အန္တရာယ်များသော စွန့်စားမှု ဖြစ်လာသည့် တောင်ကိုရီးယားသမ္မတ၏ နျူကလီးယားသံတမန်ရေး

စက်တင်ဘာ ၁၉ ရက်တွင် မြောက်ကိုရီးယား အစိုးရမီဒီယာက ထုတ်ပြန်ခဲ့သောဓာတ်ပုံ၌ ပြုံယမ်းတွင် ကိုရီးယားနှစ်နိုင်ငံ ခေါင်းဆောင်များကို တွေ့ရစဉ် (Photo : AFP)

အမေရိကန်နှင့် မြောက်ကိုရီးယား၏ နျူကလီးယားစေ့စပ်ညှိနှိုင်းမှုကို ပြန်လည်အသက်သွင်းရေး အတွက် တောင်ကိုရီးယားသမ္မတ မွန်းဂျေအင်းသည် ကင်ဂျုံအွန်ထံမှ အသေးစား လိုက်လျောပေးမှုများကို ရရှိခဲ့ပြီးနောက်တွင် စောင့်ကြည့်လေ့လာသူများက မွန်းသည် အန္တရာယ်များသော စွန့်စားခန်း တစ်ခုကို စတင်လိုက်ပြီဟု ပြောခဲ့ကြသည်။

မွန်းသည် ပြီးခဲ့သည့် သီတင်းပတ်အတွင်းက တတိယအကြိမ်မြောက် ကင်နှင့် ထိပ်သီးဆွေးနွေးပွဲ ပြုလုပ်ရန်အတွက် ပြုံယမ်းသို့သွားခဲ့သည်။ သို့သော် စက်တင်ဘာ ၂၀ ရက်၌ မွန်းသည် အမေရိကန်က တောင်းဆိုထားသော မြောက်ကိုရီးယား နျူကလီးယားလက်နက် အပြည့်အ၀ ဖျက်သိမ်းရေးနှင့် အလှမ်းဝေးလွန်းသည့် သဘောတူညီချက်များကိုသာ ရရှိပြီး နေရပ်သို့ ပြန်ရောက်လာခဲ့သည်။

တောင်ကိုရီးယား ခေါင်းဆောင်သည် နျူကလီးယားဖျက်သိမ်းရေးထက် ယုံကြည်မှု တည်ဆောက်ရေး လုပ်ငန်းစဉ်ကို ဦးစားပေးနေကြောင်း မူဝါဒလေ့လာရေးဆိုင်ရာ Asan အင်စတီကျုမှ စောင့်ကြည့်လေ့လာသူ ရှင်ဘွန်ချောင်က ပြောခဲ့သည်။

“ဒါဟာ အန္တရာယ်များတဲ့ စွန့်စားမှု တစ်ခုပါ” ဟု ရှင်က ပြောကြားခဲ့သည်။ တောင်ကိုရီးယား အစိုးရ၏ ပျော့ပျောင်းညင်သာသော ချဉ်းကပ်မှုက မြောက်ကိုရီးယား၏ နျူကလီးယားလက်နက် ဆက်လက်ကိုင်စွဲနိုင်စေရေး ကြိုးပမ်းမှုများကို အဆင်ပြေချောမွေ့အောင် လုပ်ဆောင်ပေးသကဲ့သို့ ဖြစ်သွားလိမ့်မည်ဟုလည်း ၎င်းက ဖြည့်စွက်ပြောကြားခဲ့သည်။

မြောက်ကိုရီးယားက နျူလက်နက် မဖျက်သိမ်းလျှင်လည်း တောင်ကိုရီးယားသည် အပြစ်တင်ခံရဦးမည် ဖြစ်သည်ဟု ၎င်းက ပြောကြားခဲ့ပြီး “ဒါဟာ အမေရိကန်နဲ့ တောင်ကိုရီးယားကြားက ယုံကြည်မှုကိုလည်း အက်ကြောင်းထင်စေ နိုင်ပါသေးတယ်” ဟုဆိုခဲ့သည်။

မွန်းသည် ယခု မြောက်ကိုရီးယားခရီးစဉ် မတိုင်မီ မေလက တစ်ကြိမ် ဧပြီလက တစ်ကြိမ် မြောက်ကိုရီးယား ခေါင်းဆောင်နှင့် တွေ့ဆုံခဲ့ပြီး ဖြစ်သည်။ ဇွန်လက စင်ကာပူတွင် ကျင်းပခဲ့သော အမေရိကန်သမ္မတ ဒေါ်နယ်ထရန့်နှင့် ကင်တို့၏ ထိပ်သီးအစည်းအဝေးပွဲ ဖြစ်မြောက်ရန် စေ့စပ်ပေးခဲ့မှုများတွင်လည်း မွန်းက အဓိကဖြစ်ခဲ့သည်။

ထရန့်နှင့် တွေ့ဆုံပြီးနောက်တွင် ကင်က ကိုရီးယားကျွန်းဆွယ် နျူကလီးယား ဖျက်သိမ်းရေးကို သဘောတူ ထောက်ခံခဲ့သော်လည်း မည်သည့် အသေးစိတ် အကြောင်းအရာကိုမှ သဘောတူညီချက် မရခဲ့ပေ။ အမေရိကန်နှင့် မြောက်ကိုရီးယားတို့မှာလည်း နျူကလီးယား ဖျက်သိမ်းရေးကို မည်သို့ဖျက်သိမ်းရေးနှင့် မည်ကဲ့သို့ အဓိပ္ပာယ် ကောက်ယူရေးများနှင့် ပတ်သက်ပြီး ထိုအချိန်ကတည်းက အချင်းများနေခဲ့ကြခြင်းဖြစ်သည်။

လှည့်ကွက်

ပြုံယမ်းတွင် ပြုလုပ်ခဲ့သော ထိပ်သီးအစည်းအဝေးပွဲ၌ ကင်သည် တုန်ချန်ရီ ဒုံးကျည်စမ်းသပ်ရေး စခန်းကို ပြည်ပစောင့်ကြည့်သူများ၏ ရှေ့မှာပင် အပြီးတိုင်ပိတ်ပစ်မည်ဟု သဘောတူခဲ့သည်။

စောင့်ကြည့်လေ့လာသူများကမူ ထိုကတိနှင့် ပတ်သက်ပြီး လျင်မြန်စွာ ပယ်ချလိုက်ကာ ယင်းစခန်းသည် ခေတ်နောက်ကျနေပြီဖြစ်ပြီး အသုံးလည်း မလိုတော့ကြောင်း ပြောကြားခဲ့ကြသည်။

ကင်ဂျုံအွန်ကမူ အမေရိကန်ဘက်မှ အပြန်အလှန် လုပ်ဆောင်ပေးမှုရှိပါက ယုံဗြောင်၌ ရှိသည့် မြောက်ကိုရီးယား၏ လူသိအများဆုံး နျူကလီးယား အဆောက်အအုံကို ဖျက်သိမ်းခြင်း အစရှိသည့် ခြေလှမ်းများကို ထပ်လှမ်းပြဦးမည်ဟု ကမ်းလှမ်းထားသည်။ ယုံဗြောင်တွင် ယူရေနီယံ သန့်စင်ရေးစက်ရုံ တစ်ခုရှိကြောင်း လူသိများပြီး မြောက်ကိုရီးယားသည် ယုံဗြောင်၌ ပလူတိုနီယံများကို ဆက်လက်ထုတ်လုပ်နေဆဲ ဖြစ်သည်ဟု ယုံကြည်ရသည်။

သို့သော် Tufts တက္ကသိုလ်ရှိ Fletche School မှ ဆောင်ယွန်လီကမူ ယုံဗြောင်သည် ချောင်ထိုးခံထား ရခြင်းဖြစ်ပြီး အမေရိကန်နှင့် ဆွေးနွေးမှုများ အလုပ်မဖြစ်မှ ပြန်လည် စတင်လည်ပတ်ခြင်း ဖြစ်သည်ဟု ပြောကြားခဲ့သည်။

ထရန့်-ကင် ဒုတိယအကျော့ ထိပ်သီး

အမေရိကန်သည် ကင် နောက်ဆုံးပေးခဲ့သော ကတိများနှင့် ပတ်သက်ပြီး ကြိုဆိုခဲ့သည်။ ထရန့်ကလည်း Twitter ပေါ်တွင် အလွန်စိတ်လှုပ်ရှားနေကြောင်း အလျင်အမြန် ရေးတင်ခဲ့သည်။

သို့သော် လေ့လာသူများကမူ အမေရိကန်အစိုးရသည် သတိရှိရှိ ပြုမူနေသည်ဟု သုံးသပ်ကြသည်။ “အဓိက,ကတော့ ပွန်ပီယို မြောက်ကိုရီးယားကို ပြန်သွား၊ မသွားပါပဲ။ ဒါပေမဲ့ ဒါဟာ ချက်ချင်းဖြစ်လာနိုင်စရာ မရှိသေးပါဘူး” ဟု ချာဒူဟောင်က ဆိုသည်။ အမေရိကန် နိုင်ငံခြားရေးဝန်ကြီး ပွန်ပီယို၏ ပြီးခဲ့သည့်လက ခရီးစဉ်ကို ထရန့်က ရုတ်ချည်း ဖျက်သိမ်းခဲ့ခြင်းဖြစ်သည်။

မွန်းသည် ယခုခရီးစဉ်အတွင်း ထရန့်၏ နိုင်ငံရေးစိတ်ဝင်စားမှုမှာ အခြားသို့ ရွေ့မသွားမီ အချိန်သိပ် မကျန်တော့ကြောင်း ကင်အား ပြောကြားခဲ့ဖွယ် ရှိသည်ဟု Ajou တက္ကသိုလ်မှ ပါမောက္ခ တစ်ဦးဖြစ်သော ကင်ဟောင်ကျူက ပြောကြားခဲ့ပြီး နျူကလီးယား ဖျက်သိမ်းရေး ဆွေးနွေးပွဲ အရှိန်အဟုန်ကို ထိန်းသိမ်းထားရေးမှာ အရေးကြီးသည်ဟုလည်း ၎င်းကဆိုသည်။

