ရွေးကောက်ခံ မက္ကဆီကိုသမ္မတ၏ လေယာဉ်အား စီးပွားရေးသမားတစ်ဦးက ဒေါ်လာ ၉၉ သန်းဖြင့် ၀ယ်ယူရန် ဆန္ဒရှိနေ

၂၀၁၆ ခုနှစ် ဧပြီ ၁၀ ရက်တွင် မက္ကဆီကိုသမ္မတ ပီညာနစ်တိုနှင့် ၎င်းင်း၏ဇနီးတို့ လိုက်ပါလာသော လေယာဉ် ဘာလင်ရှိ တီဂယ်လေဆိပ်သို့ ဆိုက်ရောက်လာစဉ် (Photo: AFP)

မက္ကဆီကိုလက်ဝဲယိမ်း ရွေးကောက်ခံသမ္မတလောင်း အင်ဒရေးစ်မန်နျူရယ်လို ပက်အိုဘရာဒေါသည် အလုပ်ကိစ္စဖြင့်သွားရောက်ရာတွင် စီးနင်းသော လေယာဉ်အား ငွေဖြုန်းတီးမှုတစ်ခုဟုဆိုကာ အဆိုပါလေယာဉ်အား ရောင်းချချင်နေကြောင်း သိရသည်။ ယခုအခါသမ္မတ၏ လေယာဉ်အား ၀ယ်ယူမည့်သူတစ်ဦးရှိနေပြီဖြစ်ကာ ထိုသူမှာ သမ္မတများနှင့် အဆိုတော်မစ်ဂျက်ဂါကဲ့သို့ လူကုံထံများ စီးနင်းရန်အတွက် အငှား လေယာဉ်တစ်စင်းအဖြစ်ပြေးဆွဲရန် လိုလားနေသည်။

မက္ကဆီကို စီးပွားရေးသမားတစ်ဦးဖြစ်သူ ဂူစတာဗိုဂျီမီနက်စ်ပွန်းသည် ရွေးကောက်ခံ သမ္မတ မန်နျူရယ်လိုပက်အို ဘရာဒေါ၏ရုံးသို့ လေယာဉ်ဝယ်ယူရန် ကမ်းလှမ်းလာခဲ့ကြောင်း Reforma သတင်းစာက ရေးသားဖော်ပြခဲ့သည်။ အလုပ်၊ ငွေကြေး စသည့် အခွင့်အရေး တစ်စုံတစ်ရာ ရလိုရငြား ရှာဖွေနေသော လူများသည် သမ္မတရုံးအပြင်ဘက်တွင် နေ့စဉ်နေ့တိုင်း စောင့်ဆိုင်းတန်းစီကြသည်။ ဂျီမီနက်စ်ပွန်းသည်လည်း ထိုလူများနှင့်အတူ တန်းစီစောင့်ဆိုင်းကာ လေယာဉ်ဝယ်ယူရန် ကမ်းလှမ်းခြင်းဖြစ်ကြောင်း သိရသည်။ ဂျီမီနက်စ်ပွန်းသည် ထိုင်ခုံအလုံး ၃၀၀ ပါ Boeing Dreamliner 787  လေယာဉ်ကြီးအား ဒေါ်လာ ၉၉ သန်းဖြင့် ကမ်းလှမ်းထားခြင်းဖြစ်ပြီး လေယာဉ်ကြီး၏တန်ဖိုးမှာ ဒေါ်လာသန်း ၂၂၀ ရှိကြောင်း Reforma က ဖော်ပြထားရာ ဂျီမီနက်စ်က တန်ဖိုးနှုန်းလျှော့၍ ကမ်းလှမ်းခဲ့ခြင်းဖြစ်နိုင်သည်။

ဂျီမီနက်စ်သည် အဆိုပါလေယာဉ်ကို အငှားလေယာဉ်အဖြစ် အသုံးပြုမည်ဖြစ်ပြီး တစ်နာရီလျှင် ဒေါ်လာ ၂၀၀၀၀ ဖြင့် နိုင်ငံအသီးသီးမှ ကိုယ်ပိုင်လေယာဉ်မရှိသော သမ္မတများနှင့် Rolling Stones ကဲ့သို့ ရော့ခ်ဂီတ အဖွဲ့များကို ငှားရမ်းသွားမည်ဖြစ်ကြောင်း သိရသည်။ ပြီးခဲ့သည့် ဇူလိုင်လရွေးကောက်ပွဲတွင် အပြတ်အသတ် အနိုင်ရရှိခဲ့ပြီး လာမည့် ဒီဇင်ဘာ ၁ ရက်တွင် သမ္မတတာဝန်ကို ထမ်းဆောင်တော့မည့် လိုပက်စ်အိုဘရာဒေါက ၎င်းသည် အဆိုပါလေယာဉ်အား လုံးဝအသုံးပြုတော့မည်မဟုတ်ကြောင်း၊ လေယာဉ်အား ရောင်းချချင်နေပြီး အခြားပုဂ္ဂလိကပိုင်လေယာဉ်များကိုလည်း ၀ယ်ယူ စီးနင်းမည်မဟုတ်ကြောင်း ပြောကြားခဲ့သည်။

Boeing Dreamliner 787  လေယာဉ်ကို ၂၀၁၆ ခုနှစ်တွင် သမ္မတဟောင်း အင်းနရစ်ပီညာနစ်တိုက ၀ယ်ယူခဲ့ခြင်းဖြစ်ပြီး လေယာဉ်အတွင်းပိုင်းတွင် ခေတ်မီဆန်းပြားသော အသုံးအဆောင်ပစ္စည်းများဖြင့် မွမ်းမံထားကာ အကောင်းဆုံး ဇိမ်ခံလေယာဉ်အဖြစ် တန်ဆာဆင်ထားခဲ့ခြင်းဖြစ်သည်။

ဂျီမီနက်စ်ပွန်းသည် ၂၀၀၆ ခုနှစ်တွင် မက္ကဆီကိုစီးတီး၏ မြို့တော်ဝန်ရာထူးအတွက် ၀င်ရောက်ယှဉ်ပြိုင်ခဲ့သော်လည်း မအောင်မြင်ခဲ့ပေ။ ထို့ပြင် ပြီးခဲ့သည့် ရွေး ကောက်ပွဲတွင် ၎င်းသည် တစ်သီးပုဂ္ဂလအဖြစ် သမ္မတရာထူးအတွက် ၀င်ရောက်ယှဉ်ပြိုင်ရန် ကြိုးပမ်းခဲ့သော်လည်း ရွေးကောက်ပွဲတွင် ၀င်ရောက်အရွေးခံရန်အတွက် လိုအပ်သောထောက်ခံသူ လက်မှတ်အရေအတွက် မပြည့်မီသောကြောင့် ကြိုပမ်းမှု မအောင်မြင်ခဲ့ပေ။

