မြန်မာအမျိုးသား လေကြောင်းလိုင်း (MNA) ပိုင် လေယာဉ်တစ်စီး ထားဝယ်လေဆိပ်သို့ အရေးပေါ် ဆင်းသက်ခဲ့ရ

ထားဝယ်လေဆိပ်သို့ အရေးပေါ် ဆင်းသက်ခဲ့ရသည့် မြန်မာအမျိုးသားလေကြောင်းလိုင်း (MNA) ပိုင် ATR အမျိုးအစား လေယာဉ်အမှတ် XY-AJN အား တွေ့ရစဉ်

မြန်မာအမျိုးသား လေကြောင်းလိုင်း (MNA) ၏ ရန်ကုန်-မြိတ်-ဘုတ်ပြင်း ခရီးစဉ် ပျံသန်းလာသည့် ATR အမျိုးအစား လေယာဉ်အမှတ် XY-AJN မှာ ယနေ့ ဧပြီလ ၁၄ ရက်နေ့ မွန်းလွဲ ၁ နာရီခွဲအချိန်ခန့်က ထားဝယ်မြို့အနီး ကောင်းကင်ပေါ်အရောက်၌ Engine number 2 Engine Oil ယိုစိမ့်မှု ဖြစ်ပွားခဲ့သဖြင့် ထားဝယ်လေဆိပ်သို့ အရေးပေါ် ဆင်းသက်ခဲ့ရကြောင်း သိရသည်။

MNA ၏ ခရီးစဉ်အမှတ် UB313 ရန်ကုန်-မြိတ်-ဘုတ်ပြင်း ခရီးစဉ်အား ပြေးဆွဲသည့် လေယာဉ်အမှတ် XY-AJN မှာ ထားဝယ်မြို့ အနီး၌ Engine number 2 Engine Oil ယိုစိမ့်မှု ဖြစ်သဖြင့် လေယာဉ်မှုးမှ ထားဝယ်လေဆိပ်သို့ အင်ဂျင်စက်တစ်လုံးသတ်၍ မွန်းလွဲ ၁ နာရီ ၂၅ မိနစ်တွင် အန္တရာယ် ကင်းရှင်းစွာဖြင့် အရေးပေါ် ဆင်းသက်ခဲ့ရပြီး ကျန်ရှိသော ခရီးစဉ်အတွက် အစားထိုးလေယာဉ် စီစဉ်ဆောင်ရွက်ခဲ့ကြောင်း မြန်မာအမျိုးသား လေကြောင်းလိုင်း (Myanmar National Airlines) ၏ တရားဝင်ဖေ့ဘုတ် စာမျက်နှာတွင် ထုတ်ပြန်ထားချက်အရ သိရသည်။

၎င်းအရေးပေါ်ဖြစ်စဉ်တွင် ဆုံးဖြတ်ချက်မှန်ကန်စွာဖြင့် ခရီးသည်များနှင့် လေယာဉ်အတွက် safety ရှိစွာ ဆောင်ရွက်ခြင်းကြောင့် လေယာဉ်မှူး အပါအဝင်Crew အဖွဲ့ အားလုံးအား ချီးကျူးမှတ်တမ်းတင် အပ်ပါကြောင်းနှင့် နောက်နောင်တွင်လည်း နိုင်ငံတော်ပိုင် လေကြောင်းလိုင်း ဖြစ်သော Myanmar National Airlines အနေဖြင့် safety ကို ဦးစားပေးအဆင့် တစ်အဖြစ် ဆောင်ရွက်သွားမည် ဖြစ်ပါကြောင်း Myanmar National Airlines ၏ဖေ့ဘုတ်စာမျက်နှာတွင် ဆက်လက်ဖော်ပြထားခဲ့သည်။

