တိုင်းရင်းသားများ၏ အခွင့်အရေးကို လက်မခံ၊ အသိအမှတ် မပြုခြင်းသည် ပြည်တွင်းစစ် ဖြစ်ပွားနေရခြင်း၏ အဓိက အရင်းခံပြဿနာဟု TNLA အထွေထွေအတွင်းရေးမှူး ပြောကြား

ကချင်ပြည်နယ်အတွင်း တိုက်ပွဲများကြောင့် ထွက်ပြေးလာကြသူ ဒေသခံများအား နမ္မတီးမြို့ နှစ်ခြင်းဘုရားကျောင်းအတွင်း ဧပြီလအတွင်းက တွေ့ရစဉ် (ဓာတ်ပုံ-မုန်ဆန်အောင်)

လူမျိုးပေါင်းစုံနေထိုင်သည့် မြန်မာနိုင်ငံတွင် လူမျိုးစုများ၏ နိုင်ငံရေးအခွင့်အရေး ဆိတ်သုဉ်းပျက်စီးနေခြင်း၊ တိုင်းရင်းသား အခွင့်အရေးကို လက်မခံ၊ အသိအမှတ် မပြုခြင်းများသည် ပြည်တွင်းစစ် ဖြစ်ပွားနေရခြင်း၏ အဓိက အရင်းခံပြဿနာ ဖြစ်သည်ဟု တအန်းလက်နက်ကိုင်အဖွဲ့ (TNLA) ၏ အထွေထွေ အတွင်းရေးမှူးဖြစ်သူ ဗိုလ်မှူးချုပ်တားဘုန်းကျော်က ပြောကြားသည်။

TNLA သတင်းနှင့် ပြန်ကြားရေးဌာနက လစဉ်ထုတ်ဝေသည့် စာစောင်တွင် “မြန်မာပြည်တွင်းစစ် ရာစုနှစ်ထိအောင် ရှည်ကြာမှာလား” ဟူသော ခေါင်းစဉ်ဖြင့် TNLA အထွေထွေအတွင်းရေးမှူး ဗိုလ်မှူးချုပ် တားဘုန်းကျော်က ဆောင်းပါးရေးသားခဲ့ပြီး ၎င်းက အဆိုပါ ဆောင်းပါးတွင် ထိုသို့ထည့်သွင်း ရေးသားခဲ့ခြင်းဖြစ်သည်။

မြန်မာနိုင်ငံအတွင်းရှိ တိုင်းရင်းသားများ အနေဖြင့် ၎င်းတို့၏ ကိုယ်ပိုင်ပြဋ္ဌာန်းခွင့် နိုင်ငံရေး အခွင့်အရေးကို ကျင့်သုံးခွင့်ရရှိမည်ဆိုပါက ဗြိတိသျှကိုလိုနီများ မည်သို့ပင် သိမ်ဖျင်းသော သွေးခွဲအုပ်ချုပ်မှုမျိုး လုပ်ခဲ့ပါစေ၊ အဆိုပါ သွေးခွဲမှုသည် အလုပ်ဖြစ်မည် မဟုတ်သကဲ့သို့ ပြည်တွင်းစစ်လည်း ဖြစ်ပွားမည်မဟုတ်ဘဲ မြန်မာနိုင်ငံတွင် တိုင်းရင်းသား လူမျိုးများ၏ ကိုယ်ပိုင်ပြဋ္ဌာန်းခွင့်နှင့် နိုင်ငံရေး အခွင့်အရေးကို အတိအကျ အသိအမှတ်ပြုကာ အကောင်အထည်ဖော်ဆောင်ရန် လိုအပ်နေသည်ဟု ဗိုလ်မှူးချုပ် တားဘုန်းကျော်က ပြောကြားသည်။

