ကျပ် ၁၁၅၇ သန်းကျော် အရှုံးပေါ်မည့် ပြန်ကြားရေးဝန်ကြီးဌာန၏ သတင်းနှင့် စာနယ်ဇင်းလုပ်ငန်း အပါအ၀င် နိုင်ငံတော်ပိုင် စီးပွားရေးအဖွဲ့အစည်း ၃၂ ဖွဲ့အနက် ၂၂ ဖွဲ့သာ အမြတ်ရရှိပြီး ၁၀ ဖွဲ့ အရှုံးပေါ်

ပြန်ကြားရေးဝန်ကြီးဌာနမှ ထုတ်ဝေသော သတင်းစာများတွင် သရုပ်ဆောင်အောင်ရဲထွေး သတ်ဖြတ်ခံရသော အမှုနှင့်ပတ်သက်၍ ဝေဖန်မေးခွန်းထုတ်ခြင်းခံရသည့် ဆောင်းပါးများ ဖော်ပြခဲ့မှုကို တွေ့ရစဉ်

၂၀၁၈-၂၀၁၉ ဘဏ္ဍာနှစ်အတွက် နိုင်ငံတော်ပိုင် စီးပွားရေး အဖွဲ့အစည်းများမှ လုပ်ငန်းဆောင်ရွက်ရာတွင် ကျပ် ၁၁၅၇ သန်းကျော် အရှုံးပေါ်မည့် ပြန်ကြားရေးဝန်ကြီးဌာန၏ သတင်းနှင့် စာနယ်ဇင်းလုပ်ငန်း အပါအ၀င် နိုင်ငံတော်ပိုင်စီးပွားရေး အဖွဲ့အစည်း ၃၂ ဖွဲ့အနက် ၂၂ ဖွဲ့သာ အမြတ်ရရှိပြီး ၁၀ ဖွဲ့မှာ အရှုံးပေါ်မည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာနမှ သိရသည်။

၂၀၁၈-၂၀၁၉ ဘဏ္ဍာရေးနှင့် မူလခန့်မှန်းခြေငွေစာရင်းအရ နိုင်ငံတော်စီးပွားရေး အဖွဲ့အစည်းများ၏ ကုန်သွယ်မှုစာရင်းအရ ပြည်ထောင်စုဘဏ္ဍာရန်ပုံငွေ အစီအစဉ်ဖြင့် ဆောင်ရွက်သော နိုင်ငံတော်ပိုင်စီးပွားရေး အဖွဲ့အစည်း ၂၆ ဖွဲ့ရှိသည့်အနက် ၁၇ ဖွဲ့မှာ အမြတ်ရမည်ဟု ရေးဆွဲထားပြီး ပြည်ထောင်စုဘဏ္ဍာရန်ပုံငွေ အစီအစဉ်ပြင်ပမှ ဆောင်ရွက်သော နိုင်ငံတော်ပိုင်စီးပွားရေး အဖွဲ့အစည်း ခြောက်ဖွဲ့ရှိသည့်အနက် ငါးဖွဲ့မှာ အမြတ်ရမည်ဟု ရေးဆွဲထားသည်။

ပြည်ထောင်စုဘဏ္ဍာရန်ပုံငွေ အစီအစဉ်ဖြင့် ဆောင်ရွက်သော နိုင်ငံတော်ပိုင် စီးပွားရေး အဖွဲ့အစည်း ၂၆ ဖွဲ့မှာ ၀န်ကြီးဌာန ခြောက်ခု၏ လက်အောက်တွင်ရှိပြီး ပြန်ကြားရေးဝန်ကြီးဌာနလက်အောက်မှ သတင်းနှင့် စာနယ်ဇင်းလုပ်ငန်းမှာ ကျပ် ၁၁၅၇ သန်းကျော် အရှုံးပေါ်မည်ဖြစ်သည်။

ပို့ဆောင်ရေးနှင့် ဆက်သွယ်ရေးဝန်ကြီးဌာနလက်အောက်ရှိ နိုင်ငံတော်ပိုင်စီးပွားရေး အဖွဲ့အစည်း ငါးခုတွင် ပြည်တွင်းရေးကြောင်း ပို့ဆောင်ရေးက ကျပ်သန်း ၉၀၀၀ ကျော် အရှုံးပေါ်မည်ဖြစ်ပြီး ကုန်းလမ်းပို့ဆောင်ရေးမှာ ကျပ် ၁၃၆၉ သန်းကျော် အရှုံးပေါ်ကာ မြန်မာ့မီးရထားမှာ ကျပ် ၉၇၉၂၃ သန်းကျော် အရှုံးပေါ်မည်ဖြစ်သည်။ ထို့ပြင် မြန်မာ့စာတိုက်လုပ်ငန်းမှာလည်း ၄၁၁၀ သန်းကျော် အရှုံးပေါ်ကာ မြန်မာ့ဆက်သွယ်ရေးလုပ်ငန်းသာ ကျပ် ၉၈၁၄၄ သန်းကျော် အမြတ်ပေါ်သည်။

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနလက်အောက်မှ နိုင်ငံတော်ပိုင်စီးပွားရေးအဖွဲ့အစည်းငါးခု အနေဖြင့် အမြတ်စာရင်းဖြင့် ရေးဆွဲထားပြီး ကျပ် ၃၃၃၅၄၆ သန်းကျော် အမြတ်ရရှိထားကာ လျှပ်စစ်နှင့် စွမ်းအင်ဝန်ကြီးဌာနတွင်မူ လျှပ်စစ်ဓာတ်အား ထုတ်လုပ်ရေးလုပ်ငန်းမှ ကျပ် ၆၂၉၉၆၃ သန်းကျော် အရှုံးပေါ်သည်မှအပ ကျန်အဖွဲ့အစည်း လေးခုမှာ အမြတ်ပြနေသည်။ ထို့ပြင် စီမံကိန်းနှင့် ဘဏ္ဍာရေးဝန်ကြီးဌာန လက်အောက်ရှိ နိုင်ငံတော်ပိုင် စီးပွားရေးအဖွဲ့အစည်း ခြောက်ခုမှာလည်း အမြတ်ရရှိပြီး ကျပ် ၁၉၂၅၁၅ သန်းကျော် အမြတ်ရရှိမည်ဟု သိရသည်။

စက်မှုဝန်ကြီးဌာနလက်အောက်ရှိ နိုင်ငံတော်ပိုင် စီးပွားရေး အဖွဲ့အစည်းငါးခုမှာမူ မြန်မာ့ဆေးဝါးလုပ်ငန်းမှ ကျပ် ၃၇၈၃ သန်းကျော် အမြတ်ရသည်မှအပ အမှတ် (၁)၊ (၂)၊ (၃) အကြီးစားစက်မှုလုပ်ငန်းအားလုံးမှာ အရှုံးပေါ်နေသည့်အတွက် ကျပ် ၈၂၄၉၂ သန်းကျော်အထိ စက်မှုဝန်ကြီးဌာန၏ နိုင်ငံတော်ပိုင် စီးပွားရေး အဖွဲ့အစည်းများက အရှုံးပေါ်နေသည်။ ပြည်ထောင်စုဘဏ္ဍာငွေ ရန်ပုံငွေပြင်ပမှ ဆောင်ရွက်သည့် နိုင်ငံတော်ပိုင် စီးပွားရေး အဖွဲ့အစည်းခြောက်ခုတွင်မူ မြန်မာ့ဆိပ်ကမ်းအာဏာပိုင်၊ မြန်မာ့သင်္ဘောကျင်း လုပ်ငန်းတို့က အမြတ်စာရင်းပြနေပြီး မြန်မာအမျိုးသားလေကြောင်းက ကျပ် ၂၉၄၁ သန်းကျော် အရှုံးစာရင်းပြ ရေးဆွဲထားကာ မြန်မာနိုင်ငံတော်ဗဟိုဘဏ်က ကျပ် ၅၆၄၅၇၈ သန်းကျော် အမြတ်စာရင်းဖြင့် ရေးဆွဲထားသည်။ ထို့ပြင် ရန်ကုန်လျှပ်စစ်ဓာတ်အားပေးရေး ကော်ပိုရေးရှင်းနှင့် မန္တလေးလျှပ်စစ်ဓာတ်အားပေးရေး ကော်ပိုရေးရှင်းတို့မှလည်း အမြတ်စာရင်းဖြင့် ရေးဆွဲထားကာ စုစုပေါင်း ကျပ် ၅၄၇၆၂ သန်းကျော် အမြတ်ရရှိမည်ဟု ခန့်မှန်းထားသည်။

