အမေရိကန်က ပါလက်စတိုင်း ဒုက္ခသည်များအား ပေးမည့်အကူအညီများကို လျှော့ချရန် ပြင်ဆင်

၂၀၁၇ ခုနှစ် ဇူလိုင် ၂၀ ရက်က ပင်တဂွန်သို့သွားရောက်စဉ် မီဒီယာများကို ဖြေကြားနေသော သမ္မတဒေါ်နယ်ထရန့် (Photo: AFP)

ပါလက်စတိုင်းဒုက္ခသည်များအား ကူညီရန် ကုလသမဂ္ဂအေဂျင်စီတစ်ခုထံ ပေးမည့် ဒေါ်လာသန်းပေါင်းများစွာအား ထုတ်မပေးဘဲ ဆိုင်းငံ့ထားရန် အမေရိကန်သမ္မတ ဒေါ်နယ်ထရန့်အစိုးရက ပြင်ဆင်နေပြီး ယခုနှစ်အတွက် ပထမအသုတ်ပေးမည့်အကူအညီများကို ထက်ဝက်ကျော် သို့မဟုတ် အားလုံးကို ဖြတ်တောက်ပစ်နိုင်ခြေရှိကြောင်း အမေရိကန်တာဝန်ရှိသူများက ပြောကြားခဲ့သည်။

ထရန့်က နောက်ဆုံးဆုံးဖြတ်ချက် မချမှတ်ရသေးသော်လည်း U.N. Relief and Works Agency ထံ ပထမအရစ် ပေးရန်စီစဉ်ထားသည့် ဒေါ်လာ ၁၂၅ သန်းအနက် ဒေါ်လာသန်း ၆၀ ကိုသာ ပေးနိုင်ခြေရှိကြောင်း ယင်းကိစ္စအား ထုတ်ဖော်ပြောကြားခွင့် မရှိသည့် အမည်မဖော်သော တာဝန်ရှိသူများက ပြောကြားခဲ့သည်။ အစ္စရေး၏ဝေဖန်မှု ပြင်းပြင်းထန်ထန် ကြုံနေရသော ယင်းအေဂျင်စီသည် နောက်ထပ်အကူအညီများ ရရှိနိုင်ရန် အဖွဲ့၏လုပ်ဆောင်ပုံများကို ကြီးကြီးမားမား ပြောင်းလဲပစ်ရမည်ဖြစ်ကြောင်း၊ ယင်းတို့အနက် ပါလက်စတိုင်းသည် အစ္စရေးနှင့် ငြိမ်းချမ်းရေးဆွေးနွေးပွဲအား ပြန်လည်ကျင်းပမှုကို ဦးစွာပြုလုပ်ရန် အချက်တစ်ချက်လည်း ပါဝင်ကြောင်း ယင်းတာဝန်ရှိသူများက ပြောကြားခဲ့သည်။

ထရန့်အစိုးရက နောက်ဆုံး ဆုံးဖြတ်ချက်အား ဇန်န၀ါရီ ၁၆ ရက်အစောပိုင်းတွင် ကြေညာဖွယ်ရှိသည်။ ယင်းကဲ့သို့ အကူအညီများ ဆိုင်းငံ့ထားရန် အမေရိကန်နိုင်ငံခြားရေးဝန်ကြီး ရက်တေလာဆင်၊ ကာကွယ်ရေးဝန်ကြီး ဂျိမ်းမာတစ်တို့က ထောက်ခံခဲ့သည်။ ကုလသမဂ္ဂဆိုင်ရာ အမေရိကန်သံအမတ်ကြီး နစ်ကီဟာလေက ပိုမိုပြင်းထန်သော အရေးယူဆောင်ရွက်မှုများပြုလုပ်နိုင်ရန်အတွက် တောင်းဆိုရန် ယင်းဆိုင်းငံ့မှုအား အပေးအယူတစ်ခုအဖြစ် ကမ်းလှမ်းခဲ့ကြောင်း တာဝန်ရှိသူများက ပြောကြားခဲ့ကြသည်။

နှစ်ပေါင်းများစွာ ဆိုင်းငံ့ထားသော အစ္စရေးနှင့် ငြိမ်းချမ်းရေးဆွေးနွေးပွဲကို ပါလက်စတိုင်းက ပြန်လည်စတင်သည့်အချိန်အထိ အမေရိကန်အကူအညီများအား လုံးဝဖြတ်တောက်ထားရန် ဟာလေက အလိုရှိနေသည်။ သို့သော် အကူအညီအားလုံးကို ဖြတ်တောက်မှုသည် အရှေ့အလယ်ပိုင်းတွင် အထူးသဖြင့် ပါလက်စတိုင်း ဒုက္ခသည်သန်းနှင့် ချီအား လက်ခံထားပြီး အမေရိကန်၏အရေးပါသော မဟာဗျူဟာမြောက်မဟာမိတ် ဂျော်ဒန်တွင် မတည်ငြိမ်မှုများကို ပိုမိုဆိုးရွား စေနိုင်ဟု တေလာဆင်၊ မာတစ်နှင့် အခြားသူများက ထောက်ပြခဲ့ကြသည်။

ဒေသတွင်း၌ တင်းမာမှုမြင့်တက်လာခြင်း နောက်ထပ်လက္ခဏာတစ်ခုအဖြစ် ပါလက်စတိုင်းသမ္မတမာမွတ်အဘားစ်က ဇန်န၀ါရီ ၁၄ ရက်တွင် ပြောကြားခဲ့သော နှစ် နာရီကြာမြင့်ခဲ့သည့်မိန့်ခွန်း၌ ပါလက်စတိုင်းများအား ဆက်ဆံမှုများနှင့်ပတ်သက်၍ ထရန့်သည် ရှက်သင့်ကြောင်း ပြင်းပြင်းထန်ထန် ဝေဖန်ခဲ့သည်။ လက်သင့်မခံနိုင်သော ငြိမ်းချမ်းရေးအစီအစဉ် ဖြစ်လာမည်ဟုဆိုကာ ယင်းအစီအစဉ်ကို ပယ်ချခြင်းသည် ပြဿနာမရှိကြောင်းလည်း အဘားစ်က ပြောကြားခဲ့သည်။

အမေရိကန်သည် Relief and Works အေဂျင်စီကို အများဆုံးလှူဒါန်းသူဖြစ်ပြီး အေ ဂျင်စီဘတ်ဂျက်စုစုပေါင်း၏ ရာခိုင်နှုန်း ၃၀ နီးပါးထည့်ဝင်နေသည်။ ယင်းအေဂျင်စီသည် ၀က်စ်ဘင့်၊ ဂါဇာကမ်းမြောင်၊ ဂျော်ဒန်၊ ဆီးရီးယားနှင့် လက်ဘနွန်တို့ရှိ ပါလက်စတိုင်းများကို အကူအညီပေးမှုအား ဦးစားပေးလုပ်ဆောင်နေသည်။

သံရုံးဖွင့်ပွဲအတွက် လန်ဒန်သို့ သွားမည့်ခရီးစဉ်ကို ဖျက်သိမ်းကြောင်း ဒေါ်နယ်ထရန့် ကြေညာ

၂၀၁၇ ခုနှစ် ဒီဇင်ဘာ ၁၈ ရက်က လန်ဒန်ရှိ အမေရိကန်သံရုံးသစ်အား ရိုက်ကူးထားသောဓာတ်ပုံ (Photo: AFP)

လန်ဒန်ရှိ အမေရိကန်သံရုံးသစ်ဖွင့်ပွဲ အခမ်းအနားသို့ တက်ရောက်တော့မည် မဟုတ်ကြောင်း အမေရိကန်သမ္မတ ဒေါ်နယ်ထရန့်က ဇန်န၀ါရီ ၁၂ ရက်တွင် ကြေညာခဲ့သည်။ ထရန့်၏ ခရီးစဉ်တွင် ကန့်ကွက်ဆန္ဒပြမှုများ ဆောင်ရွက်ရန် စီစဉ်ထားသူများက  ထရန့်၏ လုပ်ဆောင်ချက်ကို ကြိုဆိုခဲ့ကြသည်။

သံရုံးအဆောက်အအုံသစ်၏ ကုန်ကျစရိတ်နှင့် တည်နေရာတို့ကို မနှစ်သက်မှုများရှိသောကြောင့် လာမည့်လတွင် သွားရန် စီစဉ်ထားသော လန်ဒန်ခရီးစဉ်ကို စွန့်လွှတ်ကြောင်း ထရန့်က Twitter တွင် ရေးသားခဲ့သည်။ လန်ဒန်ရှိ အကောင်းဆုံးသောနေရာမှ အကောင်းဆုံးသော သံရုံးကို ရောင်းချရန် ဆုံးဖြတ်ခဲ့သော အိုဘားမားအစိုးရအား နှစ်သက်သူ မဟုတ်ကြောင်း၊ ဒေါ်လာ ၁ ဒသမ ၂ ဘီလျံကုန်ကျသည့် သံရုံးသစ်အတွက် ၎င်းအား ဖဲကြိုးဖြတ်စေလိုသော်လည်း မဆောင်ရွက်နိုင်ကြောင်း ထရန့်က ရေးသားခဲ့သည်။

