ရွှေတိဂုံစေတီတော်၏ ကြာမှောက်၊ ကြာလှန် ညိုမည်းနေသည့် ဧရိယာမှ ရွှေစင်ပြားများကို ပညာရှင်များဖြင့် စစ်ဆေးရန်နှင့် ရွှေစင်ပြား Gold Coating များ ဆက်လက် ဆောင်ရွက်ခြင်း မပြုရန် သာသနာရေးနှင့် ယဉ်ကျေးမှုဝန်ကြီးဌာန ညွှန်ကြား

ရွှေတိဂုံစေတီတော်မြတ်ကြီးအား စက်တင်ဘာ ၁၂ ရက်က ဖူးတွေ့ရစဉ် (ဓာတ်ပုံ-ကြည်နိုင်)

ရွှေတိဂုံစေတီတော်၏ ကြာမှောက်၊ ကြာလှန် ညိုမည်းနေသည့်ဧရိယာမှ ရွှေစင်ပြားများကို ပညာရှင်များဖြင့် စစ်ဆေးရန်နှင့် ရွှေစင်ပြား Gold Coating များ ဆက်လက် ဆောင်ရွက်ခြင်းမပြုရန် သာသနာရေးနှင့် ယဉ်ကျေးမှုဝန်ကြီးဌာနက ရွှေတိဂုံစေတီတော်ဂေါပကအဖွဲ့သို့ ညွှန်ကြားထားကြောင်း စက်တင်ဘာ ၁၃ ရက်က ယင်းဝန်ကြီးဌာန၏ သတင်းထုတ်ပြန်ချက်အရ သိရသည်။

ရွှေတိဂုံစေတီတော်ကို ရွှေပြားသင်္ကန်း ကပ်လှူမည့်ကိစ္စနှင့် ပတ်သက်၍ ရွှေတိဂုံစေတီတော်ဂေါပကအဖွဲ့ လိုက်နာဆောင်ရွက်ရန် လုပ်ငန်းစဉ် (၅) ချက် ညွှန်ကြားထားပြီး အထက်ပါ အချက်များလည်း အပါအ၀င် ဖြစ်သည်။

ပထမအချက်အနေဖြင့် ရွှေတိဂုံစေတီတော်မြတ်ကြီး၏ ကြာမှောက်၊ ကြာလှန်မည်းနေသည့် ဧရိယာမှ ရွှေစင်ပြားသင်္ကန်း ၁၀ ချပ်ခွာ၍ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနမှ ရွှေပန်းတိမ်ပညာရှင်များ၊ သုတေသနနှင့် တီထွင်ဆန်းသစ်မှု ဦးစီးဌာနမှ ပညာရှင်များဖြင့် စစ်ဆေးရန်၊ ဒုတိယအချက်မှာ စေတီတော်ကြီး တစ်ဆူလုံးရှိ ရွှေပြားသင်္ကန်းတော်များအား မခွာရန်တို့ဖြစ်သည်။

တတိယနှင့် စတုတ္ထအချက်အနေဖြင့် ပြည်သူများနှင့် အလှူရှင်များက ရွှေသင်္ကန်း ကပ်လှူခြင်းကို ရွှေစင်ရွှေပြား အစစ်ဖြင့်သာ ကပ်လှူလိုသဖြင့် ရွှေစင်ပြား Gold Coating များ ဆက်လက် ဆောင်ရွက်ခြင်း မပြုရန်၊ ရွှေတိဂုံစေတီတော်မြတ်ကြီး၌ ငှက်ပျောဖူးတော်အောက်ပိုင်း၊ ကြာရင့်၊ ကြာလန်၊ ရွဲ၊ ကြာနု၊ ကြာမှောက်၊ ဖောင်းရစ် (ဖောင်းလုံး)၊ ပန်းဆွဲ၊ သပိတ်မှောက်၊ ရင်စည်း (ခါးစည်း)၊ ခေါင်းလောင်း၊ ခေါင်းလောင်းနား၊ ကျည်းဝန်း (ကျည်းခွေ)၊ ရှစ်မြှောင့်အထိ ရွှေပြားကြိတ်စက်ရုံမှ ထုတ်လုပ်သော ရွှေပြား (Gold Plate) များဖြင့် ရနိုင်သရွေ့ ကပ်လှူပူဇော်ရန်တို့ဖြစ်ကြောင်း သိရသည်။

ဆက်လက်၍ ရွှေပြား (Gold Plate) ရွှေသင်္ကန်းတော် မကပ်နိုင်သည့် ဧရိယာများအား ရွှေမျက်ပါး၊ ရွှေဆိုင်း၊ ရွှေသင်္ကန်းတော်သာ ကပ်လှူပူဇော်ရန်ဖြစ်ကြောင်း နောက်ဆုံးအချက် အနေဖြင့် ညွှန်ကြားထားသည်။

ထို့ပြင် လှုမှုကွန်ရက် အင်တာနက် စာမျက်နှာများပေါ်တွင် ရွှေတိဂုံစေတီတော်အား ရွှေသင်္ကန်းတော် ကပ်လှူပူဇော်မည့် ကိစ္စနှင့်ပတ်သက်၍ ‘စေတီတော်တစ်ဆူလုံး ရွှေခွာမည်၊ ရွှေတိဂုံစေတီတော်ကြီးကို ရုတ်တရက် ပြင်ချင်တာ ရိုးမှရိုးသားရဲ့လား’ စသည့် မဟုတ်မမှန် ကောလာဟလ သတင်းများ ပျံ့နှံ့လျက်ရှိကြောင်း၊ ရွှေသင်္ကန်းကပ်လှူမည့် ကိစ္စနှင့်ပတ်သက်၍ လှုမှုကွန်ရက် အင်တာနက် စာမျက်နှာများပေါ်တွင် အယူအဆမျိုးစုံဖြင့် မဟုတ်မမှန် လုပ်ကြံဖော်ပြ ရေးသားခြင်းသည် အများပြည်သူ ထင်ယောင်ထင်မှားဖြစ်စေပြီး ပြည်တွင်းရေး မငြိမ်မသက်ဖြစ်အောင် ရေးသားဖော်ပြခြင်းဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာန၏ ထုတ်ပြန်ချက်အရ သိရသည်။

ရွှေတိဂုံစေတီတော်၏ ကြာမှောက်၊ ကြာလှန်ဧရိယာ ရွှေရောင်မှေးမှိန် ညိုမည်းလာခြင်းကြောင့် ယင်းနေရာမှ ရွှေပြားများ ပြန်ခွာ၍ အသစ်ပူဇော်မည်ဖြစ်ပြီး ယင်းကြောင့် ရွှေပြားသင်္ကန်းကပ်လှူခြင်းကို ငါးနှစ်တစ်ကြိမ် ပြုလုပ်ရာမှ တစ်နှစ်စော၍ ယခုနှစ် နိုဝင်ဘာတွင် ပြုလုပ်မည်ဖြစ်ကြောင်း ရွှေတိဂုံစေတီတော်ဂေါပကအဖွဲ့မှ စက်တင်ဘာ ၁၂ ရက်တွင် သိရသည်။

ထို့ပြင် စေတီတော်၏ ကြာမှောက်၊ ကြာလှန်ဧရိယာ ညိုမည်းလာခြင်းမှာ ၂၀၁၄ ခုနှစ်က ရွှေပြားများ သန့်စင်ရောင်တော်ဖွင့် ဆောင်ရွက်စဉ် ဆိုက်ယာနိုက်ဓာတ်ဆေးရည်ဖြင့် အသုံးပြုဆောင်ရွက်ခဲ့ပြီး အောက်ခြေရှိ သစ်စေးလုပ်ငန်းများ မထိခိုက်စေရန် ရေဖြင့် လုံလောက်အောင် ဆေးကြောခြင်း မပြုလုပ်နိုင်ခဲ့ကြောင်း စေတီတော်ဂေါပကအဖွဲ့မှ သိရသည်။

ရွှေတိဂုံစေတီတော်၏ ကြာမှောက်၊ ကြာလှန်ဧရိယာ ညိုမည်းလာခြင်းကြောင့် ယင်းနေရာမှ ရွှေပြားများပြန်ခွာ၍ အသစ်ပူဇော်မည်ဖြစ်ပြီး လုံးတော်ပြည့် ရွှေပြားသင်္ကန်းကပ်လှူခြင်းကို နိုဝင်ဘာလအတွင်း ပြုလုပ်မည်

ရွှေတိဂုံစေတီတော်အား စက်တင်ဘာ ၁၂ ရက်နေ့က ဖူးမြှော်တွေ့မြင်ရစဉ် (ဓာတ်ပုံ – ကြည်နိုင်)

ရွှေတိဂုံစေတီတော်၏ ကြာမှောက်၊ ကြာလှန်ဧရိယာ ညိုမည်းလာခြင်းကြောင့် ယင်းနေရာမှ ရွှေပြားများပြန်ခွာ၍ အသစ်ပူဇော်မည်ဖြစ်ပြီး လုံးတော်ပြည့်ရွှေပြား သင်္ကန်းကပ်လှူခြင်းကို ငါးနှစ်တစ်ကြိမ် ပြုလုပ်ခဲ့ရာမှ တစ်နှစ်စော၍ လာမည့် နိုဝင်ဘာတွင် ပြုလုပ်မည်ဖြစ်ကြောင်း ရွှေတိဂုံစေတီတော်ဂေါပကအဖွဲ့က စက်တင်ဘာ ၁၂ ရက်တွင် သိရသည်။

စေတီတော်၏ ကြာမှောက်၊ ကြာလှန်ဧရိယာ ညိုးမည်းလာခြင်းမှာ ၂၀၁၄ ခုနှစ်က ရွှေပြားများ သန့်စင်ရောင်တော်ဖွင့် ဆောင်ရွက်စဉ် ဆိုက်ယာနိုက် ဓာတ်ဆေးရည်ဖြင့် အသုံးပြု ဆောင်ရွက်ခဲ့ပြီး ဓာတ်ပြုမှုကြောင့် ကြာမှောက်၊ ကြာလှန်ရှိ ရွှေစင်ပြားများ ညိုမည်းလာခြင်းဖြစ်ကြောင်း ဂေါပကအဖွဲ့မှ သိရသည်။

ရွှေတိဂုံစေတီတော်ဂေါပကအဖွဲ့ ရုံးအဖွဲ့မှူး ဦးထွန်းအောင်ငွေက “ကျွန်တော်တို့ ရွှေသင်္ကန်းကပ်တာက ငါးနှစ်တစ်ကြိမ် ကပ်တာပါ။ လေးနှစ်တစ်ကြိမ် စောပြီးကပ်လိုက်တာက ကြာမှောက်၊ ကြာလှန်၊ ရွဲလုံးဧရိယာမှာ ၂၀၀၈-၂၀၀၉ တုန်းက စမ်းသပ်ကပ်ခဲ့တဲ့ Gold Coating စသုံးခဲ့တယ်။ Gold Coating နေရာက မှေးမှိန်လာလို့ အဲဒီနေရာကို စမ်းသပ်ဖို့ တစ်နှစ်စောတယ်ဆိုတာ မှန်ပါတယ်။ ကျန်တဲ့နေရာတွေမှာ ဘာမှ ပြဿနာ မရှိပါဘူး” ဟု ပြောကြားသည်။

ယခင်က ရွှေသင်္ကန်းကပ်လှူရာတွင် ရွှေပြားကပ်လှူခြင်း၊ သစ်စေးသုတ်၍ ရွှေမျက်ပါးကပ်ခြင်း နည်းလမ်းနှစ်မျိုးဖြင့်သာ ဆောင်ရွက်ခဲ့ရာ ၂၀၀၈ နာဂစ်အပြီး ၂၀၀၈-၂၀၀၉ ခုနှစ်တွင် စေတီတော်၏ ကြာမှောက်၊ ကြာလှန် ဧရိယာတွင် ကပ်လှူထားသော ရွှေပြားများမှာ Gold Coating နည်းပညာဖြင့် ပြုလုပ်ထားသော ရွှေပြားများဖြင့် အစားထိုး စတင်ပူဇော်ခဲ့ကြောင်း၊ လုပ်ငန်း ဆောင်ရွက်သည့် ကုမ္ပဏီက ၁၅ နှစ်သက်တမ်း အာမခံဖြင့် စာချုပ်ချုပ်ဆို လုပ်ကိုင်ခဲ့ခြင်းဖြစ်ကြောင်း သိရသည်။

ရွှေတိဂုံစေတီတော်၏ ကြာမှောက်၊ ကြာလှန်ဧရိယာ ညိုမည်းနေသည်ကို စက်တင်ဘာ ၁၁ ရက်က တွေ့ရစဉ် (ဓာတ်ပုံ-ကြည်နိုင်)

