ကရင်ပြည်နယ်အတွင်း ရေကြီးနစ်မြုပ်မှုကြောင့် မိုးစပါးစိုက်ဧက ၃၀၁၈၀ နှင့် အစေ့ထုတ်ပြောင်း ၁၆၆၃ ဧက ပျက်စီး

ကရင်ပြည်နယ်အတွင်း ရေကြီးနစ်မြုပ်မှုကြောင့် မိုးစပါး စိုက်ဧက ၃၀၁၈၀ နှင့် မြ၀တီမြို့နယ်တွင် အစေ့ထုတ်ပြောင်း ၁၆၆၃ ဧက ပျက်စီးခဲ့ပြီး ဘားအံမြို့နယ်တွင် မိုးစပါး စိုက်ဧက ပျက်စီးမှုတွင် အများဆုံးဖြစ်ကြောင်း သိရသည်။

“ပြည်နယ်အတွင်း ပျက်စီးခဲ့တဲ့ မိုးစပါး စိုက်ဧကတွေမှာ ဘားအံမြို့နယ်က ဧကပေါင်း ၂၅၀၀၀ ကျော် ထိခိုက် ပျက်စီးခဲ့တဲ့အတွက် အများဆုံးအဆင့်မှာ ရှိတယ်။ တစ်ပြည်နယ်လုံးမှာ အစေ့ထုတ်ပြောင်း စိုက်ပျိုးတဲ့ မြ၀တီမြို့နယ်မှာ အစေ့ထုတ်ပြောင်း စိုက်ဧက ၁၆၀၀ ကျော် နစ်မြုပ် ပျက်စီးခဲ့ပါတယ်။ ပြန်လည် ထူထောင်နိုင်ဖို့ ပြည်နယ်ဝန်ကြီးချုပ် ချထားပေးတဲ့ ရန်ပုံငွေ၊ ရုံးချုပ်က ပံ့ပိုးငွေနဲ့ အလှူရှင်တွေက ပံ့ပိုးအလှူငွေတွေ ပေါင်းစပ်ပြီး စပါးမျိုးစေ့ ၁၀,၀၀၀ ကျော် စုစည်းထားနိုင်ပြီး ဖြစ်ပါတယ်”ဟု ပြည်နယ်ဦးစီးမှူး ဦးဝင်းလှိုင်ဦးက ပြောကြားသည်။

နယ်စပ် မြ၀တီမြို့နယ်အတွင်း ရေနစ်မြုပ် ပျက်စီးခဲ့သည့် အစေ့ထုတ်ပြောင်း ၁၆၆၃ ဧကအတွက် မြ၀တီခရိုင် အုပ်ချုပ်ရေးမှူးနှင့် ပြည်နယ်ဝန်ကြီးတို့မှ လုပ်ငန်းရှင်များထံ အလှူငွေ တောင်းခံခဲ့ရာ ကျပ်သိန်း၂၁၀ ရှိပြီး အလှူရှင်များက ပျက်စီးခဲ့သည့် အစေ့ထုတ်ပြောင်း ၁၆၆၃ ဧကအနက် ဧက ၂၀၀ ပြန်လည် စိုက်ပျိုး ထောက်ပံ့ပေးမည် ဖြစ်ကြောင်း၊ အလှူငွေကျပ် သိန်း ၂၁၀ ကိုလည်း သြဂုတ် ၂၃ ရက်က ပြောင်းစိုက် တောင်သူများအား ထောက်ပံ့ပေးအပ်ခဲ့ကြောင်း သိရသည်။

ကရင်ပြည်နယ် ခြောက်မြို့နယ်အတွင်း ရေကြီးနစ်မြုပ်မှုကြောင့် ပျက်စီးသွားသည့် မိုးစပါး စိုက်ခင်းများအတွက် ပြန်လည်ထူထောင် စိုက်ပျိုးရာ၌ ရေကြီးနစ်မြုပ်မှု ဆက်လက် ဖြစ်ပေါ်နေသောကြောင့် သွင်းအားစုများ ၀ယ်ယူ သိုလှောင်ထားနိုင်ခြင်း မရှိသေးသော်လည်း ဖာပွန်ခရိုင်အတွင်း မိုးစပါး စိုက်ဧက ၆၀၀ အတွက် မျိုးစပါးများ တောင်သူများထံ ပေးအပ်နိုင်ခဲ့ကာ ရေဘေးလွန် ကယ်ဆယ်ရေးအဖွဲ့ (ဦးစောဟန်အေးအဖွဲ့)က စပါး အစေ့မှုတ်စက်နှင့် ဘက်စုံသုံး ဆေးဖြန်းစက်ကို ကမမောင်းမြို့နယ်ခွဲတွင် တစ်စုံ၊ ဖာပွန်မြို့တွင်တစ်စုံ ထောက်ပံ့ထားသည်။

ကရင်ပြည်နယ်အတွင်း ရေကြီးနစ်မြုပ်မှုဖြစ်စဉ်ကြောင့် ပျက်စီးဆုံးရှုံးနိုင်ခြေရှိ လယ်ဧက ၁၀၀၀၀ နှင့် ထိခိုက်သွားသည့် လယ်ဧက ၁၄၆၀၀ အတွက် ပြန်လည်ထူထောင်နိုင်ရန် ပြည်နယ်အစိုးရနှင့် ပြည်ထောင်စုဝန်ကြီးဌာနတို့ ပူးပေါင်းဆောင်ရွက်မည်

ကရင်ပြည်နယ်တွင် ဇူလိုင် ၂၁ ရက်မှ စတင်ကာ ရေကြီးနစ်မြုပ်မှု ဖြစ်စဉ်ဖြစ်ပွားပြီး ကာလရှည်ကြာ ရေနစ်မြုပ်မှုကြောင့် ပျက်စီး ဆုံးရှုံးနိုင်ခြေရှိ လယ်ဧက ၁၀၀၀၀ ခန့်နှင့် ထိခိုက်သွားသည့် လယ်ဧက ၁၄၆၀၀ အတွက် အမြန်ဆုံး ပြန်လည်ထူထောင်နိုင်ရန် ပြည်နယ်အစိုးရအဖွဲ့နှင့် ပြည်ထောင်စုဝန်ကြီး ဌာနတို့က ပူးပေါင်း ဆောင်ရွက်သွားမည်ဖြစ်ကြောင်း သိရသည်။

