ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး လုပ်ငန်းစဉ်များ စဉ်ဆက်မပြတ် ဆောင်ရွက်ရာတွင် ပုံမှန်တိုးတက်မှုများ ရှိနေကြောင်း နိုင်ငံတော်၏ အတိုင်ပင်ခံပုဂ္ဂိုလ် ပြောကြား

မေ ၄ ရက်က နိုင်ငံတော်သမ္မတအိမ်တော် အစည်းအဝေးခန်းမ၌ ပြုလုပ်သည့် ရခိုင်ပြည်နယ် တည်ငြိမ်အေးချမ်းမှုနှင့် တိုးတက်ရေး အကောင်အထည်ဖော်ရေး ဗဟိုကော်မတီ လုပ်ငန်းညှိနှိုင်း အစည်းအဝေးကို တွေ့ရစဉ် (ဓာတ်ပုံ-နိုင်ငံတော်အတိုင်ပင်ခံရုံး)

ရခိုင်ပြည်နယ် အခြေအနေနှင့် နိုင်ငံတကာအခြေအနေ ပြောင်းလဲမှုများ ရှိလာသော်လည်း ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး လုပ်ငန်းစဉ်များကို စဉ်ဆက်မပြတ် အကောင်အထည်ဖော် ဆောင်ရွက်ရာတွင် ပုံမှန်တိုးတက်မှုများ ရှိနေကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မေ ၄ ရက်က နိုင်ငံတော် သမ္မတအိမ်တော် အစည်းအဝေးခန်းမ၌ ပြုလုပ်သည့် ရခိုင်ပြည်နယ် တည်ငြိမ်အေးချမ်းမှုနှင့် တိုးတက်ရေး အကောင်အထည်ဖော်ရေး ဗဟိုကော်မတီ လုပ်ငန်းညှိနှိုင်း အစည်းအဝေးတွင် ထိုသို့ပြောကြားခဲ့ခြင်း ဖြစ်ကြောင်း နိုင်ငံတော်အတိုင်ပင်ခံရုံး ၀န်ကြီးဌာန၏ သတင်းထုတ်ပြန်ချက်အရ သိရသည်။

အစည်းအဝေးတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အစိုးရသစ် တာဝန်လွှဲပြောင်း ရယူစဉ်ကပင် စနစ်တကျ ဆောင်ရွက်နိုင်ရန် မျှော်မှန်း၍ မိမိတို့ ဗဟိုကော်မတီကို ဖွဲ့စည်းဆောင်ရွက်ခဲ့ခြင်း ဖြစ်ကြောင်း၊ ဖြစ်ပေါ်လာသည့် အခြေအနေများပေါ်မူတည်၍ ဗဟိုကော်မတီ၏ လုပ်ငန်းများကို ချဲ့ထွင်ဆောင်ရွက်ရသည်များလည်း ရှိလာခဲ့ကြောင်း၊ ရခိုင်ပြည်နယ် အခြေအနေနှင့် နိုင်ငံတကာ အခြေအနေ ပြောင်းလဲမှုများ ရှိလာခဲ့သော်လည်း ရခိုင်ပြည်နယ် တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး လုပ်ငန်းစဉ်များကို စဉ်ဆက်မပြတ် အကောင်အထည်ဖော် ဆောင်ရွက်ရာတွင် ပုံမှန်တိုးတက်မှုများ ရှိနေကြောင်း၊ နေရပ်စွန့်ခွာသွားသူများ ပြန်လည်လက်ခံရေး၊ ပြန်လည်နေရာချထားရေးတို့ကို ဆောင်ရွက်ရာတွင် မြန်မာ-ဘင်္ဂလားဒေ့ရှ် နှစ်နိုင်ငံ သဘောတူညီချက်များကို အခြေခံ၍ အကောင်အထည်ဖော် ဆောင်ရွက်သွားရန် ဖြစ်ကြောင်း၊ တစ်ချိန်တည်းတွင် လုံခြုံရေး၊ ကျန်းမာရေး၊ ပညာရေးနှင့် အသက်မွေးဝမ်းကျောင်း စသည်အားဖြင့် ဆက်စပ်ဆောင်ရွက်ရမည့် ကိစ္စရပ်များလည်း ရှိလာခဲ့ကြောင်း၊ ဗဟိုကော်မတီ အနေဖြင့် မူလမျှော်မှန်းချက်များ အောင်မြင်စေရန် ကြိုးပမ်းဆောင်ရွက်ရာတွင် အခြေအနေအရ ဖြစ်ပေါ် လာသည့် လုပ်ငန်းများကိုလည်း သက်ဆိုင်ရာ ၀န်ကြီးဌာနများက ပြန်လည်စိစစ်ပြီး ဦးစားပေးခွဲခြားကာ ဆောင်ရွက်ရန်ဖြစ်ကြောင်း၊ ရခိုင်ပြည်နယ် ရေရှည်တည်ငြိမ် အေးချမ်းမှုနှင့် ဖွံ့ဖြိုးတိုးတက်မှုတို့မှာ ပဋိပက္ခများ ရေရှည်ကင်းဝေးစေမည့် ဖြေရှင်းချက်ဖြစ်သဖြင့် ဗဟိုကော်မတီ၏ လုပ်ငန်းစဉ်များကို ပိုမို၍ကြိုးပမ်းအားထုတ် လုပ်ကိုင်ကြရန် လိုအပ်ကြောင်း၊ အဖွင့်အမှာစကားတွင် ထည့်သွင်းပြောကြားသည်။

ထို့နောက် ရခိုင်ပြည်နယ် တည်ငြိမ်အေးချမ်းမှုနှင့် ဖွံ့ဖြိုးမှုတိုးတက်ရေး အကောင်အထည်ဖော်ရေး ဗဟိုကော်မတီ အတွင်းရေးမှူး ဒုတိယ၀န်ကြီး ဗိုလ်ချုပ်သန်းထွဋ်က ယခင်အစည်းအဝေး ဆုံးဖြတ်ချက်များအပေါ် အကောင်အထည်ဖော် ဆောင်ရွက်ပြီးစီးမှုနှင့် ဆက်လက် ဆောင်ရွက်သွားမည့် လုပ်ငန်းစဉ်များကို ရှင်းလင်းတင်ပြခဲ့ပြီး ရခိုင်ပြည်နယ် တည်ငြိမ်အေးချမ်းမှုနှင့် ဖွံ့ဖြိုးတိုးတက်ရေး အကောင်အထည်ဖော်ရေး ဗဟိုကော်မတီ ဒုတိယဥက္ကဋ္ဌ ရခိုင်ပြည်နယ်ဝန်ကြီးချုပ် ဦးညီပုက ရခိုင်ပြည်နယ်၏ လက်ရှိအခြေအနေများနှင့် ပြန်လည်လက်ခံရေးအတွက် ဆောင်ရွက်နေမှုများကို လည်းကောင်း၊ ကုလသမဂ္ဂ အဖွဲ့အစည်းများ၊ နိုင်ငံတကာ အဖွဲ့အစည်းများနှင့် ပူးပေါင်းဆောင်ရွက်ရေး လုပ်ငန်းကော်မတီဥက္ကဋ္ဌ ပြည်ထောင်စုဝန်ကြီး ဦးကျော်တင့်ဆွေက ရခိုင်ပြည်နယ်ဆိုင်ရာ ကိစ္စရပ်များအပေါ် နိုင်ငံတကာနှင့် စပ်လျဉ်းသည့် အခြေအနေများကို လည်းကောင်း၊ ရခိုင်ပြည်နယ် တည်ငြိမ်အေးချမ်းမှုနှင့် ဖွံ့ဖြိုးမှု တိုးတက်ရေး အကောင်အထည်ဖော်ရေး ဗဟိုကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဒုတိယဗိုလ်ချုပ်ကြီး ရဲအောင်က နိုင်ငံတော် အတိုင်ပင်ခံရုံး ၀န်ကြီးဌာနနှင့် ပြည်ထောင်စု အစိုးရအဖွဲ့ရုံးတို့မှ ဗဟိုကော်မတီသို့ လွှဲပြောင်းပေးပို့ထားသည့် အမှုတွဲများနှင့် စပ်လျဉ်း၍လည်းကောင်း ရှင်းလင်းတင်ပြ ခဲ့ကြသည်။

ထို့ပြင် လူဝင်မှုကြီးကြပ်ရေးနှင့် နိုင်ငံသားစိစစ်ရေး လုပ်ငန်းကော်မတီဥက္ကဋ္ဌ ပြည်ထောင်စုဝန်ကြီး ဦးသိန်းဆွေက လူဝင်မှုကြီးကြပ်ရေးဆိုင်ရာ လုပ်ငန်းများ၊ နိုင်ငံသားစိစစ်ရေးဆိုင်ရာ လုပ်ငန်းများနှင့် ပတ်သက်၍လည်းကောင်း၊ ဒေသတွင်း ပြန်လည်နေရာချထားရေးနှင့် လူမှုစီးပွားဘ၀ ဖွံ့ဖြိုးတိုးတက်ရေးလုပ်ငန်း ကော်မတီဥက္ကဋ္ဌ ပြည်ထောင်စုဝန်ကြီး ဒေါက်တာဝင်းမြတ်အေးက ကော်မတီ၏ လုပ်ငန်းများနှင့် UEHRD လုပ်ငန်းများ ဆောင်ရွက်ထားရှိမှုနှင့် ပတ်သက်၍လည်းကောင်း ရှင်းလင်းတင်ပြ ခဲ့ကြသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဗီယက်နမ်နိုင်ငံသို့ နှစ်ရက်ကြာ ချစ်ကြည်ရေးခရီး သွားရောက်မည်

