တောင်သူများ သီးနှံပေါ်ချိန်တွင် နိုင်ငံခြားငွေကြေး တည်ငြိမ်ရန် စီမံဆောင်ရွက်ခြင်းကို စီစဉ်ဆောင်ရွက်မည်ဟု ဒုတိယသမ္မတ ပြောကြား

သံလျင်မြို့နယ်အတွင်း ပဲနုတ်သိမ်းသည့် လုပ်ကွက်အချို့ကို တွေ့ရစဉ် (ဓာတ်ပုံ-ကြည်နိုင်)

တောင်သူများ သီးနှံပေါ်ချိန်၌ နိုင်ငံခြားငွေကြေး တည်ငြိမ်ရန်အတွက် စီမံဆောင်ရွက်ခြင်းတို့ကို စီစဉ်ဆောင်ရွက်သွားမည် ဖြစ်ကြောင်း ဒုတိယသမ္မတ ဦးဟင်နရီဗန်ထီးယူက ရန်ကုန်မြို့ရှိ ကုန်သည်စက်မှု အသင်းချုပ်၌ ကျင်းပသည့် မြန်မာ့ပဲမျိုးစုံ၊ ပြောင်း၊ နှမ်း စိုက်ပျိုးထုတ်လုပ် တင်ပို့ရောင်းချမှု ဖွံ့ဖြိုးတိုးတက်ရေး ဆွေးနွေးပွဲတွင် ပြောကြားသည်။

ထို့ပြင် ဈေးကွက်ဝင်စိုက်ပျိုးရေး ထုတ်ကုန်များ ပြောင်းလဲထုတ်လုပ်ရေး၊ ပိုမိုထုတ်လုပ်ရေး ရည်မှန်းချက်များကို ကာလတို ကာလလတ် ကာလရှည် စီမံကိန်းများဖြင့် ဆောင်ရွက်ကြစေလိုကြောင်း ဒုတိယသမ္မတ ဦးဟင်နရီဗန်ထီးယူက ပြောကြားခဲ့သည်။

“ကာလတိုအနေနဲ့ လက်ရှိဖြစ်ပေါ်နေတဲ့ ပိုလျှံပဲများ ရောင်းချရေးကိစ္စများ၊ ဈေးကွက်ဝင်သီးနှံများ စိုက်ပျိုးထုတ်လုပ်နိုင်ရေး ကိစ္စများကို တောင်သူများကို အသိပေးခြင်း ကိစ္စများကို ကျယ်ကျယ်ပြန့်ပြန့် ဆောင်ရွက်ကြစေ လိုပါတယ်” ဟု ၎င်းကဆိုသည်။

ကာလလတ်အနေဖြင့် ပြောင်းလဲစိုက်ပျိုး ထုတ်လုပ်ရရှိသည့် သီးနှံများအတွက် တောင်သူများကို မျိုးစေ့နှင့် စိုက်ပျိုးရေး နည်းပညာ၊ ရိတ်သိမ်းချိန်လွန် နည်းပညာများ ကူညီထောက်ပံ့ခြင်း၊ ဈေးကွက်ရရှိနိုင်ရေး စီမံဆောင်ရွက်ခြင်း၊ တောင်သူများ သီးနှံပေါ်ချိန် နိုင်ငံခြားငွေကြေး တည်ငြိမ်ရေး စီမံဆောင်ရွက်ခြင်းတို့ကို စီစဉ်ဆောင်ရွက်မည် ဖြစ်ကြောင်း သိရသည်။

“ကာလရှည်အနေဖြင့် တောင်သူလယ်သမား အများပြည်သူ အပါအ၀င် နိုင်ငံတ၀န်း ဖွံ့ဖြိုးတိုးတက်ရေးအတွက် စိုက်ပျိုးရေးကဏ္ဍအတွက် National Agriculture Master Plan တစ်ခု တည်ဆောက်စေလိုပါတယ်” ဟု ဒုတိယသမ္မတ ဦးဟင်နရီဗန်ထီးယူက ဆိုသည်။

