ရန်ကုန် – ပုသိမ်လမ်း၊ ပဲခူး -သန်လျင်လမ်းနှင့် ရန်ကုန်- မန္တလေးလမ်းတို့အားလမ်း အဆင့်မြှင့်တင်ခြင်းဆောင်ရွက်ရန် အာရှဖွံ့ဖြိုးရေးဘဏ် (ADB) မှ ဒေါ်လာ သန်း ၃၄၀၊ အာဆီယံ အခြေခံ အဆောက်အအုံရန်ပုံငွေ (AIF) မှ ဒေါ်လာ သန်း ၂၀ ချေးယူခွင့်ပြုရန် ပြည်ထောင်စုလွှတ်တော်သို့တင်ပြ

မဟာမဲခေါင်ဒေသခွဲအတွင်းရှိ လမ်းမကြီးများ ဖွံ့ဖြိုးတိုးတက်ရေးအတွက် ရန်ကုန် – ပုသိမ်လမ်း၊ ပဲခူး – သန်လျင်လမ်းနှင့် ရန် ကုန်- မန္တလေးလမ်းတို့အား လမ်းအဆင့်မြှင့်တင်ခြင်း ဆောင်ရွက်နိုင်ရန်အတွက် အာရှဖွံ့ဖြိုးရေးဘဏ် ADB မှ အမေရိကန်ဒေါ်လာ သန်း ၃၄၀၊ အာဆီယံအခြေခံအဆောက်အအုံ ရန်ပုံငွေ (AIF) မှ အမေရိကန်ဒေါ်လာ သန်း ၂၀ ချေးယူခွင့်ပြုရန် ဖေဖော်ဝါရီ ၂၂ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးသို့ ဆောက်လုပ်ရေး ၀န်ကြီးဌာန ဒုတိယ၀န်ကြီး ဦးကျော်လင်းက တင်ပြခဲ့သည်။

ဒုတိယ၀န်ကြီးက “မဟာမဲခေါင်ဒေသခွဲအတွင်းရှိ လမ်းမကြီးသုံးလမ်းကို ADB ၏ ချေးငွေအကူအညီဖြင့် အဆင့်မြှင့်တင်ဆောင်ရွက်သွားမယ့် လမ်းစီမံကိန်း သုံးခုကို ရှင်းလင်း တင်ပြသွားမှာဖြစ်ပါတယ်။ မဟာမဲခေါင်ဒေသခွဲအတွင်းရှိ လမ်းမကြီးများ ဖွံ့ဖြိုးတိုးတက်ရေးအတွက် ရန်ကုန် – ပုသိမ်လမ်း၊ ပဲခူး – သန်လျင်လမ်းနှင့် ရန်ကုန်- မန္တလေးလမ်းတို့အား လမ်းအဆင့်မြှင့်တင်ခြင်း ဆောင်ရွက်နိုင်ရန်အတွက် အာရှဖွံ့ဖြိုးရေးဘဏ် (ADB) မှ အမေရိကန်ဒေါ်လာ ၃၄၀ သန်း ၊ အာဆီယံအ ခြေခံအဆောက်အအုံ ရန်ပုံငွေ (AIF) မှ အမေရိကန်ဒေါ်လာ၂၀ သန်း ချေးယူခွင့်ပြုရန်အတွက် စီးပွားရေးရာကော်မတီ အစည်းအဝေး အမှတ်စဉ် (၁၉/၂၀၁၇) နှင့် ပြည်ထောင်စုအစိုးရ အဖွဲ့အစည်းအဝေး အမှတ်စဉ် (၂/၂၀၁၈) တို့မှ ခွင့်ပြုချက်ရရှိခဲ့ပြီးဖြစ် ပါတယ်။ ပထမစီမံကိန်းဖြစ်တဲ့ ရန်ကုန်-ပုသိမ်လမ်းနဲ့ ပတ်သက်၍ လက်ရှိမှာ Oriental Highway Co.Ltd မှ BOT စနစ်ဖြင့် ဆောင်ရွက်နေသော လမ်းဖြစ်ပါတယ်။ ADB ၏ အစီအစဉ်ဖြင့် BOT ကုမ္ပဏီမှ ပြန်လည်လွှဲပြောင်း ရယူ၍ လမ်းအဆင့်မြှင့်တင်ခြင်း လုပ် ငန်းများကို ဆောင်ရွက်သွားမှာဖြစ်ပြီး လမ်းအဆင့်မြှင်တင်ခြင်း လုပ်ငန်းများဆောင်ရွက်ပြီးချိန်တွင် ဆောက်လုပ်ရေးဝန်ကြီးဌာနအနေဖြင့် B.O.T ကုမ္ပဏီ၏  မူလရင်းနှီးမြှုပ်နှံမှု တန်ဖိုးအပေါ်အခြေခံ၍ ADB မှ ထပ်မံရင်း နှီးမြှုပ်နှံလာမည့် တန်ဖိုးနှင့်နှိုင်းယှဉ်တွက် ချက်ပြီး Concession ကို ပြန်လည်တွက်ချက်ရမှာဖြစ်ပါတယ်” ဟု လွှတ်တော်သို့ တင်ပြခဲ့သည်။

ဒုတိယစီမံကိန်းဖြစ်သည့် သီလ၀ါမှ ပဲခူး၊ ကမာစဲမှ ကျိုက်ထိုသို့ ADB နှင့်  JICA တို့မှ အကူအညီဖြင့် ဖြတ်လမ်းဖောက်လုပ်ခြင်းဖြင့် ဘုရားကြီးနှင့် ဝေါမြို့တို့ကိုပတ်ပြီး သွားနေရသည့် ခရီးထက် အချိန်ကုန်သက်သာစေမှာ ဖြစ်ပါကြောင်း၊ East West Economic Cooridor (EWEC) လမ်းမကြီးသည် ဗီယက်နမ်နိုင်ငံ ဒါနန်းမြို့မှ လာအိုနိုင်ငံ၊ ထိုင်းနိုင်ငံတို့ကိုဖြတ်ပြီး မြန်မာနိုင်ငံအတွင်း မြ၀တီ၊ ဘားအံ၊ ကျိုက်ထို၊ ကမာစဲမှတစ်ဆင့် ရန်ကုန်မြို့သီလ၀ါ (SEZ) တွင် အဆုံးသတ်မည့် လမ်းကြောင်းဖြစ်ကြောင်း၊ လက်ရှိသီလ၀ါ-ကမာစဲ- ပဲခူးလမ်းဖောက်လုပ်ခြင်းအားဖြင့် နောင်တစ်ချိန်တွင် အသစ်ဖောက်လုပ်မည့် ကမာစဲ- ကျိုက်ထိုဖြတ်လမ်းသစ်ကြီး၏ အခြေခံ လမ်းကြောင်းကြီးဖြစ်ကြောင်း ၎င်းက ဆက်လက်ပြောကြားသည်။

