားလာနိုင်သည့် အခြေအနေဖြစ်ကြောင်း ၀န်ကြီးချုပ်က ဆိုသည်။

ဝန်ကြီးချုပ် ဒေါက်တာ ခက်အောင်က “ပြီးတာတော့ လွန်ခဲ့တဲ့ရက်က ဖြစ်မယ်။ ကျွန်တော့်ဆီတော့ ဒီနေ့ မတ် ၃ ရက်မှ စာဝင်တယ်။ ပြီးစီးသွားပေမယ့် အရင်လိုတော့ ဘယ်ဟုတ်မလဲ။ လုံခြုံရေးအရ မြောက်ပိုင်းတိုင်းက ခွင့်ပြုရင် သွားလို့ရပါပြီ။ ဆိုင်ကယ်နဲ့က အလုပ်မဖြစ်တော့ ကားသွားနိုင်အောင် လုပ်ဆောင်နေပါတယ်။ သွားလာလို့ ရအောင်ပေါ့။ ပူတာအိုဘက်မှာ ၀န်ထမ်းတွေရော၊ ဒေသခံတွေအတွက်ရော စားနပ်ရိက္ခာတွေ မခက်ခဲအောင် လုပ်ရမှာပါ။ ညှိနှိုင်း ဆောင်ရွက်ခဲ့တာတော့ အများကြီးပေါ့”ဟု ပြောကြားသည်။

ကျပ် ၃၇ ဘီလျံ ရင်းနှီး ဆောက်လုပ်နေသည့် မြစ်ကြီးနား-ပူတာအို ပြည်ထောင်စုလမ်းမပေါ်တွင် ကေအိုင်အေ လက်နက်ကိုင်တစ်စုက တံတားတစ်စင်းကို ဇန်န၀ါရီ ၂၈ ရက်တွင် ဖျက်ဆီးခဲ့ပြီးနောက် လုပ်ငန်းအားလုံး ပြန်ရုပ်သိမ်းခဲ့သည်။ ယင်းလုပ်ငန်းတွင် လုပ်ငန်းဆိုက်အလိုက် ကုမ္ပဏီပေါင်း ၁၀ ခုရှိပြီး အလုပ်သမား ၂၀၀၀ ၀န်းကျင် အသုံးပြု လည်ပတ်နေကြောင်း၊ လုပ်ငန်းအတွက် လုံခြုံရေး အခြေအနေများကြောင့် လုပ်ငန်းဆိုက်အားလုံး ရပ်နားကာ မြစ်ကြီးနား၊ ဆွမ်ပရာဘွမ်၊ ပူတာအိုမြို့များသို့ စက်ယန္တရားများနှင့် လူများ တိမ်းရှောင်နေထိုင်ရန် ထုတ်ပြန်ခဲ့သည်။

ပူတာအိုဒေသတွင်လည်း ရိက္ခာများ ပြတ်တောက်ကာ ဒေသထွက် မဟုတ်သည့် စားသောက်ကုန် ပစ္စည်းများ ငါးဆမှ ခုနစ်ဆအထိ တက်သွားပြီး လမ်းပိုင်း ပြတ်တောက်ကာ ရိက္ခာပြတ်လပ်မှုကြောင့် ပူတာအိုဒေသခံ ရာနှင့်ချီ ဆန္ဒပြမှု ဖေဖော်ဝါရီ ၁၃ ရက်က ဖြစ်ပေါ်ခဲ့သည်။

လမ်းဦးစီးဌာနမှ ဦးစီးမှူး ဦးဝင်းမြင့်ဦးက “လမ်းက ပွင့်သွားပြီ။ မြစ်ကြီးနားမြို့နယ် အတွင်းကျတဲ့ တီယန်ဇွတ်အထိ ကုမ္ပဏီ ခြောက်ခုလောက်က လုပ်ငန်းပုံမှန် လည်ပတ်နေတယ်၊၊ ဆွမ်ပရာဘွမ်မြို့နယ်အတွင်းနဲ့ ပူတာအိုမြို့နယ်အတွင်း လမ်းကြောင်းမှာ လမ်းအထူးအဖွဲ့(၁)နဲ့ ပူတာအိုမြို့ပေါ်မှာ အလုပ်သမား ၂၀၀ လောက်ကို တင်ကျွေးထားတဲ့ လင်းနှစ်တိုးအောင်ကုမ္ပဏီပဲ လုပ်ငန်းစနိုင်သေးတယ်။ ကျွန်တော်တို့ အမြန်ဆုံး ပြန်ဆင်းကြဖို့ နှိုးဆော်နေတယ်။ လုပ်ဖို့လည်း ပြင်နေကြပါပြီ။ လုပ်သားတွေ နေရပ်ပြန်သွားကြတော့ လုပ်သားတွေ စုရတယ်။ နောက်ပြီး လောင်စာတွေ၊ ကုန်ကြမ်းတွေ စုနေကြတယ်”ဟု ပြောကြားသည်။

