ဒေါ်လာဈေး မြင့်တက်လာသောကြောင့် ဆေးဝါးဈေးကွက်အတွင်း အရောင်းရပ်ထားခြင်း မပြုလုပ်ရန်နှင့် ဆေးဈေးနှုန်း ကြီးမြင့်စွာ မရောင်းချရန် ဆေးကုန်သည်များ အသင်းဥက္ကဋ္ဌ ပြောကြား

မြန်မာနိုင်ငံ၏ အကြီးဆုံး ဆေးဈေးကွက်ဖြစ်သော ရွှေပြည့်စုံဈေးမှ ဆေးဆိုင်အချို့ကို တွေ့ရစဉ် (ဓာတ်ပုံ-ကြည်နိုင်)

နိုင်ငံခြားငွေလဲနှုန်း စံချိန်တင် မြင့်တက်လာသောကြောင့် ဆေးဝါးဈေးကွက်အတွင်း အရောင်းရပ်ထားခြင်း မပြုလုပ်ရန်နှင့် ဆေးဈေး မြင့်တက်စွာ ရောင်းချခြင်းမပြုရန် မြန်မာနိုင်ငံ ဆေးနှင့် ဆေးပစ္စည်း ကုန်သည်များနှင့် လုပ်ငန်းရှင်များ အသင်းဥက္ကဋ္ဌက ပြောကြားသည်။

“ဆေးကုန်သည်တွေလည်း အခက်အခဲ ရှိပါတယ်။ ဒါပေမဲ့လည်း လူနာတွေရဲ့မျက်နှာကိုကြည့်ပြီး ထိန်းထိန်းသိမ်းသိမ်း လုပ်ကြပါ။ အထူးသဖြင့် အရောင်းမရပ်ကြဖို့ပေါ့ လေ။ မေတ္တာရပ်ခံပါတယ်။ တကယ်လက်တွေ့မှာလည်း ကျွန်တော်တို့ မေတ္တာရပ်ခံတာ ၁၀၀ ရာခိုင်နှုန်း အောင်မြင်ချင်မှ အောင်မြင်မှာပေါ့လေ။ ကျွန်တော်တို့ကလည်း ဒေါ်လာဈေး ချနိုင် မချနိုင်နဲ့ မဆိုင်ပါဘူး။ ဒီဟာကလည်း စီမံဘဏ္ဍာနဲ့ ဗဟိုဘဏ်နဲ့ပဲ ဆိုင်တာလေ” ဟု မြန်မာနိုင်ငံ ဆေးနှင့် ဆေးပစ္စည်း ကုန်သည်များနှင့် လုပ်ငန်းရှင်များ အသင်းဥက္ကဋ္ဌ ဦးဇော်မိုးခိုင်က ပြောကြားသည်။

ထို့ပြင် ၎င်းတို့အသင်း အနေဖြင့် ဆေးဝါးဈေးကွက်အတွင်း ယာယီ အရောင်းရပ်နားထားခြင်း မပြုလုပ်ရန်နှင့် သင့်လျော်သော ဈေးနှုန်းဖြင့်သာ ရောင်းချပေးရန်လည်း စက်တင်ဘာ ၂၀ ရက်တွင် ထုတ်ပြန်ခဲ့သည်။

ထုတ်ပြန်ချက်တွင် ဆေးဝါးနှင့် ဆေးပစ္စည်းများအား လိုအပ်သော ဆေးရုံ၊ ဆေးခန်းများ၊ ဆရာဝန်ကြီးများ၊ လူနာများထံ ရောင်းချရာတွင် ဈေးနှုန်းကြီးမြင့်စွာ ၀ယ်ယူသုံးစွဲနေရမှုများ မဖြစ်ပေါ်စေရန် ဆေးကုမ္ပဏီများ အနေဖြင့် အနည်းဆုံးနှင့် သင့်လျော်သော ဈေးနှုန်းဖြင့်သာ ရောင်းချရန်နှင့် ဈေးကွက်အတွင်း ဆေးပြတ်လပ်မှု မရှိစေရန်နှင့် တတ်နိုင်သလောက် ယာယီအရောင်းရပ်ထားခြင်း မပြုရန်လည်း နှိုးဆော်ထားသည်။ ပြည်တွင်း ဆေးဝါးလိုအပ်ချက်၏ ၁၈ ရာခိုင်နှုန်းကို ပြည်တွင်း၌သာ ထုတ်လုပ်ထားပြီး ကျန်ဆေးဝါး လိုအပ်ချက် ၈၂ ရာခိုင်နှုန်းကို ပြည်ပမှ တင်သွင်းကြောင်း သိရသည်။

ထို့ကြောင့် ဒေါ်လာဈေးများ မြင့်တက်လာတိုင်း ဆေးဝါးဈေးနှုန်း မြင့်တက်မှု မရှိစေရန် ပြည်တွင်း၌ ဆေးဝါးများ အမြောက်အမြား ထုတ်လုပ်နိုင်ရန် ကြိုးပမ်းသင့်ကြောင်း ဦးဇော်မိုးခိုင်က ပြောကြားသည်။

