နိုင်ငံခြားငွေလဲနှုန်း စံချိန်တင် မြင့်တက်မှုကြောင့် ဆေးဝါးဈေးကွက်တွင် ဆေးဝါးအများစု ဈေးမြင့်တက်လျက်ရှိပြီး ကုမ္ပဏီအချို့က အရောင်းအ၀ယ်များ ပိတ်ထားဟု ဆေးဝါးရောင်းချသူများဆို

ရွှေပြည့်စုံဈေးတွင် ရောင်းချနေသည့် ဆေးဝါး အရောင်းဆိုင်အချို့ကို တွေ့ရစဉ် (ဓာတ်ပုံ-လွင်မျိုးသူ)

နိုင်ငံခြားငွေလဲနှုန်း ဆက်တိုက် မြင့်တက်မှုကြောင့်ဆေးဈေးကွက်အတွင်း ဆေးဝါးအများစု ဈေးနှုန်းမြင့်တက်နေပြီး အချို့ဆေးကုမ္ပဏီများက အရောင်းအ၀ယ်များ ပိတ်ထားကြောင်း ရွှေပြည့်စုံဈေးရှိ ဆေးကုန်သည်များက ပြောကြားသည်။

“အဓိကကတော့ ကုမ္ပဏီတွေက ၁၅ ရက်တစ်ခါ ရာခိုင်နှုန်း တစ်မျိုးစီ ပြောင်းပြီး ဈေးနှုန်းချပြီး ရောင်းချပေးနေတယ်။ အရောင်းအ၀ယ်ကတော့ လုံးဝမရှိဘူး။ ဈေးနှုန်း တက်နေတာကတော့ လက်ရှိ ကုမ္ပဏီတွေကနေပြီး ငွေဈေးပေါ်ကြည့်ပြီး ဈေးနှုန်းတွေ သုံးရက်တစ်ခါ၊ ငါးရက်တစ်ခါ ပြောင်းလဲမှုတွေတော့ ရှိတယ်။ ဆေးတွေကိုတော့ ကုမ္ပဏီတွေက ကန့်သတ်ချက်၊ အရေအတွက်နဲ့ နည်းနည်းပဲ ပေးတော့တယ်။ ရာခိုင်နှုန်းတင်ပြီး ရောင်းတာပေါ့။ ကြိုက်သလို ၀ယ်ခွင့် မပေးဘူးပေါ့။ အမြဲတမ်း ၀ယ်တဲ့သူကိုတောင် အရေအတွက် နည်းနည်းပဲပေးတယ်။ ဆေးဝါးလောက ကတော့ စီးပွားရေး ကျဆင်းနေတယ်” ဟု Golden Tamarind ဆေးဆိုင်ပိုင်ရှင် ဦးမြင့်လှိုင်က ပြောကြားသည်။

လက်ရှိ ဆေးဈေးကွက်အတွင်း ဒေါ်လာဈေး မြင့်တက်မှုကြောင့် ဆေးကုမ္ပဏီအချို့က ဆေးဝါးရောင်းချမှုကို ရပ်ဆိုင်းထားပြီး ဈေးနှုန်းအတက်အကျမှာ လှုပ်ခတ်လျက် ရှိနေကာ လက်ရှိတွင် သုံး ရာခိုင်နှုန်းမှ ခုနစ် ရာခိုင်နှုန်းအထိ မြင့်တက်လျက်ရှိကြောင်း သိရသည်။

