မြန်မာ ရွှေ့ပြောင်းလုပ်သားများက ၎င်းတို့၏ အခက်အခဲများအား အလုပ်သမားဝန်ကြီးဌာနနှင့် ဆက်စပ် အဖွဲ့အစည်းများသို့ တိုင်ကြားမှုမှာ ငါးနှစ်ကျော်အတွင်း ၂၀၀၀ ခန့်သာရှိ

မြန်မာ ရွှေ့ပြောင်းလုပ်သားများက ၎င်းတို့၏ အခက်အခဲများအား အလုပ်သမားဝန်ကြီးဌာနနှင့် ဆက်စပ် အဖွဲ့အစည်းများသို့ တိုင်ကြားမှုမှာ ငါးနှစ်ကျော်အတွင်း ၂၀၀၀ ခန့်သာ ရှိကြောင်း စက်တင်ဘာ ၃ ရက်တွင် စုံစမ်း သိရှိရသည်။

“ Complaint (တိုင်ကြားချက်) တွေ ဘယ်လောက် ရသွားပြီလဲ ဆိုတော့ အစ်မတို့ မှာ Source တွေ အများကြီးရှိတယ်။ MRC ရှိတယ်။ Complaint Mechanism (တိုင်ကြားချက်ယန္တရား) ရှိတယ်။ ရုံးချုပ်ကို တိုက်ရိုက်ဆက်တာ ရှိတယ်။ သံရုံးတွေကရတဲ့ တိုင်ကြားချက်တွေ ရှိတယ်။ အဲဒီနေရာစုံကနေ ရတာကနေရတဲ့ တိုင်ကြားချက်တွေ အများကြီးရှိတယ်။ ၂၀၁၃ ကနေ အခု ၂၀၁၈ အထိဆိုရင် ၁၉၄၄ မှု ရှိသွားပြီ။ အဲဒီအမှုတွေ အားလုံးကို အစ်မတို့ ကိုင်တွယ်ပြီး ဖြေရှင်းပေးတာပေါ့။ ကျန်တာက ၅၀ ကျော် ရှိတယ်။ မပြတ်သေးတာပေါ့”ဟု အလုပ်သမားညွှန်ကြားရေးဦးစီးဌာန၊ ရွှေ့ပြောင်းအလုပ်သမားဌာနခွဲ၊ ညွှန်ကြားရေးမှူး ဒေါ်အေးအေးမိုး က ပြောကြားသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနသည် ILO ၊ ရွှေ့ပြောင်းသွားလာခြင်းဆိုင်ရာ နိုင်ငံတကာအဖွဲ့အစည်း (IOM) ဖြင့် ပူးပေါင်းကာ ရွှေ့ပြောင်းအလုပ်သမား အသိပညာပေး (Migrant Resource Center) များ ဖွင့်လှစ်ပေးထားကြောင်း သိရသည်။

“ MRC နဲ့ ILO ပူးပေါင်းပြီး ဖွင့်တာရှိတယ်။ MRC နဲ့ ပတ်သက်ပြီး လက်လှမ်းမီသလောက် အသိပညာပေးတယ်။ လောလောဆယ်တော့ ရွှေ့ပြောင်းသွားလာသူ အများဆုံးရှိတဲ့ နေရာတွေမှာပဲ MRC တွေ ဖွင့်ထားနိုင်သေးတယ်။ သူတို့က ဆက်သွယ်တဲ့အခါမှာ အစ်မတို့က ဖြေပေးတယ်။ ဒါပေမဲ့ တော်တော်များများက အစ်မတို့ ရုံးတွေကို ရောက်မလာကြဘူး။ ရွှေ့ပြောင်းသွားလာမယ့် ကလေးတွေက ရုံးတွေနဲ့ အထိအတွေ့ နည်းကြတယ်။ သိပ်ရောက်မလာကြဘူး။ ရောက်လာတဲ့ လူတွေကိုတော့ အပြည့်အ၀ ကူညီပေးပါတယ်။ လာဆွေးနွေးတဲ့လူက တော်တော်ကို နည်းသေးတယ်”ဟု ဒေါ်အေးအေးမိုးက ဆက်လက်ပြောကြားသည်။

ရွှေ့ပြောင်း လုပ်သားများမှာ အချက်အလက် ရယူလိုမှု နည်းပါးသော်လည်း လက်ရှိတွင် ရွှေ့ပြောင်းလုပ်သားများ ထောက်ပံ့ကူညီရေး ဗဟိုဌာန (MRC) ရုံးများကို ၁၃ ရုံး အထိ တိုးချဲ့ ဖွင့်လှစ်ထားကြောင်း သိရသည်။

“မြန်မာနိုင်ငံသားတွေရဲ့ ရွှေ့ပြောင်းသွားလာမှုက တော်တော်လေးကို များတယ်။ ၂၀၁၄ ခုနှစ် သန်းခေါင်စာရင်းအရ ၄ ဒသမ ၂၉ သန်း ရှိတယ်။ ၁၀ ရာခိုင်နှုန်းလောက် ရှိတာပေါ့။ အာဆီယံဒေသတွင်းမှာ ရွှေ့ပြောင်းသွားလာမှုမှာ မြန်မာနိုင်ငံက အများဆုံးလို့ ပြောလို့ရတယ်။ ကမ္ဘောဒီးယား၊ လာအို၊ ဗီယက်နမ်၊ မြန်မာ၊ ထိုင်းနိုင်ငံတွေကို ILO က စစ်တမ်းလုပ်ထားတာ ရှိတယ်။ အဲဒီစစ်တမ်းအရ တရားမ၀င် လမ်းကြောင်းသွားတဲ့ သူတွေ ဥပမာ မလေးရှားပေါ့။ မလေးရှားကို သွားတဲ့သူတွေမှာ မြန်မာကလည်း များတယ်။ ဗီယက်နမ်ကလည်း များတယ်။ သွားတဲ့ လမ်းကြောင်းအရ ကြည့်ရင် ဗီယက်နမ် က တရားဝင် လမ်းကြောင်းက သွားတာများတယ်။ မြန်မာတွေ ရာခိုင်နှုန်း ၈၀ လောက်က မလေးရှားကို တရားမ၀င် လမ်းကြောင်းက သွားကြတယ်”ဟု ရွှေ့ပြောင်းသွားလာခြင်းဆိုင်ရာ နိုင်ငံတကာအဖွဲ့အစည်း (IOM) မှ ဦးအောင်ကျော်သန်းက ပြောကြားသည်။

မြန်မာရွှေ့ပြောင်း လုပ်သားအများစုမှာ တရားမ၀င် လမ်းကြောင်းများမှ သွားရောက်မှုများကြောင့် လုပ်အားခ ခေါင်းပုံဖြတ်ခံရခြင်း၊ လုပ်ခလစာ အပြည့်မရရှိခြင်း စသည့် အခက်အခဲများစွာ ကြုံတွေ့ရကြောင်း သိရသည်။

 

မြန်မာ့ ကျွမ်းကျင်လုပ်သားများ ပြည်တွင်းသို့ ပြန်ဝင်လာရန် ပြည်တွင်း ထိပ်တန်းကုမ္ပဏီများ စင်ကာပူသို့ သွားရောက်ပြီး အလုပ်နေရာ ထောင်နှင့်ချီ ခေါ်ယူမည်

မြန်မာ့ ကျွမ်းကျင်လုပ်သားများ ပြည်တွင်းသို့ ပြန်ဝင်လာရန် ပြည်တွင်း ထိပ်တန်းကုမ္ပဏီများ စင်ကာပူသို့ သွားရောက်ပြီး အလုပ်နေရာ ထောင်နှင့်ချီ ခေါ်ယူမည်ဖြစ်ကြောင်း သိရသည်။

နိုင်ငံတကာသို့ ရောက်ရှိနေသော ကျွမ်းကျင်လုပ်သားများကို ပြည်တော်ပြန်လာပြီး နိုင်ငံ၏ စီးပွားရေး ဖွံ့ဖြိုးတိုးတက်ရေး အထောက်အကူပြုစေနိုင်ရန်အတွက် မြန်မာနိုင်ငံအတွင်းမှ ထိပ်တန်းကုမ္ပဏီကြီးများနှင့်အတူ JobNet.com.mm ပူးပေါင်းပြီး အလုပ်နေရာ ထောင်နှင့်ချီ ခေါ်ယူမည်ဖြစ်သည်။ အဆိုပါ အလုပ်အကိုင်ပြပွဲကို စင်ကာပူနိုင်ငံရှိ Raffle City Convention Centre တွင် ဇူလိုင် ၁၄ ရက်နှင့် ၁၅ ရက်တို့တွင် နံနက် ၉ နာရီမှ ည ၉ နာရီအထိ ပြုလုပ်မည် ဖြစ်သည်။

