ရေနံနှင့်သဘာဝဓာတ်ငွေ့ ရှာဖွေတူးဖော် ထုတ်လုပ်ခြင်း လုပ်ငန်းများကို နိုင်ငံခြား ရေနံကုမ္ပဏီများနှင့် ရင်းနှီးမြှုပ်နှံမှု ပူးပေါင်းဆောင်ရွက်ရန် စိတ်ဝင်စားသည့် နိုင်ငံသား ကုမ္ပဏီများအား မှတ်ပုံတင်ခွင့်ပြု

မြန်မာ့ကမ်းလွန်ရှိ ရတနာသဘာဝဓာတ်ငွေ့ စီမံကိန်းကို တွေ့ရစဉ် (ဓာတ်ပုံ-MOEE)

ကုန်းပိုင်းနှင့် ကမ်းလွန်လစ်လပ် လုပ်ကွက်များတွင် ရေနံနှင့် သဘာဝဓာတ်ငွေ့ ရှာဖွေတူးဖော် ထုတ်လုပ်ခြင်း လုပ်ငန်းများကို နိုင်ငံခြားရေနံ ကုမ္ပဏီများနှင့် ရင်းနှီးမြှုပ်နှံမှု ပူးပေါင်းပါဝင်ဆောင်ရွက်ရန် စိတ်ဝင်စားသည့် မြန်မာနိုင်ငံသား ကုမ္ပဏီများအား မှတ်ပုံတင်နိုင်ရန် လျှပ်စစ်နှင့် စွမ်းအင်ဝန်ကြီးဌာန ရေနံနှင့် သဘာဝဓာတ်ငွေ့ စီမံရေး ဦးစီးဌာနက အသိပေး ကြေညာထားသည်။

ပြည်ထောင်စုသမ္မတ မြန်မာနိုင်ငံတော်အစိုးရ လျှပ်စစ်နှင့် စွမ်းအင်ဝန်ကြီးဌာန မြန်မာ့ရေနံနှင့် သဘာဝဓာတ်ငွေ့ လုပ်ငန်းသည် ကုန်းပိုင်းနှင့် ကမ်းလွန် လစ်လပ်လုပ်ကွက်များတွင် ရေနံနှင့် သဘာဝဓာတ်ငွေ့ ရှာဖွေ၊ တူးဖော်၊ ထုတ်လုပ်ခြင်း လုပ်ငန်းများကို ထုတ်လုပ်မှုအပေါ် ခွဲဝေခံစားရေး စာချုပ်ဖြင့် လည်းကောင်း၊ ရေနံတိုးတက် ထုတ်ယူရရှိရေး စာချုပ်ဖြင့် လည်းကောင်း၊  နိုင်ငံခြား ရေနံကုမ္ပဏီများနှင့် အကျိုးတူပူးပေါင်း ဆောင်ရွက်ရန် အပြည်ပြည်ဆိုင်ရာ တင်ဒါခေါ်ယူ ဆောင်ရွက်မည် ဖြစ်ကြောင်း သိရသည်။

ထိုသို့ဆောင်ရွက်ရာတွင် နိုင်ငံခြား ရေနံကုမ္ပဏီများနှင့်အတူ မြန်မာနိုင်ငံသားပိုင် ကုမ္ပဏီများကိုလည်း ရင်းနှီးမြှုပ်နှံမှု ပူးပေါင်းဆောင်ရွက်စေခြင်းဖြင့် ရေနံနှင့် သဘာဝဓာတ်ငွေ့ ရှာဖွေ၊ တူးဖော်၊ ထုတ်လုပ်ခြင်း နည်းပညာရပ်များကို လည်းကောင်း၊ နိုင်ငံတကာ ရေနံလုပ်ငန်း အတွေ့အကြုံများကို လည်းကောင်း၊ ရင်းနှီးမြှုပ်နှံမှုမှ အကျိုးအမြတ် ရရှိစေရေးကို လည်းကောင်း ရည်ရွယ်ချက်ထားရှိကာ ရင်းနှီးမြှုပ်နှံမှု ပူးပေါင်းဆောင်ရွက် စေမည်ဖြစ်သည်။

နိုင်ငံခြား ရေနံကုမ္ပဏီများနှင့်အတူ အစုရှယ်ယာ ထည့်ဝင်ရင်းနှီးမြှုပ်နှံ ပူးပေါင်းပါဝင် ဆောင်ရွက်ရန် စိတ်ဝင်စားသည့် မြန်မာနိုင်ငံသားပိုင် ကုမ္ပဏီများအနေဖြင့် လျှပ်စစ်နှင့် စွမ်းအင်ဝန်ကြီးဌာနတွင် မှတ်ပုံတင်ထားရှိရန် လိုအပ်ကြောင်း သိရသည်။

ထို့ကြောင့် ရေနံနှင့် သဘာဝဓာတ်ငွေ့ လုပ်ငန်းနှင့်စပ်လျဉ်း၍ အတွေ့အကြုံရှိသည့် မြန်မာနိုင်ငံသားပိုင် ကုမ္ပဏီများသည် လျှပ်စစ်နှင့် စွမ်းအင်ဝန်ကြီးဌာန၊ ရေနံနှင့် သဘာဝဓာတ်ငွေ့စီမံရေး ဦးစီးဌာနသို့ အချက်အလက်များ ပြည့်စုံစွာဖြင့် လူကိုယ်တိုင်ဆက်သွယ်၍ စာရင်းပေးသွင်း မှတ်ပုံတင် ထားရှိနိုင်ပါကြောင်း အသိပေး ကြေညာထားခြင်း ဖြစ်သည်။ မြန်မာနိုင်ငံသား ကုမ္ပဏီများအား မှတ်ပုံတင်နိုင်ရန် လျှောက်လွှာပုံစံကို ရေနံနှင့် သဘာဝဓာတ်ငွေ့စီမံရေး ဦးစီးဌာနတွင် ရယူနိုင်ကြောင်း သိရသည်။

