ရန်ကုန်-မော်လမြိုင် အဝေးပြေးလမ်းပေါ်ရှိ ပေါင်မြို့နယ် နတ်ကြီးချောင်ကျေးရွာ တံတားအောက်သို့ မော်တော်ယာဉ်တစ်စီး အရှိန်လွန်ထိုးကျမှု ဖြစ်ပွားခဲ့

နတ်ကြီးချောင်ကျေးရွာ တံတားအောက်သို့ အရှိန်လွန်ထိုးကျခဲ့သည့် မော်တော်ယာဉ်ကို တွေ့ရစဉ်

ရန်ကုန်-မော်လမြိုင် အဝေးပြေးလမ်းပေါ်ရှိ ပေါင်မြို့ နယ် နတ်ကြီးချောင်ကျေးရွာ တံတားအောက်သို့ မော်တော်ယာဉ်တစ်စီး အရှိန်လွန် ထိုးကျတိမ်းမှောက်မှု စက်တင်ဘာ ၃ ရက် နံနက် ၈ နာရီက ဖြစ်ပွားခဲ့ကြောင်း သိရသည်။

ဖြစ်စဉ်မှာ မော်လမြိုင်မြို့ဘက်မှ သထုံမြို့ဘက်သို့ တနင်္သာရီတိုင်းဒေသကြီး မြိတ်မြို့၊ ဘုရားကိုင်ရပ်ကွက်နေ မောင်နေဖြိုးလှိုင် (၂၃) နှစ် (ဘ) ဦးထွေးလှိုင် မောင်းနှင်ပြီး ယာဉ်နောက်တွင် မြိတ်မြို့၊ ဘုရားကိုင်ရပ်ကွက်နေ ဦးသန်းစိုး (၄၉) နှစ် (ဘ) ဦးသန်းကြွယ်နှင့် မောင်အောင်အောင်ဦး (၁၃) နှစ် (ဘ) ဦးသန်းစိုးတို့ လိုက်ပါစီးနင်းလာသည့် HINO DUTRO အမျိုးအစားအဖြူရောင် ယာဉ်အမှတ်  6N/—-  သည် ပေါင်မြို့နယ် နတ်ကြီးချောင်ကျေးရွာ ရန်ကုန်-မော်လမြိုင် အဝေးပြေးလမ်းမ မိုင်တိုင်အမှတ် (၁၇၈/၆) ရှိတံတားအမှတ် (၁၇၉/၄) အနီးအရောက်တွင် အရှိန်မထိန်းနိုင်ဘဲ လမ်း၏၀ဲဘက်ခြမ်းရှိ တံတားအမှတ် (၁၇၉/၄) အောက်သို့ ထိုးကျတိမ်းမှောက် သွားခဲ့ကြောင်း၊ ယာဉ်တိမ်းမှောက်မှုကြောင့် ယာဉ်မောင်း မောင်နေဖြိုးလှိုင်တွင် ၀ဲလက်ကောက်ဝတ် အရိုးကျိုး၊ ၀ဲခြေသလုံး ပေါက်ပြဲဒဏ်ရာနှင့် ၀ဲခြေဖမိုး ပေါက်ပြဲဒဏ်ရာများ၊ ဦးသန်းစိုးတွင် ယာလက်ကောက်ဝတ် အရိုးကျိုး၊ နောက်ကျောအောင့် ဒဏ်ရာနှင့် မောင်အောင်အောင်ဦးတွင် ပွန်းခြစ်ဒဏ်ရာအချို့ ရရှိခဲ့ကြောင်း ရဲမှတ်တမ်များအရ သိရသည်။

“ကျွန်တော်တို့ဆီကို ကျုံကကျေးရွာ အုပ်ချုပ်ရေးမှူးကနေပြီး ကားတစ်စီး တံတားပေါ်ကနေ ကျသွားတယ် ဆိုတဲ့အကြောင်း သတင်းပို့တော့ ကျွန်တော်နဲ့ တပ်ဖွဲ့ဝင်တွေ အခင်းဖြစ်ပွားတဲ့နေရာကို ထွက်ခွာခဲ့ကြပါတယ်။ ကျွန်တော်တို့ တပ်ဖွဲ့ဝင်တွေရော မော်လမြိုင်ဘက်က လူမှုကူညီကယ်ဆယ်ရေး အဖွဲ့တွေပါ အခင်းဖြစ်ပွားရာ ရောက်ကြပါတယ်။ ကျွန်တော်တို့ ရောက်တဲ့အချိန်မှာ ဒရိုင်ဘာက စတီယာတိုင် တစ်အုံလုံးနဲ့ ရင်ဘတ်နဲ့ ညပ်နေတယ်။ ခြေထောက်တွေကလည်း ညပ်နေပါတယ်။ အဲဒါကို ကျွန်တော်တို့က အရေးပေါ် ကယ်ဆယ်ရေး ပစ္စည်းတွေနဲ့ ခက်ခက်ခဲခဲကို ထုတ်ယူခဲ့ရပါတယ်။ ဒရိုင်ဘာရော ယာဉ်ပေါ်ပါလာသူ နှစ်ဦးပါ ဒဏ်ရာပြင်းပြင်းထန်ထန် မရရှိခဲ့ကြပါဘူး” ဟု ပေါင်မြို့နယ် မီးသတ်တပ်ဖွဲ့ ဦးစီးမှူး ဦးစိုးကျော်သူက ပြောကြားသည်။

အဆိုပါဖြစ်စဉ်နှင့် ပတ်သက်၍ ယာဉ်မောင်း မောင်နေဖြိုးလှိုင်အပေါ် မုတ္တမနယ်မြေရဲစခန်းမှ ယာဉ် (ပ) ၂၇/၂၀၁၈၊ ရာဇသတ်ကြီး ဥပဒေပုဒ်မ-၃၃၈/၃၃၇ အရ အမှုဖွင့် အရေးယူထားကြောင်း သတင်းရရှိသည်။

 

မော်လမြိုင်စက်မှုဇုန်ရှိ ခနောက်စိမ်း သန့်စင်စက်ရုံများ၏ လူထုအပေါ် များစွာထိခိုက်နစ်နာ စေမှုများကို ပြည်နယ်အစိုးရထံ တိုင်ကြားသော်လည်း လျစ်လျူရှုနေခြင်းအား ရှင်းလင်း

မော်လမြိုင်စက်မှုဇုန်ရှိ ခနောက်စိမ်း သန့်စင်စက်ရုံများ၏ လူထုအပေါ် များစွာထိခိုက်နစ်နာ စေမှုများအား ပြည်နယ်အစိုးရထံ တိုင်ကြားသော်လည်း လျစ်လျူရှုနေခြင်းအား ရှင်းလင်းပွဲပြုလုပ်နေစဉ်

မော်လမြိုင်စက်မှုဇုန်ရှိ ခနောက်စိမ်းသန့်စင်စက်ရုံများ၏ လူထုအပေါ် များစွာထိခိုက်နစ်နာ စေမှုများအား ပြည်နယ်အစိုးရထံ တိုင်ကြားသော်လည်း လျစ်လျူရှုနေခြင်းအပေါ် ဇွန် ၂၃ ရက် မွန်းလွဲပိုင်းက မော်လမြိုင်စက်မှုဇုန်ရှိ မြို့တော်ဦးကျောင်းတိုက်၌ ဒေသခံများက ရှင်းလင်းပွဲ ပြုလုပ်ခဲ့ကြောင်း သိရသည်။