ကချင်တိုင်းရင်းသား လက်နက်ကိုင်အဖွဲ့ KIA က ဖျက်ဆီးခဲ့သော မြစ်ကြီးနား-ဆွမ်ပရာဘွမ်-ပူတာအို လမ်းပိုင်းကို လျင်မြန်စွာ ပြုပြင်ပေးနိုင်ရေး ကချင်ပြည်နယ် လွှတ်တော်တွင် အရေးကြီးအဆိုကို ဖေဖော်ဝါရီ ၇ ရက်က တင်သွင်းခဲ့သည်။ ယင်းလမ်းပိုင်း ပြန်လည် ဖွင့်လှစ်နိုင်ရေးအတွက် မြောက်ပိုင်းတိုင်း စစ်ဌာနချုပ်၊ ကချင်ပြည်နယ် အစိုးရအဖွဲ့၊ ကေအိုင်အို/ကေအိုင်အေ ဗဟိုအဖွဲ့များက ငြိမ်းချမ်းရေး အကျိုးဆောင်အဖွဲ့ကို ကြားခံ၍ ဆွေးနွေးမှုများရှိခဲ့ပြီး ဖေဖော်ဝါရီ ၂၁ ရက်တွင် နောက်ဆုံးဆွေးနွေးခြင်းများ ရှိခဲ့ကြောင်း သိရသည်။ ကချင်ပြည်နယ် အစိုးရအဖွဲ့က ဆန်အိတ် ၅၆၀၊ ဆီပိဿာ ၁၀၀ နှင့် အခြား ရိက္ခာခြောက်များကို ဖေဖော်ဝါရီ ၂၈ ရက်နှင့် မတ် ၁ ရက်က ပို့ဆောင်ခဲ့သည်။

ပူတာအိုခရိုင်တွင် မြို့နယ် ခြောက်မြို့နယ်ရှိပြီး ၂၀၁၄ သန်းခေါင်စာရင်းအရ ၉၁၂၅၇ ဦး နေထိုင်ကြောင်း သိရပြီး လမ်းပန်းဆက်သွယ်ရေး ခက်ခဲခြင်း၊ ဖွံ့ဖြိုးမှု အားနည်းခြင်း စသည့် အခြေအနေများကြောင့် မြန်မာနိုင်ငံတွင် တစ်နှစ်အောက် ကလေးသေဆုံးနှုန်း အမြင့်ဆုံးခရိုင် တစ်ခုဖြစ်ကြောင်း သိရသည်။

မြစ်ကြီးနား-ဆွမ်ပရာဘွမ်-ပူတာအို လမ်းပိုင်းကိစ္စ အစိုးရ၊ တပ်မတော်နှင့် ကေအိုင်အေအဖွဲ့ ညှိနှိုင်း

ဇန်န၀ါရီ ၂၈ ရက်က ကေအိုင်အေ လက်နက်ကိုင်အဖွဲ့ မီးရှို့ခဲ့သည့် ရွာအချို့နှင့် လမ်းလုပ်သားများ နေရပ်ပြန်ရန်ပြင်ဆင်နေစဉ်

မြစ်ကြီးနား-ဆွမ်ပရာဘွမ်-ပူတာအို လမ်းပိုင်းကိစ္စ အစိုးရ၊ တပ်မတော်နှင့် ကေအိုင်အေအဖွဲ့ ညှိနှိုင်းနေကြောင်း သတင်းရရှိသည်။

KIO/KIA အဖွဲ့က ထိုးစစ်များ လျှော့ချရေးကို ဦးတည်ရန် အကြောင်းပြန်ခဲ့ကြောင်း သိရပြီး မြောက်ပိုင်းတိုင်း စစ်ဌာနချုပ်က အကြောင်းပြန်ကြားသေးခြင်း မရှိကြောင်း မြစ်ကြီးနားအခြေစိုက် ငြိမ်းချမ်းရေးအကျိုး ဆောင်အဖွဲ့က ဆိုသည်။

ငြိမ်းချမ်းရေးအကျိုးဆောင်အဖွဲ့မှ ဦးဆန်းအောင်က “ပူတာအို လမ်းပိုင်းကိစ္စရပ်နဲ့ ပတ်သက်ပြီး အစိုးရအဖွဲ့၊ မြောက်ပိုင်းတိုင်း စစ်ဌာချုပ်ကို KIO/KIA ဗဟိုအဖွဲ့က အကြောင်းပြန်ထားပါပြီ။ အားလုံး ညှိနှိုင်းနေဆဲပဲလို့ပဲ ပြောချင်ပါတယ်။ ညှိနှိုင်းနေဆဲဖြစ်လို့ ပြောလို့ မကောင်းပါဘူး။ ပါတဲ့အချက်တွေတော့ သုံးလေးချက်လောက် ရှိပါတယ်။ ထိုးစစ်တွေ လျှော့ဖို့ကိစ္စလိုမျိုးတွေပေါ့”ဟု ပြောကြားသည်။

