အစိုးရနှင့် အကျိုးတူလုပ်ငန်း ပန်းချယ်ရီအိမ်ရာ စီမံကိန်းအတွင်းရှိ ထင်းရှူးတောများကို ခုတ်ထွင်ရှင်းလင်းခွင့် ရှမ်းပြည်နယ်အစိုးရ ခွင့်မပြုကြောင်း ပြောကြား

ရှမ်းပြည်နယ် တောင်ကြီးမြို့ပြင် နှစ်မိုင်ရှိ ထင်းရှူးတောတွင် အကောင်အထည်ဖော် ဆောင်ရွက်မည့် ပန်းချယ်ရီအိမ်ရာ စီမံကိန်း အတွင်းရှိ ထင်းရှူးပင်များကို ခုတ်ထွင်ရှင်းလင်းခွင့် ပြည်နယ်အစိုးရက ခွင့်မပြုကြောင်း ရှမ်းပြည်နယ် အစိုးရအဖွဲ့ ပြောရေးဆိုခွင့်ပုဂ္ဂိုလ် စီမံကိန်းနှင့် စီးပွားရေးဝန်ကြီးက ပြောကြားသည်။

အဆိုပါ ပန်းချယ်ရီအိမ်ရာ စီမံကိန်းသည် CB ဘဏ်ဥက္ကဋ္ဌက လုပ်ကိုင်နေခြင်းဖြစ်ပြီး ယခင်အစိုးရ လက်ထက်တွင် အကောင်အထည်ဖော်ခြင်း ဖြစ်ကြောင်း၊ ပန်းချယ်ရီအိမ်ရာ စီမံကိန်းကို ၂၀၁၁ ခုနှစ်တွင် ယခင်အစိုးရအဖွဲ့နှင့် အစိုးရသစ် အကူးအပြောင်း ကြားကာလတွင် MoU ထိုးထားသော စာချုပ်ဖြစ်ကာ ၂၀၁၆ ခုနှစ် ဇန်န၀ါရီ ၁၄ ရက်တွင် သဘောတူစာချုပ် လက်မှတ်ရေးထိုးခဲ့ပြီး သစ်တောများ ပါဝင်နေခြင်းကြောင့် ညှိနှိုင်းမှုများ ဆောင်ရွက်ရကြောင်း၊ စီမံကိန်းမှ ရရှိလာသော အကျိုးအမြတ်ကို အစိုးရအတွက် ၂၃ ရာခိုင်နှုန်းနှင့် ကုမ္ပဏီအတွက် ၇၇ ရာခိုင်နှုန်းဖြင့် လုပ်ကိုင်ဆောင်ရွက်နေခြင်း ဖြစ်ကြောင်း အစိုးရအဖွဲ့မှ ပြောကြားသည်။

မောရှမ်း ဖွံ့ဖြိုးတိုးတက်ရေး (အများနှင့် သက်ဆိုင်သောကုမ္ပဏီ) သည် ရှမ်းပြည်နယ်အစိုးရနှင့် အကျိုးတူလုပ်ငန်းအဖြစ် ဆောင်ရွက်ခြင်းဖြစ်ပြီး ရင်းနှီးမြှုပ်နှံမှုပမာဏ ကျပ်သန်းပေါင်း ၉,၅၀၀ အသုံးပြုမည်ဖြစ်ကာ အဆောက်အဦ တည်ဆောက်ရေးကာလ သုံးနှစ်ဖြစ်ပြီး အသုံးပြုမည့် လမ်းဧရိယာမှာ ၁၉ ဒသမ ၂၁ ဧက၊ အများပြည်သူ အသုံးပြုမည့် ဧရိယာမှာ ၁၁ ဒသမ ၄၄ ဧရိယာ၊ အဆောက်အဦ ဧရိယာမှာ ၄၄ ဒသမ ၃၅ ဧက ရှိပြီး စုစုပေါင်း ၇၅ ဧက ရှိသည်ဟု စာချုပ်တွင် ပါဝင်ကြောင်း အစိုးရအဖွဲ့မှ စီမံကိန်းနှင့် စီးပွားရေးဝန်ကြီး ဦးစိုးညွန့်လွင်က ပြောကြားသည်။

ပန်းချယ်ရီအိမ်ရာ စီမံကိန်းကို ရည်ရွယ်ချက် လေးရပ်ဖြင့် ဆောင်ရွက်ခြင်းဖြစ်ကာ တောင်ကြီးမြို့တွင် မြို့တော်အင်္ဂါရပ်နှင့်အညီ ထူးခြားသော ခေတ်မီအိမ်ရာ စီမံကိန်းတစ်ခု ပေါ်ထွန်းလာစေရန်၊ ပြည်သူများအတွက် ကျန်းမာရေးနှင့် ညီညွတ်ပြီး ကိုယ်ရောစိတ်ပါ သက်သာစွာ နေထိုင်နိုင်၍ ကောင်းမွန်သော လူနေမှု ပတ်ဝန်းကျင် တည်ဆောက်ရန်၊ မောရှမ်းဖွံ့ဖြိုးတိုးတက်ရေး အများနှင့်သက်ဆိုင်သော ကုမ္ပဏီသည် ပြည်နယ်အတွင်း ဖွံ့ဖြိုးတိုးတက်ရေး လုပ်ငန်းများတွင် တစ်တပ်တစ်အား ပါဝင်ကြိုးစားဆောင်ရွက်ရန်၊ ပြည်သူများ အလုပ်အကိုင် အခွင့်အလမ်းသစ်များ ပေါ်ထွန်းလာစေရေး စီးပွားရေးလုပ်ငန်းသစ်များ တိုးတက်ဖြစ်ပေါ် လာစေရေး စသည့် ရည်ရွယ်ချက်များဖြင့် ဆောင်ရွက်ကြောင်း သိရသည်။

“ကျွန်တော်တို့ ပန်းချယ်ရီအိမ်ရာ စီမံကိန်းဟာ အရင်အစိုးရနဲ့ နောက်အစိုးရ အကူးအပြောင်း လက်မှတ်ထိုးသွားတာ ဖြစ်ပါတယ်။ လုပ်ငန်းဆောင်ရွက်ခွင့် ပြုသူကတော့ မောရှမ်းဖွံ့ဖြိုးရေး အများနှင့်သက်ဆိုင်သော ကုမ္ပဏီပါ။ အစိုးရနှင့် အကျိုးတူ ဖြစ်ပါတယ်။ ရင်းနှီးမြှုပ်နှံမှုကတော့ ကျပ်သန်းပေါင်း ၉၅၀၀ ပေါ့။ ဒီထဲမှာ သစ်တောဧရိယာတွေ ပါနေတာရှိတယ်။ ကျွန်တော်တို့အစိုးရ လက်ထက်မှာ ခေါ်ယူညှိနှိုင်း ဆောင်ရွက်တယ်။ သစ်တောတွေကို ဒီတိုင်းပဲ ထားရမယ်။ သစ်တောတွေမှာ အဆောက်အဦဆောက်ခွင့် မပေးနိုင်ဘူးဆိုပြီး ဒေသန္တရစီမံကိန်း ကော်မတီကနေ ခေါ်ယူညှိနှိုင်းထားပြီး ဖြစ်ပါတယ်။ အဓိက ပြောချင်တာက ဘာလဲဆိုတော့ ဒီကုမ္ပဏီကလည်း တောင်ကြီးရဲ့ သင်္ကေတဖြစ်တဲ့ ချယ်ရီပင်တွေကိုလည်း ချယ်ရီတောဖြစ်အောင် စိုက်မယ်။ သစ်တောကိုတော့ အပျက်စီး မခံနိုင်ဘူးပေါ့။ အိမ်ရာ စီမံကိန်းကလည်း အရေးကြီးသလို ရှမ်းပြည်နယ် တောင်ကြီးကလည်း သစ်တောအရေးကြီးတဲ့အတွက် သစ်တောထိန်းသိမ်းဖို့ သစ်တောဧရိယာတွေ အဆောက်အဦဆောက်မှာ မဟုတ်ဘူး။ ကျွန်တော်တို့ကလည်း လက်ခံမှာ မဟုတ်ပါဘူး။ စောင့်ကြည့်ဖို့လည်း ကျွန်တော်တို့ ကော်မတီ အဆင်သင့် ရှိနေပါတယ်” ဟု ရှမ်းပြည်နယ် အစိုးရအဖွဲ့ စီမံကိန်းနှင့် စီးပွားရေးဝန်ကြီး ဦးစိုးညွန့်လွင်က ပြောကြားသည်။

အဆိုပါ ပန်းချယ်ရီအိမ်ရာ စီမံကိန်းကို မကြာခင် အကောင်အထည်ဖော် ဆောင်ရွက်နိုင်ရန်အတွက် ဇွန်လအစောပိုင်းတွင် ထင်းရှူးတောပတ်လည် ခြံစည်းရိုးခတ်ခြင်းများ ပြုလုပ်နေသောကြောင့် ဒေသခံများ ပါဝင်သော သဘာဝပတ်ဝန်းကျင် ထိန်းသိမ်းရေး အဖွဲ့များမှ ထင်းရှူးတောများ ကာကွယ်ရန်နှင့် သစ်ပင်များ စိုက်ပျိုးကြရန် ဆိုင်းဘုတ်များကို အဆိုပါ စီမံကိန်းဧရိယာ ထင်းရှူးတောအတွင်း စိုက်ပျိုးခဲ့ကြောင်း သိရသည်။

