မုတ်သုံလေအား အလွန်ကောင်းနေခြင်းနှင့် လကွယ် ရေတက်ရက် တိုက်ဆိုင်ခဲ့ခြင်းကြောင့် ရန်ကုန်မြို့၏ မြို့နယ်အများစု၌ ထူးကဲဒီရေ တက်ရာတွင် လူနေရပ်ကွက်များအတွင်းထိ ရေကြီးရေလျှံမှု ဖြစ်ပေါ်

မုတ်သုံလေအား အလွန်ကာင်းနေသဖြင့် မိုးများစွာ ရွာသွန်းနေခြင်း၊ ပင်လယ်ပြင်တွင် လှိုင်းများ ထန်နေခြင်းများနှင့် လကွယ် ရေတက်ရက် တိုက်ဆိုင်ခဲ့ခြင်းကြောင့် ရန်ကုန်မြို့၏ မြို့နယ်အများစု၌ ထူးကဲဒီရေ တက်ရာတွင် လူနေရပ်ကွက်များအတွင်းထိ ရေကြီးရေလျှံမှုများ ဖြစ်ပေါ်ခဲ့ပြီး ပြည်သူများ အခက်အခဲများစွာ ကြုံတွေ့ခဲ့ရကြောင်း သိရသည်။

မြန်မာ့ဆိပ်ကမ်း အာဏာပိုင်အဖွဲ့က သြဂုတ် ၁၀ ရက်မှ ၁၆ ရက်နေ့ထိ ရန်ကုန်မြို့၌ ထူးကဲဒီရေတက်နိုင်သည်ဟု ထုတ်ပြန်ထားပြီး သြဂုတ် ၁၂ ရက် ညနေ ၄ နာရီမှ စတင်ကာ  ယင်းသို့ ထူးကဲဒီရေတက်ရာတွင် သင်္ဃန်းကျွန်းမြို့နယ်၊ ဒေါပုံမြို့နယ်၊ ဗိုလ်တစ်ထောင်မြို့နယ်၊ လမ်းမတော်မြို့နယ်၊ ဒဂုံဆိပ်ကမ်းမြို့နယ်၊ မြောက်ဒဂုံမြို့နယ်၊ မြောက်ဥက္ကလာပမြို့နယ်၊ ကြည့်မြင်တိုင်မြို့နယ်၊ သာကေတမြို့နယ်၊ တောင်ဥက္ကလာပမြို့နယ်၊ စသည့် မြို့နယ်အများစု၌ လူနေရပ်ကွက်များအတွင်းရှိ နေအိမ်များ အထဲထိ မြစ်ရေ၊ ချောင်းရေ ရေတက်ခြင်းများ ဆိုးရွားစွာ ဖြစ်ပေါ်ခဲ့ပြီး ပြည်သူများ အခက်အခဲများစွာ ဖြစ်ပေါ်ခဲ့ကြောင်း သိရသည်။

ထို့သို့ ထူးကဲ ဒီရေတက်ရာတွင် လူနေရပ်ကွက်များအတွင်းထိ ရေကြီးရေလျှံမှုများ ဖြစ်ပေါ်ခဲ့ခြင်းမှာ မုတ်သုံလေအား အလွန်ကောင်းလွန်ကောင်းနေသဖြင့် မိုးများစွာ ရွာသွန်းနေခြင်း၊ ပင်လယ်ပြင်တွင် လှိုင်းများထန်နေခြင်းများနှင့် လကွယ်ရေတက်ရက် တိုက်ဆိုင်ခဲ့ခြင်းကြောင့် ဖြစ်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာန ညွှန်ကြားရေးမှူးချုပ် ဒေါက်တာကျော်မိုးဦး၏ ပြောကြားမှုအရ သိရသည်။

“ကျွန်တော်တို့ မိုးဇလကတော့ ထူးကဲဒီရေတက်တာနဲ့ ပတ်သတ်ပြီးတော့ Monitoring မလုပ်ဘူးပေါ့။ ဒါပေမယ့် မြန်မာ့ဆိပ်ကမ်း အာဏာပိုင်အဖွဲ့ကတော့  သြဂုတ် ၁၀ ရက်မှ ၁၆ ရက်နေ့ထိ ထူးကဲဒီရေတက်နိုင်တယ်လို့ ထုတ်ပြန်ထားပါတယ်။ ပြီးတော့ ဒီနေ့ ရပ်ကွက်တွေထဲထိ ရေတွေကြီးတာက မုတ်သုံလေအား အလွန်ကောင်းနေတော့ မိုးများနေတာရယ်၊ ပင်လယ်ပြင်မှာလည်း လှိုင်းတွေရှိနေတာရယ်၊ နောက် လပြည့်လကွယ် ရေတက်ရက် တိုက်ဆိုင်သွားတာရယ်ကြောင့် နည်းနည်းဆိုးသွားတာပေါ့” ဟု ဒေါက်တာကျော်မိုးဦးက ပြောကြားသည်။

