ICRC ဥက္ကဋ္ဌ Peter Maurer မောင်တောမြို့နယ်မြောက်ပိုင်းရှိ ငါးခူရကျေးရွာသို့ သွားရောက်ပြီး ရခိုင်၊ ဟိန္ဒူ၊ ဘင်္ဂါလီတို့နှင့် တွေ့ဆုံခဲ့

မောင်တောမြို့နယ် ငါးခူရကျေးရွာရှီ ရခိုင်၊ ဟိန္ဒူ၊ ဘင်္ဂါလီကျေးရွာသားများနှင့် ICRC ဥက္ကဋ္ဌ တွေ့ဆုံစဉ်

ICRC ဥက္ကဋ္ဌ Peter Maurer သည် ၎င်း၏ ပထမဆုံးအကြိမ်အဖြစ် မောင်တောခရီးစဉ်တွင် မြို့နယ်မြောက်ပိုင်း ငါးခူရကျေးရွာသို့ သွားရောက်ပြီး ရခိုင်၊ ဟိန္ဒူ၊ ဘင်္ဂါလီတို့နှင့် တွေ့ဆုံခဲ့ကြောင်း သိရသည်။

အပြည်ပြည်ဆိုင်ရာ ကြက်ခြေနီကော်မတီ (ICRC) ဥက္ကဋ္ဌဖြစ်သူ Peter Maurer နှင့်အဖွဲ့သည် ဇွန် ၂၇ ရက် နံနက်က မောင်တောမြို့နယ်မြောက်ပိုင်း ငါးခူရကျေးရွာသို့ သွားရောက်ပြီး ကျေးရွာတွင် နေထိုင်လျက်ရှိသည့် ရခိုင်၊ ဟိန္ဒူ၊ ဘင်္ဂါလီများအား စားနပ်ရိက္ခာ၊ မျိုးစပါးနှင့် ဓာတ်မြေသြဇာဖြန့်ဝေမှု အခြေအနေများကို ကြည့်ရှုပြီး ရခိုင်၊ ဟိန္ဒူ၊ ဘင်္ဂါလီများ၏ လိုအပ်ချက်များကို တွေ့ဆုံမေးမြန်းခဲ့ကြောင်း သိရသည်။

“ကျွန်တော်တို့ကို ဘယ်လိုနေထိုင်ကြလဲ၊ ရွာမှာ ဘာလိုအပ်ချက်တွေရှိလဲဆိုတာတွေ မေးမြန်းပါတယ်” ဟု ငါးခူရကျေးရွာသား တစ်ဦးက ပြောကြားသည်။

ယင်းနောက် မွန်းလွဲ ၁ နာရီတွင် မောင်တောခရိုင် ထွေအုပ်ဧည့်ခန်းမ၌ ခရိုင်အုပ်ချုပ်ရေးမှူး ဦးရဲထွဋ်နှင့် တွေ့ဆုံပြီး ICRC လုပ်ငန်း အခြေအနေများ ဆွေးနွေးခဲ့ကြောင်း သိရသည်။

ထို့နောက် မောင်တောမြို့မှ ပြန်လည်ထွက်ခွာခဲ့ကြောင်း သိရသည်။

ICRC ဥက္ကဋ္ဌ Peter Maurer သည် ဇွန် ၂၆ ရက်က စစ်တွေမြို့မှ ဘူးသီးတောင်မြို့သို့ အမြန်ရေယာဉ်ဖြင့် ရောက်ရှိလာပြီး မွန်းလွဲပိုင်းတွင် ဘူးသီးတောင်မြို့နယ် ငကျဉ်တောက်ကျေးရွာအုပ်စု၌ တည်ရှိသည့် ကြက်ခြေနီလှုပ်ရှားမှု၏ ရွေ့လျားဆေးပေးခန်းတွင် လာရောက်ဆေးကုသမှုခံယူသူ ၇၀ အနက် လူနာအချို့နှင့် တွေ့ဆုံစကားပြောခဲ့ကြောင်းနှင့် ညနေပိုင်းတွင် မောင်တောမြို့သို့ ရောက်ရှိခဲ့ခြင်းဖြစ်ကြောင်း သိရသည်။

အပြည်ပြည်ဆိုင်ရာ ကြက်ခြေနီကော်မတီ ICRC ဥက္ကဋ္ဌ Peter Maurer သည် ရခိုင်ပြည်နယ်သို့ ဇွန် ၂၆ ရက်က ရောက်ရှိခဲ့ပြီး ရခိုင်ပြည်နယ်တွင် လူသားချင်းစာနာမှု အကူအညီများကို တိုးမြှင့်လုပ်ဆောင်ရန် လာရောက်ခြင်းဖြစ်ကြောင်း ပြောကြားသည်။

ရခိုင်ပြည်နယ်ခရီးစဉ်တွင် သုံးရက်တာ ကြာမြင့်မည်ဖြစ်ပြီး ခရီးစဉ်အတွင်း စစ်တွေမြို့တွင် ရခိုင်ပြည်နယ်အစိုးရအဖွဲ့၊ အရပ်ဘက် လူမှုအဖွဲ့အစည်းများနှင့်လည်း တွေ့ဆုံမည်ဖြစ်ကြောင်း သိရသည်။

အပြည်ပြည်ဆိုင်ရာ ကြက်ခြေနီကော်မတီ (ICRC) ဥက္ကဋ္ဌ Peter Maurer သည် ဇွန်လကုန်ပိုင်းတွင် မြန်မာနိုင်ငံသို့ လာရောက်မည်ဖြစ်ပြီး မြန်မာနိုင်ငံခရီးစဉ်အတွင်း ရခိုင်ပြည်နယ်သို့ သွားရောက်ပြီးနောက် နိုင်ငံတော်သမ္မတ ဦးဝင်းမြင့်၊ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့နှင့် တွေ့ဆုံမည်ဖြစ်ကြောင်း ဇွန် ၂၁ ရက်က ပြုလုပ်သော “အပြည်ပြည်ဆိုင်ရာ ကြက်ခြေနီ ကော်မတီ (ICRC) အကြောင်း ရှင်းလင်း ပြောကြားခြင်း အခမ်းအနား” မှ သိရသည်။

ICRC အနေဖြင့် ရခိုင်ပြည်နယ်တွင် အကူအညီပေးနေသည့် ရွေ့လျားဆေးပေးခန်းများ၌ လူနာများကို မည်သို့ အကူအညီပေးနေကြောင်း၊ အစားအစာများကို မည်သို့ပေးဝေနေကြောင်း အစရှိသည်တို့ကို ဥက္ကဋ္ဌက ကိုယ်တိုင်သွားရောက် လေ့လာမည်ဖြစ်ကြောင်း ICRC ၏ Public Relations Officers Mrs. Corinne Ambler က ပြောကြားသည်။

“ရခိုင်ပြည်နယ်ကိုသွားမယ်။ ICRC က အကူအညီ ပေးနေတယ်ပေါ့။ ကျန်းမာရေး ၀န်ကြီးဌာနနဲ့ ပူးပေါင်းလုပ်တဲ့ ရွေ့လျားဆေးပေးခန်းမှာ အဓိက,က လာတဲ့လူနာတွေကို ဘယ်လိုအကူအညီပေးနေတာ သွားကြည့်ချင်တယ်။ ရခိုင်ပြည်နယ်မြောက်ပိုင်း မောင်တောမှာနေရတဲ့သူတွေကို အစားအစာတွေ ပေးဝေနေတာကို သွားကြည့်ချင်တယ်။ မြေပြင်မှာ ဘယ်လိုဖြစ်နေတယ်ဆိုတာကို သူကိုယ်တိုင် သွားကြည့်ချင်တယ်” ဟု ၎င်းက ပြောကြားသည်။

မောင်တောမြို့နယ်အတွင်း တိုင်းရင်းသားကျေးရွာအချို့တွင် နေအိမ်များ တည်ဆောက်ပြီးစီးပြီဖြစ်၍ လွှဲပြောင်းပေးအပ်ခဲ့သော်လည်း ကျေးရွာသားများမှာ အလုပ်လက်မဲ့ဖြစ်နေ မောင်တောမြို့နယ်အတွင်းရှိ တိုင်းရင်းသားကျေးရွာအချို့တွင် နေအိမ်များတည်

ဆောက်ပြီးစီးပြီဖြစ်၍ နေအိမ်များ လွှဲပြောင်းပေးအပ်ခဲ့သော်လည်း ကျေးရွာသားများမှာ အလုပ်လက်မဲ့ဖြစ်နေကြောင်း ကျေးရွာသားများ၏ ပြောကြားချက်အရ သိရသည်။

“ကျွန်တော်တို့ ရွာမှာနေအိမ် ၁၀၄ လုံး ကို တည်ဆောက်ပြီးပါပြီ။ ကျေးရွာသားတွေ ကိုလည်းအပ်ပါပြီ။ အခုဆိုရင် ကျေးရွာမှာရှိတဲ့ မိသားစု ၈၆ စုကနေ အိမ်တွေမှာ နေထိုင်နေကြပါပြီ။ နေရေးကအဆင်ပြေပါတယ်။ စားဖို့လည်း ဒီတစ်လနှစ်လစာအတွက် ထောက်ပံ့ပေးထားတာ ရှိပါသေးတယ်။ ဒါပေမဲ့ ရွာသားတွေမှာ အလုပ်မရှိကြဘူး။ ငါးရှာ၊ ဟင်းရှာစားနေကြရတယ်။ အလုပ်မရှိ ဘဲဖြစ်နေကြတယ်။ ကျွန်တော်တို့က လယ်လုပ်ချင်တယ်။ ဒါပေမဲ့ လယ်စိုက်ဖို့ ဘာတစ်ခုမှ မရှိဘူး။ သက်ဆိုင်ရာလူကြီးတွေကိုတော့ လယ်စိုက်ချင်တယ်လို့ တင်ပြထားပါတယ်” ဟု သစ်တုံးနားခွဆုံကျေးရွာ အုပ်ချုပ်ရေးမှူး ဦးထွန်းရွှေက ပြောကြားသည်။

သစ်တုံးနားခွဆုံကျေးရွာမှ မြိုတိုင်းရင်းသားများအတွက် လှူဒါန်းခဲ့သည့် နေအိမ် ၄၄ လုံး၊ လမ်းနှင့် လက်နှိပ်ရေတုံကင်များကို ဇွန် ၁၆ ရက်က လွှဲပြောင်းပေးအပ်ခဲ့ကြောင်း သိရသည်။

အဆိုပါ နေအိမ် နှင့် လမ်းကို တိုင်းဒေသကြီးအစိုးရအဖွဲ့နှင့် လုပ်သားပြည်သူများ၏ ထည့်ဝင်ငွေဖြင့် တည်ဆောက်ခဲ့ခြင်းဖြစ်ပြီး စုစုပေါင်းတန်ဖိုး ကျပ် ၄၁၆၇ ဒသမ ၆ သိန်း လှူဒါန်းခဲ့ခြင်းဖြစ်ကြောင်းနှင့် လွှဲပြောင်းပေးအပ်သည့် အခမ်းအနားသို့ ရခိုင်ပြည်နယ် ၀န်ကြီးချုပ် ဦးညီပုနှင့် ဧရာဝတီတိုင်းဒေသကြီး ၀န်ကြီးချုပ် ဦးလှမိုးအောင်တို့ တက်ရောက်ခဲ့ကြောင်း သိရသည်။