အများပြည်သူ သတင်းအချက်အလက် ရယူပိုင်ခွင့်နှင့်စပ်လျဉ်း၍ ညွှန်ကြားချက်များအတိုင်း အောက်ခြေတွင် လုပ်ဆောင်ခြင်းမရှိကြောင်းနှင့် ပြန်ကြားရေးဝန်ကြီးဌာန၏ ဖြေကြားချက်အပေါ် ကျေနပ်မှုမရှိဟု လွှတ်တော်ကိုယ်စားလှယ် ပြောကြား

အများပြည်သူ သတင်းအချက်အလက် ရယူပိုင်ခွင့်နှင့်စပ်လျဉ်း၍ ညွှန်ကြားချက်များအတိုင်း အောက်ခြေတွင်လုပ်ဆောင်ခြင်းမရှိကြောင်းနှင့် ပြန်ကြားရေးဝန်ကြီးဌာန၏ ဖြေကြားချက်အပေါ် ကျေနပ်မှုမရှိဟု ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုးက ပြောကြားသည်။

မတ်၂၉ ရက်က ပြုလုပ်သော  ပြည်သူ့လွှတ်တော် အစည်းအဝေးတွင် ကျောက်တန်း မဲဆန္ဒနယ်ပြည်သူ့ လွှတ်တော်ကိုယ်စားလှယ် ဒေါ်အေးမြမြမျိုး၏ အများပြည်သူ သတင်းအချက်အလက် ရယူပိုင်ခွင့်နှင့် စပ်လျဉ်း၍ မည်သို့ စီစဉ်ဆောင်ရွက်ထားသည်ကို သိလိုခြင်းနှင့် စပ်လျဉ်းသည့်မေးခွန်းကို ပြန်ကြားရေးဝန်ကြီးဌာန ဒုတိယ၀န်ကြီး ဦးအောင်လှထွန်းက ပြန်လည်ဖြေကြားခြင်းနှင့်  ပတ်သက်ပြီး မေးခွန်းရှင် လွှတ်တော်ကိုယ်စားလှယ်က အထက်ပါအတိုင်း ပြောကြားခဲ့ခြင်းဖြစ်သည်။

“ဒီမိုကရေစီအစိုးရသွားမယ်လို့ ကြေညာထားတဲ့ အစိုးရဖြစ်တဲ့အတွက်  ဒီမိုကရေစီ စံချိန်စံညွှန်းနဲ့မညီတဲ့ ၀န်ထမ်းတွေရဲ့ ပြုမှု ဆက်ဆံ လုပ်ဆောင်မှုတွေကို ပညာပေးကာလ သတ်မှတ်တာ အရေးယူမှုတွေလုပ်တာ မဖြစ်မနေလိုနေပါပြီ။ ဒီလိုမျိုးလုပ်နိုင်မှပဲ ကျွန်မတို့လိုချင်တဲ့ အရွေ့တစ်ခုကိုရောက် မှာ။ ရာနှုန်းပြည့်မရဘူးဆိုရင်တောင် အတိုင်းအတာတစ်ခုအထိ ရွေ့ဖို့လိုအပ်နေပါပြီ။ ဒီအတွက်ကို တာဝန်ရှိနေတဲ့ ၀န်ကြီးဌာနတွေပဲဖြစ်ဖြစ် အသီးသီးတာဝန်ရှိသူတွေဟာ အခက်အခဲတွေကိုပဲ လက်ညှိုးထိုးမပြဘဲနဲ့ ဒီအခက်အခဲတွေ ကျော်လွှားဖို့အတွက် နည်းလမ်းရှာဖို့ လိုပါတယ်။ နောက် ဒီအခက်အခဲတွေ ဘာရှိတယ်ဆိုတာ ပွင့်လင်းမြင်သာစွာချပြလိုက်ရင် ကျွန်မတို့ပြည်သူက ပူးပေါင်းပါဝင်မှာပါ။ နိုင်ငံသူနိုင်ငံသားတွေမှာက အခြေခံအခွင့်အရေးအရ သတင်းအချက်အလက် ရယူခွင့်ရှိ တယ်။ ဒီဟာကို သဘောမပေါက်ဘဲနဲ့ ဌာနဆိုင်ရာတွေကကျတော့ သတင်းအချက်အလက်တွေဟာ သူတို့ဆီမှာပဲ အာဏာရှိတယ် ဆိုတာမျိုးရှိတယ်။ ဒါ မပြောင်းလဲတဲ့ အခက်အခဲပါ။ ညွှန်ကြားထားသည့်တိုင်အောင် မလုပ်ပါဘူးဆိုတာကိုပြောတာ။ ညွှန်ကြားချက်တွေကို လိုက်နာမှုမရှိတာကို အရေးယူမှုအပိုင်းကို ပြောမသွားဘူး။ ပြီးတော့ သတင်း အချက်အလက်ရယူပိုင်ခွင့်နဲ့ ပတ်သက်ပြီးတော့ ဥပဒေတွေ စီစဉ်နေတယ်ဆိုတာလောက်ပဲသိပြီးတော့ အချိန်အတိအကျပြောမသွားဘူး။ ကျေနပ်မှုမရှိပါဘူး” ဟု ကျောက်တန်း မဲဆန္ဒနယ်ပြည်သူ့ လွှတ်တော်ကိုယ်စားလှယ် ဒေါ်အေးမြမြမျိုးက ပြောကြားသည်။

ထို့ပြင် ဒီမိုကရေစီကို သွားမည်ဆိုပါက သတင်းအချက်အလက်ကို ပွင့်လင်းမြင်သာစွာ ပြည်သူကိုတင်ပြရန်အတွက် ပြည်သူက အာဏာအပ်ထားသည့် အစိုးရနှင့် ပြည်သူ့အခွန်စား ပြည်သူ့ဝန်ထမ်းများက မဖြစ်မနေ လုပ်ဆောင်ရမည့်အလုပ်ဖြစ်ပြီး အများပြည်သူ သတင်းအချက်အလက် ရယူပိုင်ခွင့်သည် အခြေခံလူ့အခွင့်အရေးဖြစ်ကြောင်း ဒေါ်အေးမြမြမျိုးက ပြောကြားသည်။

