ရေဘေးသင့်ပြည်သူများအတွက် ပြန်လည်ထူထောင်ရေး ရန်ပုံငွေ ရှာဖွေရန် ကာတွန်းပြပွဲအား ရန်ကုန်နှင့် မန္တလေးမြို့များတွင် ပြုလုပ်လျက်ရှိပြီး ဂီတဖျော်ဖြေရေးအစီအစဉ်များပါ ထည့်သွင်းပြုလုပ်

ရေဘေးသင့်ပြည်သူများအတွက် ပြန်လည်ထူထောင်ရေးရန်ပုံငွေရှာဖွေရန် ကာတွန်းပြပွဲအား ရန်ကုန်နှင့် မန္တလေးမြို့များတွင် သြဂုတ် ၂၄ ရက်မှ စတင်ပြုလုပ်လျက်ရှိ ပြီး ဂီတဖျော်ဖြေရေးအစီအစဉ်များပါ ထည့် သွင်းပြုလုပ်လျက်ရှိကြောင်း သိရသည်။

မြန်မာနိုင်ငံ ကာတွန်းဆရာများအသင်းမှဦးစီးကာ ကာတွန်းပြပွဲတစ်ရပ်ကို သြဂုတ် ၂၄ ရက် မှ ၂၆ ရက်အထိ သုံးရက်ကြာပြုလုပ်နေခြင်း ဖြစ်ကြောင်း သိရသည်။ အဆိုပါကာတွန်းပြပွဲကို မဟာဗန္ဓုလပန်းခြံ မျက်နှာစာနေရာတွင် ပြုလုပ်လျက်ရှိကာ တေးသံရှင် စောဖိုးခွား နှင့် Peace One Love Band၊  နောင်ရိုးနှင့် Auxiliaries အဖွဲ့တို့က တေးသီချင်းများဖြင့် ဖျော်ဖြေ တင်ဆက်လျက်ရှိကြောင်း သိရသည်။ မန္တလေးမြို့တွင်လည်း ရန်ပုံငွေကာတွန်းပြပွဲ ပြုလုပ်လျက်ရှိကာ ၂၆ လမ်း၊ ၆၆ နှင့် ၆၈ လမ်းကြားတွင် ပြုလုပ်ခြင်းဖြစ်ကြောင်း သိရသည်။

“ရေဘေးသင့်ပြည်သူတွေအတွက် လတ်တလော ခံစားနေရတဲ့ အခက်အခဲတွေအပြင် ပြန်လည်ထူထောင်ရေးလုပ်ဖို့ဆိုတာလည်း လိုအပ်ချက်တွေ အများကြီးရှိနေပါတယ်။ ဒါကို မြန်မာနိုင်ငံ ကာတွန်းဆရာများအသင်း အနေနဲ့လည်း တတ်နိုင်သလောက် ပါဝင်ကူညီပေးချင်တယ်။ ဒါကြောင့် ရန်ပုံငွေရှာဖွေပွဲ ကာတွန်းပြပွဲလေးလုပ်ဖို့ စီစဉ်ဖြစ်တာပါ”  ဟု မြန်မာနိုင်ငံ ကာတွန်းဆရာများအသင်းမှ တာဝန်ရှိသူတစ်ဦးက ဆိုသည်။

ကာတွန်းလက်ရာများအား ပြသထားသည့်အပြင် ကာတွန်းလက်ရာများ ရေးဆွဲ ရိုက်နှိပ်ထားသည့် တီရှပ်များကိုလည်း ရောင်းချပေးလျက်ရှိသည်။

ဂျပန်နိုင်ငံက လှူဒါန်းသည့် ဆန်တန်ချိန် ၅၀ ကို ပြန်လည်ထူထောင်သည့် ကာလတွင် ရေဘေးသင့် ပြည်သူများအား ဆက်လက်ထောက်ပံ့မည် ဖြစ်ကြောင်း ကရင်ပြည်နယ်ဝန်ကြီးချုပ် ပြောကြား

ရေဘေးသင့် ကရင်ပြည်နယ် ပြည်သူများအား ဆက်လက်ထောက်ပံ့ရန် စီစဉ်ဆောင်ရွက်နေစဉ်

ကရင်ပြည်နယ် ရေဘေးသင့်ပြည်သူ များအတွက် ဂျပန်နိုင်ငံမှ လှူဒါန်းသည့် ဆန်တန်ချိန် ၅၀ ကို ပြန်လည်ထူထောင်သည့် ကာလတွင် ရေဘေးသင့်ပြည်သူများအား ဆက်လက် ထောက်ပံ့သွားမည်ဖြစ်ကြောင်း ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်က The Daily Eleven သတင်းစာသို့ ပြောကြားသည်။

“ရေဘေးသင့်ပြည်သူတွေရဲ့ အဓိကအကျဆုံးက ဆန်ပေါ့။ ဒီလောက် အနယ်နယ်အရပ်ရပ်က လာရောက် လှူဒါန်းနေတဲ့ကြားက ဆန်က နှစ်ရက်လောက် ပြတ်လပ်မှု ကြုံတွေ့ရတယ်။ ရေကြီးကာလ တစ်လနီးပါး ကြာမြင့်တော့ ရေဘေးသင့်ပြည်သူတွေ အလုပ်အကိုင် ပျက်လာတာ တွေ့ရတယ်။ ပြည်သူတွေရှာစားဖွေစား အခက်အခဲ ကြုံတွေ့လာကြတယ်။ ရေကျဆင်းပြီး ပြန်လည်ထူထောင်ရေး ကာလတွေကို ဆက်လက် ထောက်ပံ့ပေးသွားမှာ ဖြစ်ပါတယ်” ဟု ကရင်ပြည်နယ်ဝန်ကြီးချုပ် ဒေါ်နန်းခင်ထွေးမြင့်က ဆက်လက် ပြောကြားသည်။

