မြောက်ကိုရီးယားအသင်းဘက်သို့ ဂိုးသွင်းနိုင်၍ ၀မ်းသာမိကြောင်း မောင်မောင်လွင် ပြောကြား

မောင်မောင်လွင် ဂိုးသွင်းအပြီး ကစားဖော်များနှင့် အောင်ပွဲခံနေစဉ် (ဓာတ်ပုံ-ညီညီစိုးညွန့်)

မြန်မာ ယူ-၂၃ အသင်း တောင်ပံကစားသမား မောင်မောင်လွင်က အာရှအားကစားပြိုင်ပွဲ အဖွင့်ပွဲတွင် မြောက်ကိုရီးယားဘက်သို့ ဂိုးသွင်းနိုင်ခဲ့၍ ၀မ်းသာမိကြောင်း ပြောကြားသည်။ မောင်မောင်လွင်သည် ၂၄ နှစ်အကြာ တွင် အာရှအားကစားပြိုင်ပွဲ၌ တစ်ကျော့ပြန် ၀င်ရောက်ယှဉ်ပြိုင်သည့် မြန်မာ ယူ-၂၃ အသင်းအတွက် ပထမဆုံး ဂိုးသွင်းနိုင်သူအဖြစ် မှတ်တမ်းဝင်ခဲ့သည်။

မောင်မောင်လွင်က “မြောက်ကိုရီးယား အသင်းဆီက အမှတ်ရဖို့ ကျွန်တော်ရဲ့ သွင်းဂိုးက အထောက်အကူဖြစ်ခဲ့တယ်ဆိုတော့ အရမ်းဝမ်းသာပါတယ်။ ဒီလိုမျိုး ဂိုးသွင်းနိုင်တာက ဆရာဦးစိုးမြတ်မင်းရဲ့ ကျေးဇူးကြောင့် ပါ။ ကျွန်တော့်ရဲ့ပုံစံက အဲ့ဒီလို အခွင့်အရေးမျိုးရရင် လိမ်ပြီးမှ ကန်သွင်းတာပါ။ ဆရာ ဦးစိုးမြတ်မင်းက အဲ့လိုအခွင့်အရေးမျိုးရရင် မလိမ်ဘဲ ကန်သွင်းဖို့မှာကြားသလို သင်လည်း သင်ထားပေးပါတယ်။ ဒါကြောင့် အခွင့်အရေးရတဲ့အချိန်မှာ ကန်သွင်းလိုက်တာပါ။ ဆရာ ဦးစိုးမြတ်မင်းကြောင့် ဒီဂိုးရခဲ့တာပါ။ နည်းပြသင်ကြားတဲ့အတိုင်း လာမယ့်ပွဲတွေမှာလည်း ရလဒ်ကောင်းရအောင် ကြိုးစားမှာပါ။ အားပေးတဲ့ ပရိသတ်တွေကိုလည်း ကျေးဇူးတင်ပါတယ်” ဟု ပြောကြားသည်။ မောင်မောင်လွင်သည် ယင်းပွဲတွင် ပွဲချိန်ပြည့်ပါဝင်ကစားပြီး တိုက်စစ်မှူးအောင်သူနှင့် အတွဲညီညီကစား နိုင်ခဲ့သည်။ မြန်မာ ယူ-၂၃ အသင်းသည် ပြိုင်ပွဲအကြိုပြင်ဆင်မှုအဖြစ် လေးနိုင်ငံဖိတ် ခေါ်ပြိုင်ပွဲနှင့် ထိုင်းခြေစမ်းခရီးစဉ်များ သွားရောက်ခဲ့ပြီး စုစုပေါင်းလေးပွဲကစားခဲ့ရာ တစ်ပွဲ နိုင်၊ နှစ်ပွဲသရေ၊ တစ်ပွဲရှုံးနိမ့်ခဲ့သည်။ မောင်မောင်လွင်သည် အာရှအားကစားပြိုင်ပွဲ အတွက် ဖွဲ့စည်းထားသည့် မြန်မာ ယူ-၂၃ အသင်းအတွက် ပထမဆုံး ဂိုးသွင်းနိုင်ခြင်း ဖြစ်သည်။ မောင်မောင်လွင်သည် မြန်မာ ယူ-၁၉ အသင်းမှ ထွက်ပေါ်လာသည့် ကစားသမားတစ်ဦးဖြစ်သည်။