“ဆေးကလည်း ၈၅ ရာခိုင်နှုန်းမှ ရာခိုင်နှုန်း ၉၀ အထိ နိုင်ငံခြားမှ တင်သွင်းနေရတော့။ ဒေါ်လာဈေးအပေါ် အရမ်းမူတည်ပါတယ်။ နောက်တစ်ချိန် ဒေါ်လာဈေးတက်တိုင်း ဆေးဈေးမတက်ဖို့ဆိုတာ ပြည်တွင်းမှာ ဆေးဝါးထုတ်လုပ်ဖို့ အရမ်းလိုပါတယ်။ ဒေါ်လာဈေးတက်တိုင်း ပြည်ပကနေ တင်သွင်းလာတဲ့ ဆေးတိုင်းနဲ့ သက်ဆိုင်ပါတယ်။ အချို့ကုမ္ပဏီတွေက ဆေးဈေးမတက်ဘူးဆိုတာ သူတို့ကုမ္ပဏီမှာ ဆေးတွေကျန်နေ သေးတဲ့အတွက် ဈေးမတက်သေးတာ” ဟု ဦးဇော်မိုးခိုင်က ပြောကြားသည်။

ယခင်လက ဆေးဝါးဈေးကွက်အတွင်း ဒေါ်လာဈေး မြင့်တက်မှုကြောင့် ဆေးဈေးနှုန်း သုံးရာခိုင်နှုန်းမှ ခုနစ်ရာခိုင်နှုန်းအထိ မြင့်တက်ခဲ့ပြီး လက်ရှိတွင် ဒေါ်လာဈေး ထပ်မံမြင့်တက် လာသောကြောင့် ယခင် ခုနစ်ရာခိုင်နှုန်းထက် ပို၍ဈေးမြင့်တက် လျက်ရှိကြောင်း မြန်မာနိုင်ငံ၏ အကြီးဆုံးဆေးဝါး ဈေးကွက်ဖြစ်သည့် ရွှေပြည့်စုံဈေးမှ ဆေးရောင်းချသူအချို့က ပြောကြားသည်။

မြန်မာနိုင်ငံသို့ တင်သွင်းနေသည့် ဆေးဝါး အများစုမှာ အိမ်နီးချင်း ထိုင်း၊ တရုတ်၊ အိန္ဒိယနိုင်ငံများ၌ အခြေစိုက် ထုတ်လုပ်သည့် ဆေးကုမ္ပဏီများမှ ဆေးဝါးများဖြစ်ကြောင်း သိရသည်။

အိမ်နီးချင်း ဆေးဝါးထုတ်လုပ်သည့် နိုင်ငံများမှ အရည်အသွေး ပြည့်မီသော ဆေးဝါးများ ဈေးနှုန်းသက်သာစွာ ၀ယ်ယူနိုင်ရေး အကူအညီ ပေးစေလိုကြောင်း အိန္ဒိယနိုင်ငံ၌ပြုလုပ်သည့် ၀န်ကြီးအဆင့်အစည်းအဝေးတွင် ကျန်းမာရေးဝန်ကြီးဌာန ပြည်ထောင်စုဝန်ကြီး တင်ပြ

ဆေးဝါးများ လက်လီလက်ကား ရောင်းချလျက်ရှိသည့် ရွှေပြည့်စုံဈေးရှိ ဆေးဆိုင်များကို တွေ့ရစဉ် (ဓာတ်ပုံ-လွင်မျိုးသူ)

အိမ်နီးချင်းဆေးဝါး ထုတ်လုပ်သည့်နိုင်ငံများမှ အရည်အသွေး ပြည့်မီသော ဆေးဝါးများ ဈေးနှုန်းသက်သာစွာ ၀ယ်ယူနိုင်ရေး နည်းပညာပိုင်းဆိုင်ရာ အကူအညီပေးစေလိုကြောင်း အိန္ဒိယနိုင်ငံ နယူးဒေလီမြို့တွင် စက်တင်ဘာ ၃ ရက်မှ ၇ ရက်အထိ ကျင်းပခဲ့သည့် ကမ္ဘာ့ကျန်းမာရေးအဖွဲ့၊ အရှေ့တောင်အာရှ ဒေသဆိုင်ရာ နိုင်ငံများ၏ (၇၁) ကြိမ်မြောက် ဒေသဆိုင်ရာ စီမံခန့်ခွဲမှု ကော်မတီ အစည်းအဝေး၏ ၀န်ကြီးအဆင့် အစည်းအဝေးတွင် ကျန်းမာရေးနှင့် အားကစား ၀န်ကြီးဌာန ပြည်ထောင်စုဝန်ကြီး၏ တင်ပြဆွေးနွေးချက်များအရ သိရသည်။

