အဝေးကွင်းမှာ ဂိုးပြတ်နိုင်ပွဲကိုယ်စီယူခဲ့ကြတဲ့ အာဆင်နယ်နဲ့ ချယ်လ်ဆီး

■ ဖူလ်ဟမ် ၁-၅ အာဆင်နယ်

■ ဆောက်သမ်တန် ၀-၃ ချယ်လ်ဆီး

ပရီးမီးယားလိဂ်ပွဲစဉ် (၉) ရဲ့တနင်္ဂနွေညပွဲစဉ်တွေမှာတော့ လန်ဒန်အသင်း (၂)သင်းဖြစ်တဲ့ အာဆင်နယ်နဲ့ ချယ်လ်ဆီးတို့ အဝေးကွင်းမှာ ဂိုးပြတ်နိုင်ပွဲကိုယ်စီရရှိခဲ့ပါတယ်။

ပြိုင်ပွဲစုံမှာ (၉)ပွဲဆက်နိုင်ပွဲရထားတဲ့ အာဆင်နယ်အသင်းဟာ ဒီနေ့လန်ဒန်ဒါဘီအဝေးကွင်းပွဲစဉ်မှာလည်း ဖူလ်ဟမ်အသင်းကို အကောင်းဆုံးပုံစံပြကာ (၅-၁) ဂိုးနဲ့အနိုင်ရပြီး ပြိုင်ပွဲစုံ(၉)ပွဲဆက်အနိုင်ရလဒ်ကို ဖန်တီးခဲ့ပါတယ်။

အာဆင်နယ်နည်းပြ အမ်မရီဟာ အသင်းရဲ့တိုက်စစ်မှာ အူဘာမီယန်းကို ပွဲအစမှာမသုံးခဲ့ဘဲ ၀ဲလ်ဘက်နဲ့ လာကာဇက်ကို တွဲဖက်ပွဲထွက်စေခဲ့ကာ တော်ရဲရား၊ အီဝိုဘီ၊ ချာကာ၊ မစ်ခီတာရီယန်တို့နဲ့ လူစုံခဲ့ပါတယ်။

ဖူလ်ဟမ်အသင်းကလည်း အိမ်ကွင်းမှာရလဒ်ကောင်းဖို့ ဗီယက်တို၊ မီထရိုဗစ်၊ ဆီဆက်နွန်၊ ရှိုလာတို့နဲ့ တုံ့ပြန်ခဲ့ပေမယ့် အာဆင်နယ်အသင်းကို ယှဉ်ဖို့ခက်ခဲ့ပါတယ်။

ဒါပေမဲ့ ပွဲချိန်ကြာလာတာနဲ့အမျှ အာဆင်နယ်အသင်းရဲ့ ဖိအားပေးမှုကို တောင့်မခံနိုင်ခဲ့ဘဲ (၂၉) မိနစ်မှာတော့ ဖူလ်ဟမ်တို့ ဂိုးစပေးခဲ့ရပါတယ်။

ဒီဂိုးကိုတော့ မွန်ရီယဲလ်ရဲ့ပေးပုိ့မှုကနေ လာကာဇက်က (၁၈) ကိုက်စည်းအတွင်း တစ်ချက်ထိန်းကာ ကန်သွင်းယူခဲ့တာပါ။

ပွဲချိန် (၄၄) မိနစ်မှာတော့ ဖူလ်ဟမ်အသင်း ချေပဂိုးပြန်ရခဲ့ပါတယ်။ ဒီဂိုးကိုတော့ ဗီယက်တိုရဲ့ပေးပို့မှုကနေ ရှိုလာက အာဆင်နယ်ဂိုးသမား လေနိုကိုကျော်ပြီး အသာအယာကန်သွင်းယူသွားခဲ့တာပါ။

ချေပဂိုးရပြီးနောက်ပိုင်းမှာတော့ အာဆင်နယ်အသင်းရဲ့ပွဲဖြစ်သွားခဲ့ပြီး ဖူလ်ဟမ်အသင်းဘက်ကို တောက်လျှောက်ဖိအားပေးခဲ့ပါတယ်။

