အောင်လံမြို့နယ် ပြည်ခိုင်ဖြိုးပါတီ အနေဖြင့် ဥပဒေနှင့် ညီညွတ်မှုမရှိဘဲ အင်အား စုဆောင်းခြင်း၊ စီတန်း လှည့်လည်ခြင်း၊ စည်းရုံး ဟောပြောခြင်း ပြုလုပ်သည်ဟု ဆိုကာ အရေးယူပေးရန် အောင်လံမြို့နယ် NLD ပါတီဥက္ကဋ္ဌက မြို့နယ် ရွေးကောက်ပွဲကော်မရှင်ထံ တိုင်ကြား

ဇူလိုင် ၂ ရက်က အောင်လံမြို့နယ်ပြလို့ ကျေးရွာရှစ်မျက်နှာ ကျောင်းတိုက်သာသနာ့ ဗိမာန်တွင် ပြုလုပ်သည့် အောင်လံမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၏ ပါတီဝင် အဆိုပြုလွှာပေးအပ်ပွဲတွင် ဥပဒေနှင့် ညီညွတ်မှုမရှိဘဲ အင်အား စုဆောင်းခြင်း၊ စီတန်း လှည့်လည်ခြင်း၊ စည်းရုံး ဟောပြောခြင်းများ ပြုလုပ်ခဲ့သဖြင့် မြို့နယ် ရွေးကောက်ပွဲကော်မရှင် အနေဖြင့် အရေးယူပေးရန် တိုင်ကြားထားကြောင်း အောင်လံမြို့နယ် NLD ပါတီဥက္ကဋ္ဌ၊ ပြည်သူ့လွှတ်တော် ကိုယ်စားလှယ် ဦးအောင်ထူးမြင့်က ပြောကြားသည်။

ပြည်သူ့လွှတ်တော် ကိုယ်စားလှယ် ဦးအောင်ထူးမြင့်က “မြို့နယ် ရွေးကောက်ပွဲကော်မရှင်က နိုင်ငံရေးပါတီတွေ လိုက်နာရမယ့် ညွှန်ကြားချက်တစ်ခုကို ၂၀၁၇ ခုနှစ် သြဂုတ်လပိုင်းက ထုတ်ပြန်ထားပါတယ်။ အဲဒါက နိုင်ငံရေးပါတီများအနေနဲ့ ပါတီရုံးခန်းပြင်ပ ပြုလုပ်မယ့် အင်အား စုဆောင်းခြင်း၊ စည်ရုံးရေးအတွက် ဟောပြောခြင်း၊ စုရုံးခြင်းများ ပြုလုပ်ပါက သက်ဆိုင်ရာ အုပ်ချုပ်ရေး အဖွဲ့အစည်းတွေထံ ငြိမ်းချမ်းစွာ စုဝေးခွင့်နှင့် ငြိမ်းချမ်းစွာ စီတန်း လှည့်လည်ခွင့် တင်ပြပြီးမှ လုပ်ရမယ်လို့ ညွှန်ကြားထားပါတယ်။ အဲဒီနေ့က သူတို့လုပ်တဲ့ပွဲကို ပါတီဝင် ၁၀၀၀ ကျော် တက်ရောက်ခဲ့တယ်လို့ သိရပါတယ်။ သူတို့ပါတီ တာဝန်ရှိသူတွေလည်း ဟောပြောမှုတွေ လုပ်ခဲ့ပါတယ်။ ဒါကို ရွေးကောက်ပွဲ ကော်မရှင်နဲ့ သက်ဆိုင်ရာ အုပ်ချုပ်ရေး အဖွဲ့အစည်းတွေကို ဒီပွဲလုပ်ဖို့ ခွင့်ပြုချက်တင်ခဲ့လားလို့ မေးကြည့်တော့ ရွေးကောက်ပွဲ ကော်မရှင်ကိုတော့ အသိပေးစာ ပေးပို့ခဲ့တယ်လို့ သိရပါတယ်။ ကျန်တဲ့ ငြိမ်းချမ်းစွာ စုဝေးခွင့်နဲ့ စီတန်း လှည့်လည်ခွင့်ကိုတော့ မတင်ခဲ့ဘူးလို့ အုပ်ချူပ်ရေး တာဝန်ရှိသူတွေက ပြောပါတယ်။ ဒါကြောင့် ဥပဒေနဲ့ မညီညွတ်ဘဲ အင်အား စုဆောင်းခြင်း၊ စီတန်း လှည့်လည်ခြင်း၊ စည်းရုံး ဟောပြောခြင်းတွေ ပြုလုပ်ခဲ့တဲ့ လုပ်ရပ်ကို ရွေးကောက်ပွဲကော်မရှင်က လိုအပ်သလို အရေးယူပေးဖို့ တိုင်ကြားတာပါ”ဟု ပြောကြားသည်။