“ကျွန်တော်တို့အနေနဲ့ တိုင်းပြည်အတွင်းမှာ စီးပွားရေး ဖွံ့ဖြိုးတိုးတက်မှုရဲ့ အခြေခံဟာ လူ့စွမ်းအားအရင်းအမြစ် ဖွံ့ဖြိုးရေးနဲ့ တိုက်ရိုက် အချိုးကျနေတယ် ဆိုတာကို အပြည့်အ၀ ယုံကြည်ထားပါတယ်။ ဒါကြောင့်ပဲ နိုင်ငံအတွင်းကို ကျွမ်းကျင်လုပ်သားတွေ ပြန်လည် ရောက်ရှိလာပြီး နိုင်ငံစီးပွားရေး တိုးတက်ရာမှာ အထောက်အကူပြုဖို့အတွက် ဒီလို အလုပ်အကိုင်ပြပွဲမျိုးကို ကျင်းပတာပဲ ဖြစ်ပါတယ်” ဟု JobNet.com.mm ၏ အမှုဆောင်အရာရှိချုပ် Mr Justin Sway က ပြောကြားသည်။

စင်ကာပူနိုင်ငံရောက် မြန်မာနိုင်ငံသားများအတွက် ရည်ရွယ်ပြီး ပြုလုပ်သည့် အဆိုပါ အလုပ်အကိုင်ပြပွဲတွင် မြန်မာနိုင်ငံ အခြေစိုက် ပြည်တွင်း၊ ပြည်ပ ကုမ္ပဏီကြီးများက အလုပ်အကိုင် နေရာပေါင်း ၂၀၀၀ ကျော်ကို ခေါ်ယူသွားမည်ဖြစ်ကြောင်း JobNet.com.mm မှ အုပ်ချုပ်မှု ဒါရိုက်တာ Mr. Matt De Luca က ပြောကြားသည်။

စက်မှုကုန်ထုတ်၊ အုပ်ချုပ်ရေး၊ လူ့စွမ်းအားအရင်းအမြစ် စီမံခန့်ခွဲမှု၊ စာရင်းအင်းပညာ၊ အင်ဂျင်နီယာ၊ သတင်းအချက်အလက် နည်းပညာ Information Technology ၊ ဈေးကွက်စီမံခန့်ခွဲခြင်း၊ လူထုဆက်ဆံရေး၊ ဈေးကွက် အရောင်းကျွမ်းကျင် စသည့် ကဏ္ဍများအတွက် အလုပ်အကိုင်များကို ခေါ်ယူမည်ဟု JobNet.com.mm မှ သိရသည်။

အဆိုပါ အလုပ်အကိုင်ပြပွဲသို့ ထိပ်တန်း ကုမ္ပဏီများဖြစ်သည့် CB Bank , CDSG, MPT, Myanmar Net, MPRL, RMA နှင့် Oway တို့ အပါအ၀င် ကုမ္ပဏီပေါင်း ၂၀ ၀န်းကျင်ခန့်က ၎င်းတို့ ကုမ္ပဏီအတွက် အလုပ်အကိုင်များကို ကိုယ်တိုင်ကိုယ်ကျ လာရောက် ခေါ်ယူမည်ဖြစ်ပြီး ပြပွဲလာရောက်သူများ အနေဖြင့် JobNet.com.mm မှ ထောင်ပေါင်းများစွာသော အလုပ်အကိုင်များကိုလည်း လျှောက်ထားနိုင်ကြောင်း သိရသည်။

ကူဝိတ်သို့ ဖိလစ်ပိုင်အလုပ်သမားများစေလွှတ်မှုအား ပိတ်ပင်မှုသည် အမြဲတမ်းဖြစ်ဟု သမ္မတဒူတာတေး ပြောကြား

ဖေဖော်ဝါရီ ၁၈ ရက်က မနီလာလေဆိပ်သို့ရောက်ရှိလာသော ကူဝိတ်ပြန် ဖိလစ်ပိုင်အလုပ်သမားများ (Photo: AFP)

ကူဝိတ်သို့ ဖိလစ်ပိုင်အလုပ်သမားများအား စေလွှတ်မှုကို ယာယီပိတ်ပင်ထားမှုသည် အမြဲတမ်းဖြစ်ကြောင်း ဖိလစ်ပိုင်သမ္မတ ရိုဒရီဂိုဒူတာတေးက ဧပြီ ၂၉ ရက်တွင် ပြောကြားခဲ့ပြီး ပင်လယ်ကွေ့နိုင်ငံတွင် ဖိလစ်ပိုင် ရွှေ့ပြောင်းအခြေချအလုပ်သမားများ ပြုမူ ဆက်ဆံခံရမှုများအတွက် သံတမန်ရေးရာ  လိပ်ခဲတည်းလည်းအခြေအနေကို အရှိန်မြင့်တက်စေခဲ့သည်။

အသတ်ခံခဲ့ရသော ဖိလစ်ပိုင်အိမ်အကူ၏အလောင်းကို အလုပ်ရှင်၏ရေခဲသေတ္တာထဲသို့ ထိုးထည့်ထားမှုအား တွေ့ရှိခဲ့ရပြီးနောက် ဒူတာတေးက ဖိလစ်ပိုင်သို့ အလုပ်သမားများ သွားရောက်မှုအား ပြီးခဲ့သောဖေဖော်ဝါရီတွင် ပိတ်ပင်ခဲ့သည်။ ညှဉ်းပန်းနှိပ်စက်သည်ဟု ယူဆရသော အလုပ်ရှင်များထံမှ ထွက်ပြေးနိုင်ရန် ဖိလစ်ပိုင်အလုပ်သမားများအား ဖိလစ်ပိုင်သံရုံးဝန်ထမ်းများက ကူညီပေးနေသည့် မှတ်တမ်းဗီဒီယိုများ ထွက်ပေါ်ခဲ့အပြီး မနီလာသံအမတ်ကြီးအား နိုင်ငံမှထွက်ခွာရန် ကူဝိတ်အာဏာပိုင်များက ပြီးခဲ့သောသီတင်းပတ်တွင် ညွှန်ကြားခဲ့သည်။

ယာယီပိတ်ပင်မှုအား ရုပ်သိမ်းပေးနိုင်သည်ဟု ဖိလစ်ပိုင်တာဝန်ရှိသူများက ဆိုသည့် အလုပ်သမားသဘောတူညီချက်တစ်ခုကို နှစ်နိုင်ငံတာဝန်ရှိသူများက ညှိနှိုင်းနေသော်လည်း မကြာသေးမီက တင်းမာမှုမြင့်တက်မှုသည် ထိုသဘောတူညီချက်ကို သံသယ၀င်စေခဲ့သည်။

ယာယီပိတ်ပင်ထားမှုသည် အမြဲတမ်း ဖြစ်ပြီး အထူးသဖြင့် အိမ်အကူများအတွက် ထပ်မံစေလွှတ်မှု ရှိမည်မဟုတ်တော့ကြောင်း ဒူတာတေးက နိုင်ငံတောင်ပိုင်းရှိ ဒါဗာအိုမြို့တွင် သတင်းထောက်များကို ပြောကြားခဲ့သည်။ ကူဝိတ်တွင် ဖိလစ်ပိုင်အလုပ်သမား ၂၆၂၀၀၀ ခန့်လုပ်ကိုင်နေပြီး ၎င်းတို့အနက် ရာခိုင်နှုန်း ၆၀ နီးပါးသည် အိမ်အကူများ ဖြစ်ကြောင်း ဖိလစ်ပိုင်နိုင်ငံခြားရေးဝန်ကြီးဌာနက ထုတ်ပြန်ခဲ့သည်။

ဖိလစ်ပိုင်အလုပ်သမားများအား ကယ်တင်မှုဗီဒီယိုများ ထွက်ပေါ်ခဲ့ပြီးနောက် ကူဝိတ်က ထိုသံရုံးက ငှားရမ်းထားသည့် ဖိလစ်ပိုင်လေးဦးအား ထိန်းသိမ်းခဲ့ပြီး သံတမန်ဝန်ထမ်းသုံးဦးအား ဖမ်းဝရမ်း ထုတ်ခဲ့ကြောင်း မနီလာက ဆိုသည်။ ကူဝိတ်ဆိုင်ရာ ဖိလစ်ပိုင်သံအမတ် ရီနာတိုပက်ဒရိုဗီလာက သူသည် မေ ၂ ရက်တွင် ကူဝိတ်မှထွက်ခွာမည် ဖြစ်ပြီး ဖိလစ်ပိုင်အလုပ်သမားများအား ကူညီမှုတွင် ပါဝင်သည်ဟု သံသယရှိသူများ၏ အမည်များကို ထုတ်ဖော်ပြောရန် ကူဝိတ်၏ တောင်းဆိုချက်များအား ငြင်းဆန်ခဲ့ကြောင်း ပြောကြားခဲ့သည်။