အာဆင်နယ်အသင်းအတွက်နောက်ထပ်ဂိုးတွေကိုတော့ ပွဲချိန် (၄၉) မိနစ်မှာ လာကာဇက်က အဝေးကန်ချက်နဲ့သွင်းယူပြီး တတိယဂိုးကိုတော့ အာဆင်နယ်ရဲ့အကောင်းဆုံးသောတန်ပြန်တိုက်စစ်ကနေ အူဘာမီယန်း ပေးပို့တာကို ရမ်ဆေးက လှလှပပပိတ်သွင်းယူခဲ့တာပါ။

ဆက်တိုက်ဆိုသလိုပဲ (၇၉) မိနစ်မှာ ဘယ်လာရင်ရဲ့ပေးပို့မှုကနေ အူဘာမီယန်းက ပတ်ကန်သွင်းယူခဲ့ပြီး၊ နောက်ဆုံးဂိုးကိုလည်း မိနစ် (၉၀) အပြီးနာကျင်အချိန်ပိုမှာ ရမ်ဆေးရဲ့ပေးပို့မှုကနေ အူဘာမီယန်းကပဲ ကန်သွင်းယူသွားခဲ့တာပါ။

ဒီနိုင်ပွဲဟာ အာဆင်နယ်အသင်းအတွက် ပရီးမီးယားလိဂ်နောက်ဆုံး (၆)ပွဲဆက်နိုင်ပွဲရခဲ့တာဖြစ်ပြီး ဒီပွဲမှာ (၂) ဂိုးစီသွင်းယူခဲ့တဲ့ လာကာဇက်နဲ့ အူဘာမီယန်းတို့ရဲ့ (၂) ဦးပေါင်းပရီးမီးယားလိဂ်သွင်းဂိုးကလည်း (၈) ဂိုးအထိရှိလာခဲ့ပါတယ်။

နောက်ထပ်ပွဲစဉ်မှာတော့ ချယ်လ်ဆီးအသင်းဟာ အဝေးကွင်းမှာ ဆောက်သမ်တန်အသင်းကို (၃-၀) ဂိုးနဲ့အနိုင်ယူခဲ့ပါတယ်။

ပြီးခဲ့တဲ့ ပွဲစဉ် (၇) မှာ လီဗာပူးလ်ကိုသရေကျခဲ့တာကြောင့် ချယ်လ်ဆီးနည်းပြ ဆာရီဟာ ဒီပွဲမှာရလဒ်ကောင်းဖို့ ကြိုးစားခဲ့ပြီး ကိုဗာချစ်နေရာမှာ ဘာကလေကိုပြောင်းလဲခဲ့တာကလွဲလို့ ချယ်လ်ဆီးရဲ့လူစာရင်းဟာ အပြောင်းအလဲမရှိခဲ့ပါဘူး။

ချယ်လ်ဆီးအသင်းကို အိမ်ကွင်းမှာ အမြဲအခက်တွေ့စေတဲ့ ဆောက်သမ်တန်အသင်းကလည်း ဒီပွဲမှာ အကောင်းဆုံးတုံ့ပြန်ဖို့ကြိုးစားခဲ့ပေမယ့် ချယ်လ်ဆီးအသင်းရဲ့ ကစားကွက်အောက်မှာ အရာမထင်ခဲ့ပါဘူး။

ဒီနေ့ပွဲမှာ ဟာဇက်ဟာ သူ့ရဲ့တန်ဖိုးကို ထပ်ပြသွားခဲ့ပြီး ပွဲချိန်မိနစ် (၃၀)မှာ ဘာကလေရဲ့ပေးပို့မှုကနေ ချယ်လ်ဆီးအသင်းအတွက် အဖွင့်ဂိုးကို သွင်းယူပေးခဲ့ပါတယ်။

ဟာဇက်ရဲ့တစ်ဦးချင်းထိုးဖောက်မှုတွေဟာ ဆောက်သမ်တန်နောက်တန်းကို တစ်ချိန်လုံးအလုပ်ရှုပ်စေခဲ့ပြီး၊ ဆောက်သမ်တန်အသင်းအနေနဲ့လည်း အခွင့်အရေးကောင်းတချို့ရခဲ့ပေမယ့် အသုံးမချနိုင်ခဲ့လို့ ချေပဂိုးနဲ့ဝေးခဲ့ရပါတယ်။