ထို့နောက် ငါးနှစ်တစ်ကြိမ် ရွှေပြားသင်္ကန်းကပ်လှူ ပူဇော်ခြင်းအတွက် ၂၀၁၄-၂၀၁၅ ခုနှစ်တွင် ကြာမှောက်၊ ကြာလှန်ဧရိယာ ရွှေပြားများ ရောင်တော်ဖွင့်ရန် ၎င်းကုမ္ပဏီက တာဝန်ယူဆောင်ရွက်ခဲ့ရာ ဆိုက်ယာနိုက်ဓာတ်ဆေးရည် အသုံးပြုခဲ့ပြီး အောက်ခြေရှိ သစ်စေးလုပ်ငန်းများ မထိခိုက်စေရန် ရေဖြင့်လုံလောက်အောင် ဆေးကြောခြင်း မပြုလုပ်နိုင်ခဲ့ကြောင်း၊ အသစ်ပြန်လည် ဆောင်ရွက်ရာတွင် အာမခံ တာဝန်ယူ ဆောင်ရွက်ခဲ့သော ကုမ္ပဏီက ပြန်လည် ဆောင်ရွက်ပေးမည်ဖြစ်ကြောင်း ဂေါပကအဖွဲ့မှ သိရသည်။

ရွှေတိဂုံစေတီတော်ဂေါပကအဖွဲ့ ရုံးအဖွဲ့မှူး ဦးထွန်းအောင်ငွေက “ကြာမှောက်၊ ကြာလှန်နေရာတွေကို အကုန်ပြန်လဲမှာ။ ရွှေရောင်တွေ မှေးမှိန်နေတာဖြစ်တဲ့အတွက် အရင်လုပ်တဲ့သူတွေကို စာချုပ်အရ ပြန်လုပ်ရမှာဖြစ်ပါတယ်။ သူ့ဘက်က ဘာဖြစ်လို့ ဖြစ်ရလဲဆိုတော့ Gold Coating စမ်းသပ်ပြီး ထုတ်တယ်။ စေတီတော်ကြီးတစ်ခုလုံးမှာ အခုံး၊ အကော့ပန်းတွေနဲ့ လက်ရာအကွေး အညွှတ်တွေ ရှိတဲ့နေရာသည် ကြာမှောက်၊ ကြာလှန်၊ ရွဲလုံးနေရာဖြစ်တယ်။ ကျန်တဲ့နေရာတွေက ပြင်ဖြစ်နေတဲ့အတွက် Gold Coating က အဆင်ပြေတယ်။ အဲဒီ အခုံး၊ အကော့တွေနဲ့ လုပ်ထားတဲ့နေရာတွေမှာ Gold Coating က အဆင်မပြေတဲ့အတွက် ပြင်ဆိုရင် Gold Coating က ရွှေရည်စိမ်တာ အဆင်ပြေတယ်။ အခုံးအကော့တွေမှာ ရွှေရည်သည် မညီညာဘူးဖြစ်တဲ့အတွက် အရောင်တွေမှိန်လာတဲ့အတွက် ကျွန်တော်တို့က ၂၀၁၄-၂၀၁၅ မှာ ပြန်ပြီးရောင်တော် ဖွင့်ပေးပါဆိုတဲ့အချိန် သူ့ရဲ့ အသုံးပြုခဲ့တဲ့ ဓာတ်ဆေးရည်က နည်းလွဲမှားသွားတယ်လို့ ပြောပါတယ်။ ရေအလုံအလောက် သုံးရမယ့်နေရာမှာ အလုံအလောက် မသုံးနိုင်ခဲ့တဲ့အတွက် အဲဒီကြာမှောက်၊ ကြာလှန်နေရာတွေ မှေးမှိန်နေတာ ဖြစ်ပါတယ်” ဟု ပြောကြားသည်။

ရွှေတိဂုံစေတီတော်၏ ကြာမှောက်၊ ကြာလှန်ဧရိယာမှ ဖြုတ်ချထားသည့် Gold Coating နည်းပညာဖြင့် ပြုလုပ်ထားသော Gold Coating ရွှေပြားပေါင်း ၃၉၀၀ ခန့်ကို နည်းပညာ ကျွမ်းကျင်သူပညာရှင်များနှင့် ရွှေပါဝင်မှုနှုန်း (ရွှေအရည်အသွေး ပြည့်မီခြင်း ရှိ-မရှိ) လိုအပ်သလို စစ်ဆေး ဆောင်ရွက်မည်ဖြစ်ကြောင်း သိရသည်။

“ကျွန်တော်တို့ ငြမ်းဆင်ပြီးတာနဲ့ ဒီနေရာတွေက ရွှေရှိသေးလား။ ခုနက ကြာမှောက်၊ ကြာလှန်နေရာကိုပဲ ကျွန်တော်တို့အတွက် ပြဿနာရှိနေတာ။ အဲဒီနေရာကိုပဲ စာချုပ်အရ ပြုပြင်ဆောင်ရွက်ပေးဖို့ ခေါ်ထားပါတယ်။ ငြမ်းထိုးပြီးမှ ခွာချပြီးမှ ဘာကြောင့်ဆိုတာကို Gold Coating ပြားတွေကို စစ်ဆေးမယ်” ဟု ရုံးအဖွဲ့မှူး ဦးထွန်းအောင်ငွေက ပြောကြားသည်။

ရွှေတိဂုံစေတီတော်တွင် ငှက်ပျောဖူးမှ အောက်ခြေအထိ ရွှေပြားပေါင်း ငါးသောင်းခန့်ရှိပြီး ပျက်စီးလာသော ရွှေပြားများကို ငါးနှစ်တစ်ကြိမ် လဲလှယ်ပူဇော်လေ့ရှိသည်။ ပူဇော်ရာတွင် ရွှေပြားများအားလုံး ခွာချ၍ ပြုလုပ်ခြင်းမဟုတ်ဘဲ ရာခိုင်နှုန်း ၅၀ ခန့် ပျက်စီးနေသော ရွှေပြားများကို အဓိကလဲလှယ်ခြင်းဖြစ်ပြီး တစ်ခါလျှင် ရွှေပိဿာ ၂၀၀ ခန့်ရှိ ရွှေပြား ၁၇၀၀ ခန့် အသစ်ပူဇော်ခဲ့ကြောင်း၊ ယခုနှစ်တွင် ၁၇၀၀ မှ ၃၀၀၀ ပြားအထိ ပူဇော်သွားရန် ရည်မှန်းထားကြောင်း ရွှေတိဂုံစေတီတော်ဂေါပကအဖွဲ့ ရုံးအဖွဲ့မှူး ဦးထွန်းအောင်ငွေက ပြောကြားသည်။

“ကျန်တဲ့နေရာတွေက အရင်အတိုင်းပါပဲ။ ရွှေရည်နိမ့်နေတာလည်း မဟုတ်ဘူး။ သတ္တုတွင်းဌာနက ၁၆ ပဲရည်ရွှေတွေရတယ်။ ၁၆ ပဲရည်တွေကို ခုနကပြောတဲ့ ရွှေပြားခတ်တဲ့နေရာမှာ သုံးတယ်။ ကျန်တဲ့နေရာတွေက Gold Coating၊ မျက်ပါး ရွှေရည်ပြည့်တဲ့ဟာတွေ သုံးထားတာ ဖြစ်ပါတယ်။ ကပ်တဲ့နေရာမှာ ငှက်ပျောဖူးတော်ကနေ အောက်အထိ ပျက်တဲ့နေရာမှာ ရွှေသင်္ကန်းတွေကို အစားထိုးတာပါ” ဟု ရွှေတိဂုံစေတီတော်ဂေါပကအဖွဲ့ ရုံးအဖွဲ့မှူးဦးထွန်းအောင်ငွေက ဆက်လက် ပြောကြားသည်။

ရွှေတိဂုံတော်စေတီတော်၏ ကိုယ်လုံးထည်ကြံ့ခိုင်မှု စစ်ဆေးခြင်၊ ရွှေပြားသင်္ကန်း အသစ်ကပ်လှူ ပူဇော်ခြင်းများ ဆောင်ရွက်ရန်အတွက် စေတီတော်ငြမ်းဆင်ခြင်းကို စက်တင်ဘာ ၁၇ ရက်တွင် စတင်ပြုလုပ်မည်ဖြစ်ပြီး ငြမ်းဆင်ပြီးနောက် ရွှေပြားခွာခြင်း၊ စစ်ဆေးခြင်းများ ပြုလုပ်မည်ဖြစ်ကြောင်း၊ ၂၀၁၅ ခုနှစ် ဇန်န၀ါရီမှ ၂၀၁၈ ခုနှစ် နိုဝင်ဘာအတွင်း လှူဒါန်းထားသော ရွှေပြားသင်္ကန်းတော်များကို နိုဝင်ဘာမှစ၍ တစ်ရက်လျှင် အလှူရှင် ၁၅၀ စီဖြင့် ကပ်လှူနိုင်ရန် စီစဉ်ဆောင်ရွက်မည်ဖြစ်သည်။

ရွှေတိဂုံစေတီတော်တွင် ကပ်လှူထားသည့် ရွှေပြားများ သတ်မှတ်ကာလမတိုင်မီ မည်းနေသည့်အတွက် ရွှေအရည်အသွေးပြည့်မီခြင်း ရှိ မရှိ ပညာရှင်များဖြင့်စစ်ဆေးမည်

ရွှေတိဂုံစေတီတော်တွင် ကပ်လှူထားသည့် ရွှေပြားများ သတ်မှတ်ကာလမတိုင်မီ မည်းနေသည့်အတွက် ရွှေအရည်အသွေးပြည့် မီခြင်း ရှိ မရှိ ပညာရှင်များနှင့် စစ်ဆေးမည်ဖြစ်ကြောင်း သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုက ပြောကြားသည်။

နေပြည်တော်ရှိ အပြည်ပြည်ဆိုင်ရာ ကွန်ဗင်းရှင်းဗဟိုဌာန (၂) တွင် စက်တင်ဘာ ၇ ရက်က ပြုလုပ်သည့် ပဉ္စမအကြိမ်မြောက် နိုင်ငံတကာနည်းပညာပြပွဲကြီးတွင် သတင်းထောက်များ၏ မေးမြန်းမှုကို ပြည်ထောင်စု ၀န်ကြီးသူရဦးအောင်ကိုက ဖြေကြားခဲ့ခြင်း ဖြစ်သည်။

“ဒီရွှေတွေ ကပ်ခဲ့တာက လေးနှစ်က ၂၀၁၈ ကုန်မှ လေးနှစ်ပြည့်မှာဖြစ်ပါတယ်။ အခုလေးနှစ်မပြည့်သေးပါဘူး။ သို့သော်လည်း မည်းကုန်ပါတယ်။ ညိုမည်းကုန်ပါတယ်။ ၀န်ကြီးဌာနအနေနဲ့ပေါ့။ လွန်ခဲ့တဲ့ နှစ်ပေါင်းများစွာကတည်းကနေပြီးမှ တစ်နှစ်တစ်နှစ်ကို အဲဒီတုန်းက သတ္တုတွင်းဝန်ကြီးဌာန ခေါ်ပါတယ်။ ၀န်ကြီးဌာနက နေပြီးမှ ၉၉ ဒသမ ၉၉ ရာနှုန်း ရွှေစင်အချောင်းတွေပေါ့။ ပိဿာပျမ်းမျှ ၁၀၀၊ ၁၅၀ ကို ထောက်ပံ့ခြင်း  လုပ်ပေးရပါတယ်။ ပေးပြီးမှ ဂေါပကကို လွှဲပေးပါတယ်။ ဂေါပက ကနေပြီးမှပေါ့။ ခုနက အစပိုင်းတုန်းကတော့ မျက်ပါးရွှေ ပြန်ပြီးခတ်ပါတယ်။ အချို့အပိုင်းတွေမှာ ရွှေအပြားလိုက်  တစ်ပေပတ်လည်အကွက်တွေမှာ ရွှေအပြား လိုက်ကပ်ပါတယ်။ ကပ်တဲ့အခါကျတော့ ခုနကပေါ့လေ။ ဒါသည် အနည်းဆုံး လေးနှစ်၊ ငါးနှစ်ခံရမှာဖြစ်ပါတယ်။ မျက်ပါးရွှေခတ် ကြိတ်ကပ်မယ်ဆိုရင်ပေါ့။ သို့သော်လည်း အခုသုံးနှစ်ကျော်လောက်နဲ့ မည်းကုန်ပါတယ်။ မည်းကုန်တော့ ဒီအပေါ်မှာ အခုဒီလကုန်ရင် ငြမ်းဆင်ပါမယ်။ ခုနက သိပ္ပံနဲ့ နည်းပိုင်းဆိုင်ရာ၊ သတ္တုပိုင်းဆိုင်ရာ ပညာရှင်တွေနဲ့ ဒါတွေကို ပြန်ခွာပြီးစစ်ပါမယ်။ မူလရွှေပါဝင်ခဲ့တဲ့ ရာနှုန်းပေါ့။ ပြန်စစ်ပါမယ်။ ၂၄ ကာရက်ပြည့် မပြည့်၊ ၁၆ ပဲရည် ရှိ မရှိ၊ နောက်သတ်မှတ်တဲ့ အလေးချိန် မီမမီ ပြန်စစ်ရပါမယ်” ဟု ပြည်ထောင်စုဝန်ကြီးက ပြောကြားသည်။