ကရင်ပြည်နယ်တွင် မိုးသည်းထန်စွာ ရွာသွန်းမှုကြောင့် ဇူလိုင် ၂၁ ရက်မှစတင်ကာ ရေကြီးရေလျှံမှု ဖြစ်ပေါ်ခဲ့ပြီး မြို့နယ် ခုနစ်မြို့နယ်အနက် သံတောင်ကြီးမြို့နယ်မှအပ ကျန်မြို့နယ် ခြောက်မြို့နယ်တွင် ရေကြီးရေလွှမ်းမိုးမှု ဖြစ်ပေါ်ခဲ့ကာ တံတားခြောက်စင်း ရေစီးနှင့်အတူ ပျက်စီးမျောပါခြင်း၊ ပျက်စီးဆုံးရှုံးသည့် မိုးစပါးစိုက်ဧက ၁၀၀၀၀ နှင့် ထိခိုက်လယ်ဧက ၁၄၆၀၀ ဧက၊ ငါး/ပုဇွန် မွေးမြူရေးကန် ၈၇၁ ဒသမ ၉၁ ဧက ထိခိုက်ပျက်စီးခြင်းတို့ ဖြစ်ပေါ်ခဲ့ပြီး ကယ်ဆယ်ရေး စုရပ်စခန်း ၅၀ တွင် ရေဘေးသင့်ပြည်သူ ၅၀၀၀၀ ကျော် ရေဘေးခိုလှုံ နေရကြောင်း သိရသည်။

ကရင်ပြည်နယ်အတွင်း ရေကြီးမှုဖြစ်စဉ်ကြောင့် ရေဘေးသင့် ပြည်သူများအတွက် အာဆီယံ + (၃) အရေးပေါ်အရန်ဆန် ရိက္ခာအစီအစဉ် (၃) အရ ဂျပန်နိုင်ငံမှ ဆန်တန်ချိန် ၅၀ နှင့် Unicef နှင့် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနမှ ရေပေးဝေရေးနှင့် မိသားစုကျန်းမာရေး ပစ္စည်းများ၊ စိုက်ပျိုးရေးဦးစီးဌာနမှ မျိုးစပါးများနှင့် ကြက်သွန်နီများကို သြဂုတ် ၁၇ ရက်၌ ကရင် ပြည်နယ်အစိုးရအဖွဲ့ထံ လာရောက်လှူဒါန်း ခဲ့သည်။

အဆိုပါ လှူဒါန်းပွဲတွင် ထိုင်းနိုင်ငံ ဘန်ကောက်မြို့အခြေဆိုက် APTER-ASEAN PLUS. Three Rice Reserve အရေးပေါ် ဆန်အရန်ဆန် ရိက္ခာအတွင်းရေးမှူးရုံးမှ အကြီးအကဲ Shimphalee က “မိတ်ဆွေနိုင်ငံဖြစ်တဲ့ မြန်မာနိုင်ငံရဲ့ အလွှာအသီးသီးမှာရှိတဲ့ မြန်မာပြည်သူတွေကို အထောက်အပံ့ပေးဖို့ ရည်ရွယ်ထားပါတယ်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၂၀၁၆ ခုနှစ် နိုဝင်ဘာလမှာ ဂျပန်နိုင်ငံကို ချစ်ကြည်ရေးခရီးစဉ် လာရောက်စဉ်က တိုင်းရင်းသားလူမျိုးစုများ၊ ငြိမ်းချမ်းရေးအတွက် ဂျပန်ယန်း သန်း ၄၀ ဘီလျံ အထောက်အပံ့ပေးမည့် အစီအစဉ်ကို ဂျပန်နိုင်ငံဝန်ကြီးချုပ် ရှင်ဆိုအာဘေးက ရှင်းလင်းပြောကြားထားပြီး ဖြစ်ကြောင်းနှင့် ဂျပန်နိုင်ငံအနေဖြင့် မြန်မာနိုင်ငံ၏ နိုင်ငံထူထောင်ရေး အားထုတ်ကြိုးပမ်းမှုများကို ဆက်လက်ထောက်ခံပေးသွားမှာ ဖြစ်ပါတယ်” ဟု ထည့်သွင်းပြောကြားသည်။

 

ပဲခူးတိုင်းဒေသကြီးအတွင်း ရေဘေးကယ်ဆယ်ရေးစခန်းရှစ်ခု ကျန်ရှိနေသေး

ရေဘေးကယ်ဆယ်ရေး စခန်းများအား ထောက်ပံ့ကူညီရန် တာဝန်ရှိသူများ စီစဉ်ဆောင်ရွက်နေစဉ်

ပဲခူးတိုင်းဒေသကြီးအတွင်း ရေဘေးကယ်ဆယ်ရေးစခန်း ရှစ်ခုကျန်ရှိနေသေးပြီး နေရပ်ပြန်သွားသူများ အတွက်လည်း ရေဘေးကယ်ဆယ်ရေး စခန်းများတွင် ရှိခဲ့သည့် စာရင်းအတိုင်း ဒုတိယအကြိမ် အလှူငွေနှင့် ပစ္စည်းများ ထပ်မံပေးဝေသွားမည် ဖြစ်ကြောင်း ပဲခူးတိုင်းဒေသကြီး စီမံကိန်းနှင့် ဘဏ္ဍာရေးဝန်ကြီး ဦးညွန့်ရွှေက ပြောကြားခဲ့ကြောင်း သိရသည်။

