အာဖဂန်နစ္စတန်တွင် အရပ်သားသေဆုံးမှု စံချိန်တင်မြင့်တက်

မြို့တော်ကဘူးလ်တွင် ဇူလိုင် ၁၄ ရက်က မြည်းစီးနေကြသော အာဖဂန်ကလေးငယ်များကို တွေ့ရစဉ် (Photo: AFP)

ကာလရှည်ကြာ စစ်ပွဲဖြစ်နေသော အာဖဂန်နစ္စတန်နိုင်ငံ၌ ၂၀၁၈ ခုနှစ်၏ ပထမ ခြောက်လအတွင်း အရပ်သားသေဆုံးမှုသည် စံချိန်တင်အများဆုံးဖြစ်ခဲ့သည်ဟု ဇူလိုင် ၁၅ ရက်က ထွက်ရှိလာသော ကုလသမဂ္ဂစာရင်းတွင် ဖော်ပြခဲ့သည်။

၂၀၁၈ ခုနှစ် ဇွန်လအထိ အာဖဂန်တွင် အရပ်သား ၁၆၉၂ ဦး အသတ်ခံခဲ့ရပြီး  ယင်းပမာဏသည် ၂၀၁၇ ခုနှစ် ပထမခြောက်လပတ် ကာလအတွင်း သေဆုံးခဲ့သည့် အရပ်သားဦးရေထက် တစ်ရာခိုင်နှုန်းပိုများနေသည်။ ထို့ပြင် အာဖဂန်အတွက် ကုလသမဂ္ဂ ကူညီရေးမစ်ရှင် (UNAMA) က စာရင်း စတင်ကောက်ယူခဲ့သော ၂၀၀၉ ခုနှစ်နောက်ပိုင်း ကာလတစ်လျှောက်လုံးတွင်လည်း အများဆုံးဖြစ်ကြောင်း သိရသည်။

စစ်နှင့်ပတ်သက်၍ ဒဏ်ရာရခဲ့သည့် အရပ်သားဦးရေမှာမူ ၃၄၉၀ ဦးရှိခဲ့သည်။ ယင်းပမာဏမှာ ယမန်နှစ်ကထက် ငါးရာခိုင် နှုန်းကျဆင်းသွားခြင်းဖြစ်သည်။

စုစုပေါင်း အရပ်သား သေကြေဒဏ်ရာရသူ ပမာဏမှာ ၅၁၂၂ ဦးရှိပြီး ယင်းပမာဏသည်လည်း ယခင်နှစ်ကထက် သုံးရာခိုင်နှုန်း ကျဆင်းခဲ့ခြင်းဖြစ်သည်။

ပြီးခဲ့သည့်လက အိဒ်ကာလအတွက် အာဖဂန်လုံခြုံရေးများနှင့် တာလီဘန်တို့သည် မကြုံစဖူး သုံးရက်ကြာ အပစ်အခတ် ရပ်စဲခဲ့သည့်ကြားမှ အရပ်သားသေဆုံးမှုမှာ စံချိန်တင်မြင့်တက်လာခြင်းဖြစ်သည်။

“ဒီကာလတို အပစ်အခတ်ရပ်စဲနိုင်မှုကို ကြည့်ခြင်းဖြင့် တိုက်ပွဲတွေဟာလည်း ရပ်တန့်နိုင်တယ်ဆိုတာ ပြသနေပါတယ်။ ဒါဆိုရင် အာဖဂန်ပြည်သူတွေဟာလည်း စစ်ရဲ့ဒဏ်ကို ထပ်ပြီး ခံစားစရာလိုမှာ မဟုတ်တော့ပါဘူး” ဟု ကုလသမဂ္ဂမှ အာဖဂန်ဆိုင်ရာ အထူးကိုယ်စားလှယ် တာဒါမီချီယာမန်တိုက ပြောကြားခဲ့သည်။

 

 

ဝါးခယ်မမြို့နယ်တွင် ပယောဂကုရာမှ အသက် ၂၄ နှစ်အရွယ်ရှိ အမျိုးသားတစ်ဦးသေဆုံး

ဧရာဝတီတိုင်းဒေသကြီး ၀ါးခယ်မမြို့နယ်ရှိ ပိုက်တန်းကျေးရွာအုပ်စု ငါးမြင်းချောင်းကျေးရွာတွင် ဇူလိုင်  ၉ ရက် ညနေ ၄ နာရီခန့်တွင် ပယောဂကုသရာမှ အသက် ၂၄ နှစ်အရွယ်ရှိ ကိုဝေမင်းဦး (ခ) ဟာဆင် သေဆုံးမှု ဖြစ်ပွားခဲ့ကြောင်း ဧရာဝတီတိုင်းဒေသကြီး ရဲတပ်ဖွဲ့မှူးရုံးမှ သိရသည်။

