ထရန့်က မြောက်ကိုရီးယားအား အကြမ်းဖက်မှုကို အားပေးသည့် နိုင်ငံများစာရင်းသို့ ထည့်သွင်း

အပြစ်ပေးခံရသည်ဟု သတင်းထွက်ခဲ့သော ဟွမ်ပြောင်ဆို(ယာ)အား ၂၀၁၅ ခုနှစ် ဖေဖော်ဝါရီ ၂ ရက်က စကားပြောနေသည့် ကင်ဂျုံအွန် (Photo – AFP)

မြောက်ကိုရီးယားခေါင်းဆောင် ကင်ဂျုံအွန်အစိုးရနှင့် နျူကလီးယားဆိုင်ရာ လိပ်ခဲတည်းလည်း အခြေအနေအား အဆုံးသတ်နိုင်ရန်အတွက် ညှိနှိုင်းဆွေးနွေးရန် မျှော်လင့်ချက်အား ၀ါရှင်တန်က လက်မလျှော့သေးဟု အမေရိကန်နိုင်ငံခြားရေးဝန်ကြီးက  ပြောကြားထားချိန်တွင် သမ္မတဒေါ်နယ်ထရန့်က မြောက်ကိုရီးယားအား အကြမ်းဖက်မှုကို အားပေးသည့် နိုင်ငံများစာရင်းသို့ ထည့်သွင်းကြောင်း နိုဝင်ဘာ ၂၀ ရက်တွင် ကြေညာခဲ့သည်။ အီရန်နှင့် ဆီးရီးယားတို့က ယခင်က ဦးဆောင်နေသည့် ယင်းအမည်ပျက်စာရင်းတွင် မြောက်ကိုရီးယားအားထည့်ပြီးနောက် ပိတ်ဆို့အရေးယူမှုများအား အမေရိကန် ဘဏ္ဍာရေးဌာနက အလျင်အမြန်ချမှတ်နိုင်ရန်အတွက် လုပ်ဆောင်သွားမည်ဟု ထရန့်က ကတိပေးခဲ့သည်။

မြောက်ကိုရီးယားအား ယင်းစာရင်းသို့ ကာလကြာရှည်ကတည်းက ထည့်သွင်းသင့်ကြောင်း၊ လွန်ခဲ့သောနှစ်များစွာကတည်းက ထည့်သွင်းသင့်ကြောင်း ထရန့်က ပြောကြားခဲ့သည်။ မြောက်ကိုရီးယားတွင်ထောင်ထဲ၌ ထိန်းသိမ်းခံထားရစဉ် အမေရိကန်ကျောင်းသားတစ်ဦး သေဆုံးခဲ့ရမှု၊ ကင်ဂျုံအွန်၏ အဖေတူ အမေကွဲအစ်ကိုဖြစ်သူ ကင်ဂျုံနန်အား ပြည်ပတွင် အာရုံကြောထိခိုက်စေသည့် အဆိပ်ဖြင့် လုပ်ကြံခဲ့မှုတို့သည် မြောက်ကိုရီးယားအား ယင်းစာရင်းသို့ ထည့်သွင်းရန် အကြောင်းပြချက်များဖြစ်ကြောင်း ထရန့်က ပြောကြားခဲ့သည်။ နိုင်ငံခြားရေးဝန်ကြီး တေလာဆင်က ပိတ်ဆို့အရေးယူမှုနှင့် သံတမန်ရေးများသည် နျူကလီးယားလက်နက် စွန့်လွှတ်ရေးဆွေးနွေးပွဲသို့ ပါဝင်လာစေရန် ကင်အား ဖိအားပေးနိုင်ဆဲဖြစ်ကြောင်း ပြောကြားခဲ့သည်။ မြောက်ကိုရီးယားအား ချမှတ်ထားပြီးဖြစ်သည့် ပြင်းထန်သော ပိတ်ဆို့အရေးယူမှုများသည် ပြုံယမ်း၏ စီးပွားရေးအားကြီးမားသော သက်ရောက်မှုရှိခဲ့ပြီဖြစ်ကြောင်း တေလာဆင်က ပြောကြားခဲ့သည်။

