ဘာရိန်းက သမိုင်းတွင် အကြီးမားဆုံး ရေနံတွင်းကို ရှာဖွေတွေ့ရှိ

Photo: AFP

ပင်လယ်ကွေ့ရှိ သေးငယ်သော ဘုရင့် နိုင်ငံ ဘာရိန်းတွင် သမိုင်း၌ အကြီးမားဆုံး ရေနံနှင့် သဘာဝဓာတ်ငွေ့တွင်းကို ရှာဖွေ တွေ့ရှိကြောင်း ဧပြီ ၁ ရက်တွင် ဘာရိန်းက ကြေညာခဲ့သည်။

အခြား ပင်လယ်ကွေ့နိုင်ငံ များကဲ့သို့ စွမ်းအင် မကြွယ်ဝသော ဘာရိန်း ၏ အနောက်ဘက်ကမ်းလွန်တွင် နိုင်ငံ၏ သမိုင်း၌ အကြီးမားဆုံး ရေနံနယ်မြေကို တွေ့ရှိခဲ့ကြောင်း အိမ်ရှေ့မင်းသား ဆယ်မန်ဘင်ဟာမက် ဦးစီးသည့် ဘာရိန်းသဘာဝ ရင်းမြစ်ကော်မတီက ကြေညာချက် ထုတ်ပြန်ခဲ့သည်။

ဘာရိန်းတွင် လောလောဆယ် ၌ ရေနံတွင်းတစ်တွင်းသာရှိပြီး ယင်းရေနံ တွင်းသည် စည်ပေါင်း သန်းရာနှင့်ချီ၍ ထွက်ရှိနိုင်သည့် ရေနံတွင်းဖြစ်သည်။

တစ်ရက်လျှင် ရေနံစည် ၅၀,၀၀၀ ထုတ်လုပ်နေသော ဘာရိန်းသည် နေ့စဉ်သဘာဝဓာတ်ငွေ့ ကုဗမီတာ တစ်ဘီလျံကျော်ကိုလည်း ထုတ်လုပ်နေသည်။

ယခုတွေ့ရှိသော ရေနံတွင်း သည် ပင်လယ်ကွေ့တွင် ဘာရိန်း၏ ပထမဆုံး ရှာဖွေ့တွေ့ရှိမှုဖြစ်သည်။

နိုင်ငံဝင်ငွေ၏  ရာခိုင်နှုန်း ၈၀ ကို ရေနံမှ ရရှိနေသော ဘာရိန်းသည် ဆော်ဒီအာရေဗျနှင့်အတူ ပိုင်ဆိုင်ထားသော အဘူဆာဖာ ရေနံတွင်းမှ တစ်ရက်စည် ၁၅၀,၀၀၀ ထပ်မံရရှိသည်။

 

 

ကမ္ဘာ့ရေနံဈေး တစ်စည် ဒေါ်လာ ၇၀ အထိတက်လာပြီး ပြည်တွင်းစက်သုံးဆီဈေး ခြောက်လကျော်အတွင်း တစ်လီတာ ၁၃၅ ကျပ်မှ ၁၅၅ ကျပ်ကြားဈေးတက်ကာ ၁၈ ရာခိုင်နှုန်းကျော်မှ ၂၃ ရာခိုင်နှုန်းကျော်အထိ ဈေးနှုန်းမြင့်တက်

ကမ္ဘာ့ရေနံဈေး ဒေါ်လာ ၇၀ အထိ ဆက်လက်မြင့်တက်မှုကြောင့် ခြောက်လကျော်အတွင်း ပြည်တွင်းစက်သုံးဆီဈေး တစ်လီတာ ၁၃၅ ကျပ်မှ ၁၅၅ ကျပ်ကြားဈေးတက်ကာ ၂၀၁၇ ခုနှစ် သြဂုတ်လဆန်းဈေးနှင့် နှိုင်းယှဉ်ပါက ၁၈ ရာခိုင်နှုန်းကျော်မှ ၂၃ ရာခိုင်နှုန်းကျော်အထိ ဈေးနှုန်းမြင့်တက်လာကြောင်း စက်သုံးဆီအရောင်းဆိုင်များမှ သိရသည်။