မြန်မာနိုင်ငံ၏ ပဲမျိုးစုံ စိုက်ပျိုးထုတ်လုပ်နိုင်မှုသည် အရှေ့တောင်အာရှနိုင်ငံများ အနေဖြင့် ဦးဆောင်နိုင်ငံတစ်ခု ဖြစ်ကြောင်း၊ ၂၀၁၇-၂၀၁၈ ခုနှစ်တွင် မိုးရာသီတွင် စိုက်ဧကပေါင်း ၃ ဒသမ ၈၉ သန်းနှင့် ဆောင်းရာသီတွင် ၇ ဒသမ ၀၇ ဧကသန်းဖြင့် စုစုပေါင်း ပဲမျိုးစုံ စိုက်ဧရိယာ ဧကသန်းပေါင်း ၁၀ ဒသမ ၉၆ သန်းကို စိုက်ပျိုးထုတ်လုပ် နိုင်ခဲ့ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူက သြဂုတ် ၁၈ ရက်က ပြောကြားသည်။

“ထွက်ရှိချက်က တင်းသန်းပေါင်း ၁၇၇ တင်းသန်းခန့် ထွက်ရှိခဲ့ပါတယ်။ မိုး၊ ဆောင်း သီးနှံ စုစုပေါင်း စိုက်ဧရိယာဧကရဲ့ ၂၁ ရာခိုင်နှုန်းခန့်ဟာ ပဲမျိုးစုံစိုက်ပျိုးတဲ့ ဧရိယာများ ဖြစ်ပါတယ်။ ယခုအနေနဲ့ကတော့ မိုးကြိုနဲ့ မိုး ပဲမျိုးစုံ စိုက်ပျိုးထုတ်လုပ်နိုင်မှု အနေအထားကတော့ စိုက်ဧက ၂ ဒသမ ၀၉ သန်းကို စိုက်ပျိုးပြီး ဖြစ်တယ်လို့ စာရင်းတွေအရ သိရပါတယ်” ဟု ဒေါက်တာအောင်သူက ဆက်လက်ပြောကြားသည်။

မတ်ပဲစိုက်ပျိုးချိန်မှာ မြန်မာနိုင်ငံအလယ်ပိုင်းတွင် မေလမှ ဇွန်လအထိ၊ မိုးနှောင်း (အောက်တိုဘာမှ နိုဝင်ဘာလ)၊ မိုးနှောင်း နိုဝင်ဘာလမှအပြီး ဆောင်းရာသီ (ဒီဇင်ဘာလအထိ) စိုက်ပျိုးလေ့ရှိကြောင်း သိရသည်။

ပဲစင်းငုံ၏ စိုက်ပျိုးချိန်မှာ မေလလယ်မှ သြဂုတ်လအထိဖြစ်ပြီး ထွက်ရှိချိန်မှာ ဇန်န၀ါရီမှ မတ်လအထိ ဖြစ်သည်။

ပဲတီစိမ်းကို မိုးကြိုအဖြစ် ဖေဖော်ဝါရီမှ မတ်လအထိ မိုးရာသီ (မေလ၊ သြဂုတ်လ)၊ ဆောင်းရာသီ (စက်တင်ဘာမှ အောက်တိုဘာလအထိ) စိုက်ပျိုးလေ့ရှိကြောင်း စီးပွားရေးနှင့် ကူးသန်းရောင်းဝယ်ရေး ၀န်ကြီးဌာနမှ သိရသည်။

စစ်ကိုင်းတိုင်းဒေသကြီးအတွင်းရှိ တောင်သူများအတွက် ပုံစံ (၇) အမည်ပြောင်းကိစ္စနှင့်ပတ်သက်၍ ရှေးမူလမ်းဟောင်းအတိုင်းမလိုက်ဘဲ မလိုလားအပ်သည့်အချက်များ ပယ်ဖျက်ပေးရန် တိုင်းဒေသကြီးလွှတ်တော်တွင် မေးမြန်း

စစ်ကိုင်းတိုင်းဒေသကြီးအတွင်းရှိ တောင်သူများအတွက်ပုံစံ (၇) အမည်ပြောင်းကိစ္စ နှင့် ပက်သက်၍ ရှေးမူအတိုင်း လမ်ဟောင်းအတိုင်းမလိုက်ဘဲ မလိုလားအပ်သည့် အချက်များကို ပယ်ဖျက်ပေးရန် တိုင်းဒေသကြီးလွှတ်တော်တွင် မေးခွန်းမေးမြန်းခဲ့ကြောင်း သိရသည်။

