ဝန်ကြီးဌာနများက အစိုးရအဆက်ဆက် ချေးယူထားသည့် ပြည်ပကြွေးမြီ ဒေါ်လာ ၁၈ ဒသမ ၁၂၃ ဘီလျံရှိနေပြီး ထုတ်ယူသုံးစွဲထားမှုမှာ ဒေါ်လာ ၁၁ ဒသမ ၆၄၁ ဘီလျံအထိရှိကြောင်း သိရ

တရုတ်နိုင်ငံ၏ချေးငွေ ပါဝင်တည်ဆောက်ထားသည့် ရွှေကမ်းလွန်သဘာဝဓာတ်ငွေ့ စီမံကိန်း၏ သဘာဝဓာတ်ငွေ့ ဖြန့်ဖြူးရေးစခန်းကို တွေ့ရစဉ်

ဝန်ကြီးဌာနများက အစိုးရအဆက်ဆက် ချေးယူထားသည့် ပြည်ပကြွေးမြီ ဒေါ်လာ ၁၈ ဒသမ ၁၂၃ ဘီလျံအထိရှိနေပြီး အဆိုပါ ချေးယူငွေများထဲမှ ထုတ်ယူသုံးစွဲထားသည့် ငွေမှာ ဒေါ်လာ ၁၁ ဒသမ ၆၄၁ ဘီလျံအထိရှိကြောင်း ပြည်ထောင်စုလွှတ်တော် ပြည်သူ့ ငွေစာရင်း ပူးပေါင်းကော်မတီ၏ ‘ပြည်ထောင်စု စာရင်းစစ်ချုပ်၏ ၂၀၁၆-၂၀၁၇ ဘဏ္ဍာရေးနှစ် စစ်ဆေးတွေ့ရှိချက် အစီရင်ခံစာအ ပေါ်လေ့လာတွေ့ရှိချက်နှင့် သဘောထားမှတ်ချက်’ အစီရင်ခံစာတွင် ဖော်ပြထားမှုအရ သိရသည်။

အစိုးရအဆက်ဆက် ပြည်ပမှ ငွေချေးယူခဲ့ရာတွင် ၁၉၈၈ ခုနှစ် ရှေ့ပိုင်းချေးယူခဲ့မှုမှာ စာချုပ်တန်ဖိုးအရ ဒေါ်လာ ၅ ဒသမ ၄၉၁ ဘီလျံဖြစ်ပြီး ထုတ်ယူသုံးစွဲငွေမှာ ဒေါ်လာ ၅ ဒသမ ၂၈၈ ဘီလျံရှိခဲ့သည်။ ၁၅ နှစ်မှ အနှစ် ၄၀ အတွင်း ပြန်လည်ပေးဆပ်ရမည် ဖြစ်သဖြင့် ၂၀၁၇ ခုနှစ် မတ် ၃၁ ရက်အထိ အရင်း ဒေါ်လာ ၁ ဒသမ ၀၂၃ ဘီလျံပေးဆပ် ထားပြီးဖြစ်၍ ပေးဆပ်ရန် ကျန်ရှိနေသော ပမာဏမှာ ဒေါ်လာ ၄ ဒသမ ၂၆၅ ဘီလျံ ကျန်ရှိနေကြောင်း သိရသည်။

၁၉၈၈-၁၉၈၉ ဘဏ္ဍာနှစ်မှ ၂၀၁၀- ၂၀၁၁ ဘဏ္ဍာနှစ်အထိ ချေးယူခဲ့မှုမှာ စာချုပ် အရ ဒေါ်လာ ၄ ဒသမ ၅၃၅ ဘီလျံဖြစ်ပြီး ထုတ်ယူသုံးစွဲငွေမှာ ဒေါ်လာ ၄ ဒသမ ၁၅၀  ဘီလျံရှိခဲ့သည်။ အနှစ် ၂၀ အတွင်း ပြန်လည် ပေးဆပ်ရမည်ဖြစ်သဖြင့် ၂၀၁၇ ခုနှစ် မတ် ၃၁ ရက်အထိ အရင်း ဒေါ်လာ ၁ ဒသမ ၃၇၈ ဘီလျံပေးဆပ်ထားပြီး ပေးဆပ်ရန်ကျန်သော ပမာဏမှာ ဒေါ်လာ ၂ ဒသမ ၇၇၂ ဘီလျံကျန် ရှိနေကြောင်း သိရသည်။

ဦးသိန်းစိန်အစိုးရလက်ထက် ၂၀၁၁- ၂၀၁၂ ဘဏ္ဍာနှစ်မှ ၂၀၁၅-၂၀၁၆ ဘဏ္ဍာ နှစ်အထိ ချေးယူခဲ့မှုမှာ စာချုပ်အရ  ဒေါ်လာ ၆ ဒသမ ၃၁၉ ဘီလျံဖြစ်ပြီး ထုတ်ယူသုံးစွဲငွေ မှာ ဒေါ်လာ ၂ ဒသမ ၁၉၇ ဘီလျံရှိခဲ့သည်။ ၁၀ နှစ်မှ အနှစ် ၄၀ အတွင်း ပြန်လည်ပေး ဆပ်ရမည်ဖြစ်သဖြင့် ၂၀၁၇ ခုနှစ် မတ် ၃၁ ရက်အထိ အရင်းဒေါ်လာ ၉၁ သန်း ပေးဆပ် ထားပြီး ပေးဆပ်ရန်ကျန်သောပမာဏမှာ ဒေါ်လာ ၂ ဒသမ ၁၀၆ ဘီလျံ ကျန်ရှိနေကြောင်း သိရသည်။

NLD အစိုးရလက်ထက် ၂၀၁၆-၂၀၁၇ ဘဏ္ဍာနှစ်တွင်မူ ချေးယူခဲ့မှုမှာ စာချုပ်အရ ဒေါ်လာ ၁ ဒသမ ၇၇၇ ဘီလျံဖြစ်ပြီး ထုတ်ယူသုံးစွဲငွေမှာ ဒေါ်လာ ခြောက်သန်း ရှိခဲ့သည်။ အနှစ် ၂၀ နှစ်မှ အနှစ် ၄၀ အတွင်း ပြန်လည် ပေးဆပ်ရမည်ဖြစ်ပြီး ပေးဆပ်ရန်ကျန်သော ပမာဏမှာ ဒေါ်လာခြောက်သန်း ဖြစ်ကြောင်း သိရသည်။

၂၀၁၆-၂၀၁၇ ဘဏ္ဍာနှစ်ကုန်အထိ စာရင်းများအရ ၀န်ကြီးဌာနများက ဒေါ်လာ ၁၁ ဒသမ ၆၄၁ ဘီလျံအထိ ထုတ်ယူသုံးစွဲထား ခြင်းဖြစ်ပြီး ပေးချေပြီးငွေ ဒေါ်လာ ၂ ဒသမ ၄၉၂ ဘီလျံရှိနေသဖြင့် ပေးဆပ်ရန် လက် ကျန်ငွေမှာ ဒေါ်လာ ၉ ဒသမ ၁၄၉ ဘီလျံရှိ နေကြောင်း သိရသည်။

