ဥရောပတွင် သဘောထားတင်းမာသူများ အားကောင်းလာမှုက ရွှေ့ပြောင်းအခြေချ ကိုင်တွယ်မှုဆိုင်ရာ ပဋိပက္ခသို့ ဦးတည်နေ

ဇွန် ၁၃ ရက်က စစ္စလီမြို့ ကာတာနီယာဆိပ်ကမ်းတွင် ကယ်ဆယ်မှု ပြုလုပ်ခဲ့ပြီးနောက် အီတလီ ကမ်းရိုးတန်းစောင့်သင်္ဘော Piciotti ကို တွေ့ရစဉ် (Photo : AFP)

ရွှေ့ပြောင်းအခြေချ ရာပေါင်းများစွာ လိုက်ပါလာသော Aquarius သင်္ဘောအား လက်ခံရန် အီတလီ၏ ငြင်းဆန်ခဲ့မှုကို ပြင်သစ်မှလွဲ၍ ဥရောပသမဂ္ဂ၏ ကျန်အဖွဲ့အချို့ထံမှ ကန့်ကွက်မှု မဆိုစလောက်သာ ကြုံတွေ့ခဲ့ရမှုက သဘောထားတင်းမာသူများသည် ယခုအခါ ရွှေ့ပြောင်းအခြေချဆိုင်ရာ ပဋိပက္ခအား အဖြေရှာမှုတွင် ပုံဖော်နေသည့် လက္ခဏာ ဖြစ်ကြောင်း လေ့လာသူများက ရှုမြင်ခဲ့သည်။

ရောမ၏ တာဝန်ယူမှု မရှိခြင်းအား ပြင်သစ်သမ္မတ အီမန်နျူရယ်မက်ခရွန်က ရှုတ်ချခဲ့သော်လည်း ယခုအခါ ဥရောပသမဂ္ဂ၏ ပြင်ပနယ်စပ်များအား ကြိုတင်ကာကွယ်ရန်အတွက် အာရုံစိုက်နေသည့် အဖွဲ့ဝင်နိုင်ငံများအား မစည်းရုံးနိုင်ခဲ့ပေ။ ဘရပ်ဆဲ အခြေစိုက် ဥရောပသမဂ္ဂ၏ အုပ်ချုပ်ရေး လက်တံဖြစ်သည့် ဥရောပကော်မရှင် ကိုယ်တိုင် အဖွဲ့ဝင် ၂၈ နိုင်ငံအကြား ညီညွတ်ရန်နှင့် ပင်လယ်ထဲ မျောပါနေသော ရွှေ့ပြောင်းအခြေချများအား လူသားဆန်ဆန် ပြုမူရန်အတွက် တောင်းဆိုရာတွင် ကန့်သတ်ခံနေရသည်။

ရောမက Aquarius သင်္ဘောအား ငြင်းဆန်လိုက်ခြင်းက ပြီးခဲ့သော ငါးနှစ်ခန့်က ဥရောပနိုင်ငံများ၏ သဘောထားကို လုံးလုံးလျားလျား ပြောင်းလဲလိုက်မှု၏ အမှတ်အသားဖြစ်ကြောင်း ပြင်သစ်နိုင်ငံ Nantes တက္ကသိုလ်မှ သုတေသီ Yves Pascouau က ပြောကြားခဲ့သည်။ ၂၀၁၃ ခုနှစ်တွင် အိမ်နီးချင်းနိုင်ငံများ၏ တုံ့ပြန်မှု ကင်းမဲ့နေချိန်၌ အီတလီသည် ရေကြောင်းဆိုင်ရာ လူသားချင်းစာနာမှုမစ်ရှင် Mare Nostrum ကို စတင်ခဲ့ခြင်းအား ၎င်းက ရည်ညွှန်းခဲ့သည်။

Aquarius ဆိုင်ရာ အချင်းများမှုသည် ဥရောပသမဂ္ဂ နယ်စပ်များအား ပိတ်ပင်လိုနေသည့် သဘောထား ပိုမိုတင်းမာသူများအတွက် အောင်ပွဲဖြစ်ကြောင်း ပြသနေသည်ဟု Pascouau က ဆိုခဲ့သည်။

