ပါရီအနီး၌ ဗုံးခွဲရန်စီစဉ်မှုအတွက် ပြင်သစ်က အီရန်ကို လက်တုံ့ပြန်

အောက်တိုဘာ ၂ ရက်တွင် Dunkirk ဆိပ်ကမ်းမြို့အနီး Center Zahra France ကို စီးနင်းမှု၌ ပါဝင်သော ပြင်သစ်ရဲများကို တွေ့ရစဉ် (Photo: AFP)

ဇွန်လက ဖော်ထုတ်နိုင်ခဲ့သော ပါရီမြို့အနီးမှဗုံးခွဲရန်ကြံစည်မှုနှင့်ပတ်သက်ပြီး သံသယရှိခံရသည့် အီရန်ထောက်လှမ်းရေး အမှုထမ်းနှစ်ဦး၏ ပိုင်ဆိုင်မှုများကို ပြင်သစ်အစိုးရက ပိတ်ပင်လိုက်ကြောင်းသိရသည်။ ယင်းဖြစ်စဉ်ကြောင့် ပြင်သစ်နှင့် အီရန်ကြား၌ သံတမန်ရေးတင်းမာမှုများ ဖြစ်ပေါ်လာနိုင်သည်။

ဇွန်လက ပါရီဆင်ခြေဖုံးရပ်ကွက်တစ်ခု၌ အီရန်အတိုက်အခံအုပ်စုတစ်စုကို ဗုံးခွဲရန်ကြံစည်သည်ဆိုသည့် ဖြစ်စဉ်ဖြစ်ပွားခဲ့ ပြီးနောက် အီရန်နိုင်ငံသားနှစ်ဦးနှင့် အီရန်လုံခြုံရေး၊ထောက်လှမ်းရေးဝန်ကြီးဌာနတို့ ၏ ပိုင်ဆိုင်မှုများကို ပိတ်ဆို့ခဲ့ကြောင်း ပြင်သစ်အစိုးရက ကြေညာခဲ့သည်။

“ကျွန်တော်တို့ပိုင်နက်ထဲမှာ ဒီလိုအ လွန်ပြင်းထန်တဲ့လုပ်ရပ်မျိုးကို လက်တုံ့မပြန်ဘဲ မသွားနိုင်ပါဘူး” ဟု ပြင်သစ်ပြည်ထဲရေး၊ နိုင်ငံခြားရေး၊ စီးပွားရေးဝန်ကြီးများ၏ ရှားရှားပါးပါး ပူးတွဲထုတ်ပြန်ချက်အတွင်း ဖော် ပြခဲ့သည်။ အထူးသဖြင့် နိုင်ငံနယ်နိမိတ်အတွင်းမှ အကြမ်းဖက်မှု၏ပုံစံအားလုံးကို တိုက်ဖျက်ရန် ပြင်သစ်အစိုးရ၏ စိတ်ပိုင်းဖြတ်မှုကို ယခုဆုံးဖြတ်ချက်ချမှတ်လိုက်ခြင်းက ထင်ရှားစေသည်ဟုလည်း ဆိုသည်။

ဇွန်လက ဟန့်တားလိုက်နိုင်သော တိုက်ခိုက်မှုသည် အီရန်အတိုက်အခံထောက်ခံသူ ထောင်ပေါင်းများစွာ၏  တွေ့ဆုံမှုတစ်ခုအား ပစ်မှတ်ထားခဲ့ခြင်းဖြစ်သည်။ ယင်းတွေ့ဆုံပွဲ သို့ သမ္မတဒေါ်နယ်ထရန့်နှင့် နီးစပ်သော မဟာမိတ်များအပါအ၀င် အမေရိကန်ထိပ်ပိုင်းပုဂ္ဂိုလ်များလည်း တက်ရောက်ခဲ့ကြသည်။

နောက်ပိုင်း၌ ဥရောပရဲတပ်ဖွဲ့အင်အားစု၏ စုပေါင်းဝင်စီးမှုများကြောင့် ထိုဖြစ်စဉ်နှင့်ပတ်သက်၍ လူခြောက်ဦးကို ဖမ်းဆီးမိခဲ့ပြီး ၎င်းတို့ထဲ၌ အာဆတ်ဒိုလာ အဆက်ဒီအမည်ရှိ အီရန်သံတမန်တစ်ဦးလည်း ပါဝင်သည်။ ၎င်းကိုမူ စွဲချက်တင်နိုင်ရေးအတွက် ဂျာမနီမှဘယ်လ်ဂျီယံသို့ ပို့ဆောင်ရန် စီစဉ်ထားသည်။

ပြင်သစ်အစိုးရက ယခုကြေညာခဲ့သော ပိုင်ဆိုင်မှုများအား ခြောက်လကြာ ပိတ်ဆို့မှုမှာ အဆက်ဒီနှင့်အတူ ဆေယက်ဟာရှီမီမိုဂါ ဒမ်အမည်ရှိသူတို့ကို ပစ်မှတ်ထားခြင်းဖြစ် သည်။

အီရန်အစိုးရကမူ ထိုဗုံးခွဲရန်ကြံစည်မှု ဖြစ်စဉ်တွင် ပါဝင်ခြင်းမရှိကြောင်း၊ အတိုက်အခံ အုပ်စုဖြစ်သည့် အီရန်ပြည်သူ့မူဂျာဟစ်ဒင် (MEK) အဖွဲ့သည် ဥရောပခရီးစဉ်ကို စတင်နေသည့် အီရန်သမ္မတဟက်ဆန်ရိုဟာ နီကို သိက္ခာချရန် ဇာတ်တိုက်လုပ်ဆောင်ခဲ့ ခြင်းသာဖြစ်ကြောင်း ထုတ်ပြန်ခဲ့သည်။