တောင်ကြီးမြို့တွင် သစ်တောမြေဧရိယာကို ပယ်ဖျက်လိုက်ပြီး အစိုးရ စီမံခန့်ခွဲပိုင်ခွင့်ရှိသော မြို့မြေဧရိယာအဖြစ် သတ်မှတ်လိုက်သော မြေများမှ တရားဝင်ချထားပြီးစီးမှုနှင့် လျှောက်ထားဆဲ လူပုဂ္ဂိုလ် အဖွဲ့အစည်းများမှာ ကုန်းလမ်းပို့ဆောင်ရေး ဦးစီးဌာန ခြောက်ဧက၊ တောင်ကြီးတက္ကသိုလ်နယ်မြေ ၁၁၄ ဧက၊ ပန်းချယ်ရီအိမ်ရာ စီမံကိန်း ၇၅ ဧက၊ လွိုင်ခမ်းအိမ်ရာ စီမံကိန်း ၄၈ ဧက၊ ယခင်ဝန်ကြီး အကွက်ချထားပြီးနေရာ ၁၅ ဧက အဆိုပါ ငါးခုသည် တရားဝင် ချထားခြင်းဖြစ်ပြီး မိမိသဘောဆန္ဒအရ လျှောက်ထားဆဲများမှာ ဦးကျော်ဝင်း ၁၉ ဧက၊ သုဝဏ္ဏခမ်းအောင် အိမ်ရာစီမံကိန်း ၃၂ ဧက၊ နှစ်ဦးလျှောက်ထား ထပ်သောနေရာ ရှစ်ဧက၊ တောင်စောင်းကမ်းပါးယံ ဧရိယာ ၇၂ ဧက၊ အစိုးရ စီမံခန့်ခွဲပိုင်ခွင့်ရှိသော ပလပ်မြေတွင် ကျူးကျော်မှုများ ၁၁၅ ဧက စုစုပေါင်း ၅၃၀ ဧက ရှိနေကြောင်း ရှမ်းပြည်နယ် အထွေထွေ အုပ်ချုပ်ရေး ဦးစီးဌာနထံမှ သိရသည်။

 

တောင်ကြီးမြို့တွင် မိုးသည်းထန်စွာ ရွာသွန်းသဖြင့် နေအိမ်များ ရေမြုပ်ပြီး ကျောင်းသား ကလေးငယ်တစ်ဦး သေဆုံးခဲ့

ရှမ်းပြည်နယ် တောင်ကြီးမြို့တွင် မိုးရွာသွန်းမှုကြောင့် ရေကြီးရေလျှံမှုများ ဖြစ်ပေါ်နေသည်ကို တွေ့ရစဉ်

ရှမ်းပြည်နယ်တောင်ပိုင်း တောင်ကြီးမြို့တွင် ဇွန် ၅ ရက် ညနေခင်း ၃ နာရီတွင် မိုးသည်းထန်စွာ စတင်ရွာသွန်းလိုက်ခြင်းကြောင့် ပဉ္စမတန်းအရွယ် ကျောင်းသားငယ်တစ်ဦး ရေမြောင်းထဲမျောပါပြီး သေဆုံးမှု တစ်မှုဖြစ်ပွားခဲ့ကြောင်း သတင်းရရှိပါသည်။

တောင်ကြီးမြို့ ကျောင်းကြီးစုရပ်ကွက် အနောက်မြို့ပတ်လမ်းရှိ ၂၁၂ ဆိုင်ခန်းများအနီး အမက (၁၁) မှ ပဉ္စမတန်းကျောင်းသား ကလေးငယ်တစ်ဦးသည် ကျောင်းဆင်းချိန်တွင် ခြေထောက်ဆေးရင်း ရေထဲမျောပါသွားပြီး ပြန်လည်ဆယ်မိချိန်တွင် တောင်ကြီး စ၀်စံထွန်း ဆေးရုံကြီးသို့ ပို့ဆောင်ချိန်၌ သေဆုံးသွားသည်ဟု သိရသည်။

တောင်ကြီးမြို့ ရေအေးကွင်းရပ်ကွက်၊ ဘုရားဖြူအတက်လမ်းရှိ အေးစေတီဘုန်းတော်ကြီးကျောင်း အုတ်တံတိုင်းနံရံများလည်း ပြိုလဲခြင်း။ စ၀်စံထွန်းရပ်ကွက်၊ ဗိုလ်ချုပ်အောင်ဆန်းလမ်း၊ ချယ်ရီကွင်း ဟိုတယ် အနောက်ဘက်လမ်း၊ ညောင်ပင်သာရပ်ကွက်ရှိ ဦးကြီးခမ်းလော်လမ်း၊ သီပေါမနန်းထွေး ခေါက်ဆွဲဆိုင်လမ်း၊ အနောက်မြို့ပတ်လမ်းရှိ စ၀်စံထွန်းအောက်ဈေးတို့တွင် ရေကြီးရေလျှံခြင်းများ ဖြစ်ပေါ်ခဲ့ပြီး အချို့နေရာများတွင် လူများနစ်မြုပ်သည်အထိ ရေကြီးခဲ့ကြောင်း သိရသည်၊

တောင်ကြီးမြို့ရှိ ၂၂ ရပ်ကွက်တွင် မြေနိမ့်ပိုင်းကျသော ရပ်ကွက်တိုင်းနီးပါးတွင် ရေကြီးရေလျှံမှုဖြစ်ပေါ်ခဲ့ပြီး အချို့နေရာများတွင် အုတ်တံတိုင်းပြိုကျသော နေအိမ်များလည်း ရှိကြောင်း သိရသည်၊။

တောင်ကြီးမြို့တွင် ဇွန် ၂ ရက်နှင့် ၃ ရက်တို့တွင် မုန်တိုင်းကြောင့် သစ်ပင်များပြိုလဲခြင်း ဖြစ်ပွားခဲ့ကြောင်း သိရသည်။

 

တောင်ကြီး မိုးကုတ်တရားစခန်းတွင် တရားစခန်းဝင်ရောက်သူ ယခင်နှစ်ကထက် လျော့နည်းပြီး လူငယ်လူရွယ် အများဆုံး ၀င်ရောက်

ရှမ်းပြည်နယ်မြို့တော်၊ တောင်ကြီးမြို့တွင်ရှိသော မိုးကုတ် ၀ိပဿနာ တရားစခန်းတွင် ယခုနှစ် ၂၀၁၈ ခုနှစ် သင်္ကြန်တွင်း ပိတ်ရက် ၅ ရက်သာ ရရှိသဖြင့် ယခင်နှစ်ကထက် လေးပုံတစ်ပုံ လူလျော့နည်းခဲ့ပြီး၊ စုစုပေါင်း ယောဂီဦးရေ ၅၈၄ ဦးတွင် လူငယ် လူရွယ် အများဆုံး ၀င်ရောက်ခဲ့ကြောင်း မိုးကုတ်တရားစခန်း အလုပ်အမှုဆောင် အဖွဲ့ထံမှ သိရသည်။

တောင်ကြီးမိုးကုတ် ၀ိပဿနာစခန်းတွင် ယခင်နှစ် ၂၀၁၇ ခုနှစ် သင်္ကြန်ကာလတွင်း လူဦးရေပေါင်း ၈၀၀ ၀င်ရောက်ခဲ့ခြင်းဖြစ်ပြီး၊ ယခုနှစ် ယောဂီ ဦးရေ ၅၈၄ ဦးသာ ၀င်ရောက်ခဲ့သဖြင့် လေးပုံသုံးပုံသာ ၀င်ရောက်နိုင်ခဲ့ကြောင်း၊ အထူးသဖြင့် တက္ကသိုလ်ဝင်တန်းဖြေဆိုသူ လူငယ်လူရွယ်များ အများစုဖြစ်ကြောင်း သိရသည်။

အဆိုပါ သင်္ကြန်ကာလတွင်း တရားစခန်းကို ဧပြီလ ၇ ရက်မှ စတင်လက်ခံခြင်းဖြစ်ပြီး၊ အနည်းဆုံး ၁၀ ရက် အပြည့် နေနိုင်မှသာ တရားစခန်းသို့ ၀င်ရောက်နိုင်မည့် စည်းကမ်းချက်ကြောင့်၊ စီးပွားရေး လုပ်ငန်းရှင်များနှင့် ကုမ္ပဏီဝန်ထမ်းများ၊ ဌာနဆိုင်ရာ ၀န်ထမ်းများတို့သည် ခွင့်ရက်မရသောကြောင့် တရားစခန်း ၀င်နိုင်ခြင်း မရှိသည့် အတွက် ယခုနှစ် လူနည်းပါးခြင်းဖြစ်ကြောင်း၊ တောင်ကြီးတွင် အခြားသော တရားစခန်း ၅ ခု သည်လည်း လူဦးရေ တိုးချဲ့လက်ခံလာနိုင်သဖြင့်လည်း ဖြစ်ကြောင်း တောင်ကြီး မိုးကုတ် ၀ိပဿနာ တရားစဉ်နှင့် လုပ်ငန်းစဉ် ပြန့်ပွားရေးအဖွဲ့ခွဲ အမှတ် (၂၅) ၏ အတွင်းရေးမှူးဖြစ်သူ ဦးညွန့်ဝင်းက ပြောသည်။