သဘောထား အလွန်အမင်း ကွဲပြားနေမှု

ဟန်ဂေရီ၊ ချက်၊ ဆလိုဗေးနီးယားနှင့် ပိုလန်တို့ကဲ့သို့ ဥရောပသမဂ္ဂထဲမှ ကွန်မြူနစ်နိုင်ငံဟောင်းများသည် ဒုတိယကမ္ဘာစစ်နောက်ပိုင်း ဥရောပအတွက် အဆိုးရွားဆုံး လူသားချင်းစာနာမှု အကျပ်အတည်း ကြုံခဲ့ရသည့် ၂၀၁၅ ခုနှစ်တွင် အဖွဲ့က သဘောတူခဲ့သည့် ရွှေ့ပြောင်းအခြေချဝေစု လက်ခံရေးကို လုံးဝလက်မခံခြင်း သို့မဟုတ် ဆန့်ကျင်ခြင်း ပြသခဲ့ကြသည်။ သို့သော် ဥရောပသမဂ္ဂ အဖွဲ့ဝင်နိုင်ငံ အများအပြားကမူ ထိုအစီအစဉ်၌ ပူးပေါင်းပါဝင်ခဲ့ကြသည်။

ဥရောပသမဂ္ဂသည် အစောပိုင်းတွင် အရှေ့နှင့်အနောက် ကွဲပြားခဲ့ကြကြောင်း၊ သို့သော် လက်ယာစွန်းဝါဒီများ အာဏာရရှိခဲ့သည့် အီတလီနှင့် သြစတြီးယားတို့ အပါအ၀င် နိုင်ငံအများအပြား၌ ရွှေ့ပြောင်းအခြေချများအား ဆန့်ကျင်သည့် အယူအဆများသည် ရွေးကောက်ပွဲများ၌ အားကောင်းခဲ့ပြီး အခြေအနေသည် ပြောင်းလဲသွားခဲ့ကြောင်း စပိန်ပညာရှင်အဖွဲ့ CIDOB မှ အလီနာဆန်းချက်ဇ်မွန်တီဂျာနိုက ထောက်ပြခဲ့သည်။

ခိုလှုံခွင့်တောင်းခံသူ အလုံးအရင်းဖြင့် ၀င်ရောက်လာမှုအား လက်ခံခဲ့သော ဂျာမနီဝန်ကြီးချုပ် အင်ဂျလာမာကယ်သည်လည်း ရွှေ့ပြောင်းအခြေချများအား သဘောထား တင်းမာသည့် ပြည်ထဲရေးဝန်ကြီး Horst Seehofer နှင့် ထိပ်တိုက်တွေ့နေကြောင်း ၎င်းကဆိုခဲ့သည်။

ဇူလိုင်တွင် ဥရောပသမဂ္ဂ အလှည့်ကျဥက္ကဋ္ဌရာထူးကို ထမ်းဆောင်မည့် သြစတြီးယားမှ ၀န်ကြီးချုပ် ဆီဘက်စတန်ကားဇ်က ဥရောပသမဂ္ဂ ပြင်ပနယ်စပ်များအား ကြိုတင်ကာကွယ်နိုင်ရန် လိုအပ်သော အရာများကို အာရုံစိုက်သွားမည်ဟု ပြောကြားခဲ့သည်။ ထို့ပြင် စစ်မှန်သော ခိုလှုံခွင့်တောင်းခံသူနှင့် စီးပွားရေးအရ ရွှေ့ပြောင်းအခြေချများအား ခွဲခြားပစ်ရန်အတွက် ဥရောပသမဂ္ဂ ပြင်ပ၌ ကြိုဆိုလက်ခံရေး စင်တာများဟုခေါ်သော စခန်းများကို တည်ဆောက်ရန် ဒိန်းမတ်ကဲ့သို့ နိုင်ငံများနှင့် လုပ်ဆောင်နေသည်ဟု ဗီယင်နာက အတည်ပြုခဲသ့ည်။

ဥရောပသို့ အဓိက ၀င်ပေါက်များဖြစ်ကြသော အထူးသဖြင့် တူရကီနှင့် လစ်ဗျားကဲ့သို့နိုင်ငံများနှင့် ဥရောပသမဂ္ဂအကြား သဘောတူညီချက်များ ရရှိခဲ့ပြီးနောက် ခိုလှုံခွင့် တောင်းခံသူများ ၀င်ရောက်မှုသည် အလွန်အမင်း ကျဆင်းခဲ့သော်လည်း ထိုကိစ္စသည် ဥရောပသမဂ္ဂ အဖွဲ့ဝင်နိုင်ငံအချို့တွင် နိုင်ငံရေးဆိုင်ရာ အဓိက အကြောင်းအရာအဖြစ် မြင့်တက်လာခဲ့ကြောင်း Carnegie Europe မှ ကျွမ်းကျင်ပညာရှင် စတက်ဖန်လမ်းက ပြောကြားခဲ့သည်။