အင်ဒိုနီးရှား လေယာဉ်ပျက်ကျမှုအတွင်း ကလေးတစ်ဦးသာ အသက်ရှင်ကျန်ရစ်

လေယာဉ်ပျက်ကျခဲ့သည့်နေရာမှ တစ်ဦးတည်းသော အသက်ရှင်ကျန်သူကို ကယ်ထုတ်ရန် ကယ်ဆယ်ရေးအဖွဲ့က ပြင်ဆင်နေကြပုံ (Photo: AFP)

အင်ဒိုနီးရှားနိုင်ငံ အရှေ့ဘက်ရှိ တောင်တန်းထူထပ်သောဒေသတွင် လေယာဉ်ပျက်ကျမှုတစ်ခုဖြစ်ပွားခဲ့ရာ အသက် ၁၂ နှစ်အရွယ် ကလေးတစ်ဦးသာ အသက်ရှင်ကျန်ခဲ့သည်ဟု အာဏာပိုင်များက သြဂုတ် ၁၂ ရက်တွင် ပြောကြားခဲ့ကြသည်။

ဆွစ်ဇာလန်နိုင်ငံလုပ် Pilatus လေယာဉ်သည် သြဂုတ် ၁၁ ရက်က ဝေးလံခေါင်သီသော ပါပူအာပြည်နယ်၌ မိနစ် ၄၀ ခန့်ကြာမည့် ခရီးစဉ်တစ်ခုအား ပျံသန်းနေစဉ် လေကြောင်း ထိန်းချုပ်ရေးနှင့် အဆက်အသွယ် ပြတ်သွားခဲ့သည်။

သြဂုတ် ၁၂ ရက်အစောပိုင်းတွင်မူ အိုစီဘေ ခရိုင်ခွဲရှိ တောင်တန်းဒေသ၏ တောနက်တစ်နေရာ၌  လေယာဉ်အပျက်အစီးများကို တွေ့ခဲ့ရသည်။ “လိုက်ပါသွားတဲ့သူရှစ်ဦးရဲ့ အလောင်းတွေကိုတွေ့ခဲ့ရပြီး တစ်ဦးပဲ အသက်ရှင်လျက်ပြန်တွေ့ခဲ့ရပါတယ်” ဟု ပါပူအာမှ စစ်တပ်ပြောခွင့်ရပုဂ္ဂိုလ် လက်ထောက်ဗိုလ်ကြီး ဒက်ဆိုင်ယန်တူရီက ပြောကြားခဲ့သည်။

“လောလောဆယ်တော့ လေယာဉ်ပျက်ကျရတဲ့ အကြောင်းရင်းကို အတည်မပြု နိုင်သေးပါဘူး” ဟု ၎င်းက ဆက်လက်ပြောကြားခဲ့သည်။ လက်ရှိတွင် စုံစမ်းစစ်ဆေးမှုများကို အမျိုးသားသယ်ယူပို့ဆောင်ရေးဆိုင်ရာ လုံခြုံ ရေးကော်မတီက လုပ်ဆောင်လျက်ရှိသည်။

ယခုပျက်ကျခဲ့သည့် လေယာဉ်ကို ပုဂ္ဂလိက စင်းလုံးငှားကုမ္ပဏီ Dimonim Air က ပိုင်ဆိုင်ခြင်းဖြစ်ပြီး လေယာဉ်ပေါ်တွင် ခရီးသည်ခုနှစ်ဦးနှင့် အမှုထမ်းနှစ်ဦး လိုက်ပါသွားသည်။

လေယာဉ်မတော်တဆမှုမဖြစ်ပွားမီက ကျယ်လောင်သည့် မြည်ဟီးသံကြီးတစ်ခုနှင့် ပေါက်ကွဲသံတစ်ခုကို ကြားလိုက်ရသည်ဟု အနီးအနားရှိ ရွာသားများက ပြောကြားခဲ့ သည်။ ကယ်ဆယ်ရှာဖွေရေးအဖွဲ့များသည် လေယာဉ်ပျက်ကျသည့်နေရာသို့ ရောက်ရှိရန် နှစ်နာရီကြာ လမ်းလျှောက်ခဲ့ရကြောင်း သိရသည်။

အင်ဒိုနီးရှားသည် နိုင်ငံထဲမှ ထောင်ပေါင်းများစွာသော ကျွန်းများကို ဆက်သွယ် သွားလာနိုင်ရေးအတွက် လေကြောင်းသယ်ယူပို့ဆောင်ရေးအပေါ် ကြီးကြီးမားမား မှီခိုနေရသည်။ သို့သော် လေကြောင်းလုံခြုံရေး အဆင့်အတန်းမှ နိမ်ကျသည့်အတွက် ပြီးခဲ့သည့်နှစ်များအတွင်းက လူသေဆုံးသော လေယာဉ်ပျက်ကျမှုများ ရှိခဲ့သည်။

ယခုလေယာဉ်ပျက်ကျမှုဖြစ်ပွားခဲ့သည့် ပါပူအာသည် သွားရလာရအထူးပင် ခက်ခဲသော ဒေသတစ်ခုဖြစ်သည်။ ယမန်နှစ်ဇူလိုင် လကလည်း ပါပူအာတွင် အလားတူလေယာဉ်ငယ်တစ်စင်းပျက်ကျခဲ့ရာ လူငါးဦး သေဆုံးခဲ့သည်။ ၂၀၁၅ ခုနှစ် သြဂုတ်လကမူ အင်ဒိုနီးရှားလေကြောင်းလိုင်းတစ်ခုမှ ခရီးသည်တင် လေယာဉ်တစ်စင်းသည် ရာသီဥတုဆိုးရွားမှုကြောင့် ပါပူအာမှာပင် ပျက်ကျခဲ့ရာ လိုက်ပါသွားသူ ၅၄ ဦးစလုံး သေဆုံးခဲ့သည်။

မြန်မာအမျိုးသားလေကြောင်းလိုင်းနှင့် မန်းရတနာပုံလေကြောင်းလိုင်းက ရေလွှမ်းမိုးမှုများ ဖြစ်ပေါ်နေသည့် မော်လမြိုင်နှင့် ထားဝယ်မြို့သို့ အထူးခရီးစဉ်များပျံသန်းမည်

မြန်မာအမျိုးသားလေကြောင်းလိုင်း နှင့် မန်းရတနာပုံလေကြောင်းလိုင်းတို့မှ ရေလွှမ်းမိုးမှုများဖြစ်ပေါ်နေသည့် မော်လမြိုင် နှင့် ထားဝယ်မြို့များသို့ အထူးခရီးစဉ်များ ပျံသန်းပြေးဆွဲမည်ဖြစ်ကြောင်း သိရသည်။

