ပုဒ်မ ၅၀၅ (ခ) ဖြင့် တရားစွဲဆို ခံထားရသည့် သင်္ဘောကွေ့ကျေးရွာမှ ဇနီးမောင်နှံနှစ်ဦးအား ခုနစ်ကြိမ်မြောက် ရုံးချိန်းတွင် တရားလိုသက်သေ တစ်ဦးတစ်ယောက်မျှ မရောက်သဖြင့် စစ်ဆေးနိုင်ခြင်းမရှိ

၅၀၅ (ခ) ဖြင့် တရားစွဲဆို ခံထားရသည့် သင်္ဘောကွေ့ကျေးရွာမှ ဇနီးမောင်နှံနှစ်ဦးအား သြဂုတ် ၂၉ ရက်က ခုနစ်ကြိမ်မြောက် ရုံးထုတ်ခဲ့ပြီး တရားလိုသက်သေ တစ်ဦးတစ်ယောက်မျှ မရောက်သဖြင့် စစ်ဆေးနိုင်ခြင်းမရှိဘဲ စက်တင်ဘာ ၃ ရက်သို့ ထပ်မံချိန်းဆိုခဲ့ကြောင်း သိရသည်။

“ဒီကနေ့ ရုံးချိန်းမှာ တရားလိုသက်သေ တစ်ဦးတစ်ယောက်မှ မရောက်တဲ့အတွက် လာမယ့် စက်တင်ဘာ ၃ ရက်ကို ရုံးထပ်ချိန်းပါတယ်”ဟု ရှေ့နေ ဦးသင်္ခါကျော်က ပြောကြားသည်။

သြဂုတ် ၂၁ ရက် ခြောက်ကြိမ်မြောက် ရုံးချိန်းတွင် တရားလို ဒုတိယမြို့နယ် အုပ်ချုပ်ရေးမှူးအား စစ်ဆေးခဲ့ကြောင်း သိရသည်။ ဇူလိုင် ၂၃ ရက် ဒုတိယအကြိမ် ရုံးချိန်းတွင် ဒေါ်ဥမ္မာကျော်အား အာမခံလျှောက်ထားခဲ့သော်လည်း ဇူလိုင် ၃၀ ရက်က တတိယအကြိမ် ရုံးထုတ်ခဲ့ရာတွင် ဒေါ်ဥမ္မာကျော်အား အာမခံလျှောက်ထားမှုကို ပယ်ချခံခဲ့ရသည်။

အဆိုပါ ၅၀၅ (ခ) ဖြင့် တရားစွဲဆိုခံထားရသည့် မောင်တောတောင်ပိုင်းရှိ သင်္ဘောကွေ့ ကျေးရွာသား သုံးဦးအနက် ဦးထွန်းမြင့်ဦးနှင့် ဒေါ်ဥမ္မာကျော်တို့အား ဇူလိုင် ၉ ရက်က ဖမ်းဆီးခဲ့ခြင်း ဖြစ်ကြောင်းနှင့် ပထမအကြိမ်အဖြစ် ဇူလိုင် ၁၆ ရက်က မောင်တောမြို့နယ် တရားရုံးတွင် ရုံးထုတ်ခဲ့ကြောင်း သိရသည်။

လက်ရှိတွင် ဖမ်းဆီးခံထားရသူ ဦးထွန်းမြင့်ဦး နှင့် ဒေါ်ဥမ္မာကျော်တို့အား ဘူးသီးတောင် အကျဉ်းထောင်တွင် ထိန်းသိမ်းထားကြောင်း သိရသည်။

