တရားရုံးနှင့် ရဲစခန်းများတွင် သက်သေခံပစ္စည်းအဖြစ် သိမ်းဆည်းထားသောယာဉ်များ၏ ဖြုတ်ရန်တပ်ရန် လွယ်ကူသည့် အစိတ်အပိုင်းများကို ဖြုတ်ယူထားခြင်းများရှိကြောင်း ပြည်သူ့လွှတ်တော်ကိုယ်စားလှယ် ပြောကြား

တရားရုံးနှင့်ရဲစခန်းများတွင် သက်သေခံပစ္စည်းအဖြစ် သိမ်းဆည်းထားသော ယာဉ်များ၏ ဖြုတ်ရန်တပ်ရန်လွယ်ကူသည့် အစိတ်အပိုင်းများကို ဖြုတ်ယူထားခြင်းများရှိကြောင်း ပွင့်ဖြူမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးထွန်းထွန်းက ပြောကြားသည်။

နေပြည်တော်၌ သြဂုတ် ၃၁ ရက်က ပြုလုပ်သော ပြည်သူ့လွှတ်တော် အစည်းအဝေးတွင် ပွင့်ဖြူမဲဆန္ဒနယ်မှ ဦးထွန်းထွန်းက တရားမ၀င် ရောင်းဝယ်ဖောက်ကားရာမှ ဖမ်းဆီးရရှိသော သက်သေခံပစ္စည်းများဖြစ်သည့် မော်တော်ယာဉ်၊ ယာဉ်များနှင့် သစ်တောထွက်ပစ္စည်းအား အရည်အသွေးမပျက်စီးမီ အမြန်ဆုံးလေလံတင်ရောင်းချရန် အစီအစဉ်ရှိမရှိနှင့်စပ်လျဉ်းသည့် မေးခွန်းကို မေးမြန်းရာတွင် အထက်ပါအတိုင်း ပြောကြားခဲ့ခြင်းဖြစ်သည်။

“ကျွန်တော်တို့တိုင်းပြည်မှာ တရားမ၀င် လုပ်ငန်းတွေ တရာမ၀င်ရောင်းဝယ်ဖောက်ကားရာမှ ဖမ်းဆီးရရှိတဲ့ယာဉ်တွေဟာ တရားရုံးတွေ၊ ရဲစခန်းတွေမှာ သက်သေခံပစ္စည်းအဖြစ်နဲ့ သိမ်းဆည်းထားတာတွေ များစွာ ရှိပါတယ်။ အလားတူ သစ်တောထွက်ပစ္စည်းတွေ တရားမ၀င်ရောင်းချရာမှ ဖမ်းဆီးရမိတဲ့ သစ်တောထွက်ပစ္စည်းတွေဟာ သစ်တောစခန်း၊ သစ်တောရုံးတွေမှာ ဒုနဲ့ဒေးတွေ့ရှိရပါတယ်။ သက်သေခံပစ္စည်းတွေဟာ လုံလုံခြုံခြုံ အမိုးအကာအရိပ်အောက်မှာ ထိန်းသိမ်းမထားနိုင်တဲ့အတွက် အမှုမပြီးမပြတ်ခင်မှာပဲ ပျက်စီးယိုယွင်းနေတာကို တွေ့ရပါတယ်။ ပိုဆိုးတာက ဖြုတ်လို့တပ်လို့လွယ်တဲ့ ဒိုင်နမို၊ မော်တာ၊ တာယာစတဲ့ပစ္စည်းတွေကို အလွယ်တကူ ဖြတ်ယူတာတွေ ရှိပါတယ်။ ဆိုင်ကယ်တွေကိုလည်း နည်းမျိုးစုံနဲ့လဲခြင်း၊ ပြောင်းခြင်း၊ ဖြုတ်ယူခြင်းများရှိတဲ့အတွက် မိမွေးဖမွေးတိုင်း မူလအတိုင်း မရှိတော့ပါ။ အမှုလည်းပြီးရော လိုင်စင်၊ နံပါတ်ပြား၊ ရုပ်ဘော်ဒီလောက်ပဲ ကျန်တော့ပါတယ်” ဟု ဦးထွန်းထွန်းက ပြောကြားသည်။