တစ်ခုတည်းသော နိုင်ငံပိုင်လေကြောင်းလိုင်းဖြစ်သည့် မြန်မာအမျိုးသားလေကြောင်းလိုင်းသည် ဇူလိုင် ၃၀ ရက်မှစတင်ကာ ရေလွှမ်းခံဒေသများသို့ အထူးခရီးစဉ် ပျံသန်းမှုအဖြစ် ရန်ကုန်- မော်လမြိုင် UB 325 ခရီးစဉ်အား နံနက် ၁၁ နာရီတွင်လည်း ကောင်း၊ ရန်ကုန်- မော်လမြိုင် UB 319 ခရီးစဉ်အား နံနက် ၇ နာရီ ၁၅ မိနစ်တွင် လည်းကောင်း၊ မော်လမြိုင်- ရန်ကုန် UB 320 ခရီးစဉ်အား နံနက် ၈ နာရီခွဲတွင်လည်းကောင်း၊ ရန်ကုန်- မော်လမြိုင် UB 309 ခရီးစဉ်အား နံနက် ၁၁ နာရီ မိနစ် ၃၀ တွင် လည်းကောင်း၊ မော်လမြိုင်-ရန်ကုန် UB 310 ခရီးစဉ်အား မွန်းလွဲ ၁၂နာရီ ၃၅ မိနစ်တွင် လည်းကောင်း ၊ ရန်ကုန်-ထားဝယ် UB 301 ခရီးစဉ်အား မွန်းလွဲ ၁၆ နာရီခွဲတွင် လည်းကောင်း ၊ ထားဝယ်-ရန်ကုန် UB 302 ခရီးစဉ်အား ညနေ ၁၇ နာရီ ၅၅ တွင်လည်း ကောင်း ပျံသန်းမည်ဟု သိရသည်။

ဇူလိုင် ၃၁ ရက် အင်္ဂါနေ့တွင်  ရန်ကုန်- မော်လမြိုင် UB 309 ခရီးစဉ်အား နံနက် ၈ နာရီ မိနစ် ၃၀ တွင်လည်းကောင်း၊  မော်လမြိုင်-ရန်ကုန် UB 310 ခရီးစဉ်အား နံနက် ၉ နာရီ ၃၅ တွင်လည်းကောင်း၊ ရန်ကုန်- မော်လမြိုင် UB 319 ခရီးစဉ်အား မွန်းလွဲ ၁၅ နာရီ တွင်လည်းကောင်း၊ မော်လမြိုင်- ရန်ကုန် UB 320 ခရီးစဉ်အား မွန်းလွဲ ၁၆ နာရီလည်းကောင်း၊ ရန်ကုန်-ထားဝယ် UB 301 ခရီးစဉ်အား နံနက် ၁၁ နာရီတွင် လည်းကောင်း၊ ထားဝယ်-ရန်ကုန် UB 302 ခရီးစဉ်အား မွန်းလွဲ ၁၂ နာရီ ၁၅ မိနစ်တွင် လည်းကောင်း၊ ရန်ကုန်-ထားဝယ် UB 301 ခရီးစဉ်အား နံနက် ၁၁ နာရီ ၃၅ မိနစ်တွင် လည်းကောင်း၊ ထားဝယ်-ရန်ကုန် UB 302 ခရီးစဉ်အား ညနေ ၁၇ နာရီ ၂၀ မိနစ်တွင် လည်းကောင်း ပျံသန်းမည်ဟု သိရသည်။

မန်းရတနာပုံလေကြောင်းလိုင်းသည် ရေလွှမ်းမိုးမှုများ ဖြစ်ပေါ်နေသည့် ဒေသများသို့ MYP Special Flights များ အနေဖြင့် ဇူလိုင် ၃၀ ရက် တနင်္လာနေ့တွင် ရန်ကုန်-မော်လမြိုင် ခရီးစဉ်အား နံနက် ၁၀ နာရီ ၃၀ မိနစ်တွင်လည်းကောင်း၊ မော်လမြိုင်-ရန်ကုန် ခရီးစဉ်အား နံနက် ၁၁ နာရီ မိနစ် ၂၀ တွင်လည်းကောင်း ပျံသန်းမည်ဖြစ် ကြောင်း သိရသည်။

ယင်းပြင် ရန်ကုန်-ထားဝယ်ခရီးစဉ်အား ဇူလိုင် ၃၀ ရက်မှစတင်ကာ နံနက် ၇ နာရီ ၃၀ မိနစ်တွင်လည်းကောင်း၊ ထားဝယ် ရန်ကုန်ခရီးစဉ်အား နံနက် ၈ နာရီ ၅၅ မိနစ် တွင်လည်းကောင်း ပျံသန်းသွားမည်ဟု သိရသည်။

FMI လေကြောင်းလိုင်း ပြေးဆွဲမှုနှင့် လေယာဉ်စင်းလုံးငှား ဝန်ဆောင်မှုလုပ်ငန်း ယာယီရပ်ဆိုင်းကြောင်းနှင့် ဝန်ထမ်း ၁၃၄ ဦးအား ပြောင်းရွှေ့လုပ်ကိုင်နိုင်ရန်နှင့် လျော်ကြေးပေးရန် စီစဉ်မည်ဟု ထုတ်ပြန်

FMI လေကြောင်းလိုင်းပိုင် လေယာဉ်အချို့အား ရန်ကုန်အပြည်ပြည်ဆိုင်ရာ လေဆိပ်တွင် တွေ့ရစဉ် ။

ပြည်တွင်းခရီးစဉ် ပြေးဆွဲမှုများနှင့် လေယာဉ်စင်းလုံးငှား ၀န်ဆောင်မှုများ လုပ်ကိုင်နေသော FMI လေကြောင်းလိုင်း၏ လေကြောင်းလိုင်းပြေးဆွဲမှုကို ယာယီရပ်ဆိုင်းမည်ဖြစ်ကြောင်း FMI က ဇူလိုင် ၂၀ ရက်တွင် ကြေညာခဲ့သည်။

FMI လေကြောင်းလိုင်းသည် အလားအလာရှိသော ရွေးချယ်စရာ နည်းလမ်းအသွယ်သွယ်ကို ဆန်းစစ်သုံးသပ်လျက်ရှိပြီး အနာဂတ်တွင် ဈေးကွက်အခြေအနေအရ လုပ်ငန်းလည်ပတ်မှုများကို ပြန်လည်ဖွဲ့စည်း၍ ဆက်လက်ဆောင်ရွက်သွားမည်ဖြစ်သည်။