ဖိလစ်ပိုင်နိုင်ငံသား ၁၀ သန်းခန့်သည် နေရပ်နိုင်ငံတွင် မရရှိနိုင်သည့် လစာမြင့်အလုပ်များကို ရှာဖွေနိုင်ရန် ပြည်ပသို့ထွက်ခွာခဲ့ကြပြီး ၎င်းတို့၏နေရပ်ပြန်ပို့ငွေများသည် ဖိလစ်ပိုင်စီးပွားရေး၏အဓိကထောက်တိုင်တစ်ခု ဖြစ်သည်။ ထိုပြည်ပထွက်ခွာအလုပ်သမားများအား ခေတ်သစ်သူရဲကောင်းများအဖြစ် ဖိလစ်ပိုင်အစိုးရက ဆယ်စုနှစ်များစွာ ဂုဏ်ပြုလာခဲ့ကြသော်လည်း ရွှေ့ပြောင်းထွက်ခွာမှု၊ မိသားစု တကွဲတပြားဖြစ်မှု၊ ဖိလစ်ပိုင် အလုပ်သမားများသည် ညှဉ်းပန်းနှိပ်စက်ခံရ မှုစသည့် လူမှုရေးဆိုင်ရာ ထိခိုက်နစ်နာမှုများကို လူ့အခွင့်အရေး လှုပ်ရှားသည့်အဖွဲ့များက ထောက်ပြခဲ့ကြသည်။

ခန္တီးမြို့နယ်အတွင်း ရွှေ့ပြောင်းလုပ်သားများ၏ သားသမီးများ ဘုန်းတော်ကြီးသင်ပညာရေးကျောင်းတွင် မှီခိုအပ်နှံနေရဆဲဖြစ်ကြောင်း သိရ

ခန္တီးမြို့နယ် ရွှေမြင့်မိုရ်ကျေးရွာ ဓမ္မသီရိဘုန်းတော်ကြီးသင် ပညာရေးကျောင်းမှ ကျောင်းသားကျောင်းသူများအား တွေ့ရစဉ်

ခန္တီးမြို့နယ်အတွင်းရှိ ရွှေ့ပြောင်းလုပ်သားများ၏ သားသမီးများ ဘုန်းတော်ကြီးသင်ပညာသင်ကျောင်းတွင် မှီခိုအပ်နှံနေရဆဲဖြစ်ကြောင်း သိရသည်။

နေရာအတည်တကျ မရှိဘဲ မကြာခဏ ရွှေ့ပြောင်းနေရသော ရွှေ့ပြောင်းလုပ်သားများ၏ စားဝတ်နေရေးနှင့် အစိုးရစာသင်ကျောင်းများတွင် အပ်နှံရန် အခက်အခဲများကြောင့် ဘုန်းတော်ကြီးသင် စာသင်ကျောင်းများတွင် မှီခိုအပ်နှံနေဆဲဖြစ်ကြောင်း ခန္တီးမြို့နယ် ရွှေမြင့်မိုရ်ကျေးရွာ ဓမ္မသီရိဘုန်းတော်ကြီးသင်ပညာရေးကျောင်းမှ ဆရာတော်ဦးဝိသဋ္ဌ၏ ပြောကြားချက်အရ သိရသည်။

“ဒီဘက်ဒေသမှာတော့ ဘုန်းတော်ကြီးသင် ပညာရေးကျောင်းကို တော်တော်လေး မှီခိုနေရတုန်းပါပဲ။ ခန္တီးဒေသမှာဆိုရင် ကျောက်လုပ်တယ်။ ရွှေတူးတယ် အဲဒီလို ရွှေ့ပြောင်းအလုပ်သမားတွေကများပြီး တစ်နေရာကနေ တစ်နေရာကို မကြာခဏ ရွှေ့ပြောင်းပြီး အလုပ်လုပ်နေကြတဲ့လူတွေများတယ်။ ရွှေမြင့်မိုရ်ရွာဆိုရင် ရွှေ့ပြောင်းအလုပ်သမားတွေစုပြီး နေထိုင်ရင်း မပြန်နိုင်တဲ့လူတွေ ပြောမယ်ဆိုရင် မှော်ကြာတွေပေါ့။ စုစည်းပြီး ရွာတည်ထားတာ။ သူတို့တွေရဲ့ သားသမီးတွေကို အမျိုးတွေဆီလည်းမပို့နိုင် အရပ်ဒေသလည်း မပြန်နိုင် အစိုးရစာသင်ကျောင်းမှာ ထားဖို့ကလည်း အခက်အခဲတွေရှိနေတော့ ဘုန်းတော်ကြီး သင်စာသင်ကျောင်းမှာ အပ်ကြရတယ်။ အဓိကကတော့ မိဘတွေရဲ့ စားဝတ်နေရေးနဲ့ အလုပ်အကိုင် အခက်အခဲတွေကြောင့် အစိုးရစာသင်ကျောင်းကိုရောက်ဖို့ ခဲယဉ်းတဲ့ ကလေးတွေ ရှိနေတယ်။ အဲဒီကလေးတွေကို ဦးဇင်းတို့ ဘုန်းတော်ကြီးသင် ပညာရေးကျောင်းက တတ်နိုင်သလောက် အထောက်အပံ့ပေးပြီး ပညာသင်ကြားပေးပါတယ်၊ တချို့ကလေးတွေဆိုရင် ကျောင်းအိပ်ကျောင်းစား လာအပ်တာလည်း ရှိတယ်လေ။ တချို့တွေလည်း ဆန္ဒရှိရင် သင်္ကန်းဝတ်ပေးလိုက်တယ်။ ဒီလိုပြုလုပ်ခြင်းက ဘာသာသာသနာလည်း ထိန်းသိမ်းစောင့်ရှောက်ရာ ရောက်တယ်လို့လည်း ဦးဇင်းယူဆတယ်” ဟု ဆရာတော်ဦးဝိသဋ္ဌက ပြောကြားသည်။

ခန္တီးမြို့နယ်အတွင်း ဘုန်းတော်ကြီးသင် စာသင်ကျောင်းရှစ်ကျောင်းရှိပြီး ဘုန်းတော်ကြီးသင် စာသင်ကျောင်းများ လက်ရှိကြုံတွေ့နေရသော အခက်အခဲများကို ဆရာတော် ဦးဝိသဋ္ဌက ပြောကြားသည်။

“ခန္တီးမှာ ဘုန်းတော်ကြီးသင် စာသင်ကျောင်း တရားဝင် ရှစ်ကျောင်းရှိတယ်။ တရားမ၀င်ကျောင်းက တစ်ကျောင်းရှိတယ်။ တရားဝင် ရှစ်ကျောင်းထဲမှာမှ မူလွန်နှစ်ကျောင်းရှိတယ်။ ဒီဘက်ဒေသက အစွန်အဖျားကျတယ်။ နာဂတောင်တန်းတွေဘက်ကလို ဘုန်းတော်ကြီးသင် ပညာရေးကျောင်းတွေက ဆရာ ဆရာမတွေက ပြည်မကြီးတွေကလို သင်တန်းအတွေ့အကြုံလည်း မရှိကြဘူး။ သင်တန်းအတွေ့အကြုံတွေ မရှိတော့ သင်ကြားရေးပိုင်းသင်ကြားမှုနည်းစနစ်မှာ အားနည်းချက်တွေ ရှိတာပေါ့။ ဒါကြောင့် ဘုန်းတော်ကြီးသင် စာသင်ကျောင်းက ဆရာ၊ ဆရာမတွေ သင်ကြားမှုနည်းစနစ် ကောင်းမွန်အောင် အဆင့်မီအောင် ဦးဇင်းတို့ဘက်ကလည်း သင်တန်းတွေ တတ်နိုင်သမျှ ချိတ်ဆက်ပြီး တက်ခိုင်းရတယ်။ နောက်ပြီးကျောင်းသုံး စာအုပ်စာတမ်းနဲ့ ပတ်သက်ပြီးတော့ အခက်အခဲနည်းနည်းရှိတယ်။ ကျောင်းဖွင့်လို့ စာအုပ်တွေ စထုတ်တဲ့အချိန်မှာ ကျောင်းသားက မစုံနိုင်သေးဘူးလေ။ မစုံသေးတဲ့ အချိန်မှာ သွားထုတ်တော့ စာအုပ်လည်း ပြည့်စုံအောင်မရဘူးပေါ့” ဟု ဆရာတော်ဦးဝိသဋ္ဌက ပြောကြားသည်။

