အသက် ၇၂ နှစ်ပြည့်ခဲ့သော ထရန့် အမေရိကန်၏ ပထမသက်တမ်း အသက်အကြီးဆုံး သမ္မတအဖြစ် မှတ်တမ်းဝင်

ဇွန် ၈ ရက်က ၀ါရှင်တန်ရှိ အိမ်ဖြူတော်တွင် မီဒီယာများကို သမ္မတထရန့်က စကားပြောနေစဉ် (Photo: AFP)

မြောက်ကိုရီးယားခေါင်းဆောင် ကင်ဂျုံအွန်နှင့် စင်ကာပူတွင် ထိပ်သီးအစည်းအဝေး ကျင်းပခဲ့ပြီးနောက် ၀ါရှင်တန်သို့ ပြန်ရောက်လာခဲ့သော အမေရိကန်သမ္မတ ဒေါ်နယ်ထရန့်သည် ဇွန် ၁၄ ရက်တွင် အသက် ၇၂ နှစ် ပြည့်သွားခဲ့သည်။ ရော်နယ်ရီဂင်သည် ၁၉၈၄ ခုနှစ်တွင် ဒုတိယသက်တမ်းအတွက် ပြန်လည်ရွေးချယ်ခံရစဉ်က အသက် ၇၃ နှစ်ဖြစ်ခဲ့သော်လည်း ထရန့်သည် ၂၀၁၆ ခုနှစ်တွင် အသက် ၇၀ အရွယ်၌ အမေရိကန်သမ္မတ ရာထူးကို ရယူခဲ့သော အသက်အကြီးဆုံးပုဂ္ဂိုလ်ဖြစ်ခဲ့သည်။

ထရန့်၏ စိတ်ကျန်းမာရေး၊ ရုပ်ကျန်းမာရေးနှစ်ခုစလုံးသည် အမေရိကန်တွင် စိတ်ဝင်စားမှုကြီးမားသော အကြောင်းအရာ တစ်ခုဖြစ်သည်။ ထရန့်သည် ဇန်န၀ါရီလတွင် တရားဝင် ကျန်းမာရေးစစ်ဆေးမှု ခံယူခဲ့ပြီး အိမ်ဖြူတော်ဆရာဝန် ရော်နီဂျက်ဆင်က ထရန့်၏ ကျန်းမာရေးသည် အလွန်အမင်းကောင်းမွန်ဟု ဖော်ပြခဲ့သည်။

ထရန့်သည် သမ္မတ ကိုယ်စားလှယ်လောင်းအဖြစ် ရှိနေစဉ်ကတည်းက သူ၏ ပုဂ္ဂိုလ်ရေးဆိုင်ရာဆရာဝန် ဟာရိုးဘွန်းစတိုင်းက ၂၀၁၅ ခုနှစ် ဒီဇင်ဘာတွင် ထရန့်ကိုယ်စား စာတစ်စောင်ထုတ်ပြန်ခဲ့ပြီး ယင်းစာတွင် ထရန့်၏ ကျန်းမာရေးသည် အလွန်ကောင်းမွန်ဟု ဖော်ပြခဲ့သည်။ ထရန့်၏ သွေးဖိအားနှင့် ဓာတ်ခွဲခန်း စစ်ဆေးမှုရလဒ်များက ကျန်းမာရေး အလွန်ကောင်းမွန်ကြောင်း ဖော်ပြနေခဲ့ပြီး အမေရိကန်သမ္မတသက်တမ်း တစ်လျှောက်တွင် အကျန်းမာဆုံးသော သမ္မတတစ်ဦးဖြစ်မည်ဟု ယင်းစာတွင် ဖော်ပြခဲ့သည်။ ထိုစာကို ထရန့်က နှုတ်တိုက်ချပေးခဲ့ခြင်းဖြစ်ကြောင်း ဘွန်းစတိုင်းက ပြီးခဲ့သည့်လတွင် စီအင်န်အင်န်ကို ပြောကြားခဲ့သည်။

ကိုယ်ရံတော်တစ်ဦးသည် ယမန်နှစ်က ၎င်း၏ရုံးခန်းသို့ လာရောက်ခဲ့ပြီး သမ္မတ၏ ကျန်းမာရေးမှတ်တမ်းများကို သိမ်းယူသွားခဲ့ကြောင်း ဘွန်းစတိုင်းက ပြီးခဲ့သည့်လတွင် ပြောကြားခဲ့သည်။ ထရန့်ကို ဆံပင်သန်စွမ်းရေးဆိုင်ရာ ဆေးများကို နှစ်နှင့်ချီပေးခဲ့ကြောင်း ဘွန်းစတိုင်းက ပြောကြားခဲ့သည်ဟု နယူးယောက်တိုင်းမ်က ကိုးကားဖော်ပြခဲ့ပြီး နောက်နှစ်ရက်အကြာ ၂၀၁၇ ခုနှစ် ဖေဖော်ဝါရီ ၃ ရက်တွင် သူ၏ ရုံးကို ၀င်ရောက် စီးနင်းခံခဲ့ရခြင်းဖြစ်ကြောင်း ဘွန်းစတိုင်းက ဆိုခဲ့သည်။

ထရန့်သည် ကိုယ်အလေးချိန် ၂၃၉ ပေါင်ရှိပြီး ယင်းကိုယ်အလေးချိန်ကို လျှော့ချလိုနေကြောင်း စားသောက်မှုပုံစံကို ပြောင်းလဲပြီး လေ့ကျင့်ခန်းပိုလုပ်ခြင်းဖြင့် ကိုယ်အလေးချိန် လျှော့ချနိုင်ကြောင်း အိမ်ဖြူတော်ဆရာဝန် ရော်နီဂျက်ဆင်က ပြောကြားခဲ့ဖူးသည်။ အရပ်အမြင့် ၆ ဒသမ ၃ ပေရှိသော ထရန့်သည် ကိုယ်အလေးချိန် ၁၀ ပေါင်မှ ၁၅ ပေါင်အတွင်း လျှော့ချလိုကြောင်း ဂျက်ဆင်က ပြောကြားခဲ့သည်။

Ref: AFP

ဒေါ်နယ်ထရန့်နှင့် ကင်ဂျုံအွန်တို့က အလည်အပတ်ခရီးစဉ်များ အပြန်အလှန်ဖိတ်ကြား

ဇွန် ၁၂ ရက်က စင်ကာပူတွင် သမိုင်းဝင်ထိပ်သီး၌ အမေရိကန်သမ္မတ ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့ လက်ဆွဲနှုတ်ဆက်နေကြစဉ် (Photo – AFP)

ဇွန် ၁၂ ရက်တွင် စင်ကာပူ၌ အမေရိကန်သမ္မတ ဒေါ်နယ်ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့က သမိုင်းဝင် ထိပ်သီးကျင်းပစဉ်အတွင်း ကင်ကထရန့်အား မြောက်ကိုရီးယားသို့ လာရောက်ရန် ဖိတ်ကြားခဲ့ပြီး ထရန့်က လက်ခံခဲ့ကြောင်း မြောက်ကိုရီးယားအစိုးရမီဒီယာ (KCNA) က ဇွန် ၁၃ ရက်တွင် ဖော်ပြခဲ့သည်။

ခေါင်းဆောင်နှစ်ဦးသည် ၎င်းတို့၏ နိုင်ငံများသို့ လာရောက်လည်ပတ်ရန် အပြန်အလှန်ဖိတ်ကြားခဲ့ကြပြီး နှစ်ဦးစလုံးက ဖိတ်ကြားမှုများကို လက်ခံခဲ့ကြောင်း KCNA က ဖော်ပြခဲ့သည်။ ထိုိထိပ်သီးသည် နျူကလီးယား လက်နက်များ ပိုင်ဆိုင်ထားသော စစ်အေးကာလ ရန်ဘက် နှစ်နိုင်ငံအကြား ဆက်ဆံရေး ဆိုးရွားနေမှုကို လုံးလုံးလျားလျား ပြောင်းလဲမှု၏ နိဒါန်းဖြစ်ကြောင်းလည်း KCNA က ဂုဏ်ပြုဖော်ပြခဲ့သည်။

ဇွန် ၁၂ ရက်က ပြုလုပ်ခဲ့သော မကြုံစဖူး တွေ့ဆုံမှုတွင် ကမ္ဘာ့သြဇာအကြီးဆုံး ဒီမိုကရေစီ နိုင်ငံခေါင်းဆောင်က အာဏာရှင်မျိုးဆက်၏ တတိယမျိုးဆက်ခေါင်းဆောင်အား ၎င်းတို့၏ နိုင်ငံ အလံများရှေ့တွင် ယှဉ်တွဲရပ်လျက် လက်ဆွဲနှုတ်ဆက်ခဲ့ကြခြင်း ဖြစ်သည်။ ကင်က မြောက်ကိုရီးယားသည် ကိုရီးယား ကျွန်းဆွယ်တွင် အလုံးစုံ နျူကလီးယား ဖျက်သိမ်းရေးကို ဆောင်ရွက်သွားရန် ကတိပြုခဲ့သည်။ သို့သော် ယင်းကတိပြုမှုသည် မြောက်ကိုရီးယားက ၎င်းတို့၏ နျူကလီးယားလက်နက်များအား စိစစ်အတည်ပြုနိုင်ပြီး နောက်ကြောင်းပြန်လှည့်၍မရသော နည်းလမ်းဖြင့် စွန့်လွှတ်ရမည်ဟု အမေရိကန်၏ ကာလရှည်ကြာ တောင်းဆိုမှုကိုမူ မပြည့်မီခဲ့ပေ။