“ဒီပွဲလုပ်တဲ့ ရည်ရွယ်ချက်က ပြည်နယ်အစိုးရထံကို တိုင်စာတက်တယ်။ ဒါပေမဲ့ အရေးယူ ဆောင်ရွက်ပေးခြင်း မရှိသေးတဲ့အတွက် အရေးယူ ဆောင်ရွက်ပေးပါရန် အလို့ငှာ ပြည်နယ်အစိုးရလည်း သိစေချင်ပါတယ်။ ပြည်ထောင်စု အစိုးရလည်း သိစေချင်ပါတယ်။ သမ္မတလည်းသိ စေချင်ပါတယ်။ အဲဒီအပြင်ကို ဒီစက်မှုဇုန်မှာရှိတဲ့ ခနောက်စိမ်းသန့်စင်စက်ရုံ ပတ်ဝန်းကျင်မှာရှိတဲ့ ပြည်သူတွေ ဆိုးကျိုးတွေ မခံစားရလေအောင် စည်းကမ်းတကျ ဥပဒေအတိုင်းဖြစ်အောင် လုပ်စေချင်ပါတယ်။  အဲဒီရည်ရွယ်ချက်နဲ့ လုပ်ဆောင်တာ ဖြစ်ပါတယ်” ဟု လူ့အခွင့်အရေးနှင့် တရားမျှတရေး စွမ်းဆောင်သူများ အဖွဲ့မှ ကိုဂျင်မီက ပြောကြားသည်။

“မော်လမြိုင်စက်မှုဇုန်မှာ ရှိနေတဲ့ ခနောက်စိမ်းစက်ရုံတွေနဲ့ ပတ်သက်လို့ ဒေသခံတွေက ကျွန်တော်တို့အဖွဲ့ ကို အကူအညီ တောင်းထားတာတွေ ရှိပါတယ်။ ပြည်နယ် အစိုးရထံကိုလည်း တိုင်စာတွေ ပေးပို့ထားတာတွေ ရှိပါတယ်။ ဒါပေမဲ့ အရေးယူ ဆောင်ရွက်မှုတွေ မရှိတဲ့အတွက် ကျွန်တော်တို့အဖွဲ့ဆီကို ရောက်လာတာပါ။ အဲဒီအတွက် ကျွန်တော်ကိုယ်တိုင်ပဲ စက်မှုဇုန်က တာဝန်ရှိသူ နှစ်ယောက်နဲ့အတူ မွန်ပြည်နယ် အစိုးရအဖွဲ့ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဒေါက်တာမင်း ကြည်ဝင်းတို့နဲ့ တွေ့ဆုံဆွေးနွေး ခဲ့တာတွေ ပြုလုပ်ခဲ့ပါတယ်။ ဒီခနောက် စိမ်းစက်ရုံတွေနဲ့ ပတ်သက်လို့ ပြည်သူတွေ ခံစားနေရတဲ့ ကိစ္စတွေနဲ့ ပတ်သက်လို့ ပြန်လည်စိစစ်ပေးပါမယ်ဆိုတဲ့ အဖြေရခဲ့ပါတယ်။ ကျွန်တော်တို့ အနေနဲ့ကလည်း ဒီစက်ရုံတွေ ပိတ်သိမ်းပေးဖို့ ပြောဆိုနေတာ မဟုတ်ဘူး။ စက်ရုံ၊ အလုပ်ရုံတွေက ကျွန်တော်တို့ နိုင်ငံအတွက် အကျိုးရှိတာ မှန်တယ်။ ဒါပေမဲ့ စက်ရုံတွေက ထွက်ရှိလာတဲ့ စွန့်ပစ်ပစ္စည်းတွေနဲ့ ပတ်သက်ပြီးတော့ ဘယ်ပတ်ဝန်းကျင်ကိုမှ ထိခိုက်စရာ မလိုအောင် လုပ်ဆောင်ဖို့က အရေးကြီးပါတယ်။ အဲဒီအကြောင်းတွေကို ကျွန်တော်တို့ ဆွေးနွေးခဲ့ပါတယ်” ဟု ကိုဂျင်မီက ဆက်လက်ပြောကြားသည်။

“ကျွန်တော်တို့ စက်ရုံနဲ့ ခနောက်စိမ်းစက်ရုံက ဝေးပေမယ့် အဲဒီစက်ရုံက ထွက်တဲ့အငွေ့တွေ၊ ကျောက်ကို ကြိတ်လို့ ထွက်လာတဲ့ အမှုန်တွေက စက်ရုံရှိနေတဲ့ အောက်ကနေ အပေါ်ကို လှန်ထွက်လာတယ်။ သူ့ရဲ့အနံ့က နှာခေါင်းကနေပြီး ရှူပြီးရင် ပါးစပ်ထဲငုံထားလိုက်ပြီးမှ လေပြန်ထုတ်လိုက်ရင် ပါးစပ်ထဲမှ ချွဲပြီးကျန်ခဲ့တယ်။ မီးခိုးရဲ့အနံ့က ၂၄ နာ ရီမှာ လေသင့်တိုင်း အနံ့ခံနေရတယ်။ အနံ့မနံတဲ့နေရလို့တော့ မရှိပါဘူး။ လေသင့်သလို့  အလှည့်ကျရှူနေရပါတယ်။ အဲဒီအနံ့နဲ့ လွတ်ကင်းတဲ့ နေရာစက်မှုဇုန်မှာ မရှိပါဘူး” ဟု မော်လမြိုင်စက်မှုဇုန် ရွှေမြို့တော် ၁၆ လမ်းရှိ ကောင်းမြတ်သံရည်ကျို စက်ရုံမှ ကိုသန့်စင်က ဆိုသည်။

“ခနောက်စိမ်းကိစ္စနဲ့ ပတ်သက်ပြီးတော့ သူတို့လုပ်တဲ့အချိန်က ဘယ်အချိန်မှန်း မသိတော့ဘူး။ ဒါပေမဲ့ အနံ့က နံတာတော့ နံနေတာပဲ။ ၂၄ နာရီမှာ ၁၀ နာရီလောက် နံပါတယ်။ နံတယ်ဆိုတာက မီးခိုးထွက်တဲ့ အချိန်ဆိုရင် နံပါတယ်။ တစ်ခါတလေလည်း မီးခိုးမထွက်တဲ့ အချိန်လည်း နံနေတာပဲ” ဟု မော်လမြိုင်စက်မှုဇုန် ရွှေမြို့တော် ၆ လမ်းနေ ကိုဝင်းကိုက ပြောကြားသည်။