သတ်မှတ်ကာလမတိုင်မီ ကပ်လှူထားသည့်ရွှေများ မည်းနေခြင်းကြောင့် ရွှေနှင့်ပတ်သက်၍ ကျွမ်းကျင်မှုရှိသည့် ပညာရှင်များ၊ သတ္တုဗေဒပညာရှင်များ စိစစ်မည်ဖြစ်ပြီး တွေ့ရှိချက်များအပေါ်မူတည်၍ ဆက်လက်လုပ်ဆောင်မည်ဖြစ်ကြောင်း ပြည်ထောင်စုဝန်ကြီးက ဆိုသည်။

လက်ရှိ အစိုးရလက်ထက်တွင် ရွှေတိဂုံစေတီတော်၊ ကျိုက်ထီးရိုးစေတီတော်၊ မဟာမြတ်မုနိဘုရားအပါအ၀င် တန်ခိုးကြီးဘုရားများ၏ စီမံခန့်ခွဲမှုများကို ပြောင်းလဲမှုများ ပြုလုပ်ခဲ့ပြီး ရွှေတိဂုံစေတီတော်၏ စီမံခန့်ခွဲမှုများအား သာသနာရေးနှင့် ယဉ်ကျေးမှုဝန်ကြီးဌာနနှင့် ရန်ကုန်တိုင်းအစိုးရ ပူးပေါင်းတာဝန် ယူဆောင်ရွက်နေကြောင်း သိရသည်။

ပြီးခဲ့သည့်ကာလများတွင် ရွှေတိဂုံစေတီတော်အား ရွှေကပ်လှူနိုင်ရန်အတွက် နိုင်ငံတော်က ရောင်းချသည့် ရွှေချောင်းများ စနစ်တကျ ဖွင့်ဖောက်စစ်ဆေးမှု၊ ရွှေကပ်လှူရာတွင် ကန်ထရိုက်များအား အပ်နှံမှုနှင့် ရွှေကပ်လှူမှုများတွင် စစ်ဆေးကြပ်မတ်မှုများ အားနည်းခဲ့ကြောင်း ပြည်ထောင်စုဝန်ကြီးက ဆိုသည်။

ပြည်ထောင်စုဝန်ကြီးက “စစ်ဆေးကြပ်မတ်မှု ရှိတော့ ရှိတယ်။ အားနည်းတယ်လို့ တွေ့ရပါတယ်။ တွေ့တော့ ဒါပညာရှင်တွေနဲ့ တိုင်ပင်ပါတယ်။ တိုင်ပင်တဲ့အခါကျတော့ ဒီမှာသွားတွေ့တာက မင်းတုန်းမင်းတရားကြီး လက်ထက်တုန်းက ရွှေအပြားလိုက်ကပ်တာကို သွားတွေ့ပါတယ်။ ကမ္ပည်းထိုးထားပါတယ်။  နှစ်ပေါင်း ၁၂၀ ခန့်ကြာခဲ့ပါပြီ။ ရွှေက ပကတိ ၀င်းအိနေပါတယ်။ သဘောက နှစ်ပေါင်း ၁၂၀ လောက်ရှိနေပြီ။ အခု ဘာဖြစ်လို့ ဒီရွှေကျမှ ၃-၄ နှစ်နဲ့ မည်း၊ မည်းနေရတာလဲ” ဟု ပြောကြားသည်။

ဆက်လက်၍ “တစ်နိုင်ငံလုံး စေတီပုထိုးတွေမှာ မျက်ပါးရွှေတွေ ကပ်ကြတယ်။ အောက်ပြည်၊ အောက်ရွာမှာတော့ဖြင့် မိုးများလို့ လေးနှစ်တစ်ကြိမ် ရွှေက မည်းသွားတဲ့အခါကျတော့ အဲဒါကို အသစ်ပြန်ကပ်ဖို့အတွက်ကို ရွှေမှိုက်ထုတ်ရပါတယ်။ ကန်ထရိုက်ပေးရပါတယ်။ ထုတ်တဲ့အခါမှာ ဟိုအရင်တုန်းကတော့ ရွှေမှိုက်ပြန်ထုတ်တဲ့အခါမှာ ပြန်ရတဲ့ရွှေက ရာခိုင်နှုန်း ၃၀၊ ၃၅ ရာခိုင်နှုန်းရတာကို ကျွန်တော် ဒုတိယ၀န်ကြီးဘ၀တုန်းက မှတ်သားထားခဲ့ပါတယ်။ အခုကျတော့ ဘယ်လောက်ဆိုတော့ ၂၅ ရာခိုင်နှုန်းပဲရတယ်လို့ ပြောပါတယ်။ ဒီကိစ္စအပေါ်မှာလည်း ခုနက ရွှေမှိုက်ထုတ်တဲ့ ကန်ထရိုက်တွေနဲ့ တာဝန်ရှိတဲ့ ဂေါပကအဖွဲ့ဝင်ကြားမှာ ဒါတွေက စဉ်းစားစရာ အချက်တွေဖြစ်နေပါတယ်” ဟု ပြည်ထောင်စုဝန်ကြီးက ပြောကြားသည်။

စေတီတော်များတွင် ကပ်လှူထားသည့် ရွှေများအား လေးနှစ်ပြည့်ချိန်တွင် ပြန်လည်ကပ်လှူရန် ရွှေမှိုက်ထုတ်ယူပါက ရာသီဥတုနှင့် လေမိုးဒဏ်ကြောင့် ၇၅ ရာခိုင်နှုန်းနီးပါး ဆုံးရှုံးကြောင်း ပြည်ထောင်စုဝန်ကြီးက ဆိုသည်။

ရွှေတိဂုံစေတီတော်သို့ လှူဒါန်းထားသည့် မြေ၊ အဆောက်အအုံနှင့် တိုက်ခန်းများ ဈေးပြိုင်တင်ဒါစနစ်ဖြင့် ရောင်းချမည့် အစီအစဉ် ရပ်ဆိုင်း

ရွှေတိဂုံစေတီတော်သို့ လှူဒါန်းထားသည့် မြေ၊ အဆောက်အအုံနှင့် တိုက်ခန်းများ ဈေးပြိုင်တင်ဒါစနစ်ဖြင့် ရောင်းချမည့် အစီအစဉ်အား ရပ်ဆိုင်းလိုက်ကြောင်း သိရသည်။

ဇွန် ၃၀ ရက် မြန်မာ့အလင်းသတင်းစာနှင့် ကြေးမုံသတင်းစာတို့တွင် ကြော်ငြာထားသည့် ရွှေတိဂုံစေတီတော်မြတ်ကြီးသို့ စာချုပ်စာတမ်းဖြင့် လွှဲပြောင်းလှူဒါန်းခဲ့ပြီးဖြစ်သော မြေ၊ အဆောက်အအုံနှင့် တိုက်ခန်းများကို ဈေးပြိုင်တင်ဒါစနစ်ဖြင့် ရောင်းချသွားမည့် လုပ်ငန်းကို ရပ်ဆိုင်းလိုက်ခြင်းဖြစ်ကြောင်း ရွှေတိဂုံစေတီတော်ဂေါပကအဖွဲ့မှ နိုင်ငံပိုင် သတင်းစာများတွင် ထည့်သွင်းကြော်ငြာထားသည်။

“အဓိက,ကတော့ ဝေဖန်ချက်တွေ ထိုးနှက်ချက်တွေကြောင့် ဈေးပြိုင်တင်ဒါစနစ်နဲ့ ရောင်းချမယ့်ဟာကို ရပ်ဆိုင်းလိုက်တာ ဖြစ်ပါတယ်” ဟု ရွှေတိဂုံစေတီတော်ဂေါပကအဖွဲ့မှ တာဝန်ရှိသူတစ်ဦး၏ ပြောကြားချက်အရ သိရသည်။

ရွှေတိဂုံစေတီတော်ကြီးသို့ စာချုပ်စာတမ်းများဖြင့် လှူဒါန်းထားသည့် မြေ၊ အဆောက်အအုံနှင့် တိုက်ခန်းများ ဈေးပြိုင်တင်ဒါစနစ်ဖြင့် ရောင်းချမည့်နေရာများသည် လမ်းမတော်မြို့နယ် ၁၁ လမ်းတွင် နှစ် ထပ်တိုက်တစ်လုံး၊ လမ်းတော်မြို့နယ်၊ ၁၂ လမ်းတွင် နှစ်ထပ်တိုက်တစ်လုံး၊ လမ်းမတော်မြို့နယ်၊ လှည်းတန်းလမ်းတွင် နှစ်ထပ်တိုက်တစ်လုံး၊ လမ်းမတော်မြို့နယ်၊ ရွှေတောင်တန်းလမ်းတွင် မြေညီထပ်နှစ်ခန်း၊ ကြည့်မြင်တိုင်မြို့နယ်၊ ထီးတန်းလမ်းတွင် နှစ်ထပ်တိုက်တစ်လုံး၊ လသာမြို့နယ် စဥ့်အိုးတန်းလမ်းတွင် နှစ်ထပ်တိုက်တစ်လုံး၊ စမ်းချောင်းမြို့နယ်၊ အင်္ဂပူလမ်းတွင် မြေညီထပ်တိုက်ခန်းတစ်ခန်းတို့ကို ရောင်းချရန် ဇွန် ၃၀ ရက်တွင် ကြေညာခဲ့ကြောင်း သိရသည်။

ယခုကဲ့သို့ ရွှေတိဂုံစေတီတော်သို့ လှူဒါန်းထားသည့် မြေ၊ အဆောက်အအုံနှင့် တိုက်ခန်းများကို ဈေးပြိုင်တင်ဒါစနစ်ဖြင့် ရောင်းချရန် ကြေညာခဲ့ပြီးနောက် လူများမှ ဝေဖန်မှုများ ပြုလုပ်သောကြောင့် တင်ဒါခေါ်ယူခြင်းကို ရပ်ဆိုင်းလိုက်ခြင်းဖြစ်ကြောင်း သိရသည်။

ရွှေတိဂုံစေတီတော်တွင် ငွေရရှိမှု နည်းလမ်းနှစ်မျိုးရှိပြီး စီမံခန့်ခွဲမှုမှရရှိသည့် ကားဝင်း၊ ဆိုင်ခန်းများနှင့် နိုင်ငံခြားသားခရီးသွားများထံမှ ကောက်ခံရရှိသည့်ငွေများကို ၀န်ထမ်းလစာ၊ ထောက်ပံ့ကြေးနှင့် ခရီးစရိတ်အဖြစ် အသုံးပြုပြီး ရွှေတိဂုံစေတီတော်သို့ လှူဒါန်းထားသည့် ငွေနှင့် မြေ၊ အဆောက်အအုံ၊ တိုက်ခန်းများ ရောင်းချရသည့်ငွေများကို ဘုရားကြီး၏ ဝေယျာဝစ္စတွင် ပြန်လည်အသုံးပြုကြောင်း သိရသည်။

ဘုရားဖူးများသည့် ရွှေတိဂုံစေတီတော်တွင် ဓာတ်လှေကားစက်ချို့ယွင်းမှုဖြစ်ပွားပါက လုပ်ဆောင်ရမည့်အချက်များ ဓာတ်လှေကားမောင်းဝန်ထမ်းများကို သင်တန်းပေး

ရွှေတိဂုံစေတီ ဓာတ်လှေကားမောင်းဝန်ထမ်းများကို မစ်ဆူဘစ်ရှိကုမ္ပဏီက ဇူလိုင် ၇ ရက်တွင် သင်တန်းပေးနေသည်ကို တွေ့ရစဉ်

ဘုရားဖူးသူများပြားသည့် ရွှေတိဂုံစေတီတွင် ဓာတ်လှေကားစက်ချို့ယွင်းမှုဖြစ်ပွားပါက လုပ်ဆောင်ရမည့် အချက်များအား ဓာတ်လှေခါးမောင်းဝန်ထမ်းများကို ဇူလိုင် ၇ ရက် နံနက်ပိုင်းတွင် မစ်ဆူဘစ်ရှီကုမ္ပဏီက သင်တန်းပေးသည်။