ကချင်ပြည်နယ် ၀န်ကြီးချုပ် ဒေါက်တာ ခက်အောင်က ပူတာအိုဒေသသို့ ဆန်အထောက်အပံ့များ ပေးအပ်ရန် သက်ဆိုင်ရာ ဌာနများနှင့် ညှိနှိုင်းနေကြောင်း၊ မြစ်ကြီးနား -ဆွမ်ပရာဘွမ်-ပူတာအိုလမ်းပိုင်းကိစ္စရပ်များကို သက်ဆိုင်ရာဌာန အသီးသီးနှင့် ညှိနှိုင်း တိုင်ပင်နေကြောင်း ဖေဖော်ရီ ၁၄ ရက် က ပြောကြားသည်။

ကချင်ပြည်နယ် အစိုးရအဖွဲ့ဝန်ကြီးချုပ် ဒေါက်တာခက်အောင်နှင့် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး သူရမျိုးတင် ဦးဆောင်သောအဖွဲ့နှင့် ငြိမ်းချမ်းရေး အကျိုးဆောင်အဖွဲ့တို့ ဖေဖော်ဝါရီ ၆ ရက်က ကချင်ပြည်နယ် အစိုးရအဖွဲ့ရုံးတွင် သီးခြားတွေ့ဆုံပြီး မြစ်ကြီးနား-ဆွမ်ပရာဘွမ်-ပူတာ အိုလမ်းပိုင်းကိစ္စ သီးခြားဆွေးနွေးခဲ့ပြီးနောက် KIO/KIA ဗဟိုအဖွဲ့ စာပေးညှိနှိုင်းခဲ့ကြောင်း သိရသည်။

ကျပ် ၃၇ ဘီလျံ ရင်းနှီးဆောက်လုပ်နေသည့် မြစ်ကြီးနား-ပူတာအို ပြည်ထောင်စု လမ်းမပေါ်တွင် ကေအိုင်အေလက်နက်ကိုင် တစ်စုက တံတားတစ်စင်းကို ဇန်န၀ါရီ ၂၈ ရက်တွင် ဖျက်ဆီးခဲ့ပြီး လမ်းကြောင်းများကို ဘက်ဟိုးဖြင့် ယာဉ်များ သွားမရအောင် လုပ်ထားခြင်း၊ ယာဉ်ကြီးများကို လမ်းမပေါ်တွင် မီးရှို့ဖျက်ဆီးထားခြင်း စသည့် လုပ်ဆောင်ချက်များကြောင့် လုပ်ငန်းအားလုံး ပြန်လည် ရုပ်သိမ်းခဲ့ရခြင်း ဖြစ်သည်။

ဇန်န၀ါရီ ၂၈ ရက်က ကေအိုင်အေ လက်နက်ကိုင်အဖွဲ့ မီးရှို့ခဲ့သည့် ရွာအချို့နှင့် လမ်းလုပ်သားများ နေရပ်ပြန်ရန်ပြင်ဆင်နေစဉ်

တိုင်းရင်းသား လက်နက်ကိုင်အဖွဲ့အစည်းက ဖျက်ဆီးခဲ့သော မြစ်ကြီးနား-ဆွမ်ပရာဘွမ်-ပူတာအိုလမ်းပိုင်းကို လျင်မြန်စွာ ပြုပြင်ပေးနိုင်ရေး ကချင်ပြည်နယ် လွှတ်တော်တွင် အရေးကြီးအဆို ဖေဖော်ဝါရီ ၇ ရက်က တင်သွင်းခဲ့သည်။ လမ်းပိုင်း ပြတ်တောက်ပြီး ရိက္ခာပြတ်လပ်မှုကြောင့် ပူတာအိုဒေသခံ ရာနှင့်ချီဆန္ဒပြမှု ဖေဖော်ဝါရီ ၁၃ ရက်က ဆန္ဒပြမှု ဖြစ်ပေါ်ခဲ့သည်။

ယင်းဆန္ဒဖော်ထုတ်မှုကို ရ၀မ်၊ လီဆူ၊ ဂျိန်းဖော စသည့် စာပေနှင့် ယဉ်ကျေးမှုခေါင်းဆောင်များက ဦးဆောင်ခဲ့ပြီး ငြိမ်းချမ်းရေး အမြန်တည်ဆောက်ပါ။ စက်ယန္တရားများ ဖျက်ဆီးခြင်း ချက်ချင်းရပ်၊ စစ်ရေးကို အကြောင်းပြပြီး ဈေးတင်ရောင်းချမှု မလိုလား၊ လမ်းတံတား ဖျက်ဆီးသူ တို့ရန်သူ၊ လူထုဆန္ဒ သဘောထား အောင်ရမည်၊ ပြည်ထောင်စုမပြိုကွဲရေး တို့အရေး၊ တိုင်းရင်းသား စည်းလုံးညီညွတ်မှု မပြိုကွဲရေး တို့အရေး၊ အချုပ်အခြာအာဏာ တည်တံ့ခိုင်မြဲရေး တို့အရေး စသည့် ကြွေးကြော်သံများဖြင့် လမ်းလျှောက် ဆန္ဒပြခဲ့ခြင်းဖြစ်ကြောင်း သိရသည်။