တရုတ်နိုင်ငံတွင် ဖမ်းဆီးခံရသည့် မြန်မာနိုင်ငံသားများအား အစိုးရကကူညီပေးရန် ကချင်ပြည်နယ်လွှတ်တော်တွင် အဆိုတင်သွင်း

တရုတ်နိုင်ငံတွင် ဖမ်းဆီးခံရသည့် မြန်မာနိုင်ငံသားများကို အစိုးရကကူညီပေးရန် မတ် ၂၉ ရက်က ကျင်းပသည့် ဒုတိယအကြိမ် ကချင်ပြည်နယ်လွှတ်တော် ၁၁ ကြိမ်မြောက်အစည်းအဝေး ဒုတိယနေ့တွင် အဆိုတင်သွင်းခဲ့ကြောင်း သိရသည်။

ယင်းအဆိုကို မိုးမောက်မြို့နယ် မဲဆန္ဒနယ် အမှတ် (၁) မှ ပြည်နယ်လွှတ်တော်ကိုယ်စားလှယ် ဦးနေ၀င်းက “တရုတ်ပြည်သို့ဝင်ရောက်နေသော ရွှေ့ပြောင်းအလုပ်သမားများအား ၀င်ခွင့်စာအုပ်ရှိသော်လည်း မူးယစ်ဆေးဝါးသုံးစွဲခြင်းရှိ မရှိ ဆီးစစ်၍ ဥပဒေမဲ့ဖမ်းဆီးခံနေရခြင်းများ၊ ငွေကြေးများဖြင့် ပြန်လည်ရွေးယူစေခြင်းများကို တစ်ဖက်နိုင်ငံ အစိုးရတာဝန်ရှိသူတို့ဖြင့် နားလည်မှုသဘောတူဆွေးနွေး၍ နိုင်ငံသားများအား ကာကွယ်စောင့်ရှောက်ပေးရန် ပြည်နယ်အစိုးရအား တိုက်တွန်းကြောင်း}”ခေါင်းစဉ်ဖြင့် အဆိုတင်ခဲ့ခြင်းဖြစ်သည်။

ဦးနေ၀င်းက “တရုတ်နိုင်ငံ နယ်စပ်မြို့တွေဖြစ်တဲ့ ထိန်ချုံး၊ ကူရုံး၊ ကျန်ဟောင်၊ ရွှေလီ၊ ကျယ်ခေါင်မြို့များကို စာအုပ်အနီ တရားဝင်ပြုလုပ်သွားနေကြတာ နှစ်ပေါင်းများစွာကြာခဲ့ပါပြီ။ အဲဒီလို သွားနေတဲ့သူတွေကို ခုချိန်မှာ နယ်စပ်ရဲတပ်ဖွဲ့များက မူးယစ်ဆေးဝါးသုံးစွဲမှုရှိ မရှိ စစ်ဆေးပြီး ဆေးပေါ်သည်ပြော၍ မြန်မာနိုင်ငံသားများအား ဥပဒေမဲ့ဖမ်းဆီးကာ လမ်းဖောက်ရာကုမ္ပဏီများသို့ အလုပ်ကြမ်းများ ခိုင်းစေခဲ့ကြောင်း သိရပါတယ်။ မိုးမောက်မြို့နယ်က လွန်ခဲ့တဲ့လပိုင်းက ရှစ်ယောက် အဖမ်းခံရပါတယ်။ အောက်မြန်မာနိုင်ငံက လူဦးရေက ဒီထက်များမယ့် အခြေအနေရှိပါတယ်။ တရုတ်ငွေလေးထောင်ကနေ ခုနစ်ထောင်အထိ ပေးခဲ့ကြရပါတယ်။ တရုတ်နိုင်ငံအောက်ခြေရဲတွေရဲ့ တရားမဲ့ငွေရှာနေတဲ့ လုပ်ငန်းတစ်ခုလို့ မြင်ပါတယ်။ အထက်ကရဲတပ်ဖွဲ့တွေကိုမေးတော့ မသိပြန်ဘူးဖြစ်နေတယ်။ အခုမြစ်ကြီးနားမြို့မှာလည်း နှစ်နိုင်ငံဆက်ဆံရေးရုံး ဖွင့်လှစ်ထားပြီးဖြစ်ပါတယ်။ အဲဒါကြောင့် လွှတ်တော်မှာ တစ်ဖက်နိုင်ငံ အစိုးရတာဝန်ရှိသူတို့ဖြင့် နားလည်မှု သဘောတူဆွေးနွေး၍ နိုင်ငံသားများအား ကာကွယ်စောင့်ရှောက်ပေးရန် ပြည်နယ်အစိုးရအား တိုက်တွန်းကြောင်း အဆိုတင်သွင်းခဲ့ခြင်းဖြစ်ပါတယ်” ဟု လွှတ်တော်တွင် တင်ပြခဲ့သည်။

ယင်းအဆိုကို မိုးမောက်မြို့နယ် မဲဆန္ဒနယ်အမှတ် (၂) မှ ပြည်နယ်လွှတ်တော်ကိုယ်စားလှယ် ဦးထွန်းစိန်က ထောက်ခံခဲ့သဖြင့် ဆွေးနွေးရန် လွှတ်တော်၏ သဘောထားကိုရယူရာ လွှတ်တော်က သဘောတူခဲ့သည်။

နယ်စပ်ဒေသဖြစ်သည့် မန်ဝိန်းကြီးတွင် နေထိုင်သည့် မန်စီမြို့နယ် မဲဆန္ဒနယ်အမှတ် (၂) မှ ပြည်နယ်လွှတ်တော်ကိုယ်စားလှယ် ဦးစိုင်းအေးမင်းက “မြန်မာပြည်ကနေ အလုပ်သွားလုပ်ကြတာတော့ အများကြီးရှိနေပါတယ်။ အကြောင်းအမျိုးမျိုးကြောင့် တရုတ်နိုင်ငံရဲတွေက ဖမ်းဆီးတာကိုလည်း ခံနေကြရတယ်လို့ သိရတယ်။ စားသောက်ဆိုင်၊ လယ်ယာလုပ်ငန်း၊ တောင်သူလုပ်ငန်းတွေမှာ သွားလုပ်ကြတာတွေရှိနေတယ်။ တချို့လည်း ကလေးတွေ ၁၈ နှစ် မပြည့်သေးတာတွေပေါ့။ တရုတ်နိုင်ငံမှာ ဒုက္ခရောက်ရင်က ကူညီပေးတဲ့အဖွဲ့လည်း မရှိသေးဘူး။ ကိုယ့်ဆွေမျိုးမိတ်ဆွေတွေနဲ့ ညှိပြီးဖြေရှင်းကြရတာပေါ့။ မနက်ဖြန်မှာ အဆိုကို ပါဝင်ဆွေးနွေးသွားမှာပါ” ဟုပြောကြားသည်။

ကချင်ပြည်နယ် မြစ်ကြီးနားမြို့၊ စုပေါင်းရုံးတွင် တရုတ်-မြန်မာ နှစ်နိုင်ငံချစ်ကြည်ရေးရုံးကို မတ် ၆ ရက်က ဖွင့်လှစ်ခဲ့ပြီး နယ်စပ်ဖြတ်ကျော်မှုခင်းများ၊ လူကုန်ကူးမှုများ တားဆီးရေးနှင့် မူးယစ်ဆေးဝါးပြဿနာများ တားဆီးဖြေရှင်းနိုင်ရန်နှင့် နှစ်ဦးနှစ်ဖက် အကျိုးစီးပွားကိုရည်ရွယ်၍ စီးပွားရေးလုပ်ငန်း၊ ကုန်သွယ်ရေးလုပ်ငန်းနှင့် ဟိုတယ်နှင့်ခရီးသွားလုပ်ငန်းများ တိုးတက်စေရန်အတွက် ဖွင့်လှစ်ရခြင်းဖြစ်ကြောင်း ကချင်ပြည်နယ်ဝန်ကြီးချုပ် ဒေါက်တာခက်အောင်က ပြောကြားထားသည်။

တောင်ကိုရီးယားနိုင်ငံသို့ သွားရောက်လုပ်ကိုင်ရန် ရန်ကုန်တိုင်းဒေသကြီးတွင် စာမေးပွဲဖြေဆိုခွင့်လျှောက်လွှာ နှစ်သောင်းကျော် ထုတ်ပေးထားပြီး နှစ်ရက်အတွင်း လျှောက်လွှာပြန်တင်သူ တစ်သောင်းနီးပါးရှိ