သေဆုံးသူ ကိုဝေမင်းဦး (ခ) ဟာဆင်မှာ လွန်ခဲ့သော ၁၀ နှစ်ခန့်မှ စတင်ကာ နေ့နှင့် ညအိပ်ချိန်များတွင် ယောင်၍ အော်ဟစ်ရုန်းကန်တတ်သည့်ရောဂါ စတင်ဖြစ်ပွားခဲ့ရာ ဆေးမြီးတိုများဖြင့် ကုသခဲ့သော်လည်း  မသက်သာခဲ့ကြောင်း၊ တစ်ရွာတည်းနေ ဦးဝင်းရွှေ၏ ဆက်သွယ်ပေးမှုဖြင့် လပွတ္တာမြို့နယ်မှ ပယောဂကုဆရာ အောင်အောင်ထွန်း (ခ) အီဗရာဟင် (၃၀ နှစ်) ဆိုသူမှ လာရောက်ကုသခဲ့ရာ သေဆုံးသူနေအိမ်တွင် သေဆုံးသူအား သုံးရက်ခန့် လက်၊ ဖိနပ် စသည်တို့ဖြင့် ရိုက်ပုတ်ကုသခဲ့ကြောင်း၊ ထို့နောက် ဆက်သွယ်ပေးသူ ဦးဝင်းရွှေ နေအိမ်သို့ ပြောင်းရွှေ့ခေါ်ဆောင်သွားကာ ရှစ်ရက်ခန့် အကြာတွင် သေဆုံးခဲ့ခြင်း ဖြစ်ကြောင်း သိရသည်။

သေဆုံးသူမှာ ၀ဲဘက်ရင်အုံ၊ နဖူး၊ လည်ပင်း၊ ယာပါး၊ ယာနားထင်၊ ယာဘက်နံဘေး၊ ရင်ညွန့်အောက်၊ ယာပခုံးတို့တွင် အရေပြား စုတ်ပြဲဒဏ်ရာနှင့် ယာလက်ပြင်တို့တွင် ညိုမည်းဒဏ်ရာဖြင့် သေဆုံးခဲ့ခြင်း ဖြစ်ကြောင်း တိုင်းဒေသကြီး ရဲတပ်ဖွဲ့မှူးရုံးမှ သိရသည်။

အဆိုပါအမှုတွင် တရားခံအောင်အောင်ထွန်း (ခ) အီဗရာဟင် (၃၀ နှစ်) အား ကျုံမငေးနယ်မြေရဲစခန်းတွင် အမှုအမှတ် ၂၅၉/၂၀၁၈ ရာဇသတ်ကြီး ဥပဒေပုဒ်မ ၃၀၃ ဖြင့် သက်သေခံ ပစ္စည်းများနှင့်အတူ ဖမ်းဆီးစစ်ဆေး လျက်ရှိကြောင်း သိရသည်။

 

မန္တလေးတိုင်းတွင် တစ်ရက်အတွင်း ဓာတ်လိုက်သေဆုံးသူ သုံးဦးရှိ

မန္တလေးတိုင်းဒေသကြီးတွင် တစ်ရက်အတွင်း ဓာတ်လိုက်သေဆုံးသူဦးရေ သုံးဦးရှိခဲ့ကြောင်း သတင်းရရှိသည်။