ခရီးသည် (၇၀) ဦးဆန့်သည့် ATR 72-500 (MSN-787) အမျိုးအစား ၄င်း XY-AJN လေယာဉ်ကို ပြီးခဲ့သည့် ၂၀၁၃ ခုနှစ်က Ireland အခြေစိုက် Are Arann ကုမ္ပဏီထံမှ ပို့ဆောင်ရေးဝန်ကြီးဌာနက ၀ယ်ယူထားခြင်းဖြစ်ပြီး မြန်မာနိုင်ငံသို့ ၂၀၁၃ ခုနှစ်အောက်တိုဘာလ ၁၅ ရက်နေ့တွင် ရောက်ရှိခဲ့ခြင်းဖြစ်ကာ ပြည်တွင်းခရီးစဉ်များတွင် ပြေးဆွဲခဲ့ကြောင်း နိုင်ငံပိုင်မီဒီယာမှ ဖော်ပြချက်အရ သိရသည်။

ထို့အပြင် နိုင်ငံပိုင်လေကြောင်းလိုင်းဖြစ်သည့် မြန်မာအမျိုးသားလေကြောင်းလိုင်း အနေဖြင့် ပြင်သစ်နိုင်ငံ ATR လေယာဉ်ကုမ္ပဏီမှ လေယာဉ်သစ်ခြောက်စင်း ၀ယ်ယူရန်နှင့် ရန်ကုန်လေဆိပ်တွင် ATR လေယာဉ် အကြီးစား ပြင်ဆင်စက်ရုံ ဖွင့်လှစ်ရန် MoU အား ၂၀၁၄ ခုနှစ်က လက်မှတ်ရေးထိုးခဲ့ပြီးနောက် လက်ရှိအစိုးရသစ် လက်ထက်ဖြစ်သည့် ၂၀၁၆ ခုနှစ် ဧပြီလတွင် ရန်ကုန်အပြည်ပြည်ဆိုင်ရာ လေဆိပ်၌ လေယာဉ်ပြုပြင် ထိန်းသိမ်းရေး လုပ်ငန်းဌာနမှ 8 Years Check စစ်ဆေးမှုကို မြန်မာပြည်တွင် ပထမဆုံးအနေဖြင့် မြန်မာအမျိုးသား လေကြောင်းလိုင်းပိုင် ATR 72-500 အမျိုးအစား လေယာဉ်အမှတ် XY-AJN အား ၂၀၁၆ ခုနှစ် ဧပြီ ၂၁ ရက်မှ ဇွန် ၁၉ အထိ ဆောင်ရွက်ပေးထားခဲ့ခြင်း ဖြစ်ကြောင်း သိရသည်။

၎င်းလေယာဉ်အမှတ် XY-AJN မှာပြီးခဲ့သည့် ဖေဖော်ဝါရီလ ၇ ရက်နေ့က ရခိုင်ပြည်နယ် စစ်တွေလေဆိပ်မှ ကျောက်ဖြူလေဆိပ်သို့ ဆင်းသက်ပြီး မြေပြင်သို့ ရောက်ရှိချိန်၌ လေယာဉ်၏ ကုန်ပစ္စည်း အတင်အချ ပြုလုပ်သောတံခါး ဖွင့်မရခဲ့သောကြောင့် ကြန့်ကြာမှု ဖြစ်ပွားခဲ့ဖူးသည့်အပြင် ဖေဖော်ဝါရီလ ၂၈ ရက်နေ့ ကလည်း ခရီးစဉ်အမှတ် UB-217 ရန်ကုန်-စစ်တွေ-အမ်း-ရန်ကုန် ခရီးစဉ်ကို ပြေးဆွဲနေစဉ် စစ်တွေလေဆိပ်မှ အမ်းလေဆိပ်သို့ ထွက်ခွာရန် လေယာဉ်စက်နှိုးချိန်၌ လေယာဉ်၏ ယာဘက် အင်ဂျင်ပန်ကာ မလည်သဖြင့် ခရီးစဉ်အား ဖျက်သိမ်းကာ ရန်ကုန်မှ အင်ဂျင်နီယာများ လာရောက်ပြုပြင် ခဲ့ရသည်ဟု သိရသည်။