စိုက်ပျိုးရေးကဏ္ဍ ပြန်လည်ထူထောင်နိုင်ရန် ပျက်စီးဆုံးရှုံးနိုင်ခြေ လယ်မြေများနှင့် ထိခိုက်သွားသည့် လယ်မြေများအတွက် မျိုးစေ့နှင့် ဓာတ်မြေသြဇာ ပိုးသတ်ဆေးတို့ကို ပြည်နယ်အစိုးရနှင့် ပြည်ထောင်စုဝန်ကြီးဌာနတို့က ပေါင်းစပ် ဆောင်ရွက်ပေးသွားမည်ဖြစ်သည်။

စိုက်ပျိုးရေးကဏ္ဍ ပြန်လည်ထူထောင်နိုင်ရေးအတွက် အရေးတကြီး လိုအပ်သည့် လယ်မြေစိုက်ခင်းများအား စက်မှုလယ်ယာ ဦးစီးဌာနနှင့် ပေါင်းစပ်ကာ အမြန်ဆုံး ထွန်ယက်ပေးသွားမည်ဖြစ်ပြီး ဆည်မြောင်းနှင့် မြစ်ရေတင်ကဏ္ဍ၌လည်း ပျက်စီးခဲ့သည့် ရေနုတ်မြောင်း တူးမြောင်းများကို အမြန်ဆုံး ပြုပြင်ပေးသွားမည်ဖြစ်ကြောင်း သိရသည်။

“ကရင်ပြည်နယ်မှာ သံတောင်ကြီးမြို့နယ်မှအပ ကျန်မြို့နယ်ခြောက်ခုစလုံး ရေကြီးနစ်မြုပ်မှု ခံစားရပါတယ်။ ဒီအတွက် ကယ်ဆယ်ထောက်ပံ့လုပ်ငန်းတွေကို ဆောင်ရွက်ပြီးဖြစ်သလို ပြန်လည်ထူထောင်ရေးအတွက်လည်း မျိုးစေ့ဓာတ်မြေသြဇာ ပိုးသတ်ဆေး စသဖြင့် စိုက်ပျိုးရေးကဏ္ဍအတွက် လိုအပ်ချက်များကို ကျွန်တော်တို့ ပြည်နယ်အစိုးရ အဖွဲ့နဲ့ ပြည်ထောင်စုဝန်ကြီးဌာနတို့ ပူးပေါင်း ဆောင်ရွက်ပေးသွားမှာ ဖြစ်ပါတယ်” ဟု ပြည်နယ်စိုက်ပျိုးရေး မွေးမြူရေးနှင့် ဆည်မြောင်းဝန်ကြီး ဦးစောမြင့်ဦးက ဆိုသည်။

ကရင်ပြည်နယ်အတွင်း ရေကြီးနစ်မြုပ်မှု ဖြစ်စဉ်ကြောင့် လယ်ယာကဏ္ဍ ထိခိုက် ပျက်စီးမှုအတွက် ပြန်လည်ထူထောင်ရေး လုပ်ငန်းညှိနှိုင်း အစည်းအဝေးကို သြဂုတ် ၇ ရက်က ကရင်ပြည်နယ် စိုက်ပျိုးရေးဦးစီးဌာနရုံး၌ ကျင်းပခဲ့ကြောင်း သတင်းရရှိသည်။

ယခုလ ဒုတိယပတ်အတွင်း ဘင်္ဂလားပင်လယ်အော်တွင် မုန်တိုင်းငယ်တစ်ခု ဖြစ်ပေါ်နိုင်ကာ ရခိုင်ပြည်နယ်၊ စစ်ကိုင်းတိုင်းနှင့် မန္တလေးတိုင်းတို့တွင် မိုးများနိုင်

မွန်ပြည်နယ်တွင် မိုးကြီးခြင်းကြောင့် ရေကြီးရေလျှံ ဖြစ်ပွားနေသည်ကို တွေ့ရစဉ် (ဓာတ်ပုံ-ဘိုဘိုမြင့်)

ယခုလ ဒုတိယပတ်အတွင်း ဘင်္ဂလားပင်လယ်အော်တွင် မုန်တိုင်းငယ်တစ်ခု ဖြစ်ပေါ်နိုင်ကာ ရခိုင်ပြည်နယ်၊ စစ်ကိုင်းတိုင်း နှင့် မန္တလေးတိုင်းတို့တွင် မိုးများနိုင်ကြောင်း မိုးလေ၀သပညာရှင် ဦးချစ်ကျော်က ပြောကြားသည်။

“မုတ်သုံလေ အားကောင်းရင် လေဖိအားနည်းရပ်ဝန်း ဖြစ်ဖို့ခဲယဉ်းတယ်။ ဖြစ်နိုင်တာကတော့ သြဂုတ်လ ဒုတိယ ၁၀ ရက်ပတ်မှာ မုတ်သုံမုန်တိုင်းငယ် ဖြစ်နိုင်တယ်။ ဆိုင်ကလုန်းမုန်တိုင်းအဖြစ် ထိတော့ မရောက်နိုင်ဘူး။ ဖြစ်ပြီးတာနဲ့ ကမ်းကပ်သွားမှာ ဖြစ်တာကလည်း အိန္ဒိယနဲ့ ဘင်္ဂလားဒေ့ရှ် နယ်စပ်နားလောက်မှာ ဖြစ်မှာ၊ စစ်တွေရဲ့ အနောက်ဘက်ပေါ့။ အဲဒီလိုဖြစ်ရင် စစ်ကိုင်းတိုင်း၊ ရခိုင်ပြည်နယ်တို့၊ မန္တလေးတိုင်းတို့ စစ်ကိုင်းတိုင်းအောက်ပိုင်း မိုးများမယ်” ဟု ၎င်းကပြောကြားသည်။