အသက်မဲ့နေသော အဆိုပြုချက်

ဒဗ္ဗလင်စည်းမျဉ်းများ ဟုခေါ်သည့် ဥရောပသမဂ္ဂသို့ ခိုလှုံခွင့်တောင်းခံမှုဆိုင်ရာ စည်းမျဉ်းများအား ပြုပြင်ပြောင်းလဲရန်အတွက် နှစ်ပေါင်းများစွာ ခက်ခက်ခဲခဲ ညှိနှိုင်းဆွေးနွေး ခဲ့ကြသော်လည်း သဘောတူညီချက် မရသေးပေ။

လက်ရှိစည်းမျဉ်းများအရ ရွှေ့ပြောင်းအခြေချများ ပထမဆုံး ၀င်ရောက်လာသော နိုင်ငံများက ၎င်းတို့၏ ခိုလှုံခွင့် တောင်းခံမှုများကို စိစစ်ပေးရမည်ဖြစ်ရာ ဂရိနှင့်အီတလီတို့အတွက် မမျှတသော ၀န်ထုပ်ဝန်ပိုး ဖြစ်စေခဲ့ဟု ဝေဖန်သူများက ပြောကြားခဲ့ကြသည်။ သို့သော် ထိုစည်းမျဉ်းများအား ပြုပြင်ပြောင်းလဲမှု လုပ်ဆောင်ရန် ဘရပ်ဆဲတွင် ထိပ်သီး ကျင်းပမည့် ဇွန် ၂၈-၂၉ ရက်ကို နောက်ဆုံးအချိန် သတ်မှတ်ထားမှုသည် နီးကပ်လာချိန်တွင် ခိုလှုံခွင့် တောင်းခံသူများအား နေရာပြန်လည်ချထားရေးနှင့် ပတ်သက်၍ အဖွဲ့ဝင် နိုင်ငံများအကြား မဆုတ်သာ မတိုးသာ အခြေအနေ ကြုံနေရဆဲ ဖြစ်သည်။

ဥရောပကော်မရှင်၏ အဆိုပြုချက်သည် အခြေခံအားဖြင့် အသက်မဲ့နေပြီး အီတလီအစိုးရသစ်နှင့် နိုင်ငံအချို့က ဥရောပသို့ ရွှေ့ပြောင်းအခြေချများ မ၀င်လာနိုင်စေရန် ကြိုတင်ဟန့်တားမှုသည် အကောင်းဆုံး နည်းလမ်းအဖြစ် ရှုမြင်ခဲ့ကြောင်း လမ်းက ပြောကြားခဲ့သည်။

Ref : AFP

ထိုင်းရောက် မြန်မာအလုပ်သမားများ စုပေါင်းတည်ထား ကိုးကွယ်မည့် ရွှေတိဂုံပုံတူ စေတီတော်မြတ်ကြီးအား ရွှေထီးတော်တင်လှူပူဇော်

မြန်မာအလုပ်သမားများ စုပေါင်းတည်ထား ကိုးကွယ်မည့် ရွှေတိဂုံပုံတူ စေတီတော်မြတ်ကြီးအား ရွှေထီးတော်တင်လှူပူဇော်မှု အခမ်းအနား မြင်ကွင်း

ထိုင်းနိုင်ငံ စမွတ်ပရာကန်ခရိုင် ဖာ့ပဒဲန်းမြို့၊ ဆုစ၀ပ်(၇၄)လမ်းရှိ ၀ပ်ချုံကျောင်းတိုက်၌  မြန်မာအလုပ်သမားများ စုပေါင်း၍တည်ထားကိုးကွယ်မည့် ရွှေတိဂုံပုံတူ စေတီတော်မြတ်ကြီး စိန်ဖူးတော်၊ ထီးတော်တင်မင်္ဂလာ အခမ်းအနားကို မေ ၁ ရက် နံနက် ၉ နာရီက ကျင်းပပြုလုပ်ခဲ့သည်။