ပဲခူးတိုင်းဒေသကြီးအတွင်း ဇူလိုင် ၁၉ ရက်ခန့်မှစတင်၍ မြစ်ရေကြီးမှုများကြောင့် မြို့ပေါ်ရပ်ကွက်နှင့် ကျေးရွာများတွင် ရေကြီး နစ်မြုပ်မှုများဖြစ်ပေါ်ခဲ့ပြီး သြဂုတ် ၁ ရက်အထိ ရေဘေးကယ်ဆယ်ရေးစခန်း၂၀၄ ခုထိရှိခဲ့ပြီး အိမ်ခြေ ၂၂၁၆၉ အိမ် ရေကြီးနစ်မြုပ်ခဲ့ပြီး အိမ်ထောင်စု ၂၂၂၂၆ ခုရှိ လူဦးရေ ၁၀၂၈၀၉ ဦး ရေဘေးသင့်၍ ဒုက္ခရောက်ခဲ့ရကြောင်း သိရသည်။

ရေကြီးနစ်မြုပ်မှုများကြောင့် ပဲခူးတိုင်းဒေသကြီး အစိုးရအဖွဲ့က ဦးစီး၍ ပဲခူးမြို့ ရွှေ မော်ဓောဘုရားခြေရင်းရှိ ဓမ္မဗိမာန်အဆောက် အအုံတွင် ပဲခူးတိုင်းဒေသကြီးရေဘေးကယ် ဆယ်ရေးစခန်းစီမံကွပ်ကဲမှုရုံးကို ဖွင့်လှစ်ခဲ့ပြီး အစိုးရအဖွဲ့က ထောက်ပံ့ငွေနှင့် အလှူပစ္စည်း များ ပြည်သူများ၏ အလှူငွေနှင့် အလှူပစ္စည်းများကို ရေဘေးကယ်ဆယ်ရေး စခန်များသို့ သြဂုတ် ၂ ရက်က ပထမအကြိမ် ခွဲဝေထောက် ပံ့ခဲ့ပြီးဖြစ်ကြောင်း သိရသည်။

မြစ်ရေများ ပြန်လည်ကျဆင်းသွား၍ ရေဘေးစခန်းမှ နေရပ်သို့ ပြန်လည်ထွက်ခွာ သွားကြသော်လည်း ပဲခူးတိုင်းဒေသကြီး အတွင်း ဒိုက်ဦးမြို့နယ်တွင် အိမ်ထောင်စု ၄၃ ခု၊ လူဦး ရေ ၂၂၃ ဦး၊ ရေဘေးကယ်ဆယ် ရေး စခန်းနှစ်ခု၊ ရွှေကျင်မြို့နယ်တွင် အိမ် ထောင်စု ၅၂၄ ခု၊ လူဦးရေ ၂၅၇၄ ဦး၊ ရေဘေး ကယ်ဆယ်ရေး စခန်းငါးခု၊ ရွှေတောင်မြို့နယ် တွင် အိမ်ထောင်စု ၂၁ ခု၊ လူဦးရေ ၈၄ ဦး ရေ ဘေးကယ်ဆယ်ရေးစခန်းတစ်ခု စုစုပေါင်း ပဲခူးတိုင်း ဒေသကြီးအတွင်း ရေဘေးသင့်အိမ် ထောင်စု ၅၈၈ ခု၊ လူဦးရေ ၂၈၈၂ ဦးနှင့် ရေဘေးကယ်ဆယ်ရေးစခန်း ရှစ်ခုရှိနေသေးကြောင်း သိရသည်။

ယခုအခါ ပဲခူးတိုင်းဒေသကြီး ရေဘေး ကယ်ဆယ်ရေးစခန်းကွပ်ကဲမှုရုံးသို့ အလှူငွေနှင့် ပစ္စည်းများ ဆက်လက်ရောက်ရှိနေပြီး ရေဘေးစခန်းတွင် ကျန်ရှိနေသော လူများ နည်းတူ ရေဘေးစခန်းမှ နေအိမ်သို့ ပြန်သွား သူအားလုံးကိုလည်း အညီအမျှခွဲဝေ ထောက်ပံ့ပေးသွားမည်ဖြစ်ကြောင်း သိရသည်။