အရှေ့အလယ်ပိုင်းဒေသထဲ၌ တင်းမာမှုကြီးများရှိနေစဉ် ၂၀၁၅ ခုနှစ်က ရရှိခဲ့ သည့်အီရန်နျူကလီးယားသဘောတူညီချက်ကို ဆက်လက်ထိန်းသိမ်းနိုင်ရန်အတွက်  ပြင်သစ်သည် အီရန်နှင့် နက်နက်ရှိုင်းရှိုင်း လက်တွဲလုပ်ဆောင်နေကြစဉ်မှာပင် ပြင်သစ်၏ လက်တုံ့ပြန်လုပ်ဆောင်ချက်များ ထွက်ပေါ်လာခြင်းဖြစ်သည်။ ယင်းလုပ်ဆောင်ချက်တို့ကြောင့် ကြီးမားသော သံတမန်ရေး ဂယက်ရိုက်မှုကြီးများ ဖြစ်ပေါ်လာနိုင်ခြေရှိသည်။

ပြင်သစ်သမ္မတ အီမန်နျူရယ်မက်ခရွန် သည် ၎င်း၏သမ္မတသက်တမ်းအစောပိုင်းကာလက အီရန်နိုင်ငံသို့ သွားရောက်မည်ဟု ကတိပြုထားခဲ့သည်။ သို့သော်နောက်ပိုင်း တွင် ဆီးရီးယားနှင့် ယီမင်စစ်ပွဲကဲ့သို့ ကိစ္စ များတွင် နှစ်နိုင်ငံကြား၌ ကြီးကြီးမားမားကွဲလွဲမှုများရှိနေခြင်းနှင့်အတူ ယခုကဲ့သို့ ဗုံးခွဲရန် စီစဉ်မှုဖြစ်စဉ်တို့က တင်းမာမှုများကို မြင့်တက်စေခဲ့သည်။

ရာဖေးတိုက်လေယာဉ်နှင့် ပတ်သက်သော အိန္ဒိယ၌ အငြင်းပွားမှုကို ပြင်သစ်သမ္မတဟောင်းက မီးထိုးပေးခဲ့

၂၀၁၇ ခုနှစ် ဇွန် ၉ ရက်တွင် ပြင်သစ်တောင်ပိုင်းရှိ မွန့်ဒီမာဆန် လေတပ်စခန်း၌ ပြင်သစ်လေတပ်၏ ရာဖေးတိုက်လေယာဉ်တစ်စင်း ပျံသန်းနေမှုကို တွေ့ရစဉ် (Photo : AFP)

အိန္ဒိယသည် ပြင်သစ်လေယာဉ် ထုတ်လုပ်ရေးကုမ္ပဏီ Dassault ထံမှ ၂၀၁၆ ခုနှစ်တွင် ဒေါ်လာဘီလျံပေါင်း များစွာဖြင့် ရာဖေးတိုက်ဂျက်လေယာဉ် ၃၆ စင်းကို ၀ယ်ခဲ့သည်။ ထိုစဉ်က Dassault သည် ယင်းအတွက် အိန္ဒိယမိတ်ဖက် လုပ်ငန်းကို ရွေးချယ်ခွင့်မရခဲ့ဟု ပြင်သစ်သမ္မတဟောင်း ဖရန်ဆွာအော်လွန်းက ပြောကြားခဲ့သဖြင့် အိန္ဒိယမှ အငြင်းပွားမှုများမှာ ပိုမိုကြီးထွားလာခဲ့သည်။

အတိုက်အခံ ကွန်ဂရက်ပါတီက အိန္ဒိယ၀န်ကြီးချုပ် နာရင်ဒရာမိုဒီ အစိုးရသည် ရာဖေးလေယာဉ် သဘောတူညီချက်တွင် အစိုးရကုမ္ပဏီတစ်ခုကို ကျော်ပြီး ပုဂ္ဂလိက လုပ်ငန်းစု တစ်ခုကို မျက်နှာသာ ပေးခဲ့သည်ဟု စွပ်စွဲနေသဖြင့် ပြီးခဲ့သည့် သီတင်းပတ်များ ကတည်းက နိုင်ငံတွင်း၌ အငြင်းပွားမှုများ ဖြစ်ပေါ်နေခဲ့သည်။ ထိုစဉ် စက်တင်ဘာ ၂၁ ရက်က ထွက်ပေါ်လာခဲ့သော အော်လွန်း၏ မှတ်ချက်သည် ထိုအငြင်းပွားမှုကို ထပ်မံမီးထိုး ပေးသကဲ့သို့ ဖြစ်ခဲ့သည်။

မိုဒီသည် စီးပွားရေးလုပ်ငန်းရှင် အနီအမ်ဘာနီ (Reliance အုပ်စု၏ ဘီလျံနာဥက္ကဋ္ဌ) အား ဦးစားပေးခဲ့သဖြင့် အစိုးရပိုင် Hindustan Aeronautics Limited (HAL) သည် နစ်နာခဲ့ရသည်ဟု ကွန်ဂရက်ပါတီက စွပ်စွဲခြင်း ဖြစ်သည်။ အိန္ဒိယနှင့် ပြင်သစ်မှ အစိုးရ အရာရှိများကမူ Dassault သည် ယင်း၏ မိတ်ဖက်အဖြစ် Reliance ကို လွတ်လွတ်လပ်လပ် ရွေးချယ်ခဲ့ခြင်း ဖြစ်သည်ဟု ဆိုခဲ့ကြသော်လည်း Reliance သည် လေကြောင်းလုပ်ငန်းနှင့် ပတ်သက်ပြီး ယခင်က အတွေ့အကြုံ မရှိထားပေ။