ချယ်လ်ဆီးအသင်းအတွက် ဒုတိယဂိုးကိုတော့ ဒုတိယပိုင်းပွဲချိန် (၅၇) မိနစ်မှာ ဂျရူးရဲ့ပေးပို့မှုကနေ ဘာကလေက အသင်းအတွက် သူ့ရဲ့ပထမဆုံးသော ပရီးမီးယားလိဂ်ဂိုးအဖြစ် သွင်းယူခဲ့ပါတယ်။

နောက်ပိုင်းမှာလည်း ချယ်လ်ဆီးအသင်းကသာ ကစားကွက်စီးခဲ့ပြီး ဆောက်သမ်တန်အသင်းကို ဖိအားပေးခဲ့တာပါ။

ချယ်လ်ဆီးအသင်းအတွက် နောက်ဆုံးဂိုးကိုတော့ မိနစ် (၉၀) အပြီးနာကျင်အချိန်ပိုမှာ ဟာဇက်ရဲ့ပေးပို့မှုကနေ မိုရာတာက သွင်းယူပေးခဲ့တာပါ။

ဟာဇက်ဟာ ချယ်လ်ဆီးအသင်းရဲ့ ပြိုင်ပွဲစုံနောက်ဆုံး (၁၁) ပွဲမှာ (၁၂) ဂိုးအထိ ပါဝင်ပတ်သက်ခဲ့တာဖြစ်ပြီး (၉)ဂိုးသွင်းကာ (၃) ဂိုးဖန်တီးပေးထားနိုင်ခဲ့ပါတယ်။

ယနေ့ညကစားမည့် ဘွန်ဒစ်လီဂါပွဲစဉ်များ ပွဲကြိုသုံးသပ်ချက်

ဒစ်ဆယ်ဒေါ့ဖ် နှင့် လေဗာကူဆင် (ဗုဒ္ဓဟူးည ၁၁း၀၀ နာရီ)
ဒစ်ဆယ်ဒေါ့ဖ်က တန်းတက်အသင်းဆိုပေမယ့် လိုက်ပ် ဇစ်၊ ဟော်ဖန်ဟင်မ်၊ စတုဂတ်တို့နဲ့ကစားခဲ့တဲ့ နောက်ဆုံး(၃)ပွဲ ကနေ (၅)မှတ်ရလိုက်တယ်။ လေဗာကူဆင်ရဲ့ အဝေးကွင်းခြေ စွမ်းနဲ့အနိုင်ရဖို့မလွယ်
နိုင်ဘူး။

ဒေါ့မွန် နှင့် နုရင်ဘတ်(ကြာသပတေးနံနက် ၁း၀၀ နာရီ)

Photo : Getty Images

ဒေါ့မွန်အသင်းက ဒီရာသီကစားထားတဲ့ အိမ်ကွင်း(၂)ပွဲ စလုံးကို ဂိုးပြတ်အနိုင်ရထားတယ်ဘွန်ဒစ်လီဂါအသင်းဟောင်း တန်းတက် နုရင်ဘတ်ကလည်း ကစားပုံမဆိုးပါဘူး။ ဒေါ့မွန် ဂိုးပြတ်နိုင်ဖို့များတယ်။

လိုက်ပ်ဇစ် နှင့် စတုဂတ် (ကြာသပတေးနံနက် ၁း၀၀ နာရီ)
ကစားသမားပိုင်းချင်းယှဉ်ရင် ဒီ(၂)သင်းအကြား သိပ်မကွာတော့ပါဘူး။ လိုက်ပ်ဇစ်အသင်းကအိမ်ကွင်းတောင် သိပ်စိတ်မချရတော့တဲ့အနေအထားရောက်နေတယ်။ စတုဂတ်နဲ့စွန့်စားတာပိုကောင်းမယ်။

မိုချန်ဂလာဘတ် နှင့် ဖရန့်ဖတ် (ကြာသပတေးနံနက် ၁း၀၀ နာရီ)
မိုချန်ဂလာဘတ်အသင်း ရှုံးပွဲစတွေ့ခဲ့ပေမယ့် အိမ်ကွင်းမာကျောမှုကိုတော့ မေ့ထားလို့မရပါဘူး။ ဖရန့်ဖတ်အသင်းရဲ့ခြေစွမ်းကတော့ လက်ရှိမှာ မှန်းဆရခက်တဲ့အနေအထားပါ။ မိုချန်ဂလာဘတ် အိမ်ကွင်း
နိုင်ပွဲဆက်ဖို့များတယ်။

