ဟင်္သာတမြို့နယ် နတ်မော်ချောင်းအတွင်း ကျောင်းသားတစ်ဦး ရေနစ်သေဆုံး

ဟင်္သာတမြို့နယ် နတ်မော်ချောင်းအတွင်း ကျောင်းသားတစ်ဦး ရေနစ်သေဆုံး

အမှတ် (၁၈) ခြေလျင်တပ်ရင်းမှ ကျောင်းသားတစ်ဦး ဟင်္သာတမြို့နယ် နတ်မော်ချောင်းအတွင်း ရေနစ်သေဆုံးမှု ဖြစ်ပွားခဲ့ကြောင်း သိရသည်။

အဆိုပါဖြစ်စဉ်မှာ သြဂုတ် ၂၅ ရက်၊ နေ့လည်ပိုင်းက ဖြစ်ပွားခဲ့ခြင်းဖြစ်ပြီး မီးသတ်တပ်ဖွဲ့၊ ခ.လ.ရ(၁၈)နှင့် ဒေသခံများက ၀ိုင်းဝန်းရှာဖွေခဲ့သော်လည်း အလောင်းကိုသာ ဆယ်ယူရရှိခဲ့ကြောင်း သိရသည်။

“ကလေးကို သူ့အမေက မီးသွေးဝယ်ခိုင်းလိုက်တာ။ သူငယ်ချင်းတွေနဲ့တွေ့တော့ ရေဆင်းဆော့တာ။ သူငယ်ချင်း တစ်ယောက်က မြင်တော့ လှမ်းတားတယ်။ မဆင်းနဲ့ဆိုပြီး လှမ်းတားတာကို အတင်းဆင်းလာတယ် ပြောတယ်။ နစ်သွားတာကို စက်လှေပေါ်က အမျိုးသမီး တစ်ယောက်က မြင်တယ်။ ပထမတော့ နစ်မှန်း မသိဘူး။ နစ်မှန်းလည်း သိရော ဘေးကိုလည်း အော်တယ်။ ကုန်ထမ်းနေတဲ့ သူကလည်း သိသိချင်း ဆင်းဆယ်တယ်။ ဒါပေမဲ့ ဆွဲလို့ မရလိုက်ဘူး။ ကျွန်တော်တို့လည်း ကြားကြားချင်း ပြေးလာတော့ နစ်တဲ့နေရာကိုတော့ လှမ်းမြင်လိုက်တယ်။ အချိန်မီ ဆွဲလို့မရတော့ဘူး။ ရေစီးက သန်နေတယ်။ လူတွေအများကြီး ၀ိုင်းရှာမှ တွေ့တယ်။ တစ်နာရီခွဲလောက် ၀ိုင်းရှာလိုက်ရတာပေါ့။ အလောင်းပဲ ရတော့တာပေ့ါ” ဟု ဒေသခံ ကိုဝကြီးက ပြောကြားသည်။

ယင်းဖြစ်စဉ်၌ သေဆုံးသူသည် အမှတ် (၁၈)ခြေလျင်တပ်ရင်းမှ တပ်သားကျော်ဦး၏ သားဖြစ်သူ အသက် ၁၃ နှစ်အရွယ်ရှိ မောင်လင်းထက်မောင် ဆိုသူဖြစ်ပြီး ဟင်္သာတမြို့၊ အမှတ် (၁) အခြေခံပညာ အထက်တန်းကျောင်း၌ ဆဋ္ဌမတန်းတွင် ပညာသင်ကြားနေသူ ဖြစ်ကြောင်း သိရသည်။

အဆိုပါ ရေနစ်သေဆုံးမှုနှင့် ပတ်သက်၍ ဟင်္သာတမြို့၊ အမှတ်(၁)မြို့မရဲစခန်း၌ ဒုရဲအုပ်ထွန်းထွန်းက တရားလို ပြုလုပ်ကာ သေမှုသေခင်း အမှတ်စဉ် ၁၇/၁၈ ဖြင့် အမှုဖွင့် ဆောင်ရွက်ထားကြောင်း သိရသည်။