၂၄ နှစ်အကြာတွင် ယှဉ်ပြိုင်မည့် အာရှအားကစားပြိုင်ပွဲ၌ မြန်မာအသင်း မြောက်ကိုရီးယားနှင့် ယနေ့ကစားမည်

အာရှအားကစားပြိုင်ပွဲယှဉ်ပြိုင်မည့် မြန်မာ ယူ-၂၃ အသင်းသားများ (ဓာတ်ပုံ – ညီညီစိုးညွန့်)

အာရှအားကစားပြိုင်ပွဲ၌ နှစ်ပေါင်း ၂၄ နှစ်အကြာတွင် တစ်ကျော့ပြန်ဝင်ရောက်ယှဉ်ပြိုင်သည့် မြန်မာအမျိုးသားဘောလုံးအသင်းသည် အုပ်စုပထမပွဲအဖြစ် မြောက်ကိုရီးယားအသင်းနှင့် သြဂုတ် ၁၅ ရက် (ယနေ့) ယှဉ်ပြိုင်ကစားမည်ဖြစ်ကြောင်း သိရသည်။

အာရှအားကစားပြိုင်ပွဲ၏ အမျိုးသား ဘောလုံးပြိုင်ပွဲတွင် ကျန်ရှိသည့် အုပ်စု (E) နှင့် (F) ပွဲစဉ်များကို ယနေ့ စတင်မည်ဖြစ်ပြီး မြန်မာအသင်းသည် ယနေ့ မြန်မာစံတော်ချိန် ညနေ ၆ နာရီခွဲတွင် မြောက်ကိုရီးယားအသင်း နှင့် ယှဉ်ပြိုင်ကစားမည်ဖြစ်သည်။ မြန်မာ အသင်းသည် အုပ်စု (F) တွင် အာရှထိပ်သီးအသင်းများဖြစ်သည့် မြောက်ကိုရီးယား၊ အီရန်၊ ဆော်ဒီအာရေဗျတို့နှင့် တစ်အုပ်စုတည်း ကျရောက်နေပြီး နောက်တစ်ဆင့်တက်ရောက်ရန် ခက်ခက်ခဲခဲကစားရဖွယ်ရှိနေသည်။ မြန်မာအသင်းသည် အာရှအားကစားပြိုင်ပွဲတွင် ၁၉၉၄ ခုနှစ်က နောက်ဆုံးယှဉ်ပြိုင်ခဲ့ပြီး ၂၄ နှစ်အကြာတွင် တစ်ကျော့ပြန် ယှဉ်ပြိုင်ရာ အာရှအင်အားကြီးအသင်းများနှင့် အုပ်စုကျပ်အတွင်း ကျရောက်ခဲ့ခြင်းဖြစ်သည်။ မြန်မာအသင်းနှင့် မြောက်ကိုရီးယားအသင်းသည် အာရှအားကစားပြိုင်ပွဲ၌ သုံးကြိမ်မြောက် တွေ့ဆုံခြင်းဖြစ်ပြီး မြောက်ကိုရီးယားအသင်း ပထမဆုံးယှဉ်ပြိုင်သည့် ၁၉၇၄ ပြိုင်ပွဲနှင့် ၁၉၇၈ ပြိုင်ပွဲတွင် နှစ်ကြိမ်ဆက်တိုက် တွေ့ဆုံခဲ့ခြင်းဖြစ်သည်။ မြန်မာအသင်းသည် ပြီးခဲ့သည့်နှစ်ကြိမ်တွင် တစ်ပွဲသရေ၊ တစ်ပွဲရှုံးထားပြီး ၁၉၇၄ ပြိုင်ပွဲ၌ နှစ်ဂိုးစီသရေကျကာ ၁၉၇၈ ပြိုင်ပွဲတွင် (၀-၃) ဂိုးဖြင့် ရှုံးနိမ့်ခဲ့သည်။ အမျိုးသားဘောလုံးပြိုင်ပွဲကို အုပ်စုခြောက်ခုခွဲ၍ ကျင်းပလျက်ရှိပြီး ပြိုင်ပွဲကျင်းပရေးကော်မတီ၏ စီမံခန့်ခွဲမှု အားနည်းခြင်းကြောင့် အသင်း နှစ်သင်းကျန်ခဲ့ခြင်း၊ အီရတ်အသင်း နုတ်ထွက်ခြင်းကြောင့် အုပ်စု အပြောင်းအလဲဖြစ်ပေါ် ခြင်းများရှိခဲ့ပြီး နောက်ဆုံးတွင် ငါးသင်း တစ်အုပ်စု၊ လေးသင်း ငါးအုပ်စုခွဲ၍ ကျင်းပမည် ဖြစ်သည်။ မြန်မာအမျိုးသားဘောလုံးအသင်းသည် အာရှအားကစားပြိုင်ပွဲ ယှဉ်ပြိုင်ရန် ရက် ၂၀ ကျော် လေ့ကျင့်ပြင်ဆင်ထားပြီး နောက်တစ်ဆင့်တက်ရောက်ရန် ရုန်းကန်ရဖွယ်ရှိနေသည်။

