လူ့အခွင့်အရေး ချိုးဖောက်မှု စွပ်စွဲချက်များအား ဖြေရှင်းပေးရန် အမေရိကန်နိုင်ငံခြားရေးဝန်ကြီး တေလာဆင်က ဒေါ်အောင်ဆန်းစုကြည်အား တောင်းဆို

Photo : AFP

အမေရိကန်နိုင်ငံခြားရေးဝန်ကြီး ရက်တေလာဆင်က လူ့အခွင့်အရေးချိုးဖောက်မှု စွပ်စွဲချက်များအား အစိုးရက ဖြေရှင်းပေးရန် မြန်မာနိုင်ငံ၏ နိုင်ငံတော်၏အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်အား စက်တင်ဘာ ၁၉ ရက်တွင် တောင်းဆိုခဲ့သည်။

ရခိုင်ပြည်နယ်တွင် ဘင်္ဂါလီမွတ်စလင်များ ၄၀၀,၀၀၀ ကျော် ထွက်ပြေးမှုကို လူ့အခွင့်အရေးအဖွဲ့များနှင့် အချို့ကမ္ဘာ့ခေါင်းဆောင်များက စစ်ဘက်ဦးဆောင်သည့် “လူမျိုးစုလိုက် သုတ်သင်မှု”ဟု စွပ်စွဲထားကြသည်။

အမေရိကန်က ရခိုင်အကျပ်အတည်းအတွက် စိုးရိမ်ကြောင်း ထုတ်ဖော်ပြောကြား ထားသော်လည်း နိုဘယ်ငြိမ်းချမ်းရေးဆုရှင် ဒေါ်အောင်ဆန်းစုကြည်အား တိုက်ရိုက်အပြစ်မတင်ဘဲ သတိဖြင့် ဝေဖန်ထားသည်။ စက်တင်ဘာ ၁၉ ရက်က တေလာဆင်၏ တောင်းဆိုမှုသည် အမေရိကန်၏ ပထမဆုံးအကြိမ် တိုက်ရိုက်တောင်းဆိုမှုဖြစ်ခဲ့သည်။

“နိုင်ငံခြားရေးဝန်ကြီးက ရခိုင်ပြည်နယ်မှာ အကြမ်းဖက်မှုတွေ နိဂုံးချုပ်ဖို့နဲ့ အကြမ်းဖက်မှုကြောင့် နေရပ်ပျောက်ဆုံးခဲ့တဲ့သူတွေ ဇာတိပြန်လာခွင့်ပြုဖို့ မြန်မာအစိုးရရဲ့ သန္နိဋ္ဌာန်ချမှတ်မှုကို ကြိုဆိုခဲ့ပါတယ်” ဟု အမေရိကန်နိုင်ငံခြားရေး ၀န်ကြီးဌာနမှ ပြောခွင့်ရ အမျိုးသမီး ဟီသာနော်အက်က ပြောကြားခဲ့သည်။

ထို့ပြင် နိုင်ငံခြားရေးဝန်ကြီးက ပဋိပက္ခ သက်ရောက်ခဲ့သောဒေသများတွင် နေရပ် ပျောက်ဆုံးသူများအတွက် လူသားချင်း စာနာထောက်ထားမှု အကူအညီများ ပေးရေးအတွက် မြန်မာအစိုးရနှင့် စစ်ဘက်က ကူညီပေးရန် တိုက်တွန်းခဲ့သည်ဟု ၎င်းက ပြောကြားခဲ့သည်။

 

 

ဒေါ်အောင်ဆန်းစုကြည်၏ ရခိုင်အရေး မိန့်ခွန်းနှင့် ပတ်သက်၍ နိုင်ငံတကာမှ ဝေဖန်မှုများ ထွက်ပေါ်

စက်တင်ဘာ ၁၉ ရက်က အူခီယာခရိုင်အနီးရှိ ဘာလူခါလီ ဒုက္ခသည်စခန်းအနီး ဘင်္ဂလားဒေ့ရှ် နယ်ခြားစောင့် တပ်ဖွဲ့ဝင်များက ဒုက္ခသည်များကို ရှင်းလင်းရန် ကြိုးပမ်းနေစဉ် (Photo : AFP)