အဆိုပါ အစည်းအဝေးတွင် ပြည်ထောင်စုဝန်ကြီးက လူတိုင်းလက်လှမ်းမီသော ကျန်းမာရေး စောင့်ရှောက်မှုစနစ် ရရှိစေရေးအတွက် အကောင်အထည် ဖော်ရာတွင် အရေးကြီးသည့် အခန်းကဏ္ဍဖြစ်သည့် acess to essential medical products လုပ်ငန်းစဉ်များအား အမျိုးသား ကျန်းမာရေး စီမံချက်၌ ထည့်သွင်းရေးဆွဲထားကြောင်း၊ မြန်မာနိုင်ငံ၏ ဆေးရုံများတွင် လိုအပ်သည့် ဆေးဝါးပစ္စည်းများ၏ ရာခိုင်နှုန်း ၇၀ ခန့်ကို နိုင်ငံတော်အစိုးရက အခမဲ့စနစ်ဖြင့် ထောက်ပံ့ထားကြောင်း၊ ဆေးဝါးပစ္စည်းများ စနစ်တကျ သိုလှောင်၊ သိမ်းဆည်း ဖြန့်ဖြူးနိုင်ရေးနှင့် လိုအပ်ချက်များကို စနစ်တကျ မှာယူနိုင်ရေးနှင့် အလေအလွင့် နည်းပါးရေးအတွက် ကွန်ပျူတာ အခြေပြု Supply Change Management System တစ်ခုတည်ဆောက်ရန် ဆောင်ရွက်လျက်ရှိပြီး ကမ္ဘာ့ကျန်းမာရေးမှ လိုအပ်သည့် နည်းပညာပိုင်းဆိုင်ရာ ကူညီပေးရန်နှင့် အိမ်နီးချင်း ဆေးဝါးထုတ်လုပ်သည့် နိုင်ငံများမှလည်း အရည်အသွေးပြည့်မီသော ဆေးဝါးများ ဈေးနှုန်းချိုသာစွာဖြင့် ၀ယ်ယူနိုင်ရေး နည်းပညာပိုင်းဆိုင်ရာ ကူညီပေးစေလိုကြောင်း တင်ပြဆွေးနွေးကြောင်း သိရသည်။

၂၀၁၇ ခုနှစ် ဧပြီလအတွင်းက ၀န်ကြီးဌာန၏ ထုတ်ပြန်ချက်အရ ၀န်ကြီးဌာနအောက်ရှိ ဆေးရုံကြီးများ၊ ဆေးရုံများ၊ ဒေသန္တရ/မိခင်ကလေး၊ ကျေးလက် ကျန်းမာရေးဌာန၊ ဌာနခွဲများတွင် မရှိမဖြစ် သုံးစွဲရမည့် ဆေးဝါးများကို ဆေးရုံ၊ ကျန်းမာရေးဌာန အဆင့်အလိုက် အဖြစ်အများဆုံး ရောဂါများအပေါ် မူတည်၍ ကျွမ်း ကျင်သူများ၊ ပါမောက္ခ ဆရာဝန်ကြီး များနှင့် တိုင်ပင်၍ တင်ဒါစနစ်ဖြင့် ၀ယ်ယူခဲ့ပြီး ဖြန့်ဖြူးပေးခဲ့ကြောင်း နှင့် အစိုးရအနေဖြင့် ၀န်ကြီးဌာနသို့ ၂၀၁၆-၂၀၁၇ ဘဏ္ဍာနှစ်တွင် ကျပ် သန်းပေါင်း  ၈၈၁,၇၆၉ ဒသမ ၁၁၄၊ ၂၀၁၇-၂၀၁၈ ဘဏ္ဍာနှစ်တွင် ကျပ်သန်းပေါင်း ၁,၁၁၆,၅၅၇ ဒသမ  ၀၉၂ ခွင့်ပြုပေးခဲ့ပြီး ယင်းရန်ပုံငွေများမှ ဆေးဝါးများဝယ်ယူရန် ၂၀၁၆-၂၀၁၇ ဘဏ္ဍာနှစ်တွင် ကျပ်သန်းပေါင်း ၁၄၉,၂၉၅ ဒသမ ၆၉၀ ကိုလည်းကောင်း၊ ၂၀၁၇-၂၀၁၈ ဘဏ္ဍာနှစ်တွင် ကျပ်သန်းပေါင်း ၁၆၈,၈၂၂ ဒသမ ၉၃၀ ကိုလည်းကောင်း သုံးစွဲခဲ့ကြောင်း သိရသည်။