တောင်ကိုရီးယားနိုင်ငံသို့ သွားရောက်ရန် စာမေးပွဲဖြေဆိုခွင့် လျှောက်လွှာတင်နေကြသူများကို မတ် ၁၃ ရက်က တွေ့ရစဉ်

တောင်ကိုရီးယားနိုင်ငံသို့ သွားရောက်အလုပ်လုပ်ကိုင်ရန်အတွက် ရန်ကုန်တိုင်းဒေသကြီးတွင် စာမေးပွဲဖြေဆိုခွင့်လျှောက်လွှာ ၂၀၀၀၀ ကျော်ထုတ်ပေးထားပြီး နှစ်ရက်အတွင်း လျှောက်လွှာပြန်တင်သူ ၁၀၀၀၀ နီးပါးရှိကြောင်း မတ် ၁၃ ရက်တွင် အလုပ်သမားညွှန်ကြားရေးဦးစီးဌာနမှ သိရသည်။

တောင်ကိုရီးယား-မြန်မာနှစ်နိုင်ငံ ချိတ်ဆက်မှုဖြင့် ကိုရီးယားနိုင်ငံရှိ ဆောက်လုပ်ရေးလုပ်ငန်းများ၊ ကုန်ထုတ်လုပ်မှုလုပ်ငန်းများ၊ စိုက်ပျိုးရေးနှင့် မွေးမြူရေးလုပ်ငန်းများတွင် အလုပ်လုပ်ရန် မြန်မာလုပ်သားများကို ၂၀၁၁ ခုနှစ်ကတည်းက စေလွှတ်ခဲ့ခြင်းဖြစ်သည်။ ၂၀၁၈ ခုနှစ်အတွင်း တောင်ကိုရီးယားသို့ စေလွှတ်ရန်အတွက် ရန်ကုန်တိုင်းနှင့် မန္တလေးတိုင်းတွင် စာမေးပွဲဖြေဆိုခွင့် လျှောက်လွှာများထုတ်ပေးခြင်းနှင့် လျှောက်လွှာပြန်တင်ခြင်းကို မတ် ၁၂ ရက်မှ မတ် ၁၅ ရက်အထိ လုပ်ဆောင်ပေးနေခြင်းဖြစ်သည်။

၂၀၁၇ ခုနှစ်က တောင်ကိုရီးယားနိုင်ငံသို့ သွားရောက်အလုပ်လုပ်ကိုင်ရန် စာမေးပွဲဖြေဆိုခွင့် လျှောက်လွှာများကို ရန်ကုန်တိုင်းဒေသကြီး မြောက်ဒဂုံပင်လုံအလုပ်သမား သင်တန်းကျောင်းတစ်ခုတည်း၌သာ ထုတ်ပေးခဲ့ပြီး လူပေါင်း ၃၃၀၀၀ ကျော်အထိ လာရောက်ထုတ်ယူသဖြင့် လူများစုံပြုံတိုးဝှေ့ခြင်း၊ ခိုက်ရန်ဖြစ်ပွားခြင်းတို့ ဖြစ်ပွားခဲ့သည်။ ယခုနှစ်တွင် ယင်းကဲ့သို့ဖြစ်ပွားခြင်းမရှိစေရန် ကိုရီးယားဘာသာစကား သင်သင်တန်းကျောင်းများသို့ လျှောက်လွှာများ ကြိုတင်ထုတ်ပေးခြင်းနှင့် ရန်ကုန်တိုင်းနှင့် မန္တလေးတို့တွင် နှစ်နေရာခွဲ၍ လျှောက်လွှာထုတ်ယူခြင်းနှင့် လျှောက်လွှာတင်ခြင်းကို ဆောင်ရွက်ပေးလျက်ရှိကြောင်း သိရသည်။

“ပြီးခဲ့တဲ့နှစ်မှာ အခက်အခဲတွေရှိခဲ့တဲ့အတွက် ဒီနှစ်မှာတော့ ကျွန်တော်တို့က ပိုပြီးစနစ်ကျအောင် စီစဉ်တဲ့အတွက် အဆင်ပြေပါတယ်။ မနေ့က (မတ် ၁၂ ရက်) လျှောက်လွှာလာထုတ်သူ ၄၃၀၀ ကျော်ရှိပြီး လျှောက်လွှာလာတင်သူ ၄၉၀၀ ကျော်ရှိပါတယ်။ ဒီနေ့မှာတော့ လျှောက်လွှာလာထုတ်ယူ ၁၃၀၀ ကျော်ရှိပြီး လက်ရှိအချိန်ထိ လျှောက်လွှာပြန်တင်တဲ့သူ ၄၇၀၀ ကျော်လောက်ရှိပါပြီ” ဟု အလုပ်သမားညွှန်ကြားရေးဦးစီးဌာန ရန်ကုန်တိုင်းဒေသကြီးရုံးမှ တိုင်းဦးစီးမှူး ဦးကိုကိုလင်းက ပြောကြားသည်။

နှစ်ရက်အတွင်း လျှောက်လွှာလာထုတ်သူဦးရေနှင့် သင်တန်းကျောင်းများတွင် လျှောက်လွှာကြိုတင်ထုတ်ပေးထားသူဦးရေ ၂၀၀၀၀ ကျော်ရှိပြီဖြစ်ပြီး လျှောက်လွှာလာတင်မှုမှာ နှစ်ရက်အတွင်း ၁၀၀၀၀ ၀န်းကျင်ရှိပြီဖြစ်ကြောင်း သိရသည်။

တောင်ကိုရီးယားသို့ သွားရောက်လိုသူများအနေဖြင့် မတ် ၁၅ ရက်အထိ လျှောက်လွှာထုတ်ယူခြင်းနှင့် လျှောက်လွှာတင်ခြင်းများ ဆောင်ရွက်နိုင်ကြောင်း သိရသည်။

ယင်းကဲ့သို့ လျှောက်လွှာထုတ်ယူခြင်းနှင့် လျှောက်လွှာတင်သွင်းခြင်းကိစ္စများတွင် အဆင်ပြေမှုရှိစေရန် စီစဉ်ပေးထားသော်လည်း အခက်အခဲအချို့ ရှိနေဆဲဖြစ်ကြောင်း လျှောက်လွှာတင်သူတစ်ဦးက ပြောကြားသည်။

“အခက်အခဲ ဖြစ်တာကတော့ ဒေါ်လာလဲတဲ့ကိစ္စပေါ့။ ကျွန်တော်တို့သင်တန်းက ၂၅ ယောက်တစ်ဖွဲ့ကို တစ်ယောက် ၂၄ ဒေါ်လာနဲ့ ၂၅ ယောက်အဖွဲ့အတွက် ဒေါ်လာ ၆၀၀ စီစဉ်ပေးလိုက်ပေမယ့် ဒီရောက်တော့ အဲဒီလိုသွင်းလို့မရဘူးတဲ့။ တစ်ယောက်ချင်းစီ ၂၄ ဒေါ်လာဆိုတော့ မကြာသင့်ဘဲ ကြာသွားတာပေါ့” ဟု သထုံမြို့မှ လာရောက်လျှောက်လွှာတင်သူ ကိုဝင်းလွင်ဦးက ပြောကြားသည်။

မြ၀တီမြို့တွင်ပြုလုပ်သည့် တရားဥပဒေစိုးမိုးမှုမြှင့်တင်ရေး စီမံကိန်း၊ လုံခြုံစိတ်ချရသော ရွှေ့ပြောင်းသွားလာခြင်းနှင့် လူကုန်ကူးမှု တိုက်ဖျက်ရေးဆိုင်ရာဖိုရမ်တွင် အချက်ငါးချက်ကို ဦးတည်ဆွေးနွေး

တရားဥပဒေစိုးမိုးမှု မြှင့်တင်ရေးစီမံကိန်း အကောင်အထည်ဖော်ဆောင်နိုင်ရေး၊ လုံခြုံစိတ်ချရသော ရွှေ့ပြောင်းသွားလာခြင်းနှင့် လူကုန်ကူးမှုတိုက်ဖျက်ရေးဆိုင်ရာ ဖိုရမ်ကို မြ၀တီမြို့ အမှတ် (၄) ရပ်ကွက်၊ ချစ်ကြည်ရေးလမ်းရှိ အောင်ဇမ္ဗူလင်း ဟိုတယ်ခန်းမတွင် ဖေဖော်ဝါရီ ၂၇ ရက်မှ ၂၈ ရက်အထိ နှစ်ရက်ပြုလုပ်ခဲ့ကြောင်း သိရသည်။