သင်္ဘောကွေ့ကျေးရွာသား သုံးဦးအား ရာဇသတ်ကြီး ပုဒ်မ ၅၀၅(ခ) အရ ရာဇ၀တ်မှုကို ကျူးလွန်ကြောင်းနှင့် စွဲချက်ရှိသည်ကို ထုချေရှင်းလင်းရန် ဇူလိုင် ၉ ရက်အရောက် လာရောက်ရန် မြို့နယ်တရားရုံးမှ ဇူလိုင် ၈ ရက်က သမ္မန်စာပေးပို့ခဲ့ပြီး ကျေးရွာအား ဇူလိုင် ၉ ရက်တွင် သက်ဆိုင်ရာမှ ဖြိုဖျက်ခဲ့သည်။

မောင်တောမြို့နယ် သင်္ဘောကွေ့ကျေးရွာအား ဇူလိုင် ၉ ရက်တွင် သက်ဆိုင်ရာက ရှင်းလင်းဖယ်ရှားမှုများ ပြုလုပ်ခဲ့ပြီး ကျေးရွာသားများအား အင်းဒင်ကျေးရွာသို့ ပြောင်းရွှေ့ပေးမည်ဟု ပြောဆိုခဲ့သော်လည်း ကျေးရွာသားများက လက်မခံဘဲ ကျောက်ပန်းတူကျေးရွာ ဘုန်းတော်ကြီးကျောင်းသို့ ပြောင်းရွှေ့ခဲ့ကြောင်း သိရသည်။

ရခိုင်ပြည်နယ် အစိုးရအဖွဲ့က မောင်တောမြို့နယ် သင်္ဘောကွေ့ကျေးရွာ မီးလောင်ပြင်နေရာတွင် ဥပဒေမဲ့ ၀င်ရောက် နေထိုင်သူများအတွက် လမ်းပန်းဆက်သွယ်ရေး ကောင်းမွန်ပြီး သွားလာရ လွယ်ကူသည့် မောင်တောမြို့နယ် အင်းဒင်ရဲစခန်း အရှေ့ဘက်တွင် ကျေးရွာသစ် မြေနေရာရွေးချယ်ပြီး ယာယီ အဆောက်အအုံများ ဆောက်လုပ်ပေးကာ အမြဲနေထိုင်နိုင်ရေးအတွက် အခိုင်အမာအဆောက်အအုံ တစ်လုံး တည်ဆောက်ပေးလျက်ရှိကြောင်း ဇူလိုင် ၁၂ ရက်က အစိုးရမှ သတင်းထုတ်ပြန်ခဲ့သည်။

ရခိုင်ပြည်နယ် မြို့နယ်အသီးသီးမှ ရွှေ့ပြောင်းလာသူများသည် မောင်တောမြို့နယ် တောင်ပိုင်း သင်္ဘောကွေ့ကျေးရွာတွင် ၂၀၁၇ ခုနှစ် ဒီဇင်ဘာလက စတင်အခြေချ နေထိုင်ခဲ့ကြောင်း သိရသည်။

မြို့နယ် အထွေထွေအုပ်ချုပ်ရေးဦးစီးဌာနက ၂၀၁၈ ခုနှစ် ဖေဖော်ဝါရီ ၂၁ ရက်တွင် ဥပဒေမဲ့ ၀င်ရောက် နေထိုင်သူများအား သက်ဆိုင်ရာမှ တရားဝင်ခွင့်ပြုချက် တစ်စုံတစ်ရာမရရှိဘဲ နေထိုင်မှုမပြုရန် တားမြစ်ထားခဲ့ပြီး လိုက်နာမှုမရှိပါက တည်ဆဲဥပဒေအရ အရေးယူဆောင်ရွက်သွားမည်ကို အသိပေးအကြောင်းကြားခဲ့ကြောင်း၊ လိုက်နာဆောင်ရွက်မှု မရှိသဖြင့် ထပ်မံ၍ သတိပေးစာနှစ်ကြိမ် ထုတ်ပြန်ခဲ့ကြောင်း ၊ ဖေဖော်ဝါရီ ၂၅ ရက်က သင်္ဘောကွေ့ကျေးရွာ မီးလောင်ပြင်နေရာမှ ပြောင်းရွှေ့လာသည့် အိမ်ထောင်စု ၃၇ စုအား သက်ဆိုင်ရာမှ အင်းဒင်ကျေးရွာသစ်မြေနေရာသို့ စနစ်တကျ ပြောင်းရွှေ့ နေရာချထားပေးခဲ့ပြီး ဥပဒေမဲ့ နေထိုင်သူ အိမ်ထောင်စု ၂၄ စုမှာ မပြောင်းရွှေ့ဘဲ ဆက်လက်နေထိုင်လျက်ရှိသဖြင့် သက်ဆိုင်ရာက ဥပဒေနှင့်အညီ ရှင်းလင်းဖယ်ရှားခဲ့ခြင်း ဖြစ်ကြောင်း အစိုးရက သတင်းထုတ်ပြန်ထားသည်။