၂၀၁၈ ခုနှစ် ဇူလိုင်လ ၂၀ ရက် နောက်ပိုင်းတွင် FMI လေကြောင်းလိုင်းနှင့် ပျံသန်းရန် ကြိုတင်လက်မှတ်ဝယ်ယူထားသော ခရီးသည်များကိုလည်း လေယာဉ်လက်မှတ်ခများ ပြန်လည်ပေးအပ်သွားမည်ဖြစ်မည်။

၂၀၁၈ ခုနှစ် ဇူလိုင် ၂၃ ရက်တွင် လေယာဉ်စင်းလုံးငှား ခရီးစဉ်တစ်ခု ပျံသန်းပြေးဆွဲရန်ရှိပြီး ထို့နောက်တွင် လေယာဉ်စင်းလုံးငှား ၀န်ဆောင်မှုကိုလည်း ယာယီ ရပ်ဆိုင်းသွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

မြန်မာ့လေကြောင်းလိုင်းကဏ္ဍတွင် စီးပွားရေး စိန်ခေါ်မှုများစွာရှိနေပြီး အဖန်ဖန် ဆင်ခြင်သုံးသပ်မှုများ ပြုလုပ်ပြီးနောက် FMI လေကြောင်းလိုင်း၏ အကျိုးစီးပွားကို ရှေးရှု၍ လုပ်ငန်းလည်ပတ်မှုများကို ခေတ္တရပ်ဆိုင်းရန် ဆုံးဖြတ်ခဲ့ခြင်း ဖြစ်သည်။

ယခုကဲ့သို့ ရပ်ဆိုင်းခြင်းဖြင့် လေကြောင်းလိုင်းအတွက် လုပ်ငန်းလည်ပတ်မှုဆိုင်ရာ ပြန်လည်ဖွဲ့စည်းမှုများနှင့်အတူ အနာဂတ်အတွက် လိုအပ်မည့် လုပ်ငန်းလည်ပတ်မှုပုံစံ တစ်ရပ်ကိုပါ ဖော်ဆောင်နိုင်မည်ဟု FMI လေကြောင်းလိုင်း၏ ဥက္ကဋ္ဌဖြစ်သူ ဦးသိမ်းဝေ (ခေါ်) Mr. Serge Pun က ပြောကြားသည်။

FMI လေကြောင်းလိုင်းပိုင် လေယာဉ်အချို့အား ရန်ကုန်အပြည်ပြည်ဆိုင်ရာ လေဆိပ်တွင် တွေ့ရစဉ် ။

လုပ်ငန်းလည်ပတ်မှုကို ခေတ္တရပ်ဆိုင်းရသည့် ရလဒ်ကြောင့် ၀န်ထမ်းပေါင်း ၁၃၄ ဦးမှာလည်း အလုပ်မှ ရပ်နားရမည်ဖြစ်သည်။ အဆိုပါဝန်ထမ်းများကို လုပ်ငန်းစုအတွင်းရှိ အခြားလုပ်ငန်းဌာနများတွင် ပြောင်းရွှေ့လုပ်ကိုင်နိုင်ရန် စီစဉ်ပေးမည့်အပြင် မြန်မာနိုင်ငံ၏ အလုပ်သမားဥပဒေနှင့်အညီ ကြိုတင်အသိပေးမှုများနှင့် လျော်ကြေး များလည်း ပေးအပ်မည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

၂၀၁၂ ခုနှစ်တွင် လေယာဉ်စင်းလုံးငှားရမ်းခြင်းဖြင့် စတင်ခဲ့သည့် FMI လေကြောင်းလိုင်းသည် ဦးဆုံးဝန်ဆောင်မှုအနေဖြင့် ရန်ကုန်-နေပြည်တော်ပျံသန်းမှုကိုစတင်ခဲ့သည်။ ၂၀၁၅ ခုနှစ်တွင်FMI လေကြောင်းလိုင်းသည် ကိုယ်တိုင်လုပ်ငန်းလည်ပတ်မှုများ စတင်ခဲ့ပြီး ရန်ကုန်-နေပြည်တော်ခရီးစဉ်အပြင် ထားဝယ်၊ မြိတ်၊ ကော့သောင်းနှင့် သံတွဲ အစရှိသည့်ခရီးစဉ်များကိုပါ ပြေးဆွဲခဲ့သည်။ FMI လေကြောင်းလိုင်းကို First Myanmar Investment Co., Ltd. မှ ၁၀ ရာခိုင်နှုန်း ပိုင်ဆိုင်ထားသည်။

ရန်ကုန်-စင်ကာပူ ခရီးစဉ်ပျံသန်းလာသော အပြည်ပြည်ဆိုင်ရာမြန်မာလေကြောင်းလိုင်း (MAI) မှ လေယာဉ်တစ်စင်း လေယာဉ်တံခါး အချက်ပြမီးလင်းမှုကြောင့် ရန်ကုန်လေဆိပ်သို့ ပြန်လည်ဆင်းသက်ခဲ့

ရန်ကုန်-စင်ကာပူ ခရီးစဉ်ပျံသန်းလာသော အပြည်ပြည်ဆိုင်ရာမြန်မာလေကြောင်းလိုင်း (MAI) မှ လေယာဉ်တစ်စင်းသည် လေယာဉ်တံခါး၏ အချက်ပြ မီးလင်းမှုကြောင့် ရန်ကုန်လေဆိပ်သို့ ပြန်လည်ဆင်းသက်ခဲ့ရကြောင်း  သိရသည်။

ဇူလိုင် ၁၂ ရက် နံနက် ၈ နာရီ ၃၅ မိနစ်က အပြည်ပြည်ဆိုင်ရာ မြန်မာလေကြောင်းလိုင်း (MAI) 8M-231  ဖြင့် ရန်ကုန်အပြည် ပြည်ဆိုင်ရာလေဆိပ်မှ  စင်ကာပူနိုင်ငံ ချန်ဂီ လေဆိပ်သို့ ပျံသန်းသည့် ဘိုးရင်းလေယာဉ် တစ်စင်းသည် ရန်ကုန်လေဆိပ်မှထွက်ခွာလာစဉ် မိနစ်အနည်းငယ်အကြာ ခရီးသည်များ ဆင်း-တက်ပြုလုပ်သည့် လေယာဉ်တံခါး၏ အချက်ပြမီး လင်းလာမှုကြောင့် ပြန်လည်စစ်ဆေးရန် ရန်ကုန် အပြည်ပြည်ဆိုင်ရာ လေဆိပ်သို့ ပြန်လည်ဆင်းသက်ခဲ့ရခြင်းဖြစ်ကြောင်း သိရသည်။