မြန်မာအမျိုးသားဘောလုံးအသင်းသည် အာရှအားကစားပြိုင်ပွဲတွင် ပြိုင်ပွဲစတင်သည့် ၁၉၅၁ ခုနှစ်ကတည်းက စတင်ယှဉ်ပြိုင်ခဲ့ပြီး ရွှေတံဆိပ်နှစ်ကြိမ်၊ ကြေးတံဆိပ် တစ်ကြိမ်ရကာ ပြိုင်ပွဲ၏ တတိယအအောင်မြင်ဆုံး အသင်းအဖြစ် အိန္ဒိယအသင်းနှင့် ပူးတွဲရပ်တည်လျက်ရှိသည်။ မြန်မာအသင်းသည် ရွှေဆုကို ၁၉၆၆ နှင့် ၁၉၇၀ ပြိုင်ပွဲတွင် နှစ်ကြိမ်ဆက်တိုက်ရယူနိုင်ခြင်းဖြစ်သည်။

ပရီးမီးယားလိဂ် ပွဲစဉ်(၁) ပွဲကြိုသုံးသပ်ချက်

■ နယူးကာဆယ် နှင့် စပါး (စနေည ၆း၀၀ နာရီ)

ပြီးခဲ့တဲ့ရာသီတုန်းက နယူးကာဆယ်တို့ အိမ်ကွင်းမှာ (၈)ပွဲအထိနိုင်ခဲ့တာက ကျေနပ်စရာရလဒ်ပါ။ အာဆင်နယ်၊ မန်ယူ၊ ချယ်လ်ဆီးအသင်းတွေကို အိမ်ကွင်းမှာ ဒုက္ခပေးနိုင်ခဲ့တာကို တွေ့ရတယ်။ ဒါပေမဲ့ ဒီရာသီမှာ နယူးကာဆယ်ရဲ့အနေအထားက အားရစရာ မရှိသလို အခုအချိန်အထိ ဘင်နီတက်ဇ်ရဲ့ စိတ်ပျက်လက်ပျက်အသံတွေက နယူးကာဆယ် ဒီရာသီမှာ ကျဆင်းလာနိုင်တယ်ဆိုတာကို ပြတယ်။ စပါးကိုပဲ ကြိုက်တယ်။

■ ဘုန်းမောက် နှင့် ကာဒစ်ဖ် (စနေည ၈း၃၀ နာရီ)

ဘုန်းမောက်က အားထားရတဲ့တိုက်စစ်မှူး အဖိုဘီကိုရောင်းထုတ်လိုက်ပြီး လာလီဂါကလပ် လီဗန်တေးအသင်းရဲ့ လူငယ်ကြယ်ပွင့်ဖြစ်ပြီး ၂၀၁၈ ကမ္ဘာ့ဖလားမှာ ကိုလံဘီယာနဲ့အတူ ခြေစွမ်းပြခဲ့တဲ့ လယ်မာကိုပြန်ခေါ်ထားတယ်။ အ၀င်အထွက်ငြိမ်တယ်။ ကာဒစ်ဖ်က အားရစရာသိပ်မရှိပါဘူး။ အက်ဒီဟောင်းရဲ့အသင်းကို အဝေးကွင်းမှာ တောင့်ခံနိုင်မယ် မထင်ဘူး။ ဘုန်းမောက်ကိုပဲ ကြိုက်တယ်။

■ ဖူလ်ဟမ် နှင့် ခရစ္စတယ်ပဲလေ့စ် (စနေည ၈း၃၀ နာရီ)