ယခုကဲ့သို့ မိုးများလာနိုင်မှုကြောင့် ဧရာဝတီမြစ်နှင့် ချင်းတွင်းမြစ်မှ စီးဆင်းလာမည့် ရေများသည် ဟင်္သာတနှင့် ဇလွန်တို့တွင် ရေကြီးနိုင်ကြောင်း၊ သြဂုတ်လသည် နှစ်စဉ်နှစ်တိုင်း ရေကြီးနေသည့် ကာလဖြစ်ကြောင်း ဦးချစ်ကျော်က ပြောကြားသည်။

“ဒီလက နှစ်စဉ်နှစ်တိုင်း ရေကြီးတဲ့ကာလ ဖြစ်တယ်။ ဒီကာလရောက်ရင် သတိထားရမှာကို လူတွေက သိပ်သတိမထားကြဘူး။ အခု ရေကြီးနိုင်တာကတော့ ဧရာဝတီနဲ့ ပဲခူးတိုင်းပဲ၊ မော်လမြိုင်ကတော့ ထက်မကြီးနိုင်ဘူး။ မိုးလယ်ကာလမှာ မိုးကြီးတာက မွန်ပြည်နယ်ဘက် သိပ်မကြီးဘူး။ ရခိုင်ကမ်းရိုးတန်း၊ မြစ်ဝကျွန်းပေါ်ရယ် ကချင်၊ စစ်ကိုင်း၊ ချင်း အဲဒီနေရာတွေက မိုးကြီးတယ်။ နောက်တစ်ခု ရှမ်းပြည်နယ်လည်း ကြီးတယ်။ ရှမ်းပြည်နယ် မိုးကြီးရင်တော့ သံလွင်မြစ်ကနေ ဘားအံ ရေကြီးနိုင်တယ်” ဟု ဦးချစ်ကျော်က ဆိုသည်။

သြဂုတ်လအတွင်း ဘင်္ဂလားပင်လယ်အော်တွင် လေဖိအားနည်းရပ်ဝန်း နှစ်ကြိမ် ဖြစ်ပေါ်နိုင်ပြီး တစ်ကြိမ်သည် ပိုမို အားကောင်းကာ မုန်တိုင်းငယ်အဖြစ် ရောက်ရှိနိုင်ကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ ခန့်မှန်းချက်အရ သိရသည်။

ခန့်မှန်းချက်တွင် ဘင်္ဂလားပင်လယ်အော်တွင် လေဖိအားနည်းရပ်ဝန်း နှစ်ကြိမ် ဖြစ်ပေါ်နိုင်ပြီး တစ်ကြိမ်တွင် ပိုမို အားကောင်းကာ မုန်တိုင်းငယ်အဖြစ်သို့ ရောက်ရှိနိုင်ကြောင်း၊ ကပ္ပလီပင်လယ်ပြင်နှင့် ဘင်္ဂလား ပင်လယ်အော်တို့တွင် မုတ်သုံလေအား အသင့်အတင့်မှ အားကောင်းနိုင်ပြီး ယင်းကာလတွင် မုတ်သုံလေ အားပြတ်ခြင်း တစ်ကြိမ် ဖြစ်ပေါ်နိုင်ကြောင်း သိရသည်။

မိုးရွာသွန်းမှု အခြေအနေသည် တနင်္သာရီ တိုင်းဒေသကြီးနှင့် မွန်ပြည်နယ်တို့တွင် ရွာသွန်းမြဲထက် ပိုနိုင်ပြီး စစ်ကိုင်းတိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်နှင့် ကရင်ပြည်နယ်တို့တွင် ရွာသွန်းမြဲခန့် မိုးထစ်ချုန်း ရွာနိုင်ကြောင်း၊ စစ်ကိုင်းတိုင်းဒေသကြီး အထက်ပိုင်း၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရခိုင်ပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ၂၂ ရက်မှ ၂၉ ရက်ခန့်နှင့် စစ်ကိုင်းတိုင်းဒေသကြီး အောက်ပိုင်း၊ မန္တလေးတိုင်း၊ မကွေးတိုင်း၊ ရှမ်းပြည်နယ်၊ ချင်းပြည်နယ်နှင့် ကယား ပြည်နယ်တို့တွင် ၁၂ ရက်မှ ၂၁ ရက်ခန့် ထစ်ချုန်း ရွာနိုင်ကြောင်း ဖော်ပြထားသည်။

ထို့ပြင် သြဂုတ်လအတွင်း ဧရာဝတီမြစ်ရေသည် ဗန်းမော်မြို့၊ ရွှေကူမြို့၊ ကသာမြို့၊ သပိတ်ကျင်းမြို့၊ မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့၊ ညောင်ဦးမြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာ မြို့၊ ဟင်္သာတမြို့နှင့် ဇလွန်မြို့တို့တွင် တစ်ကြိမ်ခန့်စီ၊ ချင်းတွင်းမြစ်ရေသည် ခန္တီးမြို့၊ ဟုမ္မလင်းမြို့၊ ဖောင်းပြင်မြို့၊ မော်လိုက်မြို့၊ ကလေးဝမြို့၊ မင်းကင်းမြို့၊ ကနီမြို့နှင့် မုံရွာမြို့တို့တွင် တစ်ကြိမ်ခန့်စီ၊ မြစ်သာမြစ်ရေသည် ပြင်သာတွင် တစ်ကြိမ်ခန့်၊ ဒုဋ္ဌ၀တီမြစ်ရေသည် မြစ်ငယ်မြို့တွင် တစ်ကြိမ်ခန့်၊ စစ်တောင်းမြစ်ရေသည် တောင်ငူမြို့နှင့် မဒေါက်မြို့တို့တွင် တစ်ကြိမ်ခန့်စီ၊ ရွှေကျင်မြစ်ရေသည် ရွှေကျင်မြို့တွင် တစ်ကြိမ်ခန့်၊ ပဲခူးမြစ်ရေသည် ပဲခူးမြို့တွင် တစ်ကြိမ်ခန့်၊ သံလွင်မြစ်ရေသည် ဘားအံမြို့တွင် တစ်ကြိမ်ခန့် စိုးရိမ်ရေမှတ်အထက်သို့ ကျော်လွန်ရောက်ရှိနိုင်ကြောင်း သိရသည်။