“၀ါထပ်နှစ်ဆိုရင် တရားစခန်းပွဲ ဆယ်ပွဲကျင်းပပါတယ်။ ၀ါမထပ်နှစ်ဆိုရင် တရားစခန်းပွဲ ၉ ပွဲ ကျင်းပပါတယ်။ ဒီနှစ်က ၀ါထပ်တဲ့အတွက်ကြောင့် တရားစခန်းပွဲ ဆယ်ပွဲ ကျင်းပပြုလုပ်တဲ့အတွက်ကြောင့် နည်းနည်းလေး ရက် ကြပ်သွားတာဖြစ်ပါတယ်။ ဧပြီလ ၆ ရက်မှာ ယောဂီအရောက်၊ ၇ ရက်နေ့မှာစခဲ့တာ ဒီနေ့ဆိုရင် ၈ ရက်မြောက် နေ့ဖြစ်ပါတယ်။ ရှေ့မှာ ဈေးကလည်း မပိတ်တဲ့ အတွက်ကြောင့် ဈေးသူဈေးသားများလည်း အခါရှေ့ဈေး ဆိုတော့ တရားစခန်း မ၀င်နိုင်ပါဘူး။ ၀န်ထမ်းများကလည်း ရုံးဖွင့်ရက် ၅ ရက်ပဲ ရတဲ့အတွက် ဒ်ီစခန်းပွဲနဲ့ ဆိုရင် ၄ ရက်ပဲ လာညှိပါတယ်။ စခန်းပွဲကလည်း မူအရ ဆယ်ရက်စခန်းပွဲဖြစ်တဲ့အတွက်ကြောင့် လေးငါးရက်နဲ့ လက်မခံတဲ့အတွက် ရှေ့နှစ်တုန်းကလို ယောဂီမ များပါဘူး။ ယောဂီ ၅၈၄ ဦး ပဲ တရားဝင်နိုင်ပါတယ်” ဟု တောင်ကြီး မိုးကုတ် ၀ိပဿနာ တရားစဉ်နှင့် လုပ်ငန်းစဉ် ပြန့်ပွားရေးအဖွဲ့ခွဲ အမှတ် (၂၅) ၏ အတွင်းရေးမှူး ဖြစ်သူ ဦးညွန့်ဝင်းက ပြောသည်။

ရှမ်းပြည်နယ် တောင်ပိုင်းတွင် မိုးကုတ် ၀ိပဿနာ တရားစခန်းခွဲပေါင်း ၁၃ ခု ရှိပြီး၊ အဓိကအားဖြင့် မိုးကုတ် တရားဝိပဿနာ တရားစဉ်နှင့် လုပ်ငန်းစဉ် ပြန့်ပွားရေး တို့ကိုသာ ဆောင်ရွက်ခြင်း ဖြစ်ကြောင်း သိရသည်။

တောင်ကြီးမြို့နယ်တွင် မိုးကုတ်ပိပဿနာ တရားစခန်း၊ မဟာစည်တောစခန်းသာ တရားရိပ်သာ၊ ရှမ်းပိဋကတ် ကမ္မဌာန်းကျောင်း၊ ပညာဗောဓိ တရားရိပ်သာနှင့် စွန်းလွန်း ၀ိပဿနာ ရိပ်သာ တရားရိပ်သာ စသည့် တရားစခန်း ၅ ခု ရှိပြီး၊ အေးသာယာမြို့တွင် ချမ်းမြေ့ ၀ိပဿနာ တရားရိပ်သာ ဆိုပြီး တရားစခန်းများ ရှိကြောင်း သိရသည်။

 

 

တောင်ကြီးမြို့တွင် သင်္ကြန်ပွဲတော်ကာလမတိုင်ခင်မှစတင်၍ ရှောင်တခင်စစ်ဆေးခြင်းများ စတင်ဆောင်ရွက်တော့မည်

ရှမ်းပြည်နယ်မြို့တော် တောင်ကြီးမြို့တွင် မြန်မာ့ရိုးရာမဟာသင်္ကြန်ပွဲတော်ကာ လမတိုင်ခင် မတ် ၁၀ ရက်မှစတင်၍ မြို့ဝင်မြို့ထွက်များတွင် နယ်မြေရဲတပ်ဖွဲ့နှင့် ယာဉ်ထိန်းရဲတပ်ဖွဲ့တို့ ပူးပေါင်း၍ ရှောင်တခင် စစ်ဆေးခြင်းများကို ဆောင်ရွက်သွားမည်ဖြစ်ကြောင်း ရှမ်းပြည်နယ် ရဲတပ်ဖွဲ့ရုံးမှ သတင်းရရှိသည်။

တောင်ကြီးမြို့ဝင် မြို့ထွက်ခြောက်နေရာတို့တွင် သင်္ကြန်ပွဲရက် မတိုင်ခင်တွင် ယာဉ်ထိန်းရဲတပ်ဖွဲ့နှင့် နယ်မြေခံရဲတပ်ဖွဲ့တို့ ပူးပေါင်း၍ နေ့စဉ်၊ ညစဉ်တိုင်းရှောင်တခင် စစ်ဆေးခြင်းများ ပြုလုပ်တော့မည်ဖြစ်ကြောင်း တောင်ကြီးခရိုင် ရဲတပ်ဖွဲ့ရုံးမှ သိရသည်။ ထိုသို့ ရှာဖွေရာတွင် အရက်သောက်ထားခြင်း ရှိ မရှိစက်ဖြင့် တိုင်းတာခြင်း၊ မော်တော်ယာဉ်များတွင် တုတ်၊ ဓားလက်နက်များကိုင်ဆောင်ခြင်း ရှိ မရှိနှင့် မူးယစ်ဆေးဝါးများတို့ကို အဓိက ရှာဖွေသွားမည်ဖြစ်ပြီး၊ တောင်ကြီးမြို့တွင် အသံချဲ့စက်များဖြင့်လည်း သင်္ကြန်ကာလအတွင်း  လိုက်နာရမည့် စည်းကမ်းချက်များကိုလည်း ကြေညာသွားမည်ဖြစ်သည်။

မြန်မာ့ရိုးရာမဟာသင်္ကြန်ကာလအတွင်း (၁) ယာဉ်မောင်းသူများလိုက်နာရန် စည်းကမ်းချက် ၁၀ ချက်၊ (၂) မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ ပြည်သူများသတိ ပြုရှောင်ကြဉ်ရမည့် အသိပေးနှိုးဆော်ချက် ငါးချက်နှင့် (၃) သင်္ကြန်ကာလအတွင်း မှုခင်းများ မဖြစ်ပွားစေရန် ပြည်သူများသတိပြုရှောင် ကြဉ်ရမည့် အချက် ၁၃ ချက်တို့ကို မြန်မာနိုင်ငံ ရဲတပ်ဖွဲ့မှ ထုတ်ပြန်ပြီး အများပြည်သူ မြင်သာစေရန် လမ်းဆုံလမ်းခွများတွင် ကြေညာဆိုင်းဘုတ်များကပ်ထားမည်ဖြစ်ကြောင်း သိရသည်။

“တောင်ကြီးမြို့မှာသင်္ကြန်ပွဲရက် မတိုင်ခင်မှာ ယာဉ်ထိန်းအဖွဲ့နဲ့ နယ်မြေခံရဲတပ်ဖွဲ့ အမှတ် (၁) ရဲစခန်းနဲ့ အမှတ် (၂) ရဲစခန်းတို့ ပူးပေါင်းပြီးတော့ ညစဉ်တောင်ကြီးမြို့ မြင်း စီးရုပ်တစ်နေရာ၊ မြေပုံကြီးအတက်လမ်း တစ်နေရာ၊ ဘုရားဖြူလမ်းဆုံတစ်နေရာ၊ တက္ကသိုလ်လမ်းဆုံတစ်နေရာ၊ အိမ်တော်လမ်းဆုံ တစ်နေရာ၊ အဲဒီနေရာတွေမှာပိတ်ဆို့ရှာဖွေ ဖမ်းဆီးတာတွေ လုပ်ပါမယ်။ အဲဒီလိုလုပ်တဲ့ အခါမှာရှာဖွေရေးကတစ်ဖွဲ့၊ လုံခြုံရေးက တစ်ဖွဲ့သီးခြားပူးပေါင်းပြီး ရှာဖွေစစ်ဆေးခြင်းတွေ လုပ်ပါမယ်။ မြို့ပေါ်မှာလည်း လှည့်ကင်းအဖွဲ့တွေနဲ့ လှည့်ကင်းလမ်းကြောင်းတွေနဲ့ ဆောင်ရွက်ပါမယ်” ဟု တောင်ကြီးမြို့နယ် ရဲတပ်ဖွဲ့မှူး ရဲမှူးမောင်မောင်နိုင်က ပြောကြားသည်။

“ယာဉ်ထိန်းတပ်ဖွဲ့တွေအနေနဲ့ သင်္ကြန်တွင်းမတိုင်ခင်မှာလည်း မှုခင်းပညာပေးတွေ ဆောင်ရွက်တယ်။ စစ်ဆေးအရေးယူခြင်းတွေလည်း ဆောင်ရွက်တယ်။ သင်္ကြန်ကာလမှာ လိုက်နာရမယ့် စည်းကမ်းချက်တွေကို အသိပေးသွားမှာပါ” ဟု အမှတ် (၁၈) ယာဉ်ထိန်းရဲ ဒုတပ်ဖွဲ့ခွဲရုံးမှ တပ်ဖွဲ့ခွဲမှူး ရဲမှူး မျိုးဇော်အောင်က ပြောကြားသည်။

