အန္တရာယ်များသော စွန့်စားမှု ဖြစ်လာသည့် တောင်ကိုရီးယားသမ္မတ၏ နျူကလီးယားသံတမန်ရေး

စက်တင်ဘာ ၁၉ ရက်တွင် မြောက်ကိုရီးယား အစိုးရမီဒီယာက ထုတ်ပြန်ခဲ့သောဓာတ်ပုံ၌ ပြုံယမ်းတွင် ကိုရီးယားနှစ်နိုင်ငံ ခေါင်းဆောင်များကို တွေ့ရစဉ် (Photo : AFP)

အမေရိကန်နှင့် မြောက်ကိုရီးယား၏ နျူကလီးယားစေ့စပ်ညှိနှိုင်းမှုကို ပြန်လည်အသက်သွင်းရေး အတွက် တောင်ကိုရီးယားသမ္မတ မွန်းဂျေအင်းသည် ကင်ဂျုံအွန်ထံမှ အသေးစား လိုက်လျောပေးမှုများကို ရရှိခဲ့ပြီးနောက်တွင် စောင့်ကြည့်လေ့လာသူများက မွန်းသည် အန္တရာယ်များသော စွန့်စားခန်း တစ်ခုကို စတင်လိုက်ပြီဟု ပြောခဲ့ကြသည်။

မွန်းသည် ပြီးခဲ့သည့် သီတင်းပတ်အတွင်းက တတိယအကြိမ်မြောက် ကင်နှင့် ထိပ်သီးဆွေးနွေးပွဲ ပြုလုပ်ရန်အတွက် ပြုံယမ်းသို့သွားခဲ့သည်။ သို့သော် စက်တင်ဘာ ၂၀ ရက်၌ မွန်းသည် အမေရိကန်က တောင်းဆိုထားသော မြောက်ကိုရီးယား နျူကလီးယားလက်နက် အပြည့်အ၀ ဖျက်သိမ်းရေးနှင့် အလှမ်းဝေးလွန်းသည့် သဘောတူညီချက်များကိုသာ ရရှိပြီး နေရပ်သို့ ပြန်ရောက်လာခဲ့သည်။

တောင်ကိုရီးယား ခေါင်းဆောင်သည် နျူကလီးယားဖျက်သိမ်းရေးထက် ယုံကြည်မှု တည်ဆောက်ရေး လုပ်ငန်းစဉ်ကို ဦးစားပေးနေကြောင်း မူဝါဒလေ့လာရေးဆိုင်ရာ Asan အင်စတီကျုမှ စောင့်ကြည့်လေ့လာသူ ရှင်ဘွန်ချောင်က ပြောခဲ့သည်။

“ဒါဟာ အန္တရာယ်များတဲ့ စွန့်စားမှု တစ်ခုပါ” ဟု ရှင်က ပြောကြားခဲ့သည်။ တောင်ကိုရီးယား အစိုးရ၏ ပျော့ပျောင်းညင်သာသော ချဉ်းကပ်မှုက မြောက်ကိုရီးယား၏ နျူကလီးယားလက်နက် ဆက်လက်ကိုင်စွဲနိုင်စေရေး ကြိုးပမ်းမှုများကို အဆင်ပြေချောမွေ့အောင် လုပ်ဆောင်ပေးသကဲ့သို့ ဖြစ်သွားလိမ့်မည်ဟုလည်း ၎င်းက ဖြည့်စွက်ပြောကြားခဲ့သည်။

မြောက်ကိုရီးယားက နျူလက်နက် မဖျက်သိမ်းလျှင်လည်း တောင်ကိုရီးယားသည် အပြစ်တင်ခံရဦးမည် ဖြစ်သည်ဟု ၎င်းက ပြောကြားခဲ့ပြီး “ဒါဟာ အမေရိကန်နဲ့ တောင်ကိုရီးယားကြားက ယုံကြည်မှုကိုလည်း အက်ကြောင်းထင်စေ နိုင်ပါသေးတယ်” ဟုဆိုခဲ့သည်။

မွန်းသည် ယခု မြောက်ကိုရီးယားခရီးစဉ် မတိုင်မီ မေလက တစ်ကြိမ် ဧပြီလက တစ်ကြိမ် မြောက်ကိုရီးယား ခေါင်းဆောင်နှင့် တွေ့ဆုံခဲ့ပြီး ဖြစ်သည်။ ဇွန်လက စင်ကာပူတွင် ကျင်းပခဲ့သော အမေရိကန်သမ္မတ ဒေါ်နယ်ထရန့်နှင့် ကင်တို့၏ ထိပ်သီးအစည်းအဝေးပွဲ ဖြစ်မြောက်ရန် စေ့စပ်ပေးခဲ့မှုများတွင်လည်း မွန်းက အဓိကဖြစ်ခဲ့သည်။

ထရန့်နှင့် တွေ့ဆုံပြီးနောက်တွင် ကင်က ကိုရီးယားကျွန်းဆွယ် နျူကလီးယား ဖျက်သိမ်းရေးကို သဘောတူ ထောက်ခံခဲ့သော်လည်း မည်သည့် အသေးစိတ် အကြောင်းအရာကိုမှ သဘောတူညီချက် မရခဲ့ပေ။ အမေရိကန်နှင့် မြောက်ကိုရီးယားတို့မှာလည်း နျူကလီးယား ဖျက်သိမ်းရေးကို မည်သို့ဖျက်သိမ်းရေးနှင့် မည်ကဲ့သို့ အဓိပ္ပာယ် ကောက်ယူရေးများနှင့် ပတ်သက်ပြီး ထိုအချိန်ကတည်းက အချင်းများနေခဲ့ကြခြင်းဖြစ်သည်။

လှည့်ကွက်

ပြုံယမ်းတွင် ပြုလုပ်ခဲ့သော ထိပ်သီးအစည်းအဝေးပွဲ၌ ကင်သည် တုန်ချန်ရီ ဒုံးကျည်စမ်းသပ်ရေး စခန်းကို ပြည်ပစောင့်ကြည့်သူများ၏ ရှေ့မှာပင် အပြီးတိုင်ပိတ်ပစ်မည်ဟု သဘောတူခဲ့သည်။

စောင့်ကြည့်လေ့လာသူများကမူ ထိုကတိနှင့် ပတ်သက်ပြီး လျင်မြန်စွာ ပယ်ချလိုက်ကာ ယင်းစခန်းသည် ခေတ်နောက်ကျနေပြီဖြစ်ပြီး အသုံးလည်း မလိုတော့ကြောင်း ပြောကြားခဲ့ကြသည်။

ကင်ဂျုံအွန်ကမူ အမေရိကန်ဘက်မှ အပြန်အလှန် လုပ်ဆောင်ပေးမှုရှိပါက ယုံဗြောင်၌ ရှိသည့် မြောက်ကိုရီးယား၏ လူသိအများဆုံး နျူကလီးယား အဆောက်အအုံကို ဖျက်သိမ်းခြင်း အစရှိသည့် ခြေလှမ်းများကို ထပ်လှမ်းပြဦးမည်ဟု ကမ်းလှမ်းထားသည်။ ယုံဗြောင်တွင် ယူရေနီယံ သန့်စင်ရေးစက်ရုံ တစ်ခုရှိကြောင်း လူသိများပြီး မြောက်ကိုရီးယားသည် ယုံဗြောင်၌ ပလူတိုနီယံများကို ဆက်လက်ထုတ်လုပ်နေဆဲ ဖြစ်သည်ဟု ယုံကြည်ရသည်။

သို့သော် Tufts တက္ကသိုလ်ရှိ Fletche School မှ ဆောင်ယွန်လီကမူ ယုံဗြောင်သည် ချောင်ထိုးခံထား ရခြင်းဖြစ်ပြီး အမေရိကန်နှင့် ဆွေးနွေးမှုများ အလုပ်မဖြစ်မှ ပြန်လည် စတင်လည်ပတ်ခြင်း ဖြစ်သည်ဟု ပြောကြားခဲ့သည်။

ထရန့်-ကင် ဒုတိယအကျော့ ထိပ်သီး

အမေရိကန်သည် ကင် နောက်ဆုံးပေးခဲ့သော ကတိများနှင့် ပတ်သက်ပြီး ကြိုဆိုခဲ့သည်။ ထရန့်ကလည်း Twitter ပေါ်တွင် အလွန်စိတ်လှုပ်ရှားနေကြောင်း အလျင်အမြန် ရေးတင်ခဲ့သည်။

သို့သော် လေ့လာသူများကမူ အမေရိကန်အစိုးရသည် သတိရှိရှိ ပြုမူနေသည်ဟု သုံးသပ်ကြသည်။ “အဓိက,ကတော့ ပွန်ပီယို မြောက်ကိုရီးယားကို ပြန်သွား၊ မသွားပါပဲ။ ဒါပေမဲ့ ဒါဟာ ချက်ချင်းဖြစ်လာနိုင်စရာ မရှိသေးပါဘူး” ဟု ချာဒူဟောင်က ဆိုသည်။ အမေရိကန် နိုင်ငံခြားရေးဝန်ကြီး ပွန်ပီယို၏ ပြီးခဲ့သည့်လက ခရီးစဉ်ကို ထရန့်က ရုတ်ချည်း ဖျက်သိမ်းခဲ့ခြင်းဖြစ်သည်။

မွန်းသည် ယခုခရီးစဉ်အတွင်း ထရန့်၏ နိုင်ငံရေးစိတ်ဝင်စားမှုမှာ အခြားသို့ ရွေ့မသွားမီ အချိန်သိပ် မကျန်တော့ကြောင်း ကင်အား ပြောကြားခဲ့ဖွယ် ရှိသည်ဟု Ajou တက္ကသိုလ်မှ ပါမောက္ခ တစ်ဦးဖြစ်သော ကင်ဟောင်ကျူက ပြောကြားခဲ့ပြီး နျူကလီးယား ဖျက်သိမ်းရေး ဆွေးနွေးပွဲ အရှိန်အဟုန်ကို ထိန်းသိမ်းထားရေးမှာ အရေးကြီးသည်ဟုလည်း ၎င်းကဆိုသည်။

Ref : AFP

မြောက်ကိုရီးယားခေါင်းဆောင် ကင်ထံမှ အပြုသဘောဆောင်သည့် စာတစ်စောင်ရရှိရန် ထရန့် မျှော်မှန်းနေ