“အောက်ခြေမှာတော့ ဒီညွှန်ကြားချက်တွေက မရောက်ပါဘူး။ ကျွန်မရဲ့ မဲဆန္ဒနယ်မှာဆိုရင် စည်ပင်ကနေ လိုင်စင်နဲ့ပတ်သက်တာတွေ ဘယ်လိုမျိုးစီစဉ်ထားလဲ၊ ဘယ်နှစ်ခုရှိလဲဆိုတာ မေးတဲ့အခါမှာ ၀န်ထမ်းကနေ အမှုဆောင်အရာရှိ ခွင့်ပြုမှ ဖြေမယ်ပြောပါတယ်။ အမှုဆောင်အရာရှိက စာရင်းပြုစုပါမယ်ပြောပါတယ်။ ကျွန်မတွေ့တိုင်းမေးတဲ့အခါမှာမေးတိုင်း စာရင်းပြုစုနေပါတယ်ဖြေပေမယ့် လပေါင်းများစွာကြာတဲ့အခါမှာ အထက်ကခွင့်ပြုမှ ပေးနိုင်မယ်လို့ပြောပါတယ်။ ဒီလိုမျိုး မြို့တစ်မြို့မှာ စီမံခန့်ခွဲရမယ့်ကိစ္စတွေကို တရားဝင်ကြေညာထားပေးရမယ့်အစား ကိုယ်စားလှယ်ကိုယ်တိုင်က မေးတာတောင် နေ့ရွှေ့ ညရွှေ့နဲ့ နောက်ဆုံး အထက်ကတို့ ဘယ်ကမှန်း မသိတာတို့ တိုင်းကခွင့်ပြုမှတို့နဲ့ အခုအချိန်အထိ မရပါဘူး။ ဒါ လက်ရှိ မြေပြင် အခြေအနေမှာ ဖြစ်ပေါ်နေတာပါ။ အုပ်ချုပ်ရေးကိုမေးတော့လည်း အုပ်ချုပ်ရေးက မသိဘူးလို့ပြောပါတယ်။ စည်ပင်ရဲ့လုပ်ပိုင်ခွင့်လို့ ပြောပါတယ်။ ဒီလိုအချက်အလက်တွေ မသိဘဲနဲ့ မြို့နယ်ဖွံ့ဖြိုးတိုးတက်ဖို့ တိုင်းပြည်ဖွံ့ဖြိုးတိုးတက်ဖို့ ဘယ်လိုစီမံခန့်ခွဲကြမှာလဲ။ ဌာနတိုင်း ဌာနတိုင်းက ဒီလိုမျိုးဖြစ်ပါတယ်။ ဒါကြောင့် အများပြည်သူ သတင်းအချက်အလက် လိုချင်တဲ့အခါမှာ ဌာနဆိုင်ရာနဲ့ ပတ်သက်ပြီး စုံစမ်းတဲ့အခါမှာ ၀န်ထမ်းတွေရဲ့ ဆက်ဆံရေးနဲ့ ပြေလည်အောင် ဖြေကြားမှု အပိုင်းတွေက အင်မတန်မှ ဆိုးဆိုးရွားရွား ဖြစ်နေသေးတဲ့အတွက် သတင်းအချက်အလက်ဥပဒေနဲ့ပတ်သက်လို့ အမြန်ဆုံးလုပ်ဖို့လည်း ဘယ်အချိန်မှာ လုပ်ပေးမလဲ၊ မလုပ်ပေးခင်မှာလည်း ဒီလိုဌာနဆိုင်ရာ အသီးသီး တွေကို ညွှန်ကြားပေးဖို့နဲ့ ညွှန်ကြားပြီးသားဖြစ်လျက်နဲ့ မလိုက်နာရင် အရေးယူဆောင်ရွက်ပေးဖို့အတွက်ကို ဌာနအသီးသီးရဲ့ လုပ်ဆောင်ချက်ကို မြို့နယ်အဆင့် ရပ်ကျေးအဆင့်ကို ရောက်ဖို့အတွက် ဘယ်လိုစီစဉ်ပေးမလဲဆိုတာ ထပ်မံပြီး မေးမြန်းတာဖြစ်ပါတယ်” ဟု ဒေါ်အေးမြမြမျိုးက ထပ်ဆင့်မေးခွန်း အဖြစ် မေးမြန်းသည်။

အဆိုပါထပ်ဆင့်မေးခွန်းနှင့် ပတ်သက်ပြီး ပြန်ကြားရေးဝန်ကြီးဌာန ဒုတိယ၀န်ကြီး ဦးအောင်လှထွန်းက “ကျွန်တော်တို့မှာ အခက်အခဲတွေ အများကြီးရှိပါသေးတယ်။ အဲဒါကို လိုအပ်လို့ နှိုးဆော် ဆောင်ရွက်သွားမှာဖြစ်ပါတယ်” ဟု ပြန်လည်ပြောကြားသည်။

နိုင်ငံသားအားလုံး သတင်းအချက်အလက် သိရှိပိုင်ခွင့်ကို စနစ်တကျ ရရှိစေရန်အတွက် သတင်းအချက်ရပိုင်ခွင့်ဥပဒေ ( Right to Information Law) ပြဋ္ဌာန်းနိုင်ရေးအတွက် ညှိနှိုင်းဆောင်ရွက်လျက်ရှိကြောင်း ပြန်ကြားရေးဝန်ကြီးဌာန ဒုတိယ၀န်ကြီး ဦးအောင်လှထွန်းက ပြောကြားသည်။

အကယ်ဒမီပေးပွဲတွင် အကယ်ဒမီ စန္ဒရားတင်ဝင်းလှိုင်၏ ပြောကြားချက်များနှင့်ပတ်သက်ပြီး ပြန်ကြားရေးဝန်ကြီးဌာန ထုတ်ပြန်

အကယ်ဒမီပေးပွဲတွင် အကယ်ဒမီ စန္ဒရားတင်ဝင်းလှိုင်၏ ပြောကြားချက်များနှင့် ပတ်သက်ပြီး ပြန်ကြားရေးဝန်ကြီးဌာန၏ လူမှုကွန်ရက်စာမျက်နှာဖြစ်သော MOI မှတစ်ဆင့် မတ် ၂၆ ရက်က ထုတ်ပြန်ချက်တစ်စောင် ထုတ်ပြန်ခဲ့ကြောင်း သိရသည်။

ထုတ်ပြန်ချက်တွင် ၂၀၁၇ ခုနှစ် မြန်မာ့ ရုပ်ရှင်ထူးချွန်ဆုချီးမြှင့်ပွဲ အခမ်းအနားတွင် အကောင်းဆုံး တေးဂီတဆုရရှိခဲ့သည့် စန္ဒရား (ဦး) တင်ဝင်းလှိုင်အနေဖြင့် ကျေးဇူးတင်စကား ပြောကြားခဲ့ရာတွင်လည်းကောင်း၊ အကယ်ဒမီပွဲပြီးနောက်ပိုင်း မီဒီယာအချို့နှင့် ပြောကြားသော စကားများတွင်လည်းကောင်း မမှန်မကန် စွပ်စွဲပုတ်ခတ်ပြောဆိုမှုများအပြင် ပုဂ္ဂိုလ်ရေး ပုတ်ခတ် တိုက်ခိုက်ပြောဆိုမှုများ ပါဝင်နေပြီး ယင်းတို့ကို အွန်လိုင်းအပါအ၀င် မီဒီယာများ၌ ရေးသားဖော်ပြလျက်ရှိရာ ယင်းအချက်များသည် မမှန်ကန်ကြောင်း ဖော်ပြထားသည်။

၎င်း၏ “ခြေခြေမြစ်မြစ် နှစ်နှစ်ကာကာ အစီအစဉ် မလွှင့်နိုင်သည်မှာ တစ်နှစ်ရှိပြီ”  ဟု ပြောကြားချက်မှာ လုံးဝမှန်ကန်ခြင်း မရှိကြောင်း၊ ယင်းအစီအစဉ်ကို အပတ်စဉ် အင်္ဂါနေ့ညနေတိုင်း၌ မြန်မာ့အသံနှင့် ရုပ်မြင်သံကြားတွင် ထုတ်လွှင့်လျက်ရှိရာ အပိုင်း (၁၅၂) ကို ၂၀၁၈ ခုနှစ် မတ် ၂၀ ရက်တွင် နောက်ဆုံးထုတ်လွှင့်ခဲ့ကြောင်း၊ အသစ်ထပ်မံ ရိုက်ကူးနိုင်ရေးအတွက်လည်း ကာယကံရှင်၏မိသားစုနှင့် ၂၀၁၇ ခုနှစ် ဇွန်မှစ၍ ၂၀၁၈ ခုနှစ် မတ် ၂၂ ရက် အထိ အကြိမ်ကြိမ်ဆက်သွယ်ခဲ့ရာ ၎င်း၏သမီးဖြစ်သူက (ဦး) တင်ဝင်းလှိုင် မျက်စိခွဲစိတ်ရန်ရှိခြင်း၊ ရုပ်ရှင်ကားကြီးများတွင် တေးဂီတ တီးခတ်နေရခြင်း စသည်တို့ကြောင့်ဟုဆိုကာ အကြိမ်ကြိမ်ရွှေ့ဆိုင်းခဲ့ပြီး အကယ်ဒမီပွဲကြီးပြီးမှသာ ရိုက်ကူးနိုင်ရေး ဆက်သွယ်မည်ဟု ပြန်ကြားခဲ့ကြောင်း ထုတ်ပြန်ချက်တွင် ဖော်ပြထားသည်။