ထို့ပြင် မြန်မာအစိုးရ အဆက်ဆက်သည်လည်း တိုင်းရင်းသားလူမျိုး အခွင့်အရေးကို အနည်းငယ်သာ အသိအမှတ်ပြုချင်ပြီး ဟန်ပြအသုံးချရုံလောက်သာ သဘောထားရှိခဲ့ကာ တော်လှန်ရေးလှုပ်ရှားသည့် အင်အားစုများကလည်း တိုင်းရင်းသားများ၏ ကိုယ်ပိုင်ပြဋ္ဌာန်းခွင့် ပြဿနာအပေါ် နားလည်လက်ခံသလို ရှိသော်လည်း အရေးကြုံ ဆုံးဖြတ်ချက်ပေးရမည့် အချိန်တွင်မူ မှန်ကန်သော ပြဿနာဖြေရှင်းသည့်ဘက်မှ ပြတ်ပြတ်သားသား မရပ်တည်ဝံ့ဟု ၎င်းက အဆိုပါဆောင်းပါးတွင် ဝေဖန်ထောက်ပြထားသည်။

“မြန်မာနိုင်ငံ လွတ်လပ်ရေးရပြီးကတည်းက အခုအချိန်အထိ တိုင်းရင်းသားအရေးကိစ္စကို တကယ်ကိုင်တွယ် ဖြေရှင်းဝံ့သူ ဗမာခေါင်းဆောင်၊ ဗမာနိုင်ငံရေးပါတီ မရှိသေးပါ။ သူတို့ကိုယ်ကျိုးနဲ့ ပါတီအကျိုးအတွက်ပဲ တိုင်းရင်းသားတွေကို ခရီးသွားဟန်လွဲ အသုံးချခဲ့ကြတာကို တွေ့ရမှာပါ” ဟု ဗိုလ်မှူးချုပ် တားဘုန်းကျော်က ပြောဆိုသည်။

အချို့သော တိုင်းရင်းသား အင်အားစုများနှင့် ဒီမိုကရေစီအင်အားစုများသည် ကိုယ့်ကြမ္မာကိုယ် မဖန်တီးနိုင်တော့သည့်အတွက် ဒေါ် အာင်ဆန်းစုကြည်နှင့် ၂၀၀၈ ဖွဲ့စည်းပုံ အခြေခံဥပဒေထံ ပုံအပ်လိုက်ကြပြီး ထိုသုိ့ပုံအပ်မှုကြောင့် တိုင်းရင်းသားများနှင့် ဒီမိုကရေစီ အင်အားစုများအကြား အဓိက ဆုံးရှုံးမှုသည် တော်လှန်ရေး တိုက်ဖော် တိုက်ဖက် စိတ်ဓာတ်ဟု ဗိုလ်မှူးချုပ် တားဘုန်းကျော်က ပြောကြားသည်။

ဒေါ်အောင်ဆန်းစုကြည်အနေဖြင့် အမျိုးသားပြန်လည် သင့်မြတ်ရေးကို တပ်မတော်နှင့်သာ လုပ်ဆောင်ရန် ကြိုးပမ်းခဲ့ပြီး အခက်အခဲများကြားတွင် နှစ်ကာလ ကြာရှည်စွာ အတူရုန်းကန်ခဲ့ကြသည့် ဘ၀တူ မဟာမိတ် တိုင်းရင်းသားပါတီများအပေါ် လစ်လျူရှူ ခွဲခြားဆက်ဆံခဲ့သည်ဟု ဗိုလ်မှူးချုပ် တားဘုန်းကျော်က ပြောကြားသည်။

“တိုင်းပြည်တည်ဆောက်ရေး အတွက် အတူလက်တွဲလုပ်ဆောင်ဖို့ တန်ဖိုးထားမှု မရှိတာဟာ တိုင်းပြည်အတွက် တကယ် အင်မတန် နစ်နာတဲ့ဆုံးရှုံးမှု ဖြစ်ပါတယ်” ဟု ဗိုလ်မှူးချုပ် တားဘုန်းကျော်က ပြောကြားသည်။

၂၀၀၈ ဖွဲ့စည်းပုံ အခြေခံဥပဒေအရ ၂၀၁၆ ခုနှစ်တွင် အစိုးရဖြစ်လာသော NLD ပါတီအနေဖြင့် ဆိုးဝါးသော အစိုးရဖွဲ့စည်းမှုနှင့် ပြည်ထောင်စုမဆန်သော လုပ်နည်းလုပ်ဟန်နှင့် ရပ်တည်ချက်များကြောင့်   တိုင်းရင်းသား လူမျိုးများ၏ ယုံကြည်မှုကို ပျက်ယွင်းစေခဲ့ပြီး လက်ရှိ နိုင်ငံ့ခေါင်းဆောင်များ၏ တိုင်းရင်းသားများအပေါ် သဘောထားသည် စစ်မှန်သော ပြည်ထောင်စု တည်ဆောက်ရေးအတွက် အဆင့်မီ ပြည့်စုံခြင်းမရှိဟု ၎င်းက ထောက်ပြဝေဖန်ခဲ့သည်။