စက်တင်ဘာ ၅ ရက်တွင် ပြုံယမ်း၌ တောင်ကိုရီးယား အထူးသံတမန်ကို စကားပြောနေသော မြောက်ကိုရီးယားခေါင်းဆောင် ကင်ဂျုံအွန်ကို တွေ့ရစဉ် (Photo : AFP)

မြောက်ကိုရီးယားခေါင်းဆောင် ကင်ဂျုံအွန်ထံမှ အပြုအသဘောဆောင်သည့် စာအသစ်တစ်စောင်ကို ရရှိရန် မျှော်လင့်နေသည်ဟု အမေရိကန်သမ္မတ ဒေါ်နယ်ထရန့်က စက်တင်ဘာ ၇ ရက်တွင် ပြောကြားခဲ့သည်။ ထရန့်သည် ထိုသို့ ပြောကြားခဲ့ခြင်းဖြင့် သီတင်းပတ်ပေါင်းများစွာ လိပ်ခဲတည်းလည်း ဖြစ်နေခဲ့ပြီးနောက် ကိုရီးယားကျွန်းဆွယ်ပေါ်၌ နျူကလီးယား ကင်းစင်စေရေးအတွက် ဆွေးနွေးမှုများမှာ အသက်ဝင်နေသေးသည့် အကြောင်းကို ရည်ညွှန်းခဲ့ခြင်းလည်း ဖြစ်သည်။

“ကင်ဂျုံအွန်ထံကနေ ကျွန်တော့်ဆီကို ပုဂ္ဂိုလ်ရေးစာတစ်စောင် ပို့လိုက်တယ်ဆိုတာ ကျွန်တော်သိပါတယ်။ အဲဒီစာကို နယ်စပ်မှာ ပေးခဲ့တာပါ” ဟု ထရန့်က ၎င်းနှင့်အတူ မြောက်ဒါကိုတာသို့ သွားရောက်ခဲ့သည့် သတင်းထောက်များကို ပြောကြားခဲ့သည်။ “ဒါဟာ အပြုသဘောဆောင်တဲ့ စာတစ်စောင် ဖြစ်လာလိမ့်မယ်လို့ ကျွန်တော်ထင်ပါတယ်” ဟု ထရန့်က ဖြည့်စွက်ပြောခဲ့သည်။

ယင်းစာကို အမေရိကန် နိုင်ငံခြားရေးဝန်ကြီး မိုက်ပွန်ပီယိုက ၎င်းထံသို့ ယူလာပေးလိမ့်မည်ဟု မျှော်လင့်ကြောင်း ထရန့်က ဆိုသည်။ ပွန်ပီယိုသည် စက်တင်ဘာ ၆ ရက်ကလည်း ကင်ထံမှ ထုတ်ပြန်ချက် တစ်စောင်ကို ယူဆောင်ခဲ့သေးသည်။ ယင်းထုတ်ပြန်ချက်ထဲ၌ ကင်က နျူကလီးယား ဖျက်သိမ်းရေး စေ့စပ်ဆွေးနွေးမှုများတွင် အခက်အခဲများ ရှိနေသော်လည်း ၎င်းအနေနှင့် ထရန့်အပေါ် ယုံကြည်မှု ရှိနေသေးသည်ဟု ပြောကြားထားသည်။

“သူကျွန်တော့်ကို ပြောတာနဲ့ ပတ်သက်ပြီး ဒါဟာ အရမ်းကို အကောင်းဘက်ကို ဦးတည်တဲ့ ထုတ်ပြန်ချက် တစ်ခုပါ။ ဒီထက်ပိုပြီး အပြုသဘောဆောင်တဲ့ ထုတ်ပြန်ချက်မျိုး မရှိတော့ပါဘူး” ဟု ထရန့်က ဆိုသည်။

ကင်က ထိုသို့ ပြောကြားခဲ့သည်ကို သတင်းခေါင်းစီးများအဖြစ် မတင်ခဲ့ကြကြောင်း ထရန့်က မီဒီယာများကို စွပ်စွဲခဲ့သေးသည်။ “ရိုးရိုးသားသား ပြောရရင် ခင်ဗျားတို့ သတင်းစာတွေရဲ့ ရှေ့မျက်နှာဖုံးမှာ အဲဒီအကြောင်းကို မတွေ့လိုက်ပါဘူး” ဟု ထရန့်က ဆိုခဲ့သည်။

ထရန့်သည် စင်ကာပူတွင် ကင်ဂျုံအွန်နှင့် ထိပ်သီးအစည်းအဝေး ပြုလုပ်ပြီးကတည်းက ရရှိခဲ့သည့် တိုးတက်မှုများကို ချီးကျူးခဲ့သေးသည်။ “ကျွန်တော်တို့ ဓားစာခံတွေ ပြန်လွတ်လာတယ်။ ဒီကြားထဲမှာလည်း ဘာ ဒုံးကျည်၊ ဒုံးပျံ၊ နျူကလီးယား စမ်းသပ်မှုတွေမှာလည်း မရှိဘူး။ ဒီအကြောင်းတွေကို ကျွန်တော်ပြောနေတာ အခေါက်ပေါင်းရာနဲ့ ချီနေပြီ” ဟု ထရန့်က ပြောကြားခဲ့သည်။

ကင်ဂျုံအွန်သည် စက်တင်ဘာ ၆ ရက်က တောင်ကိုရီးယားမှ အထူးသံတမန် တစ်ဦးနှင့် တွေ့ဆုံစဉ်ကလည်း နျူကလီးယား ဖျက်သိမ်းရေး ရည်မှန်းချက်အတွက် စိတ်ပိုင်းဖြတ်ထားကြောင်းကို ထပ်မံပြောကြားခဲ့သည်။ ကင်ဂျုံအွန်နှင့် တောင်ကိုရီးယားသမ္မတ မွန်းဂျေအင်းတို့သည်လည်း စက်တင်ဘာ ၁၈-၂၀ ရက်တို့တွင် ပြုံယမ်း၌ တွေ့ဆုံကြဦးမည် ဖြစ်သည်။ “ကိုရီးယား ကျွန်းဆွယ်ပေါ်က နျူကလီးယား ဖျက်သိမ်းရေးကို သိရှိနားလည်အောင် မြောက်ရော၊ တောင်ပါပိုပြီး ကြိုးပမ်းအားထုတ် သင့်ပါတယ်” ဟု ကင်က ပြောကြားခဲ့သည်ဟု KCNA က ဖော်ပြခဲ့သည်။

Ref : AFP

မြောက်ကိုရီးယားသည် စိုးရိမ်စရာ ခြိမ်းခြောက်မှုတစ်ခုအဖြစ် ရှိနေသေးသည်ဟု ဂျပန်ပြောကြား

၂၀၁၇ ခုနှစ် သြဂုတ် ၂၉ ရက်တွင် တိုကျိုရှိ အမေရိကန်၏ ယိုကာတာလေတပ်စခန်း၌ PAC- 3 မြေပြင်မှ ဝေဟင်ပစ်ဒုံးစနစ်တစ်ခုကို ယာယီချထားစဉ် (Photo – AFP)

မြောက်ကိုရီးယားသည် လက်ရှိအချိန်အထိ စိုးရိမ်စရာကောင်းသော ခြိမ်းခြောက် မှုတစ်ခုဖြစ်နေဆဲဟု ဂျပန်က သြဂုတ် ၂၈ ရက်က ထုတ်ပြန်သော ၎င်း၏ နှစ်ပတ်လည် ကာကွယ်ရေးသုံးသပ်ချက်တွင် ပြောကြားခဲ့သည်။

၂၀၁၈ ခုနှစ်အတွက် ဂျပန်ကာကွယ်ရေးဆိုင်ရာ အဆိုပါစက္ကူဖြူစာတမ်းတွင် စစ်ရေးအင်အားကြီး နိုင်ငံတစ်ခုအနေနှင့် တရုတ်တိုးတက်လာမှုအကြောင်းကိုလည်း ဖော်ပြထားပြီး တရုတ်အစိုးရသည် ဂျပန်အပါအ၀င် ဒေသတွင်းနှင့် နိုင်ငံတကာအ သိုင်းအ၀ိုင်းအတွက် အားကောင်းသော လုံခြုံရေးစိုးရိမ်စရာ ကိစ္စတစ်ခုဟု ဆိုခဲ့သည်။

ယမန်နှစ်က ဂျပန်၏ ကာကွယ်ရေး သုံးသပ်ချက်ထုတ်ပြန်ခဲ့စဉ်က မြောက်ကိုရီးယားနှင့် တင်းမာမှုများမှာ မြင့်တက်နေကာ နျူကလီးယားနှင့် ဒုံးကျည်စမ်းသပ်မှုများ လုပ်ဆောင်နေသည့် အချိန်ဖြစ်သည်။ အမေရိကန်သမ္မတကလည်း မြောက်ကိုရီးယားအနေဖြင့် ခြိမ်းခြောက်မှုများကို ဆက်လုပ်နေမည်ဆိုပါက မီးလျှံနှင့် ဒေါသမိုးများ ရွာချပစ်မည်ဟု ခြိမ်းခြောက်ခဲ့သည်။ သို့သော် ထိုအချိန်မှစပြီး  လက်ဖျားခါလောက်အောင် သံတမန်ရေး တင်းမာမှုများ လျော့ကျလာပြီး ဇွန် ၁၂ ရက်တွင် မြောက်ကိုရီးယားခေါင်းဆောင် ကင်ဂျုံအွန်နှင့် ထရန့်တို့၏ သမိုင်းဝင်ထိပ်သီးအစည်းအဝေး ကျင်းပနိုင်သည်အထိ အထွတ်အထိပ်အချိန်သို့ ရောက်ရှိခဲ့သည်။