ဗြိတိန်ဝန်ကြီးချုပ် ထရီဆာမေက ထရန့်ကို ဗြိတိန်သို့ သံရုံးဖွင့်ပွဲ ခရီးစဉ်အတူ လာရောက်ရန် ဖိတ်ကြားထားကြောင်း ခန့်မှန်းမှုများ ထွက်ပေါ်နေခဲ့ပြီး နိုင်ငံရေးအတိုက်အခံများနှင့် လူထုက ပြင်းပြင်းထန်ထန် ကန့်ကွက်ခဲ့ကြသည်။

ရက်စွဲမသတ်မှတ်ရသေးသော်လည်း နိုင်ငံတော်အဆင့် ခရီးစဉ်များ အစီအစဉ်သည် မပြောင်းလဲကြောင်း ၀န်ကြီးချုပ်ရုံးပြောခွင့်ရပုဂ္ဂိုလ်က ပြောကြားခဲ့သည်။

ထရန့်သည် ဗြိတိန်သို့ နိုင်ငံတော်ခရီးစဉ်အဖြစ် လာရောက်ဦးမည်ဖြစ်ကြောင်း ဇန်န၀ါရီ ၇ ရက်တွင် မေက ပြောကြားထားသည်။  ၂၀၁၇ ခုနှစ် ဇန်န၀ါရီတွင် ထရန့် က ကျမ်း သစ္စာကျိန်ဆိုခဲ့ပြီးနောက် မေသည် အိမ်ဖြူတော်သို့ ပထမဆုံးသွားရောက်ခဲ့သည့် နိုင်ငံ ရပ်ခြားခေါင်းဆောင်တစ်ဦးဖြစ်ခဲ့သည်။

အမေရိကန်သံရုံးသစ်ကို အမေရိကန် ဗိသုကာလုပ်ငန်း Kieran Timberlake က ဒီဇိုင်းရေးဆွဲခဲ့ပြီး ကုဗပုံစံ ၁၂ ထပ်အဆောက် အအုံသစ်သည် သိမ်းမြစ်ကမ်းပါး၏ တောင်ဘက်တွင် တည်ရှိသည်။ ယင်းသံရုံးသစ်ကို ဇန်န၀ါရီ ၁၆ ရက်၌ ဖွင့်လှစ်မည်ဖြစ်သည်။ လန်ဒန်အလယ်ပိုင်းရှိ မေဖဲတွင်ရှိသော ဂုဏ်သိက္ခာကြီးသည့်နေရာမှ အမေရိကန်သံရုံးကို ရွှေ့ပြောင်းမည့် ဆုံးဖြတ်ချက်အား ၂၀၀၈ ခုနှစ် အောက်တိုဘာတွင် ရီပတ်ဘလီကင်သမ္မတ ဂျော့ဒဗလျူဘုရှ် အစိုးရက ချမှတ်ခဲ့သည်။

ထရန့်က ကမ္ဘာ့စီးပွားရေးဖိုရမ်သို့ ဆယ်စုနှစ်နှစ်ခုနီးပါးအတွင်း ပထမဆုံးတက်ရောက်သည့် အမေရိကန်သမ္မတ ဖြစ်လာမည်

ဇန်န၀ါရီ ၉ ရက်က အိမ်ဖြူတော်တွင် ရွှေ့ပြောင်းအခြေချမူဝါဒ ဆွေးနွေးပွဲ၌ စကားပြောနေသော သမ္မတထရန့် (Photo: AP)

အမေရိကန်သမ္မတဒေါ်နယ်ထရန့်သည် ၎င်း၏ လူအများကြိုက်ဝါဒီ သတင်းစကားများကို ယခုလအနှောင်းပိုင်းတွင် ကမ္ဘာ့နိုင်ငံရေးနှင့် စီးပွားရေးအထက်လွှာများအား တိုက်ရိုက်ပြောကြားမည်ဖြစ်ရာ ဒါဗို့စ်တွင် ကျင်းပသော ကမ္ဘာ့စီးပွားရေးဖိုရမ်သို့ နှစ်ပေါင်း ၂၀ နီးပါးအတွင်း အမေရိကန်သမ္မတတစ်ဦးက ပထမဆုံးအကြိမ် တက်ရောက်မှုဖြစ်လာမည်ဖြစ်သည်။

အမျိုးသားရေးဝါဒဖြစ်သော အမေရိကန်သည်သာ ပထမဟူသော လှုံ့ဆော်မှုဖြင့် ရွေးကောက်ပွဲ အနိုင်ရခဲ့သည့် ထရန့်သည် ဆွစ်ဇာလန်တွင် နှစ်စဉ်ကျင်းပသည့် ယင်းဖိုရမ်သို့ တက်ရောက်ပြီး ၎င်း၏ကိုယ်ပိုင်အမြင် အနည်းငယ်အား မျှဝေဖွယ်ရှိဟု အိမ်ဖြူတော်က ထုတ်ပြန်ခဲ့သည်။ သူ၏ အမေရိကန်သည်သာ ပထမ မူဝါဒကို ကမ္ဘာ့ခေါင်းဆောင်များထံ တင်ပြရန် အခွင့်အလမ်းအား သမ္မတက ကြိုဆိုခဲ့ကြောင်း အိမ်ဖြူတော် ပြောခွင့်ရပုဂ္ဂိုလ် ဆာရာဆန်ဒါးစ်က ပြောကြားခဲ့သည်။

ဥရောပ နှင်းလျှောစီးစခန်းတွင် ခေတ္တနေထိုင်မှုသည် အဆက်အသွယ် ပြတ်တောက်သွားမည်ကို စိုးရိမ်၍ အမေရိကန်သမ္မတ အဆက်ဆက်သည် နှစ်စဉ်ကျင်းပသော ခမ်းနားသည့် ယင်းဖိုရမ်ကို ရှောင်လွှဲခဲ့ကြသည်။ ယင်းဖိုရမ်သို့ အမေရိကန်သမ္မတဟောင်း ဘီကလင်တန်က ၂၀၀၀ ပြည့်နှစ်တွင် နောက်ဆုံးတက်ရောက်ထားသည်။

အိမ်ခြံမြေလုပ်ငန်းရှင်မှ သမ္မတဖြစ်လာခဲ့သော ထရန့်သည် ချမ်းသာသူနှင့် ထင်ရှားသူများ အ၀န်းအ၀ိုင်းကို ရှောင်လွှဲမှု ရှားပါးပြီး ပထ၀ီနိုင်ငံရေးဆိုင်ရာ မက်လုံးကလည်း ယင်းဖိုရမ်သို့ တက်ရောက်ရန် ဆွဲဆောင်ခဲ့ဖွယ်ရှိသည်။ ပြီးခဲ့သောနှစ်တွင် ဒါဗို့စ်ဖိုရမ်သို့ တရုတ်သမ္မတရှီကျင်ပင်း တက်ရောက်ခဲ့မှုက လွှမ်းမိုးခဲ့သည်။ ယင်းဖိုရမ်သို့ တက်ရောက်ခဲ့သော ပထမဆုံးတရုတ်သမ္မတဖြစ်သည့် ရှီက ထရန့်၏ ကိုယ်ကျိုးစီးပွား ကာကွယ်ရေးလေလုံးများ ရင်ဆိုင်နေရစဉ် လွတ်လပ်စွာ ကုန်သွယ်ရေးနှင့် ဂလိုဘယ်လိုက်ဇေးရှင်းအား ကာကွယ်ရေးကို အရှိန်မြှင့်တင်ခဲ့သည်။ ကုန်သွယ်ရေးစစ်ပွဲတွင် မည်သူမျှ အနိုင်မရနိုင်ကြောင်း ရှီက သတိပေးလျက် တရုတ်သည် အမေရိကန်ထွက်ခွာမှုကြောင့် လစ်လပ်ခဲ့သောနေရာအား ၀င်ယူရန် အရှိန်မြှင့် ကြိုးပမ်းနေမှုကို စိုးရိမ်မှုမြင့်တက်စေခဲ့သည်။

ဆယ်စုနှစ်များစွာ သုံးစွဲမှုများအတွင်း တရုတ်က သီရိလင်္ကာမှသည် ဇမ်ဘီယာအထိတို့တွင် အခြေခံအဆောက်အအုံ စီမံကိန်းများစွာအတွက် ထောက်ပံ့ပေးလျက် နိုင်ငံရေး သြဇာလွှမ်းမိုးနိုင်ရန်လည်း အမြဲတစေ ကြိုးပမ်းခဲ့သည်။ ပြီးခဲ့သောနှစ်တွင် ထရန့်အစိုးရကိုယ်စားပြု တက်ရောက်ခဲ့သော ကိုယ်စားလှယ် အန်သိုနီစကာရာမူချီက တရုတ်သည် အပြောနှင့်အလုပ်ညီရန် စိန်ခေါ်ခဲ့သည်။