အေးသာယာမြို့တွင် အမှိုက်သိမ်းရန် ရှမ်းပြည်နယ်အစိုးရအဖွဲ့နှင့် ဖိုးလမင်းမိုးကုမ္ပဏီတို့ လုပ်ငန်းသဘောတူ စာချုပ်ချုပ်ဆို

ရှမ်းပြည်တောင်ပိုင်း တောင်ကြီးမြို့နယ် အေးသာယာမြို့တွင် အမှိုက်သိမ်းဆည်းရန် တောင်ကြီးမြို့နယ် စည်ပင်သာယာရေးကော်မတီနှင့် ဖိုးလမင်းမိုးကုမ္ပဏီတို့ လုပ်ငန်းသဘောတူ နှစ် ၃၀ စာချုပ်ချုပ်ဆိုခဲ့ကြောင်း အဆိုပါဌာနမှ သတင်းရရှိသည်။

ဧပြီ ၆ ရက်တွင် ရှမ်းပြည်နယ်အစိုးရအဖွဲ့၊ တောင်ကြီးမြို့နယ် စည်ပင်သာယာရေးကော်မတီနှင့် ဖိုးလမင်းမိုးကုမ္ပဏီတို့ အေးသာယာ အမှိုက်သိမ်းဆည်းရေး လုပ်ငန်းသဘောတူစာချုပ်ချုပ်ဆိုခဲ့ကြောင်း၊ လက်ရှိတောင်ကြီးတွင် ‘မွှေးတောင်ကြီး’ အမှိုက်သိမ်းဆည်းရေးကုမ္ပဏီနှင့် ရှမ်းပြည်နယ် မြို့ခုနစ်မြို့တွင် အမှိုက်သိမ်းဆည်းရေးလုပ်ငန်းများ ပုဂ္ဂလိကနှင့် ကန်ထရိုက်စာချုပ်ချုပ်ဆိုပြီးလုပ်သော လုပ်ငန်းများရှိပြီး ဖိုးလမင်းမိုးကုမ္ပဏီသည် ကိုးခုမြောက် အမှိုက်သိမ်းဆည်းရေးကုမ္ပဏီ ဖြစ်လာကြောင်း သိရသည်။

ထိုသို့ အမှိုက်သိမ်းဆည်းရေးလုပ်ငန်းများကို ကုမ္ပဏီနှင့်လုပ်ကိုင်ရခြင်း ရည်ရွယ်ချက်မှာ မြို့များတွင် လူဦးရေတိုးပွားလာခြင်း၊ သုံးစွဲသောအမှိုက်များ၊ နည်းစနစ်များ တိုးတက်ပြောင်းလဲလာခြင်း၊ (တစ်ခါသုံးများလာခြင်း) တို့ကြောင့် စည်ပင်သာယာရေးအတွက် ၀န်ထုပ်ဝန်ပိုးဖြစ်လာခြင်း၊ လူ၊ စက်အင်အားနှင့် စီမံခန့်ခွဲရသောအချိန်များ လိုအပ်လာနေသဖြင့် နိုင်နင်းအောင် သိမ်းဆည်းရခြင်းသည် ငွေကြေးဘတ်ဂျက်အပေါ် မူတည်သဖြင့် လိုအပ်ချက်များအရ ပုဂ္ဂလိကကုမ္ပဏီ အမှိုက်သိမ်းဆည်းရေးလုပ်ငန်းများနှင့် စာချုပ်ချုပ်ဆို လုပ်ကိုင်ရခြင်းဖြစ်ကြောင်း သိရသည်။

“ဒီလို စာချုပ်ချုပ်ဆိုနိုင်ဖို့ အေးသာယာမှာရှိတဲ့ တာဝန်ရှိသူ မြို့နယ်အုပ်ချုပ်ရေးမှူးတွေနဲ့ တွေ့ဆုံဆွေးနွေးပြီးတော့ စည်ပင်သာယာကို ကုမ္ပဏီက ၂၀၁၇ ခုနှစ် စက်တင်ဘာလလောက်က အဆိုပြုထားတယ်။ သူ့လိုပဲ အေးသာယာမှာ အမှိုက်သိမ်းချင်ပါတယ်ဆိုပြီးတော့ ကုမ္ပဏီသုံးခုလောက် လာကမ်းလှမ်းဖူးတယ်။ လက်တွေ့ရှင်းပြလိုက်တော့ နောက်တစ်ခါ သူတို့တွေလုပ်နိုင်စွမ်းမရှိပါဘူးဆိုပြီး ပေါ်မလာတော့ဘူး။ ဖိုးလမင်းမိုးကုမ္ပဏီကနေ လုပ်ငန်းအတွေ့အကြုံပိုရချင်လို့ တစ်လ စမ်းသပ်အခမဲ့လုပ်တာ မြို့လူထုတောင်းဆိုလို့ ဒီဇင်ဘာအထိ အခမဲ့လုပ်ဖြစ်သွားတယ်။ အခုလည်း အခမဲ့သိမ်းနေတယ်။ ဒါပေမဲ့ ကုန်ကျစရိတ်များလာတော့ စီးပွားရေးလုပ်ငန်းရှင်တွေထွက်တဲ့ အမှိုက်တွေကိုတော့ အခကြေးငွေနဲ့ပေါ့။ ပြီးခဲ့တဲ့ ဧပြီ ၆ ရက်မှာ ရှမ်းပြည်နယ်အစိုးရအဖွဲ့နဲ့ လုပ်ငန်းသဘောတူစာချုပ် ချုပ်လိုက်တာဖြစ်တယ်” ဟု တောင်ကြီးမြို့နယ် စည်ပင်သာယာရေးကော်မတီ အမှုဆောင်အရာရှိ ဦးအေးကိုက ဆိုသည်။

 

တောင်ကြီးမြို့တွင် လမ်းလျှောက်သင်္ကြန် မပြုလုပ်ဖြစ်ဘဲ မဏ္ဍပ်ကြီးနှစ်ခုသာရှိဟုဆို

တောင်ကြီးမြို့၌ လမ်းလျှောက်သင်္ကြန် မပြုလုပ်ဖြစ်တော့ဘဲ မဏ္ဍပ်ကြီးနှစ်ခုသာ ရှိတော့မည်ဟု ဧပြီ ၆ ရက်က သတင်းရရှိသည်။

ယခင်က ရှမ်းပြည်နယ်အစိုးရအဖွဲ့ စီးပွားရေးနှင့် စီမံကိန်းဝန်ကြီးက တောင်ကြီးမြို့၌ လမ်းလျှောက်သင်္ကြန် ပြုလုပ်မည်ဟု ပြောဆိုထားသော်လည်း ယခုအခါ လမ်းလျှောက်သင်္ကြန်ပြုလုပ်ရန် ရှမ်းပြည်နယ်တွင် အဆင်မပြေနိုင်သဖြင့် အဆိုပါအစီအစဉ် မပြုလုပ်ဖြစ်တော့ဘဲ ဗဟိုမဏ္ဍပ်နှင့် အရှေ့ပိုင်းတိုင်း စစ်ဌာနချုပ်မဏ္ဍပ်အဖြစ် မဏ္ဍပ်ကြီးနှစ်ခု၊ ဌာနဆိုင်ရာ ၁၀ ခုမှ စတုဒိသာကျွေးမွေးသော ရိုးရိုးမဏ္ဍပ် ၁၀ ခုကိုသာ ပြုလုပ်မည်ဟု သိရသည်။

တောင်ကြီးတွင် ရာသီဥတုအေးသဖြင့် လမ်းလျှောက်သင်္ကြန်ပြုလုပ်ရန် အဆင်မပြေခြင်း၊ လမ်းပိတ်လိုက်ပါက မင်းလမ်းမတစ်လျှောက် သွားလာရေးခက်ခဲမည်ကို စိုးရိမ်ရခြင်း၊ ရေရှားပါးခြင်းတို့ကြောင့် အဆိုပါလမ်းလျှောက်သင်္ကြန်အစီအစဉ် မလုပ်ဖြစ်ခြင်းဖြစ်ကြောင်း သိရသည်။

တောင်ကြီးမြို့၌ သံချပ်အဖွဲ့များလည်း ယခုနှစ်အစီအစဉ်တွင်မတွေ့ရဘဲ လုံခြုံရေးစီမံချက်များကိုလည်း ချမှတ်ခြင်းမရှိသေးကြောင်း တောင်ကြီးမြို့နယ်ရဲတပ်ဖွဲ့မှူး ဦးမောင်မောင်နိုင်က ပြောကြားသည်။

တောင်ကြီးမြို့နယ် နမ့်ဆီးကျေးရွာအုပ်စုတွင် ကမ္ဘောဇဘိလပ်မြေစက်ရုံ၊ ပင်းပက်သံမဏိစက်ရုံနှင့် ငွေကမ္ဘာခနောက်စိမ်းစက်ရုံ စသော စက်ရုံသုံးရုံကြောင့် ဒေသခံတစ်သောင်းကျော် ထိခိုက်နစ်နာမှုများစွာ ရှိနေကြောင်း သတင်းစာရှင်းလင်း