ဂျပန်ကမူ “မြောက်ကိုရီးယားရဲ့ နျူကလီးယားလက်နက်၊ ဒုံးကျည်တွေရဲ့ ခြိမ်းခြောက်မှုနဲ့ပတ်သက်ပြီး ကျွန်တော်တို့ရဲ့အခြေခံကျတဲ့ ယူဆချက်ကတော့ ပြောင်းလဲသွားခြင်း မရှိပါဘူး” ဟု သြဂုတ် ၂၈ ရက် စာတမ်းထဲ၌ ပြောကြားခဲ့သည်။ “မြောက်ကိုရီးယားဟာ ဂျပန်ရဲ့လုံခြုံရေးအတွက် မကြုံစဖူး စိုးရိမ်စရာကောင်းပြီး  ဖြစ်အံ့ဆဲဆဲ ခြိမ်းခြောက်မှုတစ်ခုအဖြစ် ဆက်လက်ရှိနေဆဲပါပဲ။ ဒါ့အပြင် ဒေသတွင်းနဲ့ နိုင်ငံတကာအသိုင်းအ၀ိုင်းရဲ့ လုံခြုံရေးနဲ့ ငြိမ်းချမ်းရေးအတွက်လည်း သိသိသာသာ ထိခိုက်မှုရှိစေပါတယ်” ဟု ဂျပန်က ဆိုသည်။

မြောက်ကိုရီးယားသည် ရန်သူဟောင်းများဖြစ်သော အမေရိကန်၊ တောင်ကိုရီးယားတို့နှင့် ဆွေးနွေးမှုများ စတင်နေသည့်အပေါ် အသိအမှတ်ပြုကြောင်း ဂျပန်ကာကွယ်ရေးဝန်ကြီး အစ်ဆူနိုရီ အိုနိုဒီရာက ပြောကြားခဲ့သည်။ “ဒါပေမဲ့ မြောက်ကိုရီးယားမှာ ဂျပန်ကို ပစ်နိုင်တဲ့အကွာအဝေးရှိတဲ့ ဒုံးကျည်တွေ ရာနဲ့ချီရှိနေပြီး အပြည့်အ၀ တပ်ဖြန့်ထား တယ်ဆိုတဲ့ အချက်ကိုလည်း လျစ်လျူရှုလို့ မရပါဘူး” ဟု အိုနိုဒီရာက အလေးပေး ပြောကြားခဲ့သည်။

ထိုအခြေအနေများကြောင့် ဂျပန်သည် မြောက်ကိုရီးယား၏လက်နက်များရန်မှ နိုင်ငံကို ကာကွယ်နိုင်သည့်စွမ်းရည်ကို တဖြည်းဖြည်း တိုးမြှင့်နေသည်။ ကာကွယ်ရေးဝန်ကြီးဌာနသည် ဧပြီလတွင်စတင်မည့် ဘဏ္ဍာရေးနှစ်အတွက် ဘတ်ဂျက်ကို ယန်း ၅ ဒသမ ၃ ထရီလျံ ( ဒေါ် လာ ၄၇ ဒသမ ၆ ဘီလျံ) တောင်းဆိုရန် မျှော်မှန်းထားသည်။

ယခုစက္ကူဖြူစာတမ်းထဲတွင် တရုတ်သည် နိုင်ထက်စီးနင်းလုပ်မှုဖြင့် ပိုနေမြဲ ကျားနေမြဲအခြေအနေကို ပြောင်းလဲရန် ကြိုးပမ်းနေကြောင်း ဂျပန်က ပြောကြားခဲ့ပြီး တောင်တရုတ်နှင့် အရှေ့တရုတ်ပင်လယ်များထဲမှ တရုတ်ရေတပ်၏ အင်အားချဲ့ထွင်မှုများကို ရည်ညွှန်းခဲ့သည်။         Ref ; AFP

နျူကလီးယား ဖျက်သိမ်းရေးကိစ္စတွင် ရဲရင့်မှုရှိရန် မြောက်ကိုရီးယားက ထရန့်ကို တိုက်တွန်း

သြဂုတ် ၁၈ ရက်တွင် မြောက်ဟန်ယောင်ပြည်နယ်၌ Onpho စိုက်ခင်းအား မြောက်ကိုရီးယားခေါင်းဆောင် ကင်ဂျုံအွန်က စစ်ဆေးနေစဉ် (Photo: AFP)

ကိုရီးယားကျွန်းဆွယ်တွင် နျူကလီးယားဖျက်သိမ်းရေးကိစ္စအတွက် လိပ်ခဲတည်းလည်းဖြစ်ပေါ်နေမှုသည် အမေရိကန်သမ္မတ ဒေါ်နယ်ထရန့်၏ နိုင်ငံရေးအတိုက်အခံများကြောင့်ဖြစ်သည်ဟု မြောက်ကိုရီးယားအစိုးရ မီဒီယာက သြဂုတ် ၁၈ ရက်တွင် အပြစ်တင်ခဲ့ပြီး ထရန့်အနေဖြင့် နျူကလီးယားဖျက်သိမ်းရေးကိစ္စ တိုးတက်စေရန်အတွက် ရဲရင့်စွာ ဆောင်ရွက်ရန်လည်း တိုက်တွန်းခဲ့သည်။

ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့သည် ပြီးခဲ့သော ဇွန်တွင် စင်ကာပူ၌ သမိုင်းဝင်ထိပ်သီးကျင်းပခဲ့ပြီး ကိုရီးယားကျွန်းဆွယ်၌ နျူကလီးယား ဖျက်သိမ်းရန် တိကျစွာ သတ်မှတ်ထားခြင်းမရှိသော သဘောတူညီချက်တစ်ခုကို ရရှိခဲ့သည်။ သို့သော် ယင်းနောက်ပိုင်း ထိုကိစ္စအတွက် တိုးတက်မှု မဆိုစလောက်သာရှိခဲ့သည်။ ယင်းအချိန်တွင် ပြုံယမ်း၏ နျူကလီးယား လက်နက်တိုက်အား အပြီးအပြတ်နှင့် စိစစ်အတည်ပြုနိုင်သော နောက်ကြောင်း ပြန်၍မရသည့် ဖျက်သိမ်းမှုလုပ်ဆောင်ရန် ၀ါရှင်တန်၏ လူမိုက်ဂိုဏ်းဆန်ဆန် တစ်ဖက်သတ် တောင်းဆိုမှုများကို မြောက်ကိုရီးယားက ပြင်းပြင်းထန်ထန် ဝေဖန်ခဲ့သည်။

အမေရိကန်-မြောက်ကိုရီးယားဆက်ဆံရေး တိုးတက်စေရန်နှင့် ကမ္ဘာ့ငြိမ်းချမ်းရေးရရှိရန် ကြိုးပမ်းနေသော ထရန့်ကို မြောက်ကိုရီးယား၏ အထင်ရှားဆုံး နေ့စဉ်သတင်းစာ ရိုဒေါင်ရှင်မွန်းက သြဂုတ် ၁၈ ရက်တွင် ချီးကျူးခဲ့သည်။ သို့သော် ထရန့်သည် ရန်ဘက်အများအပြား ရင်ဆိုင်နေရကြောင်း ထိုသတင်းစာက ဆိုသည်။

အတိုက်အခံ ဒီမိုကရက်ပါတီမှ အမတ်များနှင့် ရီပက်ဘလီကင်အမတ်အချို့ပင်လျှင် ၎င်းတို့၏ ပါတီအကျိုးစီးပွားအတွက်  ထရန့်၏ ကြိုးပမ်းမှုများကို အနှောင့်အယှက်ပေးနေပြီး မီဒီယာများကလည်း ထရန့်ကို ရန်လိုနေချိန်တွင် ၎င်း၏ မူဝါဒများကို အားလျော့စေခဲ့ကြောင်း ထိုသတင်းစာက ဖော်ပြခဲ့သည်။ ဗျူရိုကရက်များနှင့် ထရန့် လက်ထောက်များ၏ ပြောဆိုမှုနှင့် လုပ်ဆောင်မှုများသည် သမ္မတထရန့်၏ ဆန္ဒနှင့်ကွဲလွဲနေပြီး ထရန့်အား လွဲမှားသော ဆုံးဖြတ်ချက် ချမှတ်စေရန်အတွက် ၎င်း၏ အမြင်နှင့် အကြားကို ဖုံးကွယ်နေကြကြောင်း၊ အချက်အလက်များကိုလည်း ပုံဖျက်နေကြကြောင်း မြောက်ကိုရီးယားသတင်းစာက စွပ်စွဲခဲ့သည်။

ပြုံယမ်းသည် ၎င်း၏  နျူကလီးယားနှင့် ဒုံးစမ်းသပ်မှုများအား ရပ်ဆိုင်းခြင်း၊နျူကလီးယား စမ်းသပ်သည့်နေရာကို ဖျက်ဆီးခြင်း နှင့် ကိုရီးယားစစ်ပွဲအတွင်း သေဆုံးခဲ့သည့် အမေရိကန်တပ်ဖွဲ့ဝင်များ၏ ရုပ်ကြွင်းများကို ပြန်လည်လွှဲပြောင်းပေးခြင်း အပါအ၀င် ကောင်းမွန်သော လုပ်ရပ်များကို လုပ်ဆောင်ခဲ့သော်လည်း အမေရိကန်က အပြန်အလှန် တုံ့ပြန်ရန် ပျက်ကွက်ခဲ့ကြောင်း မြောက်ကိုရီးယားက စွပ်စွဲခဲ့သည်။ ၁၉၅၀-၅၃ ကိုရီးယားစစ်ပွဲ အဆုံးသတ်ကြောင်း ကြေညာရန်အတွက် အမေရိကန်က သဘောတူရန် မြောက်ကိုရီးယားက တောင်းဆိုထားသည်။

ပြီးခဲ့သော ဧပြီတွင် ၎င်းတို့နှစ်ဦးအကြား ပထမဆုံး ကိုရီးယားထိပ်သီး၌ တောင်ကိုရီးယားသမ္မတ မွန်းဂျေအင်းနှင့် တွေ့ဆုံစဉ် ကင်က ကိုရီးယားစစ်ပွဲ အဆုံးသတ်ကြောင်းကို ယခုနှစ်အတွင်း ကြေညာနိုင်ရန်အတွက် အားစိုက်သွားမည်ဟု ကတိပြုခဲ့သည်။ သို့သော် ယင်းကဲ့သို့ ထိပ်သီး ထပ်မံကျင်းပရန် သည် မြောက်ကိုရီးယားက နျူကလီးယား ဖျက်သိမ်းရေးကို ဦးစွာ အစစ်အမှန် လုပ်ဆောင်သင့်ကြောင်း အမေရိကန်တာဝန်ရှိသူများက အခိုင်အမာပြောကြားခဲ့သည်။