အလားတူ သစ်တောထွက်ပစ္စည်များသည်လည်း မိုးထဲလေထဲနေပူထဲတွင် ပျက်စီးယိုယွင်းပြီး သုံးလို့မရသည့်အချိန်မှ အမှုပြီးကာ လေလံတင်ရာတွင် သုံးမရတော့ဘဲ မိအေးနှစ်ခါနာဆိုသလို ခိုးထုတ်ခိုးခုတ်၍ သစ်တောပြုန်းသည့်အပြင် အမှုကြာပစ္စည်း ဆွေးသောကြောင့် တိုင်းပြည်အတွက် အကျိုးမရှိဖြစ်ခဲ့ရကြောင်းနှင့် ထိုသို့မဖြစ်ရန်အတွက် ပြည်ထောင်စုအစိုးရအဖွဲ့မှ သက်ဆိုင်ရာဝန် ကြီးဌာနများကို စနစ်တကျ စီမံညွှန်ကြားရန် လိုအပ်ကြောင်း မေးခွန်းရှင်ကိုယ်စားလှယ်က ပြောကြားသည်။

စီမံကိန်းနှင့် ဘဏ္ဍာရေးဝန်ကြီးဌာန အကောက်ခွန်ဦးစီးဌာနသည် တာဝန်ထမ်းဆောင်စဉ် ဖမ်းဆီးရမိသော မော်တော်ယာဉ်များအား ပြည်သူ့ဘဏ္ဍာသိမ်း အမိန့်ထုတ်ပြန်ပြီးနောက် ဗဟိုစက်ပစ္စည်းစာရင်းအင်းနှင့် စစ်ဆေးရေးဦးစီးဌာနသို့လည်းကောင်း၊ ဖမ်းဆီးရမိသော သစ်တောထွက်ပစ္စည်းမျာအား သစ်တောဦးစီးဌာနသို့လည်းကောင်း လုပ်ထုံးလုပ်နည်းနှင့်အညီ လွှဲပြောင်းပေးအပ်ရကြောင်း စီမံကိန်းဘဏ္ဍာနှင့် ဘဏ္ဍာရေးဝန် ကြီးဌာန ဒုတိယ၀န်ကြီး ဦးမောင်မောင်ဝင်းက မေးခွန်းနှင့်ပတ်သက်၍ ဖြေကြားခဲ့သည်။

ထို့ပြင် ဖမ်းဆီးရမိပြည်သူ့ဘဏ္ဍာသိမ်း လိုင်စင်မဲ့ မော်တော်ယာဉ်များကို ပြင်စရိတ် ငွေသက်သာစေရန်နှင့် သံရည်ကျိုအဆင့်သို့ ရောက်ရှိခြင်းမှ ကာကွယ်ရန်အတွက် ဖမ်းဆီးရမိစဉ်ကပင် ကနဦးစစ်ဆေးချက်မှတ်တမ်း နှင့်အတူ စီမံကိန်းနှင့် ဘဏ္ဍာရေးဝန်ကြီးဌာန  ဗဟိုစက်ပစ္စည်း စာရင်းအင်းနှင့် စစ်ဆေးရေးဦးစီးဌာနသို့ လွှဲပြောင်းပေးအပ်စေခြင်းနှင့် အမှုပြီးပြတ်ရေးအတွက် တရားရုံးအသီးသီးက လုပ်ထုံးလုပ်နည်းနှင့်အညီ ဆက်လက် ဆောင်ရွက်ခြင်းတို့ကို ဆောင်ရွက်လျက်ရှိပြီး ဖမ်းဆီးရမိ လိုင်စင်မဲ့ မော်တော်ယာဉ်များအား ဖမ်းဆီးရမိစဉ်ကပင် စီမံကိန်းနှင့် ဘဏ္ဍာရေးဝန်ကြီးဌာန ဗဟိုစက်ပစ္စည်း စာရင်းအင်း နှင့် စစ်ဆေးရေးဦးစီးဌာနမှ လွှဲပြောင်းလက်ခံနိုင်မည်ဖြစ်သော်လည်း အဆိုပါမော်တော်ယာဉ်များအား တရားရုံးမှ ပြည်သူပိုင်အဖြစ် သိမ်းဆည်းမိန့်ချမှတ်ပြီးသည့်အခါမှသာ ဌာနဆိုင်ရာများသို့ လိုအပ်ချက်အပေါ် မူတည်၍ ခွဲဝေထုတ်ပေးနိုင်ရေး ဆောင်ရွက်ရန် ပြည်ထောင်စုအစိုးရအဖွဲ့ရုံးမှ ၂၀၁၇ ခုနှစ် မေ ၉ ရက် ရက်စွဲပါစာဖြင့် ညွှန်ကြားထားသည့်အတိုင်း ဆောင်ရွက်လျက်ရှိကြောင်း ဒုတိယ၀န်ကြီးက ပြောကြားသည်။