အထီးကျန်နိုင်ငံဖြစ်ပြီး ပိတ်ဆို့အရေး ယူမှုများစွာ ချမှတ်ခံထားရကာ နိုင်ငံတကာထံမှ တရားဝင်ဖြစ်မှုကို ကာလရှည်ကြာ ကြိုးပမ်းနေသော မြောက်ကိုရီးယားအတွက် ထိုထိပ်သီးသည် အကျိုးအမြတ် အလွန်အမင်း ရရှိခဲ့သည်။ မြောက်ကိုရီးယားအား ကျူးကျော်ရန် အစမ်းလေ့ကျင့်မှုဟု ရှုတ်ချပြီး ထိုလေ့ကျင့်မှုများအား ရပ်ဆိုင်းရန် ပြုံယမ်းက ကာလရှည်ကြာတောင်းဆိုမှုဖြစ်သော တောင်ကိုရီးယားနှင့် အမေရိကန်ကြား ပူးတွဲစစ်ရေးလေ့ကျင့်မှုများကို အမေရိကန်က ရပ်ဆိုင်းသွားမည်ဟု ထရန့်က ထိပ်သီးအပြီး သတင်းစာရှင်းလင်းပွဲတွင် ကြေညာခဲ့သည်။

စစ်အေးခေတ်ရန်ဘက်နှစ်နိုင်ငံ၏ တာဝန်ထမ်းဆောင်ဆဲ ခေါင်းဆောင်နှစ်ဦး၏ ထိပ်သီးသည် ကမ္ဘာကြီးအား နျူကလီးယား ကပ်ဆိုးဘေးကြုံရမှုမှ ရှောင်လွှဲနိုင်စေခဲ့ကြောင်း ထရန့်က Twitter ၌ ရေးသားခဲ့သည်။ “ဒုံးပစ်လွှတ်မှုတွေ မရှိတော့ဘူး။ နျူကလီးယားစမ်းသပ်မှု ဒါမှမဟုတ် သုတေသနပြုမှုတွေ မရှိတော့ဘူး။ ဖမ်းဆီးခံထားရတဲ့သူတွေလည်း အိမ်ကို ပြန်ခွင့်ရပြီးတော့ သူတို့ရဲ့မိသားစုတွေနဲ့ ပြန်လည် ပေါင်းစည်းခွင့်ရတော့မယ်။ ဥက္ကဋ္ဌကင်ကို ကျေးဇူးတင်ပါတယ်။ ကျုပ်တို့ တွေ့ဆုံခဲ့တဲ့နေ့ကတော့ သမိုင်းဝင်ခဲ့ပါပြီ” ဟု ထရန့်က ရေးသားခဲ့သည်။

နျူကလီးယားကိစ္စများသည် ဆွေးနွေး စရာ မဟုတ်တော့သည့် အချိန်ကာလရောက် လျှင် မြောက်ကိုရီးယားအား ပိတ်ဆို့အရေးယူ မှုများ ရုပ်သိမ်းပေးရန် ရည်ရွယ်ချက်ရှိကြောင်း ထရန့်က ပြောကြားခဲ့သည်။ မြောက်ကိုရီးယား ကမူ ကိုရီးယားကျွန်းဆွယ်တွင် နျူကလီးယား ဖျက်သိမ်းမှုသည် နှစ်ဖက်စလုံးက ရန်ပြုမှုမှ ထိန်းချုပ်ခြင်း၊ အပြန်အလှန်နားလည်မှုမရှိ တော့ခြင်းတို့အပေါ် မူတည်နေမည်ဖြစ် ကြောင်း KCNAက ဖော်ပြခဲ့သည်။

အတိတ်ကာလတွင် မြောက်ကိုရီးယားနှင့် ရရှိခဲ့သော သဘောတူညီချက်အများအပြားသည် နောက်ပိုင်းတွင် ပျက်ပြားသွားခဲ့ခြင်းကြောင့် ယခုထိပ်သီးမတိုင်မီ ကျွမ်းကျင်ပညာရှင်များက ထိုဆွေးနွေးပွဲသည် မည်မည် ရရတိုးတက်မှုထက် သတင်းခေါင်းစီးများတွင် ပါဝင်မှုကိုသာ အာရုံစိုက်မည့် အန္တရာယ်ကို စိုးရိမ်ခဲ့ကြသည်။ ထို့ပြင် ထိုထိပ်သီးသည် ကင်ဂျုံအွန်အား တရားဝင်အဖြစ် အသိအမှတ်ပြုလိုက်ခြင်းဖြစ်ပြီး လူ့အခွင့်အရေး ချိုးဖောက်မှုများအား ကျယ်ကျယ်ပြန့်ပြန့် ကျူးလွန်ခဲ့သည့် အစိုးရကို ဂုဏ်ပြုလိုက်ခြင်းဖြစ်ကြောင်းလည်း ဝေဖန်သူများက ထောက်ပြခဲ့သည်။

Ref ; AFP

ထိပ်သီးဆွေးနွေးပွဲမတိုင်မီ ထရန့်က ကင်ဂျုံအွန်ထံမှ ပို့လိုက်သည့်စာတစ်စောင်ကို လက်ခံရရှိမည်

ဇွန် ၁ ရက်က ပန်မန်ဂျွန်ရွာတောင်ဘက်ရှိ Peace House တွင် ကိုရီးယားနှစ်နိုင်ငံ ကိုယ်စားလှယ်အဖွဲ့များက နှုတ်ဆက်နေကြစဉ် (Photo – AP)

အမေရိကန်သမ္မတ ဒေါ်နယ်ထရန့်သည် ဇွန် ၁ ရက်တွင် မြောက်ကိုရီးယားခေါင်းဆောင် ကင်ဂျုံအွန်ထံမှပေးသည့် စာတစ်စောင်ကို လက်ခံရရှိမည်ဖြစ်ကြောင်း သိရသည်။ သမိုင်းဝင် နျူကလီးယားထိပ်သီး ဆွေးနွေးပွဲအတွက် ပြင်ဆင်မှုများစိပ်လာပြီး မျှော်လင့်စောင့်စားမှုများစွာ ဖြစ်ပေါ်နေသည့် လက်ရှိအချိန်တွင် အဆိုပါစာကို ထရန့်က လက်ခံရရှိမည် ဖြစ်သည်။

ကင်ဂျုံအွန်၏ ညာလက်ရုံးဖြစ်သော ကင်ယုံချိုသည် နယူးယောက်တွင် အမေရိကန်နိုင်ငံခြားရေးဝန်ကြီး မိုက်ပွန်ပီယိုနှင့် တွေ့ဆုံဆွေးနွေးမှုများပြုလုပ်ခဲ့ပြီးနောက် တစ်ရက်၌ မြို့တော်ဝါရှင်တန်သို့ သွားရောက်မည်ဖြစ်သည်။ ပွန်ပီယို၏ ပြောကြားချက်အရ ၎င်းနှင့် ကင်ယုံချိုကြားမှ ဆွေးနွေးမှုသည် ဇွန် ၁၂ ရက်၌ ကျင်းပရန် စီစဉ်ထားသော ထိပ်သီးဆွေးနွေးပွဲအတွက် စစ်မှန်သည့် တိုး တက်မှုများရှိခဲ့သည်ဟု သိရသည်။ တစ်ဖက်တွင်လည်း မြောက်ကိုရီးယားခေါင်းဆောင်က ၎င်း၏ အထီးကျန် နိုင်ငံတွင် နျူကလီးယား ဖျက်သိမ်းမည်ဟု ထပ်မံကတိပြုပေးခဲ့သည်။

မကြာသေးမီဖြစ်ပွားခဲ့သည့် ကာလတို သံတမန်ရေး ပဋိပက္ခပြီးနောက်ပိုင်းနှစ်ဖက် နိုင်ငံမှ သံတမန်များသည် စေ့စပ်ဆွေးနွေးမှုများကို အပြင်းအထန် ပြုလုပ်နေကြပြီး ပွန်ပီယိုနှင့် ကင်ယုံချိုတို့က မေ ၃၁ ရက်တွင် နယူးယောက်၌တွေ့ဆုံခဲ့မှုမှာ အထွတ်အထိပ် ဖြစ်ခဲ့သည်။