မြောက်ကိုရီးယားက ဒုံးအသစ်များကို ဆက်လက်တည်ဆောက်နေဟု သတင်းများ၌ ဖော်ပြ

မြောက်ကိုရီးယား ဗဟိုသတင်းအေဂျင်စီက ၂၀၁၇ ခုနှစ် ဇူလိုင် ၅ ရက်တွင် ထုတ်ပြန်ခဲ့သောဓာတ်ပုံ၌ တိုက်ချင်းပစ်ပဲ့ထိန်းဒုံးအား ကြည့်ရှုစစ်ဆေးနေသည့် ကင်ဂျုံအွန်ကို တွေ့ရစဉ် (Photo – AFP)

ပြီးခဲ့သည့်သီတင်းပတ်အတွင်းက ရိုက်ကူးထားသည့် ဂြိုဟ်တုဓာတ်ပုံများနှင့် အခြားသက်သေအသစ်များအရ မြောက်ကိုရီးယားသည် ဒုံးသစ်များကို တည်ဆောက်နေဆဲဖြစ်သည့် အကြောင်းကို အမေရိကန် ထောက်လှမ်းရေး အေဂျင်စီများက တွေ့ ရှိခဲ့သည်ဟု ၀ါရှင်တန်ပို့စ်တွင် ဇူလိုင် ၃၀ ရက်က ဖော်ပြခဲ့သည်။

အမေရိကန်သမ္မတဒေါ်နယ်ထရန့်နှင့် မြောက်ကိုရီးယားခေါင်းဆောင်ကင်ဂျုံအွန်တို့၏ လောင်းကြေးမြင့်သော ထိပ်သီးဆွေးနွေးမှုအပြီး သီတင်းပတ်အနည်းငယ်အကြာတွင် မြောက်ကိုရီးယားသည် လောင်စာအရည်အသုံးပြုသော တိုက်ချင်းပစ်ပဲ့ထိန်းဒုံးကျည်တစ်စင်း သို့မဟုတ် နှစ်စင်းထက်မနည်းကို တည်ဆောက်နေဖွယ်ရှိသည်ဟု ထောက်လှမ်းရေးနှင့် နီးစပ်မှုရှိသော သတင်းရင်းမြစ်များကို ကိုးကားပြီး ၀ါရှင်တန်ပို့စ်တွင် ဖော်ပြခဲ့သည်။

မြို့တော်ပြုံယမ်းအပြင်ဘက် ဆာနမ်ဒန်ရှိ စက်ရုံတွင် အမေရိကန်ပြည်ထောင်စု အထိရောက်ရှိနိုင်သော မြောက်ကိုရီးယား၏ ပထမဆုံး တိုက်ချင်းပစ်ဒုံးကျည် (ICBM) များအား ထုတ်လုပ်ရန် လုပ်ဆောင်နေဆဲဖြစ်ကြောင်း သိရသည်။

ဇွန်လတွင် ပြုလုပ်ခဲ့သည့် စင်ကာပူ ထိပ်သီးအစည်းအဝေးပွဲအပြီးတွင် ထရန့်က မြောက်ကိုရီးယားသည် နျူကလီးယားခြိမ်းခြောက်မှုတစ်ခု မဟုတ်တော့ကြောင်း ကြေညာခဲ့ပြီး ၎င်း၏ သံတမန်ရေးဆိုင်ရာ အောင်မြင်မှုများဟု အမွှမ်းတင်ခဲ့သည်။ သို့သော် ကင်ဂျုံအွန်ကမူ ၎င်းနိုင်ငံ၏ နျူကလီးယားနှင့် ဒုံးကျည်ဆိုင်ရာစက်ရုံများ၌ လှုပ်ရှားဆောင်ရွက်မှုများကို အဆုံးသတ်လိုက်မည်ဟု လူသိရှင်ကြားကတိပေးခြင်းမရှိသေးဘဲ ယင်းအစား နျူကလီးယားဖျက်သိမ်းရေးကို နောက်ဆုံးတွင် လုပ်ဆောင်မည်ဟုသာ ပြောကြားခဲ့သည်။

မြောက်ကိုရီးယားသည် ကွဲပွားခြင်းဖြင့် နျူကလီးယားစွမ်းအင်ထုတ်လုပ်နိုင်သော ပစ္စည်းများကို ဆက်လက်ပြုလုပ်နေဆဲဖြစ်သည်ဟု အမေရိကန်နိုင်ငံခြားရေးဝန်ကြီး မိုက်ပွန်ပီယိုက ပြီးခဲ့သည့်သီတင်းပတ်တွင် ၎င်း၏ထွက်ဆိုချက်အတွင်း ဆီးနိတ်အမတ်များအား ပြောကြားခဲ့သည်။ သို့သော် မြောက်ကိုရီးယားက ဒုံးကျည်သစ်များ တည်ဆောက်နေခြင်း ရှိ၊ မရှိကိုမူ ၎င်းက တစ်စုံတစ်ရာ ရည်ညွှန်းပြောခဲ့ခြင်း မရှိပေ။

ဆာနမ်ဒန်စက်ရုံတွင် Hwasong – 15 ICBM ဒုံးတစ်စင်းထက်မနည်း ဆောက်နေသည်ကို အမျိုးသားအာကာသ ထောက်လှမ်းရေးအေဂျင်စီ၏ ဓာတ်ပုံများက ရည်ညွှန်းနေသည်ဟု ၀ါရှင်တန်ပို့စ်တွင် ဖော်ပြခဲ့သည်။ “သူတို့တတွေ အရင်တုန်းကလိုပဲ လုပ်နေကြတာကို ကျွန်တော်တို့တွေ့ခဲ့ပါတယ်” ဟု အမေရိကန်အစိုးရအရာရှိတစ်ဦးက ၀ါရှင်တန်ပို့စ်သို့ ပြောကြားခဲ့သည်။

မြောက်ကိုရီးယား၏ အနောက်ဘက်ကမ်းရိုးတန်းရှိ ဆိုဟယ်ဂြိုဟ်တုလွှတ်တင် ရေးစခန်းတွင်မူ ထရန့်နှင့် ထိပ်သီးအစည်း အဝေးတွင်ပေးခဲ့သော ကတိအတိုင်းအလုပ်သမားများသည် အင်ဂျင်စမ်းသပ်ရေးစင်ကို ဖြိုဖျက်နေကြပုံကို တွေ့ရသည်။ သို့သော် ယင်းစက်ရုံသည် ပြန်လည်တည်ဆောက်ရ လွယ်ကူသဖြင့် သင်္ကေတဆန်သော လုပ်ရပ်တစ်ခုဟု ရှုမြင်ခံနေရသည်။

ဇူလိုင် ၇ ရက်က ရိုက်ကူးထားသည့် ဓာတ်ပုံတစ်ပုံထဲတွင်လည်း အနီရောင် တောက်တောက်ရှိသော နောက်တွဲယာဉ်တစ်စင်းကို ပစ္စည်းအတင်အချလုပ်သည့် နေရာတွင် တွေ့ရသည်။ အဆိုပါယာဉ်သည် ICBM များကို သယ်ယူပို့ဆောင်ရာတွင် ယခင်က မြောက်ကိုရီးယားအသုံးပြုခဲ့သည့် ယာဉ်များနှင့် ဆင်တူနေသည်ဟု ယူဆရသည်။

Ref ; AFP

အမေရိကန်က လူဆိုးဂိုဏ်းပုံစံ တောင်းဆိုမှုများ ပြုလုပ်ခဲ့ဟု မြောက်ကိုရီးယား ပြောကြား

အမေရိကန်နိုင်ငံခြားရေးဝန်ကြီး ပွန်ပီယို (၀ဲ)၊ ဂျပန်နိုင်ငံခြားရေးဝန်ကြီး (လယ်) တောင်ကိုရီးယားနိုင်ငံခြားရေးဝန်ကြီး (ယာ) တို့ကို တိုကျိုရှိ ဧည့်ဂေဟာတစ်ခု၌ တွေ့ရစဉ် (Photo: AFP)

မြောက်ကိုရီးယားက ၎င်း၏နျူကလီးယား အစီအစဉ်များနှင့် ပတ်သက်၍ အမေရိကန်တို့က လူဆိုးဂိုဏ်းပုံစံဖြင့် တောင်းဆိုမှုများ ပြုလုပ်သွားခဲ့သည်ဟု ဇူလိုင် ၇ ရက်က စွပ်စွဲ ပြောကြားခဲ့သည်။

ယင်းပြောကြားမှုသည် အမေရိကန်နိုင်ငံခြားရေးဝန်ကြီး မိုက်ပွန်ပီအို မြောက်ကိုရီးယားနိုင်ငံမှ ပြန်လည်ထွက်ခွာသွားပြီး နာရီအချို့အကြာ၌ ထွက်ပေါ်လာခြင်းဖြစ်သည်။ ပွန်ပီယိုကမူ ၎င်း၏ ခရီးစဉ်အတွင်း၌ ရန်သူဟောင်းများနှင့် အဓိကအချက်များ၌ တိုးတက်မှုများပြုလုပ်နိုင်ခဲ့သည်ဟု ဆိုသည်။

“အမေရိကန်တို့ဟာ နျူကလီးယားဖျက်သိမ်းဖို့အတွက် လူဆိုးဂိုဏ်းတွေလို တစ်ဘက်သတ်ဆန်တဲ့ သူတို့ရဲ့ တောင်းဆိုမှုတွေကို ပြုလုပ်ဖို့အတွက်ပဲ ရောက်ရှိလာတာ ဖြစ်ပါတယ်” ဟု မြောက်ကိုရီးယားနိုင်ငံခြားရေး ၀န်ကြီးဌာနမှ ပြောခွင့်ရပုဂ္ဂိုလ်တစ်ဦး၏ ပြောကြားချက်ကို ကိုးကားပြီး နိုင်ငံပိုင် KCNA သတင်းဌာနတွင် ဖော်ပြခဲ့သည်။

ကိုရီးယားကျွန်းဆွယ်နျူကလီးယားကင်းစင်ရေးအတွက် ဖြတ်လမ်းအဖြစ် နှစ်ဖက်စလုံးက လုပ်ဆောင်မှုအဆင့်ဆင့်ကို တစ်ပြိုင်တည်းဆောင်ရွက်ရမည့်အစား ပွန်ပီယို၏ ကိုယ်စားလှယ်အဖွဲ့သည် နောက်ပြန်မလှည့်နိုင်သော၊ ခိုင်မာသော အလုံးစုံ နျူကလီးယားဖျက်သိမ်းရေးကိုသာ တစ်ဘက်သတ် အခိုင်အမာ တောင်းဆိုသွားခဲ့သည်ဟု ထိုပြောခွင့်ရပုဂ္ဂိုလ်က ဆိုသည်။