“လေယာဉ်က ခရီးစဉ်ထွက်ခွာသွားပြီး ခဏအကြာမှ ခရီးသည်တက်-ဆင်းလုပ်တဲ့ လေယာဉ်တံခါးက အချက်ပြမီးလင်းလာခဲ့လို့ ရန်ကုန်လေဆိပ်ကို ပြန်ဆင်းပြီး စစ်ဆေးတာပါ။ စစ်ဆေးပြီးတာနဲ့ ခရီးစဉ်ပြန်လည် ထွက်ခွာခဲ့တာပါ။ စုစုပေါင်းအချိန်မိနစ် ၄၀ ခန့်ပဲ ကြာပါတယ်” ဟု MAI လေကြောင်းလိုင်းမှ Head of Marketing & Communciations  မအေးမရသာက  ပြောကြားသည်။

အဆိုပါ မြန်မာလေကြောင်းလိုင်း (MAI) 8M-231 ခရီးစဉ်တွင် ခရီးသည် ၁၀၄ ဦး လိုက်ပါလာပြီး ယင်းဖြစ်ရပ်ကြောင့် ခရီးသည်များ ထိခိုက်မှု တစ်စုံတစ်ရာမရှိခဲ့ကြောင်း သိရသည်။

FMI လေကြောင်းလိုင်းမှ ရန်ကုန်-နေပြည်တော်ခရီးစဉ်ပျံသန်းသည့် ATR လေယာဉ်တစ်စင်း လေဖိအားကြောင့် လေယာဉ်၏ယာဘက်လေကာမှန် အက်ကွဲမှုဖြစ်ပွား

FMI လေကြောင်းလိုင်းမှ ရန်ကုန်-နေပြည်တော် ခရီးစဉ် ပျံသန်းလာသည့် လေယာဉ်တစ်စင်း လေဖိအားကြောင့် လေယာဉ်၏ ယာဘက်လေကာမှန် အက်ကွဲမှုဖြစ်ပွားခဲ့ကြောင်း သတင်းရရှိသည်။

ဇွန် ၂၁ ရက်က FMI လေကြောင်းလိုင်းမှ ရန်ကုန်-နေပြည်တော်ခရီးစဉ် ပျံသန်းလာသည့် ATR အမျိုးအစား လေယာဉ်သည် နေပြည်တော်လေဆိပ်မှ ရန်ကုန်လေဆိပ်သို့ ပျံသန်းထွက်ခွာလာပြီး မိနစ် ၂၀ ခန့်အကြာ အမြင့်ပေ ၁၆၀၀၀ ခန့်အရောက်တွင် လေဖိအားကြောင့် လေယာဉ်၏ယာဘက် လေကာမှန် အက်ကွဲခဲ့ခြင်းဖြစ်သည်။

ယင်းသို့ လေကာမှန်အက်ကွဲခဲ့သော်လည်း လေယာဉ်မှာ ထိခိုက်မှုတစ်စုံတစ်ရာ မရှိဘဲ ရန်ကုန်အပြည်ပြည်ဆိုင်ရာလေဆိပ်သို့ ဆင်းသက်နိုင်ခဲ့ကြောင်း သတင်းရရှိသည်။ ယင်းလေယာဉ်အား ကပ္ပတိန် ဦးနိုင်မြင့်ခိုင် မောင်းနှင်ပြီး လေယာဉ်အမှုထမ်း လေးဦး၊ ခရီးသည် ၂၂ ဦးနှင့် လုံခြုံရေးဝန်ထမ်းနှစ်ဦး လိုက်ပါလာခဲ့ခြင်းဖြစ်ကြောင်း သိရသည်။

အဆိုပါမတော်တဆမှုနှင့်ပတ်သက်၍ FMI လေကြောင်းလိုင်းအား ဆက်သွယ်မေးမြန်းရာတွင် စာဖြင့်ပေးပို့မေးမြန်းပါရန် အကြောင်းပြန်ကြားသဖြင့် စာဖြင့် ဆက်သွယ်ကာ သတင်းမေးမြန်းခဲ့သော်လည်း ဇွန် ၂၂ ရက် ညနေပိုင်းအထိ အကြောင်းပြန်ခြင်းမရှိခဲ့ပေ။

“ဒီလိုဖြစ်စဉ်တွေက ရာသီအပြောင်းအလဲမှာ ဖြစ်တတ်ပါတယ်။ လေယာဉ်ကနေ ပြည်တော်ကနေ ထွက်ခွာလာပြီး မိနစ် ၂၀ လောက်အကြာမှာ ဖြစ်တာပါ။ ဖြစ်ဖြစ်ချင်း လေယာဉ်မှူးက အမြင့်ပေ ၁၀၀၀၀ အထိ လျှော့ချပျံသန်းပြီး ရန်ကုန်လေဆိပ်ကို ဆင်းသက်နိုင်ခဲ့ပါတယ်“ ဟုလေကြောင်းပို့ဆောင်ရေးနှင့် ညွှန်ကြားမှုဦးစီးဌာနမှ ညွှန်ကြားရေးမှူး ဦးစိုးပိုင်က ပြောကြားသည်။

ပြီးခဲ့သည့် ဇွန် ၁၂ ရက် နံနက်က ရန်ကုန်-မြိတ်ခရီးစဉ် ပျံသန်းလာသော မြန်မာအမျိုးသားလေကြောင်းလိုင်းမှ ATR လေယာဉ်တစ်စင်း စက်ပိုင်းဆိုင်ရာ ပြန်လည်စစ်ဆေးရန် လိုအပ်မှုကြောင့် ရန်ကုန်လေဆိပ်သို့ ပြန်လည်ဆင်းသက်စစ်ဆေးခဲ့ရကြောင်း သတင်းရရှိသည်။

ထို့ပြင် ဇွန် ၇ ရက်ကလည်း ရန်ကုန်- စင်ကာပူ ခရီးစဉ် ပျံသန်းလာသော မြန်မာအမျိုးသားလေကြောင်းလိုင်းမှ ဘိုးရင်းလေယာဉ်တစ်စင်းသည် ရာသီဥတုဆိုးရွားမှုကြောင့် ပြင်းထန်သော ရေခဲမှုဖြစ်ပွားခဲ့ပြီး အမြင့်ပေ ၃၇၀၀၀ မှ ၂၅၀၀၀ သို့ အရေးပေါ် ဆင်းသက် ပျံသန်းခဲ့ရကြောင်း အဆိုပါလေကြောင်းလိုင်းမှ သတင်းရရှိသည်။

ရန်ကုန်-စင်ကာပူ ခရီးစဉ် ပျံသန်းလာသော မြန်မာအမျိုးသားလေကြောင်းလိုင်းမှ ဘိုးရင်းလေယာဉ်တစ်စင်း ရာသီဥတုဆိုးရွားမှုကြောင့် ပြင်းထန်သောရေခဲခြင်းဖြစ်ပွားပြီး အမြင့်ပေ ၃၇၀၀၀ မှ ၂၅၀၀၀ သို့ အရေးပေါ်ဆင်းသက်ပျံသန်းခဲ့ရ