ရှမ်းပြည်နယ်တောင်ပိုင်း တောင်ကြီးမြို့နယ် နမ့်ဆီးကျေးရွာအုပ်စုတွင် တည်ဆောက်ထားသော စက်ရုံကြီး သုံးရုံကြောင့် ပြည်သူလူထု တစ်သောင်းကျော် ထိခိုက်နစ်နာမှုများစွာ ရှိနေသည်ဟု “ချယ်ရီမြေမှ အမေ့ လျော့ခံဘ၀များ” သုတေသနစာတမ်း တစ်စောင်တွင် ဖော်ပြထားကြောင်း သတင်းရရှိသည်။

အဆိုပါ ကောင်ရွေလူမှု တရားမျှတမှုနှင့် ဖွံ့ဖြိုးရေးအဖွဲ့က ပြုစုထားသော “ချယ်ရီမြေမှ အမေ့လျော့ခံ ဘ၀များ” သုတေသန စာတမ်း၏ သတင်းစာရှင်းလင်းပွဲကို တောင်ကြီးမြို့ Royal Star Hotel တွင် ဇန်န၀ါရီ ၁၂ ရက် နံနက် ၁၀ နာရီက ပြုလုပ်ခဲ့ခြင်းဖြစ်ပြီး နစ်နာခဲ့သူ ဒေသခံများ၊ အရပ်ဘက် အဖွဲ့အစည်းများ၊ မီဒီယာများ တက်ရောက်ခဲ့ကြကြောင်း သိရသည်။

အဆိုပါ သုတေသန စာတမ်းတွင် ဖော်ပြထားချက်အရ တောင်ကြီးမြို့နယ် နမ့်ဆီးကျေးရွာအုပ်စုတွင် ကျေးရွာပေါင်း ၁၃ ရွာမှ လူဦးရေ ၃၄၆၇ ဦးခန့်ရှိပြီး အဆိုပါ ဒေသအတွင်းရှိ စက်ရုံကြီး သုံးရုံဖြစ်သော (၁) ပင်းပက်သံမဏိစက်ရုံနှင့် ပင်းပက်သံရိုင်း သတ္တုတူးဖော်ရေး၊ (၂) ကမ္ဘောဇဘိလပ်မြေစက်ရုံ၊ (၃) ငွေကမ္ဘာ ခနောက်စိမ်းစက်ရုံ စသော စက်ရုံကြီးသုံးရုံကြောင့် ဒေသတွင်း ထိခိုက်နစ်နာမှုများစွာ ရှိနေရကြောင်း အသေးစိတ် စာရင်းများနှင့်တကွ ဖော်ပြရှင်းလင်းခဲ့ခြင်းဖြစ်သည်။ ကောင်ရွေအဖွဲ့က သုတေသနပြုစုထားသော အချက်များမှာ နမ့်ဆီးကျေးရွာအုပ်စုမှ ကျေးရွာပေါင်း ၁၃ ရွာကိုသာ လေ့လာခဲ့ခြင်းဖြစ်ပြီး အဆိုပါ စက်ရုံကြီး သုံးရုံကြောင့် အမှန်တကယ် ထိခိုက်နစ်နာမှုများမှ ဟိုပုံးမြို့နယ်နှင့် တောင်ကြီးမြို့နယ်တို့တွင် ကျေးရွာပေါင်း ၂၀ ကျော်ရှိပြီး လူဦးရေ တစ်သောင်းကျော်သည် အဆိုပါ ဘေးဒုက္ခများကို ခံစားနေရခြင်းဖြစ်ကြောင်း ဦးဆောင်ရှင်းလင်းသူ ကောင်ရွေအဖွဲ့မှ ဒါရိုက်တာ ဦးခွန်မျိုးက ပြောကြားသည်။

စက်ရုံကြီး သုံးရုံဖြစ်သော (၁) ပင်းပက် သံမဏိစက်ရုံနှင့် ပင်းပက်သံရိုင်း သတ္တုတူးဖော်ရေးကို ၂၀၀၅ ခုနှစ်တွင် စတင်ပြီး အသုံးပြုမြေ ဧရိယာမှာ ၅၁၄၄ ဒသမ ၉၆ ဧကဖြစ်ပြီး နစ်နာကြေး တစ်ဧကကို ကျပ်ငါးထောင်ပေး ခဲ့သော်လည်း တောင်သူများမှ သဘောမတူသဖြင့် မယူခဲ့ကြောင်း၊ (၂) ကမ္ဘောဇဘိလပ်မြေ စက်ရုံကို ၂၀၀၆ ခုနှစ်တွင် စတင်ခဲ့ခြင်းဖြစ်ပြီး အသုံးပြုမြေဧရိယာ ၇၂၈ ဒသမ ၃၁ ဧက ရှိကာ နစ်နာကြေး တစ်ဧကလျှင် ကျပ်တစ်သိန်း ပေးခဲ့ကြောင်း၊ (၃) ငွေကမ္ဘာခနောက် စိမ်းစက်ရုံကို၂၀၁၂ ခုနှစ်တွင် စတင်ခြင်းဖြစ်ပြီး အသုံးပြုမြေ ဧက ၅၀ ကို ဒေသခံများထံမှ ၀ယ်ယူခြင်းဖြစ်ကြောင်း သိရသည်။

ထိုစက်ရုံကြီး သုံးရုံတွင် (၁) အမှတ်-၂ ပင်းပက်သံမဏိစက်ရုံကြီးသည် လုပ်ငန်းမလည်ပတ် သေးသော်လည်း သဘာဝ ပတ်ဝန်းကျင်များအပေါ် သက်ရောက်မှုများဖြစ်သော သစ်တောပြုန်းတီးခြင်း၊ တောတောင်ပျက်စီးခြင်း၊ စားကျက်မြေများ ရှားပါးခြင်း၊ ရွာ၏သင်္ချိုင်းမြေကို သိမ်းဆည်းခံရသဖြင့် ရွာတွင် ဒုက္ခရောက်ရခြင်း၊ တောနေသတ္တ၀ါများ မျိုးသုဉ်းသွားခြင်း၊ ရေဝေရေလဲ ဧရိယာ ပျက်စီးသွားခြင်း၊ ကျန်းမာရေးဆိုင်ရာ အကျိုးသက်ရောက်မှုများ အနေဖြင့် စက်ရုံမှ စွန့်ပစ်ပစ္စည်းနှင့် အနံ့များနံခြင်း၊ စီးပွားရေး အကျိုးသက်ရောက်မှု အနေဖြင့် မြေယာသိမ်းဆည်းမှု ခံရခြင်းကြောင့် ထိုင်းနှင့် တရုတ်နိုင်ငံသို့ ရွှေ့ပြောင်းအလုပ်လုပ်ကြခြင်း၊ ကြုံရာကျပန်းလုပ်ခြင်းနှင့် စိတ်ထိခိုက်သည့် ဝေဒနာများ ခံစားရကြောင်း သိရသည်။

(၂) ကမ္ဘောဇဘိလပ်မြေ စက်ရုံကြောင့် သဘာဝပတ်ဝန်းကျင် ထိခိုက်မှုမှာ ကုန်ကားများကြောင့် ဖုန်ထူထခြင်း၊ စိုက်ပျိုးမြေပေါ်ကျသဖြင့် သီးနှံပျက်စီးခြင်း၊ ကျန်းမာရေးအနေဖြင့် စက်ရုံအသံကြောင့် ညအိပ်မရခြင်း၊ ဖုန်မှုန့်နှင့် မီးခိုးများကြောင့် ရောဂါဖြစ်ခြင်း၊ လူမှုရေးအနေဖြင့် လွတ်လပ်စွာ သွားလာခွင့် ပိတ်ပင်ခြင်း၊ နောင်ချိုရွာ၏ သင်္ချိုင်းကို တိုင်ဖြင့် စိုက်ထူထားခြင်းတို့ ခံစားနေရကြောင်း ဒေသခံများက ပြောကြားသည်။

(၃) ခနောက်စိမ်းသန့်စင် စက်ရုံကြောင့် သဘာဝပတ်ဝန်းကျင်အပေါ် သက်ရောက်မှုမှာ စက်ရုံမှထွက်သည့် မီးခိုးငွေ့များကြောင့် လေထုညစ်ညမ်းခြင်း၊ စက်ရုံမှ စွန့်ပစ်ပစ္စည်းများကြောင့် ညစ်ညမ်းခြင်း၊ ကျန်းမာရေး အနေဖြင့် စက်ရုံ၏အသံနှင့် မီးခိုးများကြောင့် ခေါင်းမူးခြင်း၊ အော့အန်ခြင်းနှင့် ရင်တုန်ခြင်း စသည့်ဝေဒနာများ ခံစားနေရကြောင်း ဒေသခံများက ပြောကြားသည်။

“ဒါကတော့ သုတေသနပြုလုပ်တဲ့ နေရာဒေသကတော့ ဒီကျေးရွာအုပ်စုရဲ့ လူဦးရေ လောက်ပဲရှိတယ်။ တကယ်တမ်း နောက်ဆက်တွဲ ထိခိုက်တာကတော့ အများကြီးပေါ့။ ဟိုပုံးလည်းပါတယ်။ နမ့်တဘတ်ချောင်း တစ်လျှောက်မှာ နေထိုင်တဲ့သူတွေကလည်း အများကြီးပေါ့။ အနည်းဆုံးတော့ လူဦးရေ တစ်သောင်းလောက် ခံစားနေရတယ်လို့ တွက်လို့ရတယ်” ဟု ဦးဆောင်ရှင်းလင်းသူ ကောင်ရွေအဖွဲ့မှ ဒါရိုက်တာ ဦးခွန်မျိုးက ပြောကြားသည်။