“ဒီတစ်ခါ အဆင့်မြင့်အရာရှိဆွေးနွေးပွဲဟာ မြောက်ကိုရီးယားနဲ့ အမေရိကန်ကြားက ယုံကြည်မှုကို ပိုမိုခိုင်မာစေရမယ့်အစား ကျွန်တော်တို့ကို အန္တရာယ်များတဲ့ အခြေအနေကို ရောက်စေပါတယ်။ ဒီအတွက်ကြောင့် နျူကလီးယားဖျက်သိမ်းဖို့အတွက် ခိုင်မာတဲ့ ကျွန်တော်တို့ရဲ့ဆုံးဖြတ်ချက်ကိုတောင် ယိုင်နဲ့စေနိုင်မယ့် အခြေအနေမျိုးဖြစ်ပါတယ်” ဟု ၎င်းက ဆက်လက်ပြောကြားခဲ့သည်။

■ ပိတ်ဆို့မှုများ ဆက်ရှိနေမည်

မြောက်ကိုရီးယားအစိုးရဘက်မှ  အလုံးစုံ နျူကလီးယားဖျက်သိမ်းမှုပြီးစီးသွားသည့် အချိန်အထိ ၎င်းတို့အပေါ် ပိတ်ဆို့မှုများမှာ ဆက်ရှိနေလိမ့်မည်ဟု ဇူလိုင် ၈ ရက်တွင် ပွန်ပီယိုဘက်မှ ပြောစကား ပြန်လည်ထွက်ပေါ်လာသည်။”ဥက္ကဋ္ဌကင် သဘောတူခဲ့တဲ့အတိုင်းပဲ အလုံးစုံနျူကလီးယားဖျက်သိမ်းမှုပြီး စီးတဲ့အချိန်အထိ ပိတ်ဆို့မှုတွေဟာ ဆက်ရှိ သွားမှာပါ” ဟု ပွန်ပီယိုက တိုကျိုတွင် ဂျပန်၊ တောင်ကိုရီးယားတို့မှ နိုင်ငံခြားရေးဝန်ကြီးတို့ နှင့် တွေ့ဆုံဆွေးနွေးပြီးနောက် ယခုကဲ့သို့ ပြောကြားခဲ့ခြင်းဖြစ်သည်။

“ဆွေးနွေးမှုတွေရဲ့ တိုးတက်မှုဟာ ကျွန်တော်တို့ကို အားတက်စေတာ မှန်ပေမဲ့ တိုးတက်မှုရှိတာသက်သက်အတွက်နဲ့ မြောက်ကိုရီးယားအပေါ် ပိတ်ဆို့မှုတွေ ဖြေလျှော့ပေးဖို့ဆိုတာ မလျော်ကန်ပါဘူး” ဟု ပွန်ပီယိုက ဆက်လက်ပြောကြားခဲ့သည်။

ပွန်ပီယိုသည် ၎င်းင်း၏မြောက်ကိုရီးယားခရီးစဉ်အကြောင်းကို ဂျပန်နှင့် တောင်ကိုရီး ယားနိုင်ငံခြားရေးဝန်ကြီးတို့အား ပြန်၍ ရှင်းပြရန် တိုကျိုသို့ ရောက်နေခြင်းဖြစ်သည်။

ပွန်ပီယိုကမူ မြောက်ကိုရီးယား၏ တံဆိပ်ကပ်မှုကို ဖယ်ချပြီး ဆွေးနွေးမှုများသည် ကောင်းမွန်သော ယုံကြည်ချက်အတိုင်း ရှေ့ဆက်သွားနေသည်ဟုသာ ပြောခဲ့သည်။

“တကယ်လို့ ဒီတောင်းဆိုမှုတွေဟာ လူဆိုးဂိုဏ်းပုံစံဖြစ်နေတယ်ဆိုရင် ကမ္ဘာကြီးဟာလည်း လူဆိုးဂိုဏ်းတစ်ခုပါပဲ။ ဘာဖြစ်လို့လဲဆိုတော့ အောင်မြင်ဖြစ်မြောက်အောင် ဘယ်လိုလုပ်ဆောင်ဖို့ လိုအပ်တဲ့အကြောင်း ကုလသမဂ္ဂလုံခြုံရေးကောင်စီမှာ တညီတညွတ်တည်း ဆုံးဖြတ်ချက်ချထားခဲ့လို့ပဲ ဖြစ်ပါတယ်” ဟု ၎င်းက ပြောကြားခဲ့သည်။

ပွန်ပီယိုသည် ဇူလိုင် ၆ ရက်ကတည်းက ပြုံယမ်းတွင် မြောက်ကိုရီးယားအစိုးရ အရာရှိများနှင့် ရှစ်နာရီကျော် ကြာအောင် ဆွေးနွေးမှုများပြုလုပ်ခဲ့သည်။ ပြီးခဲ့သည့်လက ထရန့်နှင့် ကင်တို့၏ သဘောတူညီချက်အား အကောင်အထည်ဖော်ရန် ကြိုးပမ်းမှုလည်း ဖြစ်သည်။

 

 

မြောက်ကိုရီးယား နျူကလီးယားစီမံကိန်းအား တစ်နှစ်အတွင်း ဖျက်သိမ်းရန်အစီအစဉ်ရှိဟု အမေရိကန်ပြောကြား

ဇွန် ၁၂ ရက်က စင်ကာပူတွင် သမိုင်းဝင်ထိပ်သီးအပြီး၌ အမေရိကန်သမ္မတ ထရန့် (ယာ)နှင့် မြောက်ကိုရီးယားခေါင်းဆောင် ကင်ဂျုံအွန် (၀ဲ) ကို တွေ့ရစဉ် (Photo – AFP)

အမေရိကန်နှင့် မြောက်ကိုရီးယားတို့သည် အလုပ်သဘောအဆင့် ဆွေးနွေးပွဲများအား ပြန်လည်စတင်စဉ် မြောက်ကိုရီးယား၏ များပြားလှသော နျူကလီးယားလက်နက် စီမံကိန်းများကို တစ်နှစ်အတွင်း ဖျက်သိမ်း   နိုင်သည်ဟု ၎င်းက ယုံကြည်ကြောင်း အိမ်ဖြူတော်အမျိုးသားလုံခြုံရေးအကြံပေး ဂျွန်ဘိုတန်က ဇူလိုင် ၁ ရက်တွင် ပြောကြားခဲ့သည်။

ပြုံယမ်းကသာ အပြည့်အ၀ပူးပေါင်းဆောင်ရွက်မှုနှင့် ထုတ်ပြန်မှု ပြုလုပ်ပါက မြောက်ကိုရီးယား၏ ဖျက်အားပြင်းသော ဓာတု၊ ဇီဝနှင့် နျူကလီးယားလက်နက်များ၊ ပဲ့ထိန်းဒုံးစီမံကိန်းများကို တစ်နှစ်အတွင်း ဖျက်သိမ်းနိုင်သည့် အစီအစဉ်များ အမေရိကန်တွင်ရှိကြောင်း ဘိုတန်က CBS  ၏ face the Nation အစီအစဉ်သို့ ပြောကြားခဲ့သည်။

မြောက်ကိုရီးယားကိုယ်တိုင်က ယင်းကဲ့သို့ လုပ်ဆောင်ရန်အတွက် မဟာဗျူဟာမြောက် ဆုံးဖြတ်ချက်များ ချမှတ်ထားပြီး ပူးပေါင်းဆောင်ရွက်ပါက ထိုအစီအစဉ်များကို အလွန်လျင်မြန်စွာ လုပ်ဆောင်နိုင်ကြောင်း ဘိုတန်က ပြောကြားခဲ့သည်။

ထိုအဆိုပြုချက်နှင့်ပတ်သက်၍ အမေရိကန် နိုင်ငံခြားရေးဝန်ကြီး မိုက်ပွန်ပီယိုသည် မြောက်ကိုရီးယားနှင့် မကြာမီဆွေးနွေးသွားဖွယ်ရှိဟု ဘိုတန်က ပြောကြားခဲ့သည်။ ပွန်ပီယိုသည် ယခုသီတင်းပတ်တွင် မြောက်ကိုရီးယားသို့ သွားရောက်ဖွယ်ရှိသည်ဟု Financial Times က ဖော်ပြခဲ့သော်လည်း အမေရိကန်နိုင်ငံခြားရေးဌာနက ထိုခရီးစဉ် အကြောင်းကို အတည်မပြုခဲ့ပေ။

ပွန်ပီယို၏ မြောက်ကိုရီးယားခရီးစဉ်အတွက် ညှိနှိုင်းဆောင်ရွက်ရန် ဖိလစ်ပိုင်ဆိုင်ရာ အမေရိကန်သံအမတ် ဆန်ကင်သည် မြောက်ကိုရီးယားတာဝန်ရှိသူများကို ကိုရီးယားနှစ်နိုင်ငံအကြား စစ်မဲ့ဇုန်ရှိ ပန်မန်ဂျွန် ကျေးရွာတွင် ဇူလိုင် ၁ ရက်၌ တွေ့ဆုံဆွေးနွေးခဲ့ကြောင်း တောင်ကိုရီးယားမီဒီယာများက ဖော်ပြခဲ့ကြသည်။

မြောက်ကိုရီးယား၏ နျူကလီးယား လက်နက်များအား တစ်နှစ်အတွင်း ဖျက်သိမ်းနိုင်ကြောင်း ဘိုတန်၏ အကောင်းမြင်မှုနှင့် ပတ်သက် ၍ ကျွမ်းကျင်သူအချို့က စောဒက တက်ခဲ့ကြသည်။ မြောက်ကိုရီးယား၏ နျူကလီးယားလက်နက်များအား တစ်နှစ်အတွင်း ဖျက်သိမ်းနိုင်ခြေရှိကြောင်း၊ သို့သော် ထိုအပြည့်အ၀ဖျက်သိမ်းမှုအား စိစစ်အတည်ပြုနိုင်ခြေမရှိကြောင်း၊ ထို့ပြင် နျူကလီးယား လက်နက်များအား အပြည့်အ၀ဖျက်သိမ်းပစ်မည်ဟု မြောက်ကိုရီးယားထံမှ ခိုင်မာသော ဆုံးဖြတ်ချက်ကို အထောက်အထား မတွေ့ရသေးကြောင်း အမေရိကန်သမ္မတဟောင်း ဘာရက်အိုဘားမားလက်ထက် နိုင်ငံခြားရေးဌာန၏ လက်နက်ထိန်းချုပ်ရေးဆိုင်ရာ ထိပ်တန်းတာဝန်ရှိသူ သောမတ်စ်ကန်ထရီးမန်းက ထောက်ပြခဲ့သည်။