ကချင်ပြည်နယ်အစိုးရအဖွဲ့က ပူတာအိုဒေသသို့ ဆန်အိတ်များ အကူအညီပေးရန် စီစဉ်နေကြောင်း ကချင်ပြည်နယ်အစိုးရအဖွဲ့ဝင် လူမှုရေးဝန်ကြီး ဒေါက်တာသင်းလွင်က ဆိုသည်။

ကချင်တိုင်းရင်းသား လက်နက်ကိုင်အဖွဲ့ KIA က ဖျက်ဆီးခဲ့သော မြစ်ကြီးနား-ဆွမ်ပရာဘွမ်-ပူတာအိုလမ်းပိုင်းကို လျင်မြန်စွာ ပြုပြင်ပေးနိုင်ရေး ကချင်ပြည်နယ်လွှတ်တော်တွင် အရေးကြီးအဆိုကို ဖေဖော်ဝါရီ ၇ ရက် က တင်သွင်းခဲ့သည်။

အဆိုရှင်ဖြစ်သူ ဦးခန်လင်က ပူတာအိုခရိုင်သည် မြန်မာနိုင်ငံ မြောက်ဘက်အကျဆုံး ခရိုင်ဖြစ်ပြီး ဖွံ့ဖြိုးမှု အနည်းဆုံး ခရိုင်တစ်ခု ဖြစ်ပါကြောင်း၊ ပူတာအိုမြို့သို့ ကုန်းကြောင်း၊ လေကြောင်း သွားလာနိုင်သော်လည်း ကုန်စည်အတွက် မြစ်ကြီးနား-ဆွမ်ပရာဘွမ်-ပူ တာအိုလမ်းကြောင်းကို အဓိကအသုံးပြုနေရခြင်း ဖြစ်ကြောင်း၊ ဇန်န၀ါရီ ၂၈ ရက်မှ ၃၀ ရက်အတွင်း ကေအိုင်အေ လက်နက်ကိုင်အဖွဲ့က ဆွမ်ပရာဘွမ်မြို့နယ်အပိုင်းတွင် ဆီနင် ခတံတားနှင့် လမ်းပိုင်း နှစ်နေရာကို ဖျက်ဆီးခဲ့ပြီး မော်တော်ယာဉ်များ သွားလာမရ ဖြစ်လာခဲ့ကြောင်း၊ လမ်းလုပ်သားများ ထွက်ပြေးတိမ်းရှောင်နေရကြောင်း၊ ဒုက္ခရောက်ကြသည်မှာ လမ်းလုပ်သားများသာမက ပူတာအို ခရိုင်အတွင်းရှိ ၀န်ထမ်းများ၊ ဒေသခံပြည်သူများ ဖြစ်ပါကြောင်း၊ ဓာတ်ဆီတစ်ပုံးကို ကျပ်တစ်ထောင်မှ သုံးထောင်အထက် တက်သွားကြောင်း၊ ဆန် နို့ဆီသုံးဘူး တစ်ထောင်ကျပ်အထိ ဈေးတက်လာကြောင်း၊ ယခုအဖြစ်ဆိုးကြောင့် လောင်စာဆီ ပြတ်လပ်ခြင်း၊ ကုန်ဈေးနှုန်းကြီးမြင့်ခြင်း၊ ကုန်စည်ပြတ်လပ်ခြင်းများကို ကြုံတွေ့နေရပြီဖြစ်ကြောင်း၊ ထို့ကြောင့် လမ်းပိုင်းကို ဆောလျင်စွာ ပြုပြင်ခြင်းပြုလုပ်ပြီး လုံခြုံရေးတာဝန်များကို အပြည့်အ၀ ချထားစေလိုပါကြောင်း၊ ထို့ကြောင့် ယခုအဆိုကို တင်သွင်းခဲ့ခြင်းဖြစ်ကြောင်း လွှတ်တော်တွင် တင်ပြခဲ့ခြင်းဖြစ်သည်။

တိုင်းရင်းသား လက်နက်ကိုင်အဖွဲ့အစည်းက ဖျက်ဆီးခဲ့သော မြစ်ကြီးနား-ဆွမ်ပရာဘွမ်-ပူတာအို လမ်းပိုင်းကို လျင်မြန်စွာ ပြုပြင်ပေးနိုင်ရေး ကချင်ပြည်နယ်လွှတ်တော်တွင် အရေးကြီးအဆို တင်သွင်း