ယခုနှစ် ဒါဗို့စ်ဖိုရမ်ကို Creating a Shared Future in a Fractured World ခေါင်းစဉ်ဖြင့် ဇန်န၀ါရီ ၂၃ ရက်မှ ၂၆ ရက်အထိ ကျင်းပမည်ဖြစ်သည်။ ထရန့်က မည်သည့်နေ့ရက်တွင် တက်ရောက်မည်ကိုမူ အတိအကျ မသိရသေးပေ။

Ref: AFP

ထရန့်က အိမ်ဖြူတော် မဟာဗျူဟာချမှတ်သူဟောင်း စတိဗ်ဘန်နွန်သည် ရူးသွားပြီဟု ပြင်းပြင်းထန်ထန် ဝေဖန်

ဒီဇင်ဘာ ၁၈ ရက်က ၀ါရှင်တန်တွင် စကားပြောနေသော သမ္မတထရန့် (၀ဲ) နှင့် ဒီဇင်ဘာ ၅ ရက်က အလာဘားမားတွင် ရီပက်ဘလီကင် ကိုယ်စားလှယ်လောင်းတစ်ဦးအား မိတ်ဆက်နေသော စတိဗ်ဘန်နွန် (Photo: AFP)

အမေရိကန်သမ္မတ ဒေါ်နယ်ထရန့်က ၎င်း၏အနီးကပ်ဆုံး နိုင်ငံရေးမဟာမိတ်တစ်ဦးဖြစ်သူ အိမ်ဖြူတော် မဟာဗျူဟာချမှတ်သူ အကြီးအကဲဟောင်း စတိဗ်ဘန်နွန်သည် ရူးသွပ်သွားပြီဖြစ်ကြောင်း ပြင်းပြင်းထန်ထန် ဝေဖန်ပြောကြားခဲ့သည်။

ထရန့်၏ အကြီးဆုံးသားဖြစ်သူ ဒေါ်နယ်ဂျူနီယာက ၂၀၁၆ ခုနှစ် ဇွန်တွင် ရုရှားရှေ့နေ နာတာလီယာဗီဆယ်နစ်စကာယာနှင့် တွေ့ဆုံမှုသည် နိုင်ငံတော်သစ္စာဖောက်မှုနှင့် မျိုးချစ်စိတ်မရှိမှုဟု ဘန်နွန်က ခိုင်းနှိုင်းခဲ့သည့် စာအုပ်သစ်မှ ဖွင့်ချထားသည့် ကောက်နုတ်ချက်များ ထွက်ပေါ်လာခဲ့ပြီးနောက် အကျပ်အတည်း ကြုံနေရသည့် ထရန့်က ဇန်န၀ါရီ ၃ ရက်တွင် ချက်ချင်းပင် တုံ့ပြန်ခဲ့ခြင်း ဖြစ်သည်။ ထရန့်၏ပြိုင်ဘက် ဒီမိုကရက်သမ္မတကိုယ်စားလှယ်လောင်း ဟီလာရီ ကလင်တန်အား စွပ်စွဲမှုများပါဝင်မည့် အချက်အလက်များပေးမည်ဟု ကတိရရှိခဲ့ပြီးနောက် နယူးယောက်ရှိ ထရန့်တာဝါတွင် ထရန့်၏သမက်ဖြစ်သူ ဂျရတ်ကူရ်ှနာနှင့် မဲဆွယ်အဖွဲ့ဥက္ကဋ္ဌ ပေါမန်နာဖို့တ်တို့ကပါ ယင်းတွေ့ဆုံမှုသို့ ရှေ့နေများမပါဘဲ တက်ရောက်ခဲ့ခြင်းဖြစ်ကြောင်း၊ ယင်းကိစ္စအတွက် အက်ဖ်ဘီအိုင်အား ချက်ချင်းခေါ်သင့်ကြောင်း ဘန်နွန်က ပြောကြားခဲ့သည်။

စတိဗ်ဘန်နွန်သည် ၎င်းသို့မဟုတ် ၎င်း၏သမ္မတဖြစ်မှုနှင့် မည်သို့မျှ မပတ်သက်ကြောင်း ရီပက်ဘလီကင်သမ္မတထရန့်က ပြောကြားခဲ့သည်။ ဘန်နွန်သည် ရာထူးမှ ထုတ်ပယ်ခံရချိန်တွင် ရာထူးဆုံးရှုံးရုံသာမက သတိလည်းလွတ်သွားခဲ့ကြောင်း ထရန့်က ကြေညာချက်တွင် ရေးသားခဲ့သည်။ နယူးယောက် အိမ်ခြံမြေလုပ်ငန်းရှင်အား အမျိုးသားရေးဝါဒီ လက်ယာအစွန်းရောက်များနှင့် ချိတ်ဆက်နိုင်ရန်နှင့် ထရန့်လိုလားသော မီဒီယာပတ်ဝန်းကျင် ဖန်တီးရာတွင် ကူညီပေးခဲ့သည့် ဘန်နွန်သည် ၎င်းအကျိုးအတွက်သာ လုပ်ဆောင်ခဲ့ခြင်းဖြစ်ကြောင်း ထရန့်က ဝေဖန်ခဲ့သည်။

ထုတ်ဖော်မပြောရန် သဘောတူထားမှုကို ချိုးဖောက်၍ စာရေးဆရာထံ ပြောကြားခဲ့ကြောင်း ဘန်နွန်အား စွပ်စွဲထားပြီး ရပ်တန်းကရပ်ရန် တောင်းဆိုထားသည့်စာကို ထရန့်၏ရှေ့နေ ချားဟာဒါက ဘန်နွန်ထံ ပို့ခဲ့သည်ဟု အမေရိကန်မီဒီယာက ဖော်ပြခဲ့သည်။ ထရန့်၊ ၎င်း၏ ထိပ်တန်းလက်ထောက်များနှင့် အခြားသူများအား တွေ့ဆုံမေးမြန်းမှုများကို အခြေပြုထားသည်ဟု ဆိုသော Michael Wolff ၏ Fire and Fury: Inside the Trump White House စာအုပ်မှ ကောက်နုတ်ချက်များအား သတင်းဌာနများ၏ ကိုးကားဖော်ပြနေမှုကို ထရန့်က ဒေါသထွက်နေဖွယ်လည်း ရှိသည်။

ထရန့်သည် အောက်လွှတ်တော်ဥက္ကဋ္ဌဟောင်း ဂျွန်ဘိုနာအား ကနဦးတွင် မသိခဲ့ကြောင်း၊ အစာအဆိပ် မသင့်နိုင်ဟု ယုံကြည်၍ မက်ဒေါ်နယ်ဆိုင်မှ စားစရာများကို ထရန့်က စားကြောင်း၊ ရွေးကောက်ပွဲနိုင်မည်ဟု ထရန့်၏ အဖွဲ့ကိုယ်တိုင်က မယုံကြည်ကြောင်း Wolff ၏ စာအုပ်တွင် ဖော်ပြခဲ့သည်။

၂၀၁၆ ခုနှစ် သမ္မတရွေးကောက်ပွဲ၌ ရုရှား၏ ၀င်ရောက်စွက်ဖက်မှုနိုင်ခြေအား အက်ဖ်ဘီအိုင် ညွှန်ကြားရေးမှူးဟောင်း ရောဘတ်မူလာ ဦးဆောင်သော အထူးကောင်စီ၏ စုံစမ်းစစ်ဆေးမှုတွင် ငွေကြေးခ၀ါချမှုကို အာရုံစိုက်လိမ့်မည်ဖြစ်ကြောင်း ပြီးခဲ့သော သြဂုတ်တွင် အိမ်ဖြူတော်မှ ထွက်ခွာခဲ့ရသည့် ဘန်နွန်က ပြောကြားခဲ့သည်။

Ref: AFP

သြစတြေးလျ၏ သတင်းပေးကူညီမှုကြောင့် ရုရှား-ထရန့် စုံစမ်းစစ်ဆေးမှုများ အစပျိုးခဲ့

၂၀၁၇ ခုနှစ် ဇူလိုင်လက ကျင်းပခဲ့သော ဂျာမနီ ဂျီ ၂၀ အစည်းအဝေးတွင် တွေ့ရသော အမေရိကန်သမ္မတထရန့်နှင့် ရုရှားသမ္မတ ဗလာဒီမာပူတင်တို့အား တွေ့ရစဉ် (Photo – AFP)

အမေရိကန်ရွေးကောက်ပွဲကို နှောင့်ယှက်ရန်၊ ဒေါ်နယ်ထရန့်၏ မဲဆွယ်စည်းရုံး ရေးအဖွဲ့နှင့် ပေါင်းကြံရန် ရုရှား၏ ကြိုးပမ်းမှုများအပေါ် FBI ၏ စုံစမ်းစစ်ဆေးမှု စတင်ရေးအတွက် သြစတြေးလျက ဝေမျှပေးခဲ့သည့် သတင်းအချက်အလက်များက အကူအညီဖြစ်ခဲ့ကြောင်း New Youk Times တွင် ဒီဇင်ဘာ ၃၀ ရက်က ဖော်ပြခဲ့သည်။