သြဂုတ် ၁၂ ရက် ညနေပိုင်းတွင် ထူးကဲဒီရေတက်ရာမှ ရန်ကုန်မြို့တွင်လူနေရပ်ကွက်များအတွင်းထိ ဆိုးရွားစွာ ရေကြီးခဲ့ခြင်းကြောင့် ဈေးဆိုင်အချို့ ခေတ္တ ပိတ်ခဲ့ခြင်း၊ လမ်းများအတွင်း သွားလာရာတွင် အခက်အခဲများစွာ ဖြစ်ပေါ်ခဲ့ပြီး ရေတက်ပြီးနောက် လျှပ်စစ်မီးပြတ်တောက်မှုများ ဖြစ်ပေါ်ခဲ့ကြောင်း သိရသည်။

” ညနေ လေးနာရီလောက်ထဲက ရေစတက်တာ။ အစ်မ ဖွင့်ထားတာ လက်ဖက်ရည်ဆိုင်ထဲထိ ရေတွေဝင်လာလို့ ဆိုင်ခဏ ပိတ်လိုက်ရတယ်။ ရပ်ကွက်ထဲမှာလည်း ရေတွေလျှံကုန်တော့ သွားလာရ ခက်ခဲကုန်တယ်။” ဟု ဒေါပုံမြို့နယ်မှ လက်ဖက်ရည်ဆိုင်ပိုင်ရှင်တစ်ဦးက ဆိုသည်။

သြဂုတ် ၁၂ ရက် ညနေလေးနာရီခန့်မှ စတင်ကာ ရန်ကုန်မြို့ရှိ လှိုင်မြစ်၊ ရန်ကုန်မြစ်၊ ငမိုးရိပ်ချောင်း စသည့် မြစ်ချောင်းများ၌ ညနေ ငါးနာရီခွဲကျော်ထိ ထူးကဲဒီရေတက်ခဲ့ပြီး ယင်းနောက်ပိုင်းတွင် ရေများ တဖြည်းဖြည်း ပြန်လည်ကျဆင်းသွားခဲ့ကြောင်း သိရကာ အဆိုပါ ထူးကဲဒီရေတက်မှုသည် သြဂုတ် ၁၆ရက်နေ့ထိ ဖြစ်ပေါ်နိုင်ကြောင်း သိရသည်။

 

သံလွင်မြစ်၊ ဧရာဝတီမြစ်နှင့် စစ်တောင်းမြစ်ရေ စိုးရိမ်ရေမှတ်သို့ ရောက်ရှိရန် နီးကပ်နေသဖြင့် မြစ်အနီးနှင့် မြေနိမ့်ပိုင်းတို့တွင် နေထိုင်သူများ သတိထားရန်လို

သံလွင်မြစ်၊ ဧရာဝတီမြစ်နှင့် စစ်တောင်းမြစ်ရေသည် စိုးရိမ်ရေမှတ်သို့ ရောက်ရှိရန် နီးကပ်နေသဖြင့် မြစ်အနီးနှင့် မြေနိမ့်ပိုင်းတို့တွင် နေထိုင်သူများ အနေဖြင့် သတိပြုရန် မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက ဇူလိုင် ၂၁ ရက်တွင် ထုတ်ပြန်ခဲ့သည်။

သံလွင်မြစ်ရေသည် ဘားအံမြို့တွင် ယင်းမြို့၏ စိုးရိမ်ရေမှတ်အောက် ပေ၀က်ခန့်တွင် ရောက်ရှိနေပြီး အဆိုပါ မြစ်ရေသည် နောက်တစ်ရက်အတွင်း ယင်းမြို့၏ စိုးရိမ်ရေမှတ်သို့ ရောက်ရှိနိုင်ကြောင်း သိရသည်။

ထို့ပြင် ဧရာဝတီမြစ်ရေသည် ဇလွန်မြို့တွင် ယင်းမြို့၏ စိုးရိမ်ရေမှတ်အောက် တစ်ပေခန့်တွင် ရောက်ရှိနေကြောင်း၊ အဆိုပါမြစ်ရေသည် နောက်သုံးရက်အတွင်း ယင်းမြို့၏ စိုးရိမ်ရေမှတ်သို့ ရောက်ရှိနိုင်ကြောင်း သိရသည်။

ယင်းအပြင် စစ်တောင်းမြစ်ရေသည် မဒေါက်မြို့တွင် ယင်းမြို့၏ စိုးရိမ်ရေမှတ်အောက် ပေ၀က်ခန့်တွင် ရောက်ရှိနေကြောင်း၊ အဆိုပါမြစ်ရေသည် နောက်နှစ်ရက်အတွင်း ယင်းမြို့၏ စိုးရိမ်ရေမှတ်သို့ ရောက်ရှိနိုင်ကြောင်း သိရသည်။

ထို့ကြောင့် ဘားအံမြို့၊ ဇလွန်မြို့နှင့် မဒေါက်မြို့အတွင်းရှိ မြစ်ကမ်းအနီးနှင့် မြေနိမ့်ပိုင်းတို့တွင် နေထိုင်ကြသူများ အနေဖြင့် သတိပြုရန် မိုးဇလက ထုတ်ပြန်ထားသည်။