“ငွေဈေး အတက်ကြမ်းတဲ့အပေါ်မှာ ကုမ္ပဏီကလည်း နိုင်ငံခြားက မှာယူရတဲ့နေရာမှာ ဈေးကြီးတယ်ဆိုတော့ သူတို့လည်း ဈေးနှုန်းတွေကို ပြင်ဆင်ပြီး ကျွန်တော်တို့ကို ဈေးနှုန်းတင်ပြီး ဖောက်သည် ပြန်ပေးတာပေါ့။ ဆေးရောင်းတဲ့ သက်တမ်းမှာတော့ ဒါမျိုးမကြုံဘူး။ ဒီလိုဈေးတွေ တက်လာတဲ့အတွက်ကြောင့် ကျွန်တော်တို့က ကုမ္ပဏီတွေဆီကနေ ဈေးမြင့်ဝယ်ရတော့ စားသုံးသူ ပြည်သူတွေကို ပြန်ရောင်းပေးတဲ့အခါ ဈေးနှုန်းတွေ တက်သွားနိုင်တာ ရှိတယ်။ အကျိုးရလဒ်က ဘယ်လိုဖြစ်သွားမလဲ ဆိုတော့ စားသုံးသူတွေ နစ်နာတယ်။ ရောင်းလိုအားတွေလည်း ကျသွားတယ်။ ၀ယ်လိုအားတွေလည်း နည်းသွားတယ်။ အဲဒီလိုပုံစံမျိုး ဖြစ်သွားတယ်။ ကျွန်တော်တို့ကတော့ ရောင်းချတဲ့သူတွေရော၊ စားသုံးသူတွေရော အစစအရာရာ အဆင်ပြေမယ်လို့ မျှော်မှန်းပါတယ်”ဟု ဦးမြင့်လှိုင်က ပြောကြားသည်။

၂၀၁၆ ခုနှစ်က ကျန်းမာရေးနှင့် အားကစားဝန်ကြီးဌာန၏ တရားမ၀င် ဆေးဝါး၊ ဆေးဝါးအတုနှင့် စံမမီဆေးဝါးများ တိုက်ဖျက်သည့် စီမံချက်ပြီးနောက် ဆေးဈေးကွက်အတွင်း ဆေးဝါးအများစုမှာ ရာခိုင်နှုန်း ၂၀ မှ ၅၀ အထိ မြင့်တက်ခဲ့ဖူးသည်။

မြန်မာနိုင်ငံတွင် နှစ်စဉ် ဒေါ်လာ သန်း ၄၀၀ ခန့်အထိ ဆေးဝါးနှင့် ဆေးပစ္စည်းများကို ပြည်ပမှ တင်သွင်းနေရပြီး ပြည်တွင်းဆေးဝါး ထုတ်လုပ်မှုမှာ လိုအပ်ချက်၏ ၁၀ ရာခိုင်နှုန်းခန့်သာ ရှိကြောင်း သိရသည်။

“တရုတ်လိုင်းက ကုမ္ပဏီတွေကတော့ လိုသလောက် ရောင်းပေးတယ်။ ဈေးကတော့ တခြား နိုင်ငံခြားဆေးတွေနဲ့ မတူဘူး။ ဈေးနည်းနည်းပဲ တက်တယ်။ အစ်မတို့ ရောင်းတဲ့အခါမှာလည်း လိုသလောက် ရောင်းပေးတယ် တက်တဲ့ဈေးနဲ့ပေါ့။ အရင်က ၂၈၅၀ နဲ့ ဝယ်တဲ့ဟာတွေက အခု ၃၁၅၀ နဲ့ ၀ယ်ရတယ်။အစ်မတို့ ပြန်ရောင်းတဲ့ အခါမှာကျတော့ ၃၁၅၀ နဲ့ ၀ယ်ထားတဲ့ဟာဆိုရင် ၃၂၀၀ နဲ့ ရောင်းပေးတယ်။ ပုံမှန်ပဲ အစ်မတို့ အမြတ်ယူတာက ၅၀ လောက်ပဲ။ ဆေးတွေကကျတော့ အများကြီးဈေးတက်ပြီး ရောင်းလို့ မရဘူးလေ။ ဈေးတက်တာက မကြာသေးဘူး။ တရုတ်လိုင်းဘက်ကကျတော့ တစ်ပတ်လောက်ပဲ ရှိသေးတယ်။ ဒါပေမဲ့ နိုင်ငံခြား ဆေးလိုင်းတွေကတော့ တက်တာကြာပြီ။ နိုင်ငံခြား ဆေးလိုင်းတွေကကျတော့ အရောင်းပိတ်ထားတာတွေ ရှိတယ်။ ကန့်သတ်ပြီး ရောင်းနေတာတွေ ရှိတယ်။ ဒေါ်လာဈေး တက်တယ်ဆိုတော့ ကုန်သွားလို့ရှိရင် မရောင်းရတော့မှာစိုးလို့ အချို့က ကန့်သတ် ရောင်းနေတာတွေ ရှိတယ်။ ဆေးအရောင်းအ၀ယ်က ကျတော့ ဒေါ်လာဈေး တက်ပြီးကတည်းက အရောင်းပါးတယ်။ အရင်ဝယ်နေကျ ၁၀ ဘူးဝယ်ရင် အခု ငါးဘူးပဲ ၀ယ်တော့တယ်။ ကုမ္ပဏီတချို့ က ဈေးတက်ပြီးသွားရင် ဈေးကျဖို့ အစီအစဉ် သိပ်မရှိတော့ဘူး။ သူတို့ကုမ္ပဏီက တစ်ထောင် တက်ထားတဲ့ ပစ္စည်းဆိုရင် ဒေါ်လာဈေးကျသွားရင်သူတို့က အဲဒီတစ်ထောင်ကို ဈေးမချတော့ဘဲ တစ်ထောင်နဲ့တန်းတူ ဆေးထပ်ပြီး ပေးတာတွေ ရှိတယ်” ဟု ရွှေပြည့်စုံဈေးတွင် ဆေးရောင်းချနေသော ကိုဖိုးလှဆေးဆိုင်မှ မမိုးမိုးက ပြောကြားသည်။