ရုရှားထံတွင် ဟီလာရီကလင်တန်နှင့် ပတ်သက်သော မကောင်းသတင်းများရှိနေသည်ဟု ထရန့်မဲဆွယ်စည်းရုံးရေးအဖွဲ့ထဲမှ နိုင်ငံခြားမူဝါဒရေးရာ အကြံပေးဟောင်းဖြစ်သူ ဂျော့ခ်ျပါပါဒိုပေါလိုသည် သြစတြေးလျက နိုင်ငံခြားရေးဝန်ကြီးဟောင်း အလက်ဇန္ဒား ဒေါင်နာကို ပြောခဲ့ဖူးသည်ဟု Times တွင် ဖော်ပြခဲ့ခြင်းဖြစ်သည်။ ပါပါဒိုပေါလိုသည် FBI ကို လိမ်လည်မိခဲ့ကြောင်း ၀န်ခံခဲ့သူဖြစ်သည်။

ယင်းနောက်ပိုင်းတွင် သြစတြေးလျသည် ၎င်း၏ ရင်းနှီးသော မဟာမိတ် အမေရိကန်ထံသို့ ထိုအကြောင်းအရာကို ပြန်လည်လွှဲပြောင်းပေးခဲ့သည်ဟု သိရသည်။

ထိုစဉ်က သြစတြေးလျ၏ ဗြိတိန်ဆိုင်ရာ ကော်မရှင်မင်းကြီးအဖြစ် တာဝန်ထမ်းဆောင်နေခဲ့သော ဒေါင်နာနှင့် ပါပါဒိုပေါလိုတို့သည် ထိုအကြောင်းကို၂၀၁၆ ခုနှစ် မေလက လန်ဒန်ရှိ အဆင့်မြင့်ဘားတစ်ခုတွင် ပြောခဲ့ခြင်းဖြစ်သည်ဟု Times တွင် ဖော်ပြခဲ့သည်။ ထို့ပြင် ဒီမိုကရက်တစ် သမ္မတကိုယ်စားလှယ်လောင်း ဟီလာရီကလင်တန်ကို အရှက်တကွဲ ဖြစ်စေမည့် အီမေးလ်ထောင်ပေါင်းများစွာ ရုရှားတွင်ရှိနေကြောင်းလည်း ပါပါဒိုပေါလိုက ပြောခဲ့သည်ဟု သိရသည်။

“ဒီမိုကရက်တစ် အီးမေးလ်တွေ အွန်လိုင်းပေါ်မှာ ထွက်ပေါ်လာပြီး နှစ်လအကြာမှာ သြစတြေးလျအစိုးရအရာရှိတွေဟာ မစ္စတာပါပါဒိုပေါလိုအကြောင်းကို အမေရိကန်အစိုးရအရာရှိ တွေထံလွှဲပြောင်းပေးခဲ့ခြင်း ဖြစ်ပါတယ်” ဟု သြစတြေးလျ၏ အခန်းကဏ္ဍနှင့်ပတ်သက်၍ တိုက်ရိုက်သိရှိကြသည့် အမေရိကန်နှင့် နိုင်ငံခြားအစိုးရအရာရှိ လေးဦး၏ ပြောကြားမှုကိုကိုးကားပြီးTimes တွင် ဖော်ပြခဲ့ခြင်းသည်။  “ဒါဟာ အမေရိကန်ရဲ့ အနီးကပ်ဆုံး ထောက်လှမ်းရေးမဟာမိတ် တစ်ဦးထံကရရှိတဲ့ ကိုယ်တွေ့သတင်းတစ်ခု ဖြစ်ပါတယ်။ ဒါဟာ FBI အတွက် တပ်လှန့်မှုတစ်ခုလည်း ဖြစ်လာသလို စုံစမ်းစစ်ဆေးမှု အစပျိုးဖို့ ကူညီမှုလည်း ဖြစ်လာပါတယ်” ဟု Times တွင် ဖော်ပြခဲ့သည်။

သို့သော် သြစတြေးလျအစိုးရသည် FBI သို့ သတင်းပို့ရန် အဘယ်ကြောင့် နှစ်လကြာအောင် စောင့်ခဲ့သနည်းဆိုသည်ကိုမူ ရှင်းရှင်းလင်းလင်း မသိရသေးပေ။

FBI ၏ စုံစမ်းစစ်ဆေးမှုအတွက် ဗြိတိန်၊ နယ်သာလန်အစိုးရတို့အပါအ၀င် အခြားမဟာမိတ်များထံမှ ထောက်လှမ်းရေး သတင်းအချက်အလက်များကလည်း ပံ့ပိုးကူညီခဲ့သည်ဟု သိရသည်။

Ref ; AFP

ထရန့်က အမေရိကန် ပထမအမျိုးသားလုံခြုံရေး မဟာဗျူဟာကို ကြေညာခဲ့ပြီး တရုတ်နှင့်ရုရှားကို ဝေဖန်ရှုတ်ချခဲ့

ဒီဇင်ဘာ ၁၈ ရက်က ၀ါရှင်တန်ရှိ ရော်နယ်ရောင် အဆောက်အအုံတွင် မိန့်ခွန်းပြောနေသည့် အမေရိကန် သမ္မတ ထရန့် (Photo : AFP)

အမေရိကန်သမ္မတ ဒေါ်နယ်ထရန့်သည် ၎င်း၏ပထမဆုံး အမျိုးသား လုံခြုံရေး မဟာဗျူဟာကို ကြေညာခဲ့ရာ တရုတ်နှင့်ရုရှားတို့သည် အမေရိကန် အကျိုးစီးပွားများကို ထိပါးနေသော ပြန်လည်ပြင်ဆင်ရေးဝါဒ နိုင်ငံများ ဖြစ်ကြောင်း ဝေဖန်ခဲ့သည်။ ထရန့်၏ နိုင်ငံခြားရေးမူဝါဒကို ပုံဖော်မည့် အမျိုးသားလုံခြုံရေး မဟာဗျူဟာတွင် ရုရှားနှင့် ပူးပေါင်းဆောင်ရွက်မှု၏ အကျိုးစီးပွားများကို ထရန့်က ချီးကျူးခဲ့ပြီး တရုတ်သည် အာရှတွင် အမေရိကန်ကို ဖယ်ထုတ်ရန် ကြိုးပမ်းနေကြောင်း စွပ်စွဲပြောကြားခဲ့သည်။

တရုတ်နှင့်ရုရှားက ထရန့်၏ ပထမဆုံးသော အမျိုးသားလုံခြုံရေး မဟာဗျူဟာသည် စစ်အေးခေတ် စိတ်နေသဘောထား တစ်ခုဖြစ်ကြောင်း ရှုတ်ချခဲ့ကြသည်။

တရုတ်နှင့်ရုရှားသည် အမေရိကန်၏ ကမ္ဘာ့ပြိုင်ဘက်များအဖြစ် ပုံဖော်ရန် ထရန့်က ကြိုးပမ်းခဲ့ပြီး ရုရှားကိုမူ ယခင်က သုံးနှုန်းခဲ့သည့် လေသံမျိုးမှ သိသိသာသာ ပြောင်းလဲသွားခဲ့သည်။

“တရုတ်နဲ့ ရုရှားက အမေရိကန်ရဲ့ ပါဝါ၊ လွှမ်းမိုးမှုနှင့် အကျိုးစီးပွားတွေကို စိန်ခေါ်နေပြီး အမေရိကန် လုံခြုံရေးနှင့် သာသာဝပြောမှုကို လျော့ပါးစေဖို့ ကြိုးပမ်းနေပါတယ်” ဟု ထရန့်၏ အမျိုးသားလုံခြုံရေး မဟာဗျူဟာက ပြောကြားခဲ့သည်။

ရုရှားသည် ကမ္ဘာတွင် အမေရိကန်၏ သြဇာကို အားပျော့စေရန် ဆောင်ရွက်နေပြီး မဟာမိတ်များ၊ မိတ်ဖက်များနှင့်လည်း သွေးခွဲရန် ရည်မှန်းနေကြောင်း ယင်းမဟာဗျူဟာက သတိပေးခဲ့သည်။ ထို့ပြင် ရုရှား၏ နျူကလီးယား လက်နက်များသည် အမေရိကန်အတွက် အကြီးမားဆုံး ခြိမ်းခြောက်မှု ဖြစ်ဖွယ်ရှိကြောင်းလည်း ယင်းလုံခြုံရေး မဟာဗျူဟာက ပြောကြားခဲ့သည်။