နယူးယောက်မြို့တွင် ကုလသမဂ္ဂ အထွေထွေညီလာခံ၌ မြန်မာနိုင်ငံအား ပြင်းထန်စွာ  ပြစ်တင်ဝေဖန်ဖွယ် ရှိမှုကို အချိန်ကိုက် လက်ဦးမှုရယူလျက် စက်တင်ဘာ ၁၉ ရက်တွင် ဒေါ်အောင်ဆန်းစုကြည်က မိန့်ခွန်းပြောကြား ခဲ့သည်ဟု ပြည်ပနိုင်ငံများမှ ဝေဖန်မှုများ ထွက်ပေါ်လာခဲ့သည်။

ဒေါ်အောင်ဆန်းစုကြည်သည် ဒုက္ခသည်အချို့ကို ပြန်လည်နေရာချထား ပေးမည်ဟု  ကတိပြု ပြောကြားခဲ့သော်လည်း မြန်မာတပ်မတော်က ဦးဆောင်လျက် လူမျိုးစုလိုက် သုတ်သင်မှု ဆောင်ရွက်ခဲ့သည် ဟူသော ကုလသမဂ္ဂ၏ ပြောကြားမှုကို အဆုံးသတ်ရန် ဖြေရှင်းမှုများ ပြုလုပ်ခဲ့ခြင်းမရှိဟု ဆိုသည်။

လူအခွင့်အရေးဆိုင်ရာ စောင့်ကြည့်ရေးအဖွဲ့ (HRW) မှ ဖီးရောဘတ်ဆန်က “သူဟာ ရိုဟင်ဂျာတွေကို တွေ့တာနဲ့ကို မကြိုက်တဲ့ မြန်မာတွေနဲ့ တပ်မတော်တို့ကြောင့် ဘယ်လိုအခက်တွေ့ရတယ်ဆိုတာ များများစားစား မပြောဘဲ နိုင်ငံတကာ အသိုင်းအ၀ိုင်းရဲ့ ယုံကြည်မှုကို တစ်စုံတစ်ရာ အတိုင်းအတာအထိ ပြန်ရဖို့ ကြိုးစားနေပါတယ်” ဟု ပြောကြားခဲ့သည်။

ဒေါ်အောင်ဆန်းစုကြည်က ၁၉၉၀ ပြည့်လွန်နှစ်များ အစောပိုင်းတွင် ဘင်္ဂလားဒေ့ရ်ှနှင့် သဘောတူညီထားသော စစ်ဆေးအတည်ပြုခြင်းဆိုင်ရာ လုပ်ငန်းစဉ်နှင့်အညီ ဒုက္ခသည်များကို ပြန်လည်လက်ခံသွားမည် ဖြစ်ကြောင်း ပြောကြားခဲ့သည်။ သို့သော် အရေအတွက်မည်မျှ ပြန်လည်လက်ခံရေးအတွက် သတ်မှတ်ချက်နှင့် ပြည့်မီမည်ကို ရေရေရာရာ သိရှိရခြင်းမရှိဟု ဆိုသည်။

“ဒေါ်အောင်ဆန်းစုကြည်ရဲ့ ပြန်လည်လက်ခံမည်ဆိုတဲ့ ကတိက အသစ်ဖြစ်ပြီး အရေးကြီးပါတယ်” ဟု မြန်မာနိုင်ငံအခြေစိုက် လွတ်လပ်သော သုံးသပ်သူ တစ်ဦးဖြစ်သည့် ရစ်ချက်ဟော့ဆေးက ပြောကြားခဲ့သည်။ သူက ယင်းသည် မြန်မာနိုင်ငံသား ဖြစ်ခြင်းထက်စာလျှင် မြန်မာနိုင်ငံတွင် နေထိုင်သူဖြစ်ကြောင်း သက်သေပြနိုင်သူများကို ပြန်လက်ခံမည့် သဘောဟု ရှင်းပြခဲ့သည်။