ဧပြီ ၁၀ ရက်က သစ်တုံးနားခွဆုံကျေးရွာအတွက် မန္တလေးတိုင်းဒေသကြီးအစိုးရ အဖွဲ့က ဆောက်လုပ်လှူဒါန်းသည့် နေအိမ် အလုံး ၆၀ ကို ကျေးရွာသားများထံ လွှဲပြောင်းအပ်နှံခဲ့ကြောင်း သိရသည်။

အဆိုပါ သစ်တုံးနားခွဆုံကျေးရွာသည်  UEHRD အစီအစဉ်ဖြင့် မောင်တောမြောက်ပိုင်းသွားလာရခက်ခဲသည့် မြိုတိုင်းရင်းသားကျေးရွာများ စုပေါင်းတည်ဆောက်ထားသည့် ကျေးရွာသစ်ဖြစ်ကြောင်း သိရသည်။ သစ်တုံးနားခွဆုံကျေးရွာသစ်တွင် မျောက်ခေါင်းတောင် ကျေးရွာမှ အိမ်ထောင်စု၂၀၊ လူဦးရေ ၁၀၄ ဦး ၊ ခရုချောင်းကျေးရွာမှ အိမ်ထောင်စု ၂၇ စု၊ လူဦးရေ ၁၆၉ ဦး၊ ပန်းချောင်းကျေးရွာမှ အိမ်ထောင်စု ၂၇စု ၊ လူဦးရေ ၂၂၈ ဦးနှင့် အင်းချောင်းကျေးရွာမှ အိမ်ထောင်စု ၁၁ စု၊ လူဦးရေ ၇၀ နေထိုင်နေကြောင်းနှင့် ဘင်္ဂလားဒေ့ရ်ှမှ ခိုလှုံရောက်ရှိလာသည့် အိမ်ထောင်စု ၃၅ စုလည်း ယာယီတဲအိမ်များဖြင့် နေထိုင်နေကြောင်း သိရသည်။

ဆက်လက်၍ အကြမ်းဖက်မှုကြောင့် ပျက်စီးဆုံးရှုံးခဲ့သော မောင်တောမြို ခုံတိုင်ကျေးရွာရှိ မြိုတိုင်းရင်းသားများအတွက် ဒေါ်ခင်ကြည်ဖောင်ဒေးရှင်းက လှူဒါန်းသော နေအိမ်အလုံး ၃၀ နှင့် နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေး ဦးစီးဌာနမှ လှူဒါန်းသောနေအိမ် ၁၈ လုံးတွင် မြိုတိုင်းရင်းသားမိသားစုဝင်များအား နေရာချထားပေးပြီးဖြစ်ကြောင်း သိရသည်။ သို့ရာတွင် ခုံတိုင်ကျေးရွာတွင် ပူးပေါင်းနေထိုင်ရန် ရောက်ရှိနေသည့် ပန်စည်ရွာနှင့် ဆန်ပြာရွာမှ မြိုတိုင်းရင်းသားအိမ်ထောင်စု ၁၂ စုမှာ တဲထိုးနေထိုင်နေရဆဲဖြစ်ကြောင်း သိရသည်။

“ကျွန်တော်တို့ ခုံတိုင်ရွာသားတွေကတော့ နေအိမ် ၄၈ လုံးရပါပြီ။ ဒါပေမဲ့ ကျွန်တော်တို့နဲ့ အတူဆင်းလာကြတဲ့ ပန်စည်က ၁၀ အိမ်နဲ့ ဆန်ပြာကနှစ်အိမ်နေ အိမ်မရသေးဘူး။ အခုသူတို့ တာလဘတ်မိုးပြီးတဲထိုးနေ ကြရတယ်။ အလုပ်လည်းမရှိကြဘူး။ အရင်ကတော့ နန်းရာကိုင်းလမ်း၊ ခမောင်းဆိပ်လမ်းတွေမှာကျောက်ခွဲဖို့ အလုပ်လုပ်တယ်။ တစ်နေ့ကိုခုနစ်ထောင်၊ တစ်သောင်းရတယ်။ အခုတော့ အလုပ်လည်းမရှိကြဘူး။ ထိုင်နေကြရတယ်။ အရင်ကတော့ ကျွန်တော်တို့က တောင်ယာလုပ်ကိုင်စားသောက်တယ်။ အခုတော့ တောင်ယာကိုလည်း မသွားရဲမလာရဲဆိုတော့ အလုပ်လက်မဲ့ဖြစ်နေကြတယ်။ ရိက္ခာလည်းပြတ်နေပြီ” ဟု ခုံတိုင်ကျေးရွာအုပ်ချုပ်ရေးမှူး ဦးမောင်လှက ပြောကြားသည်။

အဆိုပါ ခုံတိုင် မြိုတိုင်းရင်းသားကျေးရွာကိုအနီးရှိ ပဒကားရွာသစ်နှင့် နတ်ချောင်းကျေးရွာအုပ်စုမှ ဘင်္ဂါလီရွာသားများက ၂၀၁၇ ခုနှစ် သြဂုတ် ၂၈ ရက် မွန်းတည့် ၁၂ နာရီတွင် ၀ိုင်းဝန်းတိုက်ခိုက်မီးရှို့ခဲ့ခြင်းဖြစ်ပြီး ခုံတိုင်ကျေးရွာသားများထွက်ပြေးကြရာတွင် ကျန်နေသည့် ငါးနှစ်အရွယ် ကလေးတစ်ဦး၊ အမျိုးသားသုံးဦးနှင့် အသက်ကြီး အမျိုးသမီးနှစ်ဦး အသတ်ခံခဲ့ရကြောင်း သိရသည်။

မောင်တောမြို့နယ် ပဒကားရွာသစ်အုပ်စု ပဒကားခုံတိုင် မြိုရွာတွင်အိမ်ခြေ ၄၀ ရှိပြီး လူဦးရေ ၂၄၇ ဦး နေထိုင်ကြောင်းနှင့် ရွာသားများမှာ တောင်ယာလုပ်ငန်းဖြင့် အသက်မွေးဝမ်းကျောင်း ပြုသူများဖြစ်ကြောင်း သိရသည်။

ပဲခူးတိုင်းဒေသကြီးအစိုးရအဖွဲ့က မောင်တောမြို့နယ် ကိုင်းကြီး (မြို) တိုင်းရင်းသားများအတွက် ဆောက်လုပ်လှူဒါန်းသော နေအိမ် ၆၄ လုံးကို မေ ၁၉ ရက်ကလွှဲအပ်ခဲ့ကြောင်း သိရသည်။

အကြမ်းဖက်တိုက်ခိုက်မှုဖြစ်စဉ်အတွင်း မီးရှို့ခံခဲ့ရသည့် ခုံတိုင်မြိုကျေးရွာ အပါအ၀င် ကျေးရွာသုံးရွာ၌  နေအိမ်များဆောက်လုပ်ပြီးဖြစ်သဖြင့် ကျေးရွာသားအား နေအိမ်များ လွှဲပြောင်းပေးအပ်ပြီးဖြစ်သော်လည်း ကျေးရွာသားများမှာ အလုပ်လက်မဲ့ဖြစ်ကာ ထောက်ပံ့ရိက္ခာများဖြင့်သာ စားသောက်နေရကြောင်း သိရသည်။

ပဲခူးတိုင်းဒေသကြီးအစိုးရအဖွဲ့မှ မောင်တောမြို့နယ် ကိုင်းကြီး (မြို) တိုင်းရင်းသားများအတွက် ဆောက်လုပ်လှူဒါန်းသော နေအိမ် ၆၄ လုံးအား လွှဲအပ်

ပဲခူးတိုင်းဒေသကြီးအစိုးရအဖွဲ့မှ မောင်တောမြို့နယ် ကိုင်းကြီး (မြို) တိုင်းရင်းသားများအတွက် ဆောက်လုပ်လှူဒါန်းသော နေအိမ် ၆၄ လုံးအား မေ ၁၉ ရက်က လွှဲအပ်ခဲ့ကြောင်း သိရသည်။

ကိုင်းကြီး (မြို) တိုင်းရင်းသားများအတွက် ပဲခူးတိုင်းဒေသကြီးအစိုးရအဖွဲ့မှ လှူဒါန်းသော အိမ်ရာ ၆၄ လုံးအား ၂၀၁၇ ခုနှစ် ဒီဇင်ဘာ ၂၀ ရက်မှစတင်ကာ BLUE & GREEN ကုမ္ပဏီမှ တာဝန်ယူတည်ဆောက်ခဲ့ခြင်းဖြစ်ပြီး နေအိမ်အမျိုးအစားမှာ RC သွပ်မိုး ၃၀×၁၈ အရွယ်အစားဖြစ်ကြောင်းနှင့် နေအိမ်တစ်လုံးတန်ဖိုးမှာ ငွေကျပ် ၉၅ သိန်းဖြစ်ပြီး နေအိမ် ၆၄ လုံးအတွက် စုစုပေါင်းကုန်ကျငွေမှာ ငွေကျပ်သန်းပေါင်း ၆၀၈၀ ဖြစ်ကြောင်း သိရသည်။

အဆိုပါ ကိုင်းကြီးကျေးရွာမှ မြိုတိုင်းရင်းသားများအတွက် နေအိမ်များမှာ ပြီးစီးခဲ့ပြီဖြစ်သဖြင့် လွှဲအပ်ပွဲအခမ်းအနားကို မေ ၁၉ ရက် မွန်းလွဲ ၁၂ နာရီ မိနစ် ၅၀ က ကျင်းပခဲ့ရာ အခမ်းအနားသို့ ပဲခူးတိုင်းဒေသကြီး ၀န်ကြီးချုပ် ဦးဝင်းသိန်းနှင့် ရခိုင်ပြည်နယ် ၀န်ကြီးချုပ် ဦးညီပုတို့ တက်ရောက်ဖွင့်လှစ် လွှဲပြောင်းပေးအပ်ခဲ့ကြောင်း သိရသည်။

ကျေးရွာသား ရှစ်ဦးသတ်ဖြတ်ခံခဲ့ရသည့် ကိုင်းကြီး မြိုတိုင်းရင်းသားကျေးရွာအား ရန်ကုန်တိုင်းဒေသကြီးအစိုးရအဖွဲ့နှင့် ပဲခူးတိုင်းဒေသကြီးအစိုးရအဖွဲ့မှ နေအိမ်များ ဆောက်လုပ်လှူဒါန်းခဲ့ခြင်းဖြစ်ပြီး ရန်ကုန်တိုင်းဒေသကြီးအစိုးရအဖွဲ့မှ အိမ်ရာ ၅၆ လုံးနှင့် ပဲခူးတိုင်းဒေသကြီးအစိုးရအဖွဲ့မှ အိမ်ရာ ၆၄ လုံးကို လှူဒါန်းခဲ့ခြင်းဖြစ်ကြောင်းလည်း သိရသည်။