ထားဝယ်-မြိတ် အဝေးပြေးလမ်းမပေါ်မှ ဝင်းဝတံတားအား ရေကျော်ခဲ့သဖြင့် ကားအစီးရေ အများအပြားနှင့် ခရီးသွားများ ပိတ်မိနေ

ဝင်းဝတံတားရေကျော်မှုကြောင့် မင်းဒပ်ရွာတွင်ယာဉ်များပိတ်မိနေစဉ်(photo-ချစ်ချစ်ဝင်း)

တနသာင်္ရီတိုင်းဒေသကြီး ထားဝယ်ခရိုင်ရှိ ထားဝယ်မြို့ မှ ၃၈ မိုင်ခန့်အကွာ သရက်ချောင်းမြို့ နယ် မင်းဒပ်ရွာတွင် မိုးသည်းထန်စွာ ဆက်တိုက် ရွာသွန်းနေမှုကြောင့် ဇူလိုင်လ ၃၀ ရက် ညနေပိုင်းမှ စတင်ကာ ရွာအနီးရှိ ဝင်းဝချောင်း ရေလျှံတက်လာပြီး ထားဝယ်-မြိတ် အဝေးပြေးလမ်းမပေါ်မှ ဝင်းဝတံတားအား ရေကျော်တက်ခဲ့သဖြင့် ကားအစီးရေ အများအပြားနှင့် ခရီးသွားများ ပိတ်မိနေကြောင်း သိရသည်။

ဇူလိုင်လ ၃၀ ရက် မွန်းလွဲပိုင်းမှစ၍ ထားဝယ်-မြိတ် အဝေးပြေးလမ်းမပေါ်ရှိ သရက်နှစ်ခွ၊ ဆင်ကူး၊ စုံစင်ဖျား၊ မင်းဒပ်စသည့် နေရာများတွင် လမ်းမပေါ်သို့  တစ်ပေမှ သုံးပေကျော်ခန့်အထိ ရေများ ကျော်တက်လျှက်ရှိပြီး ဇူလိုင်လ ၃၀ ရက် ညနေ ၆ နာရီအချိန်ထိ သတင်းများအရ နေရာအချို့တွင် ယာဉ်များဖြတ်သန်း၍ ရနေသေးသော်လည်း ရေစီးသန်လျှက် ရှိသည့်အပြင် မင်းဒပ်ရွာအနီးရှိ ဝင်းဝတံတားတွင်မူ ရေများ ထပ်မံ မြင့်တက်လာသဖြင့် ယာဉ်အချို့မဖြတ်သန်းဘဲ အခြေအနေ စောင့်ကြည့်နေသည်ဟု ယင်းနေရာသို့ ရောက်ရှိနေသည့် ထားဝယ် တက်ကြွလူငယ်အဖွဲ့ ဝင် တစ်ဦးဖြစ်သူ ကိုဝေဖြိုးက ပြောကြားသည်။

ဇူလိုင်လ ၃၁ ရက် နံနက် ၁ နာရီခန့်အချိန်ထိ နောက်ဆုံး သတင်းရရှိချက်အရ အဆိုပါ မင်းဒပ်ရွာအနီးရှိ ဝင်းဝချောင်းရေမှာ ဇူလိုင်လ ၃၀ ရက် ညနေပိုင်းမှစ၍ လျှင်မြန်စွာ တဖြေးဖြေးမြင့်တက်လာပြီး ဝင်းဝတံတားအား ရေကျော်တက်ခဲ့သည့်အပြင် အနီးရှိ မင်းဒပ်ရွာတစ်လျောက် လမ်းများပေါ်သို့ ပါ ရေများကျော်လာခဲ့သဖြင့် ထားဝယ်ဘက်မှ မြိတ်ဘက်သို့ အဆင်းယာဉ်များနှင့် မြိတ်ဘက်မှ ထားဝယ်ဘက်သို့ တက်လာသည့်ယာဉ်များ ဖြတ်သန်း၍ မရတော့ဘဲ ယာဉ်အစီးရေ ဆယ်ချီကာ ပိတ်မိနေပြီး အခြေအနေစောင့်ကြည့်လျှက်ရှိကြောင်း၊ လက်ရှိအခြေအနေအရ မိုးအဆက်မပြတ် သည်းထန်စွာ ရွာသွန်းနေဆဲဖြစ်ပြီး ခရီးသည်တင်ယာဉ်များနှင့် ကုန်တင်ယာဉ်များ ရေလွတ်ရာနေရာတွင် ရွှေ့ ပြောင်း ရပ်နားထားရသည်ဟု အဆိုပါနေရာသို့ ရောက်ရှိနေသည့် ခရီးသည်တစ်ဦးက ပြောကြားသည်။

“မြိတ်ကနေ ၆ နာရီ တက်လာတာ၊ ၁၁ ခွဲမှာ မင်းဒပ်ကို ရောက်တယ်၊ အခုထိုင်နေရင်း ၁၂ နာရီကျော်လာပြီ၊ အဲမှာ​ လှေနဲ့ဆိုင်ကယ်တင်ပြီး ကူးတဲ့လူ သုံးဦး​ ရေနစ်​တယ်​၊ တစ်​ဦး ရှာမ​တွေ့​ဘူး၊ နှစ်​ဦး​တော့ ပြန်​ရတယ်​လို့​ ပြောသံကြားတယ်​၊ တံတားက ရေနစ်နေပြီ၊ ကားတွေ ပြန်​လှည့်​​နေရတယ်​၊ မြိတ်​ကို​တော့ ပြန်​မလှည့်​ဘူး၊ မိုးလင်းထိ​ စောင့်​ကြည့်​မယ်​လို့ ကားဆရာ​တွေက​ ပြော​နေတယ်​၊ လမ်းပေါ်မှာ ရေစီးအတော်ကြမ်းတယ်”ဟု မင်းဒပ်ရွာတွင် ပိတ်မိနေသည့် မချစ်ချစ်ဝင်းက ဇူလိုင်လ ၃၁ ရက် နံနက် ၁ နာရီအချိန်ခန့်တွင် ပြောကြားသည်။