ယင်းသို့ မစ်ဆူဘစ်ရှိကုမ္ပဏီက ဓာတ်လှေကားမောင်းဝန်ထမ်းများကို သင်တန်းပေးရာတွင် ဓာတ်လှေကားများ စက်ချို့ယွင်းပြီး ရပ်တန့်ခဲ့ပါက လုပ်ဆောင်ရမည့်အဆင့်ဆင့်ကို စာတွေ၊ လက်တွေ့ပို့ချသင်ကြားပေးခဲ့ခြင်း ဖြစ်သည်။

“ဓာတ်လှေကားထဲလူပိတ်တယ်ဆိုရင် အများစုထင်တာက လေမရလို့ အောက်ဆီဂျင်ပြတ်ပြီး ဒုက္ခတွေ ရောက်လိမ့်မယ်လို့ ထင်နေကြတာ။ တကယ်က ဘာမှမဖြစ်ပါဘူး။ ဓာတ်လှေ ကားထဲမှာ လူငွေ့နဲ့ပူအိုက်ပြီး ချွေးပြန်တာတို့ ဖြစ်မယ်။ ကြောက်တတ်တဲ့လူဆိုရင် မူးမော်တာတို့ ဖြစ်တယ်။ အခုလိုသင်တန်းပေးတာက တကယ်လို့ ဓာတ်လှေကားစက်ချို့ယွင်းပြီး လူတွေပိတ်မိနေမယ်ဆိုရင် ဘယ်လိုမျိုးကယ် ဆယ်ရမလဲဆိုတာကို စာတွေ့၊ လက်တွေ့သင်တန်းပေးတာပေ့ါ။ ဒီလိုသင်တန်းပေးတာအခု တစ်ခေါက်နဲ့ဆိုသုံးကြိမ်ရှိပြီ” ဟု ရွှေတိဂုံစေတီ ဓာတ်လှေကားဌာန၊ ဌာနစုမှူးဦးခင်မောင်ကြည်က ပြောကြားသည်။

ရွှေတိဂုံစေတီ၏ အရှေ့ဘက်မုခ်၊ တောင်ဘက်မုခ်နှင့်မြောက်ဘက်မုခ် စသည့်နေရာများတွင် ဓာတ်လှေကားရှစ်စီးရှိကြောင်း သိရသည်။ ယင်းဓာတ်လှေကားများအား မီးပျက်လျှင် မီးစက်နှိုး၍ လှည်ပတ်နိုင်ရန် ပြုလုပ်ထားကြောင်း သိရသည်။

၂၀၁၈ ခုနှစ် မေ ၁၉ ရက် နံနက်ပိုင်းတွင် ရွှေတိဂုံစေတီအရှေ့ဘက်မုခ်ရှိ ညာဘက်အခြမ်းအတက်ဓာတ်လှေကားသည် စက်ချို့ယွင်းမှုကြောင့် တစ်နာရီကျော်ကြာ ဓာတ်လှေကားရပ်တန့်မှုဖြစ်ပွားခဲ့ကြောင်း သိရသည်။

ရပ်တန့်နေသည့် ဓာတ်လှေကားအတွင်း ကလေးငယ်နှစ်ဦးအပါအ၀င် အမျိုးသား ငါးဦးနှင့် အမျိုးသမီးကိုးဦးတို့ ပိတ်မိနေသည့်အတွက် ရွှေတိဂုံဘုရားရှိ လုံခြုံရေးများ၊ မီးသတ်ဝန်ထမ်းများ၊ ဓာတ်လှေကားဝန်ထမ်းများက ဓာတ်လှေကားအမိုးကိုဖွင့်ကာ ကြိုးဖြင့် ခက်ခက်ခဲခဲ ကယ်ဆယ်ခဲ့ရကြောင်း သိရသည်။

ရွှေတိဂုံစေတီတွင် ဓာတ်လှေကား စက်ချို့ယွင်းပြီး ဓာတ်လှေကားအတွင်း လူပိတ်မှု ဖြစ်ပွားခဲ့မှုသုံးကြိမ်ရှိခဲ့ကြောင်း ဓာတ်လှေကားဌာနမှ စုံစမ်းသိရသည်။

ရွှေတိဂုံစေတီသို့ ဘုရားဖူးလာရောက်သူမှာနေ့စဉ် ရှစ်သောင်းဝန်းကျင်ရှိပြီး၊ နေ့ထူးနေ့မြတ်များ၊ အခါကြီးရက်ကြီးများတွင် ဘုရားဖူသူ နှစ်သိန်းမှ သုံးသိန်းအကြားရှိကြောင်း သိရသည်။

ရွှေတိဂုံစေတီတော်သို့ လှူဒါန်းထားသည့် မြေ၊ အဆောက်အအုံနှင့် တိုက်ခန်းများကို ပြန်လည်ရောင်းချမည်

ရန်ကုန်မြို့ ဗဟန်းမြို့နယ်အတွင်းရှိ ရွှေတိဂုံစေတီတော်မြတ်ကြီးအား အဝေးမှ ဖူးတွေ့ရစဉ် (ဓာတ်ပုံ-အောင်မျိုးသန့်)

ရွှေတိဂုံစေတီတော်သို့ လှူဒါန်းထားသည့် မြေ၊ အဆောက်အအုံနှင့် တိုက်ခန်းများကို ဈေးပြိုင်တင်ဒါစနစ်ဖြင့် ပြန်လည်ရောင်းချမည်ဖြစ်ကြောင်း ရွှေတိဂုံစေတီတော် ဂေါပကအဖွဲ့ ရုံးအဖွဲ့မှူး ဦးထွန်းအောင်ငွေက ပြောကြားသည်။

“ဈေးပြိုင်တင်ဒါစနစ်နဲ့ ရောင်းချမယ့်နေ ရာတွေက မြို့လယ်ကောင်မှာများတယ်။ လမ်းမတော်တို့၊ ရွှေတောင်တန်းလမ်းတို့ နေရာတွေပေါ့။ ရောင်းချမှာက ခုနစ်ခုရှိပါတယ်။ အဓိက,ကတော့ ဒီတိုက်ခန်းတွေက အလှူရှင်တွေ မသေဆုံးမီ လှူဒါန်းထားခဲ့တယ်။ စာချုပ်စာတမ်းတွေနဲ့ လှူခဲ့တာဖြစ်တယ်။ သေဆုံးတဲ့ အချိန်မှာမသိဘူး။ သိတဲ့အချိန်မှာ လူတွေရှိနေတယ်။ အငှားတွေလည်းဖြစ်နိုင်တယ်။ ဆွေမျိုးတွေလည်း တက်နေကြတာ ဖြစ်နိုင်တယ်။ အဲဒီအခန်းတွေကို ဒီအတိုင်းဆက်ထားတယ်။ ကျွန်တော်တို့ ဘယ်လိုမှ လုပ်လို့မရဘူး။ ၁၉၉၁ ခုနှစ်နောက်ပိုင်းက လှူဒါန်းတဲ့ဟာတွေဖြစ်တယ်။ အရှေ့မှာ လှူခဲ့တဲ့ဟာတွေကိုတော့ ရောင်းပြီးသွားပြီ။ တချို့တွေက အိမ်ငှားခလာ သွင်းတာရှိတယ်” ဟု ဦးထွန်းအောင်ငွေက ပြောကြားသည်။

ရွှေတိဂုံဘုရားသို့ လှူဒါန်းထားသည့် အချို့သော တိုက်ခန်းများသည် အန္တရာယ်ရှိ အဆောက်အအုံများဖြစ်နေကြောင်း၊ ဈေးပြိုင် တင်ဒါအောင်မြင်သူများသည် မြေ၊ အဆောက်အအုံနှင့် တိုက်ခန်းများတွင် နေထိုင်သူများ၏ ရသင့်ရထိုက်သည်များ၊ ပေးသင့်ပေးထိုက်သည်များကို ညှိနှိုင်းတွက်ချက်ပြီး လေလံဆွဲရမည်ဖြစ်ကြောင်း သိရသည်။

“ကျွန်မတို့ တိုက်ခန်းတွေကို ပြင်ချင်ပါတယ်။ ကန်ထရိုက်နဲ့ ပြန်ဆောက်ချင်ပါတယ်ဆိုပြီး လာပြောကြတယ်။ ဒီလူတွေကို ဘယ်လိုပြန်ပေးမှာလဲ။ တိုက်ခန်းတစ်ခန်းပေးမှာလား။ သူတို့ ဆောက်မယ့်သူတွေ ခေါ်လာတယ်။ ဆောက်ပြီဆိုရင် ပြဿနာတွေ အများကြီးရှိတယ်။ သူတို့ကို ပြောင်းရွှေ့ဖို့နေရာတွေ ပေးရမယ်။ သူတို့ကို ပြန်ထားပေးရမယ်။ ဥပဒေပညာရှင်နဲ့တိုင်ပင်တဲ့အခါ ဒါတွေဆက်လုပ်ရင် ဂေါပကနဲ့ ပြဿနာတွေအများကြီး ရှိတယ်။ ဂေါပကအနေနဲ့ မကောင်းဘူးပေါ့။ ပြောရမယ်ဆိုရမယ်။ တရားတွေဘာတွေ ဖြစ်လာနိုင်တယ်။ အဲဒါကြောင့် အပြီးရောင်းမှာ ဖြစ်တယ်။ နှစ်ဦးနှစ်ဖက် အကျိုးရှိအောင်၊ နေတဲ့သူတွေလည်း အေးအေးဆေးဆေးဖြစ်သွားအောင် တင်ဒါရတဲ့သူတွေ ဆက်လုပ်ဖို့ လေလံပေးခြင်း ဖြစ်ပါတယ်” ဟု ရွှေတိဂုံစေတီတော် ဂေါပကအဖွဲ့ ရုံးအဖွဲ့မှူး ဦးထွန်းအောင်ငွေက ပြောကြားသည်။

ရွှေတိဂုံစေတီတော်တွင် ငွေရရှိမှု နှစ်လမ်းရှိကြောင်း၊ စီမံခန့်ခွဲမှုမှရရှိသည့်ငွေနှင့် အလှူငွေဖြစ်ကြောင်း၊ စီမံခန့်ခွဲမှုမှရငွေသည် ကားဝင်း၊ ဆိုင်ခန်းများနှင့် နိုင်ငံခြားသား ခရီးသွားများထံမှ ကောက်ခံရရှိသည့်ငွေများ ရှိကြောင်း၊ ၎င်းငွေများနှင့် ၀န်ထမ်းလစာ၊ ထောက်ပံ့ကြေးနှင့် ခရီးစရိတ်အဖြစ် အသုံးပြုကြောင်း၊ ဘုရားကြီးသို့ လှူဒါန်းထားသည့် မြေ၊ အဆောက်အအုံနှင့် တိုက်ခန်းများ ရောင်းရသည့်ငွေများကို ဘုရားကြီး၏ ဝေယျာဝစ္စတွင် ပြန်လည်အသုံးပြုမည်ဖြစ်ကြောင်း၊ အလှူငွေများကို အခြားနေရာများတွင် အသုံးပြုမည်မဟုတ်ကြောင်း ဦးထွန်းအောင်ငွေက ဆက်လက်ပြောကြားသည်။

ရွှေတိဂုံစေတီတော်ကြီးသို့ စာချုပ်စာတမ်းများဖြင့် လှူဒါန်းထားသည့် မြေ၊ အဆောက်အအုံနှင့် တိုက်ခန်းများ ဈေးပြိုင်တင် ဒါစနစ်ဖြင့် ရောင်းချမည့်နေရာများသည် လမ်းမတော်မြို့နယ် ၁၁ လမ်းတွင် နှစ်ထပ် တိုက်တစ်လုံး၊ လမ်းမတော်မြို့နယ် ၁၂ လမ်း တွင် နှစ်ထပ်တိုက်တစ်လုံး၊ လမ်းမတော်မြို့နယ် လှည်းတန်းလမ်းတွင် နှစ်ထပ်တိုက်တစ်လုံး၊ လမ်းမတော်မြို့နယ် ရွှေတောင်တန်းလမ်းတွင် မြေညီထပ်နှစ်ခန်း၊ ကြည့်မြင်တိုင်မြို့နယ် ထီးတန်း (၁) လမ်းတွင် နှစ်ထပ်တိုက်တစ်လုံး၊ လသာမြို့နယ် စဥ့်အိုးတန်းလမ်းတွင် နှစ်ထပ်တိုက်တစ်လုံး၊ စမ်းချောင်းမြို့နယ် အင်္ဂပူလမ်းတွင် မြေညီထပ်တိုက်ခန်းတစ်ခန်းကို ရောင်းချမည်ဖြစ်ကြောင်း သိရသည်။

