ဒေါ်လာ ၂၂၂ သန်း တန်ဖိုးရှိ ရန်ကုန်တိုင်းဒေသကြီး စိုက်ပျိုးရေးကဏ္ဍ ဖွံ့ဖြိုးတိုးတက်ရေး စီမံကိန်းမှာ မြေပိုင်ဆိုင်မှုနှင့် မြေအသုံးချမှုအတွက် လိုအပ်သည့် လုပ်ထုံးလုပ်နည်းများ မပြည့်စုံသဖြင့် လွှတ်တော်က မှတ်တမ်းအဖြစ် ထားရှိသင့်ကြောင်း ဘဏ္ဍာရေး၊ စီမံကိန်းနှင့် စီးပွားရေးကော်မတီ တင်ပြ

ကျင်းပလျက်ရှိသည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ဆဋ္ဌမပုံမှန် အစည်းအဝေး မစတင်မီ တွေ့ရစဉ်

ရန်ကုန်တိုင်းဒေသကြီး စိုက်ပျိုးရေးကဏ္ဍ ဖွံ့ဖြိုးတိုးတက်ရေး စီမံကိန်း (၂၀၁၈-၂၀၂၁) အား မှတ်တမ်းအဖြစ်သာ ထားရှိသင့်ကြောင်း ဘဏ္ဍာရေး၊ စီမံကိန်းနှင့် စီးပွားရေးကော်မတီမှ လွှတ်တော်ကိုယ်စားလှယ် ဒေါ်နွယ်နွယ်ဝင်းက မေ ၁၅ ရက်တွင် ပြုလုပ်သည့် ဒုတိယအကြိမ် ရန်ကုန်တိုင်းဒေသကြီး လွှတ်တော် ဆဋ္ဌမပုံမှန် အစည်းအဝေး (၂၇ ရက်မြောက်နေ့) တွင် လွှတ်တော်သို့ တင်ပြသည်။

ထိုသို့ တင်ပြခြင်းမပြုမီ ဘဏ္ဍာရေး၊ စီမံကိန်းနှင့် စီးပွားရေးကော်မတီ အနေဖြင့် စီမံကိန်းနှင့် သက်ဆိုင်သည့် ကုမ္ပဏီများနှင့် လုပ်ငန်းရှင်များအား တွေ့ဆုံမေးမြန်းခဲ့ကြောင်း ဒေါ်နွယ်နွယ်ဝင်း၏ ပြောကြားချက်အရ သိရသည်။

ဘဏ္ဍာရေးနှင့် စီမံကိန်းနှင့် စီးပွားရေးကော်မတီ၏ တင်ပြချက်များအရ စီမံကိန်းပြုလုပ်မည့် မြေနေရာများရှိ လယ်မြေများမှာ ပုံစံ (၇) ရရှိထားသော်လည်း လယ်မြေများအား အခြားနည်းဖြင့် သုံးစွဲခွင့် မရှိသေးသည့်မြေများ ဖြစ်နေသည်ကို တွေ့ရသည်ဟု လွှတ်တော်သို့ တင်သွင်းခဲ့သည်။

ထို့ပြင် စီမံကိန်းအတွက် လိုအပ်သော လျှပ်စစ်မီး၊ လမ်းပန်းဆက်သွယ်ရေး စသည့် ကဏ္ဍများတွင်လည်း လိုအပ်ချက်များ ရှိနေကြောင်း၊ ယင်းလိုအပ်ချက်များ၊ လုပ်ထုံးလုပ်နည်းများကို ဖြည့်စွက်ပြီးမှသာလျှင် လွှတ်တော်သို့ ပြန်လည်တင်ပြသင့်ကြောင်း ဒေါ်နွယ်နွယ်ဝင်းက ပြောကြားသည်။

“ရန်ကုန်တိုင်းဒေသကြီး အစိုးရအနေဖြင့် လယ်ယာမြေပိုင်ဆိုင်ခွင်နှင့် ၎င်းလယ်ယာမြေများကို အခြားနည်းသုံးစွဲခွင့် ရရှိစေရန် ပထမအဆင့် ခွင့်ပြုပေးသင့်ကြောင်းနှင့် ထိုမှတစ်ဆင့် ဥပဒေနှင့်အညီ စက်မှုစီးပွားဂရန်များ ပြုလုပ်ပေးသင့်ပါသည်။ ထို့ပြင် အဆိုပါ လုပ်ငန်းများ အဆင်ပြေစွာ ဆောင်ရွက်နိုင်ရန် လိုအပ်သော လျှပ်စစ်မီးရရှိစေရန်၊ လမ်းပန်းဆက်သွယ်ရေး ကောင်းမွန်မှုရရှိစေရန် အခြားလိုအပ်သော Infrastructure များအား အဓိကထား ဆောင်ရွက်ပေးသင့်ကြောင်း၊ ထိုသို့ ဥပဒေ၊ နည်းဥပဒေ၊  လုပ်ထုံးလုပ်နည်း အဆင့်ဆင့် စနစ်တကျ ဆောင်ရွက်ပေးပြီး စီမံကိန်းများ စတင်အကောင်အထည်ဖော်ရန် အဆင်သင့်ဖြစ်သည့် အချိန်မှာသာ ရန်ကုန်တိုင်းဒေသကြီး လွှတ်တော်သို့ ပြန်လည်တင်ပြ ပေးသင့်ပါကြောင်းနှင့် ရန်ကုန်တိုင်းဒေသကြီး စိုက်ပျိုးရေးကဏ္ဍ ဖွံ့ဖြိုးရေး တိုးတက်ရေး စီမံကိန်း (၂၀၁၈-၂၀၂၁) တတိယမူကြမ်းအား  လွှတ်တော်မှ မှတ်တမ်းအဖြစ်သာ ထားရှိသင့်ပါသည်” ဟု လွှတ်တော်ကိုယ်စားလှယ် ဒေါ်နွယ်နွယ်ဝင်းက ပြောကြားသည်။

