အိန္ဒိယတောင်တန်းဒေသ ဆင်းမလားတွင် မကြုံစဖူး ရေရှားပါးမှုနှင့်ကြုံတွေ့

မေ ၂၈ ရက်က အိန္ဒိယမြောက်ပိုင်းရှိ ဆင်းမလားမြို့တွင် စစ်ဘက်ရေသယ်ကားမှ ရေများကို ယူရန် စောင့်ဆိုင်းနေသူများအား တွေ့ရစဉ်

ချမ်းသာကြွယ်ဝမှုနှင့် ထင်ရှားကျော်ကြားမှုတို့ဖြင့် လူသိများသော ဟိမ၀န္တာဒေသရှိ အိန္ဒိယ တောင်တန်းဒေသ ဆင်းမလားမြို့တွင် မကြုံစဖူး ရေရှားပါး ပြတ်လတ်မှု ကြုံခဲ့ရမှုကြောင့် ရန်ပွဲများနှင့် စိတ်ပျက်လက်ပျက် ဖြစ်မှုများ ဖြစ်ပေါ်ခဲ့ပြီးနောက် လမ်းတစ်လျှောက် ရေသယ်ကားများကို ရဲများက မေ ၃၀ ရက်တွင် စောင့်ကြပ်ခဲ့ရသည်။

ထိုတောင်တန်း အပန်းဖြေစခန်းသည် ပုံမှန်အားဖြင့် အားလပ်ရက် အပန်းဖြေ ထွက်လာသူများဖြင့် စည်ကားနေသော်လည်း ယခုအခါ အလွန်အမင်း ရေပြတ်လတ်နေခြင်းကြောင့် ဟိုတယ်များကို ပိတ်ထားရပြီး ခရီးသွားများကိုလည်း ထိုဒေသကို ရှောင်ကြရန် ညွှန်ကြားထားသည်။

မေ ၃၀ ရက်က စိုးရိမ်ပူပန်နေသောဒေသခံ ရာပေါင်းများစွာသည် ရဲများက စောင့်ကြပ်နေသည့် ရေသယ်ကားများမှ ရေကိုယူရန် နာရီနှင့်ချီ တန်းစီစောင့်ဆိုင်းခဲ့ရသည်။

ယခင်က ဗြိတိန်ကိုလိုနီ၏ နွေရာသီမြို့တော်ဖြစ်သော ဆင်းမလားသည် တစ်နေ့လျှင် ရေလီတာ ၄၂ သန်းခန့် လိုအပ်သော်လည်း နွေရာသီတွင် ရေပြတ်လတ်မှု အမြဲတမ်း ဖြစ်ပွားလေ့ရှိသည်။ သို့သော် ယခုနှစ် ပထမနှစ်ဝက်နီးပါးတွင် ရေထောက်ပံ့မှု အလွန်အမင်း ကျဆင်းခဲ့ပြီး ဒေသခံများက ၎င်းတို့၏ သက်တမ်းတစ်လျှောက် အဆိုးရွားဆုံး ရေရှားပါးမှုဖြစ်ကြောင်း ငြီးတွားခဲ့ကြသည်။

အိန္ဒိယမြောက်ပိုင်း ဟိမာချယ်ပရာဒေ့ရ်ှပြည်နယ်မြို့တော် ဆင်းမလားတွင် ပြီးခဲ့သော ဆောင်းရာသီ၌ ဆီးနှင်းကျမှု စံချိန်တင် နည်းပါးမှု ကြုံခဲ့ရမှုကြောင့် ပုံမှန်ထက် ဆောလျင်စွာ ရေရှားပါးမှု ဖြစ်စေခဲ့ခြင်း ဖြစ်ကြောင်း ကျွမ်းကျင်ပညာရှင်များက သုံးသပ်ခဲ့ကြသည်။ သို့သော် ဟိုတယ်များ သို့မဟုတ် အရေးကြီး ပုဂ္ဂိုလ်များ၏ နေအိမ်များကရေကို ကဲ့ယူနေကြခြင်းဖြစ်ကြောင်း ဆင်းမလားရှိ ဒေသခံအချို့က စွပ်စွဲခဲ့ကြသည်။

မေ ၂၉ ရက်နှောင်းပိုင်းက ပြည်နယ်ဝန်ကြီးချုပ်၏ နေအိမ်အပြင်ဘက်၌ ဆန္ဒပြမှုများသည် အကြမ်းဖက်မှုသို့ ပြောင်းသွားခဲ့ပြီး ဆန္ဒပြသူများက ရဲများနှင့် ပဋိပက္ခများ ဖြစ်ပွားခဲ့ကာ ဒေသဆိုင်ရာ အစိုးရအား ဆန့်ကျင်သည့် ကြွေးကြော်သံများကို ကြွေးကြော်ခဲ့ကြသည်။