“မနေ့က ပဲခူးမြို့ပေါ်က ရပ်ကွက်အချို့ ရေနစ်မြုပ်တာက ပဲခူးမြစ်ရေ စိုးရိမ်ရေအမှတ်က ၈၈၀ စင်တီမီတာ ဖြစ်တယ်။ အရင်တုန်းကတော့ ၉၁၀ သတ်မှတ်ထားတာ။ လူနေရပ်ကွက်တွေက တိုးချဲ့လာတဲ့အတွက် မြစ်နဲ့နီးတဲ့ အနိမ့်ပိုင်း နေရာတွေကို တိုးချဲ့နေလာတဲ့အတွက် တချို့နေရာတွေမှာ ၈၄၀ စင်တီမီတာ၊ ၈၅၀ စင်တီမီတာလောက်ဆိုရင် ရေ၀င်တဲ့ အနေအထား တွေ့နေရတယ်။ နောက်တစ်ခုကတော့ မိုးကလည်း ကောင်းတဲ့ အနေအထား နှစ်ခုပေါင်းပြီး ပဲခူးမြို့ ရပ်ကွက်အချို့မှာ ရေနစ်မြုပ်တာတွေဖြစ်တာ” ဟု ဒေါက်တာ ဦးကျော်မိုးဦးက ပြောကြားသည်။

ထို့ပြင် မြစ်ရေအခြေအနေနှင့် ပတ်သက်၍ ပဲခူးမြစ်ရေသည် စိုးရိမ်ရေမှတ်ရောက်ရှိရန် လိုသေးကြောင်း၊ တိုးမြစ်ရေသည်လည်း မအူပြင်မြို့တွင် စိုးရိမ်ရေမှတ်ရောက်ရန် နီးကပ်နေသော်လည်း ဒီရေအတက်အကျ မြန်ဆန်သည့်အတွက် စိုးရိမ်ရေမှတ်အား ထုတ်ပြန်ရန် ခက်ခဲကြောင်း၊ ဧရာဝတီမြစ်ရေသည် ဟင်္သာတမြို့တွင် ၁၀ စင်တီမီတာခန့် မြင့်တက်လာကြောင်း၊ နောက်နှစ်ရက် သုံးရက်အတွင်း စိုးရိမ်ရေမှတ်သို့ ရောက်ရှိနိုင်ကြောင်း၊ ဟင်္သာတမြို့၏ အထက်စခန်းများဖြစ်သည့် မကွေး၊ မင်းဘူး တို့တွင်လည်း မြစ်ရေအနည်းငယ် တက်နေသည့်အတွက် နောက်သုံးရက်အတွင်း စိုးရိမ်ရေမှတ်သို့ ရောက်နိုင်ကြောင်း၊ င၀န်မြစ်ရေသည် ငါးသိုင်းချောင်းနှင့် သာပေါင်းမြို့များတွင် စိုးရိမ်ရေမှတ်ရောက်ရန် တစ်ပေ၀န်းကျင်ခန့်သာ လိုကြောင်း၊ သို့သော် မြစ်ရေမြင့်တက်မှုနှုန်းသည် နှေးနေသဖြင့် နောက်လေး၊ ငါး၊ ၁၀ ရက်ခန့်မှသာ စိုးရိမ်ရေမှတ်သို့ ရောက်နိုင်ကြောင်း ဒေါက်တာ ဦးကျော်မိုးဦးက ပြောကြားသည်။

 

ချင်းတွင်းမြစ်ရေနှင့် ကုလားတန်မြစ်ရေ နောက်နှစ်ရက်အတွင်း ဟုမ္မလင်းမြို့နှင့် ကျောက်တော်မြို့များတွင် အနည်းဆုံး နှစ်ပေမှ ငါးပေအထိ မြင့်တက်လာနိုင်ကြောင်း မိုးဇလ ထုတ်ပြန်

ချင်းတွင်းမြစ်ရေနှင့် ကုလားတန်မြစ်ရေသည် နောက်နှစ်ရက်အတွင်း ဟုမ္မလင်းမြို့နှင့် ကျောက်တော်မြို့များတွင် အနည်းဆုံး နှစ်ပေမှ ငါးပေအထိ မြင့်တက်နိုင်ကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ဇွန် ၁၃ ရက်တွင် ထုတ်ပြန်ထားသည်။ ထုတ်ပြန်ချက်တွင် ချင်းတွင်းမြစ်ရေသည် ဟုမ္မလင်းမြို့တွင် ယင်းမြို့၏ စိုးရိမ်ရေမှတ်အောက် ငါးပေခန့်တွင် ရောက်ရှိနေကြောင်း၊ အဆိုပါမြစ်ရေသည် နောက်နှစ်ရက်အတွင်း ယင်းမြို့၏ စိုးရိမ်ရေမှတ်သို့ ရောက်ရှိနိုင်ကြောင်း သိရသည်။

ထို့ပြင် ကုလားတန်မြစ်ရေသည် ကျောက်တော်မြို့တွင် ယင်းမြို့၏ စိုးရိမ်ရေမှတ်အောက် နှစ်ပေခန့်တွင် ရောက်ရှိနေပါသည်။ အဆိုပါမြစ်ရေသည် နောက်နှစ်ရက်အတွင်း ယင်းမြို့၏ စိုးရိမ်ရေမှတ်သို့ ရောက်ရှိနိုင်ကြောင်း သိရသည်။