ယင်းစာရင်းသို့ ထည့်သွင်းကြောင်း ထရန့်က မကြေညာမီ မြောက်ကိုရီးယား အာဏာရပါတီသတင်းစာ ရိုဒေါင်ရှင်မွန်သတင်းစာ အယ်ဒီတာ့အာဘော်တွင် ထရန့်သည် အမေရိကန်အား ငရဲခန်းသို့ ဦးတည်သော ပြန်မလှည့်နိုင်သည့် လမ်းကြောင်းသို့ ဆွဲချနေသည့် ငွေမက်သော စိတ်ဖောက်ပြန်နေသူဖြစ်ကြောင်း ဝေဖန်တိုက်ခိုက်ခဲ့သည်။ အမေရိကန်မြို့များအထိ ရောက်နိုင်သော နျူကလီးယား ထိပ်ဖူးတပ်တိုက်ချင်းပစ်ပဲ့ ထိန်းဒုံးများအား မြောက်ကိုရီးယားက စမ်းသပ်ခြင်း သို့မဟုတ် ဖြန့်ကြက်ခြင်းတို့ကို အမေရိကန်က လက်သင့်ခံမည်မဟုတ်ကြောင်း အိမ်ဖြူတော်က ထုတ်ပြန်ခဲ့သည်။

ထရန့်၏ ကြေညာချက်အား ကြိုဆိုထောက်ခံကြောင်း ဂျပန်က ထုတ်ပြန်ခဲ့သည်။ အမေရိကန်၏ လုပ်ရပ်သည် ပြင်းထန်သော ပိတ်ဆို့အရေးယူမှုများနှင့် ဖိအားများမှတစ်ဆင့် မြောက်ကိုရီးယားအား နျူကလီးယား ဖျက်သိမ်းရေးလမ်းကြောင်းပေါ်သို့ ခေါ်ဆောင်ရန် နိုင်ငံတကာအသိုင်းအ၀ိုင်း၏ ဘုံကြိုးပမ်းမှုများမှ အစိတ်အပိုင်းဖြစ်ကြောင်း တောင်ကိုရီးယား နိုင်ငံခြားရေးဝန်ကြီးဌာနက ထိန်းထိန်းသိမ်းသိမ်း ထုတ်ပြန်ခဲ့သည်။

မြောက်ကိုရီးယားကမူ ယင်းလုပ်ရပ်အား စစ်ပွဲကြေညာချက်ကဲ့သို့ သဘောထားနိုင်ပြီး မကြာမီကာလတွင် တိုက်ချင်းပစ်ပဲ့ ထိန်းဒုံးစမ်းသပ်မှုပြုလုပ်ပြီး တုံ့ပြန်နိုင်ခြေရှိကြောင်း ဆိုးလ်ရှိ မြောက်ကိုရီးယား လေ့လာရေးဆိုင်ရာ တက္ကသိုလ်ပါမောက္ခယန်မိုဂျင်က သုံးသပ်ခဲ့သည်။ မြောက်ကိုရီးယားအစိုးရသည် ပြင်းထန်သည့် အရေးယူမှုများ ချမှတ်ခံထားရပြီးဖြစ်၍ ယင်းစာရင်းထည့်သွင်းမှုသည် စီးပွားရေးအား ချက်ချင်းသက်ရောက်မှု မရှိနိုင်ဟု သိရသည်။

Ref ; AFP

တောင်ကိုရီးယား၏ စစ်ပွဲစီမံချက် အထောက်အထားများအား မြောက်ကိုရီးယား ဟက်ကာများက ခိုးယူခဲ့

ကင်ဂျုံအွန်နှင့် ၎င်း၏ ညီမဖြစ်သူ ကင်ယိုဂျုံ (၀ဲ) တို့ကို မတ် ၁၂ ရက်က တွေ့ရစဉ် (Photo: AFP)