ထို့ပြင် ငှက်ဖျား၊ တီဘီ၊ HIV၊ ဆင်ခြေထောက်ရောဂါ၊ အနာကြီးရောဂါ စသော ရောဂါကင်းဝေးရေး စီမံချက်များအတွက် လိုအပ်သော ဆေးဝါးများနှင့် ကာကွယ်ဆေးများကို ကမ္ဘာ့ရန်ပုံငွေအဖွဲ့၊ ကုလသမဂ္ဂ၊ နိုင်ငံတကာ အလှူရှင် အဖွဲ့အစည်းတို့၏ လှူဒါန်းမှုဖြင့် ထောက်ပံ့ပေးလျက်ရှိကြောင်း၊ အဖြစ်နည်းသော ရောဂါများအတွက် ဆေးဝါးများ၊ ကုန်ကျစရိတ် ကြီးမားသော ဆေးဝါးများ၊ တိုင်းရင်းဆေးဝါးကုမ္ပဏီမှ ထုတ်လုပ်သောဆေးဝါးများ၊ လူနာတစ်ဦးချင်း၏ ရောဂါအပေါ် မူတည်၍ အခြားထပ်မံ လိုအပ်သော ဆေးဝါးများကို ၀န်ကြီးဌာနအနေဖြင့် အပြည့်အ၀ ဖြည့်ဆည်းပေးနိုင်ခြင်း မရှိသေးသော်လည်း အတတ်နိုင်ဆုံး ဖြည့်ဆည်းပေးလျက်ရှိကြောင်း၊ အသည်း၊ ကျောက်ကပ်၊ ရိုးတွင်းခြင်ဆီ အစားထိုး၊ အချို့သော ကင်ဆာရောဂါ အစရှိသော ရောဂါများ ကုသမှုအတွက် ဆေးဝါးများကိုမူ အပြည့်အ၀ ထောက်ပံ့မှု မပေးနိုင်သေး၍ ထောက်ပံ့ပေးနိုင်ရန် စီစဉ်ဆောင်ရွက်လျက် ရှိပါကြောင်းနှင့် မြန်မာနိုင်ငံသည် ၀င်ငွေနည်းသော နိုင်ငံတစ်ခု ဖြစ်သော်လည်း ဆေးဝါးများ ၀ယ်ယူရေးအတွက် ပိုမိုသုံးစွဲလျက်ရှိရာ လူတိုင်းလက်လှမ်းမီသော ကျန်းမာရေး စောင့်ရှောက်မှုကို ပိုမိုရရှိရန် စဉ်ဆက်မပြတ် ဆောင်ရွက်လျက်ရှိကြောင်း ထုတ်ပြန် ကြေညာထားသည်။

နိုင်ငံခြားငွေလဲနှုန်း ရုတ်တရက် မြင့်တက်မှုကြောင့် ဆေးဈေးကွက်အတွင်း ဆေးဈေးနှုန်းကြီးစွာ မရောင်းချရန်နှင့် အရောင်းရပ်နားခြင်း မပြုလုပ်ရန် ဆေးဝါးကုန်သည်များအသင်း သတိပေးချက်ထုတ်ပြန်

နိုင်ငံခြားငွေလဲနှုန်း စံချိန်တင်မြင့်တက် လာသောကြောင့် ဆေးဝါးဈေးကွက်အတွင်း ဈေးမြင့်တက်စွာ ရောင်းချခြင်းမပြုရန် မြန်မာနိုင်ငံ ဆေးနှင့်ဆေးပစ္စည်း ကုန်သည်များနှင့် လုပ်ငန်းရှင်များအသင်းက သြဂုတ် ၂၁ ရက်တွင် ထုတ်ပြန်လိုက်သည်။

ဆေးဝါးနှင့် ဆေးပစ္စည်းများအား ရောင်းချရာတွင် ဈေးနှုန်းကြီးမြင့်စွာ ၀ယ်ယူသုံးစွဲနေရမှုမျိုးများ မဖြစ်ပေါ်လာစေရန် ပရဟိတစိတ်ဓာတ်ဖြင့် သဘောထားကြီးစွာ မိမိ၏ ဆေးဝါးနှင့် ဆေးပစ္စည်းများကို လူနာအကျိုးမျှော်ကိုး၍ အနည်းဆုံးနှင့် အသင့်လျော်ဆုံးသော နှုန်းထားဖြင့်သာ ရောင်းချခြင်း ပြုပေးကြပါရန်နှင့် ဈေးကွက်တွင် ပြတ်လပ်မှုများ မဖြစ်ပေါ်စေရန် တက်နိုင်သမျှ ယာယီအရောင်းရပ်ထားခြင်းများ မပြုလုပ်ကြရန် ထုတ်ပြန်ချက်တွင် ပါရှိသည်။

နိုင်ငံခြားငွေလဲနှုန်းသည် ဇွန်လမှစ၍ သိသိသာသာမြင့်တက်ခဲ့ပြီး သြဂုတ် ၁၆ ရက်တွင် ၁၅၆၀ ကျပ်အထိ စံချိန်တင် မြင့်တက်ခဲ့သည်။ ထိုသို့ နိုင်ငံခြားငွေလဲနှုန်းထားများ စံချိန်တင် မြင့်တက်လာသောကြောင့် ဈေးဝါးဈေးကွက်အတွင်း ဆေးကုမ္ပဏီအချို့က အရောင်းရပ်ထားခဲ့ပြီး ဆေးဝါးဈေးနှုန်းများလည်း ၃ ရာခိုင်နှုန်းမှ ၇ ရာခိုင်နှုန်းအထိ မြင့်တက်ခဲ့ကြောင်း ဆေးဝါးဈေးကွက်တွင် အကြီးမားဆုံးဖြစ်သည့် ရွှေပြည့်စုံဈေးမှ ဆေးရောင်းချသည့် လုပ်ငန်းရှင်များက ဆိုသည်။