ရေရှားပါးမှုနှင့် ပတ်သက်၍ အာဏာပိုင်များ အနေဖြင့် ဖြေရှင်းချက်ပေးရန်နှင့် ထိုပြဿနာအား စီမံခန့်ခွဲမှုအတွက် အစီအစဉ် ရေးဆွဲပေးရန် ပြည်နယ်ရှိ အထက်တရားရုံးက ညွှန်ကြားခဲ့သည်။ သို့သော် နွေရာသီရောက်တိုင်း လူထောင်ပေါင်းများစွာက ရောက်ရှိလာချိန်တွင် ဆင်းမလား၌ ကြုံတွေ့နေရသောဝန်ပိမှုကို ထိုရေရှားပါးမှုက ပြသနေကြောင်း ဝေဖန်သူများက ထောက်ပြခဲ့ကြသည်။ ဆင်းမလားတွင် ရေပြဿနာ ပြေလည်သွားသည့် အချိန်အထိ ထိုဒေသသို့ သွားရောက်မလည်ပတ်ရန် ခရီးသွားများအား တိုက်တွန်းသည့် လူမှုမီဒီယာ လှုံ့ဆော်မှု အစီအစဉ် တစ်ခုသည် အွန်လိုင်းတွင် ပျံ့နှံ့ခဲ့သည်။

ယင်းကဲ့သို့ အဆိုးသဘောဖြင့် ကျော်ကြားမှုကြောင့် သက်ရောက်မှု ရှိနေပြီဖြစ်ကြောင်း ဟိုတယ်များနှင့် ခရီးသွားအေဂျင်စီ အများအပြားက ပြောကြားခဲ့ကြသည်။ အိန္ဒိယ၏ မြေနိမ့်လွင်ပြင် ဒေသများတွင် အပူချိန်သည် နွေရာသီ၌ ၄၆ ဒီဂရီဆဲ စီးယပ် (၁၁၅ ဖာရင်ဟိုက်) ၀န်းကျင် ရှိနေချိန်တွင် တောင်ပေါ်ဒေသ ဆင်းမလား၌ ခရီးသွားများဖြင့် ပုံမှန်ပြည့်နှက်နေခဲ့သည်။

ယခုအချိန်တွင် ခရီးသွားအများအပြားသည် ကြိုတင်မှာယူထားမှုများအား ဖျက်သိမ်းခြင်း သို့မဟုတ် ခရီးစဉ်များအား ချုံ့ပစ်ခြင်းတို့ ပြုလုပ်ခဲ့ကြသည်ဟု ခရီးသွားအေးဂျင့် မိုဟစ်ရှာမားက ပြောကြားခဲ့သည်။

ဇွန်လအတွက် အခန်းကြိုတင်မှာမှုများသည် မရှိသလောက်ဖြစ်နေကြောင်း၊ ကြိုတင်မှာထားသူများ ကလည်း အခန်းများအား ဆင်းမလားမြို့ အပြင်ဘက်ရှိ အခြားနေရာများသို့ ရွှေ့ပေးရန် တောင်းဆိုခြင်း သို့မဟုတ် ကြိုတင်မှာထားမှုများအား ဖျက်သိမ်းခြင်းတို့ လုပ်ဆောင်ခဲ့ကြကြောင်း ရှာမားက ပြောကြားခဲ့သည်။

Ref : AFP

မောင်တောမြို့နယ်အတွင်း မေယုတောင်ခြေရှိ ကျေးရွာအချို့တွင် ရေရှားပါးမှု စတင်ကြုံတွေ့နေ

မောင်တောမြို့နယ်အတွင်း မေယုတောင်ခြေရှိ ရေရှားပါးမှု စတင်ကြုံတွေ့နေသော ကျေးရွာအချို့သို့ ရေသွားရောက် လှူဒါန်းနေစဉ်

မောင်တောမြို့နယ်အတွင်း မေယုတောင်ခြေရှိ ကျေးရွာအချို့တွင် ရေရှားပါးမှု စတင်ကြုံတွေ့နေရကြောင်း သိရသည်။