ဖေဖော်ဝါရီ ၇ ရက်က ကျင်းပသည့် ကချင်ပြည်နယ်လွှတ်တော်အား တွေ့ရစဉ်

တိုင်းရင်းသား လက်နက်ကိုင်အဖွဲ့အစည်းက ဖျက်ဆီးခဲ့သော မြစ်ကြီးနား-ဆွမ်ပရာဘွမ်-ပူတာအို လမ်းပိုင်းကို လျင်မြန်စွာ ပြုပြင်ပေးနိုင်ရေး ကချင်ပြည်နယ် လွှတ်တော်တွင် အရေးကြီးအဆိုကို ဖေဖော်ဝါရီ ၇ ရက်က တင်သွင်းခဲ့ကြောင်း သိရသည်။

ယင်းအဆိုကို ပူတာအိုမြို့နယ် မဲဆန္ဒနယ်အမှတ် (၂) မှ ပြည်နယ်လွှတ်တော်ကိုယ်စားလှယ် ဦးဒိန်ခန်ဖုန် (ခ) ဦးခန်လင်က တင်းသွင်းခဲ့ခြင်းဖြစ်ပြီး “ပူတာအိုခရိုင်အတွင်း တစ်ခုတည်းသော ကုန်စည်စီးဆင်းသည့်လမ်း ဖြစ်သည့် မြစ်ကြီးနား-ဆွမ်ပရာဘွမ်-ပူတာအို ပြည်ထောင်စုလမ်းမကြီးတွင် တိုင်းရင်းသား လက်နက်ကိုင် အဖွဲ့အစည်းတစ်ခုက ဖျက်ဆီးခဲ့သော လမ်းပိုင်းကို ဆောလျင်စွာ ပြုပြင်ပေးနိုင်ရေးနှင့် ယာဉ်များသွားလာနိုင်ရေး စီမံဆောင်ရွက်ပေးပါရန် ပြည်နယ်အစိုးရနှင့် ပြည်ထောင်စု အစိုးရအဖွဲ့အား တိုက်တွန်းကြောင်း” ခေါင်းစဉ်ဖြင့် အရေးကြီးအဆို တင်သွင်းခဲ့ခြင်း ဖြစ်သည်။

အဆိုရှင်ဖြစ်သူ ဦးခန်လင်က ပူတာအိုခရိုင်သည် မြန်မာနိုင်ငံ မြောက်ဘက်အကျဆုံးခရိုင်ဖြစ်ပြီး ဖွံ့ဖြိုးမှုအနည်းဆုံး ခရိုင်တစ်ခု ဖြစ်ပါကြောင်း၊ ပူတာအိုမြို့သို ကုန်းကြောင်း၊ လေကြောင်းဖြင့် သွားလာနိုင်သော်လည်း ကုန်စည်အတွက် မြစ်ကြီးနား-ဆွမ်ပရာဘွမ်-ပူတာအို လမ်းကြောင်းကို အဓိက အသုံးပြုနေရခြင်း ဖြစ်ကြောင်း၊ ဇန်န၀ါရီ ၂၈ ရက်မှ ၃၀ ရက်အတွင်း ကေအိုင်အေ လက်နက်ကိုင်အဖွဲ့က ဆွမ်ပရာဘွမ်မြို့နယ်အပိုင်းတွင် ဆီနင်ခတံတားနှင့် လမ်းပိုင်းနှစ်နေရာကို ဖျက်ဆီးခဲ့ပြီး မော်တော်ယာဉ်များ သွားလာမရ ဖြစ်လာခဲ့ပါကြောင်း၊ လမ်းလုပ်သားများ ထွက်ပြေးတိမ်းရှောင်နေရကြောင်း၊ ဒုက္ခရောက်ကြသည်မှာ လမ်းလုပ်သားများသာမက ပူတာအိုခရိုင်အတွင်းရှိ ၀န်ထမ်းများ၊ ဒေသခံပြည်သူများ ဖြစ်ပါကြောင်း၊ ဓာတ်ဆီ တစ်ပုလင်းကို ကျပ် ၁၀၀၀ မှ ၃၀၀၀ အထက် တက်သွားကြောင်း၊ ဆန်နို့ဆီသုံးဘူး ၁၀၀၀ ကျပ်အထိ ဈေးတက်လာကြောင်း၊ ယခုအဖြစ်ဆိုးကြောင့် လောင်စာဆီ ပြတ်လပ်ခြင်း၊ ကုန်ဈေးနှုန်းကြီးမြင့်ခြင်း၊ ကုန်စည်ပြတ်လပ်ခြင်းများ ကြုံတွေ့နေရပြီဖြစ်ကြောင်း၊ ထို့ကြောင့် လမ်းပိုင်းကို ဆောလျင်စွာ ပြုပြင်ခြင်းပြုလုပ်ပြီး လုံခြုံရေးတာဝန်များကို အပြည့်အ၀ ချထားစေလိုပါကြောင်း၊ ထို့ကြောင့် ယခုအဆိုကို တင်သွင်းခဲ့ခြင်းဖြစ်ကြောင်း လွှတ်တော်သို့ တင်ပြခဲ့သည်။