 

အလုံဆိပ်ကမ်းရှိ ဦးမြငဇင်သမ္ဗာန်ဆိပ်အနီးတွင် ရှင်ပြုခါနီးကလေးငယ်တစ်ဦး ရေဆင်းကူးရာမှ ရေနစ်သေဆုံး

ရန်ကုန်မြို့ အလုံမြို့နယ် အလုံဆိပ်ကမ်းရှိ ဦးမြငဇင်သမ္ဗာန်ဆိပ်အနီးတွင် ရှင်ပြုခါနီး ကလေးငယ်တစ်ဦး ရေဆင်းကူးရာမှ ရေနစ်သေဆုံးမှု ဖြစ်ပွားခဲ့ကြောင်း သိရသည်။

အဆိုပါကလေးငယ်မှာ ဧပြီ ၂ ရက် ညနေ ၄ နာရီခွဲခန့်တွင် အခြားသူငယ်ချင်းလေးဦးနှင့် အတူ အလုံမြို့နယ်ရှိ ဦးမြငဇင် သမ္ဗာန်ဆိပ်အနီးတွင် လာရောက်ရေကူးခဲ့ကြောင်း သိရသည်။

သေဆုံးခဲ့သည့် ကလေးငယ်မှာ အမှတ် (၆) အခြေခံပညာအလယ်တန်းကျောင်း လှော်ကားတွင် တက်ရောက်နေသည့် အဋ္ဌမတန်း ကျောင်းသားတစ်ဦးဖြစ်ပြီး ၁၃ နှစ်အရွယ် ကလေးတစ်ဦးဖြစ်ကြောင်း သိရသည်။

“သူငယ်ချင်းငါးယောက် ရေလာကူးကြတာပါ။ သူတို့ကူးပြီးမကြာဘူး။ ငါးယောက်စလုံး ရေနစ်နေလို့ အနားမှာရှိတဲ့ စက်လှေမောင်းသမားတွေက ၀င်ကယ်ကြတာ။ လေးယောက်ကတော့ ပြန်ဆယ်လို့ရတယ်။ ကျန်တဲ့တစ်ယောက်ကတော့ ည ၈ နာရီလောက်မှာ အလောင်းကို ပြန်ဆယ်လို့ရတယ်။ ကောင်လေးက လာမယ့်အပတ်ထဲမှာ ကိုရင်ဝတ်တော့မှာ” ဟု အဆိုပါကလေးငယ်ရေနစ်ရာတွင် ပါဝင်ကယ်ဆယ်ခဲ့သူ မီးသတ်တပ်ဖွဲ့ဝင်တစ်ဦးက ပြောကြားသည်။

အဆိုပါဖြစ်စဉ်အား ဆိပ်ကမ်းမြို့မ ရဲစခန်းက သေမှုသေခင်းဖွင့်ပြီး ဆက်လက်စစ်ဆေးလျက်ရှိကြောင်း သိရသည်။

ရခိုင်ပြည်နယ် ကျောက်တော်မြို့နယ်တွင် ကလေးငယ်နှစ်ဦး ရေနစ်သေဆုံးမှု ဖြစ်ပွား

ရခိုင်ပြည်နယ်၊ ကျောက်တော်မြို့နယ်၊ ဂုပ္ပီထောင့်ကျေးရွာတွင် ကလေးငယ်နှစ်ဦး ရေနစ်သေဆုံးမှုဖြစ်ရပ် မတ် ၂၇ ရက် မွန်းလွဲပိုင်းက ဖြစ်ပွားခဲ့ကြောင်း သိရသည်။