တရုတ်သည် အာရှတွင် အမေရိကန်ကို ဖယ်ထုတ်ရန် ကြိုးပမ်းနေကြောင်း ထရန့်၏ မဟာဗျူဟာက ပြောကြားခဲ့ပြီး တရုတ်၏ အာဏာရှင်စနစ် လက္ခဏာများ ဖြန့်ကျက်မှုမှသည် ကုန်သွယ်ရေး လိုငွေပြမှု၊ အချက်အလက်များ ခိုးယူခံရမှုအထိ အမေရိကန်၏ နစ်နာချက်များ ကို ထရန့်က စာရင်းပြုစု ချပြခဲ့သည်။

“ကျွန်တော်တို့ မျှော်လင့်ထားတာနဲ့ ဖီလာဆန့်ကျင်ပြီး တရုတ်ဟာ တခြားသူတွေ ရဲ့ အချုပ်အခြာအာဏာကို အသုံးချပြီး သူရဲ့ပါဝါကို ချဲ့ထွင်ခဲ့ပါတယ်” ဟု ထရန့်၏ လုံခြုံရေး မဟာဗျူဟာက ပြောကြားခဲ့သည်။

၁၁ လကြာ ပြင်ဆင်ရေးဆွဲခဲ့သော အမျိုးသားလုံခြုံရေး မဟာဗျူဟာသည် ထရန့်၏ အမေရိကန်ပထမ ကြွေးကြော်သံကို အခြေခံထားခဲ့ပြီး အမေရိကန်က ကမ္ဘာကို ချဉ်းကပ်မှုအတွက် မူဘောင်တစ်ခု ချမှတ်ပေးမည့် မဟာဗျူဟာဖြစ်သည်။

ဝါရှင်တန်ရှိ နိုင်ငံခြားရေးဆိုင်ရာ တာဝန်ရှိသူများက အစိုးရအဖွဲ့နှစ်ခု ဖြစ်နေကြောင်း တစ်ဖွဲ့သည် ပင်တဂွန် နိုင်ငံခြားရေးဌာနတို့နှင့် ထိတွေ့ပြီး နေ့စဉ်ဆောင်ရွက် နေကြသူများဖြစ်၍ နောက်တစ်ဖွဲ့က ထရန့်ထံမှ အထူးသဖြင့် Twitter မှတစ်ဆင့် လမ်းညွှန်မှုဖြင့် ဆောင်ရွက်နေသော အစိုးရအဖွဲ့ဖြစ်ကြောင်း ဝေဖန်နေကြသည်။ ထရန့်နှင့် သူ၏အမျိုးသား လုံခြုံရေး အကြံပေးများသည် အရှေ့အလယ်ပိုင်းရေးရာမှသည် မြောက်ကိုရီးယားနှင့် ဆွေးနွေးပွဲအထိ အခြေခံကျသော လုံခြုံရေးကိစ္စများတွင် လူသိရှင်ကြား သဘောထား ကွဲလွဲမှုများ မကြာခဏ ဖြစ်ပွားခဲ့သည်။

ထရန့်သည် သမ္မတတာဝန် စတင်ထမ်းဆောင်ခဲ့ပြီး ကတည်းက ရာသီဥတု ပြောင်းလဲမှုသည် လွတ်လပ်စွာ ကုန်သွယ်ရေး သဘောတူညီချက်အထိ ကိစ္စမျိုးစုံတွင် ယခင်သမ္မတ ဘာရက်အိုဘားမား၏ ဆောင်ရွက်ချက် အမွေကို ဖျက်ဆီးရန် ဆောင်ရွက်ခဲ့သည်။ ထရန့်၏ အမျိုးသားလုံခြုံရေး မဟာဗျူဟာသည် ရာသီပြောင်းလဲမှုဆိုင်ရာ ခြိမ်းခြောက်မှုနှင့် ပတ်သက်၍လည်း မဟာမိတ်များနှင့် လမ်းခွဲခဲ့သည်။ အမျိုးသား လုံခြုံရေး မဟာဗျူဟာတွင် ရာသီဥတု ပြောင်းလဲမှုဆိုသော အသုံးအနှုန်းကို ရှောင်ကြဉ်ခဲ့ပြီး အမေရိကန်သည် ကမ္ဘာ့စွမ်းအင် စနစ်တွင် ရှေ့ဆောင် ထုတ်လုပ်သူ၊ သုံးစွဲသူ၊ နည်းပညာ ဆန်းသစ်တီထွင်သူဖြစ်ပြီး ဈေးကွက်များ လွတ်လပ်ရေးနှင့် အမေရိကန် အခြေခံ အဆောက်အအုံများ ခိုင်မာလုံခြုံစေရန် ဆောင်ရွက်ရမည်ဟု ပြောကြားခဲ့သည်။

Ref : AFP

အာရှ မာရသွန်ခရီးစဉ်ဖြင့် သံတမန်မိုင်းကွင်းထဲသို့ ၀င်လာသည့် ထရန့်

စေ့စပ်သေချာစွာ စီစဉ်ထားသော ဒေါ်နယ်ထရန့်၏ အာရှခရီးစဉ်တစ်ခုလုံးအတွက် ဖတ်ဖတ်မောနေသော သူ၏အကြံပေးများအား မေးခွန်းတစ်ခုက နှိပ်စက်လျက်ရှိသည်။ နာမည်ပျက်လောက်အောင် စိတ်လိုက်မာန်ပါ လုပ်တတ်သည့် သမ္မတအနေဖြင့် သံတမန်ကျင့်ဝတ်များနှင့် ပထ၀ီနိုင်ငံရေးဆိုင်ရာ ကြိုလင့်နေသော အန္တရာယ်များကို သီတင်းနှစ်ပတ်အတွင်း ကောင်းစွာပြုလုပ်နိုင်မည်လား ဟူ၍ဖြစ်သည်။ Twitter တွင်တင်၍ရေးတတ်သော သူ၏အမူအကျင့်ကလည်း စောင့်ကြည့်ချင်စရာဖြစ်သည်။

သူ၏လေယာဉ်သည် ၁၂ ရက်တာအတွင်း နိုင်ငံပေါင်းငါးနိုင်ငံကို လှည့်လည်ပျံသန်းမည်ဖြစ်ရာ သူ၏မာရသွန်ခရီးစဉ်နှင့် ပတ်သက်၍ မြောက်ကိုရီးယားအရေးနှင့် ကုန်သွယ်ရေးဆွေးနွေးမှုများသည် ထိပ်တန်း အာဂျင်ဒါများဖြစ်ကြသည်။

အစီအစဉ်များ ပြည့်သိပ်နေသည့် သူ၏ခရီးစဉ်တွင် ကွန်မြူနစ်ခေါင်းဆောင်များနှင့်အတူ ထိပ်သီးဆွေးနွေးပွဲ တက်ရောက်ခြင်း၊ ဂျပန်အင်ပါယာတရားရုံးက ကြိုဆိုဧည့်ခံခြင်းတို့အပြင် ကိုးကျင်းဂေါက်သီးကစားခြင်းပင် ပါဝင်နေသည်။

သို့သော် ဒေသတွင်းခေါင်းဆောင်များ နှင့် အလှည့်ကျတွေ့ဆုံခြင်း၌ သူ၏ပုဂ္ဂိုလ်ရေးအရ အဆင်ပြေ မပြေဟူသည့် ကိစ္စသည်သာ ခရီးစဉ် အောင်မြင်ခြင်းရှိမရှိကို ဆုံးဖြတ်ရမည့်အချက် ဖြစ်ဖွယ်ရှိသည်။

ထရန့်သည် ဂျပန်ခေါင်းဆောင် ရှင်ဇိုအာဘေးနှင့် ရင်းနှီးသောဆက်ဆံရေး ရှိထားပြီး တရုတ်ခေါင်းဆောင် ရှီကျင်ပင်းနှင့် ဆက်ဆံရေးသည် အစပိုင်းက အေးခဲခဲ့သော်လည်း နောက်ပိုင်းတွင် ရှီကို သြဇာရှိ၍ လှပသော အံ့သြဖွယ်ရာလူဟုပင် ချီးကျူးသည်အထိ အဆင်ပြေလာခဲ့သည်။

သို့သော် မည်သို့ ကြိုဆိုမည်နည်းဟု  မရေရာသေးသည်မှာ တောင်ကိုရီးယားနှင့် ဖိလစ်ပိုင်ဖြစ်သည်။

တောင်ကိုရီးယားက ထရန့်အား မြောက်ကိုရီးယားအတွက် ရော့ကက်လူသားဟုပင် စွပ်စွဲထားပြီး ဖိလစ်ပိုင်ကို လူ့အခွင့်အရေးဆိုင်ရာကိစ္စ သွားဝေဖန်မိသောကြောင့် သမ္မတရိုဒရီဂိုဒူတာတေးသည် တရုတ်လက်ဝယ် ရောက်ရှိသွားခဲ့သည်။