မောင်တောမြို့ ကညင်တန်း (မြို့မ) အုပ်စု တောင်ရွာ၌ နေအိမ်နှစ်လုံး မီးလောင်မှုဖြစ်ပွား

မောင်တောမြို့ ကညင်တန်း (မြို့မ) အုပ်စု တောင်ရွာ၌ မီးလောင်မှု ဖြစ်ပွားနေသည်ကို တွေ့ရစဉ်

မောင်တောမြို့ ကညင်တန်း (မြို့မ) အုပ်စု တောင်ရွာ၌ နေအိမ်နှစ်လုံး သြဂုတ် ၂၉ ရက် နံနက် ၁ နာရီက မီးလောင်မှုဖြစ်ပွားခဲ့ကြောင်း သိရသည်။

မီးလောင်မှုဖြစ်စဉ်မှာ မောင်တောမြို့က ညင်တန်း (မြို့မ) အုပ်စု တောင်ရွာနေ မာမောက်ကာမာ (ဘ) မာမောက်ကာဆိမ်း အသက် (၃၅ နှစ်) ၏ (၂၀ x ၁၅ x ၁၀)ပေ သွပ်မိုး၊ ၀ါထရံကာ၊ ပျဉ်ခင်းနေအိမ်ရှိ မီးဖိုဆောင်မှ မီးဖိုတွင် အမဲသားခြောက် ကျပ်တင်ထားရာမှတစ်ဆင့် အနီးရှိ ၀ါးထရံသို့ မီးကူးစက် လောင်ကျွမ်းခဲ့ပြီး အနီးရှိ နေအိမ် အေဆန် (ဘ) မာမောက်ကာဆိမ်း ၏ (၂၅ x ၁၅ x ၁၀)ပေ သွပ်မိုး၊ ၀ါးထရံကာ၊ ပျဉ်ခင်း နေအိမ်နှစ်လုံး မီးလောင်ကျွမ်းခဲ့ခြင်း ဖြစ်ကြောင်းနှင့် မီးလောင်ဆုံးရှုံးမှု တန်ဖိုး ကျပ် ၇၇၀၀၀၀ ခန့် မီးလောင်ဆုံးရှုံးခဲ့ကြောင်း သိရသည်။

မီးလောင်မှုအား မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ ကျေးရွာသူ/သားများ၊ လုံခြုံရေး တပ်ဖွဲ့ဝင်များ လိုက်ပါပြီး မီးငြှိမ်းသတ်ခဲ့ရာ နံနက် ၂ နာရီတွင် မီးထိန်းနိုင်ခဲ့ပြီး နံနက် ၂ နာရီခွဲ မီးလုံးဝငြိမ်းခဲ့ကြောင်း နှင့် လူ၊ တိရစ္ဆာန် ထိခိုက်ဒဏ်ရာ ရရှိမှုများ မရှိကြောင်း မောင်တောမီးသတ်တပ်ဖွဲ့မှ သိရသည်။