ကောင်ရွေအဖွဲ့၏ သုတေသနစာတမ်း နောက်ဆုံးပိုဒ်တွင် အစိုးရနှင့် ဌာနဆိုင်ရာများအပေါ် အကြံပြုချက်တွင် (၁) စက်ရုံအကြောင်း ပွင့်လင်းမြင်သာစွာ ထုတ်ပြန်ပေးရန်၊ (၂) ဥပဒေလိုက်နာမှု ရှိမရှိ ပြန်လည်စိစစ်၍ အရေးယူ ဆောင်ရွက်မှုများ ပြုလုပ်ပေးရန်၊ (၃) အသုံးမပြုသည့် မြေယာများကို ပြန်လည်အပ်နှံရန်၊ (၄) ပင်းပက်ဒေသရှိ ကျေးရွာများသည် မြေယာများ သိမ်းဆည်းခြင်းကြောင့် စီးပွားရေး၊ လူမှုရေးနှင့် ကျန်းမာရေး စိုးရိမ်ရသည့် အခြေအနေတို့ကို အစိုးရအနေဖြင့် လူထုအခြေပြု ဖွံ့ဖြိုးရေးလုပ်ငန်းများကို အကောင်အထည်ဖော် ဆောင်ရွက်ရန်၊ (၅) လူထု၏ ရေရှည်အကျိုးစီးပွားကို ရှေးရှု၍ သဘာဝပတ်ဝန်းကျင်နှင့် လူမှုရေးဆိုင်ရာ ဆိုးကျိုးသက်ရောက်မှုများ ဖြစ်စေသည့် စီမံကိန်းများကို စုံစမ်းစစ်ဆေး၍ ထိရောက်စွာ အရေးယူ ဆောင်ရွက်ပေးပါရန် စသည်ဖြင့် ဖော်ပြပါရှိသည်။ ထို့ပြင် လွှတ်တော်ကိုယ်စားလှယ်များ၊ ကုမ္ပဏီများ အပေါ်လည်း အကြံပြုချက်များ ရေးသားဖော်ပြထားပြီး အလေးထား ဆောင်ရွက်ပေးရန် မျှော်လင့်ပါကြောင်း ဖော်ပြပါရှိသည်။

ရှမ်းပြည်နယ် ဥပဒေဆိုင်ရာအထောက်အကူပေးရေးအဖွဲ့ ဖွဲ့စည်းထားပြီး ဥပဒေ၏ အကာအကွယ်ကို တစ်ပြေးညီ ခံစားနိုင်ရန် အကူအညီပေးမည်ဟုဆို

ရှမ်းပြည်နယ် ဥပဒေဆိုင်ရာ အထောက်အကူပေးရေးအဖွဲ့ဝင်များနှင့် ရှမ်းပြည်နယ် တရားသူကြီးချုပ်တို့တွေ့ဆုံခြင်းနှင့် လုပ်ငန်းစဉ်များ ဆွေးနွေးရှင်းလင်းပွဲပြုလုပ်စဉ်

ရှမ်းပြည်နယ် ဥပဒေဆိုင်ရာ အထောက်အကူပေးရေးအဖွဲ့ကိုဖွဲ့စည်းထားပြီး ဥပဒေ၏ အကာအကွယ်ကို တစ်ပြေးညီခံစားနိုင်ရန် အကူအညီပေးသွားမည်ဖြစ်ကြောင်း၊ သတင်းရရှိသည်။

ရှမ်းပြည်နယ် ဥပဒေဆိုင်ရာအထောက်အကူပေးရေးအဖွဲ့ဝင်များနှင့် ရှမ်းပြည်နယ် တရားသူကြီးချုပ်တို့ တွေ့ဆုံခြင်းနှင့် လုပ်ငန်းစဉ်များ ဆွေးနွေးရှင်းလင်းပွဲကို ရှမ်းပြည်နယ် တရားလွှတ်တော်အစည်းအဝေးခန်းမတွင် ဇန်န၀ါရီ ၅ ရက် နံနက်ပိုင်းက ကျင်းပခဲ့ကြောင်း သိရသည်။

ပြည်ထောင်စုလွှတ်တော်က ပြဋ္ဌာန်းလိုက်သော ဥပဒေဆိုင်ရာ အထောက်အကူပေးရေးဥပဒေအရ ရှမ်းပြည်နယ်ဥပဒေဆိုင်ရာ အထောက်အကူပေးရေးအဖွဲ့ကို အဖွဲ့ဝင် ၁၁ ဦးဖြင့် ၂၀၁၇ ခုနှစ် ဒီဇင်ဘာ ၂၈ ရက်တွင် စတင်ဖွဲ့စည်းထားခြင်းဖြစ်ပြီး ပြည်သူလူထုများအတွက် ဥပဒေဆိုင်ရာအထောက်အကူများကို ကူညီဆောင်ရွက်ပေးမည်ဖြစ်ကြောင်း ဥက္ကဋ္ဌ ဦးရဲနိုင်အောင်က ပြောကြားသည်။

“အဖွဲ့ဖွဲ့ရတဲ့ ရည်ရွယ်ချက်ကတော့ ဥပဒေမှာပြဋ္ဌာန်းထားတဲ့အတိုင်းပဲ ရှစ်ချက်ရှိတယ်။ ပြည်သူတွေ ဥပဒေပါအခွင့်အရေးတွေ ရရှိဖို့၊ ဥပဒေရဲ့အကာအကွယ်ရရှိဖို့နဲ့ တရားဥပဒေစိုးမိုးရေးအတွက် မှုခင်းဖြစ်ပွားမှု လျော့နည်းကျဆင်းအောင် ကြိုတင်လုပ်ငန်းတွေအတွက် ဒါတွေအထိ ဒီအဖွဲ့တွေနဲ့ ဆောင်ရွက်သွားမှာဖြစ်ပါတယ်။ အချုပ်အခြာအာဏာ ဆိုတာရှိတယ်။ ဥပဒေပြုရေး၊ အုပ်ချုပ်ရေးနဲ့ တရားစီရင်ရေးအာဏာသုံးရပ်ကို အချုပ်အခြာ အာဏာလို့ခေါ်တယ်။ တစ်ခုပေါ်တစ်ခု လွှမ်းမိုးလို့မရဘူး။ သို့သော်လည်း အပြန်အလှန် ပေါင်းစပ်ညှိနှိုင်းဆောင်ရွက်မှုသာလျှင် ရှိပါတယ်။ ဥပဒေဆိုတာကတော့ No One is above the Law ဆိုတဲ့အတိုင်းပါပဲ။ ယုတ်လတ်မြတ်မရွေး၊ ဆင်းရဲချမ်းသာမရွေး၊ ရာထူးကြီးငယ်မရွေး၊ လူပုဂ္ဂိုလ်အဖွဲ့အစည်းမရွေးတပြေးညီ ဥပဒေနဲ့အညီဆောင်ရွက်သွားမှာဖြစ်ပါတယ်” ဟု ဥပဒေဆိုင်ရာ အထောက်အကူပေးရေးအဖွဲ့ဥက္ကဋ္ဌ ဦးရဲနိုင်အောင်က ပြောကြားသည်။

“အဓိက ပြစ်မှုဖြစ်နေတဲ့ ပြည်သူတွေ အတွက် အဓိကထားပြီးဆောင်ရွက်မယ်။ ဥပဒေအခန်း (၂) မှာလည်းပါတယ်။ အခြေခံမူလည်းပါတယ်။ အမှုတွေနဲ့ ပတ်သက်ပြီး တော့ သက်သေခံ၊ ဒီဥပဒေမှာထူးခြားတာက သက်သေတွေကိုအာမခံဖို့ အားနည်းနေတာ။ သက်သေတွေကလည်း အမှန်တရားကိုသိရဲ့သားနဲ့ ကြောက်လို့ အမှန်တရားမထွက်တာ တွေပေါ့။ တိုင်စာလို့ပြောပေမဲ့ တိုင်စာလို့ မပြောဘဲ အကူအညီတောင်းစာ၊ အစီရင်ခံစာ မေတ္တာရပ်ခံစာပေါ့။ အဲဒါကို တိုင်တယ်ဆိုတော့ တစ်ဖက်က လုပ်ပေးရမယ့်အဖွဲ့အစည်းက မဟုတ်တာတွေလုပ်လို့ လုပ်ပေးရမယ့် သဘောဖြစ်နေတယ်။ အထောက်အကူပေးရေးအဖွဲ့မှာလည်း ပြစ်မှုနဲ့ပတ်သက်လို့ အကူအညီပေးရေး အတိအလင်းပါတယ်”ဟု ရှမ်းပြည်နယ်ဥပဒေချုပ် ဦးတင်ဦးက ဆိုသည်။

