မက္ကဆီကို ခရီးသည်တင်လေယာဉ်တစ်စင်း လေယာဉ်ကွင်း၌ ပျက်ကျပြီး လိုက်ပါလာသူအားလုံး အသက်ရှင်လျက် လွတ်မြောက်

ဇူလိုင် ၃၁ ရက်တွင် မက္ကဆီကိုနိုင်ငံ ဒူရန်ဂိုလေဆိပ်အနီး ပျက်ကျခဲ့သောလေယာဉ်မှ ဒဏ်ရာရသူများအား သယ်ဆောင်လာစဉ် (Photo: AP)

မက္ကဆီကိုလေကြောင်းလိုင်း Aeromexico ၏ လေယာဉ်တစ်စင်းသည် မက္ကဆီကိုမြောက်ပိုင်းတွင် ပြင်းထန်သော မိုးသီးမုန်တိုင်းတိုက်ခတ်စဉ်အတွင်း ပျံတက်စဉ် ပျက်ကျခဲ့ပြီး လေယာဉ်သည် မီးလောင်ကျွမ်းခဲ့ကာ လူ ၉၇ ဦး ဒဏ်ရာရခဲ့ကြောင်း တာဝန်ရှိသူများက ဇူလိုင် ၃၁ ရက်တွင် ပြောကြားခဲ့သည်။

ဒူရန်ဂိုနှင့် မက္ကဆီကိုစီးတီးတို့အကြား ပြေးဆွဲနေသော Embraer 190 လေယာဉ်သည် လူကြီး ၈၈ ဦး၊ အရွယ်မရောက်သေးသူ ကလေးကိုးဦး၊ နို့စို့ကလေးနှစ်ဦး၊ လေယာဉ်မှူး နှစ်ဦးနှင့် လေယာဉ်အမှူထမ်းနှစ်ဦးတို့ လိုက်ပါလျက်ပျံတက်စဉ် ဒေသစံတော်ချိန် ညနေ ၃ နာရီဝန်းကျင်၌ ပျက်ကျခဲ့ကြောင်း လေကြောင်းလိုင်း ညွှန်ကြားရေးမှူးချုပ် အင်ဒရစ်ကွန်နီဆာက သတင်းစာ ရှင်းလင်းပွဲတွင် ပြောကြားခဲ့သည်။

“လေကြောင်းခရီးစဉ်အမှတ် AM 2431 မတော်တဆဖြစ်စဉ်မှာ သေဆုံးမှုမရှိဘူးဆိုတာ အတည်ပြုနိုင်ပါတယ်” ဟု လေယာဉ်ပျက်ကျမှုဖြစ်ပွားခဲ့သော ဒူရန်ဂိုပြည်နယ်မှ အုပ်ချုပ်ရေးမှူး ဟိုဆေးရိုဆက်က Twitter တွင် ရေးသားခဲ့သည်။ လေယာဉ်မှူးတစ်ဦးသည် ကျောရိုးခွဲစိတ်ကုသမှု ပြုလုပ်ရမည်ဖြစ်ကာ မိန်းကလေးငယ်တစ်ဦးသည် ၎င်းကိုယ်ခန္ဓာ၏ ၂၅ ရာခိုင်နှုန်း မီးလောင်ဒဏ်ရာရရှိခဲ့ကြောင်း ၎င်းက ပြောကြားသည်။

လေယာဉ်ပျက်ကျမှုဖြစ်ပွားအပြီး ဒဏ်ရာအသေးစားများ ရရှိသူအများစုပါဝင်သည့် စုစုပေါင်း လူ ၉၇ ဦးကို ဆေးရုံသို့ပို့ခဲ့ကြောင်း ဒူရန်ဂိုအရပ်ဘက်ကာကွယ်ရေးအဖွဲ့ ပြောခွင့်ရပုဂ္ဂိုလ် အလီဂျန်ဒရိုကာဒိုဇာက ပြောကြားခဲ့သည်။ ပြင်းထန်သော မိုးသီးမုန်တိုင်းကျရောက်စဉ်အတွင်း လေယာဉ်မီးလောင်မှု ဖြစ်ခဲ့ပြီးနောက် လေယာဉ်မှူးများသည် လေယာဉ်အား အရေးပေါ် ဆင်းသက်ရန် ကြိုးစားခဲ့ကြောင်း ကာဒိုဇာက ပြောကြားခဲ့သည်။