နေအိမ်ပိုင်ရှင်အား ကညင်တန်း (မြို့မ) အုပ်စု တောင်ရွာနေ မာမောက်ကာမာ (ဘ) မာမောက်ကာဆိမ်းအား မောင်တောမြို့မရဲစခန်းမှ (ပ-၃၂/၂၀၁၈) ၊ ပုဒ်မ ၂၈၅ ဖြင့် အမှုဖွင့်အရေးယူ ဆောင်ရွက်လျက် ရှိသည်။

ယင်းမတိုင်မီ သြဂုတ် ၂၄ ရက် ညနေ ၁၀ နာရီခွဲခန့်ကလည်း မောင်တောမြို့ သရက်အုပ်ကျေးရွာအုပ်စု အာရှိတ်ဂျာကျေးရွာနေ ဆော်ရောက်ဟူဆောင်း၏ (၁၅ x ၁၂ x ၁၀) ပေ၊ ဓနိမိုး၊ ၀ါးထရံကာ၊ မြေစိုက်နေအိမ်တွင် မီးဖိုဆောင်မှ တစ်ဆင့် အနီးရှိ ၀ါးထရံသို့ မီးကူးစက် လောင်ကျွမ်းခဲ့ကြောင်း၊ အိမ်နှစ်လုံး မီးကူးစက် လောင်ကျွမ်းခဲ့ကြောင်း သိရသည်။

အကြမ်းဖက်တိုက်ခိုက်မှု တစ်နှစ်ပြည့်မြောက်သည့် ကာလတွင် အကြမ်းဖက်တိုက်ခိုက်မှု ထပ်မံမဖြစ်လာရေး နယ်စပ်ခြံစည်းရိုး တစ်လျှောက် လုံခြုံရေး ဖြန့်ကြက်နေရာယူထားပြီး မောင်တောခရိုင်အတွင်း စောင့်ကြည့်ကင်း၊ နေ့ည လှည့်ကင်းများ ဆောင်ရွက်ထားရှိ

အကြမ်းဖက်တိုက်ခိုက်မှု တစ်နှစ်ပြည့်မြောက်သည့် ကာလတွင် နယ်စပ်ဖြတ်ကျော် ၀င်ရောက်ပြီး အကြမ်းဖက် တိုက်ခိုက်မှု ထပ်မံမဖြစ်လာရေး နယ်စပ်ခြံစည်းရိုး တစ်လျှောက် နယ်ခြားစောင့်ရဲမှ လုံခြုံရေး ဖြန့်ကြက်နေရာယူထားပြီး မောင်တောခရိုင်အတွင်း မြို့များတွင် ရဲတပ်ဖွဲ့မှ စောင့်ကြည့်ကင်း၊ နေ့ည လှည့်ကင်းများ ဆောင်ရွက်ထားရှိကြောင်း ရခိုင်ပြည်နယ် ရဲတပ်ဖွဲ့မှူးက ပြောကြားသည်။