ဖူလ်ဟမ်က ချိန်ဘာစ်၊ မီထရိုဗစ်၊ ရှိုလာ၊ မော်ဆန်တို့လို ကစားသမားကောင်းတွေကို အားဖြည့်ထားတယ်။ တန်းတက်အသင်းရဲ့ အဖွင့်စိန်ခေါ်မှုက အားရစရာအနေအထားမှာတော့ ရှိနေလိမ့်မယ်။ ပဲလေ့စ်က တောင့်တင်းတဲ့လူစာရင်းရှိသလို၊ ကစားသမားကောင်းတချို့လည်း ခေါ်နိုင်ခဲ့တယ်။ ဒါပေမဲ့ မနှစ်ကလို ရာသီအဖွင့်ယိုင်နေတာမျိုးကိုတော့ သတိပြုရမယ်။ ဇာဟာ-တောင်ဆန်အတွဲနဲ့ ပဲလေ့စ်ကိုပဲ ကြိုက်တယ်။

■ ဟတ်ဒါဖီးလ် နှင့် ချယ်လ်ဆီး (စနေည ၈း၃၀ နာရီ)

မန်စီးတီးနဲ့ကစားခဲ့တဲ့ပွဲမှာ ယော်ဂင်ဟိုရဲ့ ကစားပုံကအကောင်းကြီးမဟုတ်သေးပေမယ့် သူနဲ့ ဖာဘရီဂတ်စ်တို့ တွဲဖက်ကစားတဲ့အချိန်မှာ ချယ်လ်ဆီးကွင်းလယ်က ပုံစံကောင်း ပြနိုင်ခဲ့တာတွေ့ရတယ်။ ပြီးခဲ့တဲ့ရာသီက ဥရောပထိပ်တန်းလိဂ်ပြိုင်ပွဲ (၅)ခုစလုံးမှာ ဘောလုံးပေးပို့မှုအများဆုံးဖြစ်ခဲ့သူဖြစ်ပြီး ဆာရီရဲ့ကွင်းလယ်ကို ပိုကောင်းလာစေလိမ့်မယ်။ ချယ်လ်ဆီးရဲ့ကစားပုံကလည်း မိုရာတာကလွဲရင် တိုးတက်လာလို့ နိုင်ပွဲစယူလိမ့်မယ်။

Photos : AFP & Wikipedia

■ ၀က်ဖို့ဒ် နှင့် ဘရိုက်တန် (စနေည ၈း၃၀ နာရီ)

ဘရိုက်တန်က ပြီးခဲ့တဲ့နှစ် တန်းတက်ရာသီတုန်းက Pundits တွေမျှော်လင့်ထားတာထက် ပိုကောင်းတဲ့ အနေအထားကိုပြသနိုင်ခဲ့ပြီး တန်းဆင်းဇုန်ရဲ့အထက် (၇)မှတ်အကွာမှာ ရပ်တည်နိုင်ခဲ့တယ်။ ဒါပေမဲ့ သူတို့ရဲ့အဓိကရမှတ်စုဆောင်းမှုတွေကို အိမ်ကွင်းပွဲစဉ်တွေမှာမြင်ခဲ့ရပြီး အဝေးကွင်းအားနည်းပါတယ်။ ၀က်ဖို့ဒ်ရဲ့ဒီရာသီပြင်ဆင်မှုကမဆိုးဘူးလို့ ပြောရမယ်။ ဂိုးနည်းနိုင်ပြီး ၀က်ဖို့ဒ်ကပ်နိုင်ဖို့ရှိတယ်။

■ ၀ုလ်ဗ် နှင့် အဲဗာတန် (စနေည ၁၁း၀၀ နာရီ)

ဝုလ်ဗ်ရဲ့ပြီးခဲ့တဲ့ရာသီက လိဂ်ချန်ပီယံရှစ် ခြေအဆင့်အတန်း၊ ဒီရာသီအားဖြည့်ထားတဲ့ ယိုတာ၊ ၀ီလီဘိုလီ၊ အဖိုဘီ၊ မော်တင်ဟို၊ ပတ်ထရီစီယို၊ ထရာအိုရေးတို့ရဲ့စုဖွဲ့မှု က အားရစရာကောင်းတယ်။ အဲဗာတန်ရဲ့တိုက်စစ်ပိုင်းကို မာကိုဆေးလ်ဗားက အရမ်းအာရုံစိုက်ပြီး ပြင်ဆင်နေပေမယ့် ခံစစ်က အားရစရာအနေအထားမှာမရှိသေးဘူး။ ၀ုလ်ဗ်ကို ပိုကြိုက်တယ်။