“ကုမ္ပဏီအချို့က ဈေးတက်ပြီးသွားရင် ဈေးကျဖို့အစီအစဉ် သိပ်မရှိတော့ဘူး။ သူတို့ကုမ္ပဏီက တစ်ထောင်တက်ထားတဲ့ ပစ္စည်းဆိုရင် ဒေါ်လာဈေးကျသွားရင် သူတို့က အဲဒီ တစ်ထောင်ကို ဈေးမချတော့ဘဲ တစ်ထောင်နဲ့ တန်းတူဆေးထပ်ပြီး ပေးတာတွေရှိတယ်” ဟု ရွှေပြည့်စုံဈေးတွင် ဆေးရောင်းချနေသော  ကိုဖိုးလှဆေးဆိုင်မှ မမိုးမိုးက ပြောကြားသည်။

၂၀၁၆ ခုနှစ်က ကျန်းမာရေးနှင့် အားကစားဝန်ကြီးဌာန၏ တရားမ၀င်ဆေးဝါး၊ ဆေးဝါးအတုနှင့် စံမီဆေးဝါးများ တိုက်ဖျက် သည့်စီမံချက်အပြီး ဆေးဈေးကွက်အတွင်း ဆေးဝါးအများစု ရာခိုင်နှုန်း ၂၀ မှ  ရာခိုင်နှုန်း ၅၀ အထိ မြင့်တက်ခဲ့ဖူးသည်။ မြန်မာနိုင်ငံတွင် နှစ်စဉ် ဒေါ်လာ သန်း ၄၀၀ ခန့်အထိ ဆေးဝါးနှင့် ဆေးပစ္စည်းများကို ပြည်ပမှတင်သွင်းနေရပြီး ပြည်တွင်း ဆေးဝါးထုတ်လုပ်မှုမှာ လိုအပ်ချက်၏ ၁၀ ရာခိုင်နှုန်း ခန့်သာရှိသည်။

လက်ရှိတွင် ပြည်ပမှ တရားဝင် တင်သွင်းနေသည့် ဆေးဝါးများ များစွာရှိသကဲ့သို့ နယ်စပ်ဂိတ်များမှတစ်ဆင့် သော်လည်းကောင်း အကြောင်းအမျိုးမျိုးဖြင့် တရားမ၀င် တင်သွင်း ရောင်းချနေသည့် ဆေးဝါးများလည်း အမြောက်အမြား ရှိနေကြောင်း၊ တရားမ၀င် တင်သွင်းဆေးဝါးများ ဈေးကွက်အတွင်း များစွာတွေ့ရှိနေရပြီး သုံးစွဲနေသည့် ဆေးဝါးများတွင် မြန်မာနိုင်ငံ ဆေးဝါးမှတ်ပုံတင်အမှတ် မပါရှိလျှင်သော်လည်းကောင်း၊ သုံးစွဲနေကျ ဆေးဝါးများ၏ အရည်အသွေးကို သံသယဖြစ်လျှင် သော်လည်းကောင်း၊ ဆေးဝါးအတုဟု သံသယဖြစ်ဖွယ် ဆေးဝါးများ တွေ့ရှိပါက တိုင်းဒေသကြီးနှင့် ပြည်နယ်များရှိ အစားအသောက်နှင့် ဆေးဝါးကွပ်ကဲရေး ဦးစီးဌာနများသို့ ဆက်သွယ်အကြောင်းကြားရန် အသိပေး နှိုးဆော်ထားသည်။

မြန်မာနိုင်ငံသို့ တင်သွင်းနေသည့် တရားမ၀င် ဆေးဝါးအများစုမှာ အိမ်နီးချင်း ထိုင်း၊ တရုတ်၊ အိန္ဒိယနိုင်ငံများ၌ အခြေစိုက် ထုတ်လုပ်သည့် ဆေးကုမ္ပဏီများမှဖြစ်ပြီး မြန်မာနိုင်ငံသို့ ပြည်ပမှ ဆေးဝါးတင်သွင်းမှုများ သိသိသာသာ တိုးတက်မြင့်မားလာသည့် နည်းတူ နယ်စပ်ဒေသများမှ မမှန်မကန် တင်သွင်းလာသည့် အဆင့်မမီ ဆေးဝါးများ မြောက်မြားစွာ တွေ့ရှိနေရကြောင်း မြန်မာနိုင်ငံ အစားအသောက်နှင့် ဆေးဝါးကွပ်ကဲရေး ဦးစီးဌာနမှ သိရသည်။

ပြည်တွင်းသို့ ဆေးနှင့် ဆေးပစ္စည်းများ နှစ်စဉ် တန်ဖိုး ဒေါ်လာသန်း ၄၀၀ ခန့် ပြည်ပမှ တင်သွင်းနေရ

ရွှေပြည့်စုံဈေးအတွင်း လက်လီလက်ကား ရောင်းချနေသည့် ဆေးအရောင်းဆိုင်များကို တွေ့ရစဉ် (ဓာတ်ပုံ-ကြည်နိုင်)