Ref : AFP

ပြုံယမ်း၌ တောင်နှင့် မြောက်ကိုရီးယားတို့၏ ထိပ်သီးဆွေးနွေးပွဲစတင်

စက်တင်ဘာ ၁၈ ရက်တွင် ပြုံယမ်းလေဆိပ်၌ တောင်ကိုရီးယားသမ္မတ မွန်းဂျေအင်း(၀ဲ)နှင့် မြောက်ကိုရီးယားခေါင်းဆောင် ကင်ဂျုံအွန်(ယာ)တို့က မြောက်ကိုရီးယား ပြည်သူများကို နှုတ်ဆက်နေစဉ် (Photo : AFP)

တောင်ကိုရီးယားသမ္မတ မွန်းဂျေအင်းသည် မြောက်ကိုရီးယားနှင့် အမေရိကန်ကြားမှ တန့်နေသည့် နျူကလီးယား ဖျက်သိမ်းရေး ဆွေးနွေးမှုများကို ပြန်လည်အသက်ဝင်စေရန် ကြိုးပမ်းရေးအတွက် စက်တင်ဘာ ၁၈ ရက်က မြောက်ကိုရီးယားမြို့တော် ပြုံယမ်းသို့ ရောက်ရှိလာသည်။

ပြုံယမ်းအပြည်ပြည်ဆိုင်ရာ လေဆိပ်သို့ ဆိုက်ရောက်လာသော မွန်းနှင့် လာရောက် ကြိုဆိုသော ကင်တို့သည် ပွေ့ဖက်နှုတ်ဆက် ခဲ့ကြသည်။ မွန်းကို ကြိုဆိုသူ ရာပေါင်းများစွာသည် မြောက်ကိုရီးယား အလံများနှင့် ကိုရီးယားကျွန်းဆွယ် အလံများကို ကိုင်ဆောင်နှုတ်ဆက်ခဲ့ကြပြီး တောင်ကိုရီးယားအလံ အမှတ်အသားကို မွန်း၏ ဘိုရင်း ၇၄၇ လေယာဉ်ပေါ်တွင်သာ တွေ့ရသည်။

ကင်နှင့် မွန်းတို့ စီးနင်းလာသော အမိုးဖွင့်ကား ဖြတ်သန်းမောင်းနှင်သည့် လမ်းတစ်လျှောက်၌ ထောင်ပေါင်းများစွာသော ဒေသခံများသည် ပန်းစည်းများကို ကိုင်ဆောင်ကာ ‘နိုင်ငံပြန်လည်ပေါင်းစည်းရေး’ ဟူ၍ သံပြိုင်သီဆို နေကြသည်။ ခေါင်းဆောင်များ စီးနင်းလာသော ကားသည်ကင်အီဆွန်း၊ ကင်ဂျုံအီတို့ လဲလျောင်းရာ ကမ်ဆူဆမ်နန်းတော်ရှေ့မှလည်း ဖြတ်သန်းခဲ့သည်။ ယင်းနောက်တွင် မွန်းနှင့် ကင်တို့သည် ၎င်းတို့၏ တရားဝင် ဆွေးနွေးမှုများကို စတင်ခဲ့သည်။

၁၉၅၀ ပြည့်နှစ်က နျူကလီးယားလက်နက်ပိုင်သည့် မြောက်ကိုရီးယားသည် အိမ်နီးချင်း တောင်ကိုရီးယားသို့ ကျူးကျော်ခဲ့ခြင်းကြောင့် ကိုရီးယားစစ်ပွဲ အစပြုခဲ့ခြင်းဖြစ်သည်။ မြောက်ကိုရီးယားသည် လက်ရှိအချိန်အထိ ၎င်းထက်များစွာ ချမ်းသာသွားပြီဖြစ်သော တောင်ကိုရီးယားနှင့် ပြန်လည်ပေါင်းစည်းရေးမှာ အရေးကြီးကြောင်းကို ပုံမှန်ပြောနေဆဲဖြစ်သည်။ မွန်း၏ မိဘများသည်လည်း ကိုရီးယားစစ်ပွဲအတွင်း မြောက်ဘက်မှ တောင်ဘက်သို့ ထွက်ပြေးလာကြသူများဖြစ်သည်။

မွန်းနှင့်ကင်တို့၏ ထိပ်သီးအစည်းအဝေးသည် သမိုင်းသစ်တစ်ခုကို ဖန်တီးမည့် ကိုရီးယားနှစ်နိုင်ငံ ဆက်ဆံရေး တိုးတက်မှုကို အရှိန်ထပ်မံမြှင့်တင်ရန် အရေးကြီးသည့် အခွင့်အရေး ဖြစ်လိမ့်မည်ဟု မြောက်ကိုရီးယားအစိုးရ သတင်းအေဂျင်စီ (KCNA) တွင် ဖော်ပြခဲ့သည်။

၂၀၀၀ ပြည့်နှစ်က တောင်ကိုရီးယားသမ္မတ ကင်ဒေးဂျုံ၊ ၂၀၀၇ ခုနှစ်က တောင်ကိုရီးယားသမ္မတ နိုမူဟွန်းတို့၏ မြောက်ကိုရီးယား ခရီးစဉ်များနောက်တွင် မွန်း၏ ယခုသုံးရက်ကြာ မြောက်ကိုရီးယားခရီးစဉ် ဖြစ်ပေါ်လာခဲ့ခြင်း ဖြစ်သည်။

မွန်း ရောက်လာသည့် စက်တင်ဘာ ၁၈ ရက်မှာပင် မြောက်ကိုရီးယား အာဏာရပါတီ၏ အာဘော်သတင်းစာဖြစ်သော ရိုဒေါင်ရှင်မွန်က အမေရိကန်အပေါ် ဝေဖန်ပုတ်ခတ်မှုများကို ဖော်ပြခဲ့သည်။ လက်ရှိဖြစ်ပေါ်နေသော ရှေ့မတိုး နောက်မဆုတ်သာ အခြေအနေနှင့် ပတ်သက်ပြီး အမေရိကန်တွင်သာ အလုံးစုံ တာဝန်ရှိကြောင်း၊ အမေရိကန်သည် နျူကလီးယားလက်နက်များ ဦးစွာဖျက်သိမ်းရမည်ဆိုသည့် မူဝါဒကိုသာ ခေါင်းမာမာဖြင့် ဆက်လက်ကိုင်စွဲထားကြောင်း ထိုအယ်ဒီတာ့အာဘော် ကဏ္ဍတွင် ဖော်ပြခဲ့သည်။

“အမေရိကန်-မြောက်ကိုရီးယား ဆွေးနွေးပွဲတွေကို ဒီခရီးစဉ်က တစ်နည်းမဟုတ်တစ်နည်း ပြန်စနိုင်တယ် ဆိုရင်ပဲ အတော်လေးကို လုံလောက်နေပါပြီ” ဟု မွန်းက မြောက်ကိုရီးယားသို့ မထွက်ခွာမီတွင် ပြောကြားခဲ့သည်။ သို့သော် စောင့်ကြည့်သူများက ယင်းမျှော်မှန်းချက်နှင့် ပတ်သက်၍ လျှောချခဲ့ပြီး ကင်ဂျုံအွန်သည် မြောက်ကိုရီးယားအတွက် စီးပွားရေး အကျိုးအမြတ်ရစေမည့် နေရာများ၌ နှစ်နိုင်ငံပူးပေါင်းမှု မြှင့်တင်ရေး အတွက်သာ တိုက်တွန်းလိမ့်မည်ဟု သုံးသပ်ခဲ့ကြသည်။

မွန်းနှင့်အတူ ဆမ်ဆောင်းဆက်ခံသူ လီဂျဲယောင်၊ ဟွန်ဒိုင်းကား ထုတ်လုပ်ရေး လုပ်ငန်းမှ ဒုတိယဥက္ကဋ္ဌတို့ အပါအ၀င် တောင်ကိုရီးယား စီးပွားရေးလုပ်ငန်းရှင်ကြီးများ လိုက်ပါခဲ့သည်။ မွန်းသည် ၎င်း၏ကိုယ်စားလှယ် အဖွဲ့နှင့်အတူ ပြုံယမ်းရှိ အဓိကနေရာများသို့ သွားရောက်ရန်လည်း စီစဉ်ထားသည်။

လက်ရှိတွင် တောင်ကိုရီးယား စီးပွားရေး၌ အခက်အခဲများ ကြုံနေရသဖြင့် မွန်း၏ လူထုထောက်ခံမှုနှုန်းမှာ ကျဆင်းနေသည်။ ကိုရီးယားနှစ်နိုင်ငံ ပူးပေါင်းရေးအတွက် မွန်း၏ တိုက်တွန်း လုပ်ဆောင်မှုများကိုလည်း တောင်ကိုရီးယား မီဒီယာများတွင် သတိရှိရန် တိုက်တွန်းနေကြကာ နျူကလီးယား ဖျက်သိမ်းမှုနှင့် ပတ်သက်ပြီး သိသာထင်ရှားသည့် အကျိုးရလဒ်များ ထွက်ပေါ်လာစေရန် တောင်းဆိုနေကြသည်။

Ref : AFP

ထရန့်နှင့် တောင်ကိုရီးယားသမ္မတတို့ အိမ်ဖြူတော်၌ တွေ့ဆုံဆွေးနွေးမှုက အမေရိကန်-မြောက်ကိုရီးယား ထိပ်သီးဆွေးနွေးပွဲအတွက် သက်ရောက်မှုရှိလာနိုင်

မေ ၁၆ ရက်က တောင်ကိုရီးယားတွင် နှစ်နိုင်ငံ ပူးတွဲစစ်ရေးလေ့ကျင့်မှု၌ အမေရိကန်၏ F -22 Raptor ရေဒါပျောက် တိုက်လေယာဉ်တစ်စင်းကို တွေ့ရစဉ် (Photo – AFP)