“ကျွန်မတို့စက်ရုံမှာ ၂၀၁၂ ခု နှစ် သဘာဝပတ်ဝန်းကျင် ထိန်းသိမ်းရေးဥပဒေပါ စံနှုန်းတွေနဲ့အညီ ဆောင်ရွက်ထားပါတယ်။ နောက်ပြီး သဘာဝပတ်ဝန်းကျင် ထိန်းသိမ်းရေး ဦးစီးဌာနကလည်း စက်ရုံကိုလာရောက်ပြီးတော့ လေထု၊ မြေထုအခြေအနေကို တိုင်းတာထားတာတွေလည်း ရှိပါတယ်။ အဲဒီအပြင်ကို ရှောင်တခင် လာရောက်စစ်ဆေး တာတွေလည်း ရှိပါတယ်။ လက်ရှိအချိန်အထိ ကျွန်မတို့စက်ရုံက ဥပဒေပါ စံနှုန်းတွေနဲ့အညီ ရှိနေပါတယ်။ အခုပတ်ဝန်းကျင်မှာ အနံ့တွေနံနေတယ်လို့ ပြောနေကြတာတွေ ရှိပါတယ်။ အဲဒီကိစ္စကို ကျွန်မတို့ကိုယ်တိုင် စဉ်းစားလို့မရဘူး ဖြစ်နေတယ်။ အနံ့နံတယ်ဆိုတဲ့ ကိစ္စကို ကျွန်မတို့ အနေနဲ့ ဘယ်လိုဖြေရှင်းပေးရမလဲ ဆိုတဲ့ကိစ္စနဲ့ ပတ်သက်ပြီး စက်ရုံအရှေ့မှာ ဆိုင်းဘုတ်ထောင်ထားပါတယ်။ စက်ရုံက အနံ့ထွက်နေတယ်လို့ ယူဆလို့ရှိရင် ဆိုင်းဘုတ်မှာပါတဲ့ ဖုန်းနံပါတ်တွေကို ဆက်သွယ်ပြီးတော့ လာကြည့်ပါ။ အနံ့နံတယ်ဆိုတာနဲ့ လာကြည့်လို့ရပါတယ်။ မေးမြန်းပါ။ ကျွန်မတို့အနေနဲ့ရှင်းပြဖို့ အဆင်သင့် ပြင်ထားပါတယ်။ ဘယ်သူ့ကို မဆိုပါ” ဟု မော်လမြိုင်စက်မှုဇုန်ရှိ Myanmar Shing Shing Metal ကုမ္ပဏီလီမိတက်မှ မန်နေဂျင်းဒါရိုက်တာ ဒေါ်ရတနာလင်းအောင်က ဆိုသည်။ ၎င်းက ဆက်လက်ပြီး “စက်ရုံကို သက်ဆိုင်ရာက လာစစ်တဲ့အခါမှာ စက်ရုံကို ပိတ်လိုက်လို့ အနံ့မထွက်တော့ဘူးလို့ အပြင်မှာ ပြောဆိုနေတာတွေ ကြားရပါတယ်။ ကျွန်မတို့ စက်ရုံမှာ ခြောက်ပေပတ်လည် လောက်ရှိတဲ့ မီးဖိုတွေကြီးတွေ ရှိပါတယ်။ အဲဒီမီးဖိုတွေ မီးသတ်ဖို့က လေးနာရီ၊ ငါးနာရီလောက် အချိန်ယူရပါတယ်။ အနံ့နဲ့ ပတ်သက်လို့ သက်ဆိုင်ရာ တာဝန်ရှိသူတွေ ည ၁၀ နာရီ၊ ၁၁ နာရီလောက် ရှောင်တခင် လာပြီးတော့ အနံ့တွေရှိ၊ မရှိ စစ်တဲ့အချိန်ဆိုရင်လည်း ကျွန်မတို့မှာ ဘာကြိုတင် ပြင်ဆင်ချိန်မှ မရှိဘူး။ ပြင်ဆင်ဖို့လည်း မလိုအပ်ဘူး။ ကျွန်မတို့အနေနဲ့ ဒီအတိုင်းကို တောက်လျှောက် လုပ်နေတာ ဖြစ်ပါတယ်။ အခု ကျွန်မတို့စက်ရုံမှာဆိုရင် ပြည်နယ်အစိုးရရဲ့ လမ်းညွန်မှုနဲ့ မီးခိုးခေါင်းတိုင်မှာ လေနဲ့အမှုန်အမွှားတွေ သန့်စင်ပေးတဲ့ စက်တစ်လုံး ဆင်နေပါတယ်။ လာမယ့် သြဂုတ်လလောက်မှာ တပ်ဆင်ပြီး လောက်ပါမယ်။ အဲဒီအချိန်ကျရင် သက်ဆိုင်ရာ တာဝန်ရှိသူတွေရော၊ ဒေသခံ ပြည်သူတွေရော၊ မီဒီယာတွေရော ဖိတ်ပြီးတော့ ရှင်းလင်းပွဲလေး လုပ်ပေးသွားပါမယ်” ဟု ပြောကြားသည်။

လက်ရှိတွင် မော်လမြိုင်စက်မှုဇုန်၌ ခနောက်စိမ်းသတ္တုသန့်စင်စက်ရုံ ခြောက်ရုံရှိပြီး ၂၀၁၇ နှစ် ဒီဇင်ဘာလမှစ၍ မြန်မာရှင်းရှင်း ခနောက်စိမ်းစက်ရုံ၊ မြန်မာဆန်းဇော် ခနောက်စိမ်းစက်ရုံနှင့် အရှေ့မြောက် ဆင်ဖြူတော် ခနောက်စိမ်း စက်ရုံအား ပြည်နယ်အစိုးရက လည်ပတ် ခွင့်ပြုထားကြောင်း မွန်ပြည်နယ် ပတ်ဝန်းကျင် ထိန်းသ်ိမ်းရေး ဦးစီးဌာနမှ သိရသည်။

 

မော်လမြိုင် ကျိုက်သလ္လံစေတီတော်၏ ကုန်းတော်အရှေ့၊ အနောက် မြေလျှောကျမှု အကြီးစား ပြင်ဆင်မှု အပါအ၀င် ဘက်စုံပြင်ဆင်မှုအတွက် ကျပ်သိန်း ၆၀၀၀ ခန့်လိုအပ်မည်ဟုဆို

ကျိုက်သလ္လံစေတီတော် အရှေ့ ဘက်စောင်းတန်းအနီး ပျက်ဆီးနေမှုများအား တွေ့ ရစဉ်

မွန်ပြည်နယ် သမိုင်းဝင် မော်လမြိုင် နာဂ၀ီသ တောင်တန်းတွင် တည်ရှိသော ကျိုက်သလ္လံ စေတီတော်၏ ကုန်းတော်သည် ဇွန် ၁၆၊ ၁၇ ရက် အချိန်တိုအတွင်း မိုးရေချိန် လက်မ ၁၃ ဒသမ ၇ ရွာသွန်းဝင်ရောက်မှုကြောင့် ဘုရားကြီး၏ အရှေ့၊ အနောက်ကုန်းတော်တို့မှ ဖြစ်ပေါ်ခဲ့သည့် မြေလျှောမှုနှင့် အက်ကွဲမှုအချို့တို့ကို နေပြည်တော်မှ ဗိသုကာပညာရှင်များက ပြုပြင်ရန် လာရောက်စစ်ဆေးပြီးနောက် ဘက်စုံပြင်ဆင်မှုတွက် ကျပ်သိန်း ၆၀၀၀ ခန့် လိုအပ်မည်ဖြစ်ကြောင်း ၀န်ကြီး နန်းစံဝင့်ခိုင် (ပအိုဝ်းတိုင်းရင်းသားရေးရာ ၀န်ကြီးဌာန) က ဇွန် ၁၉ ရက်တွင် ပြောကြားသည်။

“အားလုံးပြင်ဆင်ဖို့က သိန်း ၆၀၀၀ ကျော်လောက်ကုန်မယ်။ ကုန်းတော်ကြီး ကမ်းထိန်းနံရံကြီးတွေ ပြန်လုပ်မယ်။ ဘယ်လောက် ပျက်စီးသွားလဲဆိုတော့ အရှေ့ဘက်စောင်းတန်း တိုးချဲ့ရင်ပြင် ပေ (၉၀၊၂၈) ပြိုကျသွားတယ်၊ အလျား-၅၅ လက်မက အက်ကြောင်း ဖြစ်သွားတယ်။ ရှင်သီဝလိ၊ ဘိုးတော်သိကြားမင်း၊ တောင်ပိုင်ဘိုးဘိုးကြီး၊ ဘိုးဘိုးအောင်၊ ဘိုးမင်းခေါင်နတ်နန်းတွေ ပြိုကျပျက်စီးသွားတယ်။ အရှေ့ဘက် စောင်းတန်းအနီးမှာ မြေသားလျှောကျ ပျက်စီးမှုဖြစ်တယ်။ အရှေ့ဘက် စောင်းတန်းနားက သုခိတာရုံ ရန်ကုန်ဘုန်းကြီးကျောင်းက လျှောကျမြေ တွန်းအားကြောင့် အက်ကွဲ၊ တစ်ပါးကျောင်းဆောင်သုံးခု ပျက်စီးတယ်။ အနောက်ဘက် စောင်းတန်းနဲ့ ဓာတ်လှေကားအကြား တိုးချဲ့ရင်ပြင်က ပေ (၆၉၊ ၁၀) အကျယ်က နိမ့်ဆင်းသွားတယ်။ အက်ကြောင်းက အလျား ၁၄ ပေလောက် ဖြစ်သွားတယ်။ အနောက်ဘက်စောင်းတန်းရဲ့ ရင်ပြင်တော်နဲ့ တောင်ရိုးတန်း လမ်းကြားက မြေကြီးတွေ လျှောကျနိမ့်ဆင်းမှုဖြစ်တယ်။ အလယ်ဆင့်မုခ်ဦး (တောင်ရိုးတန်းလမ်းဖြတ်) နိမ့်ယိုင်သွားတယ်။ အနောက်ဘက်မုခ်ဦး တောင်ရိုးတန်း လမ်းပေါ်မှာရှိတဲ့ မြေထိန်းနံရံက ၄၅ ပေပြိုကျသွားတယ်။ အနောက်ဘက် ဓာတ်လှေကားအနီး ထရန်စမော်မာနဲ့ကပ်လျက် မြေထိန်းနံရံ အက်ကွဲသွားတယ်။ အဲဒါတွေကို ပြန်လည်ပြင်ဆင်ဖို့ ပညာရှင်တွေ ဖိတ်ခေါ်ပြီး ဒါတွေအားလုံး ပြန်ပြင်ဆင်မယ်ဆိုရင် ကျပ်သိန်း ၆၀၀၀ ကျော်ကုန်မယ်လို့ ပညာရှင်တွေက ခန့်မှန်းထားပါတယ်” ဟု ၀န်ကြီး နန်းစံဝင့်ခိုင်က ပြောကြားသည်။