“ရေကြီးနစ်မြုပ်မှု စဖြစ်တာက ပြည်ခရိုင်က စဖြစ်ခဲ့ပါတယ်။ အဲဒီနောက် ပဲခူး ခရိုင်၊ တောင်ငူခရိုင်တွေမှာ ဖြစ်တာပါ။ အိမ် ထောင်စုက နှစ်သောင်းကျော်နဲ့ လူဦးရေတစ် သိန်းကျော် ရေဘေးဒုက္ခရောက်ခဲ့ပါတယ်။ လာရောက်လှူဒါန်းတဲ့ငွေနဲ့ ပစ္စည်းတွေကို ပထမတစ်ကြိမ် ရေဘေးကယ်ဆယ်ရေးစခန်း ၂၀၄ ခုက လူတစ်သိန်းကျော်အတွက် လူကယ် ပြန်ဝန်ကြီးဌာနလက်အောက်ကနေ အညီအမျှ ခွဲဝေပေးခဲ့ပါတယ်။ အခုချိန်ထိ အလှူ ငွေသိန်း ၁၅၀၀ ကျော်နဲ့ တန်ဖိုးသိန်း ၅၀၀၀ ကျော်တဲ့အလှူပစ္စည်းတွေကို လက်ခံရရှိခဲ့ပါ တယ်။ အခုဒုတိယအကြိမ် ထပ်ပြီးရေဘေးစခန်း မှာ ကျန်နေတဲ့လူနှစ်ထောင်ကျော်ရော ပြန် သွားတဲ့လူတွေကိုပါ တစ်ပြေးညီ စာရင်းရှိခဲ့တဲ့အတိုင်း ကူညီထောက်ပံ့မှုတွေ လုပ်ပေးသွားမှာပါ။ ပြန်လည်ထူထောင်ရေး အတွက်လည်း အပျက်အစီး စာရင်းတွေ ကောက်ယူနေဆဲပါ။ ဒီလိုကောက်ယူပြီးတဲ့အခါ အဆောက်အအုံ မြစ်ချောင်းတံတား အသီးသီးအတွက် သက်ဆိုင်ရာ ဌာနတွေကနေတစ်ဆင့် ပြန်လည်ထူထောင်ရေးတွေ လုပ်ဆောင်မှာပါ။ စာရင်းထဲ မပါတဲ့ ရေဘေးသင့် ပြည်သူတွေလည်း ရှိနေသေးပါတယ်” ဟု ပဲခူးတိုင်းစီမံကိန်းနှင့် ဘဏ္ဍာရေးဝန်ကြီး ဦးညွန့်ရွှေက ပြောကြားသည်။

ထို့ပြင် ပဲခူးတိုင်းဒေသကြီး၌ မြစ်ရေကြီးခြင်းများ ဖြစ်ပွားပြီးနောက် ပြန်လည်ထူထောင်ရေးအတွက် လိုအပ်ချက်များစွာ ရှိနေ၍ တိုင်းဒေသကြီး ရေဘေးကယ်ဆယ်ရေး ကွပ်ကဲမှုရုံးကို ဆက်လက်ထားရှိပြီး အလှူငွေနှင့် ပစ္စည်းများကို လက်ခံနေမည်ဖြစ်ကြောင်း သိရသည်။

 

တနင်္သာရီမြစ်ရေ စိုးရိမ်ရေမှတ်ထက် ကျော်လွန်ရောက်ရှိနေဆဲဖြစ်ပြီး ရေဘေးသင့်လူဦးရေ နှစ်သောင်းကျော်အထိ ရှိနေကာ ကယ်ဆယ်ရေးလုပ်ငန်းများ ဆောင်ရွက်နေကြကြောင်း သိရ

တနင်္သာရီမြစ်ကြောင်းတစ်လျှောက် နေထိုင်သူများအနေဖြင့် ရေဘေးအန္တရာယ်နှင့် ရင်ဆိုင်နေရစဉ်။

တနင်္သာရီမြစ်ရေ စိုးရိမ်ရေအမှတ်ထက် ကျော်လွန်ရောက်ရှိနေဆဲဖြစ်ပြီး ရေဘေးသင့် လူဦးရေမှာ ၂၄၁၉၈ ဦးအထိ ရှိနေကာ တာဝန်ရှိသူများနှင့် အဖွဲ့အစည်းပေါင်းစုံမှ ကယ်ဆယ်ရေး လုပ်ငန်းများ ဆက်လက် ဆောင်ရွက်နေကြကြောင်း သိရသည်။

တနင်္သာရီတိုင်းဒေသကြီး တနင်္သာရီမြို့နယ်တွင် ဖြစ်ပွားလျက်ရှိသော တနင်္သာရီမြစ် ရေကြီးမှုမှာ ရက်ကြာရှည်လာသည်နှင့်အမျှ ရေဘေးသင့်ပြည်သူများအတွက် အခက်အခဲများ ဖြစ်ပေါ်လာနေပြီး မိုးဆက်လက် ရွာသွန်းနေပါက စိုးရိမ်ရဖွယ် အနေအထား ဖြစ်လာနိုင်ကြောင်း သိရသည်။

လက်ရှိအနေအထားတွင် မြို့ပေါ် နှစ်ရပ်ကွက်နှင့် ကျေးရွာ ၃၀ ရေဘေးသင့်မှု ခံစားနေရပြီး တာဝန်ရှိသူများက ကျန်းမာရေးစောင့်ရှောက်မှုများ၊ ရိက္ခာဖြန့်ဝေမှုများ ဆက်တိုက် လုပ်ဆောင်နေသလို အဖွဲ့အစည်းအသီးသီးနှင့် ပရဟိတအသင်းများမှလည်း လာရောက်ကူညီ ဆောင်ရွက်ပေးလျက်ရှိကြောင်း သိရသည်။