“မောင်တောမှာ မြန်မာနိုင်ငံ ရဲတပ်ဖွဲ့အနေနဲ့ ပြန်ကြည့်မယ်ဆိုရင် နယ်ခြားစောင့် ရဲတပ်ဖွဲ့ဆိုတာ ရှိပါတယ်။ နယ်စပ်တစ်လျှောက်၊ နယ်စပ်ခြံစည်းရိုး တစ်လျှောက်မှာ ဖြန့်ကြက်ပြီးတော့ လုံခြုံရေး စခန်းပေါင်း အားလုံး ၁၆၀ ကျော် ဖြန့်ကြက်ပြီး နေရာယူထားတာ ရှိပါတယ်။ အတွင်းပိုင်းမှာလည်း မောင်တောခရိုင် ရဲတပ်ဖွဲ့အနေဖြင့် မောင်တောမြို့နယ်ရဲတပ်ဖွဲ့၊ ဘူးသီးတောင်မြို့နယ်ရဲတပ်ဖွဲ့ ဖြန့်ခွဲပြီးတော့မှ လုံခြုံရေးအင်အား တစ်ထောင်နီးပါးနဲ့ ဆောင်ရွက်နေတာ ရှိပါတယ်။ အဲလိုဆောင်ရွက်တဲ့ အခါမှာ ရဲတပ်ဖွဲ့ရဲ့ လုံခြုံရေးလုပ်ငန်းစဉ်ဖြစ်တဲ့ စောင့်ကြည့်ကင်းတွေ ချထားပါတယ်။ နေ့ပိုင်းလှည့်ကင်းတွေ ဆောင်ရွက်ပါတယ်။ ညပိုင်းကိုလည်း လှည့်ကင်းဆောင်ရွက်ပါတယ်။ လုံခြုံရေးအရ မသင်္ကာတဲ့ ကျော်စောသတင်းတွေရှိတဲ့ လုံခြုံရေး ကျိုးပေါက်မှုရှိနိုင်တဲ့ ယခင်ပြစ်ချက်ဟောင်း ရှိတဲ့သူတွေကိုလည်း စောင့်ကြည့်ပြီးတော့ လိုအပ်ရင် လိုအပ်သလို အရေးယူ ဆောင်ရွက်နေတာ ရှိပါတယ်” ဟု ရခိုင်ပြည်နယ်ရဲတပ်ဖွဲ့မှူး ရဲမှူးကြီး အောင်မြတ်မိုးက မီဒီယာများသို့ ပြောကြားသည်။

မောင်တောနယ်စပ်တွင် အကြမ်းဖက် အဖွဲ့မှ လူသစ်စုဆောင်းခြင်း၊ သင်တန်းပေးခြင်း၊ လက်နက်ခဲယမ်းနှင့် ရိက္ခာစုဆောင်းခြင်း သတင်းများ ရရှိထားသဖြင့် နယ်စပ်ဖြတ်ကျော်ပြီး ၂၀၁၂ ခုနှစ်၊ ၂၀၁၆ ခုနှစ်၊ ၂၀၁၇ ခုနှစ်ကကဲ့သို့ အကြမ်းဖက်တိုက်ခိုက်မှု ဖြစ်စဉ်မဖြစ်ရအောင် ကြိုတင်ကာကွယ် တားဆီးမှု လုံခြုံရေးပိုင်းကို လုပ်နေခြင်းဖြစ်သည်။

“တစ်ဖက်နိုင်ငံက ဒုက္ခသည် စခန်းတွေမှာ ဒုက္ခသည်အသွင်ယူပြီးတော့ စိမ့်ဝင်ရောက်ရှိနေတာ ရှိပါတယ်။ တစ်ဖက်နိုင်ငံက ဖမ်းဆီးရမိမှု ဖြစ်စဉ်တွေကို ပြန်လေ့လာကြည့်တဲ့အခါ လုပ်သေနတ်တွေကို ဖမ်းဆီးရမိတယ်။ မူးယစ်ဆေးဝါးတွေ အမြောက်အမြား ဖမ်းဆီးရမိတယ်။ အကြမ်းဖက်နဲ့ ဆက်သွယ်ပတ်သက် သူတွေကိုလည်း အမြောက်အမြား ဖမ်းဆီးရမိတာ ရှိပါတယ်။ နောက်တစ်ခါ နယ်စပ်ဒေသမှာ လူသစ်တွေ စုဆောင်းနေတယ်။ သင်တန်းတွေ ပေးနေတယ်။ လက်နက်ခဲယမ်းတွေ စုဆောင်းနေတယ်။ ရိက္ခာတွေ စုဆောင်းနေတယ်ဆိုတဲ့ သတင်းတွေ ရရှိထားပါတယ်။ အဲဒီအတွက် နယ်စပ်ဖြတ်ကျော်ပြီးတော့မှ ၂၀၁၂ ခုနှစ်၊ ၂၀၁၆ခုနှစ်၊ ၂၀၁၇ ခုနှစ်ကလို ၀င်ရောက်ပြီးတော့ အကြမ်းဖက် တိုက်ခိုက်မှုဖြစ်စဉ် မဖြစ်ရအောင်လို့ အခုလို ကြိုတင်ကာကွယ် တားဆီးမှုတွေ လုံခြုံရေးပိုင်းကို လုပ်နေတာ ဖြစ်ပါတယ်” ဟု ရခိုင်ပြည်နယ် ရဲတပ်ဖွဲ့မှူး ရဲမှူးကြီး အောင်မြတ်မိုးက ပြောကြားသည်။