အဆိုပါ ချေးယူငွေများအတွက် အများဆုံး ပြန်လည်ပေးဆပ်ရမည့် အတိုးနှုန်းများမှာ ဦးသိန်းစိန်အစိုးရ လက်ထက်တွင် ချေးယူခဲ့သော ငွေများဖြစ်နေပြီး အတိုးနှုန်းမှာ ၀ ဒသမ ၀၁ ရာခိုင်နှုန်းမှ ငါးရာခိုင်နှုန်းအကြား ဖြစ်နေသည်။ ဒုတိယ အများဆုံးမှာ ၁၉၈၈-၁၉၈၉ ဘဏ္ဍာနှစ်မှ ၂၀၁၀- ၂၀၁၁ ဘဏ္ဍာနှစ်အထိ ချေးယူခဲ့သည့် ငွေများမှဖြစ်ပြီး အတိုးနှုန်းမှာ ၂ ရာခိုင်နှုန်းမှ ၄ ဒသမ ၇၈ ရာခိုင်နှုန်းအကြားဖြစ်သည်။ ၁၉၈၈ ခုနှစ်မတိုင်မီ ချေးယူခဲ့ရသည့် ငွေများအတွက်မူ အတိုးနှုန်း ၀ ဒသမ ၀၁ ရာခိုင်နှုန်းမှ ၃ ရာခိုင်နှုန်းအကြား ပေးချေရပြီး NLD အစိုးရလက်ထက် ချေးငွေများ၏ အတိုးနှုန်းမှာမူ ၀ ဒသမ ၀၁ ရာခိုင်နှုန်းမှ ၁ ဒသမ ၅ ရာခိုင်နှုန်းအကြား ပြန်လည် ပေးဆပ်ရမည်ဖြစ်သည်။

ဝန်ကြီးဌာနများ အနေဖြင့် ဒေါ်လာ ၁၁ ဒသမ ၆၄၁ ဘီလျံအထိ ထုတ်ယူသုံးစွဲထားသော်လည်း ၂၀၁၈ ခုနှစ် မတ်လကုန်အထိ ဌာနအဖွဲ့အစည်းအလိုက် ပေးဆပ်ရန်ရှိသည့် ပြည်ပကြွေးမြီမှာ ဒေါ်လာ ၁၀ ဒသမ ၂ ဘီလျံ ရှိကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးစိုးဝင်းက ပြောကြားသည်။

နိုင်ငံတော်၏ ပြည်ပကြွေးမြီ လက်ကျန်အခြေအနေအရ ကြွေးမြီခံနိုင်ရည်ရှိမှု အတိုင်းအတာအတွင်း ရှိသော်လည်း ချေးငွေအလွန်များပြားနေပြီးနောင်တွင် ငွေချေးယူလိုမှုများရှိပါက အခက်အခဲ ရှိလာမည်ကို စိုးရိမ်ပူပန်မိကြောင်း တပ်မတော်သားကိုယ်စားလှယ် ပြောကြား

သြဂုတ် ၁၃ ရက်က ကျင်းပသည့် ပြည်ထောင်စုလွှတ်တော်အစည်းအဝေး ခေတ္တရပ်နားနေချိန်တွင် လွှတ်တော်ကိုယ်စားလှယ်များအား တွေ့ရစဉ်

နိုင်ငံတော်၏ ပြည်ပကြွေးမြီလက်ကျန် အခြေအနေအရ ကြွေးမြီခံနိုင်ရည်ရှိမှု အတိုင်းအတာအတွင်း ရှိသော်လည်း ချေးငွေများ အလွန်များပြားနေပြီး နောင်တွင် ငွေချေးယူလိုမှုများရှိပါက အခက်အခဲ ရှိလာမည်ကို စိုးရိမ်ပူပန်မိကြောင်း တပ်မတော်သား ပြည်သူ့လွှတ်တော် ကိုယ်စားလှယ် ဗိုလ်မှူးဇော်ဝင်းနိုင်က ပြောကြားသည်။

နိုင်ငံတော်သမ္မတထံမှ ပေးပို့ထားသော စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ စီမံကိန်းလုပ်ငန်းများ ဆောင်ရွက်ရန်အတွက် အာရှဖွံ့ဖြိုးရေးဘဏ်ထံမှ အမေရိကန်ဒေါ်လာ ၄၀ ဒသမ ၅ သန်း ချေးယူရန် ကိစ္စနှင့်စပ်လျဉ်း၍ နေပြည်တော်၌ သြဂုတ် ၁၃ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် န၀မပုံမှန်အစည်းအဝေး အဋ္ဌမနေ့တွင် တပ်မတော်သား လွှတ်တော်ကိုယ်စားလှယ်က ဆွေးနွေးရာတွင် အထက်ပါအတိုင်း ပြောကြားခဲ့ခြင်းဖြစ်သည်။

“နိုင်ငံတော်ရဲ့ ပြည်ပကြွေးမြီလက်ကျန် အခြေအနေအရ ၂၀၁၈ ခုနှစ် မတ် ၃၁ ရက်အထိ ပြည်ပကြွေးမြီနဲ့ GDP အချိုးဟာ ၁၅ ဒသမ ၄၅ ရာခိုင်နှုန်းခန့်ဖြစ်သဖြင့် ကြွေးမြီခံနိုင်ရည်ရှိမှု အတိုင်းအတာအတွင်း ရှိကြောင်းကိုလည်း တင်ပြခဲ့ပါတယ်။ သို့သော်လည်း ၂၀၁၈ ခုနှစ် သြဂုတ် ၁ ရက်မှာ ကျင်းပပြုလုပ်တဲ့ ပြည်ထောင်စုလွှတ်တော်နာယက တာဝန်လွှဲပြောင်း၊ လက်ခံတဲ့အခမ်းအနားမှာ ပြည်ထောင်စုလွှတ်တော် နာယကဟောင်းရဲ့ မိန့်ခွန်းမှာပါရှိတာက ပြည်ထောင်စုလွှတ်တော် အနေဖြင့် လပေါင်း ၃၀ အတွင်း ပြည်တွင်း၊ ပြည်ပချေးငွေ ၄၀ ခုအား သဘောတူညီခဲ့ကြောင်း ပြောကြားသွားခဲ့ပါတယ်။ ဒါကြောင့် ချေးငွေတွေ အလွန်များပြားနေပြီး နောင်မှာ ယခုထက် ပိုအရေးကြီးတဲ့ ငွေချေးယူလိုမှုများရှိပါက အခက်အခဲ ရှိလာမှာကို စိုးရိမ်ပူပန်မိပါတယ်” ဟု ဗိုလ်မှူးဇော်ဝင်းနိုင်က ပြောကြားသည်။

ထို့ပြင် စီမံကိန်းလုပ်ငန်းများ အကောင်အထည်ဖော်ရာတွင် အောင်မြင်ထိရောက်အောင် ဆောင်ရွက်သွားရန်၊ စီမံကိန်းလုပ်ငန်းများ ပွင့်လင်းမြင်သာမှု ရှိရန်နှင့် Oversight Team များ ဖွဲ့စည်းပြီး စောင့်ကြည့်သွားရန် လိုအပ်မည်ဖြစ်ကြောင်းနှင့် စိုက်ပျိုးစီးပွားရေးကို အဓိကထားနေရသော မြန်မာနိုင်ငံအနေဖြင့် ပြည်သူလူထုအများစုကို အကျိုးပြုမည့် စီမံကိန်းဖြစ်သည့်အတွက် အောင်မြင်အောင် ဆောင်ရွက်နိုင်မည်ဆိုပါက ချေးငွေနှင့် ပတ်သက်ပြီး ကန့်ကွက်ရန်မရှိကြောင်း တပ်မတော်သား ပြည်သူ့လွှတ်တော်ကိုယ်စားလှယ်က ပြောကြားသည်။