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဗီယက်နမ်နိုင်ငံ ၀န်ကြီးချုပ် မစ္စတာငုယင်စွမ်းဖု၏ ဖိတ်ကြားချက်အရ ဗီယက်နမ်နိုင်ငံကို တရားဝင်ချစ်ကြည်ရေးခရီး သွားရောက်မည်ဖြစ်ကြောင်း နိုင်ငံတော်အတိုင်ပင်ခံရုံးက သတင်းထုတ်ပြန်သည်။

နိုင်ငံတော်အတိုင်ပင်ခံရုံး၏ သတင်းထုတ်ပြန်မှုတွင် ဒေါ်အောင်ဆန်းစုကြည်သည် ဗီယက်နမ်နိုင်ငံဝန်ကြီးချုပ် မစ္စတာ ငုယင်စွမ်းဖု၏ ဖိတ်ကြားချက်အရ ဗီယက်နမ်နိုင်ငံကို မကြာခင်ကာလအတွင်း တရားဝင် ချစ်ကြည်ရေးခရီး သွားရောက်မည်ဟုသာ ဖော်ပြထားပြီး ဗီယက်နမ်အစိုးရ၏ တရားဝင် Twitter စာမျက်နှာတွင်မူ ဧပြီ ၁၉ ရက်မှ ၂၀ ရက်အထိ နှစ်ရက်ကြာခရီးစဉ် လာရောက်မည်ဟု ဖော်ပြထားသည်။

ဒေါ်အောင်ဆန်းစုကြည်၏ ယခုခရီးစဉ်နှင့်ပတ်သက်ပြီး ဗီယက်နမ်အစိုးရပိုင် Voice of Vietnam သတင်းဌာန အပါအ၀င် အခြားဗီယက်နမ်သတင်းဌာနများတွင် မြန်မာနှင့် ဗီယက်နမ်နိုင်ငံတို့သည် အစဉ်အလာအရ ခိုင်မာသည့်ဆက်ဆံရေး ထူထောင်ထားသည့် မိတ်ဆွေနိုင်ငံများဖြစ်ကြပြီး မြန်မာနိုင်ငံသည် ဗီယက်နမ်နှင့် ၁၉၇၅ ခုနှစ်က သံတမန်ဆက်ဆံရေး စတင်ထူထောင်ခဲ့သော ပထမဆုံး အရှေ့တောင်အာရှနိုင်ငံဖြစ်ကြောင်းနှင့် မြန်မာနိုင်ငံသည် ဗီယက်နမ်နိုင်ငံ၏ လွတ်လပ်ရေးနှင့် ပြန်လည်ပေါင်းစည်းရေးအတွက် ရုန်းကန်ကြိုးပမ်းခဲ့ရသည့် ကာလများတွင် လှိုက်လှိုက်လှဲလှဲ ကူညီပံ့ပိုးခဲ့သော နိုင်ငံဖြစ်ကြောင်းလည်း ဖော်ပြထားသည်။

ထို့ပြင် ၂၀၁၇ ခုနှစ် သြဂုတ်လအတွင်းက မြန်မာနိုင်ငံသို့ နိုင်ငံတော်ခရီးစဉ်အဖြစ် လာရောက်ခဲ့သည့် ဗီယက်နမ်ကွန်မြူနစ်ပါတီ အထွေထွေအတွင်းရေးမှူး Nguyen Phu Trong ၏ ခရီးစဉ်အတွင်း၌လည်း နှစ်နိုင်ငံ ဆက်ဆံရေးကို တိုးမြှင့်နိုင်ခဲ့ကြောင်း ဗီယက်နမ်သတင်းများတွင် ဖော်ပြထားသည်။

မြန်မာနှင့် ဗီယက်နမ် နှစ်နိုင်ငံကြား ကုန်သွယ်မှုသည် ၂၀၁၇ ခုနှစ်က အမေရိကန် ဒေါ်လာ ၈၂၈ ဒသမ ၃ သန်းအထိရှိခဲ့ပြီး ၂၀၁၆ ခုနှစ်ကထက် ၅၁ ရာခိုင်နှုန်း တိုးတက်လာခြင်းဖြစ်ကြောင်းနှင့် ဗီယက်နမ်နိုင်ငံသည် မြန်မာနိုင်ငံတွင် ဒေါ်လာ နှစ်ဘီလျံခန့်တန်ကြေးရှိ စီမံကိန်း ၇၀ ဖြင့် ပြည်ပရင်းနှီးမြှုပ်နှံမှု သတ္တမမြောက် အကြီးဆုံးနိုင်ငံဖြစ်ကြောင်း ဗီယက်နမ်သတင်းများတွင် ဖော်ပြမှုအရ သိရသည်။

ဒေါ်အောင်ဆန်းစုကြည်သည် ၂၀၁၇ ခုနှစ် နိုဝင်ဘာလအတွင်းက ဗီယက်နမ်နိုင်ငံ ဒါနန်းမြို့တွင် ကျင်းပခဲ့သည့် အာဆီယံနိုင်ငံ ခေါင်းဆောင်များနှင့် အာရှ-ပစိဖိတ် စီးပွားရေးပူးပေါင်းဆောင်ရွက်မှု (အေပက်) အဖွဲ့ ၀င်နိုင်ငံခေါင်းဆောင်များ သီးသန့်တွေ့ဆုံပွဲကို တက်ရောက်ခဲ့ပြီး အဆိုပါ ခရီးစဉ်အတွင်း ဗီယက်နမ်နိုင်ငံသမ္မတ မစ္စတာထရမ်ဒိုင်ကွမ်နှင့် တွေ့ဆုံ၍ ဒေသတွင်းနှင့် နိုင်ငံတကာ ကိစ္စရပ်များတွင် နှစ်နိုင်ငံ ပူးပေါင်းဆောင်ရွက်သွားရန် ဆွေးနွေးခဲ့ကြောင်း သိရသည်။

ထို့အတူ ဦးထင်ကျော် သမ္မတတာဝန်ထမ်းဆောင်စဉ်ကလည်း ၂၀၁၆ ခုနှစ် အောက်တိုဘာလအတွင်း ဗီယက်နမ်သမ္မတ မစ္စတာ ကျန်းဒိုက်ကွမ်း၏ ဖိတ်ကြားချက်အရ ဗီယက်နမ်နိုင်ငံကို ချစ်ကြည်ရေးခရီး သွားရောက်ခဲ့သည်။

ဒေါ်အောင်ဆန်းစုကြည် အစိုးရကနေ ပါတီပြန်မည်လား

မတ် ၂၈ ရက်က ပြည်ထောင်စုလွှတ်တော်၌ နိုင်ငံတော်သမ္မတ ရွေးချယ်တင်မြှောက်အပြီး ပြန်လည်ထွက်ခွာလာသည့် နိုင်ငံတော်သမ္မတအဖြစ် ရွေးချယ်ခံရသော ဦးဝင်းမြင့်နှင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့အား တွေ့ရစဉ်

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေဖြင့် ပါတီအရေးဗျာများနေရသော စိန်ခေါ်ချက်များ၊ အကျပ်အတည်းများကို ဗျူဟာမြောက်ဆန်းစစ်၊ ကျော်ဖြတ်နိုင်ရေး ရှေးရှုမည်ဆိုလျှင် ၂၀၂၀ ပြည့်နှစ် ပါတီစုံ ဒီမိုကရေစီအထွေထွေရွေးကောက်ပွဲမတိုင်မီ အမျိုးသားဒီမိုကရေစီ အဖွဲ့ချုပ်ပါတီသို့ ပြန်လည်အခြေချ၍ ပါတီကို နိုင်ငံရေးအရ ဦးဆောင်ရမည့်သဘောမှတစ်ပါး  အခြားမရှိနိုင်ပေ။ ရွေးကောက်ပွဲ အကြိုကာလတွင် အစိုးရအဖွဲ့ကို သမ္မတကြီး ဦးဝင်းမြင့်က ဦးဆောင်နေပြီး အာဏာရအမျိုးသား ဒီမိုကရေစီအဖွဲ့ချုပ်ကို ဒေါ်အောင်ဆန်းစုကြည်က ဦးဆောင်နေမည့် အခင်းအကျင်းသည် နိုင်ငံရေးအရ စိတ်လှုပ်ရှားဖွယ်ရာပင် ဖြစ်သည်။

ဦးဝင်းမြင့်နှင့် ဒေါက်တာဇော်မြင့်မောင်တို့ကို ၂၀၁၈ ခုနှစ် မတ် ၂၄ ရက်က ကျင်းပခဲ့သော ဗဟိုအလုပ်အမှုဆောင်အဖွဲ့ အစည်းအဝေး ဆုံးဖြတ်ချက်အရ အမျိုးသားဒီမိုကရေစီအဖွဲ့ချုပ်၏ ဒုတိယဥက္ကဋ္ဌ(၁) နှင့် ဒုတိယ ဥက္ကဋ္ဌ(၂)အဖြစ် တာဝန်ပေးအပ်ခဲ့သည်။ ရက်အနည်းငယ် အလွန်တွင် ဦးဝင်းမြင့်သည် နိုင်ငံတော်သမ္မတအဖြစ် ရွေးချယ်တင်မြှောက်ခံခဲ့ရသည်။ သို့ဆိုလျှင် ဦးဝင်းမြင့်သည် အမျိုးသားဒီမိုကရေစီအဖွဲ့ချုပ်၏ နံပါတ်(၂)ခေါင်း ဆောင်ဖြစ်လာပြီး ဒေါ်အောင်ဆန်းစုကြည် အလွန်နိုင်ငံရေး အခင်းအကျင်းတွင် အမျိုးသားဒီမိုကရေစီအဖွဲ့ချုပ်ကို ဦးဆောင်ဖို့ လျာထား သတ်မှတ်ခံရသည့် ပုဂ္ဂိုလ်ဖြစ်လာနိုင်ဖွယ်ရှိသည်ဟု သုံးသပ်ကြသည်။