အဆိုပါ ကလေးငယ်နှစ်ဦးသည် နံနက်ပိုင်းက မိဘများနှင့်အတူ ရှင်ပြုပွဲသို့ သွားရောက်ခဲ့ကြောင်း၊ ယင်းမှ အိမ်သို့ပြန်လည်ရောက်ရှိလာခဲ့ပြီးနောက် အနီးရှိ ကုလားတန်မြစ်သို့ ရေဆင်းချိုးနေစဉ် ရေနစ်သေဆုံးခြင်းဖြစ်ကာ ရွာသားများမှ လိုက်လံရှာဖွေသဖြင့် အလောင်းအား ပြန်လည်တွေ့ရှိခဲ့ကြောင်းနှင့် အပေါက်ဝဆေးရုံသို့ ပို့ဆောင်ကာ စစ်ဆေးမှုများကို လုပ်ဆောင်လျက်ရှိကြောင်း၊ ဦးလှစိန်အောင်၏ သမီးများဖြစ်ကြောင်းလည်း ကျေးရွာအုပ်ချုပ်ရေးမှူးထံမှ သိရသည်။

ယင်းနှင့်ပတ်သက်ပြီး ကျေးရွာအုပ်ချုပ်ရေးမှူး ဦးကျော်စိန်လှက “ကလေးတွေက မနက်ပိုင်းမှာ ရှင်ပြုပွဲကိုသွားသေးတယ်။ အဲဒီကပြန်လာတော့ ကလေးအငယ်မလေးက ချောင်းထဲမှာဆင်းပြီး ရေကစားတယ်။ ရေချိုးတယ်ပေါ့။ အိမ်ကလည်း ချောင်းနဲ့နီးတော့ လွယ်လင့်တကူ ရေဆင်းချိုးလို့ရတဲ့ အနေအထားမှာရှိတယ်။ အဲဒီမှာ ရေနစ်သွားတယ်။ ညီမရေနစ်တော့ အစ်မဖြစ်သူက ဆင်းပြီးကူးတယ်။ အဲဒီမှာ နှစ်ယောက်စလုံးမြုပ်သွားတာပါပဲ။ အကြီးမလေးက ၁၃ နှစ်ပေါ့။ အငယ်မလေးက ၁၀ နှစ်လောက် ဖြစ်မယ်ထင်တယ်၊ အခုအလောင်းတွေနဲ့အတူ ကျွန်တော်တို့က အပေါက်ဝဆေးရုံကို ရောက်နေကြပါတယ်” ဟုပြောကြားသည်။

ကလေးနှစ်ဦး၏ အလောင်းအား ရွာသို့ပြန်လည်သယ်ယူနိုင်ရေးအတွက် ဆေးရုံတွင် စစ်ဆေးချက်များကို ပြုလုပ်နေကြောင်းနှင့် ခွင့်ပြုချက်ရပါက ပြန်လည်ယူဆောင်သွားမည်ဖြစ်ကြောင်းလည်း သိရသည်။

တည်ဆောက်ဆဲ ခန္တီးချင်းတွင်း မြစ်ကူးတံတားလုပ်ငန်းခွင်မှ အလုပ်သမားနှစ်ဦး ရေနစ်သေဆုံး

တည်ဆောက်နေဆဲ ခန္တီးချင်းတွင်းမြစ်ကူးတံတားမှ အလုပ်သမားနှစ်ဦးရေနစ် သေဆုံးခဲ့ကြောင်း သိရသည်။

မတ် ၁၆ ရက် ညနေ ၅ နာရီက အလုပ်ပြီးဆုံးချိန် ချင်းတွင်းမြစ်ထဲရေဆင်းချိုးရာမှ သေဆုံးခဲ့ခြင်းဖြစ်ကြောင်း ခန္တီးမြို့မရဲစခန်းမှ ဒုရဲမှူးဦးလှတင့်က ပြောကြားသည်။