ထို့ပြင် “ RCA စက်၊ အသုံးပြုသည့်အပ် တစ်ခုမှ မရှိတော့” ဟူသော ပြောကြားချက်မှာ လုံးဝမှန်ကန်ခြင်း မရှိကြောင်း၊ မြန်မာ့အသံ၌ နှစ်ပေါင်း ၇၀ ကျော်က စတင်သုံးစွဲခဲ့သော စက်ဖြစ်ပြီး မူရင်းကုမ္ပဏီကလည်း စက်အပိုပစ္စည်း ထုတ်လုပ်ခြင်းမရှိတော့ကြောင်း၊ သို့သော် ပြန်လည်ပြင်ဆင်ထားမှုအရ ၂၀၁၇ ခုနှစ်တွင် စက်တစ်လုံး ပြန်လည်ကောင်းမွန်လာပြီး အသုံးပြုသည့်အပ်ကိုလည်း ရှာဖွေပြုပြင်ပြီး သုံးစွဲနိုင်ခဲ့ပြီးဖြစ်ကြောင်း ထုတ်ပြန်ချက်တွင် ဖော်ပြထားသည်။

ယင်းအပြင် သီချင်းခွေကူးရာတွင် “ပိုက်ဆံအရမ်းပေးရတယ်၊ ရေအရမ်းလျှံရတယ်၊ ပိုက်ဆံမပေးရင် လူအဟောင်းတွေနဲ့ ဘယ်ဝန်ကြီးဌာနမှာမှ မရဘူး၊ ပိုက်ဆံပေးရတာချည်းပဲ” ဟူသောပြောကြားချက်မှာ အဖွဲ့အ စည်းတစ်ခုကိုသာမက နိုင်ငံတော်အစိုးရတစ်ရပ်လုံး၏ ၀န်ကြီးဌာနများကို သိမ်းကျုံးပုတ်ခတ် စွပ်စွဲပြောကြားချက်ဖြစ်နေကြောင်း၊ ပိုက်ဆံပေးရသည်ဆိုပါက သက်ဆိုင်ရာဝန်ကြီး ဌာန (သို့မဟုတ်) အဂတိလိုက်စားမှုတိုက်ဖျက်ရေး ကော်မရှင်အပါအ၀င် အထက်အဖွဲ့အစည်းအဆင့်ဆင့်ကို တိုင်ကြားနိုင်ကြောင်း၊ တိုင်ကြားမှုများကိုလည်း စိစစ်ပြီး လိုအပ်သလို အရေးယူလျက်ရှိကြောင်း ထုတ်ပြန်ချက်တွင် ဖော်ပြထားသည်။

ထို့ပြင် ၎င်း၏ပြောကြားချက်များတွင် လူပုဂ္ဂိုလ်ဆိုင်ရာ စော်ကားမှုအပြင် တပ်မတော်မှ နယ်ဘက်သို့ လွှဲပြောင်းအမှုထမ်းဆောင်နေသော ပုဂ္ဂိုလ်များနှင့်ပတ်သက်ပြီး မတရား စွပ်စွဲ ပြောဆိုမှုများ ပြုလုပ်ခဲ့သည်မှာ လုံးဝသင့်လျော်မှုမရှိကြောင်း၊ ၎င်းဝန်ထမ်းများသည် နိုင်ငံဝန်ထမ်းဥပဒေ၊ နည်းဥပဒေများနှင့်အညီ တာဝန်ထမ်းဆောင်ခြင်းမရှိပါက မထမ်းဆောင်သည့်သူများကို အမည်နှင့်တကွ တိကျစွာဖော်ထုတ်ပြီး တိုင်ကြားနိုင်ကြောင်း ထုတ်ပြန်ချက်တွင် ဖော်ပြထားသည်။

ထိုသို့ စန္ဒရား (ဦး) တင်ဝင်းလှိုင်၏ မမှန်မကန်ပြောကြားခဲ့မှုများ၊ ယင်း ပြောကြားခဲ့မှုများအပေါ်အခြေခံပြီး မမှန်မကန် ထပ်ဆင့် စွပ်စွဲချက်များကို လုပ်ဆောင်နေကြသည့် သက်ဆိုင်ရာပုဂ္ဂိုလ်များအား တည်ဆဲဥပဒေ များနှင့်အညီ ဆက်လက်ဆောင်ရွက်မည်ဖြစ်ကြောင်း အသိပေးကြေညာအပ်သည်ဟု ပြန်ကြားရေးဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

အကယ်ဒမီ စန္ဒရား (ဦး) တင်ဝင်းလှိုင်၏ ပြောကြားချက်များအား ပြန်ကြားရေးဝန်ကြီးဌာနမှ ထုတ်ပြန်ချက်ဖြင့်လည်းကောင်း၊ ပေးစာအနေဖြင့်လည်းကောင်း ပြန်လည်တုံ့ပြန်မှုများအပေါ် Facebook တွင် သုံးစွဲသူများက ဝေဖန်မှုများ ပြုလုပ်လျက်ရှိသည်ကို တွေ့ရ သည်။

ပြန်ကြားရေးဝန်ကြီးဌာနပိုင် အစိုးရ၏ ကြေးမုံသတင်းစာ တစ်ပတ်အတွင်း နှစ်ကြိမ် မှားယွင်းဖော်ပြ

နိုင်ငံတော်၏ အတိုင်ပင်ခံပုဂ္ဂိုလ်နှင့် သြစတြေးလျနိုင်ငံဝန်ကြီးချုပ် H.E. Mr.Malcolm Turnbull တို့ တွေ့ဆုံစဉ်

ပြန်ကြားရေး ၀န်ကြီးဌာနပိုင် အစိုးရ၏ ကြေးမုံသတင်းစာတွင် တစ်ပတ်အတွင်း နှစ်ကြိမ် မှားယွင်းဖော်ပြမှု ဖြစ်ပေါ်ခဲ့ကြောင်း သိရသည်။

ပထမအကြိမ် မှားယွင်းမှုမှာ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သြစတြေးလျနိုင်ငံသို့ သွားရောက်စဉ်က သတင်းတစ်ပုဒ်ဖြစ်ပြီး အဆိုပါ သတင်းမှာ မတ် ၂၀ ရက်ထုတ် ကြေးမုံသတင်းစာ၏ ရှေ့ဖုံးတွင် သြစတြေးလျ ဓနသဟာယနိုင်ငံ ၀န်ကြီးချုပ်နှင့် တွေ့ဆုံဆွေးနွေးသည့် သတင်းအား ရေးသားခဲ့ခြင်း ဖြစ်သော်လည်း ပါရှိသော ဓာတ်ပုံမှာ အတိုက်အခံ လေဘာပါတီ ခေါင်းဆောင်၏ ဓာတ်ပုံကို ဖော်ပြထားကြောင်း သိရသည်။ သတင်းဖော်ပြချက်တွင် သြစတြေးလျနိုင်ငံ ၀န်ကြီးချုပ်နှင့် နိုင်ငံတော်၏ အတိုင်ပင်ခံပုဂ္ဂိုလ် တွေ့ဆုံဆွေးနွေးမှုကို ရေးသားခဲ့ခြင်း ဖြစ်သော်လည်း ပါရှိသော သတင်းဓာတ်ပုံတွင် အတိုက်အခံ ခေါင်းဆောင်အား ၀န်ကြီးချုပ်အဖြစ် မှားယွင်းဖော်ပြ ခဲ့ခြင်းဖြစ်သည်။