မောင်တောမြို့နယ် ငွေတောင်၊ သာယာကုန်း၊ မကျည်းကုန်း၊ သစ်တောရွာ၊ ရွာသာယာ စသည့်ကျေးရွာများရှိ ရေတွင်း၊ ရေကန်များ ခန်းခြောက်သွားသဖြင့် သောက်သုံးရေရှားပါးမှုနှင့် ကြုံတွေ့နေရကြောင်း သိရသည်။

ဧပြီ ၂၅ ​ရက်က ​မောင်​​တောမြို့နယ်​ (၄) မိုင်​အုပ်​စု ​ငွေ​တောင်​​ကျေးရွာ၌ ​ရေရှားပါး​နေမှု​ကြောင့်​ ​မောင်​​တောမြို့နယ်​ မီးသတ်​ဦးစီးမှူးရုံးမှ မီးသတ်​ယာဉ်​နှစ်စီး၊ မြို့နယ်​မီးသတ်​ဦးစီးမှူး ဦးစီးအရာရှိ သန့်​စင်​ဦး​ဆောင်​​ကာ တပ်​ဖွဲ့ဝင် ၁၄ ဦးဖြင့်​ သွား​ရောက်​​ရေ​ပေး​ဝေ လှူဒါန်း​ဆောင်​ရွက်​ခဲ့ကြောင်းနှင့် ဧပြီ ၂၃ ရက်ကလည်း ​မောင်​​တောမြို့နယ်​ (၄) မိုင်​အုပ်​စု မကျည်းကုန်းရွာနှင့်​ သာယာကုန်းရွာတို့အား ​ရေ​ပေး​ဝေခဲ့ကြောင်း မောင်တောမီးသတ်ဌာနမှ သိရသည်။

အလားတူ မောင်​​တောမြို့တွင်​ ယခင်​က မြကန်​သာဆည်​မှ ​​ရေသုံးစွဲသည့်​ရပ်​ကွက် ​သုံးခုသာရှိပြီး ယခုအခါ ​မောင်​​တောမြို့​ပေါ်ရှိ ​မြို့မအ​ရှေ့ရပ်​ကွက်​၊ မြို့မအ​နောက်​ရပ်​ကွက်​၊ မြို့မ​တောင်​ရပ်​ကွက်​၊ မြို့မ​မြောက်ရပ်ကွက်၊ ​အောင်​​မြေ​ဗောဓိရပ်ကွက်​၊ ရွာသစ်​​ကေရပ်​ကွက်​၊ ​ဝေသာလီရပ်​ကွက်​၊ ​မောင်​​တော-ဘူးသီး​တောင်​ ကားလမ်း​နံဘေးတွင်​ အသစ်​တိုးချဲ့​ထား​သော နယ်​ခြား​စောင့်​ ရဲတပ်​ရင်းတစ်​ခုလုံးအတွက်​ ဖူလုံသော​ရေ အသုံးပြုလျက်ရှိကြောင်းနှင့်​ ​ရေဖိအား အားနည်းမှု​ကြောင့်​ အချို့ချို့​သော​နေရာများတွင်​ ​ရေ​ရောက်​ရှိမှု မရှိခြင်းများ ဖြစ်​​ပေါ်​နေ​ကြောင်း သိရသည်​။

လွန်​ခဲ့​သော ၂၀၁၇ ခုနှစ်​ကလည်း​​ မြကန်​သာ တစ်​ဖက်​ပိတ်​ဆည်​မှ​ ရေများနည်းလာသည်​နှင့်​အမျှ ရာသီဥတုအပူချိန်​လွန်​ကဲခြင်း​ကြောင့်​ အနံ့ဆိုးများထွက်​ရှိခြင်း၊ ​ရေများ ​​​သံ​ချေး​ရောင်​ဖြစ်​​ပေါ်ခြင်း၊ အဆီအကွက်​များဖြစ်​ပေါ်ခြင်းနှင့်​ ကြုံခဲ့ရကြောင်း သိရသည်။

ပေါက်ခေါင်းမြို့နယ် တောင်လည်တိုက်နယ်ဆေးရုံတွင် ရေရှားပါးမှုကြောင့်ဖြစ်ရသည့် မသန့်ရှင်းမှုနှင့် ၀မ်းရောဂါဖြစ်ပွားမှုအချို့ရှိလာ