ကျိုက်သလ္လံစေတီတော် အရှေ့ ဘက်စောင်းတန်းအနီး ပျက်ဆီးနေမှုများအား တွေ့ ရစဉ် (ဓာတ်ပုံ – ဘိုဘိုမြင့်)

နေပြည်တော်မှ အင်ဂျင်နီယာ ဗိသုကာပညာရှင်အဖွဲ့ ဘုရားကုန်းတော် ပျက်စီးမှုကို ကွင်းဆင်းစစ်ဆေးရာ ကမ်းထိန်းနံရံပြိုကျမှုကို မိုးကုန်ပွင့်လင်းကာလမှ တည်ဆောက်နိုင်မည်ဖြစ်ပြီး အက်ကွဲကြောင်းတစ်လျှောက် ကွန်ကရစ်ဖျော်ရည် ထည့်မှုကို မွန်ပြည်နယ် ဆောက်လုပ်ရေးဝန်ကြီး ဦးမင်းကျော်လွင်၏ ကြပ်မတ်မှုနှင့် ဟတ်မော်ကုမ္ပဏီက ပြုပြင်မှု ဆောင်ရွက်နေကြောင်း၊ စေတီတော်၏ ကုန်းတော်ပျက်စီးမှုကို ပြင်ဆင်ရန် အလှူခံ စတင်လက်ခံနေကြောင်း၊ ဇွန် ၁၉ ရက်တွင် တပ်မတော်ကာကွယ်ရေး ဦးစီးချုပ်နှင့်အဖွဲ့ ငွေကျပ် ၇၈၈၅၀၀၀ နှင့် ဘိလပ်မြေအိတ် ၁၀၀၀၊ ကျိုက်သလ္လံ ဂေါပကအဖွဲ့ဝင်များက ကျပ်သိန်း ၈၀ လှူဒါန်းမှုကို လက်ခံခဲ့ကြောင်း ဦးမင်းဝင်းလှ (ဘဏ္ဍာရေးမှူး-ကျိုက်သလ္လံဂေါပကအဖွဲ့ဝင်) က ပြောကြားသည်။

ကျိုက်သလ္လံ စေတီကြီး၏ အရှေ့ဘက် ပဋ္ဌာန်းတန်ဆောင်းကြီးသည် ဂျပန်ခေတ်ကတစ်ခါ မြေပြိုပျက်ကျမှု ဖြစ်ပေါ်ကာ ထိုစဉ်က မြို့သူမြို့သားများ၏ ထည့်ဝင်လှူဒါန်းမှုနှင့် ပြင်ဆင်ခဲ့ကြောင်း၊ စေတီတော်ကြီးကို သာသနာသက္ကရာဇ်-၂၃၆ ခုနှစ်က တည်ထားခဲ့ပြီး ဥာဏ်တော် ၁၅၀ ပေ၊ အောက်လုံးပတ် ပေ ၃၀၀၊ ဖိနပ်အ၀န်း ပေ-၄၅၀ ရှိကြောင်း သိရသည်။ ကုန်းတော်ပျက်စီး ပြင်ဆင်မှုအတွက် ဂေါပကအဖွဲ့ မွန်ပြည်နယ်အစိုးရ အဖွဲ့သို့ ဆက်သွယ်လှူဒါန်းနိုင်သည်ဟု သိရသည်။

မြေပြိုကျမှုများ ဖြစ်ပွားခဲ့သည့် ဆံတော်ရှင် ကျိုက်သလ္လံ စေတီတော်သို့ တပ်မတော်ကာကွယ်ရေး ဦးစီးချုပ် လာရောက်ကြည့်ရှု

ဓာတ်ပုံ – ဘိုဘိုမြင့်

တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့် အဖွဲ့သည် ဇွန်လ (၁၉) ရက် နံနက် ၁၁ နာရီ ၃၀ မိနစ် အချိန်ခန့်က လွန်ခဲ့သည့် နှစ်ရက်က မိုးသည်းထန်စွာ ရွာသွန်းမှုကြောင့် မြေပြိုမှုများ ဖြစ်ပေါ်ခဲ့သည့် မော်လမြိုင်မြို့ တောင်ရိုးတန်းရှိ ဆံတော်ရှင် ကျိုက်သလ္လံ စေတီတော်သို့ လာရောက် ကြည့်ရှုခဲ့သည်။

ဓာတ်ပုံ – ဘိုဘိုမြင့်

ဗိုလ်ချုပ်မှူးကြီး မင်းအောင်လှိုင်နှင့်အတူ တပ်မတော် အရာရှိကြီးများ၊ မွန်ပြည်နယ်ဝန်ကြီးချုပ် ဒေါက်တာအေးဇံနှင့် ပြည်နယ်အစိုးရအဖွဲ့ ဝင် ဝန်ကြီးများ လိုက်ပါလာခဲ့သည့် ဇွန်လ ၁၇ ရက် နံနက်ပိုင်းက မိုးသည်းထန်စွာ ရွာသွန်းမှုကြောင့် ကျိုက်သလ္လံစေတီတော် အနောက်ဘက် စောင်းတန်းအနီး မြေပြိုမှုနှင့် အရှေ့ဘက် စောင်းတန်းအနီး မြေပြိုကျ ပျက်ဆီးနေမှုများအား လိုက်လံကြည့်ရှုခဲ့ပြီးနောက် ပျက်ဆီးမှုများအား ပြန်လည် ပြုပြင်နိုင်ရန်အတွက် တပ်မတော်မိသားစုများ လှူဒါန်းငွေ ကျပ်သိန်း (၈၀) ကျော်နှင့် ဘိလပ်မြေအိတ် (၁၀၀၀) အား ကျိုက်သလ္လံစေတီတော် ဘဏ္ဍာတော်ထိန်း ဂေါပကအဖွဲ့ထံ လှူဒါန်းခဲ့ကြောင်း ဂေါပကအဖွဲ့ထံမှ သိရသည်။

ထို့နောက် ဗိုလ်ချုပ်မှူးကြီး မင်းအောင်လှိုင်နှင့် အဖွဲ သည် မွန်ပြည်နယ် ရေးမြို့သို့ ဆက်လက်ထွက်ခွာ သွားကြောင်း သိရသည်။

 

မော်လမြိုင်နှင့် သထုံခရိုင်တို့တွင် မိုးသည်းထန်စွာ ရွာသွန်းပြီး ရေကြီးရေလျှံမှုကြောင့် ပျက်စီးဆုံးရှုံးမှု အများအပြားရှိခဲ့ပြီး ရေဘေးသင့်ပြည်သူ ၇၄၀၀ ခန့်ရှိ

မော်လမြိုင်မြို့တွင် ရေဘေးသင့်ပြည်သူများအား တွေ့ဆုံအားပေးနေသည့် လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေး

မော်လမြိုင်နှင့် သထုံခရိုင်တို့တွင် မိုးသည်းထန်စွာ ရွာသွန်းမှုပြီး ရေကြီးမှုကြောင့် ပျက်စီးဆုံးရှုံးမှု ကျပ်သိန်း ၆၀၀၀ ကျော်ရှိပြီး ရေဘေးသင့်ပြည်သူ ၇၄၀၀ ခန့်ရှိကြောင်း မွန်ပြည်နယ် အစိုးရအဖွဲ့ထံမှ သိရသည်။

မွန်ပြည်နယ် မော်လမြိုင်ခရိုင်နှင့် သထုံခရိုင်တို့တွင် ဇွန် ၁၇ ရက် မိုးသည်းထန်စွာ ရွာသွန်းခဲ့ပြီး နှစ်ပေါင်း ၂၀ အတွင်း ရေကြီးခဲ့ခြင်းဖြစ်ပြီး ဘုရား၊ ကျောင်း၊ လူနေအိမ်၊ လမ်း၊ တံတား ပျက်စီးဆုံးရမှု ကျပ်သိန်း ၆၄၄၁ ခန့်ရှိကြောင်း သိရသည်။

မွန်ပြည်နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနက ထုတ်ပြန်ချက်အရ မော်လမြိုင်ခရိုင်တွင် အိမ်ထောင်စု ၂၂၁၀၊ အိမ်ခြေ ၃၅၀၅၊ လူဦးရေ ၇၁၄၇၊ သထုံခရိုင်တွင် လူဦးရေ ၂၇၀ ရှိကြောင်း သိရသည်။

ထို့ပြင် တောင်ရိုးတန်းရှိ ကျိုက်သလံ ဘုရားကြီးကုန်းတော်ပေါ် အရှေ့ဘက်၊ အနောက်ဘက်တို့တွင် မြေပြိုခြင်းကြောင့် အရှေ့ဘက်မုခ်ရှိ ဓာတ်လှေကားကို သုံးစွဲခွင့်မပြုဘဲ ဘုရားပေါ်သို့ တက်ရောက်ဖူးမျှော်ခွင့် ပြုခဲ့သော်လည်း ဇွန် ၁၈ ရက်တွင် ဘုရားပေါ်သို့ တက်ရောက်ခွင့်ပါ ပိတ်ထားကြောင်း မွန်ပြည်နယ်အစိုးရအဖွဲ့ထံမှ သိရသည်။

မော်လမြိုင်မြို့တွင် ဇွန် ၁၇ ရက်က မိုးရေချိန် ၁၃ ဒသမ ၇ လက်မရှိရာ အချိန်တိုအတွင်း ပြင်းအားများ မိုးရွာသွန်းမှုကြောင့် မြေပြိုမှုများကိုလည်း သတိထားရမည် ဖြစ်ကြောင်း မွန်ပြည်နယ် မိုးဇလမှ လက်ထောက်ညွှန်ကြားရေးမှူး ဦးသိန်းမြင့်ဌေးက ပြောကြားသည်။

ဇွန်လ ဒုတိယ ၁၀ ရက် နေပြည်တော်မှ မိုးလေ၀သခန့်မှန်းချက် ထုတ်ပြန်ချက်အရ ဘင်္ဂလားပင်လယ်အော်တွင် လေဖိအားနည်းရပ်ဝန်း တစ်ကြိမ် ဖြစ်ပေါ်နိုင်ပြီး ပိုမိုအားကောင်းသော မုန်တိုင်းငယ်အဖြစ် ရောက်ရှိနိုင်ကြောင်း သိရသည်။

“ဇွန် ၁၇ ညက မိုးတစ်ချက်သည်းပြီး နည်းသွားပါတယ်။ ဇွန် ၁၈ ရက် မနက်မှာ လုံးဝလင်းသွားပါတယ်။ မနေ့က အိမ်ပေါ် ရေခြောက်လက်မ ကျော်ရောက်နေတာ။ ဒီမနက်က အိမ်ပေါ် ရေမကျန်တော့ပေမယ့် အိမ်နားဝန်းကျင်မှာတော့ ရေနည်းနည်း ကျန်နေသေးတယ်။ မိုးဆက်မရွာရင်တော့ ရေတွေ ကျသွားမှာပါ”ဟု သမာဓိလမ်းမ သီရိမင်္ဂလာရပ်ကွက်နေ ဦးတင်ဦးက ပြောကြားသည်။

မော်လမြိုင် ဈေးကြိုရပ် ဓမ္မရိက္ခိတဘုန်းကြီးကျောင်းတွင် တောင်ဝိုင်းရပ် ဥယျာဉ်လမ်းမှ ရေဘေးရှောင်သူ ၂၈၅ ဦးရှိပြီး ဇွန် ၁၈ ရက် ညနေထိ အများပြည်သူ လှူဒါန်းမှုဖြင့် ထမင်းထုပ်၊ ခေါက်ဆွဲခြောက်၊ ရေသန့်ဘူး၊ စောင်၊ မျက်နှာသုတ်ပုဝါ၊ ခေါင်းအုံး၊ ဆန်များ ထောက်ပံ့လျက်ရှိပြီး ယခုအချိန်ထိ ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ ထောက်ပံ့မှု မရရှိသေးကြောင်း၊ ယနေ့ ညနေတွင် မိုးရွာမှုနည်းပြီး အန္တရာယ်ကင်း၍ နေအိမ်ပြန်လိုသူ တစ်ဝက်ကျော်ရှိကြောင်း ယင်းစခန်းတာဝန်ခံက ပြောကြားသည်။

မွန်ပြည်နယ်တွင် ကယ်ဆယ်ရေးစခန်း စုစုပေါင်း ၃၈ ခု ဖွင့်လှစ်ထားရာ မော်လမြိုင် မြို့ပေါ်တွင်ပင် စခန်း ၂၄ ခုရှိသည်။

ရေဘေးကြောင့် ကွယ်လွန်သူ တစ်ဦးလျှင် ကျပ်သုံးသိန်း၊ ရေဘေးရှောင် တစ်ဦးလျှင် ကျပ် ၂၁၀၀ နှုန်းဖြင့် စုစုပေါင်း ကျပ် ၁၅,၅၅၄,၄၀၀ ကို ထုတ်ပေးပြီး ဖြစ်ကြောင်း မွန်ပြည်နယ် ဘေးအန္တရာယ်ဆိုင်ရာ စီမံခန့်ခွဲမှုဦးစီးဌာနမှ သိရသည်။

ပထမဆုံး မော်လမြိုင်လမ်းလျှောက် သင်္ကြန်ကို ကမ်းနားလမ်းတွင် သုံးရက်ကျင်းပမည်

မွန်ပြည်နယ်တွင် ပထမဆုံးမော်လမြိုင် လမ်းလျှောက်သင်္ကြန်ကို ယခုနှစ် မဟာသင်္ကြန်ကာလတွင် သုံးရက်(အကျ၊ အကြတ်၊ အတက်) မွန်းလွဲ ၁ နာရီမှ ညနေ ၄ နာရီထိ ကမ်းနားလမ်း မင်္ဂလာအဆင့်မြင့်ဘုရင့်ရုံ လမ်းထောင့်မှ ထားဝယ်တံတားထိ ကျင်းပမည်ဖြစ်ပြီး ယင်းလမ်းအတွင်း ဗဟိုမဏ္ဍပ်၏ သီဆို၊ ကပြဖျော်ဖြေမှု၊ စတုဒိသာကျွေးမွေးခြင်း၊ ရေပက်ကစားခြင်းများ ပြုလုပ်မည်ဖြစ်ကြောင်း မွန်ပြည်နယ်ဝန်ကြီးချုပ် တက်ရောက်သည့် သင်္ကြန်အစည်းအဝေးကို ဧပြီ ၁၁ ရက်က ဆုံးဖြတ်ကြောင်း သိရသည်။