ဒေါ်အောင်ဆန်းစုကြည်က တပ်မတော်၏ ရှင်းလင်းမှု စစ်ဆင်ရေးများသည် စက်တင်ဘာ ၅ ရက်တွင် ပြီးဆုံးခဲ့ပြီဟု အခိုင်အမာ ပြောကြားခဲ့သည်။ သို့သော် အေအက်ဖ်ပီ သတင်းထောက်များက ယင်းနောက်ပိုင်း ရက်များတွင် မီးလောင်နေသော အိမ်များကို တွေ့ရှိခဲ့ရသည်ဟု ဆိုသည်။ ဘင်္ဂလားဒေ့ရှ် နိုင်ငံသို့ ရောက်ရှိလာသော ဒုက္ခသည်များကလည်း ယင်းစစ်ဆင်ရေးများ ဆက်လက် ဆောင်ရွက်နေသည်ဟု သက်သေခံ ထွက်ဆိုခဲ့ကြသည်ဟု ဆိုသည်။

မည်သည့်အဖွဲ့ကိုမျှ အမည်မတပ်ဘဲ ဒေါ်အောင်ဆန်းစုကြည်က ကိုးကွယ်သည့် ဘာသာ၊ လူမျိုး၊ နိုင်ငံရေး ရပ်တည်ချက်တို့နှင့် မဆိုင်ဘဲ ပြစ်မှုကျူးလွန်ကြောင်း တွေ့ရှိသည့် မည်သူ့ကိုမဆို အပြစ်ပေးသွားမည်ဟု  ကတိပေးခဲ့သည်။ သို့သော် မြန်မာတပ်မတော်၏ လုပ်ဆောင်ချက်များသည် အရပ်ဘက်မှ ကြီးကြပ်မှုမပါဘဲ ဆောင်ရွက်ခြင်းဖြစ်ပြီး လုံခြုံရေးဆိုင်ရာ ဆုံးဖြတ်ချက်များ အားလုံးကိုလည်း တပ်မတော်က ချမှတ်ခြင်း ဖြစ်သည်ဟု ဝေဖန်ကြသည်။

၎င်းအပြင် မြန်မာနိုင်ငံတွင် အုပ်စုဖွဲ့ကာ အင်အားဖြင့် လွှမ်းမိုးတတ်သည့် စိတ်ထားမျိုး ထွက်ပေါ်လာခဲ့ပြီး ကုလသမဂ္ဂ၊ နိုင်ငံတကာ NGO များနှင့် ပြည်ပမီဒီယာများကို ဘက်လိုက်သည်ဟုဆိုကာ ဒေါသတကြီး ပစ်မှတ်ထားကြသည်ဟုလည်း အေအက်ဖ်ပီ၏ သတင်း၌ ဝေဖန်ရေးသားထားသည်။

အမေရိကန်မှ CNN သတင်းဌာနက ဒေါ်အောင်ဆန်းစုကြည်၏ မိန့်ခွန်းမှ မယုံကြည်ရသော အချက်ငါးချက်ဟူ၍ ကောက်နုတ်ဝေဖန်ခဲ့သည်။ CNN က အဘယ်ကြောင့် လူများအစုလိုက် အပြုံလိုက် ထွက်ခွာခဲ့ရသည်ကို ရှင်းမပြခြင်း၊ မြန်မာနိုင်ငံ အနေဖြင့် နိုင်ငံတကာက စစ်ဆေးစိစစ်မည်ကို စိုးရိမ်မှုမရှိ ဟုဆိုခြင်း၊ ပြည်ပသို့ ထွက်ပြေးရသူများထဲတွင် လူများစု ရခိုင်လူမျိုးများ မပါဝင်ခြင်း၊ ရခိုင်ပြည်နယ်တွင် လူအားလုံး ပညာရေးနှင့် ကျန်းမာရေး စောင့်ရှောက်မှုများ ရရှိသည် ဆိုခြင်းနှင့် စက်တင်ဘာ ၅ ရက် နောက်ပိုင်း လက်နက်ကိုင် ပဋိပက္ခများနှင့် စစ်ဆင်ရေး မရှိတော့ဟုဆိုခြင်းတို့ကို ထောက်ပြဝေဖန်ခဲ့သည်။

