နာဂ ကိုယ်ပိုင်အုပ်ချုပ်ခွင့်ရဒေသ နန်းယွန်းမြို့နယ် ဒုံးဟီးဒေသရှိ ရွာနှစ်ရွာတွင် အမည်မသိ ရောဂါဖြစ်ပွားနေကြောင်း လွှတ်တော်ကိုယ်စားလှယ် ပြောကြား

စစ်ကိုင်းတိုင်းဒေသကြီး နာဂကိုယ်ပိုင် အုပ်ချုပ်ခွင့်ရဒေသ နန်းယွန်းမြို့နယ် ဒုံးဟီးဒေသရှိ ကျေးရွာနှစ်ရွာတွင် အမည်မသိ ရောဂါဖြစ်ပွားနေကြောင်း နန်းယွန်းမြို့နယ် မဲဆန္ဒနယ်အမှတ်(၁) တိုင်းဒေသကြီး လွှတ်တော် ကိုယ် စားလှယ်ဦးစိမ်းမောင်က ပြောကြားသည်။

အဆိုပါဒေသရှိကျေးရွာနှစ်ရွာတွင် ဖြစ်ပွားနေသည့် ရောဂါလက္ခဏာသိစေရန်အတွက် သက်ဆိုင်ရာ ဆရာဝန်များကရောဂါဖြစ်ပွားနေသည့် ကျေးရွာနှစ်ရွာဆီသို့ ကွင်းဆင်းနေကြောင်း လက်ရှိအခြေအနေအရ ဖြစ်ပွား နေသည့်ရောဂါ၏ အဖြေအား မသိရှိရသေးကြောင်း ၎င်းက ဆက်လက်ပြောကြားသည်။

“ရောဂါဖြစ်တာက ဟုတ်တယ်။ ကျွန်တော် သိရသလောက်ကတော့ ကျောင်းသူ၊ ကျောင်းသားတွေကော ပြီးတော့ ရွာကလူကြီးတွေကော ဖြစ်နေကြတယ်။ ကျောင်းသူ ကျောင်းသားတွေ ဖြစ်တာကတော့ ဒီလိုပါ။သူတို့ကဒုံဟီးမြို့မှာ ကျောင်းတက်ကြတယ်။ ကျောင်းပိတ်ရက်ကျတော့ ရွာပြန်ပြီးတော့ ရိက္ခာသွားယူတာ။ အပြန်ခါကျတော့ မိုးမိလာကြတယ်တဲ့။ အဲဒီကနေ ချောင်းတွေဆိုးကြတယ်။ မျက်စိတွေ နီလာကြတယ်။ အဲလိုဖြစ်တဲ့ ကျောင်းသူကျောင်းသားတွေကို ကျောင်းမတက်ခိုင်းသေးဘဲ အိမ်မှာပဲ ခဏနေခိုင်းပြီးတော့ ဆေးကုသပေးနေတယ်။ သက်သာလာတဲ့ကျောင်းသူကျောင်းသားတွေရှိနေပြီ။ လက်ရှိ ကျွန်တော့်မြို့မှာ ရှိတဲ့ဆေးနဲ့တော့ လုံလောက်မှုမရှိဘူး။ ရက်ကြာလာရင်တော့ အခြားရောဂါဖြစ်လာမှာကို စိုးရိမ်နေကြတယ်။ ဆေးဝါးလိုအပ်ချက်တွေကလည်း ရှိနေသေးတယ်” ဟုဦးစိမ်းမောင်က ဆိုသည်။

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ နန်းယွန်းမြို့နယ် ဒုံးဟီးဒေသရှိ အမည်မသိရောဂါဖြစ်ပွားနေသည့် ကျေးရွာနှစ်ရွာမှာ ဆိတ်ညိုကျေးရွာနှင့် ၀မ်ရုတ်ကျေးရွာတို့ဖြစ်ကြောင်း ယင်းကျေးရွာများတွင် နေထိုင်ကြသည့် လူကြီးများနှင့်  ကျောင်းသူကျောင်းသားများမှာ အမည်မသိရောဂါ ဖြစ်ပွားနေကြောင်း ဦးစိမ်းမောင်၏ ပြောကြားချက်အရ သိရသည်။