သြဂုတ် ၃ ရက်က မောင်တောမြို့နယ်တောင်ပိုင်း မေယုတောင်ပေါ်ရှိ ကိုင်းကြီးမြိုတိုင်းရင်းသားကျေးရွာမှ ကျေးရွာသားရှစ်ဦးသည် တောင်ယာသွားရင်း ဘင်္ဂါလီအကြမ်းဖက်သမားများ လက်ချက်ဖြင့် သေဆုံးခဲ့ရသည်။

ရွာသားရှစ်ဦး သတ်ဖြတ်ခံခဲ့ရသည့် ကိုင်းကြီး (မြို) ရွာသားများသည် မူလနေရာဖြစ်သော မေယုတောင်ပေါ်တွင် မနေရဲတော့သဖြင့် ပြောင်းရွှေ့နေရာချထားရန် တောင်းဆိုခဲ့သောကြောင့် မောင်တော-အငူမော်ကားလမ်း အရှေ့ဘက် မေယုတောင်ခြေတွင် ရွာသစ်တည်ပေးခဲ့ခြင်းဖြစ်ကြောင်းလည်း သိရသည်။

အဆိုပါ ကိုင်းကြီး (မြို) ကျေးရွာအား မောင်တောမြို့နယ်တောင်ပိုင်း၊ ဝေသာလီ-ဥဒေါင်း ကွန်ကရစ်လမ်းဘေး အရှေ့ဘက် မေယုကြိုးဝိုင်း၊ သံဒါကျေးရွာအုပ်စု၊ သံဒါကွင်း၊ ကွင်းအမှတ် ၁၃၆ တွင် ပြန်လည်နေရာချထားခြင်းဖြစ်ပြီး ၂၀၁၇ ခုနှစ် အောက်တိုဘာ ၂၀ ရက်က ပန္နက်ရိုက်အခမ်းအနား ပြုလုပ်ခဲ့ပြီး အိမ်ရာကွက်အရွယ် ပေ ၄၀×၆၀၊ အိမ်ရာကွက်များတွင် နေအိမ်များ တည်ဆောက်ခြင်းဖြစ်ကြောင်း သိရသည်။

ကိုင်းကြီး(မြို)တိုင်းရင်းသားကျေးရွာတွင် အိမ်ထောင်စု ၄၈ စုရှိခဲ့ရာမှ လက်ရှိတွင် အိမ်ထောင်စု ၄၆ စု လူဦးရေ ၂၅၀ ရှိနေကြောင်း သိရသည်။

မောင်တောမြို့နယ်အတွင်း မူးယစ်ဆေးဝါးများ ဆက်တိုက်ဖမ်းဆီးရမိ

မောင်တောမြို့နယ်အတွင်း မူးယစ်ဆေးဝါးများ ဆက်တိုက်ဖမ်းဆီးရမိနေကြောင်း သိရသည်။

မောင်တောမြို့နယ် မြို့မတောင်ရပ်ကွက်နေ အသက် ၂၈ နှစ်အရွယ် မဇော်ဟီနာခါတူထံမှ ဆေးခြောက် ၁၃၈ ဂရမ်ကို မေ ၄ ရက် နံနက် ၉ နာရီက ဖမ်းဆီးရမိခဲ့ကြောင်း မောင်တောမြို့နယ် ရဲတပ်ဖွဲ့ထံမှ သိရှိရပါသည်။

သတင်းအရ ဆေးခြောက်ရောင်းချနေသည့် နေအိမ်အား ၀င်ရောက်ရှာဖွေရာ အဆိုပါ ဘင်္ဂါလီအမျိုးသမီးထံမှ ချိန်ခွင်တစ်ခုနှင့်အတူ ဆေးခြောက်များ ဖမ်းဆီးရမိခဲ့ခြင်းဖြစ်ပြီး မောင်တောမြို့မရဲစခန်းတွင် အမှုဖွင့်ဆောင်ရွက်ထားကြောင်း သိရသည်။

ယင်းမတိုင်မီ မေ ၃ ရက် ညနေ ၃ နာရီ ၁၅ မိနစ် မေယု (၂) စစ်ဆင်ရေးအရ မူးယစ်ဆေးဝါး တားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များ ပါဝင်သောပူးပေါင်းအဖွဲ့သည် မောင်တောမြို့နယ်၊ ရွှေဇားကျေးရွာအုပ်စု၊ ဂုံးနားရွာနေ မရှောင်ရှားဘေဂေါင်၏ နေအိမ်ကို ရှာဖွေရာ မရှောင်ရှားဘေဂေါင်နှင့် အဏ္ဏ၀ါတို့အားတွေ့ရှိရပြီး မရှောင်ရှား ဘေဂေါင်ထံမှ စိတ်ကြွရူးသွပ်ဆေးပြား ၄၅ ပြားကိုလည်းကောင်း သိရသည်။

ဆက်လက်၍ ညနေ ၃ နာရီ ၂၅ မိနစ် ရွှေဇားကျေးရွာအုပ်စု၊ ဂုံးနားရွာနေ မဂျာမာလီ၏ နေအိမ်ကိုရှာဖွေရာ မဂျာမာလီထံမှ စိတ်ကြွရူးသွပ်ဆေးပြား ၅၅၅ ပြားကိုလည်းကောင်း သိမ်းဆည်းရမိခဲ့သဖြင့် မရှောင်ရှား ဘေဂေါင် (၃၂) နှစ်၊ အဏ္ဏ၀ါ (၁၉) နှစ်နှင့် မဂျာမာလီ (၂၅) နှစ်တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သတင်းရရှိသည်။

ရခိုင်ပြည်နယ်တွင် နှစ်နှစ်အတွင်း ဆေးပြား ၃၅ သန်းကျော်နှင့် တရားခံ ၃၉၉ ဦးကို ဖမ်းဆီးရမိခဲ့ကြောင်း သိရသည်။

ရခိုင်ပြည်နယ်အတွင်း ၂၀၁၁ ခုနှစ်မှ ၂၀၁၈ ခုနှစ် မေ ၁ ရက်အထိ ကျပ်သိန်းပေါင်း ၁,၈၃၀,၀၀၀ ကျော်တန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း သတင်းထုတ်ပြန်ရေးကော်မတီမှ သတင်းထုတ်ပြန်ထားသည်။

ရခိုင်ပြည်နယ်အတွင်း ၂၀၁၁ ခုနှစ်မှ ၂၀၁၈ ခုနှစ် မေ ၁ ရက်အထိ စိတ်ကြွဆေးပြား၊ စိတ်ကြါအကျေမှုန့်၊ ဆေးခြောက်၊ ဗျူပရီနော်ဖင်း၊ အယ်ပရာဇိုလမ်ဆေးပြား၊ ဒိုင်ရာဇီပမ်၊ ဒိုင်ရာဇီပမ်ထိုးဆေး၊ မော်ဖင်းထိုးဆေး၊ Lutigesic၊ Zoliuncarpazolarn၊ ကတ်တမင်း၊ Fantanyl နှင့် အက်ဖီဒရင်း စသည့် မူးယစ်ဆေးဝါးမျိုးစုံ စုစုပေါင်းတန်ဖိုး ကျပ်သိန်းပေါင်း ၁၈၃၆၉၂၅ ဒသမ ၉၃၄ ဖိုး ဖမ်းဆီးရမိခဲ့ကြောင်း သိရသည်။

အဆိုပါဖမ်းဆီးရမိ မူးယစ်ဆေးဝါးနှင့် ပတ်သက်၍ အမှုပေါင်း ၆၃၁ မှုဖွင့်ကာ အရေးယူနိုင်ခဲ့ပြီး တရားခံ ၁၀၁၁ ဦးအား ဖမ်းဆီးရမိခဲ့ကြောင်း သိရသည်။

မောင်တောမြို့နယ် သင်္ဘောလှချောင်းဝ ရဲကင်းစခန်းတွင် ရဲတပ်ဖွဲ့ဝင်အချင်းချင်း စကားများရာမှ ဗုံးခွဲသဖြင့် ရဲတပ်ဖွဲ့ဝင်တစ်ဦး သေဆုံးကာ တစ်ဦးဒဏ်ရာရ

လုံခြုံရေး ရဲတပ်ဖွဲ့ဝင်အချင်းချင်း စကားများရာမှ ဗုံးခွဲသဖြင့် ရဲတပ်ဖွဲ့ဝင်နှစ်ဦး ပြင်းထန်ဒဏ်ရာရရှိခဲ့ရာမှ တစ်ဦးသေဆုံးခဲ့ကြောင်း သိရသည်။

ဖြစ်စဉ်မှာ မောင်တောမြို့နယ် မြောက်ပိုင်း သင်္ဘောလှချောင်းဝ ရဲကင်းစခန်းတွင် ဧပြီ ၂၈ ရက် နံနက် ၇ နာရီ မိနစ် ၄၀ တွင် ရဲတပ်သား ကျော်ဖြိုးသူနှင့် ရဲတပ်သား ပြည့်ဖြိုးမင်းတို့ သုံးစွဲရန်ရေမရှိ၍ တစ်ယောက်တစ်ခွန်း စကားများရာမှ ရဲတပ်သား ကျော်ဖြိုးသူသည် ၎င်းအား ထုတ်ပေးထားသည့် MG-1 ပလတ်စတစ် လက်ပစ်ဗုံးဖြင့်ပစ်၍ ရဲတပ်သား ပြည့်ဖြိုးမင်းနှင့် ကင်းစခန်းအတွင်း အိပ်နေသည့် ရဲဒုတပ်ကြပ် မင်းမင်းဇော်တို့ နှစ်ဦးကြားတွင် ကျရောက်ပေါက်ကွဲပြီး ရဲတပ်သား ပြည့်ဖြိုးမင်းနှင့် ဒုတပ်ကြပ် မင်းမင်းဇော်တို့တွင် ပြင်းထန်ဒဏ်ရာများ ရရှိခဲ့ကြောင်း သိရသည်။