ယင်းအဆိုနှင့် စပ်လျဉ်း၍ လမ်းလုပ်သားများ၏ လုံခြုံရေးအခြေအနေကို အကြောင်းပြုကာ ကန့်ကွက်သူ လွှတ်တော်ကိုယ်စားလှယ် တစ်ဦးရှိသဖြင့် အဆိုကို ဆွေးနွေးရန် မဲခွဲဆုံးဖြတ်ရာ လွှတ်တော်ကိုယ်စားလှယ် ၉၈ ရာခိုင်နှုန်းက ထောက်ခံသဖြင့် ဆက်လက် ဆွေးနွေးခဲ့ကြောင်း သိရသည်။

နောင်မွန်မြို့နယ် မဲဆန္ဒနယ်အမှတ် (၁) မှ ပြည်နယ် လွှတ်တော်ကိုယ်စားလှယ် ဦးချန်တန်ခင်က ဈေးတွေက တံတားတွေ ကျိုးပြီးတာနဲ့ နေ့ချင်းတက်သွားတာ ဖြစ်ပါတယ်။ ဘာကြောင့်လဲဆိုရင် ပူတာအိုမှာ ကုန်စည်အပိုမရှိလို့ ဖြစ်ပါတယ်။ ပြည်နယ်အစိုးရအဖွဲ့က ပူတာအိုလမ်းပိုင်းမှာ အသုံးပြုနေကျ သရီးဂရောင်း ကုန်ကားများကို မြစ်ကြီးနား-ပူတာအိုလမ်းပိုင်းမှာ အသုံးမပြုရတော့ ကုန်ပစ္စည်းတွေ မလှောင်နိုင်တာ ဖြစ်ပါတယ်။ ပြည်နယ်အစိုးရနဲ့ ပြည်ထောင်စုအစိုးရအဖွဲ့က အကောင်အထည်ဖော်နေတဲ့ လုပ်ငန်းတွေ အားလုံးလည်း ရပ်ဆိုင်းဖို့ရှိနေပါတယ်။ အစိုးရ၀န်ထမ်းတွေဟာ ကုန်ဈေးနှုန်းတွေ ဒီလောက်ကြီးနေရင် အခုအခြေအနေအရ ဆန်၊ ဆီ၊ ဆား ဈေးနှုန်းကြောင့် ဘယ်ဝန်ထမ်းမှ ကျန်မှာမဟုတ်ပါဘူး။ ဒီလိုဖြစ်မှန်းသိလျက်နဲ့ ရည်ရွယ်ချက်ရှိရှိ လုပ်ရပ်ကတော့ ဘယ်အဖွဲ့အစည်းဖြစ်ဖြစ် ရှုတ်ချပါတယ်။ အဆိုကိုလည်း အလေးအနက် ထောက်ခံပါတယ်”ဟု ပြောကြားသည်။

ကချင်ပြည်နယ် လီဆူတိုင်းရင်းသားရေးရာဝန်ကြီးက လတ်တလော အခြေအနေများနှင့် ပတ်သက်၍ အရေးကြီးသည့် ဆန်၊ ဆီ၊ ဆား ဈေးမတက်စေရေးအတွက် ပြည်နယ်အစိုးရနှင့် ပြည်ထောင်စုအစိုးရတွင် တာဝန်ရှိပြီး ရက်ပိုင်းအတွင်း လေကြောင်းအကူအညီဖြင့် ဖြေရှင်းပေးနိုင်ရန် တိုက်တွန်းခဲ့သည်။

ဆွမ်ပရာဘွမ်မြို့နယ်နှင့် အင်ဂျန်းယန်မြို့နယ်မှ လွှတ်တော်ကိုယ်စားလှယ်များက ငြိမ်းချမ်းရေး အကျိုးဆောင်အဖွဲ့များကဲ့သို့သော အဖွဲ့များနှင့် ပူးပေါင်း ဆောင်ရွက်စေလိုကြောင်း၊ နိုင်ငံရေးပြဿနာကို နိုင်ငံရေးနည်းလမ်းဖြင့် ဖြေရှင်းရန် လိုအပ်နေကြောင်း၊ ရေရှည်ပြဿနာများကို မဖြေရှင်း ဆက်လက်ပြုလုပ်ပါက အခက်အခဲများ ကြုံတွေ့နေရဦးမည် ဖြစ်ကြောင်း ပြောကြားသည်။

ယင်းအဆိုကို လွှတ်တော်ကိုယ်စားလှယ် ခုနစ်ဦးက ဆွေးနွေးခဲ့ကြပြီး လုံခြုံရေးနှင့် စပ်လျဉ်း၍ ကချင်ပြည်နယ်အစိုးရအဖွဲ့ လုံခြုံရေး နှင့် နယ်စပ်ရေးရာဝန်ကြီး ဗိုလ်မှူးကြီး သူရမျိုးတင်က ရှင်းလင်းခဲ့သည်။