“အိန္ဒိယအစိုးရဘက်က အဲဒီဝန်ဆောင်မှုအုပ်စု (Reliance) ကို တင်ပြလာတဲ့အတွက် Dassault ကလည်း အမ်ဘာနီနဲ့ပဲ ဆွေးနွေးလိုက်တာ ဖြစ်ပါတယ်” ဟု ၂၀၁၂ -၂၀၁၇ ခုနှစ်အတွင်း ပြင်သစ်သမ္မတ ဖြစ်ခဲ့သော အော်လွန်းက စုံစမ်းစစ်ဆေးရေး ၀က်ဆိုက် Mediapart သို့ ပြောကြားခဲ့သည်။

“ကျွန်တော်တို့မှာ ရွေးချယ်စရာ မရှိခဲ့ပါဘူး။ သူတို့ပေးတဲ့သူနဲ့ပဲ ကျွန်တော်တို့ ဆွေးနွေးခဲ့တာပါ” ဟု အော်လွန်းက ဆိုသည်။

ပြင်သစ်လုပ်ငန်း Dassault သည်အစိုးရပိုင်လုပ်ငန်း HAL နှင့် တွဲပြီး အိန္ဒိယထဲတွင် ဂျက်တိုက်လေယာဉ် ၁၂၆ စင်းထုတ်လုပ်ရန် သဘောတူညီချက် ရရှိရေးအတွက် ဆွေးနွေးနေသည်မှာ နှစ်ပေါင်းများစွာ ကြာခဲ့သော်လည်း  မဖြစ်မြောက်ခဲ့ပေ။ မိုဒီအစိုးရ တက်လာချိန်တွင် ထိုဆွေးနွေးမှုကို ဖျက်သိမ်းခဲ့ခြင်းဖြစ်သည်။

အိန္ဒိယကာကွယ်ရေး ၀န်ကြီးဌာနကမူ အိန္ဒိယနှင့် ပြင်သစ်အစိုးရ နှစ်ရပ်စလုံးက ကုန်သွယ်မှုဆိုင်ရာ ဆုံးဖြတ်ချက်တွင် တစ်ခွန်းမှ ၀င်မပါခဲ့ဟု Twitter ၌ရေးသားခဲ့သည်။ ပြင်သစ်နိုင်ငံခြားရေး ၀န်ကြီးဌာနက  ပြင်သစ်အစိုးရ၏ တစ်ခုတည်းသော တာဝန်မှာ ကုန်ပို့ဆောင်ပေးရေးနှင့် ပစ္စည်းအရည်အသွေး မှန်ကန်ရေးသာဖြစ်ပြီး အိန္ဒိယမိတ်ဖက်လုပ်ငန်း ရွေးချယ်ရာတွင် ၀င်ပါခဲ့ခြင်း မရှိဟု ဖော်ပြခဲ့သည်။ Dassault ကမူ ထိုသဘောတူညီချက်သည် အစိုးရအချင်းချင်း လုပ်ခဲ့ခြင်းသာ ဖြစ်သည်ဟု ပြောခဲ့ပြန်သည်။

“ကျေးဇူးပါပဲ ဖရန်ဆွာအော်လွန်း။ အခုဆိုရင် သူ ( မိုဒီ) ဟာ ဒေါ်လာဘီလျံနဲ့ချီ တန်ဖိုးရှိတဲ့ သဘောတူညီချက် တစ်ခုကို ဒေ၀ါလီခံထားရတဲ့  အနီအမ်ဘာနီကို ပုဂ္ဂိုလ်ရေးအရ ပေးလိုက်တယ်ဆိုတာ ကျွန်တော်တို့ သိသွားပါပြီ။ ဒီဝန်ကြီးချုပ်ဟာ အိန္ဒိယကို သစ္စာဖောက်တာ ဖြစ်ပါတယ်။ သူဟာ ကျွန်တော်တို့ စစ်သားတွေရဲ့ သွေးကို ဂုဏ်သိက္ခာ ညှိုးနွမ်းစေပါတယ်” ဟု  ကွန်ဂရက်ပါတီ၏ ခေါင်းဆောင် ရာဟူးဂန္ဓီက Twitter တွင် ရေးခဲ့သည်။

Dassault သည် Reliance နှင့် ပူးတွဲ လုပ်ကိုင်မှုတွင် ယူရိုသန်း ၁၀၀ ကျော် ရင်းနှီးမြှုပ်နှံခဲ့သည်ဟု သိရသည်။

Ref : AFP

မိုးမျှော်အဆောက်အအုံ စီမံကိန်းများကြောင့် ပါရီတွင် မြေယာအငြင်းပွားမှု ဖြစ်ပွား

၂၀၁၇ ခုနှစ် ဇူလိုင် ၁၄ ရက်တွင် ပါရီ၌ နှစ်စဉ်ကျင်းပနေကျ အမျိုးသားနေ့ အခမ်းအနားအတွက် ကြိုတင်ပြင်ဆင် နေကြစဉ် (Photo : AFP)

ဥရောပအနောက်ပိုင်းတွင် အမြင့်ဆုံး မိုးမျှော်တိုက်များ တည်ဆောက်ရန်အတွက် ဖြိုချခံရမည့် ပြင်သစ်မြို့တော် ပါရီအနီးရှိ တိုက်ခန်းများတွင် နေထိုင်သူများအဖွဲ့ တစ်ဖွဲ့သည် ၎င်းတို့၏နေအိမ်များအား ထိန်းသိမ်းနိုင်ရန် အတွက် နှစ်ပေါင်းများစွာ တိုက်ခိုက်ခဲ့ပြီးနောက် ထိုနေအိမ်များမှ ဖယ်ပေးရန် ငြင်းဆန်နေကြသည်။