ထိုသို့ရေးသား ဖော်ပြခဲ့မိခြင်းကြောင့် မတ် ၂၁ ရက်ထုတ် ကြေးမုံသတင်းစာတွင် စာဖတ်သူများထံသို့ ဟုဆိုကာ “မတ် ၂၀ ရက်ထုတ် ကြေးမုံသတင်းစာရှေ့ဖုံး၌ ဖော်ပြထားသော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သတင်း၏ ပုံစာအား ‘နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် သြစတြေးလျ ဓနသဟာယနိုင်ငံ အတိုက်အခံ လေဘာပါတီခေါင်းဆောင် Mr.Bill Shorten တို့ ရင်းရင်းနှီးနှီး နှုတ်ဆက်စဉ်’ ဟု ပြင်ဆင်သိမှတ်ပေးပါရန်” ဟု ဆိုကာ ပြန်လည်၍ ပြင်ဆင်ချက် ရေးသားခဲ့ရကြောင်း သိရသည်။

မတ် ၂၀ ရက်ထုတ် ကြေးမုံသတင်းစာတွင် နိုင်ငံတော်၏ အတိုင်ပင်ခံပုဂ္ဂိုလ်နှင့် အတိုက်အခံခေါင်းဆောင်တို့ တွေ့ဆုံသည့်ပုံကို မှားယွင်းဖော်ပြထားစဉ်

ထိုသို့ဆိုးရွားစွာ မှားယွင်းဖော်ပြမှုများနှင့် ပတ်သက်ပြီး နိုင်ငံရေး လေ့လာသူများ၊ အွန်လိုင်းသုံးစွဲသူများ အကြား ပြန်ကြားရေး ၀န်ကြီးဌာန၏ အဆိုပါ သတင်းစာအပေါ် ဝေဖန်မှုများ မြင့်တက်ခဲ့ကြောင်း သိရသည်။

အလားတူ မတ် ၂၃ ရက်က ထုတ်ဝေသည့် ကြေးမုံသတင်းစာ မျက်နှာဖုံးတွင် “ရန်ကုန်- မန္တလေး ရထားလမ်းမကြီး အဆင့်မြှင့်တင်သည့် စီမံကိန်းပြီးစီးပါက ခေတ်မီတွဲဆိုင်း အသစ်များဖြင့် ပြေးဆွဲချိန် ၈ နာရီထက် မပိုဘဲ ပြေးဆွဲနိုင်မည်” ဟု ရေးသားဖော်ပြထားပြီး သတင်း၏ အဓိကစာပိုဒ်များတွင် နိုင်ငံတော်သမ္မတက ပြည်ထောင်စုလွှတ်တော်သို့ နုတ်ထွက်စာပေးပို့မှုကို ရေးသားဖော်ပြထားခြင်း ဖြစ်သည်။

ယင်းနေ့က ထုတ်ဝေသည့် သတင်းစာတွင် နိုင်ငံတော်သမ္မတ ဦးထင်ကျော်၏ ဆန္ဒအလျောက် နုတ်ထွက်မှုကို ပြည်ထောင်စု လွှတ်တော်နာယက မန်းဝင်းခိုင်သန်းက လွှတ်တော်သို့ ဖတ်ကြားတင်ပြကြောင်း၊ နိုင်ငံတော်သမ္မတ ဦးထင်ကျော်၏ ဆန္ဒအလျောက် နုတ်ထွက်စာတွင် မိမိသည် လက်ရှိအလုပ်တာဝန်များမှ အနားယူလိုသောကြောင့် ၂၀၁၈ ခုနှစ် မတ် ၂၁ ရက်မှစ၍ နိုင်ငံတော်သမ္မတ ရာထူးမှ ဆန္ဒအလျောက် နုတ်ထွက်ကြောင်း အကြောင်းကြားပါသည်ဟု ရေးသားဖော်ပြထားသည်။

သတင်း၏ ခေါင်းစဉ်တွင်မူ ရေးသားဖော်ပြထားသည့် ရန်ကုန်-မန္တလေး မီးရထားလမ်းပိုင်းနှင့် ပတ်သက်သည့် အကြောင်းအား အညွှန်းစာမျက်နှာ ၅ တွင် အနည်းငယ်မျှသာ ရေးသားဖော်ပြ ထားသည်ကို တွေ့ရပြီး ယင်းလမ်းပိုင်းအား အဆင့်မြှင့်တင်နိုင်ရေးအတွက် ချေးငွေရယူနိုင်ရန် လွှတ်တော်အား လာရောက်တင်ပြသည့် အကြောင်းအရာဖြစ်ကြောင်း သိရသည်။

မတ် ၂၃ ရက်ထုတ် ကြေးမုံသတင်းစာ မျက်နှာဖုံးတွင် ဖော်ပြပါရှိမှုအား တွေ့ရစဉ်

၎င်းသတင်းနှင့်ပတ်သက်ပြီး “နိုင်ငံတော်အတိုင်ပင်ခံ သြစတြေးလျ ခရီးစဉ်တုန်းကလည်း ဓာတ်ပုံအမှား ဖြစ်ပြီးပြီ။ အခုလည်း နိုင်ငံရဲ့ အကြီးအကဲ အပြောင်းအလဲ သမိုင်းဝင်ဖြစ်စဉ် တစ်ခုရဲ့သတင်း အထူးသဖြင့် အစိုးရ သတင်းစာတစ်စောင်ရဲ့ ရှေ့မျက်နှာဖုံး ခေါင်းကြီးသတင်း ခေါင်းစဉ်နဲ့ ဓာတ်ပုံနဲ့ စာသားနဲ့ ကွဲလွဲတာကတော့ အတော်လေး ရုပ်ဆိုးပါတယ်။ ပြန်ကြားရေး ၀န်ကြီးရှင့်” ဟု Facebook သုံးစွဲသူတစ်ဦး ဖြစ်သည့် Ma Sumon ဆိုသည့် အကောင့်ပိုင်ရှင်က မှတ်ချက်ပြု ရေးသားထားသည်။

“နိုင်ငံတော်သမ္မတတစ်ဦး နုတ်ထွက်တယ်ဆိုတဲ့သတင်းက မီးရထားလမ်းပိုင်းပြင်ဖို့ ပိုက်ဆံချေးတဲ့ သတင်းထက် လူအများကြီး စိတ်ဝင်စားတယ်။ နိုင်ငံတော်သမ္မတဆိုတာက နိုင်ငံတစ်နိုင်ငံရဲ့ အမြင့်ဆုံးရာထူး ရယူထားတဲ့သူ။ သူနုတ်ထွက်တယ်ဆိုတာက လူတွေအတွက် ဘယ်လောက် အရေးကြီးမလဲဆိုတာ စဉ်းစားစရာတောင် မလိုဘူး” ဟု ပြည်တွင်းမီဒီယာလုပ်ငန်းတွင် လုပ်ကိုင်လျက်ရှိသည့် အယ်ဒီတာတစ်ဦးကလည်း သုံးသပ်ပြောကြားသည်။

ထိုသို့ ရေးသားဖော်ပြမှုမှာ သတင်းစာပညာအရ မှားယွင်းဖော်ပြမှုဖြစ်ပြီး ပြည်သူလူထုအား အထူးအသိပေး ဖော်ပြရမည့် သတင်း၊ လူထုအဓိက စိတ်ဝင်စားသည့် သတင်းတို့အပေါ် ရေးသားဖော်ပြမှုနှင့် ပတ်သက်ပြီး အစိုးရသတင်းစာ အနေဖြင့် အထူးဂရုပြုရန် လိုအပ်ကြောင်းလည်း သုံးသပ်မှုများ ရှိနေသည်။

ထိုသို့ ပြန်ကြားရေး ၀န်ကြီးဌာန၏ အစိုးရပိုင် ကြေးမုံသတင်းစာက ယင်းကဲ့သို့ လူထုအတွက် အရေးပါသော သတင်းနှင့်ပတ်သက်၍ မှားယွင်းခဲ့မှုအပေါ် လူမှုကွန်ရက် စာမျက်နှာများတွင် ဝေဖန်မှုများ မြင့်တက်လျက်ရှိကြောင်း သိရသည်။

 