မြောက်ကိုရီးယား ဟက်ကာများသည် တောင်ကိုရီးယားထံမှ ထိပ်တန်းလျှို့ဝှက်စစ်ပွဲ အစီအစဉ် အထောက်အထားများအား  ခိုးယူသွားခဲ့ပြီး ယင်းအထောက်အထားများတွင် တောင်ကိုရီးယား၏ အဓိကမဟာမိတ် အမေရိကန် ပါဝင်ပတ်သက်သော စစ်ပွဲ အစီအစဉ် များ အသေးစိတ်ပါဝင်ကြောင်း ချိုဆွန်းအီဘို  သတင်းစာက အောက်တိုဘာ ၁၀ ရက်တွင် ဖော်ပြခဲ့သည်။

အာဏာရဒီမိုကရက်တစ်ပါတီမှ ဥပဒေပြုအမတ် ရီးချိုဟီးက ဟက်ကာများသည် ယမန်နှစ်စက်တင်ဘာက တောင်ကိုရီးယား စစ်ဘက်သုံးကွန်ရက်ကို ခိုးဝင်ခဲ့ပြီး အရေးကြီးသော အချက်အလက်များကို ၂၃၅ ဂီဂါဘိုက်အထိ ရရှိသွားခဲ့ကြောင်း ပြောကြားခဲ့သည်ဟု  ယင်းသတင်းစာက ဖော်ပြခဲ့သည်။

ပေါက်ကြားခဲ့သော အထောက်အထားများတွင် Operational Plans 5015 ပါဝင်ပြီး မြောက်ကိုရီးယားနှင့် စစ်ပွဲဖြစ်ပွားပါက အသုံးပြုမည့်အစီအစဉ်များနှင့် မြောက်ကိုရီးယားခေါင်းဆောင် ကင်ဂျုံအွန်ကို ခေါင်းဖြတ် သုတ်သင်ရေးလုပ်ငန်းစဉ် ပါဝင်ကြောင်း ရီးက ပြောကြားခဲ့သည်ဟု သတင်းစာက ကိုးကားဖော်ပြခဲ့သည်။ ရီးသည် တောင်ကိုရီးယား ပါလီမန် ကာကွယ်ရေးကော်မတီအဖွဲ့ဝင်ဖြစ်ပြီး ယခုသတင်းအတွက် မှတ်ချက်ပေးရန် ဆက်သွယ်၍မရခဲ့ပေ။ မြောက်ကိုရီးယား၏ နျူကလီးယားလက်နက် အစီအစဉ်ကို ဟန့်တားရန်အတွက် ပြုံယမ်းအား စစ်ရေးအရ အရေးယူဆောင်ရွက်ရန် အမေရိကန်သမ္မတ ဒေါ်နယ်ထရန့်က ခြိမ်းခြောက်မှုများကြောင့် ကိုရီးယားကျွန်းဆွယ်တွင် ပဋိပက္ခများဖြစ်ပွားမည်ကို စိုးရိမ်နေကြချိန်တွင် ယခုသတင်း ထွက်ပေါ်ခဲ့ခြင်းဖြစ်သည်။

ပေါက်ကြားခဲ့သော အထောက်အထားများ၏ ၈၀ ရာခိုင်နှုန်းကို အတည်မပြုနိုင်သေးကြောင်း ရီးက ပြောကြားခဲ့သည်ဟု တောင်ကိုရီးယား ကာကွယ်ရေးဝန်ကြီးဌာနက ပြောကြားခဲ့သည်။ သို့သော်လည်း တောင်ကိုရီးယား အထူးတပ်ဖွဲ့ဝင်များအတွက် စစ်ဆင် ရေးအစီအစဉ်၊ အမေရိကန်နှင့် နှစ်စဉ်ပူးတွဲ စစ်ရေးလေ့ကျင့်မှုအစီအစဉ်၊ ဓာတ်အားပေးစက်ရုံများနှင့် အဓိက စစ်စခန်းများ၏ သတင်းအချက်အလက်များ ခိုးယူခံခဲ့ရသည်ဟု ရီးက ပြောကြားခဲ့သည်။