၂၀၁၇ ခုနှစ်အစောပိုင်းတွင် ကမ္ဘာ့ဈေးကွက်အတွင်း ရေနံဈေးအတက်အကျ နည်းပါးလျက်ရှိသော်လည်း အောက်တိုဘာ ဒုတိယပတ်မှစ၍ ကမ္ဘာ့ရေနံဈေး သိသိသာသာ စတင်မြင့်တက်ခဲ့သည်။ ပြီးခဲ့သည့် သြဂုတ်လဆန်းပိုင်းက ၄၉ ဒေါ်လာဝန်းကျင်ရှိသော ကမ္ဘာ့ရေနံဈေးနှုန်းသည် အောက်တိုဘာလဆန်းပိုင်းတွင် ၅၁ ဒေါ်လာဝန်းကျင် ဖြစ်ပေါ်ခဲ့ပြီး နိုဝင်ဘာ ၃ ရက်တွင် ၅၅ ဒေါ်လာ၊ ဒီဇင်ဘာ ၂ ရက်တွင် ၅၈ ဒေါ်လာ၊ ဒီဇင်ဘာ ၂၉ ရက်တွင် ဒေါ်လာ ၆၀၊ ဇန်န၀ါရီ ၁၃ ရက် တွင် ဒေါ်လာ ၇၀ နီးပါးအထိ ဆက်လက်မြင့်တက်ကာ သြဂုတ်လဈေးနှုန်းနှင့် နှိုင်းယှဉ်ပါ က ၄၂ ရာခိုင်နှုန်းဝန်းကျင် မြင့်တက်ခဲ့သည်။

ပြည်တွင်းဈေးကွက်တွင် ၂၀၁၈ ခုနှစ် ဇန်န၀ါရီ ၁၃ ရက်တွင်ဖြစ်ပေါ်သော စက်သုံးဆီ လက်လီဈေးများမှာ ဒီဇယ်တစ်လီတာ ၈၂၅ ကျပ် (တစ်ဂါလန် ၃၇၄၅ ကျပ်)၊ ပရီမီယံ ဒီဇယ်တစ်လီတာ ကျပ် ၈၄၀ (တစ်ဂါလန် ၃၈၁၃ ကျပ်)၊ အောက်တိန်း 92 Ron တစ် လီတာ ကျပ် ၈၁၀ (တစ်ဂါလန် ၃၆၇၇ ကျပ်) အောက်တိန်း 95 Ron တစ်လီတာ ကျပ် ၈၅၀ (တစ်ဂါလန် ၃၈၅၉ ကျပ်) ဖြစ်သည်။

ပြီးခဲ့သော ၂၀၁၇ ခုနှစ် သြဂုတ် ၁ ရက် တွင်ဖြစ်ပေါ်သည့် ဈေးနှုန်းနှင့်နှိုင်းယှဉ်ပါက ဒီဇယ်တစ်လီတာ ၁၅၅ ကျပ် (၂၃ ဒသမ ၁၃ ရာခိုင်နှုန်း)၊ ပရီမီယံဒီဇယ် တစ်လီတာ ၁၅၅ ကျပ် (၂၂  ဒသမ ၆၂ ရာခိုင်နှုန်း)၊ အောက်တိန်း 92 Ron တစ်လီတာ ကျပ်  ၁၄၀ (၂၀ ဒသမ ၈၉ ရာခိုင်နှုန်း)၊ အောက်တိန်း 95 Ron တစ်လီတာ ၁၃၅ ကျပ် (၁၈ ဒသမ ၈၈ ရာခိုင်နှုန်း) ခြောက်လအတွင်း မြင့်တက်ခဲ့ခြင်း ဖြစ်သည်။

“ကမ္ဘာ့ဈေးတက်လို့ ဒီမှာလိုက်တက်တာပါ။ ဒေါ်လာဈေးနည်းနည်းကျနေလို့ ခံသာသေးတယ်။ ပြီးခဲ့တဲ့ခြောက်လ ၂၀၁၇ သြဂုတ်လမှာ ဒီဇယ်ဝယ်ဈေး တစ်စည် ၆၆ ဒေါ်လာ၊ ပရီမီယံဒီဇယ်တစ်စည် ၆၇ ဒေါ်လာ၊  92 က တစ်စည် ၆၄ ဒေါ်လာ၊ 95 က တစ်စည် ၆၈ ဒေါ်လာ ၀န်းကျင်ရှိရာကနေ အခု ဇန်န၀ါရီ ၁၂ ရက်မှာ ဒီဇယ်ဝယ်ဈေး တစ်စည် ဒေါ်လာ ၈၀၊ ပရီမီယံဒီဇယ်တစ်စည် ၈၂ ဒေါ်လာ၊ 92 က တစ်စည် ၇၇ ဒေါ်လာ၊ 95 က တစ်စည် ၇၉ ဒေါ်လာအထိ ရှိလာတယ်။ ခြောက်လကျော်အတွင်း ပျမ်းမျှရာခိုင်နှုန်း ၂၀ လောက်တက်လာတာတယ်” ဟု စက်သုံးဆီ တင်သွင်းရောင်းချနေသည့် လုပ်ငန်းရှင်တစ်ဦးက ဆိုသည်။