အထက်ပါကိစ္စနှင့် ပတ်သက်၍ အောင်လံမြို့နယ် ပြည်ခိုင်ဖြိုးပါတီဥက္ကဋ္ဌ ဦးစန်းလွင် က “ကျွန်တော်တို့ ပါတီဝင် အဆိုပြုလွှာပေးအပ်ပွဲ အခမ်းအနားကို တည်ဆဲဥပဒေနဲ့အညီ လုပ်ခဲ့တာပါ။ တိုင်ကြားခံရတယ် ဆိုတာတော့ သိပါတယ်။ အကြောင်းအရာကို ကောင်းကောင်း မသိသေးပါဘူး။ တိုင်ကြားထားတာနဲ့ ပတ်သက်ပြီး ပြန်လည်ချေပမှုတွေ လုပ်သွားမှာပါ။ ဒီကိစ္စကို ဘယ်လိုမြင်လဲဆိုတော့ နိုင်ငံရေးပါတီ အချင်းချင်း မိတ်ဖက် သဘောထားရမှာကို ရန်ဘက်လို သဘောထားနေတယ်လို့ မြင်ပါတယ်”ဟု ပြောကြားသည်။ အဆိုပါ တိုင်ကြားမှုနှင့် ပတ်သက်၍ အောင်လံမြို့နယ် ရွေးကောက်ပွဲကော်မရှင်က စစ်ဆေးဆွေးနွေးမှုများ ပြုလုပ်နေပြီး အထက်အဆင့်ဆင့်သို့ တင်ပြ ဆောင်ရွက်မည်ဟု ရွေးကောက်ပွဲကော်မရှင်ဥက္ကဋ္ဌ ဦးမြင့်စိုးလေးက ပြောကြားသည်။

နိုင်ငံတစ်ခု၏ အဆိုးအကောင်းကို ဖန်တီးမည့် ပဲ့ကိုင်ရှင်သည် အစိုးရတစ်ရပ်၊ ပုဂ္ဂိုလ်တစ်ဦး မဟုတ်ဘဲ နိုင်ငံသားများသာလျှင် ဖြစ်ကြောင်း ပြည်ခိုင်ဖြိုးပါတီဥက္ကဋ္ဌ ပြောကြား

နိုင်ငံတစ်ခု၏ အဆိုးအကောင်းကို ဖန်တီးမည့် ပဲ့ကိုင်ရှင်သည် အစိုးရတစ်ရပ်၊ ပုဂ္ဂိုလ်တစ်ဦး တစ်ယောက် မဟုတ်ဘဲ မိမိတို့တစ်ဦးချင်း ပါဝင်သည့် နိုင်ငံသားများသာလျှင် ဖြစ်ကြောင်း ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ ဦးသန်းဌေးက နှစ်သစ်ကူး ဆုတောင်းစကားတွင် ထည့်သွင်း ပြောကြားသည်။

ပြည်ခိုင်ဖြိုးပါတီဥက္ကဋ္ဌ ဦးသန်းဌေးက မြန်မာ့ရိုးရာ နှစ်သစ်ကူး ဆုတောင်းစကားအား Eleven Media နှင့် သီးသန့်တွေ့ဆုံ ပြောကြားခဲ့ခြင်း ဖြစ်သည်။