အမေရိကန်သမ္မတ ဒေါ်နယ်ထရန့်သည် တောင်ကိုရီးယားသမ္မတ မွန်းဂျေအင်းနှင့် မေ ၂၂ ရက်တွင်အိမ်ဖြူတော်၌ အရဲစွန့်မှု ပါဝင်သော ဆွေးနွေးပွဲတစ်ခုကို ပြုလုပ်ခဲ့သည်။ ယင်းဆွေးနွေးပွဲသည် မြောက်ကိုရီးယားခေါင်းဆောင် ကင်ဂျုံအွန်နှင့် အမေရိ ကန်သမ္မတတို့၏ ထိပ်သီးဆွေးနွေးပွဲကို ရှေ့ဆက် ပြုလုပ်ခြင်း ရှိ၊ မရှိကို ဆုံးဖြတ်ပေးနိုင်မည် ဖြစ်သည်။

အမေရိကန်နှင့် မြောက်ကိုရီးယားနိုင်ငံအကြား  ထိပ်သီးမစတင်မီ အခက်တွေ့လုနီးပါးဖြစ်နေသော မကြုံစဖူး သံတမန်ဆက်ဆံရေး အခွင့်အလမ်းတစ်ခုကို အဖတ်ဆယ်ရန် မွန်းဂျေအင်းသည် ၀ါရှင်တန်သို့ သွားရောက်ခဲ့သည်။

ထရန့်က နားလည်ရခက်သော မြောက်ကိုရီးယားခေါင်းဆောင် ကင်နှင့် ဇွန် ၁၂ ရက်တွင် စင်ကာပူ၌ တွေ့ဆုံရန် သဘောတူခဲ့သော်လည်း အမေရိကန်-မြောက်ကိုရီးယား ပထမဆုံးအကြိမ် ထိပ်သီးဆွေးနွေးပွဲသည် နှစ်ဖက်စလုံး၏ သံသယဖော်ပြမှုများဖြင့် ယခုအခါ စိုးရိမ်ရသည့် မရေရာမှုများရှိလာပြီ ဖြစ်သည်။

မွန်းက ၎င်း၏ နိုင်ငံတော်လုံခြုံရေး အကြံပေးကို မတ်လတွင် အိမ်ဖြူတော်သို့ စေလွှတ်ခဲ့ပြီး  ဆွေးနွေးပွဲကျင်းပရန် ကမ်းလှမ်းချက်နှင့် မြောက်ကိုရီးယားက နျူကလီးလက်နက်စွန့်လွှတ်ရန် ဆန္ဒရှိနေသည်ဆိုသော စကားကို ပေးပို့ခဲ့သည်။

ထရန့်က ဆွေးနွေးပွဲကို ချက်ချင်းလက်ခံခဲ့မှုကြောင့် ၎င်း၏ဧည့်သည်များ၊ လက်ထောက်များနှင့် ကမ္ဘာကို အံ့အားသင့်စေခဲ့သည်။ ယင်းကမ်းလှမ်းချက်သည် စစ်ရေးဆိုင်ရာ ထိပ်တိုက်ရင်ဆိုင်မှုကို ရှောင်ရန်နှင့် သဘောတူညီချက်တစ်ခုရရှိရန် အခွင့်အရေး တစ်ခုဟု လေ့လာသူများက သုံးသပ်ခဲ့သည်။

ယင်းနောက် ကိုရီးယားနှစ်နိုင်ငံသမိုင်းဝင် ဆွေးနွေးပွဲများ၊ အမေရိကန်နိုင်ငံခြားရေးဝန်ကြီး မိုက်ပွန်ပီယိုက ပြုံယမ်းသို့ နှစ်ကြိမ်သွားရောက်ခဲ့မှုနှင့် ဖမ်းဆီးခံခဲ့ရသော အမေရိကန်နိုင်ငံသား သုံးဦးကို မြောက်ကိုရီးယားက လွှတ်ပေးမှုများ ဖြစ်ပေါ်ခဲ့သည်။

ထရန့်က အောင်ပွဲများစွာရရှိခဲ့သော်လည်း မြောက်ကိုရီးယား၏ နျူကလီးယား လက်နက်ဖျက်သိမ်းရန်အတွက် စိတ်သဘောထားသည် ယခုအခါ မရေရာမှုများရှိလာပြီ ဖြစ်သည်။ နျူကလီးယားလက်နက် ဖျက်သိမ်းရန်အတွက် အမေရိကန်၏ တစ်ဖက်သတ်တောင်းဆိုမှုများကို ယခုလအစောပိုင်းတွင် မြောက်ကိုရီးယားက ရှုတ်ချခဲ့ပြီး တောင်ကိုရီးယားနှင့် အမေရိကန်အကြား ပူးတွဲစစ်ရေးလေ့ကျင့်မှုကို ဆန့်ကျင်သည့်အနေဖြင့် တောင်ကိုရီးယားနှင့် အဆင့်မြင့်အရာရှိများ ဆွေးနွေးပွဲကို ဖျက်သိမ်းခဲ့သည်။

Ref ; AFP

ဘ၀နေ၀င်ချိန်အထိ အလုပ်လုပ်နေရသေးသည့် တောင်ကိုရီးယား သက်ကြီးရွယ်အိုများ

မေ ၁၀ ရက်က ဆိုးလ်ရှိ တိုက်ခန်းတစ်ခုတွင် ကုန်ပစ္စည်းများကို ပက်ဂျဲယိုး (လယ်) က ရွေးယူနေစဉ် (Photo: AFP)

သဘောတရားအရဆိုလျှင် ပက်ဂျဲယိုးသည် လွန်ခဲ့သော ၁၁ နှစ်ကတည်းက အငြိမ်းစားယူရမည် ဖြစ်သည်။ တောင်ကိုရီးယားသည် ဖွံ့ဖြိုးပြီးနိုင်ငံဖြစ်သော်လည်း ပင်စင်ခံစားခွင့်မှာမူ မစို့မပို့ဖြစ်နေသဖြင့် အသက် ၇၁ နှစ်ရှိ ပက်သည် အလုပ်ဆက်လုပ်ရန် တာဝန်ရှိနေပြီး အထပ်မြင့် အဆောက်အအုံများသို့ ပစ္စည်းများပို့သည့်အလုပ်ကို လုပ်နေရသည်။

ပက်သည် မြို့တော်ဆိုးလ်ရှိ တိုက်တန်းများ၏ ဘလောက်တစ်ခုရှိ ဓာတ်လှေကားထဲသို့ အညိုရောင်ပုံးများ တင်ထားသော လှည်းတစ်ခုကို တွန်းဝင်လာခဲ့ပြီး အသက်ကြီးလာပြီဖြစ်သောကြောင့် ၎င်း၏မျက်စိများသည် သေးငယ်သော လိပ်စာအညွှန်းများကို အားစိုက်ဖတ်နေရသည်။ ယခုအချိန်အထိ အလုပ်လုပ်နေရခြင်းမှာ ငွေကြေးက အကြီးမားဆုံး အကြောင်းရင်းဖြစ်ကြောင်း တရားဝင်သတ်မှတ်ထားသည့် အငြိမ်းစားယူရမည့် အသက် ၆၀ ကိုကျော်၍ အလုပ်လုပ်နေရဆဲဖြစ်သည့် သက်ကြီးပိုင်းလုပ်သားထု သန်းပေါင်းများစွာထဲမှ တစ်ဦးဖြစ်သူ ပက်က ပြောကြားခဲ့သည်။

တောင်ကိုရီးယားသည် ဖွံ့ဖြိုးပြီးနိုင်ငံများအဖွဲ့ (OECD) ၏ အဖွဲ့ဝင်နိုင်ငံဖြစ်သော်လည်း သက်ကြီးရွယ်အိုများ အလွန်အမင်း မြင့်တက်လာနေစဉ် လူမှုဖူလုံရေးစနစ်မှာ အားနည်းနေသည်။ တောင်ကိုရီးယားတွင် သက်ကြီးရွယ်အို ၄၅ ရာခိုင်နှုန်းကျော်သည် အိမ်ထောင်စု ပျမ်းမျှဝင်ငွေ၏ ထက်ဝက်အောက် နည်းသောအနေအထားဖြင့် အတော်အသင့် ဆင်းရဲစွာနေထိုင်နေရပြီး ယင်းပမာဏသည် ပျမ်းမျှ ၁၂ ဒသမ ၅ ရာခိုင်နှုန်းရှိသော OECD အဖွဲ့တွင် အမြင့်ဆုံးအချိုးဖြစ်နေဆဲဖြစ်သည်။

အသက် ၈၀ အထိ လုပ်မယ်

တောင်ကိုရီးယားအား ၁၉၅၀ ပြည့်လွန်နှစ်များ၌ ကိုရီးယားစစ်ပွဲ ဒဏ်ခံရသည့် အပျက်အစီးပုံအဖြစ်မှ ကမ္ဘာ့စီးပွားရေး ဧကဒသမ အင်အားအကြီးဆုံးနိုင်ငံအဖြစ်သို့ အသွင်ကူးပြောင်းခဲ့သည့် စီးပွားရေး တစ်ဟုန်ထိုး တိုးတက်စေရန် ကြိုးပမ်းမှုကာလ (Miracle on the Han) တွင် ပါဝင်သော သန်းပေါင်းများစွာအနက် ပက်သည် တစ်ဦး အပါအ၀င်ဖြစ်သည်။

တောင်ပိုင်းဘူဆန်မြို့မှ အထက်တန်းကျောင်းပြီးဆုံးချိန်တွင် ပက်သည် လေအေးပေးစက် ပြုပြင်ထိန်းသိမ်းသည့်အလုပ်ကို လုပ်ကိုင်ခဲ့ပြီး ကလေးသုံးဦးအား ကျွေးမွေးရန်နှင့် ဆိုးလ်တွင် တိုက်ခန်းတစ်ခန်း ၀ယ်နိုင်ရန်အတွက် လစာလုံလောက်ခဲ့သည်။ ယင်းနောက် လေအေးပေးစက် ၀န်ဆောင်မှုကုမ္ပဏီကို ကိုယ်ပိုင်ထူထောင်ခဲ့သော်လည်း ပက်ကဲ့သို့ပင် အများအပြားသည် ၎င်းတို့၏ ဘ၀နေ၀င်ချိန်များအတွက် သက်သာရာရစေရန် အလုံအလောက် မရှာဖွေနိုင်ခဲ့ပေ။