အဆိုပါဖိုရမ်အား လူထုအခြေပြု ဖွံ့ဖြိုးတိုးတက်ရေး ကွန်ရက်၊ (TCDN) နှင့် မြ၀တီမြို့ အခြေစိုက်ကလေးသူငယ် ပြုစုစောင့်ရှောက်ရေးဖောင်ဒေးရှင်း (CCF) တို့က ပူးပေါင်းကျင်းပခဲ့ခြင်းဖြစ်ပြီး အချက်ငါးချက်ကိုဦးတည်ပြီး ယင်းအချက်အောက်မှ ခေါင်းစဉ်ငယ်များထုတ်ကာ ဆွေးနွေးခဲ့ကြသည်။

ဖိုရမ်သို့ တက်ရောက်လာသူများက လူကုန်ကူးမှု လျော့ကျလာစေရေး၊ ကလေးသူငယ်များနှင့် အမျိုးသမီးအခွင့်အရေး၊ ရွှေ့ပြောင်းလုပ်သားများ၏ လုံခြုံရေး၊ ရွှေ့ပြောင်းအလုပ်သမားများ၏ ကလေးများအတွက် ကျန်းမာရေးနှင့်ပညာရေး၊ မူးယစ်ဆေးဝါးနှင့် လောင်းကစားကြောင့် လူငယ်လူရွယ်များ ဘ၀ပျက်သုဉ်းလာခြင်းမှ ကာကွယ်ရေးတို့ကို ဆွေးနွေးခဲ့ကြသည်။

ရွှေ့ပြောင်းအလုပ်သမားများ၏ ကလေးများအတွက် ကျန်းမာရေးနှင့် ပညာရေးကဏ္ဍတွင် ပါဝင်ဆွေးနွေးခဲ့သော မြ၀တီမြို့နယ် သင်္ဃန်းညီနောင်၊ ပညာရောင်ခြည် ကျောင်းတိုက်ဆရာတော် အရှင်ပညာဇောတက “မြန်မာနိုင်ငံနဲ့ နယ်စပ်၊ အိမ်နီးချင်းနိုင်ငံများသို့ ရွှေ့ပြောင်းသွားလာ အလုပ်လုပ်ကိုင်ကြတဲ့ မိဘတွေ၊ ယင်းမိဘတွေရဲ့ ကလေးတွေပညာရေးကို ဦးဇင်းကစိတ်ဝင်စားတယ်။ သံဃာတစ်ပါးဖြစ်တဲ့အတွက် တရားဥပဒေစိုးမိုးရေးအပိုင်းကိုတော့ ဆွေးနွေးလို့သိပ်မရပါဘူး။ ကိုယ့်နိုင်ငံမှာ အဆင်မပြေလို့ သူများနိုင်ငံမှာ သွားလုပ်ကြရတယ်။ မည်သည့်နိုင်ငံမှာမဆို တရားဥပဒေစိုးမိုးမှုမရှိဘဲနဲ့တော့ ဘယ်နေရာမှာမှ ငြိမ်းအေးမှုမရနိုင်ပါဘူး။ တရားဥပဒေစိုးမိုးမှုဆိုတာ မည်သည့်နိုင်ငံမှာမဆို အလွန်တရာမှ အရေးကြီးပါတယ်။ တရားဥပဒေစိုးမိုးမှု မြှင့်တင်ရေး ခေါင်းစဉ်အောက်မှာ ရွှေ့ပြောင်းလုပ်သမားများ၏ ကလေးများအတွက် ကျန်းမာရေးနှင့် ပညာရေးကဏ္ဍအပါအ၀င် အခြားကဏ္ဍတွေမှာလည်း ပါဝင်ဆွေးနွေးကြတဲ့အတွက် တစ်ဦးနဲ့တစ်ဦး အမြင်တိုးတက်လာမယ်။ သက်ဆိုင်ရာကလည်း ဒီအကြောင်းအရာတွေကို နားထောင်ခဲ့ရရင် သူတို့အတွက် အထောက်အပံ့ဖြစ်သွားမှာဖြစ်သလို ပြည်သူတွေအတွက်လည်း အများကြီးလုပ်ပေးနိုင်မယ်လို့ မျှော်လင့်ပါတယ်” ဟုမိန့်ကြားသည်။

ထိုင်းနိုင်ငံအတွင်းရှိ အထောက်အထား ကိုင်ဆောင်ထားသည့် ရွှေ့ပြောင်းမြန်မာလုပ်သားများအား ဗီဇာနှင့်အလုပ်လုပ်ခွင့်ပါမစ်သက်တမ်း နှစ်နှစ်တိုးပေးခြင်း ထိုင်းအစိုးရ စတင်လုပ်ဆောင်

အထောက်အထားမရှိသဖြင့် နေရပ်သို့ပြန်လာသည့် ထိုင်းရောက် မြန်မာရွှေ့ပြောင်းလုပ်သားများကို ဖေဖော်ဝါရီလဆန်းပိုင်းက တွေ့ရစဉ် (ဓာတ်ပုံ-ရွှေသိန်း)

ထိုင်းနိုင်ငံအတွင်းရှိ အထောက်အထားကိုင်ဆောင်ထားသည့် ရွှေ့ပြောင်းမြန်မာလုပ်သားများအနေဖြင့် ထိုင်းအစိုးရက ဖေဖော်ဝါရီ ၅ ရက်တွင် စတင်ဖွင့်လှစ်လိုက်သည့် OSS Data Entry စခန်းများတွင် ဗီဇာနှင့်အလုပ်လုပ်ခွင့်ပါမစ် သက်တမ်းတိုးခြင်းလုပ်ငန်းများကို စတင်လုပ်ဆောင်ပေးနေကြောင်း ထိုင်းနိုင်ငံဆိုင်ရာ မြန်မာသံရုံးအလုပ်သမားသံအရာရှိရုံးက အသိပေးထုတ်ပြန်ထားသည်။

အဆိုပါထုတ်ပြန်ချက်တွင် ပန်းရောင်ကတ်ကိုင်ဆောင်၍ နိုင်ငံသားစိစစ်ပြီး (စီအိုင်စာအုပ် သို့မဟုတ် နိုင်ငံကူးလက်မှတ် ကိုင်ဆောင်ထားသည့်) အလုပ်သမားများအနေဖြင့် ထိုင်းအစိုးရက ဖေဖော်ဝါရီ ၅ ရက်က ဖွင့်လှစ်လိုက်သည့် OSS Data Entry များသို့သွားရောက်ပြီး ဗီဇာနှင့်အလုပ်လုပ်ခွင့်ပါမစ် သက်တမ်းနှစ်နှစ် ထပ်မံသက်တမ်းတိုး ဆောင်ရွက်နိုင်ကြောင်း ထုတ်ပြန်ထားသည်။

ထို့အတူ ပန်းရောင်ကတ်ကိုင်ဆောင်၍ နိုင်ငံသားစိစစ်ခြင်းမပြုရသေးသည့် အလုပ်သမားများ (စီအိုင်စာအုပ် သို့မဟုတ် နိုင်ငံကူးလက်မှတ် မထုတ်ရသေးသည့်သူများအနေဖြင့် စီအိုင်ထုတ်ပေးရေးစခန်းများသို့မဟုတ် ထိုင်းနိုင်ငံမြန်မာသံရုံးရှိ (မနလ) ရုံးသို့သွားရောက်ပြီး အထောက်အထားထုတ်ယူနိုင်ပြီး မိမိနေထိုင်ရာဒေသရှိ OSS Data Entry စခန်းသို့သွားရောက်ပြီး ဗီဇာသက်တမ်းတိုးခြင်းနှင့် အလုပ်လုပ်ခွင့်ပါမစ် သက်တမ်းတိုးခြင်း ဆောင်ရွက်နိုင်သည့်အပြင် ကြိုတင်သွားရောက်ပြီး မှတ်ပုံတင်ထားနိုင်ကြောင်း ထုတ်ပြန်ထားသည်။

ထို့ပြင်အလုပ်ရှင်၊ အလုပ်သမားမှန်ကန်ကြောင်း စာရွက်ကိုင်ဆောင်ထားသည့် စီအိုင်ရရှိထားသည့် အလုပ်သမားများအနေဖြင့်လည်း ဗီဇာသက်တမ်းတိုးခြင်းနှင့် အလုပ်လုပ်ခွင့်ပါမစ် သက်တမ်းတိုးခြင်းများကို ဆောင်ရွက်နိုင်ကြောင်း၊ အလုပ်ရှင်အလုပ်သမား မှန်ကန်ကြောင်း စာရွက်ကိုင်ဆောင်ထားသူများနှင့် သက်တမ်းကုန်ဆုံးထားပြီးဖြစ်သည့် ရေလုပ်သား ပန်းရောင်ကတ်ကိုင်ဆောင်ထားပြီး (နိုင်ငံသားစိစစ်ခြင်း မပြုရသေးသည့်) အလုပ်သမားများအနေဖြင့်လည်း ဗီဇာသက်တမ်းတိုးခြင်းနှင့် အလုပ်လုပ်ခွင့်ပါမစ် သက်တမ်းတိုးခြင်းများ ဆောင်ရွက်နိုင်ကြောင်း ထိုင်းနိုင်ငံဆိုင်ရာ မြန်မာသံရုံးအလုပ်သမားသံအရာရှိရုံးက ထုတ်ပြန်ထားသည်။