La Defense စီးပွားရေးခရိုင်တွင် ရုရှားအိမ်ခြံမြေကုမ္ပဏီက အဆိုပြုထားသည့် မီတာ ၃၂၀ (ပေ ၁၀၅၀) အမြင့်ရှိသော Hermitage မျှော်စင်နှစ်ခုသည် ပါရီက အိုလံပစ်ပြိုင်ပွဲကို လက်ခံကျင်းပသည့်အချိန်နှင့် တိုက်ဆိုင်လျက် ၂၀၂၄ ခုနှစ် မတိုင်မီ ပြီးစီးရန် ရည်မှန်းထားသည်။ ဗြိတိန်ဗိသုကာပညာရှင် နော်မန်ဖော်စတာက ဒီဇိုင်းဆွဲပေးခဲ့သော ထိုမျှော်စင် အဆောက်အအုံများသည် အောက်ခြေမှ ထိပ်စွန်းအထိ ၃၂၄ မီတာအမြင့်ရှိ အီဖယ်မျှော်စင်ထက် လေးမီတာသာ ပိုနိမ့်ကြောင်း သိရသည်။

သို့သော် ထိုနေရာတွင် ၁၉၇၄ ခုနှစ်၌ တည်ဆောက်ခဲ့သော Damiers အိမ်ရာမှ တိုက်ခန်း ၂၅၀ အနက် ၁၂ ခုသည် နေထိုင်နေဆဲဖြစ်ကြောင်း မြေပိုင်ရှင်က ပြောကြားခဲ့ပြီး ရုရှားအိမ်ခြံမြေလုပ်ငန်းရှင် Emin Iskendervo ၏ ယူရို ၂ ဒသမ ၈ ဘီလျံတန်ဖိုးရှိ ထိုမျှော်စင်စီမံကိန်း အကောင်အထည်ဖော်မှုတွင် ဘက်ပြိုင်မှုများ ဖြစ်ပွားနေသည်။

“ကျွန်မက နိုင်ငံရေးဒုက္ခသည် တစ်ဦးပါ” ဟု ဖယ်ပေးရန် ငြင်းဆန်နေသူ တစ်ဦးဖြစ်သော မေ့ဆေးဆရာဝန် တာတီယာနာဒင်းနျူလက်စကူက ပြောကြားခဲ့သည်။ ၎င်းတို့သည် ရိုမေးနီးယားတွင် အာဏာရှင် အစိုးရဟောင်း အုပ်ချုပ်မှုမှ ထွက်ပြေးလာခဲ့ရပြီး နေအိမ်သစ်တစ်လုံး တည်ဆောက်ရန် အချိန်ယူခဲ့ရကြောင်း၊ ယခုအခါ ထိုကဲ့သို့ ဖယ်ရှားပစ်ရန် ကြိုးပမ်းမှုကို လက်သင့်မခံနိုင်ကြောင်း ၎င်းက ပြောကြားခဲ့သည်။ ၎င်းသည် Damier တိုက်ခန်းတွင် နေထိုင်လာသည်မှာ အနှစ် ၂၀ ကျော်လာပြီဖြစ်သည်။

ပြင်သစ်ဘဏ္ဍာရေးလုပ်ငန်း၏ အချက်အချာဖြစ်သော Defense ဒေသတွင် ရုံးခန်းများနှင့် လူနေအိမ်ရာများအား တိုးချဲ့ရန် ကြိုးပမ်းနေစဉ် Hermitage မျှော်စင်များ တည်ဆောက်ရေး စီမံကိန်းနှင့်ပတ်သက်၍ ထိုအချင်းများမှုများ ဖြစ်ပွားနေခြင်းဖြစ်သည်။

ဥရောပသမဂ္ဂမှ ဗြိတိန်က ထွက်ခွာခဲ့ပြီးနောက် လန်ဒန်မှ ဘဏ်လုပ်ငန်းများအား ဆွဲဆောင်နိုင်ရန် ပြင်သစ်က စိတ်အားထက်သန်နေစဉ် လော်ဘီအဖွဲ့ Paris Europlace က ဘဏ္ဍာရေးနှင့် ဘဏ်လုပ်ငန်း အလုပ်အကိုင်  ၃၅၀၀ ခန့်သည် ရေလက်ကြားကို ဖြတ်ကျော်၍ ပြင်သစ်သို့ ရောက်ရှိလာနိုင်ကြောင်း ခန့်မှန်းထားသည်။

ပါရီအနောက်ပိုင်းရှိ Defense ဒေသသည် အထပ်မြင့် ဆောက်အအုံများအတွက် တင်းကျပ်သော စည်းမျဉ်းများ ချမှတ်ထားပြီး သမိုင်းဝင်နေရာ အချက်အချာ၌ နေရာအလွန်အမင်း ရှားပါးနေသည့် မြို့တော်၌ အထပ်မြင့် အဆောက်အအုံများ အဓိက တည်ရှိနေသည့် နေရာဖြစ်သည်။  ထိုစီးပွားရေးခရိုင်တွင် ထပ်မံဖော်ဆောင်မည့် စီမံကိန်းများ၌ ပြင်သစ်ရေနံကုမ္ပဏီကြီး Total ၏ ရုံးချုပ်သစ်အတွက် ၂၄၄ မီတာ အမြင့်ရှိသည့် The Link စီမံကိန်းအပြင် French ဆောက်လုပ်ရေးလုပ်ငန်းက အခြေစိုက်မည့် ၁၆၅ မီတာမြင့်သည့် Saint-Gobain မျှော်စင်စီမံကိန်းများလည်း ပါဝင်သည်။