“ကျုပ်တို့မျိုးဆက်က အဲဒီ အသည်းအသန်ကာလမှာ အသက်ဆက်ရှင်သန်နိုင်ဖို့နဲ့ ကလေးတွေ လူလားမြောက်ဖို့ပဲ လုံးပမ်းခဲ့ရတယ်။ ကျုပ်တို့ရဲ့ ဘ၀နေ၀င်ချိန်အတွက် ကြိုတင်ပြင်ဆင်တာ မလုပ်လိုက်ရဘူး” ဟု ပက်က ပြောကြားခဲ့သည်။

ပက်ဂျဲယိုးက ၎င်းပို့ရမည့် ကုန်ပစ္စည်းများကို ယာဉ်တစ်စီးပေါ်သို့ တင်နေစဉ် (Photo: AFP)

တောင်ကိုရီးယားတွင် ပင်စင်ခံစားခွင့်စနစ်ကို ၁၉၈၈ ခုနှစ်တွင်မှ စတင်မိတ်ဆက်ခဲ့သော်လည်း ၁၉၉၉ ခုနှစ်အထိ မလုပ်မနေရစနစ် မဟုတ်ခဲ့ပေ။ ငွေများထုတ်ပေးမှုသည် အနည်းဆုံး ၁၀ နှစ်သက်တမ်းနှင့်အတူ ပေးသွင်းခဲ့သည့်ပမာဏနှင့် အချိန်ကာလတို့ကို မူတည်နေခဲ့သည်။ တောင်ကိုရီးယားရှိ အသက် ၇၀ နှင့် ၈၀ အရွယ်ဝန်းကျင်များသည် ထိုစနစ်အတွက် ငွေပေးသွင်းရန် အခွင့်အရေးကို လွဲချော်ခဲ့သဖြင့် ပင်စင်ခံစားခွင့် အကျိုးအမြတ်များကို လက်လွှတ်ခဲ့ရကြောင်း ကျန်းမာရေးနှင့် လူမှုရေးရာ ကိုရီးယားအင်စတီကျု့မှ သုတေသီ ဟွမ်နမ်ဟွေက ပြောကြားခဲ့သည်။

ပက်၏ကုမ္ပဏီသည် ၂၀၁၂ ခုနှစ်တွင် ဒေ၀ါလီခံခဲ့ရာ ၎င်းသည် ပင်စင်ခံစားခွင့်စနစ်မှ တစ်လလျှင် ဒေါ်လာ ၁၃၀ ခန့်နှင့် သက်ကြီးရွယ်အိုအတွက် ထောက်ပံ့ကြေး ဒေါ်လာ ၁၈၀ ခန့်ကို မှီခိုနေရပြီး ကမ္ဘာ့လူနေမှုစရိတ် အမြင့်မားဆုံး မြို့တစ်မြို့တွင် နေထိုင်မှုအတွက် လုံလောက်မှုမရှိခဲ့ပေ။ “မုန့်ဖိုးပေးဖို့တောင် မလောက်ဘူး” ဟု ပက်က ပြောကြားခဲ့ပြီး ကလေးများထံမှ လစဉ်ထောက်ပံ့ကြေးကို မယူလိုကြောင်းလည်း ပြောကြားခဲ့သည်။

သက်ကြီးပိုင်းများအား အလုပ်အကိုင်ပေးနိုင်ရန် ကူညီသော အစိုးရ အစီအစဉ်တစ်ခု၌ ပက်က ပါဝင်ခဲ့ပြီး ၂၀၁၄ ခုနှစ်တွင် ကုန်ပို့လုပ်ငန်း၌ စတင်လုပ်ကိုင်ခဲ့သည်။ ယခုအခါ တစ်ပတ်လျှင် သုံးရက် အလုပ်လုပ်နေသော ပက်သည် အထုပ် ၁၀၀ အထိကို သက်ဆိုင်ရာ လိပ်စာများသို့ ပို့ပေးရပြီး တစ်လလျှင် ဒေါ်လာ ၅၀၀ အထိ ရရှိခဲ့သည်။ ၎င်း၏လုပ်ဖော်ကိုင်ဖက် အများစုမှာလည်း အသက် ၇၀ ၀န်းကျင်များဖြစ်ပြီး အသက်ကြီးဆုံးမှာ ၇၈ နှစ်ဖြစ်ကြောင်း သိရသည်။

ဆယ်စုနှစ်ငါးခုကျော်ကြာ အလုပ်လုပ်ခဲ့ပြီးဖြစ်သော်လည်း ပက်သည် ကျန်းမာရေးက ခွင့်ပြုထားသလောက် အသက် ၈၀ အရွယ်အထိ အလုပ်လုပ်သွားမည်ဟု မျှော်လင့်ကြောင်း ပြောကြားခဲ့သည်။

ငွေရောင် ဆူနာမီ

တောင်ကိုရီးယားတွင် အမျိုးသမီးများ၏ ပျမ်းမျှကလေးမွေးနှုန်းသည် ၂၀၁၇ ခုနှစ်တွင် ၁ ဒသမ ၀၅ ဦးနှုန်းသို့ စံချိန်တင် ကျဆင်းခဲ့သည်။ အသက် ၆၅ နှစ်ကျော်အရွယ် လူဦးရေသည် ၂၀၃၀ ပြည့်နှစ်မတိုင်မီ ၂၅ ရာခိုင်နှုန်းအထိ မြင့်တက်လာနိုင်ပြီး ငွေရောင်ဆူနာမီ (သက်ကြီးရွယ်အို မြင့်တက်လာမှု) ဟု အမည်ပြောင်ပေးခဲ့ကြသည်။

အတိတ်ကာလတွင် လက်ဆင့်ကမ်း မိသားစု ဖွဲ့စည်းပုံအရ မျိုးဆက်သုံးဆက်သည် တစ်မိုးတည်းအောက်တွင် အတူနေထိုင်ကြပြီး သက်ကြီးရွယ်အိုများသည် ၎င်းတို့၏ သားသမီး၊ မြေးများ၏ထောက်ပံ့မှုဖြင့် သက်သောင့်သက်သာ နေထိုင်နိုင်ခဲ့ကြောင်း သုတေသီဟွမ်က ပြောကြားခဲ့သည်။ သို့သော် ပြီးခဲ့သောဆယ်စုနှစ်များအတွင်း ဧရာမလူမှုဆိုင်ရာ အပြောင်းအလဲများက သားသမီးတို့၏ ၀တ္တရားများကို မှေးမှိန်သွားစေခဲ့ပြီး သက်ကြီးပုဂ္ဂိုလ်များသည် အလုပ်ဆက်လုပ်ရန်အတွက် တွန်းပို့စေခဲ့သည်။

ပြီးခဲ့သောမတ်တွင် ထုတ်ပြန်ခဲ့သည့် အချက်အလက်များအရ တောင်ကိုရီးယားတွင် အသက် ၆၀ ၀န်းကျင်အရွယ်များသည် ၎င်းတို့ အသက် ၂၀ ၀န်းကျင်အရွယ်များကထက် စီးပွားရှာရခြင်း သို့မဟုတ် အလုပ်ရှာရခြင်းတို့ကို ပိုမိုလုပ်ဆောင်နေရသည်ဟု သိရသည်။ ပက်နှင့် ကုန်စုံဆိုင်ငယ်တစ်ဆိုင်တွင် ငွေကိုင်တစ်ဦးအဖြစ် လုပ်ကိုင်နေသည့် အသက် ၆၃ နှစ်ရှိ ၎င်း၏ဇနီးဖြစ်သူတို့သည် အပန်းဖြေကျွန်းစု ဂျယ်ဂျူသို့သွားရန် တစ်နှစ်လျှင် တစ်ပတ်သာ ခွင့်ယူကြောင်း ဆိုသည်။ သို့သော် ပက်က “ကျုပ်ကတော့ အခုချိန်အထိ အလုပ်လုပ်နိုင်သေးတာကိုပဲ ကျေးဇူးတင်မိတယ်။ ကံကောင်းတယ်လို့ မှတ်တယ်” ဟု ပြောကြားခဲ့သည်။

Ref: AFP

ပြုံယမ်းနှင့် ဆက်ဆံရေး ပျော့ပျောင်းလာစဉ် အမေရိကန်နှင့် တောင်ကိုရီးယားတို့က ပူးတွဲစစ်ရေးလေ့ကျင့်မှု ပြန်လည်စတင်မည်

၂၀၁၅ ခုနှစ် မတ် ၂၅ ရက်က တောင်ကိုရီးယားရှိ ပိုချီယွန်းမြို့တွင် Foal Eagle စစ်ရေးလေ့ကျင့်မှု၌ အမေရိကန်နှင့် တောင်ကိုရီးယား စစ်သားများကို တွေ့ရစဉ် (Photo : AP)

မြောက်ကိုရီးယားနှင့် သံတမန်ဆက်ဆံ ရေးပျော့ပျောင်းလာမှု အရှိန်ရလာနေစဉ် အမေရိကန်နှင့် တောင်ကိုရီးယားတို့သည် ၎င်းတို့နှစ်စဉ် ပြုလုပ်နေကျ ပူးတွဲစစ်ရေးလေ့ကျင့်မှုကို လာမည့်လတွင် ပြန်လည်စတင်မည် ဖြစ်ကြောင်း မတ် ၂၀ ရက်တွင် ကြေညာခဲ့သည်။