၂၀၁၄ ခုနှစ်အတွင်း ခွင့်ပြုခဲ့သော ကမ်းလွန် (ကမ်းနီး၊ ကမ်းဝေး) ရေနံနှင့် သဘာဝဓာတ်ငွေ့ လုပ်ကွက် တင်ဒါအောင်မြင်ခဲ့သည့် ကုမ္ပဏီများအနက် အမှန်တကယ် ရှာဖွေတိုင်းတာမှုများ လုပ်ဆောင်နေသော လုပ်ငန်းများကို လေ့လာရေးကာလ တိုးမြှင့်ခွင့်ပြုထားပြီး နောက်ထပ်ခေါ်ယူမည့် တင်ဒါများတွင် ထုတ်လုပ်မှုခွဲဝေရေး စာချုပ်များ ပြင်ဆင်ချုပ်ဆို သွားမည်ဖြစ်ကြောင်း မြန်မာ့ရေနံနှင့် သဘာဝဓာတ်ငွေ့ လုပ်ငန်းမှ အကြီးတန်း တာဝန်ရှိသူတစ်ဦးက ပြီးခဲ့သည့် မတ်လအတွင်း ပြောကြားခဲ့သည်။

ပြည်တွင်းသုံး သဘာဝဓာတ်ငွေ့ ဖူလုံစေရေးနည်းလမ်းများ ရှာဖွေရန်နှင့် နိုင်ငံတကာသို့ တင်ပို့နိုင်ရေး စဉ်းစားဆောင်ရွက်ရန် ပြည်ထောင်စုဝန်ကြီး ပြောကြား

ပြည်တွင်းရှိ ဓာတ်အားပေးစက်ရုံများ၊ ဓာတ်မြေသြဇာစက်ရုံများနှင့် အခြားစက်ရုံများအတွက် ပြည်တွင်းသုံး သဘာဝဓာတ်ငွေ့ ဖူလုံစေရေးနည်းလမ်းများ ရှာဖွေဆောင်ရွက်သွားရန်၊ လုပ်ငန်းများဆောင်ရွက်ရာတွင် ပြည်တွင်းဈေးကွက် တစ်ခုတည်းကို မကြည့်ဘဲ နိုင်ငံတကာသို့ တင်ပို့နိုင်ရေးအထိ အမြင်ကျယ်ကျယ်ဖြင့် စဉ်းစားဆောင်ရွက်ရန်လိုကြောင်း လျှပ်စစ်နှင့် စွမ်းအင်ဝန်ကြီးဌာန ပြည်ထောင်စုဝန်ကြီး ဦးဝင်းခိုင်က ပြောကြားသည်။

လျှပ်စစ်နှင့် စွမ်းအင်ဝန်ကြီးဌာန၏ ၂၀၁၈-၂၀၁၉ ဘဏ္ဍာနှစ်တွင် စွမ်းအင်ကဏ္ဍဆိုင်ရာ လုပ်ငန်းဆောင်ရွက်မည့် အခြေအနေများနှင့် ပတ်သက်၍ လုပ်ငန်းညှိနှိုင်းအစည်းအဝေးကို မေ ၁၈ ရက်က လျှပ်စစ်နှင့် စွမ်းအင်ဝန်ကြီးဌာန ရတနာခန်းမ၌ ကျင်းပစဉ် ပြည်ထောင်စုဝန်ကြီးက အထက်ပါအတိုင်း ပြောကြားခဲ့ခြင်းဖြစ်သည်။

အဆိုပါအစည်းအဝေးတွင် လျှပ်စစ်ဓာတ်အား လိုအပ်ချက်ကို ဖြည့်ဆည်းနိုင်ရေး ကာလလတ်အနေဖြင့် နောင်သုံးနှစ်အတွင်း မဂ္ဂါဝပ် ၃၀၀၀ ရရှိရေးကို LNG စီမံကိန်းသုံးခုဖြင့် ဆောင်ရွက်သွားမည်ဖြစ်ကြောင်း၊ ရေနံနှင့် သဘာဝဓာတ်ငွေ့ မြေအသစ်များ ရှာဖွေနိုင်ရန် အတွေးအမြင်သစ်၊ နည်းပညာသစ်များဖြင့် ရှာဖွေတွေ့ရှိမှု အသစ်ရရှိရေး၊ စွန့်ဦးတီထွင်မှုနည်းပညာ၊ ဆန်းသစ်ဖန်တီးမှုနည်းလမ်းနှင့် ပြည်တွင်းပြည်ပ ရင်းနှီးမြှုပ်နှံမှုများဖြင့် ပူးပေါင်းဆောင်ရွက်ရန် လိုအပ်ကြောင်းလည်း ၎င်းက ပြောကြားသည်။

ကျေးရွာများအရောက် တစ်နိုင်ငံလုံး LPG ကို ဈေးနှုန်းသက်သာစွာဖြင့် အသုံးပြုနိုင်ရေး ဆောင်ရွက်သွားရန်ဖြစ်ကြောင်း၊ LPG ကို သယ်ယူပို့ဆောင်ရေးကဏ္ဍတွင်လည်း အသုံးပြုနိုင်ရေး မြှင့်တင်ဆောင်ရွက်ရန်ဖြစ်ကြောင်း၊ မိမိနိုင်ငံ၏ ပထ၀ီဝင်အနေအထား အရေးပါမှုကို ထိထိရောက်ရောက် အသုံးချ၍ အိမ်နီးချင်းနိုင်ငံများသို့ ရေနံထွက်ပစ္စည်းများ တင်ပို့နိုင်ရေး စီမံဆောင်ရွက်သွားရန်၊ တိုင်းပြည်ဖွံ့ဖြိုးတိုးတက်ရေးအတွက် တာဝန်ယူမှု၊ တာဝန်ခံမှု စုပေါင်းအားတို့ဖြင့် ညီညွတ်စွာဆောင်ရွက်သွားရန် ပြည်ထောင်စုဝန်ကြီးက ဆိုသည်။