မြန်မာနိုင်ငံ၏ ပြည်ပချေးငွေသည် စုစုပေါင်း အမေရိကန်ဒေါ်လာ ၉ ဒသမ ၅၇၁ ဘီလျံဖြစ်ပြီး အာရှဖွံ့ဖြိုးရေးဘဏ်မှ ချေးငွေသည် အမေရိကန်ဒေါ်လာ ၀ ဒသမ ၅၄၆ ဘီလျံရှိကာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ ချေးယူငွေသည် အမေရိကန်ဒေါ်လာ ၀ ဒသမ ၇၁၄ ဘီလျံဖြစ်၍ ၀န်ကြီးဌာနများတွင် တတိယအများဆုံး ချေးယူထားသည်ကို တွေ့ရကြောင်း၊ ယခုကဲ့သို့ ချေးငွေများကို ချေးယူသုံးစွဲသည့်နေရာတွင် တိုင်းပြည်အတွက် အမှန်တကယ် အကျိုးရှိရန်နှင့် တိုင်းပြည်စီးပွားဖွံ့ဖြိုးတိုးတက်ရန် လိုအပ်ကြောင်း ပွင့်ဖြူမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးထွန်းထွန်းက ပြောကြားသည်။

“သုံးစွဲတဲ့နေရာမှာလည်း အကျိုးရှိရှိ ထိထိရောက်ရောက် အလေအလွင့်မရှိအောင် မဖိတ်မစင်အောင် သုံးစွဲဖို့ လိုအပ်ပါတယ်။ ချေးငွေတွေကို ၂၀၁၇-၂၀၁၈ ဘဏ္ဍာနှစ်ကစပြီး ပြန်ဆပ်နေရပါပြီ။ ချေးငွေတွေကို ဘယ်လိုဆပ်မယ်၊ အတိုးတွေကို ဘယ်လိုရအောင် ရှာမယ်ဆိုတာကိုလည်း ရေရှည်ထည့်တွက် စဉ်းစားသင့်ပါတယ်” ဟု ဦးထွန်းထွန်းက ပြောကြားသည်။

နှစ်စဉ်ပြည်ပချေးငွေများ အခြေအနေများနှင့် ပတ်သက်၍ ပြည်ထောင်စုလွှတ်တော် ပထမသက်တမ်းငါးနှစ်ကာလနှင့် ဒုတိယသက်တမ်း ၂၀၁၇ ခုနှစ် ဇူလိုင် ၃၁ ရက်အထိ ပြည်ထောင်စုလွှတ်တော်၏ သဘောတူညီချက် ရယူထားသော ပြည်ပချေးငွေများစာရင်းကို ၂၀၁၈ ခုနှစ် မေလတွင် ပြည်ထောင်စု လွှတ်တော်သို့ ပထမဆုံးအကြိမ် တင်ပြခဲ့သည်မှာ ကောင်းမွန်သော တင်ပြချက်ဖြစ်ပြီး တင်ပြချက်များတွင် လုပ်ဆောင်သည့် အကြောင်းအရာ ခေါင်းစဉ်ကိန်းဂဏန်းများသာ ဖော်ပြသည်ကို တွေ့မြင်ရကာ စီမံကိန်းအောင်မြင်ခြင်း (သို့) မအောင်မြင်ခြင်းများအတွက် အားသာချက်၊ အားနည်းချက်များကို ဖော်ပြပေးသင့်ကြောင်း ချောက်မဲဆန္ဒနယ်မှ ဦးဘိုကြီးက ပြောကြားသည်။

“မအောင်မြင်သည့် အချက်ကိုလည်းကောင်း၊ ၀န်ထမ်းတွေရဲ့ အားနည်းချက်တွေရှိရင် ဖော်ထုတ် အရေးယူခြင်းကိုလည်းကောင်း၊ ပွင့်လင်းမြင်သာစွာ ရှင်းလင်းဖော်ပြသင့်ပါတယ်။ ဒီလိုအကြုံပြုတင်ပြနေရတာဟာ ချေးငွေယူပြီး အကြွေးတင်၍ အချိန်တန်ရင် ပြန်ဆပ်ရုံသာမဟုတ်ဘဲ ချေးငွေတွေ ချေးယူခဲ့ခြင်းမှာ တိုင်းပြည်အတွက် မည်သို့အကျိုးသက်ရောက်သည်ကို နိုင်ငံသူ၊ နိုင်ငံသားတွေ သိမြင်နိုင်စေရန် ဖြစ်ပါတယ်။ သို့မှသာ အကြွေးတင်ပေမယ့် တိုင်းပြည်အတွက် အကျိုး ရှိ၊ မရှိကို မြင်သာစေပါမယ်” ဟု ဦးဘိုကြီးက ပြောကြားသည်။

နိုင်ငံတော်တွင် တင်ရှိနေသည့် ပြည်ပကြွေးမြီ အခြေအနေကို ပြည်သူလူထု သိရှိရန်အတွက် အသိပေးသင့်ကြောင်း တပ်မတော်သားလွှတ်တော်ကိုယ်စားလှယ် အကြံပြု

နိုင်ငံတော်တွင် တင်ရှိနေသည့် ပြည်ပကြွေးမြီ အခြေအနေကို ပြည်သူလူထု သိရှိရန်အတွက် အသိပေးသင့်ကြောင်း တပ်မတော်သား ပြည်သူ့လွှတ်တော်ကိုယ်စားလှယ် ဗိုလ်မှူးတင်လင်းက အကြုံပြု ပြောကြားခဲ့သည်။

နိုင်ငံတော်သမ္မတထံမှ ပေးပို့သော စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ စီမံကိန်းလုပ်ငန်းများ ဆောင်ရွက်ရန်အတွက် အီတလီနိုင်ငံမှ အတိုးမဲ့ချေးငွေ ယူရို သန်း ၃၀ ရယူရန် ကိစ္စနှင့် စပ်လျဉ်း၍ နေပြည်တော်၌ သြဂုတ် ၉ ရက်က ပြုလုပ်သော ဒုတိယအကြိမ် ပြည်ထောင်စုလွှတ်တော် န၀မပုံမှန် အစည်းအဝေး သတ္တမနေ့တွင် တပ်မတော်သားပြည်သူ့လွှတ်တော်ကိုယ်စားလှယ်များက ဆွေးနွေးရာတွင် အထက်ပါအတိုင်း အကြံပြုခဲ့ခြင်းဖြစ်သည်။

“ပြည်ပကြွေးမြီ အခြေအနေကိုကြည့်ရင် ၂၀၁၈ ခုနှစ် မတ် ၃၁ ရက်အထိ ပြည်ပကြွေးမြီနဲ့ ဂျီဒီပီအချိုးဟာ ၁၅ ဒသမ ၄၅ ရာခိုင်နှုန်းဖြစ်ကြောင်း တွေ့ရှိရပါတယ်။ ကမ္ဘာ့ဘဏ်နဲ့ အပြည်ပြည်ဆိုင်ရာ ငွေရေးကြေးရေး ရန်ပုံငွေအဖွဲ့တို့က သတ်မှတ်ထားတဲ့ နိုင်ငံရဲ့ မူဝါဒနဲ့ အဖွဲ့အစည်းဆိုင်ရာ မူဘောင်ကို တိုင်းတာတဲ့ Score အရ အလယ်အလတ်ဝင်ငွေရှိတဲ့ နိုင်ငံအတွက် စံသတ်မှတ်ချက်မှာ ပြည်ပချေးငွေနဲ့ ဂျီဒီပီအချိုး ၃၀ ရာခိုင်နှုန်း မကျော်လွန်သင့်ကြောင်း ဖော်ပြထားချက်နဲ့လည်း ကိုက်ညီတာကြောင့် ချေးငွေရယူရန် သင့်လျော်မှု ရှိတာကိုလည်း တွေ့ရှိရပါတယ်။ နိုင်ငံတော်မှာ တင်ရှိနေတဲ့ ပြည်ပကြွေးမြီ အခြေအနေကို ပြည်သူလူထုသိရှိရန်အတွက် အသိပေးသင့်ကြောင်း အကြံပြုလိုပါတယ်” ဟု ဗိုလ်မှူးတင်လင်းက ပြောကြားသည်။