၂၀၁၈ အာဆီယံ ယူ-၁၆ ပြိုင်ပွဲ ဆီမီးဖိုင်နယ်ပွဲများ ယနေ့ကျင်းပမည်ဖြစ်ပြီး မြန်မာနှင့်ထိုင်းအသင်း တွေ့ဆုံ

အာဆီယံ ယူ-၁၆ ပြိုင်ပွဲယှဉ်ပြိုင်နေသည့် မြန်မာ ယူ-၁၆ အသင်း (Photo: MFF)

၂၀၁၈ အာဆီယံ ယူ-၁၆ ချန်ပီယံရှစ်ပြိုင်ပွဲ ဆီမီးဖိုင်နယ်ပွဲများကို သြဂုတ် ၉ ရက် (ယနေ့) ဆက်လက်ကျင်းပမည်ဖြစ်ပြီး မြန်မာ ယူ-၁၆ အသင်းသည် နာမည်ကြီး ထိုင်းအသင်း နှင့် တွေ့ဆုံနေကြောင်း သိရသည်။

ဆီမီးဖိုင်နယ်ပွဲများအဖြစ် ယနေ့ မြန်မာစံတော်ချိန် ညနေ ၃ နာရီတွင် မြန်မာ ယူ-၁၆ အသင်းနှင့် ထိုင်း ယူ-၁၆ အသင်း၊ မြန်မာ စံတော်ချိန် ညနေ ၆ နာရီခွဲတွင် အိမ်ရှင်အင်ဒိုနီးရှား ယူ-၁၆ အသင်းနှင့် မလေးရှား ယူ-၁၆ အသင်းတို့ ယှဉ်ပြိုင်ကစားမည်ဖြစ်သည်။ မြန်မာ ယူ-၁၆ အသင်းသည် အိမ်ရှင်အင်ဒိုနီးရှား၊ ဗီယက်နမ်အသင်းတို့နှင့် အုပ်စုကျပ်အတွင်း ကျရောက်ခဲ့သော်လည်း လက်ရှိချန်ပီယံ ဗီယက်နမ်အသင်းကို ကျော်ဖြတ်ကာ ဆီမီးဖိုင်နယ်သို့ တက်ရောက်ခဲ့ခြင်းဖြစ်သည်။  ဆီမီးဖိုင်နယ် တက်ရောက်လာသည့်အသင်း များအနက် အိမ်ရှင်အင်ဒိုနီးရှားနှင့် ထိုင်းအသင်းသည် ရှုံးပွဲမရှိဘဲ တက်ရောက်လာခြင်းဖြစ်ပြီး မြန်မာနှင့် မလေးရှားအသင်းမှာမူ အုပ်စုပွဲများတွင် တစ်ပွဲစီရှုံးနိမ့်ခဲ့သည်။ အိမ်ရှင် အင်ဒိုနီးရှားအသင်းသည် အုပ်စုပွဲများတွင် ပွဲအားလုံးအနိုင်ရခဲ့ပြီး ဗိုလ်လုပွဲ တက်ရောက်နိုင်ရန် အခြေအနေကောင်းနေသည်။  မြန်မာ ယူ-၁၆ အသင်းနည်းပြချုပ် ဦးညီညီလတ်က “အုပ်စုပွဲမှာကစားခဲ့တဲ့ အသင်းရဲ့ခြေစွမ်းကို အားရပါတယ်။ ကစားသမားတွေအနေနဲ့လည်း တစ်ပွဲထက်တစ်ပွဲ တိုးတက်မှုရှိပါတယ်။ ဆီမီးဖိုင်နယ်မှာ ထိုင်း အသင်းနဲ့တွေ့ပေမဲ့ အကောင်းဆုံးကြိုးစားမှာပါ။ ဗိုလ်လုပွဲတက်နိုင်အောင် ကြိုးစားမှာပါ” ဟု ပြောကြားသည်။