ယင်းစီမံကိန်းအား ရန်ကုန်တိုင်းဒေသကြီးရှိ မြို့နယ် ၂၂ ခုတွင် အကောင်အထည် ဖော်မည်ဖြစ်ကြောင်း သိရပြီး ယင်းမြို့နယ်များမှာ တွံတေး၊ သုံးခွ၊ သန်လျင်၊ ရွှေပြည်သာ၊ လှိုင်သာယာ၊ ဒလ၊ မှော်ဘီ၊ လှည်းကူး၊ မင်္ဂလာဒုံ၊ တိုက်ကြီး၊ ထန်းတပင်၊ ကွမ်းခြံကုန်း၊ ခရမ်းမြို့နယ်၊ ဆိပ်ကြီးခနောင်တိုနှင့် အင်းစိန်မြို့ နယ်တို့ဖြစ်ကြောင်း သိရသည်။

ကော်မတီက စီမံကိန်းများနှင့် ပတ်သက်၍ တွေ့ရှိချက်များ တင်ပြရာတွင် တွံတေးမြို့ နယ်တွင် Myanmar Agribusiness Service Company Limited မှဆောင်ရွက်မည့် ASC Project အား MAPCO မှ ဆောင်ရွက်မည်ဖြစ်၍ တွံးတွေး၊ သုံးခွမြို့နယ်မှ ဒေသခံတို့နှင့် ပူးပေါင်းပြီး မျိုးစေ့ထုတ်လုပ်ငန်း အဓိက လုပ်ဆောင်ရန် တင်ပြခြင်းဖြစ်ကြောင်း၊ ထိုသို့ လုပ်ငန်းလုပ်ဆောင်မည့် တွံတေးမြို့နယ်ရှိ ၁၇ ဒသမ ၄၉ ဧကမှာပုံစံ (၇) ရရှိပြီးသား အခြေအနေသာရှိပြီး လယ်ယာမြေ အခြားနည်း သုံးစွဲခွင့် အခြေအနေ မရှိသေးသည့်အတွက် လက်ရှိအချိန်တွင် စက်ရုံတည်ဆောက်ရန် အခြေအနေ မဖြစ်နိုင်သေးသည်ကို တွေ့ရှိရကြောင်း၊ သုံးခွမြို့နယ်ရှိ ကုမ္ပဏီပိုင် (၂၅) ဧကပေါ်တွင် စက်ရုံတည်ဆောက်နေသည့် အခြေအနေသာရှိပြီး လယ်ယာမြေအား အခြားနည်းသုံးစွဲခွင့် လျှောက်ထားဆဲ အခြေအနေ ရှိကြောင်းနှင့် ဒဂုံမြို့သစ်ဆိပ်ကမ်း မြို့နယ်တွင်လည်း အကောင်အထည်ဖော်မည့် မြေနေရာတွင် မြေပိုင်ဆိုင်မှု မရရှိသေးကြောင်း တွေ့ရှိရကြောင်း တင်ပြခဲ့သည်။

ထို့ပြင် တွံတေးမြို့တွင် ဆောင်ရွက်မည့် မြန်မာ့သြဘာကုမ္ပဏီမှ ဓာတ်မြေသြဇာစက်ရုံသည် မြေဧက ၆၀ မှာ ပုံစံ (၇) ရရှိထားပြီး လယ်ယာမြေ အခြားနည်း သုံးစွဲခွင့် လျှောက်ထားဆဲ အခြေအနေတွင်သာရှိကြောင်း၊ လှည်းကူးမြို့နယ်နှင့် မှော်ဘီမြို့နယ်တွင် မြတ်မင်းကုမ္ပဏီမှ ဆောင်ရွက်မည့် နိုင်ငံတကာအဆင့်မြင့် အသားတိုးဝက် မွေးမြူရေးလုပ်ငန်း လုပ်ဆောင်မည့် မြေဧက ၆၇ ဒသမ ၃၅ မှာ ပုံစံ (၇) ရရှိပြီး လယ်ယာမြေ အခြားနည်း သုံးစွဲခွင့် လျှောက်ထားဆဲဖြစ်ကာ စက်မှုစီးပွားဂရန် ရရှိရန် ဆောင်ရွက်နိုင်ခြင်း မရှိကြောင်း တင်ပြခဲ့သည်။

ထို့အတူ လှည်းကူးမြို့နယ်တွင် Myanmar Belle Company မှ ဆောင်ရွက်မည့် အအေးခန်း ကွန်တိန်နာ ဘောက်စ်များတွင် ထည့်သွင်းအသုံးပြုသော UPS Panel ထုတ်လုပ်မည့်စက်ရုံ တည်ဆောက်ရန် အတွက် မြေ၀ယ်ယူရန် ၀န်ကြီးဌာနနှင့် ဆွေးနွေးသည့် အခြေအနေသာ ရှိသေးကြောင်း တင်ပြခဲ့သည်။