ဘရာဇီး လေယာဉ်ထုတ်လုပ်သည့် ကုမ္ပဏီ Embraer က ထိုမတော်တဆဖြစ်စဉ်အား စုံစမ်းစစ်ဆေးရန် အဖွဲ့တစ်ဖွဲ့ကို စေလွှတ်ခဲ့ကြောင်း ကြေညာခဲ့သည်။

ဒရုန်းဖြင့် ရိုက်ကူးထားပြီး အေအက်ဖ်ပီက ရရှိခဲ့သည့်ဓာတ်ပုံတစ်ပုံတွင် ထိုလေယာဉ်အား လေယာဉ်ပြေးလမ်း၏အဆုံး၌ ကွင်းပြင်တစ်ခုတွင် တွေ့ခဲ့ရသည်။ မြင်ကွင်းများ ဆိုးရွားလာချိန်တွင် လေယာဉ်သည် လေယာဉ်ပြေးလမ်းပေါ်၌ရှိနေကြောင်း အသက် ၁၆ နှစ်ရှိ သမီးဖြစ်သူနှင့်အတူ ခရီးသွားနေသည့် အသက် ၄၇ နှစ်ရှိ Jacqueline Flores က ပြောကြားခဲ့သည်။ လေယာဉ်သည် လေထဲသို့ ပျံတက်သွားချိန်တွင် လေယာဉ်သည် ဖြောင့်ဖြောင့်တန်းတန်း သွားမည်ဟု ထင်မှတ်ခဲ့ကြောင်း၊ သို့သော် ယင်းနောက် လေယာဉ်သည် မြေပြင်သို့ ထိုးဆင်းသွားခဲ့ကြောင်း ၎င်းက ပြန်ပြောင်းပြောကြားခဲ့သည်။

ထိုမတော်တဆဖြစ်စဉ်ကြောင့် ခရီးသည်များအခန်း၌ ဖြစ်ပေါ်ခဲ့သောအပေါက်များမှတစ်ဆင့် ထွက်နိုင်ရန် ခရီးသည်များ အချင်းချင်း အလျင်အမြန် ကူညီပေးခဲ့ကြကြောင်း ရိုဆက်က ပြောကြားခဲ့သည်။

၁၉၈၁ ခုနှစ် ဇူလိုင်တွင်လည်း Aeromexico လေယာဉ်တစ်စင်းသည် နိုင်ငံမြောက်ပိုင်း ချီဟွာဟွာ၌ ရာသီဥတု ဆိုးရွားနေစဉ် ဆင်းသက်စဉ် ပျက်ကျခဲ့ပြီး လူ ၃၂ ဦး သေဆုံးခဲ့ရသည်။

Ref: AFP

အင်ဂျင်ပေါက်ကွဲမှုဖြစ်ခဲ့သည့် လေယာဉ်တွင် လိုက်ပါလာသူများအား Southwest လေကြောင်းလိုင်းက တောင်းပန်ပြီး ငွေကြေးပေးအပ်

ဧပြီ ၁၈ ရက်က Southwest လေကြောင်းလိုင်းလေယာဉ်၏ ပေါက်ကွဲအင်ဂျင်ကို စစ်ဆေးနေသည့် အမျိုးသားသယ်ယူပို့ဆောင်မှု ဘေးကင်းလုံခြုံရေးဘုတ်အဖွဲ့မှ စစ်ဆေးသူများကို တွေ့ရစဉ် (Photo: AFP)

အင်ဂျင်တစ်လုံးပေါက်ကွဲမှုကြောင့် ဖီလာဒဲဖီးယားတွင် အရေးပေါ် ဆင်းသက်ခဲ့ရသည့် လေကြောင်းခရီးစဉ်တွင် လိုက်ပါခဲ့သည့် ခရီးသည်များထံ Southwest လေကြောင်းလိုင်းက တောင်းပန်စာ၊ တစ်ဦးချင်းစီထံ ဒေါ်လာ ၅၀၀၀ တန် ချက်လက်မှတ်တစ်စောင်၊ ဒေါ်လာ ၁၀၀၀ တန်ဖိုးရှိ ခရီးသွားလက်မှတ်တစ်စောင်စီကို ပေးပို့ခဲ့ကြောင်း သိရသည်။