ရွှေတိဂုံပုံတူစေတီတော် ထီးတော်တင်လှူပွဲသို့ ထိုင်းနိုင်ငံဆိုင်ရာ မြန်မာသံရုံးမှ သံအမတ်ကြီး ဦးမျိုးမြင့်သန်း၊ ဒုတိယသံအမတ် ဦးချမ်းအေး၊ အလုပ်သမား သံအရာရှိ ဦးစန်းမောင်ဦးနှင့် ပြည်ပအလုပ်အကိုင်ရှာဖွေးရေး အေဂျင်စီများအဖွဲ့ချုပ် (MOEAF) မှဥက္ကဋ္ဌနှင့် တာဝန်ရှိသူများ၊ မြန်မာအလုပ်သမားရေး ဆောင်ရွက်နေကြသည့် အဖွဲ့စည်းများ လူမှုအသင်ဖွဲ့များနှင့် ဖိတ်ကြားထားသည့် ဧည့်သည်တော်များ အလုပ်သမား သောင်းနှင့်ချီ၍ တက်ရောက်ကြည်ညိုခဲ့ကြာင်း သိရသည်။

ထိုင်းနိုင်ငံဆိုင်ရာ မြန်မာသံရုံးမှ သံအမတ်ကြီး ဦးမျိုးမြင့်သန်းက “ကုသိုလ်ရေး ကောင်းတဲ့အလုပ် လုပ်ကြတာကို လာအားပေးတာ၊ မြန်မာနိုင်ငံသား အလုပ်သမားတွေ ချွေးနည်းစာလေးတွေနဲ့ ၀ိုင်းဝန်းလုပ်ကြလို့ သံရုံးမှလည်း ပေ ၁၀၀ ပတ်လည်ကြွေပြား လှူဒါန်းပေးခဲ့ပါတယ်။ အလုပ်သမားတွေ ညီညီညွတ်ညွတ်နဲ့ အလုပ်လည်းလုပ်ရင်း ကုသိုလ်လည်း ရှာကြတာ ၀မ်းသာပါကြောင်းနှင့် အလုပ်သမားများ အနေဖြင့်လည်း အိမ်ရှင်နိုင်ငံ၏ ဥပဒေများကို လေးစားလိုက်နာပြီး အလုပ်လုပ်ကိုင်ကြဖို့ ပြောကြားလိုပါတယ်” ဟု ပြောကြားသည်။

ရွှေတိဂုံပုံတူ စေတီတော်မြတ်ကြီး စတင်တည်ထားရန် ဘန်ကောက်မြို့နယ် ပချာအူထစ် (၁၁) လမ်းရှိ ဟုန်စိန်အထည်ချုပ်စက်ရုံမှ မြန်မာအလုပ်သမားများ စုပေါင်း၍ ဘတ်ငွေတစ်သိန်းခုနစ်သောင်းဖြင့် စတင်မတည်ခဲ့ခြင်း ဖြစ်ကြောင်းနှင့်ယခုအခါ ထီးတော်တင်သည့် အခြေနေထိ ကုန်ကျငွေ စုစုပေါင်း ဘတ်ငွေ ၁၁ သိန်းခန့် ကုန်ကျခဲ့ကြောင်း ကရုဏာရှင် လူမှုကူညီရေးအသင်း ဦးဆောင်သူတစ်ဦး ဖြစ်သလို ဂေါပကအဖွဲ့ဝင်ဖြစ်သည့် ကိုဝင်းထွဋ်ဟိန်းက ပြောကြားသည်။