အလားတူ ဆိပ်ကြီးခနောင်တို မြို့နယ်တွင် မြန်မာနိုင်ငံ လယ်ယာစီးပွားရေး အများပိုင် ကော်ပိုရေးရှင်း လီမိတက်မှ ဆောင်ရွက်မည့် Agro-based food Park Project မြေနှင့်ပတ်သက်၍ လယ်သမားများအား နစ်နာကြေး ပေးဆောင်ရန် အစိုးရမှ ညှိနှိုင်းဆောင်ရွက်ပြီးမှသာ စီမံကိန်း အကောင်အထည် ဖော်သင့်ကြောင်း အကြုံပြု တင်ပြခဲ့သည်။

ယင်းစီမံကိန်း တတိယမူကြမ်းအား ဒုတိယအကြိမ် ရန်ကုန်တိုင်းဒေသကြီး ဆဋ္ဌမပုံမှန် အစည်းအဝေး ၂၀ ရက်မြောက်တွင် ရန်ကုန်တိုင်းဒေသကြီး အစိုးရအဖွဲ့ စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီး ဦးဟန်ထွန်းကိုယ်စား ရခိုင်တိုင်းရင်းသားလူမျိုးရေးရာဝန်ကြီး ဦးဇော်အေးမောင်က တင်သွင်းခဲ့ခြင်းဖြစ်ပြီး စုစုပေါင်း ရင်းနှီးမြုပ်နှံမှု ဒေါ်လာ၂၂၂  သန်းတန်ဖိုးရှိ စီမံကိန်းဖြစ်ကြောင်း သိရသည်။

 

မွေးမြူရေးငါး ပြည်ပတင်ပို့မှု၏ ရာခိုင်နှုန်း ၃၀ အထိရှိနေသည့် ဆော်ဒီအာရေဗျနိုင်ငံက ဈေးကွက်ပိတ်သိမ်းမှုကြောင့် ငါးဈေးကွက် ပြိုဆင်း

ပြည်ပသို့ ငါးတင်ပို့ရန် လုပ်ဆောင်နေသည့် အအေးခန်းစက်ရုံ တစ်ခု၏ လုပ်ငန်းခွင်ကို တွေ့ရစဉ်

မြန်မာ့မွေးမြူရေးငါး၏ နိုင်ငံခြားတင်ပို့မှု ရာခိုင်နှုန်း ၃၀ နှင့် ငါးမြစ်ချင်းတင်ပို့မှု ၄၁ ရာခိုင်နှုန်းကို ဆော်ဒီအာရေဗျနိုင်ငံသို့ တင်ပို့နေရပြီး လက်ရှိတွင် ဆော်ဒီအာရေဗျ နိုင်ငံဘက်မှ မြန်မာ့ငါး၊ ပုစွန်များတွင် ရောဂါပိုးတွေ့ရှိသည် ဟုဆိုကာ ဈေးကွက်ယာယီ ပိတ်သိမ်းမှုကြောင့် ငါးဈေးကွက် ပြိုဆင်းနေပြီဖြစ်ကြောင်း မြန်မာနိုင်ငံ ငါးမွေးမြူရေး လုပ်ငန်းရှင်များအသင်း နှစ်ပတ်လည် အစည်းအဝေးတွင် မြန်မာနိုင်ငံ ငါးလုပ်ငန်း အဖွဲ့ချုပ် အထွေထွေ အတွင်းရေးမှူး ဦးဝင်းကြိုင်က ပြောကြားသည်။

“ဆော်ဒီက ငါးဈေးကွက်ပိတ်သိမ်းမှုအပေါ် မြန်မာနိုင်ငံ ငါးလုပ်ငန်းအဖွဲ့ချုပ်က ဆော်ဒီနိုင်ငံက ဌာနလေးခုကို စာရေးတယ်။ ဖြစ်စဉ်တစ်ခုလုံးကို ရှင်းပြတယ်။ ငါးကို မရပ်ပါနဲ့။ ပုစွန်ကိုတော့ တင်ပို့ခွင့် ရပ်ချင်ရပ်ပါ။ လာစစ်ချင်လည်း စစ်ပါလို့ စာရေးတယ်။ ဘာဖြစ်လို့ ဒီလိုဆောင်ရွက်နေလဲဆိုတော့ ဆော်ဒီနိုင်ငံဈေးကွက်က ကျွန်တော်တို့ မြန်မာနိုင်ငံက တိုက်ရိုက်ပို့တာရှိတယ်။ အနားမှာရှိတဲ့ UAE နိုင်ငံကနေ တစ်ဆင့်ခံ ပို့တာရှိတယ်။ ဘယ်လောက်သွားသလဲဆိုတော့ မွေးမြူရေးငါး နိုင်ငံခြားတင်ပို့မှုရဲ့ ရာခိုင်နှုန်း ၃၀ က ဆော်ဒီဈေးကွက်နဲ့ ဆိုင်တယ်။ ငါးမြစ်ချင်းရဲ့ ၄၁ ရာခိုင်နှုန်းက ဆော်ဒီဈေးကွက်နဲ့ ဆိုင်တယ်။ မွေးမြူရေးငါးရဲ့ ရာခိုင်နှုန်း ၃၀ နဲ့ ငါးမြစ်ချင်းရဲ့ ၄၁ ရာခိုင်နှုန်းက ဆော်ဒီဈေးကွက်နဲ့ ပတ်သက်တဲ့ အခါကျတော့ ငါးမြစ်ချင်းဈေးကွက်မှာ ငါးဈေးတွေ ပြိုဆင်းပြီး ထုတ်လုပ်မှုစရိတ်အောက် ဈေးကျပြီး အကုန်လုံး အခက်အခဲတွေ ဖြစ်ကုန်တယ်။ အထူးသဖြင့် ငါးမြစ်ချင်း ဆိုက်ကြီးတွေ၊ ငါးကြင်းဖြူတွေ ဈေးကွက်က ဘယ်လိုမှ အခြေအနေ မကောင်းတဲ့ အဖြစ်ကို ဆိုက်နေတယ်” ဟု ဦးဝင်းကြိုင်က ပြောကြားသည်။