“ကျွန်တော်တို့ရဲ့ အလေးအနက်ထား တောင်းပန်မှုကို လက်ခံပေးပါ” ဟု ထိုမတော်တဆ ဖြစ်ပွားခဲ့မှုအပြီး နောက်တစ်ရက်အကြာ ဧပြီ ၁၈ ရက်နေ့စွဲဖြင့် ယင်းလေကြောင်းလိုင်းမှ ဥက္ကဋ္ဌဂါရီကယ်ရီက တောင်းပန်စာ ပို့ခဲ့ခြင်းဖြစ်သည်။

Southwest လေကြောင်းလိုင်းမှ လေယာဉ်တစ်စင်းသည် နယူးယောက်မှ ဒါးလတ်စ်သို့ ဧပြီ ၁၇ ရက်တွင် ပျံသန်းနေစဉ် လေယာဉ်၏အင်ဂျင်တစ်လုံးသည် ပေါက်ကွဲခဲ့ပြီး ထိုအစအနများကြောင့် အတော်အသင့် ထိခိုက်ပျက်စီးခဲ့သည်။ နယူးမက္ကဆီကိုရှိ Albuquerque တွင် နေထိုင်သော အသက် ၄၃ နှစ်ရှိ ဘဏ်အမှုဆောင်တစ်ဦးဖြစ်သူ ဂျနီဖာရီယိုဒန်သည် ကွဲကြေခဲ့သော ပြတင်းပေါက်မှတစ်ဆင့် အပိုင်းအစ ထိမှန်မှုကြောင့် ဒဏ်ရာပြင်းထန်စွာ ရရှိခဲ့ကြောင်း၊ ပေါက်ကွဲမှုကြောင့် လေယာဉ်က ပြင်းပြင်းထန်ထန် လှုပ်ခါခဲ့ပြီး အရှိန်ဖြင့် ထိုးဆင်းနေစဉ် ခရီးသည်များက ထိုအမျိုးသမီးအား ကူညီနိုင်ရန် အပူတပြင်း ကြိုးပမ်းခဲ့ရကြောင်း သိရသည်။

ထိုလေယာဉ်ပေါ်တွင် လိုက်ပါလာခဲ့သည့် ဒါးလတ်စ်မှ ခရီးသည်တစ်ဦးဖြစ်သူ မာတီမာတီနက်ဇ်က သူသည် ထိုချက်လက်မှတ်မှ ငွေကို ချက်ချင်းထုတ်ယူမည် မဟုတ်ဘဲ ရှေ့နေတစ်ဦးနှင့် ဆွေးနွေးလိုကြောင်း ပြောကြားခဲ့သည်။

ကယ်လီဖိုးနီးယားမှ ခရီးသည်တစ်ဦးဖြစ်သူ အီရစ်ဇီဘာ့တ်ကမူ သူသည် တောင်းပန်စာနှင့်ပတ်သက်၍ ပြဿနာမရှိကြောင်း ပြောကြားခဲ့သည်။ ၎င်း၏ရှေ့နေနှင့် တိုင်ပင်ခဲ့ပြီးနောက် ချက်လက်မှတ်မှ ငွေထုတ်ရန် ဆုံးဖြတ်ခဲ့ကြောင်း ၎င်းက ပြောကြားခဲ့သည်။

ခရီးသည် ၁၄၄ ဦး လိုက်ပါလာသော ထိုလေယာဉ်မှ အင်ဂျင်ပေါက်ကွဲရသည့် အကြောင်းရင်းကို အမျိုးသားသယ်ယူပို့ဆောင်မှု ဘေးကင်းလုံခြုံရေးဘုတ်အဖွဲ့က စုံစမ်းစစ်ဆေးနေသည်။ ဒဏ်ရာများကြောင့် သေဆုံးခဲ့သူ ရီယိုဒန်အတွက် ၀မ်းနည်းမှု အထိမ်းအမှတ်ကို Albuquerque တွင် ဧပြီ ၂၂ ရက်၌ ပြုလုပ်ခဲ့သည်။

Ref: AFP

တပ်မတော် အက်ဖ်-၇ လေယာဉ် ပျက်ကျမှုဖြစ်ပွားပြီး ဗိုလ်မှူးတစ်ဦးသေဆုံး

(ဓာတ်ပုံ – ဇော်ဝင်းချစ် (တောင်ငူ))