လက်ရှိတွင် ပြည်ပမှ တရားဝင် တင်သွင်းနေသည့် ဆေးဝါးများစွာ ရှိသကဲ့သို့ နယ်စပ်ဂိတ်များမှ တစ်ဆင့်သော် လည်းကောင်း၊ အကြောင်းအမျိုးမျိုးဖြင့် တရားမ၀င် တင်သွင်းနေသည့် ဆေးဝါးများလည်း အမြောက်အမြား ရှိနေကြောင်း သိရသည်။

မြန်မာနိုင်ငံသို့ တင်သွင်းနေသည့် တရားမ၀င် ဆေးဝါးအများစုမှာ အိမ်နီးချင်း ထိုင်း၊ တရုတ်၊ အိန္ဒိယနိုင်ငံများ၌ အခြေစိုက် ထုတ်လုပ်သည့် ဆေးကုမ္ပဏီများမှ ဆေးဝါးများ ဖြစ်ကြောင်းနှင့် မြန်မာနိုင်ငံသို့ ပြည်ပမှ ဆေးဝါးတင်သွင်းမှုများ သိသိသာသာ တိုးတက် မြင့်မားလာသည့်နည်းတူ နယ်စပ်ဒေသများမှ မမှန်မကန် တင်သွင်းလာသည့် အဆင့်မမီ ဆေးဝါးများကိုလည်း တွေ့ရှိနေရကြောင်း နှင့် အဆင့်မမီ ဆေးဝါးအများစုကို မြန်မာ-တရုတ် နယ်စပ်၊ မြန်မာ-အိန္ဒိယ နယ်စပ်များတွင် စစ်ဆေးတွေ့ရှိနေရကြောင်း မြန်မာနိုင်ငံ အစားအသောက်နှင့် ဆေးဝါးကွပ်ကဲရေးဦးစီးဌာနမှ သိရသည်။

မြန်မာနိုင်ငံတော် ဗဟိုဘဏ်က သြဂုတ် ၁၆ ရက်တွင် လေလံဈေးကွက်မှ တစ်ဆင့် ဒေါ်လာလေးသန်း ထုတ်ရောင်းခဲ့ပြီး နိုင်ငံခြား ငွေလဲနှုန်း တစ်ဒေါ်လာ ကျပ် ၁၅၆၀ အထိ စံချိန်တင် ဆက်လက် မြင့်တက်ခဲ့သော်လည်း မွန်းလွဲပိုင်းတွင် ကျပ် ၁၅၃၀ အထိ ပြန်လည် ကျဆင်းခဲ့ကြောင်း နိုင်ငံခြားငွေကြေးရောင်းဝယ်သူများထံမှ သိရသည်။