မိန့်ဇ် နှင့် ၀ုလ်ဖ်ဘတ် (ကြာသပတေးနံနက် ၁း၀၀ နာရီ)
ဝုလ်ဖ်ဘတ်က အိမ်ကွင်းရှုံးပွဲတွေ့တဲ့အထိ ရလဒ်ပိုင်းပြန်ယိုင်သွားတယ်။ မိန့်ဇ်ကတော့ ဒီရာသီ အိမ်ကွင်း(၂)ပွဲစလုံး အနိုင်ကစားထားတာ တွေ့ရတယ်။ အိမ်ကွင်းမှာတော့ မိန့်ဇ် အနိုင်နဲ့ သရေပါပဲ။

ယနေ့ညကစားမည့် စီးရီးအေပွဲစဉ်များ ပွဲကြိုသုံးသပ်ချက်

အူဒီးနီးစ် နှင့် လာဇီယို (ဗုဒ္ဓဟူးည ၁၁း၃၀ နာရီ)
အူဒီးနီးစ်ဟာ ခံစစ်စိတ်ကြီးမားရင့်သန်စွာ ပြိုင်ဘက်တွေကို ရင်ဆိုင်နေတယ်။ ဒါမှမဟုတ် Safety First စီမံကိန်းကို ပုံဖော်ရင်း အမှတ်တွေရှာဖွေနေပါတယ်။ အစဉ်အလာအတိုင်း အိမ်ကွင်းမာဂုဏ်ကိုတည်ထောင်ထားနိုင်ဆဲပဲ။ ဒီတော့ ရာသီအစမှာ ဖရိုဖရဲတိုက်စစ်စွမ်းဆောင်ရည်နဲ့ လာဇီယိုအတွက် အူဒီးနီးစ်စမ်းသပ်ခန်းဟာ ပေါ့ဆလို့မရဘူး။ လာဇီယို အနိုင်ရဖို့မလွယ်ဘဲ အူဒီးနီးစ် အမှတ်ရပါလိမ့်မယ်။

အတ္တလန်တာ နှင့် တိုရီနို (ကြာသပတေးနံနက် ၁း၃၀ နာရီ)
ရာသီသစ်ဟာ အတ္တလန်တာအတွက် ရိုလာကိုစတာနေ့ရက်တွေ၊ စီးရီးအေနဲ့ယူရိုပါလိဂ်ခြေစစ်ပွဲကြား အတ္တလန်တာ အာရုံများခဲ့ပြီးနောက် အိပ်မက်တိမ်းမှောက်ခန်းဟာ မဆုံးနိုင်သေးဘူး။ တိုရီနိုဟာ အဝေးကွင်းမှာ သူတို့ရဲ့ ဖြစ်တန်စွမ်းကို ခပ်မြင့်မြင့်ဆွဲတင်ထားတယ်။ အဝေးကွင်း(၂)ပွဲဆက်မရှုံးအောင် ကစားထားနိုင်လို့ ဒီယုံကြည်စိတ်နဲ့ပဲ အတ္တလန်တာကို တိုရီနို ရဲဝံ့စွာရင်ဆိုင်ပါဦးမယ်။ တိုရီနိုအမှတ်လုယူဦးမလား စောင့်ကြည့်ရမယ်။ အတ္တလန်တာ အလွန်ဆုံးကပ်နိုင်ရုံပါပဲ။

ကာဂလီယာရီ နှင့် ဆမ်ဒိုးရီးယား (ကြာသပတေးနံနက် ၁း၃၀ နာရီ)
ဆမ်ဒိုးရီးယားရဲ့ ရာသီအစချီတက်နေပုံဟာ အထင်ကြီးချင်စရာမျိုး၊ အဝေးကွင်း(၂)ပွဲမှာ (၅)ဂိုးအထိသွင်းထားတဲ့တိုက်စစ်ပိုင်းဟာလည်း လေးစားချင်စရာပါပဲ။ ဒါပေမဲ့ အစဉ်အလာအရ ကာဂလီယာရီကွင်းမှာ ခက်ခဲတတ်လို့ အမှတ်လျော့မယ်။