မြောက်ကိုရီးယားသည် ဒုံးထုတ်လုပ်သည့် အဓိကစက်ရုံတစ်ခုအား တိုးချဲ့မှုပြီးစီးခဲ့ပြီဖြစ်ကြောင်း ဆန်ဖရန်စစ္စကိုအခြေစိုက် Planet Labs Inc မှ ဂြိုဟ်တုဓာတ်ပုံသစ်များအား စစ်ဆေးခဲ့သည့် ပညာရှင်များအား ကိုးကား၍ Wall Street ဂျာနယ်က ဇူလိုင် ၁ ရက်တွင် ဖော်ပြခဲ့သည်။ အမေရိကန်နှင့် မြောက်ကိုရီးယားအကြား ပြီးခဲ့သောလတွင် သမိုင်းဝင်ထိပ်သီးကျင်းပနေသည့်ကာလ၌ ထိုစက်ရုံ၏ အပြင်ပိုင်းတည်ဆောက်မှု ပြီးစီးခဲ့ကြောင်း ကယ်လီဖိုးနီးယားရှိ Middle bury Institute of International Studies မှ ဂြိုဟ်တုပုံရိပ်များကို သုံးသပ်ထုတ်ပြန်ခဲ့ကြောင်း ထိုသတင်းစာက ဖော်ပြခဲ့သည်။

Ref ; Reuters

မြောက်ကိုရီးယားနှင့်ပတ်သက်၍ အားကောင်းသည့် ကာကွယ်ရေးရပ်တည်ချက်ကို ဆက်လက်ကိုင်စွဲသွားမည်ဟု မာတစ် ကတိပြု

ဇွန် ၂၉ ရက်က တိုကျိုတွင် ဂျပန်ဝန်ကြီးချုပ်အာဘေး (ယာ)နှင့် အမေရိကန်ကာကွယ်ရေးဝန်ကြီး မာတစ် (၀ဲ) တို့ ဆွေးနွေးနေကြစဉ် (Photo – AFP)

အမေရိကန်၏ ကာလရှည်ကြာလုံခြုံရေး ကတိပြုမှုများအား လျော့ကျစေရန် မြောက်ကိုရီးယားက လုပ်ဆောင်နိုင်ခြေရှိသည့်အပေါ် စိုးရိမ်နေကြစဉ် အမေရိကန် ကာကွယ်ရေးဝန်ကြီးဂျိမ်းမာတစ်က အမေရိကန်-ဂျပန် လုံခြုံရေးမဟာမိတ်ဆက်ဆံရေးကို ဆက်လက်ထိန်းသိမ်းကာ ပိုမိုခိုင်မာအောင် လုပ်ဆောင်သွားမည်ဟု ဇွန် ၂၉ ရက်က ကတိပြုခဲ့သည်။

မြောက်ကိုရီးယားအရေးတွင် အမေရိကန်နှင့် ဒေသတွင်းမဟာမိတ်များသည် အားကောင်းသည့် ကာကွယ်ရေးပူးပေါင်းမှုဆိုင်ရာ ရပ်တည်ချက်ကို ဆက်လက်ထိန်းသိမ်းသွားမည်ဟု မာတစ်က ပြောကြားခဲ့သည်။ ဂျပန်သည်လည်း ဒေသတွင်း တည်ငြိမ်မှု၏ အုတ်မြစ်တစ်ခုသဖွယ် ဆက်လက်တည်ရှိ သွားမည်ဟု ၎င်းက ဆိုသည်။

မြောက်ကိုရီးယားခေါင်းဆောင် ကင်ဂျုံအွန်နှင့် နျူကလီးယားဖျက်သိမ်းရေး         သဘောတူညီချက်တစ်ခုရရှိရေးအတွက် သမ္မတဒေါ်နယ်ထရန့်၏ တိုက်တွန်းလုပ်ဆောင်မှုများ၌ ဂျပန်က ၎င်း၏ လုံခြုံရေးအကျိုးစီးပွားများ ကျန်ရစ်ခဲ့မည်ဟု စိုးရိမ်လျက်ရှိသည်။ မာတစ်သည် ယခုခရီးစဉ်အတွင်း ဂျပန်အစိုးရအရာရှိများနှင့် တွေ့ဆုံပြီး ထိုစိုးရိမ်မှုများကို ဖြေရှင်းပေးရန် ကြိုးပမ်းခဲ့သည်။ “ကျွန်တော်တို့ဟာ မြောက်ကိုရီးယားနဲ့ မကြုံစဖူးညှိနှိုင်းဆွေးနွေးမှုထဲကို ရောက်နေပေမယ့် ဂျပန်-အမေရိကန်ရဲ့ ကာလရှည်ကြာ မဟာမိတ်ဆက်ဆံရေးဟာ ခိုင်မာနေဆဲ ဖြစ်ပါတယ်” ဟု မာတစ်က ဂျပန်ကာကွယ်ရေးဝန်ကြီး အစ်ဆူနိုရီအိုနိုဒီရာနှင့် တွေ့ဆုံစဉ် အခိုင်အမာ ပြောခဲ့ခြင်းဖြစ်သည်။

“ကျွန်တော်တို့နှစ်နိုင်ငံ ဆက်ဆံရေးဟာ မြဲမြံမှုရှိကြောင်း အလုံးစုံစိတ်ချဖို့ အာမခံချက်ရှိပါတယ်” ဟု မာတစ်က ဖြည့်စွက်ပြောကြားခဲ့သည်။

ထရန့်သည် ဇွန် ၁၂ ရက် စင်ကာပူထိပ် သီးပြီးနောက် အမေရိကန်နှင့် တောင်ကိုရီးယားတို့၏ ပူးတွဲစစ်ရေးလေ့ကျင့်မှုကြီးများကို ရပ်ဆိုင်းလိုက်ပြီဖြစ်ကြောင်း ကြေညာခဲ့သဖြင့် ဒေသတွင်းမဟာမိတ်များမှာ အံအားသင့်ခဲ့ရသည်။ တစ်ချိန်က ထိုပူးတွဲစစ်ရေး လေ့ကျင့်မှုကြီးများကို မြောက်ကိုရီးယား၏ ခြိမ်းခြောက်မှုအား ထိန်းချုပ်ရန် အဓိကအရေးပါသည့်လုပ်ရပ်ဟု ရှုမြင်ခဲ့ကြသည်။

မာတစ်ကမူ ထရန့်၏ယင်းဆုံးဖြတ်ချက်သည် အမေရိကန်သံတမန်များအား ခိုင်ခိုင်မာမာ ညှိနှိုင်းဆွေးနွေးမှုများပြုလုပ်နိုင်စေရန်နှင့် ကိုရီးယားကျွန်းဆွယ်အတွက် ငြိမ်းချမ်းသောအဖြေတစ်ခုထွက်လာစေရေး အလားအလာကို မြှင့်တင်ရန်အတွက် အချိန်တစ်ခု ဖန်တီးပေးခြင်းသာဖြစ်ကြောင်း ပြောကြားခဲ့သည်။

ဂျပန်ကာကွယ်ရေးဝန်ကြီး အိုဒိုဒီရာကလည်း ထိုပူးတွဲစစ်ရေးလေ့ကျင့်မှုကြီးများသည် ဒေသတွင်း တည်ငြိမ်ရေးအတွက် အရေးကြီးသည်ဟု ပြောခဲ့သော်လည်း ကင်ကို နျူကလီးယားလက်နက်များကို စွန့်လွှတ်စေရန် သံတမန်ရေးကြိုးပမ်းအားထုတ်မှုများအတွက်မူ လိုအပ်ကြောင်းကို အသိအမှတ်ပြုခဲ့သည်။

မာတစ်သည် ဂျပန်သို့ မလာမီ တောင်ကိုရီးယားသို့လည်း သွားရောက်ခဲ့သေးသည်။ မာတစ်သည် တောင်ကိုရီးယားတွင်လည်း နျူကလီးယားဖျက်သိမ်းရေးဆွေးနွေးမှုများ ပြုလုပ်နေစဉ် အမေရိကန်က တောင်ကိုရီးယားအား စောင့်ရှောက်ပေးမှုများ လျှော့ချလိုက်မည်ကို စိုးရိမ်မှုများ ပြေလျော့စေရန် ကြိုးပမ်းခဲ့သည်။ ထို့ပြင် အမေရိကန်-တောင်ကိုရီးယား၏ မဟာမိတ်ဆက်ဆံရေးမှာ သံမဏိကဲ့သို့ မြဲမြံသည်ဟုလည်း ပြောကြားခဲ့သည်။

Ref; AFP

ပူးတွဲစစ်ရေးလေ့ကျင့်မှုများအား ထရန့် ရပ်ဆိုင်းလိုက်မှုက ကိုရီးယားတွင် မဟာမိတ်ကာကွယ်ရေးကို အားနည်းသွားစေနိုင်

၂၀၁၆ ခုနှစ် ဇူလိုင် ၆ ရက်က ပိုဟန်မြို့တွင် ပူးတွဲစစ်ရေးလေ့ကျင့်မှု၌ တောင်ကိုရီးယားနှင့် အမေရိကန် တပ်ဖွဲ့ဝင်များကို တွေ့ရစဉ် (Photo : AP)

တောင်ကိုရီးယားတွင် အမေရိကန်၏ ပူးတွဲစစ်ရေးလေ့ကျင့်မှုများအား ရပ်ဆိုင်းရန် အမေရိကန်သမ္မတ ဒေါ်နယ်ထရန့်၏ ဆုံးဖြတ်ချက်ချမှုသည် ရပ်ဆိုင်းထားသည့် အချိန်ကာလ ကြာမြင့်မှုနှင့် အတိုင်းအတာကို မူတည်၍ မဟာမိတ်များ၏ ကာကွယ်ရေးကို အားနည်းသွားစေနိုင်ကြောင်း လေ့လာသူများက သုံးသပ်ခဲ့ကြသည်။ သို့သော် သံတမန်ရေးရာ ထိခိုက်မှု အလားအလာမှာ ပိုမိုကြီးမားနိုင်ကြောင်း ၎င်းတို့က သတိပေးခဲ့ကြသည်။

ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့အကြား သမိုင်းဝင် ထိပ်သီးရလဒ်အတွက်  စည်းလုံးညီညွတ်မှုကို အမေရိကန်၊ တောင်ကိုရီးယားနှင့် ဂျပန်တို့က ဇွန် ၁၄ ရက်တွင် ပြသခဲ့ကြသည်။ သို့သော် ထရန့်က ထိုရပ်ဆိုင်းမည့်ကိစ္စအား အာရှမဟာမိတ်များအပြင် ပင်တဂွန်ကိုပါ ကြိုတင်အသိပေးရန် ပျက်ကွက်ခဲ့မှုကို တုန်လှုပ်မိခဲ့ကြောင်း အမေရိကန်-အာရှမူဝါဒရေးရာ အတွေ့အကြုံများရှိသော တာဝန်ရှိသူဟောင်းများနှင့် လေ့လာသူများက ပြောကြားခဲ့သည်။

ထိုစစ်ရေး လေ့ကျင့်မှုများသည် အဟန့်အတားများ ဖြစ်သဖြင့် အလွန်အမင်း အရေးပါကြောင်း၊ ကင်နှင့်ဆွေးနွေးရန် ထရန့်၏ ဆန္ဒရှိမှုကို ကြိုဆိုသော်လည်း ထိုဆုံးဖြတ်ချက်ကြောင့် ပင်တဂွန်အတွက် ရှုပ်ထွေးမှု ဖြစ်ပေါ်စေမှုကို သမ္မတက လျှော့တွက်ခဲ့မှုအတွက် စိုးရိမ်မိကြောင်း သမ္မတဟောင်း ဘာရက်အိုဘားမား အစိုးရလက်ထက် ကာကွယ်ရေးဝန်ကြီး ချက်ဟေဂယ်က ပြောကြားခဲ့သည်။

နည်းဗျူဟာများ၊ လုပ်ထုံးလုပ်နည်းများနှင့် အစီအစဉ်များအား အဆင့်ဆင့်ပြောင်းလဲနိုင်ရန် ရည်ရွယ်သော ကြီးမားသော ပူးတွဲစစ်ရေးလေ့ကျင့်မှုများသည် မဟာမိတ်များအကြား စည်းလုံးညီညွတ်မှုကို ပြသခြင်းဖြစ်ပြီး ရန်သူ၏ တိုက်ခိုက်မှုများအား ဟန့်တားရန် စိတ်ဓာတ်ရေးရာ စစ်ဆင်မှု၏ တစ်စိတ်တစ်ပိုင်းဖြစ်ကြောင်း လေ့လာသူများက ဆိုခဲ့သည်။

၁၉၅၃ ခုနှစ်တွင် ငြိမ်းချမ်းရေး သဘောတူညီချက်ဖြင့် မဟုတ်ဘဲ အပစ်အခတ်ရပ်စဲရေးဖြင့် ရပ်ဆိုင်းခဲ့သည့် ကိုရီးယားစစ်ပွဲအပြီးတွင် အမေရိကန်က တောင်ကိုရီးယား၌ တိုက်ခိုက်ရေး တပ်ဖွဲ့ဝင်များအား ချထားခဲ့သည်။ တောင်ကိုရီးယားနှင့် ပူးတွဲပြုလုပ်သည့် နောက်ထပ် ထင်ရှားသော စစ်ရေးလေ့ကျင့်မှုဖြစ်သော Ulchi Freedom Guardian ကို ပြီးခဲ့သောနှစ် သြဂုတ်တွင် ၁၁ ရက်ကြာ ပြလုပ်ခဲ့ပြီး အမေရိကန် တပ်ဖွဲ့ဝင် ၁၇၀၀၀ ခန့် ပါဝင်ခဲ့ကြောင်း သိရသည်။

ထိုစစ်ရေး လေ့ကျင့်မှုများသည် မြောက်ကိုရီးယား၏ မည်သည့် ရန်စမှုကိုမဆို တန်ပြန်ရန် အမေရိကန်နှင့် တောင်ကိုရီးယား၏ ကြိုတင်ပြင်ဆင်ထားမှုကို ပြသသည့် ကာကွယ်ရေးဆိုင်ရာ လုပ်ဆောင်မှုများသာ ဖြစ်ကြောင်း အမေရိကန်က အခိုင်အမာ ထုတ်ပြန်ခဲ့သည်။ သို့သော် ထရန့်က ထိုစစ်ရေး လေ့ကျင့်မှုများအား ရပ်ဆိုင်းမည်ဟု ကြေညာခဲ့ချိန်တွင် မြောက်ကိုရီးယားနှင့် တရုတ်တို့က သုံးနှုန်းလေ့ရှိသည့် “ရန်စသော” နှင့် “စစ်ပွဲသရုပ်ဖော် လေ့ကျင့်မှုများ” ဟု သုံးနှုန်းခဲ့သည်။

ထို့ပြင် ကုန်ကျစရိတ်မြင့်မားမှုက အဓိက ပူးတွဲစစ်ရေး လေ့ကျင့်မှုများအား ရပ်ဆိုင်းရခြင်း၏ အကြောင်းရင်း တစ်ချက်ဖြစ်ကြောင်းလည်း ထရန့်က ပြောကြားခဲ့သည်။ သို့သော် ထိုစစ်ရေးလေ့ကျင့်မှု အားလုံးတွင် အမေရိကန် ပါဝင်မှုအတွက် ကုန်ကျစရိတ်ကျခံသည့် ပင်တဂွန်က မည်မျှကုန်ကျကြောင်း မထုတ်ပြန်ခဲ့ပေ။

အသေးစား စစ်ရေးလေ့ကျင့်မှု တစ်ခုအတွက် ဒေါ်လာနှစ်သန်းခန့် ကုန်ကျပြီး အကြီးစား စစ်ရေးလေ့ကျင့်မှု အတွက် ဒေါ်လာ ၁၅ သန်းခန့် ကုန်ကျကြောင်း ယခင်က ခန့်မှန်းတွက်ချက်မှုရှိခဲ့ပြီး ယခုအခါ အသုံးစရိတ် ဒေါ်လာဘီလျံ ၇၀၀ ကျော်နေသော ပင်တဂွန်အတွက် ထိုကုန်ကျစရိတ်သည် မဆိုစလောက် ပမာဏသာ ဖြစ်နေသည်။

စစ်ရေးလေ့ကျင့်မှုများအား ရပ်ဆိုင်းမည့် အကြောင်းကို မဟာမိတ် တောင်ကိုရီးယားနှင့် ဂျပန်တို့အား ကြိုတင်အသိပေးရန် ပျက်ကွက်ခဲ့မှုနှင့် ကုန်ကျစရိတ်ကို အာရုံစိုက်မှုတို့က ထိခိုက်ဆုံးရှုံးနိုင်ခြေအား သုံးဆကြီးမားစေနိုင်ကြောင်း သမ္မတဟောင်း ဂျော့ဒဗလျူဘုရှ် အစိုးရလက်ထက် အမျိုးသားလုံခြုံရေး ကောင်စီမှ အာရှဒါရိုက်တာ မိုက်ကယ်ဂရင်းက သုံးသပ်ခဲ့သည်။

မြောက်ကိုရီးယားသည် နျူကလီးယား ခြိမ်းခြောက်မှု မဟုတ်တော့ကြောင်း ထရန့်က Twitter တွင် ထုတ်ပြန်မှုကိုလည်း အငြိမ်းစား အမေရိကန်ရေတပ် ဗိုလ်ချုပ်ဟောင်း ဟာရီဟားရစ်က လက်မခံခဲ့ပေ။ သို့သော် စစ်ရေးလေ့ကျင့်မှုများအား ရပ်ဆိုင်းခြင်းသည် ကင်ဂျုံအွန်အစိုးရနှင့် နျူကလီးယား ဖျက်သိမ်းရန်အတွက် ဆွေးနွေးမှုများ တိုးတက်စေရန်အတွက် အသက်ရှူပေါက် ပေးလိုက်ခြင်းဖြစ်ကြောင်း တောင်ကိုရီးယားဆိုင်ရာ အမေရိကန် သံအမတ်အဖြစ် အတည်ပြုရန် အထက်လွှတ်တော် ကြားနာမှု၌ ဟားရစ်က ရှင်းလင်း ပြောကြားခဲ့သည်။ သို့သော် စစ်ရေးလေ့ကျင့်မှုများအား ရပ်ဆိုင်းခြင်းကို တစ်ဖက်သတ် မဆုံးဖြတ်သင့်ကြောင်း ၎င်းကဆိုခဲ့သည်။

အမေရိကန် အထက်လွှတ်တော် လက်နက်ကိုင်ရေးရာ ကော်မတီဥက္ကဋ္ဌ အထက်လွှတ်တော်အမတ် ဂျွန်မက်ကိန်းကလည်း ပူးတွဲစစ်ရေး လေ့ကျင့်မှုများအား ရပ်ဆိုင်းမှုသည် မှားယွင်းမှု၊ ဆိုးရွားသော ညှိနှိုင်းဆွေးနွေးမှုဆိုင်ရာ နည်းဗျူဟာနှင့် အမေရိကန်လုံခြုံရေးကို အားလျော့စေမှုဖြစ်ကြောင်း ပြောကြားခဲ့သည်။

ဆိုးလ်တွင် တောင်ကိုရီးယား၊ ဂျပန်နှင့် တရုတ်နိုင်ငံခြားရေးဝန်ကြီးများနှင့် ပူးတွဲသတင်းစာ ရှင်းလင်းပွဲတွင် အမေရိကန် နိုင်ငံခြားရေးဝန်ကြီး မိုက်ပွန်ပီယိုက မြောက်ကိုရီးယား နျူကလီးယား ဖျက်သိမ်းရေး အောင်မြင်ရန်မှာ မဟာမိတ်များအကြား အနီးကပ်ပူးပေါင်း ဆောင်ရွက်မှုက အလွန်အမင်း အရေးပါမည် ဖြစ်ကြောင်းသာ ပြောကြားခဲ့သည်။