ရဲတပ်သား ပြည့်ဖြိုးမင်းတွင် ၀ဲဘက်လက်ဖျံကျိုး ဗုံးစက်ထိမှန်ဒဏ်ရာ၊ ၀ဲဘက်ခါး၊ ဗိုက်ဗုံးစက်ထိမှန်ဒဏ်ရာ၊ ၀ဲ၊ ယာပေါင် ဗုံးစက်ထိမှန်ဒဏ်ရာ၊ ၀ဲနားရွက်၊ ဦးခေါင်းနောက်စေ့၊ ကျောကုန်း၊ ၀ဲမဲစေ့ဗုံးစက်ထိမှန် စိုးရိမ်ရသည့်ဒဏ်ရာများ ရရှိခဲ့ကြောင်းနှင့် ရဲဒုတပ်ကြပ် မင်းမင်းဇော်တွင် ၀ဲဘက်ခြေဖ၀ါး ကွဲကြေဒဏ်ရာ၊ ယာဘက်ခြေမျက်စိ ဗုံးစက်ထိမှန်ဒဏ်ရာ၊ ညာဘက်ခြေသလုံး၊ ပေါင်ဗုံးစက်ထိမှန်ဒဏ်ရာ၊ ၀ဲဘက်ခြေသလုံး၊ ၀ဲဘက်ဒူး ဗုံးစက်ထိမှန်ဒဏ်ရာများရရှိကာ စိုးရိမ်ရသည့်အတွက် ၎င်းတို့နှစ်ဦးအား မောင်တောမြို့ ပြည်သူ့ဆေးရုံသို့ ပို့ဆောင်ခဲ့ကြောင်းနှင့် မောင်တောဆေးရုံသို့ ရောက်ရှိစဉ် ဒဏ်ရာရ ရဲတပ်သားပြည့်ဖြိုးမင်းအား စစ်ဆေးရာ သေဆုံးသွားခဲ့ကြောင်းနှင့် ဒဏ်ရာရဒုတပ်ကြပ် မင်းမင်းဇော်အား ဆေးကုသရန်အတွက် စစ်တွေမြို့သို့ ပို့ဆောင်ခဲ့ကြောင်း သိရသည်။

ဗုံးဖြင့် ပစ်ခတ်တိုက်ခိုက်သူ ရဲတပ်သား ကျော်ဖြိုးသူအား ကျီးကန်းပြင် ဗဟိုကင်းအချုပ်တွင် ချုပ်နှောင်ထားရှိကြောင်း သိရသည်။

မောင်တောမြို့နယ်အတွင်း မေယုတောင်ခြေရှိ ကျေးရွာအချို့တွင် ရေရှားပါးမှု စတင်ကြုံတွေ့နေ

မောင်တောမြို့နယ်အတွင်း မေယုတောင်ခြေရှိ ရေရှားပါးမှု စတင်ကြုံတွေ့နေသော ကျေးရွာအချို့သို့ ရေသွားရောက် လှူဒါန်းနေစဉ်

မောင်တောမြို့နယ်အတွင်း မေယုတောင်ခြေရှိ ကျေးရွာအချို့တွင် ရေရှားပါးမှု စတင်ကြုံတွေ့နေရကြောင်း သိရသည်။

မောင်တောမြို့နယ် ငွေတောင်၊ သာယာကုန်း၊ မကျည်းကုန်း၊ သစ်တောရွာ၊ ရွာသာယာ စသည့်ကျေးရွာများရှိ ရေတွင်း၊ ရေကန်များ ခန်းခြောက်သွားသဖြင့် သောက်သုံးရေရှားပါးမှုနှင့် ကြုံတွေ့နေရကြောင်း သိရသည်။

ဧပြီ ၂၅ ​ရက်က ​မောင်​​တောမြို့နယ်​ (၄) မိုင်​အုပ်​စု ​ငွေ​တောင်​​ကျေးရွာ၌ ​ရေရှားပါး​နေမှု​ကြောင့်​ ​မောင်​​တောမြို့နယ်​ မီးသတ်​ဦးစီးမှူးရုံးမှ မီးသတ်​ယာဉ်​နှစ်စီး၊ မြို့နယ်​မီးသတ်​ဦးစီးမှူး ဦးစီးအရာရှိ သန့်​စင်​ဦး​ဆောင်​​ကာ တပ်​ဖွဲ့ဝင် ၁၄ ဦးဖြင့်​ သွား​ရောက်​​ရေ​ပေး​ဝေ လှူဒါန်း​ဆောင်​ရွက်​ခဲ့ကြောင်းနှင့် ဧပြီ ၂၃ ရက်ကလည်း ​မောင်​​တောမြို့နယ်​ (၄) မိုင်​အုပ်​စု မကျည်းကုန်းရွာနှင့်​ သာယာကုန်းရွာတို့အား ​ရေ​ပေး​ဝေခဲ့ကြောင်း မောင်တောမီးသတ်ဌာနမှ သိရသည်။

အလားတူ မောင်​​တောမြို့တွင်​ ယခင်​က မြကန်​သာဆည်​မှ ​​ရေသုံးစွဲသည့်​ရပ်​ကွက် ​သုံးခုသာရှိပြီး ယခုအခါ ​မောင်​​တောမြို့​ပေါ်ရှိ ​မြို့မအ​ရှေ့ရပ်​ကွက်​၊ မြို့မအ​နောက်​ရပ်​ကွက်​၊ မြို့မ​တောင်​ရပ်​ကွက်​၊ မြို့မ​မြောက်ရပ်ကွက်၊ ​အောင်​​မြေ​ဗောဓိရပ်ကွက်​၊ ရွာသစ်​​ကေရပ်​ကွက်​၊ ​ဝေသာလီရပ်​ကွက်​၊ ​မောင်​​တော-ဘူးသီး​တောင်​ ကားလမ်း​နံဘေးတွင်​ အသစ်​တိုးချဲ့​ထား​သော နယ်​ခြား​စောင့်​ ရဲတပ်​ရင်းတစ်​ခုလုံးအတွက်​ ဖူလုံသော​ရေ အသုံးပြုလျက်ရှိကြောင်းနှင့်​ ​ရေဖိအား အားနည်းမှု​ကြောင့်​ အချို့ချို့​သော​နေရာများတွင်​ ​ရေ​ရောက်​ရှိမှု မရှိခြင်းများ ဖြစ်​​ပေါ်​နေ​ကြောင်း သိရသည်​။

လွန်​ခဲ့​သော ၂၀၁၇ ခုနှစ်​ကလည်း​​ မြကန်​သာ တစ်​ဖက်​ပိတ်​ဆည်​မှ​ ရေများနည်းလာသည်​နှင့်​အမျှ ရာသီဥတုအပူချိန်​လွန်​ကဲခြင်း​ကြောင့်​ အနံ့ဆိုးများထွက်​ရှိခြင်း၊ ​ရေများ ​​​သံ​ချေး​ရောင်​ဖြစ်​​ပေါ်ခြင်း၊ အဆီအကွက်​များဖြစ်​ပေါ်ခြင်းနှင့်​ ကြုံခဲ့ရကြောင်း သိရသည်။

မောင်တောက ပြန်ခဲ့တယ်

နယ်ခြားစောင့်ရဲတစ်ဦး လုံခြုံရေးရယူထားစဉ်

မြန်မာနိုင်ငံအနောက်ခြမ်း ရခိုင်ပြည်နယ် မောင်တောမြို့နယ်အတွင်းမှာ ဖြစ်ပွားခဲ့တဲ့ အကြမ်းဖက်မှုအခြေအနေတွေအပြီး ပြန်လည်ဆောင်ရွက်နေတဲ့ အခြေအနေတွေကို သတင်းရယူနိုင်ဖို့အတွက် ပြန်ကြားရေးဝန်ကြီးဌာနကနေ ပြည်တွင်းအခြေစိုက် မီဒီယာအချို့ကို လိုက်ပါသတင်းယူနိုင်ကြောင်း ဖိတ်ကြားလာခဲ့ပါတယ်။ ဖိတ်ကြားမှုကို လိုက်ပါသတင်းယူရာမှာ လိုက်ပါမယ့်သတင်းဌာနက ခရီးစဉ်အတွက် လေယာဉ်လက်မှတ်၊ တည်းခိုစရိတ်နဲ့ အစားအသောက်ကို မိမိတို့ဘာသာ အကုန်ကျခံရမှာဖြစ်ပြီး သတင်းယူရန်အတွက် ချိတ်ဆက်ပေးခြင်းနဲ့ လုံခြုံရေးကိုတော့ ခေါ်ယူသူတွေဘက်က တာဝန်ယူပေးမယ်ဆိုပြီး ဆက်သွယ်ဖိတ်ကြားလာတာကြောင့် ရခိုင်ပြည်နယ်မှာ ဖြစ်ပေါ်ခဲ့တဲ့ အကြမ်းဖက်ဖြစ်စဉ်တွေနဲ့ ပြန်လည်ဆောင်ရွက်နေတဲ့ အခြေအနေတွေကို သတင်းမှန်ရယူနိုင်ဖို့အတွက် လိုက်ပါဖို့ အမည်စာရင်းပေးသွင်းပြီးနောက် ရခိုင်ပြည်နယ်အခြေအနေတွေအတွက် ပြည်သူတွေကို တင်ပြဖို့ လိုက်ပါသတင်းယူခွင့်ရခဲ့ပါတယ်။

ဘယ်လိုမီဒီယာတွေ လိုက်ပါခွင့်ရခဲ့လဲ

မောင်တောဒေသကို သတင်းရယူမယ့် ပြည်တွင်းအခြေစိုက် သတင်းဌာနတွေက လိုက်ပါမယ့်သူတွေဟာ ၂၀၁၈ ခုနှစ် မတ် ၂၉ ရက် ညနေပိုင်းမှာ ရန်ကုန်အပြည်ပြည်ဆိုင်ရာ လေဆိပ်ကနေတစ်ဆင့် စစ်တွေလေဆိပ်ကို လေကြောင်းခရီးနဲ့ ထွက်ခွာခဲ့ပါတယ်။ အဲဒီခရီးစဉ်မှာတော့ ပြန်ကြားရေးဝန်ကြီးဌာနအောက်မှာရှိတဲ့ မြန်မာ့အသံနှင့် ရုပ်မြင်သံကြားက တာဝန်ရှိသူတစ်ဦးက ဦးဆောင်ပြီး သတင်းရယူမယ့်အစီအစဉ်နဲ့ လမ်းကြောင်းတွေကို ရှင်းလင်းပါတယ်။ မောင်တောဒေသ အခြေအနေကို လိုက်ပါသတင်းယူတဲ့ ပြည်တွင်းသတင်းဌာနတွေအနေနဲ့ Eleven Media Group၊ MRTV၊ NPE၊ MITV၊ Myanmar Times၊ MRTV 4၊ Mizzima၊ Irrawaddy၊ The Voice၊ Frontier Myanmar၊ Hot News၊ Sky Net နဲ့ Myanmar press photo Angency တို့ကနေ လိုက်ပါသူ စုစုပေါင်း ၁၄ ဦးပါဝင်ခဲ့ပြီး အဲဒီအဖွဲ့ကိုတော့ MRTV က ဒုတိယညွှန်ကြားရေးမှူးတစ်ဦးက ဦးဆောင်သွားခဲ့ကြတာ ဖြစ်ပါတယ်။