တပ်ဖွဲ့ဝင် ထောင်ပေါင်းများစွာ ပါဝင်သော ကြီးမားသည့် ယင်းပူးတွဲစစ်ရေး လေ့ကျင့်မှုသည် ကိုရီးယား နှစ်နိုင်ငံအကြား တင်းမာမှုအမြဲဖြစ်စေသော အကြောင်းရင်း တစ်ခုဖြစ်ခဲ့ပြီး ထိုစစ်ရေး လေ့ကျင့်မှုသည် မြောက်ကိုရီးယားအား ကျူးကျော်ရန် ရန်စသည့် အစမ်းလေ့ကျင့်မှုဖြစ်သည်ဟု ပြုံယမ်းက ကန့်ကွက်ရှုတ်ချလေ့ရှိသည်။ အမေရိကန်သမ္မတ ဒေါ်နယ်ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့အကြား ထိပ်သီးကျင်းပရန် အဆိုပြုချက် ထွက်ပေါ်ခဲ့အပြီး ကိုရီးယား နှစ်နိုင်ငံအကြား ထိပ်သီးကျင်းပနိုင်ရန်အတွက် ဆွေးနွေးနေကြစဉ် အဆိုပါ ဆွေးနွေးမှုများ လမ်းလွှဲသွားမည်ကို ရှောင်လွှဲနိုင်ရန်အတွက် ယခုနှစ်စစ်ရေးလေ့ကျင့်မှုများအား ချုံ့ပစ်ဖွယ်ရှိဟု ခန့်မှန်းမှုများလည်း ထွက်ပေါ်ခဲ့သည်။

ပူးတွဲစစ်ရေး လေ့ကျင့်မှုဖြစ်သော Foal Eagle ကို ဧပြီ ၁ ရက်တွင် ပြန်လည်စတင်မည်ဖြစ်ပြီး ပြုံချန်အိုလံပစ်ပြိုင်ပွဲအတွက် ရွှေ့ဆိုင်းခဲ့ရမှုကြောင့် ပူးတွဲလေ့ကျင့်မှုအား အချိန်တစ်လသာ ပြုလုပ်မည် ဖြစ်ကြောင်း တောင်ကိုရီးယား ကာကွယ်ရေး ၀န်ကြီးဌာန ပြောခွင့်ရပုဂ္ဂိုလ်တစ်ဦးက မတ် ၂၀ ရက်တွင် အတည်ပြုခဲ့သည်။ ပြီးခဲ့သောနှစ်တွင် အဆိုပါ ပူးတွဲစစ်ရေးလေ့ကျင့်မှုကို မတ်မှ ဧပြီအထိ နှစ်လကြာ ပြုလုပ်ခဲ့သည်။ အဆိုပါပူးတွဲ စစ်ရေးလေ့ကျင့်မှု၏ အချိန်ဇယားနှင့် ကာကွယ်ရေးအတွက် လေ့ကျင့်သည့် သဘောသဘာဝကို ကုလသမဂ္ဂ ကွပ်ကဲတပ်က မြောက်ကိုရီးယားအား မတ် ၂၀ ရက်တွင် အသိပေးခဲ့ကြောင်း ယင်းပြောခွင့်ရပုဂ္ဂိုလ်က ပြောကြားခဲ့သည်။

Foal Eagle သည် အမေရိကန်တပ်ဖွဲ့ဝင် ၁၁၅၀၀ အထိနှင့် တောင်ကိုရီးယားတပ်ဖွဲ့ဝင် ၂၉၀၀၀၀ တို့ပါဝင်သည့် လက်တွေ့စစ်ရေးလေ့ကျင့်မှု အစီအစဉ်များဖြစ်ပြီး Key Resolve လေ့ကျင့်မှုမှာမူ အဓိကအားဖြင့် ကွန်ပျူတာအသုံးပြု၍ သရုပ်ဖော်လေ့ကျင့်မှု ဖြစ်သည်။ ယခုလ အစောပိုင်းတွင် ပြုံယမ်းသို့ ရှားရှားပါးပါး သွားရောက်ခဲ့သော တောင်ကိုရီးယား ထိပ်တန်းကိုယ်စားလှယ် တစ်ဦးက အဆိုပါ စစ်ရေးလေ့ကျင့်မှုများအား ရှေ့ဆက်လုပ်ဆောင်ရန် လိုအပ်သည်ကို ကင်ဂျုံအွန်က နားလည်ကြောင်း ရှင်းရှင်းလင်းလင်း ပြောကြားခဲ့သည်ဟု ပြောကြားခဲ့သည်။ ယင်းကဲ့သို့ လက်ခံခဲ့မှုသည် အတိတ်ကာလတွင် အဆိုပါ စစ်ရေးလေ့ကျင့်မှုများကို ကင်အစိုးရက ကန့်ကွက်ရှုတ်ချမှုနှင့် သိသိသာသာ ကွဲလွဲနေခြင်းဖြစ်သည်။

လတ်တလောတွင်မူ Foal Eagle ပူးတွဲစစ်ရေးလေ့ကျင့်မှုအတွင်း အမေရိကန် လေယာဉ်တင်သင်္ဘောနှင့် အခြားမဟာဗျူဟာမြောက် လက်နက်များအား ဖြန့်ကြက်ထားရန် အစီအစဉ်မရှိကြောင်း အမေရိကန်-ကိုရီး ယား ပူးတွဲကွပ်ကဲတပ် (CFC) မှ ပြောခွင့်ရပုဂ္ဂိုလ်တစ်ဦးက ပြောကြားခဲ့သည်။

ဆက်ဆံရေး ပြန်လည်သင့်မြတ်နေချိန်တွင် မြောက်ကိုရီးယားအား မလိုအပ်ဘဲ ရန်စမှုမဖြစ်စေရန် တောင်ကိုရီးယားနှင့် အမေရိကန်တို့ကလည်း အတော်အသင့် လျှော့ချထားသော ပူးတွဲစစ်ရေးလေ့ကျင့်မှုကို ဆောင်ရွက်ရန် စီစဉ်နေကြောင်း၊ မြောက်ကိုရီးယားသည်လည်း ယခင်ကကဲ့သို့ အဆိုပါ ပူးတွဲစစ်ရေး လေ့ကျင့်မှုအား ရှုတ်ချမှုမပြုဘဲ အလွန်အမင်း နှုတ်ဆိတ်နေကြောင်း၊ ယင်းသည်  စစ်ရေးလေ့ကျင့် နေစဉ်အတွင်း အခြေအနေများအား ထိန်းချုပ်ထားနိုင်ရန်အတွက် မြောက်ကိုရီးယား အတွက်သာမက  အမေရိကန်နှင့် တောင်ကိုရီးယားတို့ အတွက်ပါ အလွန်အမင်း အရေးကြီးကြောင်း ဒေါင်ဂွတ် တက္ကသိုလ်မှ မြောက်ကိုရီးယား လေ့လာမှုဆိုင်ရာ ပါမောက္ခ ကင်ယုံဟွန်းက ပြောကြားခဲ့သည်။

Ref : AFP

တောင်ကိုရီးယားနိုင်ငံတွင် အလုပ်လုပ်ရန်အတွက် စာမေးပွဲဖြေဆိုခွင့် လျှောက်လွှာပုံစံတင်သူ သုံးသောင်း ၀န်းကျင်ရှိပြီး ယမန်နှစ်ထက်လျော့နည်း

ကိုရီးယားတွင် အလုပ်လုပ်ကိုင်နိုင်ရန် စာမေးပွဲဖြေဆိုခွင့် လျှောက်လွှာပုံစံ တင်သူများအား တွေ့ရစဉ်

တောင်ကိုးရီးယားနိုင်ငံ၏ ကုန်ထုတ်လုပ်ငန်း၊ ဆောက်လုပ်ရေးလုပ်ငန်း၊ စိုက်ပျိုးရေးနှင့် မွေးမြူရေးလုပ်ငန်း စသည်တို့တွင် သွားရောက် အလုပ်လုပ်ရန်အတွက် စာမေးပွဲဖြေဆိုခွင့် လျှောက်လွှာပုံစံ လာရောက် တင်သွင်းသူ သုံးသောင်းဝန်းကျင်ရှိပြီး မနှစ်က ထက်လျော့နည်းသွားကြောင်း မတ် ၁၆ ရက်က အလုပ်သမား ညွှန်ကြားရေးဦးစီးဌာနက စုံစမ်းသိရသည်။

တောင်ကိုရီးယားနိုင်ငံသို့ သွားရောက် အလုပ်လုပ်ကိုင် လိုသူများအတွက် စာမေးပွဲ ဖြေဆိုခွင့် လျှောက်လွှာများကို ကိုရီးယားဘာသာစကားသင် သင်တန်းကျောင်းများတွင် ကြိုတင်ပေးထုတ်ပေးထားပြီး မတ် ၁၂ ရက်မှ ၁၅ ရက်အထိ ရန်ကုန်တိုင်းဒေသကြီးနှင့် မန္တလေးတိုင်းဒေသကြီးတို့တွင် အခမဲ့ ထုတ်ပေးခဲ့သည်။ လျှောက်လွှာပြန်တင်ခြင်းကိုမူ မတ် ၁၂ ရက်မှ ၁၅ ရက်အထိ လေးရက်တည်းသာ လက်ခံခဲ့သည်။

ယင်းသို့လျှောက်လွှာ ထုတ်ပေးခြင်းနှင့် လျှောက်လွှာလက်ခံခြင်းကို ဆောင်ရွက်ရာတွင် မတ် ၁၂ ရက်မှ ၁၅ ရက်အတွင်း ရန်ကုန်တိုင်းဒေသကြီး မြောက်ဒဂုံမြို့နယ် ပင်လုံအလုပ်သမားသင်တန်းက ကျောင်းသို့ လျှောက်လွှာ လာရောက် ထုတ်ထားသူများနှင့် သင်တန်းကျောင်းများတွင် ကြိုတင်ထုတ်ထားပေးသူမှာ ၂၂၀၀၀ ကျော် အထိရှိပြီး လျှောက်လွှာပြန်တင်သူ ဦးရေမှာ၂၁၆၀၀ ကျော်ရှိကြောင်း သိရသည်။

“ရန်ကုန်မှာက ဘာသာစကားသင် သင်တန်းကျောင်းတွေကို ကြိုထုတ်ပေးတာနဲ့ မတ် ၁၂ ရက်က ၁၅ ရက်အထိ ထုတ်ပေးထားတာဆိုရင် စုစုပေါင်းလျှောက်လွှာ ၂၂၄၀၀ ကျော်လောက်ရှိတယ်။ ဖောင်ပြန် တင်တာကတော့ ၂၁၆၀၀ လောက်ရှိတယ်။ မနှစ်ကတော့ ရန်ကုန်တစ်ခုတည်းမှာ ထုတ်ပေးတုန်းက လျှောက်လွှာ လာတင်တာ ၃၃၀၀၀ လောက်ရှိတယ်” ဟု အလုပ်သမား ညွှန်ကြားရေး ဦးစီးဌာန ရန်ကုန်တိုင်းဒေသကြီးရုံးက တိုင်းဦးစီးမှူး ဦးကိုကိုလင်းက ပြောကြားသည်။