မော်လမြိုင်ကမ်းနားလမ်း၏ မြောက်ဘက် အတ္ထရံဟိုတယ်လမ်းမှ မြို့တောင်ဘက် ကျောက်မီးသွေးရုံလမ်းနှင့် သိပံ္ပကျောင်းလမ်းကို ဗဟိုပြုကာ တစ်လမ်းမောင်းပြုလုပ်ထားပြီး လမ်းများ၏အစတွင် လမ်းကြောင်းအမှတ်အသား၊ သတိပေးချက်၊ ယာဉ်တားတို့ကို ချထားမည်ဖြစ်ရာ ယာဉ်ကြောမပိတ်ဆို့ရန်နှင့် အန္တရာယ်ကင်းရန်၊ အချက်ပြအမှတ်အသားများအတိုင်း လိုက်နာကြရန် လိုအပ်ကြောင်း ၀န်ကြီးဗိုလ်မှူးကြီး ၀န်းနိုင်ဦးက ဆိုသည်။

ဝန်ကြီးချုပ်ဒေါက်တာအေးဇံက မွန်ပြည်နယ်၏ ဓလေ့အရ သင်္ကြန်ကာလ ငါး၊ ခြောက်ရက်ကြာရာ သင်္ကြန်ကာလတွင် အသောက်အစား အပျော်ကျူးမှုများကို စည်းကမ်းတကျ ဖြစ်စေရန် လုပ်ဆောင်နေကြသော လုံခြုံရေး၊ အုပ်ချုပ်ရေး တာဝန်ရှိသူများသည် အလျှော့ပေးမှုမရှိဘဲ ရဲရဲဝင့်ဝင့်၊ မြန်မြန်ထက်ထက် တာဝန်များကို ဥပဒေအရ ဆောင်ရွက်ကြရန်၊ ယင်းတို့၏နောက်တွင် မားမားမတ်မတ် ရပ်တည်ကာလုံးဝတာဝန်ယူကြောင်း၊ အထူးသဖြင့် မော်လမြိုင်၊ ရိုးဂိုးသင်္ကြန်တို့ကို အထူးကြပ်မတ်ဆောင်ရွက်ရန်၊ ကမ်းနားလမ်းကို ဆိုင်ကယ်ဝင်ခွင့်ကန့်သတ်ထားမှ လမ်းလျှောက်သင်္ကြန်အောင်မြင်မည်ဖြစ်ကြောင်း၊ လူလာများသည့် ကျိုက်ထီးရိုးဘုရားဒေသနှင့် ကေလာသတောင်ကို ဂရုစိုက်ရန်လိုကြောင်း၊ အလားတူရေးမြို့နယ် ကဗျာဝ၊ သံဖြူဇရပ် စက်စဲ၊ ကျိုက္ခမီတို့ကိုလည်း အလေးထားရမည်ဖြစ်ကြောင်း ပြောကြားသည်။

မော်လမြိုင် ဒိုင်းဝန်းကွင်းဈေး ဖျက်သိမ်းရေး လုပ်ငန်းများ လုပ်ဆောင်နေပြီး အစိုးရဘတ်ဂျက် ကျပ်သိန်း ၁၈၀၀၀ ဖြင့် ဈေးအသစ် တည်ဆောက်မည်

ဒိုင်းဝန်းကွင်းဈေးဟောင်းကို ဖျက်သိမ်းနေစဉ်

မွန်ပြည်နယ် မော်လမြိုင် အဓိကဈေးဖြစ်ခဲ့သော ဒိုင်းဝန်းကွင်းဈေးသည် သက်တမ်း ၁၀၀ ကျော် အန္တရာယ်ရှိ အဆောက်အုံကို ဖေဖော်ဝါရီ ၉ ရက်မှစ၍ ဖျက်သိမ်းရေး လုပ်ငန်းများ လုပ်ဆောင်နေပြီး အစိုးရဘတ်ဂျက် ကျပ် သိန်း ၁၈၀၀၀ ဖြင့် အာစီသုံးထပ် တည်ဆောက်ရန် ယခုလအတွင်း ပန္နက်ချရန်ရှိကြောင်း၊ မော်လမြိုင်မြို့နယ် စည်ပင်သာယာရေးအဖွဲ့ အမှုဆောင်အရာရှိ ဦးမြင့်သိန်းက ပြောကြားသည်။

“ဘတ်ဂျက်ခွင့်ပြုငွေ ကျပ်သိန်း ၁၈၀၀၀ နဲ့ အာစီသုံးထပ် ဆောက်မယ်ဆိုတော့ အချိန် လေး၊ ငါးလလောက် ယူရပါမယ်။ ပန္နက်ချဖို့က ဒီလအတွင်းဖြစ်မှာပါ” ဟု ဦးမြင့်သိန်း (မော် လမြိုင်မြို့နယ် စည်ပင်သာယာရေးအဖွဲ့ အမှုဆောင်အရာရှိ) က ပြောကြားသည်။

အဆိုပါဈေး ဖျက်သိမ်းမှုကို တာဝန်ယူသူတစ်ဦးက မိမိတို့ဖျက်သိမ်းရေးကို ဖေဖော်ဝါရီ ၉ ရက်မှ ၁၂ ရက်ထိ တာဝန်ထားပြီး၊ ပြီးသလောက် အခြေနေတွင်ရှိကြောင်း၊ ဈေးဧရိယာနှင့် အိမ်ချင်းဆက်သည့် နေအိမ်အချို့နှင့် ညှိနှိုင်းလုပ်ဆောင်နေပြီး ယခုရပ်ကွက်အုပ်ချုပ်ရေးရုံးကို ဖျက်သိမ်းနေကြောင်း ပြောကြားသည်။

ရထားချဉ်းကပ်လမ်း အောက်ဘက်တွင် နေရာချထားပေးသော ယာယီဈေးခန်းများ

လွန်ခဲ့သည့် အစိုးရလက်ထက်က မူသုံးချက်ဖြစ်သည့် ဈေးဟောင်းဖျက်သိမ်းရန်၊ တစ်ထပ်ထက်ပိုဆောက်ရန်၊ မူလဆိုင်ရှင် မူလနေရာ ပြန်ချရန်၊ တည်ဆောက်စရိတ် ပေးသွင်းရန်မလို၊ သဘောတူထားကြောင်း၊ ယခင်တစ်လက မော်လမြိုင်စည်ပင်နှင့် ထပ်မံတွေ့ဆုံရာ ဈေးကို ယခင်အတိုင်း ခြံဝင်းမခတ်ရန် အပြင်ခန်းများ ကိုယ့်သော့ ကိုယ်ကိုင်ရန် သဘောတူခဲ့ကြောင်း အတွင်းခန်းအေ-၄၄ အခန်း (ရှစ် ပေ၊ ၁၀ ပတ်လည်) ၁၉၀ ကျော်နှင့် ပျံကဈေးဆိုင် ၂၀၀ ခန့်ရှိကြောင်း ဒိုင်းဝန်းကွင်းဈေး အကျိုးဆောင်က ပြောကြားသည်။

ယင်းဈေး ဖျက်သိမ်းကာလတွင် ယာယီဈေးခန်းများကို ကလျာဏီ သိမ်မူလတန်းကျောင်းရှေ့ မော်လမြိုင် ရထားချဉ်းကပ်လမ်း အောက်ဘက်တွင် မဲနှိုက်နေရာချထားပြီး ဇန်န၀ါရီ ၁၇ရက်မှ စတင်ပြောင်းရွှေ့ရာ တစ်လနီးပြီ ဖြစ်သော်လည်း ဈေးကောက်ပုံမှန် ကောက်နေပြီး၊ ဈေးသူဈေးသားများအတွက် အပေါ့အလေးသွားရန် အိမ်သာမတည်ဆောက်မှုကြောင့် ပူပြင်းသောရာသီတွင် ကျန်းမာရေး ထိခိုက်ခြင်း၊ ညဘက်အစောင့်မရှိ၍ ပစ္စည်းထားသိုရန် စိတ်မချရ၍ သယ်ပို့သိမ်းမှုကြောင့် စရိတ်ကုန်ခြင်းအပြင် ပုံမှန်ရောင်းအားထက် ယာယီဈေး ရောင်းအားသည် (သုံးချိုးနှစ်ချိုး) ကျဆင်းနေသဖြင့် မှီခိုမိသားစုများ၏ စားဝတ်နေရေး အခက်ခဲ ဖြစ်ပေါ်နေရာ တာဝန်ရှိသူများအနေနှင့် ဈေးသစ်ကို အမြန်ဆုံး တည်ဆောက်ပေးစေ လိုကြောင်း ယာယီဈေးတွင် ဈေးရောင်းချသူများက ပြောကြားသည်။