သြဂုတ်၇ရက်က ကျင်းပသည့် ဒုတိယအကြိမ် စစ်ကိုင်းတိုင်းဒေသကြီး လွှတ်တော် (၁၅) ကြိမ်မြောက် ပုံမှန်အစည်းအဝေးတွင် စစ်ကိုင်းတိုင်းဒေသကြီးအတွင်းရှိ ဒေသခံတောင်သူများ ကြုံတွေ့ခံစားနေရသည့် ပုံစံ (၇) အမည်ပြောင်းကိစ္စများပို၍ မြန်ဆန်စွာ ဆောင်ရွက်နိုင်ရေးအတွက် ရှေးမူအတိုင်း လမ်းဟောင်းအတိုင်း လိုက်မနေဘဲ မလိုလားသည့် အချက်များအား ပယ်ဖျက်ပြီး ဥပဒေ လုပ်ထုံးလုပ်နည်းကိစ္စများအား ဖြေလျော့ကာယခုထက်ပို၍ လျင်မြန်စွာ ဆောင်ရွက်နိုင်ရန် စီစဉ်ဆောင်ရွက်ပေးနိုင်ခြင်း ရှိ မရှိ သိလိုကြောင်း ကသာမြို့နယ်မဲဆန္ဒနယ်မြေ အမှတ် (၂) တိုင်းဒေသကြီးလွှတ်တော်ကိုယ်စားလှယ် ဦးညီညီထွန်းက မေးမြန်းခဲ့ခြင်းကြောင်း သိရသည်။

“နယ်တွေမှာပုံ (၇) နဲ့ပတ်သက်ပြီးတော့ နာမည်ပြောင်းလို့ မရတာတွေ ပုံ (၇) နဲ့ပတ်သက်ပြီးတော့ ယောက်ျားသေတယ်။ ကျန်ရစ်တဲ့မိန်းမဖြစ်သူရဲ့ နာမည်ပြောင်းမရလို့ ချေးငွေမရတာတွေ နယ်တွေမှာအများကြီး ဖြစ်နေတယ်။ ဒီကိစ္စကို ဖြေးရှင်းပေးဖို့အတွက် ရှေးမူအတိုင်းမလိုက်ဘဲနဲ့ အရင်လူတွေ သွားထားတဲ့လမ်းဟောင်းအတိုင်း မလိုက်ဘဲနဲ့ ကျွန်တော်တို့ အစိုးရလက်ထက်မှာ ပိုပြီးတော့ မြန်ဆန်လာအောင် လုပ်ပေးသင့်တယ်။ ပုံစံ (၇) မရတော့ တောင်သူတွေမှာ ချေးငွေမရဘူး။ လိုအပ်မယ့် ထောက်ခံချက်ကလည်း အများကြီးရှိတယ်။ တောင်သူတွေဘက်က လိုအပ်တဲ့ထောက်ခံချက်တွေ ယူပေးနိုင်တယ်။ ဒါပေမဲ့ လုပ်ထုံးလုပ်နည်းအရ ခရိုင်တရားရုံးမှာ အမှုရင်ဆိုင်ရဦးမယ်” ဟု ကသာမြို့နယ် မဲဆန္ဒနယ်မြေအမှတ် (၂) တိုင်းဒေသကြီး လွှတ်တော်ကိုယ်စားလှယ် ဦးညီညီထွန်းက ပြောကြားသည်။

လက်ရှိတွင် လုပ်ပိုင်ခွင့်လယ်ယာမြေ အားလုံး (သို့မဟုတ်) တစ်စိတ်တစ်ပိုင်းအား သတ်မှတ်ထားသည့် စည်းကမ်းနှင့်အညီ ရောင်းချခွင့်၊ ပေါင်နှံခွင့်ငှားရမ်းခွင့် လဲလှယ်ခွင့်ပေးထားကြောင်း၊ အမွေဆက်ခံခြင်းနှင့် ပတ်သက်၍ တည်ဆဲဥပဒေအရတရားရုံး၏ အဆုံးအဖြတ်ပိုင်ခွင့် ရယူရမည်ဟု ပြဋ္ဌာန်းထားကြောင်း စစ်ကိုင်းတိုင်းဒေသကြီးအစိုးရ အဖွဲ့ဝင် စိုက်ပျိုးရေး၊ မွေးမြူရေးနှင့်ဆည် မြောင်းဝန်ကြီး ဦးကမ်ဇာမုံက ဆိုသည်။