၂၀၁၇ ခုနှစ် ဇန်န၀ါရီ ၁ ရက်တွင် ပြည်တွင်းဈေးကွက်၌ ဖြစ်ပေါ်ခဲ့သော စက်သုံးဆီ လက်လီတစ်လီတာ ဈေးနှုန်းများမှာ ဒီဇယ် ကျပ် ၇၁၀၊ ပရီမီယံဒီဇယ် ကျပ် ၇၃၀၊ 92 Ron ၇၁၀ ကျပ်၊ 95 Ron ၇၅၅ ကျပ်ဖြစ်ပြီး ၂၀၁၈ ခုနှစ် ဇန်န၀ါရီ ၁ ရက်ဈေးနှုန်းနှင့် နှိုင်းယှဉ်ပါက တစ်နှစ်အတွင်း ဒီဇယ် ၁၂ ဒသမ ၆ ရာခိုင်နှုန်း၊ ပရီမီယံဒီဇယ် ၁၂ ဒသမ ၃ ရာခိုင်နှုန်း၊ 92 Ron ၁၂ ဒသမ ၆ ရာခိုင်နှုန်း၊ 95 Ron ၁၁ ဒသမ ၉ ရာခိုင်နှုန်း ဈေးနှုန်း မြင့်တက်ခဲ့သည်။ ၂၀၁၇ ခုနှစ် ဇန်န၀ါရီလဆန်းတွင် ကမ္ဘာ့ရေနံဈေး ၅၁ ဒေါ်လာဝန်းကျင်ရှိ လက်ရှိဈေးနှုန်းနှင့် နှိုင်းယှဉ်ပါက ၁၉ ဒေါ်လာခန့် ကွာဟသည်။

မြန်မာနိုင်ငံ၏ ရေနံ၊ သဘာဝဓာတ်ငွေ့နှင့် ဟိုတယ်နှင့်ခရီးသွားကဏ္ဍတို့တွင် ၀င်ရောက်လုပ်ကိုင်ရန် ရင်းနှီးမြှုပ်နှံသူအများစု ယုံကြည်မှုလျော့ကျနေဟုဆို

စစ်ကိုင်းမြို့သို့ လာရောက်လည်ပတ်သည့် နိုင်ငံခြားသားခရီးသွားများကို တွေ့ရစဉ် (ဓာတ်ပုံ-ရန်ပိုင်)

မြန်မာနိုင်ငံသို့ လာရောက်လုပ်ကိုင်မည့် နိုင်ငံခြားရင်းနှီးမြှုပ်နှံသူ များအနေဖြင့် ရေနံနှင့် သဘာဝဓာတ်ငွေ့လုပ်ငန်းနှင့် ဟိုတယ်နှင့် ခရီးသွားလုပ်ငန်းကို ၀င်ရောက်လုပ်ကိုင်ရန် ယုံကြည်မှုအများဆုံး လျော့ကျနေကြောင်း ဒီဇင်ဘာ ၁၂ ရက်က UMFCCI တွင် ပြုလုပ်သည့် ပြည်ထောင်စုသမ္မတ မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်နှင့် ရိုလင်ဘာဂျာတို့ ယခုနှစ် ဒုတိယနှစ်ဝက်အတွင်း ပူးပေါင်းလေ့လာထားသော ရိုလင်ဘာဂျာ၏ ၂၀၁၇ မြန်မာ့စီးပွားရေး လုပ်ငန်းစစ်တမ်း သတင်းစာရှင်းလင်းပွဲမှ သိရသည်။