ရန်ကုန်နှင့် မန္တလေးတိုင်း နှစ်ခုပေါင်းတွင် ကိုရီးယားသို့ သွားရောက်ရန်အတွက် စာမေးပွဲဖြေဆိုခွင့် လျှောက်လွှာတင်သူ သုံးသောင်းဝန်းကျင် ခန့်ရှိကြောင်း သိရသည်။ ၂၀၁၇ ခုနှစ်တွင် လျှောက်လွှာ ၃၃၀၀၀ ကျော် လက်ခံရရှိခဲ့သည့်အတွက် ၂၀၁၇ ခုနှစ်နှင့် ယခုနှစ်နှင့် နှိုင်းယှဉ်ကြည့်ပါက လျှောက်လွှာတင်သူဦးရေ နှစ်ထောင်ဝန်းကျင် လျော့နည်းသွားကြောင်း သိရသည်။

“မနှစ်ကထက်တော့နည်းတယ်။ ရန်ကုန် မန္တလေး နှစ်ခုပေါင်းဆိုရင် လျှောက်လွှာလာတင်သူ သုံးသောင်းဝန်းကျင် လောက်ပဲရှိတယ်။ မန္တလေးမှာတော့ လျှောက်လွှာလာတင်သူ ၉၀၀၀ ကျော်လောက်ရှိတယ်” ဟု အစိုးရ ပြည်ပအလုပ်အကိုင် အေဂျင်စီ လက်ထောက်ညွန်ကြားရေးမှူး ဒေါ်အေးအေးသော်က ပြောကြားသည်။

၂၀၁၈ ခုနှစ်တွင် တောင်ကိုးရီးယားနိုင်ငံသို့ သွားရောက် အလုပ်လုပ်ရန်အတွက် စာမေးပွဲဖြေဆိုသူများကို အောင်ချက်ရာခိုင်နှုန်းအား လူဦးရေ တစ်သောင်းအထိတိုး မြှင့်ထားသော်လည်း တောင်ကိုရီးယားသို့ လူဦးရေ မည်မျှခေါ်ယူမည်ကို အတိအကျ ထုတ်ပြန်ခြင်း မရှိသေးပေ။

“ဒီနှစ်ကို အောင်မြင်မှုရာခိုင်နှုန်း တစ်သောင်းပေးမယ်လို့သာ သိရပေမယ့် လုပ်သားဘယ်လောက် ခေါ်မယ်ဆိုတာ မသိရသေးဘူး။ စာမေးပွဲအောင်တိုင်းလည်း သွားရမှာ မဟုတ်ဘူး” ဟု ဦးကိုကိုလင်းက ပြောကြားသည်။

တောင်ကိုရီးယားနိုင်ငံသို့ မြန်မာလုပ်သားများကို အစိုးရချင်း သဘောတူညီမှုဖြင့် ၂၀၁၁ ခုနှစ်ကတည်းက စေလွှတ်ခဲ့ရာ ၂၀၁၇ ခုနှစ်အထိ လုပ်သားသုံးသောင်းကျော် တရားဝင် စေလွှတ်နိုင်ခဲ့ကြောင်း အလုပ်သမား ညွန်ကြားမှု ဦးစီးဌာနမှ သိရသည်။

 

တောင်ကိုရီးယားနိုင်ငံသို့ သွားရောက်လုပ်ကိုင်ရန် ရန်ကုန်တိုင်းဒေသကြီးတွင် စာမေးပွဲဖြေဆိုခွင့်လျှောက်လွှာ နှစ်သောင်းကျော် ထုတ်ပေးထားပြီး နှစ်ရက်အတွင်း လျှောက်လွှာပြန်တင်သူ တစ်သောင်းနီးပါးရှိ

တောင်ကိုရီးယားနိုင်ငံသို့ သွားရောက်ရန် စာမေးပွဲဖြေဆိုခွင့် လျှောက်လွှာတင်နေကြသူများကို မတ် ၁၃ ရက်က တွေ့ရစဉ်

တောင်ကိုရီးယားနိုင်ငံသို့ သွားရောက်အလုပ်လုပ်ကိုင်ရန်အတွက် ရန်ကုန်တိုင်းဒေသကြီးတွင် စာမေးပွဲဖြေဆိုခွင့်လျှောက်လွှာ ၂၀၀၀၀ ကျော်ထုတ်ပေးထားပြီး နှစ်ရက်အတွင်း လျှောက်လွှာပြန်တင်သူ ၁၀၀၀၀ နီးပါးရှိကြောင်း မတ် ၁၃ ရက်တွင် အလုပ်သမားညွှန်ကြားရေးဦးစီးဌာနမှ သိရသည်။

တောင်ကိုရီးယား-မြန်မာနှစ်နိုင်ငံ ချိတ်ဆက်မှုဖြင့် ကိုရီးယားနိုင်ငံရှိ ဆောက်လုပ်ရေးလုပ်ငန်းများ၊ ကုန်ထုတ်လုပ်မှုလုပ်ငန်းများ၊ စိုက်ပျိုးရေးနှင့် မွေးမြူရေးလုပ်ငန်းများတွင် အလုပ်လုပ်ရန် မြန်မာလုပ်သားများကို ၂၀၁၁ ခုနှစ်ကတည်းက စေလွှတ်ခဲ့ခြင်းဖြစ်သည်။ ၂၀၁၈ ခုနှစ်အတွင်း တောင်ကိုရီးယားသို့ စေလွှတ်ရန်အတွက် ရန်ကုန်တိုင်းနှင့် မန္တလေးတိုင်းတွင် စာမေးပွဲဖြေဆိုခွင့် လျှောက်လွှာများထုတ်ပေးခြင်းနှင့် လျှောက်လွှာပြန်တင်ခြင်းကို မတ် ၁၂ ရက်မှ မတ် ၁၅ ရက်အထိ လုပ်ဆောင်ပေးနေခြင်းဖြစ်သည်။

၂၀၁၇ ခုနှစ်က တောင်ကိုရီးယားနိုင်ငံသို့ သွားရောက်အလုပ်လုပ်ကိုင်ရန် စာမေးပွဲဖြေဆိုခွင့် လျှောက်လွှာများကို ရန်ကုန်တိုင်းဒေသကြီး မြောက်ဒဂုံပင်လုံအလုပ်သမား သင်တန်းကျောင်းတစ်ခုတည်း၌သာ ထုတ်ပေးခဲ့ပြီး လူပေါင်း ၃၃၀၀၀ ကျော်အထိ လာရောက်ထုတ်ယူသဖြင့် လူများစုံပြုံတိုးဝှေ့ခြင်း၊ ခိုက်ရန်ဖြစ်ပွားခြင်းတို့ ဖြစ်ပွားခဲ့သည်။ ယခုနှစ်တွင် ယင်းကဲ့သို့ဖြစ်ပွားခြင်းမရှိစေရန် ကိုရီးယားဘာသာစကား သင်သင်တန်းကျောင်းများသို့ လျှောက်လွှာများ ကြိုတင်ထုတ်ပေးခြင်းနှင့် ရန်ကုန်တိုင်းနှင့် မန္တလေးတို့တွင် နှစ်နေရာခွဲ၍ လျှောက်လွှာထုတ်ယူခြင်းနှင့် လျှောက်လွှာတင်ခြင်းကို ဆောင်ရွက်ပေးလျက်ရှိကြောင်း သိရသည်။

“ပြီးခဲ့တဲ့နှစ်မှာ အခက်အခဲတွေရှိခဲ့တဲ့အတွက် ဒီနှစ်မှာတော့ ကျွန်တော်တို့က ပိုပြီးစနစ်ကျအောင် စီစဉ်တဲ့အတွက် အဆင်ပြေပါတယ်။ မနေ့က (မတ် ၁၂ ရက်) လျှောက်လွှာလာထုတ်သူ ၄၃၀၀ ကျော်ရှိပြီး လျှောက်လွှာလာတင်သူ ၄၉၀၀ ကျော်ရှိပါတယ်။ ဒီနေ့မှာတော့ လျှောက်လွှာလာထုတ်ယူ ၁၃၀၀ ကျော်ရှိပြီး လက်ရှိအချိန်ထိ လျှောက်လွှာပြန်တင်တဲ့သူ ၄၇၀၀ ကျော်လောက်ရှိပါပြီ” ဟု အလုပ်သမားညွှန်ကြားရေးဦးစီးဌာန ရန်ကုန်တိုင်းဒေသကြီးရုံးမှ တိုင်းဦးစီးမှူး ဦးကိုကိုလင်းက ပြောကြားသည်။

နှစ်ရက်အတွင်း လျှောက်လွှာလာထုတ်သူဦးရေနှင့် သင်တန်းကျောင်းများတွင် လျှောက်လွှာကြိုတင်ထုတ်ပေးထားသူဦးရေ ၂၀၀၀၀ ကျော်ရှိပြီဖြစ်ပြီး လျှောက်လွှာလာတင်မှုမှာ နှစ်ရက်အတွင်း ၁၀၀၀၀ ၀န်းကျင်ရှိပြီဖြစ်ကြောင်း သိရသည်။

တောင်ကိုရီးယားသို့ သွားရောက်လိုသူများအနေဖြင့် မတ် ၁၅ ရက်အထိ လျှောက်လွှာထုတ်ယူခြင်းနှင့် လျှောက်လွှာတင်ခြင်းများ ဆောင်ရွက်နိုင်ကြောင်း သိရသည်။