Ref : AFP

ရခိုင်အရေးနှင့် ပတ်သက်၍ နိုင်ငံတကာ၏ စစ်ဆေးမှုကို ကြောက်ရွံ့နေမည် မဟုတ်ကြောင်းနှင့် ဘင်္ဂလားဒေ့ရ်ှနိုင်ငံသို့ ထွက်ပြေးသွားသူများအား ပြန်လည်လက်ခံရေး စိစစ်မှုလုပ်ငန်းစဉ် စတင်နိုင်ရန် ပြင်ဆင်ထားကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ပြောကြား

စက်တင်ဘာ ၁၉ ရက်က နေပြည်တော်တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းပြောကြားနေစဉ် (ဓာတ်ပုံ-စိုးမင်းထိုက်)

ရခိုင်အရေးနှင့် ပတ်သက်၍ နိုင်ငံတကာ၏ စစ်ဆေးမှုကို ကြောက်ရွံ့နေမည် မဟုတ်ကြောင်းနှင့် ဘင်္ဂလားဒေ့ရ်ှနိုင်ငံသို့ ထွက်ပြေးသွားသူများအား ပြန်လည်လက်ခံရေး စိစစ်မှုလုပ်ငန်းစဉ် စတင်နိုင်ရန် ပြင်ဆင်ထားကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က စက်တင်ဘာ ၁၉ ရက်တွင် ပြောကြားသည်။

ရခိုင်ပြည်နယ်တွင် အာစာဘင်္ဂါလီ အစွန်းရောက် အကြမ်းဖက်သမားများ၏ တိုက်ခိုက်မှုကြောင့် ဒေသခံ ရခိုင်တိုင်းရင်းသားများနှင့် ဘင်္ဂါလီများ ထွက်ပြေးတိမ်းရှောင်ရမှု ဖြစ်စဉ်များနှင့် စပ်လျဉ်း၍ အစိုးရနှင့် တပ်မတော်၏ ကိုင်တွယ်ဖြေရှင်းမှုများအပေါ် နိုင်ငံတကာက ဝေဖန်တိုက်တွန်းမှုများ ရှိနေချိန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က နေပြည်တော်၌ သံတမန်များအား ဖိတ်ခေါ်ပြောကြားသည့် မိန့်ခွန်းတွင် ထည့်သွင်းပြောကြား ခဲ့ခြင်းဖြစ်သည်။

မိနစ် ၃၀ ကြာမြင့်ခဲ့သည့် အင်္ဂလိပ်ဘာသာစကားဖြင့် ပြောဆိုသော ဒေါ်အောင်ဆန်းစုကြည်၏ မိန့်ခွန်းကို ရုပ်သံအစီအစဉ်များမှလည်း တိုက်ရိုက်ထုတ်လွှင့်ခဲ့သည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မိန့်ခွန်းတွင် မြန်မာပြည်သူများနှင့် အစိုးရက လက်မခံသည့် ရိုဟင်ဂျာဆိုသော အသုံးအနှုန်းအား ထည့်သွင်းအသုံးပြုခဲ့ခြင်း မရှိဘဲ မွတ်စလင်များဟုသာ သုံးနှုန်းခဲ့သည်။