သို့သော် ထိုင်းအစိုးရက ဖေဖော်ဝါရီ ၅ ရက်တွင် ဖွင့်လှစ်ခဲ့သည့် OSS Data Entry စခန်းများမှာ ပန်းရောင်ကတ်ထပ်မံထုတ်ပေးခြင်းများမဟုတ်ဘဲ နိုင်ငံသားစိစစ်ပြီး အလုပ်သမားများနှင့် နိုင်ငံသားစိစစ်ခြင်းမပြုရသေးသော အလုပ်သမားများအတွက် ထိုင်းအစိုးရမှ အချက်အလက်မှတ်ပုံတင်ခြင်း၊ နေထိုင်ခွင့်နှင့် အလုပ်လုပ်ကိုင်ခွင့် သက်တမ်းနှစ်နှစ်ရရှိနိုင်ရန် ဆောင်ရွက်ပေးခြင်းဖြစ်ကြောင်း အသိပေးထုတ်ပြန်ထားသည်။

ကချင်ပြည်နယ်တွင် ရွှေ့ပြောင်းလုပ်သားအဖြစ် ရောက်ရှိနေသည့် ရခိုင်တိုင်းရင်းသား နှစ်သိန်းဝန်းကျင် ရှိနေ

ကချင်ပြည်နယ်တွင် ရခိုင်ပြည်နယ်မှ ရွှေ့ပြောင်းလုပ်သားအဖြစ် ရောက်ရှိနေသည့် ရခိုင်တိုင်းရင်းသား နှစ်သိန်းဝန်းကျင် ရှိနေကြောင်း ရခိုင်စာပေနှင့် ယဉ်ကျေးမှုအဖွဲ့၏ ပြောကြားချက်အရ သိရသည်။ ကချင်ပြည်နယ်တွင် ရခိုင်တိုင်းရင်းသားအများစုမှာ ဖားကန့်ကျောက်စိမ်းမှော်များ၊ ရွှေမှော်များ၊ ပယင်းမှော်များ၊ တရုတ်တစ်ရှူး ငှက်ပျောစိုက်ခင်းများတွင် ရွှေ့ပြောင်းလုပ်သားများအဖြစ် ရောက်ရှိနေခြင်းဖြစ်ကြောင်း ရခိုင်စာပေနှင့် ယဉ်ကျေးမှုအဖွဲ့ ဒုဥက္ကဋ္ဌ ဦးဖြူတာချေက ဆိုသည်။

၎င်းက “ကချင်ပြည်နယ်မှာ ၂၀၁၁ ခုနှစ်ကာလမှာ ကချင်ပြည်နယ်အနှံ့ စာရင်းကောက်တော့ ဖားကန့်ဒေသတစ်ခုတည်းမှာ တစ်သိန်းကျော်ရှိတယ်။ တခြားတနိုင်း၊ ယုဇန၊ ၀ိုင်းမော်၊ ဗန်းမော်၊ ပူတာအိုဘက်တွေရောဆိုရင် တစ်သိန်းခုနစ်သောင်းကျော် ကောက်လို့ရတယ်။ လက်ရှိမှာလည်း တစ်သိန်းရှစ်သောင်းလောက် ရှိနေမယ်လို့ ခန်မှန်းထားပါတယ်။ အရေအတွက် အတိအကျတော့ ဘယ်လိုမှမရနိုင်ပါဘူး။ နေရာမမြဲဘဲ အမြဲပြောင်းနေကြတာ” ဟု ပြောကြားသည်။

မြစ်ကြီးနားအခြေစိုက်တွင် တစ်ဦးချင်းများရှိနေသကဲ့သို့ မိသားစုအလိုက် ပြောင်းရွှေ့လုပ်ကိုင်ခြင်းများ ရှိနေခြင်းကြောင့် ကလေးသူငယ် ပညာရေးများတွင် ထိခိုက်မှုများစွာ ရှိနေဆဲဖြစ်ကြောင်း၊ ပြည်တွင်းစစ်ကြောင့်လည်း ရခိုင်ပြည်နယ်သို့ အစိုးရအစီအစဉ်ဖြင့် လူ ၁၀၀၀ နီးပါးမှာ ၂၀၁၄ ခုနှစ်က သုံးစုခွဲ၍ ပြန်သွားကြောင်း သိရသည်။

ဦးဖြူတာချေက “ရခိုင်မိသားစုတွေက ဟိုရွှေ့ဒီရွှေ့ဆိုတော့ ကလေးတွေ ပညာရေးဆုံးရှုံးတာက အများကြီးဖြစ်နေတယ်။ ကလေးတွေက မိဘနောက်လိုက်နေရတော့ အလုပ်အခြေအနေပေါ် မူတည်နေတယ်။ ဘယ်လိုမှ ဖြေရှင်းလို့မရတဲ့ အခြေအနေပေါ့။ ကချင်ပြည်နယ်မှာက စစ်ဖြစ်တော့ ၂၀၁၄ ခုနှစ်မှာ ပထမအသုတ်မှာ ၁၈၂ ဦး၊ ဒုတိယအသုတ်မှာ ၂၃၄ ဦး၊ တတိယအသုတ်မှာ ၅၀၈ ဦးပြန်သွားတယ်။ အားလုံးအိမ်ထောင်စုတွေချည်းပဲ။ ဒီမှာလုံခြုံရေးနဲ့ လုပ်ငန်းမရှိတော့ အဲဒီလိုဖြစ်သွားတာ။ နောက်ဆုံးအသုတ်ကိုတော့ အစိုးရကရော သက်ဆိုင်ရာတွေရော စီစဉ်ပြီး ရသေ့တောင် မဇဲကျွန်းက ခြေရာတော်ကျေးရွာမှာ ပြန်လည်ထူထောင်ရေးတွေ လုပ်ပေးနိုင်ခဲ့ကြတယ်။ တချို့လည်း လတ်တလောဝမ်းရေးကြောင့် အခြားဒေသတွေကို ပြန်ထွက်သွားတာမျိုးလည်း ရှိနေပါတယ်” ဟု ပြောကြားသည်။

ကချင်ပြည်နယ် မြစ်ကြီးနား၊ မိုးညှင်း၊ ဖားကန့်မြို့များတွင် ရခိုင်စာပေနှင့် ယဉ်ကျေးမှုအဖွဲ့ရုံးများ ဖွင့်လှစ်ထားကြောင်း၊ တိုင်းရင်းသားရေးရာဝန်ကြီးများ မရှိသည့်အတွက် အခက်အခဲပေါင်းစုံကို မနိုင်ဝန်ထမ်းနေရကြောင်း ဦးဖြူတာချေက ဆိုသည်။

“ကချင်မှာ စာပေနှင့် ယဉ်ကျေးမှုအဖွဲ့ ဖွဲ့နိုင်တာက ၂၀၁၁ ခု နှစ်မှာ ဖြစ်ပါတယ်။ ပြဿနာတွေ ပေါင်းစုံရှိတယ်။ ပညာရေး၊ ကျန်းမာရေး၊ လူမှုရေး။ ဒီမှာနေတဲ့ တရားဝင် ရခိုင်တိုင်းရင်းသားက ၆၀၀၀ ကျော်ပဲ ရှိတယ်။ တိုင်းရင်းသားရေးရာဝန်ကြီး မရဘူး။ အားကိုးစရာ မရှိဘူးပေါ့။ တရုတ်နိုင်ငံဘက်ကိုလည်း ကချင်ကနေတစ်ဆင့် ရောက်သွားကြတော့ မကြားသင့်တာ ကြားနေရတယ်။ မိဘရင်ခွင်မရှိတဲ့ ကလေးတွေလို ဖြစ်သွားတာ သူများနိုင်ငံမှာ။တချို့လည်း ပြောပြလို့မသင့်တဲ့ ပြဿနာတွေ အများကြီးရယ်” ဟု ဦးဖြူတာချေက ပြောကြားသည်။