ဗဟိုဘဏ်က ၎င်း၏ ရည်ညွှန်း နိုင်ငံခြားငွေလဲနှုန်းကို သြဂုတ် ၁၆ ရက်တွင် ၁၄၉၈ ကျပ်အထိ မြှင့်တင်ခဲ့ပြီး သြဂုတ် ၁၅ ရက်နှုန်းထက် ၂၃ ကျပ် ပိုမိုများပြားသည်။ ပြီးခဲ့သည့် ရက်သတ္တပတ်များအတွင်း တစ်ရက်လျှင် ဒေါ်လာတစ်သိန်းသာ ထုတ်ရောင်းလျက်ရှိရာမှ နိုင်ငံခြားငွေ ရောင်းဝယ်ရာတွင် ဗဟိုဘဏ်၏ သတ်မှတ်ချက်ဘောင် ပယ်ဖျက်ပြီးနောက် သြဂုတ် ၁၅ ရက်တွင် ဒေါ်လာ ၁ ဒသမ ၆၅ သန်း၊ သြဂုတ် ၁၆ ရက်တွင် ဒေါ်လာ လေးသန်းအထိ လေလံဈေးကွက်၌ ထုတ်ရောင်းခဲ့ခြင်း ဖြစ်သည်။

ကမ္ဘာ့ကုန်သွယ်ရေးစစ်ပွဲ တင်းမာမှုများအတွက် တရုတ်နှင့် အမေရိကန်အစိုးရတို့ ညှိနှိုင်းမည်ဆိုသော သတင်းကြောင့် ဒေါ်လာဈေး ဆက်တိုက် မြင့်တက်နေရာမှာ အားပြန်လျော့လာကာ ဆွေးနွေးမှု အဆင်ပြေပါက ထွန်းသစ်စနိုင်ငံများ၏ ငွေကြေးတန်ဖိုး ကျဆင်းမှုများအတွက် အသက်ရှူပေါက် ရနိုင်မည်ဖြစ်သည်။ သြဂုတ် ၆ ရက် မွန်းလွဲပိုင်းအထိ တူရကီငွေကြေး အကျပ်အတည်းနှင့် တရုတ်စီးပွားရေး ကျဆင်းမှုတို့အပေါ် ဈေးကွက်စိုးရိမ်မှုများ ဆက်ရှိနေမှုနှင့်အတူ ဒေါ်လာညွှန်းကိန်းမှာလည်း ၉၆ ပွိုင့်အကျော် အ မြင့်တန်းတွင် ဆက်ရှိနေသည်။ တရုတ်ယွမ်ငွေမှာ သြဂုတ် ၁၆ ရက်တွင် ဒေါ်လာနှင့် ယှဉ်လျှင် တစ်ဒေါ်လာ ၆ ဒသမ ၉၁ ယွမ် ၀န်းကျင် ဖြစ်နေကာ ကျပ် ၁၀၀ လျှင် ၀ ဒသမ ၄၆ ယွမ် ၀န်းကျင် ဖြစ်သည်။

လှည်းကူးမြို့တွင်တည်ဆောက်မည့် ငါးဆူတောင်ဆေးဝါးထုတ်လုပ်ရေးဇုန်အား လုပ်ငန်းစတင်ချိန်မှ နှစ်နှစ်အတွင်းပြီးစီးရန် လုပ်ဆောင်မည်

ဆေးဝါးစက်ရုံ (အင်းစိန်)အား တွေ့ရစဉ် (ဓာတ်ပုံ-ကျော်ဇင်ဖြိုး)

လှည်းကူးမြို့တွင် တည်ဆောက်မည့် ငါးဆူးတောင် ဆေးဝါးထုတ်လုပ်ရေးဇုန်အား လုပ်ငန်းစတင်ချိန်မှ နှစ်နှစ်အတွင်း လုပ်ငန်းများပြီးစီးရန် လုပ်ဆောင်သွားမည်ဖြစ်ကြောင်း မြန်မာ့ဆေးဝါးလုပ်ငန်းမှ သိရသည်။