■ ဂျပန်၊ နိုဝင်ဘာ ၅-၇

မူဝါဒရေးရာအရ ဂျပန်နှင့် အမေရိကန်တို့သည် အလွန်နီးကပ်သော မဟာမိတ်များ ဖြစ်သောကြောင့် ကျွမ်းကျင်သူတစ်ဦးက ထရန့်သည် သူ၏မိတ်ဆွေအာဘေးနှင့် ဂေါက်သီးကစားရန်သက်သက်သာ ဂျပန်သို့ ၀င်ရောက်ခြင်းဖြစ်သည်ဟုပင် ဆိုသည်။

ထရန့် ဂျပန်သို့ရောက်ပြီး မကြာမီမှာပင် နှစ်ဦးသား တွေ့ဆုံမည်ဖြစ်သော်လည်း နိုင်ငံတကာ အနေအထားများက အလွန်အရေးကြီးနေသောကြောင့် ဖလော်ရီဒါတွင် စီစဉ်ခဲ့ဖူးသကဲ့သို့ ၂၇ ကျင်း ရိုက်နိုင်မည်မဟုတ်ဘဲ ကိုးကျင်းသာ ရိုက်ဖွယ်ရှိသည်ဟု ဆိုသည်။

ထရန့်သည် ဂျပန်ဧကရာဇ်နှင့်လည်း တွေ့ဆုံရန် စီစဉ်ထားပြီး ယင်းသည် သံတမန်ကျင့်ဝတ်အရ မိုင်းကွင်းတစ်ခု ဖြစ်ဖွယ်ရှိသည်။ ဘာရက်အိုဘားမား လာရောက်ခဲ့စဉ်က အသက် ၈၃ နှစ်အရွယ်ရှိ အကီဟီတိုကို ခါးအလွန်ကိုင်းကာ ဦးညွတ်အရိုအသေပေး ခဲ့သောကြောင့် ကွန်ဆာဗေးတစ်များ၏ ပြင်းထန်သော ဝေဖန်မှုကို ခံခဲ့ရသည်။

■ တောင်ကိုရီးယား၊ နိုဝင်ဘာ ၇-၈

ဆိုးလ်မြို့တွင် ထရန့်သည် တောင်ကိုရီးယား ပါလီမန်၌ မိန့်ခွန်းပြောရန် စီစဉ်ထားရာ ထရန့်တစ်ယောက် ဇာတ်ညွှန်းမှလွတ်ထွက်လျက် လက်တန်းမှတ်ချက်များပေးခြင်းဖြင့်  နျူကလီးယားလက်နက်ရှိနေသည့် မြောက်ကိုရီးယားနှင့် တင်းမာမှုများ တဟုန်ထိုးမြင့်တက်လာနိုင်မှုကို စိုးရိမ်နေကြသည်။

ထရန့်သည် ကုန်သွယ်ရေးခြိမ်းမြောက်မှုများ၊ ပုဂ္ဂိုလ်ရေးစော်ကားမှုများ ပြုလုပ်လျက် မြောက်ကိုရီးယားခေါင်းဆောင် ကင်ဂျုံအွန် နှင့် ပြင်းထန်သော စကားလုံးစစ်ပွဲ ဆင်နွှဲခဲ့ပြီးဖြစ်သည်။ သူ ပထမဆုံး ပြောကြားရသည့် ကုလသမဂ္ဂ အထွေထွေညီလာခံမိန့်ခွန်း၌ပင်လျှင် မြောက်ကိုရီးယားကို လုံးဝဥဿုံ ဖျက်ဆီးပစ်မည်ဟု ခြိမ်းခြောက်ခဲ့သေးသည်။

ဂျပန်ပြီးနောက် တောင်ကိုရီးယားသို့ ရောက်လာလျှင် အမေရိကန်၏ စစ်ရေးအရ အဓိကမဟာမိတ်နှစ်ဦးဖြစ်သော ဂျပန်နှင့် တောင်ကိုရီးယားတို့အနက် တစ်ဦးဦးကို မျက်နှာသာပေးသည့် မှတ်ချက်မျိုးကို ဂရုစိုက် ရှောင်ရှားရန်လိုသည်။ ဂျပန်နှင့် တောင်ကိုရီးယားတို့သည် သမိုင်းဆိုင်ရာ အကြောင်းအရာနှင့်ပတ်သက်၍ ဆက်ဆံရေး အစွန်းအထင်းများ ရှိနေသည်။

အမေရိကန်သမ္မတသည် အာဘေးနှင့် နှိုင်းယှဉ်ပါက လက်ဝဲယိမ်း တောင်ကိုရီးယား သမ္မတ မွန်ဂျေးအင်းနှင့် ပိုမိုအေးစက်သော ဆက်ဆံရေးရှိနေသည်။ သူက မွန်ဂျေးအင်းကို မြောက်ကိုရီးယားနှင့်ပတ်သက်၍ ရွှေပြည်အေး ၀ါဒ ရှိနေသူဟုပင် စွပ်စွဲဖူးသည်။

■ တရုတ်၊ နိုဝင်ဘာ ၈-၁၀

အမေရိကန်နိုင်ငံဆိုင်ရာ တရုတ်သံအမတ်ကြီး ဆွီကျင်ကိုင်က “နိုင်ငံတော်ဧည့်သည်တော် +”ဟု ခေါ်ဆိုခဲ့သကဲ့သို့သော အနေအထားဖြင့် တရုတ်က ဒေါ်နယ်ထရန့်အား ကြိုဆိုရန် စီစဉ်ထားသည်။ အိမ်ခြံမြေရောင်းဝယ်ရေး ဘီလျံနာသူဌေးကြီးကို အလွန်အကျွံခမ်းနားမှု၊ အလွန်အကျွံအနေအထားများဖြင့် ကြိုဆိုဧည့်ခံမည့်သဘောဖြစ်သည်။

တရုတ်အစိုးရက ဂုဏ်ပြုတပ်ဖွဲ့များ၊ ဂုဏ်ပြုညစာစားပွဲများ၊ ဒေါ်လာဘီလျံချီတန်ဖိုးရှိ ကုန်သွယ်ရေးသဘောတူညီချက်များဖြင့် ထရန့်အား ကြိုဆိုဖွယ်ရှိပြီး ထရန့်က ၎င်းတို့ကို Twitter ၌ ကြွားလုံးထုတ်နိုင်သည်။

ထိုင်းမှိုင်းနေသော ကုန်သွယ်ရေးလိုငွေပြမှုမှသည် ထိန်းမနိုင်သိမ်းမရ အိမ်နီးချင်း မြောက်ကိုရီးယားကို တရုတ်၏ကိုင်တွယ်မှုအထိ အတိုင်းအတာကျယ်ပြောလှသော အငြင်းပွားဖွယ်ရာ အကြောင်းအရာများကို  နောက်ခံပြုလျက် ခမ်းနားကြီးကျယ်သော ပြဇာတ်ကို တင်ဆက်ဖွယ်ရှိသည်။

သို့သော် ထရန့်၏မဲဆွယ်ပွဲကာလက ပြင်းထန်သည့် တရုတ်ဆန့်ကျင်ရေးမှတ်ချက်များသည် ရှီကျင်ပင်းအား အလွန်အမင်း ချီးကျူးမှုကို နေရာပေးရဖွယ်ရှိသည်။

ကုန်သွယ်ရေးနှင့် လုံခြုံရေးဆိုင်ရာကိစ္စရပ်များအတွက် ဖိအားပေးမှုများအပြင် ထရန့်၏ တရုတ်ခရီးစဉ်အပေါ်၌ ရစ်ဝဲနေသော အခြား အကြောင်းအရာတစ်ရပ် ရှိသေးသည်။ ယင်းမှာ တရုတ်နိုင်ငံအတွင်း Twitter ကို ပိတ်ဆို့ထားသည့် Great Firewall ဟုခေါ်သောအရာကို ထရန့်အနေဖြင့် ကျော်ဖြတ်နိုင်မည်လားဟူသည့် အချက်ဖြစ်သည်။

တရုတ်နယ်မြေပေါ်တွင် ထရန့်အနေဖြင့် Twitter သုံးနိုင်မည်လားဟု မေးမြန်းသည့်အခါ ဒုတိယနိုင်ငံခြားရေးဝန်ကြီး ချန်စွေ့ဂူအန်းက “သမ္မတထရန့်အနေနဲ့ အပြင်ကို ဘယ်လိုဆက်သွယ်ရမလဲဆိုတာ ခင်ဗျားတို့ စိုးရိမ်ဖို့လိုအပ်တဲ့အရာ မဟုတ်ပါဘူး” ဟုသာ သတင်းထောက်များအား ဖြေကြားခဲ့သည်။

နိုဝင်ဘာ ၅ ရက်က ဆိုးလ်မြို့တွင် ထရန့်မလာရောက်မီ ၎င်းအား ဆန့်ကျင်သည့် ဆန္ဒပြပွဲ၌ တောင်ကိုရီးယားနိုင်ငံသားများ ငြိမ်းချမ်းရေးတောင်းဆိုမှု ပြုလုပ်နေစဉ် (Photo: AFP)