သို့သော် လက်ရှိအချိန်အထိ မြောက်ကိုရီးယားဘက်မှ နျူကလီးယားဖျက်သိမ်းရေးနှင့် ပတ်သက်သည့်အမြင်မှာ မည်သို့ရှိသည်ကို ရှင်းရှင်းလင်းလင်း မသိရသေးပေ။ သို့သော် ကင်သည် (တရုတ်၏အကြံဥာဏ် သေချာပေါက်ပါဝင်) တောင်ကိုရီးယားတွင် ချထားသော အမေရိကန်စစ်အင်အားကို လျှော့ချရန်၊ ဂျပန်နှင့် သဘောတူညီချက်ချုပ်ဆိုရေးအတွက် အာမခံမှုများကို လျှော့ချရန် တောင်းဆိုလိမ့်မည်ဟု လေ့လာသူအများအပြားက မျှော်မှန်းထားကြသည်။

ပွန်ပီယိုကမူ အခြေအနေများသည် မှန်ကန်သည့် လမ်းကြောင်းပေါ်သို့ ရွေ့နေသည်ဟု ပြောကြားခဲ့သည်။ “ကမ္ဘာကြီးအတွက် လမ်းကြောင်းပြောင်းလဲသွားဖို့ တစ်သက်မှာတစ် ခါရတဲ့ ဒီလိုအခွင့်အရေးမျိုးကို ကျွန်တော်တို့ဘက်က ဖမ်းဆုပ်နိုင်ခဲ့မယ်ဆိုရင် ဥက္ကဋ္ဌ ကင်ဂျုံအွန့်ရဲ့ ရဲရင့်တဲ့ခေါင်းဆောင်မှုကို သိသာထင်ရှားစေမှာ ဖြစ်ပါတယ်” ဟု ပွန်ပီယိုက ပြောကြားခဲ့သည်။

ကင်ယုံချိုမှာမူ ၁၈ နှစ်တာကာလအတွင်း အမေရိကန်ပြည်ထောင်စုသို့သွားသော ရာထူးအမြင့်ဆုံး မြောက်ကိုရီးယား  အစိုးရအရာရှိတစ်ဦး ဖြစ်လာခဲ့သည်။ ကင်ယုံချိုသည် ၎င်း၏ လူငယ်ခေါင်းဆောင်ထံမှ စာကို ထရန့်ထံသို့ပို့ရန် ၀ါရှင်တန်သို့ သွားလိမ့်မည်ဟု ခန့်မှန်းထားသည်။ ထရန့်ကလည်း ထိုစာကိုဖတ်ရန် မျှော်လင့်နေသည့်အကြောင်း အစောပိုင်းက ပြောကြားထားသေးသည်။

ထိုစဉ် မြောက်ကိုရီးယားတွင် ကင်ဂျုံအွန်က ရုရှားနိုင်ငံခြားရေးဝန်ကြီး ဆာဂေးလက်ရော့ဗ်နှင့် တွေ့ဆုံခဲ့သေးသည်။ ထိုတွေ့ဆုံမှုအတွင်း လက်ရော့ဗ်က မျှော်လင့်ချက်များ ကြီးကြီးမားမားမထားရန် သတိပေးပြီး အရာအားလုံးကို တောင်းဆိုရေးအတွက် မက်လုံးများ မပေးကြရန်လည်း ဘက်ပေါင်းစုံကို တိုက်တွန်းခဲ့သည်။

Ref ; AFP

ကင်နှင့် ထိပ်သီးဆွေးနွေးပွဲမှာ နှောင့်နှေးနိုင်ဟု ထရန့်ကပြောကြားခဲ့ပြီး နျူကလီးယား စခန်းဖျက်သိမ်းရေးအတွက် မြောက်ကိုရီးယားပြင်ဆင်

မေ ၂၂ ရက်က ၀ါရှင်တန်ရှိ အိမ်ဖြူတော်တွင် အမေရိကန်သမ္မတ ထရန့် (ယာ)နှင့် တောင်ကိုရီးယားသမ္မတ မွန်း(၀ဲ) တို့ စကားပြောနေစဉ် (Photo – AFP)

အမေရိကန်သမ္မတ ဒေါ်နယ်ထရန့်က ၎င်းနှင့် ကင်ဂျုံအွန်တို့ သမိုင်းဝင် ထိပ်သီးဆွေးနွေးပွဲကျင်းပမည့် အရေးသည် နှောင့်နှေးနိုင်သည့်အကြောင်း မေ ၂၂ ရက်က သတိပေးခဲ့သည်။ သို့သော် ထရန့်က မြောက်ကိုရီးယားခေါင်းဆောင်သည် နျူကလီးယား လက်နက်ဖျက်သိမ်းမည့်ကိစ္စနှင့် ပတ်သက်၍ တည်ကြည်လေးနက်မှုရှိနေသည့်အကြောင်းကိုမူ အခိုင်အမာ ပြောကြားခဲ့သည်။

ထရန့်သည် မေ ၂၂ ရက်က အိမ်ဖြူတော်၌ တောင်ကိုရီးယားသမ္မတ မွန်းဂျေအင်းနှင့်  တွေ့ဆုံစဉ် မြောက်ကိုရီးယားခေါင်းဆောင်နှင့် ထိပ်သီးဆွေးနွေးပွဲ ကြန့်ကြာနိုင်ကြောင်းပြောခဲ့ခြင်း ဖြစ်သည်။

“ကျွန်တော်တို့ဘက်က သေချာပေါက် လိုလားတဲ့ အခြေအနေတွေရှိပါတယ်။ အဲဒါတွေ ဖြစ်လာမယ်လို့လည်း ကျွန်တော်တို့ ထင်ပါတယ်။ မဖြစ်လာဘူးဆိုရင်တော့ ဆွေးနွေးပွဲ လည်း ဖြစ်လာစရာမရှိပါဘူး” ဟု ထရန့်က ဆိုသည်။ ထရန့်သည် ကင်နှင့် ဆွေးနွေးပွဲဖြစ်မြောက်စေရေးအတွက် နိုင်ငံရေးအရများစွာ ရင်းနှီးမြှုပ်နှံထားခဲ့သည်။ ထို့ကြောင့် အမေရိကန်အစိုးရ အရာရှိအများစုသာမက ပြင်ပမှ စောင့်ကြည့်သူများကပါ ဆွေးနွေးပွဲ ဖြစ်မြောက်စေရန် တိတ်တဆိတ်လိုလားနေကြသည်။

“သဘောတူညီချက်တွေနဲ့ ပတ်သက်ပြီး ဘယ်တော့မှ မသိနိုင်ပါဘူး။ ကျွန်တော်သဘောတူညီချက်တွေ အများကြီး လုပ်ဖူးတယ်” ဟု ထရန့်က ဆိုသည်။

နျူကလီးယားဖျက်သိမ်းလိုခြင်းနှင့် ပတ်သက်၍ မကြာသေးမီကမှ ချက်ချင်းသဘော ထားပြောင်းသွားသော မြောက်ကိုရီးယားက အမေရိကန်၏ တစ်ဖက်သတ် နျူကလီးယား လက်နက်ဖျက်သိမ်းရန် တောင်းဆိုချက်ကို ရှုတ်ချကာ တောင်ကိုရီးယားနှင့် ပြုလုပ်မည့် အဆင့်မြင့်အရာရှိဆွေးနွေးပွဲကို အနီးကပ်မှ ဖျက်သိမ်းလိုက်သည်။

သို့သော် ထရန့်ကမူ နျူကလီးယားကို လက်လွှတ်လိုက်ရန် ကင်၏ လိုလားမှုရှိနေခြင်းအပေါ် ယုံကြည်နေဆဲဖြစ်သည်ဟု ပြောကြားခဲ့သည်။ “သူ့ဘက်က လေးလေးနက်နက်ရှိတယ်လို့ ကျွန်တော် တကယ်ကို ထင်ပါတယ်” ဟု ထရန့်ကပြောခဲ့သည်။ ယခုကဲ့သို့ ကင်၏ ရပ်တည်ချက်ပြောင်းလဲသွားရခြင်းမှာလည်း တရုတ်သမ္မတရှီကျင်ပင်း၏ ညွှန်ကြားချက်ကြောင့် ဖြစ်နိုင်သည်ဟု ထရန့်က ဆိုသည်။

“ကင်ဂျုံအွန် တရုတ်ကို ထွက်သွားပြီးမှ ကွဲလွဲမှုတစ်ခုဖြစ်လာတယ်။ ကျွန်တော် တောင်နည်းနည်း အံ့သြသွားတယ်။ အဲဒီ ဆွေးနွေးပွဲပြီးမှ ကိစ္စတွေ ပြောင်းလဲခဲ့တာလို့ ကျွန်တော်ထင်တယ်” ဟု ထရန့်က ဖြည့်စွက်ပြောကြားခဲ့သည်။ မြောက်ကိုရီးယားခေါင်းဆောင် အနေနှင့် လက်နက်စီမံကိန်းများကို စွန့်လွှတ်လိုက်ပါက အလွန်အမင်း ပျော်ရွှင်ရမည်ဖြစ်ကြောင်း ထရန့်က မက်လုံးပေးပြောကြားခဲ့သေးသည်။