စက်မှုဝန်ကြီးဌာနပိုင် မြေနေရာဖြစ်သည့် ရန်ကုန်တိုင်းဒေသကြီး လှည်းကူးမြို့နယ် ငါးဆူတောင်တွင် ပုဂ္ဂလိကနှင့် အကျိုးတူ ပူးပေါင်း၍ ဆေးဝါးထုတ်လုပ်မှုထိပ်တန်း ကုမ္ပဏီကြီးများဖြစ်သော အမေရိကန်၊ စပိန် နှင့် ဂျပန်နိုင်ငံတို့မှ ဆေးဝါးကုမ္ပဏီများ၏ဆေးဝါးစက်ရုံများပါဝင်သည့် ဆေးဝါးထုတ်လုပ်ရေးဇုန်တည်ထောင်ရန် စီစဉ်နေကြောင်း  သိရသည်။

“မြန်မာ့ဆေးဝါးလုပ်ငန်းအနေနဲ့ ပြည်တွင်းမှာ ထုတ်လုပ်နိုင်မှုမရှိသေးတဲ့ ဆေးဝါးသစ်တွေကို နှစ်စဉ်သုတေသနပြုတိုးချဲ့ထုတ်လုပ်နေပါတယ်။ အခုလက်ရှိ ကင်ဆာရောဂါကုဆေး၊ ဗိုင်းရပ်စ်သတ်ဆေး၊ ရောဂါကာကွယ်ဆေးတွေကို အမေရိကန်နဲ့ စပိန်နိုင်ငံတို့က ကျော်ကြားတဲ့ဆေးကုမ္ပဏီတွေနဲ့ အကျိုးတူပူးပေါင်းပြီး  တိုးချဲ့လုပ်ဖို့ ရှိပါတယ်။ ဒါတွေ အပြင် ဘီပီအိုင်ဆေးဝါးထုတ်လုပ်မှုကို မကြာမီမှာ ကမ္ဘာ့ကျန်းမာရေးအဖွဲ့ရဲ့ GMP Prequalified လက်ခံရရှိသည်အထိလုပ်ဖို့ စီစဉ်ထားပါတယ်”  ဟု မြန်မာ့ဆေးဝါးလုပ်ငန်းမှ အကြီးတန်းအရာရှိတစ်ဦးက ပြောကြားသည်။

ငါးဆူတောင် ဆေးဝါးထုတ်လုပ်ရေးဇုန်အား လုပ်ငန်းစတင်ချိန်မှ နှစ်နှစ်အတွင်း လုပ်ငန်းပြီးစီးရန် အကောင်အထည်ဖော် ဆောင်ရွက်သွားမည်ဖြစ်ပြီး အဆိုပါဆေးဝါး စက်မှုဇုန်ပြီးစီးပါက ပြည်တွင်းလိုအပ်ချက်၏ ရာခိုင်နှုန်း ၅၀ ခန့်အထိ ဖြည့်ဆည်းပေးနိုင်မည် ဖြစ်ကြောင်းနှင့် မြန်မာနိုင်ငံတွင် လက်ရှိ ပြည်တွင်း၊ ပြည်ပရင်းနှီးမြှုပ်နှံမှုဖြင့် ပုဂ္ဂလိကပိုင် ခေတ်မီဆေးဝါးစက်ရုံများ တည်ထောင်လျက်ရှိပြီး ငါးဆူတောင်ဆေးဝါးစက်မှုဇုန်ပြီးစီးချိန်တွင် ပြည်တွင်းရှိ အခြားသောဆေးဝါးစက်ရုံများလည်း တည်ထောင်ပြီးစီးနိုင်မည်ဖြစ်သဖြင့် ထုတ်လုပ်မည့်ဆေးဝါးများကို ပြည်ပသို့ တင်ပို့ရန်အထိ ရည်ရွယ်ထားကြောင်းလည်း သိရသည်။