နှစ်စဉ် တန်ဖိုး ဒေါ်လာသန်း ၄၀၀ အထိ ဆေးဝါးနှင့် ဆေးပစ္စည်းများကို ပြည်ပမှ တင်သွင်းနေရပြီး ပြည်တွင်းဆေးဝါး ထုတ်လုပ်မှုမှာ လိုအပ်ချက်၏ ၁၀ ရာခိုင်နှုန်းခန့်သာ ရှိကြောင်း မြန်မာ့ဆေးဝါးလုပ်ငန်းမှ သိရသည်။

“ဆေးအများစုက တင်သွင်းတာများတယ်။ အိမ်သုံးဆေးတွေ အပါအ၀င် ပိုးသတ်ဆေးတွေ၊ ထိုး ဆေး၊ စားဆေး အားလုံးနီးပါးက ပြည်ပက ၀င်တာပါ။ တချို့နာမည်ကြီး ဆေးတွေဆိုရင် အောက်လမ်းကသွင်းတဲ့ လိုင်းဆေးတွေလည်းရှိတယ်။ အဲဒါကတော့ ဈေးသက်သာတာပေါ့။ ပြည်တွင်းကတော့ BPI ဆေးတွေပဲ အများစု ရှိပါတယ်” ဟု မြတ်မေတ္တာမွန်ဆေးဆိုင်မှ ဒေါ်မြင့် ရီက ပြောကြားသည်။

မြန်မာနိုင်ငံတွင် ယခင်က နိုင်ငံပိုင် BPI ဆေးဝါးစက်ရုံ တစ်ခုတည်းသာရှိခဲ့ပြီး နောက်ပိုင်းတွင် ပြင်ဦးလွင် ဆေးဝါးစက်ရုံ၊ ကျောက်ဆည် ဆေးဝါးစက်ရုံတို့ကို ထပ်မံတိုးချဲ့ ဖွင့်လှစ်ခဲ့ကြောင်း၊ တပ်မတော်မှလည်း မှော်ဘီဆေးဝါးစက်ရုံကို တည်ဆောက်ခဲ့ကြောင်းနှင့် ၂၀၁၁ ခုနှစ် အစိုးရသစ် ပြောင်းလဲပြီး နောက်ပိုင်းတွင် ပြည်တွင်းဆေးဝါး ထုတ်လုပ်မှုလုပ်ငန်းများကို အစိုးရကပုဂ္ဂလိက ဆေးဝါးထုတ်လုပ်သော စက်ရုံများကို အားပေးနိုင်ရန် မူဝါဒချမှတ်ခဲ့ရာ ပထမဆုံး ပုဂ္ဂလိက ဆေးဝါးစက်ရုံအဖြစ် ဒဂုံအရှေ့ဆိပ်ကမ်းမြို့နယ်ရှိ AA ဆေးကုမ္ပဏီပိုင်စက်ရုံ၊ ဒုတိယမြောက်စက်ရုံအဖြစ် ဖေဖော်ဝါရီ ၃ ရက်က ဖွင့်လှစ်ခဲ့သည့် ရွှေပေါက္ကံစက်မှုဇုန်ရှိ Silver Shine International ကုမ္ပဏီပိုင်စက်ရုံတို့ ဖြစ်ကြောင်း သိရသည်။

လက်ရှိတွင် ပြည်ပမှတရားဝင် တင်သွင်းနေသည့် ဆေးဝါးများ များစွာရှိသကဲ့သို့ နယ်စပ်ဂိတ်များမှ တစ်ဆင့်သော်လည်းကောင်း အကြောင်းအမျိုးမျိုးဖြင့် တရားမ၀င် တင်သွင်းရောင်းချနေသည့် ဆေးဝါးများလည်း အမြောက်အမြား ရှိနေကြောင်း၊ တရားမ၀င်တင်သွင်း ဆေးဝါးများ ဈေးကွက်အတွင်း များစွာတွေ့ရှိနေရပြီး သုံးစွဲနေသည့် ဆေးဝါးများတွင် မြန်မာနိုင်ငံ ဆေးဝါးမှတ်ပုံတင်အမှတ် မပါရှိလျှင်သော် လည်းကောင်း၊ သုံးစွဲနေကျ ဆေးဝါးများ၏ အရည်အသွေးကို သံသယဖြစ်လျှင် သော်လည်းကောင်း၊ ဆေးဝါးအတုဟု သံသယဖြစ်ဖွယ် ဆေးဝါးများ တွေ့ရှိပါက တိုင်းဒေသကြီးနှင့် ပြည်နယ်များရှိ အစားအသောက်နှင့် ဆေးဝါးကွပ်ကဲရေး ဦးစီးဌာနများသို့ ဆက်သွယ်အကြောင်းကြားရန် အသိပေး နှိုးဆော်ထားသည်။