ထို့ကြောင့် ဟုမ္မလင်းမြို့နယ်နှင့် ကျောက်တော်မြို့နယ်အတွင်းရှိ မြစ်ကမ်းအနီးနှင့် မြေနိမ့်ပိုင်း နေထိုင်သူများအနေဖြင့် အထူးသတိပြု နေထိုင်ရန် မိုးဇလမှ ထုတ်ပြန်ထားသည်။

ယခုရက်ပိုင်းအတွင်း မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ရခိုင်ပြည်နယ် နှင့် ကယားပြည်နယ်တို့တွင် မိုးသည်းထန်စွာ ရွာသွန်းမှုကြောင့် တံတားများ ကျိုးကျခြင်း၊ လမ်းများ ပျက်စီးပြတ်တောက်မှုများ ဖြစ်ပွားခဲ့ပြီး လူသေဆုံးမှုများလည်း ရှိခဲ့ကြောင်း သိရသည်။

မိုးတွင်းကာလ ဇွန်လမှ အောက်တိုဘာလအတွင်း မြစ်ရေကြီးမှု ဖြစ်ပေါ်လေ့ရှိပြီး၊ ဇူလိုင်လနှင့် သြဂုတ်လတို့တွင် အဖြစ်များကြောင်း၊ မိုးတွင်းကာလ၌ မြစ်ဝှမ်းဒေသတွင် အချိန်ကြာကြာ မိုးသည်းထန်စွာ ရွာသွန်းခြင်း၊ မုန်တိုင်းဖြတ်ကျော် ၀င်ရောက်စဉ် မိုးထစ်ချုန်း ရွာသွန်းခြင်း၊ မြစ်ဖျားဒေသတွင် မိုးသည်းထန်စွာ ရွာသွန်းခြင်း၊ ဆည်၊ ရေကာတာကြီးများ ကျိုးပေါက်ခြင်းများကြောင့် မြစ်ရေကြီးတတ်ကြောင်းလည်း သိရသည်။

၂၀၁၅ ခုနှစ် နောက်ပိုင်းမှ စတင်ကာ မြန်မာနိုင်ငံတွင် မိုးသည်ထန်စွာ ရွာသွန်းသည်နှင့် မြစ်ရေကြီးခြင်း၊ ရေကြီးရေလျှံမှုများ ဖြစ်ပွားနေပြီး ယင်းကဲ့သို့ ဖြစ်ပွားမှုသည် သစ်တောများ နည်းပါးလာမှုကြောင့် ဖြစ်ကြောင်း သဘာဝပတ်ဝန်းကျင် ပညာရှင်များက ပြောကြားထားသည်။

ခန္တီးမြို့နယ်အနီး ချင်းတွင်းမြစ်အတွင်းရှိ ငုတ်များကြောင့် ရေယာဉ်များ သွားလာရခက်ခဲပြီး တိမ်းမှောက်မည်ကို စိုးရိမ်နေရ

ခန္တီးမြို့နယ် ကောင်းဟိန်ကျေးရွာအနီး ချင်းတွင်းမြစ်အတွင်းရှိ ငုတ် (တစုန်း) များအား တွေ့ရစဉ်

စစ်ကိုင်းတိုင်းဒေသကြီး ခန္တီးမြို့နယ် လုံးတုံကျေးရွာအနီး ချင်းတွင်းမြစ်အတွင်းရှိ ငုတ်တစ်ထောင်နှင့် ကောင်းဟိန်ကျေးရွာအနီး မြစ်လယ်ခေါင်ရှိ ငုတ် (တစုန်း) များကြောင့် ရေယာဉ်များ သွားလာရခက်ခဲပြီး တိမ်းမှောက်မည်ကို စိုးရိမ်နေရကြောင်း သိရသည်။

မိုးရာသီ တောင်ကျချောင်းရေများနှင့် မျောပါလာသောသစ်ပင်၊ သစ်ကိုင်း၊ သစ်ခက်များနှင့် ကျောက်တုံးများသည် ထိုကျေးရွာများအနီးရှိ ချင်းတွင်းမြစ်အတွင်းတွင် ငုတ် (တစုန်း) အဖြစ် တင်ကျန်ရစ်နေပြီး ဖြတ်သန်းသွားလာနေသော ခရီးသည်တင်ရေယာဉ်များနှင့် ကုန်တင်မော်တော်များအတွက် စိုးရိမ်ရကြောင်း ခန္တီးမြို့နယ် တိုင်းဒေသကြီး လွှတ်တော်ကိုယ်စားလှယ် ဦးသိန်းလှိုင်ဝင်း၏ ပြောကြားချက်အရ သိရသည်။