တတိယစီမံကိန်းဖြစ်သည့် ရန်ကုန်မှ ဘောနတ်ကြီးအထိ မိုင် ၄၀ အပိုင်းကို ADB အကူအညီဖြင့် Pilot Project အနေဖြင့် နိုင်ငံတကာအဆင့်မီ Expressway အဖြစ် အကောင်အထည်ဖော်မည်ဖြစ်ကြောင်း၊ အကောင်အထည်ဖော်သည့်အခါမှာ အပြည်ပြည်ဆိုင် ရာ လမ်းမကြီးဖြစ်ရန် AC ခင်းခြင်း၊  Raised Median မှ Depressed Median ပြောင်းလဲပြီး (၂ ဒသမ ၅) မီတာရှိ အတွင်း၊ အပြင် လမ်းပခုံး ပြုလုပ်ခြင်း၊ ခြံစည်းရိုးခတ်ခြင်း၊ Guard Rail များ တပ်ဆင်ခြင်းတို့ဖြင့် လက်ရှိလမ်းမကြီး လေးလမ်းသွားအား နိုင်ငံတကာအဆင့်မီ လမ်းမကြီးအဆင့်ဖြစ်အောင် ဆောင်ရွက်သွားမည့် အစီအစဉ်ဖြစ်ကြောင်း၊ အပြည်ပြည်ဆိုင်ရာ Standard ဖြစ်သည့်  Fast, Comfortable  နှင့် Safety များ အလုံးစုံပါဝင်သည့် Fully Access Control လမ်းမကြီးဖြစ်ရန် ADB  ချေးငွေဖြင့် ဆောင်ရွက်သွားမည်ဖြစ်ကြောင်း၊ စီမံကိန်းတန်ဖိုးအနေဖြင့် စုစုပေါင်း အမေရိကန် ဒေါ်လာ သန်း ၃၆၀ အနက် ADB ချေးငွေမှ အမေရိကန်ဒေါ်လာ သန်း ၃၄၀ ချေး ယူရမည်ဖြစ်ပြီး AIF ချေးငွေမှ အမေရိကန် ဒေါ်လာ သန်း ၂၀ ချေးယူရမည်ဖြစ်ကြောင်း၊ ချေးငွေအမေရိကန်ဒေါ်လာ သန်း ၃၆၀ ကို ပြည်ထောင်စုလွှတ်တော်မှ အတည်ပြုပေးပါက International Tendering Process ကို ADB မှ ဆောင်ရွက်သွားမည်ဖြစ်ကြောင်း ဒုတိယ၀န်ကြီးက ပြောကြားသည်။

အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှုစီမံကိန်းအဆင့် (၂) အတွက် JICA ထံမှ ဂျပန် ယန်း ၁၄ ဒသမ ၉၄၉ ဘီလျံချေးယူရန် ပြည်ထောင်စုလွှတ်တော် အတည်ပြု

အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှုစီမံကိန်း အဆင့် (၂) အတွက် JICA ထံမှ ဂျပန်ယန်း ၁၄ ဒသမ ၉၄၉ ဘီလျံချေးယူရန် ပြည်ထောင်စုလွှတ်တော်က အတည်ပြုခဲ့သည်။

ဖေဖော်ဝါရီ ၂၂ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် ယင်းချေးငွေနှင့်ပတ်သက်ပြီး လွှတ်တော်ကိုယ်စားလှယ်များ၏ ဆွေးနွေးချက်များအား စီမံကိန်း နှင့် ဘဏ္ဍာရေးဝန်ကြီးဌာနဒုတိယ၀န်ကြီး ဦးမောင်မောင်ဝင်းက ပြန်လည်ရှင်းလင်းမှု ပြုလုပ်ပြီးနောက် ပြည်ထောင်စုလွှတ်တော်တွင် မဲခွဲဆုံးဖြတ်ရာ ထောက်ခံသူများသည့်အတွက် ယင်းချေးငွေရယူရန် ပြည်ထောင်စုလွှတ်တော်က အတည်ပြုခဲ့သည်။

ဒုတိယ၀န်ကြီးက အဆိုပါချေးငွေနှင့်ပတ်သက်၍ လွှတ်တော်ကိုယ်စားလှယ်များ၏ ဆွေးနွေးချက်များတွင် ချေးငွေအတိုးနှုန်းအား လျှော့ချပေးစေလိုခြင်း၊ ချေးငွေသက်တမ်းအား တိုးမြှင့်ပေးစေလိုခြင်း၊ ချေးငွေလျှောက်ထားရာတွင် သတ်မှတ်သည့် စံချိန်စံညွှန်းများကို ဖြေလျှော့ပေးစေလိုခြင်း၊ အမှန်တကယ် ရသင့် ရထိုက်သော SME များထံသို့ ရောက်ရှိစေလိုခြင်းစသည့် အချက်များ တွေ့ရကြောင်း၊ စီမံကိန်း အဆင့်-၁ တွင် အတိုးနှုန်း ၈ ဒသမ ၅ ရာခိုင်နှုန်း သတ်မှတ်ဆောင်ရွက်ခဲ့ကြောင်း၊ အဆင့်-၁ ၏ သက်တမ်းသည် နှစ်နှစ်ကျော်လာပြီဖြစ်ကြောင်း၊ မြန်မာနိုင်ငံတွင် ထုတ်ချေးနေသော အတိုးနှုန်းများကိုကြည့်ပါက ထုတ်ချေးသည့် အဖွဲ့အစည်းအလိုက် အတိုးနှုန်း ရှစ်ရာခိုင်နှုန်းမှ ရာခိုင်နှုန်း ၃၀ အထိရှိနေကြောင်း၊ အပ်ငွေအပေါ်အတိုးနှုန်းသည် ရှစ်ရာခိုင်နှုန်းဖြစ်ကြောင်း၊ ငွေကြေးမူဝါဒနှင့် လုပ်ထုံးလုပ်နည်းများအရ မည်သည့်ချေးငွေကိုမျှ အပ်ငွေအပေါ်အတိုးနှုန်းထက်လျှော့၍ ထုတ်ချေးပါက ထုတ်မချေးသင့်ကြောင်း၊ ချေးငွေအမျိုးအစားတစ်ခုကို အပ်ငွေအတိုးနှုန်းထက် လျှော့၍ ထုတ်ချေးပါက အခြားချေးငွေများအတွက်ပါ လိုက်လံစဉ်းစားပေးရမည် ဖြစ်ကြောင်း၊ JICA၊ SME ကိုယ်စားလှယ်များ နှင့် ညှိနှိုင်းပြီး အခြားသောပြည်တွင်းချေးငွေ အတိုးနှုန်းများနှင့်ချိန်ဆကာ သင့်လျော်သော အတိုးနှုန်းဖြစ်သည့် ၈ ဒသမ ၅ ရာခိုင်နှုန်း သတ်မှတ်ရခြင်းဖြစ်ကြောင်း ရှင်းလင်းသည်။