ပြည်သူ့ဘဏ္ဍာ အလေအလွင့်ဖြစ်မှု ကချင်ပြည်နယ်လွှတ်တော်တွင် ကိုယ်စားလှယ်များ ဝေဖန်

ပြည်သူ့ဘဏ္ဍာများ အလေအလွင့်ဖြစ်မှု ဒုတိယအကြိမ် ကချင်ပြည်နယ် လွှတ်တော် (၁၁) ကြိမ်မြောက်အစည်းအဝေးတွင် ကိုယ်စားလှယ်များက ထောက်ပြဝေဖန်ခဲ့သည်။

ကချင်ပြည်နယ်အစိုးရအဖွဲ့က တင်သွင်းသည့် ၂၀၁၈ ခုနှစ် ကချင်ပြည်နယ်၏ ဘဏ္ဍာငွေ အရအသုံးဆိုင်ရာဥပဒေကြမ်းနှင့် ပတ်သက်၍ လွှတ်တော်ကိုယ်စားလှယ်များက ဆွေးနွေးရာတွင် ထည့်သွင်းဆွေးနွေးခဲ့ခြင်း ဖြစ်သည်။

အင်ဂျန်းယန်မြို့နယ် မဲဆန္ဒနယ် အမှတ် (၂) မှ ပြည်နယ်လွှတ်တော်ကိုယ်စားလှယ် ဒေါ်မရမ်ဂျာဆိုင်းခွန်က “ဘဏ္ဍာငွေအရ အသုံးဆိုင်ရာဥပဒေကြမ်းနဲ့ပတ်သက်ပြီး နောင်မဖြစ်သင့်တာမဖြစ်အောင် တွေ့တာတွေကို ဆွေးနွေးမှာပါ။ လွန်ခဲ့တဲ့နှစ်တွေကလည်း ဘဏ္ဍာငွေတွေ နစ်နာတာတွေ၊ လုပ်ငန်းတွေ အဆင့်မမီတာနဲ့ပတ်သက်ပြီး ကျော်လွန်ခဲ့ကြပြီ။ ကျွန်တော်တို့ မဆွေးနွေးနိုင်တာတွေ ရှိနေပါတယ်။ ဘဏ္ဍာငွေတွေ မသုံးသင့်တာသုံးတာ၊ ထပ်နေတာ၊ ချပေးသလောက် မလုပ်တာတွေ တွေ့နေရပါတယ်။ ကျွန်တော့် မဲဆန္ဒနယ်မှာတွေ့တာကို လွှတ်တော်မှာ တင်ပြခဲ့ပြီးပြီ။ လမ်းတွေမှာ မြောင်းထည့်တာ အရည်အသွေးမီတာတွေ ရေမြောင်းလုပ်တာတွေ အဆင့်မမီတာတွေ တွေ့တယ်။ အခုထိ မပြင်ဘူး။ ငွေထုတ်ဖို့ လက်မှတ်လာထိုးခိုင်းတော့ ကျွန်မတော့ မထိုးနိုင်ဘူး ငြင်းလိုက်ပါတယ်။ ဒါပေမဲ့ ငွေဘယ်လို ထုတ်သွားတယ်ဆိုတာတော့ ကျွန်မ မသိပါဘူး။ အခု မြစ်ကြီးနားက လမ်းမကြီးတွေဟာ ပုံမှာပြထားတဲ့အတိုင်း လမ်းဘောင်တွေ ခုနစ်လက်မပဲလုပ်တာတွေ၊ ဘယ်လောက်ပဲခံမလဲ။ သေချာတယ် ကားသွားရင်ပျက်မှာပဲ။ ကျောက်တွေ စံမမီဘူး။ ဘေးဘောင်တွေ စလုပ်ကတည်းက ပျက်နေတာတွေ တွေ့နေတယ်” ဟု ပြောကြားသည်။