ရင်းနှီးမြှုပ်နှံမှုများ ဆောင်ရွက်ရာတွင် Public Private Partnership (PPP)၊ Joint Venture (JV)၊ Build Operate Transfer (BOT) စနစ်များဖြင့် တိုင်းပြည်အကျိုးရှိစေရေး ဆောင်ရွက်သွားရန်၊ လုပ်ငန်းများဆောင်ရွက်ရာတွင် မျှော်မှန်းရလဒ်များကို အချိန်ကိုက်ရရှိရန် လိုအပ်ကြောင်း သိရသည်။

ပုဂ္ဂလိကကဏ္ဍ ဖွံ့ဖြိုးတိုးတက်ရေး နည်းလမ်းပေါင်းစုံဖြင့် ပူးပေါင်းဆောင်ရွက်သွားရန်၊ နိုင်ငံတော်ဖွံ့ဖြိုးတိုးတက်ရေးအတွက် လျှပ်စစ်နှင့် စွမ်းအင်ကဏ္ဍသည် မပါမဖြစ် အခြေခံကျသည့်အတွက် တစ်ဦးချင်း၊ ဌာနအလိုက် တာဝန်ကိုယ်စီ ကျေပွန်ခြင်းအားဖြင့် ဌာန၊ နိုင်ငံတော်တိုးတက်ဖွံ့ဖြိုးအောင် စုပေါင်းအားဖြင့် ၀ိုင်းဝန်းကြိုးပမ်း ဆောင်ရွက်ကြရန် ၎င်းက ပြောကြားသည်။

မြန်မာနိုင်ငံတွင် လျှပ်စစ်ဓာတ်အား ထုတ်လုပ်မှုကို ရေအားလျှပ်စစ်၊ သဘာဝဓာတ်ငွေ့သုံး လျှပ်စစ်ဓာတ်အား၊ ကျောက်မီးသွေးသုံး လျှပ်စစ်ဓာတ်အားတို့ဖြင့် အဓိက ဆောင်ရွက်နေခြင်းဖြစ်သည်။

မြိတ်ဆိပ်ကမ်းမှ အနောက်မြောက်ဘက် ပင်လယ်ပြင်အတွင်း PETRONAS မှ ရေနံတွင်းသုံးတွင်း ထပ်မံတူးဖော်မည်

စီမံကိန်းနှင့်ပတ်သက်ပြီး EIA ဆောင်ရွက်ခြင်းမပြုလုပ်မီ မြိတ်မြို့ရှိ ပြည်သူလူထုများနှင့် တွေ့ဆုံခြင်းကို ဧပြီ ၄ ရက်က ပြုလုပ်စဉ်

မြိတ်ဆိပ်ကမ်းမှ အနောက်မြောက်ဘက် ပင်လယ်ပြင်အတွင်း PETRONAS မှ ရေနံတိုးတက်ဖွံ့ဖြိုးထုတ်လုပ်ရေး အတွက်ဟုဆိုကာ ရေနံတွင်းသုံးတွင်း ထပ်မံတူးဖော်သွားမည်ဖြစ်ကြောင်း သိရသည်။

မြန်မာ့ကမ်းလွန်လုပ်ကွက်အမှတ် M 12, M 13, M 14 တို့တွင် ရေနံတွင်းသုံးတွင်းအား ၂၀၁၈ ခုနှစ် အောက်တိုဘာ၊ နိုဝင်ဘာနှင့် ဒီဇင်ဘာလတို့တွင် တူးဖော်သွားရန် ရည်ရွယ်ထားပြီး အဆိုပါစီမံကိန်းနှင့်ပတ်သက်ပြီး EIA ဆောင်ရွက်ခြင်းမပြုလုပ်မီ မြိတ်မြို့ရှိ ပြည်သူလူထုများနှင့် တွေ့ဆုံခြင်းကို ဧပြီ ၄ ရက်က ပြုလုပ်ခဲ့ကြောင်း သိရသည်။ အများပြည်သူတွေ့ဆုံပွဲ ပြုလုပ်သော်လည်း ဌာနဆိုင်ရာတချို့နှင့် NGO တချို့သာတက်ရောက်ခဲ့ပြီး အဓိကသက်ဆိုင်မည့် ငါးလုပ်ငန်းအဖွဲ့အစည်းမှ တာဝန်ရှိသူများ၊ ဒေသခံများနှင့် စောင့်ကြည့်လေ့လာမည့် အရပ်ဘက်အဖွဲ့အစည်းများ တက်ရောက်လာခြင်းမရှိကြောင်း သိရသည်။

“ဒီနေ့ဆောင်ရွက်တဲ့ အခမ်းအနားကတော့ PETRONAS ကုမ္ပဏီကဆောင်ရွက်တဲ့ ရဲတံခွန်စီမံကိန်းမှာ နဂိုရှိပြီးသား ရေနံတွင်းကနေပြီးတော့ ထုတ်လုပ်မှုကိုပိုမိုပြီး မြင့်မားတဲ့တွင်းတွေကို ပြန်လည်ပြီးတူးဖော်ဖို့အတွက် ၂၀၁၅ ခုနှစ် ဒီဇင်ဘာ ၂၉ ရက်က ထွက်ရှိခဲ့တဲ့ ပတ်ဝန်းကျင်ဆန်းစစ်ခြင်းဆိုင်ရာ လုပ်ထုံးလုပ်နည်းအရ EIA လို့ခေါ်တဲ့ ပတ်ဝန်းကျင်ဆန်းစစ်ခြင်းဆိုင်ရာကို လုပ်ဆောင်မှာဖြစ်ပါတယ်။ အခုတင်ပြရတဲ့ အကြောင်းရင်းက EIA ပရိုစီဂျာထဲမှာပါဝင်တဲ့ ပထမဆုံး EIA ဆောင်ရွက်ခြင်းမပြုနိုင်ခင်မှာ ပြည်သူလူထုနဲ့ လာရောက်တွေ့ဆုံခြင်း ဖြစ်ပါတယ်” ဟု ပတ်ဝန်းကျင်ထိခိုက်မှု ဆန်းစစ်ခြင်းလုပ်ဆောင်နေသည့် ERM Myanmar မှ ဒေါ်မြတ်မွန်ဆွေက ပြောကြားသည်။