ယခင်က ငါးမြစ်ချင်း တစ်ပိဿာလျှင် ကျပ် ၃၂၀၀ ရှိခဲ့ပြီး လက်ရှိတွင် ကျပ် ၂၆၀၀ သို့ကျဆင်းကာ ငါးကြင်းဖြူမှာလည်း တစ်ပိဿာလျှင် ကျပ် ၈၀၀ ၀န်းကျင် ကျဆင်းသွားသည်ဟု ဦးဝင်းကြိုင်က ဆိုသည်။

မြန်မာ့ငါး၊ ပုစွန်များကို ဆော်ဒီအာရေဗျနိုင်ငံသို့ တင်ပို့ခွင့် ရပ်ဆိုင်းခြင်းမှာ ကမ္ဘာ့ကူးစက်ရောဂါ ထိန်းချုပ်ကာကွယ်ရေးအဖွဲ့ (OIE) ၏ ကြေညာချက်အရ မြန်မာနိုင်ငံမှ ရေသတ္တ၀ါများတွင် While Tale Diseasea ရောဂါ မကင်းစင်သည့်အတွက် ဆော်ဒီနိုင်ငံက ယခုနှစ် ဧပြီ ၁ ရက်တွင် ယာယီရပ်ဆိုင်းခြင်း ဖြစ်ကြောင်း သိရသည်။

“ဆော်ဒီက ခိုင်မာတဲ့အကြောင်းပြချက်နဲ့ ဈေးကွက်ရပ်လိုက်တာ။ ကျွန်တော်တို့ ပြန်ဖြေရှင်းရမယ့်အပိုင်း ဖြစ်သွားပြီ။ ဒီ While Tale Diseasea က ပုစွန်နဲ့ပဲဆိုင်တယ်။ ငါးနဲ့မဆိုင်တဲ့အတွက် ငါးကို တင်ပို့ခွင့်မရပ်ပါနဲ့ တောင်းဆိုထားတယ်။ ကျွန်တော်တို့ ဘက်ကလည်း ငါး၊ ပုစွန်တွေကို လာစစ်ချင်ရင် အစစ်ခံမယ်လို့ ဖွင့်ပေးထားတယ်။ အအေးခန်းတွေရော၊ မွေးမြူရေးကန်တွေရော အစစ်ခံမယ်။ ဒါကို အဆောတလျင် လုပ်ပေးပါ။ ကျွန်တော်တို့ဘက်က အဆင်သင့်ပါပဲ ပြောလိုက်တယ်။ ဆော်ဒီသံမှူးကိုလည်းတောင်း ဆိုလိုက်တယ်။ ရန်ကုန်မှာလည်း ပုဂ္ဂလိကကဏ္ဍ ကုန်သွယ်သူတွေနဲ့ အစိုးရပါတဲ့အဖွဲ့တွေနဲ့ သီးခြားတွေ့ဖို့ စီစဉ်ပေးပါလို့လည်း ပြောထားတယ်။ သူတို့ဘက်က သင်္ကြန်နောက်ပိုင်းမှ တွေ့ခွင့်ပေးမယ်လို့ ပြောတယ်” ဟု ဦးဝင်းကြိုင်က ဆိုသည်။

 

မွေးမြူရေးထွက်ကုန်များအပေါ် ထောက်ခံချက်ထုတ်ပေးရာတွင် ပေးဆောင်ရမည့်နှုန်းထားများ တိုးမြှင့်သတ်မှတ်ကောက်ခံပါက ကြက်မွေးမြူရေးလုပ်ငန်းရှင်များ အခက်အခဲဖြစ်ပေါ်နိုင်ကြောင်း ဆွေးနွေး

မွေးမြူရေးထွက်ကုန်များအပေါ် ထောက်ခံချက်ထုတ်ပေးရာတွင် ပေးဆောင်ရမည့်နှုန်းထားများနှင့် ပတ်သက်၍ ဆွေးနွေးနေစဉ်