ထို့ပြင် ဗိုလ်မှူးတင်လင်းက လျှပ်စစ်ဓာတ်အားရရှိပြီး ဆက်သွယ်ရေး စနစ်ကောင်းမွန်လာခြင်း၊ သတင်းအချက်အလက်များ အချိန်နှင့် တစ်ပြေးညီရရှိလာနိုင်ခြင်း၊ အသေးစားကုန်ထုတ်လုပ်ငန်းများ ဆောင်ရွက်လာနိုင်ခြင်းကြောင့် ၀င်ငွေရရှိမှု အခွင့်အလမ်းများ တိုးပွားလာပြီး ကျေးရွာနေပြည်သူများ၏ လူမှုစီးပွားဘ၀နှင့် လူနေမှုအဆင့်အတန်း တိုးတက်မြင့်မားလာခြင်းစသည့် ထပ်ဆင့်အကျိုးကျေးဇူးများပါ ရရှိမည်ဖြစ်သောကြောင့် အီတလီ၏ အတိုးမဲ့ချေးငွေကို အလေအလွင့်မရှိစေဘဲ စီမံကိန်းဝင် ဒေသခံပြည်သူများအတွက် အမှန်တကယ် အကျိုးရှိအောင် ဆောင်ရွက်ပေးရန် တိုက်တွန်းပြောကြားသည်။

နိုင်ငံတော်သမ္မတထံမှ ပေးပို့သော စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၏ စီမံကိန်းလုပ်ငန်းများ ဆောင်ရွက်ရန်အတွက် အီတလီနိုင်ငံမှ အတိုးမဲ့ချေးငွေ ယူရို သန်း ၃၀ ရယူရန်ကိစ္စနှင့် စပ်လျဉ်း၍ လွှတ်တော်ကိုယ်စားလှယ် ၁၈ ဦးက ဆွေးနွေးခဲ့ကြသည်။

ပြည်ပချေးငွေယူပြီး ဆောင်ရွက်သည့် စီမံကိန်းများတွင် အကြောင်းအမျိုးမျိုးကြောင့် မျှော်မှန်းသည့်အတိုင်း အောင်မြင်မှုမရှိခြင်း၊ အားနည်းမှုရှိခြင်းများ တွေ့ရှိရကြောင်း စီမံကိန်းနှင့် ဘဏ္ဍာရေးဒုတိယ၀န်ကြီး လွှတ်တော်၌ ပြောကြား

ပြည်ပချေးငွေယူပြီး ဆောင်ရွက်သည့် စီမံကိန်းများတွင် အကြောင်းအမျိုးမျိုးကြောင့် မျှော်မှန်းသည့်အတိုင်း အောင်မြင်မှု မရှိခြင်း၊ အားနည်းမှု ရှိနေခြင်းများကို တွေ့ရှိရကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြည်ထောင်စု လွှတ်တော်၌ ပြောကြားသည်။

ဇန်န၀ါရီ ၃၁ ရက် ပြည်ထောင်စုလွှတ်တော် အစည်းအဝေးတွင် ၂၀၁၆-၂၀၁၇ ဘဏ္ဍာနှစ် အစိုးရ၏ ကြွေးမြီဆိုင်ရာ နှစ်ပတ်လည် အစီရင်ခံစာ အပါအ၀င် လွှတ်တော် ကိုယ်စားလှယ်များ၏ ဆွေးနွေးချက်များအား ရှင်းလင်းစဉ် ပြောကြားခဲ့ခြင်းဖြစ်သည်။

ဒုတိယ၀န်ကြီးဦးမောင်မောင်ဝင်းက “ပြည်ပချေးငွေရယူပြီး အကောင်အထည်ဖော် ဆောင်ရွက်တဲ့စီမံကိန်းတွေမှာ အကြောင်း ကြောင်းကြောင့် မျှော်မှန်းတဲ့အတိုင်း အောင် မြင်မှုမရှိခြင်း၊ အားနည်းမှုရှိခြင်းတို့ကို တွေ့ မြင်ကြရပါတယ်။ ဒါကြောင့် ယင်းအားနည်း ချက်၊ လိုအပ်ချက်တွေကို သင်ခန်းစာယူပြီး သေချာစွာစိစစ်သုံးသပ် ဆောင်ရွက်လျက်ရှိပါ တယ်။ ပြည်ပချေးငွေရယူရာမှာ ဦးစွာ သက် ဆိုင်ရာဝန်ကြီးဌာနက မိမိဝန်ကြီးဌာန၏ မူဝါဒ၊ ရည်မှန်းချက်တွေနဲ့ကိုက်ညီမှု ရှိမရှိ စိစစ်သုံးသပ်ရမှာဖြစ်ပါတယ်”ဟု ပြည် ထောင်စုလွှတ်တော်တွင် ပြောကြားသည်။

ထို့ပြင် ၀န်ကြီးဌာန၏ အဆိုပြုချက်ကို ဖွံ့ဖြိုးမှုအကူအညီများ ညှိနှိုင်းရေးအဖွဲ့မှ ထပ်မံစိစစ်ခြင်း၊ အခြားသောအဖွဲ့အစည်းများနှင့် ဆက်စပ်ဝန်ကြီးဌာနများ၏ အကြံဉာဏ်များ ရယူခြင်းဖြင့် ချေးငွေရယူသင့်မသင့် စိစစ် ကြောင်း၊ ယခုချမှတ်ထားပြီးဖြစ်သည့် မြန်မာ နိုင်ငံ၏ ဖွံ့ဖြိုးမှုအကူအညီဆိုင်ရာမူဝါဒနှင့်လည်း စိစစ်ရမည်ဖြစ်ကြောင်း၊ ထိရောက် သော ချေးငွေဖြစ်စေရေးနှင့် နိုင်ငံနှင့်ပြည်သူ အတွက် အကျိုးဖြစ်ထွန်းသည့် စီမံကိန်းလုပ် ငန်းများဖြစ်ရေးအတွက် စီမံကိန်းများကို စနစ်တကျစိစစ်နိုင်ရန် စီမံကိန်းစိစစ်ရေးနှင့် တိုးတက်မှုအစီရင်ခံရေးဦးစီးဌာနကို တာဝန် ပေးဆောင်ရွက်လျက်ရှိကြောင်း ဒုတိယ၀န် ကြီးက ပြောကြားသည်။