Myanmar National Airlines ၏ပြည်တွင်း၌ ပြေးဆွဲနေသော လေယာဉ်များမှာ ယခုလပိုင်းအတွင်း မကြာခဏ စက်ချို့ ယွင်းမှုများ ဖြစ်ပေါ်ခဲ့ပြီး ပြီးခဲ့သည့် ဖေဖော်ဝါရီလ ၈ ရက်နေ့ကလည်း ရန်ကုန်-ထားဝယ် ခရီးစဉ်ကို ပျံသန်းနေစဉ် လမ်းတစ်ဝက်အရောက်၌ လေယာဉ်၏ အဲကွန်းစနစ် ချို့ ယွင်းမှုကြောင့် ရန်ကုန်လေဆိပ်သို့ ပြန်လည်ဆင်းသက် ခဲ့ရသည့်အပြင် ဖေဖော်ဝါရီလ ၂၆ ရက်နေ့ ကလည်း ခရီးစဉ်အမှတ် UB301 ဖြင့် ရန်ကုန်မြို့မှ ထားဝယ်မြို့သို့ ပျံသန်းလာစဉ် လမ်းတစ်ဝက်၌ လေယာဉ်စက်ချို့ယွင်းမှု ဖြစ်ပွားခဲ့၍ ရန်ကုန်မြို့သို့ ပြန်လည်ဆင်းသက် ခဲ့ရကြောင်း သိရသည်။

 

အင်ဒိုနီးရှားလေကြောင်းလိုင်း Lion Air က ဒေါ်လာ ၆ ဒသမ ၂ ဘီလျံတန်ဖိုးရှိ ဘိုရင်းလေယာဉ် အစင်း ၅၀ ၀ယ်ယူ

၂၀၁၇ ခုနှစ် မတ် ၇ ရက်က ၀ါရှင်တန်တွင် ဘိုရင်း၏ 737 Max 9 လေယာဉ်အား မီဒီယာကို ပြသနေစဉ် (Photo: AFP)

အင်ဒိုနီးရှားလေကြောင်းလိုင်း Lion Air က အရှေ့တောင်အာရှနိုင်ငံတွင် ပို့ဆောင်ဆက်သွယ်ရေး ရုတ်တရက်မြင့်တက်လာမှုကို အခွင့်ကောင်းယူရန် ကြိုးပမ်းနေစဉ် ဒေါ်လာ ၆ ဒသမ ၂ ဘီလျံ တန်ဖိုးရှိ သဘောတူညီမှု တစ်ခုအနေဖြင့် ဘိုရင်း  737 Max 10 လေယာဉ်အစင်း ၅၀ ၀ယ်ယူခဲ့သည်ဟု ဧပြီ ၁၀ ရက်တွင် ထုတ်ပြန်ခဲ့သည်။

လျှောက်လမ်းတစ်ခုသာ ပါဝင်သည့် ဘိုရင်း၏  737 Max အတွဲ၏ နောက်ဆုံးထုတ် ဖြစ်သော ယင်းလေယာဉ်သည် ခရီးသည် ၁၃၀ နှင့် ၂၃၀ အကြားဆံ့ပြီး ရေမိုင် ၃၈၅၀ (၇၁၃၀ ကီလိုမီတာ) အထိ ပျံသန်းနိုင်သည်ဟု ဘိုရင်း နှင့် Lion Air တို့က ထုတ်ပြန်ခဲ့သည်။

ယင်းအမှာစာသည် ယခုအချိန်ထိ Max 10 အတွက် တန်ဖိုးအကြီးဆုံးဖြစ်ပြီး ဒေါ်လာ ၆ ဒသမ ၂၄ ဘီလျံခန့်ရှိသည်။ ၂၀၂၀ ပြည့်နှစ်မှစပြီး ပေးပို့ပေးမည့် ယင်းလေယာဉ် အသစ်များသည် လောင်စာ အလေအလွင့်မရှိဘဲ လေကြောင်းလုပ်ငန်းတွင် အမြတ်အစွန်းများသော လျှောက်လမ်းတစ်ခုပါ လေယာဉ်ဖြစ်လာမည်ဟု ဘိုရင်းနှင့် Lion Air တို့က ထုတ်ပြန်ခဲ့သည်။