ရေနံတွင်းများ၏ အနက်မှာ ၃၄၁ ပေ ခန့်ရှိပြီး စတင်သည့်ကာလမှ ခုနစ်လကြာမြင့်မည်ဖြစ်ကြောင်း သိရသည်။ PETRONAS Carigail Myanmar Ltd (PCML) အနေဖြင့် ရေနံနှင့်သဘာဝဓာတ်ငွေ့တူးဖော်ခြင်းကို မြန်မာနိုင်ငံတွင် ဆောင်ရွက်လျက်ရှိရာ တနင်္သာရီတိုင်းဒေသကြီးအတွင်း ရဲတံခွန်သဘာဝဓာတ်ငွေ့စီမံကိန်းကို အကောင်ထည်ဖော် ဆောင်ရွက်နေခြင်းဖြစ်ကြောင်း သိရသည်။

ယခုစီမံကိန်းမှာလည်း ရဲတံခွန်သဘာဝဓာတ်ငွေ့စီမံကိန်း၏ ရေနံတိုးတက်ဖွံ့ဖြိုးထုတ်လုပ်ရေးအတွက် ဆောင်ရွက်မည်ဖြစ်ကာ စီမံကိန်းကို ဖော်ဆောင်မည့်ကုမ္ပဏီမှာ PC Myanmar (Hong Kong) ဖြစ်ကြောင်း သိရသည်။ ပတ်ဝန်းကျင်သုံးခုဖြစ်သည့် သဘာဝပတ်ဝန်းကျင်၊ လူမှုပတ်ဝန်းကျင်၊ ဇီဝပတ်ဝန်းကျင်ထိခိုက်နိုင်မှု၊ လျှော့ချနိုင်မှုများ လေ့လာကာ ပြည်သူများအား ချပြရမည်ဖြစ်ပြီး သက်ဆိုင်ရာဝန်ကြီးဌာနများကို တင်ပြရမည်ဖြစ်ကြောင်း ဒေါ်မြတ်မွန်ဆွေက ဆိုသည်။

“ဒီရီပို့တွေအပေါ်မှာ ကျွန်မတို့ သဘာဝပတ်ဝန်းကျင် စီမံခန့်ခွဲမှုအရ ဆောင်ရွက်ထားခြင်း ရှိ/မရှိကို သက်ဆိုင်ရာဝန်ကြီးဌာန နှစ်ခုကနေ စစ်ဆေးမှာ။ အဲဒီအတိုင်းလိုက်နာ ဆောင်ရွက်ထားခြင်းမရှိဘူးဆိုရင် လုပ်ငန်းရပ်ဆိုင်းတဲ့အထိ အရေးယူဆောင်ရွက်သွားမှာ ဖြစ်ပါတယ်။ ၂၀၁၂ ခုနှစ်ကထွက်ထားတဲ့ ပတ်ဝန်းကျင်ထိန်းသိမ်းရေးဥပဒေထဲမှာ အတိအကျဖော်ပြထားပြီးဖြစ်ပါတယ်။ ဒါကြောင့် ကျွန်မတို့ အခုလာရောက်တာကလည်း စီမံကိန်းနှင့်ပတ်သက်တဲ့ အကြောင်းအရာတွေချပြမယ်။ နောက်ပြီး EMR ကနေ ဆောင်ရွက်နေတဲ့ EIA နှင့်ပတ်သက်တဲ့လုပ်ငန်းစဉ်တွေကို လာရောက်ရှင်းပြတာဖြစ်ပါတယ်” ဟု ဒေါ်မြတ်မွန်ဆွေက ပြောကြားသည်။

အဆိုပါဆွေးနွေးပွဲတွင် စီမံကိန်းကို ဖော်ဆောင်မည်ဟုဆိုသော PC Myanmar (Hong Kong) လီမိတက်မှ တာဝန်ရှိသူများကမူ စီမံကိန်းနှင့်ပတ်သက်ပြီး မီဒီယာများ၏မေးမြန်းချက်ကို ဖြေကြားရန်ငြင်းဆန်ခဲ့သည်။ PETRONAS ကုမ္ပဏီအနေဖြင့် မြန်မာနိုင်ငံတွင် လုပ်ကွက်ရှစ်ခု ဆောင်ရွက်နေပြီး တနင်္သာရီတိုင်းဒေသကြီး၊ ဧရာဝတီတိုင်းဒေသကြီး၊ မကွေးတိုင်းဒေသကြီးနှင့် ရခိုင်ပြည်နယ်တို့တွင် ရေနံနှင့်သဘာဝဓာတ်ငွေ့များ တူးဖော်လုပ်ကိုင်နေကြောင်း သိရှိရသည်။

မင်းကင်းမြို့နယ် တောင်တွင်းချောင်ဒေသတွင် သဘာဝဓာတ်ငွေ့များ အလိုအလျောက်ထွက်ရှိနေ

မင်းကင်းမြို့နယ် တောင်တွင်းချောင်ဒေသ ဇနပုဒ်ကျေးရွာအနီး တောင်တွင်းချောင်းဘေး အနီးတွင် သဘာဝဓာတ်ငွေ့များ အလိုအလျောက် ထွက်ရှိသည်ဟု ဒေသခံများ ပြောကြားချက်အရ သိရသည် ။