ဈေးပြိုင်တင်ဒါ တင်သွင်းလိုသူများသည် တင်ဒါစည်းကမ်းချက်တစ်စုံလျှင် ကျပ် ၅၀၀၀၀ ဖြင့် ရွှေတိဂုံစေတီတော်ဂေါပက အဖွဲ့ရုံးတွင် ရုံးချိန်အတွင်းဝယ်ယူနိုင်ပြီး ဇူလိုင် ၁၂ ရက် နောက်ဆုံးထား၍ ဂေါပကအဖွဲ့ရုံး၌ ဈေးပြိုင်တင်ဒါတင်သွင်းရမည်ဖြစ်ကြောင်း သိရသည်။

လူမှုကွန်ရက်တွင်ပျံ့နှံ့နေသော ရွှေတိဂုံစေတီတော် ကြံ့ခိုင်ရေးအတွက် လွန်ဖောက်ပြီး စစ်ဆေးမှုများ ပြုလုပ်မည့် ကိစ္စသည် မဟုတ်မှန်ကြောင်းနှင့် စစ်ဆေးမှုများကို ဓာတ်ရောင်ခြည်၊ အသံလှိုင်းနှင့် လျှပ်စစ်သံလိုက် တိုင်းတာနည်းတို့ဖြင့် ဆောင်ရွက်မည်ဖြစ်ကြောင်း ထုတ်ပြန်

ဓာတ်ပုံ – မျိုးထက်ပိုင်

လူမှုကွန်ရက်တွင် ပျံ့နှံ့နေသော ရွှေတိဂုံစေတီတော် ကြံ့ခိုင်ရေးအတွက် လွန်ဖောက်ပြီး စစ်ဆေးမှု ပြုလုပ်မည့် ကိစ္စသည် မဟုတ်မှန်ကြောင်းနှင့် စစ်ဆေးမှုများကို ဓာတ်ရောင်ခြည်၊ အသံလှိုင်းနှင့် လျှပ်စစ်သံလိုက် တိုင်းတာနည်းတို့ဖြင့် ဆောင်ရွက်မည်ဖြစ်ကြောင်း သာသနာရေးနှင့် ယဉ်ကျေးမှု ၀န်ကြီးဌာနမှ ထုတ်ပြန်ခဲ့သည်။

“နားစွန်နားဖျားကြားပြီး ပြောကြတာ။ ဆွေးနွေးတုန်းက ဘာတွေလုပ်မယ် ဆိုတာကို သေချာမသိဘဲ ကြားမိတာတွေကို မှတ်ချက်ယူကုန် ကြတယ်ထင်တယ်။ ရွှေတိဂုံစေတီတော်ကြီးကို စစ်ဆေးပြီးတော့ လိုအပ်တာကို ပညာရှင်တွေ ညှိနှိုင်းဆောင်ရွက်မယ်။ အခုကတော့ အထဲမှာ ဘာချို့ယွင်းချက်ရှိနေလဲ ဆိုတာကို တိုင်းတာမယ်။ ခေတ်မီကိရိယာတွေနဲ့ တိုင်းတာမှာဖြစ်တယ်။ ရွှေတိဂုံစေတီတော်ကြီးကိုလည်း လွန်မဖောက်ပါဘူး” ဟု ရွှေတိဂုံစေတီတော် ဂေါပကအဖွဲ့ဝင် ဦးအောင်မြတ်က ပြောကြားသည်။

လူမှုကွန်ရက် အင်တာနက် စာမျက်နှာများပေါ်၌ Naymin Thuက၊ အရှင် အဂ္ဂဥာဏ၊ ဆာရဲရင့်၊ မော်မော် အကောင့်များဖြင့် “ရွှေတိဂုံစေတီတော်ကို ရွှေပြားခွာပြီး အပေါက်ဖောက်ကြမည်ဖြစ်သည်။ စေတီတော်ကြီးကို လွန်ဖြင့်ထိုးဖောက် တုန်ခါစေခြင်းသည် ငလျင်ထက် ပိုမိုပြင်းထန်သော ထိခိုက်မှုကို ဖြစ်စေကာ အက်ကြောင်းများ ဖြစ်စေနိုင်သည်။ ရွှေပြားများ ခွာခြင်းနှင့် အပေါက်ဖြစ်စေခြင်းသည်လည်း ဟန်ချက်ညီ ထိန်းထားမှုကို ဂဟေဆက် ပျက်စေမည်ဖြစ်ကြောင်း” ဇူလိုင် ၁ ရက်တွင် ဖော်ပြထားသည်ကို တွေ့ရကြောင်း ထုတ်ပြန်ချက်တွင် ဖော်ပြထားသည်။

ဆက်လက်၍ ထုတ်ပြန်ချက်တွင် ဇွန် ၂၄ ရက်၌ ဆောက်လုပ်ရေး ၀န်ကြီးဌာနမှ တာဝန်ရှိသူများ၊ ပညာရှင်များ ဦးဆောင်ကျင်းပသော ရွှေတိဂုံစေတီတော်နှင့် သိဂုင်္တ္တရ ကုန်းမြေရေရှည် တည်တံ့ခိုင်မြဲရေးလုပ်ငန်း ညှိနှိုင်းအစည်းအဝေးတွင် ရွှေတိဂုံစေတီတော် ရွှေသင်္ကန်း ကပ်လှူရေး လုပ်ငန်းများနှင့် ပတ်သက်၍ ၂၀၁၈-၂၀၁၉ ခုနှစ် ရွှေသင်္ကန်းတော် ကပ်လှူပူဇော်သည့် ကာလတွင် ကိုယ်လုံးတော် ကြံ့ခိုင်ရေး လုပ်ငန်းများ စစ်ဆေးဆောင်ရွက်ရန် ဆုံးဖြတ်ခဲ့ကြောင်း၊ ရွှေတိဂုံ စေတီတော်မြတ်ကြီးအား ရွှေသင်္ကန်းတော် ကပ်လှူရာတွင် စေတီတော်ကြီး၏       ကိုယ်လုံးတော် ကြံ့ခိုင်ရေး စစ်ဆေးရာ၌ ဓာတ်ရောင်ခြည်ဖြင့် တိုင်းတာနည်း၊ အသံလှိုင်းဖြင့် တိုင်းတာနည်း၊ လျှပ်စစ်သံလိုက်ဖြင့် တိုင်းတာနည်း တို့ကိုသာ ဆောင်ရွက်မည်ဖြစ်ကြောင်း သိရသည်။

ထို့ကြောင့် ရွှေတိဂုံစေတီတော် ရွှေသင်္ကန်းကပ်လှူရေး လုပ်ငန်းများနှင့် ပတ်သက်၍ ပညာရှင်များ၏ အကြံပြုချက်များ၌ စေတီတော်ကြီး၏ ကိုယ်လုံးတော်အား ထွင်းဖောက်တိုင်းတာခြင်း ပြုလုပ်ရန် အစီအစဉ် မရှိပါကြောင်းနှင့် မဟုတ်မမှန် ကောလာဟလ သတင်းထုတ်လွှင့် ဖော်ပြမှုများကို သတိပြုရန် ထုတ်ပြန်ချက်တွင် ဖော်ပြထားသည်။

ရွှေတိဂုံစေတီတော်ကြီးအား မော်လမြိုင် ကျိုက်သလံ္လဘုရားကဲ့သို့ မြေပြိုမှုများ မဖြစ်ပွားစေရန် ရွှေတိဂုံဘုရား၏ ကြံ့ခိုင်မှုအတွက်  စစ်ဆေးမှုများ ပြုလုပ်သွားမည်ဖြစ်ကြောင်း ဆောက်လုပ်ရေး ၀န်ကြီးဌာန ဒုတိယ၀န်ကြီး ဦးကျော်လင်းက ဇွန် ၂၄ ရက်တွင် ရွှေတိဂုံစေတီတော် ဂေါပကရုံးခန်းတွင် ပြုလုပ်သည့် ရွှေတိဂုံစေတီတော်နှင့် သိဂုင်္တ္တရကုန်းမြေ ရေရှည်တည်တံ့ ခိုင်မြဲရေးအတွက် လုပ်ငန်းညှိနှိုင်း အစည်းအဝေးတွင် ပြောကြားခဲ့ခြင်းဖြစ်သည်။

အဆိုပါ အစည်းအဝေးသို့ ဆောက်လုပ်ရေး ၀န်ကြီးဌာနမှ တာဝန်ရှိသူများ၊ ရွှေတိဂုံဂေါပကအဖွဲ့မှ တာဝန်ရှိသူများ၊ ဆောက်လုပ်ရေး ပညာရှင်များ၊ ရန်ကုန်မြို့တော် စည်ပင်သာယာရေး ကော်မတီမှ တာဝန်ရှိသူများ တက်ရောက် ဆွေးနွေးခဲ့ပြီး အချက်သုံးချက်ကို အတည်ပြုခဲ့ကြောင်း သိရသည်။

ယင်းအချက်သုံးချက်သည် ရွှေတိဂုံစေတီတော် ကိုယ်လုံးတော် ကြံ့ခိုင်ရေး၊ ရင်ပြင်တော်တွင် မြေပြိုမှုများ မဖြစ်စေရန် လိုအပ်သည့် နေရာများတွင် ရေမြောင်းများ ပြုလုပ်ရန်နှင့် ၀တ္တကမြေ ၁၁၄ ဧကအား သန့်ရှင်းသာယာ လှပရေးနှင့် စနစ်တကျရှိရေးတို့ကို ဆောင်ရွက်ရန် အတည်ပြုခဲ့ကြောင်း သိရသည်။

ရွှေတိဂုံစေတီတော်ကြီးအား ကမ္ဘာ့အမွေအနှစ် စာရင်းဝင်နိုင်ရန် ၂၀၁၉-၂၀၂၀ ဘဏ္ဍာရေးနှစ်တွင် UNESCO သို့ တင်သွင်းမည်

ရွှေတိဂုံစေတီတော်အား ဇွန် ၂၄ ရက်က ဖူးတွေ့ရစဉ်

ရွှေတိဂုံစေတီတော်ကြီးအား ကမ္ဘာ့အမွေအနှစ် စာရင်းဝင်နိုင်ရန်အတွက် ၂၀၁၉-၂၀၂၀ ဘဏ္ဍာရေးနှစ်တွင် UNESCO သို့ တင်သွင်းသွားမည် ဖြစ်ကြောင်း ရွှေတိဂုံစေတီတော် ဂေါပကအဖွဲ့ အလှည့်ကျသဘာပတိ ဦးမိုးချစ်က ပြောကြားသည်။

“ကျွန်တော်တို့ ရွှေတိဂုံစေတီတော်ကြီးကို ရှေးဟောင်း အဆောက်အအုံဇုန်အဖြစ် UNESCO ကိုလာမယ့် ၂၀၁၉-၂၀၂၀ တင်ပြပြီးတော့ ရှေးဟောင်း အဆောက်အအုံအနေနဲ့ တင်ပြဖို့ရှိပါတယ်။ တင်ပြဖို့ရှိတဲ့အခါ သာသနာရေးနဲ့ ယဉ်ကျေးမှုဝန်ကြီးဌာနက ရှေးဟောင်းအဆောက်အအုံ ဇုန်ဧရိယာဆိုပြီး သတ်မှတ်ပေးထားတဲ့နေရာ ရှိပါတယ်။ စေတီတော်ကြီးနဲ့ ၁၄ ဧကရှိတဲ့ ရင်ပြင်တော်ကြီးက တည်နေရာဇုန်ဆိုပြီး သတ်မှတ်ပြီးတော့ ထိန်းသိမ်းကာကွယ်ရမယ့် နေရာက ၁၁၄ ဧကရှိတဲ့ အရှေ့ဘက်က အာဇာနည်လမ်း၊ တောင်ဘက်က ဦးထောင်ဘိုလမ်း၊ အနောက်ဘက်ကဆိုရင် ဦးဝိစာရလမ်း၊ မြောက်ဘက်ကဆိုရင် အာဇာနည်လမ်း ဒီ ၁၁၄ ဧရိယာလေးပဲ တင်ပြတဲ့အခါ ဒါက ကျဉ်းမြောင်းတယ်လို့ ယူဆပါတယ်။ ဒီရှေးဟောင်း အဆောက်အအုံ တည်နေရာ ကာကွယ်ထိန်းသိမ်းတဲ့ဇုန်ကို ထပ်ချဲ့ပေးပါဆိုပြီး တင်ပြထားတာ ရှိပါတယ်” ဟု ဦးမိုးချစ်က ပြောကြားသည်။