ပြည်တွင်း ပုံနှိပ်မီဒီယာလောက ရှင်သန်ဖွံ့ဖြိုးရေးအတွက် ကုန်သွယ်လုပ်ငန်းခွန် ကင်းလွတ်ခွင့်ပြုရန် စီမံကိန်းနှင့် ဘဏ္ဍာရေးဝန်ကြီးဌာနနှင့် ညှိနှိုင်းခဲ့ကြောင်း၊ ကင်းလွတ်ခွင့်ပေးပါက အခွန်များ ဆုံးရှုံးနိုင်သည်ကို ချင့်ချိန်သင့်ဟု အကြောင်းပြန်ကြောင်း ပြန်ကြားရေး ဒုတိယ၀န်ကြီး ပြောကြား

ပြည်တွင်း ပုံနှိပ်မီဒီယာလောက ရှင်သန်ဖွံ့ဖြိုးရေးအတွက် ကုန်သွယ်လုပ်ငန်းခွန် ကင်းလွတ်ခွင့်ပြုရန် စီမံကိန်းနှင့် ဘဏ္ဍာရေး ၀န်ကြီးဌာနနှင့် ညိနှိုင်းခဲ့ကြောင်း၊ ကင်းလွတ်ခွင့်ပေးပါက အခွန်များ ဆုံးရှုံးနိုင်သည်ကို ချင့်ချိန်သင့်ဟု အကြောင်းပြန်ကြောင်းနှင့် ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေ ရေးဆွဲချိန်တွင် လွှတ်တော်ကိုယ်စားလှယ်များ၏ ဆွေးနွေးဆုံးဖြတ်မှုကို ခံယူသင့်ကြောင်း ပြန်ကြားရေးဝန်ကြီးဌာန ဒုတိယ၀န်ကြီး ဦးအောင်လှထွန်းက ပြောကြားသည်။

ဇန်န၀ါရီ ၂၉ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် စစ်ကိုင်းတိုင်းဒေသကြီး မဲဆန္ဒနယ် အမှတ် (၅) မှ ဦးရဲထွဋ်က ပြန်ကြားရေး ၀န်ကြီးဌာန၊ မူပိုင်ခွင့်နှင့် မှတ်ပုံတင်ဌာနတွင် ထုတ်ဝေခြင်း အသိအမှတ်ပြုလက်မှတ် လျှောက်ထားရယူ၍ ပြည်တွင်းတွင် ထုတ်လုပ်ရောင်းချသော စာအုပ်၊ စာပေ၊ စာစောင်များ၊ နိုင်ငံတော်က သတ်မှတ်ထားသော ကုန်သွယ်မှု နည်းလမ်းဖြင့် ပြည်ပမှ တင်သွင်းရောင်းချသော စာအုပ်၊ စာပေ၊ စာစောင်များနှင့် ဆက်နွှယ်သော ၀န်ဆောင်မှု Supply Chain တစ်ခုလုံးကို ကုန်သွယ်လုပ်ငန်းခွန် ကောက်ခံခြင်းမှ ကင်းလွတ်ခွင့်ပြုပေးရန် အစီအစဉ်ရှိ မရှိ မေးမြန်းသည်။

အဆိုပါ မေးမြန်းမှုအား ဒုတိယ၀န်ကြီး ဦးအောင်လှထွန်းက မြန်မာစာပေ ဖွံ့ဖြိုးတိုးတက်ရေးနှင့် ပြည်တွင်းပုံနှိပ် မီဒီယာလောက ရှင်သန်ဖွံ့ဖြိုးရေးအတွက် သက်ဆိုင်ရာ အဖွဲ့ အစည်းများ၏ မေတ္တာရပ်ခံမှုများအရ ပြည်တွင်းတွင် ပုံနှိပ်ထုတ်ဝေ ရောင်းချသည့် စာအုပ်စာစောင်များ၊ ကုန်သွယ်မှု နည်းလမ်းများဖြင့် ပြည်ပမှ တင်သွင်းရောင်းချသည့် စာအုပ်စာစောင်များနှင့် ဆက်နွှယ်သော ၀န်ဆောင်မှု Supply Chain တစ်ခုလုံးကို ကုန်သွယ်လုပ်ငန်းခွန် ကောက်ခံခြင်းမှ ကင်းလွတ်ခွင့်ပြုပေးရန် ပြန်ကြားရေး ၀န်ကြီးဌာနအနေဖြင့် သက်ဆိုင်ရာ ၀န်ကြီးဌာနသို့ ညှိနှိုင်းပေးခဲ့ကြောင်း၊ စီမံကိန်းနှင့် ဘဏ္ဍာရေး ၀န်ကြီးဌာန၊ ပြည်တွင်းအခွန်များ ဦးစီးဌာန အနေဖြင့် ပြည်တွင်းတွင် ထုတ်လုပ်ရောင်းချနေသည့် စာအုပ် စာပေ၊ စာစောင်များထံမှ ၂၀၁၄-၂၀၁၅ ဘဏ္ဍာနှစ်တွင် ကျပ် ၂၈၀ ဒသမ ၅၇၈ သန်း၊ ၂၀၁၅- ၂၀၁၆ ဘဏ္ဍာနှစ်တွင် ကျပ် ၇၂၅ ဒသမ ၇၀၁ သန်း၊ ၂၀၁၆-၂၀၁၇ ဘဏ္ဍာနှစ်တွင် ကျပ် ၆၂၃ ဒသမ ၁၇၆ သန်း၊၂၀၁၇-၂၀၁၈ ဘဏ္ဍာနှစ် အောက်တိုဘာလအထိ ကျပ် ၂၃၆ ဒသမ ၂၈၄ သန်း ကောက်ခံရရှိခဲ့ကြောင်း၊ ၂၀၁၈ ခုနှစ် ပြည်ထောင်စု၏ အခွန်အကောက်ဥပဒေ ရေးဆွဲချိန်တွင် ပြဋ္ဌာန်းမည့်ဥပဒေကို ပြည် ထောင်စုလွှတ်တော်တွင် အတည်ပြု ဆုံးဖြတ်ရသည့်အတွက် ကိုယ်စားလှယ်တော်အနေဖြင့် လွှတ်တော်တွင် စာအုပ်စာပေ၊ စာစောင်များ အပေါ်မှ ကုန်သွယ်လုပ်ငန်းခွန် ကင်းလွတ်ခွင့် ပြဋ္ဌာန်းရရှိနိုင်ရေး ၀င်ရောက်ဆွေးနွေးဆုံး ဖြတ်မှုကို ခံယူသင့်ကြောင်း၊ ကင်းလွတ်ခွင့်များ ပေးပါက ဘဏ္ဍာနှစ် တစ်နှစ်အတွင်း ကောက်ခံရရှိနိုင်သည့် ကျပ်သန်းပေါင်းများစွာ အခွန်ဘဏ္ဍာငွေများ ဆုံးရှုံးနိုင်ခြေရှိသည်ကို ချင့်ချိန်ထည့်သွင်း ဆွေးနွေးသင့်သည်ဟု စီမံကိန်းနှင့် ဘဏ္ဍာရေး ၀န်ကြီးဌာနမှ အကြောင်း ပြန်လာကြောင်း ပြောကြားသည်။