“ပြီးခဲ့တဲ့ဇူလိုင် ၁၄ ရက်ကစပြီး ရေစကြီးခဲ့တယ်။ ၁၇ ရက်မှာမြို့ရဲ့ စိုးရိမ်ရေအမှတ်ကို ကျော်လွန်ပြီး ရေကြီးနစ်မြုပ်ခဲ့တယ်။ အခုအချိန်အထိလည်း ရေကမကျသေးဘူး။ ရေဘေးသင့်နေတာ ရက်ပေါင်း ၂၀ ကျော်သွားပါပြီ။ ရေဘေးသင့်တဲ့ အိမ်ထောင်စုဦးရေ အနေနှင့်ကတော့ ၄၈၀၀ ကျော်ရှိတယ်။ လူဦးရေ အနေနှင့်ကတော့ ၂၄၁၉၈ ဦး ရေဘေးသင့်နေပါတယ်။ မြို့ရဲ့စိုးရိမ်ရေအမှတ်က ၁၇ ပေရှိပြီး အန္တရာယ်ရေအမှတ်က ၂၄ ပေ ဖြစ်ပါတယ်။ ၁၉ ရက်နောက်ပိုင်းမှာတော့ အန္တရာယ် ရေအမှတ်ကိုတောင် ကျော်သွားပြီး လကုန်ပိုင်းလောက်မှာတော့ အနည်းငယ်ပြန်ကျတယ်။ ဒါပေမဲ့ စိုးရိမ်ရေအမှတ်မှာပဲ ရှိနေပါသေးတယ်။ ရေကြီးနစ်မြုပ်မှုကြောင့် ပြောင်းရွှေ့ရတဲ့ လူဦးရေပေါင်းက ၆၁၂၆ ဦး ရှိပါတယ်။ ပြောင်းရွှေ့ဆိုတဲ့နေရာမှာ ကယ်ဆယ်ရေးစခန်းတွေကို ပြောင်းရွှေ့တာရှိတယ်။ နီးစပ်ရာ ဆွေမျိုးအိမ်တွေ ပြောင်းရွှေ့တာရှိတယ်၊ ဘုန်းကြီးကျောင်းတွေ၊ စာသင်ကျောင်းတွေကို ပြောင်းရွှေ့တာ ရှိပါတယ်။ ကယ်ဆယ်ရေး စခန်းအားလုံး တနင်္သာရီမြို့မှာ ၁၁ ခု ဖွင့်လှစ်ထားပါတယ်။ ရေနည်းနည်းပြန်ကျသွားတဲ့အချိန်မှာ ကယ်ဆယ်ရေးစခန်း ခုနစ်ခုကို ဆက်လက်ဖွင့်ထားဆဲ ဖြစ်ပါတယ်။ အဲဒီ ခုနစ်ခုမှာ လူဦးရေစုစုပေါင်း ၈၃၀ ရှိပါတယ်။ ကျေးရွာပေါင်း ၃၀ စာရင်းရှိတယ်။ မြို့ပေါ်ရပ်ကွက်က နှစ်ခုရှိတယ်။ ကျန်းမာရေးစောင့်ရှောက်မှုတွေ၊ နေထိုင်စားသောက်ဖို့ အဆင်ပြေအောင် ဆောင်ရွက်ပေးထားပါတယ်။ ရိက္ခာဖြန့်ဖြူးမှုကတော့ သြဂုတ် ၅ ရက်မှာ တစ်ကျော့ပြီးဆုံးတယ်။ သြဂုတ် ၆ ရက်ကစပြီး နောက်ထပ် ခြောက်ရက်စာထပ်မံပြီး လိုက်လံဖြန့်ဝေပေးမှာပါ” ဟု တနင်္သာရီတိုင်းဒေသကြီး လွှတ်တော်ကိုယ်စားလှယ် ဦးရဲမြင့်ဆွေက ပြောကြာသည်။

ရေဘေးသင့်ပြည်သူများအတွက် လာရောက်လှူဒါန်းပေးသူများ ရှိသလို အဖွဲ့အစည်းအလိုက် ကျေးရွာများအထိဆင်းကာ သွားရောက် လှူဒါန်းပေးနေသူများရှိသည်။

“ဒုက္ခရောက်နေတဲ့ပုဂ္ဂိုလ်တွေက ဗုဒ္ဓဘာသာဝင်တွေချည်း မဟုတ်ဘူး။ အစ္စလာမ်ဘာသာလည်း ပါတယ်။ ခရစ်ယာန်လည်းပါတယ်၊ ဟိန္ဒူတွေလည်းပါတယ်။ အားလုံးကို ဘာသာကြီး ၄ ရပ်က ညီညီညွတ်ညွတ်နှင့် တိုင်ပင်ပြီး လာလှူဒါန်းကြတာ၊ ရပ်/ရွာတွေကို ကိုယ်တိုင်သွားပြီး လှူကြတာပါ။ လှေတွေနဲ့ သွားလှူတယ်။ ပြီးခဲ့တဲ့ လေးရက်လောက် ဘကအနေနဲ့လာပြီး လှူခဲ့သေးတယ်။ အဲဒီမှာ တွေ့ရတာက တကယ့်ကို သနားစရာကောင်းတယ်။ တကယ်လည်း ဒုက္ခရောက်နေကြတယ်။ ဒါကြောင့် အစည်းအဝေးလုပ်ပြီး လာရောက် လှူဒါန်းပေးကြတာ ကိုယ့်လူမျိုး အချင်းချင်း ဘာသာမတူတာထားလိုက် စိတ်ဓာတ်တူပြီး တကယ့်ဆင်းရဲဒုက္ခရောက်နေတဲ့သူတွေကို ကူညီပေးတာပါတို့လိုမျိုး၊ တခြားနေရာတွေမှာလည်း ဒီလိုဝိုင်းပြီးကူညီပေးကြရင် တကယ့်ကိုကောင်းတဲ့အရာပါပဲ” ဟု တနင်္သာရီ ရေဘေးသင့်ပြည်သူများထံသို့ ကိုယ်တိုင်လာရောက် ကူညီဆောင်ရွက်ပေးနေသည့် သံသရာအေးဘုန်းတော်ကြီးကျောင်းမှ ဆရာတော်ဘဒ္ဒန္တသုဇာတက မိန့်ကြားခဲ့သည်။