မြန်မာနိုင်ငံသည် ရှုပ်ထွေးသည့် နိုင်ငံဖြစ်ပြီး ထိုသို့စိန်ခေါ်မှုများ အားလုံးကို အချိန်တိုတိုအတွင်း ဖြေရှင်းနိုင်ရန် အများက မျှော်လင့်နေကြောင်း၊ လက်ရှိတွင် မိမိတို့အစိုးရသည် အဆိုပါစိန်ခေါ်မှုများကို သက်တမ်း ၁၈ လဖြင့် ဖြေရှင်း၍ မရကြောင်းနှင့် ၁၈ လဖြင့် ဖြေရှင်းရန်မှာ အချိန်အရမ်း တိုတောင်းကြောင်း၊ သို့ရာတွင် အများက မျှော်လင့်ထားသည့် အရာများကို ဖြည့်ဆည်းပေးရန် မိမိတို့အဆင်သင့် မဖြစ်သေးဟု ဆိုလိုခြင်းလည်း မဟုတ်ကြောင်း နိုင်ငံတော်၏ အတိုင်ပင်ခံပုဂ္ဂိုလ်က ပြောကြားသည်။

“အကြောင်းကတော့ နိုင်ငံတစ်နိုင်ငံဆိုတာ အဖွဲ့အစည်းတစ်ခု အနေနဲ့ ကျွန်မမိတ်ဆွေတွေကို ကျွန်မတို့ ကြုံတွေ့နေရတဲ့ အခက်အခဲတွေ၊ စိန်ခေါ်မှုတွေကို ပြန်လည်မျှဝေချင်ပါတယ်။ ဒီမိုကရေစီ အသွင်ကူးပြောင်းမှု၊ တည်ငြိမ်မှုနဲ့ ငြိမ်းချမ်းရေး၊ ဖွံ့ဖြိုးတိုးတက်ရေး စတာတွေနဲ့ ပတ်သက်လို့ ပြောပြချင်တာ ဖြစ်ပါတယ်။ ရခိုင်အရေးကိစ္စကို အသေအချာ စောင့်ကြည့်နေပါတယ်။ အရေးတယူ လုပ်ပါတယ်။ မနှစ်က ကုလသမဂ္ဂ အထွေထွေညီလာခံမှာ ကျွန်မပြောခဲ့သလိုပဲ နိုင်ငံတကာကနေ စစ်ဆေးမှုတွေ ရှိလာရင်လည်း မြန်မာနိုင်ငံ အနေနဲ့ ကြောက်ရွံ့နေမှာ မဟုတ်ပါဘူး။ ရခိုင်ပြည်နယ်မှာရှိတဲ့ အသိုင်းအ၀န်း အားလုံးရဲ့ တည်ငြိမ်အေးချမ်းရေးနဲ့ ဖွံ့ဖြိုးတိုးတက်ရေးအတွက် တည်တည်ငြိမ်ငြိမ် ဖြေရှင်းဆောင်ရွက်သွားမှာ ဖြစ်ပါတယ်” ဟု နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ထို့ပြင် ဒေါ်အောင်ဆန်းစုကြည်က ရခိုင်ပြည်နယ်တွင် ဖြစ်ပွားခဲ့သည့် အကြမ်းဖက်တိုက်ခိုက်မှု ဖြစ်စဉ်ကြောင့် ထိခိုက်ခံစားရသူ အားလုံးအတွက်လည်း စိတ်မကောင်းဖြစ်ရကြောင်း၊ အိုးအိမ်များကို စွန့်ခွာပြီးထွက်ပြေးရသူ အများအပြားရှိကြောင်း၊ ထိုသို့ထွက်ပြေးရသူများတွင် မွတ်စလင်သာမကဘဲ ရခိုင်နှင့် အခြားလူနည်းစုများ ဖြစ်ကြသည့် ကမန်၊ မြို၊ သက်၊ မရမာကြီး၊ ဟိန္ဒူများလည်း ပါဝင်ကြောင်း ပြောကြားသည်။