မွေးမြူရေးလုပ်ငန်းထွက်ကုန်များအပေါ် ထောက်ခံချက်လက်မှတ်ထုတ်ပေးရာတွင် ကောက်ခံသည့်နှုန်းထားများကို လာမည့်ဧပြီ ၁ ရက်မှစတင်ကာ တိုးမြှင့်ပြောင်းလဲကောက်ခံရန် ထုတ်ပြန်ထားရာ ယင်းပြောင်းလဲသတ်မှတ်သော နှုန်းထားများအတိုင်း ကောက်ခံပါက အဓိက ကြက်မွေးမြူရေးလုပ်ငန်းများအပေါ် ထိခိုက်လာနိုင်ပြီး မွေးမြူရေးလုပ်ငန်းရှင်များအတွက် အခက်အခဲဖြစ်ပေါ်နိုင်ကြောင်း ကြက်မွေးမြူရေးလုပ်ငန်းရှင်များထံမှ သိရသည်။

မွေးမြူရေးနှင့် ကုသရေးဦးစီးဌာနက ထောက်ခံချက်ထုတ်ပေးရာတွင် ကောက်ခံမည့်နှုန်းထားအသစ်များမှာ ယခင်ကောက်ခံနေသည့် နှုန်းထားများထက် မြင့်တက်သွားသည့်အတွက် ဈေးနှုန်းပြင်ဆင်သတ်မှတ်ခြင်းနှင့်ပတ်သက်ကာ မြန်မာနိုင်ငံ မွေးမြူရေးလုပ်ငန်းအဖွဲ့ချုပ်-မန္တလေးတိုင်းဒေသကြီးနှင့် ကြက်ဥ၊ ကြက်သားမွေးမြူထုတ်လုပ် ရောင်းချသူများအသင်းမှ မန္တလေးမြို့တွင် မတ် ၂၀ ရက်က ဆွေးနွေးပွဲပြုလုပ်ခဲ့သည်။

“မွေးမြူရေးလုပ်ငန်းတွေအနေနဲ့ ထုတ်လုပ်မှုစရိတ် လျှော့ချနိုင်ဖို့နဲ့ ထုတ်လုပ်တဲ့အဆင့်တွေ လျှော့ချနိုင်ဖို့ ကြိုးစားနေရဆဲအခြေအနေမှာ ရှိပါတယ်။ ဒီလိုမျိုး မလျှော့ချနိုင်ရင် အိမ်နီးချင်းနိုင်ငံတွေကနေ ၀င်ရောက်နေတဲ့ တရားမ၀င်ကြက်၊ ဘဲ၊ ငုံးနဲ့ ၎င်းတို့ရဲ့ထွက်ကုန်ပစ္စည်းတွေ ၀င်ရောက်လာပြီး မွေးမြုရေးလုပ်ငန်းတွေ အရှုံးပေါ် ပိုထိခိုက်ပျောက်ကွယ်သွားနိုင်ပါတယ်။ လက်ရှိမှာလည်း ကြက်မွေးမြူရေးလုပ်ငန်းတွေအနေနဲ့ အစာဈေးမြင့်တက်မှုတွေကြောင့် အခက်အခဲဖြစ်ပေါ်နေတာတွေရှိတယ်။ ဒီလိုအချိန်မှာ ကြက်၊ ဘဲ၊ ငုံး မွေးမြူရေးထုတ်ကုန်တွေကို တိုးမြှင့်ကောက်ခံမယ်။ အထပ်ထပ်အခါခါ ကောက်ခံခြင်းပြုမယ်၊ အဆင့်ဆင့်ဆောင်ရွက်ရမယ်ဆိုရင် မွေးမြူသူတွေအတွက် ၀န်ထုပ်ဝန်ပိုးဖြစ်စေမှာပါ။ ဒါကြောင့် ဒီကုန်တွေအပေါ် ကောက်ခံတဲ့နှုန်းထားတွေကို နှစ်ဦးနှစ်ဖက် မျှခြေရှိတဲ့နှုန်းပဲသတ်မှတ်ပေးဖို့နဲ့ ကုန်စည်စီးဆင်းမှုကို မနှောင့်နှေးတဲ့နည်းစနစ်တွေနဲ့ ဆောင်ရွက်ပေးစေလိုပါတယ်” ဟု မြန်မာနိုင်ငံ မွေးမြူရေးလုပ်ငန်းအဖွဲ့ချုပ် (မန္တလေးတိုင်းဒေသကြီး) ဥက္ကဋ္ဌ ဒေါက်တာကျော်ထင်က ပြောကြားသည်။

မွေးမြူရေးနှင့် ကုသရေးဦးစီးဌာနမှ တိရစ္ဆာန်ကျန်းမာကြောင်း ထောက်ခံချက် လက်မှတ်ထုတ်ပေးရာတွင် ကြက်၊ ဘဲ သားပေါက်တစ်ကောင်လျှင် ငါးကျပ်နှုန်း၊ ကြက်၊ ဘဲ (မီးလွတ်/ ဈေးပို့) တစ်ကောင်လျှင် ၁၀ ကျပ်နှုန်း၊ ငုံးသားပေါက်တစ်ကောင်လျှင် တစ်ကျပ်နှုန်း၊ ငုံး (မီးလွတ်/ ဈေးပို့) တစ်ကောင်လျှင် နှစ်ကျပ်နှုန်း၊ ကြက်ဥ၊ ဘဲဥတစ်လုံးလျှင် တစ်ကျပ်နှုန်း၊ ငုံးဥတစ်လုံးလျှင် တစ်ကျပ်နှုန်းဖြင့် ဧပြီ ၁ ရက်မှစတင်ကာ ပေးသွင်းရမည်ဖြစ်ကြောင်း ထုတ်ပြန်ထားသည်။