“ဒေသခံတောင်သူတွေအနေနဲ့ကတော့ သက်ဆိုင်ရာ တရားရုံးတွေနဲ့ ဆက်သွယ်ဆောင်ရွက်ကြတဲ့နေရာမှာ အခက်အခဲတွေ ဖြစ်ပေါ်နေတယ်။ လယ်ယာမြေလုပ်ပိုင်ခွင့်ကို ရောင်းချခြင်း၊ ပေါင်းနှံခြင်း လဲလှယ်ခြင်းကိစ္စရပ်တွေမှာ လယ်အခက်အခဲတွေ ဖြစ်ပေါ်နေတယ်။ လယ်ယာမြေစီမံခန့်ခွဲမှု အဖွဲ့ရဲ့ရှေ့မှာ တံဆိပ်ခေါင်းနဲ့အတူ စာချုပ်ချုပ်ဆိုရမှာ ဖြစ်ပါတယ်။ အဲဒီစာချုပ်ကို ရက်ပေါင်းတစ်ရာအတွင်းမှာပဲ သက်ဆိုင်ရာဌာနကိုပေးပို့ပြီး မှတ်ပုံတင်ရမယ်လို့ ပြဋ္ဌာန်းထားပေမယ့် အဲဒီလို လုပ်ကြမယ့် လူတွေက မရှိသေးဘူး” ဟု စစ်ကိုင်းတိုင်းဒေသကြီးအစိုးရ အဖွဲ့ဝင်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးကမ်ဇာမုံက ဆက်လက်ပြောကြားသည်။

တောင်သူလယ်သမားများ၏ ပုံစံ (၇)ထဲတွင် ငါးဧကဟု ရေးထားသော်လည်းအပြင်မှာ ၁၀ဧကအထိရှိနိုင်ကြောင်း၊ ချေးငွေထုတ်ချေးပေးရာတွင်လည်း လယ်ယာမြေဧက အမှန်မဟုတ်သည့် မကျေနပ်မှုအချို့လည်းရှိကြောင်း၊ ပုံစံ (၇) ထဲတွင် သတ်မှတ်ထားသည့် လယ်ယာမြေဧကထက် ကျော်လွန်ကာ ချေးငွေထုတ်ချေးပေးတာမျိုးလည်း ရှိကြောင်း၊ အဆိုပါကိစ္စရပ်များကို သက်ဆိုင်ရာဌာနက သေချာစိစစ်ပေးရန်လိုအပ်ကြောင်း ဦးညီညီထွန်း၏ ပြောပြချက်အရ သိရသည်။

 

လယ်ယာကဏ္ဍနှင့် လယ်ယာကိုအခြေခံသော စီးပွားရေးကဏ္ဍ လုပ်ငန်းဆောင်ရွက်သည့် တောင်သူများသို့ စိုက်ပျိုးရေးနှင့် ကျေးလက်ဒေသဖွံ့ဖြိုးရေး နှစ်ဆင့်ချေးငွေများ ထုတ်ချေးလျက်ရှိ

ဧရာဝတီတိုင်းဒေသကြီးအတွင်းရှိ လယ်ယာလုပ်ငန်းခွင်တစ်ခုအား တွေ့ရစဉ် (ဓာတ်ပုံ-မင်းသူဝင်းထွဋ်)

တောင်သူများအတွက် စိုက်ပျိုးရေးနှင့် ကျေးလက်ဒေသဖွံ့ဖြိုးရေး နှစ်ဆင့်ချေးငွေ (Two Step Loan) ချေးငွေအဖြစ် လယ်ယာကဏ္ဍနှင့် လယ်ယာကိုအခြေခံသော စီးပွားရေးကဏ္ဍ လုပ်ငန်းဆောင်ရွက်သည့် တောင်သူများသို့ နှစ်တိုနှစ်ရှည်ချေးငွေများကို ပြည်နယ်နှင့် တိုင်းဒေသကြီး၊ ခရိုင်၊ မြို့နယ်အလိုက် လယ်ယာဖွံ့ဖြိုးရေးဘဏ်ခွဲများမှ ချေးငွေစည်းကမ်းသတ်မှတ်ချက်များနှင့်အညီ ထုတ်ချေးပေးလျက်ရှိကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ သိရသည်။