ထို့ပြင် ရွှေတိဂုံစေတီတော် ပတ်ဝန်းကျင် ဖြစ်သည့် ဦးထောင်ဘိုလမ်းနှင့် ကမ္ဘာအေးဘုရားလမ်းတောင့်တွင် Dagaon City ကို ၂၀၁၅ ခုနှစ်တွင် ပြည်သူလူထုက ၀ိုင်းဝန်း ကန့်ကွက်ခဲ့မှုကြောင့် စီမံကိန်း အကောင်အထည် မဖော်ဖြစ်ခဲ့ကြောင်း၊ ဦးဝိစာရလမ်းထောင့်တွင် တည်ဆောက်ခဲ့သည့် Dagon International Company မှ အထပ်မြင့် အဆောက်အအုံ ဆောက်မှုသည် ရွှေတိဂုံဘုရားအား ကွယ်နိုင်သဖြင့် ကန့်ကွက်ခဲ့ကြောင်း၊ ဇွန်လအတွင်းတွင်လည်း အာဇာနည်ကုန်း မြောက်ဘက်နားရှိ လင့်လမ်းနှင့် အနောက်ရွှေဂုံတိုင်နားတွင် ကုမ္ပဏီတစ်ခုမှ အထပ်မြင့် အဆောက်အအုံဆောက်ရန် တင်ပြထားကြောင်း၊ ယင်းတင်ပြထားသည့် အဆောက်အအုံသည် ကွန်ဒိုအဆောက်အအုံဖြစ်ပြီး မြေအောက်အနက် ၂၈ ပေ ကားပါကင် နှစ်ထပ်ပါရှိပြီး အထပ်မြင့် ခြောက်ထပ်ဖြစ်ကာ ၆၂ ပေရှိကြောင်း၊ ယင်းဖြစ်စဉ်အား သက်ဆိုင်ရာ သာသနာရေးနှင့် ယဉ်ကျေးမှုဝန်ကြီးဌာနကို တင်ပြခိုင်းထားကြောင်း၊ ရွှေတိဂုံဘုရားကို ထိခိုက်နိုင်သည့် ဆောက်လုပ်မှုများနှင့် ဘုရားကြီးမြင်ကွင်း ကွယ်နိုင်စေမည့် ကိစ္စရပ်များကို ကန့်ကွက်သွားမည် ဖြစ်ကြောင်း ဦးမိုးချစ်က ပြောကြားသည်။

“ဘုရားကြီးက ဘုရားပွင့်တော်မူတဲ့ အချိန်ကစပြီးတော့ နှစ်ပေါင်း ၂၆၀၆ နှစ်ရှိခဲ့ပါပြီ၊ ရင်ပြင်တော်ရဲ့ အကျယ်က ၁၄ ဧ ကပဲရှိပါတယ်။ ၀တ္တကမြေအကျယ်က ၁၁၄ ဧက ရှိပါတယ်။ ကျွန်တော်တို့က ၁၁၄ ဧကအတွင်းမှာ လိုအပ်တဲ့ ကြံ့ခိုင်မှုတွေ ဆောင်ရွက်နေပါတယ်။ စေတီတော်ကြီး ရေရှည်တည်တံ့ ခိုင်မြဲရေးအတွက် သဘာဝဘေးအန္တရာယ်ရော၊ လူလုပ်တဲ့ ဘေးအန္တရာယ်ရော ကာကွယ်ရမှာ ဖြစ်ပါတယ်။ သဘာဝဘေးအန္တရာယ် ဆိုတာကတော့ ရန်ကုန်မြို့က စစ်ကိုင်းပြတ်ရွေ့ အနောက်ဘက် ၃၅ ကီလိုမီတာ အကွာအဝေးမှာ ရှိပါတယ်” ဟု ဦးမိုးချစ်က ပြောကြားသည်။

ရွှေတိဂုံစေတီတော်ကြီးအား မော်လမြိုင် ကျိုက်သလံ္လဘုရားကဲ့သို့ မြေပြိုမှုများ မဖြစ်ပွားစေရန် ရွှေတိဂုံဘုရား၏ ကြံ့ခိုင်မှုအတွက် စစ်ဆေးမှုများ ပြုလုပ်သွားမည် ဖြစ်ကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ဇွန် ၂၄ ရက်တွင် ရွှေတိဂုံစေတီတော် ဂေါပကရုံးခန်းတွင် ပြုလုပ်သည့် ရွှေတိဂုံစေတီတော်နှင့် သိဂုင်္တ္တရကုန်းမြေ ရေရှည်တည်တံ့ ခိုင်မြဲရေးအတွက် လုပ်ငန်းညှိနှိုင်း အစည်းအဝေးတွင် ပြောကြားထားသည်။

အဆိုပါ အစည်းအဝေးသို့ ဆောက်လုပ်ရေးဝန်ကြီးဌာနမှ တာဝန်ရှိသူများ၊ ရွှေတိဂုံဂေါပကအဖွဲ့မှ တာဝန်ရှိသူများ၊ ဆောက်လုပ်ရေးပညာရှင်များ၊ ရန်ကုန်မြို့တော် စည်ပင်သာယာရေးကော်မတီမှ တာဝန်ရှိသူများ တက်ရောက် ဆွေးနွေးခဲ့ပြီး အချက်သုံးချက် ကို အတည်ပြုခဲ့ကြောင်း သိရသည်။

ယင်း အချက်သုံးချက်သည် ရွှေတိဂုံစေတီတော် ကိုယ်လုံးတော်ကြံ့ခိုင်ရေး၊ ရင်ပြင်တော်တွင် မြေပြိုမှုများ မဖြစ်စေရန် လိုအပ်သည့်နေရာများတွင် ရေမြောင်းများ ပြုလုပ်ရန် နှင့် ၀တ္တကမြေ ၁၁၄ ဧကအား သန့်ရှင်းသာယာလှပရေးနှင့် စနစ်တကျရှိရေးတို့ကို ဆောင်ရွက်ရန် အတည်ပြုခဲ့ကြောင်း သိရသည်။

မော်လမြိုင် ကျိုက်သလ္လံဘုရားကဲ့သို့ မြေပြိုခြင်းများ မဖြစ်ပွားစေရန် ရွှေတိဂုံစေတီတော် ကြံ့ခိုင်မှုအတွက် စစ်ဆေးခြင်းများ ပြုလုပ်မည်

ရွှေတိဂုံစေတီတော် ဂေါပကရုံးခန်းတွင် ရွှေတိဂုံစေတီတော်နှင့် သိဂုင်္တ္တရကုန်းမြေ ရေရှည်တည်တံ့ ခိုင်မြဲရေးအတွက် လုပ်ငန်းညှိနှိုင်း အစည်းအဝေး ပြုလုပ်စဉ်

မော်လမြိုင် ကျိုက်သလံ္လဘုရားကဲ့သို့ မြေပြိုမှုများ မဖြစ်ပွားစေရန် ရွှေတိဂုံစေတီတော် ကြံ့ခိုင်မှုအတွက်  စစ်ဆေးခြင်းများ ပြုလုပ်မည်ဖြစ်ကြောင်း ဆောက်လုပ်ရေး ၀န်ကြီးဌာန ဒုတိယ၀န်ကြီး ဦးကျော်လင်းက ဇွန် ၂၄ ရက်တွင် ရွှေတိဂုံစေတီတော် ဂေါပကရုံးခန်းတွင် ပြုလုပ်သည့် ရွှေတိဂုံစေတီတော်နှင့် သိဂုင်္တ္တရကုန်းမြေ ရေရှည်တည်တံ့ ခိုင်မြဲရေးအတွက် လုပ်ငန်းညှိနှိုင်း အစည်းအဝေးတွင် ပြောကြားသည်။

“ရွှေတိဂုံဘုရား တည်ရှိတဲ့ သိဂုင်္တ္တရကုန်းမြေ မြေပြိုမှုမဖြစ်ရန် ရေရှည်တည်တံ့ ခိုင်မြဲရေးအတွက် ဆောက်လုပ်ရေး ၀န်ကြီးဌာနက ပညာရှင်အသီးသီးနဲ့ ညှိနှိုင်းတိုင်ပင်ပြီးတော့ ကြိုတင်ကာကွယ်မှုတွေ ဆောင်ရွက်သွားမှာ ဖြစ်ပါတယ်။ ကျိုက်သလ္လံဘုရားလို ဖြစ်ပြီးမှထက် အများကြီး ထိရောက်မှု ရှိတယ်။ ရွှေတိဂုံဘုရားကြီးရဲ့ Geo Technical Research တွေကို ရွှေတိဂုံဘုရားရဲ့ ထောင့်လေးထောင့်မှာ ပြီးခဲ့တဲ့ နှစ်နှစ်တာ ကာလအတွင်းမှာ soil test လေးတွင်း တူးခဲ့ပါတယ်။ ကောင်းမွန်တဲ့ အနက်က ပေနှစ်ဆယ်ကျော်တာနဲ့ အမာခံမြေတွေ ဖြစ်ပါတယ်။ အပေါ်ပေနှစ်ဆယ်က မြေပျော့တွေ ဖြစ်နေတာ ဖြစ်ပါတယ်” ဟု ဒုဝန်ကြီး ဦးကျော်လင်းက ပြောကြားသည်။

ပြီးခဲ့သည့် ရက်ပိုင်းအတွင်း မော်လမြိုင် ကျိုက်သလံ္လဘုရား မြေပြိုမှုဖြစ်စဉ်နှင့် ပတ်သက်ပြီး သိဂုင်္တ္တရကုန်းမြေကို စိတ်ပူလာကြောင်း၊ ဖြစ်ပြီးမှ ဆောင်ရွက်ခြင်းထက် မဖြစ်ခင် ကြိုတင်ကာကွယ်ခြင်းသည် အကောင်းဆုံး ဖြစ်ကြောင်း၊ ထို့ကြောင့် အစည်းအဝေး ပြုလုပ်ရခြင်းဖြစ်ကြောင်း ဒုတိယ၀န်ကြီးက ပြောကြားသည်။

အဆိုပါ အစည်းအဝေးသို့ ဆောက်လုပ်ရေး ၀န်ကြီးဌာနမှ တာဝန်ရှိသူများ၊ ရွှေတိဂုံဂေါပကအဖွဲ့မှ တာဝန်ရှိသူများ၊ ဆောက်လုပ်ရေး ပညာရှင်များ၊ ရန်ကုန်မြို့တော် စည်ပင်သာယာရေးကော်မတီမှ တာဝန်ရှိသူများ တက်ရောက်ဆွေးနွေးခဲ့ပြီး အချက်သုံးချက် အတည်ပြုခဲ့ကြောင်း သိရသည်။

ယင်းအချက် သုံးချက်သည် ရွှေတိဂုံစေတီတော် ကိုယ်လုံးတော် ကြံ့ခိုင်ရေး၊ ရင်ပြင်တော်တွင် မြေပြိုမှုများ မဖြစ်စေရန် လိုအပ်သည့် နေရာများတွင် ရေမြောင်းများ ပြုလုပ်ရန်နှင့် ၀တ္တကမြေ ၁၁၄ ဧကအား သန့်ရှင်းသာယာ လှပရေးနှင့် စနစ်တကျရှိရေးတို့ကို ဆောင်ရွက်ရန် အတည်ပြုခဲ့ကြောင်း သိရသည်။

အတည်ပြုခဲ့သည့် ကိစ္စရပ်များအတွက် ကုန်ကျငွေများကို ပြန်လည်တွက်ချက်ပြီး ရန်ကုန်တိုင်းဒေသကြီး အစိုးရအဖွဲ့နှင့် သာသနာရေးနှင့် ယဉ်ကျေးမှုဝန်ကြီးဌာနသို့ တင်ပြသွားမည်ဖြစ်ပြီး ထိုမှတစ်ဆင့် နိုင်ငံတော်သမ္မတရုံးသို့ ဆက်လက်တင်ပြကာ နိုင်ငံတော်သမ္မတရုံးမှ ခွင့်ပြုချက်ရရှိမည် ဆိုပါက ပြုပြင်ခြင်း လုပ်ငန်းများကို ဆောင်ရွက်မည်ဖြစ်ကြောင်း သိရသည်။

ရွှေတိဂုံစေတီတော်ကြီးအား ၁၉၉၉ ခုနှစ်တွင် ရွှေထီးတော်တင်လှူခြင်း လုပ်ငန်းများ ဆောင်ရွက်ခဲ့ကြောင်း၊ ၂၀၀၄-၂၀၀၅ တွင် ဆူနာမီ ဖြစ်ပေါ်ခဲ့သောကြောင့် ရွှေထီးတော်ကြီး ကြံ့ခိုင်မှုစစ်ဆေးခြင်း လုပ်ငန်းကို ဆောင်ရွက်ခဲ့ကြောင်း၊ ၂၀၀၈ မေလတွင် နာဂစ်မုန်တိုင်း တိုက်ခတ်ခဲ့သောကြောင့် ၂၀၀၈-၂၀၀၉ တွင် ရွှေသင်္ကန်းတော် ကပ်လှူရေးနှင့် ထီးတော်ကြံ့ခိုင်မှု စစ်ဆေးရေး လုပ်ငန်းများ ဆောင်ရွက်ခဲ့ကြောင်း၊ စေတီတော်ကြီး၏ သေးသွယ်ဆုံးသော ကြာမှောက်ကြာလှန် ဧရိယာနှင့် ငှက်ပျောဖူးအခြေမှ တတိယ ဖောင်းရစ်အထိ ပြင်ဆင်မှု များပြုလုပ်ခဲ့ကြောင်းသိရသည်။