သမ္မတသစ် ရွေးချယ်တင်မြှောက်ခြင်းနှင့်အတူ ၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲသို့ ဦးတည်မည့် ခြေလှမ်းများကို အစပြု၊ စဉ်းစား၊ ပြင်ဆင်နေပြီဟုလည်း ကောက်ချက်ပြုနိုင်သည်။ ၂၀၁၈ ခုနှစ်နှင့် ၂၀၁၉ ခုနှစ် နှစ်နှစ်တာကာလတွင် ဒီချုပ်အစိုးရသည် အစွမ်းပြရတော့မည် ဖြစ်သည်။ အစွမ်းပြနိုင်ခြေနည်းလေလေ ၂၀၂၀ ပြည့်နှစ်ရွေးကောက်ပွဲ အလားအလာသည် မွန်းကျပ်လေလေဟု ဆိုနိုင်သည်။ ရွေးကောက်ပွဲအကြို နှစ်နှစ်လိုကာလကတည်းက အစိုးရနှင့် လွှတ်တော်များ အားကောင်းမောင်းသန်ရေးကို အားကုန်ရုန်းကြရမည် ဖြစ်သည်။ အာဏာရဒီချုပ်ပါတီကိုလည်း ပြန်တည်ဆောက်ရမည် ဖြစ်သည်။ စိန်ခေါ်မှုများ၊ အကျပ်အတည်းများအကြားတွင် အာဏာရ ဒီချုပ်ပါတီသည် လျော့ရဲ ပျော့ပြဲနေဆဲပင် ဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အစိုးရအဖွဲ့တာဝန်များမှ နုတ်ထွက်ပြီး ဒီချုပ်ပါတီဥက္ကဋ္ဌအဖြစ် တရားဝင် လူလုံးပြလာနိုင်ခြေကလည်း မြင့်မားနေဆဲ ဖြစ်သည်။ ဒေါ်အောင်ဆန်းစုကြည်သည် အစောဆုံး ၂၀၁၉ ခုနှစ် နှစ်ကုန်ပိုင်း၊ နောက်အကျဆုံး ၂၀၂၀ ပြည့်နှစ် နှစ်ဦးပိုင်းတွင် အမျိုးသားဒီမိုကရေစီအဖွဲ့ချုပ် ဥက္ကဋ္ဌ နေရာကို ပြန်ရယူနိုင်ဖွယ်ရှိပြီး ၂၀၂၀ ပြည့်နှစ် ရွေးကောက်ပွဲအောင်နိုင်ရေးအတွက် ဒေါ်အောင်ဆန်းစုကြည်ကိုယ်တိုင် ဦးဆောင် မောင်းနှင်နိုင်ဖွယ် ရှိနေသည်ဟုလည်း သုံးသပ်ကြသည်။ ၂၀၂၀ ပြည့်နှစ် ပါတီစုံဒီမိုကရေစီ အထွေထွေရွေးကောက်ပွဲသည် အစ၊ အလယ်၊ အဆုံး သုံးပါးစလုံးတွင် အရေးပါနေဆဲ ဖြစ်သည်။

ဒေါ်အောင်ဆန်းစုကြည်အနေဖြင့် ပါတီကို ပြန်လည်ဦးဆောင်နိုင်ဖွယ် ရှိနေသည့် ၂၀၂၀ ပြည့်နှစ်ကာလမတိုင်မီ အမျိုးသား ဒီမိုကရေစီအဖွဲ့ချုပ်အနေဖြင့် ဒီမိုကရေစီကဲပြီး ဗဟိုဦးစီးစနစ်နှင့် ဗဟိုချုပ်ကိုင်မှုနည်းသည့် ပါတီတည်ဆောက်ရေး ပုံစံသစ်ကို ဦးစွာဖော်ဆောင်နိုင်ရန် သော့ချက်ကျမည် ဖြစ်သည်။ မြန်မာ့ဒီမိုကရေစီ ပြုပြင်ပြောင်းလဲရေးအား ဦးဆောင်မည့် ဒီချုပ်ပါတီကို ဒီမိုကရေစီနည်းကျ ရွေးချယ်တင်မြှောက်ထားသည့် ခေါင်းဆောင်များက ဦးစီးဦးဆောင်မှသာ အစပ်အဟပ် တည့်မည်ဖြစ်သည်။ သို့ဖြစ်၍ ပါတီအနေဖြင့် ၂၀၁၈ ခုနှစ် အတောအတွင်း နိုင်ငံလုံးဆိုင်ရာ ပါတီညီလာခံခေါ်ယူကျင်းပပြီး ပါတီခေါင်းဆောင်များကို ဒီမိုကရေစီနည်းကျ ရွေးချယ်တင်မြှောက်နိုင်၍ ပါတီကို အမာခံများ၊ အမာခံဒေသများအဖြစ် သတ်မှတ်လျက် တည်ဆောက်နိုင်ရန် စက်ကုန်ဖွင့် ဆောင်ရွက်သင့်သည်။

၂၀၂၀ ပြည့်နှစ် အထွေထွေရွေးကောက်ပွဲသည် ၂၀၁၅ ခုနှစ် အထွေထွေရွေးကောက်ပွဲထက် ပိုမိုကြမ်းတမ်းခက်ခဲနိုင်ပြီး စိန်ခေါ်မှု မြင့်မားနိုင်ခြင်းသည် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို အစိုးရတာဝန်များမှ နုတ်ထွက်ပြီး အမျိုးသားဒီမိုကရေစီအဖွဲ့ချုပ်ပါတီကို ပြန်လည်ဦးဆောင်ရန် ဆော်သြသည့် အဓိက အကြောင်းရင်းတစ်ရပ် ဖြစ်နိုင်သည်။ သို့ဖြစ်၍ ၂၀၂၀ ပြည့်နှစ် မြန်မာနှစ်သစ်ကူးကာလ ၀န်းကျင်တွင် ဒေါ်အောင်ဆန်းစုကြည်အနေဖြင့် အမျိုးသား ဒီမိုကရေစီအဖွဲ့ချုပ်ပါတီဥက္ကဋ္ဌ တာဝန်ကို မလွဲမသွေ ပြန်လည်ထမ်းရွက်လာနိုင်ဖွယ်ရှိမည်ဟု သုံးသပ်ကြသည်။ ၂၀၁၈ ခုနှစ်နှင့် ၂၀၁၉ ခုနှစ်ကာလများတွင် နိုင်ငံတော်သမ္မတနှင့် နိုင်ငံတော်၏ အတိုင်ပင်ခံပုဂ္ဂိုလ်တို့အနေဖြင့် တရားဥပဒေစိုးမိုးရေး၊ အဂတိလိုက်စားမှု တိုက်ဖျက်ရေး၊ ကြိုးနီစနစ် တိုက်ဖျက်ရေး၊ နိုင်ငံခြား တိုက်ရိုက်ရင်းနှီးမြှုပ်နှံမှုနှင့် စီးပွားရေး ဖွံ့ဖြိုးတိုးတက်မှု အလားအလာကောင်းမွန်ရေးတို့အပြင် ပြည်တွင်းငြိမ်းချမ်းရေး၊ အပစ်အခတ်ရပ်စဲရေး၊ စစ်ဘေးရှောင်ပြည်သူများ နေရပ်ပြန်နိုင်ရေး၊ အရပ်ဘက်-စစ်ဘက်ဆက်ဆံမှု ပိုမိုကောင်းမွန်ရေး၊ ယုံကြည်မှု တည်ဆောက်ရေးနှင့် အမျိုးသားပြန်လည်သင့်မြတ်ရေးတို့အတွက် အခြေခံအုတ်မြစ်ကောင်းများကို ဟန်ချက်ညီညီ၊ ဗျူဟာမြောက် ပြိုင်တူတွန်း၊ ဖော်ဆောင်လာနိုင်မည်ဆိုလျှင် တိုင်းရင်းသား ပြည်သူလူထု၏ ယုံကြည်မှုကို  ကျယ်ကျယ်ပြန့်ပြန့် ရရှိလာနိုင်မည်ဟု ကောက်ချက်ပြုနိုင်သည်။

အမျိုးသားဒီမိုကရေစီအဖွဲ့ချုပ်အနေဖြင့် ၂၀၂၀ ပြည့်နှစ် အထွေထွေရွေးကောက်ပွဲမတိုင်မီ အကျပ်အတည်းများ၊ စိန်ခေါ်မှုများ လျှော့ချနိုင်ရေး ချဉ်းကပ်စဉ်းစားမည် ဆိုလျှင် ၂၀၁၅ ခုနှစ် အထွေထွေရွေးကောက်ပွဲမတိုင်မီ လွှတ်တော်ကိုယ်စားလှယ်လောင်း ရွေးချယ်ခဲ့သည့် ဖြစ်စဉ်များကို ကျောသားရင်သား မခွဲမခြား ပြန်လည်ဆန်းစစ်သုံးသပ်နိုင်ရန် ပဓာနကျမည်ဖြစ်သည်။ ၂၀၁၅ ခုနှစ်တွင် မှားခဲ့သည့် အမှားမျိုး ထပ်မမှားအောင် ဆန်းစစ်၊ ပြုပြင်နိုင်ရန် အရေးကြီးမည် ဖြစ်သည်။ လွှတ်တော်ကိုယ်စားလှယ်လောင်း ရွေးချယ်ရေးနှင့်စပ်လျဉ်း၍ အရှုပ်တော်ပုံများ၊ ပြဿနာများ ထပ်မံဖြစ်ပေါ်ဦးမည်ဆိုလျှင် အမျိုးသားဒီမိုကရေစီအဖွဲ့ချုပ်ပါတီကို နိုင်ငံရေးအရ ပိုမို ထိခိုက်ပွန်းရှစေမည်ဖြစ်ပြီး ၂၀၂၀ ပြည့်နှစ် အထွေထွေရွေးကောက်ပွဲတွင် သောင်ပြိုကမ်းပြို ထပ်မံအနိုင်ရရှိရေးကို အလှမ်းဝေးသွားစေနိုင်ဖွယ် ရှိနေသည်။