ပြန်ကြားရေး ၀န်ကြီးဌာန အနေဖြင့် ပုံနှိပ်ခြင်းလုပ်ငန်း လုပ်ကိုင်သူများ၊ ထုတ်ဝေခြင်းလုပ်ငန်း လုပ်ကိုင်သူများ၊ သတင်းအေဂျင်စီလုပ်ငန်း လုပ်ကိုင်သူများကို ၂၀၁၄ ခုနှစ်တွင် ပြဋ္ဌာန်းခဲ့ပြီးဖြစ်သည့် ပုံနှိပ်ခြင်းနှင့် ထုတ်ဝေခြင်းလုပ်ငန်း ဥပဒေနှင့်အညီ အသိအမှတ်ပြု လက်မှတ်ကိုသာ ထုတ်ပေးခြင်းဖြစ်ကြောင်း၊ ယင်းလုပ်ငန်း လုပ်ကိုင်သူများ အနေဖြင့် စည်ပင်သာယာရေးအဖွဲ့မှ လုပ်ငန်းလုပ်ကိုင်ခွင့် လိုင်စင်ပေးခြင်း၊ လုပ်ငန်းအပေါ်ဝင်ငွေခွန်၊ အမြတ်ခွန်ကောက်ခံခြင်း၊ ကုန်သွယ်လုပ်ငန်းခွန် ကောက်ခံခြင်း စသည့်လုပ်ငန်းများကို စီမံကိန်းနှင့် ဘဏ္ဍာရေးဝန်ကြီးဌာန၊ စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနတို့မှ သတ်မှတ်ထားသည့် ဥပဒေ၊ နည်းဥပဒေများ၊ လုပ်ထုံးလုပ်နည်းများအရ ဆောင်ရွက်သွားရမည်ဖြစ်ပြီး ပြန်ကြားရေး ၀န်ကြီးဌာန အနေဖြင့် သီးခြားဆောင်ရွက်ခြင်း မရှိကြောင်း ဒုတိယ၀န်ကြီးက ပြောကြားသည်။

ပြန်ကြားရေး ၀န်ကြီးဌာနအနေဖြင့် အများပြည်သူအတွက် အသိပညာ ဗဟုသုတ တိုးတက်စေမည့် စာအုပ်စာပေ ထုတ်လုပ်ဖြန့်ချိရေး လုပ်ငန်းများ ဖွံ့ဖြိုးတိုးတက်ရေးကို လိုလားကြောင်း၊ အခွန်အကောက်များ လျှော့ချပေးမည်ဆိုပါက ထောက်ခံကြောင်း၊ သို့ရာတွင် အခွန်ဘဏ္ဍာကိစ္စသည် ပြန်ကြားရေး ၀န်ကြီးဌာန၏ ဆောင်ရွက်မှု နယ်ပယ်တွင် မရှိကြောင်း ဒုတိယ၀န်ကြီးက ပြောကြားသည်။

လွှတ်တော်ကိုယ်စားလှယ် ဦးရဲထွဋ်က “ဒီမိုကရေစီခေတ်မှာတော့ ဒါတွေက မြန်မြန်ဆန်ဆန်နဲ့ ဦးစားပေး လုပ်ရမှာပေါ့။ အခွန်တွေ ဘယ်လောက်လျော့သွားမယ်ဆိုတာ ပြောရမယ့်အစား တခြားနေရာကနေ Cover လုပ်ရမယ်လေ။ စာပေနဲ့ ပတ်သက်တာ ဦးစားပေး သုံးရမှာပေါ့။ တခြားကနေ Cover လုပ်ရမှာပေါ့” ဟု သတင်းထောက်များအား ဆိုသည်။

ဦးအောင်လှထွန်းက “တဖြည်းဖြည်းလာမှာပေါ့။ နိုင်ငံပိုင်သတင်းစာနဲ့ ပတ်သက်လို့ သူပြောတဲ့သဘောက မှန်တယ်။ ဒီမိုကရေစီ နိုင်ငံတွေမှာ ဥရောပနိုင်ငံတွေမှာ။ တချို့နိုင်ငံဆိုရင် ပြန်ကြားရေး ၀န်ကြီးဌာနတောင် မရှိဘူး။ ဒါပေမဲ့ ကျွန်တော်တို့အတွက် တကယ့်စစ်မှန်တဲ့ Role Model မဟုတ်သေးဘူးပေါ့။ ကျွန်တော်တို့က ဒီမိုကရေစီက သုံးနှစ်သားပဲ ရှိသေးတာကိုး။ ဒီအသွင်ကူးပြောင်းရေး ကာလမှာ ပြန်ကြားရေး ၀န်ကြီးဌာနလည်း ရှိသင့်တယ်။ နိုင်ငံပိုင် သတင်းစာလည်း ရှိသင့်တယ်။ တစ်စုံတစ်ရာထိ ရှိသင့်ပါတယ်။ အရေးကြီးတာက နိုင်ငံပိုင် သတင်းစာတွေက တကယ့်ကို ပြည်သူကို မျက်နှာမူပြီး နိုင်ငံရဲ့ Narrative ပေါ့။ ပြည်သူနဲ့ အစိုးရကြားမှာ ပေါင်းစပ်ပေးဖို့ နိုင်ငံနဲ့ နိုင်ငံတကာကြားမှာ ပေါင်းစပ်ပေးနိုင်ဖို့ အဲဒါကို ထိထိရောက်ရောက် ဆောင်ရွက်ပေးနိုင်ဖို့ပဲ အရေးကြီးပါတယ်။ လောလောဆယ် အဲဒါကို ဦးစားပေး ဆောင်ရွက်ဖို့ စိတ်ကူးရှိပါတယ်။ တစ်စုံတစ်ရာ ကာလအထိ ရှိနေဦးမှာပါ နိုင်ငံပိုင် သတင်းစာကလေ။ နိုင်ငံအနေအထားအရ လိုအပ်နေသေးတာပေါ့။ တစ်ချိန်ကျရင်တော့ ဒီမိုကရေစီ ရင့်သန်လာရင် တစ်ဖြည်းဖြည်း တိုးတက်သွားမှာပေါ့” ဟု သတင်းထောက်များအား ပြောကြားသည်။

သတင်းထောက်တစ်ဦးက “နိုင်ငံပိုင် သတင်းစာနှစ်စောင် ဖြစ်နေတော့ နုနယ်တဲ့ ပုဂ္ဂလိက သတင်းစာကို သတ်နေသလို ဖြစ်မနေဘူးလား” ဟု မေးမြန်းချက်အား ဒုတိယ၀န်ကြီးက “သတ်နေတာတော့ မဟုတ်ဘူးပေါ့လေ။ ဒါတစ်ခုခုတော့ စီစဉ်ရမှာပေ့ါ။ ကျွန်တော့် စိတ်ကူးထဲမှာတော့ ရှိပါတယ်။ ကျွန်တော် အရင်ကလည်း မရယူခင်ကလည်း ကျွန်တော် အဲဒါမျိုးတွေ ဖြေကြားဖူးပါတယ်။ အဲဒါက လိုအပ်တဲ့ဟာ။ ဘာကြောင့်လဲဆိုရင် ပုဂ္ဂလိကမီဒီယာ လုံးဝအားနည်းလို့မရဘူး။ ဘာလို့လဲဆို ဒီမိုကရေစီ လူ့ဘောင်တစ်ခုမှာ တကယ့်ကို နိုင်ငံရဲ့ Narrative ကို ကမ္ဘာကို တင်ပြနိုင်တဲ့ဟာက ပုဂ္ဂလိကမီဒီယာပေါ့။ ပုဂ္ဂလိကမီဒီယာ အားကောင်းဖို့ သိပ်ကိုလိုအပ်ပါတယ်။ ပုဂ္ဂလိက မီဒီယာဆို အခုဆို မြန်မာ Language တစ်ခုပဲ ရှိတယ်။ နိုင်ငံတကာ ဘာသာစကားတွေနဲ့။ အရေးကြီးဆုံးက သတင်းအချက်အလက် ရရှိပိုင်ခွင့်ပေါ့။ ဒါ့အပြင် ဘဏ္ဍာရေးအရ ရပ်တည်ခွင့် သိပ်အရေးကြီးတယ်။ ပြည်တွင်းက ပုဂ္ဂလိက မီဒီယာတွေဟာ ငွေရေးကြေးရေးအရ အမှီအခို ကင်းဖို့လိုပါတယ်။ အထူးသဖြင့် ပြည်ပက အဖွဲ့အစည်းတွေဆီက သြဇာခံ ဖြစ်လို့မရဘူး။ ဘာဖြစ်လို့လဲဆိုရင် ပြည်ပက တစ်ခုခု လက်ခံလိုက်ပြီဆိုရင် Editorial Policy ပေါ့။ အဲဒီကို ထိခိုက်နိုင်တယ်။ မထိခိုက်တဲ့၊ အဲဒီလို လွှမ်းမိုးဖို့ မကြိုးစားတဲ့ အဖွဲ့အစည်းတွေလည်း ရှိပါတယ်။ ဒါပေမဲ့ လွှမ်းမိုးဖို့ကြိုးစားတဲ့ အဖွဲ့အစည်းလည်းရှိတယ်။ အဲဒါမျိုးတွေကျတော့ မဖြစ်သင့်ဘူးပေါ့။ အားပေးဖို့လိုတယ်။ ပုဂ္ဂလိကမီဒီယာ ဖွံ့ဖြိုးရေးကို တန်ဖိုးထားပါတယ်။ ရှေရှည်မှာ ပုဂ္ဂလိက မီဒီယာကပဲ ပုံဖော်သွားမှာကိုး။ ဒီမိုကရေစီတိုင်းမှာ ပုဂ္ဂလိကမီဒီယာကပဲ လုပ်နေကြတာကိုး။ အဲဒီနိုင်ငံရဲ့ Narrative ခေါ်တာပေါ့။ အဲဒီနိုင်ငံ အကြောင်းကို ကမ္ဘာကိုတင်ပြတဲ့ အလုပ်ပေါ့။ ကျွန်တော်တို့မှာ ပုဂ္ဂလိက မီဒီယာကလည်း သုံးနှစ်သားပဲ ရှိသေးတယ်။ ဒီမိုကရေစီကလည်း လေးငါးနှစ်သားပဲ ရှိသေးတယ်။ အသက်ကတော့ ခုနစ်ဆယ် ကျော်ပြီပေါ့လေ။ နိုင်ငံလွတ်လပ်ရေးရတာ ခုနစ်ဆယ်ကျော်ပြီ။ ကျွန်တော်တို့ရဲ့ အဖြစ်က အသက် ၇၀ ကျော်မှ အခုမှ လမ်းလျှောက်သင်သလို ဖြစ်နေတယ်။ အဲဒါကို နည်းနည်းစိတ်ရှည်ပေးဖို့ လိုပါတယ်” ဟု ပြောကြားသည်။