ကချင်ပြည်နယ်အတွင်းသို့ ရခိုင်တိုင်းရင်းသားများ ရောက်ရှိလာရသည့် အကြောင်းရင်းမှာ ရခိုင်ပြည်နယ်တွင် အလုပ်အကိုင်ရှားပါးခြင်းသာ အဓိက အကြောင်းအရင်းဖြစ်ကြောင်း ရခိုင်စာပေနှင့် ယဉ်ကျေးမှုအဖွဲ့က ဆိုသည်။

“ကချင်ကို ကျွန်တော်ရောက်တာ နှစ်ပေါင်း ၄၀ ကျော်ပြီ။ ၁၉၇၉ ခုနှစ်မှာ မြစ်ကြီးနားမှာ ရခိုင်တိုင်းရင်းသား လေးဦးပဲရှိတယ်။ ၁၉၉၀ ခုနှစ်မှာ ဖားကန့်မှာ အရမ်းများလာပြီ။ ၂၀၀၀ ပြည့်နှစ်နောက်ပိုင်းမှာ အရမ်းကိုများလာတော့တာ ပြည်နယ်အနှံ့ကို ဖြစ်လာတာ။ အခု ရခိုင်ပြည်နယ်မှာလည်း တိုးတက်သင့်သလောက် တိုးတက်လာတယ်။ ဒီလိုဆိုရင် ပြန်ဖို့ဖြစ်လာနိုင်တယ်။ ဒီလိုမဟုတ်ဘဲ စီးပွားရေး အခွင့်အလမ်းအရ ကချင်ပြည်နယ်မှာ ပိုကောင်းနေရင် ထပ်ရောက်လာကြဦးမှာပါ” ဟု ဆိုသည်။

မြန်မာနိုင်ငံ၌ ရန်ကုန်တိုင်းနှင့် ဧရာဝတီတိုင်းတွင် တရားဝင်နေထိုင်သည့် ရခိုင်တိုင်းရင်းသား လူဦးရေပြည့်မီသဖြင့် ရခိုင်တိုင်းရင်းသားရေးရာဝန်ကြီးများ ခန့်အပ်ထားကြောင်း သိရသည်။

ထိုင်းနိုင်ငံအတွင်း ဖမ်းဆီးရေး ဆိုင်းငံ့ကာလနှင့် CI ပြုလုပ်ရန် သတ်မှတ်ကာလမှာ ဒီဇင်ဘာ ၃၁ ရက်တွင် ပြီးဆုံးမည် ဖြစ်သော်လည်း CI စာအုပ် ပြုလုပ်ဆဲသူများအား အချိန်ခြောက်လ တိုးပေးထားကြောင်း သိရ

ထိုင်းနိုင်ငံအတွင်း အလုပ်လုပ်ကိုင်နေကြသည့် မြန်မာနိုင်ငံသား အလုပ်သမားများအား တွေ့ရစဉ်

ထိုင်းနိုင်ငံအတွင်း အလုပ်လုပ်ကိုင်နေကြသည့် အထောက်အထားမဲ့ မြန်မာနိုင်ငံသားများ အထောက်အထား ပြုလုပ်ရန် ဖမ်းဆီးရေး ဆိုင်းငံ့ကာလနှင့် CI ပြုလုပ်ရန် သတ်မှတ်ကာလမှာ ဒီဇင်ဘာ ၃၁ ရက်တွင် ပြီးဆုံးမည် ဖြစ်သော်လည်း CI စာအုပ် ပြုလုပ်ဆဲသူများအတွက် အချိန်ခြောက်လ တိုးပေးထားကြောင်း သိရသည်။

“ထိုင်းရောက် အထောက်အထားမဲ့ အလုပ်သမားတွေကို အထောက်အထား ပြုလုပ်ရန် ဖမ်းဆီးရေး ဆိုင်းငံ့ကာလ ခြောက်လဟာ အခု ဒီဇင်ဘာလကုန်မှာ အချိန်ပြည့်ပြီ ဖြစ်ပေမယ့် CI (မည်သူမည်ဝါဖြစ်ကြောင်း ထောက်ခံချက်) စာအုပ်လုပ်ဖို့ ကျန်ရှိနေတဲ့ အလုပ်သမားတွေအတွက် အချိန်ခြောက်လကို ထိုင်းအစိုးရက ထပ်မံတိုးပေး လိုက်ပါတယ်။ ဒီလို တိုးပေးလိုက်တဲ့ အချိန်ခြောက်လဟာ ထိုင်းနိုင်ငံမှာ ရောက်ရှိနေပြီး CI စာအုပ် ဆက်လုပ်နေတဲ့ CI လုပ်ငန်း မပြီးပြတ်သေးတဲ့  အလုပ်သမားတွေ အတွက်သာ ဖြစ်တယ်လို့ သိရပါတယ်” ဟု မြန်မာပြည်သားများအရေး ပူးတွဲလှုပ်ရှားမှုကော်မတီ (JACBA) ဥက္ကဋ္ဌ ဦးမိုးကြိုးက ပြောကြားသည်။

ထိုင်းနိုင်ငံအတွင်း နေထိုင်ပြီး မည်သည့် အထောက်အထားမှလည်း မရှိ၊ CI စာအုပ်လည်း မလုပ်သည့် အလုပ်သမားများအား ဒီဇင်ဘာလကုန်လျှင် ပြစ်ဒဏ်ဆိုင်းငံ့ကာလ ကုန်ဆုံးပြီ ဖြစ်သည့်အတွက် ထိုင်းအစိုးရက အသစ်ပြဋ္ဌာန်းထားသော နိုင်ငံခြားသား အလုပ်သမား ဥပဒေအတိုင်း ဖမ်းဆီးပြစ်ဒဏ် ပေးတော့မည်ဖြစ်ကြောင်း သိရသည်။

“CI စာအုပ် လျှောက်ထားဆဲတွေသာ ဆက်လက်နေထိုင်ခွင့်ရှိပြီး နောက်ထပ်အသစ်လျှောက်မယ် ဆိုရင်ကော ဆက်လက်နေထိုင်ခွင့် မရဘူးဆိုတဲ့ သဘောပါပဲ အမှန်က အခုကတည်းက CI စာအုပ်ကို မြန်မြန်လျှောက်ကြဖို့ တပ်လှန့်တာလည်း ပါတယ်လေ၊ အထောက်အထားမဲ့ကနေ လူသစ်ဘ၀ ရောက်ရသူတွေက ဒီဇင်ဘာလမှာ CI လျှောက်ထားခွင့် ကုန်မယ်။ ပန်းရောင်ကတ် ကိုင်ဆောင်ထားတဲ့လူ ဟောင်းတွေက၂၀၁၈ ခုနှစ် မတ်လကုန်အထိ နေထိုင်လုပ်ကိုင်ခွင့် ရှိပါတယ်” ဟု ဦးမိုးကြိုးက ဖြည့်စွက်ပြောကြားသည်။

ထိုင်းနိုင်ငံအတွင်း အလုပ်လုပ်ကိုင်နေပြီး အထောက်အထား မပြည့်စုံသူ၊ ပတ်စပို့သက်တမ်းကုန်ခါနီး ပတ်စပို့စာအုပ်လုပ်ရန် အခက်အခဲ ရှိသူများကို သတ်မှတ်ကာလအတွင်း CI စာအုပ်များ ပြုလုပ်ပေးနိုင်ရန်လည်း ထိုင်းအလုပ်သမား ၀န်ကြီးက မှာကြားထားသည်ဟု ဆိုသည်။

“ပန်းရောင်ဘတ်၊ ပတ်စပို့ (အနီ)နှင့် (ခရမ်းရောင်) ကိုင်ဆောင်ထားသူတွေက ပတ်စပို့စာအုပ် ပြန်လုပ်ဖို့  အခက်အခဲ ရှိတဲ့အတွက် သက်တမ်းမကုန်သေးတဲ့ သူတွေပဲ (သက်တမ်းမကုန်မီ) CI လုပ်ရမှာ ဖြစ်ပါတယ်။ ပတ်စပို့အသစ် ပြန်လျှောက်ရင် အချိန်ကုန်တာရယ် နောက်ပြီး ပတ်စပို့ လျှောက်တဲ့အခါ လိုအပ်တဲ့ အထောက်ထားတွေ မပြည့်စုံကြတာရယ်။ အလုပ်သမား အများစုမှာ အိမ်ထောင်စုစာရင်း မရှိသူတွေ မှတ်ပုံတင် မရှိသူတွေ များပါတယ်” ဟု မြန်မာ့အလုပ်သမားများ အရေးကို ကူညီဆောင်ရွက်ပေးနေသူ  ကိုစိုးလင်းအောင်က ပြောကြားသည်။