စေတီတော် ဆက်လက်ဖြစ်မြောက်ရေးအတွက် ဘန်ကောက်မြို့ရှိ မြန်မာသံရုံးမှ သံအမတ်ကြီး၊ စစ်သံမှူး၊ အလုပ်သမားသံ အရာရှိများမှလည်း စေတီတော်ကြီးသို့ ငွေကြေးအပါအ၀င် လှူဖွယ်ပစ္စည်းများကို ဆက်လက်ပံ့ပိုး လှူဒါန်းခဲ့သလို MOEAF အဖွဲ့မှလည်း အလှူငွေများ ပေးအပ်လှူဒါန်းခဲ့မှုများနှင့် ပတ်သက်၍ မြန်မာပြည်ပ အလုပ်အကိုင် ၀န်ဆောင်မှု လုပ်ငန်းရှင်များ အဖွဲ့ချုပ် တွဲဖက်အထွေထွေ အတွင်းရေးမှူး (၁) ဦးမြတ်သူက “ကျွန်တော်တို့အနေနဲ့ ပထမဆုံး ကျေးဇူးတင်ရမှာ အလုပ်သမား သံအရာရှိ ဦးစန်းမောင်ဦးပေါ့၊ ဦးစန်းမောင်ဦးကနေ လမ်းညွှန်လို့ ကျွန်တော်တို့ ရောက်လာတဲ့အချိန် အလုပ်သမားတွေက သူတို့တတ်နိုင်သလောက် လုပ်နေကြတာ တွေ့ရလို့၊ ကျွန်တော်တို့လည်း ၀ိုင်းပြီးပူးပေါင်း လုပ်တဲ့အခါ အခြားလိုအပ်ချက်တွေလည်း လှူဒါန်းပေးခဲ့သလို အခြားအေဂျင်စီတွေပါ ခေါ်လာခဲ့တယ်။ အလုပ်သမား သံအရာရှိတွေနဲ့ အားလုံးပူးပေါင်း လုပ်ဆောင်ကြတဲ့အခါမှာ အခုလို အဆင်ပြေပြေဖြစ်ပြီး စီးသွားခဲ့ပါတယ်” ဟု ပြောကြားသည်။

ရွှေတိဂုံပုံတူ စေတီတော်မြတ်ကြီးကို ၂၀၁၇ ခုနှစ် နိုဝင်ဘာ ၂၃ ရက်က စတင်၍ တည်ဆောက်ခဲ့ရာ ၂၀၁၈ ခုနှစ် ဖေဖော်ဝါရီ ၂၂ ရက်တွင် ပြီးစီးခဲ့ခြင်းဖြစ်ကြောင်း သိရသည်။ စေတီတော်၏ ဉာဏ်တော် အမြင့်မှာ ၁၃ ပေရှိပြီး လုံးပတ်မှာ ပေ ၅၀ ဖြစ်ကြောင်း သိရသည်။

 

အထောက်အထားမဲ့ ရွှေ့ပြောင်းအခြေချ ၁ ဒသမ ၈ သန်းအား နိုင်ငံသားပေးမည့်အစီအစဉ်ကို ထရန့် အဆိုပြု

ဇန်န၀ါရီ ၂၁ ရက်က အမေရိကန်ကွန်ဂရက်အပြင်ဘက်၌ DACA အစီအစဉ်အား ထောက်ခံကြောင်း စုဝေးမှုပြုလုပ်နေကြစဉ်

Dreamers ဟု လူသိများသော အထောက်အထားမဲ့ လူငယ်ရွှေ့ပြောင်း အခြေချ ၁ ဒသမ ၈ သန်းအားလာမည့် ၁၀ နှစ်မှ ၁၂ နှစ်အတွင်း နိုင်ငံသားပေးမည့် ရွှေ့ပြောင်းအခြေချဆိုင်ရာ အစီအစဉ်သစ် တစ်ခုကို အမေရိကန် သမ္မတဒေါ်နယ်ထရန့် အစိုးရက ဇန်န၀ါရီ ၂၅ ရက်တွင် အဆိုပြုခဲ့ပြီး ပိုမိုပြည့်စုံသော ပြုပြင်ပြောင်းလဲရေးအစီအစဉ်အား လာမည့် သီတင်းပတ်တွင် တရားဝင်တင်သွင်းမည်ဖြစ်ကြောင်း သိရသည်။

ထို့ပြင် လူကြိုက်များသော Green Card ကံစမ်းအစီအစဉ်အား ဖျက်သိမ်းရန်၊မိသားစု ချိတ်ဆက် ရွှေ့ပြောင်းအခြေချမှုအားအလွန်အမင်း ကန့်သတ်ရန်လည်း ထရန့်က ကွန်ဂရက်ကို တောင်းဆိုခဲ့ရာ အမေရိကန်သို့ နှစ်စဉ် ပြည်ပဖွားတစ်သန်းကျော် ၀င်ရောက်မှု၏ ထက်ဝက်ကျော်အား လျှော့ချပစ်နိုင် ကြောင်း လေ့လာသူများက သုံးသပ်ခဲ့ကြသည်။ တရားမ၀င် ရွှေ့ပြောင်း အခြေချများ အား ရပ်တန့်ပစ်ရန်အတွက် အဓိကမဲဆွယ် ကတိတစ်ခုဖြစ်သည့် အမေရိကန်-မက္ကဆီကို နယ်စပ်၌ တံတိုင်းတည် ဆောက်ရန်အတွက် ဒေါ်လာ ၂၅ ဘီလျံရန်ပုံငွေပေးရန်လည်း ထရန့်က ကွန်ဂရက်ကို တောင်းဆိုခဲ့သည်။