၂၀၅၀ ပြည့်နှစ်မတိုင်မီ ခန့်မှန်းခြေ လူဦးရေ ၁၃ ဒသမ ၅ သန်းအထိ တိုးပွားလာနိုင်သည့် ပါရီဒေသတွင် နေစရာများ ဖန်တီးပေးနိုင်ရန် မြို့တော်၏ အမှတ်-၁၂ ဒေသဆိုင် ရာခရိုင်၌ အထပ်မြင့် တိုက်ခန်းများ ပါဝင်သော အိမ်ရာခြောက်ခု အပါအ၀င် အခြားဆောက်လုပ်ရေး စီမံကိန်းများကို ဖော်ဆောင်ရန်လည်း စီစဉ်ထားကြောင်း စာရင်းအင်းကောက်ယူသည့် Insee အတွက် လုပ်ဆောင်သည့် ပြင်သစ်အမျိုးသား အင်စတီကျု့က ထုတ်ပြန်ခဲ့သည်။

ရာဇ၀တ်သားတွေလို ဆက်ဆံခံရတယ်

အနာဂတ် Hermitage မျှော်စင် စီမံကိန်းနေရာတွင် ဆက်ရှိနေသော ထိုနေထိုင်သူများသည် လက်ရှိ လူမှုဖူလုံရေး အိမ်ရာ၏ ပိုင်ရှင် Logis Transports ကို ၂၀၀၇ ခုနှစ် နောက်ပိုင်းကတည်းက ယှဉ်ပြိုင်လာခဲ့သော်လည်း ယခုအခါ ဖိအားများ တိုးမြှင့်ကြုံလာရသည်။ သြဂုတ် ၁ ရက် နံနက် ၆ နာရီခွဲတွင် ရဲများနှင့် ဘိလစ်စာရေးများက နေအိမ်တံခါးကို လာခေါက်ခဲ့ပြီးနောက်  အခြားပြောင်းနေစရာ မရှိသေးသော မိသားစု လေးစုသည် ၎င်းတို့၏နေအိမ်များမှ ချက်ချင်းထွက်ပေးခဲ့ရသည်။

“သူတို့တွေက ကျွန်မတို့ကို ရာဇ၀တ်သားတွေလို ဆက်ဆံခဲ့ကြတယ်” ဟု အမည်မဖော်လိုသော ဖယ်ရှားခံခဲ့ရသူ တစ်ဦးက ပြောကြားခဲ့သည်။ ၎င်းတို့၏ နေအိမ်များမှ ဖယ်ပေးရန် ၁၀ နှစ်ကြာ အာခံလာခဲ့သော အဆိုပါ အမျိုးသမီးသည် အခြားရွှေ့ပြောင်းရန်နေရာကို ငြင်းဆန်ခဲ့ပြီးနောက် အသက် ၁၉ နှစ်အရွယ်ရှိ ၎င်း၏သားဖြစ်သူနှင့်အတူ နေအိမ်မှ ချက်ချင်းဆင်းပေးခဲ့ရသည်။

သို့သော် Logis Transports မှ ခေါင်းဆောင် Sylvie Vandenberghe က ၎င်းတို့ကုမ္ပဏီ၏ လုပ်ရပ်များအား ကာကွယ်ပြောကြားခဲ့ပြီး ထိုနေထိုင်သူများထံ ဖြေရှင်းရန် နည်းလမ်းအများအပြား ကမ်းလှမ်းခဲ့ကြောင်း ပြောကြားခဲ့သည်။ Damiers တိုက်ခန်းများအား ရောင်းချလိုက်ပါက လူမှုဖူလုံရေး နေအိမ် ၁၀၀၀ နှင့် ဒေသတွင်း၌ နေအိမ် ၅၀၀ ကို ထောက်ပံ့ပေးနိုင်မည် ဖြစ်ကြောင်းလည်း ၎င်းက ပြောကြားခဲ့သည်။

ရုရှားဆောက်လုပ်ရေး လုပ်ငန်းရှင် Iskenderov က ထိုစီမံကိန်း စတင်နိုင်မည့်အချိန်ကို မကြာမီ သတ်မှတ်နိုင်မည်ဟု မျှော်လင့်ထားသည်။ ထိုစီမံကိန်းအား ၂၀၂၄ ခုနှစ် အစောပိုင်းအမီ ပြီးစီးနိုင်ရန် မျှော်မှန်းထားဆဲ ဖြစ်ကြောင်း ၎င်းက ပြောကြားခဲ့သည်။ Hermitage မျှော်စင်များသည် စိန်းမြစ်အစွန်းတွင် သေးငယ်သော အဆောက်အအုံသစ် လေးလုံးအနီး တည်ရှိနေမည်ဖြစ်သည်။

Ref : AFP

ပြင်သစ်အကျဉ်းထောင်မှ နာမည်ကျော် ဒုစရိုက်သမားတစ်ဦး ရဟတ်ယာဉ်ဖြင့် ထွက်ပြေးလွတ်မြောက်

 

ဒုစရိုက်သမား ရီနိုနေဖာအစ်က ထွက်ပြေးရာတွင် အသုံးပြုခဲ့သည့် ရဟတ်ယာဉ်အား ပါရီမြောက်ပိုင်းတွင် တွေ့ရစဉ် (ပုံကြီး)
၂၀၁၀ ပြည့်နှစ်က ပါရီတွင် ရီနိုနေဖာအစ်ကို တွေ့ရစဉ် (ပုံသေး)