ထို့အပြင် အခြေအနေ လိုအပ်ချက်အရ တပ်မတော်ကို အကူအညီတောင်းခံပြီး လှည့်ကင်းများ ပူးပေါင်းဆောင်ရွက်နေပြီး သြဂုတ်လကုန်အထိ တောက်လျှောက် ဆောင်ရွက်သွားမည် ဖြစ်ကြောင်းနှင့် နောက်ထပ် လိုအပ်သလို ဆက်လက်ဆောင်ရွက်မည် ဖြစ်ကြောင်း၊ မြန်မာ-ဘင်္ဂလားဒေ့ရှ် နယ်စပ်ခြံစည်းရိုး တစ်လျှောက် နယ်မြေလုံခြုံရေးအတွက် နှစ်နိုင်ငံ ညှိနှိုင်း၍ မြန်မာနိုင်ငံ နယ်ခြားစောင့် ရဲတပ်ဖွဲ့ဝင်များနှင့် ဘင်္ဂလားဒေ့ရှ်  နယ်ခြားစောင့်တပ်မှ လုံခြုံရေး တပ်ဖွဲ့ဝင်များသည် မိမိတို့နိုင်ငံ အသီးသီး အတွင်းရှိ နယ်စပ်ခြံစည်းရိုး လမ်းအတိုင်း နှစ်နိုင်ငံ နှစ်ဘက်ညှိနှိုင်း၍ မြေပြင်လှည့်ကင်း ဆောင်ရွက်ခြင်းနှင့် နတ်မြစ်အတွင်း ရေကြောင်းကင်းလှည့်ခြင်းတို့ကို ဆောင်ရွက်နေခြင်းဖြစ်ကြောင်း သိရသည်။

၂၀၁၇ ခုနှစ် သြဂုတ် ၂၅ ရက်က မောင်တောခရိုင်အတွင်း ရဲကင်းစခန်း ၃၀ နှင့် တပ်စခန်းတစ်ခုကို ARSA အစွန်းရောက် ဘင်္ဂါလီ အကြမ်းဖက်အဖွဲ့က ၀င်ရောက်စီးနင်း တိုက်ခဲ့သဖြင့် တပ်ဖွဲ့ဝင် ၁၁ ဦး၊ ဒုလ၀ကမှူး တစ်ဦးကျဆုံးခဲ့ပြီး ဒဏ်ရာရ တပ်ဖွဲ့ဝင်ပေါင်း ၁၁ ဦး ရှိခဲ့ကြောင်း သိရသည်။

 

မောင်တောခရိုင်အတွင်း လုံခြုံရေးကို နေ့ညမပြတ်ဆောင်ရွက်ထားပြီး တစ်ဖက်အဖွဲ့အစည်း၏ သတင်းရရှိအောင် ကြိုးစားဆောင်ရွက်နေကြောင်း မောင်တောခရိုင် ရဲတပ်ဖွဲ့မှူး ပြောကြား

မောင်တောခရိုင်အတွင်း လုံခြုံရေး ဆောင်ရွက်နေစဉ်

မောင်တောခရိုင်အတွင်း တည်ငြိမ်အေးချမ်းရေးအတွက် လုံခြုံရေးအား နေ့ညမပြတ် ဆောင်ရွက်ထားပြီး တစ်ဖက်အဖွဲ့အစည်း၏ သတင်းရရှိအောင် ကြိုးစားဆောင်ရွက်နေကြောင်း မောင်တောခရိုင်ရဲတပ်ဖွဲ့မှူး ဒုရဲမှူးကြီး ထွန်းမြင့်ထွန်း၏ ပြောကြားချက်အရ သိရသည်။