ရွှေတိဂုံစေတီတော်၏ မဟာရံတံတိုင်းများသည် ၁၉၉၆ မှ ၂၀၀၇ ခုနှစ်အတွင်း ပြိုကျပျက်စီးမှု လေးကြိမ်ရှိခဲ့ကြောင်း ၁၉၉၆-၁၉၉၇ ခုနှစ်တွင် တောင်ဘက်စောင်းတန်းထိပ် အနောက်ဘက်ခြမ်း ပေ ၅၀ ခန့် ပြိုကျခဲ့ကြောင်း၊ ၂၀၀၂-၂၀၀၃ ခုနှစ်တွင် အနောက်ဘက်စောင်းတန်း တောင်ဘက် ပေ ၁၂၀ ခန့် ပြိုကျခဲ့ကြောင်း၊ ၂၀၀၄-၂၀၀၅ ခုနှစ်တွင် အနောက်တောင်ထောင့် ရန်ကုန်ဘိုးဘိုးကြီး အနီးတွင် ပေ ၁၅၀ ခန့် ပြိုကျခဲ့ကြောင်း၊ ၂၀၀၆-၂၀၀၇ ခုနှစ်တွင် ရာဟုထောင့် သစ်ဂိုဒေါင် နောက်ကျော် ပေ ၁၈၀ ခန့် ပြိုကျပျက်စီးမှုများ ရှိခဲ့ကြောင်းလည်း သိရသည်။

 

ကုသိုလ်ယူမျှ မြတ်လှရွှေတိဂုံ

ကဆုန်လပြည့်နေ့ (ဧပြီ ၂၉ ရက်)က ရွှေတိဂုံစေတီတော်သို့ ဘုရားဖူးလာရောက်ကြသူများအား တွေ့ရစဉ် (ဓာတ်ပုံ- ကြည်နိုင်)

တနင်္ဂနွေနေ့ နံနက်တိုင်း ကျွန်တော်သည် ရွှေတိဂုံဘုရားသို့ သွားလေ့ရှိသည်။ မလွှဲမရှောင်သာကိစ္စနှင့် နေထိုင်မကောင်းဖြစ်သည်မှလွဲ၍ ကြိုးစားပြီး သွားခဲ့သည်မှာ နှစ်အတန်ကြာပြီ။ သို့ဖြစ်၍ “ကုသိုလ်တွေရလှပေါ့” ဟု ဆိုချင်သူဆိုလိမ့်မည်။ ဆိုနိုင်ပါသည်။ ကုသိုလ်ယူ ကုသိုလ်မျှခြင်းဆိုသည် ကျွန်တော်တို့ ဗုဒ္ဓဘာသာဝင်များ၏ အထုံအမွေ့။ ကိုယ်ပြုသော ကုသိုလ်ကောင်းမှုမှာ နည်းသည်ဖြစ်စေ အမျှပေးဝေနိုင်သည်။ ကောင်းမှုကြီးစွာ ပြုနိုင်သူများ၏ ကုသိုလ်ကိုလည်း ၀မ်းမြောက်စွာ သာဓုခေါ်နိုင်ပါသည်။

ကုန်ခဲ့သော လပိုင်းလောက်က သတင်းတစ်ပုဒ်မှာ ရွှေတိဂုံစေတီတော်ကြီးသို့ လှူဒါန်းထားသမျှ ပြည်တွင်းနှင့် နိုင်ငံခြားငွေ အရပ်ရပ်ကို ဘဏ်စာရင်းဖွင့် အပ်နှံဆောင်ရွက် လျက်ရှိကြောင်း၊ ငွေကြေးပမာဏနှင့်ပါ သိရတော့ ဘုရားဖူးအပေါင်းတို့၏ ကြည်ညိုသဒ္ဓါကို မှန်းဆသိနိုင်ကြပါသည်။သိင်္ဂုတ္တရကုန်းပေါ်ဝယ် သပ္ပာယ်လှသော ရွှေတိဂုံစေတီတော်သည် ဇမ္ဗူဒိပ်ကျွန်းတွင် အံ့ချီး၍မကုန်ပါ။
ဆရာတက္ကသိုလ်မောင်မောင်ကြီးက နံနက်စောစော တက္ကသိုလ်ဝင်းထဲမှထွက်ကာ စေတီတော်ရှိရာသို့ ဦးတည်လမ်းလျှောက်ရင်း တဖြည်းဖြည်းချင်း လှမ်းမြော်ဖူးမြင်ရသော စေတီတော်ကြီးအား ကြည်ညိုလှပြီး စာစီဖွဲ့သည့်အခါ ‘နိုင်ငံတော်၏မျက်နှာ’ ဟူ၍ အလင်္ကာခေါင်းစီး တပ်ခဲ့ပါသည်။

■ နိုင်ငံတော်၏မျက်နှာ

သိင်္ဂုတ္တရကုန်းတော်တွင် ရှေးဘုရားသုံးဆူဖြစ်သော ကကုသန်ဘုရား၏ တောင်ဝှေးတော်၊ ကောဏဂုံဘုရား၏ ရေစစ်တော်၊ ကဿပဘုရား၏ ရေသနုပ်သင်္ကန်းတော်တို့သည် ကမ္ဘာလူသားတို့ ကောင်းကျိုးရကြရန် ကိန်းဝပ်တော်မူခဲ့ပြီးဖြစ်သည်။ ရာမညတိုင်း ပေါက္ခရ၀တီမည်သည့် အသိတဉ္ဇနပြည်မှ ကုန်သည်ညီနောင် တဖုဿနှင့် ဘလ္လိကတို့သည် ဂေါတမမြတ်စွာဘုရားထံမှ ဆံတော်ရှစ်ဆူ ပူဇော်ခွင့်ရလာသောအခါ နောင်တော် ဘုရားသုံးဆူတို့၏ မွေတော်များ ကိန်းဝပ်သီတင်းသုံးရာတွင် စေတီတည်ရန် ဖြစ်လာခဲ့ တော့သည်။

ဘုရားတည်ခွင့်ရသော ဒါယကာမှာ ဥက္ကလာပမြို့စံ ဥက္ကလာပမင်းကြီးနှင့် ပြည်သူများဖြစ်ကြသည်။ ဥက္ကလာပမင်းကြီးမှာ သိကြားမင်းနှင့် မယ်လမုအမည်ရ အမျိုးသမီးတို့မှ ဖွားမြင်သည့် သားတော်ဖြစ်သည်။ အမိ လမုပင်အဖူးကြီးမှ ဖြစ်လာသည့် သံသေဒဇ ဖြစ်ပြီး လူ့ပြည်တွင် ဘုရားရှင်ပွင့်တော်မူမည့် အကြောင်းကြောင့် သိကြားမင်းသည် လူ့အသွင်သို့ ဖန်ဆင်းကာ မယ်လမုကို မွေးမြူခဲ့သည့် ရသေ့ထံမှ တောင်းယူခဲ့သည်။ တာဝတိံ သာသို့ ပြန်ရောက်ပြီးနောက် နတ်လုလင်ကို စေလွှတ်ကာ နတ်ရေစင်တိုက်ကျွေးသည်တွင် မယ်လမု၌ သန္ဓေတည်ကာ ဥက္ကလာပမင်းဖြစ်လာမည့် သားရတနာကို ဖွားမြင်ခဲ့ခြင်းဖြစ်သည်။

ဘဒ္ဒကမ္ဘာတွင် စတုတ္ထမြောက် ပွင့်ထွန်းတော်မူသော ဂေါတမဘုရားကို ဖူးတွေ့ရပြီး ဆံတော်တို့ကို ရရှိသည်ဆိုလျှင်ပင် ကုန်သည်ညီအစ်ကိုသည် သဒ္ဓါအလွန်ဖြစ်ကာ လှည်း ၅၀၀ တွင် ပါလာသမျှသော ကုန်တို့ကို မြင်သမျှသော လူတို့ထံ စွန့်ကြဲပေးကမ်းလိုက်လေသည်။

ဘုရားရှင်ထံမှ ပေးသနားသော ဆံတော်တို့ကို ကုန်သည်ညီအစ်ကိုတို့ ရရှိပြီး ဦးထိပ်တွင် တည်နေသည့်ခဏ မဟာပထ၀ီမြေကြီးသည် ပဲ့တင်ရိုက်ဟည်းကာ လှုပ်သည်။ မဟာသမုဒ္ဒရာတွင် လှိုင်းတံပိုးတို့သည်လည်း ထကြွသည်။ မြင်းမိုရ်တောင်က ဘုရားရှင်ရှိရာသို့ ညွတ်ကျိုးဦးခိုက်သည်။ နတ်ဗြဟ္မာအပေါင်းတို့က သာဓုသုံးကြိမ် ဟစ်ကြွေးကာ ကောင်းချီးပေးကြသည်ဟု ဆိုလေသည်။
ဆံတော်ကို ပင့်ဆောင်လာရာ လမ်းခရီးတွင် ဆိုက်ကပ်ရာ အဇ္ဈတ္တနဂရမြို့နှင့် နာဂရာဇ်မော် (မော်တင်စွန်းဟုဆိုသည်) တို့တွင် ဆံတော်ကို ဖူးတွေ့ကြရသည့် မင်း၊ မိဖုရား၊ ပြည်သူပြည်သားတို့နှင့် ရေသတ္တ၀ါနှင့် နဂါးတို့သည်လည်း သဒ္ဓါဟုန်ဖြစ်ကြပြီး ဆံတော်ကို ကိုးကွယ်ရန် အနိုင့်ထက်ယူသည်။ အမှတ်တမဲ့ ယူသည်နှင့် ကြုံကြရသည်။ ကုန်သည်ညီနောင်တို့က ဥက္ကလာပမင်းကြီးထံသို့ ရောက်သည်တွင် သစ္စာအဓိဋ္ဌာန်ပြုတော့မှ မူလအတိုင်း ဆံတော်ရှစ်ဆူကို ပြန်လည်ရရှိခဲ့သည်။

ဥက္ကလာပမင်းကြီးသည်လည်း ပတ္တမြားကြုတ်ကို ဖွင့်လှစ်ပြီး ဆံတော်များ ဖူးမြင်လိုက်ရစဉ်အခိုက် ကြည်ညိုသဒ္ဓါလွန်ကဲလာသဖြင့် သူ၏ဦးခေါင်းကို ဖြတ်ပြီး ပူဇော်မည်ဟု သန်လျက်ကို လက်က ကိုင်တော့သည်။ “အရှင်မင်းကြီး အသက်နှင့်ကိုယ်မြဲမှ ဗုဒ္ဓဆံတော်ကို တည်ထားကိုးကွယ်သူရှိမည်။ သို့မဟုတ်ပါလျှင် ဘုရားဗျာဒိတ်အတိုင်း တည်ထားကိုးကွယ်သူ ဒါယကာမရှိ ဖြစ်တော့မည်” ဟု သတိပေးခံရမှ ဥက္ကလာပမင်းသည် ပတ္တမြား ကျောက်စီမကိုဋ်ကို ချွတ်၍ ဆံတော်များအား လှူဒါန်းပူဇော်လေသည်။ ဤအကြောင်းများကို ဆရာမောင်ဆုရှင် ရေးသားပြုစုသည့် ‘မြတ်ဘုရားရွှေတိဂုံ’တွင် ဖတ်ရှု မှတ်သားရပါသည်။

ဆံတော်ကို စေတီတည်ရန် သိင်္ဂုတ္တရကုန်းကို စုံစမ်းရှာဖွေရသည်ကအစ လုံလပြု ကြိုးပမ်းကြရသည်။ သိကြားမင်းက ၀ိသကြုံနတ်သားကို ခိုင်းကာ ကူညီ၍ ကုန်းတော်ကို ရှာဖွေတွေ့ခဲ့ကြသည်။ ရှေးဘုရားတို့၏ ဓာတ်မွေတော်များ တွေ့ရှိရန် အတောင် ၄၄ တောင် နက်သည်အထိ တူးရာတွင်လည်း နတ်တို့က ကူညီခဲ့ကြသည်။ ဘုရားသုံးဆူ၏ မွေတော်တို့ကို တွေ့ပြီးနောက် အတူဌာပနာရန် ငွေ၊ စိန်၊ မြ၊ ပုလဲ၊ နီလာနှင့် ပတ္တမြား အဆင်း အသီးသီးရှိသည့် ကျောက်ဖြာတို့နှင့် ဌာပနာဥမင်ပြုစေကာ စေတီတည်ခဲ့သည်။