၂၀၂၀ ပြည့်နှစ် အထွေထွေရွေးကောက်ပွဲ အနိုင်ရမှတ်တမ်းသည် ၂၀၁၅ ခုနှစ် ရွေး ကောက်ပွဲ အနိုင်ရမှတ်တမ်းလောက် တောက်တောက်ပြောင်ပြောင် ဖြစ်နိုင်ခြေနည်းပါးသည်ဟု သုံးသပ်နိုင်သည်။ အထူးသဖြင့် ပြည်နယ်များတွင် ဗမာမဟုတ်သော တိုင်းရင်းသား ပါတီများအကြား ဗျူဟာမြောက်ပူးပေါင်း ဆောင်ရွက်လာနိုင်ပြီး ၂၀၁၅ ခုနှစ် ပါတီစုံ ဒီမိုကရေစီ အထွေထွေရွေးကောက်ပွဲထက် ပိုမိုအနိုင်ရရှိလာနိုင်ခြေ ရှိသည်။ ဗမာမဟုတ်သော တိုင်းရင်းသားပါတီများအနေဖြင့် အမျိုးသားဒီမိုကရေစီအဖွဲ့ချုပ်နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီတို့ကို အကြိတ်အနယ် ယှဉ်ပြိုင် အနိုင်ရရှိနိုင်ရန် ရည်သန်လျက် စီမံချက် ရေးဆွဲချမှတ်ဖော်ဆောင်နိုင် ရေးစိုင်းပြင်းသင့်ကြောင်း တိုက်တွန်းဆော်သြလိုပါသည်။

၂၀၁၉ ခုနှစ် နှစ်ကုန် သို့မဟုတ် ၂၀၂၀ ပြည့်နှစ် နှစ်ဆန်းပိုင်းတွင် ဒေါ်အောင်ဆန်းစုကြည်အနေဖြင့် ပါတီဥက္ကဋ္ဌနေရာကို ပြန်လည်ထမ်းဆောင်မည်ဆိုလျှင် သမ္မတကြီး ဦးဝင်းမြင့်အနေဖြင့် ၂၀၂၀ ပြည့်နှစ်တွင် အစိုးရယန္တရားကြီးကို ဒေါ်အောင်ဆန်းစုကြည်မပါဘဲ မောင်းနှင်ရမည့် သဘောရှိနေသည်။ ၂၀၁၈ ခုနှစ်နှင့် ၂၀၁၉ ခုနှစ်တို့တွင် အစိုးရများနှင့် လွှတ်တော်များ၏ဆောင်ရွက်ချက်များ၊ အစိုးရနှင့်လွှတ်တော်အကြား ထိထိရောက်ရောက် ပူးပေါင်းဆောင်ရွက်နိုင်မှုများသည် ဗျူဟာမြောက်အရေးပါလာမည် ဖြစ်သည်။ ၂၀၁၈ ခုနှစ် နှင့် ၂၀၁၉ ခုနှစ်ကာ လများတွင် နိုင်ငံရေးအရ ခြေစွမ်းခြေစ ပျောက်နေဦးမည်ဆိုလျှင် ၂၀၂၀ ပြည့်နှစ် ပါတီစုံ ဒီမိုကရေစီအထွေထွေရွေးကောက်ပွဲ အလားအလာသည် စိုးရိမ်ရေမှတ်အထက်သို့ ရောက်ရှိသွားနိုင်ခြေ ရှိနေသည်။

အချုပ်အားဖြင့်ဆိုသော် နိုင်ငံရေးကို မာရသွန်ပြေးပွဲတစ်ခုနှင့် နှိုင်းယှဉ်သုံးသပ်မည်ဆိုလျှင် ၂၀၁၈ ခုနှစ်နှင့် ၂၀၁၉ ခုနှစ် နေ့ရက်များသည် ပန်းဝင်ရန် နီးကပ်လာနေသည့် အချိန်ကာလဖြစ်ပြီး ၂၀၂၀ ပြည့်နှစ်သည်ကား ပန်းဝင်အံ့ဆဲဆဲ ပန်းတိုင်ကိုလှမ်း မြင်နေရသည့် ကာလပင်ဖြစ်သည်။ နိုင်ငံရေးအရ သက်လုံကောင်းရန် အရေးကြီးသည့်အပြင် အမောမဖောက်ရန်၊ ကြွက်မတက်ရန်၊ ခလုတ်မတိုက်မိရန်၊ ပြေးလမ်းပေါ်တွင် ပစ်မလဲရန် အလွန်အမင်းသော့ချက်ကျသော ကာလလည်း ဖြစ်သည်။ အဆိုပါ ပန်းဝင်အံ့ဆဲဆဲ ကာလတွင် ဒေါ်အောင်ဆန်းစုကြည်အနေဖြင့် အစိုးရတာဝန်များမှ နုတ်ထွက်၍ အမျိုးသားဒီမိုကရေစီအဖွဲ့ချုပ်ပါတီ ဥက္ကဋ္ဌတာဝန်ကို ပြန်လည်ရယူနိုင်ရန် အလားအလာ မြင့်မားသည်ထက် မြင့်မားလျက်ရှိပါကြောင်း သုံးသပ်တင်ပြလိုက်ရပါသည်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် မြောင်းမြမြို့သို့ လာရောက်မည်

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဧပြီ ၁၀ ရက်တွင် ၎င်းမိခင်၏ ဇာတိမြို့ဖြစ်သော မြောင်းမြမြို့သို့ လာရောက်မည်ဖြစ်ကြောင်း သတင်းရရှိ သည်။

မြောင်းမြကြိုးတံတား ပြတ်ကျခဲ့သောကြောင့် နိုင်ငံတော်၏ အတိုင်ပင်ခံပုဂ္ဂိုလ်မှာ မြောင်းမြမြို့သို့ နေပြည်တော်မှ ရဟတ်ယာဉ်ဖြင့် လာရောက်မည်ဖြစ်ကြောင်း၊ မြောင်းမြ ဂုန်နီစက်ရုံရှိ ရဟတ်ယာဉ်ကွင်းတွင် ဆင်းသက်ကာ ၎င်း၏မိခင်ဖြစ်သူဒေါ်ခင်ကြည် ကိုးကွယ်ခဲ့သည့် ဇေယျမေဒိနီ ဘုန်းကြီးကျောင်းသို့ သွားရောက်ကာ ဂါရ၀ပြု၍ မြို့ပေါ်တွင် ကျင်းပသည့် ငြိမ်းချမ်းရေးစကားဝိုင်းသို့ တက်ရောက် ဆွေးနွေးမည်ဖြစ်ကြောင်း၊ ယင်းနောက်ပြတ်ကျခဲ့သည့် မြောင်းမြကြိုးတံတားနေရာအား သွားရောက်ကြည့်ရှု ပြီးနောက် ရဟတ်ယာဉ်ဖြင့်ပင် ပြန်လည် ထွက်ခွာမည်ဖြစ်ကြောင်း သိရသည်။

“ဘယ်အချိန်ရောက်မယ်၊ ဘာလုပ်မယ်ဆိုတာ အသေးစိတ်တော့ မသိရသေးဘူး။ စီစဉ်စရာရှိတာတွေတော့ စီစဉ်နေပါတယ်။ အသေအချာတော့ ဘာမှပြောလို့ မရသေးဘူး” ဟု ဧရာဝတီတိုင်းဒေသကြီး အစိုးရအဖွဲ့ဝင် စည်ပင်သာယာရေးဝန်ကြီး ဦးကျော်မြင့် က ပြောကြားသည်။

နိုင်ငံတော်၏ အတိုင်ပင်ခံပုဂ္ဂိုလ် လာရောက်မည့် ခရီးစဉ်အတွက် မြောင်းမြမြို့ပေါ်တွင် ပြင်ဆင်မှု စတင်ပြုလုပ်နေပြီဖြစ်ပြီး လုံခြုံရေးဆိုင်ရာ စီမံချက်များကို ရေးဆွဲလျက်ရှိကြောင်း သိရသည်။

ဒေါ်အောင်ဆန်းစုကြည် နေအိမ်ခြံဝင်းထဲသို့ မီးလောင်စေနိုင်သည့်ပုလင်း ပစ်သွင်းသူ၏ ရုံးချိန်းတွင် ရဲတပ်ဖွဲ့ထံ ဗီဒီယိုဖိုင်နှင့် ဓာတ်ပုံများ ပေးအပ်ခဲ့သည့် မျက်မြင်သက်သေအား စစ်ဆေး

ဒေါ်အောင်ဆန်းစုကြည် နေအိမ်ခြံဝင်းအတွင်း မီးလောင်စေနိုင်သည့်ပုလင်း ပစ်သွင်းသူအား မတ် ၂၈ ရက်တွင် ဗဟန်းမြို့နယ် တရားရုံး၌ ရုံးထုတ်ခဲ့ပြီး အဆိုပါရုံးချိန်းတွင် ရဲတပ်ဖွဲ့ထံ ဗီဒီယိုဖိုင်နှင့် ဓာတ်ပုံများ ပေးအပ်ခဲ့သည့် မျက်မြင်သက်သေ အမျိုးသမီးအား စစ်ဆေးခဲ့သည်။