ရန်ကုန်-စင်ကာပူ ခရီးစဉ်ပျံသန်းလာသော မြန်မာအမျိုးသားလေကြောင်းလိုင်းမှ  ဘိုးရင်းလေယာဉ်တစ်စင်း ရာသီဥတုဆိုးရွားမှုကြောင့် ပြင်းထန်သောရေခဲမှုဖြစ်ပွားပြီး အမြင့်ပေ ၃၇၀၀၀ မှ ၂၅၀၀၀သို့ အရေးပေါ် ဆင်းသက်ပျံသန်းခဲ့ရကြောင်း အဆိုပါလေကြောင်းလိုင်း၏ သတင်းထုတ်ပြန်ချက်အရ သိရသည်။

ဇွန် ၇ရက်က မြန်မာအမျိုးသားလေကြောင်းလိုင်း ခရီးစဉ်အမှတ် UB 001 ဖြင့် ရန်ကုန်အပြည်ပြည်ဆိုင်ရာ လေဆိပ်မှ စင်ကာပူနိုင်ငံ ချန်ဂီလေဆိပ်သို့ ပျံသန်းလာသည့် ဘိုးရင်းလေယာဉ်တစ်စင်းသည် အမြင့်ပေ ၃၇၀၀၀ အထိ တက်ရောက်ပျံသန်းခဲ့ကြောင်း သိရသည်။ ယင်းကဲ့သို့တက်ရောက် ပျံသန်းချိန်တွင် ရာသီဥတုမှာ တိမ်ထူထပ်လျက်ရှိကြောင်း သိရသည်။

ယင်းသို့ အမြင့်ပေ ၃၇၀၀၀ မှပျံသန်းလာပြီး ပျံသန်းချိန် မိနစ် ၅၀ ခန့်အကြာ မြိတ်မြို့အနောက်ဘက်မိုင် ၃၀ ခန့်အကွာတွင် ရာသီဥတုဆိုးရွားမှုကြောင့် ပြင်းထန်သော ရေခဲခြင်းဖြစ်ပွားပြီး Air Speed လျင်မြန် စွာကျဆင်းခဲ့ကြောင်း သိရသည်။ ယင်းအချိန်တွင် လေယာဉ်၏ ကွန်ပျူတာစနစ်မှ  Air Speed Low Warning and Stick Shaker Warning  များ ပေါ်ထွက်လာခဲ့ကြောင်း သိရသည်။ အဆိုပါ သတိပေးမှုများပေါ်ထွက်ခဲ့ပြီး  လေယာဉ်အား အမြင့်ပေ ၃၇၀၀၀ တွင် ဆက်လက်ထိန်းသိမ်းနိုင်စွမ်းမရှိသဖြင့် Auto Pilot ဖြုတ်ကာ ပေ ၂၅၀၀၀ သို့ ဆင်းသက်ခဲ့ရခြင်း ဖြစ်ကြောင်း မြန်မာအမျိုးသားလေကြောင်းလိုင်း၏ သတင်းထုတ်ပြန်ချက်အရ သိရ သည်။

ယင်းကဲ့သို့ လျင်မြန်စွာဆင်းသက်ရခြင်းကို သက်ဆိုင်ရာလေကြောင်းထိန်းသို့ သတင်းပေးပို့ခဲ့ပြီး အမြင့်ပေ ၂၅၀၀၀ သို့ အရောက်တွင် လေယာဉ်အား ပြန်လည်ထိန်းချုပ်နိုင်ခဲ့သဖြင့် စင်ကာပူနိုင်ငံသို့ ဆက်လက်ထွက်ခွာ ခဲ့ပြီး စင်ကာပူလေဆိပ်သို့ စင်ကာပူစံတော်ချိန် နံနက် ၁၁ နာရီမိနစ် ၄၀ တွင် အဆင်ပြေစွာ ရောက်ရှိခဲ့ကြောင်း သတင်းထုတ်ပြန်ချက်တွင် ဖော်ပြပါရှိသည်။

အဆိုပါဖြစ်စဉ်တွင် လေယာဉ်မှူးက မှန်ကန်စွာဆုံးဖြတ်နိုင်သဖြင့် လေယာဉ်နှင့် ခရီးသည်များ ထိခိုက်မှု တစ်စုံတစ်ရာမရှိခြင်း အတွက် Safety ကို ဦးစားပေးလုပ်ဆောင်ခဲ့သော လေယာဉ်မှူးနှင့် လေယာဉ်အမှူထမ်း များအား မှတ်တမ်းတင်ဂုဏ်ပြုခဲ့ပြီး လေယာဉ်ပေါ်တွင် စီးနင်းလိုက်ပါလာသော ခရီးသည်များကိုလည်း စိုးရိမ်မှုဖြစ်စေခဲ့သဖြင့် မြန်မာအမျိုးသားလေကြောင်းလိုင်းမှ အနူးအညွတ် တောင်းပန်ခဲ့ပြီး နောက်နောင်တွင် လည်း မြန်မာအမျိုးသားလေကြောင်းလိုင်းအနေဖြင့် Safety ကို ဦးစားပေးဆောင်ရွက်သွားမည်ဖြစ်ကြောင်း သတင်းထုတ်ပြန်ခဲ့သည်။

“သတ်မှတ်အမြင့်ပေကနေ မောင်းနေရာက ရာသီဥတုကဆိုးရွားပြီး အေးလာလို့ လေယာဉ်က ရေခဲတာပေါ့။ ဒါကြောင့်မို့ လေယာဉ်မှူးက အအေးပေါ့သွားအောင် အပူချိန်တက်လာအောင် အောက်ကိုရုတ်တ ရက်ဆင်းလိုက်တာပါ။ ဒီဖြစ်စဉ်မှာ လေယာဉ်မှူးက လေယာဉ်ကွန်ပျူတာစနစ်ရဲ့ သတိပေးချက်တွေအတိုင်း ဆောင်ရွက်ရမယ့် အစီအစဉ်တွေကို အစီအစဉ်တကျ လျင်လျင်မြန်မြန် ဆောင်ရွက်နိုင်ခဲ့လို့ အခုလိုဘေးအန္တရာယ် တစ်စုံတစ်ရာ မရှိခဲ့တာပါ” ဟု မြန်မာအမျိုးသား လေကြောင်းလိုင်းမှ အင်ဂျင်နီယာမှူး ကြီး ဦးလွင်မိုးဇော်က ပြောကြားသည်။

မြန်မာအမျိုးသား လေကြောင်းလိုင်းနှင့် မန်းရတနာပုံ လေကြောင်းလိုင်းတို့ အကျိုးတူပူးပေါင်း၍ အမျိုးသား လေကြောင်းလိုင်းများအဖွဲ့ ပြည်တွင်းခရီးစဉ်များ စတင်ပြေးဆွဲ