အထက်ကျောက်ဖြာအပိတ်ပေါ်တွင် ရွှေစေတီကိုတည်၏။ ရွှေစေတီကိုမျို၍ ငွေ စေတီ၊ ထို့နောက် ကြေးဖြူစေတီ၊ ထိုသို့ပင် ကြေးနီစေတီ၊ သံလွဲစေတီ၊ ကျောက်ဖြူစေတီ၊ သံအုတ်စေတီဟူ၍ အထပ်ထပ်မျို၍တည်ကာ အုတ်မှာလည်း ထိုသတ္တု ခုနစ်မျိုးအုတ် နှင့် မြေအုတ်တို့ဖြင့် စေတီတည်ခဲ့သည်။ သိင်္ဂုတ္တရကုန်းတော်သည် ကုန်းတည်ရှိရာနှင့် အကြောင်းပြုရာတို့အရ အမည်ခုနစ်ပါးတွင်ခဲ့သည်ဟု ဆိုသည်။ ထိုကုန်းတော်တွင် စေတီကို ဆိုခဲ့သည့်အတိုင်း စေတီခုနစ်ထပ် စတည်ခဲ့ခြင်းဖြစ်လေသည်။ စေတီတော်ကို ဖိနပ်တော်မှ ငှက်ပျောဖူးအထိ ရတနာမျိုးစုံဖြင့် မွမ်းမံသည့်အခါ ဥာဏ်တော်သည် ၄၄ တောင် ဖြစ်လေသည်။

ဂေါတမဘုရားရှင် သက်တော်ထင်ရှား ရှိစဉ်တည်ခဲ့သဖြင့် သမိုင်းနောက်ကြောင်း ရှည်လျားလှသည်။ စာနှင့်ပေနှင့် အခိုင်အမာ အဖြစ်အပျက်တို့မှာ ခရစ်နှစ် ၁၃၇၂ ခုနှစ် ဘုရင်ဗညားဦးလက်ထက်မှ စတင်သည်ဟု ဆိုသည်။ သူ့လက်ထက်မှစကာ ကာလအလျောက် ပျက်ယွင်းရသော စေတီကို ပြုပြင်မွမ်းမံရပြီး မင်းအဆက်ဆက်တို့က ဆံတော်ရှင်စေတီကို သဒ္ဓါကြည်ညိုစွာ ပူဇော်ကြ၊ လှူဒါန်းကြသည့်အပြင် ကြုံရသော ငလျင်ဒဏ်များကြောင့် အကြိမ်ကြိမ်ပင် စေတီတော်ကို အားကြိုးခနွှဲ ကြိုးစားပြုပြင်တည်ဆောက်ခဲ့ကြကြောင်း မြတ်ဘုရား ရွှေတိဂုံကျမ်းတွင် ဖတ်မှတ်ရသည်။ နှစ်ထောင်းအားရစရာဖြစ်ပါသည်။ ကျေးဇူးတင်စရာ ဖြစ်ပါသည်။

ဘာသာသာသနာကို ကိုင်းရှိုင်းလှသော ဘုရင်မကြီး ရှင်စောပုတစ်ပါးတည်း၏ ကောင်းမှုတစ်ခုမှာ ဘုရားဝေယျာဝစ္စအတွက် ကျွန် ၅၀၀၊ ရွှေစင်ကို ကိုယ်ခန္ဓာ၏ အလေးချိန်အပြည့် ၂၅ ပိဿာ (၉၁ ပေါင်) လှူဒါန်းကြောင်းအပြင် ကုန်းတော်နှင့် ပစ္စယာကို ပြုပြင်သည်။ မွမ်းမံသည်။ အုတ်တံတိုင်းခတ်သည်။ အရှေ့ကို ကျတ်ကနက်ဘုရား၊ မြောက်ကို ကျတ်မိုးဘုရား၊ တောင်ကို ကျတ်နတ်ဘုရားနှင့် အနောက်ကို ကျတ်မြောင်းဘုရားအထိ ပတ်လည်မြေကို ၀တ္တကမြေအဖြစ် လှူဒါန်းလေသည်။

ဘုရင်မကြီးသည် သူနေထိုင်ရာ ဘုရားအနောက်ဘက်သစ်မြို့နန်းမှ အနောက်မုခ်စောင်းတန်းအတိုင်း တက်ကာ ဘုရားဝတ်ပြုလေ့ရှိသည်ဟု ဆိုသည်။ သက်တော် ၇၈ နှစ် သေအံ့မူးမူးမှာပင် သလွန်တော်ကိုဘုရားကို လှမ်းမြော်ဖူးမြင်နိုင်သည့် ပြတင်းအနီး ရွှေ့စေကာ ဘုရားကို အာရုံပြုရင်း အနိစ္စရောက်ခဲ့သည်ဟု ဆိုပါသည်။ ဂုဏ်ပြုချီးကျူးဖွယ် သဒ္ဓါကြည်ညိုမှုပါတကား။

မျက်မှောက်တွင် တိဂုမ္ဘစေတီသည် နှစ် ၂၆၀၀ ပြည့်ပြီးခဲ့ပြီ။ ဥာဏ်တော် အမြင့် ၃၂၆ ပေဖြစ်သည်။ မွန်တို့၏ ဒေသ ‘ဒဂုန်’ ကိုအစွဲပြုကာ ‘ရွှေတိဂုံ’ စေတီဟု ခေါ်ကြောင်း ဆိုသည်။

မောင်းထောင်ဆရာတော်ကြီးသည် မြန်မာသက္ကရာဇ် ၁၁၅၅ တွင် အမရပူရမှ နောက်ပါရဟန်းရှင်လူတစ်ထောင်ကျော် ခြံရံလျက် ရွှေတိဂုံစေတီတော်သို့ ဘုရားဖူးရောက်ပြီးနောက် ဘုရားကြီးအား ကြည်ညိုလှပြီး ပါဠိဘာသာ ထောမနာ တစ်ဆယ့်နှစ် ဂါထာဖွဲ့ခဲ့ပါသည်။ ဘုရားရှိခိုးဖြစ်ပါသည်။ ‘ယော ဒီပင်္ကရ မူလမှိ …’ အစချီ ပထမဂါထာ၏ အဓိပ္ပာယ်မှာ ဒီပင်္ကရာဘုရားရှင် ခြေတော်ရင်းတွင် နိဗ္ဗာန်ချမ်းသာကို ချက်ချင်းခဏ ရနိုင်ပါလျက် ဘုရားဆုကိုသာ အလိုရှိခဲ့သော ဘုရား၏ ဆံတော်ဓာတ်ကို ရှိခိုးပါ၏ဟုဖြစ်သည်။

ကျန်ဂါထာများမှာ မြတ်စွာဘုရား၏ သဗ္ဗညုဆောင်ရွက်တော်မှုကို ထုတ်ဖော်ရွတ်ဆိုလျက် ဆံတော်မြတ်ကို ရှိခိုးကြောင်းများ ဖြစ်သည်။ ဂါထာအမှတ် ၁၁ မှာ တာဝတိံတွင် စူဠာမဏိ၊ ဗြဟ္မာပြည်တွင် ဒုဿစေတီတို့ သည် အလောင်းတော်ဘ၀တွင် တည်ထားခဲ့ကြသော ပထမစေတီများဖြစ်ပြီး ဆံတော်စေတီကား ဘုရားရှင်လက်ထက် ပထမရှေးဦးစွာ တည်သော စေတီဖြစ်၏။ ထိုစေတီအား ရှိခိုးပါ၏ဟု အနက်ရှိလေသည်။

အက္ခရာလေးလုံးစီဖြင့် လေးပါဒစီဖွဲ့သော သိကြားတံဆိပ်နှစ်ကျိပ်ရှစ်ဆူ ဘုရားရှိခိုးတွင်လည်း ‘ဗု-ဒ္ဓ-စိ-န္တာ ရွှေတိဂုံ’ ဟူ၍ ဘုရားရှိခိုးရှိပါသေးသည်။ ဤသို့လျှင် သိမှတ်လာရသမျှဖြင့် အာရုံယူကာ စေတီတော်ကြီးကို လက်စုံမိုး ရှိခိုးဦးချ ကန်တော့လိုက်ရလျှင် တစ်ကိုယ်လုံးတွင် ပီတိများ စိမ့်ဖြာကြရပါတော့မည်။

တနင်္ဂနွေနေ့ နံနက်တိုင်း ကြိုးစားအားခဲပြီး ကျွန်တော်သည် ဘုရားကြီးသို့ မှန်မှန်ရောက်ဖြစ်ခဲ့ရသည်မှာ မိတ်ဆွေကြီး ဦးဝင်းမြင့်၏ ကျေးဇူးဖြစ်ပါသည်။ တာမွေမြို့နယ် ပြည်တွင်းအခွန်ဦးစီးမှူးဖြစ်ပြီး ယခုအခါ အတူတူ အငြိမ်းစားဖြစ်ပါသည်။ သူက ဘုရားသို့ မဖြစ်မနေ လာဖို့ခေါ်ခဲ့သည်။ လာနိုင်ရန်လည်း အိတ်ထဲသို့ လမ်းစရိတ်ထည့်ပေးတတ်သည်။ ကာလမှာ နိုင်ငံမှာအရေးအခင်းကြီး ကြုံတွေ့ရပြီး ကိုယ်စိတ်ဆင်းရဲပင်ပန်းကျပ်တည်းလှချိန်။ ဌာနတွင် တာဝန်ထမ်းရသည်မှာလည်း စိတ်ပျက်လက်ပျက် ရှိရချိန်။

ဤသို့ဖြင့် ဘုရားကြီးသို့ ရောက်ရသည့်အခါ ရင်ပြင်တော် ရာဟုထောင့်အနီးရှိ ဦးသက်ရှေ-ဒေါ်အိမ်စောင့်နှင့် စံမဖီ-ဒေါ်အေးမြဟု ကမ္ပည်းထိုးထားသော မာဖီယားတန်ဆောင်းတွင် မိတ်ဆွေများ ဆုံကြသည်။ အခါကြီး ရက်ကြီးများတွင် ၁၀၈ ပွဲနှင့် အလှူဒါနများ ပြုကြသည်။ တနင်္ဂနွေနေ့ နံနက်ခင်းစောစော အထက်ပစ္စယံဖွင့်သည်နှင့် ဘုရားကြီး အရှေ့ဘက် တ၀ဂူဂန္ဓကုဋီတွင် သီတင်းစံမြန်းသော ပတ္တမြားမျက်ရှင်ဘုရားကြီးထံတွင် အောင်အိုးနှင့်တကွ ဆက်ကပ်လှူဒါန်းကာ ဆုတောင်းပွဲ ၀တ်မပျက် ပြုခဲ့ကြပါသည်။

စေတီတော်ကြီး၏ အထက်ပစ္စယံတွင် ဆုတောင်းပွဲနှင့် ဘုရားကြီးအား ၀တ်ပြုရသည်မှာ အလွန်ကြည်နူးမှုဖြစ်ကြရပါသည်။ ဤသို့ဖြင့် ကျွန်တော်သည် တနင်္ဂနွေနေ့ နံနက် ဘုရားတက်သည့် ၀တ်မြဲခဲ့သည်။

မိတ်ဆွေကြီး ဦးဝင်းမြင့် နေထိုင်ရာသည် အတန်ငယ်ဝေးသဖြင့် သူနှင့် မတွေ့မဆုံ ဖြစ်ခဲ့သည်မှာလည်း ကြာနေပြီ။ သို့သော် ဘုရားကြီးသို့ ရောက်ရတိုင်း သူ့ကို သတိရသည်။ သူ့ကျေးဇူးကို သတိရအောက်မေ့ဆင်ခြင်သည်။ ဆိုခဲ့သလိုပင် သူနှင့် မတွေ့ရသော်ငြား ကျွန်တော် ပြုနိုင်သမျှသော ကုသိုလ်ကောင်းမှု၏ အမျှသည်လည်း သူရရှိမည်ဟု ကျွန်တော်ယုံပါသည်။ ဘုရားကြီးသို့ ရည်စူးလျက် သူ ပြုသမျှသော ကောင်းမှုကုသိုလ်တို့သည်လည်း ယခင် ဆုံတွေ့နေခဲ့ကြကုန်သော ခုနစ်ရက်သားသမီးဝတ်အသင်း၊ အကျိုး တော်ဆောင်နှင့်တကွ မိတ်ဆွေများလည်း ရကြမည်သာဟု ကျွန်တော် ယုံကြည်ပါသည်။