ဧပြီ ၅ ရက် နံနက်အစောပိုင်း ၁၂ နာရီခွဲခန့်က မန္တလေးဆေးရုံကြီးတွင် ဓာတ်လိုက် သေဆုံးသူ ရောက်ရှိနေကြောင်း သတင်းအရ ရဲကင်းရဲစခန်း (ပြင်စာ) မှ ရဲအုပ်ဝင်းဗိုလ်နှင့် အဖွဲ့စစ်ဆေးရာ အသက် (၁၈) နှစ်အရွယ် ချစ်ပို (၆ မိုင် ရေလှိုင်းကမာအပန်းဖြေစခန်း) မှဖြစ်ကြောင်းသိရပြီး ပြင်ဦးလွင်မြို့နယ် လွန်ကောင်းကျေးရွာအုပ်စု (၆) မိုင်ရေလှိုင်းကမာ အပန်းဖြေစခန်းသို့ ဆက်လက်စစ်ဆေးခဲ့ရာ သေဆုံးသူသည် အလုပ်တူ လုပ်ကိုင်သူ အသက် (၂၄ နှစ်) အရွယ် ယောက်ျားတစ်ဦးက ဧပြီ ၄ ရက် ည ၉ နာရီခွဲခန့်က ၎င်းနှင့်အတူ ချစ်ပိုသည် အပန်းဖြေစခန်းအတွင်း အမြင့် ပေ၂၀ ခန့်ရှိ ကွန်ကရစ် ဓာတ်မီးတိုင်၏အမြင့် ငါးပေခန့်တွင်ရှိသည့် မိန်းဘုတ်ခုံအား ရေမောင်းရန်အတွက် မီးခလုတ်ဖွင့်စဉ် မီးကြိုးပြတ်နေသည့်အတွက် မီးကြိုးဆက်ရာမှ လက်ဖြင့် မီးကြိုးကိုကိုင်မိကာ ချစ်ပိုမှာ စကားမပီတော့ဘဲ ဓာတ်လိုက်နေကြောင်း ပြောသောကြောင့် ၎င်းကအော်ဟစ် အကူအညီတောင်းနေစဉ် ချစ်ပိုမှာ ဓာတ်မီးတိုင်ပေါ်မှ အောက်ခြေကွန်ကရစ် ကျောက်ခင်းလမ်းပေါ်သို့ နောက်ပြန်လန်ကျခဲ့ရာ ဦးခေါင်းနောက်စေ့ ပေါက်ပြဲဒဏ်ရာရရှိပြီး မန္တလေးဆေးရုံကြီးသို့ တင်ပို့ကုသစဉ် သေဆုံးသွားကြောင်း သိရသည်။

ပြည်ကြီးတံခွန်မြို့နယ် (ဈ) ရပ်ကွက် ၆၅ လမ်းနှင့် ယောမင်းကြီးလမ်းထောင့်တွင် ဧပြီ ၅ ရက် နံနက် ၁၀ နာရီခန့်က ချစ်သဲမောင် (၂၇) နှစ်၊ လျှပ်စစ်ပြင်/ထိန်း (တံခွန်တိုင်လျှပ်စစ်ရုံး) သည် အမြင့် ၁၂ ပေခန့်ရှိ ဓာတ်တိုင်ပေါ်သို့ လျှပ်စစ်ဝိုင်ယာကြိုးများ တက်ရောက် ပြုပြင်စဉ် ဓာတ်လိုက်ပြီး ဓာတ်တိုင်ပေါ်မှ ပြုတ်ကျခဲ့ရာ ဆေးရုံသို့ တင်ပို့ကုသစဉ် သေဆုံးခဲ့ခြင်းဖြစ်ကြောင်း နယ်မြေရဲစခန်း (စက်မှု) မှ ရဲအုပ်ကျော်ကျော်လတ်နှင့်အဖွဲ့ စစ်ချက်အရ သိရသည်။

စဥ့်ကိုင်မြို့နယ် ဘဏ္ဍာကျေးရွာတွင် ဧပြီ ၅ ရက်ညနေ ၆ နာရီဝန်းကျင်က မမြသီတာ (၃၇) နှစ်သည် ခေါင်းမှရေလောင်းချိုးပြီး အ၀တ်လဲရန် နေအိမ်အနောက်ဘက် ခြံစည်းရိုးကပ်လျက်ရှိ ထဘီကြိုးတန်းမှ ထဘီအား သွားရောက်ယူပြီး စိုနေသော ဆံပင်အား ခါယမ်းလိုက်စဉ် အနီးရှိဓာတ်တိုင်မှ နေအိမ်သို့ သွယ်တန်းထားသည့် အိကျနေသော မြေပြင်မှ လေးပေခန့်အမြင့်ရှိ လျှပ်စစ်ကြိုးအား တောင့်တင်းရန် ပူးချည်ထားသည့် လျှပ်စီးဝင်နေသည့် သံကြိုးနှင့်ထိမိခဲ့ရာ ဓာတ်လိုက်နေသဖြင့် ခင်ပွန်းဖြစ်သူက သွားရောက် ဆွဲဖြုတ်ခဲ့ပြီး လူမှုကူညီရေးယာဉ်ဖြင့် ကျောက်ဆည်ဆေးရုံသို့ တင်ပို့ကုသစဉ် သေဆုံးခဲ့ခြင်းဖြစ်ကြောင်း မြို့မရဲစခန်း (စဥ့်ကိုင်) မှ ဒုရဲမှူး မျိုးဝင်းနှင့်အဖွဲ့ စစ်ဆေးချက်အရ သိရသည်။

အဆိုပါ ဓာတ်လိုက်သေဆုံးမှု ဖြစ်စဉ်များနှင့်ပတ်သက်ပြီး သက်ဆိုင်ရာ ရဲစခန်းအသီးသီးက သေမှုသေခင်းများဖြင့် ကနဦးရေးဖွင့်ကာ အမှုအား ဆက်လက်စစ်ဆေးနေကြောင်း သတင်းရရှိသည်။