မြောက်ကိုရီးယားနှင့် ညှိနှိုင်းဆွေးနွေးမှုများသည် အပြုသဘော ဆောင်နေသရွေ့ ယုံကြည်မှုပြသမှုအဖြစ် စစ်ရေးလေ့ကျင့်မှုများကို ရပ်ဆိုင်းထားမည်ဖြစ်ကြောင်း၊ သို့သော် ပုံမှန်ပြုလုပ်နေကျ အသင့်ဖြစ်စေရန် လေ့ကျင့်မှု၊ ဖလှယ်မှုများကို ဆက်လက်လုပ်ဆောင် သွားမည်ဖြစ်ကြောင်း အိမ်ဖြူတော်က ထုတ်ပြန်ခဲ့သည်။ ပင်တဂွန်ကမူ Ulchi Freedom Guardian စစ်ရေးလေ့ကျင့်မှုအား ဖျက်သိမ်း သို့မဟုတ် ရွှေ့ဆိုင်းမှု လုပ်၊ မလုပ်ကိုမူ အတည်မပြုသေးပေ။

နောက်ဆုံးတွင် တောင်ကိုရီးယားရှိ အမေရိကန်တပ်ဖွဲ့ဝင် အားလုံးကို ပြန်လည်ရုပ်သိမ်းနိုင်ကြောင်း ထရန့်၏ ပြောကြားထားမှုကလည်း အမေရိကန်၏ တည်ကြည်ခိုင်မာမှုကို ဆိုးလ်နှင့် တိုကျိုတို့က သံသယ ၀င်စေမည်ဟု ၂၀၁၄ ခုနှစ်မှ ၂၀၁၆ ခုနှစ်အထိ ပင်တဂွန်၏ မူဝါဒဆိုင်ရာ ထိပ်တန်းတာဝန်ရှိအဖြစ် ထမ်းဆောင်ခဲ့သည့် Christine Wormuth က သုံးသပ်ခဲ့သည်။

Ref : AFP

သမိုင်းဝင်ထိပ်သီးက မြောက်ကိုရီးယား၏ နျူကလီးယားခြိမ်းခြောက်မှုကို အဆုံးသတ်ခဲ့ဟု ထရန့်ပြောကြား

ဇွန် ၁၂ ရက်က စင်ကာပူတွင် သမိုင်းဝင်ထိပ်သီး၌ အမေရိကန်သမ္မတ ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့ လက်ဆွဲနှုတ်ဆက်နေကြစဉ် (Photo – AFP)

မြောက်ကိုရီးယားခေါင်းဆောင် ကင်ဂျုံအွန်နှင့် ပြုလုပ်ခဲ့သော သမိုင်းဝင်ထိပ်သီးက  ပြုံယမ်း၏ နျူကလီးယားခြိမ်းခြောက်မှုအား အဆုံးသတ်ခဲ့ပြီး ကမ္ဘာကြီးသည် ဘေးကင်းစွာ အိပ်စက်နိုင်ပြီဖြစ်ကြောင်း အမေရိကန် သမ္မတဒေါ်နယ်ထရန့်က ၀ါရှင်တန်သို့ပြန်ရောက်ခဲ့ပြီးနောက် ဇွန် ၁၃ ရက်တွင် ပြောကြားခဲ့သည်။ “မြောက်ကိုရီးယားဆီကနေ နျူကလီးယားခြိမ်းခြောက်မှုတွေ မရှိတော့ဘူး” ဟု ထရန့်က Twitter ၌ ရေးသားခဲ့သည်။

လူတိုင်းသည် ၎င်းတာဝန်စတင်ထမ်း ဆောင်ခဲ့သည့်နေ့ကထက် ပိုမိုဘေးကင်းသွားပြီဟု ယူဆနိုင်ကြောင်း၊ လူတိုင်းသည် ယနေ့ည ကောင်းမွန်စွာ အိပ်စက်နိုင်ပြီဖြစ်ကြောင်းလည်း ထရန့်က ပြောကြားခဲ့သည်။

မြောက်ကိုရီးယားအာဏာရ အလုပ်သမားပါတီအာဘော်နေ့စဉ်သတင်းစာ ရိုဒေါင်ရှင်မွန်ကလည်း သတင်းစာပုံမှန်စာမျက်နှာ ခြောက်မျက်နှာအနက် လေးမျက်နှာတွင် ထိုထိပ်သီး၏ မှတ်တမ်းဓာတ်ပုံ ၃၃ ပုံထက်မနည်းကို ဖော်ပြခဲ့သည်။

ဇွန် ၁၂ ရက်တွင် စင်ကာပူ၌ သမိုင်းဝင် ထိပ်သီးကျင်းပစဉ်အတွင်း  ခေါင်းဆောင်နှစ်ဦးသည် အပြန်အလှန်ဖိတ်ကြားခဲ့ကြပြီး နှစ်ဦးစလုံးက ဖိတ်ကြားမှုများကို လက်ခံခဲ့ကြောင်း မြောက်ကိုရီးယားအစိုးရမီဒီယာ (KCNA) က ဇွန် ၁၃ ရက်တွင် ဖော်ပြခဲ့သည်။ ထိုထိပ်သီးသည် နျူကလီးယားလက်နက်များ ပိုင်ဆိုင်ထားသော စစ်အေးကာလ ရန်ဘက်နှစ်နိုင်ငံအကြား ဆက်ဆံရေး ဆိုးရွားနေမှုကို လုံးလုံးလျားလျား ပြောင်းလဲမှု၏ နိဒါန်းဟု KCNA က ဂုဏ်ပြုဖော်ပြခဲ့သည်။

ဇွန် ၁၂ ရက်က ပြုလုပ်ခဲ့သော မကြုံစဖူး တွေ့ဆုံမှုတွင် ကမ္ဘာ့သြဇာအကြီးဆုံး ဒီမိုကရေစီနိုင်ငံခေါင်းဆောင်က အာဏာရှင်မျိုးဆက်၏ တတိယမျိုးဆက်ခေါင်းဆောင်အား ၎င်းတို့၏ နိုင်ငံအလံများရှေ့တွင် လက်ဆွဲ နှုတ်ဆက်ခဲ့ခြင်းဖြစ်သည်။ ကင်က မြောက်ကိုရီးယားသည် ကိုရီးယားကျွန်းဆွယ်တွင် အလုံးစုံ နျူကလီးယား ဖျက်သိမ်းရေးကို ဆောင်ရွက်သွားမည်ဟု ကတိပြုခဲ့သည်။ သို့သော် ယင်းကတိပြုမှုသည် မြောက်ကိုရီးယားက ၎င်းတို့၏ နျူကလီးယားလက်နက်များအား စိစစ်အတည်ပြုနိုင်ပြီး နောက်ကြောင်းပြန်လှည့်၍မရသော နည်းလမ်းဖြင့် စွန့်လွှတ်ရမည်ဟု အမေရိကန်၏ ကာလရှည်ကြာ တောင်းဆိုမှုကိုမူ မပြည့်မီခဲ့ပေ။

အထီးကျန်နိုင်ငံဖြစ်ပြီး ပိတ်ဆို့အရေး ယူမှုများစွာ ချမှတ်ခံထားရကာ နိုင်ငံတကာထံမှ တရားဝင်ဖြစ်မှုရရှိရန် ကာလကြာ ကြိုး ပမ်းနေသော မြောက်ကိုရီးယားအတွက် ထိုထိပ်သီးသည် အကျိုးအမြတ် အလွန်အမင်း ရရှိခဲ့သည်။ မြောက်ကိုရီးယားအား ကျူးကျော် ရန် အစမ်းလေ့ကျင့်မှုဟု ရှုတ်ချပြီး ထိုလေ့ကျင့်မှုများအား ရပ်ဆိုင်းရန် ပြုံယမ်းက ကာလရှည်ကြာတောင်းဆိုမှုဖြစ်သော တောင်ကိုရီးယားနှင့် အမေရိကန်ကြား ပူးတွဲစစ်ရေးလေ့ ကျင့်မှုများကို အမေရိကန်က ရပ်ဆိုင်းသွားမည်ဟု ထရန့်က ထိပ်သီးအပြီး သတင်းစာရှင်း လင်းပွဲတွင် ကြေညာခဲ့သည်။

နျူကလီးယားကိစ္စများသည် ဆွေးနွေးစရာ မဟုတ်တော့သည့် အချိန်ကာလရောက်လျှင် မြောက်ကိုရီးယားအား ပိတ်ဆို့အရေးယူမှုများ ရုပ်သိမ်းပေးရန် ရည်ရွယ်ချက်ရှိကြောင်း ထရန့်က ပြောကြားခဲ့သည်။ မြောက်ကိုရီးယားက ကိုရီးယားကျွန်းဆွယ်တွင် နျူကလီးယား ဖျက်သိမ်းမှုသည် နှစ်ဖက်စလုံးက ရန်ပြုမှုမှ ထိန်းချုပ်ခြင်း၊ အပြန်အလှန်နားလည်မှုမရှိတော့ခြင်းတို့အပေါ် မူတည်နေမည်ဖြစ်ကြောင်း KCNA က ဖော်ပြခဲ့သည်။

အတိတ်ကာလတွင် မြောက်ကိုရီးယားနှင့်ရရှိခဲ့သော သဘောတူညီချက်အများအပြားသည် နောက်ပိုင်းတွင် ပျက်ပြားသွားခဲ့ခြင်းကြောင့် ယခုထိပ်သီးမတိုင်မီ ကျွမ်းကျင်ပညာရှင်များက ထိုဆွေးနွေးပွဲသည် မည်မည်ရရ တိုးတက်မှုထက် သတင်းခေါင်းစီးများတွင် ပါဝင်မှုကိုသာ အာရုံစိုက်မည့် အန္တရာယ်ကို စိုးရိမ်ခဲ့ကြသည်။ ထို့ပြင် ထိုထိပ်သီးသည် ကင်ဂျုံအွန်အား တရားဝင်အဖြစ် အသိအမှတ်ပြုလိုက်ခြင်းဖြစ်ပြီး လူ့အခွင့်အရေး ချိုးဖောက်မှုများအား ကျယ်ကျယ်ပြန့်ပြန့် ကျူးလွန်ခဲ့သည့် အစိုးရကို ဂုဏ်ပြုလိုက်ခြင်းဖြစ်ကြောင်းလည်း ဝေဖန်သူများက ထောက်ပြခဲ့သည်။

Ref ;AFP