JICA ထံမှ ချေးငွေရယူ၍ SME ချေးငွေ ချေးရာတွင် ရာခိုင်နှုန်း ၇၀ သော ပြည်သူများရှိရာ ကျေးရွာများကို ထည့်သွင်း စဉ်းစားသင့်ပြီး စံသတ်မှတ်ချက်များ ဖြေလျှော့စဉ်းစားသင့်ကြောင်း အမျိုးသားလွှတ်တော် ကိုယ်စားလှယ် ပြောကြား

JICA ထံမှ ချေးငွေရယူ၍ SME ချေးငွေ ချေးရာတွင် ရာခိုင်နှုန်း ၇၀ သော ပြည်သူများရှိရာ ကျေးရွာများကို ထည့်သွင်း စဉ်းစားသင့်ပြီး Criteria (စံသတ်မှတ်ချက်) များကို ဖြေလျှော့စဉ်းစားသင့်ကြောင်း ပဲခူးတိုင်းဒေသကြီး မဲဆန္ဒနယ် အမှတ် (၅) မှ အမျိုးသားလွှတ်တော် ကိုယ်စားလှယ် ဒေါက်တာတင်တင်ဝင်းက ပြည်ထောင်စုလွှတ်တော်တွင် ဆွေးနွေးသည်။

နိုင်ငံတော်သမ္မတထံမှ ပေးပို့ထားသော ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီထံမှ ချေးငွေရယူရန်ကိစ္စနှင့် စပ်လျဉ်းပြီး နေပြည်တော်၌ ဖေဖော်ဝါရီ ၁၆ ရက်က ပြုလုပ်သည့် ဒုတိယအကြိမ် ပြည်ထောင်စုလွှတ်တော် သတ္တမပုံမှန် အစည်းအဝေး အဋ္ဌမနေ့တွင် ဒေါက်တာ တင်တင်ဝင်းက ဆွေးနွေးရာတွင် အထက်ပါအတိုင်း ဆွေးနွေးခဲ့ခြင်း ဖြစ်သည်။

“အသေးစား အလတ်စား စီးပွားရေးလုပ်သူတွေဟာ သိန်းထောင်နဲ့ချီပြီး မလုပ်နိုင်ပါဘူး။ ထောင်နဲ့ချီပြီး လုပ်ကိုင်နေသူတွေဟာ အသေးစား အလတ်စား စီးပွားရေး မဟုတ်ပါဘူး။ အမှန်တကယ် ပြည်ထောင်စုတစ်ဝန်း စီးပွားဖွံ့ဖြိုးတိုးတက်လိုလျှင် အောက်ခြေက စရပါမယ်။ လုပ်ငန်းတစ်ခုကို တစ်နိုင်တစ်ပိုင် လုပ်နေရာမှ ငွေကြေးအဆင်မပြေလို့ လုပ်ငန်းရပ်ရခြင်းကို SME မှ ကာကွယ်ပေးရပါမယ်။ ကျွန်မ မဲဆန္ဒနယ်မှာတော့ SME နဲ့ ပတ်သက်တဲ့ ချေးငွေကိစ္စ အဆင်မပြေပါဘူး။ သူတို့ သတ်မှတ်ထားတဲ့ Criteria တချို့ဟာ ပြည်သူတွေ လက်လှမ်းမမီပါဘူး။ သိန်းပေါင်းများစွာ လည်ပတ်နေတဲ့ လုပ်ငန်းတစ်ခုဖြစ်ရမယ်ဆိုတဲ့အချက်၊ မရွှေ့ပြောင်းနိုင်သော ပစ္စည်းများကို အာမခံထားရှိရမယ့် အချက်တွေဟာ ငွေရေးကြေးရေး အဆင်မပြေပေမဲ့ စီးပွားလုပ်ကိုင် လိုသူတွေအတွက် အခက်အခဲ ဖြစ်နေပါတယ်။ SME ချေးငွေချေးရာ မှာ ၇၀ ရာခိုင်နှုန်းသော ပြည်သူတွေရှိရာ ကျေးရွာများကိုပါ ထည့်သွင်းစဉ်းစားသင့်ပြီး Criteria တွေကို ဖြေလျှော့စဉ်းစားသင့်ပါကြောင်း ဆွေးနွေးအပ်ပါတယ်” ဟု ဒေါက်တာ တင်တင်ဝင်းက ပြောကြားသည်။

ထို့ပြင် လုပ်ငန်းတစ်ခုသည် နိုင်ငံလူဦးရေ၏ အများစုကို ဦးတည်ပြီး စဉ်းစားရမည်ဖြစ်ကာ အရင်းအနှီးအတွက် အကန့်အသတ် ဖြစ်သည့် ဂရန်၊ စည်ပင်သာယာ ထောက်ခံချက်၊ လုပ်ငန်းလိုင်စင်နှင့် SME မှတ်ပုံတင်များကို ကန့်သတ်လိုက်မည် ဆိုပါက လုပ်ငန်းရှင်များအတွက် အခက်အခဲများစွာရှိကြောင်း မင်္ဂလာဒုံမြို့နယ် ပြည်သူ့လွှတ်တော် ကိုယ်စားလှယ် ဦးအောင်လှိုင်ဝင်းက ပြောကြားသည်။