တာမွေရှိ ရွှေဗဟိုအထူးကုဆေးရုံ၌ သားဖွားမီးယပ်ဆရာဝန်က ဆေးထိုးပြီးနောက် ကိုယ်ဝန်ဆောင်သည်အမျိုးသမီးတစ်ဦး ဆေးရုံကြမ်းခင်းတွင် လဲကျသေဆုံးမှု ဖြစ်ပွားခဲ့သည်ဟုဆိုကာ တာမွေမြို့မရဲစခန်းတွင် အမှုဖွင့်

ရန်ကုန်တိုင်းဒေသကြီး၊ တာမွေမြို့နယ် ရွှေဗဟိုအထူးကုဆေးရုံ၌ သားဖွားမီးယပ်ဆရာဝန်က ဆေးထိုးပြီးနောက် ကိုယ်ဝန်ဆောင်သည်အမျိုးသမီးတစ်ဦး  ဆေးရုံကြမ်းခင်းတွင် လဲကျသေဆုံးခဲ့မှု မတ် ၂၇ ရက်က ဖြစ်ပွားခဲ့သဖြင့် တာမွေမြို့မရဲစခန်းတွင် အမှု ဖွင့်လှစ်တိုင်ကြားထားပြီး တာမွေမြို့မရဲစခန်းက အမှုလက်ခံထားကြောင်း မတ် ၃၀ ရက်တွင် စုံစမ်းသိရသည်။

သေဆုံးခဲ့သည့် အထက်တန်းရှေ့နေ ကိုယ်ဝန်ဆောင်သည် ဒေါ်….. ကို မတ် ၂၇ ရက် မွန်းတည့် ၁၂ နာရီ ၃၀ ခန့်တွင် ရွှေဗဟို အထူးကုဆေးရုံ၏ သားဖွားမီးယပ်အထူးကု ဆရာဝန်ဒေါက်တာယုယုလွင်က နှလုံးခုန်နှုန်း စမ်းသပ်ခြင်း၊ သွေးခုန်နှုန်းတိုင်းတာခြင်း စသည်တို့လုပ်ဆောင်ခဲ့ကြောင်း သိရသည်။ ထို့နောက် သားဖွားမီးယပ်ဆရာဝန်က ကိုယ်ဝန်ဆောင်သည်အမျိုးသမီးကို “နောက်နှစ်ရက်လောက်နေရင် မွေးတော့မယ်။ ဒီနေ့ထဲ က ဆေးရုံတက်ရင်တက်ပေါ့” ဟုပြောပြီး နောက် တင်ပါး၌ ဆေးတစ်လုံးထိုးပေးခဲ့ကြောင်း သိရသည်။

ဆေးထိုးပြီး ငါးမိနစ်ခန့်အကြာတွင် ကိုယ်ဝန်ဆောင်သည်အမျိုးသမီးမှာ အခန်းအပြင်သို့ထွက်သွားပြီး ပန်းရောင်အရည်များ အန်ခဲ့ပြီးနောက် ဆေးရုံကြမ်းခင်းပေါ်တွင် လဲကျခဲ့ကြောင်း သိရသည်။ လဲကျနေသည့် ကိုယ်ဝန်ဆောင်သည်မှာ မလှုပ်တော့သည့်အတွက် ဆေးရုံဝန်ထမ်းတစ်ဦးကို မိသားစုဝင်များက မေးမြန်းရာ “အသက်မရှိတော့ဘူး။ သေသွားပြီ” ဟု ပြော၍သေဆုံးသူကို တွန်းလှည်းဖြင့်တင်ကာ အခန်းတစ်ခုထဲတွင် ထည့်ထားခဲ့ကြောင်း သိရသည်။

ရွှေဗဟိုအထူးကုဆေးရုံတွင် ဆေးကုသမှုခံယူစဉ် ကိုယ်ဝန်ဆောင်သည်အမျိုးသမီး သေဆုံးခဲ့သည့်အတွက် ကုသခဲ့သည့် သားဖွား မီးယပ်အထူးကုဆရာဝန် ဒေါက်တာယုယုလွင်ကို သေဆုံးသူ၏ညီမဖြစ်သူ ဒေါ်တင်ချိုဝင်းက တရားလိုပြုလုပ်၍ တာမွေမြို့မရဲခစန်းတွင် ပြစ် မှုပုဒ်မ ၃၀၄၊ ရာဇသတ်ကြီးပုဒ်မ ၃၀၄ (က) ဖြင့် အမှုဖွင့်တိုင်ကြားထားကြောင်း သိရသည်။