မတ် ၃၀ ရက် နံနက်အစောပိုင်းမှာ စစ်တွေမြို့ ရေချမ်းပြင်ကတစ်ဆင့် အငူမော်ထိကို ရေကြောင်းခရီးနဲ့ တစ်နာရီကျော်ကြာ ထွက်ခွာခဲ့ပြီး အငူမော်ဆိပ်ကိုအရောက်မှာ သတင်းရယူမယ့် ပြည်တွင်းမီဒီယာတွေကို မောင်တောခရိုင် အုပ်ချုပ်ရေးအဖွဲ့က တာဝန်ရှိသူတွေနဲ့ လုံခြုံရေးရယူပေးမယ့် မောင်တောမြို့မရဲစခန်းက ရဲတပ်ဖွဲ့ဝင်အချို့က လာရောက်ကြိုဆိုခဲ့ကြပါတယ်။ အငူမော်ကနေတစ်ဆင့် မောင်တောကို ကားနဲ့နှစ်နာရီကျော်၊ သုံးနာရီနီးပါး သွားရောက်ခဲ့ရပါတယ်။ လမ်းတစ်လျှောက်မှာ လမ်းခင်းခြင်း လမ်းပြုပြင်ခြင်းတွေ ဆောင်ရွက်နေတာကြောင့် ခရီးတစ်လျှောက်လုံး ဖုန်တစ်လုံးလုံးနဲ့ လမ်းကြမ်းကို ဖြတ်ကျော်ပြီးနောက် မောင်တောကို မနက် ၁၁ နာရီကျော်မှာ ရောက်ရှိခဲ့ပါတယ်။

မောင်တောကို ရောက်ရောက်ချင်းမှာပဲ ခရီးစဉ်တွေနဲ့ပတ်သက်ပြီး ဆွေးနွေးဖို့အတွက် မောင်တောခရိုင် အုပ်ချုပ်ရေးမှူးရုံးကို သွားရောက်ခဲ့ပြီး ခရိုင်အုပ်ချုပ်ရေးမှူးနဲ့ ပြည်တွင်းမီဒီယာတွေ တွေ့ဆုံခဲ့ပြီး မောင်တောဖြစ်စဉ်တွေနဲ့ ပတ်သက်လို့ မေးမြန်းခဲ့ပါတယ်။

မောင်တောဒေသမှာ ဖြစ်ပွားခဲ့တဲ့ အကြမ်းဖက်ဖြစ်စဉ်တွေ ဖြစ်ပွားခဲ့ရတာတွေ၊ လုံခြုံရေးကျိုးပေါက်ခဲ့တာတွေနဲ့ တစ်ဖက်ဘင်္ဂလားဒေ့ရ်ှကို ထွက်သွားတဲ့သူတွေ ပြည်တွင်းကို ပြန်လည်ဝင်ရောက်နေနိုင်ပေမယ့် အခုအချိန်အထိ ပြန်လည်ဝင်ရောက်လာခြင်း မရှိသေးတာတွေကို ရှင်းလင်းပြောကြားခဲ့ပြီး အခုခရီးစဉ်ကို သတ်မှတ်ပေးထားတဲ့အတိုင်းသွားဖို့ ခရိုင်အုပ်ချုပ်ရေးမှူးက ပြောကြားခဲ့ပါတယ်။

ရောက်နေကျနေရာ၊ ယူနေကျသတင်းနဲ့ မလုံခြုံသေးတဲ့ အခြားနေရာတွေ မီဒီယာသမားတွေက ငွေကုန်ကြေးကျခံလိုက်ခဲ့ရပေမဲ့ ပြန်ကြားရေးဝန်ကြီးဌာနက စီစဉ်ပေးတဲ့ဒီခရီးစဉ်ဟာ အရင်ခရီးစဉ်လမ်းကြောင်းတွေနဲ့ ထပ်တူနီးပါးဖြစ်နေလို့ အခြားသောနေရာတွေကို သွားရောက်သတင်းရယူနိုင်ဖို့ ပြောဆိုခဲ့ပေမဲ့လည်း အုပ်ချုပ်ရေးပိုင်းက လုံခြုံရေးတာဝန်ယူနိုင်ခြင်း မရှိတာကြောင့် မသွားရောက်ဖို့ ပြောကြားခဲ့တာကြောင့် ပြန်ကြားရေးဘက်က မူလစီစဉ်ထားတဲ့ ခရီးစဉ်အတိုင်းသာ သွားရောက်သတင်းရယူခဲ့ရပါတယ်။

ဒီလိုမျိုး ခရီးစဉ်ထပ်တူတွေပဲ စီစဉ်နေမယ်ဆိုရင် နောင်လာမယ့် ရခိုင်ခရီးစဉ်တွေမှာ သတင်းလိုက်ပါယူမယ့် မီဒီယာတွေနဲ့ သတင်းသွားရောက်ယူမယ့်နေရာတွေကို ကြိုတင်ညှိနှိုင်းဖို့လိုကြောင်း သတင်းမီဒီယာတွေဘက်က ပြောဆိုခဲ့ရပါတယ်။ ကုန်ကျစရိတ်စိုက်ထုတ်ပြီး လိုက်ပါသတင်းရယူရတဲ့ ပြည်တွင်းမီဒီယာတွေအတွက် ခရီးစဉ်တိုင်းက ဖော်ပြပြီးသား သတင်းတွေချည်း အထပ်ထပ်အခါခါ ပရိသတ်ကို တင်ဆက်လို့မရသလို ပြည်သူတွေကလည်း ပြန်ကြားရေးဝန်ကြီးဌာနက ရခိုင်ခရီးစဉ်တွေ ခေါ်ပါတယ်။ ကြေညာတိုင်း ဒီနေရာ၊ ဒီပုံစံ၊ ဒီသတင်းပဲမြင်နေရရင် သတင်းထိမ်ချန်တယ်။ လွတ်လပ်ခွင့်မရှိသေးဘူး။ မလုံခြုံသေးဘူးလို့ပဲ မြင်ကြမှာပါ။ ဒါ့အပြင် နောက်ပိုင်းမှာ ရခိုင်ဒေသခရီးစဉ်တွေကို တစ်လနှစ်ကြိမ်အထိ သွားရောက်သတင်းယူကျဖို့ စီစဉ်ထားတယ်လို့ ကြားသိရပြီး အဲဒီလိုယူရာမှာ ပြန်ကြားရေးအနေနဲ့ တည်ငြိမ်လာတဲ့ နေရာဒေသအသစ်တွေနဲ့ ကျေးရွာအသစ်တွေဆီ ပို့ဆောင်ပေးမယ့် အခြေအနေ၊ နေရာဟောင်းတွေမှာပဲ သတင်းယူခွင့်ရမှာလားဆိုတဲ့ အခြေအနေတွေကို ခရီးစဉ်နဲ့ပတ်သက်ပြီး ပြည်တွင်းပြည်ပမီဒီယာတွေကို ကြိုတင်တွေ့ဆုံညှိနှိုင်းဖို့လည်း လိုပါတယ်။

အဲဒီလိုတွေ့ဆုံပြီးမှ လုံခြုံရေးအရလုံးဝသွားဖို့ မဖြစ်နိုင်တဲ့နေရာ၊ မီဒီယာတွေကလည်း သတင်းတည်ဆောက်လို့ရမယ့် အခြေအနေတွေကို အသေးစိတ်ညှိနှိုင်းပြီး သွားရောက်မှသာ ခရီးစဉ်က ပိုမိုအဆင်ပြေနိုင်မှာလည်းဖြစ်ပါတယ်။

မောင်တောမြို့နယ် ကျေးလက်တစ်ခုမှ ဒေသခံများအား တွေ့ရစဉ်

ကြိုတင်ပြင်ဆင်ထားတဲ့ လူတစ်စုဆီက သတင်းယူခဲ့ရတယ်

မီဒီယာသမားတွေနဲ့ မောင်တောခရိုင် အုပ်ချုပ်ရေးပိုင်းကလူတွေနဲ့ တွေ့ဆုံပြီးနောက်မှာတော့ ပြန်ကြားရေးဘက်က စီစဉ်ထားတဲ့ မောင်တောဒေသမြောက်ပိုင်းမှာရှိတဲ့ အိုးထိန်းကျေးရွာ၊ လှဖိုးခေါင်ကြားစခန်း၊ ပန်းတောပြင်ဒေသတွေမှာ သတင်းသွားရောက်ရယူဖို့အတွက် သတင်းသမားတွေဟာ ပြန်ကြားရေးဘက်က စီစဉ်ပေးထားတဲ့ကားနဲ့ တစ်စီးကိုလေးယောက်၊ ငါးယောက်နှုန်းနဲ့ ကားငါးစီးနဲ့ သွားရောက်ခဲ့ကြပါတယ်။ မီဒီယာတွေ လိုက်ပါလာတဲ့ကားတွေရဲ့ ရှေ့ဆုံးမှာတော့ လုံခြုံရေးတာဝန်ယူပေးမယ့် ရဲတပ်ဖွဲ့ဝင်ကားတွေရဲ့ကားက ရှေ့ပြေးမောင်နှင်ပေးပြီး ကားပေါ်မှာတော့ အရာရှိတစ်ယောက်နဲ့ အခြားအဆင့် ငါးယောက်လောက်နဲ့သာ လိုက်ပါလုံခြုံရေးရယူပေးခဲ့တာဖြစ်ပြီး လမ်းတစ်လျှောက် လမ်းဘေးဝဲယာမှာတော့ နယ်ခြားစောင့်တပ်က ရဲတပ်ဖွဲ့ဝင်က လုံခြုံရေးယူပေးခဲ့တဲ့အခြေနေရှိခဲ့ပါတယ် လုံခြုံရေးယူတယ်ဆိုရာမှာလည်း မြင်ခဲ့ရတာတစ်ခုက လမ်းပိုင်းတစ်ခုမှာ လုံခြုံရေးတပ်ဖွဲ့ဝင်တစ်ဦး၊ နှစ်ဦးနှုန်းနဲ့ နေရာခပ်ကျဲကျဲမှာ လုံခြုံရေးရယူပေးထားတာ ဖြစ်ပါတယ်။ လုံခြုံရေးယူထားတဲ့ နေရာတစ်ခုနဲ့ တစ်ခုအကြားမှာ လှမ်းအော်ရုံနဲ့ မကြားနိုင်သလို လူတစ်ဦးချင်း၊ နှစ်ဦးချင်းပဲ လုံခြုံရေးချထားနိုင်တဲ့အင်အားက တကယ်ပဋိပက္ခထပ်ဖြစ်ရင် ကာကွယ်နိုင်ပါ့မလားဆိုတာကို အတွေးရောက်လာပါတယ်။ ဒီလိုအတွေးဟာ ပဋိပက္ခဖြစ်ပြီးပေမဲ့ လုံခြုံရေးစိတ်ချရတဲ့နေရာမှာ လုံခြုံမှုအပြည့်နဲ့သွားနေရတဲ့ သတင်းသမားတစ်ဦးရဲ့ ခံစားချက်ဖြစ်ပြီး မလုံခြုံမှုတွေ အကြောက်တရားတွေနဲ့ ရှင်သန်နေရတဲ့ တိုင်းရင်းသားတွေရဲ့နေရာမှာ ငါသာဆိုရင်ဆိုတဲ့ ဖိစီးမှုလေးအခိုက်အတန့် ၀င်လာခဲ့ပါတယ်။