မြန်မာ ယူ-၁၆ အသင်းသည် ၂၀၁၅ ခုနှစ်နောက်ပိုင်း ဆီမီးဖိုင်နယ်သို့ တစ်ကျော့ပြန် တက်ရောက်နိုင်ခြင်းဖြစ်ပြီး ထိုင်းအသင်းမှာမူ  လေးကြိမ်ဆက် တက်ရောက်နိုင်ခြင်းဖြစ်သည်။ ထိုင်းအသင်းသည် ပြီးခဲ့သည့်နှစ်တွင် ဗိုလ်လုပွဲ တက်ရောက်နိုင်သော်လည်း ဗီယက် နမ်ကို ပယ်နယ်တီဖြင့် အရေးနိမ့်ပြီး ဒုတိယဆုသာ ရရှိခဲ့သည်။ မြန်မာအသင်းမှာမူ ၂၀၀၅ ပြိုင်ပွဲတွင် ဗိုလ်စွဲပြီးနောက်ပိုင်း အောင်မြင်မှုနှင့် ဝေးကွာလျက်ရှိသည်။

Alpine Cup ပြိုင်ပွဲ နောက်ဆုံးနေ့အဖြစ် တောင်ကိုရီးယားနှင့် ဘာရိန်း၊ မြန်မာနှင့် ထိုင်း ယနေ့ယှဉ်ပြိုင်မည်

မြန်မာအသင်းတိုက်စစ်မှူး အောင်သူ၏ထိုးဖောက်မှုကို ဘာရိန်းနောက်ခံလူ ဟန့်တားနေစဉ် (ဓာတ်ပုံ-ညီညီစိုးညွန့်)

Alpine Cup လေးနိုင်ငံဖိတ်ခေါ်ပြိုင်ပွဲ နောက်ဆုံးနေ့ကို သြဂုတ် ၅ ရက် (ယနေ့) ဆက်လက်ကျင်းပမည်ဖြစ်ပြီး ညနေ ၃ နာရီတွင် တောင်ကိုရီးယား ယူ-၁၉ အသင်းနှင့် ဘာရိန်း ယူ-၂၃ အသင်း၊ ညနေ ၆ နာရီတွင် မြန်မာ ယူ-၂၃ အသင်းနှင့် ထိုင်း ယူ-၂၃ အသင်းတို့ ယှဉ်ပြိုင်ကစားမည်ဖြစ်ကြောင်း သိရသည်။

အုပ်စုဒုတိယနေ့ပွဲအပြီး ရပ်တည်မှုအရ တောင်ကိုရီးယား နှင့် ဘာရိန်းပွဲမှာ ချန်ပီယံဆုအတွက် အဆုံးအဖြတ်ဖြစ်နေပြီး နှစ်ပွဲဆက်အနိုင်ရထားသည့် တောင်ကိုရီးယားအသင်းသည် သရေကျရုံဖြင့် ချန်ပီယံဆုရယူနိုင်မည်ဖြစ်သည်။ လေးမှတ်ရထားသည့် ဘာရိန်း ယူ-၂၃ အသင်းသည် ချန်ပီယံဆုရယူလိုပါက တောင်ကိုရီးယားကို အနိုင်ကစားရန် လိုအပ်နေပြီး မြန်မာ ယူ-၂၃ အသင်းမှာမူ ဘာရိန်းအသင်း ရှုံးပွဲကြုံတွေ့မှသာ ဒုတိယ နေရာရရှိရန် မျှော်လင့်နိုင်မည်ဖြစ်သည်။ ထိုင်းအသင်းသည် နှစ်ပွဲစလုံး ရှုံးနိမ့်ထားသောကြောင့် အမြင့်ဆုံး တတိယနေရာအတွက်သာ မျှော်လင့်နိုင်တော့မည်ဖြစ်သည်။  သြဂုတ် ၃ ရက် ပွဲစဉ်များအပြီးတွင် တောင်ကိုရီးယားအသင်းက ခြောက်မှတ်၊ ဘာရိန်းအသင်းက လေးမှတ်၊ မြန်မာအသင်းက တစ်မှတ်နှင့် ထိုင်းအသင်းက အမှတ်မရသေးပေ။ တောင်ကိုရီးယား ယူ-၁၉ အသင်းနည်းပြချုပ် ချောင်ဂျောင်ယောင်က ‘‘ဒီပြိုင်ပွဲကို လာရောက်ယှဉ်ပြိုင်တာက ချန်ပီယံဆုအတွက် မဟုတ်ပါဘူး။ ဒါပေမဲ့ ဒုတိယပွဲအပြီးမှာ ချန်ပီယံဆုရယူနိုင်ဖို့ အကောင်းဆုံး အခွင့်အရေးဖြစ်ခဲ့ပါတယ်။ ဒါကြောင့် ကစားသမားတွေရဲ့ကြိုးစားအားထုတ်မှုကိုလည်း အားရကျေနပ်ပါတယ်။ နောက်ဆုံးပွဲမှာလည်း ရလဒ်ကောင်းရဖို့ အကောင်းဆုံးကြိုးစားမှာပါ’’ဟု ပြောကြားသည်။