ရာဇသတ်ကြီးပုဒ်မ ၃၀၄ (က) မှာ ပေါ့ လျော့ခြင်းဖြင့် သေဆုံးမှုဖြစ်ပြီး၊ မည်သူမဆို ရာဇ၀တ်ပြစ်ဒဏ်ထိုက်သော လူသေမှုအဖြစ် ဖြင့်သော်လည်းကောင်း၊ လူသတ်မှုအဖြစ်ဖြင့်သော်လည်းကောင်း၊ ပြစ်ဒဏ်ချမှတ်ခြင်း မခံထိုက်သော အရမ်းပြုလုပ်မှုကို သို့တည်းမဟုတ် ပေါ့လျော့သောပြုလုပ်မှုကို ပြု၍လူကိုသေစေလျှင် ထိုသူကို ခုနစ်နှစ်ထိ ထောင်ဒဏ်တစ်မျိုး မျိုးချမှတ်နိုင်သည့်အပြင် ငွေဒဏ်လည်း ချမှတ်နိုင်ကြောင်း သိရသည်။ သို့ရာတွင် အဆိုပါပြုလုပ်မှုကို သေစေတတ်ရာသည်ဟုသိလျက်နှင့် ပြုလုပ်လျှင် ထောင်ဒဏ်ကိုတိုး၍ ဆယ်နှစ်အထိ ချမှတ်နိုင်သည့်ပုဒ်မဖြစ်ကြောင်း သိရသည်။

ကိုယ်ဝန်ဆောင်သည်အမျိုးသမီး သေဆုံးမှုနှင့်ပတ်သက်၍ သက်ဆိုင်ရာ တာမွေ မြို့မရဲစခန်းသို့ သွားရောက်မေးမြန်းရာ တာဝန်ကျရဲအရာရှိတစ်ဦးက “သေဆုံးသူရဲ့ ညီမ က တရားလိုလုပ်ပြီး စခန်းမှာ ၃၀၄-ကနဲ့ အမှု ဖွင့်ထားတယ်။ သားဖွားမီးယပ်ဆရာဝန်ကို စခန်းမှာ ဖမ်းဆီးထားတာမျိုး မရှိသေးပါဘူး။ ဒီပုဒ်မက အာမခံပေးလို့ရတဲ့ ပုဒ်မမျိုး မဟုတ်ပါဘူး”ဟု ပြောကြားသည်။

ရွှေဗဟိုအထူးကုဆေးရုံတွင် ဆေးကုသမှုခံယူစဉ်သေဆုံးခဲ့သည့် ကိုယ်ဝန်ဆောင်သည် အမျိုးသမီး၏ မိသားစုဝင်တစ်ဦးကို  The Daily Eleven သတင်းစာမှ အခင်းဖြစ်စဉ်နှင့် ပတ်သက်၍တစ်စုံတစ်ရာ ပြောကြားပေးရန် မေးမြန်းရာ “ကျွန်မဘာမှမဖြေချင်ဘူး။ သက်ဆိုင်ရာတာဝန်ရှိတဲ့လူတွေကိုပဲ မေးလိုက်ပါ” ဟု တုန့်ပြန်ဖြေဆိုခဲ့သည်။

အဆိုပါဖြစ်စဉ်နှင့်ပတ်သက်၍ ရွှေဗဟို အထူးကုဆေးရုံသို့ မတ် ၃၀ ရက် ည ၁၁ နာရီ ခန့်တွင် ဆက်သွယ်မေးမြန်းရာ ဖြေဆိုနိုင်မည့် တာဝန်ရှိသူများ မရှိသဖြင့် နောက်ရက်မှသာ ရုံးချိန်အတွင်း ဆက်သွယ်မေးမြန်းစေလိုကြောင်းနှင့် ဖြေကြားနိုင်မည့် တာဝန်ရှိသူများ၏ ဖုန်းနံပါတ်များလည်း ပေးထားခြင်း မရှိကြောင်း တာဝန်ကျဝန်ထမ်းက ဖြေကြားသည်။

 

 

ထားဝယ်မြို့တွင် ခွေးဟောင်သည့်ကိစ္စနှင့် ပတ်သက်ပြီး တူဖြစ်သူက လက်သီးဖြင့် ထိုးသောကြောင့် ဦးလေးတော်စပ်သူ သေဆုံးမှုဖြစ်ပွား

တနင်္သာရီတိုင်းဒေသကြီး ထားဝယ်မြို့ရှိ မြောင်းပုလဲရပ်ကွက်တွင် မတ် ၁၈ ရက် ညက ခွေးဟောင်သည့် ကိစ္စနှင့် ပတ်သက်ပြီး တူဖြစ်သူက လက်သီးဖြင့် ထိုးသောကြောင့် ဦးလေးတော်စပ်သူ သေဆုံးမှု ဖြစ်ပွားခဲ့ကြောင်း သိရသည်။