 

မော်လမြိုင်မြို့တွင် ရှေးဟောင်း ဗုဒ္ဓရုပ်ပွားတော်များ ခိုးယူပြီး အရောင်းအ၀ယ် ပြုလုပ်သူ ကွင်းဆက် တရားခံများအား ဖမ်းဆီးရမိ

မော်လမြိုင်မြို့တွင် ရှေးဟောင်း ဗုဒ္ဓရုပ်ပွားတော်များ ခိုးယူ၊ အရောင်းအ၀ယ် ပြုလုပ်သူ ကွင်းဆက် တရားခံများအား ဖေဖော်ဝါရီ ၅ ရက်က ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ ၂၀၁၇ ခုနှစ် ဇွန် ၁၁ ရက်က မော်လမြိုင်မြို့ ညောင်ပင်ဆိပ်ရပ်ကွက် ထပ်ကေးရပ်ရှိ ရပ်မိရပ်ဖဖြစ်သူ ဦးစောလွင်  ၅၆ နှစ် (ဘ) ဦးချစ်မြက ညောင်ပင်ဆိပ်ရပ်ကွက် ရှိ ထပ်ကေးဘုန်းကြီးကျောင်းတိုက် ရန်မျိုး အောင်ဝတ်တော်ကြီး အတွင်းရှိ ဉာဏ်တော် ငါးပေ၊ ဗြက်သုံးပေခန့်ရှိ ဗုဒ္ဓခြေတော်ရာ တစ်ဆူအား အောက်ခြေပုလ္လင်ခုံမှ ဖြတ်ထုတ်ထားခြင်း၊ ဉာဏ်တော် ငါးပေ၊ ဗြက် သုံးပေခန့်ရှိ မတ်ရပ်ဗုဒ္ဓရုပ်ပွားတော် နှစ်ဆူအား ကျိုက်မရောမြို့နယ် ဘာဘူကုန်းကျေးရွာ မော်လမြိုင် -ဘားအံ ကားလမ်းဘေးနေ ဟာမက် ၆၀ နှစ် (ဘ) ဦးခါလစ်ထံ တစ်ဆူလျှင် ငွေကျပ် တစ်သိန်းဖြင့် ရောင်းချခဲ့ခြင်းတို့နှင့် ပတ်သက်၍ ညောင်ပင်ဆိပ် နယ်မြေရဲစခန်းသို့ တိုင်ကြားခဲ့ရာ ညောင်ပင်ဆိပ် နယ်မြေရဲစခန်းမှ ယုံကြည်အပ်နှံထားသော သာသနိက ပစ္စည်းများအား အလွဲသုံးစားပြုလုပ်ခဲ့သူ တိုက်ကျောင်းဆရာတော် ဥူးတေဇနိယ (လူအမည် ဦးဘိုလေး) သက်တော် ၆၅ နှစ်၊ ၀ါတော် ၄၅ ၀ါ၊ ခမည်းတော်အမည် ဦးဘရှင်အား (ပ) ၁၆/၂၀၁၇၊ ရာဇသတ်ကြီး ဥပဒေပုဒ်မ-၄၀၆/၂၉၅/၂၉၅ (က) အရ အမှုဖွင့် အရေးယူထားကြောင်း၊ ၎င်းအမှုမှ မသင်္ကာသူ မော်လမြိုင်မြို့နယ် ကတိုးကျေးရွာ နယ်မြေ (၈) နေ၊ လေးနိုင် (ခ) ဟာမက် (ခ) နှုတ်ခမ်းမွှေး ၆၉ နှစ် (ဘ) ဦးခါလစ်အား ဖေဖော်ဝါရီ ၅ ရက် မွန်းလွဲ ၃ နာရီ ၄၅ မိနစ်တွင် မွန်ပြည်နယ်ရဲအကူ တပ်ဖွဲ့ခွဲ၊ မှုခင်းအကူဌာနစုမှ ရဲအုပ်ကျော်ဆန်းနှင့် တပ်ဖွဲ့ဝင်များက မော်လမြိုင်မြို့ မြိုင်သာယာဈေးရှေ့ ၌ ဖမ်းဆီးရမိခဲ့ကြောင်း၊ ထို့နောက် လေးနိုင် (ခ) ဟာမက် (ခ) နှုတ်ခမ်းမွှေးအား မြိုင်သာယာ နယ်မြေရဲစခန်းသို့ ခေါ်ဆောင်စစ်ဆေးခဲ့ရာ ညောင်ပင်ဆိပ်ရပ်ကွက်၊ ထပ်ကေးရပ်၊ ဘုန်းကြီးကျောင်းတိုက်ရှိ ရန်မျိုးအောင် ၀တ်တော်ကြီး အတွင်းမှ ပျောက်ဆုံးလျက်ရှိသည့် ဉာဏ်တော် ငါးပေ၊ ဗျက် သုံးပေခန့်ရှိ မတ်ရပ်ဗုဒ္ဓရုပ်ပွားတော် နှစ်ဆူအား ကျောင်းထိုင်ဆရာတော် ဥူးတေဇနိယထံမှ ဝယ်ယူခဲ့သည်မှာ မှန်ကန်ကြောင်းဖြင့် စစ်ဆေးပေါ်ပေါက်ခဲ့၍ မော်လမြိုင်မြို့ စက်မှုဇုန်နယ်မြေရဲစခန်း၌ အဆိုပါရဲစခန်း၏ (ပ) ၁၆/၂၀၁၇၊ ရာဇသတ်ကြီး ဥပဒေပုဒ်မ- ၄၀၆/၂၉၅/၂၉၅ (က) အမှုမှ နောက်ဆက်တွဲ တရားခံအဖြစ် ချုပ်နှောင်ထားရှိကြောင်း ရဲမှတ်တမ်းများအရ သိရသည်။