“ဒီချေးငွေဟာ ဂျပန်နိုင်ငံကနေပြီးတော့ အတိုးနှုန်း ၀ ဒသမ ၀၁ ရာခိုင်နှုန်း ဖြစ်တဲ့အတွက် ပိုက်ဆံ တစ်သောင်းချေးရင် ငွေတစ်ကျပ်သာ ပြန်ပေးရတဲ့ နှစ် ၄၀ ချေးရတဲ့ ချေးငွေဖြစ်ပါတယ်။ အရပ်စကားနဲ့ လွယ်လွယ်ခေါ်ကြမယ်ဆိုရင်တော့ အတိုးမဲ့ ချေးငွေလို့တောင် ပြောလို့ရတဲ့ ချေးငွေဖြစ်ပါတယ်။ လုပ်ငန်းရှင်များ ချေးငွေယူတဲ့အခါမှာ အခက်အခဲတချို့ကို တင်ပြလိုပါတယ်။ အထူးသဖြင့်တော့ ၀န်ကြီးဌာနက သတ်မှတ်ထားတဲ့ စံချိန်စံညွှန်းတွေဟာ ဖွံ့ဖြိုးမှုနည်းတဲ့ ဒေသတွေ ကျေးလက်ဒေသမှာရှိတဲ့ စီးပွားရေး လုပ်ငန်းရှင်တွေ လုပ်ငန်းငယ် အသေးလေးတွေအတွက် အတော်လေးကို မလွယ်တဲ့ အချက်အလက်ပဲ ဖြစ်နေပါတယ်။ ဖွံ့ဖြိုးမှုနည်းတဲ့ ဒေသတွေမှာဆိုရင် လုပ်ငန်းလေးတွေ လုပ်ကြတဲ့အခါမှာ မြို့ပေါ်ဒေသမှာ ရှိသလိုမျိုး ပစ္စည်းတစ်ခု ရောင်းလိုက်တိုင်း ပိုက်ဆံပြန်ရတာ မဟုတ်ပါဘူး။ အကြွေးချရတာပါ။ အကြွေးမချရင် ဒီပစ္စည်းက မရောင်းရပါဘူး။ အကြွေးပြန်ဆပ်မယ့် ရာသီပေါ်သီးနှံတွေ ပေါ်တဲ့အချိန် အကြွေးပြန်ဆပ်ချိန်ကျရင်လည်း သီးနှံတွေနဲ့ ပြန်ဆပ်ကြတာ များပါတယ်။ အဲဒီတော့ အဲဒီက လုပ်ငန်းရှင်က ရှုံးရှုံးမြတ်မြတ် အသီးအနှံတွေ ယူထားရတာ ရှိပါတယ်။ တချို့နေရာမှာဆို ခရမ်းသီးတွေနဲ့ ပြန်ဆပ်တာ ရှိပါတယ်။ ငွေပေါ်ဖို့ဆိုတာ တော်တော်လေး ခဲယဉ်းပါတယ်။ တချို့ ဖွံ့ဖြိုးမှုနည်းတဲ့ ဒေသတွေမှာဆိုရင် ပစ္စည်းချင်းဖလှယ်တဲ့အဆင့်မှာပဲ ရှိပါသေးတယ်။ အဲဒီလိုဒေသမှာရှိတဲ့ လုပ်ငန်းငယ်လေးတွေက ငွေကြေးအရင်းအနှီး အများကြီး လိုအပ်ပါတယ်။ အဲဒီအရင်းအနှီးကို လုပ်ဖို့ အကန့်အသတ်ဖြစ်တဲ့ ဂရန်တို့၊ စည်ပင်သာယာရဲ့ ထောက်ခံချက်တို့ လုပ်ငန်းလိုင်စင်တို့ SME မှတ်ပုံတင်တို့ အဲဒါတွေက ကန့်သတ်လိုက်မယ်ဆိုရင် လုပ်ငန်းရှင်များအတွက် အခက်အခဲအများကြီး ဖြစ်သွားပါမယ်။ အဲဒီဒေသမှာရှိတဲ့ ပညာရေး အခြေအနေဟာလည်း တော်တော်လေး နိမ့်ကျနေပါတယ်။ အမြင့်ဆုံး အလယ်တန်းလောက်ပဲ သင်နိုင်တဲ့ အခြေအနေမျိုးမှာ မြို့ပြမှာရှိတဲ့ စံချိန်စံညွှန်းတွေနဲ့ ဒီဒေသက ပုဂ္ဂိုလ်တွေကို သွားပြီး ချေးငွေတွေကို ဒါတွေကိုက်ညီမှသာ ပေးမယ်ဆိုရင် အဲ့ဒီဒေသက ပုဂ္ဂိုလ်တွေကို မပေးဘူးလို့ ပြောတာနဲ့ အတူတူပါပဲ။ ဒါကြောင့် ဒီကန့်သတ်ချက်တွေကို ဖြေလျှော့ပေးဖို့ လိုပါတယ်။ ဂျပန်နိုင်ငံကနေ ပိုက်ဆံ တစ်သောင်းချေးမှ တစ်နှစ်လုံးကို တစ်ကျပ်နဲ့ သူများနိုင်ငံ သူများလူမျိုးက ကိုယ့်နိုင်ငံ တိုးတက်ရေးအတွက် အတိုးမဲ့နီးပါး ချေးနေနိုင်သေးရင် ကျွန်တော်တို့နိုင်ငံ ကျွန်တော်တို့လူမျိုးက ကျွန်တော်တို့ လူမျိုးကို ပြန်ချေးတဲ့အခါ ရှစ်ကျပ်ခွဲတို့ ၁၁ ကျပ်တို့ မချေးနိုင်ဘူးဆိုတာ လုံးဝမဖြစ်သင့်တဲ့ ကိစ္စပါ။ လေးကျပ်နဲ့ ချေးရင်လည်း အမြတ်ကျန်ပါတယ်။ သုံးကျပ်နဲ့ ချေးရင်လည်း အမြတ်ကျန်ပါတယ်။ နှစ်ကျပ်လည်း အမြတ်ကျန်တာပဲ”ဟု ဦးအောင်လှိုင်ဝင်းက ပြောကြားသည်။

အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်မှု စီမံကိန်းအဆင့် (၂) အတွက် JICA ထံမှ ဂျပန်ယန်း ၁၄ ဒသမ ၉၄၉ ဘီလျံ ချေးယူမည်ဖြစ်ပြီး လုပ်ငန်းရှင်တစ်ဦးလျှင် အများဆုံးအဖြစ် ကျပ်သန်း ၅၀၀ ထုတ်ချေးနိုင်မည် ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြောကြားသည်။

ဖေဖော်ဝါရီ ၁၃ ရက်က ပြုလုပ်သည့် ပြည်ထောင်စုလွှတ်တော် အစည်းအဝေးတွင် စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီးက ဂျပန်နိုင်ငံ အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီထံမှ ချေးငွေရယူရန်နှင့် ပတ်သက်ပြီး ပြည်ထောင်စုလွှတ်တော်သို့ ရှင်းလင်းတင်ပြခဲ့ခြင်း ဖြစ်သည်။

ဒုတိယ၀န်ကြီးက အသေးစား၊ အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေး စီမံကိန်းအဆင့် (၂) အတွက် ဂျပန်နိုင်ငံ JICA ထံမှ ချေးငွေ ဂျပန်ယန်း ၁၄ ဒသမ ၉၄၉ ဘီလျံ (မြန်မာကျပ်ငွေ ဘီလျံ ၁၈၀ ခန့်) ချေးယူမည် ဖြစ်ကြောင်း၊ စီမံကိန်းအဆင့် (၁) အတွက် ဂျပန်ယန်း ၅ ဒသမ ၀၃၃ ဘီလျံ (မြန်မာကျပ် ငွေ ၆၁ ဒသမ ၆၅၄ ဘီလျံခန့်) ရယူ ဆောင်ရွက်ခဲ့ကြောင်း၊ မြန်မာနိုင်ငံတွင် မှတ်ပုံတင်ထားသည့် SME လုပ်ငန်းပေါင်း ၆၀၀၀၀ ကျော် ရှိသည့်အတွက် ချေးငွေပံ့ပိုးရန် လိုအပ်မှုများ ရှိနေကြောင်း၊ ထို့အတွက် နိုင်ငံတော်က အဆင့် (၂) စီမံကိန်းအဖြစ် ဆက်လက် အကောင်အထည်ဖော်ခြင်း ဖြစ်ကြောင်း၊ ယခု ချေးငွေသည် ဆိုင်းငံ့ကာလ ၁၀ နှစ်၊ ပြန်ဆပ်ကာလ နှစ် ၃၀ ဖြစ်ကာ ချေးငွေသက်တမ်း နှစ် ၄၀ ဖြစ်ကြောင်း၊ အတိုးနှုန်းအနေဖြင့် တစ်နှစ်လျှင် ၀ ဒသမ ၀၁ ရာခိုင်နှုန်းဖြစ်ကြောင်း၊ အတိုးကျသင့်ငွေကို တစ်နှစ် နှစ်ကြိမ် ဆပ်ရမည်ဖြစ်ကြောင်း၊ အရင်းပြန်လည် ပေးဆပ်မှုအား ဆိုင်းငံ့ကာလကျော်ပါက တစ်နှစ် နှစ်ကြိမ်နှုန်း ပေးဆပ်ရမည်ဖြစ်ကြောင်း ဒုတိယ၀န်ကြီးက ပြောကြားသည်။