ပြင်သစ်နိုင်ငံတွင် နာမည်ဆိုးဖြင့်ကျော်ကြားသော ဒုစရိုက်သမားတစ်ဦးသည် ဇူလိုင် ၁ ရက်က ရဟတ်ယာဉ်တစ်စင်းဖြင့် ကွန်မန်ဒိုစစ်ဆင်ရေးတစ်ခုသဖွယ် ထောင်ဖောက်ထွက်ပြေးမှု ဖြစ်ပွားခဲ့သည်။ အသက် ၄၆ နှစ်အရွယ် ရီဒိုနေဖာအစ် အမည်ရှိ ထိုဒုစရိုက် သမားက ၎င်း၏ဘ၀တစ်လျှောက်၌ ကျူးလွန်ခဲ့သည့် ရာဇ၀တ်မှုများသည် Scarface ကဲ့သို့ ရုပ်ရှင်များမှ စိတ်ကူးရခဲ့ခြင်းဖြစ်သည်ဟု ပြောခဲ့ဖူးသူဖြစ်ပြီး ယခုအကြိမ်သည် ၎င်း၏ ဒုတိယအကြိမ်မြောက် ထောင်ဖောက်ထွက်ပြေးမှု ဖြစ်သည်။

ပြင်သစ်အစိုးရက လုံခြုံရေးပျက်ကွက်မှုများကြောင့် ယခုကဲ့သို့ဖြစ်ပွားခဲ့ရသည်ဟု ဇူလိုင် ၂ ရက်တွင် ရှက်ရွံ့စွာဖြင့် ပြောခဲ့ကြသည်။ ရီဒိုနေဖာအစ်သည် ရဲမေတစ်ဦးကို သေဆုံးစေခဲ့သော လက်နက်ကိုင်ဓားပြမှုဖြင့် ထောင်ဒဏ် ၂၅ နှစ်ကျခံနေရစဉ် ယခုကဲ့သို့ ထွက်ပြေးသွားခြင်း ဖြစ်သည်။

ဖာအစ်သည် ကြံရာပါနှစ်ဦး၏ အကူအညီဖြင့် ထွက်ပြေးလွတ်မြောက်ခဲ့ခြင်းဖြစ်ပြီး ထိုနှစ်ဦးသည် မီးခိုးဗုံးများ၊ လွှစက်များကို အသုံးပြု၍ ထောင်ဖောက်ခဲ့ကာအသင့် စောင့်နေသည့် ရဟတ်ယာဉ်ပေါ်သို့ ဖာအစ်အား တင်ဆောင်သွားကြသည်။

ယခုကဲ့သို့ ထွက်ပြေးသွားနိုင်စေရန်လုံ ခြုံရေးပိုင်း၌မည်ကဲ့သို့ ချွတ်ယွင်းချက်များ ရှိနေသည်ကို သိနိုင်ပြီးပြန်လည်ပြင်ဆင်မှုများ ပြုလုပ်ရန်အတွက် အဆိုပါထောင်သို့ စုံစမ်းစစ်ဆေးရေးအဖွဲ့ကို စေလွှတ်ထားကြောင်း တရားရေးဝန်ကြီး နီကိုးဘူလောဘတ်က Europe 1 ရေဒီယိုသို့ ပြောကြားခဲ့သည်။ ဖာအစ်အား ထောင်တစ်ခုတည်းမှာပင် လအတန် ကြာအောင်ထားခဲ့ခြင်းမှာ အမှားတစ်ခုဖြစ်ခဲ့သည်ဟုလည်း ၎င်းက ပြောကြားခဲ့သည်။

ဖာအစ်အား ကယ်ထုတ်ခဲ့သူများသည် ဇူလိုင် ၁ ရက် နံနက်ပိုင်းက ပျံသန်းရေး သင်တန်းကျောင်းတစ်ကျောင်းမှ ရဟတ်ယာဉ်တစ်စင်းကို အပိုင်စီးလာခဲ့ပြီး ကြောက်လန့်နေသော အမောင်းသင်ဆရာအား ထောင်သို့ မောင်းခိုင်းခဲ့ကြောင်း သိရသည်။ ဖာအစ်အား  ကယ်ထုတ်နေစဉ် ရဟတ်ယာဉ်သည် အကျဉ်းထောင်ပေါ်တွင် ၀ဲပျံနေခဲ့သည်။ အနက်ဝမ်းဆက်ဝတ်ဆင်ထားပြီး ရိုင်ဖယ်သေနတ်များအား ကိုင်ဆောင်ထားသည့် ထိုအမျိုးသားနှစ်ဦးသည် မီးခိုးဗုံးများကို ဦးစွာအသုံးပြုလိုက်ပြီးနောက် ထောင်၏ဧည့်တွေ့ခန်းအား ဖောက်ဝင်ခဲ့ကြခြင်းဖြစ်ပြီး ထိုစဉ် ဖာအစ်မှာမူ ၎င်း၏ညီအစ်ကိုဖြစ်သူနှင့် ဧည့်တွေ့ခန်းထဲ၌ စကားပြောနေခဲ့ကြောင်း သိရသည်။ လက်နက်မပါသောအစောင့်များသည် ထွက်ပြေးကာ သတိပေးခေါင်းလောင်းကို နှိပ်နိုင်ခဲ့သော်လည်း ဖာအစ်သည် ၁၀ မိနစ်အတွင်းမှာပင် လွတ်မြောက်သွားခဲ့သည်။ ရဟတ်ယာဉ်ကိုမူ ထောင်နှင့် ၃၇ မိုင်အကွာ ပါရီဆင်ခြေဖုံးနေရာတစ်ခု၌ ပြန်လည်တွေ့ရှိခဲ့ပြီး ရိုက်နှက်ခံထားရသော ရဟတ်ယာဉ်မောင်းမှာ အကြီးအကျယ် တုန်လှုပ်နေခဲ့သည်။ ဖာအစ်တို့အဖွဲ့မှာမူ ကားဖြင့် ဆက်လက်ထွက်ပြေးပြီး လမ်းတွင် ကားများကိုအစီးစီး ပြောင်းသွားခဲ့ကာ ပထမကားကို မီးရှို့ခဲ့သည်ဟု သိရသည်။ ဖာအစ်သည် လွန်ခဲ့သည့် ငါးနှစ်ကပင် နိုင်ငံမြောက်ပိုင်းရှိ အကျဉ်းထောင်တစ်ခုတွင် ဒိုင်းနမိုက်ဖြင့် ဖောက်ခွဲထွက်ပြေးခဲ့ဖူးသေးသည်။