တနင်္သာရီ မြစ်ကြောင်းတစ်လျှောက် နေထိုင်သူများ အနေဖြင့် ရေဘေးအန္တရာယ်နှင့် ပတ်သက်ပြီး မည်ကဲ့သို့နေထိုင် ပြင်ဆင်ထားရမည်ကို သိရှိကြသော်လည်း မြစ်ရေကြီးမှု ရက်ကြာရှည်လာပါက အခက်အခဲမျိုးစုံ ရင်ဆိုင်လာရနိုင်ကြောင်း သိရသည်။ တနင်္သာရီမြစ်ကြောင်းတစ်လျှောက်တွင် သီတင်းကျွတ်ကာလအထိ မိုးရွာနေတတ်ပြီး ယခုကဲ့သို့ နေ့စဉ်ရက်ဆက် မိုးရွာသွန်းနေပါက စိုးရိမ်ရဖွယ် အနေအထား ရောက်ရှိလာနိုင်ကြောင်း တိုင်းဒေသကြီးလွှတ်တော် ကိုယ်စားလှယ် ဦးရဲမြင့်ဆွေက ပြောကြားသည်။

ရေဘေးသင့်ပြည်သူများအတွက် အမျိုးသားလွှတ်တော်နှင့် ပြည်သူ့လွှတ်တော်ကိုယ်စားလှယ်များ၏ တစ်နေ့တာ နေ့တွက်စရိတ်များ လှူဒါန်း

ရေဘေးသင့်ပြည်သူများအတွက် အမျိုးသားလွှတ်တော်နှင့် ပြည်သူ့လွှတ်တော်ကိုယ်စားလှယ်များ၏ တစ်နေ့တာ နေ့တွက်စရိတ်များအား လှူဒါန်းခဲ့သည်။

သြဂုတ် ၂ ရက်က ပြုလုပ်သည့် အမျိုးသားလွှတ်တော် အစည်းအဝေးတွင် အမျိုးသားလွှတ်တော်ဥက္ကဋ္ဌ မန်းဝင်းခိုင်သန်းက ပြည်နယ်နှင့်တိုင်းဒေသကြီးအချို့တွင် ရေကြီးရေလျှံမှုများကြောင့် ရေဘေးသင့်နေသည့် ပြည်သူများအတွက် လွှတ်တော်ကိုယ်စားလှယ်များ၏ တစ်နေ့တာ နေ့တွက်စရိတ်များကို လှူဒါန်းမည်ဖြစ်ကြောင်း၊ ထို့အတွက် လွှတ်တော်ကိုယ်စားလှယ်များ၏ ဆန္ဒအား ရယူရာတွင် ကန့်ကွက်သူမရှိသည့်အတွက် လွှတ်တော်ကိုယ်စားလှယ် ၂၂၃ ဦး၏ တစ်နေ့တာ နေ့တွက်စရိတ်ဖြစ်သည့် ကျပ်နှစ်သောင်းစီအား လှူဒါန်းမည်ဖြစ်ကြောင်း ပြောကြားသည်။

အမျိုးသားလွှတ်တော်ကိုယ်စားလှယ် ဦးမင်းဦးက “ဒီနေ့ အမျိုးသားလွှတ်တော် အစည်းအဝေးမှာ အမျိုးသားလွှတ်တော်ဥက္ကဋ္ဌက မြန်မာနိုင်ငံတစ်ဝန်းလုံးမှာ ရေကြီးရေလျှံမှုကြောင့် ရေဘေးဒုက္ခရောက်နေရတဲ့ ပြည်သူတွေအတွက်ကို စာနာမှုအထောက်အကူ အနေနဲ့ အမျိုးသားလွှတ်တော်ကိုယ်စားလှယ်တွေရဲ့ တစ်နေ့တာ နေ့တွက်စရိတ် ကျပ်နှစ်သောင်းစီ ထည့်ဝင်ဖို့လွှတ်တော်မှာ ဆန္ဒခံယူလိုက်တဲ့အခါ အားလုံးသဘောတူတဲ့အတွက် ကိုယ်စားလှယ်တစ်ဦးစီရဲ့ နေ့တွက်စရိတ် ကျပ်နှစ်သောင်းကို ရေဘေးသင့် ပြည်သူတွေကို လှူဖို့သဘောတူခဲ့တယ်။ အဲဒီလို လှူတဲ့အခါမှာ အမျိုးသားလွှတ်တော်မှာ ကိုယ်စားလှယ်ဦးရေက ကွယ်လွန်သွားတဲ့ ကိုယ်စားလှယ်တစ်ဦးကို ဖယ်လိုက်ရင် ၂၂၃ ဦး ရှိပါတယ်။ အားလုံးပေါင်းလိုက်ရင် ကျပ် ၄,၄၄၀,၀၀၀ ရှိပါတယ်။ အခု ရေကြီးမှုဖြစ်နေတာက ပဲခူးတိုင်းရယ်၊ မွန်ပြည်နယ်ရယ်၊ ကရင်ပြည်နယ်၊ တနင်္သာရီတိုင်းတွေမှာ ဆိုးဆိုးရွားရွား ဖြစ်နေတယ်။ အမျိုးသားလွှတ်တော် အနေနဲ့တော့ ဘယ်တိုင်းဘယ်ပြည်နယ်ကိုရယ်လို့ မသတ်မှတ်တော့ဘဲ အမျိုးသားသဘာဝ ဘေးအန္တရာယ်များဆိုင်ရာ စီမံခန့်ခွဲမှုကော်မတီရှိတယ်။ အဲဒီကော်မတီက တစ်နိုင်ငံလုံးကို အချိန်နဲ့တစ်ပြေးညီ သွားရောက် လှူဒါန်းနေတာဖြစ်တဲ့အတွက်ကြောင့် ဒီကော်မတီကို အပ်လိုက်လို့ရှိရင် လွှမ်းခြုံမှုဖြစ်မယ်ဆိုပြီးတော့ နယ်မြေဒေသမရွေးဘဲနဲ့ အဲဒီကော်မတီဗဟိုကို လှူဒါန်းလိုက်တာပါ” ဟု သတင်းထောက်များအား ပြောကြားခဲ့သည်။