“မိုးတွင်းမှာ တောင်ကျချောင်းတွေနဲ့ပါလာတဲ့ သစ်ပင်၊ သစ်ကိုင်းတွေနဲ့ ကျောက်တုံးတွေက မြစ်ထဲမှာ အကုန်စုပုံပြီး စိုက်ထားသလို ငုတ်ကြီးတွေက ထောင်နေတာ။ ရေယာဉ်တွေအတွက် အဲဒါတွေက နွေရော၊ မိုးပါ အန္တရာယ်ရှိတယ်။ ကောင်းဟိန်နားမှာဆိုရင် နွေပိုင်းကြတော့ ရေကြောင်းကျဉ်းကျဉ်းလေးနဲ့ ငုတ်ကြီးတွေ ရှောင်တိမ်းသွားရတယ်။ အခုနောက်ပိုင်းမှာ ရေကြောင်းတွေပိုကျပ်လာတော့ သွားလာရပိုခက်လာသလို ရှောင်မောင်းရတဲ့အခါ ပန်ကာတွေခုတ်မိတာ၊ တက်မတွေခိုက်မိတာ ဖြစ်တယ်။ မိုးရာသီမှာဆိုရင်လည်း အဲဒီငုတ်ကြီးတွေက ရေအောက်ရောက်သွားတော့ မော်တော်ဝမ်းဗိုက်ထိုးမိမှာ စိုးရတယ်။ အဲဒီနေရာမှာ ရေယာဉ်တွေ၊ မော်တော်တွေ တိုက်တာမှောက်တာ ကြီးကြီးကျယ်ကျယ်မရှိဖူးပေမယ့် သွားလာရတာ အရမ်းအန္တရာယ်များတယ်” ဟု ဦးသိန်းလှိုင်ဝင်းမှ ပြောကြားသည်။

ထိုငုတ် (တစုန်း) များရှိနေသည်မှာ နှစ်အတန်ကြာပြီဖြစ်ကြောင်းနှင့် မိုးရာသီရေကြီးချိန်တွင် ရေယာဉ်များတိမ်းမှောက်မည်ကို စိုးရိမ်ရကြောင်း ဟုမ္မလင်း-ခန္တီး ပြေးဆွဲနေသော အမြန်ရေယာဉ်မောင်းသူ တစ်ဦးကလည်း ပြောကြားသည်။

“လုံးတုံနားက ငုတ်တစ်ထောင်ကတော့ ရှိနေတာကြာပြီ။ ၁၀ နှစ်ကျော်လောက် ရှိတော့မယ်။ ကောင်းဟိန်နားကတော့ မနှစ်က မိုးရာသီမှာ သစ်တုံးတွေအများကြီးပါလာပြီး ပိုဆိုးသွားတာ။ အဲဒီနေရာတွေက နွေရာသီဆိုရင် ငုတ်တွေကပေါ်နေတော့ ရှောင်ကွင်းပြီး မောင်းလို့ရသေးတယ်။ အချိန်ပိုကြာပြီး ခရီးနှောင့်နှေးတာတော့ရှိတာပေါ့။ မိုးတွင်းမှာပဲ ပိုစိုးရိမ်ရတာ။ ရေတက်လာတော့ ငုတ်တွေကမြုပ်ပြီး မမြင်ရတော့ဘူး။ အဲဒီအခါ မမြင်မစမ်းနဲ့မောင်းရတော့ ငုတ်တွေတိုက်မိပြီး မှောက်မှာတို့၊ စက်လှေဝမ်းဗိုက်ပေါက်မှာတို့ စိုးရိမ်ရတယ်” ဟု ဟုမ္မလင်း-ခန္တီး ပြေးဆွဲနေသော အမြန်ရေယာဉ်မောင်းသူတစ်ဦးက ပြောကြားသည်။

ချင်းတွင်းမြစ်အထက်ပိုင်း ခန္တီးမြို့နယ်နှင့် နာဂကိုယ်ပိုင်အုပ်ချုပ်ခွင့်ရဒေသများသည် ရေကြောင်းသွားလာရေးကိုသာ အဓိကအားထားနေရသောကြောင့် ထိုငုတ် (တစုန်း) များကို ဖယ်ရှားပေးရန် စစ်ကိုင်းတိုင်းဒေသကြီး လွှတ်တော်တွင် မေ ၂၁ ရက်က တင်ပြမေးမြန်းခဲ့ကြောင်း ဦးသိန်းလှိုင်ဝင်းက ဆက်လက်ပြောကြားသည်။

“ဒီတစုန်းတွေကို ဖယ်ရှားရှင်းလင်းတာ အရင်ကရော အခုပါမတွေ့မိဘူး။ ပုဂ္ဂလိက မော်တော်တွေပဲ သူတို့ဘာသာသူတို့ လွှတွေနဲ့တိုက်ဖြတ်ပြီး ရှင်းတာပဲတွေ့ဖူးတယ်” ဟု ဦးသိန်းလှိုင်ဝင်းက ဆက်လက်ပြောကြားသည်။

ထိုငုတ် (တစုန်း) များအား ဖယ်ရှားရှင်းလင်းပေးရန် လတ်တလောတွင် တိုင်းဒေသကြီးအစိုးရ ဘတ်ဂျက်မရှိသဖြင့် ဖယ်ရှားနိုင်ခြင်းမရှိသေးကြောင်းနှင့် ပြည်ထောင်စုအစိုးရထံတင်ပြပြီး ငွေလုံးငွေရင်းဘတ်ဂျက်ရရှိမှသာ ဖယ်ရှားရှင်းလင်းနိုင်မည်ဟု စစ်ကိုင်းတိုင်း လျှပ်စစ်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးသန်းညွန့်ဝင်းမှ ပြန်လည်ဖြေကြားခဲ့ကြောင်း သိရသည်။