၂၀၁၇ ခုနှစ် သြဂုတ် ၂၅ ရက် အကြမ်းဖက်တိုက်ခိုက်မှု နှစ်ပတ်လည်နေ့နှင့်နီးကပ်ချိန်တွင် တစ်ကျော့ပြန်အကြမ်းဖက်တိုက်ခိုက်မှုများ မဖြစ်ပေါ်လာစေရေးအတွက် ကြိုတင် ပြင်ဆင်သည့်အနေဖြင့် လုံခြုံရေးအင်အား များတိုးမြှင့်ကာ အသင့်အနေအထားတပ်လှန့်ထားကြောင်း သိရသည်။

မောင်တောခရိုင်ရဲတပ်ဖွဲ့အနေဖြင့် မောင်တောမြို့လုံခြုံရေးအတွက် မြို့ပေါ်အချက်အချာကျသောနေရာများတွင် ပုံသေကင်း၊ ၀ပ်ကင်း၊ ချပ်ကင်းများ ချထားပြီး နေ့/ ည ပူးပေါင်းလှည့်ကင်း၊ ပုံမှန်လှည့်ကင်း။ ရပ်ကင်းများ အပြည့်အ၀ဆောင်ရွက်လျက်ရှိကြောင်း သိရသည်။

မောင်တောခရိုင်ရဲတပ်ဖွဲ့မှူး ဒုရဲမှူးကြီးထွန်းမြင့်ထွန်းက“ကျွန်တော်တို့ကတော့ မောင်တောတစ်ခရိုင်လုံး အေးအေးချမ်းချမ်းရှိအောင် ကျွန်တော်တို့မှာရှိတဲ့ တပ်ဖွဲ့ဝင်တွေနဲ့ နေ့ရော၊ ညရော ကင်းလှည့်တာတွေ၊ လှည့်ကင်း၊ ပတ်ကင်း၊ ၀ပ်ကင်းတွေ ဆောင်ရွက်နေပါတယ်။ အလားတူပဲ အရပ်ဝတ်နဲ့လည်း ကျွန်တော်တို့ နေ့ရောညရော သတင်းပေးတွေ ထည့်ထားတယ်။ ကျွန်တော်တို့လူတွေထည့်ထားတယ်ဆိုတော့ တစ်ဖက်အဖွဲ့အစည်းတွေရဲ့ သတင်းကိုရရှိအောင် တောက်လျှောက်ကြိုးစားနေပါတယ်” ဟု ပြောကြားသည်။

ထို့ပြင် မူးယစ်ဆေးဝါးနှင့် ဆက်စပ်သတင်းများအပေါ် မူတည်ကာ မူးယစ်ဆေးဝါးများ စံချိန်တင်ဖမ်းဆီးရမိခဲ့ကြောင်းလည်း သိရသည်။

သြဂုတ် ၁၇ ရက် ညနေပိုင်းက တစ်ဖက် နိုင်ငံသို့ တင်ပို့မည့် ချင်း(ဂျင်း)များ တင်ဆောင်လာသော ယာဉ်တစ်စီးပေါ်မှ ချင်း (ဂျင်း) များ နှင့်ရောနှော သယ်ဆောင်လာသည့် ငွေကျပ်သိန်းပေါင်း ရှစ်သောင်းနီးပါးတန်ဖိုးရှိ စိတ်ကြွ ဆေးပြား သိန်းပေါင်း ၃၀ နီးပါးအား မောင်တောမြို့ပေါ်တွင် ဖမ်းဆီးရမိခဲ့ကြောင်း သိရသည်။