“သဘာဝဓာတ်ငွေ့တွေ ထွက်တယ်ဆိုတာက ၀ံဝအတိုင်း တောင်တွင်းချောင်းကို ဆန်တက်သွားတယ်ဆိုရင် ဇနပုဒ်ရွာနားလေးမှာ သိပ်မဝေးဘူး။ အရင်က ချောင်းထဲမှာ ထွက်တာ အခုတော့ ရွာသားတွေက တောထဲမှာ မီးမွှေးရအောင် လွယ်အောင်လို့ ကုန်းပေါ်မှာ မှန်းဖောက်ထောက်တာ။ ရွာသားတွေကတော့ သဘာဝဓာတ်ငွေ့ ထွက်တဲ့နေရာ ကုန်းပေါ်ကို မှန်းဖောက်ထားပြီး ထမင်းဟင်းချက်တာတို့ ရေနွေးတည်တာတို့ လုပ်တာပေါ့ ။ တောင်တွင်း ချောင်းထဲမှာတော့ တောက်လျှောက်ထွက်နေတာပဲ။ ဇနပုဒ်ရွာနဲ့ဆိုရင် ပေ ၄၀၀၊ ၅၀၀ ၀န်းကျင်လောက်ပဲဝေးမှာ၊ ရွာနဲ့ကပ်နေတာ။ ရွာရဲ့ အနောက်ဘက်မှာ တောတွေရှိတယ်လေ။ တောင်တွင်းချောင်ဒေသ ပျားရွာ၊ ဇနပုဒ်ရွာတို့ဆိုတာ ၀ံဝဆိုတဲ့ ရွာကတစ်ဆင့်လာရတာ။ မုံရွာယာကြီးလမ်း ဘေးကျော် ရွာအနီးမှာ ၀ံဝရွာကိုသွားတဲ့ လမ်းခွဲရှိပါတယ်။ အဲဒီကတစ်ဆင့် သွားရတာ ပါ။ ဒီလို သဘာဝဓာတ်ငွေ့တွေ ထွက်နေတာ ကြာပါပြီ။ ၁၉၆၆၊ ၁၉၆၇ လောက်တုန်းကတည်းက ချောင်းထဲမှာ ထွက်နေတာ ကြာလှပါ ပီ။ ဒီလိုထွက်နေတဲ့ သဘာဝဓာတ်ငွေ့တွေကို လာရောက်လေ့လာ စမ်းသပ်တာကိုတော့ မတွေ့ဘူးဖူး။ ပျားရွာတို့၊ ဇနပုဒ်ရွာကတော့ သွားရလာရ ခက်တယ်လေ။ အရင်တုန်းကတော့ အဲဒီဘက်မှာ ရေနံစိမ်း တူးတာရှိတယ်။ ဒေသခံ တစ်ပိုင်တစ်နိုင် လောက်ပါပဲ။ အခုတော့ သဘာဝဓာတ်ငွေ့ကို ကုန်းပေါ်မှာ မှန်းဖောက်ပြီး တောထဲရေနွေးတို့ ထမင်းအိုး ဟင်းအိုးတို့ တည်လိုက်တာပဲ။ မီးပြန်သတ်ချင်ရင်တော့ သဲနဲ့ပြန်ဖို့ လိုက်တာ။ သူတို့ကတော့ လက်နဲ့ပဲတူးပြီး ဖောက်လိုက်တာပါ။ ဇနပုဒ်ရွာရဲ့ အခင်းထဲမှာပါ” ဟု သဘာဝဓာတ်ငွေ့ ထွက်ရှိနေမှုကို ဒေသခံတစ်ဦးက ပြောကြားသည်။

အဆိုပါဒေသနှင့် တစ်ဆက်တည်းဖြစ်သော ကလေးမြို့နယ်အတွင်းရှိ တောင်တန်းများတွင် လွန်ခဲ့သည့် နှစ်၂၀ ၀န်းကျင်မှစ၍ ရေနံစိမ်းများ အမြောက်အမြား ထွက်ရှိခဲ့ပြီး တစ်ပိုင်တစ်နိုင် လုပ်ငန်းများ လုပ်ကိုင်ကြကာ ယခုအခါတွင် ရေနံထွက်ရှိမှု နည်းပါးလာမှုကြောင့် လုပ်ကိုင်သူ မရှိသလောက် နည်းပါးလာခဲ့သည်ဟု သိရသည်။

“ဒီလို ဖြစ်စဉ်တွေက ဘူမိသဘောအရ မြန်မာနိုင်ငံမှာ တခြားနယ်တွေနဲ့ ကလေးနယ်နဲ့ တောင်တွင်းချောင်ဒေသ ကြားမှာရှိတဲ့ တောင်ကြောတွေပေါ်မှာ ရေနံနဲ့ ဓာတ်ငွေ့သိုက် သေးသေးလေးတွေ ရှိပါတယ်။ ဒါကို အစိုးရကနေသော် လည်းကောင်း၊ တကယ်လုပ်နိုင်တဲ့ ဂုဏ်သိက္ခာရှိတဲ့ ကုမ္ပဏီတစ်ခုခုကသော် လည်းကောင်း စမ်းသပ်မှုတွေ သုတေသနပြုမှုတွေလုပ်မယ် ဆိုရင်တော့ လက်ခံပါတယ်။ ဒါမှမဟုတ်ဘဲ လူတွေအများကြီးလာပြီး ဘာမှမဟုတ်ဘဲ တူးကြဆွကြနဲ့ဆိုရင် ဒီဒေသလေးရဲ့ သဘောဝပတ်ဝန်းကျင် တောတောင်တွေ ပျက်စီးသွားမှာ စိုးရိမ်တယ်” ဟု မင်းကင်းမြို့နယ် သူရိယစန္ဒာ သဘာဝပတ်ဝန်းကျင် ထိန်းသိမ်းရေးအဖွဲ့မှ တာဝန်ရှိသူ ဦးကျော်မင်းထွဋ်က ပြောကြားသည်။

 

ကျောက်ဖြူမြို့နယ်အတွင်း တစ်ပိုင်တစ်နိုင် ရေနံလက်ယက်တွင်း တူးဖော်သူများ အနေဖြင့် ရေနံအထွက်နှုန်း ကျဆင်းလာခြင်းကြောင့် ရေနံတွင်း တိုးချဲ့လုပ်ကိုင်သူ နည်းလာ