ဆီရာယာလီယွန်တွင် အီဘိုလာဗိုင်းရပ်စ်အသစ် တွေ့ရှိ

မေ ၃၁ ရက်တွင် ကွန်ဂို၌ အီဘိုလာကူးစက်မခံရစေရန် ကျန်းမာရေးတာဝန်ရှိသူများက ပြင်ဆင်နေကြစဉ် (Photo: AFP)

ဆီရာယာလီယွန်နိုင်ငံထဲရှိ လင်းနို့များ၌ အီဘိုလာဗိုင်းရပ်စ်အသစ်တစ်မျိုးကို တွေ့ရှိထားကြောင်း အစိုးရက ဇူလိုင် ၂၆ ရက်တွင် ထုတ်ပြန်ခဲ့သည်။ ဆီရာယာလီယွန်တွင် အီဘိုလာ ရောဂါဖြစ်ပွားမှု အဆုံးသတ်ပြီး နှစ်နှစ်အကြာတွင် ယခုကဲ့သို့ ဗိုင်းရပ်စ် အသစ်ကို ထပ်မံတွေ့ခဲ့ခြင်းဖြစ်သည်။

ထိုဗိုင်းရပ်စ်အသစ်သည် လူများကို သေဆုံးစေနိုင်သော အီဘိုလာရောဂါအဖြစ် တိုးတက်ပြောင်းလဲလာနိုင်ခြင်းရှိ၊ မရှိကို မသိရသေးသော်လည်း သုတေသီများကမူ လူသားများကို ကူးစက်နိုင်သည်ဟု ပြောနေကြသည်။  နိုင်ငံမြောက်ပိုင်း ဘွန်ဘာလီ ဒေသတွင် ဗိုင်းရပ်စ်အသစ်ကို တွေ့ရှိခဲ့သော သုတေသီတို့သည် အစိုးရနှင့် ပူးပေါင်းပြီး ကူးစက်ခံထားရသည့် လူများ ရှိ၊ မရှိကို သိရှိရန် လုပ်ဆောင်နေကြကြောင်း သိရသည်။

“ကြိုတင်ကာကွယ်မှုအနေနဲ့ လူတွေဟာ လင်းနို့သားစားခြင်းကို ရှောင်ကြဉ်ရမှာ ဖြစ်ပါတယ်”  ဟု ကျန်းမာရေးဝန်ကြီးဌာနမှ ပြောခွင့်ရပုဂ္ဂိုလ်က ဆိုသည်။

အဆိုးရွားဆုံး အီဘိုလာရောဂါဖြစ်ပွားမှုသည် ၂၀၁၃ ခုနှစ် ဒီဇင်ဘာလက ဂီနီနိုင်ငံ တောင်ပိုင်းတွင် စတင်ဖြစ်ပွားခဲ့ပြီးနောက် အိမ်နီးချင်းနိုင်ငံများဖြစ်ကြသည့် လိုင်ဘေးရီးယားနှင့် ဆီရာယာလီယွန်သို့ ပျံ့သွားခဲ့ သည်။  ထိုစဉ်က လူ ၁၁၃၀၀ သေဆုံးခဲ့ပြီး ကူးစက်ခံခဲ့ရသူ ၂၉၀၀၀ ရှိခဲ့သည်။ ၂၀၁၆ ခုနှစ်တွင် တရားဝင် အဆုံးသတ်ခဲ့သည့် ယင်း အီဘိုလာရောဂါဖြစ်ပွားမှုသည် ဇိုင်ရီမျိုးစိတ်ကြောင့် ဖြစ်ရခြင်းဖြစ်ပြီး အဆိုပါ ဇိုင်ရီမျိုးစိတ်ကို ၁၉၇၆ ခုနှစ်က ပထမဆုံး စတင်တွေ့ရှိခဲ့ကြသည်။