ကုလားတန်မြစ်ကမ်းပါး ပြိုကျမှုကြောင့် ဆိုင်ခန်း ၂၀ ကျော် မြစ်ထဲကျရောက် ပျက်စီးခဲ့ပြီးနောက် အိမ်ခြေ ၂၀ ခန့် အရေးပေါ် ပြောင်းရွှေ့ခဲ့ရကြောင်း သိရ

ကုလားတန်မြစ်ကမ်းပါး ပြိုကျမှုကြောင့် ပျက်စီးသွားသော နေအိမ်နှင့် ဆိုင်ခန်းများကို တွေ့ရစဉ် (ဓာတ်ပုံ- ကိုနိုင်စိုး)

ရခိုင်ပြည်နယ် ကျောက်တော်မြို့နယ် အပေါက်ဝကျေးရွာအနီးရှိ ကုလားတန်မြစ်ကမ်းပါး ပြိုကျမှု ဖေဖော်ဝါရီ ၅ ရက် နံနက်ပိုင်းက ဖြစ်ပေါ်ခဲ့ခြင်းကြောင့် ဆိုင်ခန်းတွဲထားသော နေအိမ် ၁၀ လုံးကျော် မြစ်ထဲသို့ ထိုးကျခဲ့ပြီးနောက် အိမ်ခြေ ၂၀ ခန့် အရေးပေါ် ပြောင်းရွှေ့ခဲ့ရကြောင်း သိရသည်။

အပေါက်ဝကျေးရွာ ကမ်းပါးအနီးတွင် အပေါက်ဝဈေးတည်ရှိပြီး ဈေးနှင့် တစ်ဆက်တည်းတွင် နေအိမ်များလည်း ရှိကြောင်းနှင့် နှစ်စဉ်ဈေးကမ်းပါး ပြိုကျမှုကို ရင်ဆိုင်နေရသော်လည်း ယခုနှစ်ပြိုကျမှုသည် အဆိုးရွားဆုံး ပြိုကျမှုဖြစ်ကြောင်း သိရသည်။

ယင်းနှင့်ပတ်သက်ပြီး ဒေသခံတစ်ဦးဖြစ်သူ ဦးမောင်လှရွှေက “ကမ်းပါးပြိုကျတာက မနက် ၉ နာရီလောက်မှာ ဖြစ်တာပါ။ ကမ်းပါးက ၀ုန်းဆို တစ်ခါတည်း ပြိုကျသွားတာကြောင့် ပစ္စည်းတွေ သယ်ဖို့ ရွှေ့ဖို့တောင် မရလိုက်ဘူး။ ဒါပေမဲ့ လူအသေအပျောက်နဲ့ ထိခိုက်ဒဏ်ရာ ရရှိသူတွေတော့ မရှိခဲ့ဘူး။ ဆိုင်ခန်း ၁၀ ကျော်လောက် ပါသွားတယ်။ တချို့ဆိုင်တွေမှာက လူတွေလည်း နေကြတယ်။ မနက်ပိုင်းဖြစ်တာမို့ လူတွေက ရှောင်နေလိုက်လို့ ရတာပေါ့။ ဒါပေမဲ့ နေအိမ် ၂၀ လောက်ကတော့ အပြင်းဖြိုဖျက် နေကြရတယ်။ မကြာခင် မြစ်ထဲထိုးကျသွားမယ့် အနေအထားကို ရောက်နေပါတယ်။ တချို့ကလည်း ဆိုင်ခန်းတွေဆီက ပစ္စည်းတွေ သယ်ယူနေကြပါတယ်။ ကျွန်တော့်ဆိုင်ခန်းက ပစ္စည်းတွေကိုလည်း  အရေးပေါ် ရွှေ့ပြောင်းနေရပါတယ်” ဟု ပြောကြားသည်။

အပေါက်ဝကျေးရွာသည် အိမ်ခြေ ၁၆၀၀ ကျော်ခန့်ရှိသော ကျေးရွာတစ်ခုဖြစ်ပြီး ယခုဖြစ်ပွားသွားသည့် အလယ်မော် ရပ်ကွက်တွင်မူ အိမ်ခြေ ၁၆၀၊ အိမ်ထောင်စု ၁၈၀ စုနှင့် လူဦးရေ ၉၀၈ ဦးရှိကြောင်း သိရသည်။

“အပေါက်ဝကျေးရွာ ကမ်းပါးပြိုကျမှု အရင်ကလည်း ဒီလိုဖြစ်ဖူးတယ်။ နေရာချထားပေးဖို့လည်း တောင်းဆိုခဲ့တယ်။ အဆင်မပြေခဲ့ဘူး။ ကမ်းပါးဆည်ဖို့တွေကိုလည်း လုပ်ဆောင်ခဲ့ပေမဲ့ မအောင်မြင်ခဲ့ဘူး။ အခုဒီလူတွေကို နေရာချပေးဖို့နဲ့ ထောက်ပံ့ပေးရေးကို သက်ဆိုင်ရာတွေက ဘာမှအစီအစဉ် ချပေးတာ မရှိသေးတဲ့အတွက် ကျွန်တော်တို့ ဘာမှမလုပ်ရသေးဘူး” ဟု ကျေးရွာအုပ်ချုပ်ရေးမှူး ဦးစိန်အောင်ညွန့်က ပြောကြားသည်။