JICA (Two Step loan) ချေးငွေရယူလိုသော တောင်သူများအနေဖြင့် သက်ဆိုင်ရာ မြန်မာ့လယ်ယာ ဖွံ့ဖြိုးရေးဘဏ်နှင့် မြို့နယ်ဘဏ်ခွဲများတွင် အဆိုပြုချေးယူနိုင်

ပဲခူးတိုင်း တောင်ငူခရိုင် ကျေးလက်တစ်ခုတွင် မိုးစပါး စတင်စိုက်ပျိုးစဉ်က မြင်ကွင်း (ဓာတ်ပုံ-ဇော်ဝင်းချစ်)

JICA (Two Step loan) ချေးငွေရယူလိုသော တောင်သူလယ်သမားများအနေဖြင့် သက်ဆိုင်ရာ မြန်မာ့လယ်ယာဖွံ့ဖြိုးရေးဘဏ်နှင့် မြို့နယ်ဘဏ်ခွဲများတွင် အဆိုပြု ချေးယူနိုင်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ဆိုသည်။

ကျောင်းကုန်းမဲဆန္ဒနယ်မှ ပြည်သူ့လွှတ်တော်ကိုယ်စားလှယ် ဦးသိန်းထွန်း၏ JICA (Two Step loan) ဖြင့် လယ်ယာလုပ်ငန်းကဏ္ဍ (Farming) နှင့် လယ်ယာကဏ္ဍကို အခြေခံသော စီးပွားရေးလုပ်ငန်းကဏ္ဍ (Agri-business) များအတွက် ချေးငွေထုတ်ချေးရာတွင် လုပ်ကွက်ငယ် တောင်သူလယ်သမားများ အတွက် အကျိုးသက်ရောက်မှု ရှိ မရှိနှင့် စပ်လျဉ်းသည့် မေးခွန်းကို ဖြေကြားရာတွင် ပြောကြားခဲ့ခြင်း ဖြစ်သည်။

JICA (Two Step loan) အား မြန်မာ့လယ်ယာဖွံ့ဖြိုးရေးဘဏ်က ၂၀၁၇-၂၀၁၈ ဘဏ္ဍာနှစ်မှစ၍ တစ်နိုင်ငံလုံး အတိုင်းအတာဖြင့် ထုတ်ချေးလျက်ရှိပြီး မြန်မာ့လယ်ယာဖွံ့ဖြိုးရေးဘဏ်တွင် မြို့နယ်ဘဏ်ခွဲပေါင်း ၂၀၈ ဘဏ်ရှိရာ JICA (Two Step loan) ချေးငွေရယူလိုသော တောင်သူလယ်သမားများ အနေဖြင့် သက်ဆိုင်ရာ မြန်မာ့လယ်ယာဖွံ့ဖြိုးရေးဘဏ်နှင့် မြို့နယ်ဘဏ်ခွဲများတွင် အဆိုပြုတင်ပြနိုင်ပြီး ဘဏ်မှအဆင့်ဆင့် စိစစ်၍ ချေးငွေ စည်းကမ်းနှင့် ညီညွတ်သူများကို ထုတ်ချေးပေးလျက်ရှိကြောင်း ဒုတိယ၀န်ကြီးက ပြောကြားသည်။

ချေးငွေ ထုတ်ချေးရာတွင် မြေတစ်ဧကမှ ဧက ၅၀ အထိ ပိုင်ဆိုင်သော တောင်သူလယ်သမားတစ်ဦးချင်းအတွက် အများဆုံး ချေးငွေ ပမာဏသည် ကျပ်သန်း ၅၀၊ တောင်သူလယ်သမားအစုအဖွဲ့အတွက် အများဆုံး ချေးငွေပမာဏသည် ကျပ်သန်း ၅၀၀ ဖြစ်ပြီး စတင်ထုတ်ချေးသည့် ၂၀၁၇ ခုနှစ် ဇူလိုင် ၂၁ ရက်မှ နိုဝင်ဘာ ၂၁ ရက်အထိ နေပြည်တော်၊ ပဲခူး၊ မန္တလေး၊ စစ်ကိုင်းနှင့် ဧရာဝတီ စသည်တို့တွင် တောင်သူ ၅၃ ဦးကို ကျပ် ၁၈၅၉ ဒသမ ၁၃ သန်း ထုတ်ချေးခဲ့သည်။

ရန်ကုန်တိုင်းအတွက် ကမ္ဘာ့ဘဏ်ချေးငွေ ၁၂၄ သန်းမှ အဆောက်အအုံများ ဘေးအန္တရာယ်လျှော့ချရေးနှင့် လမ်းတံတားလုပ်ငန်းများတွင် သုံးစွဲမည့်ငွေများကို ပယ်ဖျက်ပြီး ရေကြီးရေလျှံမှု အန္တရာယ်စီမံခန့်ခွဲမှုအတွက် ပိုမိုသုံးစွဲပေးရန် လွှတ်တော်ကိုယ်စားလှယ် ထောက်ပြ

ရန်ကုန်တိုင်းဒေသကြီးလွှတ်တော် ပဉ္စမပုံမှန်အစည်းအဝေး ၂၃ ရက်မြောက်နေ့ ကျင်းပနေသည်ကို တွေ့ရစဉ်

ရန်ကုန်တိုင်းအတွင်း ကမ္ဘာ့ဘဏ်ချေးငွေ ၁၂၄ သန်းတွင် အများပြည်သူဝန်ဆောင်မှု အဆောက်အအုံများ ဘေးအန္တရာယ်လျှော့ချရေးနှင့် လမ်းတံတား လုပ်ငန်းဆောင်ရွက်ရန်ငွေများကို ပယ်ဖျက်ပြီး ပြည်သူများ အမှန်တကယ် လိုအပ်သည့် ရေကြီးရေလျှံမှုအန္တရာယ် စီမံခန့်ခွဲမှုတွင် ပိုမိုသုံးစွဲပေးရန် ဒီဇင်ဘာ ၁၃ ရက်က ပြုလုပ်သည့် ဒုတိယအကြိမ် ရန်ကုန်တိုင်းဒေသကြီးလွှတ်တော် ပဉ္စမပုံမှန်အစည်းအဝေး ၂၃ ရက်မြောက်နေ့တွင် ဆိပ်ကြီးခနောင်တိုမြို့နယ် မဲဆန္ဒနယ်အမှတ် (၁) မှ လွှတ်တော်ကိုယ်စားလှယ် ဒေါ်စန္ဒာမင်းက ပြောကြားသည်။