ပြည်တွင်းစစ်သည် တိုင်းပြည်၏ ဒီမိုကရေစီ အခြေခံအဆောက်အအုံများကို အင်အားချည့်နဲ့စေပြီး တိုင်းပြည် ဖွံ့ဖြိုးတိုးတက်မှုကို နှေးကွေးနောက်ကျစေကာ အဆိုပါ ပြည်တွင်းစစ် ရပ်တန့်နိုင်ရေးသည် တိုင်းရင်းသားများ၏ ကိုယ်ပိုင်ပြဋ္ဌာန်းခွင့်နှင့် တန်းတူရေး၊ နိုင်ငံရေးပြဿနာကို ဖြေရှင်းနိုင်မှသာ ဖြစ်မည်ဟု ဗိုလ်မှူးချုပ် တားဘုန်းကျော်က ၎င်း၏ “မြန်မာပြည်တွင်းစစ် ရာစုနှစ်ထိအောင် ရှည်ကြာမှာလား” ဟူသော ဆောင်းပါးတွင် သုံးသပ်ရေးသားခဲ့သည်။

 

နှစ်ပေါင်း ၇၀ ကျော် ပြည်တွင်းစစ်ဒဏ်ကြောင့် မြန်မာနိုင်ငံသားများ နိုင်ငံတကာကျွန်ဖြစ်နေရဟု မွန်အမျိုးသားပါတီ ဒုတိယဥက္ကဋ္ဌ ပြောကြား

နှစ်ပေါင်း ၇၀ ကျော် ပြည်တွင်းစစ်ဒဏ်ကြောင့် မြန်မာနိုင်ငံသားများ နိုင်ငံတကာကျွန်ဖြစ်နေရဟု မွန်အမျိုးသားပါတီ ဒုတိယဥက္ကဋ္ဌ နိုင်ငွေသိမ်းက မေ ၅ ရက် နံနက် ၉ နာရီက မွန်ပြည်နယ် ရေးမြို့တွင် ပြုလုပ်ခဲ့သော မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ ဖွင့်ပွဲအခမ်းအနား အမှာစကားပြောကြားရာ၌ ထည့်သွင်းပြောကြားခဲ့သည်။

“နိုင်ငံလွတ်လပ်ရေးနဲ့အတူ ပေါ်ပေါက်လာတဲ့ ပြည်တွင်းစစ်ကြီးဟာ နှစ် ၇၀ ကျော်ခဲ့ပါပြီ။ ကမ္ဘာမှာအကြာဆုံး ပြည်တွင်းစစ်လည်း ဖြစ်ပါတယ်။ ဒီစစ်ပွဲကြီးကြောင့် တိုင်းပြည်အတွင်းမှာ ညီအစ်ကို မောင်နှမအချင်းချင်း သတ်ကြ၊ ဖြတ်ကြ၊ ညှဉ်းပမ်းကြ၊ နှိပ်စက်ကြ၊ ပိုင်ဆိုင်တဲ့ပစ္စည်းပစ္စယများ အကြောင်းမဲ့ဖျက်ဆီးကြ၊ မြို့ရွာတွေ မီးရှို့ကြ၊ လိင်ပိုင်းဆိုင်ရာ ရက်ရက်စက်စက် ကျူးလွန်ကြ၊ ဖောက်ပြန်ကြ စသည့်အချက်များနဲ့အတူ ကျွန်တော်တို့က တောမှာနေခဲ့ကြတော့ ဒီဟာတွေကို တကယ့်လက်တွေ့ခံစားခဲ့ရတဲ့ ပုဂ္ဂိုလ်တစ်ယောက်ပါ။ ဒီပြည်တွင်းစစ်ကြောင့် တိုင်းပြည်ရဲ့စီးပွားရေး၊ လူမှုရေး၊ သယံဇာတထိန်းသိမ်းစောင့်ရှောက်ရေး၊ ဘ၀အတွက်လုံခြုံရေး အစရှိသည်ဖြင့် အဲဒီဖြစ်ရပ်အားလုံးဟာ ယိုယွင်းပျက်စီးခဲ့မှုတွေ ဖြစ်လာရပါတယ်။ အဲဒါကြောင့်လည်း အားလုံးသိကြတဲ့အတိုင်းပဲ ကမ္ဘာ့အဆင်းရဲဆုံး နိုင်ငံတစ်နိုင်ငံ ဖြစ်လာခဲ့ရပါတယ်။ အဲဒီအပြင်ကို ပြည်တွင်းစစ်ကြီးကြောင့် စစ်ရှောင်ဒုက္ခသည်တွေ သိန်းဂဏန်းချီ ရှိနေပါတယ်။ အခုလည်း ရှိနေတုန်းပါပဲ။ အဲဒီစစ်ရှောင်ပြည်သူတွေဟာ အားလုံးသိကြတဲ့အတိုင်းပါပဲ။ အတိဒုက္ခ ဖြစ်နေကြပါတယ်” ဟု နိုင်ငွေသိမ်းက ပြောကြားသည်။