မြစ်ရေ တိုက်စားမှုများကြောင့် အပေါက်ဝကျေးရွာကမ်းပါး ပြိုကျခြင်း နှစ်စဉ်ဖြစ်ပေါ်နေသော်လည်း ရွှေ့ပြောင်းဖို့ နေရာချထားဆောင်ရွက်ခြင်း မရှိခဲ့သဖြင့် ဒေသခံများမှာ ဖြစ်သလို နေထိုင်ကြရပြီး ယခုဖြိုဖျက်နေသော နေအိမ်များနှင့် မြစ်ထဲသို့ ထိုးကျပျက်စီးသွားသော ဆိုင်ခန်းများအတွက် နေရာချထားရေး အခက်အခဲကို ရင်ဆိုင်ကြရဦးမည်ဟု ဒေသခံများက ဆိုသည်။

ချင်းတွင်းမြစ်ရေ ခန္တီးနှင့် ဟုမ္မလင်းမြို့၏ စိုးရိမ်ရေမှတ်အထက် တတိယအကြိမ် ပြန်လည်မြင့်တက်လာသဖြင့် မြစ်ကမ်းနံဘေးနှင့် အနိမ့်ပိုင်းရပ်ကွက်ရှိ လူနေအိမ်များ စတင်ပြောင်းရွှေ့

ခန္တီးမြို့ အနိမ့်ပိုင်း ရပ်ကွက်များတွင် ချင်းတွင်းမြစ်ရေ ၀င်ရောက်လာမှုကြောင့် ရွှေ့ပြောင်းနေထိုင်ရသူများအား တွေ့ရစဉ်

ချင်းတွင်းမြစ်ရေသည် စစ်ကိုင်းတိုင်းဒေသကြီး ခန္တီးနှင့် ဟုမ္မလင်းမြို့များ၏ စိုးရိမ်ရေမှတ်အထက်သို့ တတိယအကြိမ် ပြန်လည်မြင့်တက်လာသဖြင့် မြစ်ကမ်းနံဘေးနှင့် အနိမ့်ပိုင်းရပ်ကွက်ရှိ လူနေအိမ်များ စတင်ပြောင်းရွှေ့နေရကြောင်း သိရသည်။

ချင်းတွင်းမြစ်ရေသည် သြဂုတ် ၁၃ ရက် နံနက် ၁၀ နာရီခွဲ တိုင်းထွာချက်အရ ခန္တီးမြို့၏ စိုးရိမ်ရေမှတ်အထက် သုံးပေကျော် ၁၄၅၉ စင်တီမီတာသို့ ရောက်ရှိနေပြီး ဆက်လက်မြင့်တက် လာနိုင်ကြောင်း ခန္တီးမြို့နယ် မိုးလေ၀သနှင့် ဇလဗေဒ ဦးစီးဌာန ဦးစီးမှူး ဦးချစ်ထွေးထွန်း၏ ပြောကြားချက်အရ သိရသည်။

“ခန္တီးရဲ့ အထက်ဘက်ဖြစ်တဲ့ တနိုင်းဘက်မှာ မိုးအရမ်းများပြီး ရေတွေတိုးနေတယ်။ တနိုင်းမြို့ထဲကိုလည်း ရေတွေဝင်ပြီး ဌာနဆိုင်ရာရုံးတချို့တောင်မှ ယာယီပိတ်ထားရတယ်လို့ ဖုန်းသတင်းရတယ်။ ပြီးတော့ တနိုင်းနဲ့ ခန္တီးကြားက တံခွန်၊ တံကုန်း စတဲ့ နေရာတွေမှာလည်း မိုးအရမ်းများပြီး ရေတွေ ထူးထူးကဲကဲတက်နေတယ်လို့ သိရတယ်။ နောက်တစ်ခုက ခန္တီးနဲ့ မိုင် ၃၀ လောက်ဝေးတဲ့ နန်စီဘွန်မှာလည်း မိုးအရမ်းရွာပြီး ချောင်းရေ တိုးလို့ ကြိုးတံတားတစ်ခုတောင်မှ ရေထဲပါ သွားတယ်လို့ကြားတယ်။ အဲဒီကရေတွေ အကုန်လုံးက ခန္တီးကို ရောက်လာမှာဆိုတော့ ဆက်တက်လာနိုင်တဲ့သဘော ရှိပါတယ်” ဟု ဦးချစ်ထွေးထွန်းက ပြောကြားသည်။

ချင်းတွင်းမြစ်ရေ မြင့်တက်မှုကြောင့် ခန္တီးမြို့တစ်ဝက်နီးပါးခန့် ရေနစ်မြုပ်နေပြီး လှေများဖြင့် သွားလာနေရကြောင်း သိရသည်။

