မြန်မာနိုင်ငံ အောက်ပိုင်းဒေသများတွင် ရေကြီးရေလျှံမှုများ ဖြစ်ပေါ်နေသော်လည်း အလယ်ပိုင်းဒေသအချို့၌ မိုးခေါင်နေပြီး ဆည်နှင့်ကန်အချို့ ရေခန်းခြောက်နေ

ခင်ဦးမြို့နယ်အတွင်းရှိ ပင်တင်းရေလှောင်ကန်တွင် ရေခန်းခြောက်နေသည်ကို ယခုရက်ပိုင်းအတွင်း တွေ့ရစဉ်

မြန်မာနိုင်ငံ အောက်ပိုင်းဒေသများတွင် ရေကြီးရေလျှံမှုများ ဖြစ်ပေါ်နေသော်လည်း အလယ်ပိုင်းဒေသအချို့၌ မိုးခေါင်နေပြီး ဆည်နှင့် ရေကန်အချို့ ရေခန်းခြောက်မှုများ ဖြစ်ပေါ်နေခြင်းကြောင့် ဒေသခံတောင်သူ များမှာ ရာသီချိန်အမီ သီးနှံများ စိုက်ပျိုးရန်အတွက် အခက်အခဲ ဖြစ်ပေါ်လျက်ရှိကြောင်း သိရသည်။

မြန်မာနိုင်ငံ အလယ်ပိုင်းဒေသများဖြစ်သည့် မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး အတွင်းရှိ ဒေသအချို့တွင် မိုးရေကိုသာ အဓိကအားထား စိုက်ပျိုးနေရသည့် ဒေသခံတောင်သူများမှာ ယခုနှစ်မိုးရာသီတွင် မိုးရွာသွန်းမှု နည်းပါးသဖြင့် ရာသီပေါ်သီးနှံများ စိုက်ပျိုးထွန်ယက်ရန်အတွက် အခက်အခဲများ ဖြစ်ပေါ်လျက်ရှိကြောင်း သိရသည်။ မိုးရွာသွန်းမှု နည်းပါးနေခြင်းကြောင့် ဆည်ရေသောက်စနစ်ဖြင့် စိုက်ပျိုးနိုင်သည့် တောင်သူများသာ မိုးစပါး နှင့် အခြားရာသီပေါ် သီးနှံများ စိုက်ပျိုးထားနိုင်ကြောင်း ဒေသခံတောင်သူများထံမှ သိရသည်။

“ဒီအချိန်က မိုးစပါးစိုက်ပျိုးရမယ့် အချိန်ကောင်းပါ။ ဒါပေမဲ့ မိုးမရွာတော့ တောင်သူတွေမှာ စိုက်ပျိုးဖို့ အခက်အခဲတွေ ဖြစ်နေကြတယ်။ အောက်ပိုင်းတွေမှာတော့ ရေကြီးနေတယ်ဆိုတာ သတင်းတွေထဲမှာ ကြားနေရတယ်။ ဒါပေမဲ့ ဒီဘက်မှာ (စစ်ကိုင်းတိုင်း အောက်ပိုင်း) တော့ မိုးက လိုသလောက် မရွာသေးဘူး။ မိုးရွာရင် စိုက်ပျိုးနိုင်ဖို့အတွက် ပျိုးထောင်ထားတာကလည်း မိုးမရွာရင် သေကုန်တော့မှာ။ ဆည်ရေရကြတဲ့ တောင်သူတွေကတော့ စိုက်ပျိုးလို့ပြီးတော့မှာ။ မိုးရေကို အဓိက အားထားစိုက်ပျိုးနေရတဲ့ တောင်သူတွေကတော့ ဘာမှစိုက်ပျိုးလို့ အဆင်မပြေသေးဘူး။ အခုဆိုရင် ရွာကအားထားနေရတဲ့ ရေကန်ကလည်း ရေခန်းသွားပြီ။ အချိန်လွန်သွားမှ မိုးရွာမယ်ဆိုရင်တော့ ဘာမှစိုက်ပျိုးလို့ အဆင်မပြေ နိုင်တော့ဘူး” ဟု ရွှေဘိုခရိုင်အတွင်းမှ မိုးကောင်းတောင်သူ တစ်ဦးက ပြောကြားသည်။