ထားဝယ်ဒေသအနှံ့ တွင် ယခုရက်ပိုင်းအတွင်း မိုးအဆက်မပြတ် သည်းထန်စွာ ရွာသွန်းခဲ့သောကြောင့် တောင်ကျရေ ကျဆင်းမှု များလာသဖြင့် ဇူလိုင်လ ၃၀ ရက် နံနက်ပိုင်းမှစတင်ကာ ထားဝယ်ဒေသအနှံ့ ရေကြီးရေလျှံမှုဖြစ်ပွားပြီး လမ်းပိုင်းအချို့ ရေကျော်ခဲ့သည့်အပြင် အနိမ့်ပိုင်းကျေးရွာ ရပ်ကွက်များနှင့် ချောင်းအနီးရှိ နေအိမ်များ ရေဝင်ရောက်မှု ရှိနေကြောင်း သိရသည်။

 

မိုးသည်းထန်စွာ ရွာသွန်းမှုကြောင့် ပဲခူးမြစ်ရေ ပြန်လည်မြင့်တက်လာပြီး ပဲခူးမြို့ပေါ်ရပ်ကွက်အချို့ ဒုတိယအကြိမ် ရေကြီးနစ်မြုပ်မှု ဖြစ်ပေါ်

ပဲခူးမြို့ပေါ် ရပ်ကွက်အချို့တွင် ဒုတိယကြိမ်အဖြစ် ရေကြီးနစ်မြုပ်မှုများ ဖြစ်ပေါ်နေစဉ်

မိုးသည်းထန်စွာ ရွာသွန်းပြီး ပဲခူးမြစ်ရေ တိုးလာသောကြောင့် ယခုနှစ်မိုးရာသီတွင် ဒုတိယကြိမ်အဖြစ် ပဲခူးမြို့ပေါ်ရပ်ကွက်အချို့တွင် ရေကြီးနစ်မြုပ်မှုများ ဖြစ်ပေါ်နေကြောင်း သိရသည်။

ယခုနှစ် ဇူလိုင် ၁၁ ရက်ခန့်က မိုးသည်းထန်စွာ ရွာသွန်းမှုကြောင့် ပထမအကြိမ် ပဲခူးမြို့ပေါ်ရပ်ကွက်အချို့တွင် ရေကြီးနစ်မြုပ်မှုများ ဖြစ်ပေါ်ခဲ့ပြီး ယခုရက်ပိုင်းအတွင်း နေ့စဉ်အဆက်မပြတ် မိုးသည်းထန်စွာ ရွာသွန်းခြင်း ပဲခူးမြစ်ဖျားပိုင်းတွင် မိုးများခြင်းတို့ကြောင့် ဇူလိုင် ၁၇ ရက်မှ စတင်ကာ ပဲခူးမြစ်ရေ ပြန်လည်မြင့်တက်လာပြီး ဒုတိယအကြိမ် ပဲခူးမြို့ပေါ်ရပ်ကွက်အချို့တွင် ရေကြီးနစ်မြုပ်ခြင်း ဖြစ်ပေါ်နေကြောင်း သိရသည်။

“အဓိကတော့ မိုးများလို့ပေါ့။ ဒီရက်ပိုင်း မိုးကလည်း မရွာတဲ့နေ့မရှိဘူး။ ရွာတော့လည်း မိုးရေချိန်များတယ်။ ပဲခူးမြစ်ရဲ့ မြစ်ညာဒေသမြစ်ဖျားပိုင်းမှာ မိုးများတာတွေကြောင့် အခုလို ရေကြီးရတာပါ။ စိုးရိမ်ရေအမှတ်တော့ မရောက်သေးပေမယ့် ၈၀၀ ကျော်ရင် ပဲခူးက အနိမ့်ပိုင်းရပ်ကွက်တွေ ရေမြုပ်ပါတယ်။ မိုးထပ်ရွာဦးမယ် ဆိုရင်တော့ စိုးရိမ်ရေအမှတ် ရောက်လာနိုင်ပါတယ်” ဟု ပဲခူးတိုင်းဒေသကြီး မိုးလေ၀သနှင့် ဇလဗေဒဦးစီးဌာနမှ လက်ထောက်ညွှန်ကြားရေးမှူး ဦးကျော်သန်းက ပြောကြားသည်။

ရေကြီးနစ်မြုပ်မှုကြောင့် ပဲခူးမြို့ပေါ်ရှိ အိုးလေးစုရပ်ကွက် ဇိုင်းတောင်ရပ်ကွက်ဇိုင်း မြောက်ရပ်ကွက်၊ ကျောက်ကြီးစုရပ်ကွက်များရှိ ဘုန်းကြီးကျောင်းနှင့် လူနေအိမ်အဆောက်အအုံများ ရေနစ်မြုပ်နေပြီး ရပ်ကွက်နေပြည်သူများ၏ စားဝတ်နေရေး အခက်အခဲများ ရှိနေကြောင်း သိရသည်။

“ဒါက ပဲခူးမှာ ဒီနှစ်ဒုတိယအကြိမ်ပေါ့။ ၁၇ ရက်လောက်ကစပြီး တဖြည်းဖြည်း ပြန်တက်လာတာ။ ပထမအကြိမ်ထက် ပိုများလာတယ်။ လက်လုပ်လက်စားတွေများတဲ့ ရပ်ကွက်ဆိုတော့ ပိုပြီး ဒုက္ခရောက်ကြပါတယ်။ တချို့ကလေးတွေ ကျောင်းမသွားနိုင်ဘူး။ ရေကြီးတော့ အဆိပ်ရှိတဲ့ မြွေတွေလည်း အိမ်တွေ ပေါ်တက်ကြရင် အန္တရာယ်လည်း ရှိပါတယ်။ ဘုန်းကြီးကျောင်းက ဘုန်းကြီးတွေဆို ဆွမ်းခံတောင် ထွက်မရလို့ အခက်အခဲတွေ ကြုံနေရတယ်” ဟု ရေကြီးနစ်မြုပ်နေသော ရပ်ကွက်ရှိ ရပ်ကွက်သားတစ်ဦးက ပြောကြားသည်။