သတင်းရယူဖို့စီစဉ်ထားတဲ့ ပန်းတောပြင်ဟာ မကြာခဏ သတင်းရယူနေတဲ့နေရာဖြစ်တာကြောင့် ပန်းတောပြင်အစား ပန်ချောင်းကျေးရွာအုပ်စုဘက်မှာ နေထိုင်တဲ့ အစ္စလာမ်ဘာသာဝင်တွေကို သွားရောက်တွေ့ဆုံမေးမြန်းခဲ့ပါတယ်။ သူတို့တွေရဲ့ အခက်အခဲနဲ့ အစိုးရပိုင်းက ဆောင်ရွက်ချက်တွေကို မေးမြန်းခဲ့ကြပြီး အဲဒီကနေတစ်ဆင့် အိုးထိန်းကျေးရွာကို သွားရောက်ခဲ့ပြီး ဟိန္ဒူဘာသာဝင်တွေနဲ့ မြိုတိုင်းရင်းသားတွေကို တွေ့ဆုံမေးမြန်းခဲ့ကြပါတယ်။

အဲဒီလို သွားရောက်သတင်းရယူရာမှာတော့ ပြန်ကြားရေးကပြောတဲ့အတိုင်း မြေပြင်အခြေနေကို အမှန်တကယ် ကွင်းဆင်းလေ့လာ သတင်းရယူခြင်းမျိုးမဟုတ်ပါဘူး။ ရောက်ရှိရာကျေးရွာထိပ်မှာ ကြိုတင်စောင့်ဆိုင်းနေတဲ့ လူတစ်စုဆီမှာသာ မေးမြန်းမှုတွေပြုလုပ်ရတာဖြစ်ပြီး သူတို့ဖြေသမျှပြောသမျှကိုသာ နားထောင်ခဲ့ကြရပါတယ်။ အဲဒီလိုမေးမြန်းရာမှာလည်း အနီးပတ်ဝန်းကျင်မှာရှိနေတဲ့ လုံခြုံရေးယူပေးထားတဲ့ ရဲတပ်ဖွဲ့တွေ၊ သတင်းရဲတပ်ဖွဲ့တွေ၊ စရဖ (စစ်ဘက်ရေးရာလုံခြုံရေးတပ်ဖွဲ့) ကလို့ ယူဆရတဲ့ သတင်းလိုက်ပါရယူသူတွေ ရှိနေတာကြောင့်လည်း ဖြေဆိုသူတွေဟာ အကြောက်တရားတွေရှိနေပြီး ရင်ထဲကရှိသမျှကို မဖြေရဲကြဘူးလို့ယူဆရပြီး မေးမြန်းနေတဲ့ မီဒီယာတွေအနေနဲ့လည်း အကန့်အသတ်တစ်ခု ရှိနေတယ်လို ခံစားနေရကာ ဒေသခံတွေကို မေးမြန်းပြီး သတင်းအချက်လက်ရယူရာမှာ လွတ်လပ်မှုမရှိခဲ့ရပါဘူး။

သတင်းသမားတွေဟာ နယ်မြေအခြေအနေကို သတင်းရယူရမှာ ပုံမှန်လှုပ်ရှားနေတဲ့ အခြေအနေကို သတင်းရယူလိုကျတာဖြစ်ပြီး ရွာတွေကိုသတင်းယူဖို့ဆင်းရာမှာ အခုလို ကြိုတင်စောင့်ဆိုင်းနေတာမျိုးမဟုတ်ဘဲ ရွာထဲဆင်းပြီး သူတို့လှုပ်ရှားနေတာတွေကို သဘာဝကျကျသတင်းယူလိုပေမယ့် သတင်းရယူရမယ့် ရွာတစ်ရွာကို ရောက်ပြီဆို ကြိုတင်စီစဉ်ထားတဲ့လူတွေက စောင့်ဆိုင်းနေပြီး ဖြေကြပါတယ်။ အဲဒီလို လာရောက်စောင့်ဆိုင်းနေရာမှာလည်း အမျိုးသားတွေကိုပဲတွေ့ရပြီး အမျိုးသမီးတွေနဲ့ ကလေးငယ်တွေ မပါဝင်ပါဘူး။ အဲဒီလို ကြိုတင်စောင့်ဆိုင်းနေသူတွေရဲ့ ဖြေကြားမှုဟာ သူတို့ရဲ့ တကယ့်ပကတိအခက်ခဲတွေ၊ ရင်ထဲကဖြစ်နေတဲ့ ခံစားချက်တွေမှ ဟုတ်ရဲ့လားလို့လည်း သံသယ၀င်မိပါတယ်။ ဘာလို့သံသယ၀င်ရလဲဆိုရင် သတင်းရယူရာမှာ ကြိုတင်စီစဉ်ပေးခဲ့တာကြောင့် ဖြေကြားဖို့ကိုရော ကြိုတင်သင်ကြားပေးထားသလားလို့လည်း တွေးထင်မိပါတယ်။ ဒီလိုခံစားမှုဟာ ပြည်တွင်းပြည်ပ သတင်းမီဒီယာသမားတိုင်း ဖြစ်နေရတဲ့ခံစားမှုပါ။ ပြန်ကြားရေးဝန်ကြီးဌာနက စီစဉ်ပေးတဲ့ခရီးစဉ်တိုင်းလိုလိုမှာ စီစဉ်ပေးထားတဲ့သူတွေကပဲ ထွက်ထွက်ပြီးဖြေနေတဲ့ပုံစံမျိုးဟာ မောင်တောဒေသ တကယ်ပဲအေးချမ်းနေလို့လား။ ပဋိပက္ခဖြစ်ပြီးနောက်မှာ ဖုံးကွယ်ထားချင်တာမျိုး ရှိနေသလားဆိုတဲ့ ခံစားချက်မျိုးဝင်နေကြတာကို ပြန်ကြားရေးဝန်ကြီးဌာနနဲ့ တာဝန်ရှိသူတွေ သတိပြုမိဖို့ လိုအပ်မှာဖြစ်ပြီး သတင်းသမားတွေဟာ လုံခြုံရေးတပ်ဖွဲ့ဝင်တွေ စောင့်ဆိုင်းမှုမရှိဘဲ ရွာအတွင်းကို လွတ်လွတ်လပ်လပ်သွား၊ သူတို့ကြုံနေရတဲ့အခြေအနေတွေကို ပေါ့ပေါ့ပါးပါးဖြေဆိုနိုင်မှ မီဒီယာသမားတွေဟာ သူတို့တာဝန်ကျေတယ်ထင်ပြီး ဖြစ်နေတဲ့အခြေအနေတွေကို အကောင်းမြင်တင်ဆက်နိုင်မှာ ဖြစ်ပါတယ်။ အကောင်းမြင်တင်ဆက်တာ မဟုတ်ရင်တောင် အကြောက်တရားနဲ့ သင်ကြားထားတဲ့အတိုင်း နှုတ်တိုက်ဖြေနေတာထက် လွတ်လပ်စွာပြောနေတဲ့ မြင်ကွင်းတွေကပဲ အမှတ်ပြည့်ရနိုင်မယ်ဆိုတာ တာဝန်ရှိသူတွေ သတိပြုမိစေလိုပါတယ်။
ဒါ့အပြင် သတင်းသမားတွေကို ကျေးရွာထဲထိမပို့ဘဲ ကြိုတင်စောင့်ဆိုင်းနေတဲ့နေရာက လူတွေကိုသာ မေးမြန်းဖို့ ဒီလိုစီစဉ်ပေးထားတာဟာလည်း လုံခြုံရေးအခြေအနေကြောင့်လား၊ ကျေးရွာက ပကတိအခြေအနေတွေကို မီဒီယာတွေကို မမြင်စေချင်တာလား ဆိုတာကိုလည်း မေးခွန်းထုတ်စရာဖြစ်လာပါတယ်။

မလုံလောက်တဲ့ သတင်းရယူချိန်

ကျေးရွာတွေမှာ သတင်းယူရာမှာလည်း တစ်နေရာနဲ့တစ်နေရာကို နှစ်နာရီ၊ သုံးနာရီ သွားရောက်ရပြီး လမ်းခရီးကြမ်းတမ်းသလို သွားရလာရ ဝေးလံပေမယ့်လည်း သတင်းယူရမယ့် နေရာရောက်တာနဲ့ သတင်းရယူရချိန်ဟာ အများဆုံး ၁၅ မိနစ်သာ ရခဲ့ပါတယ်။ ၁၅ မိနစ်ဆိုတာဟာ အများဆုံးပါ။ တချို့နေရာတွေမှာ ငါးမိနစ်လောက်နဲ့ သတင်းရယူရတာတွေလည်း ရှိပါတယ်။ သတင်းတစ်ပုဒ်ကို တိတိကျကျနဲ့ အဖြစ်မှန်အတိုင်း သတင်းတည်ဆောက်ဖို့ဆိုရင် အချိန် ၁၅ မိနစ်ဆိုတာ လုံလောက်တဲ့အချိန် မဟုတ်ဘူးဆိုတာ စီစဉ်တဲ့ ပြန်ကြားရေးဝန်ကြီးဌာနက မသိဘူးလားဆိုတာကို မေးခွန်းထုတ်စရာဖြစ်လာကြောင်း သုံးသပ်ရပါတယ်။

ဒီလိုမေးခွန်းထုတ်စရာ ဖြစ်လာပေမယ့် ဆယ့်ငါးမိနစ်ဆိုတဲ့ အချိန်အတိုင်းအတာမှာ ခြေခြေမြစ်မြစ် သတင်းတစ်ခုတည်ဆောက်ဖို့ တိကျခိုင်လုံတဲ့ သတင်းတစ်ခုကို တည်ဆောက်ဖို့ မလုံလောက်ဘူးဆိုတာကို သတင်းစာ၊ ရုပ်မြင်သံကြားတွေကို ကိုယ်တိုင်လည်းထုတ်လွှင့်နေတဲ့ ပြန်ကြားရေးဝန်ကြီးဌာနက သေချာသိနေမှာပါ။

ခရီးစဉ်မှာ တစ်နေရာနဲ့ တစ်နေရာရဲ့ ခရီးစဉ်ကြမ်းတမ်းမှု ခရီးဝေးကွာပြီး သွားလာချိန်ကြာမြင့်မှုတွေကြောင့် အချိန်ကိုငဲ့ကွက်ပြီး သတင်းယူဖို့အချိန်ကို ကန့်သတ်တယ်ဆိုပေမယ့်လည်း ၁၅ မိနစ်ဆိုတဲ့အချိန်ကတော့ သတင်းတစ်ပုဒ်အတွက် အလွန်နည်းတဲ့ အချိန်ဖြစ်နေတာကြောင့် ပြန်ကြားရေးဘက်က နောက်ထပ်စီစဉ်မယ့် ရခိုင်ခရီးစဉ်တွေမှာ ဒါကိုထည့်သွင်းစဉ်းစားပြီး သတင်းတည်ဆောက်ဖို့ လုံလောက်တဲ့အချိန်တစ်ခုကို သတ်မှတ်ပေးဖို့လိုသလို သတင်းရယူရမယ့် မြေပြင်အခြေအနေမှာလည်း ကြိုတင်စီစဉ်ထားတဲ့ လူတချို့ကို မေးမြန်းဖို့စီစဉ်ပေးထားတာထက် ကိုယ်တိုင်ကွင်းဆင်းနိုင်အောင် ဆောင်ရွက်ပေးဖို့ကိုလည်း လုပ်ဆောင်ပေးဖို့လိုပါတယ်လို့ အကြံပြုချင်ပါတယ်။