Ref ; AFP

ဥရောပသမဂ္ဂမှ ပြင်သစ်နုတ်ထွက်သင့်ကြောင်း ထရန့်က မက်ခရွန်ကို ပြောကြားခဲ့

အိမ်ဖြူတော်တွင် ပြီးခဲ့သောဧပြီ၌ ပြင်သစ်သမ္မတအီမန်နျူရယ်မက်ခရွန်နှင့် တွေ့ဆုံစဉ်အတွင်း အမေရိကန်သမ္မတဒေါ်နယ်ထရန့်က ပြင်သစ်သည် ဥရောပသမဂ္ဂမှနုတ်ထွက်သင့်ပြီး အမေရိကန်နှင့် နှစ်နိုင်ငံကုန် သွယ်ရေးသဘောတူညီချက်ကို လက်မှတ်ထိုးသင့်ကြောင်း ပြောကြားခဲ့သည်ဟု ၀ါရှင်တန်ပို့စ်က ဇွန် ၂၉ ရက်တွင် ဖော်ပြခဲ့သည်။

ပြီးခဲ့သောနှစ်တွင် ပြင်သစ်သမ္မတအဖြစ် ရွေးကောက်ခံခဲ့ရသည့် ဥရောပမူဝါဒကို ပြတ်ပြတ်သားသား ထောက်ခံသူ မက်ခရွန်အား ထရန့်က ယင်းကဲ့သို့ ပြောကြားခဲ့ခြင်း ဖြစ်ကြောင်း ဥရောပတာဝန်ရှိသူနှစ်ဦးအား ကိုးကား၍ ၀ါရှင်တန်ပို့စ်က ဖော်ပြခဲ့သည်။

ထို ပြောကြားမှုကို သံတမန်ရင်းမြစ်တစ်ဦးကလည်း အတည်ပြုခဲ့သည်။ ဥရောပသမဂ္ဂသည် အမေရိကန်အား အခွင့်အရေးယူရန် ဖွဲ့ထားခြင်းသာဖြစ်ကြောင်း မြောက်ဒါကိုတာပြည်နယ်တွင် ဇွန် ၂၇ ရက်၌ မဲဆွယ်မှုပုံစံ စုဝေးမှု တွင် ထရန့်က တိုက်ခိုက်ခဲ့သည်။

ဥရောပသမဂ္ဂသည် မြောက်အမေရိကလွတ်လပ်စွာ ကုန်သွယ်ရေးသဘောတူညီချက် (NAFTA)ကဲ့သို့ပင် ဆိုးရွားကြောင်း ကနေဒါတွင်မကြာသေးမီက ကျင်းပခဲ့သော ဂျီ ၇ ထိပ်သီး၌ ထရန့် က ဝေဖန်ခဲ့သည်။

တရုတ်ပိုင် ၀ိုင်ချက်ရုံ ၁၀ ခုကို လိမ်လည်မှုဖြင့် ပြင်သစ်ရဲများက သိမ်းဆည်း

၂၀၁၇ ခုနှစ် အောက်တိုဘာ ၁၈ ရက်တွင် ပြင်သစ်အရှေ့မြောက်ပိုင်းရှိ စပျစ်ခြံများအား တွေ့ရစဉ် (Photo: AFP)

တရုတ်လုပ်ငန်းစုကြီး ဟိုင်ချန်းက ပိုင်ဆိုင်ထားပြီး ဘော်ဒိုးဒေသတွင်ရှိသော ၀ိုင်ချက်ရုံ ၁၀ ခုကို အခွန်လိမ်မှုသံသယများ ဖြင့် ပြင်သစ်ဘဏ္ဍာရေးရဲများက သိမ်းဆည်းခဲ့သည်ဟု ရဲသတင်းရင်းမြစ်က ဇွန်၂၉ ရက် တွင် အေအက်ဖ်ပီကို ပြောကြားခဲ့သည်။

တရုတ်အရှေ့မြောက်ပိုင်း ဆိပ်ကမ်းမြို့ တာ့လျန်အခြေစိုက် ဟိုင်ချန်းအုပ်စုသည် မကြာသေးခင်နှစ်များတွင် ပြင်သစ်နိုင်ငံ၏နာမည်အကြီးဆုံး ၀ိုင်စိုက်ပျိုးရာဒေသတစ်ခုတွင် ၀ိုင် စိုက်ခင်းဝယ်ယူခဲ့သော တရုတ်ရင်း နှီးမြှုပ်နှံသူအများအပြားတွင် အကြီးမားဆုံး ရင်းနှီးမြှုပ်နှံသူဖြစ်သည်။နာမည်ကြီးဝိုင်များကို ထုတ်လုပ်နေသောစိုက်ခင်း၂၄ ခုကို ၀ယ်ယူရန် ၎င်းသည် ယူရို ဒေါ်လာ ၅၅ သန်း (ဒေါ်လာ ၆၄ သန်း) သုံးစွဲခဲ့သည်။