တောင်ငူမြို့နယ်၊ ကျွန်းကုန်းရွာနှင့် မြောက်ရေကြည်ရွာကြားတွင် ဧပြီ ၃ ရက် နံနက် ၁၁ နာရီ ၀န်းကျင်က တပ်မတော် အက်ဖ်-၇ လေယာဉ်တစ်စင်း လေ့ကျင့်ပျံသန်းစဉ် ပျက်ကျမှုဖြစ်ပွားခဲ့ပြီး လေယာဉ်မှူး ဗိုလ်မှူးတစ်ဦးသေဆုံးခဲ့ကြောင်း တပ်မတော်ကာကွယ်ရေး ဦးစီးချုပ်ရုံးမှ ထုတ်ပြန်ခဲ့သည်။

တောင်ငူလေတပ်စခန်းဌာနချုပ်မှ လေ့ကျင့်ပျံသန်းမှု ဆောင်ရွက်နေသော အက်ဖ် – ၇ လေယာဉ်တစ်စီးသည် ယနေ့ နံနက်ပိုင်းတွင် လေယာဉ်ကွင်း၏ အနောက်ဘက် ၃ မိုင်ခန့်အကွာ အမြင့်မီတာ ၅၀၀ ခန့် အရောက်၌ စက်ချို့ယွင်းမှုကြောင့် ပျက်ကျသွားခဲ့ခြင်း ဖြစ်ကြောင်း ထုတ်ပြန်ချက်အရ သိရသည်။

(ဓာတ်ပုံ – ဇော်ဝင်းချစ် (တောင်ငူ))

အဆိုပါ လေယာဉ်ပျက်ကျရာနေရာသို့ တောင်ငူလေတပ်စခန်း ဌာနချုပ်မှ ရှာဖွေကယ်ဆယ်ရေး အဖွဲ့ ဝင်များက သွားရောက်ရှာဖွေခဲ့ရာ တောင်ငူမြို့၊ ကျွန်းကုန်းရွာနှင့် မြောက်ရေကြည်ရွာကြားတွင် ပျက်ကျ ပျက်စီးသွားခဲ့သော လေယာဉ်အား ရှာဖွေတွေ့ ရှိခဲ့ကြောင်း သိရသည်။

ယင်းလေယာဉ် ပျက်ကျမှုကြောင့် လေယာဉ်မှူး ဗိုလ်မှူးအာကာဝင်းသည် အရေးပေါ်လေထီးဖြင့် ခုန်ထွက်ခဲ့သော်လည်း ရရှိသော ဒဏ်ရာများကြောင့် တောင်ငူမြို့ရှိ တပ်မတော်ဆေးရုံသို့ ပို့ဆောင်ကုသမှုခံယူစဉ် ကွယ်လွန်သွားခဲ့ပြီး အသေးစိတ် အခြေအနေများအား ဆက်လက်စုံစမ်း စိစစ်လျက်ရှိကြောင်း တပ်မတော် ကာကွယ်ရေး ဦးစီးချုပ်ရုံးမှ သတင်းထုတ်ပြန်ခဲ့သည်။

ရုရှားခရီးသည်တင် လေယာဉ်ပျက်ကျသဖြင့် လေယာဉ်ပေါ်ပါလာသူ ၇၁ ဦးစလုံး သေဆုံး

ဖေဖော်ဝါရီ ၁၁ ရက်က လူပေါင်း ၇၁ ဦး တင်ဆောင်လာခဲ့သော ရုရှားခရီးသည်တင် လေယာဉ် Antonov An  – 148 သည် မော်စကိုမြို့ ဒိုမိုဒီဒိုဗိုလေဆိပ်မှ ပျံတက်ခဲ့ပြီးနောက် ယင်းမြို့နှင့် မိုင် ၅၀ ခန့်အကွာတွင် ပျက်ကျသွားခဲ့သဖြင့် လေယာဉ်ပေါ်တွင်ပါလာသူအားလုံး သေဆုံးသွားခဲ့သည်။

ပျက်ကျသွားသောလေယာဉ်မှာ ပြည်တွင်းလေကြောင်းလိုင်း ဆာရာတော့ဗ်မှဖြစ်ပြီး မော်စကိုမြို့မှ အူရယ်ဒေသရှိ အော့စ်မြို့သို့ ပျံသန်းစဉ် ရာမန်စကီးခရိုင်တွင် ပျက်ကျသွားခဲ့ခြင်း ဖြစ်သည်။