ဥပဒေဆိုင်ရာအထောက်အကူတောင်းခံခွင့်ရှိသူများမှာ ပြစ်မှုတစ်ခုခုဖြင့် စွပ်စွဲခြင်း၊ ထိန်းသိမ်းခြင်း၊ ဖမ်းဆီးခြင်း၊ တရားစွဲဆိုခြင်း၊ ပြစ်မှုချမှတ်ခြင်း၊ အကျဉ်းချခြင်းခံရသည့် ဆင်းရဲနွမ်းပါးသူများ၊ ကလေးသူငယ်များ၊ အမျိုးသမီးများ၊ အထူးပြုစုစောင့်ရှောက်မှုလို အပ်နေသူများ၊ သက်ကြီးရွယ်အိုများ၊ မသန်စွမ်းသူများ၊ ခုခံအားကျဆင်းမှုရောဂါ သို့မဟုတ် အခြား ကူးစက်မြန်ရောဂါခံစားနေရသူများ၊ နိုင်ငံမဲ့များ၊ နိုင်ငံရေးခိုလှုံခွင့်တောင်းခံသူများ၊ နိုင်ငံခြားသားများ၊ ရွှေ့ပြောင်းနေထိုင်သူများ၊ ရွှေ့ပြောင်းလုပ်သားများ၊ ဒုက္ခသည်များကိုလည်းကောင်း၊ ပြစ်မှုကျူးလွန်ခံရခြင်းကြောင့် နစ်နာသူများကိုလည်းကောင်း၊ ထူးခြားသည့် အကြောင်းအရာတစ်ခုခုကြောင့် အကူအညီတောင်းခံလာသည့် ပြစ်မှုနှင့်ဆိုင်သော သက်သေများကိုလည်းကောင်း ဆိုလိုသည်ဟု ဥပဒေတွင် ဖော်ပြပါရှိသည်။

မိတ္ထီလာ-တောင်ကြီးလမ်း သာစည်မြို့အ၀င်တွင် ရေကျော်နေသဖြင့် ခေတ္တလမ်းပိတ်ထားရပြီး မြို့ရှောင်လမ်းမှ မောင်းနှင်နေရ

အောက်တိုဘာ ၁၅ ရက် မွန်းလွဲပိုင်းက မိတ္ထီလာ-တောင်ကြီး လမ်းပိတ်ထားမှုကို တွေ့ရစဉ် (ဓာတ်ပုံ-၀ဏ္ဏ)

မိုးသည်းထန်စွာ ရွာသွန်းပြီး မိတ္ထီလာကန်ရေ ဖောက်ချမှုနှင့် မင်းလှကန် ရေကျော်နေခြင်းတို့ကြောင့် မိတ္ထီလာ-တောင်ကြီးလမ်း သာစည်မြို့ အ၀င်တွင် လမ်းအရှည် ပေတစ်ထောင်ခန့် ရေကျော်နေသဖြင့် အောက်တိုဘာ ၁၄ ရက် ည ၇ နာရီခန့်မှစ၍ ခေတ္တလမ်းပိတ်ထားပြီး မြို့ရှောင်လမ်းမှတစ်ဆင့် မောင်းနှင်ရန် လမ်းညွှန်ဆိုင်းဘုတ်များ စိုက်ထူထားကာ ကားများ ဖြတ်သန်းသွားလာခွင့် မပြုတော့ကြောင်း သိရသည်။

“မနေ့ည ၆ နာရီ မိနစ် ၄၀ ကစပြီး ဆိုင်းဘုတ် Safety အားလုံးစုံတယ်။ မင်းလှကန် ရေကျော်နေသဖြင့် လမ်းလွှဲမှ မောင်းပေးကြပါရန် ဆိုတဲ့စာသား ရောင်ပြန်ဆိုင်းဘုတ်နဲ့ မြားရယ် အားလုံးစနစ်တကျ ဟိုဘက်ဒီဘက် အားလုံးလုပ်ထားပါတယ်။ ရေထဲကို ဖြတ်လို့ရနေပေမယ့် ရေက လက်ရှိ တစ်ပေခွဲလောက် ကျန်နေသေးတယ်။ ရေရှစ်လက်မလောက်ဆိုရင် ဒီဘက်ကပဲ ပြန်လွှတ်မယ်။ ရေကျရင် လမ်းပြင်မယ်။ လမ်းပေါက်ဖာတာက နာရီဝက်အတွင်းပြီးတယ်။ ကတ္တရာက ရေခြောက်သွားတာနဲ့ ချက်ချင်းပြန်ခင်းလို့ရတယ်။ ကျောက်ကားတွေဘာတွေ အားလုံး အဆင်သင့်လုပ်ထားတယ်။ သာစည်ကနေ သပြေ၀၊ သပြေ၀ကနေ တစ်ဆင့် မိတ္ထီလာမြို့ရှောင်လမ်းကို လမ်းလွှဲထားပါတယ်။ အခက်အခဲတော့ သိပ်မရှိပါဘူး” ဟု တောင်ပေါ်ဒေသ ဆောက်လုပ်ရေးကုမ္ပဏီမှ လမ်းပိုင်းတာဝန်ရှိသူ တစ်ဦးက အောက်တိုဘာ ၁၅ ရက် မွန်းလွဲပိုင်းက ပြောကြားသည်။

“ပရစ်ရိုး၊ မြင်းကွက်တို့က ကန်တွေမနိုင်တဲ့အတွက် အကုန်ကျိုးကုန်တယ်။ ကျိုးကုန်တဲ့အတွက် မင်းလှကန်ထဲ ရေ၀င်တဲ့ ဆည်ပေါက်က ပြွန်ပေါက်နှစ်လုံးက ရေထွက်ပေါက် ၀င်ပေါက် မမျှဘူးဖြစ်နေတယ်။ ရေ၀င်ပေါက်က ပေအစိတ်လောက်ရှိတယ်။ ရေထွက်ပေါက်က သုံးပေပြွန် နှစ်ပေါက်ပဲရှိတယ်။ ရေ၀င်ရေထွက် မမျှတတဲ့ အတွက် ယာခင်းတွေဘာတွေ မြုပ်ကုန်တာလည်းရှိတယ်။ ဒီမင်းလှကန်ပေါင် ပြွန်ပေါက်ကြီး လုပ်တဲ့နေ့ကစပြီး အခက်အခဲ ဖြစ်တော့တာပဲ။ ပြွန်ပေါက်ကိုဖျက်ပြီး ရေကျော်ပုံစံနဲ့ လုပ်မယ်ဆိုရင် အဆင်ပြေမယ်။ ကားလမ်းမပေါ် ရေကျော်နေတာ ပေတစ်ထောင်လောက်ရှိမယ်။ သံလမ်းအောက်က ကျောက်သားထဲလည်း ရေဖြတ်တယ်။ ရထားအသွားအလာတော့ မပျက်သေးဘူး။ ဒီဘက်ကွမ်းခြံရိုးထိပ်ကတော့ ရေတစ်မိုက်လောက် ပြေးနေတော့ ရွာသားတွေအားနဲ့ ရေမ၀င်အောင် ပိတ်ထားရတယ်။ သာစည်သွားမယ့် ဆိုင်ကယ်တွေတော့ မင်းလှကန်ပေါင်ကနေ ဖြတ်သွားလို့ရတယ်။ ကားတော့ ကန်ပေါင်က အဖြတ်မခံဘူး” ဟု ကွမ်းခြံရိုးကျေးရွာ အုပ်ချုပ်ရေးမှူး ဦးစံသိန်းက အောက်တိုဘာ ၁၅ ရက် မွန်းလွဲပိုင်းက ပြောကြားသည်။

မိတ္ထီလာ-တောင်ကြီးလမ်း မိုင်တိုင် ၁၁ အနီး မိတ္ထီလာဘက်မှ သာစည်မြို့အ၀င်တွင် မိုးများပြီး မိတ္ထီလာကန်ရေ ဖောက်ချခြင်းနှင့် မင်းလှကန် ရေကျော်ခြင်းတို့ကြောင့် အောက်တိုဘာ ၁၄ ရက် နံနက်မှစတင်ပြီး လမ်းရေကျော်လာကာ အဆိုပါနေ့ ညပိုင်းတွင် လမ်းခေတ္တပိတ်ခဲ့ရပြီး အောက်တိုဘာ ၁၅ ရက် ညနေပိုင်းအထိ မိတ္ထီလာမြို့ရှောင်လမ်းမမှ သပြေ၀၊ သပြေ၀မှတစ်ဆင့် သာစည်မြို့သို့  ရှောင်ကွင်းမောင်းနှင်နေရဆဲဖြစ်ပြီး မိတ္ထီလာ-တောင်ကြီးလမ်းမှာ ပုံမှန်ချိန်တွင် ခရီးသွား ကားကြီး၊ ကားငယ်နှင့် ကုန်တင်ကား တစ်ရက်လျှင် အစီး ၅၀၀ ခန့် ဖြတ်သန်းသွားလာလေ့ရှိသော လမ်းမကြီးဖြစ်သည်။

 

၂၀၁၇ ခုနှစ် တောင်ကြီးတန်ဆောင်တိုင် မီးပုံးပျံပွဲတော်တွင် ကွင်းပတ်လည်၌ ပျံကျဈေးသည်များ ရောင်းချခွင့်ပြုတော့မည် မဟုတ်ကြောင်း ဦးစီးကော်မတီအဖွဲ့ ပြောကြား

တောင်ကြီးတန်ဆောင်တိုင် မီးပုံးပျံပွဲတော်ကြီးအတွက် ပြင်ဆင်နေသည်ကို အောက်တိုဘာ ၁၁ ရက်က တွေ့ရစဉ်

