မြောက်ဥက္ကလာပ အထွေထွေရောဂါကု ဆေးရုံကြီးကို ခုတင် ၈၀၀ ဆံ့ဆေးရုံမှ ခုတင် ၁၅၀၀ ဆံ့ဆေးရုံကြီးအဖြစ် အဆင့်မြှင့်နေ

မြောက်ဥက္ကလာပ ဆေးရုံကြီးရှိ အမျိုးသား ဆေးကုသဆောင်(၁)အား တွေ့ရစဉ် (ဓာတ်ပုံ-အိသဉ္ဇာကျော်)

မြောက်ဥက္ကလာပ အထွေထွေရောဂါကု ဆေးရုံကြီးကို ခုတင် ၈၀၀ ဆံ့ဆေးရုံမှ ခုတင် ၁၅၀၀ဆံ့ ဆေးရုံကြီးအဖြစ် အဆင့်မြှင့်တင်နေကြောင်း ကျန်းမာရေးနှင့် အားကစား ၀န်ကြီးဌာနမှ သိရသည်။

ဆေးရုံအဆင့်မြှင့်တင်ရေးနှင့် ပတ်သက်၍ ပြီးခဲ့သည့် ဇူလိုင်လအတွင်းက ကျန်းမာရေးနှင့် အားကစား ၀န်ကြီးဌာန ရုံးအမှတ် (၄) တွင် ဆေးရုံအဆင့်မြှင့်တင် တိုးချဲ့ဆောက်လုပ်ရန် အဆိုပြုတင်ပြသည့် အစည်းအဝေးကို ကျင်းပခဲ့ပြီး Spiral Architects & Planners နှင့် ပူးပေါင်းရေးဆွဲထားသည့် အဆိုပြုနမူနာ Master Plan ကို တင်ပြခဲ့ကြောင်း သိရသည်။

“မြောက်ဥက္ကလာ ဆေးရုံကြီးက အချက်အခြာကျတဲ့နေရာ၊ လူဦးရေ ထူထပ်တဲ့နေရာမှာ ရှိတဲ့အပြင် ရန်ကုန်လေဆိပ်၊ ရန်ကုန်-မန္တလေး အမြန်လမ်းမကြီးတို့နဲ့လည်း နီးပြီး ရန်ကုန်မြို့တွင်း လူနာတွေသာမက မြို့ပြင်က လူနာတွေပါ လာကုကြတယ်။ လူနာဦးရေလည်း များတဲ့အပြင် ဆေးတက္ကသိုလ် (၂) ရဲ့ သင်ကြားရေး ဆေးရုံကြီးလည်း ဖြစ်ပါတယ်။ ဒါကြောင့် လက်ရှိ ခုတင် ၈၀၀ ဆံ့ဆေးရုံကနေ ခုတင် ၁၅၀၀ ဆံ့ ဆေးရုံအဖြစ် အဆင့်မြှင့်ပါမယ်။ ဆေးရုံအဆင့်မြှင့်တာနဲ့ ပတ်သက်တဲ့ Master Plan ကိုလည်း တင်ပြထားပြီး ဖြစ်ပါတယ်” ဟု မြောက်ဥက္ကလာပ ဆေးရုံကြီးမှ ဆေးရုံအုပ်ကြီး ဒေါက်တာကြည်စိုးက ပြောကြားသည်။

မြောက်ဥက္ကလာ ဆေးရုံကြီးကို အဆင့်မြှင့်တင် တိုးချဲ့ဆောက်လုပ်ခြင်းဖြင့် ရန်ကုန်အထွေထွေရောဂါကု ဆေးရုံကြီးတွင် လူနာအရေအတွက်နှင့် အလုပ်ဝန် လျော့ကျသွားမည်ဖြစ်ကြောင်း၊ တည်ဆောက်ရေး လုပ်ငန်းများ ဆောင်ရွက်ရာတွင် အပိုင်းလိုက်၊ အဆင့်လိုက် ဘဏ္ဍာငွေရရှိမှုအပေါ် မူတည်ကာ ဆောင်ရွက်မည်ဖြစ်ပြီး ဦးစားပေး ဆောက်လုပ်ရမည့် အဆောက်အအုံများကို သက်ဆိုင်ရာ ပညာရှင်များနှင့် ညှိနှိုင်းလုပ်ဆောင် နေကြောင်းနှင့် တည်ဆောက်ရေး လုပ်ငန်းကာလအတွင်း ဆေးရုံကြီး၏ လက်ရှိဆောင်ရွက်နေသော ကျန်းမာရေး စောင့်ရှောက်မှုလုပ်ငန်းများ လစ်လပ်မှုမရှိစေရန် ဆောင်ရွက်သွားမည် ဖြစ်ကြောင်းလည်း သိရသည်။