ထို့ပြင် လွှတ်တော်ကိုယ်စားလှယ် ဒေါ် ခင်စန်းလှိုင်၏ ဆွေးနွေးချက်ဖြစ်သည့် ချေး ငွေဖြင့်ဆောင်ရွက်သည့် စီမံကိန်းများသည် ပြည်သူလူထုအတွက် အမှန်တကယ် အကျိုး ကျေးဇူးဖြစ်ထွန်းစေသည့် စီမံကိန်းဖြစ်မှသာ ကြွေးတင်ရကျိုးနပ်မည်ဆိုသည်မှာ အလွန် မှန်ကန်သည့်အချက်ဖြစ်ကြောင်း၊ နိုင်ငံတော်က တာဝန်ယူ၍ ပေးဆပ်ရမည့် ချေးငွေများ ဖြင့် စီမံကိန်းများ အကောင်အထည်ဖော် ဆောင်ရွက်သည့် သက်ဆိုင်ရာဝန်ကြီးဌာန များအနေဖြင့် စီမံကိန်းရည်မှန်းချက်များ သတ်မှတ်ချိန်အတွင်း ပြည့်မီစေရေးနှင့် လေလွင့်ဆုံးရှုံးမှုမရှိစေရေးတို့ကို အလေးထား ဆောင်ရွက်သင့်ကြောင်း၊ ဆောင်ရွက်မှုအခြေ အနေများကိုလည်း ပွင့်လင်းမြင်သာမှုရှိရှိဖြင့် အများပြည်သူသိရှိစေရေး ပြည်ထောင်စု လွှတ်တော်မှတစ်ဆင့် တိုးတက်မှုအစီရင်ခံမှု များကိုဆောင်ရွက်သင့်ကြောင်း၊ စီမံကိန်းနှင့် ဘဏ္ဍာရေးဝန်ကြီးဌာနအနေဖြင့်လည်း ချေး ငွေသုံးစွဲမှုနှင့် လုပ်ငန်းတိုးတက်မှုများကို စောင့်ကြည့်သုံးသပ်သွားမည်ဖြစ်ကြောင်း ဒုတိယ၀န်ကြီးက ပြောကြားသည်။

၂၀၁၆ ခုနှစ်တွင် ပြည်သူ့ကြွေးမြီ စီမံခန့် ခွဲမှုဥပဒေကိုပြဋ္ဌာန်းနိုင်ခဲ့ပြီးနောက် အစိုးရ/ဌာန/အဖွဲ့အစည်းများအနေဖြင့် ယခင်ကကဲ့ သို့ တိုက်ရိုက်ငွေချေးယူခြင်း၊ စာချုပ်လက် မှတ်ရေးထိုးခြင်းများ ဆောင်ရွက်၍မရတော့ဘဲ စီမံကိန်းနှင့် ဘဏ္ဍာရေးဝန်ကြီးဌာနမှသာ ပြည်ထောင်စုလွှတ်တော်၏ အတည်ပြုချက်ဖြင့် နိုင်ငံတော်ကိုယ်စား တာဝန်ယူကာ ငွေချေးယူခြင်း၊ စာချုပ်လက်မှတ်ရေးထိုးခြင်းများကို ဆောင်ရွက်လျက်ရှိကြောင်း၊ အစိုးရ မဟုတ်သော အဖွဲ့အစည်းများသို့ အာမခံချက် ထုတ်ပေးခြင်းမရှိကြောင်း ဒုတိယ၀န်ကြီး ဦးမောင်မောင်ဝင်းက ပြောကြားသည်။

ပြည်ပချေးငွေရယူရာတွင် နိုင်ငံတော်၏မူဝါဒများ၊ အမျိုးသားစီမံကိန်းများ၊ ဦးစားပေး လုပ်ငန်းအစီအစဉ်များနှင့် လိုအပ်ချက်များ ကို အခြေခံစဉ်းစားရသည့်အပြင် သက်ဆိုင်ရာ ချေးငွေပေးအပ်မည့် ပြည်ပနိုင်ငံ/အဖွဲ့အစည်းများမှ ကူညီပံ့ပိုးပေးလိုသည့် နယ် ပယ်၊ ကူညီလိုသည့်ပမာဏ စသည်တို့နှင့် လည်း ပေါင်းစပ်ညှိနှိုင်း ဆောင်ရွက်ရခြင်းဖြစ် ကြောင်း ဒုတိယ၀န်ကြီးက ပြောကြားသည်။

၂၀၁၇ ခုနှစ် စက်တင်ဘာ ၃၀ ရက်အထိ ဌာန၊ အဖွဲ့အစည်းအလိုက် ပေးရန်ရှိသည့် ပြည်ပကြွေးမြီအခြေအနေမှာ စုစုပေါင်း အမေရိကန်ဒေါ်လာ ၉,၅၇၁,၇၁၃,၄၀၄ ဒသမ ၂၈ ဖြစ်သည်။

၂၀၁၁-၂၀၁၂ ဘဏ္ဍာနှစ်မှ ၂၀၁၇-၂၀၁၈ ဘဏ္ဍာနှစ်အထိ နှစ်အလိုက် နိုင်ငံ တော်၏ ပြည်တွင်းပြည်ပကြွေးမြီအခြေအနေ မှာ သမ္မတဦးသိန်းစိန်လက်ထက်ဖြစ်သည့် ၂၀၁၁-၂၀၁၂ ခုနှစ်တွင် ပြည်တွင်းကြွေးမြီ ကျပ် ၉၉၃၈ ဘီလျံ၊ ပြည်ပကြွေးမြီ ကျပ် ၆၃၃၅ ဘီလျံ၊ ၂၀၁၂-၂၀၁၃ ခုနှစ်တွင် ပြည်တွင်း ကြွေးမြီ ကျပ် ၁၀၈၂၄ ဘီလျံ၊ ပြည်ပကြွေးမြီ ကျပ် ၇၃၀၁ ဘီလျံ၊ ၂၀၁၃-၂၀၁၄ ခုနှစ်တွင် ပြည်တွင်းကြွေးမြီ ကျပ် ၁၂၀၁၄ ဘီလျံ၊ ပြည်ပ ကြွေးမြီ ကျပ် ၉၅၆၁ ဘီလျံ၊ ၂၀၁၄-၂၀၁၅ ခုနှစ်တွင် ပြည်တွင်းကြွေးမြီ ကျပ် ၁၂၄၈၇ ဘီလျံ၊ ပြည်ပကြွေးမြီ ကျပ် ၉၅၄၅ ဘီလျံ၊ ၂၀၁၅-၂၀၁၆ ခုနှစ်တွင် ပြည်တွင်းကြွေးမြီ ကျပ် ၁၅၇၂၄ ဘီလျံ၊ ပြည်ပကြွေးမြီ ကျပ် ၁၂၂၄၆ ဘီလျံဖြစ်ကြောင်း သိရသည်။

အမျိုးသားဒီမိုကရေစီအဖွဲ့ချုပ်ဦးဆောင် သည့် အစိုးရသစ်လက်ထက်ဖြစ်သည့် ၂၀၁၆- ၂၀၁၇ ခုနှစ်တွင် ပြည်တွင်းကြွေးမြီ ကျပ် ၁၈၀၂၀ ဘီလျံ၊ ပြည်ပကြွေးမြီ ကျပ် ၁၀၈၄၁ ဘီလျံ၊ ၂၀၁၇-၂၀၁၈ ခုနှစ် စက်တင်ဘာ ၃၀ ရက်အထိ ပြည်တွင်းကြွေးမြီ ကျပ် ၁၉၃၆၀ ဘီလျံ၊ ပြည်ပကြွေးမြီ ကျပ် ၁၃၁၁၃ ဘီလျံဖြစ် ကြောင်း သိရသည်။ စိုးမင်းထိုက်၊ စည်သူ

ပြည်ပကြွေးမြီ၊ ခြောက်လဘတ်ဂျက်နဲ့ ကျော်စောသတင်းပေးမှုတွေကို လက်ခံတော့မယ့် အဂတိလိုက်စားမှု တိုက်ဖျက်ရေး ဥပဒေကြမ်း

ဇန်န၀ါရီ ၁၅ ရက်က ပြုလုပ်သည့် ပြည်ထောင်စုလွှတ်တော်အစည်းအဝေးကို သတင်းရယူနေသူများအား တွေ့ရစဉ်