၂၀၁၇ ခုနှစ် တောင်ကြီးတန်ဆောင်တိုင် မီးပုံးပျံပွဲတော်တွင် အဝေရာ ကုန်းသာယာ မီးပုံးပျံလွှတ်တင်မည့် ကွင်းပတ်ပတ်လည်၌ ပျံကျဈေးသည်များကို ရောင်းခွင့်ပြုတော့မည် မဟုတ်ကြောင်း ဦးစီးကော်မတီဝင်များက အောက်တိုဘာ ၁၁ ရက်တွင် ပြောကြားသည်။

ယခင်နှစ် ၂၀၁၆ ခုနှစ်က မီးပုံးပျံကွင်း ဘေးပတ်ပတ်လည်တွင် ပျံကျဈေးသည်များကို ဈေးရောင်းခွင့် မပြုတော့သဖြင့် ပျံကျဆိုင်ခန်းနှင့် ဈေးသည်တစ်ရာကျော်တို့က ဆန္ဒဖော်ထုတ်ခြင်း ဖြစ်ပွားခဲ့ပြီး ပြန်လည်ရောင်းချခွင့် ပြုခဲ့ရကြောင်း၊ အဆိုပါ စည်းကမ်းချက် ထည့်သွင်းခြင်း မရှိသဖြင့် ယခင်နှစ်က လေလံကြေး ကျပ်သိန်း ၂၄၀၀ ခန့်သာ ရရှိခဲ့ပြီး ဈေးနှိမ်ခြင်း များရှိခဲ့ကြောင်း၊ ယခုနှစ်တွင်မူ ပွဲလာပရိသတ်များ အန္တရာယ် ကင်းရှင်းစေရေးအတွက် မီးပုံးပျံလွှတ်တင်မည့် ကွင်းဘေးပတ်ပတ်လည်တွင် ပျံကျဈေးသည်များကို ရောင်းချခွင့် မပြုတော့ဘဲ၊ ပျံကျဈေးသည်များအတွက် နေရာတစ်ခုကိုလည်း သတ်မှတ်ပေးသွားမည် ဖြစ်ကာ၊ လုံခြုံရေးအဖွဲ့များဖြင့် စည်းကြပ်သွားမည်ဖြစ်ကြောင်း ဘဏ္ဍာရေးဝန်ကြီး ဦးစိုင်းရှဲန် တစ်လုံက ပြောကြားသည်။

“မီးပုံးပျံကွင်းဘေးနားမှာ ကျွန်တော်တို့ ပြောထားတယ်။ ဘယ်ဆိုင်မှ ပေးမဖွင့်ဘူး။ လေလံရတဲ့သူသည် ပျံကျနေရာ သတ်မှတ်ဖို့၊ တစ်နေရာ သတ်မှတ်ပေးလိုက် အဲဒီနေရာကိုသွား၊ ကွင်းထဲကိုတော့ မလာနဲ့ လုံခြုံရေး ကော်မတီကနေ တာဝန်ယူပေးရမယ်။ ဒါဘဏ္ဍာငွေရှာဖွေတဲ့ ကော်မတီက လုံခြုံရေးနဲ့တော့ တိုက်ရိုက်မပတ်သက်ဘူး။ နယ်လုံဝန်ကြီးကို ပြောထားတယ်။ အဲဒီပျံကျဈေးသည်မှာ ပြဿနာရှိလိမ့်မယ်။ အဲဒီတော့ ရထားတဲ့ လုပ်ငန်းရှင်က ပျံကျနေရာကို သတ်မှတ်ပေးမယ်။ ပျံကျဆိုရင် အဲဒီနေရာကို သွားပါ။ ကွင်းထဲမှာ ဘယ်ဆိုင်ခန်းမှ မရှိစေဖို့ လုံခြုံရေး တာဝန်ယူပေးပါလို့ ဆိုပြီးတော့ လုံခြုံရေးတွေ အားလုံးဝိုင်း စည်းကြပ်မှရမယ်” ဟု ဘဏ္ဍာရေးဝန်ကြီး ဦးစိုင်းရှဲန်တစ်လုံက ပြောကြားသည်။

ယခင်နှစ်က အထူးတန်းပွဲကြည့်စင်ကို တည်ဆောက်ရန် စီစဉ်ခဲ့ပြီး ပြည်သူလူထု ကန့်ကွက်ခြင်းကြောင့် ပွဲကြည့်စင် ပျက်ပြယ်ခဲ့ရပြီး ယခုနှစ်တွင်လည်း အထူးတန်းပွဲကြည့်စင် ပါဝင်မည် မဟုတ်ကြောင်း၊ အဝေရာ ကုန်းသာယာ မီးပုံးပျံကွင်းထဲတွင် လွတ်လပ်စွာ အများပြည်သူ မီးပုံးပျံပွဲကြည့်ရှုနိုင်ရန် စီစဉ်ထားကြောင်း သိရသည်။

အဆိုပါ မီးပုံးပျံလွှတ်တင်ရာ ကွင်းပတ်ပတ်လည်တွင် ဈေးဆိုင်ခန်းများ ထားရှိခြင်းကြောင့် မီးပုံးပျံလွှတ်တင်ရာတွင် အန္တရာယ်များစေပြီး ဈေးဆိုင်ခန်းများကြောင့် လှုပ်ရှားပြေးလွှားရန် နေရာကြပ်တည်းလျက် ရှိခြင်းတို့ကြောင့် ယခုနှစ်တွင် ကွင်းပတ်ပတ်လည် ပျံကျနှင့် ဈေးဆိုင်ခန်းများကို မဖွင့်စေဘဲ လမ်းကြပ်တည်းမှု ပြဿနာများကို ဖြေရှင်းဆောင်ရွက်ထားရှိခြင်း ဖြစ်ကြောင်း ရှမ်းပြည်နယ် အစိုးရအဖွဲ့က ပြောကြားသည်။

ထို့ပြင် ယခုနှစ် ၂၀၁၇ ခုနှစ်တွင် တောင်ကြီး တန်ဆောင်တိုင် မီးပုံးပျံပွဲတော်ကြီးတွင် မီးပုံးပျံနေ့လွှတ်၊ ညလွှတ်များအတွက် ဆုကြေးငွေများကို တိုးမြှင့်ထားပြီး ယခင်နှစ်ကထက် ၇၈ သိန်း ပိုမိုချီးမြှင့်ပေးထားကြောင်း တန်ဆောင်တိုင် မီးပုံးပျံပွဲတော် ကျင်းပရေး ဦးစီးကော်မတီ ဥက္ကဌဖြစ်သူ လူမှုရေးဝန်ကြီး ဒေါက်တာမျိုးထွန်းက ပြောကြားသည်။

ထို့ပြင် တောင်ကြီးတန်ဆောင်တိုင် မီးပုံးပျံပွဲတော်ကြီးကို အဝေရာကွင်းတွင် ယခုနှစ် နောက်ဆုံးထားပြီး ကျင်းပသွားမည်ဟု ကောလဟာလများ ထွက်ပေါ်နေပြီး အဆိုပါ ဖြစ်စဉ်နှင့်ပတ်သက်၍ ရှမ်းပြည်နယ် မီးပုံးပျံပညာရှင်များ အသင်းဥက္ကဋ္ဌဖြစ်သူ ဒေါက်တာသန်းဝင်းက ထိုဖြစ်စဉ်ကို မှတ်ချက်မပေးလိုကြောင်း၊ ဖြစ်လာခဲ့လျှင်လည်း နောင်တစ်ချိန်တွင် ရှမ်းပြည်နယ် ပြည်သူလူထုအပိုင် ကွင်းတစ်ကွင်းကို ပြည်သူပိုင် ကွင်းအဖြစ် ရရှိအောင် တင်ပြတောင်းဆိုသွားရမည် ဖြစ်ကြောင်း ပြောကြားသည်။

“အဲဒါကို ရှမ်းပြည်နယ် ပြည်သူလူထုပိုင် ရှမ်းပြည်နယ် အစိုးရပိုင်ကွင်းပေါ့။ ဖြစ်အောင် တရားဝင် ၁၀၅ ပေါက်အောင် သက်ဆိုင်ရာ အာဏာပိုင်တွေထံကို တွန်းတွန်းတိုက်တိုက်နဲ့ တောင်းဆိုပေးမယ်ပေါ့။ အဲဒါကတော့ ကောလာဟာလလည်း ဖြစ်ချင်ဖြစ်မယ်။ အတည်လည်း ဖြစ်ချင်ဖြစ်မယ်။ မှတ်ချက်မပေးလိုပါဘူး။ ကျွန်တော်တို့လည်း ကြားပါတယ်။ နှစ်နှစ်ဖြစ်မယ်။ တစ်နှစ်ဖြစ်မယ်ပေါ့။ မြို့အထွက် လေးမိုင်ကို ရွေ့ဖို့ပေါ့။ ဒါတွေက ခိုင်ခိုင်လုံလုံ မသိရသေးတော့ အတည်မပြုသေးဘူး။ ဖြစ်လာမယ် ဆိုရင်လည်း ကျွန်တော်တို့ဆီမှာ မြေနေရာ မရှိတဲ့အတွက် အစိုးရစီမံပေးတဲ့ နေရာမှာပဲ သွားလွှတ်ရမှာပေါ့နော်” ဟု ရှမ်းပြည်နယ်ရိုးရာ မီးပုံးပျံပညာရှင်အသင်း ဥက္ကဋ္ဌ ဒေါက်တာသန်းဝင်းက ပြောကြားသည်။