■ ဗီယက်နမ်၊ နိုဝင်ဘာ ၁၀-၁၂

ထရန့်သည် စစ်ပွဲကာလအတွင်း ဗီယက်နမ်ကို တမင်ရှောင်လွှဲခဲ့သော်လည်း ယခုအခါ ကုန်သွယ်ရေးကိစ္စအတွက် သွားရောက်မည် ဖြစ်သည်။

ထရန့်သည် သူ၏ “အမေရိက ပထမ” မူဝါဒအတွက် အာရှ-ပစိဖိတ် စီးပွားရေးပူး ပေါင်းဆောင်ရွက်မှု (APEC) ထိပ်သီးဆွေးနွေးပွဲ၌ အပြန်အလှန် သဘောတူညီချက်များနှင့် အမေရိကန်ကုန်ပစ္စည်းများအတွက်  လွတ်လပ်သောဈေးကွက်များ ရရှိရေးကို တောင်းဆိုနိုင်လိမ့်မည်ဟု မျှော်လင့်ထားသည်။

ထရန့်သည် ပစိဖိတ်တစ်လျှောက် ပူးပေါင်းဆောင်ရွက်ရေး (TPP) သဘောတူညီချက် အဖွဲ့ဝင် နိုင်ငံများနှင့်လည်း မျက်နှာချင်းဆိုင် ရင်ဆိုင်ရတော့မည်ဖြစ်သည်။ သူက TPP ကို အမေရိကန်နိုင်ငံသားများ၏ အလုပ်အကိုင် အခွင့်အလမ်းများအား သတ်ပစ်သည်ဟု ဝေဖန်ကာ ကြီးမားလှသည့် ယင်းကုန်သွယ်ရေး သဘောတူညီချက်မှ နုတ်ထွက်ခဲ့သည်။

■ ဖိလစ်ပိုင်၊ နိုဝင်ဘာ ၁၂-၁၃

ဖိလစ်ပိုင်တွင် ထရန့်သည် အရှေ့တောင်အာရှ ခေါင်းဆောင်များ၏ ထိပ်သီးဆွေးနွေးပွဲ၌ ပါဝင်မည်ဖြစ်သည်။ ဒူတာတေး၏ အငြင်းပွားဖွယ်ရာ မူးယစ်ဆေးနှိမ်နင်းမှု နှင့်ပတ်သက်၍ အမေရိကန်သမ္မတက မည်သည့်အချက်ပြမှုများ ပြုလုပ်မည်ကို အနီးကပ် စောင့်ကြည့်ရမည်ဖြစ်သည်။

ဒူတာတေးသည် ထရန့်၏ရှေ့မှသမ္မတ ဘာရက်အိုဘားမားအား သူ၏ မူးယစ်ဆေး စစ်ပွဲကို ဝေဖန်ခဲ့မှုအတွက် “ပြည့်တန်ဆာမသား”ဟု ခေါ်ဆိုခဲ့ပြီး ဆက်ဆံရေး အေးခဲသွားခဲ့သည်။

ယခုနှစ်အစောပိုင်းတွင် ဆက်ဆံရေးကို ပြန်လည်ဖာထေးရန် ထရန့်က ဒူတာတေးနှင့် ဖုန်းပြောဆိုရာ၌ သူ၏မူးယစ်ဆေးစစ်ပွဲကိုင်တွယ်ပုံကို ချီးကျူးခဲ့သောကြောင့် အမေရိကန်သမ္မတအနေဖြင့် လူ့အခွင့်အရေးကို လေးစားမှုနည်းသည်ဟု ဝေဖန်ခံခဲ့ရသည်။

ထရန့်၏ပထမဇနီးက အတ္တကြီးစွာ ပြုမူနေသည်ဟု လက်ရှိဇနီးက ပြောကြား

၂၀၁၄ ခုနှစ် စက်တင်ဘာ ၁၅ ရက်က  နယူးယောက်တွင် ဂေါက်ရိုက်ပြိုင်ပွဲတစ်ခု တက်ရောက်နေသော အီဗန်နာထရန့် (၀ဲ) နှင့် စက်တင်ဘာ ၁ ရက်က အိမ်ဖြူတော်တွင် တွေ့ရသော မီလန်နီယာထရန့် (Photo : AFP)

အမေရိကန်သမ္မတ ဒေါ်နယ်ထရန့်၏ ပထမဇနီး အီဗန်နာက ၎င်း၏စာအုပ်သစ်အား မိတ်ဆက်ချိန်တွင် သူသည် သမ္မတဇနီးသာ ဖြစ်ကြောင်း ဟာသလုပ် ပြောကြားခဲ့ပြီးနောက် ထရန့်၏ လက်ရှိဇနီးဖြစ်သူ မီလန်နီယာထရန့်က အီဗန်နာသည် အာရုံစိုက်မှု ခံရစေရန်နှင့် အတ္တကြီးစွာ အသံထွက်နေသည်ဟု အောက်တိုဘာ ၉ ရက်တွင် ပြန်လည်စွပ်စွဲခဲ့သည်။

အသက် ၆၈ နှစ်ရှိ အီဗန်နာထရန့်က ကိုယ်တွေ့မှတ်တမ်း စာအုပ်သစ် Raising Trump ကို ကြော်ငြာရန် ABC News နှင့် အင်တာဗျူးပြုလုပ်စဉ် ၎င်းနှင့် အမေရိကန်၏ ၄၅ ဦးမြောက် သမ္မတတို့အကြား ကာလရှည်ကြာ ဆက်ဆံရေးကို ရည်ညွှန်းလျက် ဟာသလုပ် ပြောခဲ့ခြင်းဖြစ်သည်။

“ကျွန်မမှာ အိမ်ဖြူတော်ကို ခေါ်လို့ရတဲ့ တိုက်ရိုက်ဖုန်းနံပါတ်ရှိတယ်။ ဒါပေမဲ့ အဲဒီမှာ မီလန်နီယာ ရှိနေတော့ ကျွန်မက ထရန့်ကို ဖုန်းမခေါ်ချင်ဘူး။ ပြီးတော့ သ၀န်တိုတာလိုမျိုး ဒါမှမဟုတ် တစ်ခုခုပေါ့၊ အဲဒီလိုမျိုး မဖြစ်စေချင်ဘူး။ ဘာလို့လဲဆိုတော့ အခြေခံကျကျဆိုရင် ကျွန်မကပဲ ထရန့်ရဲ့ ပထမဆုံး သမ္မတကတော်လေ။ အဆင်ပြေတယ် မဟုတ်လား။ ကျွန်မက သမ္မတကတော်ပဲ။ ဟုတ်တယ်မလား” ဟု အီဗန်ကာက ABC သို့ ရယ်မောလျက် ပြောကြားခဲ့သည်။ ပုံမှန်အားဖြင့် တည်ငြိမ်သော အသက် ၄၇ နှစ်ရှိ မီလန်နီယာ ထရန့်ကမူ အီဗန်ကာ၏ ပြောကြားမှုများကို သဘောမကျခဲ့ပေ။

မစ္စထရန့်သည် အိမ်ဖြူတော်အား ဘာရွန်နှင့် သမ္မတတို့အတွက် နေအိမ်အဖြစ် ပြုလုပ်ပေးခဲ့ကြောင်း မီလန်နာထရန့်၏ ပြောခွင့်ရပုဂ္ဂိုလ် စတက်ဖနီဂရစ်ဟမ်ထံမှ တိုတောင်းသော ကြေညာချက်ကို CNN က ဖော်ပြခဲ့သည်။ ဘာရွန်သည် ထရန့်၏ အငယ်ဆုံးသားဖြစ်သည်။

“သူ (မီလန်နီယာထရန့်) က ၀ါရှင်တန်ဒီစီမှာ နေချင်တယ်။ သူ့ကို အမေရိကန်သမ္မတရဲ့ ဇနီးအဖြစ် ဂုဏ်ပြုထားတယ်။ သူက သူ့ရဲ့အဆင့်အတန်းကို အသုံးပြုပြီးတော့ ကလေးတွေကို ကူညီဖို့ စီစဉ်နေတယ်။ စာအုပ်တွေ ရောင်းဖို့တော့ မဟုတ်ဘူး” ဟု ဂရစ်ဟမ်က ပြောကြားခဲ့သည်။ သမ္မတ၏ ဇနီးဟောင်း တစ်ဦးထံမှ ယင်းကြေညာချက်သည် အနှစ်သာရ မရှိကြောင်း ပေါ်လွင်နေကြောင်း၊ ယင်းသည် လူများ အာရုံစိုက်မှု ရရှိစေရန်နှင့် အတ္တကြီးစွာ အသံပြုနေခြင်း ဖြစ်ကြောင်း ဂရစ်ဟမ်က ပြောကြားခဲ့သည်။