တောင်လည် တိုက်နယ်ဆေးရုံနှင့် ရေသိုလှောင်သုံးစွဲနေရသည့်မြင်ကွင်း

ပဲခူးတိုင်းဒေသကြီး (အနောက်ပိုင်း)၊ ပြည်ခရိုင်၊ ပေါက်ခေါင်းမြို့နယ် တောင်လည်တိုက်နယ်ဆေးရုံတွင် နွေရာသီမရောက်မီမှာပင် ရေရှားပါးမှု ပြဿနာကြောင့် ကုသရေးခက်ခဲခြင်း၊ တက်ရောက်ကုသသူများ ချွေတာသုံးစွဲရပြီး ၀မ်းရောဂါဖြစ်ပွားမှုများလည်း ကြုံတွေ့နေရကြောင်း သိရသည်။

အဆိုပါ တိုက်နယ်ဆေးရုံမှာ အနီးဝန်းကျင်ရှိ ကျေးရွာ ၂၀ ခန့်မှ လူနာများ တက်ရောက်ကုသမှီခိုနေရသည့် ဆေးရုံဖြစ်ကာ ဖေဖော်ဝါရီလကုန်ခန့်မှစ၍ ရေရှားပါးမှု ကြုံတွေ့ခဲ့ရပြီး အနီးဝန်းကျင်ကျေးရွာ၊ မြို့နှင့် ဘုန်းကြီးကျောင်းများက လာရောက်လှူဒါန်းသည့်ရေဖြင့် သုံးစွဲနေရပြီဖြစ်ကြောင်း ယင်းဆေးရုံက သိရသည်။

“နှစ်လပိုင်းကုန်ခါနီးကတည်းက ရေအလှူခံနေရပြီ အ၀ီစိရေပေါ့။ လက်ရိုက်တွင်းလေးတွေ တူးတယ်။ နှစ်နှစ်လောက်ပဲသုံးပြီးရင် ခန်းခန်းသွားတယ် မထွက်တော့ဘူး။ ရေက တော်တော်ခက်ခဲတယ်။ ကျွန်တော်တို့ တူးထားတဲ့ နှစ်တွင်းကလည်း လာမယ့်နှစ်ဆိုသုံးရမှာ မဟုတ်တော့ဘူး။ တက်ရောက် ကုသသူတွေမှာ မွေးလူနာတွေကလည်း ၁၃ ယောက်လောက် ရှိနေတော့ မွေးလူနာက ရေအသုံးများတယ်။ အနှီးလျှော်၊ သန့်ရှင်းရေးလုပ်၊ ခွဲခန်းတွေဝင်တဲ့အခါမှာလည်း ရေကလိုတယ်။ ကျွန်တော်တို့မှာ ဘယ်လိုမှအဆင်မပြေဘူး။ နွေရောက်လာရင် ရေကိစ္စကိုပဲ ခေါင်းခဲနေရတယ်” ဟု တောင်လည်တိုက်နယ်ဆေးရုံဆရာဝန် ဒေါက်တာကျော်မိုးက ပြောကြားသည်။

ရေရှားပါးကာလတွင် ဆေးရုံလူနာစောင့်များအနေဖြင့် စောင်ခြင်ထောင်များ မလျှော်ကြရန် တားမြစ်ထားရပြီး ရေကို ချွေတာသုံးစွဲရန် မေတ္တာရပ်ခံထားရကြောင်း၊ ရေရှားမှုကြောင့် ဖြစ်ပွားလာသည့် မသန့်ရှင်းခြင်းများတွင် ၀မ်းရောဂါလည်း ဖြစ်ပွားလာကြောင်း၊ ယခင် ငါးဦးဖြစ်ပွားခဲ့ပြီး လက်ရှိတွင် နှစ်ဦးဖြစ်ပွားကြောင်း ၎င်းက ပြောကြားသည်။

“အောက်ခြေကို နက်နက်တူးမှသာ ရေအတွက်က အဆင်ပြေမယ်။ ကျွန်တော်တို့က တောက်လျှောက်သွားပို့ဖို့ဆိုတာ နည်းနည်းခဲယဉ်းတယ်။ လိုအပ်တဲ့ အချိန်တော့သူတို့ ဖုန်းဆက်တော့သွားသွားတော့ ပို့တယ်။ အခြားရေရှားတဲ့ရွာတွေလည်း ရှိနေတော့ သူတို့ဆီကို လိုအပ်မှပဲသွားဖြစ်တယ်။ ကျွန်တော်တို့နဲ့တင် မရလို့ အခြားကိုလည်း အကူအညီ တောင်းရတယ်။ မနှစ်ကဆို ၀မ်းပျက်ဝမ်းလျှောတွေဖြစ်တယ်” ဟု ပေါက်ခေါင်းမြို့၊ ဆုံရိပ်ရေလှူအဖွဲ့မှ ကိုစိုးမင်းအောင်က ပြောကြားသည်။