၎င်းက ဆက်လက်၍ “ဒါတွေ မကသေးပါဘူး။ အသက်မွေးဝမ်းကျောင်းအတွက် တစ်နည်းအားဖြင့်ပြောရရင် ထမင်းစားရဖို့အတွက် ပြည်ပကိုထွက်ပြီး အလုပ်လုပ်နေကြသူများဟာလည်း သန်းဂဏန်းချီ ရှိနေပါတယ်။ ကျွန်တော်တို့ မွန်တွေကတော့ တော်တော်များပါတယ်။ ဒါဟာလည်း တစ်နည်းအားဖြင့်ပြောရရင် ကျွန်တော်တို့တစ်တွေဟာ ပြည်တွင်းစစ်ဒဏ်ကြောင့် နိုင်ငံတကာရဲ့ ကျွန်ဖြစ်နေရပါတယ်” ဟုပြောကြားသည်။

“အဲဒါတွေကြောင့် ပြည်သူတွေက ရာနှုန်းပြည့် ပြည်တွင်းစစ်အန္တရာယ်ကနေ ကင်းလွတ်လိုတဲ့ ပြင်းပြသောဆန္ဒနဲ့ ငြိမ်းချမ်းရေးကို အချိန်ရှိသရွေ့ မျှော်ကိုးနေကြ၊ တမ်းတနေကြပါတယ်။ လုပ်ပိုင်ခွင့်ရှိသောပုဂ္ဂိုလ်များ၊ လုပ်ပိုင်ခွင့်ရှိသော အဖွဲ့အစည်းများ၊ ငြိမ်းချမ်းရေးအတွက် မနေမနား လုပ်ဆောင်ကြိုးပမ်းနေကြသော်လည်းပဲ မျှော်လင့်နေချိန်နဲ့ နောက်ကျစွာ တစ်နည်းပြောရရင် ယနေ့အချိန်အထိ ငြိမ်းချမ်းရေး အကျိုးဖြစ်ထွန်းမှု ဖြစ်မလာသေးတဲ့ အခြေအနေအပေါ်မှာ ပြည်သူပြည်သားအများက အားမရဖြစ်နေကြပါတယ်။ ဒါကြောင့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်မှာ လက်နက်ကိုင်အဖွဲ့အစည်းများအားလုံး ပါဝင်လာကြဖို့နဲ့ ဒီလိုမျိုး လက်မှတ်ရေးထိုးဖို့ ကြိုးပမ်းနေတဲ့ ကာလအတွင်းမှာ တစ်ဖက်နဲ့တစ်ဖက် သံသယကင်းရှင်းရေးအတွက် အထူးသဖြင့် စစ်ပွဲမှန်သမျှ ကင်းရှင်းရေးအတွက် စစ်ပွဲများရပ်စဲဖို့ သင့်ပါပြီဆိုတာ ဒီကနေ့ပြောနေကြ၊ ဆိုနေကြ၊ ဆန္ဒထုတ်ဖော်နေကြတယ်ဆိုတာကလည်း အားလုံးအသိပဲဖြစ်ပါတယ်။ ထို့အတွက် ပြည်သူများနှင့်အတူ မွန်အမျိုးသားပါတီကလည်း ဆန္ဒပြင်းပြစွာနဲ့၊ အပစ်ရပ်ရေးအတွက် ပါတီရဲ့ကိုယ်စား မေတ္တာရပ်ခံပါတယ်” ဟု နိုင်ငွေသိမ်းက ဆက်လက်ပြောကြားသည်။