“လေယာဉ်ပေါ်မှာ ခရီးသည် ၆၅ ဦးနဲ့ လေယာဉ်အမှုထမ်းခြောက်ဦး လိုက်ပါသွားခဲ့တာ ဖြစ်ပါတယ်။ သူတို့အားလုံး သေဆုံးသွားခဲ့ပါတယ်” ဟု ရုရှားသယ်ယူပို့ဆောင်ရေးဌာန စုံစမ်းစစ်ဆေးမှုရုံးက ကြေညာချက်တွင် ဖော်ပြခဲ့သည်။

Antonov An  – 148 လေယာဉ်သည် မီးလောင်လျက်ကောင်းကင်မှ ထိုးကျလာခဲ့ခြင်းဖြစ်သည်ဟု အခင်းဖြစ်ရာအနီးရှိ ရွာတစ်ရွာမှ မျက်မြင်များက ပြောကြားခဲ့ကြသည်။

ပျက်ကျရာတွင် အသက်ဆုံးရှုံးသွားခဲ့ကြသူများ၏ ဆွေမျိုးများကိုယ်စား အလွန်အမင်း ၀မ်းနည်းကြောင်း သမ္မတဗလာဒီမာပူတင်က ပြောကြားခဲ့သည်ဟု ၎င်း၏ ပြောရေးဆိုခွင့်ရှိသူ ဒီမီထရီပက်စကော့က သတင်းထောက်များကို ပြောသည်။

ရုရှားနိုင်ငံပိုင်ရုပ်သံကလည်း ပျက်ကျသည့် နေရာကို ရိုက်ကူးထားသည့် ဗီဒီယိုအား ထုတ်လွှင့်ပြသခဲ့ပြီး နှင်းထဲတွင် လေယာဉ်အပျက်အစီး အစိတ်အပိုင်းများကို ၎င်းဗီဒီယိုတွင် မြင်တွေ့ခဲ့ကြရသည်။ မကြာသေးခင် ရက်ပိုင်းများတွင် ရုရှားနိုင်ငံ၌ စံချိန်တင် ဆီးနှင်းကျဆင်းမှုဖြစ်ပေါ်ခဲ့ပြီး မြင်ကွင်း ကြည်လင်ပြတ်သားမှု အားနည်းခဲ့သည်။

ပျက်ကျသွားသောလေယာဉ်မှာ သက်တမ်း ခုနစ်နှစ်ရှိပြီဖြစ်ပြီး လွန်ခဲ့သော တစ်နှစ်ကျော်က အခြားသော ရုရှားလေကြောင်းလိုင်း တစ်ခုထံမှ ဆာရာတော့ဗ်လေကြောင်းလိုင်းက ၀ယ်ယူခဲ့သည့် ရုရှားလုပ်လေယာဉ် ဖြစ်သည်။

အရေးပေါ် ကယ်ဆယ်ရေးလုပ်သားများသည် ပျက်ကျသည့်နေရာသို့ ကားဖြင့်သွား ရောက်နိုင်သည့် အနေအထားမရှိသောကြောင့် ၎င်းတို့သည် လေယာဉ်အပျက်ဆီသို့ လမ်းလျှောက်သွားခဲ့ကြရသည်ဟု ရုရှားမီဒီယာက ဖော်ပြခဲ့သည်။ အခင်းဖြစ်ရာနေရာတွင် ကယ်ဆယ်ရေးလုပ်သား ၁၅၀ ကျော်ကို ချထားပေးခဲ့သည်ဟု အရေးပေါ်ကယ်ဆယ်ရေးဌာနက သတင်းထုတ်ပြန်ခဲ့သည်။

လေယာဉ်သည် မြေပြင်မှ ပျံတက်ခဲ့ပြီးနောက် လေးမိနစ်ဝန်းကျင်တွင် ရေဒါမျက်နှာပြင်မှ ပျောက်သွားခဲ့သည်ဟု သယ်ယူပို့ဆောင်ရေးဌာန စုံစမ်းစစ်ဆေးမှုရုံးက ပြောကြားခဲ့သည်။  ရုရှားသယ်ယူပို့ဆောင်ရေးဝန်ကြီးသည်လည်း အခင်းဖြစ်ရာနေရာသို့ သွားရောက်ခဲ့သည်ဟု သတင်းအေဂျင်စီများက ဖော်ပြခဲ့ကြသည်။

Ref ; AFP