 

နျူစမ်းသပ်ရေးစခန်း ဖျက်သိမ်းရန် မြောက်ကိုရီးယား ပြင်ဆင်

ထိုစဉ် မြောက်ကိုရီးယား၏ နျူကလီးယား စမ်းသပ်ရေးစခန်း ဖျက်သိမ်းရေးကို စောင့်ကြည့်ရန်အတွက် နိုင်ငံခြားဂျာနယ် လစ်များသည် မေ ၂၃ ရက်က မြောက်ကိုရီးယားသို့ စုဝေးရောက်ရှိလာကြပြီ ဖြစ်သည်။ နျူစခန်းဖျက်သိမ်းရေးကိုမူ ရာသီဥတုအခြေ အနေပေါ်မူတည်၍ မေ၂၃ ရက်မှ ၂၅ ရက်ကြား တစ်ချိန်ချိန်တွင် ပြုလုပ်မည် ဖြစ်သည်။

ပန်ဂျီရီ နျူကလီးယားစမ်းသပ်ရေးစခန်းသည် မြောက်ကိုရီးယား၏ နျူကလီးယားစမ်းသပ်မှု ခြောက်ခုစလုံးကို ပြုလုပ်ခဲ့သည်နေရာ ဖြစ်သည်။ မြောက်ကိုရီးယားသည် ဇွန် ၁၂  ရက်တွင်ပြုလုပ်မည့် ကင်-ထရန့် ထိပ်သီး မတိုင်မီ ကောင်းမွန်သော သဘောထားကို ပြသည့်အနေနှင့် ပန်ဂျီရီစခန်းကို ဖျက်သိမ်းရန် ဆောင်ရွက်ခြင်း ဖြစ်သည်။

ကယ်ဆယ်ရေးမစ်ရှင်

တောင်ကိုရီးယားသမ္မတ မွန်းဂျေအင်း၏ ယခု အိမ်ဖြူတော်ခရီးစဉ်သည် ရှားရှားပါးပါး သံတမန်ရေး အစပျိုးမှုတစ်ခုကို ကယ်တင်ရန် ကြိုးပမ်းမှုဟု ရှုမြင်နေကြသည်။

“သင့်ရဲ့ ငြိမ်းချမ်းရေးရရှိဖို့ အမြော်အမြင် အတွက်ရော ခိုင်မာတဲ့ ခေါင်းဆောင်မှုအတွက်ပါ ကျေးဇူးတင်ပါတယ်။ ဒါတွေ အားလုံး ဖြစ်နိုင်လာတယ်ဆိုတာ သင့်ကြောင့်ပါပဲ” ဟု မွန်းက အိမ်ဖြူတော်ရှိ ဘဲဥပုံရုံးခန်းတွင် ထရန့် ကို ပြောကြားခဲ့သည်။

အပြောင်းအလဲမြန်လှသော သမ္မတများနှင့် တွေ့ဆုံရာတွင် နိုင်ငံ့ခေါင်းဆောင် သုံးလေ့ရှိသော ဗျူဟာဖြစ်သည့် မြှောက်ပင့် ချီးမွမ်းမှုကို ငြိမ်းချမ်းရေးလိုလားသော မွန်းဂျေအင်းကလည်း အသုံးပြုနေသည်။

ထရန့်-ကင် ထိပ်သီးအောင်မြင်ခြင်းသည် ကိုရီးယားကျွန်းဆွယ်တွင် ငြိမ်းချမ်းရေးကို ဆောင်ကြဉ်းကာ နျူကလီးယား အန္တရာယ်လည်း အဆုံးသတ်သွားစေမည် ဖြစ်သည်။

ဆွေးနွေးပွဲ မအောင်မြင်ခြင်းမှာမူ  မြောက်ကိုရီးယား နျူကလီးယားပြဿနာအား ငြိမ်းချမ်းသောနည်းလမ်းဖြင့် ဖြေရှင်းရန် မျှော်လင့်ချက်များအားလုံး အဆုံးသတ်သွားမည် ဖြစ်သည်။

Ref; AFP

အပြာရုပ်ရှင်သရုပ်ဆောင်က အမေရိကန်သမ္မတ ဒေါ်နယ်ထရန့်ကို အသရေဖျက်မှုအတွက် တရားစွဲ

ဧပြီ ၁၆ ရက်က မန်ဟက်တန်အောက် တရားရုံးအပြင်ဘက်တွင် အပြာရုပ်ရှင်သရုပ်ဆောင် ကလစ်ဖို့ဒ်နှင့် ၎င်း၏ရှေ့နေကို တွေ့ရစဉ် (Photo – AFP)

၂၀၀၆  ခုနှစ်တွင် ဒေါ်နယ်ထရန့်နှင့် ဆက်ဆံရေး ရှိခဲ့သည်ဟုဆိုသော အပြာရုပ်ရှင်သရုပ်ဆောင်  စတော်မီဒင်နီယယ်က အသရေဖျက်မှုဖြင့် အမေရိကန်သမ္မတကို  ဧပြီ ၃၀ ရက်တွင် တရားစွဲဆိုခဲ့သည်။ အမည်ရင်း စတက်ဖနီကလစ်ဖို့ဒ်ဟုဆိုသူ ဒင်နီယယ်သည် နယူးယောက်တောင်ပိုင်းခရိုင်ရုံးတွင် ထရန့်ကို တရားစွဲခဲ့ခြင်း ဖြစ်သည်။ ထရန့်က ဧပြီ ၁၈ ရက်တွင် ရေးသားထားသော Twitter ကြေညာချက်သည် မှားယွင်းနေပြီး အသရေဖျက်ရာရောက်ကြောင်း ကလစ်ဖို့ဒ်က တရားစွဲဆိုချက်တွင် ပြောကြားခဲ့သည်။

ကလစ်ဖို့ဒ်သည် အမျိုးသားတစ်ဦး၏ ပုံကြမ်းကို ထုတ်ပြန်ခဲ့ပြီး (ယင်းအမျိုးသားက ၂၀၁၁ ခုနှစ်တွင် “ထရန့်ကို သူ့ဘာသာသူနေပါစေ” ဟု ပြောခဲ့ကြောင်း) သူကဆိုသည်။ နောက်တစ်ရက်အကြာတွင် ထရန့်က “တကယ်မရှိခဲ့တဲ့ အမျိုးသားတစ်ယောက်အကြောင်း နှစ်များစွာအကြာတွင် ထုတ်ပြန်ခဲ့သည့် ပုံကြမ်း၊ အရူးအနှမ်းများအတွက် သတင်းအတုမီဒီယာကို ကစားခြင်း (ဒါပေမဲ့ သူတို့ သိကြပါတယ်)” ဟု ထရန့်က Twitter တွင် ရေးသားခဲ့သည်။

ထရန့်နှင့် ဆက်ဆံရေးရှိခဲ့ကြောင်း ပြောကြားခဲ့မှုအတွက် In Touch မဂ္ဂဇင်းနှင့် အင်တာဗျူးရန် သဘောတူခဲ့ပြီးနောက် လတ်ဗီးဂတ်ရှိ ကားရပ်နားရန် နေရာတစ်ခုတွင် သူသည် ခြိမ်းခြောက်ခံခဲ့ရကြောင်း ကလစ်ဖို့ဒ်က ပြောကြားခဲ့သည်။ ၂၀၁၁ ခုနှစ်တွင် ဖြစ်ပွားခဲ့သော ဖြစ်ရပ်အတွက် ကလစ်ဖို့ဒ်၏ ပြောကြားချက်ကို ထရန့်၏ ကြေညာချက်က မှားယွင်းတိုက်ခိုက်ခဲ့ခြင်းဖြစ်ကြောင်း တရားစွဲဆိုမှုတွင် ဖော်ပြခဲ့သည်။

ကလစ်ဖို့ဒ်ကို တိုက်ခိုက်ရန်နှင့် သိက္ခာချရန် အချက်အလက် မှားယွင်းသည့် ကြေညာချက်အား ထုတ်ပြန်ရန်အတွက် ထရန့်သည် သူ၏ သန်းနှင့်ချီသော ပရိသတ်များကို အသုံးပြုခဲ့ကြောင်း တရားစွဲဆိုချက်က ဆိုသည်။ ထရန့်၏ ကြေညာချက်ထွက်ပေါ် ခဲ့ပြီးနောက်ပိုင်းတွင် ကလစ်ဖို့ဒ်သည် ခြိမ်းခြောက်မှုများ ခံခဲ့ရပြီး ကိုယ်ရံတော်များ ငှားရမ်းခဲ့ရကြောင်း တိုင်ကြားချက်တွင် ဖော်ပြခဲ့သည်။

Ref; AFP

ကင်ဂျုံအွန်နှင့် ထိပ်သီးဆွေးနွေးပွဲကို ကိုရီးယားစစ်မဲ့ဇုန်ထဲ၌ ကျင်းပရန် ထရန့်က အကြံပြု