မြန်မာ ယူ-၂၃ အသင်းနှင့် ထိုင်း ယူ-၂၃ အသင်းပွဲအပြီး တွင် ဆုချီးမြှင့်ပွဲအခမ်းအနား ဆက်လက်ကျင်းပမည်ဖြစ်ပြီး ပထမဆုရအသင်းအား ဒေါ်လာ ၁၀,၀၀၀၊ ဒုတိယဆုရအသင်းအား ဒေါ်လာ ၅,၀၀၀ ချီးမြှင့်မည်ဖြစ်သည်။ ယခုပြိုင်ပွဲအား အာရှအားကစားပြိုင်ပွဲယှဉ်ပြိုင်မည့် မြန်မာ ယူ-၂၃ အသင်း အတွက် ရည်ရွယ်ကျင်းပခြင်းဖြစ်ပြီး တောင်ကိုရီးယားမှလွဲ၍ ကျန်အသင်းများမှာ ယူ-၂၃ အသင်းဖြင့် ယှဉ်ပြိုင်ခြင်းဖြစ်သည်။

၂၀၁၈ ကွန်မြူနတီဒိုင်းပြိုင်ပွဲ အကြိုသုံးသပ်ချက်

ချယ်လ်ဆီး – မန်စီးတီး

ကစားမည့်ကွင်း- ၀င်ဘလေကွင်း၊ ဒိုင်လူကြီး- ဂျွန်မော့စ်

အချိန်- ည ၈း၃၀ နာရီ၊ ပြသမည့်ရုပ်သံလိုင်း- My Sports Facebook

နောက်ဆုံးတွေ့ဆုံမှု- မန်စီးတီး (၁-၀) ချယ်လ်ဆီး (ပရီးမီးယားလိဂ်)

 

ဂွါဒီယိုလာရဲ့ မန်စီးတီးအသင်းက ပြီးခဲ့တဲ့ရာသီမှာ ချယ်လ်ဆီးကို နှစ်ကျော့စလုံးအနိုင်ရ ထားသလို လက်ရှိချယ်လ်ဆီးနည်းပြ ဆာရီရဲ့ နာပိုလီအသင်းကိုလည်း ချန်ပီယံလိဂ်ပြိုင်ပွဲမှာ နှစ်ကျော့စလုံး အနိုင်ရခဲ့ပါတယ်။ ဒါပေမဲ့ မန်စီးတီးအသင်းက ကမ္ဘာ့ဖလားပြိုင်ပွဲမှာ ကစားသမားအများဆုံး စေလွှတ်ခဲ့ရတဲ့ကလပ်ဖြစ်ပြီး ဒီဘရိုင်းနားနဲ့ စတာလင်ကလွဲလို့ လူစုံနေပြီဆိုပေမဲ့ ပူးပေါင်းလေ့ကျင့်ချိန် သိပ်မရသေးပါဘူး။ ချယ်လ်ဆီးအသင်းကတော့ ဟာဇက်၊ ကော်တိုအာတို့ကလွဲလို့ အဓိက ကစားသမားအများစုပါဝင်နိုင်မှာဖြစ်ပြီး ဆာရီရဲ့စိတ်ကြိုက် ယော်ဂင်ဟိုလည်း ပွဲစကတည်းကပါဝင်မှာ သေချာပါတယ်။ ရန်ပုံငွေပွဲဖြစ်လို့ နှစ်သင်းစလုံး အားကုန်ထုတ်ကစားဖို့ မသေချာဘဲ ချယ်လ်ဆီးအသင်း ကပ်ပြီးအနိုင်ရသွားနိုင်တယ်။