ထို့ပြင် ပဲခူးမြစ်ရေ၏ စိုးရိမ်ရေအမှတ်ကို ၈၈၀ စင်တီမီတာဟု သတ်မှတ်ထားပြီး ဇူလိုင် ၁၉ ရက် မွန်းတည့် ၁၂ နာရီတိုင်းတာ ချက်အရ ပဲခူးမြစ်ရေသည် ၈၄၆ စင်မီတာသို့ ရောက်ရှိနေပြီး မိုးဆက်လက်ရွာနေပါက မကြာမီ စိုးရိမ်ရေအမှတ်ထိ ရောက်ရှိလာနိုင်ပြီး ၂၀၁၁ ခုနှစ် မိုးတွင်းကာလတွင် စိုးရိမ်ရေ အမှတ်ကို ကျော်လွန်ကာ ၉၆၀ စင်တီမီတာအထိ ပဲခူးမြစ်ရေ မြင့်တက်ခဲ့ဖူးကြောင်း သိရသည်။

ဇူလိုင်နှင့် သြဂုတ်လတွင် ဘင်္ဂလားပင်လယ်အော်၌ လေဖိအားနည်းရပ်ဝန်း သုံးကြိမ်ဖြစ်ပေါ်ပြီး တစ်ကြိမ်သည် ပိုမိုအားကောင်းကာ မုန်တိုင်းငယ် ဖြစ်နိုင်သဖြင့် ရေကြီးရေလျှံမှု ထပ်မံဖြစ်ပေါ်နိုင်

မိုးလယ်ကာလဖြစ်သည့် ဇူလိုင်နှင့် သြဂုတ်လတွင် ဘင်္ဂလားပင်လယ်အော်၌ လေဖိအားနည်းရပ်ဝန်း သုံးကြိမ်ဖြစ်ပေါ်ပြီး တစ်ကြိမ်သည် ပိုမိုအားကောင်းကာ မုန်တိုင်းငယ် ဖြစ်နိုင်သဖြင့် ရေကြီးရေလျှံမှု ထပ်မံဖြစ်ပေါ်နိုင်ကြောင်း မိုးလေ၀သပညာရှင် ဦးချစ်ကျော်က ပြောကြားသည်။

“မိုးလယ်ကာလမှာ လေဖိအားနည်းရပ်ဝန်း သုံးကြိမ် ဖြစ်နိုင်တယ်။ သုံးကြိမ်ထဲက တစ်ကြိမ်က မုန်တိုင်းငယ် ရောက်နိုင်တယ်။ အဲဒီ သုံးကြိမ်စလုံးက ဇူလိုင်၊ သြဂုတ် နှစ်လအတွင်း မှာ လေဖိအားနည်းရပ်ဝန်း သုံးကြိမ်ဖြစ်မယ်။ လတစ်ခုထဲမှာတော့ နှစ်ကြိမ်သွားကြမယ်။ ဇူလိုင်မှာ နှစ်ကြိမ် ဖြစ်ရင်ဖြစ် မဟုတ်ရင် သြဂုတ်မှာ နှစ်ကြိမ်ဖြစ်၊ တစ်လထဲမှာ နှစ်ကြိမ်ဖြစ်ရင် မိုးရရှိမှုက နှစ်ဆ တက်လာမယ်။ အဲဒီလိုဖြစ်လာရင် မြန်မာနိုင်ငံ အလယ်ပိုင်းကနေ အောက်ပိုင်း ရေကြီးသွားမယ်။ သြဂုတ်မှာ နှစ်ကြိမ်ဖြစ်ဖို့ ပိုများတယ်” ဟု ဦးချစ်ကျော် က ပြောကြားသည်။

ထို့ပြင် ဘင်္ဂလားပင်လယ်အော်တွင် လေဖိအားနည်း ဖြစ်ပေါ်ပါက ဘင်္ဂလားပင်လယ်အော် မြောက်ပိုင်းတွင် ဖြစ်ပေါ်နိုင်ကြောင်း၊ ထိုသို့ ဖြစ်ပေါ်ပါက ရခိုင်၊ ချင်းနှင့် စစ်ကိုင်းတိုင်း အထက်ပိုင်းတွင် မိုးပိုမည် ဖြစ်ကြောင်း၊ အထက်ပိုင်းတွင် မိုးပိုနိုင်ကြောင်း၊ ချင်းတွင်းမြစ်မှ ရေများသည် စီးဆင်းလာပြီး ဥရုချောင်းထဲသို့ ရေဆင်းပြီး ရေကြီးရေလျှံများ ဖြစ်ပေါ်နိုင်ကြောင်း၊ လေဖိအားနည်းရပ်ဝန်း ဖြစ်ပေါ်ပါက မုတ်သုံလေ အားကောင်းလာမည် ဖြစ်ကြောင်း ဦးချစ်ကျော်က ပြောကြားသည်။

“မုတ်သုံ အားကောင်းရင် ရခိုင်၊ ဧရာဝတီ၊ ရန်ကုန်၊ ပဲခူး၊ ကရင်၊ မွန် မိုးများတယ်။ မိုးများတယ်ဆိုတော့ အပေါ်ပိုင်းမှာ မိုးများမယ်။ ပြီးရင် ဧရာဝတီထဲ ဆက်ဆင်းမယ်။ မန္တလေး၊ ပခုက္ကူ၊ မြင်းခြံက ရေတွေက အောက်ကို ရောက်လာမယ်။ အဲဒီအချိန်မှာ အောက်ကလည်း မိုးရွာနေပြီဆိုရင် ရေကြီးမယ်” ဟု ဦးချစ်ကျော်က ပြောကြားသည်။