ပြည်တွင်းအသားတင်ထုတ်လုပ်မှုနှင့် ၀န်ဆောင်မှုတန်ဖိုး (GDP) ၏ ရာခိုင်နှုန်း  ၃၀ ခန့်ကို လယ်ယာကဏ္ဍမှ ရရှိသော်လည်း တောင်သူလယ်သမားအများစုမှာ လူမှုစီးပွား နိမ့်ကျနေသဖြင့် လယ်ယာထွက်ကုန်သီးနှံများကို ဈေးပြိုင်စနစ်ဖြင့် ရောင်းချသည့် စနစ်ဖြစ်သော နိုင်ငံတကာဈေးကွက်များ ပေါ်ပေါက်လာရေးအတွက် စနစ်တကျ စီမံဆောင်ရွက်နေပြီဖြစ်ကြောင်း ၂၀၁၈ ခုနှစ် မတ် ၂ ရက်တွင်ကျရောက်သည့် တောင်သူလယ်သမားနေ့ အခမ်းအနားသို့ ယခင်နိုင်ငံတော်သမ္မတ ဦးထင်ကျော်ထံမှ ပေးပို့သည့်သ၀ဏ်လွှာတွင် ထည့်သွင်းပြောကြားထားသည်။

ယင်းကဲ့သို့ တောင်သူလယ်သမားများ လူမှုဘ၀စီးပွားရေး နိမ့်ကျနေမှုများကို မြှင့်တင်ပေးနိုင်ရန်အတွက် ရည်မှန်းချက် ၁၁ ခုကို ချမှတ်ဆောင်ရွက်လျက်ရှိသည်။ အဆိုပါ ရည်မှန်းချက်ကို အကောင်အထည်ဖော် ဆောင်ရွက်ရန် မူဝါဒ ၁၀ ချက်ကို အခြေခံပြီး စိုက်ပျိုးရေး၊ မွေးမြူရေးနှင့် ထုတ်လုပ်မှု စွမ်းအားမြင့်မားခြင်းနှင့်အတူ လုပ်ကွက်ငယ် တောင်သူလယ်သမားများ၏ ၀င်ငွေပါ တိုးတက်လာစေခြင်း၊ စားသုံးသူအတွက် ဘေးအန္တရာယ်ကင်း၍ အဟာရပြည့်ဝသော စားနပ်ရိက္ခာ ထုတ်လုပ်နိုင်ခြင်း၊ လယ်ယာစီးပွားရေး လုပ်ငန်းများ ဖွံ့ဖြိုးလာခြင်းနှင့်အတူ နိုင်ငံတကာဈေးကွက်နှင့် ချိတ်ဆက်၍ လယ်ယာထွက်ကုန်များ ပြည်ပသို့ပိုမိုတင်ပို့နိုင်ခြင်း၊ ကျေးလက်ဒေသ လူမှုစီးပွားရေးဘ၀ တိုးတက်လာခြင်းတို့ကို စီမံဆောင်ရွက်လျက်ရှိကြောင်း သိရသည်။

မြန်မာနိုင်ငံအနေဖြင့် လာမည့်နှစ်အနည်းအငယ်အတွင်း တိုးပွားလာမည့် လူဦးရေအတွက် နိုင်ငံ၏ စားနပ်ရိက္ခာလုံခြုံစိတ်ချရရုံသာမက နိုင်ငံတကာဈေးကွက်သို့ ပိုမိုတိုးတက် တင်ပို့ရောင်းချနိုင်ရေး ရည်မှန်းချက်ဖြင့် သီးနှံစိုက်ပျိုးထုတ်လုပ်မှုကို ဘက်ပေါင်းစုံမှ အရှိန်အဟုန်မြှင့် အားပေးဆောင်ရွက်လျက်ရှိကြောင်း သိရသည်။