ရခိုင်အကျပ်အတည်းကို ထပ်ဆင့်ဆိုးရွားတဲ့ ပုံဖော်မှုဖြစ်စေခဲ့တဲ့ မြောက်ဦးအဓိကရုဏ်းကြီးစိုးတဲ့ ဒီရက်သတ္တပတ်မှာ မြန်မာနိုင်ငံ အနာဂတ်နဲ့ ကိုက်ညီသင့်လျော်တဲ့ ဖွဲ့စည်းပုံအခြေခံဥပဒေတစ်ရပ် ပေါ်ထွက်လာစေဖို့ ဘက်ပေါင်းစုံက နည်းလမ်းပေါင်းစုံနဲ့ ကြိုးစားနေတယ်လို့ ဒုတိယသမ္မတ ဦးဟင်နရီဗန်ထီးယူက ပြောကြားမှု ရှိခဲ့ပါတယ်။

အခြားသောတစ်ဖက်မှာ ဆိုရင်လည်း ၂၀၁၈-၂၀၁၉ ဘဏ္ဍာနှစ်ကို ၀န်ထမ်းအိမ်ရာနှစ်လို့ သတ်မှတ်ထားပြီး တစ်နိုင်ငံလုံးမှာ ၀န်ထမ်းအိမ်ရာတွေ တည်ဆောက်သွားမယ်လို့ ကျန်းမာရေးနဲ့ အားကစားဝန်ကြီးဌာနက ပြောကြားခဲ့သလို နေရာပြောင်း လူပြောင်းကစားတဲ့ ၀န်ကြီး အပြောင်းအလဲတွေလည်း ဆက်တိုက်ဖြစ်ပေါ်နေပြီး ဆောက်လုပ်ရေးဝန်ကြီးဌာန ပြည်ထောင်စုဝန်ကြီးအဖြစ် ဦးဟန်ဇော်ကို ခန့်အပ်ခဲ့ပါတယ်။

ဒီလိုဖြစ်စဉ်တွေ ဖြစ်ပေါ်နေတဲ့ အခြားတစ်ဖက်က စီးပွားရေးကဏ္ဍမှာဆိုရင် လက်ရှိအစိုးရဟာ ဘဏ္ဍာနှစ် ပြောင်းလဲထားတာကြောင့် ကြားကာလ ဘဏ္ဍာနှစ်တိုခြောက်လအတွက် ဘတ်ဂျက်တောင်းခံမှုတွေ၊ အမျိုးသားစီမံကိန်း ရေးဆွဲမှုတွေ၊ ၀န်ကြီးဌာနတွေရဲ့ အသုံးစရိတ်တွေအပြင် ပြည်ပကြွေးမြီ အစီရင်ခံစာတွေနဲ့ အဂတိလိုက်စားမှု တိုက်ဖျက်ရေး ကော်မရှင်သစ်ရဲ့ ပထမခြေလှမ်းအဖြစ် အဂတိလိုက်စားမှု တိုက်ဖျက်ရေး ဥပဒေမှာ ကျော်စောမှုတွေကို သတင်းပေးပို့မှုအဖြစ် လက်ခံမယ့်အချက်တွေပါတဲ့ အဂတိလိုက်စားမှု တိုက်ဖျက်ရေးဥပဒေကို စတုတ္ထအကြိမ် ပြင်ဆင်သည့် ဥပဒေကြမ်းကို ပြည်သူတွေ လေ့လာသိရှိ အကြံပြုနိုင်ဖို့ ထုတ်ပြန်မှုရှိခဲ့ပြီး ဒီအချက်တွေကို ဒီတစ်ပတ်ရဲ့ စီးပွားရေးသုံးသပ်ချက်မှာ ဖော်ပြလိုပါတယ်။

ပြည်ပကြွေးမြီ ဒေါ်လာနှစ်ဘီလျံကျော် ချေးမယ့် NLD အစိုးရ

ဦးသိန်းစိန်အစိုးရလက်ထက်ကနေ NLD အစိုးရကို နောက်ဆုံး လက်ဆင့်ကမ်းခဲ့တဲ့ ချေးငွေပမာဏဟာ ပြည်တွင်းကြွေးမြီ ကျပ် ၁၅၇၂၄ ဘီလျံနဲ့ ပြည်ပကြွေးမြီ ကျပ် ၁၂၂၄၆ ဘီလျံဖြစ်ပြီး စုစုပေါင်းဘီလျံ ၂၇၉၇၀ ကို လက်ဆင့်ကမ်းခဲ့တာ ဖြစ်ပါတယ်။

အစိုးရတစ်ရပ်တက်လာတိုင်း လိုအပ်တဲ့ စီမံကိန်းတွေမှာရှိနေတဲ့ ငွေနဲ့ သုံးစွဲဖို့ မလောက်ငတာကြောင့် ထုံးစံအတိုင်းပဲ ဘတ်ဂျက်လိုငွေအတွက် ပြည်တွင်းပြည်ပ ကြွေးမြီတွေ ရယူခဲ့ရသလို စီမံကိန်းတွေ လုပ်ဆောင်ဖို့အတွက်လည်း ပြည်ပချေးငွေတွေ ရယူခဲ့ပါတယ်။

ဒီလိုရယူရာမှာဆိုရင် လက်ရှိအစိုးရရဲ့ ပထမဘဏ္ဍာနှစ်ဖြစ်တဲ့ ၂၀၁၆-၂၀၁၇ ဘဏ္ဍာနှစ်အတွင်း နိုင်ငံနှင့် အဖွဲ့အစည်း ငါးခုဆီကနေ အမေရိကန်ဒေါ်လာ ၁ ဒသမ ၇၇ ဘီလျံတန်ဖိုးရှိ ချေးငွေစာချုပ် ၁၄ ခု ချုပ်ဆိုခဲ့ပြီး ၂၀၁၇-၂၀၁၈ ဘဏ္ဍာနှစ် ပထမခြောက်လပတ်မှာလည်း ထပ်မံပြီး ဒေါ်လာ ၁၂၂၀ ဒသမ ၁၆ သန်း ချေးယူဖို့ ညှိနှိုင်းထားပြီး စုစုပေါင်း ဒေါ်လာ ၂ ဒသမ ၃ ဘီလျံအထိ ချေးယူဖို့ ပြင်ဆင်ခဲ့တာ တွေ့ရပါတယ်။