မိုးလေ၀သနှင့် ဇလဗေဒညွှန်ကြားမှုဦးစီးဌာန၏ မိုးလယ်ကာလ မိုးလေ၀သခန့် မှန်းချက်တွင် ဘင်္ဂလားပင်လယ်အော်တွင် လေဖိအားနည်းရပ်ဝန်း သုံးကြိမ် ဖြစ်ပေါ်နိုင်ပြီး တစ်ကြိမ်သည် ပိုမို အားကောင်းကာ မုန်တိုင်းငယ်အဖြစ် ရောက်ရှိနိုင်ကြောင်း၊ ကပ္ပလီပင်လယ်ပြင်နှင့် ဘင်္ဂလား ပင်လယ်အော်တွင် မုတ်သုံလေ အားအသင့်အတင့်မှ အားကောင်းနိုင်ပြီး မိုးလယ်ကာလတွင် မုတ်သုံလေ အားပြတ်ခြင်း တစ်ကြိမ် ဖြစ်ပေါ်နိုင်ကြောင်း သိရသည်။ ထို့ပြင် မိုးလယ်ကာလအတွင်း မိုးရွာသွန်းမှု အခြေအနေသည် ကချင်ပြည်နယ်တွင် ရွာသွန်းမြဲအောက် လျော့ပြီး မန္တလေးတိုင်းဒေသကြီးနှင့် မကွေးတိုင်းဒေသကြီးတွင် ရွာသွန်းမြဲထက် ပိုကာ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ ရန်ကုန်တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရှမ်းပြည်နယ်၊ ချင်းပြည်နယ်၊ ရခိုင်ပြည်နယ်၊ ကယားပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် ရွာသွန်းမြဲခန့် မိုးထစ်ချုန်းရွာနိုင်ကြောင်း သိရသည်။

၂၀၁၈ ခုနှစ် ဇွန်လ ပထမပတ်မှစပြီး မိုးသည်းထန်စွာ ရွာသွန်းမှုကြောင့် တိုင်းဒေသကြီး ပြည်နယ်အချို့တွင် ရေကြီးရေလျှံမှု ဖြစ်ပေါ်ခဲ့ကာ ဇွန် ၁၉ ရက်အထိ စာရင်းများအရ လူဦးရေ ၄၄၀၀၀ ခန့် ရေဘေးဒဏ် ခံစားခဲ့ရပြီး ၁၈ ဦး သေဆုံးကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ၀န်ကြီးဌာနမှ ထုတ်ပြန်ခဲ့သည်။

မိုးသည်းထန်စွာ ရွာသွန်းမှုကြောင့် မော်လမြိုင်မြို့ပေါ်ရပ်ကွက်များ အပါအဝင် နေရာအတော်များများ၌ ရေကြီးရေလျှံမှု ဖြစ်ပွားနေ

ဓာတ်ပုံ – ဘိုဘိုမြင့်

ဇွန်လ ၁၇ ရက်နံနက် ၂ နာရီအချိန်ခန့်မှ စတင်ပြီး မိုးသည်းထန်စွာ ရွာသွန်းမှုကြောင့် မော်လမြိုင်မြို့ပေါ်ရပ်ကွက်များ အပါအဝင် နေရာအတော်များများ၌ ရေကြီးရေလျှံမှုများ ဖြစ်ပွားလျက်ရှိကြောင်း သိရသည်။

မော်လမြိုင် မြို့ပေါ်ရပ်ကွက်များ ဖြစ်ကြသည့် ဖက်တန်းရပ်ကွက်၊ ရွှေတောင်ရပ်ကွက်၊ စစ်ကဲကုန်းရပ်ကွက်များ၊ သီရိမြိုင်ရပ်ကွက်၊ သီရိမင်္ဂလာရပ်ကွက်၊ မြိုင်သာယာရပ်ကွက်၊ တောင်ဝိုင်းရပ်ကွက်၊ ဇေယျာမြိုင်ရပ်ကွက် စသည်ဖြင့် ရပ်ကွက်များရှိ အနိမ့်ပိုင်းနေရာများတွင် ရေကြီးရေလျှံမှုများ ဖြစ်ပေါ်နေပြီး နေအိမ်များအတွင်းသို့ ရေဝင်ရောက်မှုများ ရှိနေကြောင်း သိရသည်။

ဓာတ်ပုံ – ဘိုဘိုမြင့်

“မိုးက မနက် ၂ နာရီလောက်ကစပြီး သည်းလာတယ်။ ၃ နာရီလောက်ကျတော့ တောင်ကျရေတွေ ဆင်းလာတယ်။ ကားတွေပါ ရေပေါ်ပေါလောပေါ်နေတဲ့ အခြေအနေမျိုး ဖြစ်သွားတယ်။ အဓိကက ချောင်းထဲ မြောင်းထဲ အမှိုက်တွေ ပစ်ချတော့ မြောင်းတွေပိတ်ပြီး ရေလျှံတာပါ။ နောက်ပြီး ချောင်းတွေ မြောင်းတွေ အပေါ် ကျူးကျော်ပြီး အိမ်တွေဆောက်၊ မြေနေရာချဲ့တာတွေ လုပ်ထားကြတော့ ချောင်းတွေ မြောင်းတွေ ကျဉ်းပြီး မိုးတအားရွာတော့ အခုလို ရေလျှံမှုတွေ ဖြစ်ရတာပါ” ဟု မော်လမြိုင်မြို့ ရွှေတောင်ရပ်ကွက်တွင် နေထိုင်သူ တစ်ဦးက ပြောကြားသည်။

မိုးသည်းထန်စွာ ရွာသွန်းမှုကြောင့် ရေကြီးရေလျှံမှုအပြင် သစ်ပင်များလဲကျခြင်းနှင့် မြေပြိုမှုတချို့ ဖြစ်ပွားခဲ့ကြောင်း သိရသည်။
ထို့အပြင် လက်ရှိအခြေအနေအရ မွန်ပြည်နယ် မုဒုံမြို့နယ် ကမာဝက်မြို့တွင်လည်း မိုးသည်းထန်စွာ ရွာသွန်းမှုကြောင့် ရေကြီးရေလျှံမှုများ ဖြစ်ပေါ်နေကြာင်း သိရသည်။

ဇလွန်မြို့နယ်တွင် ဇလုပ်ကြီးရေနုတ်မြောင်း တူးဖော်ခဲ့သော်လည်း ရေကြီးနစ်မြုပ်မှုကို ကာကွယ်နိုင်ခြင်း မရှိသောကြောင့် စပါးကြဲခင်း ဧက ၁၀၀၀ ခန့် ပျက်စီးဆုံးရှုံး