ယင်းကဲ့သို့ ပေးသွင်းရမည်ဆိုပါက ကြက်မွေးမြူရေးလုပ်ငန်းများအနေဖြင့် နေ့စဉ်ထွက်ရှိသည့် ကြက်ဥများအပေါ် အခွန်ဆောင်သကဲ့သို့ ပေးရမည်ဖြစ်ကာ လိုအပ်ချက်အရ ပေးသွင်းရမည်ဆိုပါကလည်း သင့်တင့်သည့်နှုန်းထားများနှင့် ပေးသွင်းရမည့်ငွေကြေးအား သက်ဆိုင်ရာဘဏ်စာရင်းသို့ တိုက်ရိုက်ပေးသွင်းသည့်စနစ်ဖြင့်သာ ကောက်ခံပေးရန်လိုအပ်ကြောင်း၊ ယခုသတ်မှတ်ထားသည့် နှုန်းထားများကိုလည်း ပြန်လည်သုံးသပ် ပြင်ဆင်ပေးရန်လိုအပ်ကြောင်း ဆွေးနွေးခဲ့သည်။

၂၀၁၈ ခုနှစ် ဧပြီ ၁ ရက်မှစ၍ ဆော်ဒီအာရေဗျနိုင်ငံအနေဖြင့် မြန်မာနိုင်ငံမှ ငါး၊ ပုစွန်တင်သွင်းမှုကို ယာယီရပ်ဆိုင်းကြောင်း ကြေညာချက်ထုတ်ပြန်ခဲ့သဖြင့် ပုံမှန်ကုန်သွယ်ခွင့် ရရှိအောင်ဆောင်ရွက်ပေးရန် လုပ်ငန်းရှင်များ တင်ပြ

၂၀၁၈ ခုနှစ် ဧပြီ ၁ ရက်မှစ၍ ဆော်ဒီအာရေဗျနိုင်ငံအနေဖြင့် မြန်မာနိုင်ငံမှ ငါး၊ ပုစွန်တင်သွင်းမှုကို ယာယီရပ်ဆိုင်းကြောင်း ကြေညာချက်ထုတ်ပြန်ခဲ့သဖြင့် ဆော်ဒီအာရေဗျအစိုးရနှင့် မြန်မာနိုင်ငံတော်အစိုးရတို့ ဆက်သွယ်ညှိနှိုင်း၍ ပုံမှန်ကုန်သွယ်ခွင့်ရရှိ အောင်ဆောင်ရွက်ပေးရန် မြန်မာနိုင်ငံ ရေထွက်ပစ္စည်းထုတ်လုပ်သူများနှင့် ပို့ကုန်လုပ်ငန်းရှင်များအသင်း၊ အတွင်းရေးမှူး ဦးမျိုးညွန့်က ဒုတိယသမ္မတ (၁) နှင့် လုပ်ငန်းရှင်များ (၁၅) ကြိမ်မြောက်ပုံမှန်တွေ့ဆုံပွဲတွင် တင်ပြခဲ့ကြောင်း ကုန်သည်စက်မှုအသင်းချုပ်မှ သိရသည်။

မြန်မာနိုင်ငံမှ မွေးမြူဖမ်းဆီးထုတ်လုပ်သည့် ငါး၊ ပုစွန်များကို ဆော်ဒီအာရေဗျနိုင်ငံ ဈေးကွက်အတွင်းသို့ တိုက်ရိုက်ကုန်သွယ်ခြင်း နည်းလမ်းဖြင့်လည်းကောင်း၊ UAE နိုင်ငံမှ တစ်ဆင့် ဆော်ဒီအာရေဗျနိုင်ငံအတွင်းသို့ တစ်ဆင့်ခံ ကုန်သွယ်ရေးနည်းလမ်းဖြင့်လည်းကောင်း နှစ်စဉ်ဒေါ်လာ ၂၅ သန်းမှ ၃၅ သန်းကြား တင်ပို့လျက်ရှိကြောင်း ဦးမျိုးညွန့်က ဆက်လက်ပြောကြားသည်။

၂၀၁၈ ခုနှစ် ဧပြီ ၁ ရက်မှစတင်၍ မြန်မာ၊ ဗီယက်နမ်၊ ဘင်္ဂလားဒေ့ရ်ှနှင့် အိန္ဒိယနိုင်ငံများမှ ဆော်ဒီအာရေဗျနိုင်ငံအတွင်းသို့ ငါး၊ ပုစွန်တင်သွင်းမှုကို ဆော်ဒီအာရေဗျနိုင်ငံ အစားအသောက်နှင့်ဆေးဝါးဆိုင်ရာ အာဏာပိုင်အဖွဲ့အစည်း (SFDA) မှ ယာယီရပ်ဆိုင်းရန် ကြေညာချက်ထုတ်ပြန်ခဲ့ခြင်း ဖြစ်ကြောင်း သိရသည်။