ကျောက်ဖြူမြို့နယ်အတွင်း ရေနံအထွက်နှုန်း ကျဆင်းနေပြီဟုဆိုသော ရေနံလုပ်ကွက် အချို့ကို တွေ့ရစဉ်

ရခိုင်ပြည်နယ် ကျောက်ဖြူမြို့နယ် မလကျွန်းကျေးရွာအနီး ပင်လယ်ကမ်းခြေ ရေနံလုပ်ကွက်တွင် ရေနံအထွက်နှုန်း ကျဆင်းလာမှုကြောင့် ရေနံတွင်း တိုးချဲ့တူးဖော်လုပ်ကိုင်သူ နည်းပါးလာကြောင်း ရေနံတွင်း တူးဖော်လုပ်ကိုင်သူများက ပြောကြားသည်။

ကျောက်ဖြူမြို့နယ်အတွင်း တစ်ပိုင်တစ်နိုင် ရေနံလက်ယက်တွင်း တူးဖော်လုပ်ကိုင်သူများ အနေဖြင့် ရေနံအထွက်နှုန်း ကျဆင်းလာခြင်းကြောင့် ရေနံတွင်း တူးဖော်ရာတွင် မြေအောက် အနက်ပေ ၄၀၀ ကျော်မှ ပေ ၆၀၀ ကျော်အထိ တူးဖော်လာရပြီး ရင်းနှီးမြှုပ်နှံမှု များလာခြင်းကြောင့် ရေနံတွင်းသစ် တူးဖော်သူ နည်းလာရခြင်းဖြစ်သည်။

“ဒီမလကျွန်း ရေနံလုပ်ကွက်က ပထမစတူးတဲ့ ၂၀၁၁ ခုနှစ်ကနေ ၂၀၁၃ ခုနှစ်အထိ တော်တော်လည်း ထွက်ခဲ့တယ်။ အဲဒီနောက်ပိုင်းမှာ တစ်နှစ်ထက်တစ်နှစ် အထွက်နှုန်း တွေ ကျဆင်းလာတယ်။ တွင်းတွေကို တူးတဲ့အခါလည်း အနက်ပေ ၅၀၀၊ ၆၀၀ အထိ တူးဖော်လာရတယ်။ ရင်းနှီးမြှုပ်နှံမှုက ပိုများလာပြီး ရေနံ အထွက်နှုန်းကလည်း နည်းပါးလာသလို ဈေးနှုန်းတွေကလည်း ကျဆင်းလာတဲ့အတွက် ရေနံတွင်းသစ် တူးဖော်သူ နည်းသွားတယ်” ဟု ကျောက်ဖြူမြို့ မြစ်နားတန်းရပ်ကွက်မှ ရေနံတူးဖော်သူ ဦးသန်းမောင်က ဆိုသည်။

မလကျွန်း ရေနံတွင်း လုပ်ကွက်တွင် ယခင်နှစ်များက ရေနံတွင်းပေါင်း ၅၀၀ ကျော်ရှိပြီး ရေနံလုပ်သားဦးရေ ၂၀၀၀ ခန့်ရှိခဲ့ပြီး လက်ရှိတွင် ရေနံအထွက်နှုန်း ကျဆင်းနေပြီး ရေနံတွင်းဟောင်း ၁၀၀ ကျော်သာ ကျန်ရှိကာ တွင်းဟောင်းများမှ ထွက်ရှိလာသည့် ရေနံများကို အရန်ခတ်ယူနေသူ တွင်းပိုင်ရှင် အနည်းငယ်ခန့်သာ ကျန်ရှိနေခြင်းဖြစ်ပြီး တွင်းသစ်တူးသူများမှာ လုပ်ငန်းပြောင်းရွှေ့ လုပ်ကိုင်နေကြရပြီး အချို့ရေနံတွင်း လုပ်သားများမှာ ပြည်ပနိုင်ငံများသို့ သွားရောက်လုပ်ကိုင် နေကြကြောင်း ရေနံလုပ်ကိုင်သူများထံမှ သိရသည်။

“ရေနံတွင်းက စပြီးတူးဖော်တဲ့ အချိန်မှာ တွင်းပေါင်း ၅၀၀ ကျော်လောက်ရှိတယ်။ လုပ်သားတွေလည်း ၂၀၀၀ ကျော်လောက်ရှိတယ်။ ယခင်က ရေနံဆီ ငါးဂါလန်တစ်ဘူးကို ကျပ် ၁၂၀၀၀ ဈေး ရရှိခဲ့တယ်။  အခု ရေနံဈေးနှုန်းက ကျပ် ၈၀၀၀ အထိ ကျဆင်းသွားတယ်။ ရေနံကလည်း  မထွက်တော့ လူတွေက လုပ်ငန်း ပြောင်းသွားကြတယ်။ ရေနံတွင်းတူး ဖော်သူတွေ ရေနံလုပ်ကွက်တစ်ခု ရေနံအထွက်နှုန်းကျဆင်းသွားပြီဆို ရင် နေရာသစ် ရှာဖွေတူးဖော်ကြရတယ်။ ရေနံတွင်းသစ်တူးဖော်သူ တွေအနေနဲ့ ခံစားခွင့်နည်းပြီး မြေပိုင်ရှင်တွေကို အလုပ်အကျွေးပြုသလိုမျိုး ဖြစ်လာတဲ့အတွက် ရေနံတွင်းတူးဖော်တဲ့ လုပ်ငန်းတွေကို စွန့်လွှတ်ပြီး တချို့ဆိုရင် ထိုင်း၊ မလေးရှား၊ တရုတ် စတဲ့နိုင်ငံတွေကိုသွားပြီး အလုပ်လုပ်နေကြတယ်” ဟု  ဦးသန်းမောင်က ပြောကြားသည်။