“ထူးခြားသတင်းအနေနဲ့ဆိုရင်လည်း မူးယစ်ဆေးဝါးနဲ့ပတ်သက်ပြီး မနေ့က အကြမ်းဖျင်း သိန်းသုံးဆယ်နီးပါးလောက်ရှိတဲ့ မူးယစ်ဆေးဝါးတွေ ဖမ်းဆီးရမိပါတယ်။ ကျွန်တော်တို့အနေနဲ့လည်း အမျိုးသားရေး တာဝန် တစ်ရပ်အနေနဲ့ မရရအောင်ဖော်ထုတ်မယ်။ လက်ရှိလည်း ကြိုးစားဆောင်ရွက်နေပါတယ်”  ဟု မောင်တောခရိုင်ရဲတပ်ဖွဲ့မှူး ဒုရဲမှူးကြီး ထွန်းမြင့်ထွန်းက ပြောကြားသည်။

မောင်တောခရိုင်အတွင်း ARSA အစွန်းရောက် ဘင်္ဂါလီအကြမ်းဖက်သမားများ၏ တိုက်ခိုက်မှုမှာ သြဂုတ် ၂၅ ရက်တွင် တစ်နှစ် ပြည့်မြောက်တော့မည်ဖြစ်ပြီး လတ်တလောတွင် ဒေသအတွင်း ကောလာဟလများမပြတ် ထွက်ပေါ်နေသဖြင့် လူနည်းစု တိုင်းရင်းသားများ စိုးရိမ်မှုများ ဖြစ်ပေါ်နေကြောင်းသိရသည်။

မောင်တောမြို့မိမြို့ဖတစ်ဦးဖြစ်သူ ရှေ့နေ ဦးအောင်ကျော်ညွန့်က “အခုက သြဂုတ် ၂၅ နဲ့လည်း နီးလာပြီ။ သြဂုတ် ၂၅ ရက် ဆိုရင် အကြမ်းဖက်မှုက တစ်နှစ်ပြည့်တော့မယ်။ လတ်တလောမှာ ထွက်နေတဲ့သတင်းတွေ ဆိုရင် သြဂုတ် ၂၅ ရက်မတိုင်မီ ၀င်တိုက်မယ် ဘာညာ သတင်းထွက်တယ်။ ဆိုတော့ အဲဒါနဲ့ပတ်သက်လို့ လုံခြုံရေးတပ်ဖွဲ့တွေကတော့ မြို့ပေါ်မှာ ပူးပေါင်းလှည့်ကင်းတွေ လုပ်တာတွေ့တယ်။ ပြီးရင် ကျေးရွာတွေကို ၀င်ပြီး စစ်ဆေးတာတို့ လုပ်တယ်လို့လည်း သိရတယ်။ နောက်ထွက်တဲ့ သတင်းတွေကဆိုရင် ကလေးတွေကို ကျောင်းလွှတ်လိုက်တယ်။ သတင်းထူးနေပြီ။ အကြမ်းဖက်အဖွဲ့တွေ တွေ့တယ် ဆိုတာကတော့ ကောလာဟလတွေ သာ ဖြစ်ပါတယ်။ အမှန်ကတော့ Facebook မှာ ကြားတဲ့သတင်းတွေကို အတည်မပြုနိုင်ဘဲ လျှောက်တင်နေတာသာ ဖြစ်ပါတယ်။ လက်ရှိ မောင်တောမြို့အနေအထားက ပုံမှန်ပါပဲ” ဟု ပြောကြားသည်။

လုံခြုံရေးပိုင်းဆိုင်ရာနှင့်ပတ်သက်ပြီး လုံခြုံရေးအဖွဲ့အစည်းများက အသင့်အနေအထားဖြင့် အမြဲတမ်းရှိနေကြောင်းနှင့် ယခင်နှစ် အကြမ်းဖက်ဖြစ်စဉ်ကဲ့သို့ နောက်ထပ်မဖြစ်ရအောင် လုံခြုံရေး တိုးမြှင့်ချထားကြောင်း သိရသည်။