မြန်မာနိုင်ငံသို့ တင်သွင်းနေသည့် တရားမ၀င် ဆေးဝါးအများစုမှာ အိမ်နီးချင်း ထိုင်း၊ တရုတ်၊ အိန္ဒိယနိုင်ငံများ၌ အခြေစိုက် ထုတ်လုပ်သည့် ဆေးကုမ္ပဏီများမှ ဆေးဝါးများ ဖြစ်ကြောင်းနှင့် မြန်မာနိုင်ငံသို့ ပြည်ပမှ ဆေးဝါးတင်သွင်းမှုများ သိသိသာသာ တိုးတက်မြင့်မားလာသည့်နည်းတူ နယ်စပ်ဒေသများမှ မမှန်မကန် တင်သွင်းလာသည့် အဆင့်မမီ ဆေးဝါးများ တွေ့ရှိနေရကြောင်း၊ အဆင့်မမီဆေးဝါး အများစုကို မြန်မာ-တရုတ်နယ်စပ်၊ မြန်မာ-အိန္ဒိယနယ်စပ်တို့တွင် တွေ့ရှိနေရကြောင်း သိရသည်။

ဆေးဝါးစက်ရုံ (အင်းစိန်) တွင် အမေရိကန်နှင့် စပိန်နိုင်ငံမှ ဆေးထုတ်လုပ်ရေးကုမ္ပဏီများဖြင့် အကျိုးတူပူးပေါင်း လုပ်ဆောင်ရန် စီစဉ်

ဆေးဝါးစက်ရုံ (အင်းစိန်) ၀င်းအတွင်းရှိ ဆေးဝါးထုတ်လုပ်ရေး အဆောက်အအုံတစ်ခုအား တွေ့ရစဉ် (ဓာတ်ပုံ-ကျော်ဇင်ဖြိုး)

ဆေးဝါးစက်ရုံ (အင်းစိန်) တွင် ပြည်တွင်း၌ ထုတ်လုပ်နိုင်ခြင်းမရှိသည့် ဆေးဝါးအမည်သစ်များကို တိုးချဲ့ထုတ်လုပ်လျက်ရှိပြီး အမေရိကန်နှင့် စပိန်နိုင်ငံတို့မှ ကျော်ကြားသည့် ဆေးထုတ်လုပ်ရေးကုမ္ပဏီများဖြင့် အကျိုးတူပူးပေါင်း၍ ဆေးထုတ်လုပ်ရေးလိုင်းသစ်များ ထပ်မံတိုးချဲ့လုပ်ဆောင်ရန် စီစဉ်နေကြောင်း မြန်မာ့ဆေးဝါးလုပ်ငန်းမှ သိရသည်။

ယခုအခါ ဆေးဝါးစက်ရုံ (အင်းစိန်) တွင် ကင်ဆာရောဂါကုသဆေး (Oncology) ၊ ဗိုင်းရပ်စ်သတ်ဆေး (Anti Viral) နှင့် ရောဂါကာကွယ်ဆေး (Vaccine) ဆေးဝါးများကို အမေရိကန်နှင့် စပိန်နိုင်ငံတို့မှကျော်ကြားသည့် ဆေးထုတ်လုပ်ရေးကုမ္ပဏီများဖြင့် အကျိုးတူပူးပေါင်း၍ ဆေးထုတ်လုပ်ရေးလိုင်းသစ်များ ထပ်မံတိုးချဲ့လုပ်ဆောင်ရန် စီစဉ်နေကြောင်းနှင့် ၂၀၁၇ -၂၀၁၈ ဘဏ္ဍာနှစ်အတွင်း ဆေးဝါးအမည်သစ် ၂၁ မျိုးကိုထုတ်လုပ်ခဲ့ပြီး လက်ရှိ နှလုံး၊ ကျောက်ကပ်၊ အစာအိမ် ရောဂါကုသဆေး အပါအ၀င် ဆေးဝါးအသစ် ငါးမျိုးကို င်္FDA အတည်ပြုချက်ရရှိရန် လျှောက်ထားလျက်ရှိကြောင်း သိရသည်။