ရန်ကုန်တိုင်းဒေသကြီးအတွက် ၂၀၁၈ ခုနှစ် ဧပြီမှ စက်တင်ဘာလအထိ ခြောက်လတာ ကာလအတွက် ရသုံးခန့်မှန်းခြေငွေစာရင်း (လျာထားချက်) နှင့်ပတ်သက်ပြီး ဆွေးနွေးရာတွင် ၎င်းက အထက်ပါအတိုင်း ထည့်သွင်းပြောကြားခဲ့ခြင်း ဖြစ်သည်။

“အရှေ့တောင်အာရှ သဘာဝဘေး အန္တရာယ်ကြောင့် ဆုံးရှုံးနိုင်ခြေစီမံခန့်ခွဲမှု စီမံကိန်းအတွက် ကမ္ဘာ့ဘဏ်မှ သက်သာမှုရှိတဲ့ ချေးငွေ ၁၂၄ သန်းခန့်ကို ၂၀၁၈ ခုနှစ် ခြောက်လဘတ်ဂျက်မှာ စတင်ပါဝင်လာတဲ့အတွက် အများပြည်သူဝန်ဆောင်မှု အဆောက်အအုံများ ပိုမိုဘေးကင်းလုံခြုံမှုရှိစေရန်ကို ဆွေးနွေးသွားမှာ ဖြစ်ပါတယ်။ ဒီစီမံကိန်းကို စီမံကိန်းနှင့် ဘဏ္ဍာရေးဝန်ကြီးဌာနနှင့်အတူ ရန်ကုန်မြို့တော် စည်ပင်သာယာရေးကော်မတီမှလည်း အကောင်အထည်ဖော် ဆောင်ရွက်သွားမှာ ဖြစ်ပါတယ်။ အကောင်အထည်ဖော်ဆောင်ရွက်မယ့် လုပ်ငန်းတွေကို အပိုင်းငါးပိုင်းခွဲခြားထားတာ တွေ့ရပါတယ်။ အပိုင်း (၁) မှာကတော့ အရှေ့တောင်အာရှ သဘာဝ ဘေးအန္တရာယ်ဆိုင်ရာ အာမခံရန်ပုံငွေထူ ထောင်မယ့်နေရာမှာ ပါဝင်ဆောင်ရွက်ခြင်း၊ အပိုင်း (၂) ကတော့ မြို့ပြရေကြီးရေလျှံမှု အန္တရာယ်အား စီမံခန့်ခွဲခြင်း၊ အပိုင်း (၃) ကတော့ အများပြည်သူ ၀န်ဆောင်မှု အဆောက်အအုံများ ပိုမိုဘေးကင်းလုံခြုံမှုရှိရန် ဆောင်ရွက်ခြင်း၊ အပိုင်း (၄) ကတော့ အသိပညာပေးခြင်းနှင့် စီမံကိန်းစီမံခန့်ခွဲခြင်း၊ အပိုင်း (၅) ကတော့ အရေးပေါ်တုံ့ပြန်ခြင်းတို့ ဖြစ်ပါတယ်။ ယခု ၂၀၁၈ ခုနှစ် ခြောက်လဘတ်ဂျက်မှာ ပါလာတဲ့ ရန်ကုန်မြို့တော် စည်ပင်သာယာရေးကော်မတီမှ အကောင်အထည်ဖော် ဆောင်ရွက်မယ့် အပိုင်း (၂) မှာ အမေရိကန်ဒေါ်လာ ၇၇ သန်း သုံးစွဲပြီးတော့ စည်ပင်သာယာ နယ်နမိတ်အတွင်း ရေကြီးရေလျှံမှု လျော့နည်းပပျောက်စေရေးအတွက် နိုင်ငံတကာ အဆင့်မီဆောင်ရွက်ဖို့ ကမ္ဘာ့ဘဏ်က ပြဋ္ဌာန်းထားတာ ဖြစ်ပါတယ်။ သို့သော် စတင်ဆောင်ရွက်သင့်တဲ့ အပိုင်း (၂) ကို ဘတ်ဂျက် ထုတ်ယူသုံးစွဲမှုမပြုဘဲ အပိုင်း (၃) ကို အများပြည်သူဝန်ဆောင်မှု အဆောက်အအုံများ ဘေးကင်းလုံခြုံရေးနဲ့ မွမ်းမံခြင်းအတွက် အမေရိကန်ဒေါ်လာ ၂၂ သန်း မြန်မာငွေအားဖြင့် ၂၅၀ ဒသမ ၈၅၆ သန်းကို ဘာကြောင့်စတင်ဆောင်ရွက်ရသလဲဆိုတာကို မေးစရာရှိလာပါတယ်။ ဘာကြောင့်လဲဆိုတော့ ကမ္ဘာ့ဘဏ်ရဲ့ အစီအစဉ်တွေက ပြောင်းလဲမှုလုပ်လို့မရဘူးဆိုတာ သိပါတယ်။ ဒီချေးငွေက အတိုးမဲ့ သက်သာတဲ့ ချေးငွေဖြစ်ပေမဲ့ ရေပေးဝေမှု တိုးမြှင့်ရေးစီမံကိန်းမှ ရငွေတွေနဲ့ ၃၈ နှစ် ပြန်လည်ပေးဆပ်ရမှာ ဖြစ်ပါတယ်။ ဒါကြောင့်မို့လည်း ပြည်သူအမှန်တကယ် အသုံးဝင်မယ့် လုပ်ငန်းတွေကိုသာ ကမ္ဘာ့ဘဏ်ကို Proposal တင်ကတည်းကိုက တင်သင့်ပါတယ်” ဟု ဒေါ်စန္ဒာမင်းက ပြောကြားသည်။

ထို့ပြင် ကမ္ဘာ့ဘဏ်၏ ပြဋ္ဌာန်းချက် အပိုင်း (၃) တွင် ပထမဦးစားပေးအဖြစ် ဂျိုးဖြူရေလှောင်တမံ၏ အဆောက်အအုံပြုပြင် မွမ်းမံခြင်း၊ ဒုတိယဦးစားပေးအဖြစ် ဗိုလ်တထောင်မြို့နယ်ရှိ လေမှုတ်စက်ရုံပြုပြင်ခြင်း၊ တတိယဦးစားပေးအနေဖြင့် မရမ်းကုန်းမြို့နယ်ရှိ ရေတွန်းစက်ရုံပြုပြင်မွမ်းမံခြင်း၊ စတုတ္ထ ဦးစားပေးတွင် ဗိုလ်ချုပ်အောင်ဆန်းဈေးနှင့် ပဉ္စမဦးစားပေးတွင် သိမ်ကြီးဈေး (A) ရုံနှင့် (B) ရုံပြုပြင်ခြင်းစသည့် အများပြည်သူနှင့် သက်ဆိုင်သော အခြေခံအဆောက်အအုံများကို ပြုပြင်မွမ်းမံခြင်းဟု ဖော်ပြထားကြောင်း၊ ထို့ကြောင့် လက်ရှိတွင် ဂျိုးဖြူရေလှောင်ကန်လောက် အရေးမကြီးသည့် ဗိုလ်ချုပ်အောင်ဆန်း ဈေးပြင်ဆင်ခြင်းနှင့် သိမ်ကြီးဈေးပြင်ဆင်ခြင်းများကို သဘောမတူနိုင်ကြောင်း၊ ဗိုလ်ချုပ်အောင်ဆန်းဈေး အသေးစား၊ အကြီးစား ပြင်ဆင်မှုများကို နှစ်စဉ်ဘတ်ဂျက်များတွင်လည်း တောင်းခံနေကြောင်း၊ ယခုဘတ်ဂျက်တွင်လည်း အဆိုပါဈေးရုံကြီးများ ပြင်ဆင်ရန် ကျပ်သန်း ၁၄၀ တောင်းခံထားကြောင်း ၎င်းက ဆက်လက်ပြောကြားသည်။