လာရောက်စစ်ဆေးခံသူမှာ ဒေါ်ထူးထူးအောင်ဆိုသူဖြစ်ပြီး လူမှုကွန်ရက်ပေါ်တွင် ပျံ့နှံ့ခဲ့သည့် ဓာတ်ပုံနှင့် ဗီဒီယိုအား မှတ်တမ်းတင် ရိုက်ကူးခဲ့သူဖြစ်ကြောင်း သိရသည်။

ယင်းဓာတ်ပုံ၊ ဗီဒီယိုနှင့်ပတ်သက်၍ ဒေါ်ထူးထူးအောင်က အခင်းဖြစ်စဉ်က ၎င်းရိုက်ကူးခဲ့သည့်ဓာတ်ပုံနှင့် ဗီဒီယိုဖိုင်များအကြောင်း၊ အဆိုပါဓာတ်ပုံနှင့် ဗီဒီယိုများကို ရဲတပ်ဖွဲ့အား ပေးအပ်ခဲ့သည့်အကြောင်း၊ ဒေါ်အောင်ဆန်းစုကြည် နေအိမ်ခြံဝင်းအတွင်းသို့ ၀င်းနိုင်က ပုလင်းပစ်သည်ကို တွေ့မြင်ခဲ့ပြီးနောက် ရဲတပ်ဖွဲ့အား သတင်းပေးခဲ့သည့် အကြောင်းများအား တရားခွင်၌ ထွက်ဆိုခဲ့ကြောင်း တရားရုံးကြားနာချက်များအရ သိရသည်။

“အခုရုံးချိန်းက သုံးခါမြောက်ပါ။ အခုတစ်ယောက်နဲ့ဆို တရားလိုပြသက်သေအဖြစ် လေးယောက်စစ်ဆေးပြီးပါပြီ။ အခုရုံးချိန်းကတော့ အခင်းဖြစ်ပွားစဉ်က မျက်မြင်တွေ့ရှိခဲ့တယ်ဆိုတဲ့ အမျိုးသမီးကို စစ်ဆေးတာပါ” ဟု ဗဟန်းမြို့နယ်တရားရုံးမှ တွဲဖက်မြို့နယ်တရားသူကြီး ဦးမောင်မောင်လွင်က ပြောကြားသည်။

ရုံးထုတ်စစ်ဆေးနေသည့် ၀င်းနိုင်မှာ ဗဟန်းမြို့နယ် တရားရုံးတွင် ရာဇသတ်ကြီးပုဒ်မ ၄၃၆ ဖြင့် တရားရင်ဆိုင်နေသူဖြစ်သည်။ အဆိုပါ ရုံးချိန်းအား ဧပြီ ၁၁ ရက်သို့ ထပ်မံချိန်းဆိုထားပြီး ယင်းနေ့တွင် တရားလိုပြသက်သေ ထပ်မံစစ်ဆေးမည်ဖြစ်သည်။

ဖြစ်စဉ်မှာ ဗဟန်းမြို့နယ် ရွှေတောင်ကား (၁)ရပ်ကွက် တက္ကသိုလ်ရိပ်သာလမ်းရှိ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ နေအိမ်ခြံအမှတ် ၅၄/၅၆ သို့ ဖေဖော်ဝါရီ ၁ ရက် နံနက် ၆ နာရီခွဲခန့်က အမျိုးသားတစ်ဦး ရောက်ရှိလာပြီး ခြံအတွင်းသို့ မီးလောင်စေနိုင်သည့် ပုလင်းတစ်လုံး ပစ်သွင်းခဲ့ကာ အဆိုပါအမျိုးသားမှာ ထွက်ပြေးသွားခဲ့ခြင်းဖြစ်ကြောင်း သိရသည်။

သြစတြေးလျနိုင်ငံသို့ ရောက်ရှိနေသည့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို သြစတြေးလျနိုင်ငံဝန်ကြီးချုပ်က ဂုဏ်ပြုအခမ်းအနားဖြင့် ကြိုဆို

သြစတြေးလျနိုင်ငံ လွှတ်တော်အဆောက်အအုံ၌ ဧည့်သည်တော်မှတ်တမ်းတွင် လက်မှတ်ရေးထိုးနေသည့် နိုင်ငံတော်၏အတိုင်ပင်ခံပုဂ္ဂိုလ်နှင့် သြစတြေးလျနိုင်ငံဝန်ကြီးချုပ်တို့အား တွေ့ရစဉ် (Photo: AFP)

သြစတြေးလျနိုင်ငံသို့ တရားဝင်ခရီးစဉ် ရောက်ရှိနေသည့် နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကို သြစတြေးလျနိုင်ငံဝန်ကြီးချုပ် H.E.Mr.Malcolm Turnbull က ဂုဏ်ပြုအခမ်းအနားဖြင့် ကြိုဆိုခဲ့ကြောင်း နိုင်ငံခြားရေးဝန်ကြီးဌာန၏ သတင်းထုတ်ပြန်ချက်အရ သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ် အောင်ဆန်းစုကြည်ကို သြစတြေးလျနိုင်ငံဝန်ကြီးချုပ် H.E.Mr.Malcolm Turnbull က မတ် ၁၉ ရက် ဒေသစံတော်ချိန် နံနက် ၉ နာရီတွင် သြစတြေးလျနိုင်ငံ လွှတ်တော်အဆောက်အအုံ၌ ဂုဏ်ပြုကြိုဆိုခဲ့သည်။

အခမ်းအနားတွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဂုဏ်ပြုတပ်ဖွဲ့ကို စစ်ဆေးခဲ့ပြီး ဂုဏ်ပြုတပ်ဖွဲ့က အမြောက် ၁၉ ချက် ပစ်ဖောက်ကြိုဆိုခဲ့ကြောင်း သိရသည်။

ဂုဏ်ပြုကြိုဆိုပွဲပြီးနောက် နိုင်ငံတော်၏အတိုင်ပင်ခံပုဂ္ဂိုလ်နှင့် သြစတြေးလျနိုင်ငံဝန်ကြီးချုပ်တို့သည် သြစတြေးလျနိုင်ငံ လွှတ်တော်အဆောက်အအုံရှိ ၀န်ကြီးချုပ်၏ ဧည့်ခန်းမတွင် တွေ့ဆုံဆွေးနွေးမှုပြုခဲ့ကြောင်း သိရသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်သည် မြန်မာနိုင်ငံနှင့် သြစတြေးလျ နှစ်နိုင်ငံတွေ့ဆုံဆွေးနွေးပွဲသို့ တက်ရောက်ခဲ့ပြီး အဆိုပါတွေ့ဆုံဆွေးနွေးပွဲသို့ ပြည်ထောင်စုအစိုးရအဖွဲ့ရုံး ပြည်ထောင်စုဝန်ကြီး ဦးသောင်းထွန်း၊ အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကျော်တင်၊ သြစတြေးလျနိုင်ငံဆိုင်ရာ မြန်မာသံအမတ်ကြီး ဦးသာအောင်ညွန့်နှင့် တာဝန်ရှိပုဂ္ဂိုလ်များ တက်ရောက်ခဲ့ကြကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဒေသစံတော်ချိန် ၁၀ နာရီ မိနစ် ၂၀ တွင် သြစတြေးလျနိုင်ငံ လွှတ်တော်အဆောက်အအုံရှိ အမ်ဂျီ ၆၃ ခန်းမ၌ သြစတြေးလျနိုင်ငံ Labour Party ခေါင်းဆောင် Mr.Bill Shorten နှင့် တွေ့ဆုံ ဆွေးနွေးခဲ့ကြောင်း သိရသည်။

ထိုပြင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဒေသစံတော်ချိန် ၁၁ နာရီ ၁၀ မိနစ်တွင် သြစတြေးလျ အမျိုးသားရုက္ခဗေဒဥယျာဉ်၌ ပြုလုပ်သော သြစတြေးလျ-မြန်မာ နှစ်နိုင်ငံချစ်ကြည်ရေး အထိမ်းအမှတ် သစ်ပင်စိုက်ပျိုးပွဲအခမ်းအနားသို့ တက်ရောက်ခဲ့ပြီး အထိမ်းအမှတ်သစ်ပင် စိုက်ပျိုးခဲ့ကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် သြစတြေးလျနိုင်ငံသို့ ချစ်ကြည်ရေးခရီးစဉ်နှင့် အာဆီယံ-သြစတြေးလျ အထူးထိပ်သီးအစည်းအဝေး တက်ရောက်ရန်အတွက် မတ် ၁၆ ရက် ညနေပိုင်းက ရန်ကုန်မြို့မှ လေကြောင်းခရီးဖြင့် ထွက်ခွာသွားပြီး မတ် ၁၇ ရက်နှင့် ၁၈ ရက်များတွင် အာဆီယံ-သြစတြေးလျ အထူးထိပ်သီးအစည်းအဝေးနှင့် ဆက်စပ်အစည်းအဝေးများ တက်ရောက်ခဲ့ကြောင်း သိရသည်။

သြစတြေးလျနိုင်ငံ အခြေစိုက် ရှေ့နေအဖွဲ့အစည်းတစ်ခုက နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို လူသားမျိုးနွယ်အပေါ် ကျူးလွန်သောရာဇ၀တ်မှု ခေါင်းစဉ်အောက်၌ တရားစွဲခြင်းအား သြစတြေးလျနိုင်ငံ တရားသူကြီးချုပ် Christian Porter က မတ် ၁၆ ရက်တွင် ပယ်ချခဲ့ကြောင်း သိရသည်။