ဧပြီ ၂၇ ရက်က ပန်မန်ဂျွန်ကျေးရွာတွင် သမိုင်းဝင်ထိပ်သီးအပြီး၌ ကိုရီးယားနှစ်နိုင်ငံ ခေါင်းဆောင်များက နှုတ်ဆက်နေကြစဉ်

အမေရိကန်သမ္မတ ဒေါ်နယ်ထရန့်သည် မြောက်ကိုရီးယား ခေါင်းဆောင်ကင်ဂျုံအွန်နှင့် ထိပ်သီးအစည်းအဝေး ကျင်းပနိုင်မည့်အပေါ် ယုံကြည်မှုရှိသည့်အကြောင်း ဧပြီ ၃၀ ရက်က ပြောကြားရင်း အဆိုပါ တွေ့ဆုံမှုကို ကိုရီးယား နှစ်နိုင်ငံကြားရှိ စစ်မဲ့ဇုန်၌ ကျင်းပရန် ၎င်း၏စိတ်ကူးကိုလည်း ထုတ်ဖော်ပြောကြားခဲ့သည်။

ထရန့်သည် ၎င်းနှင့် ကင်၏ သမိုင်းဝင် ထိပ်သီးအစည်းအဝေးပွဲ ပြုလုပ်နိုင်မည့် နေရာ နှစ်ခု၊ သုံးခုကို စဉ်းစားထားသည်ဟု ပြီးခဲ့သည့် သီတင်းပတ်က ပြောကြားခဲ့သော်လည်း ဖြစ်နိုင်ခြေရှိသည့် နေရာတစ်ခုတည်းကို ယခုကဲ့သို့ လူသိရှင်ကြား ထုတ်ဖော်မပြောခဲ့ဖူးပေ။ ယင်းထိပ်သီးသည် မြောက်ကိုရီးယား ခေါင်းဆောင်နှင့် တာဝန်ထမ်းဆောင်နေဆဲ အမေရိကန်သမ္မတ တစ်ဦးတို့၏ ပထမဆုံး ထိပ်သီးဖြစ်လာမည်ဖြစ်သည်။

ထရန့်သည် နိုင်ဂျီးရီးယားသမ္မတ မူဟမ်မဒူဘူဟာရီနှင့် ပူးတွဲပြုလုပ်ခဲ့သော သတင်းစာ ရှင်းလင်းပွဲအတွင်း စင်ကာပူကို ထိပ်သီးအစည်းအဝေး ကျင်းပရန် နေရာတစ်ခုအဖြစ် ထည့်သွင်း စဉ်းစားထားကြောင်း အတည်ပြု ပြောကြားခဲ့သည်။ သို့သော် ယင်းသတင်းစာ ရှင်းလင်းပွဲပြီးနောက်၌ ရေးသားခဲ့သည့် ထရန့်၏ Twitter ပို့စ်တွင်မူ စစ်မဲ့ဇုန်ကိုလည်း နက်နက်နဲနဲ ထည့်သွင်း စဉ်းစားသင့်ကြောင်း ဖော်ပြထားသည်။

“ကျွန်တော် ဒီနေရာကို ဘာဖြစ်လို့ ကြိုက်ရတာလဲဆိုတော့ ကိစ္စတွေ အဆင်ပြေသွားတယ်ဆိုရင် ပြုလုပ်မယ့် အောင်ပွဲခံ အခမ်းအနားကြီးဟာ တတိယနိုင်ငံမှာမဟုတ်ဘဲ အဲဒီစစ်မဲ့ဇုန်မှာ ကျင်းပနိုင်မှာ ဖြစ်ပါတယ်” ဟု ထရန့်က ဆိုသည်။

“စင်ကာပူ အပါအ၀င် အခြားနိုင်ငံတွေကိုလည်း ထည့်သွင်းစဉ်းစား နေပါတယ်။ ဒါဟာ ကြီးမားတဲ့ ဖြစ်ရပ်ကြီးဖြစ်ဖို့ အခွင့်အရေး ဖြစ်တဲ့အတွက် လူတိုင်းက ကျွန်တော်တို့ကို လိုလားနေကြပါတယ်” ဟု ထရန့်က ပြောကြားခဲ့သည်။ ဖြစ်နိုင်ခြေရှိသည့် အခြားနေရာများထဲတွင် မွန်ဂိုလီးယားနှင့် ဆွစ်ဇာလန် နိုင်ငံတို့လည်း ပါဝင်သည်။

ဧပြီ ၂၇ ရက်က ပြုလုပ်ခဲ့သော ကင်နှင့် တောင်ကိုရီးယားသမ္မတ မွန်းဂျေအင်းတို့၏ ထိပ်သီးတွေ့ဆုံမှုမှာလည်း စစ်မဲ့ဇုန်အတွင်းရှိ ပန်မန်ဂျွန်ကျေးရွာထဲမှ ငြိမ်းချမ်းရေးခန်းမတွင် ဖြစ်သည်။ ကိုရီးယားစစ်ပွဲကို အဆုံးသတ်စေခဲ့သော စစ်ရပ်ဆိုင်းရေး သဘောတူညီချက်ကို ၁၉၅၃ ခုနှစ်က အဆိုပါ စစ်မဲ့ဇုန်တွင် လက်မှတ်ရေးထိုး ခဲ့ခြင်းဖြစ်သည်။

“တွေ့ဆုံပွဲပြုလုပ်ဖို့ စဉ်းစားထားတဲ့ နေရာတွေကတော့ အများကြီးပါပဲ။ ဒါပေမဲ့ တောင်နဲ့ မြောက်ကိုရီးယား နယ်စပ်မှာရှိတဲ့ ငြိမ်းချမ်းရေး ခန်းမကတော့ တခြားတတိယနိုင်ငံထက် ပိုမိုကိုယ်စားပြုနိုင်ပြီး အရေးကြီးကာ ခိုင်မာတဲ့သဘော ဆောင်နိုင်မလားလို့ပါ။ မေးကြည့်ရုံပါ” ဟု ထရန့်က Twitter တွင် ရေးသားခဲ့သည်။

“ပုဂ္ဂိုလ်ရေးအရ ပြောရမယ် ဆိုရင်တော့ ဒါဟာ အောင်မြင်မယ်လို့ ကျွန်တော် ထင်ပါတယ်။ မအောင်မြင်ဘူး ဆိုရင်တော့ ကျွန်တော်က လေးလေးစားစားနဲ့ပဲ ထွက်ခွာသွားမှာပါ” ဟု ထရန့်က မြောက်ကိုရီးယားနှင့် ထိပ်သီးတွေ့ဆုံပွဲကို ရည်ညွှန်းပြီး သတင်းထောက်များကို ပြောကြားခဲ့သည်။

Ref : AFP

ဂျာမနီဝန်ကြီးချုပ်မာကယ်က အမေရိကန်ခရီးစဉ်၌ အီရန်နျူကလီးယား သဘောတူညီချက်၊ ကုန်သွယ်ရေးစစ်ပွဲအတွက် ဆွေးနွေးမည်

၂၀၁၇ ခုနှစ် မတ် ၁၇ ရက်က အိမ်ဖြူတော်ရှိ ဘဲဥပုံရုံးခန်းတွင် အမေရိကန်သမ္မတ ထရန့် (ယာ) က ဂျာမနီဝန်ကြီးချုပ် မာကယ်နှင့် တွေ့ဆုံနေစဉ် (Photo: AFP)

ဂျာမနီဝန်ကြီးချုပ် အင်ဂျလာမာကယ်သည် ဧပြီ ၂၇ ရက်တွင် ၀ါရှင်တန်သို့သွားရောက်ပြီး အမေရိကန်သမ္မတ ဒေါ်နယ်ထရန့်နှင့် တွေ့ဆုံစဉ် အီရန်နျူကလီးယား သဘောတူညီချက် ဆက်လက်တည်မြဲရေး၊ ကုန်သွယ်ရေးစစ်ပွဲအား ရှောင်လွှဲနိုင်ရေးနှင့် နှစ်နိုင်ငံအကြား ဆက်ဆံရေး တစ်ဖန်ပြန်လည် ချောမွေ့စေရေးစသည့် ခက်ခဲသော စိန်ခေါ်မှုများကို ရင်ဆိုင်ရမည်ဖြစ်သည်။ ပြင်သစ်သမ္မတ အီမန်နျူရယ်မက်ခရွန်က အမေရိကန်သို့ သုံးရက်ကြာခရီးစဉ် သွားရောက်ခဲ့ပြီးနောက် မာကယ်က ၀ါရှင်တန်သို့ သွားခဲ့ခြင်းဖြစ်သည်။