လွန်ခဲ့သည့် နှစ် ၂၀ ခန့်တွင် လေယာဉ် တစ်စင်းဖြင့်သာ စတင်ခဲ့သည့် စရိတ်နည်း လေကြောင်းလိုင်း Lion Air က  ၂၀၁၃ ခုနှစ်တွင် ကမ္ဘာ့အကြီးဆုံးလေယာဉ်ထုတ်လုပ်သည့် ကုမ္ပဏီနှစ်ခုထံမှ ဒေါ်လာ ၄၆ ဘီလျံ တန်ဖိုးရှိ လေယာဉ်များ မှာယူခဲ့မှုက လေ ကြောင်းလုပ်ငန်းကို အံ့အားသင့်စေခဲ့သည်။ ယင်းအချိန်တွင် Lion က ဘိုးရင်းလေယာဉ် အစင်း ၂၃၀ အတွက် ဒေါ်လာ ၂၂ ဒသမ ၄ ဘီလျံ သဘောတူညီမှုရရှိခဲ့ပြီးနောက် ဥရောပ ဧရာမလေယာဉ် တည်ဆောက်သည့်ကုမ္ပဏီ အဲဘတ်စ်ထံမှ ဒေါ်လာ ၂၃ ဒသမ ၈ ဘီလျံ တန်ဖိုးရှိ A320 ဂျက်လေယာဉ် ၂၃၄ စင်း ၀ယ်ယူရန် သဘောတူခဲ့သည်။

လက်ရှိတွင် ယင်းလေကြောင်းလိုင်းသည်  စင်ကာပူ၊ ဖိလစ်ပိုင်၊ မလေးရှား၊ တရုတ် နှင့် ဆော်ဒီအာရေဗျ အပါအ၀င် ပြည်တွင်း နှင့် ပြည်ပ ခရီးစဉ် ၈၀ နီးပါးခန့်ကို ပျံသန်းပြေးဆွဲနေသည်။ ၁၉၉၉ ခုနှစ်တွင် ကတ်နန်နှင့် ရက်စ်ဒီကီရာနာ ညီအစ်ကိုများ ထူထောင်ခဲ့သည့် Lion Air လေကြောင်းလိုင်းသည် လေကြောင်းဘေးကင်းလုံခြုံရေး စံချိန်စံညွှန်းအတွက် ရုန်းကန်နေရသည့် အင်ဒိုနီးရှား၏ ပထမဆုံး ပုဂ္ဂလိကပိုင် လေကြောင်းလိုင်းဖြစ်သည်။

တိုက်လေယာဉ်ပျက်ကျ၍ ကျဆုံးသွားသည့် ဗိုလ်မှူးအာကာဝင်း၏ ကျန်ရစ်သူမိသားစုနှင့်ထပ်တူ ၀မ်းနည်းကြေကွဲရကြောင်း နိုင်ငံတော်၏အတိုင်ပင်ခံပုဂ္ဂိုလ် အားပေးစကားပေးပို့

တိုက်လေယာဉ်ပျက်ကျ၍ ကျဆုံးသွားခဲ့သည့် တိုက်လေယာဉ်မှူး ဗိုလ်မှူးအာကာဝင်း၏ ကျန်ရစ်သူမိသားစုနှင့် ထပ်တူဝမ်းနည်းကြေကွဲရကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဗိုလ်မှူးအာကာဝင်း၏ ဇနီးဖြစ်သူ ဒေါ်မြတ်မြတ်သစ်ထံ ဧပြီ ၄ ရက် နေ့စွဲဖြင့် အားပေးစကား ပေးပို့ခဲ့ကြောင်း သိရသည်။