၎င်းက “အဆိုတွင် အကြောင်းအရာနှစ်ခုကို တွေ့ရပါတယ်။ လမ်းပိုင်းပြန်လည် တည်ဆောက်ရေးနဲ့ လုံခြုံရေးပြည့်ဝရေး ဖြစ်ပါတယ်။ လမ်းပိုင်းတည်ဆောက်ရေး အနေဖြင့် မိမိ မပြောနိုင်သော်လည်း လုံခြုံရေးအနေဖြင့် ဆောင်ရွက်နေပြီ ဖြစ်ပါတယ်။ နောက်ခံအကြောင်းတရားတွေ ဘယ်လိုဖြစ်ဖြစ် ပူတာအိုခရိုင်ဟာ ပြည်နယ်ရဲ့ အစိတ်အပိုင်း၊ နိုင်ငံရဲ့ အစိတ်အပိုင်းဖြစ်ပါတယ်။ အများပြည်သူ ဒုက္ခရောက်ပြီး အဓိက လမ်းမပိုင်းမှာ လုံလုံခြုံခြုံမသွားနိုင်တာကို လုံးဝလက်မခံနိုင်ပါဘူး။ ဖေဖော်ဝါရီ ၆ ရက်တွင် ကချင်ပြည်နယ်ဝန်ကြီးချုပ်နှင့် မိမိအပါအ၀င် ငြိမ်းချမ်းရေး အကျိုးဆောင်အဖွဲ့တွေနဲ့ ပြည်နယ်ဝန်ကြီးချုပ် လမ်းညွှန်ချက်နဲ့ ယင်းကိစ္စရပ်များ ဆွေးနွေးခဲ့ပါတယ်။ လျှို့ဝှက်ကိစ္စရပ်များ ပါဝင်သဖြင့် မပြောသင့်တာပါ ရှိနေပါတယ်။ ဖေဖော်ဝါရီ ၇ ရက် ညနေပိုင်းမှာလည်း မိမိနှင့် ပြည်နယ်အစိုးရအဖွဲ့က လမ်းပန်းဆက်သွယ်ရေး၊ လျှပ်စစ်နှင့် စက်မှုလက်မှုဝန်ကြီးကိုလည်း မြောက်ပိုင်းတိုင်း စစ်ဌာချုပ်မှာတွေ့ဆုံကြဖို့ ခေါ်ထားတာ ရှိပါတယ်။ အုပ်ချုပ်မှုယန္တရားကိုတော့ ပျက်ပြားမခံနိုင်ပါဘူး။ အမြန်ဆုံး ဆောင်ရွက်သွားမယ် ဆိုတာလည်း ကတိပြုပြောကြားလိုပါတယ်။ အဆိုရှင်ရဲ့အဆိုအရ ယခုထက် ပိုမိုလုံခြုံစွာ ဆောင်ရွက်ပေးဖို့ ရှိပါတယ်။ ကျန်တဲ့ အခက်အခဲတွေကိုလည်း လုံးဝ လက်ခံမှာ မဟုတ်ပါဘူး”ဟု လွှတ်တော်သို့ တင်ပြခဲ့သည်။

ယင်းအဆိုနှင့် စပ်လျဉ်း၍ အဆိုရှင်၏ သဘောထားရယူရာ အဆိုရှင်က မှတ်တမ်းအဖြစ်သာ တင်စေလိုကြောင်း ဖြေကြားသဖြင့် လွှတ်တော်၏ သဘောထားရယူပြီး မှတ်တမ်းအဖြစ် ထားရှိခဲ့သည်။

ကျပ် ၃၇ ဘီလျံ ရင်းနှီးဆောက်လုပ်နေသည့်  မြစ်ကြီးနား-ပူတာအို ပြည်ထောင်စု လမ်းမပေါ်ရှိ တံတားတစ်စင်းကို ကေအိုင်အေက ဖျက်ဆီးခဲ့သည် ဟုဆိုကာ လုပ်ငန်းအားလုံး ပြန်ရုပ်သိမ်း

ကျပ်ဘီလျံ ၃၇ ဘီလျံ ရင်းနှီးဆောက်လုပ်နေသည့်  မြစ်ကြီးနား-ပူတာအို ပြည်ထောင်စု လမ်းမပေါ်တွင် ကေအိုင်အေက တံတားတစ်စင်းကို ဇန်န၀ါရီ ၂၈ ရက်တွင် ဖျက်ဆီးခဲ့သည် ဟုဆိုကာ လုပ်ငန်းအားလုံး ပြန်ရုပ်သိမ်းခဲ့ကြောင်း ကချင်ပြည်နယ် လမ်းဦးစီးဌာနမှ သိရသည်။