ဖြစ်စဉ်မှာ မတ် ၁၈ ရက် ည ၉ နာရီခန့် က တရားလိုဖြစ်သူမှာ နေအိမ်သို့ ပြန်လာစဉ် နေအိမ်၌ လူများရောက်ရှိနေပြီး ဖခင်ဖြစ်သူ ဦးစိုးဝင်း (၇၀ နှစ်) မှာ အိမ်ရှေ့ ကုလားထိုင်ပေါ်တွင် သတိလစ်နေသည်ကို တွေ့ရသဖြင့် ထားဝယ်ပြည်သူ့ဆေးရုံသို့ တင်ပို့ခဲ့ရာ ဆေးရုံရောက်ရှိချိန်တွင် ဖခင်ဖြစ်သူမှာ သေဆုံးနေပြီ ဖြစ်ကြောင်း ဆရာဝန်က အတည်ပြုခဲ့ကြောင်း၊ ယင်းနေ့ ည ၈ နာရီခွဲတွင် ဖခင်ဖြစ်သူမှာ နေအိမ်ရှေ့ ကုလားထိုင်တွင် ထိုင်နေပြီး တရားလို၏ သားသမီးဖြစ်သူတို့နှင့် အတူရှိနေစဉ် တရားလို၏ တစ်ဝမ်းကွဲ မောင်တော်စပ်သူ မောင်မျိုး (ခ) မျိုးအောင် (၃၂) နှစ်ရောက်ရှိလာပြီး နေအိမ်ရှိ ခွေးဟောင်သည်ကို မကျေနပ်၍ ဖခင်ဖြစ်သူနှင့် စကားများရာမှ လက်သီးဖြင့် ရှစ်ချက်ခန့် ထိုးကြိတ်ခဲ့ကြောင်း တရားလို၏ သားသမီးများ၏ ပြောပြချက်အရ သိရသည်ဟု မှုခင်းမှတ်တမ်းများအရ သိရသည်။

“ညက ၉ နာရီလောက်မှာဖြစ်တာ။ ဖြစ်တာက သေသွားတဲ့အဘိုးကြီးက အသက် ၇၀။ အိမ်မှာထိုင်နေတဲ့ အချိန်မှာ ခွေးဟောင်တယ်။ ခွေးဟောင်တာကို အဘိုးကြီးက ဟန့်တာ။ ခွေးကိုဟန့်တော့ သူ့တူက သူ့ကိုပြောတယ်မှတ်လို့ စကားများကြတယ်။ အဘိုးကြီးကထိုင်နေတုန်း အိမ်ပေါ်တက်လာပြီး ထိုးလိုက်တယ်။ ထိုးလိုက်တော့ သတိလစ်သွားပြီး ဆေးရုံပို့တဲ့အချိန် လမ်းမှာသေသွားတယ်။ အဘိုးကြီးကို လက်သီးနဲ့ထိုးတဲ့ သူ့တူကို ညတွင်းချင်း ဖမ်းမိတယ်။ အခု ထားဝယ်စခန်းမှာ ချုပ်ထားတယ်” ဟု ထားဝယ်မြို့မ ရဲစခန်းမှ ရဲအရာရှိတစ်ဦးက ဆိုသည်။

အဆိုပါဖြစ်စဉ်မှာ ဦးလေးတော်စပ်သူအား လက်သီးဖြင့် ထိုးခဲ့သော တူဖြစ်သူ မောင်မျိုး(ခ)မျိုးအောင်ကို ထားဝယ်မြို့မရဲ စခန်းတွင် ဖမ်းဆီးစစ်ဆေးနေပြီး (ပ) ၅၆၆/၂၀၁၈ ရာဇသတ်ကြီးပုဒ်မ ၃၀၂ ဖြင့် အမှုဖွင့်လှစ်ထားကြောင်း သိရသည်။

မြ၀တီမြို့တွင် သတို့သမီးဝတ်စုံ ၀တ်ထားသည့် အသက် ၄၀ အရွယ် အမျိုးသမီးတစ်ဦး ဆွဲကြိုးချသေဆုံးမှု ဖြစ်ပွား

မြ၀တီမြို့ အမှတ် (၃) ရပ်ကွက် ဗိုလ်လက်ျာလမ်း ဒေါ်မိငွေ၏ နေအိမ်တန်းလျား၊ အခန်း (၂) တွင် မတ် ၉ ရက် နံနက် ၆ နာရီခန့်က အသက် ၄၀ အရွယ်ရှိ အမျိုးသမီးတစ်ဦး ဆွဲကြိုးချ သေဆုံးခဲ့ကြောင်း သိရသည်။