မွန်ပြည်နယ် ရေးမြို့၌ မေ ၅ ရက်မှ ၇ ရက်အထိ သုံးရက်တာပြုလုပ်မည့် မွန်လူမျိုးအလိုက် အမျိုးသားအဆင့် နိုင်ငံရေးဆွေးနွေးပွဲ၌ မွန်ပြည်သစ်ပါတီ၊ မွန်နိုင်ငံရေးပါတီများ၊ မွန်အရပ်ဘက် လူမှုအဖွဲ့အစည်းများနှင့် အခြားဖိတ်ကြားသင့် ဖိတ်ကြားထိုက်သည့် ပုဂ္ဂိုလ်များအပါအ၀င် ကိုယ်စားလှယ် ၅၀၀ ကျော်က ရေးမြို့ရှိ ပြည်သူ့အားကစားရုံ၊ မွန်ဓမ္မာရုံ၊ အ.ထ.က (၁) ကျောင်းနှင့် တင်ပလ္လင်နှစ်ဆူ ဓမ္မာရုံစသည့် နေရာလေးနေရာတွင် နိုင်ငံရေးကဏ္ဍ၊ စီးပွားရေးကဏ္ဍ၊ လူမှုရေးကဏ္ဍ၊ မြေယာနှင့် သဘာဝသယံဇာတကဏ္ဍများအား ဆွေးနွေးမည်ဖြစ်သည်။

ဥရောပတွင် သဘောထား ကွဲလွဲမှုများသည် ပြည်တွင်းစစ်ကဲ့သို့ ဖြစ်လာနေကြောင်း ပြင်သစ်သမ္မတ မက်ခရွန် သတိပေး

ဧပြီ ၁၇ ရက်က ဥရောပပါလီမန် အစည်းအဝေးတွင် မိန့်ခွန်းပြောကြားနေသော ပြင်သစ်သမ္မတ မက်ခရွန် (Photo: AFP)

ဥရောပတွင် ဒီမိုကရေစီနှင့် အာဏာရှင်ဆန်မှုတို့ကြား ကွဲလွဲမှုများသည် ပြည်တွင်းစစ်ကဲ့သို့ ဖြစ်လာနေကြောင်း ပြင်သစ်သမ္မတ အီမန်နျူရယ်မက်ခရွန်က ဧပြီ ၁၇ ရက်တွင် သတိပေးခဲ့သည်။ ပြင်သစ်အရှေ့ပိုင်း ဆထရက်ဘွန်းမြို့တွင် ကျင်းပသော ဥရောပပါလီမန် အစည်းအဝေးတွင် မိန့်ခွန်းပြောကြားခဲ့သော မက်ခရွန်က အမျိုးသားရေးဝါဒီတို့က ဆွဲဆောင်မှုကို ရည်ညွှန်းပြီး အတိတ်ကို မေ့လျော့ထားသော၊ အိပ်ပျော်နေစဉ် လမ်းလျှောက်သောမျိုးဆက်ကို မပိုင်ဆိုင်လိုကြောင်း ဥရောပသမဂ္ဂကို တိုက်တွန်းခဲ့သည်။

အများကြိုက်ဝါဒီ ဟန်ဂေရီဝန်ကြီးချုပ် ဗစ်တာအိုဘန်က အာဏာပြန်လည်ရရှိလာမှု၊ ဥရောပသမဂ္ဂနှင့် ပဋိပက္ခဖြစ်နေသော ပိုလန်လက်ယာယိမ်းအစိုးရအဖွဲ့ တို့ကဲ့သို့သော အစိုးရများကို ရည်ညွှန်း၍ ပြင်သစ်ခေါင်းဆောင်က ဥရောပသမဂ္ဂညီညွတ်ရေးကို တောင်းဆိုခဲ့သည်။