ဒါ့အပြင် သတင်းသမားတွေရဲ့ ကားတန်းနဲ့အတူ ပြည်ထဲရေးနဲ့တပ်မတော်က သတင်းတပ်ဖွဲ့တွေ သတင်းလိုက်ပါယူတဲ့အခါမှာ တချို့အရာတွေကို စီစဉ်တဲ့ပြန်ကြားရေးဟာ သတ်မှတ်ချက်တစ်ခုထားပေးဖို့ လိုပါတယ်။ သတင်းလိုက်ပါယူတဲ့အခါမှာ လှေဆိပ်အဆင်းအတက်၊ ကားတန်းအသွား အတက်အဆင်းတွေ၊ မီဒီယာသမားတွေ သတင်းရယူနေတာကို ဓာတ်ပုံရိုက်မှတ်တမ်းယူရုံနဲ့တော့ သတင်းသမားတွေကို အနှောင့်အယှက်မဖြစ်ပေမယ့် ကိုယ့်ပိုက်ဆံနဲ့ကိုယ်စားနေတဲ့ သတင်းသမားတွေ ထမင်းစားနေတာကအစ မှတ်တမ်းယူနေတာကတော့ မဖြစ်သင့်တာကြောင့် ပြန်ကြားရေးအနေနဲ့ တားမြစ်ပေးဖို့ လိုအပ်ပါတယ်။

မတ် ၃၁ ရက်မှာတော့ ကြိုတင်သတ်မှတ်ထားတဲ့အတိုင်း တောင်ပြိုလက်ဝဲကို သွားရောက်သတင်းရယူပြီး လမ်းတစ်လျှောက်က နယ်ခြားစောင့်စခန်းတွေ ဆောက်နေတာတွေကို ပြသခဲ့သလို တစ်ဖက်က၀င်လာမယ့်သူတွေကို လက်ခံမယ့် လက်ခံရေးစခန်းက ဆောင်ရွက်ချက်တွေကို လိုက်လံရှင်းလင်းပြသခဲ့ပါတယ်။ ဒါ့အပြင် နယ်နိမိတ်မျဉ်းပေါ်မှာ နေထိုင်သူတွေရဲ့ အခြေအနေတွေကို လိုက်လံပြသပြီးနောက်မှာ မောင်တောကို ပြန်လည်ထွက်ခွာခဲ့ကြပါတယ်။

အေးချမ်းပါစေ ရခိုင်မြေ

မောင်တောခရီးစဉ်ကို သတင်းသွားရောက်ရယူရာ လမ်းတစ်လျှောက်ဝဲယာမှာ အကြမ်းဖက်ဖြစ်စဉ်တွေကြောင့် ပျက်စီးနေတဲ့ လူနေအိမ်တွေ၊ မီးလောင်ပျက်စီးနေတဲ့ မြင်ကွင်းတွေကို စိတ်မချမ်းမြေ့ဖွယ်ရာ တွေ့မြင်ခဲ့ရပြီး တိုက်ခိုက်ခံခဲ့ရတဲ့ နယ်ခြားစောင့်စခန်းတွေမှာလည်း ခြံစည်းရိုးကို ပိုမိုလုံခြုံစွာ ကာရံထားတဲ့အခြေအနေတွေ မြင်တွေ့ခဲ့ရပါတယ်။

အကြမ်းဖက်ဖြစ်စဉ်ကြောင့် ပြည်တွင်းကနေ ထွက်ခွာသွားသူတွေ ပြန်လည်ဝင်ရောက်လာရင် ထားရှိဖို့ဆာက်လုပ်နေတဲ့ အဆောက်အအုံတွေကိုလည်း မြင်တွေ့ခဲ့ရသလို အရင်တုန်းက ဒေသခံတွေ သွားလာလှုပ်ရှားပြီး လူစည်ကားခဲ့တဲ့နေရာတွေမှာ အဆောက်အအုံအပျက်တွေ မီးလောင်ထားတဲ့ ကွင်းပြင်တွေသာ လမ်းတစ်လျှောက်မြင်တွေ့ခဲ့မှုဟာ ရခိုင်မြေအတွက် စိတ်မချမ်းမြေ့ဖွယ် အရုပ်ဆိုးတဲ့မြင်ကွင်းတွေ ဖြစ်ပါတယ်။

ဒါ့အပြင် တစ်ဖက်နိုင်ငံကို အကြမ်းဖက်ဖြစ်စဉ်တွေကြောင့် ထွက်ပြေးသွားသူတွေကို ဇန်န၀ါရီ ၂၃ ရက်က ပြန်လည်လက်ခံမှု စတင်ခဲ့ပေမယ့်လည်း အခုချိန်အထိ ပြန်လည်ဝင်ရောက် နေထိုင်သူတွေမရှိသေးသလို ပြန်လည်ဝင်ရောက်လာသူတွေ နေထိုင်ဖို့ နေအိမ်တွေကို တိုင်းနဲ့ပြည်နယ်အလိုက် အစိုးရအဖွဲ့တွေက လှူဒါန်းထားပြီး စာသင်ကျောင်း၊ ဆေးပေးခန်းတွေအပါအ၀င် လူနေမှုအတွက် လိုအပ်နေတာတွေကို ဆောက်လုပ်နေတယ်ဆိုပေမယ့် အချို့နေရာတွေမှာတော့ ဆောက်လုပ်နေဆဲဖြစ်ပြီး မပြီးစီးသေးတာတွေလည်း တွေ့ခဲ့ရပါတယ်။

ပြည်တွင်းပြည်ပမီဒီယာတွေကို ခေါ်ယူပြီး သတင်းလိုက်ပါရယူခွင့် ပြုနေတယ်ဆိုပေမယ့် လက်ရှိအချိန်အထိ စီစဉ်ပေးသမျှခရီးစဉ်တွေက ပွင့်လင်းမြင်သာမှုဆိုတဲ့ရသကို သတင်းသမားတွေ ခံစားရတယ်လို့ မမြင်မိသေးသလို ဒီခရီးစဉ်တွေ စီစဉ်ပေးမှုကြောင့် ပြည်တွင်းပြည်ပမီဒီယာတွေက အစိုးရလုပ်ဆောင်ချက်တွေကို အကောင်းမြင်ထောက်ခံရေးသားနေတာမျိုး ဟုတ္တိပတ္တိမတွေ့ရသေးခြင်းဟာ ပြန်ကြားရေးဝန်ကြီးဌာနနဲ့ အစိုးရကစီစဉ်တဲ့ သတင်းယူခွင့်ခရီးစဉ်တွေရဲ့ အားနည်းချက်ကို ညွှန်းဆိုနေပါတယ်။

ရခိုင်ပဋိပက္ခပြန်လည်ဖြစ်လာပြီး မြန်မာနိုင်ငံကို စွပ်စွဲချက်မျိုးစုံ ဆင့်ကဲဖြစ်လာချိန်မှာ သာမန်ပြည်သူတွေတောင် သိခဲ့ကြတာ သုံးသပ်ခဲ့ကြတာက မြန်မာနိုင်ငံဟာ ရခိုင်အရေးမှာ အနောက်နိုင်ငံတွေရဲ့ မီဒီယာထောင်ချောက်ထဲမှာ ပိတ်မိသွားပြီး မီဒီယာစစ်ပွဲမှာ ရှုံးနိမ့်သွားတယ်ဆိုတဲ့ ခံစားချက်ပါ။

ဒီလိုမီဒီယာစစ်ပွဲမှာ ရခိုင်အရေးနဲ့ ပတ်သက်ပြီး မြန်မာနိုင်ငံ အရေးနိမ့်ခဲ့ရတာကို အစိုးရအနေနဲ့ ပြန်ပြီးအဖတ်ဆည်ချင်တယ်။ ရခိုင်အရေးမှာ ပြန်လည်ထူထောင်ရေးနဲ့ မြန်မာနိုင်ငံက စွန့်ခွာထွက်ပြေးသူတွေကို ကြိုးစားပမ်းစားလက်ခံနေပြီဆိုတဲ့ အမြင်မျိုး နိုင်ငံတကာက သိရှိစေချင်တယ်ဆိုရင် လက်ရှိသတင်းယူဖို့ စီစဉ်ပေးထားတဲ့ အခြေအနေတွေကို ပြောင်းလဲပေးပါလို့ ပြန်ကြားရေးရဲ့ ဦးဆောင်မှုနဲ့အတူ သတင်းလိုက်ပါယူသူ တစ်ယောက်အနေနဲ့ တင်ပြချင်သလို ရခိုင်ပြည်နယ် အေးချမ်းပါစေလို့လည်း တစ်ဆက်တည်း ဆုတောင်းမိပါတယ်။

မောင်တောမြို့နယ်တွင် ဆိုင်ကယ်ဖြင့် စိတ်ကြွရူးသွပ်ဆေးပြားများ သယ်ဆောင်လာသည့် ဘင်္ဂါလီလူငယ်နှစ်ဦးအား ဖမ်းဆီးရမိ

မောင်တောမြို့နယ်တွင် ဆိုင်ကယ်ဖြင့် စိတ်ကြွရူးသွပ်ဆေးပြားများ သယ်ဆောင်လာသည့် ဘင်္ဂါလီလူငယ်နှစ်ဦးကို ဧပြီ ၆ ရက် ညနေပိုင်းက ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ ဧပြီ ၆ ရက် ညနေ ၅ နာရီတွင် မူးယစ်တပ်ဖွဲ့စု (၄၆) မောင်တောမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မောင်တောမြို့နယ် လဘော်ဇားရဲကင်းတံတားထိပ်တွင် မာမောက်ဟာဆောင်း မောင်းနှင်ပြီး ဂျာဖော်အာလောင် လိုက်ပါလာသည့် မော်တော်ဆိုင်ကယ်အား ရှာဖွေရာ တူးဘောက်အတွင်းမှ စိတ်ကြွရူးသွပ်ဆေးပြား ၉၉၀ နှင့် လက်ကိုင်ဖုန်းတစ်လုံးတို့ကို သိမ်းဆည်းရမိခဲ့ခြင်းဖြစ်ကြောင်း သိရသည်။

စိတ်ကြွရူးသွပ်ဆေးပြားများ သယ်ဆောင်လာသည့် မာမောက်ဟာဆောင်း (၁၉ နှစ်) နှင့် ဂျာဖော်အာလောင် (၁၉ နှစ်) တို့အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သတင်းရရှိသည်။