မြ၀တီမြို့မရဲစခန်း၌ ဒုရဲအုပ်မင်းမင်းထွန်း တာဝန်မှူးတာဝန် ထမ်းဆောင်နေစဉ် အမှတ် (၃) ရပ်ကွက် ဗိုလ်လက်ျာလမ်းတွင် အမျိုးသမီးတစ်ဦး ဆွဲကြိုးချ သေဆုံးနေကြောင်း သတင်းအရ စခန်းမှူး ဒုရဲမှူးမင်းကို၊ နယ်ထိန်း ရဲတပ်ဖွဲ့ဝင်များ သက်သေအမှတ် (၃) ရပ်ကွက်၊ ရာအိမ်မှူးများနှင့်အတူ သွားရောက်စစ်ဆေးရာ ဆွဲကြိုးချသေဆုံးနေသူမှာ ဒေါ်အေးသိန်း (၄၀ နှစ်) ဒေါ်မိငွေ နေအိမ်တန်းလျား နေထိုင်သူဖြစ်ကြောင်း၊ သေဆုံးသူသည် မင်္ဂလာသတို့သမီးဝတ်စုံကို ၀တ်ဆင်ထားကြောင်းလည်း သိရသည်။

အခင်းဖြစ်ရပ်အား စခန်းမှူးနှင့် အဖွဲ့မှ စစ်ဆေးရာ ဆွဲကြိုးချသေဆုံးသူမှာ နေအိမ်တန်းလျားအပေါ်ထပ် အမြင့် ၁၂ ပေခန့်ရှိ ထုတ်တန်းတွင် ချီနှောင်ထားသည့် နိုင်လွန ကြိုး အစိမ်းရောင်ကို လည်ပင်းတွင် နှစ်ပတ်ချည်နှောင်ပြီး ခြေထောက်မှာ ကြမ်းပြင်နှင့် ထိလျက်သေဆုံးနေကြောင်း၊ လည်ပင်းတွင် ကြိုးပွန်းဒဏ်ရာမှအပ ခန္ဓာကိုယ်၌ ပြင်ပဒဏ်ရာ တစ်စုံတစ်ရာ တွေ့ရှိခြင်းမရှိဘဲ ဆွဲကြိုးချ  သေဆုံးနေကြောင်းသာ တွေ့ရှိ၍ မြ၀တီခရိုင် ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

ဆွဲကြိုးချ သေဆုံးသူ ဒေါ်အေးသိန်းနှင့် ပတ်သက်၍ ၎င်းအိမ်တန်းလျား၌ ရောက်ရှိနေသော သေဆုံးသူ၏ မိတ်ဆွေဖြစ်သူ ကိုစိုင်းမင်းထိုက် (၃၆ နှစ်) မုသာရွာ၊ ခင်ဦးမြို့နယ်နေသူအား ရဲတပ်ဖွဲ့က စစ်မေးရာ ဒေါ်အေးသိန်းမှာ တန်းလျားအပေါ်ထပ်တွင် တစ်ဦးတည်းနေထိုင်ပြီး သားအိမ်ကင်ဆာဝေဒနာ ခံစားနေရသူ ဖြစ်ကြောင်း သိရသည်။

 

သာကေတမြို့နယ် ၄/မြောက်ရပ်ကွက်ရှိ တိုက်ခန်းသုံးလွှာတွင် အဘွားအိုတစ်ဦး ဒဏ်ရာများဖြင့် သေဆုံးလျက်တွေ့ရှိ

သာကေတမြို့နယ် ၄/မြောက်ရပ်ကွက်ရှိ တိုက်ခန်းသုံးလွှာတွင် အဘွားအိုတစ်ဦး ဒဏ်ရာများဖြင့် သေဆုံးမှု ဇန်န၀ါရီ ၁၀ ရက် မွန်းလွဲပိုင်းက ဖြစ်ပွားခဲ့ကြောင်း သိရသည်။

ဇန်န၀ါရီ ၁၀ ရက်တွင် သာကေတမြို့နယ် ၄/မြောက်ရပ်ကွက် အောင်ဇေယျလမ်းရှိ ခြောက်ထပ်တိုက်တစ်တိုက်တွင် ဆောက်လုပ်ရေး အလုပ်သမားအဖြစ် လုပ်ကိုင်နေသည့် ကို….သည် ယင်းနေ့ မွန်းလွဲ ၁၂ နာရီကျော်တွင် အဆိုပါတိုက်၏ သုံးလွှာတွင် နေထိုင်သည့် အသက် ၈၀ အရွယ် ၎င်း၏ အမေဖြစ်သူအား ထမင်းစားရန် ခေါ်ခဲ့ကြောင်း သိရသည်။