ဖြစ်ပျက်နိယာမအရ မရပ်မနား ရွေ့လျားကုန်ဆုံးနေသည့် အချိန်ဆိုသော ကာလယန္တရားကြီး၏ တိုက်စားဝါးမျိုမှုနှင့်အတူ နှစ်သစ်သမယတွင် ပြည်ထောင်စုသမ္မတ မြန်မာနိုင်ငံတော်အတွင်း နေထိုင်ကြသော နိုင်ငံသူ နိုင်ငံသား အားလုံးအနေဖြင့် နှစ်ဟောင်းတွင် ကြုံတွေ့ခဲ့ကြရသည့် ဆင်းရဲဒုက္ခအပေါင်းက လွတ်မြောက်ပြီး စိတ်၏ ချမ်းသာခြင်း၊ ကိုယ်၏ ကျန်းမာခြင်းတို့နှင့် ပြည့်စုံကြပါစေကြောင်း ဆုတောင်းပါသည်ဟု ဦးသန်းဌေးက ဦးစွာ ပြောကြားသည်။

“ပုထုဇဉ် လူသာမန်တွေ အများစုဖြစ်တဲ့ ကျွန်တော်တို့ရဲ့ နေ့စဉ်ဘ၀မှာ လောဘ၊ ဒေါသ၊ မောဟဆိုတဲ့ တရားဆိုးတွေကသာ ဦးဆောင်နေတာ ဖြစ်တဲ့အတွက် အဆိုးကျော့ သံသရာမှာ ၀ဲလည်ပြီး တစ်နေ့တခြား လုံးပါးပါးနေကြတာလည်း တကယ့် ပကတိ အရှိတရား ဖြစ်ပါတယ်။ အဆိုးတွေ ကင်းပျောက်ပြီးတော့ အကောင်းတကာ့ အကောင်းဆုံးတွေကိုပဲ ရရှိ၊ ရောက်ရှိ ခံစားချင်ကြတာလည်း နိုင်ငံသားအားလုံးရဲ့ တူညီတဲ့ ဆန္ဒအမှန်ဖြစ်ပါလိမ့်မယ်။ တကယ်တော့ ကျွန်တော်တို့ တစ်ဦးချင်း တစ်ယောက်ချင်းရဲ့ ဘ၀အဆိုးအကောင်းကို ဖန်တီးမယ့် ပဲ့ကိုင်ရှင်ဟာ နတ်တွေ၊ သကြားတွေ မဟုတ်ပါဘူး။ ကျွန်တော်တို့ ကိုယ်တိုင်ပဲ ဖြစ်ပါတယ်။ အလားတူပါပဲ နိုင်ငံတစ်ခုရဲ့ အဆိုးအကောင်းကို ဖန်တီးမယ့် ပဲ့ကိုင်ရှင်ဟာလည်း အစိုးရတစ်ရပ်၊ ပုဂ္ဂိုလ်တစ်ဦး တစ်ယောက် မဟုတ်ပါဘူး။ ကျွန်တော်တို့ တစ်ဦးချင်း ကိုယ်တိုင်ပါဝင်တဲ့ နိုင်ငံသားများသာလျှင် ဖြစ်ပါတယ်” ဟု ဦးသန်းဌေးက ပြောကြားသည်။

ထို့အတူ နှစ်သစ်သမယတွင် ကောင်းကျိုးချမ်းသာများ၊ ကောင်းခြင်းမင်္ဂလာများ ပြည့်စုံရန် လောဘမှ ဒါနသံဝိဘာဂသို့ လည်းကောင်း၊ ဒေါသမှ မေတ္တာသို့ လည်းကောင်း၊ အ၀ိဇ္ဇာမှ ၀ိဇ္ဇာသို့ လည်းကောင်း ကျင့်ကြံနိုင်ကြရန် လိုအပ်မည် ဖြစ်ကြောင်း၊ ပြည်ထောင်စုသမ္မတ မြန်မာနိုင်ငံတော်နှင့် နိုင်ငံသူ၊ နိုင်ငံသား အားလုံးအတွက် ကောင်းသောကူးပြောင်းခြင်း ဖြစ်ပါစေဟု နိုင်ငံသားတစ်ဦးချင်းအား မေတ္တာရည်၍ ဆုတောင်းမေတ္တာ ပို့သအပ်ကြောင်း ဦးသန်းဌေးက ပြောကြားသည်။