သို့ရာတွင် ယင်းအုပ်စု၏ ၀ယ်ယူမှုများကိုဘဏ္ဍာရေးဆိုင်ရာအစိုးရရှေ့နေများက စုံစမ်းစစ်ဆေးခဲ့သည်မှာ ကြာပြီဖြစ်သည်။

“ငွေမည်းကိုငွေဖြူပြောင်းပြီး အခွန်လိမ်တာ၊ စာချုပ်စာတမ်း အတုလုပ်တာ၊ အဲဒီ အတုတွေကိုအသုံးပြုတာစတဲ့ အခွန်ရာဇ၀တ်မှု အတော်များများကို တွေ့ရှိခဲ့ရတဲ့ ၀ိုင်ချက်ရုံ ၁၀ ခုရှိပါတယ်”ဟု ရဲသတင်းရင်းမြစ်က အေအက်ဖ်ပီကို ပြောကြားခဲ့ပြီး အမှတ် နှစ် ပြင်သစ်ရုပ်သံလိုင်းကလည်း အဆိုပါသတင်းကို အတည်ပြုခဲ့သည်။

စီးပွားရေးအရ အဆက်အသွယ်မရှိဘဲ ပြင်သစ်ကုမ္ပဏီများနှင့် နိုင်ငံခြားတွင် မှတ်ပုံ တင်ထားသော ကုမ္ပဏီများအကြားအရောင်း အ၀ယ်ဆိုင်ရာ သက်သေများကိုလည်းကောင်း၊ အတုလုပ်ထားသော နိုတြိဖြင့် ပါရီရှိ တရုတ်ဘဏ်  ICBC ထံမှချေးငွေ ယူရို သန်း ၃၀ကိုလည်းကောင်း စုံစမ်းစစ်ဆေးသူများက တွေ့ရှိခဲ့ကြသည်။

နပိုလီယန်၏ စစ်ဦးထုပ်ကို ပြင်သစ်၌ လေလံတင်မည်

ဇွန် ၁၄ ရက်က ပြင်သစ်တောင်ပိုင်း လိုင်ယွန်မြို့တွင် နပိုလီယံ၏ ဦးထုပ်တစ်လုံးကို ပြသထားစဉ် (Photo: AFP)

နပိုလီယန်သည် ၀ါတာလူး၌ စစ်ရှုံးခဲ့ပြီးနောက် ချွတ်ပစ်ခဲ့သည်ဟု ဆိုသော အစွန်းနှစ်ဖက်ပါသည့် စစ်ဦးထုပ်တစ်လုံးကို ဇွန် ၁၈ ရက်တွင် ပြင်သစ်၌ လေလံတင်မည်ဖြစ်သည်။ ယင်းသည် ပြင်သစ်ဧကရာဇ် နပိုလီယန်၏ပစ္စည်းများနှင့် ပတ်သက်၍ လောဘတကြီးဖြစ်နေကြမှုကို အမြတ်ထုတ်သည့် နောက်ဆုံးကြိုးပမ်းမှုတစ်ခုဖြစ်လာခဲ့သည်။

နပိုလီယန်သည် ကွယ်လွန်ခဲ့သည်မှာ နှစ်ပေါင်း ၂၀၀ နီးပါး ရှိနေပြီဖြစ်သော်လည်း ၎င်းသည် စွဲလမ်းနှစ်သက်မှု၏ ရင်းမြစ်တစ်ခု ဖြစ်နေဆဲဖြစ်သည်။ နပိုလီယံသည်ဦးထုပ်၏ အချွန်နှစ်ဖက်ကို အရှေ့နှင့် အနောက်သို့ ထား၍ ဆောင်းရမည့်အစား ဘေးတိုက် ဆောင်းလေ့ရှိသူဖြစ်သဖြင့် စစ်မြေပြင်တွင် ၎င်းကို လွယ်လင့်တကူ ရှာတွေ့နိုင်မည်ဖြစ်သည်။နပိုလီယန်သည် ၎င်း၏ အာဏာသက်တမ်း ၁၅ နှစ်အတွင်း  bicorne ဦးထုပ် အလုံး ၁၂၀ ကျော် ပိုင်ဆိုင်ခဲ့သည်ဟုယူဆရပြီး ယင်းတို့အနက်အများစုမှာ ဦးထုပ်လုပ်သူ Poupard ၏ လက်ရာများဖြစ်သည်။

ယခု လေလံတင်မည့် ဦးထုပ်နှင့် ပတ်သက်၍ ဇာစ်မြစ်အတိအကျကို လုံးဝဥဿုံ အတည်ပြုနိုင်ခြင်းမရှိပေ။ သို့သော်ယင်းဦးထုပ်ကို နပိုလီယန်၏ ဦးထုပ်ဟုသာ ရှေးကတည်းက ယူဆခဲ့ကြသည်။ မှတ်တမ်းများ အရလည်း ၁၈၁၈ ခုနှစ်က ၀ါတားလူး စစ်ပွဲတွင် ဒတ်ခ်ျဗိုလ်မှူးကြီးတစ်ဦးက ထို ဦးထုပ်ကို စစ်နိုင်ပစ္စည်းအဖြစ် သိမ်းယူခဲ့ပြီးနောက် ယင်းဦးထုပ်အား ပိုင်ဆိုင်ခဲ့သူ အဆက်ဆက်ကို အတည်ပြုနိုင်သည်။

လွန်ခဲ့သည့်လေးနှစ်က အလားတူ  bicorne ဦးထုပ်တစ်လုံးကို ရောင်းချခဲ့ရာ ယူရို ၁ ဒသမ ၉ သန်း ( လက်ရှိဈေးဖြင့် ဒေါ် လာ ၂ ဒသမ၂ သန်း) ရရှိခဲ့သည်။