အစိုးရတစ်ရပ်ဟာ ကိုယ်တာဝန်ယူရတဲ့ ကာလအတွင်းမှာ ငွေချေးယူတာ ထုံးစံလိုဖြစ်ပြီး အဲဒီငွေချေးယူမှုတွေကို နောက်ဆုံးပြန်ဆပ်ရတာကတော့ ပြည်သူပါ။ ငါးနှစ်သက်တမ်းပြီးရင် နောက်အစိုးရကို အကြွေးတွေ လက်ဆင့်ကမ်းပြီး မင်းတို့အစိုးရနဲ့ ပြည်သူတွေ ငါတို့ချေးထားတဲ့ ဒီငွေတွေ ဆပ်တော့ဆိုပြီး လက်လွှဲကြတာဖြစ်လို့ ဒီလိုချေးငွေတွေသာ ဆီးသီးဗန်းမှောက်ခဲ့ရင် တိုင်းပြည်ကပဲ ထပ်ဆင့်နစ်နာရမှာ ဖြစ်ပါတယ်။ ဒါ့ကြောင့်မို့လို့ အစိုးရတစ်ရပ်က လုပ်သွားခဲ့တဲ့ ချေးငွေရယူမှုတွေနဲ့ သုံးစွဲမှုတွေကို စနစ်တကျ ပြန်လည်စိစစ်ဖို့အတွက် လက်ရှိလွှတ်တော်က အဓိကကျသလို လက်ရှိအစိုးရရဲ့ ငွေချေးယူမှုတွေကို ထိန်းကွပ်ဖို့ကလည်း လက်ရှိ လွှတ်တော်ရဲ့ ကြပ်မတ်နိုင်မှုက အရေးပါပါတယ်။ ကိုယ့်ပါတီ၊ ကိုယ့်အစိုးရဆိုတဲ့ အခြေအနေ ငါးနှစ်သက်တမ်းနှစ်ခုစာ ရင်ဆိုင်နေကြရတဲ့ မြန်မာနိုင်ငံရဲ့ ကြွေးမြီကို ပြန်ကြည့်မယ်ဆိုရင် ၂၀၁၆ ခုနှစ် ဒီဇင်ဘာ ၃၁ ရက်အထိ ပြည်ပကြွေးမြီ ဒေါ်လာ သန်း ၉၀၀၀ နီးပါးရှိပြီး ၂၀၅၂-၂၀၅၃ ဘဏ္ဍာနှစ်အထိ နှစ်စဉ် ဒေါ်လာ သန်း ၁၀၀ ကနေ သန်း ၇၀၀ ကျော်အထိ ပြန်လည်ပေးဆပ်ရမယ့် အခြေအနေပါ။ လက်ရှိအခြေအနေမှာဆိုရင် တိုင်းပြည်ရဲ့ ကြွေးမြီ ပမာဏဟာ ဒေါ်လာ ၉ ဒသမ ၅ ဘီလျံအထိ ရှိနေပြီဖြစ်လို့ လက်ရှိအစိုးရလက်ထက် တစ်နှစ်ကျော်ကာလ ချေးယူမှုတွေနဲ့ ပေါင်းမယ်ဆိုရင် ပြည်ပကြွေးမြီ ၁၀ ဘီလျံကျော် ရောက်တော့မယ့် အခြေအနေပါ။ ဒီလိုအခြေအနေမျိုးမှာ ဆီးသီးဗန်းမှောက်ဖြစ်စဉ်တွေကို တတ်နိုင်သမျှ တင်းတင်းကျပ်ကျပ်စိစစ်မှ တိုင်းပြည်အတွက် ရလဒ်ကောင်းရမှာဖြစ်တာမို့ ပြည်ပကြွေးမြီသုံးစွဲမှုတွေကို စနစ်တကျ စောင့်ကြည့်ထိန်းချုပ် စစ်ဆေးပါလို့ပဲ တိုက်တွန်းလိုပါတယ်။

ခြောက်လဘတ်ဂျက် များလွန်းနေသလား

ဘတ်ဂျက်လိုငွေဆိုတဲ့ အခန်းကဏ္ဍကိုပြောတိုင်းမှာ လွှတ်တော်ကိုယ်စားလှယ်တွေရဲ့ စိစစ်ဖြတ်တောက်နိုင်စွမ်းဟာ အရေးပါပါတယ်။ ၀န်ကြီးဌာနတွေက မလိုအပ်တဲ့ စီမံကိန်းတွေ၊ ဧည့်ခံစရိတ်တွေ၊ မော်တော်ယာဉ် အအိုအဟောင်းတွေကို ဌာနအတွက် အသုံးမပြုဘဲ လုံးဝရပ်ထားပြီး ပြုပြင်စရိတ်ကို ကိုယ်ကျိုးသုံးနေတာတွေ၊ မလိုအပ်ဘဲ နှစ်စဉ်တင်ပြနေတဲ့ အသုံးစရိတ်တွေ အားလုံးကို စနစ်တကျ အသေးစိတ် လေ့လာဆန်းစစ်နိုင်တဲ့ စွမ်းရည်ရှိဖို့ လိုအပ်ပါတယ်။ ဒီလို စွမ်းရည်နည်းပါးတာနဲ့ တစ်ပြိုင်နက် တိုင်းပြည်မှာ မလိုလားအပ်တဲ့ ဘတ်ဂျက်လိုငွေတွေ ဖြစ်ပေါ်ရသလို ၀န်ကြီးဌာနတွေက အမှန်တကယ် မလုပ်ဆောင်နိုင်ဘဲ ဘတ်ဂျက်တွေ ငါ့လက်ထဲရောက်ရင် ပြီးတာပဲဆိုတဲ့ မူနဲ့သွားနေရင် နစ်နာရမှာက တိုင်းပြည်ပါ။

လက်ရှိအစိုးရရဲ့ သုံးနှစ်စာ ဘတ်ဂျက်ဟာ ပြုပြင်ပြီးဘတ်ဂျက် နှစ်ကြိမ်နဲ့ ထပ်တိုးဘတ်ဂျက်နှစ်ကြိမ် အပါအ၀င် လိုငွေ ဘီလျံ ၁၀၀၀၀ လောက်ဖြစ်နေချိန်မှာ ၂၀၁၈ ခုနှစ် ခြောက်လဘတ်ဂျက်ဟာ ဘယ်လောက်အထိ လိုငွေဖြစ်လာမလဲဆိုတာ စိတ်ဝင်စားစရာဖြစ်သလို ကာကွယ်ရေးဝန်ကြီးဌာနက ကျပ် ၁၃၃၄ ဘီလျံကျော် တောင်းခံနေချိန်မှာ ပညာရေးဝန်ကြီးဌာနနဲ့ ကျန်းမာရေးနဲ့ အားကစားဝန်ကြီးဌာနနှစ်ခုရဲ့ တောင်းခံငွေက ကျပ် ဘီလျံ ၁၂၀၀ ကျော်ပဲ ရှိနေတာကြောင့် အနာဂတ်မှာ ပညာရေးနဲ့ တည်ဆောက်ရမယ့် မြန်မာနိုင်ငံအတွက် မေးခွန်းထုတ်သံတွေလည်း ညံခဲ့ပါတယ်။

အခြားတစ်ဖက်မှာဆိုရင်လည်း ပြည်ထောင်စုရွေးကောက်ပွဲ ကော်မရှင် ၂၀၁၈ ခုနှစ်အတွင်းမှာ ကျင်းပမယ့် ကြားဖြတ်ရွေးကောက်ပွဲ ရှစ်နေရာစာအတွက် ကျပ်သန်း ၁၆၀၀ ကျော် တောင်းခံခဲ့တာကြောင့် ဒီကိုယ်စားလှယ်တွေဟာ တိုင်းပြည်က လစာတွေ မပေးရခင်မှာကိုပဲ တစ်ဦးကို သန်း ၂၀၀ တန်နေပြီလို့ မေးငေါ့မှုတွေရှိခဲ့သလို ရှေ့က ကိုယ်စားလှယ်တွေထဲက မဲဆွယ်ချိန်ပဲ ပြည်သူကြားကိုရောက်ပြီး အနိုင်ရလို့ ကိုယ်စားလှယ်ဖြစ်တာနဲ့ ပြည်သူတွေဆီ ခြေဦးမလှည့်တော့တဲ့၊ အလုပ်မလုပ်တဲ့ ကိုယ်စားလှယ်တွေကို ဖြုတ်ချခွင့်ဆိုတဲ့ ပြည်သူ့အခွင့်အရေး ဆုံးရှုံးနေမှုအပေါ် မေးငေါ့သံ ညံခဲ့ပါတယ်။

ကျော်စောသတင်းပေးမှုတွေကို လက်ခံတော့မယ့် အဂတိလိုက်စားမှု တိုက်ဖျက်ရေး ဥပဒေပြင်ဆင်ချက်