ကိုရီးယားကို သုံးဂိုးပြန်သွင်းနိုင်ခဲ့၍ ဘာရိန်းနှင့်ပွဲအတွက် အားဖြစ်စေခဲ့ဟု အန်တွမ်နီဟေး ပြောကြား

ဓာတ်ပုံ -ညီညီစိုးညွန့်

မြန်မာ ယူ-၂၃ အသင်းနည်းပြချုပ် အန်တွမ်နီဟေးက  Alpine Cup လေးနိုင်ငံဖိတ်ခေါ်ပြိုင်ပွဲ အုပ်စုပထမပွဲတွင် တောင်ကိုရီးယားအသင်းကို ရှုံးနိမ့်သော်လည်း သုံးဂိုးပြန်သွင်းနိုင်သဖြင့် ယနေ့ယှဉ်ပြိုင်ကစားမည့် ဘာရိန်း ယူ-၂၃ အသင်း နှင့် ဒုတိယပွဲအတွက် အားဖြစ်စေခဲ့ကြောင်း ပြောကြားသည်။

လေးနိုင်ငံဖိတ်ခေါ်ပြိုင်ပွဲ အုပ်စုဒုတိယနေ့ကို သြဂုတ် ၃ ရက် (ယနေ့) ဆက်လက်ကျင်းပမည်ဖြစ်ပြီး ညနေ ၃ နာရီ တွင် ထိုင်း ယူ-၂၃ အသင်းနှင့် တောင်ကိုရီးယား ယူ-၁၉ အသင်း၊ ညနေ ၆ နာရီတွင် မြန်မာ ယူ-၂၃ အသင်းနှင့် ဘာရိန်း ယူ-၂၃ အသင်းတို့ ယှဉ်ပြိုင်ကစားမည်ဖြစ်သည်။ အန်တွမ်နီဟေးက “ရလဒ်အရကြည့်ရင် ကျေနပ်စရာမကောင်းပေမဲ့ ပွဲကောင်းတစ်ပွဲတော့ဖြစ်ခဲ့ပါတယ်။ ကျွန်တော့်ကစားသမားတွေ ပုံစံကောင်းပြနိုင်ခဲ့ပါတယ်။ အမှားတချို့ရှိပေမဲ့ ဆိုးဆိုးရွားရွားကြီး မမှားခဲ့ပါဘူး။ ပထမပိုင်းမှာ သုံးဂိုးပြတ်ရှုံးနေပေမဲ့ ပထမပိုင်းအပြီး အ၀တ်လဲခန်းမှာ ကစားသမားတွေကို အပြစ်မတင်ခဲ့ပါဘူး။ ဂိုးတွေပေးလိုက်ရတာ အားနည်းချက်တွေရှိပေမဲ့ ဒုတိယပိုင်းမှာ ဂိုးတွေပြန်ရမယ်လို့ ယုံကြည်ခဲ့ပါတယ်။ ကျွန်တော်ယုံကြည်တဲ့အတိုင်း သုံးဂိုးပြန်သွင်းနိုင်ခဲ့ပါတယ်။ သုံးဂိုးပြန်သွင်းနိုင်ခဲ့တဲ့ ကျွန်တော့်ကစားသမားတွေရဲ့ စိတ်ဓာတ်ကို ချီးကျူးပါတယ်။ သုံးဂိုး ပြန်သွင်းနိုင်တာက ဘာရိန်းအသင်းနဲ့ ယှဉ်ပြိုင်ကစားရမယ့် ဒုတိယပွဲအတွက် အားတစ်ခုဖြစ်စေခဲ့ပါတယ်။ ကျွန်တော့်အနေနဲ့ ဒီပြိုင်ပွဲကို ရလဒ်အတွက် ယှဉ်ပြိုင်တာမဟုတ်ပါဘူး။ အာရှအားကစားပြိုင်ပွဲအတွက် ကြိုတင်ပြင်ဆင်တဲ့အနေနဲ့ ယှဉ်ပြိုင်တာဖြစ်တာကြောင့် ကစားသမားအားလုံးကို အသုံးပြုမှာပါ။ လက်ကျန်နှစ်ပွဲမှာ အကောင်းဆုံးရလဒ် ရအောင် ယှဉ်ပြိုင်မှာပါ”ဟု ပြောကြားသည်။