အဆိုပါ နိုင်ငံတော်၏အတိုင်ပင်ခံပုဂ္ဂိုလ် က ပေးပို့သောစာတွင် ၂၀၁၈ ခုနှစ် ဧပြီ ၃ ရက်နံနက်ပိုင်းတွင် တောင်ငူလေတပ်စခန်း ဌာနချုပ်မှ တိုက်လေယာဉ်မှူး ဗိုလ်မှူးအာကာဝင်းသည်  F-7 လေယာဉ်ဖြင့် လေ့ကျင့်ပျံသန်းစဉ် စက်ချို့ယွင်းခဲ့သော်လည်း မိမိ၏အသက် ရှင်လွတ်မြောက်ရေးကို ပဓာနမထားဘဲ စွမ်း စွမ်းတမံဆောင်ရွက်ခဲ့ပြီး ကျဆုံးသွားခဲ့ရကြောင်း သိရသည်ဟု ဖော်ပြထားသည်။

ထို့ပြင် ဤကဲ့သို့ စွမ်းဆောင်ရင်း ကျဆုံးခဲ့ရသည့်အတွက် ကျန်ရစ်သူ သမီးမမြတ်မြတ်သစ်တို့ မိသားစုနှင့် ထပ်တူထပ်မျှ ၀မ်းနည်းကြေကွဲရပါကြောင်း မေတ္တာဖြင့် အားပေးစကားပြောကြားလိုက်သည်ဟု ရေးသား ထားသည်။

ထို့အတူ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ကလည်း ကျွန်းကုန်းရွာပေါ်သို့ လေယာဉ်ပျက်ကျမှုမရှိစေရေးအတွက် အသက်ကို ပဓာနမထားဘဲ လေယာဉ်အား အတတ်နိုင်ဆုံး ထိန်းကျောင်းမောင်းနှင်ခဲ့စဉ် အသက်ဆုံးရှုံးခဲ့ရသည့် လေသူရဲဖြစ်သူ ဗိုလ်မှူးအာကာဝင်းအား ချီးကျူးဂုဏ်ပြုကြောင်း တပ်မတော်ကာကွယ်ရေးဦးစီးချုပ်ရုံးက ဧပြီ ၄ ရက်တွင် သတင်းထုတ်ပြန်ထားသည်။

တောင်ငူလေတပ်စခန်းဌာနချုပ်မှ ဗိုလ်မှူးအာကာဝင်းမောင်းနှင်သည့် F-7 လေယာဉ်သည် လေ့ကျင့်ပျံသန်းမှု ဆောင်ရွက်နေစဉ် အင်ဂျင်ချို့ယွင်း၍ ပျက်ကျခဲ့မှုဖြစ်စဉ်နှင့် ပတ်သက်၍ အသေးစိတ်သိရှိနိုင်ရန်အတွက်  ကာကွယ်ရေးဦးစီးချုပ်ရုံး (ကြည်း) နှင့် တပ်မတော် (လေ) မှ ပညာရှင်များပါဝင်သောအဖွဲ့သည် ဧပြီ ၄ ရက်တွင် တောင်ငူလေတပ်စခန်း ဌာနချုပ်နှင့် ဖြစ်စဉ်ဖြစ်ပွားရာနေရာသို့ သွားရောက်စစ်ဆေးခြင်းနှင့် မျက်မြင်တွေ့ရှိခဲ့သည့် ဒေသခံပြည်သူများအား ဧပြီ ၄ ရက်က တွေ့ဆုံမေးမြန်းခြင်းများ ဆောင်ရွက်ခဲ့သည်။