ထိုင်းနိုင်ငံက ကာကွယ်ရေးဝန်ကြီးနဲ့ ဒုတိယ၀န်ကြီးချုပ် ဗိုလ်ချုပ်ကြီး ပရာဝစ်ပေါင်ဆူဝမ်ရဲ့ ဘတ်ငွေသန်း ပေါင်းများစွာတန်တဲ့ နာရီနဲ့ စိန်လက်စွပ်ကို ၂၀၁၇ ခုနှစ် ဒီဇင်ဘာ ၄ ရက်က အစိုးရအဖွဲ့အစည်း အပြောင်းအလဲလုပ်ဖို့ ပထမဆုံး အစည်းအဝေးမှာ ဓာတ်ပုံမရိုက်မီ နေရောင်ကနေ ကာကွယ်ဖို့ လက်မြှောက်ရာက သတိပြုမိသွားရာက ဝေဖန်မှု မြင့်တက်လာပြီးနောက် ခြစားမှုတိုက်ဖျက်ရေးကော်မရှင် ၀င်ပါလာခဲ့ပြီး ဖြေရှင်းဖို့ ရက်ပေါင်း ၃၀ အချိန်ပေးမှု သတ်မှတ်ရက်စေ့ချိန်မှာ ဒုတိယ၀န်ကြီးချုပ်ရဲ့ ဖြေရှင်းချက်ကို လက်မခံကြတာကြောင့် ခြစားမှုကော်မရှင်က စုံစမ်းစစ်ဆေးဖို့အထိ ဖြစ်လာခဲ့ပြီ ဖြစ်ပါတယ်။ အခြားသောနိုင်ငံတွေမှာ ဆိုရင်လည်း ပိုင်ဆိုင်မှုနဲ့ မမျှတတဲ့၊ ရာထူးဝင်ငွေနဲ့ မဆီလျော်တဲ့ သုံးစွဲ၊ ၀တ်စားပုံမျိုးနဲ့ နိုင်ငံ့ဝန်ထမ်းတွေကို ပြည်သူတွေ ဝေဖန်ရုံနဲ့တင် သက်ဆိုင်ရာ အဂတိလိုက်စားမှု တိုက်ဖျက်ရေးကော်မရှင်က စုံစမ်းစစ်ဆေးပေမယ့် မြန်မာ့အဂတိလိုက်စားမှု တိုက်ဖျက်ရေးဥပဒေကတော့ လုပ်ပိုင်ခွင့် မည်မည်ရရ ပေးမထားတဲ့အတွက် အောင်မြင်အောင် လုပ်ဆောင်နိုင်မှု အားနည်းခဲ့သလို လက်ရှိမှာဆိုရင် အဂတိလိုက်စားကြောင်း ကျော်စောသတင်းတွေကို သတင်းပေးပို့ချက်အဖြစ် လက်ခံမယ့် အဂတိလိုက်စားမှု တိုက်ဖျက်ရေးဥပဒေကို စတုတ္ထအကြိမ်ပြင်ဆင်သည့် ဥပဒေကြမ်းဆိုပြီး ထုတ်ပြန်ခဲ့ပြီဖြစ်ပါတယ်။

“အဂတိလိုက်စားမှုရှိကြောင်း ကျော်စောသတင်း တစ်ရပ်ရပ်ကို ကော်မရှင်သည် သတင်းပေးပို့ချက်အဖြစ် သတ်မှတ်နိုင်သည်”၊ “အဂတိလိုက်စားမှုနှင့် စပ်လျဉ်း၍ဖြစ်စေ၊ လုပ်ပိုင်ခွင့်အာဏာရှိသူတစ်ဦးဦးက အဂတိလိုက်စားမှုဖြင့် ကြွယ်ဝချမ်းသာလာမှုနှင့် စပ်လျဉ်း၍ဖြစ်စေ၊ အဂတိလိုက်စားမှုကြောင့် နစ်နာသူက သတ်မှတ်ချက်များနှင့်အညီ ကော်မရှင်သို့ဖြစ်စေ၊ ကော်မရှင်ရုံးသို့ဖြစ်စေ၊ ဤဥပဒေအရ ဖွဲ့စည်းသော လုပ်ငန်းကော်မတီ၊ လုပ်ငန်းအဖွဲ့၊ ပဏာမစိစစ်ရေးအဖွဲ့နှင့် စုံစမ်းစစ်ဆေးရေးအဖွဲ့ တစ်ခုခုသို့ဖြစ်စေ၊ သက်ဆိုင်ရာ အစိုးရဌာန၊ အဖွဲ့အစည်း တစ်ခုခုသို့ဖြစ်စေ သတင်းပေးပို့ချက်နှင့် တိုင်တန်းချက်များကို ပေးပို့နိုင်သည်”၊ “အဂတိလိုက်စားမှုနှင့် စပ်လျဉ်း၍ဖြစ်စေ၊ လုပ်ပိုင်ခွင့်အာဏာရှိသူတစ်ဦးဦးက အဂတိလိုက်စားမှုဖြင့် ကြွယ်ဝချမ်းသာမှုနှင့် စပ်လျဉ်း၍ဖြစ်စေ၊ ကြွယ်ဝချမ်းသာလာကြောင်း ကျော်စောသတင်း တစ်ရပ်ရပ်ကို သိရှိရပါက ကော်မရှင်သည် သတင်းပေးပို့ချက်အဖြစ် သတ်မှတ်နိုင်သည်” ဆိုတဲ့အချက်တွေကို ဖြည့်စွက်ခဲ့တာကြောင့် အခြားသောနိုင်ငံတွေလိုမျိုး လာဘ်စားတဲ့နိုင်ငံ့ဝန်ထမ်းကို ရာထူး၊ လစာနဲ့ မလျော်ကန်တဲ့ ၀တ်စားဆင်ယင်ပုံနဲ့ အရေးယူတော့မှာလားဆိုတာ စောင့်ကြည့်ရမယ်ဆိုတဲ့ အနေအထား ဖြစ်လာပါတယ်။

ဒီလို အခြားသောနိုင်ငံတွေနည်းတူ လာဘ်စားတဲ့နိုင်ငံ့ဝန်ထမ်းကို ရာထူး၊ လစာနဲ့ မလျော်ကန်တဲ့ ၀တ်စားဆင်ယင်ပုံနဲ့ အရေးယူ ဆောင်ရွက်မယ်ဆိုတဲ့ ကျော်စောသတင်း အချက်အလက်ကို သတင်းပေးပို့ချက်အဖြစ် တစ်ဖက်မှာ လက်ခံမှာဖြစ်သလို အခြားတစ်ဖက်မှာလည်း ကျော်စောသတင်းအဖြစ် မမှန်သတင်းပေးသူတွေကို ခြောက်လထက်မပိုသော ထောင်ဒဏ်ချမှတ်ရမည့်အပြင် ငွေဒဏ်လည်း ချမှတ်နိုင်သည်လို့ ဥပဒေကြမ်းမှာ ဖော်ပြခဲ့တာကို တွေ့ရတာမို့ ဒီဥပဒေကြမ်းဟာ အချိန်ဘယ်လောက် ကြာနိုင်သလဲ၊ ဘယ်လိုပြင်ဆင်ချက်တွေ ရှိလာမလဲဆိုတာနဲ့ အဂတိလိုက်စားမှု အများဆုံး မြန်မာနိုင်ငံအတွက် အထိရောက်ဆုံး ပြင်ဆင်ချက် ဥပဒေတစ်ရပ် ဖြစ်လာမလားဆိုတာ စောင့်ကြည့်ချင်စရာပါလို့ ပြောကြားရင်း ဒီတစ်ပတ်ရဲ့ စီးပွားရေး သုံးသပ်ချက်ကို ရပ်နားလိုက်ပါတယ်။