မိုးရွာသွန်းမှု နည်းပါးနေသဖြင့် ဒေသခံတောင်သူများ အားထားနေရသည့် ဆည်များရေခန်းခြောက်လာခြင်း၊ ရေကန်များ ရေခန်းခြောက်ခြင်းတို့ ဖြစ်ပေါ်နေပြီး မိုးရေကိုသာ အဓိက အားထားနေရသည့် စိုက်ပျိုးမြေ ဧက ထောင်ချီကာ မိုးစပါးစိုက်ပျိုးနိုင်ခြင်း မရှိသေးကြောင်း ဒေသခံများထံမှ စုံစမ်းသိရသည်။ ထို့ပြင်မကွေးတိုင်း ဒေသကြီးအတွင်းမှ ယာသီးနှံစိုက်ပျိုးသည့် တောင်သူအချို့မှာ မိုးရွာသွန်းမှု နည်းသဖြင့် သီးနှံအထွက်နှုန်း လျော့ကျခြင်း၊ စိုက်ခင်းအချို့ ထိခိုက်ပျက်စီးခြင်းများအပြင် စိုက်ပျိုးထွန်ယက်ရန် ခက်ခဲခြင်းတို့နှင့် ကြုံတွေ့နေရကြောင်း ဒေသခံတောင်သူများထံမှ သိရသည်။

ထိုသို့ အလယ်ပိုင်းဒေသများ၌ မိုးခေါင်ရေရှား ဖြစ်ပေါ်နေသော်လည်း မြန်မာနိုင်ငံ အောက်ပိုင်းဒေသများ ဖြစ်သည့် တနင်္သာရီ၊ ဧရာဝတီ၊ ပဲခူး၊ မွန်၊ ကရင် အစရှိသည့် ဒေသများတွင် စံချိန်တင်မိုးကြီးမှုကြောင့် ရေကြီးရေလျှံမှုများ ဖြစ်ပွားကာ စိုက်ပျိုးပြီး လယ်ယာမြေဧကပေါင်း သိန်းဂဏန်းခန့် ထိခိုက်ပျက်စီး ဆုံးရှုံးခဲ့ကြောင်း အစိုးရအဖွဲ့၏ သတင်းထုတ်ပြန်ချက်များအရ သိရသည်။

 

ရှမ်းပြည်နယ်တောင်ပိုင်း မြို့နယ်များတွင် ရေခန်းခြောက်ခြင်းနှင့် ရေရှားပါးခြင်း စတင်ကြုံတွေ့

ကလောမြို့နယ် ခမ်းပါမူးရွာတွင် ရေလှူဒါန်းနေစဉ် (ဓာတ်ပုံ-ကိုအောင်ဆန်း)

ရှမ်းပြည်နယ်တောင်ပိုင်းရှိ မြို့နယ် ငါးခုရှိ ကျေးရွာပေါင်း ၃၀ ကျော်တွင် ရေရှားပါးခြင်းနှင့် ရေခန်းခြောက်ခြင်းများကို စတင်ကြုံတွေ့လာရကြောင်း ဒေသခံများထံမှ သိရသည်။

ရှမ်းပြည်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသရှိ ပင်လောင်းမြို့နယ်၊ ဓနုကိုယ်ပိုင်အုပ်ချုပ်ခွင့်ရဒေသရှိ ပင်းတယမြို့နယ်နှင့် ရွာငံမြို့နယ်၊ ကလောမြို့နယ်နှင့် ညောင်ရွှေမြို့နယ်တို့တွင် ရေရှားပါးခြင်းနှင့် စတင်ကြုံတွေ့နေရကြောင်း ဒေသခံများထံမှ သိရသည်။