မျက်မြင်စစ်ဆေးချက်များနှင့် ကျွန်းကုန်းကျေးရွာမှ ကျေးရွာသားအချို့၏ မျက်မြင်တွေ့ရှိပြောကြားချက်များအရ ၎င်းနေရာသည် အင်ဒိုင်းရွာအထက် အမြင့်မီတာ ၃၀၀ ခန့်တွင် ရောက်ရှိနေပြီး လေယာဉ်၏ဦးတည်ရာအရပ်မှာ ကျွန်းကုန်းရွာသို့ ဦးတည်လျက်ရှိသည်ဟု တွေ့ရှိရကြောင်း၊ ထိုအချိန်တွင် အရေးပေါ် လေထီးဖြင့် ခုန်ထွက်မည်ဆိုပါက လေသူရဲတစ်ဦးအတွက် လုံလောက်သည့် အချိန်နှင့်အမြင့်ပေတွင် ရှိနေနိုင်ပြီး အသက်အန္တရာယ်လွတ်ကင်းနိုင်သည့် အခြေအနေရှိ ကြောင်း တွေ့ရှိရသော်လည်း အသက်ကယ် လေထီးပါထိုင်ခုံ၏ တွန်းကန်အားကြောင့် လေယာဉ်ပေါ် ဖိအားသက်ရောက်စေ၍ ကျွန်းကုန်းရွာအတွင်းသို့ လေယာဉ်ပျက်ကျနိုင်သည့် အနေအထားတွင်ရှိသည်ဟု တွေ့ရှိရကြောင်း၊ ဗိုလ်မှူးအာကာဝင်း ၎င်းနေရာတွင် အရေးပေါ်ခုန်ထွက်ခြင်းကို ပြုလုပ်ခဲ့ခြင်းမရှိဘဲ လေယာဉ်အားကြိုးစား၍ ဆက်လက်ထိန်းသိမ်းခဲ့ပြီး ကျွန်းကုန်းရွာအလွန်မြေပြင်မှ အမြင့်ပေ ၃၀ မီတာခန့် ရောက်ရှိချိန်မှသာ အရေးပေါ်ခုန်ထွက်ခြင်းပြုလုပ်ခဲ့သည်ဟု တွေ့ရကြောင်း ထုတ်ပြန်ချက်တွင် ဖော်ပြ ထားသည်။

သို့ဖြစ်၍ လုံလောက်သည့်အချိန်နှင့် အမြင့်ပေရရှိတော့ခြင်းမရှိဘဲ လေယာဉ်မြေပြင်သို့ ဆောင့်မိချိန်နှင့် တစ်ပြိုင်နက်တည်း ခုန်ထွက်ခဲ့သည့်အခြေအနေမျိုး ရောက်ရှိခဲ့သဖြင့် ပြင်းထန်စွာဒဏ်ရာရရှိခဲ့ပြီး တပ်မ တော်ဆေးရုံသို့ ဆက်လက်ပုိ့ဆောင်စဉ် သေဆုံးခဲ့ကြောင်း တွေ့ရှိရသည်ဟု တပ်မတော်ကာကွယ်ရေးဦးစီးချုပ်ရုံး၏ ထုတ်ပြန်ချက်တွင် ပါရှိသည်။

ခရီးသည်က ဗုံးခွဲမည်ဟု ခြိမ်းခြောက်ခဲ့ပြီးနောက် စင်ကာပူလေကြောင်းလိုင်း Scoot ၏လေယာဉ်ကို တိုက်လေယာဉ်များနှင့် စောင့်ကြပ်ခေါ်ယူခဲ့ရ

Photo: AFP

စင်ကာပူ စရိတ်နည်းလေကြောင်းလိုင်း  Scoot ၏ အဲဘတ်စ် A 320  လေယာဉ်ပေါ်တွင် ခရီးသည်တစ်ဦးက ဗုံးခွဲမည်ဟု ခြိမ်းခြောက်ခဲ့ပြီးနောက် တိုက်လေယာဉ်များက ယင်းလေယာဉ်ကို စင်ကာပူသို့ စောင့်ကြပ်ပြန်လည် ခေါ်ဆောင်ခဲ့ကြောင်း ရဲတပ်ဖွဲ့နှင့် လေ ကြောင်းလိုင်းက ပြောကြားခဲ့သည်။