ဖားကန့်မြို့နယ် မဲဆန္ဒနယ်အမှတ် (၁) မှ ဦးဒါရှီလဆိုင်းက “လွန်ခဲ့တဲ့နှစ်တွေနဲ့ မတူဘဲ ဘဏ္ဍာငွေ အရအသုံးဆိုင်ရာဥပဒေကြမ်းကို လွှတ်တော်ကိုယ်စားလှယ်များ ပထမဆုံးဆွေးနွေးခွင့်ရတာကို ကျေးဇူးတင်ပါတယ်။ လုပ်ထုံးလုပ်နည်းနဲ့မတူတာတွေကို တွေ့ရတဲ့အခါမှာ ပြည်သူ့ဘဏ္ဍာငွေ ဆုံးရှုံးနေတာစိုးရိမ်လို့ ဆွေးနွေးတာပါ။ အစိုးရဌာနအဖွဲ့အစည်းများရဲ့ တင်ဒါများနဲ့ဆောင်ရွက်ရာတွင် ဘဏ္ဍာငွေ များဆုံးရှုံးမှုမရှိစေရန်၊ အဂတိလိုက်စားမှု မရှိစေရန်၊ တင်ဒါကို လက်ဝါးကြီးအုပ်မဖြစ်စေဘဲ ပွင့်လင်းမြင်သာမှုရှိရန် ပါရှိပါတယ်။ တချို့လုပ်ငန်းရှင်တွေက လုပ်ထုံးလုပ်နည်းနဲ့ လွဲနေတယ်ဆိုတာကို ကြားနေရပါတယ်။ ဒေသခံလုပ်ငန်းရှင်များ ပေါ်ပေါက်လာဖို့ ပွင့်လင်းမြင်သာစွာ လုပ်ဆောင်ပေးကြဖို့ တိုက်တွန်းလိုပါတယ်” ဟု ပြောကြားသည်။

ပူတာအိုမြို့နယ် မဲဆန္ဒနယ် အမှတ် (၂) မှ ပြည်နယ်လွှတ်တော်ကိုယ်စားလှယ် ဦးဒိန်ခန်ဖုန် (ခ) ဦးခန်လင်ကဘတ်ဂျက်ချထားမှုကို ကြည့်ပါက ဝေးလံခေါင်းဖျားတွင် ဘဏ္ဍာငွေ အလွန်နည်းပါးသည်ကို တွေ့ရကြောင်း၊ မြစ်ချောင်းဖွံ့ဖြိုးတိုးတက်ရေး ၁၅၄၄ ဒသမ ၃၂ သန်းချထားသည်ကို တွေ့ရကြောင်း၊ ပူတာအိုဒေသတွင် ချောင်းထိန်းနံရံကို ယင်းချောင်းမှကျောက်များဖြင့် လုပ်ဆောင်သော်လည်း ကျောက်သယ်ဆောင်ခကို တိုးမြင့်ထားသည်ကိုလည်း တွေ့ရကြောင်း၊ ခရိုင်လေးခုအတွင်း ပူတာအိုခရိုင်မှာ ပြည်နယ်ဘတ်ဂျက်အနည်းငယ်သာရရှိကြောင်း၊ ယခုနှစ်ဘတ်ဂျက်အတွက် ကတ္တရာလမ်းသုံးမိုင်၊ စမ်းရေသွယ်လုပ်ငန်းတစ်ခု၊ ရေတွင်းသုံးတွင်းသာရှိကြောင်း၊ ဘတ်ဂျက် ခြောက်လစာမှာ ကချင်ပြည်နယ် တစ်ခုလုံးအတွက် ကျပ်သန်းပေါင်း ၇၆၄၁၆ ဒသမ ၃၂၃ သန်းဖြစ်သော်လည်း ပူတာအိုခရိုင် ငါးမြို့နယ်အတွင်း ၇၇၁၉ သန်းသာရှိကြောင်း၊ ယင်းဘဏ္ဍာအတွင်းမှ  ၄၉၈၆ သန်းမှာ မြစ်ကြီးနား-ဆွမ်ပရာဘွမ်လမ်းအတွက်သာ ဖြစ်ပါကြောင်း၊ ဝေးလံခေါင်ဖျားဒေသများကိုလည်း ရန်ပုံငွေတိုးမြှင့်ချထားနိုင်ရေးဆွေးနွေးလိုပါကြောင်း တင်ပြခဲ့သည်။

လွှတ်တော်ကိုယ်စားလှယ်များ ဆွေးနွေးချက်များနှင့်ပတ်သက်၍ သက်ဆိုင်ရာဝန်ကြီးမှ ရှင်းလင်းရာတွင် ၂၀၁၈ ခုနှစ် ဧပြီ ၁ရက်မှ စက်တင်ဘာ ၃၁ ရက်ထိ ဘဏ္ဍာငွေ အရအသုံးဆိုင်ရာ ဥပဒေကြမ်းကိုသာ ဆွေးနွေးခြင်းသာ ဖြစ်သဖြင့် လွှတ်တော်ကိုယ်စားလှယ်များ၏ ဆွေးနွေးသုံးသပ်ချက်များ မည်သည့်မှတ်ချက်မှ ပေးလိုခြင်းမရှိကြောင်း လွှတ်တော်ဥက္ကဋ္ဌထံ တင်ပြခဲ့သည်။