Ron Markel QC အပါအ၀င် နိုင်ငံတကာ လူ့အခွင့်အရေးရှေ့နေအဖွဲ့များက ရခိုင်ပြည်နယ်ဖြစ်စဉ်များနှင့်ပတ်သက်ပြီး ဒေါ်အောင်ဆန်းစုကြည်ကဲ့သို့ သြဇာအာဏာရှိသော ပုဂ္ဂိုလ်တစ်ဦးအနေဖြင့် မြန်မာ့လုံခြုံရေးတပ်ဖွဲ့များက ဘင်္ဂါလီများအား နေရပ်ဒေသများမှ ခြောက်လှန့်နှင်ထုတ်ခြင်းဖြစ်စဉ်များကို မတားဆီးခဲ့ဟုဆိုကာ လူသားမျိုးနွယ်အပေါ် ရာဇ၀တ်မှုကျူးလွန်ခြင်း ခေါင်းစဉ်အောက်မှ တရားစွဲဆိုရန် Victorian Magi Strates တရားရုံးမှတစ်ဆင့် အဆိုတင်ခဲ့ရာ တရားသူကြီးချုပ် Christian Porter က ပယ်ချခဲ့ခြင်းဖြစ်သည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် သြစတြေးလျနိုင်ငံသို့ ချစ်ကြည်ရေးခရီးနှင့် အာဆီယံ-သြစတြေးလျ အထူးထိပ်သီး အစည်းအဝေး တက်ရောက်ရန် ထွက်ခွာ

နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်သည် တရားဝင်ချစ်ကြည်ရေး ခရီးသွားရောက်ရန်နှင့် ဆစ်ဒနီမြို့တွင် ကျင်းပမည့် အာဆီယံ-သြစတြေးလျ အထူး ထိပ်သီး အစည်းအဝေးသို့ တက်ရောက်ရန် မတ် ၁၆ ရက် ညနေ ၄ နာရီတွင် ရန်ကုန်မြို့မှ လေကြောင်းခရီးဖြင့် သြစတြေးလျနိုင်ငံသို့ ထွက်ခွာသွားကြောင်း မြန်မာ့ရုပ်မြင်သံကြား သတင်းဖော်ပြချက်အရ သိရသည်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ တရားဝင်ချစ်ကြည်ရေး ခရီးစဉ်သည် သြစတြေးလျဓနသဟာယနိုင်ငံ ၀န်ကြီးချုပ် မဲလ်ကွန်တန်ဘဲလ်၏ ဖိတ်ကြားချက်အရ  သွားရောက်ခြင်းဖြစ်ကြောင်း သိရသည်။

အဆိုပါခရီးစဉ်တွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အတူ အပြည်ပြည်ဆိုင်ရာ ပူးပေါင်းဆောင်ရွက်ရေး ၀န်ကြီးဌာန ပြည်ထောင်စုဝန်ကြီး ဦးကျော်တင်နှင့် ဌာနဆိုင်ရာ တာဝန်ရှိသူများ လိုက်ပါခဲ့ကြောင်း သိရသည်။

နိုင်ငံတော်၏အတိုင်ပင်ခံပုဂ္ဂိုလ်ဒေါ် အောင်ဆန်းစုကြည်နှင့်အဖွဲ့အား ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ ရန်ကုန်မြို့တော်ဝန် ဦးမောင်မောင်စိုး၊ မြန်မာနိုင်ငံဆိုင်ရာ သြစတြေးလျဓနသဟာယနိုင်ငံ သံရုံးမှ သံရုံးယာယီတာဝန်ခံ Mr. Jeremy Peter Kruse  နှင့် တာဝန်ရှိသူများက ရန်ကုန် အပြည်ပြည်ဆိုင်ရာလေဆိပ်တွင် ပို့ဆောင်ခဲ့ကြောင်း သိရသည်။

အမေရိကန်ပြည်ထောင်စု Holocaust အမှတ်တရပြတိုက်က နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံ ပေးအပ်ထားသောဆုအား ရုပ်သိမ်းခြင်းအပေါ် အမေရိကန်နိုင်ငံဆိုင်ရာ မြန်မာသံရုံးက ကြေညာချက်ထုတ်ပြီး တုံ့ပြန်

အမေရိကန်ပြည်ထောင်စု Holocaust အမှတ်တရပြတိုက်အနေဖြင့် ရခိုင်ပြည်နယ်တွင် မြန်မာအစိုးရနှင့် တပ်မတော်က ဘင်္ဂါလီ မွတ်စလင် (မူရင်းတွင် ရိုဟင်ဂျာဟု ဖော်ပြ) တို့အပေါ် လူမျိုးတုံးသတ်ဖြတ်မှုများ ကျူးလွန်ခဲ့သည်ဟုအတည်ပြုပြီး ၂၀၁၂ ခုနှစ်တွင် နိုင်ငံတော်၏အတိုင်ပင်ခံပုဂ္ဂိုလ် ဒေါ်ဆောင်ဆန်းစုကြည်ကို ပေးအပ်ခဲ့သည့် Elie Wiesel ဆုအား ပြန်လည်ရုပ်သိမ်းခြင်းနှင့် ပတ်သက်၍ အမေရိကန်ပြည်ထောင်စု ၀ါရှင်တန်အခြေစိုက် မြန်မာသံရုံးက တုံ့ပြန်သည့် ကြေညာချက်တစ်စောင်ကို မတ် ၇ ရက်တွင် ထုတ်ပြန် ခဲ့ကြောင်းသိရသည်။

အဆိုပါ Holocaust အမှတ်တရပြတိုက်သည် ဒုတိယကမ္ဘာစစ်အတွင်း ဂျာမနီ နာဇီများက ဥရောပတိုက်တွင် နေထိုင်နေသော ဂျူးလူမျိုး ခြောက်သန်းကျော်အား လူမျိုးတုံးသတ်ဖြတ်ခြင်းဖြစ်စဉ်မှ ဆက်စပ်ပစ္စည်းများ နှင့် မှတ်တမ်းများကို ထိန်းသိမ်းပြသထားသော နေရာဖြစ်သည်။

မြန်မာသံရုံး၏ ထုတ်ပြန်ချက်တွင် မြန်မာနိုင်ငံသည် အရှေ့တောင်အာရှဒေသအတွင်း အစ္စရေးနိုင်ငံအား ၁၉၄၈ ခုနှစ်မှစ၍ ပထမဆုံး အသိအမှတ်ပြုခဲ့သည့် နိုင်ငံဖြစ်ပြီး လက်ရှိအချိန်အထိ မြန်မာနှင့် အစ္စရေး နှစ်နိုင်ငံအကြား ဆက်ဆံရေး တည်တံ့ ခိုင်မြဲလျက် ရှိကြောင်း ရေးသားထားပြီး မြန်မာနိုင်ငံ အနေဖြင့် Holocaust ဖြစ်ရပ်ကို ခေတ်အဆက်ဆက် လူအများ သိရှိနားလည်နိုင်အောင် Holocaust ပြတိုက်က ကြိုးပမ်းခဲ့မှုများကို အစဉ်တစိုက် လက်ခံသဘောတူခဲ့ကြောင်း ဖော်ပြထားသည်။

Holocaust ပြတိုက်အနေဖြင့် ရခိုင်ပြည်နယ်နှင့် ပတ်သက်သော ဖြစ်စဉ်များအပေါ် မျှတသည့်အမြင် သဘောထားမရှိသူများ၏ လှည့်စား အသုံးချခံရသည့်အပေါ် မြန်မာနိုင်ငံက စိတ်ပျက်မိကြောင်း မြန်မာသံရုံး၏ ထုတ်ပြန်ချက်တွင် ဖော်ပြထားသည်။

ထိုကဲ့သို့ ဆုံးဖြတ်မှုကြောင့် ဒေါ်အောင်ဆန်းစုကြည်၏ နိုင်ငံထူထောင်ရေးလုပ်ငန်းစဉ်အပေါ် မြန်မာပြည်သူပြည်သားများ၏ အားပေး ထောက်ခံနေခြင်း ရပ်တန့်သွားမည်မဟုတ်ကြောင်းနှင့် မြန်မာအစိုးရအတွက် ရခိုင်ဖြစ်စဉ်များအတွက် ရေရှည်တည်တံ့ခိုင်မြဲသော ဖြေရှင်းချက်များ ပေါ်ပေါက်လာအောင် ကြိုးစား အားထုတ်မှု ပိုမိုလုပ်ဆောင်နိုင်အောင် တိုက်တွန်းသည့် သဘောဆောင်ကြောင်း မြန်မာသံရုံး၏ ထုတ်ပြန်ချက်တွင် ဖော်ပြထားသည်။