လိမ်ကုန်းကျေးရွာအုပ်စုအတွင်းရှိ လယ်မြေအချို့ ရေကြီးနစ်မြုပ်မှု ဖြစ်ပွားခဲ့စဉ်

ဧရာဝတီတိုင်းဒေသကြီး ဇလွန်မြို့နယ် လိမ်ကုန်းကျေးရွာအုပ်စု ဂွေးကုန်းကျေးရွာအတွင်းရှိ ဇလုပ်ကြီးရေနုတ်မြောင်းကို ပြန်လည်တူးဖော်ခဲ့သော်လည်း ယခုနှစ်မိုးရာသီတွင် လယ်မြေများ ရေကြီးနစ်မြုပ်မှုကို ကာကွယ်နိုင်ခြင်း မရှိသောကြောင့် စပါးကြဲခင်းဧက ၁၀၀၀ ခန့် ပျက်စီးဆုံးရှုံးခဲ့ကြောင်း ဒေသခံ လယ်သမားများက ပြောကြားသည်။

၂၀၁၈ ခုနှစ် ဧပြီလအတွင်း ဇလုပ်ကြီး ရေနုတ်မြောင်းကို ဧရာဝတီတိုင်းဒေသကြီး (ငွေလုံးငွေရင်း) ရန်ပုံငွေ ကျပ်သိန်း ၂၄၀ ကျော် အကုန်အကျခံ၍ မြင့်မိုးဂုဏ်ရည်ကုမ္ပဏီမှ တာဝန်ယူကာ အလျား ၁ ဒသမ ၃၀ မိုင် ထိပ်ဝအကျယ် ၃၃ ပေ အောက်ခြေအကျယ် ၁၇ ပေ၊ အနက် ရှစ်ပေ ပြန်လည်တူးဖော်ခဲ့ခြင်းဖြစ်ကြောင်း ဇလွန်မြို့နယ် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနမှ သိရသည်။

“တစ်သက်နဲ့ တစ်ကိုယ် ရခဲတဲ့အခွင့်အရေးလေးမို့ ကောင်းကောင်းမွန်မွန် ဖြစ်စေချင်တယ်။ ဒါပေမဲ့ အခုတော့ တူးသာတူးခဲ့တယ်။ ရေစီးရေလာမကောင်းတော့ အခုကြဲပြီးသား လယ်တွေရေမြုပ်ကုန်ပြီ။ နိုင်ငံတော်ကလည်း ငွေကုန်တယ်။ လယ်သမားတွေမှာလည်း အကျိုးမရှိဘူး။ ဒီနှစ်က မိုးလည်းများတယ်။ တူးမြောင်းက ရေမနုတ်ဘူး။ ပေါင်တွေခံလိုက်တော့ ရေကန်လိုဖြစ်ပြီး လယ်ထဲကရေတွေ မထွက်တော့ဘူး။ အနက်ရှစ်ပေတူးရမှာကို လေးပေလောက်ပဲ တူးသွားတယ်။ ပေါင်ပြန်တင်တဲ့မြေသားနဲ့မှ ရှစ်ပေပဲရှိတယ်။ စံချိန်စံညွှန်းမမီလို့ ဒီလိုဖြစ်ကုန်တာပါ” ဟု ဂွေးကုန်းကျေးရွာမှ လယ်သမား ဦးတိုးလှိုင်က ပြောကြားသည်။

အဆိုပါ ကိစ္စနှင့်စပ်လျဉ်း၍ ဇလွန်မြို့နယ် ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ ဦးစီးမှူး ဦးဆယ်မောင်အား မေးမြန်းခဲ့ရာ ကျေးရွာမှ ဒေသခံများပါဝင်သည့် ရေနုတ်မြောင်းတူးဖော်ရေးကော်မတီကို ဖွဲ့စည်း၍ ဆောင်ရွက်ခဲ့ခြင်းဖြစ်ကြောင်း၊
အနက်အကျယ်ကို ကော်မတီဝင်များ၏ မျက်မြင်ပွင့်လင်းမြင်သာ လုပ်ဆောင်ခဲ့ခြင်းဖြစ်ကြောင်း၊ မြောင်းတူးဖော်ရာတွင် မြေပြင်အနေအထားအရ တစ်ပြေးညီ မဖြစ်နိုင်ကြောင်း၊ လယ်ထဲမှရေများထွက်ရန် ရေမြောင်းလုပ်မည်ကို လယ်သမားများက မိမိ၏ လယ်မြေ ပျက်စီးမည်ဟုဆိုကာ လက်မခံခြင်းများရှိသဖြင့် ဆောင်ရွက်နိုင်ခြင်းမရှိကြောင်း၊ ရေထွက်ပေါက်ဖြစ်သော ဇွဲကလိုင်အင်းသို့ တူးမြောင်းရောက်ရှိရန် တစ်မိုင်ခန့်ထပ်မံတူးဖော်ရန် လိုနေသေးကြောင်း၊ ဒေသခံများက ထပ်မံ တောင်းဆိုလာမှသာ တိုင်းဒေသကြီးအစိုးရအဖွဲ့သို့ ဆက်လက်တူးဖော်နိုင်ရန် တင်ပြပေးသွားမည်ဖြစ်ကြောင်း၊ ယခုအချိန်အထိ တူးမြောင်းဆောင်ရွက်ခဲ့သည့်ကုမ္ပဏီအား ဒေသခံများ လက်မှတ်မထိုးသေးသဖြင့် ငွေပေးချေရခြင်း မရှိသေးကြောင်း၊ လိုအပ်သည်များကို ဒေသခံများက ပြောကြားဖို့လိုကြောင်း ရှင်းလင်းပြောကြားသည်။

ဇလုပ်ကြီးရေနုတ်မြောင်းကို တူးဖော်ခြင်းကြောင့် လိမ်ကုန်းကျေးရွာအုပ်စုအတွင်းရှိ ဂွေးကုန်းကျေးရွာ၊ သရောတပုံကျေးရွာ၊ ကန်ကြီးစုကျေးရွာ၊ လေးတူးကျေးရွာ၊ ပေါက်ကုန်းကျေးရွာ၊ လျှောက်ကုန်းကျေးရွာများအတွင်းရှိ လယ်ယာမြေများ နှစ်စဉ်ရေကြီးနစ်မြုပ်မှုကို ကာကွယ်ပေးနိုင်မည်ဖြစ်ကြောင်း ဇလွန်မြို့နယ် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနမှ သိရသည်။