ဝါရှင်တန်သို့ နောက်ဆုံးအကြိမ် သွားရောက်ခဲ့စဉ်က သတိရှိပြီး ဟာသဥာဏ်ရှိသည့် မာကယ်သည် စိတ်လိုက်မာန်ပါ ပြုမူတတ်သော အိမ်ရှင်ခေါင်းဆောင်နှင့် ခွကျသော ပူးတွဲတွေ့ဆုံမှုများနှင့်အတူ ၎င်းတို့နှစ်ဦးအကြား ကာကွယ်ရေးအသုံးစရိတ်၊ ကုန်သွယ်ရေးနှင့် ရွှေ့ပြောင်းအခြေချအရေးတို့နှင့် ပတ်သက်၍ အချင်းများခဲ့ကြသည်။ မက်ခရွန်နှင့် မာကယ်တို့၏ ခရီးစဉ်များအကြား ပုံစံကွဲပြားမှုများက အလွန်အမင်း ပေါ်လွင်နေမည်ဖြစ်ကြောင်း၊ ထရန့်သည် မာကယ်နှင့် ပို၍ခက်ခဲသော ဆက်ဆံရေးများ ရှိထားကြောင်း ကော်နယ်တက္ကသိုလ်မှ မိုနာကရီဝယ်က သုံးသပ်ခဲ့သည်။

ယင်းသည် ချင့်ချင့်ချိန်ချိန်ရှိပြီး လက်တွေ့ကျသည့် ဆွေးနွေးသူအဖြစ်သာမက ဥရောပ၏ ခေါင်းဆောင်အဖြစ်ပါ ၀ါရှင်တန်က ဆယ်စုနှစ်တစ်ကျော်ကြာ မှတ်ယူခြင်းခံခဲ့ရသော မာကယ်အတွက် သိသာသော ပြောင်းလဲမှုဖြစ်ခဲ့သည်။ အထူးသဖြင့် အမေရိကန် သမ္မတဟောင်း ဘာရက်အိုဘားမားနှင့် မာကယ်အကြား ဆက်ဆံရေးသည် အလွန်အမင်း နီးစပ်ပြီး မာကယ်က စတုတ္ထမြောက် သက်တမ်းအတွက် ယှဉ်ပြိုင်ရန် အိုဘားမားက အလွန်အမင်း တွန်းအားပေးခဲ့ကြောင်း အမေရိကန်အစိုးရတာဝန်ရှိသူများက ဆိုခဲ့သည်။

ထရန့်က သမ္မတအဖြစ် ကျမ်းသစ္စာကျိန်ဆိုခဲ့ပြီးနောက် ၁၅ လခန့်အကြာဖြစ်သည့် ဧပြီ ၂၆ ရက်နှောင်းပိုင်းတွင် ၀ါရှင်တန်သို့ မာကယ်က ရောက်ရှိလာစဉ် ဂျာမနီဆိုင်ရာ အမေရိကန်သံအမတ်အဖြစ် ရစ်ချက်ဂရင်းနဲကို ရီပက်ဘလီကင်လွှမ်းမိုးထားသည့် ကွန်ဂရက်က အတည်ပြုခဲ့သည်။

၎င်းတို့အကြား သဘောထားကွဲလွဲမှု ရှိနေသော်လည်း အခြေခံကျသော မဟာဗျူဟာမြောက် မိတ်ဖက်ဆက်ဆံရေးကို ထိန်းသိမ်းထားလိုကြောင်း မာကယ်က ယခုသီတင်းပတ်အတွင်း အလေးပေး ပြောကြားခဲ့သည်။ အတ္တလန္တိတ်ဖြတ်ကျော် ကုန်သွယ်ရေးစစ်ပွဲ ဖြစ်သွားစေနိုင်သော သတ္တုပစ္စည်းများအား စည်းကြပ်ခွန်များ ပြဋ္ဌာန်းရန်နှင့် အီရန်နျူကလီးယား သဘောတူညီချက်အား ဖျက်သိမ်းရန် ခြိမ်းခြောက်နေသည့် ထရန့်ကို စည်းရုံးနိုင်ရန် မာကယ်က ကြိုးပမ်းမည် ဖြစ်သည်။ ပြည်ပမှ သွင်းကုန်များသည် အမေရိကန် အမျိုးသားလုံခြုံရေးအား ထိခိုက်နေသည်ဟု အခိုင်အမာပြောကြားလျက် ထရန့်က သံမဏိသွင်းကုန်များအား စည်းကြပ်ခွန် ၂၅ ရာခိုင်နှုန်းနှင့် အလူမီနီယမ်ကို ၁၀ ရာခိုင်နှုန်း ကောက်ခံမည်ဟု ပြီးခဲ့သောလတွင် ကြေညာခဲ့သည်။ မဟာမိတ်များထံမှ ကန့်ကွက်မှုများကြောင့် ထရန့်က ဥရောပသမဂ္ဂ အပါအ၀င် အဓိကမိတ်ဖက်အချို့ကို မေ ၁ ရက်အထိ အခွန်ကင်းလွတ် ခွင့်ပေးခဲ့သည်။

သို့သော် မဟာမိတ်များက ညှိနှိုင်းလာပါက ဥရောပသမဂ္ဂအပါအ၀င် အဓိကမဟာမိတ်များကို မေ ၁၂ ရက်အထိ အခွန်ကင်းလွတ်ခွင့်ပေးနိုင်ဟု အမေရိကန်အမျိုးသား စီးပွားရေးကောင်စီညွှန်ကြားရေးမှူး လာရီကဒ်လိုးက ပြောကြားခဲ့သည်။

Ref: AFP

ပလေးဘွိုင်းမော်ဒယ်က ထရန့်နှင့်ဆက်ဆံရေးကို လွတ်လပ်စွာ ပြောဆိုခွင့်ရရှိ

အမေရိကန်သမ္မတဒေါ်နယ်ထရန့်၏ အကြောင်းဖော်ပြထားသည့် National Enquirer မဂ္ဂဇင်းကို ၂၀၁၇ ခုနှစ် ဇူလိုင် ၁၂ က ရိုက်ကူးထားသောဓာတ်ပုံ (Photo: AP)

နောင်တွင် အမေရိကန်သမ္မတဖြစ်လာမည့် ဒေါ်နယ်ထရန့်နှင့် အချစ်ဇာတ်လမ်း ၂၀၀၆ ခုနှစ်တွင် စတင်ခဲ့ကြောင်း ပြောကြားထားသည့် ပလေးဘွိုင်းမော်ဒယ်ဟောင်း ကာရင်မက်ဒေါ်ဂယ်သည် သူနှင့်ထရန့်တို့၏ အချစ်ဇာတ်လမ်းကို လွတ်လပ်စွာ ပြောဆိုခွင့်အတွက် ဧပြီ ၁၈ ရက်တွင် အမေရိကန် အများကြိုက်သတင်းစာထုတ်ဝေသူ American Media Inc., (AMI) နှင့် သဘောတူညီမှုရရှိခဲ့သည်။

National Enquirer ကို ထုတ်ဝေသူ AMI သည် မက်ဒေါ်ဂယ်၏ အချစ်ဇာတ်လမ်းအတွက် မူပိုင်ခွင့်ကို ဒေါ်လာ ၁၅၀၀၀၀ ဖြင့် ၂၀၁၆ ခုနှစ်တွင် ရယူထားခဲ့သည်။ ယင်းသဘောတူညီချက်အား ရုပ်သိမ်းပေးရန် မက်ဒေါ်ဂယ်က ပြီးခဲ့သည့်လတွင် ကယ်လီဖိုးနီးယား၌ တရားရင်ဆိုင်ခဲ့သည်။ ၂၀၁၆ ခုနှစ် ရွေးကောက်ပွဲ မဲဆွယ်ကာလတွင် သူနှင့်အချစ်ဇာတ်လမ်းရှိခဲ့သော အမျိုးသမီးများကို ထရန့်က ငွေပေးနှုတ်ပိတ်ခဲ့သည်ဆိုသော စွပ်စွဲချက်များကို ရင်ဆိုင်နေရသည့် ထရန့်က မက်ဒေါ်ဂယ်နှင့် ပတ်သက်ခဲ့ခြင်း မရှိကြောင်း ငြင်းဆိုထားသည်။

ထရန့်၏ဇနီး မီလာနီယာထရန့်သည် သားဖြစ်သူ ဘာရွန်ကို မွေးဖွားခဲ့သည့် ၂၀၀၆ ခုနှစ်မှစပြီး ထရန့်နှင့် ၁၀ လကြာ အချစ်ဇာတ်လမ်းရှိခဲ့ကြောင်း မက်ဒေါ်ဂယ်က ပြောကြားထားသည်။ AMI သည် ၂၀၁၆ ခုနှစ်တွင် မက်ဒေါ်ဂယ်၏ အချစ်ဇာတ်လမ်းအား မူပိုင်ခွင့်ရယူခဲ့ပြီး အပြန်အလှန် အနေဖြင့် ဒေါ်လာ ၁၅၀၀၀၀ နှင့် မက်ဒေါ်ဂယ်၏ ကာယကြံ့ခိုင်ရေး အလုပ်အကိုင် တိုးတက်ရေးကို မြှင့်တင်ဆောင်ရွက်ပေးရန် သဘောတူခဲ့သည်။ သို့သော်လည်း AMI သည် မက်ဒေါ်ဂယ်၏ အချစ်သတင်းအား ဖော်ပြခဲ့ခြင်း မရှိပေ။