နိုင်ငံပိုင် ပြည်သူ့ဆေးရုံကြီးများတွင် တစ်နှစ်လျှင် လူနာဦးရေ သန်းနှင့်ချီ တက်ရောက် ကုသနေသည့်အတွက် ဆေးရုံကြီးများတွင် အရေးပေါ် လူနာကယ်ဆယ်ရေးလုပ်ငန်း အပါအ၀င် ဆေးရုံအလိုက်လိုအပ်သော အဆင့်မြှင့်တင်ခြင်း လုပ်ငန်းများကို လုပ်ဆောင်လျက်ရှိကြောင်း ကျန်းမာရေးနှင့် အားကစားဝန်ကြီးဌာနမှ သိရသည်။

ဝန်ကြီးဌာနမှ တရားဝင်ရရှိသည့် အချက်အလက်များအရ ပြီးခဲ့သည့် ၂၀၁၆ ခုနှစ် တစ်နှစ်တာ ကာလအတွင်း တစ်နိုင်ငံလုံးရှိ ပြည်သူ့ဆေးရုံကြီးများတွင် တက်ရောက် ဆေးကုသခဲ့သည့် ပြင်ပလူနာပေါင်း ကိုးသန်းကျော်၊ အတွင်းလူနာပေါင်း ၂ ဒသမ ၅ သန်းကျော်တို့ကို ကျန်းမာရေး စောင့်ရှောက်မှုများ ပေးခဲ့ကြောင်းနှင့် ဆေးကုသမှုခံယူသူ လူနာဦးရေ နှစ်စဉ်မြင့်တက်လျက် ရှိသည့်အတွက် ပြည်သူ့ဆေးရုံကြီးများကို အဆင့်မြှင့်တင်လျက် ရှိကြောင်းလည်း သိရသည်။

 

မြောက်ဥက္ကလာပဆေးရုံကြီး၌ အသစ်တည်ဆောက်နေသည့် သားဖွားမီးယပ်ဆောင်တွင် အသုံးပြုရန် မီးယပ်ဆိုင်ရာ ဆီးလမ်းကြောင်းရောဂါ ခွဲစိတ်ပစ္စည်းများနှင့် စမ်းသပ်ပစ္စည်းများ ဖြည့်ဆည်းထားရှိမည်

ထိုင်ဝမ်နိုင်ငံ Cao Zlaong Zhi Foundation က စက်ပစ္စည်းများ လှူဒါန်းနေသည်ကို တွေ့ရစဉ်

မြောက်ဥက္ကလာပဆေးရုံကြီး၌ အသစ်တည်ဆောက်နေသည့် သားဖွားမီးယပ်ဆောင်တွင် အသုံးပြုရန် ထိုင်ဝမ်နိုင်ငံမှ လှူဒါန်းထားသည့် မီးယပ်ဆိုင်ရာ ဆီးလမ်းကြောင်းရောဂါ ခွဲစိတ်စက်ပစ္စည်းကိရိယာများနှင့် စမ်းသပ်ပစ္စည်းကိရိယာများ ဖြည့်ဆည်းထားရှိကာ လူနာများအား ခွဲစိတ်ကုသမည်ဖြစ်ကြောင်း မြောက်ဥက္ကလာပဆေးရုံကြီးမှ သိရသည်။