မောင်တောမြို့နယ်အတွင်း ဖမ်းဆီးရမိသည့် မူးယစ်ဆေးဝါးဖြစ်စဉ်များတွင် နေရပ်စွန့်ခွာသွားခြင်းမရှိသည့် ဘင်္ဂါလီမွတ်စလင်တချို့ ပါဝင်ပတ်သက်မှုရှိနေကြောင်း ရဲအရာရှိတစ်ဦး၏ ပြောကြားချက်အရ သိရသည်။

မတ် ၂၇ ရက်ကလည်း မောင်တောမြို့နယ် နတ်မြစ်အတွင်း ငွေကျပ် ၃၅၂၈ သိန်းတန်ဖိုးရှိ စိတ်ကြွရူးသွပ်ဆေးပြား ၁၇၆၄၀၀ ပြားကို ဘင်္ဂါလီသုံးဦးနှင့်အတူ ဖမ်းဆီးရမိခဲ့ကြောင်း သိရသည်။

အလားတူ မတ် ၂၃ ရက် နံနက်ပိုင်းက မောင်တောမြို့အနီး ပင်လယ်ပြင်အတွင်း ငွေကျပ်သိန်းပေါင်း ၁၄၀၀၀ ခန့်တန်ဖိုးရှိ မူးယစ်ဆေးဝါးများ သယ်ဆောင်လာသည့် ဘင်္ဂါလီငါးဦးအား ဖမ်းဆီးရမိခဲ့ကြောင်း တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ခဲ့သည်။

မောင်တောမြို့နယ် မြို့ဦးကျေးရွာအုပ်စု လသာကျေးရွာရှိ အိမ်တစ်အိမ်မှ စိတ်ကြွရူးသွပ်ဆေးပြား နှစ်သောင်းနီးပါးကို တရားခံနှင့်အတူ ဖမ်းဆီးရမိ

မောင်တောမြို့နယ် မြို့ဦးကျေးရွာ အုပ်စုလသာကျေးရွာရှိ အိမ်တစ်အိမ်မှ စိတ်ကြွရူးသွပ်ဆေးပြား နှစ်သောင်းနီးပါးကို မတ် ၁၉ ရက်ညပိုင်းတွင် တရားခံနှင့်အတူ ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ မတ် ၁၉ ရက် ည ၁၁ နာရီတွင် မူးယစ်တပ်ဖွဲ့စု ၄၆ မောင်တောမှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မောင်တောမြို့နယ် မြို့ဦးကျေးရွာအုပ်စု လသာကျေးရွာနေ အဒူရော်ရှီး၏နေအိမ်ကို ရှာဖွေရာ နေအိမ်အောက်ထပ် သစ်ပုံများကြားမှ စိတ်ကြွရူးသွပ်ဆေးပြား ၁၉၅၀၀ သိမ်းဆည်းရမိခဲ့ခြင်းဖြစ်ကြောင်း သိရသည်။

ဖြစ်စဉ်နှင့်ပတ်သက်ပြီး အဒူရော်ရှီး (၂၅ နှစ်) အား မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားကြောင်း သတင်းရရှိသည်။

အလားတူ မတ် ၁၀ ရက် ညနေပိုင်းကလည်း မောင်တောမြို့ မြို့မတောင်ရပ်ကွက်နေ မနူရ်ဇာန်၏နေအိမ်ကိုရှာဖွေရာ မနူရ်ဇာန်နှင့် အူစမန်ဂေါ်နီတို့အား တွေ့ရှိရပြီး မနူရ်ဇာန်ထံမှ စိတ်ကြွရူးသွပ်ဆေးပြား ၁၆၃ ပြားနှင့် လက်ကိုင်ဖုန်းနှစ်လုံးတို့ကို သိမ်းဆည်းရမိခဲ့သဖြင့် မနူရ်ဇာန် (၄၈နှစ်) နှင့် အူစမန်ဂေါ်နီ (၂၂နှစ်) တို့အား မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာ ဥပဒေအရ အရေးယူထားကြောင်း သိရသည်။

မောင်တောမြို့နယ်တောင်ပိုင်း ကျောက်ပန္ဒူကျေးရွာအနီး လယ်ကွင်းနံဘေးတွင် မိုင်းငါးလုံး တွေ့ရှိ

ဘင်္ဂါလီအကြမ်းဖက်သမားများ စွန့်ပစ်ခဲ့သည်ဟု ယူဆရသော မိုင်းများကို တွေ့ရစဉ်

မောင်တောမြို့နယ်တောင်ပိုင်း ကျောက်ပန္တူကျေးရွာအနီး လယ်ကွင်းနံဘေးတွင် မိုင်းငါးလုံးကို ဇန်န၀ါရီ ၇ ရက် နံနက်ပိုင်းက တွေ့ရှိသိမ်းဆည်းရမိခဲ့ကြောင်း သိရသည်။

တွေ့ရှိရသည့် မိုင်းများမှာ ၀ိုင်ယာကြိုးပါ အလျား ၁၀ လက်မ၊ အချင်း တစ်လက်မခွဲ၊ လက်လုပ်မိုင်း သုံးလုံး၊ အလျား ၁၀ လက်မ၊ အချင်း တစ်လက်မခွဲရှိ (No.29) ပါ Remote ဆားကစ်ပြားပါတွဲလျက် လက်လုပ်မိုင်းတစ်လုံးနှင့် အလျား ရှစ်လက်မ၊ အချင်းငါးလက်မရှိ ကားပစ်စတင်ဖြင့် ပြုလုပ်ထားသော မိုင်းတစ်လုံး စုစုပေါင်း မိုင်းငါးလုံးဖြစ်ကြောင်း သိရသည်။

ဖြစ်စဉ်မှာ မောင်တောမြို့နယ်တောင်ပိုင်း ကျောက်ပန္တူကျေးရွာနေ ရွာသားတစ်ဦးဖြစ်သော ဦးစိန်ရွှေလှိုင်သည် သူ၏ယာခင်းသို့ ဇန်န၀ါရီ ၇ ရက် နံနက်ပိုင်းက သွားရောက်စဉ် ယာခင်းအနီး လယ်ကွင်းချုံပုတ်အတွင်း ပလတ်စတစ်အိတ်ဖြင့် ထုတ်ထားသည့် မသင်္ကာဖွယ် အထုပ်တစ်ထုပ် တွေ့ရှိကြောင်း သတင်းပေးပို့ချက်အရ လုံခြုံရေးတပ်ဖွဲ့မှ နံနက် ၉ နာရီ ၁၅ မိနစ်အချိန်တွင် သွားရောက်ရှင်းလင်းစဉ် အဆိုပါမိုင်းများကို တွေ့ရှိခဲ့ခြင်းဖြစ်ကြောင်း သိရသည်။

အဆိုပါ တွေ့ရှိရသည့် မိုင်းများသည် အကြမ်းဖက် တိုက်ခိုက်မှုဖြစ်စဉ်ပြီးနောက် အကြမ်းဖက်ဘင်္ဂါလီများ ထွက်ပြေးတိမ်းရှောင်သွားစဉ် စွန့်ပစ်ထားခဲ့သည့် မိုင်းများဖြစ်ကြောင်း သုံးသပ်ရကြောင်း သိရသည်။

အလားတူ ဒီဇင်ဘာ ၅ ရက် ညနေ ၄ နာရီကလည်း ကျောက်ပန္ဒူစေတီရွာ ဘင်္ဂါလီရွာမှ မြေမြှုပ်ထားသော လက်လုပ်မိုင်း ၉၇ လုံးကို တွေ့ရှိသိမ်းဆည်းရမိခဲ့သည်။

ထို့အပြင် နိုဝင်ဘာ ၁၃ ရက် မွန်းလွဲ ၁ နာရီခွဲအချိန် မောင်တောမြို့နယ်တောင်ပိုင်း ကျောက်ပန္ဒူကျေးရွာအုပ်စု၊ စေတီကျေးရွာအနီး၌ မြေသားများဖြင့် ဖုံးအုပ်ထားသည့် အမြင့်သုံးပေခွဲခန့်၊ အနံနှစ်ပေခန့်ရှိ ၀င်ပေါက်နှင့် အတွင်းပိုင်းတွင် အလျား ၁၅ ပေ၊ အနံငါးပေ၊ အမြင့် ငါးပေခန့်ရှိ မြေကျင်းတစ်ကျင်း တွေ့ရှိခဲ့သည်။

အလားတူ နိုဝင်ဘာ ၅ ရက် နံနက်ပိုင်းကလည်း ကျောက်ပန္ဒူကျေးရွာအလယ်ရှိ တောင်ကုန်းငယ်၌ အလျား ၁၅ ပေ၊ အနံ ၁၀ ပေ၊ အမြင့် ၅ ပေရှိ သစ်လုံးများမိုးထားပြီး ပျဉ်ခင်းထားသော လူလုပ်လှိုဏ်ဂူတစ်ခုကို တွေ့ရှိခဲ့ကာ စစ်ဆေးချက်များအရ ယခင်က အကြမ်းဖက်သမားများ၏ ရိက္ခာနှင့် ဆေးဝါးများ သိုလှောင်ခဲ့သည့် ခြေရာလက်ရာများကို ရှာဖွေ့တွေ့ရှိခဲ့ခြင်းဖြစ်ကြောင်း သိရသည်။

ထို့အတူ နိုဝင်ဘာ ၅ ရက်မှာပင် သင်္ဘောကွေ့ကျေးရွာ၏ အရှေ့ဘက်တောင်ကုန်း၌ အမြင့်လေးပေ၊ အနံသုံးပေရှိပြီး ကျောက်သားအား ထွင်းထားသော လှိုက်ဂူတစ်ခုအား ရှာဖွေတွေ့ရှိခဲ့ပြီး ယင်းလှိုဏ်ဂူသည် ယခင်က အကြမ်းဖက်သမားအင်အား ၂၀ ဦးမှ ၂၅ ဦးခန့် နေထိုင်ခဲ့ကြောင်းတို့အား စစ်ဆေးတွေ့ရှိရပြီး လိုဏ်ဂူအတွင်းမှ ဆန်အိတ်ပိုင်း ငါးပိုင်း၊ ဆီပုံးခွံ တစ်ခု၊ သင်္ဘောကွေ့ကျေးရွာနေ မာမတ်တူဆောင်း(ဘ)မိုဟာမတ်ကာလာမျာနှင့် ကျောက်ပန္ဒူကျေးရွာနေ အဒူဟာလိပ် (ဘ)အာဘူဟာရှိန်းတို့၏ အမည်များပါရှိသည့် ကျောင်းသားကတ်နှစ်ခု၊ ကိုရမ်ကျမ်း စာအုပ်သုံးအုပ်နှင့် ဟောင်းနွမ်းနေသည့် အင်္ကျီသုံးထည်တို့အား ရှာဖွေတွေ့ရှိခဲ့ကြောင်း သိရသည်။ သားရွှေဦး(ကစ္ဆပ)