ယင်းသို့ ခေါ်သည့်အချိန်တွင် ၎င်း၏ အမေဖြစ်သူမှာ ပြန်လည်ဖြေကြားခြင်းမရှိသည့်အတွက် တိုက်ခန်းပေါ်သို့ တက်ကြည့်ရာ နေအိမ်တိုက်ခန်းအတွင်း၌ ဒဏ်ရာများဖြင့် သေဆုံးနေသည်ကို တွေ့ရှိခဲ့ကြောင်း ပတ်ဝန်းကျင် နေထိုင်သူများထံမှ စုံစမ်းသိရသည်။

“ကျွန်တော်တို့ သိရတာက နေ့လယ် ၁၂ နာရီခွဲလောက်မှာ အဲဒီတိုက်မှာ အဘွားကြီးတစ်ယောက် သွေးအိုင်ထဲလဲနေတယ်ဆိုတော့ သွားကြည့်တော့ ဒဏ်ရာတွေနဲ့ တွေ့ရတော့ သက်ဆိုင်ရာရဲစခန်းကို ဖုန်းဆက် အကြောင်းကြားခဲ့ပါတယ်။ ရဲကလာပြီးတော့ စစ်ဆေးမှုတွေ ပြုလုပ်ခဲ့ပါတယ်” ဟု အခင်းဖြစ်ပွားခဲ့သည့် ၄/မြောက်ရပ်ကွက် အုပ်ချုပ်ရေးအဖွဲ့မှ တာဝန်ရှိသူတစ်ဦးက ပြောကြားသည်။

အခင်းဖြစ်ပွားခဲ့သည့်တိုက်မှာ လူနေထိုင်ခွင့် မရှိသေးကြောင်း၊ နေထိုင်ကြသူများမှာ အဆိုပါတိုက်၌ ဆောက်လုပ်ရေးလုပ်ငန်း လုပ်ကိုင်ကြသူများဖြစ်ကြောင်း ပတ်ဝန်းကျင်တွင် နေထိုင်သူများထံမှ သိရသည်။

“အဲဒီတိုက်မှာက သေဆုံးတဲ့အဘွားရယ်၊ သူ့သားငါးယောက်ရယ်၊ တူလေးယောက်ရယ် နေတယ်လို့ သိရတယ်။ တိုက်မှာ နေကြတာပေါ့။ တစ်နှစ်ကျော်လောက်တော့ရှိပြီ သူတို့နေကြတာက။ နေတာကလည်း အလုပ်သမားတွေ အနေနဲ့ သဘောပေါ့။ အဲဒီတိုက်က အလုပ်သမားတွေပါ။ အခင်းဖြစ်တဲ့ မနက်မှာ သေဆုံးတဲ့အဘွားက ဈေးတွေ ဘာတွေဝယ်တယ်လို့ သိရတယ်။ ပြီးတော့ အခင်းဖြစ်တဲ့နေ့ မနက်ကတည်းက သူ့သား တစ်ယောက်နဲ့ နောက်သံပန်းလုပ်တဲ့ ကောင်လေးနှစ်ယောက်က အောက်ထပ်မှာ အလုပ်လုပ်နေကြတာ။ နေ့လယ်ကျတော့ သူ့အမေကို တက်ခေါ်တော့မှ အခုလို သေနေတာကို တွေ့ရတာလို့ သိရတယ်” ဟု ၄/မြောက်ရပ်ကွက် အုပ်ချုပ်ရေးအဖွဲ့မှ တာဝန်ရှိသူတစ်ဦးက ပြောကြားသည်။

သေဆုံးသူ အဘွားအို၏ လည်ပင်းအနီး၌ ဒဏ်ရာများ တွေ့ရှိခဲ့ကြောင်း၊ ထို့ပြင် အဘွားအို၏ ရွှေထည်ပစ္စည်းအချို့မှာ ပျောက်ဆုံးနေကြောင်း ရန်ကုန်တိုင်းဒေသကြီး ရဲတပ်ဖွဲ့မှ ရဲအရာရှိတစ်ဦး၏ ပြောကြားချက်အရ သိရသည်။

အခင်းဖြစ်ပွားသည့်နေရာသို့ စီအိုင်ဒီရဲတပ်ဖွဲ့မှ လာရောက်စစ်ဆေးခဲ့ပြီး အလောင်းအား ညနေ ၄ နာရီခွဲကျော်တွင် သယ်ဆောင်သွားခဲ့ကြောင်း သိရသည်။

အဆိုပါဖြစ်စဉ်အား သာကေတမြို့မ ရဲစခန်းမှ အမှုဖွင့်ဆောင်ရွက်နိုင်ရန် စီစဉ်နေကြောင်း သိရသည်။