မြန်မာ့ဆေးဝါးလုပ်ငန်းအနေဖြင့် ၂၀၁၆- ၂၀၁၇ ဘဏ္ဍာနှစ်အတွင်း ဆေးဝါးအမည်သစ် ၂၄ မျိုးနှင့် ၂၀၁၇-၂၀၁၈ ဘဏ္ဍာနှစ်အတွင်း ဆေးဝါးအမည်သစ် ၂၁ မျိုးကို တီထွင် စမ်းသပ်ထုတ်လုပ်ခဲ့ရာ ဆေးဝါး ၁၇ မျိုးသည် အစားအသောက်နှင့် ဆေးဝါးကွပ်ကဲရေးဦးစီးဌာန FDA ၏ ခွင့်ပြုချက် ရရှိပြီးဖြစ်၍ ထုတ်လုပ်ဖြန့်ဖြူးရောင်းချလျက်ရှိကြောင်း၊ အဆိုပါ ဆေးဝါး ၁၇ မျိုးအနက် အိပ်ခ်ျအိုင်ဗွီရောဂါ ဝေဒနာရှင်များအတွက် ကုသဆေးဖြစ်သည့် Tenofovir(300 mg) ဆေး၊ ဘက်တီးရီးယား ပိုးသတ်ဆေးများဖြစ်သည့် Cefalexin Capsule နှင့် Flocomox Capsule ၊ ကင်ဆာဝေဒနာရှင်များအတွက် နာကျင်မှုသက်သာစေသော (Pain Killer) တစ်မျိုးဖြစ်သည့် Tramadol ကို ထုတ်လုပ်ဖြန့်ဖြူးရောင်းချလျက်ရှိကြောင်းနှင့် အာရုံကြောနှင့်ကိုယ်ခံစွမ်းအား တိုးမြှင့်စေသော ဆေးဖြစ်သည့် Neurovit Injection ၊ နှလုံးရောဂါနှင့် ကျောက်ကပ်ရောဂါကုသဆေးဖြစ်သည့် Dopamine Injection ၊ သွေးတွင်း အဆီကျဆေး Rosuvastatin Caplet ၊ အစာအိမ်ရောဂါကုသဆေး Ranitidine Tablet ၊ လက်သန့်ဆေးရည် Hand Sanitize ၊ ဆေးငါးမျိုးကို FDA အတည်ပြုချက်ရရှိရေး လျှောက်ထားလျက်ရှိကြောင်း သိရသည်။

မြန်မာ့ဆေးဝါးလုပ်ငန်းအနေဖြင့် ကျန်းမာရေး အထောက်အကူပြု အိမ်သုံးဆေးဝါးအမျိုးမျိုးကို တိုးမြှင့်ထုတ်လုပ်လျက်ရှိပြီး ဆေးဝါးများ အလွယ်တကူဝယ်ယူနိုင်ရန် စက်မှုဝန်ကြီးဌာန၊ ဆေးဝါးအရောင်းဆိုင်များကို တိုင်းဒေသကြီးနှင့် ပြည်နယ်များရှိ မြို့ကြီးများတွင် ဖွင့်လှစ်ရောင်းချပေးလျက်ရှိကြောင်း နှင့် တစ်နိုင်ငံလုံးအတိုင်းအတာဖြင့် BPI ဆေးဝါးအရောင်းဆိုင်ပေါင်း ၈၉ ဆိုင် ဖွင့်လှစ်ထားကြောင်း သိရသည်။

ထို့ပြင် မြွေဆိပ်ဖြေဆေး တိုးမြှင့်ထုတ်လုပ်ရေးအဆောက်အအုံကို ၂၀၁၆ ခုနှစ် မေ ၂၀ ရက်တွင် ဆေးဝါးစက်ရုံ (အင်းစိန်) ၌ ဖွင့်လှစ်ခဲ့ပြီး လျှပ်စစ်မီးမရရှိသည့် ကျေးလက်ဒေသများတွင် သာမန်အခန်းအပူချိန်၌  ဆေးသက်တမ်း ငါးနှစ်အထိ ထားရှိနိုင်သော အေး ခဲခြောက်ပုံစံဖြင့် မြွေဆိပ်ဖြေဆေးများကို ထုတ်လုပ်ခဲ့ကြောင်းနှင့် ထိုးဆေးအမျိုးအစား ၁၀ မျိုးကို တစ်နှစ်လျှင် သန်း ၂၀ ထုတ်လုပ်နိုင်သည့် Small Volume Production Plan နှင့် တစ်နှစ်လျှင် ငါးသန်း ထုတ်လုပ်နိုင်သည့် Cephalasporin Injection Plant တို့ကို ၂၀၁၇ ခုနှစ် ဖေဖော်ဝါရီ ၁၈ ရက်တွင် ဆေးဝါးစက်ရုံ (အင်းစိန်) ၌လည်းကောင်း၊ Povidine (အနာကျက်ဆေးရည်) ထုတ်လုပ်သည့် အဆောက်အအုံသစ်ကို ဆေးဝါးစက်ရုံ (အင်ရောင်း) တွင် ၂၀၁၈ ခုနှစ် မတ် ၂၀ ရက်တွင် ဖွင့်လှစ်ခဲ့ကြောင်း သိရသည်။

မြွေဆိပ်ဖြေဆေးများကို ၂၀၁၈ ခုနှစ် ဖေဖော်ဝါရီမှစ၍ ကမ္ဘောဒီးယားနိုင်ငံသို့ တင်ပို့ရောင်းချလျက်ရှိပြီး လာအိုနိုင်ငံသို့လည်း တင်ပို့ရောင်းချထားကြောင်းနှင့် လက်ရှိတွင် ဆေးဝါးလုပ်ငန်းမှ ထုတ်လုပ်သော ဆေးဝါး ၁၆ မျိုးကို အယ်လ်ဂ်ျဂျီးရီးယားနိုင်ငံသို့ တင် ပို့ရောင်းချနိုင်ရေးအတွက် စီစဉ်ဆောင်ရွက်လျက်ရှိကြောင်း သိရသည်။