ယင်းကဲ့သို့ လျှောက်လွှာထုတ်ယူခြင်းနှင့် လျှောက်လွှာတင်သွင်းခြင်းကိစ္စများတွင် အဆင်ပြေမှုရှိစေရန် စီစဉ်ပေးထားသော်လည်း အခက်အခဲအချို့ ရှိနေဆဲဖြစ်ကြောင်း လျှောက်လွှာတင်သူတစ်ဦးက ပြောကြားသည်။

“အခက်အခဲ ဖြစ်တာကတော့ ဒေါ်လာလဲတဲ့ကိစ္စပေါ့။ ကျွန်တော်တို့သင်တန်းက ၂၅ ယောက်တစ်ဖွဲ့ကို တစ်ယောက် ၂၄ ဒေါ်လာနဲ့ ၂၅ ယောက်အဖွဲ့အတွက် ဒေါ်လာ ၆၀၀ စီစဉ်ပေးလိုက်ပေမယ့် ဒီရောက်တော့ အဲဒီလိုသွင်းလို့မရဘူးတဲ့။ တစ်ယောက်ချင်းစီ ၂၄ ဒေါ်လာဆိုတော့ မကြာသင့်ဘဲ ကြာသွားတာပေါ့” ဟု သထုံမြို့မှ လာရောက်လျှောက်လွှာတင်သူ ကိုဝင်းလွင်ဦးက ပြောကြားသည်။

တောင်ကိုရီးယားရှိ ဆေးရုံတစ်ရုံ မီးလောင်ကျွမ်းမှု ဖြစ်ပွားသဖြင့် ၃၃ ဦးထက်မနည်း သေဆုံး

Photo : AFP

တောင်ကိုရီးယားနိုင်ငံတွင် ဇန်န၀ါရီ ၂၆ ရက်နေ့က ဆေးရုံတစ်ရုံ မီးလောင်ကျွမ်းမှု ဖြစ်ပွားသဖြင့် ၃၃ ဦးထက်မနည်း သေဆုံးခဲ့ပြီး ၇၀ ကျော် ဒဏ်ရာရရှိသွားခဲ့ကြောင်း မီးသတ်သမားများက ထုတ်ဖော်ပြောကြား ခဲ့သည်။

အာရှ၏ စတုတ္ထမြောက်အကြီးဆုံး စီးပွားရေးနိုင်ငံဖြစ်ပြီး စက်မှုဖွံ့ဖြိုးသည့် တောင်ကိုရီးယားနိုင်ငံတွင် တစ်လအတွင်း ဒုတိယအကြိမ်မြောက် ပြင်းထန်သော မီးလောင်ကျွမ်းမှု ဖြစ်ပွားခဲ့ခြင်းဖြစ်သည်။

မာရန်းရှိ ဆေးရုံးအပေါ်တွင် လူနာတစ်ဦးသည် ရဟတ်ယာဉ်မှ ချပေးသောကြိုးကို တွဲလွဲခိုနေပုံနှင့် အခြားလူနာ တစ်ဦးက ပြတင်းပေါက်က တွားဆင်းကာ လှေကားမှနေ ဆင်းနေပုံကို လူမူမီဒီယာတွင် တင်ထားသော ဗီဒီယို၌ မြင်တွေ့ ခဲ့ရသည်။

ခြောက်ထပ်ရှိသော အဆိုပါ အဆောက်အအုံသည် ဆေးရုံတစ်ခုလည်းဖြစ်ကာ ဘိုးဘွားရိပ်သာလည်း ဖြစ်သည်။

၃၃ ဦးသေဆုံးသွားခဲ့ပြီး ၁၃ ဦးသည် ပြင်းထန်စွာ ဒဏ်ရရှိခဲ့သည်ဟု အမျိုးသား မီးသတ်အေဂျင်စီက ပြောကြားခဲ့သည်။

အခြား ၆၁ ဦးသည် အသေးအဖွဲဒဏ်ရာများ ရရှိခဲ့သည်ဟု ပြောရေးဆိုခွင့်ရ အမျိုးသားတစ်ဦးက ပြောကြားခဲ့ပြီး သေဆုံးသူ အရေအတွက် ထပ်မံမြင့်တက် လာနိုင်သည်ဟုလည်း ၄င်းကဖြည့်စွက် ပြောကြားခဲ့သည်။

Photo : AFP

“အရေးပေါ်ခန်းထဲကနေ မီးတွေရုတ်တရုတ် ထလောင်တာကို မြင်တယ်လို့ သူနာပြုနှစ်ယောက်က ပြောပါတယ်” ဟု မီးသတ်ဌာန အကြီးအကဲ ချွိုင်မန်ဝူးက ပြောကြားခဲ့သော်လည်း မီးလောင်မှုဖြစ်ပွားရသည့် အကြောင်းရင်းကို ချက်ချင်းမသိရသေး ဟုဆိုသည်။

လူနာအားလုံးကို သယ်ထုတ်ခဲ့ရသည်ဟု သူကပြောကြားခဲ့ပြီး တတိယအလွှာရှိ အရေးပေါ်ခန်းထဲ လူနာ ၁၅ ဦးကို နေရာရွေ့ပေးရာတွင်မူ အချိန်ပိုကြာခဲ့ကြောင်း၊ ဆေးဘက်ဝန်ထမ်းများက အရေးပေါ်လူနာများ ရွေ့ပြောင်းရေးကို ကြီးကြပ်ဆောင်ရွက် ပေးခဲ့သည်ကို မီးသတ်သမားများက စောင့်ဆိုင်းပေးခဲ့ရသဖြင့် အချိန်ပိုကြာသွားခဲ့ခြင်း ဖြစ်သည်ဟု ဆိုသည်။

မီးလောင်မှု ဖြစ်ပွားချိန်တွင် ဆေဂျောင်ဆေးရုံ၌ လူ၂၀၀ ၀န်းကျင် ရှိနေသည်ဟု ရဲတပ်ဖွဲ့ က ပြောကြားသည်။

တောင်ကိုရီးယားသမ္မတ မွန်ဂျေအွန်းသည် တုံ့ပြန်ဆောင်ရွက်ရန် နည်းလမ်းများကို ဆွေးနွေးရန် အကြံပေးများနှင့်အတူ အရေးပေါ်အစည်းအဝေး ခေါ်ယူခဲ့သည်။

ဂျေချောင်းမြို့ရှိ ကျန်းမာရေး လေ့ကျင်မှုကလပ်တွင် လူ ၂၉ ဦး သေဆုံးစေခဲ့သည့် မီးလောင်မှုဖြစ်ပွားအပြီး တစ်လခန့် အကြာတွင် ယခုဆေးရုံ မီးလောင်မှု ဖြစ်ပွားခဲ့ခြင်းဖြစ်သည်။

အိုလံပစ်ပွဲတော်နှင့် ပတ်သက်၍ စိုးရိမ်နေကြစဉ် အမေရိကန်နှင့် တောင်ကိုရီးယားတို့ စစ်ရေးလေ့ကျင့်မည့် ကိစ္စအား ဆွေးနွေး

ဒီဇင်ဘာ ၁၂ ရက်က အိုလံပစ်အားကစားရုံ၌ အကြမ်းဖက်မှု တိုက်ဖျက်ရေး လေ့ကျင့်မှုတွင် ပါဝင်နေသည့် တောင်ကိုရီးယား SWAT အဖွဲ့ဝင်တစ်ဦး (Photo : AFP)

နျူကလီးယားလက်နက် ပိုင်ဆိုင်သည့် မြောက်ကိုရီးယားကို ဒေါသထွက်စေသည့် နှစ်စဉ် စစ်ရေးလေ့ကျင့်မှုကြီးများ ကျင်းပမည့် အချိန်နှင့် ပတ်သက်၍ အမေရိကန် စစ်တပ်သည် တောင်ကိုရီးယားနှင့် ဆွေးနွေးနေသည်ဟု သိရသည်။ လာမည့်နှစ် ထိုစစ်ရေး လေ့ကျင့်မှုများ ကျင်းပမည့်အချိန်သည် ဆောင်းရာသီ အိုလံပစ် ကျင်းပမည့် အချိန်နှင့်လည်း တိုက်ဆိုင်သွားဖွယ်ရှိသည်။

မဟာမိတ်နှစ်နိုင်ငံစလုံးမှ တပ်ဖွဲ့ဝင် ထောင်ပေါင်းများစွာ ပါဝင်ပြီး ယင်းနှစ်နိုင်ငံစလုံးက ကာကွယ်ရေး ရည်ရွယ်ချက်သက်သက် အတွက်ဟု အခိုင်အမာ ဆိုနေကြသော Foal Eagle နှင့် Key Resolve စစ်ရေး လေ့ကျင့်ကြီးများသည် နှစ်စဉ်ဖေဖော်ဝါရီလနှောင်းပိုင်း သို့မဟုတ် မတ်လအစောပိုင်းတွင် စတင်လေ့ရှိသည်။ သို့သော် မြောက်ကိုရီးယားကမူ ထိုစစ်ရေး လေ့ကျင့်မှုကြီးများအား ၎င်းတို့နိုင်ငံကို ကျူးကျော်ရန် အကြိုလေ့ကျင့်နေကြခြင်း ဖြစ်သည်ဟု ရှုမြင်နေသည့်အတွက် ထိုစစ်ရေးလေ့ကျင်မှုကြီးများ ကျင်းပတိုင်း နဂိုကတည်းက တင်းမာနေသည့် အခြေအနေများမှာ ပိုမိုဆိုးရွား သွားလေ့ရှိသည်။

တောင်ကိုရီးယားနိုင်ငံ Pyeongchang တွင် လာမည့်နှစ်၌ ကျင်းပမည့် ဆောင်းရာသီ အိုလံပစ်ပွဲတော်မှာ ဖေဖော်ဝါရီ ၉ ရက်မှ ၂၅ ရက်အတွင်းဖြစ်ပြီး ယင်းနောက်တွင် မသန်စွမ်းများအတွက် အားကစား ပွဲတော်ဖြစ်သော Paralympics ကိုဆက်၍ ကျင်းပမည် ဖြစ်သည်။