တိုက်ယူခဲ့ရသော ဥရောပအချုပ်အခြာ အာဏာကို ကာကွယ်မည့် မျိုးဆက်တစ်ခုကို ပိုင်ဆိုင်လိုကြောင်း အာဏာရှင်ဆန်မှုကို အလျှော့ပေးမည်မဟုတ်ကြောင်း မက်ခရွန်က ဥရောပပါလီမန်အမတ်များကို ပြောကြားခဲ့သည်။

“ကျွန်တော်တို့ရဲ့ ကွဲလွဲမှုတွေက ဥရောပ ပြည်တွင်းစစ်လိုပါပဲ။ ကမ္ဘာကြီးကို ညီညီညွတ်ညွတ် ရင်ဆိုင်ဖို့ထက် တစ်ခါတစ်ရံမှာ ကျွန်တော်တို့ရဲ့ ကိုယ်ကျိုးရှေ့တန်းတင်တဲ့ ၀ါဒတွေက ပိုအရေးကြီးတယ်လို့ ထင်နေရပါတယ်” ဟု အသက် ၄၀ အရွယ် သမ္မတမက်ခရွန်က ပြောကြားခဲ့သည်။

မက်ခရွန်သည် ပြီးခဲ့သည့်နှစ်က လက်ယာစွန်းခေါင်းဆောင် မာရင်းလီပင်းကို ရွေးကောက်ပွဲတွင် အနိုင်ရခဲ့ပြီးနောက် ဥရောပတွင် အများကြိုက်ဝါဒီတို့ မြင့်တက်လာခြင်းကို ဟန့်တားနိုင်ခဲ့ပြီး ဥရောပလိုလားသူတို့ကြားတွင် ရှေ့တန်းခေါင်းဆောင်ဖြစ်လာခဲ့သည်။ ဥရောပသမဂ္ဂ ပြုပြင်ပြောင်းလဲရေးအတွက် သူ၏ ရည်မှန်းချက်ကို ထုတ်ဖော်ခဲ့သော မိန့်ခွန်းတွင် မက်ခရွန်က ဥရောပအရှေ့ပိုင်းနှင့် အနောက်ပိုင်းနိုင်ငံများအကြား ကွဲလွဲမှုများနှင့် သံသယကြီးထွားမှုတို့ကို စိုးရိမ်ကြောင်း ပြောကြားခဲ့သည်။ သို့သော်လည်း ဥရောပပြုပြင် ပြောင်းလဲရေးနှင့် ပတ်သက်၍ ၎င်း၏ အကြံပြုချက်များကို ဥရောပတစ်ဝန်းမှ ထောက်ခံမှုရရှိရန် မက်ခရွန်က ရုန်းကန်နေရသည်။

မက်ခရွန်သည် ယခုသီတင်းပတ်နှောင်းပိုင်းတွင် ဘာလင်သို့ သွားရောက်ပြီး ဂျာမနီဝန်ကြီးချုပ် အင်ဂျလာမာကယ်နှင့် တွေ့ဆုံကာ ယူရိုဇုန်အနာဂတ်အတွက် ၎င်း၏အစီအစဉ်များအား ဆွေးနွေးမည်ဖြစ်သည်။

အရပ်ဖက် လူ့အခွင့်အရေးများကို ဖိနှိပ်သည်ဟု စွပ်စွဲခံနေရသော ဥရောပအစိုးရများနှင့် ပတ်သက်၍ မက်ခရွန်က “ကျွန်တော်တို့ရဲ့ တုံ့ပြန်မှုဟာ ဒီမိုကရေစီအာဏာရှင် အနေနဲ့မဟုတ်ဘဲ ဒီမိုကရေစီရဲ့ အာဏာပိုင်မှုအနေနဲ့ ဆောင်ရွက်တာပါ” ဟု မက်ခရွန်က ထည့်သွင်းပြောကြားခဲ့သည်။

မက်ခရွန်၏ စကားလုံးများကို ဥရောပ ကော်မရှင်ဥက္ကဋ္ဌ ယန်းကလော်ဒီယန်ကာက ကြိုဆိုခဲ့ပြီး စစ်မှန်သော ပြင်သစ်သည် ပြန်လာပြီဟု ပြောကြားခဲ့သည်။

Ref: AFP