အပိုင်း (၂) နှင့် အပိုင်း (၃) တွင် ပါဝင်သည့် သဘာဝဘေးအန္တရာယ်ကြောင့် ဆုံးရှုံးနိုင်ခြေ စီမံခန့်ခွဲမှုအောက်တွင် လမ်းတံတားလုပ်ငန်းများ ဆောင်ရွက်ရန် ပါရှိခြင်းမရှိကြောင်း၊ အများပြည်သူ ၀န်ဆောင်မှုအဆောက်အအုံများ ဘေးအန္တရာယ်လျှော့ချရေး စီမံကိန်းတွင်ပါဝင်သည့် ဘတ်ဂျက်များကို သဘောမတူနိုင်ကြောင်း ဒေါ်စန္ဒာမင်းက ပြောကြားသည်။

“ကျွန်မတင်ပြလိုတာကတော့ ၂၀၁၈ ခုနှစ် ခြောက်လဘတ်ဂျက်မှာ တောင်းခံထားတဲ့ အများပြည်သူဝန်ဆောင်မှု အဆောက်အအုံများ ဘေးအန္တရာယ်လျှော့ချရေးအတွက် တောင်းခံထားတဲ့ ကျပ်သန်း ၂၅၀ ဒသမ ၈၅၆ သန်းနဲ့ လမ်းတံတားလုပ်ငန်းတွေ ဆောင်ရွက်ဖို့ ၂၄၈ ဒသမ ၄၀ ကျပ်သန်းအား သဘောမတူပါသဖြင့် ၎င်းလုပ်ငန်းများပယ်ဖျက်ပေးရန်နှင့် ကမ္ဘာ့ဘဏ်မှ ပြဋ္ဌာန်းထားတဲ့ မြို့ပြရေကြီးရေလျှံမှု အန္တရာယ်များစီမံခန့်ခွဲမှု အပိုင်းမှာပါဝင်တဲ့ ရေမြောင်းစနစ်နှင့် မြစ်ထွက်ပေါက်များအကြားမှာ ထပ်မံလိုအပ်လာနိုင်သော မြေအောက်မြောင်းများ၊ ရေသိုလှောင်နိုင်သော နေရာများ လိုအပ်သောအရွယ်အစားရှိတဲ့ ခေတ်မီမြစ်ထွက်ပေါက်ရေတံခါးများ တည်ဆောက်ခြင်း၊ မြစ်ထွက်ပေါက်များတွင် အလိုအလျောက် ရေထိန်းတံခါးများ၊ စွမ်းအားမြင့် ရေစုပ်ထုတ်စက်များ၊ အမှိုက်စစ်ဆန်ခါများ၊ အရန်မီးစက်များပါဝင်မယ့် စနစ်တစ်ခုလုံးနှင့် ချိတ်ဆက်အသုံးပြုနိုင်ဖို့အတွက် နိုင်ငံတကာအဆင့်မှီ အလိုအလျှောက် စောင့်ကြည့် ထိန်းချုပ်စနစ်များ တပ်ဆင်အသုံးပြုခြင်းတို့ကိုသာ ယခုနှစ်ခြောက်လဘတ်ဂျက်မှာ စတင်လျာထားဆောင်ရွက်ပေးရန် တင်ပြအပ်ပါတယ်” ဟု ဒေါ်စန္ဒာမင်းက ပြောကြားသည်။

၂၀၁၆ ခုနှစ် နှစ်ကုန်အထိ ပြည်ပချေးငွေ ဒေါ်လာ သန်း ၉၀၀၀ နီးပါးရှိနေပြီး လက်ရှိအစိုးရ၏ ၂၀၁၇-၂၀၁၈ ဘဏ္ဍာနှစ် ပထမခြောက်လပတ်တွင် ဒေါ်လာ သန်း ၁၂၂၀ ချေးယူရန် ညှိနှိုင်းရရှိ

၂၀၁၆ ခုနှစ် နှစ်ကုန်အထိ ပြည်ပချေးငွေ ဒေါ်လာသန်း ၉၀၀၀ နီးပါးရှိနေပြီး ၂၀၅၂-  ၂၀၅၃ ဘဏ္ဍာနှစ်အထိ နှစ်စဉ် ဒေါ်လာ သန်း ၁၀၀ မှ သန်း ၇၀၀ ကျော်အထိ ပြန်လည်ပေးဆပ်ရန် တွက်ချက်ထားမှုအပြင် လက်ရှိအစိုးရအနေဖြင့် ၂၀၁၇-၂၀၁၈ ဘဏ္ဍာနှစ် ပထမခြောက်လပတ်တွင် ထပ်မံပြီး ဒေါ်လာ ၁၂၂၀ ဒသမ ၁၆ သန်း ချေးယူရန် ညှိနှိုင်းရရှိထားပြီးဖြစ်ကြောင်း ပြည်ထောင်စုလွှတ်တော် ပြည်သူ့ငွေစာရင်း ပူးပေါင်းကော်မတီ၏ အစီရင်ခံစာအရ သိရသည်။

၂၀၁၇-၂၀၁၈ ဘဏ္ဍာနှစ် ပထမခြောက်လပတ်တွင် ထပ်မံပြီး ဒေါ်လာ ၁၂၂၀ ဒသမ ၁၆ သန်း ချေးယူရန် နိုင်ငံအချင်းချင်းနှင့် အပြည်ပြည်ဆိုင်ရာ အဖွဲ့အစည်းများမှ ညှိနှိုင်းရရှိထားသည့် ငွေများတွင် ဂျပန်နိုင်ငံမှ ချေးယူရရှိငွေမှာ ဒေါ်လာ ၇၅၃ ဒသမ ၁၉ သန်းရှိနေကြောင်း သိရသည်။