ထိုင်းနိုင်ငံ ဟက်ယိုင်သို့ ဦးတည်နေသော ယင်းလေယာဉ်ကို စင်ကာပူတိုက်လေယာဉ်နှစ်စင်းက ဧပြီ ၅ ရက်တွင် စင်ကာပူသို့ ဘေးကင်းစွာ စောင့်ကြပ်ပျံသန်းခဲ့ပြီး ဒေသစံတော်ချိန် ညနေ ၃း၂၃ နာရီတွင် ချန်ဂီလေဆိပ်သို့ ဘေးကင်းစွာ ဆင်းသက်နိုင်ခဲ့ကြောင်း လေကြောင်းလိုင်းက ကြေညာချက်ထုတ်ပြန်ခဲ့သည်။

လေယာဉ်ကို ရှာဖွေခဲ့ပြီး ဗုံးခွဲမည်ဟု ခြိမ်းခြောက်ခဲ့သော ခရီးသည်နှင့် ယင်းခရီးသည်၏ ခရီးသွားဖော်နှစ်ဦးတုိ့၏ အိတ်များကို ရှာဖွေစစ်ဆေးခဲ့ကြောင်း ရဲတပ်ဖွဲ့က ပြောကြားခဲ့သည်။

မည်သည့်ခြိမ်းခြောက်မှုမှ မတွေ့ခဲ့ဘဲ ခရီးသည်သုံးဦးက စုံစမ်းစစ်ဆေးမှုကို ကူညီခဲ့ကြောင်း ရဲတပ်ဖွဲ့က ပြောကြားခဲ့သည်။

လေယာဉ်ပေါ်တွင် ခရီးသည် ၁၇၃ ဦး နှင့် လေယာဉ်အမှုထမ်းခြောက်ဦး လိုက်ပါခဲ့ပြီး အားလုံးဘေးကင်းကြောင်း၊ ညနေပိုင်းတွင် ဟက်ယိုင်သို့ ခရီးစဉ်ကို ပြန်လည်ထွက်ခွာမည်ဖြစ်ကြောင်း Scoot လေကြောင်းလိုင်းက ပြောကြားခဲ့သည်။

စင်ကာပူသည် အကြမ်းဖက်မှုများကို လုံးဝနီးပါး ဟန့်တားထားနိုင်သည့် မှတ်တမ်းရှိသော်လည်း အနောက်နိုင်ငံများတွင် မကြာသေးခင်နှစ်များက အကြမ်းဖက်တိုက်ခိုက်မှုများ ခပ်စိပ်စိပ် ဖြစ်ပွားလာသောကြောင့် အကြမ်းဖက်မှု တားဆီးရေးကို အရှိန်မြှင့်ဆောင်ရွက်နေသည်။

စင်ကာပူလေတပ်၏ F-15 SG တိုက်လေယာဉ်နှစ်စင်းသည် လေယာဉ်မှူး၏ အကြောင်းကြားချက်ကို ချက်ချင်းတုံ့ပြန်ခဲ့ပြီး တောင်တရုတ်ပင်လယ် ဝေဟင်မှ ခရီးသည် တင်လေယာဉ်ကို ချန်ဂီလေဆိပ်သို့ စောင့်ကြပ်မောင်းနှင်ခဲ့ကြောင်း စင်ကာပူကာကွယ်ရေးဝန်ကြီးက Facebook တွင် ရေးသားခဲ့သည်။ “လေယာဉ်ပေါ်တွင် ဗုံးခြိမ်းခြောက်မှုကြောင့် ဟက်ယိုင်သို့ ပျံသန်းမည့် Scoot ၏ လေကြောင်းခရီးစဉ် TR 634 သည် ချန်ဂီ လေဆိပ်သို့ လှည့်ပြန်ခဲ့ကြောင်း” Scoot ၏ ကြေညာချက်က ဆိုသည်။