စိုက်ပျိုးရေးထွက်ကုန်များ ဈေးကောင်း ရရှိရေးနှင့် အခြေခံစိုက်ပျိုးထုတ်လုပ်ကြသည့် တောင်သူလယ်သမားများ ၀င်ငွေတိုးတက်ရရှိစေရန် နိုင်ငံတကာဈေးကွက်သို့ ယှဉ်ပြိုင်တင်ပို့နိုင်ရန် နိုင်ငံတကာအဆင့်မြင့် ဆန်စက်နှင့် ဆီစက်များ၊ သစ်သီးဝလံ အဆင့်မြင့်သန့်စင်စက်နှင့် ခေတ်မီထုပ်ပိုး စက်များဖြင့် ထုတ်လုပ်တင်ပို့ရောင်းချနိုင်ရေး လုပ်ငန်းစဉ်ကိုလည်း အားပေးမြှင့်တင်  ဆောင်ရွက်လျက်ရှိကြောင်း သိရသည်။

လယ်ယာကဏ္ဍမူဝါဒနှင့် လုပ်ငန်းစဉ်များအရ ပြောင်းလဲလာသည့်ဈေးကွက်နှင့်အညီ ဒေသအလိုက် ရေမြေ၊ ရာသီဥတုတို့နှင့် ကိုက်ညီသည့် အမယ်စုံလင်သော လယ်ယာ၊ သားငါးထွက်ကုန်များ ထုတ်လုပ်မှုပုံစံ  တိုးမြှင့်လာစေရေး ဆောင်ရွက်သွားမည်ဖြစ်ကြောင်း စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနမှ သိရသည်။

ဒုတိယကာလတို ငါးနှစ်၊ လယ်ယာကဏ္ဍမူဝါဒနှင့် လုပ်ငန်းစဉ်များ၏ မျှော်မှန်းချက်အရ နိုင်ငံတကာနှင့် ယှဉ်ပြိုင်နိုင်စွမ်းရှိသည့် ရေရှည်တည်တံ့သော လယ်ယာကုန်ထုတ်လုပ်မှုစနစ် ထွန်းကားစေခြင်းဖြင့် စားနပ်ရိက္ခာဖူလုံ၍ အာဟာရပြည့်စေပြီး ကျေးလက်နေပြည်သူများ၏ လူမှုစီးပွားဘ၀ မြင့်မားလာစေရန်နှင့် နိုင်ငံ့စီးပွားရေး ဖွံ့ဖြိုးတိုးတက်မှုကို အထောက်အကူပြုရန် ဆောင်ရွက်ခြင်းဖြစ်ကြောင်း သိရသည်။

ပြည်တွင်းစားသုံးဆီ ထုတ်လုပ်မှုကဏ္ဍဖွံ့ဖြိုးရေး ဆီလုပ်ငန်းရှင်များနှင့် ဆီထွက်သီးနှံစိုက်ပျိုးသည့် တောင်သူတို့ပူးပေါင်းပြီး အကျိုးတူလယ်ယာစိုက်ပျိုးမှုစနစ် ဖော်ဆောင်မည့်အစီအစဉ်များ ဆွေးနွေး

စစ်ကိုင်းတိုင်းဒေသကြီးအတွင်းရှိ မြေပဲစိုက်ခင်းတစ်နေရာကို တွေ့ရစဉ်

မြန်မာနိုင်ငံ၏ ပြည်တွင်းစားသုံးဆီထုတ်လုပ်မှုကဏ္ဍ ဖွံ့ဖြိုးရေး ဆီလုပ်ငန်းရှင်များနှင့် ဆီထွက်သီးနှံစိုက်ပျိုးသည့် တောင်သူတို့ပူးပေါင်းကာ Contract Farming ဖော်ဆောင်မည့် အစီအစဉ်များကို ဧပြီ ၂၃ ရက်က ဆွေးနွေးခဲ့ကြောင်း စီမံကိန်းနှင့်ဘဏ္ဍာရေးဝန်ကြီးဌာနမှ သိရသည်။

စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီးဦးကျော်ဝင်းသည် မြန်မာနိုင်ငံ ဆီစက်လုပ်ငန်းရှင်များအသင်းမှ တာဝန်ရှိသူများ၊ မကွေးတိုင်းဒေသကြီးအတွင်းရှိ ဆီစက်လုပ်ငန်းရှင်များ၊ မကွေးမြို့နယ်နှင့်  အောင်လံမြို့နယ်တို့မှ ဆီထွက်သီးနှံစိုက်ပျိုးသည့် တောင်သူများနှင့် ဧပြီ ၂၃ ရက်က မကွေးမြို့၌ တွေ့ဆုံခဲ့သည်။