မြန်မာအမျိုးသား လေကြောင်းလိုင်းပိုင် ဘိုးရင်းလေယာဉ်အား တွေ့ရစဉ် (ဓာတ်ပုံ-ရွှန်းလဲ့ဝင်း)

မြန်မာအမျိုးသား လေကြောင်းလိုင်းနှင့် မန်းရတနာပုံ လေကြောင်းလိုင်းတို့ အကျိုးတူပူးပေါင်း၍ အမျိုးသား လေကြောင်းလိုင်းများအဖွဲ့ ခရီးစဉ်များ စတင်ပြေးဆွဲခဲ့ကြောင်း ပို့ဆောင်ရေးနှင့် ဆက်သွယ်ရေး ၀န်ကြီးဌာနမှ သတင်းရရှိသည်။

ယင်းသို့ အကျိုးတူ ပျံသန်းရာတွင် မြန်မာအမျိုးသား လေကြောင်းလိုင်းမှ ATR 72 လေယာဉ်နှစ်စင်း၊ မန်းရတနာပုံ လေကြောင်းလိုင်းမှ ATR 72 လေယာဉ်နှစ်စင်း စုစုပေါင်း လေယာဉ်လေးစင်းဖြင့် ပျံသန်းသွားမည်ဖြစ်သည်။

မြန်မာအမျိုးသား လေကြောင်းလိုင်းများအဖွဲ့ အနေဖြင့် မေ ၁၀ ရက်မှ စတင်ကာ ရန်ကုန်၊ မန္တလေး၊ ညောင်ဦး၊ ဟဲဟိုး၊ မြစ်ကြီးနား၊ စစ်တွေ၊ ထားဝယ်၊ လားရှိုး၊ တာချီလိတ်၊ မုံရွာ၊ ဟုမ္မလင်း၊ ခန္တီး၊ ကလေးမြို့များသို့ နှစ်ဖက်အကျိုးတူ ပူးပေါင်းပြီး စတင်ပျံသန်း ပြေးဆွဲနေပြီဖြစ်ကြောင်း သိရသည်။

“ဒီလိုအကျိုးတူ ပူးပေါင်းလုပ်ကိုင်လိုက်တော့ ခရီးသွားတွေ အတွက်လည်း သွားရေး လာရေး ပိုပြီးတော့ အဆင်ပြေသွားတာပေါ့။ ကျွန်တော်တို့ရဲ့ ပုံမှန်ခရီးစဉ်တွေလည်း ရှိနေမှာဆိုတော့ ခရီးသွားတွေ အနေနဲ့ အချိန်မရွေး သွားနိုင်ဖို့ ရွေးချယ်ပိုင်ခွင့် အများကြီး ရှိသွားတာပေါ့” ဟု မြန်မာအမျိုးသား လေကြောင်းလိုင်းမှ စီအီးအို ဦးသန်းထွန်းက ပြောကြားသည်။

မန်းရတနာပုံ လေကြောင်းလိုင်းမှ ဦးဆောင်ညွှန်ကြားရေးမှူး ဒေါက်တာလင်းမြတ်ထွန်းကလည်း “ကျွန်တော်တို့ မြန်မာအမျိုးသား လေကြောင်းလိုင်းများအဖွဲ့အဖြစ် ယှဉ်ပြိုင်မှုဆိုတာထက် ပိုပြီးတော့ Network ပိုင်းအရရော Safety ပိုင်းအရရော ပိုမိုပြီးတော့ ဈေးကွက်မှာ ပြင်ဆင်သွားမှာ ဖြစ်ပါတယ်” ဟု ပြောကြားသည်။

မြန်မာအမျိုးသား လေကြောင်းလိုင်းကို ၁၉၄၈ ခုနှစ်တွင် နိုင်ငံတော်ပိုင်လေကြောင်း Union of Burma Airway အဖြစ် စတင်တည်ထောင်ခဲ့ပြီး ၂၀၁၄ ခုနှစ်တွင် မြန်မာအမျိုးသား လေကြောင်းလိုင်းအဖြစ် အမည်ပြောင်း၍ ပြည်တွင်း၊ ပြည်ပ ခရီးစဉ်များကို ပျံသန်းခဲ့သည်။ ပြည်ပခရီးစဉ်များ အနေဖြင့် စင်ကာပူ၊ ဟောင်ကောင်၊ ဘန်ကောက်၊ ချင်းမိုင်နှင့် ဖူးခက်မြို့များသို့ တိုက်ရိုက်ခရီးစဉ်များ ပျံသန်းလျက်ရှိသည်။

မန်းရတနာပုံ လေကြောင်းလိုင်းသည် ၂၀၁၃ ခုနှစ် ဇူလိုင် ၂၃ ရက်တွင် ပုဂ္ဂလိကပိုင် လေကြောင်းလိုင်းအဖြစ် စတင်တည်ထောင်ခဲ့ပြီး မြန်မာနိုင်ငံတွင် မန္တလေးမြို့အခြေစိုက် လေကြောင်းလိုင်းအဖြစ် ၂၀၁၄ ဖေဖော်ဝါရီတွင် စတင်ပျံသန်း ပြေးဆွဲခဲ့သည်။ မန်းရတနာပုံ လေကြောင်းလိုင်းသည် လက်ရှိတွင် ပြည်တွင်းရှိ လေဆိပ်မြို့ ၁၄ မြို့သို့ ခရီးစဉ်များ ပျံသန်းနေပြီး ပြည်ပခရီးစဉ်များ တိုးချဲ့ပျံသန်းရန် စီစဉ်နေကြောင်း သိရသည်။

 

ကျူးဘား ခရီးသည်တင်လေယာဉ် ပျက်ကျခဲ့ရာ လူ ၁၀၀ ခန့် သေဆုံးဖွယ်ရှိနေ

Photo: AFP

လူ ၁၁၀ ကျော်ကို တင်ဆောင်ထားသော သက်တမ်း ၃၉ နှစ်ရှိ ခရီးသည်တင် လေယာဉ်တစ်စင်းသည် မေ ၁၈ ရက်က ဟာဗားနားလေဆိပ်မှ ပျံတက်သွားပြီး ခဏအကြာ၌ ပီလောပီနံခင်းထဲသို့ ပျက်ကျ လောင်ကျွမ်းမှုဖြစ်ပွားခဲ့သည်။ ဆယ်စုနှစ် သုံးခုကြာ ကာလအတွင်း အဆိုးရွားဆုံး ကျူးဘား လေကြောင်းမတော်တဆမှုကြီး ဖြစ်လာသည့် ထိုဖြစ်စဉ်တွင် လူသုံးဦးသာ အသက်ရှင်ခဲ့သည်ဟု သက်ဆိုင်ရာ အရာရှိများက ပြောကြားခဲ့သည်။