ဂျီနိုအာ နှင့် ချီယေဗို (ကြာသပတေးနံနက် ၁း၃၀ နာရီ)
ကိုယ့်နယ်မြေမှာ ဂျီနိုအာဟာ အောင်ပွဲတွေပုံမှန်ရယူနေတယ်။ ဒါပေမဲ့ ချီယေဗိုကလည်း ရိုးမားကို အဝေးကွင်းမှာသရေကစားနိုင်ခဲ့တဲ့အရှိန်နဲ့ ဂျီနိုအာကိုလည်း စိုးရွံ့နေမှာမဟုတ်ဘူး။ ဂျီနိုအာအနိုင်ရဖို့ရုန်းကန်ရမယ်။ (၁-၁)၊ (၁-၀)ဖြစ်နိုင်တယ်။

ဂျူဗင်တပ်စ် နှင့် ဘိုလော့ဂ်နာ (ကြာသပတေးနံနက် ၁း၃၀ နာရီ)


ရာသီတိုင်းမှာ ဘိုလော့ဂ်နာဟာ အဝေးကွင်းအိပ်မက်ဆိုးတွေကြား ရှင်သန်ခဲ့ရပါတယ်။ဒီရာသီမှာလည်း အဝေးကွင်းအိပ် မက်ဆိုးကနေ ဘိုလော့ဂ်နာ ရုန်းထွက်နိုင်ဦးမယ်မထင်ဘူး။ အိမ်ကွင်းပရိသတ်တွေရှေ့မှာ ဂိုးတွေသွင်းပြချင်နေတဲ့ စီရော်နယ်လ်ဒိုရဲ့တိုက်ပွဲဝင်စိတ်ကိုရော ဘယ်လိုတားဆီးမလဲ။ ပွဲဆက်တွေများနေလို့ အဓိကကစားသမားတချို့ကို ဂျူဗင်တပ်စ် အနားပေးမယ်ဆိုရင်လည်း (၂)ဂိုးပြတ်နိုင်ပါလိမ့်မယ်။

နာပိုလီ နှင့် ပါးမား (ကြာသပတေးနံနက် ၁း၃၀ နာရီ)

စီးရီးအေအထာကို ပါးမား ကောင်းကောင်းသဘောပေါက်ခဲ့ပြီလား။ ဒါမှမဟုတ် အင်တာမီလန်ကို အဝေးကွင်းမှာ အနိုင်ရရှိခဲ့ပြီးနောက် ယုံကြည်မှုပိုအားကောင်းသွားတာလား။ ဘယ်လိုပဲဖြစ်ဖြစ် ပါးမားဟာ သူတို့ရှိသမျှတန်ဖိုးကို ပြသနေနိုင်ပါပြီ။ နာပိုလီကရော အန်ဆယ်လော့တီရဲ့ နည်းဗျူဟာပြောင်းလဲရေး လမ်းစဉ်မှာ မတည်မငြိမ်ဖြစ်နေဦးမလား။ ပါးမား အဆိပ်ရှိပေမယ့် အိမ်ကွင်းမှာ နာပိုလီ သေချာပေါက်နိုင်ပါလိမ့်မယ်။

ရိုးမား နှင့် ဖရိုဆီနိုနီ (ကြာသပတေးနံနက် ၁း၃၀ နာရီ)
ရောမဒါဘီပွဲမတိုင်ခင်မှာ ရိုးမားအနေနဲ့ သက်သောင့်သက်သာအောင်ပွဲကိုကြိုယူထားသင့်ပါတယ်။ ဖရိုဆီနိုနီရဲ့အင်အားဟာ လက်ရှိအချိန်အထိ စီးရီးအေဂုဏ်သိက္ခာနဲ့ မညီညွတ်သေးဘူး။ အသင်း
လိုက် ဖွဲ့စည်းပုံဗဟိုပြုကစားတတ်ပေမယ့် တစ်ဦးချင်းအရည်အသွေးပိုင်းကွာခြားလို့ ရောမမြေမှာ ဖရိုဆီနို နီရဲ့ တစ်မှတ်တန်မျှော်လင့်ချက်ဟာ ခပ်လွယ်လွယ်အရည်ပျော်သွားဦးမှာပဲ။ ရိုးမား (၂)ဂိုးပြတ်နိုင်မယ်။