“မြန်မာကနေ ဘင်္ဂလားဒေ့ရ်ှကို ထွက်ပြေးသွားတဲ့ ဒုက္ခသည်တွေကို ပြန်ပို့ဖို့ တောင်းဆိုမှုတွေလည်း ရှိနေပါတယ်။ နိုင်ငံသားအဖြစ် စိစစ်အတည်ပြုမှု လုပ်ငန်းစဉ်ကို အချိန်မရွေး စတင်နိုင်ဖို့ ကျွန်မတို့ ပြင်ဆင်ထားခဲ့ပါတယ်။ နိုင်ငံသား စိစစ်အတည်ပြုမှုကို ၁၉၉၃ ခုနှစ် လောက်က စတင်ဆောင်ရွက်ခဲ့ပြီး မြန်မာဘက်ကို ပြန်လာချင်တဲ့ ဒုက္ခသည်တွေကို စိစစ်အတည်ပြုရေးကို အဲဒီအချိန်က နှစ်နိုင်ငံ သဘောတူညီချက်ပေါ် အခြေခံ ဆောင်ရွက်ခဲ့တာ ဖြစ်ပါတယ်။ အဲဒီအချိန်က သဘောတူညီမှုမှာပါတဲ့ သတ်မှတ်ချက်တွေအတိုင်း ကျွန်မတို့ လိုက်နာသွားမှာပါ။ ဒါ့ကြောင့် အဲဒီစိစစ် အတည်ပြုမှုကို အချိန်မရွေး စတင်ဖို့ အသင့်ရှိနေတယ်ဆိုတာ ကျွန်မအတည်ပြု ပြောလိုပါတယ်” ဟု ဒေါ်အောင်ဆန်းစုကြည်က ပြောကြားသည်။

ထို့ပြင် နိုင်ငံသားဖြစ်ခွင့်နှင့် ပတ်သက်၍ အတည်ပြု စစ်ဆေးနိုင်သည့် လုပ်ငန်းစဉ် ဆောင်ရွက်နိုင်ရန် အတွက်လည်း ဒေသအသီးသီးမှ ပူးပေါင်းပါဝင်ကြရန် လိုအပ်ကြောင်း၊ သို့သော် မွတ်စလင်ခေါင်းဆောင် အချို့က အတည်ပြု စစ်ဆေးမည့် လုပ်ငန်းစဉ်အား မပူးပေါင်းရန် ဆုံးဖြတ်ထားကြောင်း၊ အကယ်၍ အဆိုပါ လုပ်ငန်းစဉ်တွင် ပူးပေါင်းပါဝင်လာရန် အားလုံးက ဖျောင်းဖျနိုင်မည် ဆိုပါက မိမိတို့က ကျေးဇူးတင်ရှိ သွားမည်ဖြစ်ကြောင်း၊ အဘယ့်ကြောင့်ဆိုသော် ၎င်းတို့အတွက် ဆုံးရှုံးစရာမရှိ၍ ဖြစ်ကြောင်းလည်း ဒေါ်အောင် ဆန်းစုကြည်က ပြောကြားသည်။

ထို့အတူ ဒေါ်အောင်ဆန်းစုကြည်က ဘင်္ဂလားဒေ့ရ်ှနိုင်ငံသို့ ထွက်ပြေးသွားသူများနှင့် ပတ်သက်၍လည်း မည်သည့်အတွက်ကြောင့် ထွက်ပြေးသည် ဆိုသည်ကို ဖော်ထုတ်ချင်ကြောင်းနှင့် ထွက်ပြေးသွားသူ များနှင့်လည်း စကားပြောချင်ကြောင်း ပြောကြားသည်။