ထို့အတူ ပြည်သူ့လွှတ်တော်အနေဖြင့်လည်း မြန်မာနိုင်ငံတွင် ဖြစ်ပေါ်နေသော ရေးဘေးအန္တရာယ်ကျရောက်နေသည့် ဒေသရှိ ပြည်သူများကို ကူညီရန် ပြည်သူ့လွှတ်တော် ကိုယ်စားလှယ်များ၏ နေ့တွက်စရိတ် တစ်ရက်စာ စုစုပေါင်း ကျပ် ၈,၅၈၀,၀၀၀ နှင့် ပြည်သူ့လွှတ်တော်ဥက္ကဋ္ဌ၏ လက်ဆောင်ပေးခြင်းနှင့် အလှူဒါနခေါင်းစဉ်မှ လှူဒါန်းငွေကျပ် ၁၁၄ သိန်းနှစ်သောင်း ဖြစ်သည့်အတွက် စုစုပေါင်းကျပ်သိန်း ၂၀၀ အား ရေဘေးအန္တရာယ် ကျရောက်နေသည့် ဒေသများရှိ ပြည်သူများအတွက် ပေးလှူခဲ့သည်။

ပြည်သူ့လွှတ်တော်နှင့် အမျိုးသားလွှတ်တော်တို့မှ ရေဘေးသင့်ပြည်သူများအတွက် လှူဒါန်းသည့် လှူဒါန်းငွေများအား လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက လက်ခံခဲ့ကြောင်း သိရသည်။

ကျန်းမာရေးအရေးပေါ် အခြေအနေကွပ်ကဲမှုစင်တာ ဖွင့်လှစ်၍ ရေဘေးသင့်ဒေသရှိ ကယ်ဆယ်ရေးစခန်းများတွင် ရွေ့လျားဆေးခန်းများဖြင့် ကျန်းမာရေးစောင့်ရှောက်မှုပေးနေပြီး ကူးစက်ရောဂါ ကပ်အသွင်ဖြစ်ပွားမှုမရှိဟုဆို

ဘီးလင်းမြို့နယ်အတွင်း ဖွင့်လှစ်ထားသည့် ကယ်ဆယ်ရေးစခန်းတွင် နေထိုင်သည့် ရေဘေးသင့်ပြည်သူများအား တွေ့ရစဉ် (ဓာတ်ပုံ-ရှိုင်းလင်းအောင်)

ကျန်းမာရေးအရေးပေါ် အခြေအနေ ကွပ်ကဲမှုစင်တာဖွင့်လှစ်၍ ရေဘေးသင့် ဒေသရှိ ကယ်ဆယ်ရေးစခန်းများတွင် ယာယီဆေးခန်း၊ ရွေ့လျားဆေးခန်းများဖြင့် ကျန်းမာရေး စောင့်ရှောက်မှုပေးနေပြီး လက်ရှိအချိန်အထိ ကူးစက်ရောဂါကပ်အသွင် ဖြစ်ပွားမှုမရှိကြောင်း ပြည်သူ့ကျန်းမာရေးဦးစီးဌာန၊ သဘာဝဘေးနှင့် ပြည်သူ့ကျန်းမာရေး အရေးပေါ်အခြေအနေ တုံ့ပြန်ဆောင်ရွက်ရေးဌာနခွဲမှ စီမံချက်မန်နေဂျာ ဒေါက်တာကျော်ခိုင်စံက ပြောကြားသည်။

“လက်ရှိ ရေဘေးကျရောက် နေတဲ့နေရာတွေမှာ ကျန်းမာရေးဌာန အနေနဲ့ မြွေဆိပ် ဖြေဆေး၊ ရေသန့်ဆေးပြားတွေ၊ ရေသန့်စက်တွေ၊ ဆေးစိမ်ခြင်ထောင်တွေ အပါအ၀င်ဆေးနဲ့ ဆေးပစ္စည်းတွေကို ဖြန့်ဝေထားပါတယ်။ ကယ်ဆယ်ရေးစခန်းတွေမှာလည်း ယာယီဆေးခန်း၊ ရွေ့လျားဆေးခန်းတွေနဲ့ ကျန်းမာရေးစောင့်ရှောက်မှုပေးနေတယ်။ ကယ်ဆယ်ရေးစခန်းတွေမှာ အစားအစာနဲ့ ရေကတစ်ဆင့် ကူးစက်တဲ့ရောဂါတွေ မဖြစ်စေဖို့ ရောဂါကာကွယ်ရေးလုပ်ငန်းတွေကိုလည်း လုပ်ဆောင်ထားပါတယ်။ နောက်ပြီး ၀န်ကြီးဌာနအနေနဲ့ ယာယီကယ်ဆယ်ရေး စခန်းတွေမှာနေတဲ့ ပြည်သူတွေအတွက် ကျန်းမာရေး အသိပေးနှိုးဆော်ချက်တွေကို လည်းအသိပေးထုတ်ပြန်ထားပါတယ်” ဟု ဒေါက်တာကျော်ခိုင်စံက ပြောကြားသည်။