အဆိုပါ ရေနံလုပ်ကွက်တွင် ရေနံစိမ်းတွင်းတစ်တွင်း တူးဖော်ရန် စက်ယန္တရားများ အသုံးပြု၍ တူးဖော်ရခြင်း၊ လုပ်သားငှားရမ်းခ အပါအ၀င် အထွေထွေကုန်ကျမှု စရိတ်များမှာ တွင်းအတိမ်အနက် ပေပေါ်မူတည်ပြီး ကျပ်သိန်း ၂၀ မှ ကျပ် သိန်း ၃၀ ၀န်းကျင်အထိ ရင်းနှီးမြှုပ်နှံကြရကြောင်း ရေနံတွင်းပိုင်များထံမှ သိရသည်။

ကျောက်ဖြူမြို့နယ်အတွင်း ရေနံလုပ်ကွက်များမှာ ရေနံတောင်ကျေးရွာနှင့် မလကျွန်းအနီး ရေနံလုပ်ကွက် နှစ်ခုသာရှိပြီး ရေနံတောင်၊ မလကျွန်း၊ လိပ်ခမော်၊ ချောင်းဝ၊ မင်းပြင် အစရှိသည့်ကျေးရွာမှ ဒေသခံ အများအပြား အသက်မွေးဝမ်းကျောင်း လုပ်ငန်းအဖြစ် ရေနံစိမ်း တူးဖော်ခြင်း၊ ရောင်းချခြင်း လုပ်ကိုင်နေသူများ ဖြစ်ကြောင်း သိရသည်။

 

မြန်မာ့ကမ်းလွန်လုပ်ကွက်မှ တစ်နေ့လျှင် ကုဗပေသန်းပေါင်း ၃၅၀ ထုတ်လုပ်လျက်ရှိသည့် PTTEPI က M-9 နှင့် M-11 တွင် ရေနံနှင့် သဘာဝဓာတ်ငွေ့များ ထပ်မံတူးဖော်မည်

မြိတ်ခရိုင်အတွင်းရှိ ကမ်းလွန်လုပ်ကွက် တစ်ခုအား တွေ့ရစဉ်

မြန်မာ့ကမ်းလွန် လုပ်ကွက်မှ တစ်နေ့လျှင် ကုဗပေသန်းပေါင်း ၃၅၀ ထုတ်လုပ် လျက်ရှိသည့် PTTEPI  က M-9 နှင့် M-11 တွင် ရေနံနှင့် သဘာဝဓာတ်ငွေ့များ ထပ်မံတူးဖော် သွားမည်ဖြစ်ကြောင်း မြိတ်မြို့တွင် ပြုလုပ်သည့် လူထုတွေ့ဆုံ ဆွေးနွေးပွဲတွင် တာဝန်ရှိသူများက ပြောကြားသည်။

မြန်မာ့ကမ်းလွန် လုပ်ကွက်အတွင်း ရေနံနှင့် သဘာဝဓာတ်ငွေ့များ တူးဖော်ထုတ်လုပ်ပြီး ထိုင်းနိုင်ငံသို့ တင်ပို့လျက်ရှိသည့် PTTEPI ကုမ္ပဏီအနေဖြင့် တူးဖော်မှုများ ဆက်လက် တိုးချဲ့လုပ်ကိုင်ရန်အတွက် ပတ်ဝန်းကျင်ထိခိုက်မှု ဆန်းစစ်ခြင်းဆိုင်ရာ လူထုတွေ့ဆုံပွဲ အောက်တိုဘာ ၃၁ ရက်က မြိတ်ခရိုင် ငါးလုပ်ငန်း အဖွဲ့ချုပ်ရုံးတွင် ကျင်းပခဲ့သည်။

“အခုရှိနေတဲ့ရေနံစင်ရဲ့ ၁၀ မိုင်ပတ်လည်ကို ငါးဖမ်းသင်္ဘောတွေ ၀င်လို့မရဘူး။ အခုပြောနေတာက ၅၀၀ မီတာ ပတ်လည်ပဲ ၀င်လို့မရဘူး။ ကျန်တဲ့နေရာတွေကို ၀င်လို့ရတယ်လို့ပြောတယ်။ ဒါပေမဲ့ အပြင်မှာတော့ ကျွန်တော်တို့ ကြုံတွေ့နေတာ ဒီလိုမဟုတ်ဘူး။ တနင်္သာရီတိုင်းဒေသကြီးက သဘာဝဓာတ်ငွေ့တွေ ထုတ်နေတယ်။ သုံးစွဲတာလည်း လုပ်နေတယ်။ အဲဒီတော့ ကျွန်တော်တို့ တိုင်းဒေသကြီးအတွက် ဘာတွေများ လုပ်ပေးဖို့ အစီအစဉ် ရှိသလဲဆိုတာ ဒီမှာ စာလေးတစ်ကြောင်းတောင် မပါဘူး။ ကျွန်တော်တို့ တနင်္သာရီတိုင်း ဒေသကြီးက သဘာဝဓာတ်ငွေ့တွေ ရှိနေရက်သားနဲ့ ဖောင်စီးရင်း ရေငတ်နေသလို ဖြစ်နေတယ်။ ကျွန်တော်တို့ဆီမှာ လျှပ်စစ်မီးမရှိဘူး” ဟု မြိတ်ခရိုင်ငါးလုပ်ငန်း အဖွဲ့ချုပ်ဥက္ကဋ္ဌ ဦးစန်းမောင်က ပြောကြားသည်။

PTTEPI ကုမ္ပဏီမှာ ထိုင်းနိုင်ငံ၏ အမျိုးသားရေနံရှာဖွေရေးနှင့် ထုတ်လုပ်ရေး ကုမ္ပဏီဖြစ်ပြီး ထိုင်းနိုင်ငံသို့ စဉ်ဆက်မပြတ် ရေနံနှင့် သဘာဝဓာတ်ငွေ့များ ပို့လွှတ်နိုင်ရန် ဆောင်ရွက်လျက်ရှိကြောင်း သိရသည်။