“အလုပ်ပြီးလို့ မြစ်ထဲရေဆင်းချိုးရာကနေ ရေနစ်ပြီး သေသွားတာပေါ့။ နှစ်ယောက်စလုံးက တောင်ပေါ်သားတွေဆိုတော့ ရေမကူးတတ်ကြဘူးလေ။ တစ်ယောက်က ရှစ်တန်းကျောင်းသား။ စားမေးပွဲပြီးလို့ ဒီမှာအလုပ်လာဝင်တာ နှစ်ရက်ပဲရှိသေးတယ်။ နှစ်ဦးစလုံးရဲ့ အလောင်းပြန်ရပါပြီ။ မနေ့က တစ်ယောက်ရတယ် ဒီနေ့ ၁၁ နာရီလောက်မှာ တစ်ယောက်ရတယ်” ဟု ဦးလှတင့်က ပြောကြားသည်။

ထိုရေနစ်သေဆုံးမှုနှင့် ပတ်သက်ပြီး ခန္တီးမြို့မရဲစခန်းတွင် သေမှုသေခင်း အမှတ်စဉ် ၁/ ၂၀၁၈ ဖြင့် အမှုဖွင့်ဆောင်ရွက်ထားကြောင်း သိရသည်။

ညောင်ဦးမြို့နယ်ရှိ သာယာဝတီရေဆိပ်တွင် ၁၂ နှစ်အရွယ် ကလေးတစ်ဦး ရေနစ်သေဆုံး

ညောင်ဦးမြို့နယ် အမှတ် (၁) ရပ်ကွက်တွင်ရှိသည့် သာယာဝတီရေဆိပ်တွင် အသက် ၁၂ နှစ် အရွယ် ကလေးတစ်ဦး ရေနစ်သေဆုံးမှုဖြစ်ပွားခဲ့ကြောင်း သတင်းရရှိသည်။ ညောင်ဦးမြို့နယ် အမှတ် (၁) ရပ်ကွက်၌ရှိသည့် သာယာဝတီရေဆိပ်တွင် မတ် ၂ ရက် နေ့ ၁၀နာရီခွဲအချိန်က ကလေးတစ်ဦး ရေနစ်မျောပါသွားကြောင်း သတင်းအရ မြို့မရဲစခန်း (ညောင်ဦး) မှ ရဲအုပ် ဇင်မင်းထိုက်နှင့်အဖွဲ့သည် သက်သေများနှင့်အတူ စစ်ဆေးခဲ့သည်။

စစ်ဆေးချက်အရ ရေနစ်မျောပါသူမှာ အမှတ် (၁) ရပ်ကွက်နေ အသက် ၁၂ နှစ်အရွယ်ရှိ အောင်မင်းခန့် လေးတန်းကျောင်းသား တစ်ဦးဖြစ်ကြောင်း မိဘများနှင့်အတူ လိုက်လံရှာဖွေခဲ့ရာ နံနက် ၁၁ နာရီအချိန်တွင် အမှတ် (၂) ရပ်ကွက်၊ ရုံးညောင်ပင်ဆိပ်တွင် ပြင်ပဒဏ်ရာ တစ်စုံတစ်ရာမရှိဘဲ သေဆုံးလျက်တွေ့ရှိခဲ့ကြောင်း သိရသည်။

၎င်းသည် နံနက် ၁၀ နာရီ မိနစ် ၂၀ အချိန်က သာယာဝတီရေဆိပ်သို့ တစ်ဦးတည်း ရေဆင်းချိုးရာမှ ရေနစ်မျောပါသေဆုံးခြင်းဖြစ်ကြောင်း ကနဦးစစ်ချက်အရ သိရသည်။

မြို့မရဲစခန်း (ညောင်ဦး) မှ သေဆုံးမှု ဖြစ်စဉ်နှင့်ပတ်သက်ပြီး သေမှုသေခင်းအမှတ်စဉ် ၅/၂၀၁၈ ဖြင့် ကနဦးရေးဖွင့်ကာ ဆက်လက်စစ်ဆေးလျက်ရှိကြောင်း သတင်းရရှိသည်။