ငါး၊ ပုစွန်တင်ပို့မှုကို ရပ်ဆိုင်းခံရခြင်းသည် နိုင်ငံတော်၏စီးပွားရေး၊ ပြည်ပပို့ကုန်ဝင်ငွေ၊ ငါးမွေးမြူရေးလုပ်ငန်းများ၏ အကျိုးစီးပွား ထိခိုက်နစ်နာမှုများကို များစွာဖြစ်ပေါ်စေသည့်အတွက် ဆော်ဒီအာရေဗျနိုင်ငံအစိုးရနှင့် မြန်မာနိုင်ငံတော်အစိုးရတို့ ဆက်သွယ်ညှိနှိုင်း၍ ပုံမှန်ကုန်သွယ်ခြင်းရရှိအောင် ဆောင်ရွက်ပေးရန် မြန်မာနိုင်ငံ ရေထွက်ပစ္စည်းထုတ်လုပ်သူများနှင့် ပို့ကုန်လုပ်ငန်းရှင်များအသင်း၊ အတွင်းရေးမှူး ဦးမျိုးညွန့်က တင်ပြခဲ့ကြောင်း သိရသည်။

လက်ရှိမြန်မာနိုင်ငံအနေဖြင့် ပြည်ပသို့  ငါး၊ ပုစွန်အပါအ၀င် ရေထွက်ကုန်ပစ္စည်း တင်ပို့နေသည့်ပမာဏက  အိမ်နီးချင်းနိုင်ငံများမှ တင်ပို့နေသောပမာဏနှင့် နှိုင်းယှဉ်ပါက အလွန်နည်းနေသးကြောင်း၊  ထို့ကြောင့် တင်ပို့မှုပမာဏကို မြှင့်တင်ရာတွင် သဘာဝ မှဖမ်းဆီးရောင်းချခြင်းထက် မွေးမြူရေးစနစ်များ ကောင်းမွန်အောင်ဆောင်ရွက်ကာ တင်ပို့သင့်ကြောင်း ငါးလုပ်ငန်းဦးစီးဌာနမှ သိရသည်။

ထိုကဲ့သို့ ပြည်တွင်း၌ မွေးမြူရေးလုပ်ငန်းများဖွံ့ဖြိုးရေးတွက် ဆောင်ရွက်မည့် မွေးမြူရေး လုပ်ငန်းရှင်များကို စီမံကိန်းနှင့် ဘဏ္ဍာ ရေးဝန်ကြီးဌာနကလည်း ချေးငွေများထုတ်ချေးပေးရန် စီစဉ်လျက်ရှိကြောင်း နိုင်ငံတော် ဒုတိယသမ္မတ (၁) ဦးမြင့်ဆွေနှင့် စီးပွားလုပ်ငန်းရှင်များ (၁၁) ကြိမ်မြောက်တွေ့ဆုံပွဲ၌ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းက ပြောကြားထားသည်။

“ဒီနှစ်ဇန်န၀ါရီကုန်အထိ ၄၃၈၀၀၀ ကျော် ရေထွက်ပစ္စည်း တင်ပို့တာကပေါ့။ လက်ရှိရတဲ့ငွေက သန်းပေါင်း ၅၆၉ သန်း၊ ရ နေပြီ။ ဒါက နှစ်မကုန်သေးဘူး။ နှစ်ကုန်ရင် သန်း ၇၀၀ နီးပါး ၆၇၀၊ ၇၀၀ ကြား မှန်းထားတယ်။ ၇၀၀ ပြည့်အောင်တော့ မှန်းထားတယ်။ သို့ သော်လည်း တန်ဖိုးရှိတဲ့ ထုတ်ကုန်တွေ တကယ့်ရေထွက်ပစ္စည်းပို့မှ ပြည့်မှာကိုး။ အဲဒီအထဲမှာမှ ပုစွန်က ၁၃၂၁၃ မက်ထရစ် တန်ပို့တာရှိတယ်” ဟု ရန်ကုန်တိုင်းဒေသကြီး၊ ငါးလုပ်ငန်းဦးစီးဌာနမှ ညွှန်ကြားရေးမှူး ဦးထွန်းဝင်းမြင့်က ပြောကြားသည်။

လက်ရှိအချိန်တွင် မြန်မာနိုင်ငံမှ ပြည်ပသို့ ငါး၊ ပုစွန်အပါအ၀င် ရေထွက်ကုန်ပစ္စည်း တင်ပို့မှုမှ ရရှိသောဝင်ငွေသည် နှစ်စဉ် အမေရိကန်ဒေါ်လာ သန်း ၆၅၀ နှင့် သန်း ၇၀၀ ကြားသာ ရရှိနေခြင်းဖြစ်ကြောင်း ငါးလုပ်ငန်းဦးစီးဌာနမှ သိရသည်။

၂၀၁၈ ခုနှစ်တွင် နိုင်ငံတကာ အဆင့်အတန်းနှင့်အညီ မွေးမြူရေးကဏ္ဍ တည်ဆောက်မည်ဟု ရန်ကုန်တိုင်း ၀န်ကြီးချုပ် ပြောကြား

ကျောက်ဖြူမြို့နယ် အတွင်းရှိ ကဏန်းပျော့မွေးမြူရေး လုပ်ငန်းခွင် တစ်နေရာကို တွေ့ရစဉ်