ယင်းလုပ်ငန်းတွင် လုပ်ငန်းဆိုက်အလိုက် ကုမ္ပဏီပေါင်း ၁၀ ခုရှိပြီး အလုပ်သမား ၂၀၀၀ ၀န်းကျင်ခန့် အသုံးပြု လည်ပတ်နေကြောင်း၊ လုံခြုံရေး အခြေအနေများကြောင့် လုပ်ငန်းအားလုံး ရပ်နားကာ မြစ်ကြီးနား၊ ဆွမ်ပရာဘွမ်၊ ပူတာအိုမြို့များသို့ စက်ယန္တရားများနှင့် လူများတိမ်းရှောင်နေထိုင်ရန် ထုတ်ပြန်ထားကြောင်း သိရသည်။

လမ်းဦးစီးဌာနမှ ဦးစီးမှူး ဦးဝင်းမြင့်ဦးက “မနေ့က ပျက်သွားတာက ၆/၁၁၁ တံတားကို ကရိန်းမီးရှို့ပြီး ပိတ်ထားခဲ့တယ်။၂/၁၁၀ ကို တော့ ၂၅ ပေလောက် ဘက်ဟိုးနဲ့ဖြိုသွားတယ်။ ဘက်ဟိုးကို မီးရှို့ပြီး ကန့်လန့်လုပ်ထားခဲ့တယ်။ ၀န်ထမ်းတွေ အလုပ်သမားတွေကိုတော့ ဘာမှမလုပ်သွားဘူး။ အခုအချိန်မှာတော့ လုံခြုံရေး အခြေအနေအရ လုပ်ငန်းအားလုံး ရပ်နားခိုင်းပြီး မြစ်ကြီးနား၊ ဆွမ်ပရာဘွမ်၊ ပူတာအိုမြို့တွေပေါ်ကို တိမ်းရှောင်ကြဖို့ စာထုတ်ထားပါတယ်။ ကုမ္ပဏီက ၁၀ ခုရှိတယ်။ တခြားလုပ်ငန်း ဆိုက်တွေပါဆိုရင် ရွှေ့ပြောင်းအလုပ်သမား ၂၀၀၀ ၀န်းကျင်ရှိမယ်။၂၀၁၇-၁၈ ဘဏ္ဍာနှစ်မှာ ကျပ်ဘီလျံ ပြည်ထောင်စု၊ ပြည်နယ် ၃၇ ဘီလျံရှိပါတယ်။ အခုယူဆချက် အရ ၅၀ ရာခိုင်နှုန်း အထက်တော့ လုပ်ငန်းပြီးစီးပြီလို့ မှန်းတယ်။ လုံခြုံရေး မရှိတော့ ကျွန်တော်တို့လည်း ဘာမှဆက်သွားလို့ မရဘူးလေ။ တံတားကတော့ ၂၅ ပေဆိုရင် ပြင်ရင် တစ်ပတ်ဝန်းကျင်ပဲ ကြာမှာပါ။ ဒါပေမဲ့ နယ်မြေအခြေအနေအရပေါ့။ ချောင်းအောက်ကနေပြီးတော့ ပတ်တက်လို့တော့ ရသေးတယ်” ဟု ပြောကြားသည်။

အစိုးရ မှတ်တမ်းများအရ ၂၀၁၁ ခုနှစ် နောက်ပိုင်း တပ်မတော်နှင့် ကေအိုင်အေတို့ ပစ်ခတ်မှုများ ဖြစ်ပွားကာ တံတားအစင်းပေါင်း ၁၂၀ ကျော် မိုင်းခွဲဖျက်ဆီးခြင်းခံရပြီး ယခုအချိန်တွင် အားလုံးနီးပါး ပြန်လည်တည်ဆောက် နိုင်ခဲ့ကြောင်း သိရသည်။

တပ်မတော်က မလိခမြစ်ကြောင်း တီယန်ဇွပ် အထက်ပိုင်းတွင် နယ်မြေရှင်းလင်းမှုကို ဇန်န၀ါရီ ၁၇ ရက်ကတည်းက လုပ်ဆောင်နေခြင်းဖြစ်ပြီး ကေအိုင်အေ တိုင်းရင်းသား လက်နက်ကိုင် အဖွဲ့များနှင့် ပစ်ခတ်မှုများ ဆက်လက်ဖြစ်ပွား နေဆဲဖြစ်ကြောင်း သိရသည်။

ထို့ပြင် တပ်မတော်နှင့် ကချင်တိုင်းရင်းသား လက်နက်ကိုင် (ကေအိုင်အေ) အဖွဲ့တို့သည် တနိုင်းဒေသ ဆွမ်ပရာဘွမ်မြို့နယ် အတွင်းရှိ  မေလိခမြစ်ကြောင်း ဒေသများ၊ ကချင်ပြည်နယ်နှင့် ရှမ်းပြည်မြောက်ပိုင်း ဒေသများတွင် တရားမ၀င် ပယင်း၊ ရွှေ၊ သစ် စသည့် သယံဇာတများနှင့် ပတ်သက်ပြီး ပစ်ခတ်တိုက်ခိုက်မှုများ ဆက်တိုက်ဖြစ်ပွားခဲ့သည်။