အီဗန်နာထရန့်သည် ထရန့်၏ အကြီးဆုံးသားသမီးများဖြစ်သော ဒေါ်နယ်ဂျူနီယာ၊ အီဗန်ကာနှင့် အဲရစ်တို့၏ မိခင်ဖြစ်သည်။

အိမ်ခြံမြေလုပ်ငန်းရှင်မှ သမ္မတဖြစ်လာခဲ့သည့် ထရန့်သည် ဒုတိယဇနီးဖြစ်သူ မာလာမေပယ်နှင့် အခြားကလေး နှစ်ဦးလည်း ရရှိခဲ့သည်။ ယင်းနှစ်ဦးမှာ တက်ဖနီနှင့် ယခုအခါ အိမ်ဖြူတော်၌ နေထိုင်နေသည့် အသက် ၁၁ နှစ်ရှိ ဘာရွန်တို့ဖြစ်သည်။

ချက်ဇာတိ မော်ဒယ်ဟောင်း၊ စကိတ်စီးသမားနှင့် လုပ်ငန်းရှင်အမျိုးသမီး တစ်ဦးဖြစ်သူ အီဗန်နာသည် ထရန့်နှင့် ၁၉၇၉ ခုနှစ်တွင် လက်ထပ်ခဲ့ပြီး ၁၉၉၂ ခုနှစ်တွင် ကွာရှင်းခဲ့သည်။ ထရန့်သည် ၎င်းနှင့်ဇာတ်လမ်း ရှိခဲ့ဖူးသော မေပယ်နှင့် လက်ထပ်ခဲ့သော်လည်း ခြောက်နှစ်အကြာတွင် ကွာရှင်းခဲ့သည်။ မီလန်နီယာ ထရန့်သည် ထရန့်၏ တတိယမြောက်ဇနီး ဖြစ်သည်။

Ref : AFP

၂၀၁၈ ခုနှစ် နိုဝင်ဘာတွင် ရွေးကောက်ပွဲများ ကျင်းပပေးမည်ဟု ထိုင်းအာဏာသိမ်း စစ်အစိုးရခေါင်းဆောင် ကတိပြု

အောက်တိုဘာ ၂ ရက်က အိမ်ဖြူတော်တွင် ဓာတ်ပုံရိုက်ခံနေသော အမေရိကန်သမ္မတ ထရန့်နှင့် ဇနီး၊ ထိုင်းဝန်ကြီးချုပ် ပရာယွတ်နှင့် ဇနီး

ထိုင်းအာဏာသိမ်း စစ်အစိုးရက အာဏာသိမ်းမှုနှင့် နိုင်ငံရေးအား ပိတ်ပင်မှုကို ပြုလုပ်ခဲ့ပြီး လေးနှစ်ကျော် အကြာ ၂၀၁၈ ခုနှစ် နိုဝင်ဘာတွင် ရွေးကောက်ပွဲများ ကျင်းပမည်ဟု အောက်တိုဘာ ၁၀ ရက်တွင် ကြေညာခဲ့သည်။ ၂၀၁၄ ခုနှစ် မေတွင် အာဏာသိမ်းခဲ့ပြီးနောက် ၁၈ လအတွင်း အရပ်ဘက်ထံ အာဏာလွှဲပေးမည်ဟု ချက်ချင်း ကတိပြုခဲ့သော စစ်အစိုးရခေါင်းဆောင် ၀န်ကြီးချုပ် ပရာယွတ်ချန်အိုချာက ယင်းကဲ့သို့ ကြေညာခဲ့ခြင်းဖြစ်သည်။ သို့သော် ယင်းကဲ့သို့ ကြေညာသည့် ရက်များသည် အကြိမ်ကြိမ် လွဲချော်ခဲ့ပြီး ရွေးကောက်ပွဲ ကျင်းပပေးလျှင်ပင် စစ်အစိုးရ ရေးဆွဲခဲ့သော ဖွဲ့စည်းပုံ အခြေခံဥပဒေကြောင့် ဒီမိုကရေစီသည် ကန့်သတ်ခံထားရမည်ဖြစ်ကြောင်း ဝေဖန်သူများက ပြောကြားခဲ့သည်။

“၂၀၁၈ ခုနှစ် နိုဝင်ဘာမှာ ရွေးကောက်ပွဲ ကျင်းပပေးမယ်။ ရှင်းရဲ့လား” ဟု စကားကို ခပ်ပြတ်ပြတ် ပြောတတ်သော ပရာယွတ်က သတင်းထောက်များအား ပြောကြားခဲ့ပြီး ရက်အတိအကျကို လာမည့်ဇွန်တွင် ကြေညာမည်ဟု ၎င်းက ဆိုခဲ့သည်။ ထို့ပြင် သင့်တော်သော အချိန်၌ နိုင်ငံရေးပါတီများအား ဖြေလျှော့ပေးမှု ပြုလုပ်ရန် စဉ်းစားသွားမည်ဖြစ်ကြောင်း ပရာယွတ်က ဆိုသည်။ ပရာယွတ်အစိုးရ လက်ထက်တွင် နိုင်ငံရေးဆိုင်ရာနှင့် ဆန္ဒပြမှုအားလုံးသည် ပိတ်ပင်ခံထားရပြီး မျိုးဆက်တစ်ခုအတွင်း အာဏာရှင်အဆန်ဆုံး အစိုးရကို ကြုံခဲ့ရခြင်းဖြစ်သည်။

သို့သော် လာမည့်ရွေးကောက်ပွဲသည် ထိုင်းစစ်အာဏာသိမ်းမှု မတိုင်မီက တည်ရှိခဲ့သော ဒီမိုကရေစီအဆင့်သို့ ပြန်လည်ရောက်ရှိမည် မဟုတ်ဟု သိရသည်။ ထိုင်းသည် ၁၉၃၂ ခုနှစ်တွင် သက်ဦးဆံပိုင် ဘုရင်စနစ် အဆုံးသတ်ခဲ့ပြီးနောက်ပိုင်း ဒါဇင်နှင့်ချီသော အာဏာသိမ်းမှုများ ကြုံခဲ့ရသည်။

ပရာယွတ်သည် အိမ်ဖြူတော်တွင် အမေရိကန်သမ္မတ ဒေါ်နယ်ထရန့်နှင့် တွေ့ဆုံရန် ယခုလအစောပိုင်းတွင် အမေရိကန်သို့ သွားရောက်ခဲ့သည်။ ပရာယွတ်သည် သမ္မတဟောင်း ဘာရက်အိုဘားမား အစိုးရ လက်ထက်တွင် တွေ့ဆုံခွင့်မရခဲ့ပေ။ ဆွေးနွေးပွဲအပြီး ပူးတွဲထုတ်ပြန်ခဲ့သော ကြေညာချက်တွင် ထရန့်က ၂၀၁၈ ခုနှစ်၌ ထိုင်းအစိုးရက လွတ်လပ်ပြီး တရားမျှတသော ရွေးကောက်ပွဲများ ကျင်းပပေးမည်ဟု ကတိပြုမှုကို ကြိုဆိုခဲ့သည်။  မမျှော်လင့်ထားသော ယင်းကြေညာမှုကြောင့် ၂၀၁၈ ခုနှစ်တွင်မှ ရွေးကောက်ပွဲ ကျင်းပမည့်ရက်ကို ထုတ်ပြန်မည်ဟု ပရာယွတ်က ကနဦးတွင် ကြေညာထားသည့် ထိုင်းတွင် ပွက်လော ရိုက်သွားခဲ့သည်။ ထရန့်သည် ၎င်းနှင့်တွေ့ဆုံစဉ်အတွင်း ထိုင်းနိုင်ငံရေး အခြေအနေများကို မေးမြန်းခဲ့ခြင်း မရှိဟု ပရာယွတ်က ပြောကြားခဲ့သည်။

၁၉၃၂ ခုနှစ်နောက်ပိုင်း အကြိမ် ၂၀ မြောက်အာဏာသိမ်းမှုကို ပြုလုပ်ခဲ့သည့် ထိုင်းစစ်တပ်က ဆယ်စုနှစ် တစ်ခုကျော်ကြာ နိုင်ငံရေး မငြိမ်သက်မှုကို ဟန့်တားရန်အတွက် အာဏာသိမ်းရန် လိုအပ်ကြောင်း ကာကွယ် ပြောကြားခဲ့သည်။ ယင်းနောက် အာဏာသိမ်းစစ်အစိုးရက ရွေးကောက်ခံ နိုင်ငံရေးသမားများ၏ လုပ်ပိုင်ခွင့်အား ကန့်သတ်ပြီး စစ်ဘက်ခေါင်းဆောင်များအတွက် နေရာအများအပြား လျာထားမှုနှင့်အတူ စိတ်ကြိုက် ခန့်အပ်သူများဖြင့် အထက်လွှတ်တော်ခေါ်ယူရန် တောင်းဆိုသည့် ဖွဲ့စည်းပုံ အခြေခံဥပဒေသစ် တစ်ခုကို ရေးဆွဲခဲ့သည်။

Ref : AFP