ယခုထွက်လာသည့် သတင်းများအရ မြောက်ကိုရီးယားထံမှ ရန်စနိုင်သည့် အခွင့်အလမ်းများ နည်းသွားစေရန် ထိုပူးတွဲစစ် ရေးလေ့ကျင့်မှုများကို အားကစားပွဲများ ပြီးသည့်အချိန်အထိ နောက်ဆုတ်ပေးရေးအတွက် တောင်ကိုရီးယားက အမေရိကန်ကို တောင်းဆိုနေသည်ဟု သိရသည်။

“Key Resolve နဲ့ Foal Eagle စစ်ရေးလေ့ကျင့်မှုတွေမတိုင်မီ ကျင်းပမယ့်အချိန်၊ ကျင်းပမယ့်ပုံစံတွေကို ROK-US မဟာမိတ်တွေက ဆွေးနွေးနေကြပါတယ်” ဟု အမေရိကန်၏ ပစိဖိတ်ဌာနချုပ်မှ ပြောခွင့်ရပုဂ္ဂိုလ် ဒေ့ဗ်ဘန်ဟန်၏ ပြောကြားချက်ကို ယွန်ဟပ်သတင်းဌာနတွင် ဒီဇင်ဘာ ၁၂ ရက်က ဖော်ပြခဲ့သည်။ ထိုစစ်ရေး လေ့ကျင့်မှုများ ကျင်းပမည့်အချိန်ကို သင့်တော်သည့်အချိန်၌ ထုတ်ပြန်သွားမည်ဟုလည်း ၎င်းက ပြောကြားခဲ့ကြောင်း သိရသည်။

တောင်ကိုရီးယားသည် စစ်ရေးလေ့ကျင့်မှုများကို Paralympics ပြီးစီးမည့် မတ် ၁၈ ရက်အထိ နောက်ဆုတ်ပေးရန် တောင်းဆိုခဲ့ကြောင်း ထိုကိစ္စနှင့် ရင်းနှီးသူလေးဦးက ပြောကြားခဲ့သည်ဟု Financial Times တွင် ဖော်ပြခဲ့ပြီးနောက် ယခုကဲ့သို့ မှတ်ချက်များ ထွက်ပေါ်လာခြင်းလည်းဖြစ်သည်။ တောင်ကိုရီးယား ကာကွယ်ရေး ၀န်ကြီးဌာနကမူ ထိုကိစ္စနှင့် ပတ်သက်၍ အမေရိကန်နှင့် တရားဝင်ဆွေးနွေးမှုမရှိဟုသာ ထုတ်ပြန်ထားသည်။

တောင်ကိုရီးယားစစ်တပ်၊ ရဲနှင့်အခြား လုံခြုံရေး တပ်ဖွဲ့များသည် ဒီဇင်ဘာ ၁၂ ရက်က Pyeongchang မြို့၌ အကြမ်းဖက်မှု နှိမ်နင်းရေးနှင့် ပတ်သက်သော ကြီးမားသည့် စစ်ရေးလေ့ကျင့်မှုကြီးကို ပြုလုပ်ခဲ့ကြသည်။ ယင်းလေ့ကျင့်မှုများတွင် ဓားစာခံဖမ်းဆီးမှုများ၊ ဖောက်ခွဲရေးပစ္စည်းများ၊ ကားဝင်တိုက်မှုပုံစံများကို ထည့်သွင်းလေ့ကျင့် ခဲ့ကြကြောင်း သိရသည်။

Ref : AFP

တောင်ကိုရီးယားက ညစာစားပွဲတွင် ထရန့်အား အမေရိကန်ထက် သက်တမ်းရင့်သည့် ဆော့ဖြင့် တည်ခင်းဧည့်ခံမည်

တောင်ကိုရီးယားအစိုးရက အမေရိကန်သမ္မတအား ဧည့်ခံမည့် ညစာစားပွဲတွင် တည်ခင်းမည့် စားသောက်ဖွယ်များအား ရိုက်ကူးထားသော ဓာတ်ပုံ (Photo : AFP)

တောင်ကိုရီးယားက အမေရိကန်သမ္မတ ဒေါ်နယ်ထရန့်အား နိုဝင်ဘာ ၇ ရက်တွင် နိုင်ငံတော် ညစာစားပွဲ၌ ပုစွန်တုပ်ဟင်းနှင့်အတူ အမေရိကန်နိုင်ငံ သက်တမ်းထက် ရာစုနှစ်တစ်ခုကျော် သက်တမ်းပိုရှည်သော အထူးစားမြိန်ရည် တစ်မျိုးဖြင့် တည်ခင်းဧည့်ခံမည် ဖြစ်ကြောင်း သိရသည်။ နန်းတော်ဟောင်းဘေးရှိ သမ္မတ အိမ်ပြာတော်တွင် ကျင်းပမည့် ညစာစားပွဲ၌ အမဲနံရိုးဟင်းပွဲနှင့်အတူ သက်တမ်းနှစ် ၃၆၀ ရှိ ပဲဆော့ဖြင့်ပြု လုပ်ထားသည့် ဟင်းအနှစ်လည်း ပါဝင်မည်ဖြစ်ကြောင်း ဆိုးလ်၏ သမ္မတရုံးမှ ပြောခွင့်ရပုဂ္ဂိုလ် တစ်ဦးက ပြောကြားခဲ့သည်။

ယင်းဆော့ စတင်ပြုလုပ်သည့်အချိန် ဖြစ်သော ၁၆၅၇ ခုနှစ်သည် အမေရိကန် လွတ်လပ်ရေး ကြေညာစာတမ်း လက်မှတ်ရေးထိုးသူ ဘင်ဂျမင်ဖရန့်ကလင်း၏ ဖခင်ဖြစ်သူ မွေးဖွားသည့်နှစ်ဖြစ်သည်။ ပဲဆော့ အပါအ၀င် အချဉ်ဖောက်ထားသော စားစရာများသည် တောင်ကိုရီးယားဟင်းလျာတွင် အဓိကစားဖွယ် တစ်ခုဖြစ်သည်။ ဆယ်စုနှစ်နှင့်ချီ သို့မဟုတ် ရာစုနှစ်နှင့်ချီ အချဉ်ဖောက်ထားသော၊ ထင်ရှားသော ပညာရှင်များ ပြုလုပ်ထားသော ပဲဆော့များအား တစ်လီတာလျှင် ဒေါ်လာ သောင်းဂဏန်းနှင့်ချီ ဈေးနှုန်းရှိကြောင်း သိရသည်။ ၂၀၁၂ ခုနှစ်က စားသောက်ကုန်ပြပွဲ တစ်ခုတွင် ပညာရှင်အဖွဲ့ တစ်ဖွဲ့က လွန်ခဲ့သော နှစ်ပေါင်း ၄၅၀ ခန့်က ပြုလုပ်ထားသည်ဟု အခိုင်အမာ ပြောကြားသော ဒေါ်လာ ၉၀၀၀၀ (၀မ်သန်း ၁၀၀) ဈေးနှုန်းရှိသည့် ပဲဆော့ကို ပြသခဲ့သည်။

နိုဝင်ဘာ ၇ ရက် စားသောက်ဖွယ်စာရင်းတွင် ထရန့် အလွန်ကြိုက်နှစ်သက်သည့် ငါးဟု သိထားသော ငါးခွေးလျှာ ဟင်းလျာလည်း ပါဝင်မည်ဖြစ်သည်။ ယင်းစားသောက်ဖွယ် စာရင်းတွင် အမေရိကန်သမ္မတအား ခံတွင်းတွေ့စေမည့် ဒေသဆိုင်ရာနှင့် ရိုးရာစားစရာများလည်း ပါဝင်မည်ဟု အမည်မဖော်သော တာဝန်ရှိသူ တစ်ဦးက ယွန်ဟပ်သတင်းအေဂျင်စီသို့ ပြောကြားခဲ့သည်။

ယင်းစားသောက်ဖွယ်များသည် ဂျပန်ဝန်ကြီးချုပ် ရှင်ဇိုအာဘေးက ဧည့်ခံခဲ့သည့် အမေရိကန်ပုံစံနှင့် အလွန်အမင်းတူသည့် စားသောက်ဖွယ်များနှင့် ကွဲပြားနေခဲ့သည်။ တိုကျိုသို့ ထရန့်ရောက်ရှိပြီး နာရီပိုင်းအတွင်း ထရန့်နှင့် အာဘေးတို့သည် ချိစ်ဘာဂါအား ခရမ်းချဉ်ဆော့ဖြင့် စားခဲ့ကြပြီး နိုင်ငံတော် ညစာစားပွဲတွင် အမဲသားပျဉ် ဟင်းလျာ ပါဝင်ခဲ့ကြောင်း သိရသည်။

ဆိုးလ်တွင်မူ ညစာစားပွဲ၌ ပါဝင်သည့် ပုစွန်တုပ်သည် တောင်ကိုရီးယားနှင့် ဂျပန်တို့အကြား ပိုင်ဆိုင်မှု အငြင်းပွားနေသော ကျွန်းစုတစ်ခုအနီး ဖမ်းမိခဲ့သော ပုစွန်တုပ်ဖြစ်ကြောင်း မွန်း၏ရုံးက ထုတ်ပြန်ခဲ့သည်။ တိုကျိုအား နောက်ထပ်သံတမန်ရေးရာ ထိုးနှက်ချက်အဖြစ် မွန်း၏ရုံးသည် စစ်ပွဲကာလအတွင်း ဂျပန်စစ်သားများ အတွက် လိင်ကျွန်အဖြစ် ခိုင်းစေခံခဲ့ရသည့် လီယောင်ဆိုးအား ညစာစားပွဲသို့ ဖိတ်ခေါ်ခဲ့ကြောင်း သိရသည်။ အငြင်းပွားကျွန်းစုအနီး ဖမ်းမိခဲ့သော ပုစွန်အား ဟင်းလျာအဖြစ် ဧည့်ခံမှုသည် စိတ်ကူးကောင်း ဟုတ်၊ မဟုတ်ကို သံသယရှိကြောင်း ဂျပန်အစိုးရအဖွဲ့ အတွင်းဝန် ယိုရှီဟီဒီဆူဂါက ပြောကြားခဲ့သည်။

Ref : AFP