Dreamers အတွက် နိုင်ငံသားဖြစ်ခွင့်ပေးရန် အိမ်ဖြူတော်၏ယင်းအဆိုပြုမှုသည် ယခင်အကြံပြုချက်ထက် ပိုမိုကျယ်ပြန့်ခဲ့သည်။ ယခင်အစီအစဉ်အရ Deferred Action for Chilhood Arrivals သို့မဟုတ်  DACA အစီအစဉ်ဖြင့် မှတ်ပုံတင်ထားသည့် လူငယ်ရွှေ့ပြောင်းအခြေချ ၆၉၀၀၀၀ ကိုသာ နိုင်ငံသားဖြစ်ခွင့်ပေးမည်ဟု ကမ်းလှမ်းခဲ့ခြင်းဖြစ်သည်။

အပြန်အလှန်အားဖြင့် ကွန်ဂရက်အနေဖြင့် တရားဝင်ရွှေ့ပြောင်းအခြေချ ၀င်ရောက်မှုအား ပိုမိုတင်းကျပ်ရန်၊ အမိမြေ လုံခြုံရေးဌာန၏ လုပ်ပိုင်ခွင့်များအားတိုးမြှင့်ရန်၊ Dreamers အပါအ၀င် ခန့်မှန်းခြေ အလုံးစုံ ၁၁ သန်းခန့်ရှိသည့်တရားမ၀င် ရွှေ့ပြောင်း အခြေချများအား ဖြိုခွင်းရန်အတွက် ရန်ပုံငွေ တိုးမြှင့်ပေးရန် အစိုးရ၏အဆိုပြုချက်တွင် တောင်းဆိုခဲ့သည်။

ရွှေ့ပြောင်းအခြေချသစ်များ၏နိုင်ငံများ မျိုးကွဲစုံလင်စေရန် ၁၉၉၀ ပြည့်နှစ်တွင် စတင်မိတ်ဆက်ခဲ့သော Green Card ကံစမ်းအစီအစဉ်အား အဆုံးသတ်ရန် တောင်းဆိုမှုသည် ဒီမိုကရက်အချို့၏ထောက်ခံမှု ရရှိနိုင်သည်။ ထရန့်က ယင်းအစီအစဉ်သည် IS ဂျီဟတ်အဖွဲ့အား ထောက်ခံသူများကို နိုင်ငံထဲသို့ ၀င်ခွင့်ရစေနိုင်ကြောင်း စောဒကတက်ခဲ့သည်။ ထို့ပြင် အမေရိကန်နိုင်ငံသား ခံယူထားပြီးသူများက ၎င်း၏မိသားစုဝင်များအား ခေါ်ယူမှုကို ခွင့်ပြုထားသည့် ကွင်း ဆက်ခေါ်ယူမှုကို အဆုံးသတ်ရန်လည်း ထရန့်က တောင်းဆိုခဲ့သည်။ မိသားစုလိုက် ရွှေ့ပြောင်း အခြေချမှုကိုလည်း ခင်ပွန်း၊ ဇနီး၊ အသက်မပြည့်သေးသည့် ကလေးများအတွက်သာ ခွင့်ပြုသွားမည်ဖြစ်ကြောင်း ဇန်န၀ါရီ ၂၆ ရက်အဆိုပြုမှုတွင် ဖော်ပြခဲ့သည်။

ဒီမို ကရက်များက ဒေါသထွက်ခဲ့ကြပြီး လာမည့်သီတင်းပတ်များတွင် ဆွေးနွေးမှုများ၌ အိမ်ဖြူတော်၏ယင်းအစီအစဉ်အားအား လျော့သွားစေရန် ကြိုးပမ်းသွားမည်ဖြစ်ကြောင်း ထုတ်ပြန်ခဲ့ကြသည်။