ထို့နောက် လေးနိုင် (ခ) ဟာမက် (ခ) နှုတ်ခမ်းမွှေး၏ ထွက်ဆိုချက်အရ ည ၁၀  နာ ရီတွင် ရဲအုပ်ကျော်ဆန်းနှင့် တပ်ဖွဲ့ဝင်များသည် သက်သေများနှင့်အတူ မော်လမြိုင်မြို့ မြေနီကုန်းရပ်ကွက် မြို့ရှောင်လမ်း တည်းခိုခန်းတစ်ခုရှိ အခန်းအမှတ် (၁၀၈) တွင် တည်းခိုနေထိုင်လျက်ရှိသော ကရင်ပြည်နယ် မြ၀တီမြို့ အမှတ် (၁) ရပ်ကွက် ခွန်ဆာဝင်း၊ အမှတ် B-2 နေအောင်ကျော်ထွန်း (ခ) အောင်ထွန်း (ခ) မူတူး ၄၅ နှစ် (ဘ) ဦးမောင်အောင်အား သွားရောက်ရှာဖွေ ဖမ်းဆီးခဲ့ရာ အောင်ကျော်ထွန်း (ခ) အောင်ထွန်း (ခ) မူတူး တည်းခိုသည့် အခန်းအတွင်း၌ မြင်းဖြူရုပ်တုပုလ္လင်ပါ ဉာဏ်တော် တစ်ပေခန့်ရှိ အင်္ဂတေဖြင့် ပြုလုပ်ထားသော ရွှေရောင်ထိုင်တော်မူ ဆင်းတုတော် တစ်ဆူ၊ ဉာဏ်တော် ခြောက်လက်မခွဲခန့်ရှိ သစ်သားဖြင့် ပြုလုပ်ထားသော ထိုင်တော်မူ ရွှေရောင်ဆင်းတုတော် တစ်ဆူ၊ ဉာဏ်တော် ခြောက်လက်မခန့်ရှိ သစ်သားဖြင့် ပြုလုပ်ထားသော ထိုင်တော်မူ ရွှေရောင်ဆင်းတုတော် တစ်ဆူ၊ ဉာဏ်တော် ငါးလက်မခန့်ရှိ သစ်သားဖြင့် ပြုလုပ်ထားသော ထိုင်တော်မူ ရွှေရောင်ဆင်းတုတော် တစ်ဆူ၊ ဉာဏ်တော် သုံးလက်မခန့်ရှိ ကျောက်စိမ်းဖြင့် ထုလုပ်ထားသော ထိုင်တော်မူ ဆင်းတုတော်တစ်ဆူ၊ ဉာဏ်တော် တစ်လက်မခွဲခန့်ရှိ သစ်သားဖြင့် ပြုလုပ်ထားသော ထိုင်တော်မူ သင်္ကန်းနက်ရောင် ဆင်းတုတော် တစ်ဆူ၊ ဉာဏ်တော် လေးလက်မခန့်ရှိ ရွှေရောင်အုတ်ခွက်ဘုရား ဆင်းတုတော် တစ်ဆူ၊ ဉာဏ်တော် လေးလက်မခန့်ရှိ ရှင်ဥပဂုတ္တမထေရ် ရွှေရောင်ရုပ်တုတော်တစ်ခု၊ ရပ်တော်မူပုံ ငါးလက်မခန့်ရှိ ရှင်သီဝလိရွှေရောင်ရုပ် တုတော်တစ်ခု၊ ခြသေ့င်္ရုပ်ပုံရွှေရောင် အောက်ခံပုလ္လင် နှစ်ခုတို့အား ရှာဖွေသိမ်းဆည်း ရမိခဲ့ကြောင်း ရဲမှတ်တမ်းများအရ သိရသည်။

 

ရှေးဟောင်းအမွေအနှစ် စာရင်းဝင် မော်လမြိုင် ယုဒသန်ဘုရားကျောင်းကို နှစ်ဆင့်အထိ ပြုပြင်လုပ်ဆောင်နိုင်ပြီး ကျန်တတိယအဆင့်အတွက် ပြုပြင်ထိန်းသိမ်းစရိတ် လိုအပ်ဟု သိရ

ဘုရားကျောင်းအမိုး ဖုန်စုပ်လုပ်ငန်း ဆောင်ရွက်စဉ်

ရှေးဟောင်းအမွေအနှစ်စာရင်းဝင် မော်လမြိုင် ပထမနှစ်ခြင်းအသင်းတော် ယုဒသန်ဘုရားကျောင်းကို အမေရိကန်သံအမတ် ရန်ပုံငွေ ဒေါ်လာ ၂၂၅၀၀၀ နှင့် ပထမအဆင့် ဘုရားကျောင်း၏ အနောက်ဆောင်အတွင်းပြင်၊ ဒုတိယအဆင့် ကင်ဆာအန္တရာယ်ရှိ ကျောက်ဂွန်းအမိုးကျောက်ပြား လဲလှယ် တပ်ဆင်ခြင်းတို့ကို ဖေဖော်ဝါရီလအတွင်းအပြီး ဆောင်ရွက်၍ တတိယအဆင့် ဘုရားကျောင်း ဘေးပတ်လည် ပြုပြင်ထိန်းသိမ်းမှုအတွက် လိုအပ်ငွေကို တွက်ချက်၍ ထပ်မံတင်ပြသွားမည်ဖြစ်ကြောင်း သိရသည်။

ရှေးဟောင်းထိန်းသိမ်းမှုပညာရှင် Jefferey Allen (Program Director) က ဇန်န၀ါရီ ၃၁ရက် ညနေပိုင်း မော်လမြိုင်ဘုရားကျောင်းရှိရာတွင် ပြုလုပ်သော အဆောက်အအုံ ပြုပြင်ထိန်းသိမ်းခြင်း၊ လုပ်ငန်းစွမ်းရည် မြှင့်တင်ခြင်းတို့ကို မီဒီယာတွေ့ဆုံပွဲတွင် ထည့်သွင်း ပြောကြားခဲ့ခြင်း ဖြစ်သည်။

ယင်းရှင်းလင်းပွဲတွင် ဘုရားကျောင်းဆရာကြီး ဦးကြည်ရှိန်က အမေရိကန်သံရုံးမှ သံအမတ်ကြီး၊ ပညာရှင်များ၏ ကွင်းဆင်းလေ့လာ ဆန်းစစ်မှုကြောင့် သက်တမ်း နှစ် ၁၉၀ ရှိ သာသနာပြုဆရာကြီး ယုဒသန်တည်ထောင်ခဲ့သော ကျောင်းတော်သည် ရှေးဟောင်းသမိုင်းဝင်အဖြစ် သတ်မှတ်ခံရပြီး သံအမတ်ကြီးများ ရန်ပုံငွေဒေါ်လာ ၁၂၅၀၀၀၊ ဒုတိယခွင့်ပြုငွေ ဒေါ်လာ တစ်သိန်းနှင့် ပညာရှင်၏ပြင်ဆင်မှုနှင့် ငွေကြေးတို့ကို စွက်ဖက်သုံးစွဲခြင်း မရှိဘဲ လိုအပ်သော ပံ့ပိုးကူညီမှုကိုသာ ဆောင်ရွက်ခဲ့ကြောင်း ပြောကြားသည်။ ပြင်ဆင်မှု တာဝန်ခံ Jefferey Allen (Program Director) က ပထမပြင်ဆင်မှု၊ ဒုတိယပြင်ဆင်မှုတို့ကို ပြောကြားပြီး အမိုးကျောက်ပြားတွင် ကင်ဆာဖြစ်စေသည့် ကျောက်ဂွမ်းပါဝင်မှုနှင့် သြစတြေးလျပညာရှင်၏ အစီအစဉ်ဖြင့် မော်လမြိုင်ဟတ်မော် မိသားစုဆောက်လုပ်ရေး ကုမ္ပဏီဝန်ထမ်းဖြင့် အန္တရာယ်ကင်းဝတ်စုံသုံး၍ လုပ်ကိုင်မှု၊ အမိုးကျောက်ပြားထိန်းသိမ်း စွန့်ပစ်မှုတို့ကို ရှင်းပြ၍ ဒေါ်ဝတ်ရည်ခိုင် (တာဝန်ခံဟတ်မော်မိသားစုဆောက်လုပ်ရေးကုမ္ပဏီ)က ကျပ်သိန်း ၁၂၁၉ ဖြင့် အမိုးပိုင်းကို တာဝန်ယူ လုပ်ကိုင်ခဲ့ကြောင်း၊ ၀န်ထမ်းများကို ဆေးစစ်ထားမှု အပါအ၀င် သန့်ရှင်းမှုနည်းစဉ်အတိုင်း လုပ်ဆောင်မှုကို ပြောကြားသည်။

ပြည်ပပညာရှင်များ၏ အကြံဥာဏ်၊ နည်းပညာ၊ လုပ်ငန်းစဉ်တို့ဖြင့် ကင်ဆာအန္တရာယ်ရှိ အမိုးကျောက်ပြား (ကျောက်ဂွန်း)တို့ကို ဖယ်ရှားခြင်း၊ ထုပ်ပိုးခြင်း၊ မြေမြှုပ်ခြင်း၊ အမှုန့်များကင်းစင်ရန် အားကောင်းသော ဖုန်စုပ်စက်ဖြင့် သန့်ရှင်းခြင်းတို့ကို လုပ်ဆောင်ခြင်းသည် ပြည်တွင်းတွင် ပထမဆုံးအကြိမ်ဖြစ်ကြောင်း သိရသည်။ မောင်မောင်ရွှေမြိုင်