ပင်လောင်းမြို့နယ်တွင် ဆည်ခေါင်းရွာ မွန်းပင်ရွာ၊ မြေနီကုန်းရွာ၊ ပင်းတယမြို့နယ်တွင် ကျောက်ကြားရွာ၊ ကြိမ်တောရွာ၊ ကုန်းသာရွာ၊ အွန်ဒုံပင်ရွာ၊ ဆားပြားရွာ၊ ကလောမြို့နယ်တွင် ခမ်းပါမူရွာ၊ နောင်လွယ်ရွာ၊ သစ်ယားပင်ရွာ၊ မိုးကောင်းတောင်ရွာ၊ စိန်တောင်ရွာ၊ ဆူးပန်းအင်းရွာ၊ ကျောက်တံခါးရွာ၊ ၀ါးကြီးမြောင်ရှမ်းရွာ၊ တောင်မြေခြားရွာ၊ ဖောင်းတောရွာ၊ လေးကျောင်းတိုက်ရွာ၊ ရေပုတ်ရွာ၊ ညောင်ရွှေမြို့နယ်တွင် ကျောက်ငှက်ရွာ၊ ၀ါးကြီးမြောင်ရွာ၊ ရေချမ်းကုန်းရွာ၊ မြင်းကရွာ၊ စသော ကျေးရွာများတွင် ရေရှားပါးလျက်ရှိပြီး၊ အိမ်ထောင်စုပေါင်း ၃၂၀၀၊ လူဦးရေ ပေါင်း ၁၆၀၀၀ ကျော် ရေအခက်အခဲ ဖြစ်နေကြောင်း တောင်ရိုးလူငယ် အထောက်အကူပြု အဖွဲ့ထံမှ သိရသည်။

ကလောမြို့နယ် ခမ်းပါမူးရွာ၊ ဘော်ဆိုင်းအုပ်စု ညောင်ပင်ကုန်းရွာ၊ နန်းရဲအုပ်စု၊ ပင်းတယမြို့နယ် ကူးကော်အုပ်စု ကျောက်ကြားရွာနှင့် ကြိမ်တောရွာတို့တွင် အဆိုးဆုံး ရေရှားပါးလျက်ရှိကြောင်း သိရသည်။

“ကျွန်တော်တို့ အဖွဲ့ကနေ အခုဒီနှစ်တော့ရေ လှူတာကို သိပ်မလုပ်နိုင်သေးဘူး။ ရေရှည်အတွက် ရေလှောင်ကန်တွေ တည်ဆောက်တာကို လုပ်နေတယ်။ ကလောမြို့နယ် ခမ်းပါမူးရွာမှ ရေလှူတယ်၊ ရေလှောင်ကန် တည်ဆောက်နေပါတယ်။ အခြားအမြို့ မြို့အနယ်နယ်ကနေ လှူဒါန်းချင်တယ်ဆိုရင် ကျွန်တော့်ကို ဆက်သွယ်ပြီး လှူဒါန်းနိုင်ပါတယ်” ဟု တောင်ရိုးလူငယ် အထောက်အကူပြုအဖွဲ့မှ ကိုအောင်ဆန်းက ပြောကြားသည်။

ကလောမြို့နယ်မှ ၄၄ မိုင်ဝေးသော ကျေးရွာငါးရွာ ရေရရှိရေးအတွက် သောက်ရေ၊ သုံးရေများ လှူဒါန်းခြင်းနှင့် ဂါလန်တစ် သိန်းခွဲဆံ့ မိုးရေလှောင်ကန် တည်ဆောက်ခြင်းတို့ကို ဆောင်ရွက်နေပြီး၊ ယခုအခါ ဖောင်ဒေးရှင်း ပြီးစီးလျက်ရှိကြောင်း၊ အခြားမြို့နယ်များတွင်လည်း ဆက်လက်ဆောင်ရွက်သွားရန် စီစဉ်ထားကြောင်း ကိုအောင်ဆန်းက ပြောကြားသည်။