နှစ်စဉ်တန်ဖိုးအမေရိကန်ဒေါ်လာ သန်း ၄၀၀ ခန့်အထိ  ဆေးဝါးနှင့် ဆေးပစ္စည်းများကို ပြည်ပမှတင်သွင်းနေရပြီး ပြည်တွင်းဆေးဝါးထုတ်လုပ်မှုမှာ လိုအပ်ချက်၏ ၁၀ ရာခိုင် နှုန်းခန့်သာရှိကြောင်း၊ မြန်မာနိုင်ငံတွင် ယခင်က နိုင်ငံပိုင်ဘီပီအိုင်ဆေးဝါး စက်ရုံတစ်ခုတည်းသာရှိခဲ့ပြီး နောက်ပိုင်းတွင် ပြင်ဦးလွင် ဆေးဝါးစက်ရုံ၊ ကျောက်ဆည်ဆေးဝါးစက်ရုံတို့ကို ထပ်မံတိုးချဲ့ဖွင့်လှစ်ခဲ့ကြောင်း၊ တပ် မတော်မှလည်း မှော်ဘီဆေးဝါးစက်ရုံကို တည်ဆောက်ခဲ့ကြောင်းနှင့် ၂၀၁၁ ခုနှစ် အစိုးရသစ်ပြောင်းလဲပြီးနောက်ပိုင်းတွင် ပြည် တွင်းဆေးဝါးထုတ်လုပ်မှုလုပ်ငန်းများကို အစိုးရက ပုဂ္ဂလိကဆေးဝါးထုတ်လုပ်သော စက်ရုံများကို အားပေးနိုင်ရန် မူဝါဒချမှတ်ခဲ့ရာ ပထမဆုံး ပုဂ္ဂလိကဆေးဝါးစက်ရုံအဖြစ် ဒဂုံ အရှေ့ဆိပ်ကမ်းမြို့နယ်ရှိ  AA ဆေးကုမ္ပဏီပိုင်စက်ရုံ၊ ဒုတိယမြောက်စက်ရုံအဖြစ် ဖေဖော်ဝါရီ ၃ ရက်က ဖွင့်လှစ်ခဲ့သည့် ရွှေပေါက္ကံစက်မှုဇုန်ရှိ Silver Shine International ကုမ္ပဏီပိုင် စက်ရုံတို့ဖြစ်ကြောင်း သိရသည်။

မြန်မာ့ဆေးဝါးလုပ်ငန်းအနေဖြင့် ၂၀၁၆ -၂၀၁၇ ဘဏ္ဍာနှစ်အတွင်း ဆေးဝါးအမယ်သစ်၂၄ မျိုးနှင့် ၂၀၁၇ -၂၀၁၈ ဘဏ္ဍာနှစ်အတွင်း ဆေးဝါးအမယ်သစ် ၂၁ မျိုးကို တီထွင် စမ်းသပ်ထုတ်လုပ်ခဲ့ရာ ဆေးဝါး ၁၇ မျိုးသည် အစားအသောက်နှင့် ဆေးဝါးကွပ်ကဲရေးဦးစီးဌာန FDA ၏ ခွင့်ပြုချက် ရရှိပြီးဖြစ်၍ ထုတ်လုပ်ဖြန့်ဖြူးရောင်းချလျက်ရှိကြောင်း၊ အဆိုပါ ဆေးဝါး ၁၇ မျိုးအနက် အိပ်ခ်ျအိုင်ဗွီရောဂါ ဝေဒနာရှင်များအတွက် ကုသဆေးဖြစ်သည့် Tenofovir (300mg) ဆေး၊ ဘက်တီးရီးယား ပိုးသတ်ဆေးများဖြစ်သည့် Cefalexin Capsule  နှင့် Flocomox Capsule ၊ ကင်ဆာ ဝေဒနာရှင်များအတွက် နာကျင်မှုသက်သာစေသော Pain Killer တစ်မျိုးဖြစ်သည့်  Tramadol ကို ထုတ်လုပ်ဖြန့်ဖြူးရောင်းချလျက်ရှိကြောင်းနှင့်  အာရုံကြောနှင့် ကိုယ်ခံစွမ်းအား တိုးမြှင့်စေသောဆေးဖြစ်သည့် Neurovit Injection ၊ နှလုံးရောဂါနှင့် ကျောက်ကပ် ရောဂါ ကုသဆေးဖြစ်သည့် Dopamine Injectioin ၊ သွေးတွင်းအဆီကျဆေး Rosuvastatin Caplet ၊ အစာအိမ်ရောဂါကုသဆေး Ranitidine Tablet ၊ လက်သန့်ဆေးရည် Hand Sanitize  ဆေးငါးမျိုးကို FDA အတည်ပြုချက်ရရှိရေး လျှောက်ထားလျက်ရှိကြောင်း သိရသည်။