အဆိုပါစက်ပစ္စည်းများသည် ထိုင်ဝမ်နိုင်ငံ Cao Zlaong Zhi Foundation က လှူဒါန်းထားသည့် စက်ပစ္စည်းကိရိယာများဖြစ်ပြီး ခွဲစိတ်ကုသရမည့် လူနာများအတွက် ပိုမိုထိရောက်စွာ ကုသနိုင်မည်ဖြစ်ကြောင်း မြောက်ဥက္ကလာပဆေးရုံကြီး၊ သားဖွားမီးယပ်ပညာဌာနမှ ပါမောက္ခဌာနမှူး ပါမောက္ခဒေါက်တာ ကြည်ကြည်ညွန့်က ဆိုသည်။

“ဒီစက်တွေရောက်လာပြီဆိုရင် မီးယပ်ဆိုင်ရာ ဆီးလမ်းကြောင်းရောဂါတွေကို ပိုပြီးအသေးစိတ်သိရှိလာမယ်။ ဘာကြောင့်ဖြစ်တာလဲ၊ ဘယ်နေရာမှာဖြစ်တာလဲ၊ ဒါသည် လေ့ကျင့်ခန်းနဲ့ပဲ ပြီးသွားမှာလား၊ ဆေးနဲ့ကုသရမှာလား၊ ဒါသည် ခွဲစိတ်လို့ရသလားဆိုတာကို အသေးစိတ်သိလာမယ်။ ဒါတွေသည် အမြင်အားဖြင့် ကြည့်မယ်ဆို အသက်ချက်ချင်းသေလောက်အောင် ရောဂါမဟုတ်ပေမယ့် အမျိုးသမီးတွေ နေ့စဉ်ခံစားနေတဲ့ရောဂါဖြစ်ပါတယ်” ဟု ပါမောက္ခဒေါက်တာ ကြည်ကြည်ညွန့်က ပြောကြားသည်။

၎င်းက ဆက်လက်၍ “ဒီစက်ပစ္စည်းတွေက အင်မတန်မှ ဈေးကြီးပါတယ်။ သားအိမ်ကျွံနေတဲ့လူတွေ၊ မွေးလမ်းကြောင်းကျွံတဲ့သူတွေ၊ ဆီးသွားရခက်ခဲတဲ့သူတွေ၊ ဆီးမထိန်းနိုင်တဲ့သူတွေကို ဆေးနဲ့ကုသတဲ့အပြင် ခွဲစိတ်ကုသရင် ပျောက်ကင်းမလား။ ဘယ်နည်းလမ်းနဲ့ ကုသရင် ပျောက်ကင်းနိုင်မလဲဆိုတာကို စက်ပစ္စည်းကိရိယာတွေနဲ့ စမ်းလို့ရတယ်။ ခွဲစိတ်ကုသမယ်ဆို ခွဲစိတ်မှုပေးနိုင်မယ်ပေါ့” ဟု ၎င်းက ပြောကြားသည်။

လက်ရှိ မြောက်ဥက္ကလာပဆေးရုံကြီးတွင် သားဖွားမီးယပ်ဌာန ခြောက်ထပ်ဆောင် အဆောက်အအုံဆောက်လုပ်နေပြီး ယင်းအဆောက်အအုံသည် ယခုနှစ်ကုန်တွင် ပြီးစီးမည်ဖြစ်ကြောင်း သိရသည်။

အဆိုပါ စက်ပစ္စည်းကိရိယာများကို မတ် ၃၀ ရက်တွင် မြောက်ဥက္ကလာပဆေးရုံကြီး၌ ထိုင်ဝမ်နိုင်ငံ Cao Zlaong Zhi Foundation မှ ပထဆုံးအကြိမ် လာရောက်လှူဒါန်းခြင်းဖြစ်ကြောင်း သိရသည်။ ဆေးတက္ကသိုလ် (၁) ရန်ကုန်၊ ဆေးတက္ကသိုလ်မန္တလေး၊ ဗဟိုအမျိုးသမီးဆေးရုံကြီး (ရန်ကုန်) နှင့် ဗဟိုအမျိုးသမီးဆေးရုံကြီး (မန္တလေး) တို့၌လည်း ဂျပန်နိုင်ငံမှ လှူဒါန်းထားသည့် သားဖွားမီးယပ်ဆိုင်ရာ ခွဲစိတ်ပစ္စည်းများထားရှိကြောင်း သိရသည်။