“မြန်မာနိုင်ငံမှာရှိတဲ့ စီးပွားရေးလုပ်ငန်းများရဲ့ စီးပွားရေးဆိုင်ရာယုံကြည်စိတ်ချရမှုဟာ မနှစ်ကထက် ဒီနှစ်မှာ ပိုလျော့ကျသွားပြီးတော့ အထူးသဖြင့် Oil & Gas နဲ့ Hotel and Tourism တို့မှာ ပိုပြီးတော့ ယုံကြည်မှု လျော့ကျသွားတာ တွေ့ရပါတယ်” ဟု ရိုလင်ဘာဂျာ၏ အရှေ့တောင်အာရှ အုပ်ချုပ်မှုမိတ်ဖက်ဖြစ်သည့်  သောမတ်ကလော့ဇ်က ပြောကြားသည်။

ယင်းကဲ့သို့ စီးပွားရေးဆိုင်ရာ ယုံကြည်စိတ်ချရမှု လျော့ကျသွားမှု၌ ရေနံနှင့် သဘာဝဓာတ်ငွေ့ကဏ္ဍတွင်  ရာခိုင်နှုန်း ၄၀ ၀န်းကျင်သို့လည်းကောင်း၊ ဟိုတယ်နှင့် ခရီးသွားလုပ်ငန်းကဏ္ဍတွင် ၃၂ ရာခိုင်နှုန်းသို့ လျော့ကျသွားကြောင်း သိရသည်။

ထို့ပြင် မြန်မာနိုင်ငံအတွင်းရှိ စီးပွားရေးလုပ်ငန်းများ၏ စီးပွားရေးဆိုင်ရာ ယုံကြည်စိတ်ချရမှု (Business Confidence) သည် ၂၀၁၆ ခုနှစ်က ၇၃ ရာခိုင်နှုန်းရှိခဲ့ရာမှ ယခု ၂၀၁၇ ခုနှစ်အတွင်း၌ ၄၉ ရာခိုင်နှုန်းသို့ သိသိသာသာ လျော့ကျသွားကြောင်း အဆိုပါစီးပွားရေးစစ်တမ်းတွင် ဖော်ပြထားသည်။

ထိုသို့ လျော့ကျသွားရခြင်း၏ အဓိကအကြောင်းရင်းမှာ စီးပွားရေးဆိုင်ရာမူဝါဒနှင့် စီမံကိန်းရှင်းလင်းပြတ်သားမှု မရှိခြင်းဖြစ်သည်ဟု  ၇၇ ရာခိုင်နှုန်းသော ကုမ္ပဏီများက  သိသာထင်ရှားသော ပြဿနာအဖြစ် ဖော်ပြထားကြကြောင်း သိရသည်။

စီးပွားရေးအသိုက်အ၀န်းမှ တင်ပြတောင်းဆိုနေသည့် အစိုးရ၏အရေးပါသော လုပ်ဆောင်ချက်မှာ လျှပ်စစ်မီးရရှိရေး ၉၆ ရာခိုင် နှုန်း၊ မူဝါဒချမှတ်ရေးနှင့် ကျင့်သုံးရေးတို့တွင် မြင်သာမှုရှိမှု ၉၅ ရာခိုင်နှုန်း၊ တရားဥပဒေစိုး မိုးရေး ၉၄ ရာခိုင်နှုန်း၊ ဆက်သွယ်ရေးလမ်းများ ကောင်းမွန်ရေး ၉၄ ရာခိုင်နှုန်း၊ လုပ်ငန်းလိုင်စင်နှင့် လုပ်ထုံးလုပ်နည်းများ ပိုမိုရှင်းလင်းလွယ်ကူရေး ၉၂ ရာခိုင်နှုန်း၊ ဌာနဆိုင်ရာ စွမ်းဆောင်ရည်မြှင့်တင်မှုများ ပြုလုပ်ခြင်း ရာခိုင်နှုန်း ၉၀၊ ငွေကြေးကဏ္ဍ ပြုပြင်ပြောင်းလဲရေး ရာခိုင်နှုန်း ၉၀ နှင့် ပညာရေးကဏ္ဍ ပြုပြင်ပြောင်းလဲရေးနှင့် သင်တန်းပေးရေး ၈၈ ရာခိုင်နှုန်း စသည့်အချက်ရှစ်ချက်ကို အဆိုပါ စီးပွားရေးစစ်တမ်းတွင် ဖော်ပြထားသည်။