နှစ်စဉ်လိုငွေပြနေသည့် ပြန်ကြားရေးဝန်ကြီးဌာနမှ ၂၀၁၅-၂၀၁၆ ဘဏ္ဍာနှစ်တွင် သတင်းစာစောင်ရေ ၁၁၈၃ ဒသမ ၃၅ သိန်း ထုတ်ဝေခဲ့ပြီး ၂၀၁၆-၂၀၁၇ ဘဏ္ဍာနှစ်တွင် ၁၂၄၂ ဒသမ ၉၁ သိန်း ထုတ်ဝေ

နှစ်စဉ်လိုငွေပြနေသည့် ပြန်ကြားရေးဝန်ကြီးဌာနမှ ပြည်တွင်းသတင်းစာထုတ်ဝေမှုအဖြစ် ၂၀၁၅-၂၀၁၆ ဘဏ္ဍာနှစ်တွင် သတင်းစာစောင်ရေ ၁၁၈၃ ဒသမ ၃၅ သိန်း ထုတ်ဝေခဲ့ပြီး ၂၀၁၆-၂၀၁၇ ဘဏ္ဍာနှစ်တွင် ၁၂၄၂ ဒသမ ၉၁ သိန်း ထုတ်ဝေခဲ့ကြောင်း စီမံကိန်းနှင့် ဘဏ္ဍာရေးဝန်ကြီးဌာနမှ ထုတ်ဝေသည့် ၂၀၁၆-၂၀၁၇ ဘဏ္ဍာနှစ် အမျိုးသားစီမံကိန်းနှစ်ပတ်လည်အစီရင်ခံစာအရ သိရသည်။

ပြန်ကြားရေးဝန်ကြီးဌာနအနေဖြင့် မြန်မာဘာသာဖြင့် ကြေးမုံ၊ မြန်မာ့အလင်းနှင့် အင်္ဂလိပ်ဘာသာဖြင့် The Global New Light of Myanmar သတင်းစာများကို ထုတ်ဝေနေခြင်း ဖြစ်သည်။ ထိုသို့ ထုတ်ဝေရာတွင် ၂၀၁၅-၂၀၁၆ ဘဏ္ဍာနှစ်၌ ကြေးမုံသတင်းစာစောင်ရေ ၆၂၃ ဒသမ ၉၃ သိန်းဖြစ်ပြီး မြန်မာ့အလင်းသတင်းစာ ထုတ်ဝေမှုမှာစောင်ရေ   သိန်း ၅၀၂ ဒသမ ၂၀ အထိရှိကာ  The Global News Light of Myanmar မှာ စောင်ရေ ၅၇ ဒသမ ၂၂ သိန်း ရှိနေသည်။

ထို့အတူ ၂၀၁၅-၂၀၁၆ ဘဏ္ဍာနှစ်၌ ကြေးမုံသတင်းစာစောင်ရေ ၆၇၉ ဒသမ ၈၁ သိန်းဖြစ်ပြီး မြန်မာ့အလင်းသတင်းစာထုတ်ဝေမှုမှာစောင်ရေ  ၅၀၂ ဒသမ ၄၉ သိန်း အထိရှိကာ The Global New Light of Myanmar မှာ စောင်ရေ ၆၀  ဒသမ ၆၁ သိန်း ထုတ်ဝေခဲ့သည်။

နှစ်စဉ်လိုငွေပြနေသည့် ပြန်ကြားရေးဝန်ကြီးဌာနအနေဖြင့် ၂၀၁၃-၂၀၁၄ဘဏ္ဍာနှစ်တွင် လိုငွေ ကျပ်သန်းပေါင်း ၅၇၇၃၆ ကျော်အထိ ဖြစ်ပေါ်ခဲ့ပြီး ၂၀၁၄-၂၀၁၅ ဘဏ္ဍာနှစ်တွင် လိုငွေ ကျပ်သန်းပေါင်း ၆၁၁၂၉ ကျော်အထိ ဖြစ်ပေါ်ခဲ့သည်။ ၂၀၁၅ -၂၀၁၆ ဘဏ္ဍာနှစ်တွင် လိုငွေပမာဏ ကျပ်သန်းပေါင်း ၃၄၃၉၅  ကျော်အထိ ဖြစ်ပေါ်ခဲ့ကြောင်း သိရ သည်။ လက်ရှိအစိုးရ အာဏာရယူထားသည့် ၂၀၁၆-၂၀၁၇ ဘဏ္ဍာနှစ်တွင် လိုငွေ ကျပ်သန်းပေါင်း ၂၂၁၇၀ ကျော်အထိ ဖြစ်ပေါ်ခဲ့ကာ၂၀၁၇-၂၀၁၈ ဘဏ္ဍာနှစ်တွင် ရငွေ ကျပ်သန်းပေါင်း ၃၅၇၅၃  ကျော်ရှိပြီး သုံးငွေမှာ ကျပ်သန်းပေါင်း ၆၀၀၅၄ ကျော် ဖြစ်၍ လိုငွေ ပမာဏ ကျပ်သန်းပေါင်း ၂၄၃၀၁  ကျော်အထိ ဖြစ်ပေါ်နေမည်ဖြစ်ကြောင်း ကနဦးစာရင်းများအရ သိရသည်။

ဒီမိုကရေစီစနစ်နှင့် ကိုက်ညီခြင်းမရှိသည့် နိုင်ငံပိုင်သတင်းစာများကို NLD အစိုးရလက်ထက်တွင် အမြန်ဆုံးကိုင်တွယ်သွားမည်ဖြစ်ကြောင်း ၂၀၁၅ ခုနှစ် အထွေထွေရွေးကောက်ပွဲအနိုင်ရအပြီး ၂၀၁၅ ခုနှစ် ဒီဇင်ဘာ ၃၁ ရက်တွင် RFA သတင်းဌာနသို့ အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်က ပြောကြားခဲ့မှုမှာ လက်ရှိအချိန်တွင် နှစ်နှစ်ပြည့်မြောက်ခဲ့ပြီဖြစ်သည်။