ဇူလိုင်၂၉ ရက်က နေပြည်တော်၌ ရေဘေးအန္တရာယ်ကျရောက်နေသော ဒေသများတွင် လုပ်ဆောင်လျက်ရှိသော ကျန်းမာရေးစောင့်ရှောက်မှုလုပ်ငန်းများ ပိုမိုအရှိန်မြှင့်နိုင်ရန် ကျန်းမာရေးနှင့် အားကစားဝန်ကြီးဌာန၊ ပြည်ထောင်စုဝန်ကြီး ဦးဆောင်သော အစည်းအဝေးကို ကျင်းပပြုလုပ်ခဲ့ကြောင်း၊ ယင်းအစည်းအဝေးတွင် ပြည်ထောင်စုဝန်ကြီးက ရေဘေးအပါအ၀င် သဘာဝဘေးအန္တရာယ်များ ကျရောက်နိုင်သော ဒေသများ၏ အခြေပြမြေပုံများကို ဘေးအန္တရာယ်အမျိုးအစားအလိုက် Update ပြုလုပ်ရန်၊ ဘေးအန္တရာယ်အမျိုးအစားပေါ် မူတည်၍ ကြိုတင်ပြင်ဆင်ထားရှိမှုများနှင့် ဘေးအန္တရာယ်ကျရောက်ပါက ဖြစ်ပွားမှုအခြေအနေကို စနစ်တကျစောင့်ကြပ်ကြည့်ရှု၍ သင့်လျော်သောတုံ့ပြန်ဆောင်ရွက်မှုများ အချိန်နှင့်တစ်ပြေးညီဆောင်ရွက်ရန်၊ ကယ်ဆယ်ရေးစခန်းများတွင် အစားအစာနှင့် ရေမှတစ်ဆင့်ကူးစက်တတ်သော ရောဂါများ၊ ၀မ်းပျက်ဝမ်းလျော၊ အသက်ရှူလမ်းကြောင်းမှတစ်ဆင့် ကူးစက်တတ်သောရောဂါများ စသည့် ကူးစက်ရောဂါများ မဖြစ်ပွားစေရေးအတွက် ရောဂါကာကွယ်တားဆီးရေး လုပ်ငန်းများ၊ တီဘီရောဂါ၊ အိပ်ခ်ျအိုင်ဗွီပိုးရှိသူများ၊ ဆီးချိုရောဂါ၊သွေးတိုးရောဂါစသည့် နာတာရှည်ရောဂါ ဖြစ်ပွားနေသူများ လိုအပ်သော ဆေးဝါးများ ဆက်လက်ရရှိနိုင်ရေးလုပ်ငန်းများ အရှိန်မြှင့်ဆောင်ရွက်ရန် စသည်တို့ကို မှာကြားထားကြောင်း သိရသည်။

ထို့ပြင် ကယ်ဆယ်ရေးစခန်းများတွင် ကျန်းမာရေးစောင့်ရှောက်မှုနှင့် ကူးစက်ရောဂါများဖြစ်ပွားမှုကို စောင့်ကြပ်ကြည့်ရှုလျက်ရှိပြီးဝန်ကြီး ဌာနအနေဖြင့် လိုအပ်သောဆေးနှင့် ဆေးပစ္စည်းများ အချိန်မီဆက်လက် ပံ့ပိုးပေးနိုင်ရေး၊ အရေးပေါ်လူနာလွှဲ ပြောင်းကုသရေး၊ ရေဘေးသင့်ကျန်းမာရေးဝန်ထမ်းများနှင့် ရေဘေးသင့်ဒေသတွင် ကျန်းမာရေး စောင့်ရှောက်မှုလုပ်ငန်း ဆောင်ရွက်လျက်ရှိသော ၀န်ထမ်းများကို ပံ့ပိုးပေးနိုင်ရေး၊ ထိခိုက်ပျက်စီးဆုံးရှုံးသော ကျန်းမာရေးဌာနများရှိပါက စနစ်တကျမှတ်တမ်းတင် သတင်းပေးပို့၍ ပြင်ဆင်ဆောင်ရွက်ရန်နှင့် ၀န်ကြီးဌာန၏ သဘာဝဘေးနှင့် ကျန်းမာရေးအရေး ပေါ်အခြေအနေကြီးကြပ်ဆောင်ရွက်ရေးအဖွဲ့ကို အားဖြည့်ဖွဲ့စည်း၍ လက်ရှိ ဆောင်ရွက်လျက်ရှိသော ဘေးအန္တရာယ်ဆိုင်ရာ ကျန်းမာရေးစောင့်ရှောက်မှု လုပ်ငန်းများကို အရှိန်မြှင့် ဆောင်ရွက်ရေး စသည်တို့ကိုလည်း ဆွေးနွေးထားကြောင်း သိရသည်။