“မြန်မာနိုင်ငံနဲ့ အစ္စရေးနိုင်ငံဟာ ဆိုလို့ရှိရင် လွတ်လပ်ရေးရတဲ့နှစ်ကလည်း တစ်နှစ်တည်းဖြစ်ပါတယ်။ အစ္စရေးနိုင်ငံရဲ့ လွတ်လပ်ရေးကို အသိအမှတ်ပြုတဲ့ အရှေ့တောင်အာရှနိုင်ငံတွေထဲမှာ မြန်မာနိုင်ငံဟာ ပထမဆုံး နိုင်ငံဖြစ်ပါတယ်။ နှစ်နိုင်ငံကြားမှာ ရေရှည် ချစ်ကြည်ရင်းနှီးတဲ့ ဆက်ဆံရေးရှိပါတယ်။ အစ္စရေးနိုင်ငံမှာရှိတဲ့ ဂျူးလူမျိုးတွေဟာ ဒုတိယကမ္ဘာစစ်တုန်းက ဒုက္ခမျိုးစုံနဲ့ သေဆုံးခဲ့တဲ့ Holocaust ဖြစ်ရပ်တွေဟာ ကျွန်တော်တို့ မြန်မာလူမျိုးတွေအတွက် အင်မတန် စိတ်ထိခိုက်စေခဲ့ပါတယ်။ ဒီအဖြစ်မျိုးကိုလည်း ကျွန်တော်တို့အနေနဲ့ လုံးဝမမြင်ချင်ပါဘူးဆိုတဲ့ဟာကို မြန်မာနိုင်ငံတစ်နိုင်ငံလုံးကနေ သူတို့ ဒုတိယကမ္ဘာစစ်တုန်းက ဂျူးလူမျိုးတွေရဲ့ ဖြစ်စဉ်တွေနဲ့ ခိုင်းနှိုင်းထားတဲ့ဟာက လုံးဝ မဆီလျော်ပါဘူး။ အခု မြန်မာနိုင်ငံမှာဖြစ်နေတဲ့ သူတို့ပြောနေတဲ့ ရိုဟင်ဂျာတွေနဲ့ လုံးဝ ဆက်စပ်မှုမရှိပါဘူး။ ရိုဟင်ဂျာတွေ သူတို့ ပြောတဲ့ဟာတွေနဲ့ ပတ်သက်ပြီးတော့ ကျွန်aတ်ာတို့အနေနဲ့ အမြဲတမ်း ရှင်းပြဖို့ အဆင်သင့်ရှိပါတယ်။ ဒါကြောင့်မို့ ဒီပြတိုက်ဟာဆိုရင် အဖြစ်မှန်ကို မျက်ကွယ်ပြုထားတဲ့လူတွေရဲ့ အသုံးချမှုကို ခံယူတဲ့အတွက်ကြောင့် ကျွန် တော်တို့ဟာ ပြတိုက်ရဲ့ဆုံးဖြတ်ချက်ကို ကျွန်တော်တို့ အင်မတန်ကိုမှ စိတ်ပျက်မိပါတယ်” ဟု အမေရိကန်နိုင်ငံဆိုင်ရာ မြန်မာသံအမတ်ကြီး ဦးအောင်လင်းက ပြောကြားခဲ့ကြောင်း ဗွီအိုအေသတင်းဌာနက ဖော်ပြထားသည်။

မြန်မာနိုင်ငံအနေဖြင့် စိုးရိမ်ဖွယ် စိန်ခေါ်မှုများနှင့် ရင်ဆိုင်နေရပြီး နိုင်ငံတကာ အသိုင်းအ၀ိုင်းနှင့် ချိတ်ဆက်ဆောင်ရွက်မှုကို ပိုမိုအားကောင်းလာအောင် လုပ်ဆောင်ရန် လိုအပ်နေကြောင်း နိုင်ငံတော်၏အတိုင်ပင်ခံပုဂ္ဂိုလ် ပြောကြား

မြန်မာနိုင်ငံ၏ ဖွံ့ဖြိုးမှု အကူအညီများ ထိရောက်မှုရှိစေရေးဆွေးနွေးပွဲ Myanmar Development Effectiveness Roundtable ကို နေပြည်တော်ရှိ MICC2 ခန်းမတွင် ဖေဖော်ဝါရီ ၂၆ရက်က ပြုလုပ်စဉ်

မြန်မာနိုင်ငံအနေဖြင့် စိုးရိမ်ဖွယ် စိန်ခေါ်မှုများစွာနှင့် ရင်ဆိုင်နေရပြီး နိုင်ငံတကာ အသိုင်းအ၀ိုင်းနှင့် ချိတ်ဆက်ဆောင်ရွက်မှုကို ပိုမိုအားကောင်းလာအောင် လုပ်ဆောင်ရန် လိုအပ်နေကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

‘‘မြန်မာနိုင်ငံအနေနဲ့ အခုအချိန်မှာ စိုးရိမ်ပူပန်စရာကောင်းတဲ့ စိန်ခေါ်မှုများစွာကို ရင်ဆိုင်နေရတယ်ဆိုတာ ငြင်းလို့မရပါဘူး။ ဒီစိန်ခေါ်မှုတွေဟာ စိုးရိမ်စရာအခြေအနေ ပိုဖြစ်လာလေလေ နိုင်ငံတကာအသိုင်းအ၀ိုင်း နဲ့ ချိတ်ဆက်ဆောင်ရွက်မှုကို လေးနက်အားကောင်းအောင်လုပ်ဖို့  ပိုပြီးလိုအပ်လာလေလေ ဖြစ်ပါတယ်’’ဟု နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

နေပြည်တော်ရှိ MICC-2 ခန်းမတွင် ဖေဖော်ဝါရီ ၂၆ ရက်က ပြုလုပ်သော မြန်မာနိုင်ငံ ၀န်ကြီးဌာနများ၊ အလှူရှင်နိုင်ငံများ၊ အပြည်ပြည်ဆိုင်ရာ မိတ်ဖက်အဖွဲ့အစည်းများနှင့် ကုလသမဂ္ဂအဖွဲ့အစည်းများ၊ ပြည်တွင်း ပြည်ပ ပုဂ္ဂလိကအဖွဲ့အစည်းများ တက်ရောက်ဆွေးနွေးသည့် မြန်မာနိုင်ငံ၏ ဖွံ့ဖြိုးမှုအကူ  အညီများ ထိရောက်မှုရှိစေရေးဆွေးနွေးပွဲ Myanmar Development Effectiveness Roundtable တွင် ယင်းကဲ့သို့ ပြောကြားခဲ့ခြင်း ဖြစ်သည်။

‘‘မြန်မာနိုင်ငံမှာ အတားအဆီး အခက်အခဲတွေ ရှိနေတဲ့အချိန်မှာ ပြုပြင်ပြောင်းလဲရေးသမားတွေက ရှေ့ဆက်တိုးဖို့ လှုံ့ဆော်အားပေးလေ့ရှိပါတယ်။ နိုင်ငံတကာ အဆက်အသွယ် နှစ်ပေါင်းများစွာ ဖြတ်တောက်ထားခြင်း ခံခဲ့ရတဲ့အချိန်မှာ တချို့တိုးတက်မှု ဆုတ်ယုတ်ခဲ့ရတဲ့ ကျွန်မတို့ရဲ့ ဌာန/အဖွဲ့အစည်းတွေကို ပြန်လည်အသက်ဝင်လာဖို့ အားအင်တွေဖြည့်ပေးတဲ့ နိုင်ငံတကာအသိုင်းအ၀ိုင်းရဲ့ အကူအညီတွေဟာ တစ်ခါတစ်ခါ အရေးပါပြီး အားရစရာကောင်းတဲ့ အခန်းကဏ္ဍမှာ ရှိနေတာ ဖြစ်ပါတယ်။ မြန်မာနိုင်ငံအနေနဲ့ အရင်ထက်ပိုပြီး အခုလိုအပ်နေတာကတော့ နိုင်ငံတကာ အသိုင်းအ၀ိုင်းတွေဆီက အကူအညီများပဲ ဖြစ်ပါတယ်’’ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

မြန်မာနိုင်ငံသည် သမိုင်းတစ်လျှောက် အကူးအပြောင်းအလွန်ကာလတွင် စိန်ခေါ်မှု အများဆုံးကြုံတွေ့နေရသည့် အချိန်ကာလတွင် ရောက်ရှိနေကြောင်း၊ ယင်းစိန်ခေါ်မှုများသည် မြန်မာနိုင်ငံ၏ ဒီမိုကရေစီ ခိုင်မာရေးအတွက် အခြေခံအုတ်မြစ်ဖြစ်သည့် ငြိမ်းချမ်းရေးနှင့် အမျိုးသားရင်ကြားစေ့ရေးအတွက် ကတိက၀တ်များ ခိုင်မာအားကောင်းလာစေမည့် အခွင့်အလမ်းတစ်ခုဖြစ်လာကြောင်း နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေး ကော်မတီ၊ ရခိုင်ပြည်နယ်ဆိုင်ရာ အကြံပေး အဖွဲ့နှင့် ရခိုင်ပြည်နယ်အတွင်း လူသားချင်း စာနာမှု အကူအညီ အထောက်အပံ့ပေးရေး၊ ပြန်လည်နေရာချထားရေး ဖွံ့ဖြိုးရေးစီမံကိန်း (UEHRD) တို့ကို ဖွဲ့စည်းလိုက်ခြင်းသည် တစ်နိုင်ငံလုံးတွင် ရေရှည်တည်တံ့ခိုင်မြဲသည့် ငြိမ်းချမ်းရေး၊ ကျယ်ပြန့်နက်နဲပြီး အားလုံးပါဝင်သော လူမှု-စီးပွားဖွံ့ဖြိုးတိုးတက်မှုဖြစ် ပေါ်လာရေးအတွက် မြန်မာအစိုးရက ချမှတ်ထားသည့် သန္နိဋ္ဌာန်အတွက် အထောက် အထားပင်ဖြစ်ကြောင်း၊ မကြာသေးမီကာလက တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေး သဘောတူစာချုပ်တွင် အဖွဲ့နှစ်ဖွဲ့ ပါဝင်လက်မှတ်ရေးထိုးနိုင်ခဲ့ခြင်းကို ၀မ်းမြောက်ဝမ်းသာ  ကြိုဆိုဂုဏ်ပြုခဲ့ကြောင်း၊ မကြာမီ ပင်လုံညီလာခံ ကျင်းပနိုင်မည်ဟု မျှော်လင့်ကြောင်း ၎င်းက ဆိုသည်။

‘‘လေးနက်ပြီး အဓိပ္ပာယ်ပြည့်ဝတဲ့ ပြောင်းလဲမှု ကာလအလယ်မှာ စိန်ခေါ်မှုတွေကို ကြုံတွေ့နေရပေမယ့် မိမိတို့မြန်မာနိုင်ငံအနေနဲ့ ရှေ့ကို ဆက်လက်လျှောက်လှမ်းနေတယ်လို့ ကျွန်မခံစားမိပါတယ်။ မိမိတို့ဟာ နယ်ပယ်အစုံမှာ စိန်ခေါ်မှုတွေကြုံတွေ့နေရပြီး ပြည်သူများက မျှဝေတဲ့ အတွေ့အကြုံများအရ အဓိကအချက်ဟာ ဆင်းရဲနွမ်းပါးမှုပဲဖြစ်ပါတယ်’’ဟု နိုင်ငံတော်၏အတိုင်ပင်ခံပုဂ္ဂိုလ်က ပြောကြားသည်။