ဘိုရင်း ၇၃၇ လေယာဉ်သည် နိုင်ငံအရှေ့ပိုင်းမှ ဟိုဂင်းမြို့သို့ သွားရန် ဟာဗားနားရှိ ဟိုဆေးမာတီ အပြည်ပြည်ဆိုင်ရာလေဆိပ်၏ လေယာဉ်ပြေးလမ်းအဆုံးမှ ပျံတက်သွားပြီး ခဏအကြာတွင် ပျက်ကျခဲ့ခြင်းဖြစ်သည်။ ထို့နောက် မီးလောင်ကျွမ်းနေသော အပျက်အစီးများကို ငြိမ်းသတ်ရန် မီးသတ်သမားများ အပြေးအလွှား ရောက်လာခဲ့ကြသည်။

“ သေဆုံးသူဦးရေ အမြောက်အမြား ရှိဖွယ်ရပါတယ်” ဟု ဧပြီ ၁၉ ရက်ကမှ စတင် တာဝန်ထမ်းဆောင်ခဲ့သည့် ကျူဘားသမ္မတ သစ်မီဂယ်ဒိုင်အက်ကာနယ် က ပြောကြားခဲ့ သည်။  လေယာဉ်ပျက်ကျရသည့် အကြောင်းရင်းကိုမူ ရှင်းရှင်းလင်းလင်း မသိရသေးပေ။

“ ပေါက်ကွဲသံကြီးဟာ အရာအားလုံးကို တုန်ခါစေခဲ့ပါတယ်” ဟု လေယာဉ်ကွင်း အနီးတွင် နေထိုင်ပြီး လေယာဉ်ပျက်ကျသည်ကို တွေ့လိုက်ရသော ဒေသခံ တစ်ဦးဖြစ်သည့် ယာစနီယယ်ဒိုင်အက်စ် က ဆိုသည်။

သက်တမ်းရင့် အမေရိကန်စစ်လေယာဉ် ပျက်ကျသဖြင့် လူကိုးဦး သေဆုံး

အသုံးမပြုတော့ဘဲ ချောင်ထိုးထားခြင်း မပြုမီ၊ စီစဉ်ထားသည့် နောက်ဆုံးခရီးစဉ်ကို ပျံသန်းရာတွင် တပ်သားကိုးဦး တင်ဆောင်ထားသည့် သက်တမ်းရင့် အမေရိကန် ကုန်တင်စစ်လေယာဉ် တစ်စင်းသည် မတ် ၂ ရက်နေ့က ဆိုးဆိုးရွားရွား ပျက်ကျမှုတွင် ပျက်စီးသွားခဲ့သည်ဟု တာဝန်ရှိသူများက ပြောကြားခဲ့သည်။

ပွါတိုရီကို အမျိုးသားလေကြောင်း C-130 အစောင့်တပ်မှ “Hercules” ကုန်တင်လေယာဉ်သည် ဆာဗန်းနားလေဆိပ်အနီး၌ ဒေသစံတော်ချိန် နံနက် ၁၁ နာရီ ၃၀ မိနစ်ဝန်းကျင်တွင် ပျက်ကျသွားခဲ့သည်။ ကောင်းကင်မှ ထိုးကျလာပြီးနောက် မီးလုံးကြီးများအဖြစ် ပေါက်ကွဲထွက်သွားသည်ကို ရိုက်ယူထားသော ဗီဒီယိုတွင် မြင်တွေ့ခဲ့ရသည်။ လေယာဉ်အမှုထမ်း ၅ ဦး သေဆုံးသွားသည်ဟု အစောပိုင်းတွင် တာဝန်ရှိသူများက ပြောကြားခဲ့သော်လည်း လေယာဉ်ပေါ်တွင် အခြားလူများလည်း လိုက်ပါသွားသည်ကို နောက်ပိုင်းတွင် သိရှိခဲ့ရသည်။

“လေယာဉ်ပေါ်မှာ လူ ၉ ဦးပါတယ်လို့ ကျွန်တော်တို့ အတည်ပြုပါတယ်။ အမှုထမ်း ၅ ဦးနဲ့  နောက်ထပ် ခရီးသည် ၄ ဦးတို့ ဖြစ်ပါတယ်” ဟုပွါတိုရီကို အမျိုးသားအစောင့်တပ်က ပြောရေးဆိုခွင့်ရှိသူ ဗိုလ်မှူးပေါလ်ဒါလန်က ပြောကြားခဲ့သည်။ အခြားလူ ၄ ဦးသည်လည်း တပ်ထဲကပင် ဖြစ်သည်ဟု သူကပြောသည်။ လေယာဉ်ပေါ်တွင် ပါသွားသူ ၉ ဦးစလုံး သေဆုံးသွားသည်ဟု ဒါလန်က ချက်ချင်းအတည်ပြုခြင်း မရှိခဲ့သော်လည်း ပျက်ကျသည့်ရုပ်ပုံများက အားလုံးသေဆုံးသွားပြီ ဆိုသည်ကို ညွှန်ပြလျှက်ရှိသည်။

လေယာဉ်ပျက်ကျမှုကို အမေရိကန်သမ္မတ ဒေါနယ်ထရန့်က တွစ်တာမှာ တိုတိုကျဉ်းကျဉ်း ပြောကြားခဲ့ပြီး သေဆုံးသွားသူများ၏ မိသားစုများကို ၀မ်းနည်းစကား ပြောကြားခဲ့သည်။

လေယာဉ်သည် သက်တမ်း အနှစ် ၅၀ ကျော်ခန့် ရှိနေပြီဖြစ်ပြီး၊ လေယာဉ်ဟောင်းများအတွက် သင်္ချိုင်းဟုခေါ်သည့် ဒေးဗစ်မွန်သန် လေတပ်အခြေစိုက်စခန်းရှိ အမှတ် ၃၀၉ လေကြောင်း ပြုပြင်ထိန်းသိမ်းမှု ပြန်လည်ဖန်တီးရေးအုပ်စုသို့ ဦးတည်ပျံသန်းသွားခဲ့ခြင်း ဖြစ်သည်ဟု သူကပြောကြားခဲ့သည်။

A-130 သည်ပြုပြင်ထန်းသိမ်းရန် ဂျော်ဂျီယာကို ရောက်ရှိနေခဲ့ခြင်းဖြစ်ပြီး စက်ပိုင်းဆိုင်ရာ အနေအထား ကောင်းမွန်နေဆဲ ဖြစ်သည်ဟု ယုံကြည်ကြောင်း ၄င်းကဖြည့်စွက် ပြောကြားသည်။ လေယာဉ်ပျက်ကျရသည့် အကြောင်းရင်းကို စုံစမ်းစစ်ဆေးလျက် ရှိသည်။