၂၀၁၈ ခုနှစ်တွင် နိုင်ငံတကာ အဆင့်အတန်းနှင့်အညီ မွေးမြူရေးကဏ္ဍ တည်ဆောက်မည်ဖြစ်ကြောင်း နိုဝင်ဘာ ၅ ရက်က ရန်ကုန်မြို့ မြန်မာနိုင်ငံ ငါးလုပ်ငန်းအဖွဲ့ချုပ်ရှိ သီရိအဏ္ဏ၀ါခန်းမတွင် ပြုလုပ်သည့် အသုံးချ ငါး၊ ပုစွန်မွေးမြူရေးသင်တန်း အမှတ်စဉ် (၁) သင်တန်းဖွင့်ပွဲ အခမ်းအနားတွင် ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက အဖွင့်အမှာစကားတွင် ထည့်သွင်းပြောကြားခြင်း ဖြစ်သည်။

“သားငါး၊ ပုစွန်ကဏ္ဍနဲ့ပတ်သတ်ပြီး မွေးမြူရေး ဆောင်ရွက်နေတဲ့ သူတွေဟာ မြန်မာနိုင်ငံမှာ ၃ ဒသမ ၅ သန်းလောက်ရှိတယ်လို့ မှန်းဆချက်တွေအရ သိရတယ်။ အဲဒီအတွက် ဒီနယ်ပယ်ကို ဖွံ့ဖြိုးတိုးတက်အောင် ဆောင်ရွက်သင့်ပါတယ်။ စိုက်ပျိုးရေးနှင့် ငါး၊ ပုစွန် မွေးမြူရေးကို ယှဉ်ကြည့်မယ်ဆိုရင် ငါး၊ ပုစွန် မွေးမြူရေးဟာ မြေကိုအသုံးချမှုမှာ အလွန်တန်ဖိုးရှိတဲ့ အသုံးချမှုဖြစ်တယ်။ ရန်ကုန်တိုင်းမှာ ငါး၊ ပုစွန်မွေးမြူရေးနဲ့ပတ်သက်ပြီး ဆောင် ရွက်နေတဲ့ ဧက ၈၀၀၀၀ လောက် ရှိပါတယ်။ တရားဝင်ထူထောင်ထားတဲ့ ဧကဟာ ၄၀၀၀၀ လောက်ပဲ ရှိပါတယ်။ ဒါပေမဲ့ မွေးမြူရေး စနစ်တစ်ခုကို ပြန်ပြီးလှည့်ကြည့်ဖို့တော့ လိုအပ်ပါတယ်။ ၂၀၁၆-၂၀၁၇ ဘဏ္ဍာနှစ်မှာ မွေးမြူရေးကနေ ငါး၊ ပုစွန် နိုင်ငံတကာကို တင်ပို့ခဲ့တာဟာ မက်ထရစ်တန်ချိန် ၄ ဒသမ ၃ သန်း ငွေကြေးအားဖြင့် အမေရိကန်ဒေါ်လာ ၆၀၅ သန်းလောက် ရှာဖွေနိုင်ခဲ့တယ်။ ပမာဏ များပြီး ငွေတန်ဖိုးနည်းရတာ ဘာကြောင့်လဲဆိုပြီး လေ့လာတဲ့အခါမှာ ငါးထက်ပုစွန်က ဈေးပိုကြီးတယ်။ ပုစွန်ရဲ့ မွေးမြူနိုင်တဲ့အခန်း ကဏ္ဍဟာလည်း ကျလာတဲ့ အခြေအနေမျိုး တွေ့ရတယ်။ အတိတ်ကို ပြန်ကြည့်ပြီး အရှေ့ရဲ့ အနာဂတ်ကို ပြင်ဆင်မယ်ဆိုရင် ငါး၊ ပုစွန် မွေးမြူရေးကဏ္ဍကို မြှင့်တင်ဖို့ လိုအပ်မှာဖြစ်ပါတယ်။ ဒါကြောင့် မွေးမြူရေးကဏ္ဍကို လတ်တလော ရှိနေတဲ့ ဧက ၈၀၀၀၀ ကို ပိုမိုအဆင့်မြှင့်တင်တဲ့ နည်းပညာတွေနဲ့ ဆောင်ရွက်နိုင်ဖို့ အတွက်ကလည်း ကဏ္ဍတစ်ခုအနေနဲ့ စဉ်းစားရမယ်။ လက်ရှိ ရှိနေတာကို အဆင့်မြှင့်တင်ဖို့ ဖြစ်ပါတယ်။ ငါးကန်တွေကို တည်ဆောက်တာက စပြီးတော့ ကန်တွေကို ဘယ်လိုပုံစံမျိုး တူးဖော်ပြီး ငါး၊ ပုစွန်ကဏ္ဍရဲ့ ပြောင်းလဲမှုကို ထည့်သွင်းနိုင်တဲ့ ဇုန်ကြီးကို ၂၀၁၈ ခုနှစ်တွင် နိုင်ငံတကာ အဆင့်အတန်းနဲ့အညီ မွေးမြူရေးကဏ္ဍ တည်ဆောက်သွားမှာ ဖြစ်ပါတယ်” ဟု ဦးဖြိုးမင်းသိန်းက ပြောကြားသည်။

လက်ရှိတွင် ငါး၊ ပုစွန်မွေးမြူရေး လုပ်ငန်းများအတွက် ဧကပေါင်း ၄၈၀၀၀၀ ရှိသော်လည်း နိုင်ငံတော်မှ တရားဝင် တူးဖော်ခွင့် ပြုထားသည့် မြေဧကမှာ ၁၀၈၀၀၀ သာ ရှိသည်။