မြန်မာနိုင်ငံအနေဖြင့် လတ်တလော ရင်ဆိုင်နေရသည့် စိန်ခေါ်မှုများကို ကျော်ဖြတ်လွန်မြောက်ရန် စိတ်အားထက်သန်ကြောင်း၊ နောက်တစ်နေ့တွင် ရင်ဆိုင်ရမည့် အခက်အခဲများကိုလည်း ကြိုဆိုလက်ခံပြီး ရင်ဆိုင်ကျော်ဖြတ်သွားမည်ဖြစ်ကြောင်း၊ ယင်းသို့လုပ်ဆောင်ရာတွင် ဖွံ့ဖြိုးမှုမိတ်ဖက်အဖွဲ့များ အားလုံးသည် နီးနီးကပ်ကပ်ရှိနေကြမည်ဟု မျှော်လင့်ကြောင်း၊ ယင်းစိန်ခေါ်မှုများကို ကျော်လွှားရာတွင် ဖွံ့ဖြိုးမှုမိတ်ဖက်များကို ဘဏ္ဍာရေးအရင်းအမြစ်နှင့် နည်းပညာအကူအညီအတွက်သာမက တစ်ခါတစ်ရံတွင် မိမိတို့ကို အားပေး လှုံ့ဆော်ပေးကြရန် ဖွံ့ဖြိုးမှု မိတ်ဖက်အဖွဲ့များအားလုံးကို အားကိုးလို ကြောင်းလည်း နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

 

ဘင်္ဂါလီမွတ်စလင်များအပေါ် အကြမ်းဖက်မှုနှင့်ပတ်သက်၍ ထုတ်ဖော်ပြောကြားရန် ငြိမ်းချမ်းရေးနိုဘယ်ဆုရှင် သုံးဦးက ဒေါ်အောင်ဆန်းစုကြည်ကို တောင်းဆို

ဖေဖော်ဝါရီ ၂၆ ရက်တွင် ငြိမ်းချမ်းရေး နိုဘယ်ဆုရှင် သုံးဦးက ဘင်္ဂါလီမွတ်စလင်များအပေါ် အကြမ်းဖက်မှုနှင့်ပတ်သက်၍ ထုတ်ဖော်ပြောကြားရန် ၎င်းတို့ကဲ့သို့ ငြိမ်းချမ်းရေးနိုဘယ်ဆုရှင်ဖြစ်သော ဒေါ်အောင်ဆန်းစုကြည်အား တောင်းဆိုခဲ့သည်။ ၎င်းတို့သုံးဦးက ဒေါ်အောင်ဆန်းစုကြည်အား ယင်းကဲ့သို့ မပြုလုပ်ပါက လူမျိုးတုံးသတ်ဖြတ်မှုဖြင့် တရားစွဲဆိုခံရနိုင်သည့် အန္တရာယ်ရှိကြောင်းလည်း သတိပေးခဲ့သည်။

ငြိမ်းချမ်းရေးနိုဘယ်ဆုရှင်သုံးဦးဖြစ်သော တာဝက်ကောကာမင်၊ ရှီရင်အီဘာဒီ နှင့် မေရိဒ်မက်ဂွိုင်းယားတို့က မြန်မာအရပ်သား အစိုးရအဖွဲ့ခေါင်းဆောင်အား ရက်စက် ကြမ်းကြုတ်မှုများအတွက် နိုးထလာရန် ပန်ကြားခဲ့သည်။ ၎င်းတို့သည် ဘင်္ဂါလီမွတ်စလင် ဒုက္ခသည် တစ်သန်းနီးပါး ခိုလှုံနေသည့် ဒုက္ခသည်စခန်းများသို့ သွားရောက်ခဲ့ပြီးနောက် ယခုကဲ့သို့ ပြောကြားခဲ့ခြင်းဖြစ်သည်။

“ဒါဟာ မြန်မာအစိုးရနဲ့ မြန်မာတပ်မတော်က ဘင်္ဂါလီမွတ်စလင်(မူရင်း၌ ရိုဟင်ဂျာဟု ဖော်ပြ)တွေအပေါ် ဆက်ပြီးကျူးလွန်နေတဲ့ လူမျိုးတုံးသတ်ဖြတ်မှုဆိုတာ အရမ်း အရမ်း အရမ်းကို ရှင်းပါတယ်”ဟု မက်ဂွိုင်းယားက ဖေဖော်ဝါရီ ၂၆ ရက်တွင် ပြောကြားခဲ့သည်။

“မြန်မာအစိုးရရဲ့ ဒီလူမျိုးတုံးသတ်ဖြတ်မှု မူဝါဒကို ကျွန်မတို့ ငြင်းဆိုပါတယ်။ သူတို့ကို ICC (အပြည်ပြည်ဆိုင်ရာ ရာဇ၀တ်မှုခုံရုံး) ကို တင်ရမှာဖြစ်ပြီး လူမျိုးတုံးသတ်ဖြတ်မှု ကျူးလွန်တဲ့သူတွေကို တာဝန်ယူခိုင်းရပါလိမ့်မယ်” ဟုလည်း မက်ဂွိုင်းယားက ပြောကြားခဲ့သည်။

ကုလသမဂ္ဂက ရခိုင်ပြည်နယ်တွင် ဘင်္ဂါလီမွတ်စလင်များအပေါ် မြန်မာနိုင်ငံက ကျူးလွန်သည့် စနစ်တကျ အကြမ်းဖက်မှုများကို လူမျိုးတုံးသတ်ဖြတ်မှုနှင့် လူမျိုးစုလိုက် သုတ်သင်မှုမြောက်နိုင်သည်ဟု ဖော်ပြခဲ့သည်။

ကမ္ဘာ့လူ့အခွင့်အရေး အိုင်ကွန်တစ်ဦး ဖြစ်ခဲ့ဖူးသည့် ဒေါ်အောင်ဆန်းစုကြည်သည်  ဘင်္ဂါလီမွတ်စလင်အရေးအား ကိုင်တွယ်ခဲ့ပုံ နှင့် ပတ်သက်၍ နိုင်ငံတကာအသိုင်းအ၀ိုင်း၏ အပြင်းအထန် ဝေဖန်မှုများကြောင့် ဂုဏ်သတင်းကျော်စောမှု ထိခိုက်ခဲ့ရသည်။

ဒေါ်အောင်ဆန်းစုကြည်ကဲ့သို့ပင် ငြိမ်းချမ်းရေးနိုဘယ်ဆုရ အမျိုးသမီးများဖြစ်သော အဆိုပါအမျိုးသမီးသုံးဦးသည် ဖေဖော်ဝါရီ ၂၅ ရက်နှင့် ၂၆ ရက်တို့တွင် ကော့ ဘဇားခရိုင်ရှိ လူနေကျပ်ညပ်နေသော စခန်းများသို့ သွားရောက်ခဲ့ပြီး လူနည်းစုမွတ်စလင်များအပေါ် မုဒိမ်းမှုနှင့် သတ်ဖြတ်မှုများ ကျူးလွန်ခဲ့ကြသည့်အကြောင်း ကြားနာခဲ့ပြီးနောက် မြန်မာခေါင်းဆောင် ဒေါ်အောင်ဆန်းစုကြည်ကို ပုဂ္ဂိုလ်ရေးအရ ပန်ကြားမှု ပြုလုပ်ခဲ့ကြခြင်းဖြစ်သည်။

ယီမင် လူ့အခွင့်အရေး တက်ကြွ လှုပ်ရှားသူတစ်ဦးဖြစ်သော ကာမင်က ဒေါ်အောင် ဆန်းစုကြည်အနေဖြင့် ကြားဝင်ဆောင်ရွက်ပေးခြင်း မရှိပါက ICC ၌ တရားစွဲဆိုခံရနိုင်သည့် အန္တရာယ်ရှိကြောင်း သတိပေးခဲ့သည်။

“သူ့အနေနဲ့ ဆက်ပြီး နှုတ်ဆိတ်နေမယ်ဆိုရင် သူဟာလည်း သူတို့ထဲက တစ်ယောက်ပါပဲ” ဟု ကာမင်က ဒုက္ခသည်များနှင့် တွေ့ဆုံပြီးနောက် မျက်ရည်များသုတ်ရင်း ပြောကြားခဲ့သည်။

“ဒါဟာ ကျွန်မတို့ရဲ့အစ်မကြီး ဒေါ်အောင်ဆန်းစုကြည်ကို နိုးထလာဖို့ မေတ္တာရပ်ခံတာပါပဲ။ ဒီလိုမှမဟုတ်ရင် သူဟာ ဒီပြစ်မှုကို ကျူးလွန်သူတွေထဲက တစ်ယောက်အဖြစ် သူ သစ္စာဖောက်ခံရပါလိမ့်မယ်”ဟု ကာမင် က ပြောကြားခဲ့သည်။

ဝေဖန်သူများက ကမ္ဘာက ပြစ်တင်ရှုတ်ချမှုများ မြင့်တက်လာချိန်တွင် ဒေါ်အောင်ဆန်းစုကြည်သည် အခြားသူများက သူ့အား ၀ိုင်း၍ရန်လုပ်နေသည်ဟူသော သဘောထားဖြင့် မိမိကိုယ်ကိုယ် ကာကွယ်နေသည်ဟု စွပ်စွဲကြသည်။