အစိုးရအနေဖြင့် ရခိုင်ပြည်နယ်ရှိ လူမှုအသိုင်းအ၀န်းများကြား သဟဇာတဖြစ်ရေးနှင့် ငြိမ်းချမ်းရေး၊ တည်ငြိမ်ရေး ပြန်လည်ရရှိရေးအတွက် ကြိုးစားဆောင်ရွက်နေကြောင်း၊ ထွက်မပြေးသည့် မွတ်စလင်ရွာ အများအပြား ရှိကြောင်းနှင့် နိုင်ငံတကာ အသိုင်းအ၀န်း အနေဖြင့် ရခိုင်ဒေသသို့ လာရောက် ကြည့်ရှုရန် ဖိတ်ခေါ်ကြောင်း ဒေါ်အောင်ဆန်းစုကြည်က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ်က အကြမ်းဖက်မှုကို ပိုမိုဆိုးရွားစေသည့် မည်သည့် လူ့အခွင့်အရေး ချိုးဖောက်မှုကိုမဆို ရှုတ်ချကြောင်း၊ မြန်မာနိုင်ငံကို ဘာသာရေးယုံကြည်မှု၊ တိုင်းရင်းသားလူမျိုးပေါ် အခြေခံပြီး ခွဲခြားထားသည့် နိုင်ငံမျိုး မဖြစ်စေချင်ကြောင်း မိန့်ခွန်းတွင် ထည့်သွင်းပြောကြားသည်။

အလားတူ ဒေါက်တာကိုဖီအာနန် ဦးဆောင်သည့် ရခိုင်ပြည်နယ်ဆိုင်ရာ အကြံပေးကော်မရှင် အစီရင်ခံစာတွင် အချိန်တိုအတွင်း ရခိုင်ပြည်နယ် အခြေအနေ တိုးတက်ကောင်းမွန်အောင် လုပ်ဆောင်ရန် ပထမဦးစားပေး အနေဖြင့် အကြံပြု ထောက်ခံထားကြောင်း၊ ကျန်ရှိသည့် အကြံပြုချက်များသည်လည်း ရခိုင်ပြည်နယ်တွင် ငြိမ်းချမ်းရေး၊ ဖွံ့ဖြိုးတိုးတက်ရေးနှင့် သဟဇာတ ဖြစ်စေရန် အကျိုးကျေးဇူးများ ရှိနေသောကြောင့် တတ်နိုင်သမျှ အမြန်ဆုံး အကောင်အထည်ဖော် ဆောင်ရွက်သွားမည်ဖြစ်ကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က မိန့်ခွန်းတွင် ထည့်သွင်းပြောကြားသည်။

မုံရွာမြို့တွင် ဒေါ်အောင်ဆန်းစုကြည်မိန့်ခွန်းအား လူဦးရေ ထောင်ချီ လာရောက်နားထောင်

စစ်ကိုင်းတိုင်းဒေသကြီး၊ မုံရွာခရိုင်၊ မုံရွာမြို့တွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုင်ငံတော်အခြေပြ မိန့်ခွန်းအား လာရောက်နားထောင်သူ ၁၀၀၀ နီးပါးရှိကြောင်း သိရသည်။

အဆိုပါ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုင်ငံတော်အခြေပြုမိန့်ခွန်းအား မုံရွာမြို့လယ်ခေါင်တွင် တည်ရှိသော နာရီစင်၏ မြောက်ဘက်ကပ်လျက်တွင် ကျင်းပပြုလုပ်နေခြင်း ဖြစ်ကြောင်း သိရသည်။

အဆိုပါ အခမ်းအနားအား စစ်ကိုင်းတိုင်းဒေသကြီးရှိ အရပ်ဖက် အဖွဲ့အစည်းများက ဦးဆောင်ကျင်းပခြင်းဖြစ်ပြီး နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နိုင်ငံတော်အခြေပြု မိန့်ခွန်းအား စစ်ကိုင်းတိုင်းဒေသကြီးမှ တိုင်းလွှတ်တော် ကိုယ်စားလှယ်များလည်း လာရောက်နားထောင်ခဲ့ကြောင်း သိရသည်။

အခမ်းအနားကို နံနက် ၉ နာရီ အချိန်တွင် လာရောက်နားထောင်သူများက နိုင်ငံတော်သီးချင်းအား သံပြိုင်ရွတ်ဆိုခဲ့ကြောင်းနှင့် ခိုက်ရန်ဖြစ်ပွားမှုများ မဖြစ်အောင် လုံခြုံရေး ရဲတပ်ဖွဲ့ဝင်များအား တင်းကြပ်စွာ ချထားပေးနေကြောင်း သိရသည်။