AMI နှင့်ရရှိခဲ့သော သဘောတူညီချက်အရ မက်ဒေါ်ဂယ်သည် သူနှင့်ထရန့်တို့၏ အချစ်ဇာတ်လမ်းကို လွတ်လပ်စွာ ပြောခွင့်ရမည်ဖြစ်ပြီး ထိုအကြောင်းအား ဖော်ပြမှုမှရရှိသော အကျိုးအမြတ်မှန်သမျှမှ ဒေါ်လာ ၇၅၀၀၀ အထိ ရရှိမည်ဖြစ်ကြောင်း AMI က ပြောကြားခဲ့သည်။

Men’s Journal မဂ္ဂဇင်း၏ ၂၀၁၈ ခုနှစ် စက်တင်ဘာထုတ်တွင် မက်ဒေါ်ဂယ်၏အကြောင်း ဆောင်းပါးရှည်တစ်ပုဒ် ပါဝင်မည်ဖြစ်ကြောင်း AMI က ပြောကြားခဲ့သည်။ မက်ဒေါ်ဂယ်က သူ၏ ဇာတ်လမ်းကို အဖြစ်မှန်အတိုင်း ပြောခွင့်ရသည့်အတွက် စိတ်သက်သာရာရကြောင်းနှင့် သူ၏ ပုဂ္ဂလိက ဘ၀ကို ပုံမှန်ပြန်လည်ရပ်တည်နိုင်မည်ဟု မျှော်လင့်ကြောင်း ပြောကြားခဲ့သည်။ ထရန့်နှင့် ပတ်သက်သည့် တရားဝင်သော စာနယ်ဇင်းဆိုင်ရာ မေးမြန်းမှုများကို မက်ဒေါ်ဂယ်က ထုတ်ဖော်ပြောခွင့်ရမည်ဖြစ်ကြောင်း AMI က ပြောကြားခဲ့သည်။ AMI ၏ဥက္ကဋ္ဌ ဒေးဗစ်ပက်ကာက ထရန့်ကိုသူနှင့် ရင်းနှီးသူတစ်ဦးဟု ထုတ်ဖော်ပြောကြားထားသည်။ AMI သည် သူ၏အချစ်ဇာတ်လမ်းသတင်းအတွက် နှုတ်ပိတ်ရန် လှည့်စားခဲ့ကြောင်း၊ ထို့ပြင် ထရန့်၏ ပုဂ္ဂိုလ်ရေးရှေ့နေ မိုက်ကယ် ကိုဟင်သည် ယင်းသတင်းအတွက် မလျော်မကန် ၀င်ရောက်စွက်ဖက်ခဲ့ကြောင်း မက်ဒေါ်ဂယ်က စွပ်စွဲထားသည်။

ထရန့်သည် အပြာရုပ်ရှင်မင်းသမီး ဒန်နီရယ်နှင့်လည်း တရားရင်ဆိုင်နေရသည်။ ဒန်နီရယ်က သူသည် ၂၀၀၆ ခုနှစ်တွင် ထရန့်နှင့် တစ်ညတာ ဆက်ဆံမှုရှိခဲ့သည်ဟု ပြောကြားထားသည်။ ယင်း လိင်ဆက်ဆံမှုနှင့် ပတ်သက်ပြီး ထရန့်နှင့် သူ၏ရှေ့နေကိုဟင်တို့က နှုတ်ပိတ်ရန် ဒေါ်လာ ၁၃၀၀၀၀ ပေးခဲ့ကြောင်း ဒန်နီရယ်က စွပ်စွဲထားသည်။ အိမ်ဖြူတော်က ထရန့်သည် ဒန်နီရယ်နှင့် လိင်ဆက်ဆံခြင်း မရှိကြောင်း ငြင်းဆိုထားသည်။

Ref: APF

မြောက်ကိုရီးယားနှင့် အမေရိကန်အကြား တိုက်ရိုက်ဆက်သွယ်မှုရှိခဲ့ကြောင်း ဒေါ်နယ်ထရန့် အတည်ပြု

ဧပြီ ၁၇ ရက်က ဖလော်ရီဒါရှိ Mar-a-lago အပန်းဖြေစခန်း၌ ညစာစားရန် အမေရိကန်သမ္မတ ဒေါ်နယ်ထရန့်၊ ဇနီးဖြစ်သူ မီလာနာထရန့်တို့နှင့် အတူထိုင်နေကြသော ဂျပန်ဝန်ကြီးချုပ် ရှင်ဇိုအာဘေးနှင့် ဇနီးအား တွေ့ရစဉ် (Photo: AFP)

အမေရိကန်နှင့် မြောက်ကိုရီးယားတို့အကြား တိုက်ရိုက်ဆက်သွယ်မှုများ ရှိခဲ့ကြောင်း အမေရိကန်သမ္မတဒေါ်နယ်ထရန့်က ဧပြီ ၁၇ ရက်တွင် အတည်ပြုခဲ့ပြီး ကိုရီးယားစစ်ပွဲ တရားဝင် အဆုံးသတ်ရေး ရည်ရွယ်သည့် ဆွေးနွေးပွဲများကို အားပေးချီးမြှောက်ခဲ့သည်ဟု ထုတ်ဖော်ပြောကြားခဲ့သည်။

သံတမန်ရေးထုတ်ဖော်မှုများ ဆက်တိုက်ဖြစ်ပွားခဲ့ပြီးနောက် စီအိုင်အေဒါရိုက်တာ မိုက်ပွန်ပေယိုသည် ပြုံယမ်းသို့ လျှို့ဝှက်သွားရောက်ခဲ့ပြီး မြောက်ကိုရီးယားခေါင်းဆောင် ကင်ဂျုံအွန်ကို တွေ့ဆုံခဲ့သည်ဟု သတင်းများက ဖော်ပြခဲ့သည်။

ဖလော်ရီဒါရှိ သူ၏ အပန်းဖြေစခန်းတွင် ဂျပန်ဝန်ကြီးချုပ် ရှင်ဇိုအာဘေးနှင့် တွေ့ဆုံခဲ့သော ထရန့်က ကိုရီးယားကျွန်းဆွယ် ထိပ်သီးဆွေးနွေးပွဲသည် သူ၏ အားပေးအားမြှောက်ပြုမှုဖြင့် ငြိမ်းချမ်းရေးသဘောတူစာချုပ် ချုပ်ဆိုရေးကို ဆွေးနွေးမည်ဖြစ်ကြောင်း ပြောကြားခဲ့သည်။

“ကိုရီးယားစစ်ပွဲ မပြီးသေးဘူးဆိုတာ လူတွေက မသိကြပါဘူး။ အခုတော့ အဲဒီစစ်ပွဲ ပြီးပါတော့မယ်။ စစ်ပွဲ နိဂုံးချုပ်ရေး သူတို့ ဆွေးနွေးနေကြပါပြီ” ဟု ထရန့်က ပြောကြားခဲ့သည်။

ထရန့်နှင့် ကင်ဂျုံအွန်တို့သည် တိုက်ရိုက်ပြောဆိုထားခြင်း မရှိသေးကြောင်း အိမ်ဖြူတော်က ပြောကြားခဲ့သော်လည်း ၎င်းတို့နှစ်ဦးကြား သမိုင်းဝင် ထိပ်သီးဆွေးနွေးပွဲအတွက် ၀ါရှင်တန်နှင့် ပြုံယမ်းအကြား အဆင့်မြင့်အဆင့် ထိတွေ့ဆက်ဆံမှုများရှိခဲ့ကြောင်း ထရန့်က အတည်ပြုခဲ့သည်။

စီအိုင်အေဒါရိုက်တာ ပွန်ပေယိုသည် ဧပြီပထမအပတ်က မြောက်ကိုရီးယားသို့ လျှို့ဝှက်သွားရောက်ခဲ့ပြီး ကင်နှင့် တွေ့ဆုံခဲ့ကြောင်း ၀ါရှင်တန်ပို့စ်က ဖော်ပြခဲ့သည်။ ပြုံယမ်းတွင် ကင်ဂျုံအွန်နှင့် ပွန်ပီယိုတို့ လျှို့ဝှက် တွေ့ဆုံခဲ့ကြောင်း ထရန့်က ဧပြီ ၁၈ ရက်တွင် အတည်ပြုခဲ့သည်။

ကင်နှင့် ထိပ်သီးဆွေးနွေးပွဲအတွက် နေရာငါးနေရာကို စဉ်းစားထားကြောင်း ထရန့်က ပြောကြားခဲ့သည်။

ဇွန်လအစောပိုင်း သို့မဟုတ် ထိုထက်စော၍ ထိပ်သီးဆွေးနွေးပွဲ ကျင်းပဖွယ်ရှိကြောင်းလည်း ထရန့်က ဆိုခဲ့သည်။