အဆိုပါတွေ့ဆုံပွဲတွင် ပြည်ထောင်စုဝန်ကြီးက မြန်မာနိုင်ငံ၏ ပြည်တွင်းစားသုံးဆီ ထုတ်လုပ်မှုကဏ္ဍ ဖွံ့ဖြိုးတိုးတက်ရေးအတွက် နိုင်ငံတော်မှပံ့ပိုးဆောင်ရွက်ပေးလျက်ရှိသည့် အခြေအနေများ၊ ဆီလုပ်ငန်းရှင်များ နှင့် ဆီထွက်သီးနှံစိုက်ပျိုးသည့် တောင်သူတို့ Contract Farming ဖော်ဆောင်မည့်  အစီအစဉ်များကို ရှင်းလင်းဆွေးနွေးရာတွင်  ဆီထွက်သီးနှံများ စိုက်ပျိုးမှုအတွက် မျိုးကောင်းမျိုးသန့်ရရှိရေး၊ နည်းပညာနှင့် ခေတ်မီလယ်ယာသုံးစက်ကိရိယာများ ပိုမိုအသုံးချရေး၊ ဧကအထွက်နှုန်းတိုးတက်အောင် ဆောင်ရွက်၍ ထုတ်လုပ်မှုကုန်ကျစရိတ်များ သက်သာစေရေးနှင့် စားသုံးသူတို့ အန္တရာယ်ကင်းရှင်းသော အရည်အသွေးမြှင့်ထုတ်ကုန်များ တိုးတက်ထုတ်လုပ်နိုင်ရေးအတွက် နိုင်ငံတော်မှ ချေးငွေပံ့ပိုးမည့် အစီအစဉ်များ၊ သက်ဆိုင်ရာဝန်ကြီးဌာနများ၊  အသင်းအဖွဲ့များနှင့် ပူးပေါင်းဆောင်ရွက်လျက်ရှိသည့် အစီအစဉ်များကို ဆွေးနွေးခဲ့ကြောင်း သိရသည်။

တက်ရောက်လာသော တောင်သူလယ်သမားများက ကြုံတွေ့နေရသော အရည်အသွေးမပြည့်မီသည့် သွင်းအားစုအခြေအနေများ၊ လုပ်သားအင်အားမပြည့်စုံသည့် အခက်အခဲများ၊ မိရိုးဖလာစိုက်ပျိုးမှုစနစ်၏ အတွေ့အကြုံများနှင့် ထုတ်ကုန်စွမ်းအားမြင့် ခေတ်မီနည်းစနစ်တို့ ပေါင်းစပ်လုပ်ကိုင်နိုင်မည့် အခြေအနေတို့ကို ဆွေးနွေးခဲ့ကြသည်။

မြန်မာနိုင်ငံ၏ ဆီစားသုံးမှုနှုန်းသည် တန်ချိန် ၁ ဒသမ ၁ သန်းခန့်ရှိပြီး ပြည်ပမှ လစဉ်ပုံမှန် စားသုံးဆီတန်ချိန် ခုနစ်သောင်းခန့်အထိ တင်သွင်းနေရကြောင်း ၂၀၁၈ ခုနှစ် ဖေဖော်ဝါရီ ၂၅ ရက်ကပြုလုပ်သည့် မြန်မာနိုင်ငံ ဆီစက်ပိုင်ရှင်များအသင်း၊ ပထမအကြိမ် အသင်းသားစုံညီ နှစ်ပတ်လည်အခမ်းအနားမှ သိရသည်။

ပြည်တွင်း၌ စားသုံးဆီထုတ်လုပ်မှုဖူလုံစေရန်နှင့် ဘေးအန္တရာယ်ကင်းရှင်းပြီး ကျန်းမာရေးနှင့်ညီညွတ်သော စားသုံးဆီများကို ထုတ်လုပ်ဖြန့်ဖြူးပေးနိုင်ရေး ရည်မှန်းချက်ထားပြီး အကောင်အထည်ဖော်ဆောင်ရွက်နေကြောင်း မြန်မာနိုင်ငံ ဆီစက်ပိုင်ရှင်များအသင်းဥက္ကဋ္ဌ ဦးခင်စိုးက ပြောကြားသည်။