“၂၀၁၄ ခုနှစ်မှာ ကျွန်တော်တို့ ဇောတိက သဘာဝဓာတ်ငွေ့ကို စတင်ထုတ်လုပ်ခဲ့ပါတယ်။ အခု ၂၀၁၇ ခုနှစ်အထိ နေ့စဉ်သဘာဝဓာတ်ငွေ့ ကုဗပေ သန်းပေါင်း ၃၅၀ ထုတ်ပါတယ်။ ထိုင်းနိုင်ငံကို သဘာဝဓာတ်ငွေ့ တစ်နေ့ကို ကုဗပေသန်း ၂၅၀ ပေးပို့နိုင်ပြီးတော့ ပြည်တွင်းသုံးစွဲဖို့ အတွက်ကတော့ သန်း ၁၀၀ ပေးပို့လျက် ရှိပါတယ်။ ကျွန်တော်တို့အနေနဲ့ ထပ်ပြီးတော့ တူးဖော်မယ့် M-9၊ M-11 မှာ လက်ရှိ M-9 က သဘာဝဓာတ်ငွေ့ ပို့လွှတ်နေပါပြီ။ နောက်ထပ်တူးမယ့် ရည်ရွယ်ချက်က သဘာဝဓာတ်ငွေ့ကို ပိုမိုထုတ်လုပ်နိုင်ဖို့ ပြည်တွင်းသုံးစွဲမှုရော ပြည်ပတင်ပို့မှုကိုပါ များများဆောင်ရွက်နိုင်ဖို့ပါ။ လုပ်ကွက်တစ်ခုချင်းစီအလိုက် ဆောင်ရွက်ရတဲ့အခါမှာ လုပ်ကွက် M-9 နှင့် M-11 တို့အတွက် လုပ်ကွက်တစ်ခုချင်းစီရဲ့ ဘဏ္ဍာရေး လျာထားချက်တွေကို ဆောင်ရွက်ရာမှာ CSR လုပ်ငန်းအတွက် ဆောင်ရွက်မယ့်ကိစ္စတွေ တစ်စိတ်တစ်ပိုင်း ပါတယ်။ ဒါကို မြန်မာ့ရေနံနှင့် သဘာဝဓာတ်ငွေ့ကို တင်ပြရပါတယ်” ဟု ကုမ္ပဏီအကြံပေး ဦးခင်မောင်ကြီးက ပြောကြားသည်။

ယခုပြုလုပ်သည့် လူထုတွေ့ဆုံပွဲမှာ ဒုတိယအကြိမ်ဖြစ်ပြီး ဖိတ်ကြားထားသူ အချို့ သာ တက်ရောက်လာပြီး ဒေသခံများ ပါဝင်လာခြင်း မရှိသည်ကို ကျွန်းစုမြို့နယ် အရပ်ဘက်အဖွဲ့အစည်း တစ်ခုမှ တာဝန်ရှိသူတစ်ဦးက ထောက်ပြပြောကြားခဲ့သည်။

“ဒီစီမံကိန်းတွေ ဖြစ်လာရင် တနင်္သာရီတိုင်း ဒေသကြီးအတွက် မီးကို ဘယ်လိုပေးမလဲ၊ ဒေသဖွံ့ဖြိုးရေးအတွက် ဘယ်လိုဆောင်ရွက်ပေးမလဲ စသဖြင့် အစီအစဉ်တွေရှိရင် ကျွန်တော်တို့လည်း အားတက်သရော ဖြစ်မှာပါ။ အခုက ပြလိုက်တဲ့ အစီအစဉ်တွေ၊ လုပ်ထားတာတွေ၊ လုပ်မယ့်ဟာတွေ အားလုံးက ကျွန်တော်တို့အတွက် တစ်ခုမှ မပါဘူး။ ကျွန်တော်တို့ ၀မ်းနည်းပါတယ်။ ငါးဖမ်းကွက်ထဲမှာလည်း ရှိနေတယ်။ ငါးဖမ်းလှေတွေကလည်း ရှောင်ရှားပေးရမယ်။ ကျွန်တော်တို့ အတွက်လည်း ဘာမှအကျိူးမရှိဘူး။ ကျွန်တော်တို့ကတော့ ရှင်းရှင်းပဲ ပြောချင်ပါတယ်။ ငါးဖမ်းကွက်တွေထဲမှာ လာမတူးစေချင်ဘူး။ ဝေးတဲ့နေရာတွေမှာပဲ သွားလုပ်စေချင်တယ်” ဟု ငါးလုပ်ငန်း အဖွဲ့ချုပ်ဥက္ကဋ္ဌ ဦးစန်းမောင်က ဆက်လက်ပြောကြားသည်။

PTTEPI ကုမ္ပဏီအနေဖြင့် မြန်မာ့ကမ်းလွန်လုပ်ကွက် M-11 အတွက် ထုတ်လုပ်မှု ခွဲဝေခံစားရေး စာချုပ်ကို ၂၀၀၅ ခုနှစ်ကတည်းက ချုပ်ဆိုထားသလို ရှာဖွေရေးတွင်း နှစ်တွင်း ပါဝင်မည်ဖြစ်ပြီး သဘာဝဓာတ်ငွေ့ ရှာဖွေထုတ်လုပ်ရန် ၂၀၁၈ ခုနှစ်တွင် စတင်မည်ဖြစ်ကြောင်း သိရသည်။

M-9 မှာ ထုတ်လုပ်မှု ခွဲဝေခံစားရေး စာချုပ်ကို ၂၀၀၃ ခုနှစ်ကတည်းက ချုပ်ဆိုထားပြီး ထုတ်လုပ်မှုပမာဏ တိုးမြင့်ရန် အကဲဖြတ်တွင်းနှင့် ရှာဖွေရေးတွင်း စုစုပေါင်း ၁၂ တွင်း ပါဝင်မည်ဖြစ်ကြောင်း သိရသည်။