ထိပ်သီးဆွေးနွေးပွဲအတွက်နေရာကို မဆုံးဖြတ်ရသေးကြောင်း တာဝန်ရှိသူများက ပြောကြားထားသော်လည်း တရုတ်၊ တောင်ကိုရီးယား၊ မြောက်ကိုရီးယားနှင့် စစ်မဲ့ဇုန်ရှိ ပန်မွန်ဂျုံရွာတို့သည် ဖြစ်နိုင်ခြေရှိသော နေရာများဖြစ်ကြသည်။

ကိုရီးယားနှစ်နိုင်ငံအကြားရှိ ပန်မွန်ဂျုံရွာသည် ၁၉၅၃ ခုနှစ်က ကိုရီးယားစစ်ပွဲ အပစ်အခတ်ရပ်စဲရေး သဘောတူညီချက် လက်မှတ်ရေးထိုးခဲ့သောနေရာဖြစ်သည်။ ထို့ပြင် ကိုရီးယားသမ္မတ မွန်းဂျေအင်းနှင့် ကင်တို့အကြား ဧပြီ ၂၇ ရက်တွင် တွေ့ဆုံမည့်နေရာလည်းဖြစ်သည်။

အမေရိကန်ဦးဆောင်သော ကုလသမဂ္ဂ တပ်ဖွဲ့ခွဲနှင့် တရုတ်၊ မြောက်ကိုရီးယားတို့သည် ရာစုနှစ်ဝက်ခန့်ရှိပြီဖြစ်သော အပစ်အခတ်ရပ်စဲရေး သဘောတူညီချက်တွင် လက်မှတ်ရေးထိုးခဲ့ကြသူများဖြစ်သည်။ သို့သော်လည်း တောင်ကိုရီးယားက အပစ်ရပ်သဘောတူညီချက်တွင် လက်မှတ်မထိုးခဲ့ပေ။ ယင်းသဘောတူညီချက်ကို ဆက်ခံသည့် မည်သည့်သဘောတူညီချက်တွင်မဆို တောင်ကိုရီးယားက ပါဝင်လက်မှတ်ရေးထိုးဖွယ်ရှိသည်ဟု လေ့လာသုံးသပ်သူများက ပြောကြားထားသည်။

Ref: AFP

မြောက်ကိုရီးယားနှင့် ကုန်သွယ်ရေးဆိုင်ရာ ပြဿနာများအတွက် ဒေါ်နယ်ထရန့်နှင့် ရှင်ဇိုအာဘေးတို့ တွေ့ဆုံ

သမ္မတထရန့်နှင့် တွေ့ဆုံရန် အမေရိကန်သို့သွားမည့် ဂျပန်ဝန်ကြီးချုပ် အာဘေးနှင့်ဇနီးတို့အား ဧပြီ ၁၇ ရက်က တိုကျိုလေဆိပ်၌ လေယာဉ်မထွက်ခွာမီ နှုတ်ဆက်နေကြသည်ကို တွေ့ရစဉ် (Photo: AFP)

အမေရိကန်သမ္မတ ဒေါ်နယ်ထရန့်သည် သူ၏ မာရာလာဂို အပန်းဖြေစခန်းတွင် ဂျပန်ဝန်ကြီးချုပ် ရှင်ဇိုအာဘေးကို ဧပြီ ၁၇ ရက်က လက်ခံတွေ့ဆုံခဲ့သည်။ အာဘေးသည် ဖလော်ရီဒါပြည်နယ်ရှိ ထရန့်၏ အပန်းဖြေစခန်းသို့ ဒုတိယအကြိမ်မြောက် သွားရောက်ခြင်းလည်းဖြစ်သည်။ အာဘေးနှင့် ထရန့်တို့သည် ကုန်သွယ်ရေးနှင့် လုံခြုံရေးဆိုင်ရာ ပြဿနာများကို အဓိကထား ဆွေးနွေးကြမည်ဖြစ်သည်။ ယမန်နှစ်က ထရန့်နှင့် အာဘေးတို့သည် Palm Beach တွင် ဂေါက်ကစားခဲ့ကြပြီး တိုကျိုတွင်လည်း ဒုတိယအကြိမ် ထပ်မံတွေ့ဆုံခဲ့ကြသည်။

သို့သော်လည်း ယခုတစ်ကြိမ်တွင် အာဘေးသည် လူထုထောက်ခံမှုနှုန်း ထိုးကျမှုနှင့် ကြုံနေရပြီး ထရန့်သည်လည်း အကျပ်အတည်းများ၊ အငြင်းပွားမှုများနှင့် ရင်ဆိုင်နေရချိန်ဖြစ်သည်။ ထရန့်သည် ယခုနှစ် မေ သို့မဟုတ် ဇွန်လတွင် မြောက်ကိုရီးယား ခေါင်းဆောင် ကင်ဂျုံအွန်နှင့် ထိပ်သီးဆွေးနွေးပွဲ ကျင်းပရန် စီစဉ်ထားပြီး ယင်းထိပ်သီး ဆွေးနွေးပွဲကို အာဘေးနှင့် တိုင်ပင်ခဲ့ခြင်းမရှိဘဲ ကြေညာခဲ့ခြင်းဖြစ်သည်။ ထို့ပြင် ထရန့်နှင့် ကင်ဂျုံအွန်တို့၏ ထိပ်သီးဆွေးနွေးပွဲကို တောင်ကိုရီးယား တာဝန်ရှိသူတစ်ဦးက ကြေညာခဲ့ခြင်းဖြစ်သည်။

ထိုနောက်ပိုင်းမှစပြီး ထိပ်သီးဆွေးနွေးပွဲအတွက် တောင်ကိုရီးယားနှင့် တရုတ်တို့က တိုက်ရိုက်ဆွေးနွေးမှုများ ဆောင်ရွက်ခဲ့ချိန်တွင် ဂျပန်က ၎င်း၏ အခန်းကဏ္ဍမှေးမှိန်ခြင်း အတွက် မသက်မသာ ဖြစ်နေခဲ့သည်။ ဂျပန်၏တည်ရှိမှုအတွက် အခက်အခဲဖြစ်စေသော မြောက်ကိုရီးယား နျူကလီးယား အကျပ်အတည်းအတွက် ဆွေးနွေးဖြေရှင်းမှုများတွင် ဂျပန်၏ လွှမ်းမိုးမှုက ပျောက်ဆုံးနေခြင်းဖြစ်သည်။ ပြုံယမ်းသည် ဂျပန်ပင်လယ်ကိုကျော်၍ ဒုံးကျည်များ စမ်းသပ်ထားပြီး မြောက်ကိုရီးယားတို့က ဂျပန်နိုင်ငံသားများကို ပြန်ပေးဆွဲမှုများသည်လည်း ဂျပန်ပြည်တွင်းရေးတွင် အရေးကြီးသော ကိစ္စများအဖြစ် ရှိနေဆဲဖြစ်သည်။

ဂျပန်မှ ထွက်ခွာသွားချိန်တွင် အာဘေးက ပြုံယမ်းကို အမြင့်ဆုံး ဖိအားပေးသည့် မူဝါဒအား တိုကျိုက ဆက်လက်ကိုင်စွဲသွားမည်ဖြစ်ကြောင်း သတင်းထောက်များကို ပြောကြားခဲ့သည်။ ထို့ပြင် ဂျပန်နိုင်ငံသားများ ပြန်ပေးဆွဲခံရမှုကို ဖြေရှင်းရေးသည်လည်း အရေးကြီးသော အကြောင်းအရာဖြစ်ကြောင်း ၎င်းက ပြောကြားခဲ့သည်။

ဂျပန်နှင့် ကုန်သွယ်ရေးဆိုင်ရာ စေ့စပ်ညှိနှိုင်းမှုများ လမ်းပွင့်သွားဖွယ်ရှိမှုအတွက် ထရန့်က အာဘေးနှင့် တွေ့ဆုံမှုကို နိုင်ငံရေးဆိုင်ရာ အောင်ပွဲအဖြစ် အသုံးချဖွယ်ရှိသည်။ ဂျပန်တွင် အမေရိကန်စစ်စခန်း တည်ရှိမှုကို ဆန့်ကျင်မှုများ မြင့်တက်လာနေခြင်းကို ငြိမ်သက်ရန် ထရန့်က ကြိုးပမ်းနေရသည်။

အင်ဒို-ပစိဖိတ်ဒေသတွင် လွတ်လပ်၍ မျှတသော ကုန်သွယ်မှုမှတစ်ဆင့် ဂျပန်နှင့် အမေရိကန်တို့သည် စီးပွားရေးတိုးတက်မှုကို ဦးဆောင်မည်ဟု အတူတကွ လက်ခံထားမှုအား အခြေခံပြီး အတွေးအမြင်များ ဖလှယ်သွားမည်ဖြစ်ကြောင်းသာ အာဘေးက ခရီးစဉ်မတိုင်မီ ပြောကြားထားသည်။

Ref: AFP