“၁၁ ရက်နေ့ကတည်းကစပြီး မြို့ထဲကို ရေ၀င်နေပြီ။ အခုဆိုရင် အနိမ့်ပိုင်းရပ်ကွက်တွေ အကုန်လုံးနီးပါး ရေမြုပ်ကုန်ပြီ။ မြို့ထဲမှာတော့ ဈေးတစ်ခုလုံး မြုပ်သွားလို့ နေရာရွှေ့လိုက်ရပြီ။ အထကကျောင်းလည်း တစ်ဝက်လောက် ရေမြုပ်နေပြီ။ လမ်းကလည်း ကမ်းနားလမ်းနဲ့ ဒုတိယလမ်းကလွဲပြီး ရေတွေမြုပ်နေလို့ လှေတွေနဲ့ပဲ သွားနေရပြီ မြို့တစ်ဝက်နီးပါး ရေလွှမ်းနေပြီလို့ ပြောရမယ်” ဟု ဦးချစ်ထွေးထွန်းက ဆက်လက် ပြောကြားသည်။

ခန္တီးမြို့တစ်ဝက်နီးပါး ရေနစ်မြုပ်နေသဖြင့် သြဂုတ် ၁၂ ရက်ညနေမှစတင်၍ ရေဘေးကယ်ဆယ်ရေးစခန်း ငါးခုဖွင့်ထားရပြီး ခန္တီးမြို့ပေါ်ရှိ အောင်သာရပ်ကွက်၊ ပေါမိုင်းရပ်ကွက်၊ မြို့မရပ်ကွက်များမှ လူနေအိမ်အချို့ နှင့် ရွှေမြင့်မိုရ်ကျေးရွာနှင့် နန်ဖာကျေးရွာမှ လူနေအိမ်အချို့ ရေဘေးကယ်ဆယ်ရေးစခန်းသို့ ပြောင်းရွှေ့နေရကြောင်း သိရသည်။

“မနေ့ညနေက အထိတော့ ရေဘေးပြောင်းရွှေ့ရတဲ့ အိမ်ထောင်စု ၁၄၇ စုနဲ့ လူဦး ရေ ၆၆၈ ယောက် ရှိပါတယ်။ ဒီနေ့ထပ်ရွှေ့တာတွေ ရှိပါသေးတယ်။ စာရင်းကောက်နေတုန်းမို့ ညနေမှ အတိအကျ ပြောနိုင်ပါမယ်။ အဲဒါတွေအကုန်လုံး စာရင်းပေါင်းပြီး မနက်ဖြန်မှ ဆန်ဖိုးထောက်ပံ့ကြေးငွေနဲ့ မြို့နယ်နဲ့ညှိပြီး ကယ်ဆယ်ရေး ပစ္စည်းတွေ ထောက်ပံ့ပေးပါမယ်” ဟုလူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာန၊ ကယ်ဆယ်ရေးနှင့် ပြန်လည်နေရာချထားရေး ဦးစီးဌာန ခန္တီးခရိုင်ဦးစီးမှူးရုံးမှ ဦးသုတစိုးက ပြောကြားသည်။

ချင်းတွင်းမြစ်ရေသည် သြဂုတ် ၁၃ ရက် မွန်းတည့် ၁၂ နာရီ တိုင်းထွာချက်အရ ဟုမ္မလင်းမြို့၏ စိုးရိမ်ရေမှတ်အထက် ၂၉၁၀ စင် တီမီတာတွင် ရောက်ရှိနေကြောင်း သိရသည်။

ချင်းတွင်းမြစ်ရေ မြင့်တက်မှုကြောင့် ဟုမ္မလင်းမြို့ မြစ်ကမ်းနံဘေးနှင့် အနိမ့်ပိုင်းရပ်ကွက်တွင် ရေများစတင် ၀င်ရောက်နေပြီး ဟုမ္မလင်းမြို့ နောင်ပကျစ်တောင်ပေါ် အေးသုခဇရပ်တွင် ရေဘေးပြောင်းရွှေ့နေရသော အိမ်ထောင်စုငါးစု ရှိနေပြီဖြစ်ကြောင်း သိရ သည်။

သြဂုတ် ၁၃ ရက် နံနက် ၆ နာရီခွဲ တိုင်းထွာချက်အရ ချင်းတွင်းမြစ်ရေသည် ဖောင်းပြင်မြို့၏ စိုးရိမ်ရေမှတ်အောက် နှစ်ပေခန့် ၁၂၃၅ စင်တီမီတာသို့ ရောက်ရှိနေပြီး ဖောင်းပြင်မြို့ မြစ်ကမ်းနံဘေးနှင့် အနိမ့်ပိုင်းရပ်ကွက် အချို့တွင် ရေများစတင် ၀င်ရောက်နေကြောင်း သိရသည်။

ချင်းတွင်းမြစ်ရေသည် သြဂုတ် ၁၃ ရက် နံနက် ၆ နာရီခွဲ တိုင်းထွာချက်အရ မော်လိုက် မြို့တွင် ၁၀၉၄ စင်တီမီတာ၊ ကလေးဝမြို့တွင် ၁၃၃၁ စင်တီမီတာ၊ မင်းကင်းမြို့တွင် ၁၁၆၅ စင်တီမီတာ၊ ကနီမြို့တွင် ၉၄၂ စင်တီမီတာနှင့် မုံရွာမြို့တွင် ၈၄၈ စင်တီမီတာသို့ မြင့်တက်ရောက်ရှိနေကြောင်း မိုးလေ၀သနှင့်ဇလဗေဒ ဦးစီးဌာနက ထုတ်ပြန်ထားသည်။