ပြည်ပချေးငွေ အများဆုံးရရှိသော ၀န်ကြီးဌာနမှာ စီမံကိန်းနှင့် ဘဏ္ဍာရေး ၀န်ကြီးဌာနဖြစ်ပြီး ချေးငွေ၏ ၆၅ ရာခိုင်နှုန်းကို ရယူထားကာ ဒုတိယအများဆုံးမှာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနဖြစ်ကာ စုစုပေါင်း ပြည်ပချေးငွေ၏ ၂၂ ရာခိုင်နှုန်းကို ရရှိထားကာ အဆိုပါ ချေးငွေအားလုံး၏ ၂၅ ရာခိုင်နှုန်းမှာမူ လူမှုကာကွယ်ရေးအတွက် အသုံးပြုရန်ဖြစ်ကြောင်း တွေ့ရှိရသည်ဟု ပြည်သူ့ငွေစာရင်း ပူးပေါင်းကော်မတီက သုံးသပ်ထားသည်။

၂၀၁၆ ခုနှစ် ဒီဇင်ဘာ ၃၁ ရက်အထိ ပြည်ပကြွေးမြီ ဒေါ်လာ သန်း ၉၀၀၀ နီးပါးရှိပြီး ၂၀၅၂-၂၀၅၃ ဘဏ္ဍာနှစ်အထိ နှစ်စဉ် ဒေါ်လာသန်း ၁၀၀ မှ သန်း ၇၀၀ ကျော် ပြန်လည်ပေးဆပ်ရမည် ဖြစ်ကြောင်း ၂၀၁၇ ခုနှစ် ကာလလတ်ကြွေးမြီစီမံခန့်ခွဲမှု မဟာဗျူဟာ (မူကြမ်း) အရ သိရသည်။

မြန်မာနိုင်ငံ၏ ပြည်ပကြွေးမြီများမှာ အပြည်ပြည်ဆိုင်ရာ အဖွဲ့အစည်းများ (ADB၊ IDA၊ အခြား) မှ အမေရိကန်ဒေါ်လာ ၁၃၆၄ ဒသမ ၂ သန်း၊ နှစ်နိုင်ငံ အစိုးရကြား ချေးငွေအမေရိကန်ဒေါ်လာ ၇၆၂၅ ဒသမ ၇ သန်း စုစုပေါင်း အမေရိကန်ဒေါ်လာ ၈၉၈၉ ဒသမ၉ သန်း ပြည်ပကြွေးမြီ ရှိနေကြောင်း သိရသည်။

ပြည်ပချေးငွေများကို နှစ်အလိုက် ပြန်လည်ပေးဆပ်ရမည့် ပမာဏမှာ ၂၀၁၇-၂၀၁၈ ဘဏ္ဍာနှစ်မှ ၂၀၁၉-၂၀၂၀ အထိ နှစ်စဉ် အမေရိကန်ဒေါ်လာ သန်း ၆၀၀ မှ ၇၀၀ အထိ၊ ၂၀၂၀-၂၀၂၁ ဘဏ္ဍာနှစ်မှ ၂၀၂၁-၂၀၂၂ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၇၀၀ ကျော်၊ ၂၀၂၂-၂၀၂၃ ဘဏ္ဍာနှစ်မှ ၂၀၂၄-၂၀၂၅ ဘဏ္ဍာနှစ်အထိ နှစ်စဉ် အမေ ရိကန်ဒေါ်လာ သန်း ၆၀၀ မှ ၇၀၀ အထိ၊ ၂၀၂၅-၂၀၂၆ ဘဏ္ဍာနှစ်မှ ၂၀၂၆-၂၀၂၇ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၅၀၀ မှ  ၆၀၀ အထိ၊ ၂၀၂၇-၂၀၂၈ ဘဏ္ဍာ နှစ်တွင် နှစ်စဉ် အမေရိကန်ဒေါ်လာ သန်း ၄၀၀ မှ ၅၀၀အထိ၊ ၂၀၂၈-၂၀၂၉ ဘဏ္ဍာ နှစ်မှ ၂၀၃၀-၂၀၃၁ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၃၀၀ မှ ၄၀၀ အထိ၊ ၂၀၃၁-၂၀၃၂ ဘဏ္ဍာနှစ်မှ ၂၀၃၆-၂၀၃၇ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၁၀၀ မှ ၂၀၀ အထိဖြစ် ပြီး ၂၀၃၇-၂၀၃၈ ဘဏ္ဍာနှစ်မှ ၂၀၅၂-၂၀၅၃ ဘဏ္ဍာနှစ်အထိ နှစ်စဉ် အမေရိကန်ဒေါ်လာ သန်း ၁၀၀ ခန့် ပြန်လည်ပေးဆပ်ရမည် ဖြစ်ကြောင်း အစီရင်ခံစာအရ သိရသည်။

 

Hayman Capital အသေးစားငွေချေးလုပ်ငန်းက ဒေါ်လာကိုးသိန်းနှင့် ညီမျှသော မြန်မာကျပ်ငွေအား အသေးစားစီးပွားရေး လုပ်ငန်းအပါအ၀င် စီးပွားရေးလုပ်ကိုင်သူများကို ထုတ်ချေးမည်

Hayman Capital အသေးစားငွေချေး လုပ်ငန်းမှ ဒေါ်လာကိုးသိန်းနှင့်ညီမျှသော မြန်မာကျပ်ငွေအား အသေးစားစီးပွားရေးလုပ်ငန်း၊ စွန့်ဦးတီထွင်လုပ်ငန်းနှင့် တစ်နိုင်ငံတစ်ပိုင် စီးပွားရေးလုပ်ကိုင်သူ ၃၅၀၀ ခန့်အား ထုတ်ချေးသွားမည်ဖြစ်ကြောင်း သိရသည်။

Hayman Capital အသေးစားငွေချေးလုပ်ငန်းမှ မလေးရှားအခြေစိုက် Maybank (ရန်ကုန်ဘဏ်ခွဲ) ထံမှ အမေရိကန်ဒေါ်လာ ကိုးသိန်းနှင့်ညီမျှသော မြန်မာကျပ်ငွေကို ဘဏ်ချေးငွေအဖြစ် ထပ်မံထုတ်ယူခဲ့ပြီး အဆိုပါချေးငွေဖြင့် အသေးစားစီးပွားရေး လုပ်ငန်းများ၊ စွန့်ဦးတီထွင်လုပ်ငန်းများနှင့် တစ်ပိုင်တစ်နိုင် စီးပွားရေးလုပ်ငန်းလုပ်ကိုင်နေသူ ၃၅၀၀ ခန့်အား ၎င်းတို့၏ စီးပွားရေး ပိုမိုလည်ပတ်နိုင်ရန် ထုတ်ချေးသွားမည်ဖြစ်ကြောင်း သိရသည်။

အဆိုပါ ဘဏ်ချေးငွေနှင့်ပတ်သက်ပြီး Hayman Capital မှ CEO Mr.Sultal Marenov က” မြန်မာနိုင်ငံရဲ့ ဘဏ်ဝန်ဆောင်မှုကို မရနိုင်သေးတဲ့ ကျေးလက်ဒေသတွေမှာ ငွေကြေးဆိုင်ရာဝန်ဆောင်မှုတွေ တိုးချဲ့ဖို့အတွက် အကူအညီပေးတဲ့ Maybank ကို ကျေးဇူးတင်ပါတယ်။ ပထမအကြိမ်ရယူခဲ့တဲ့ ဘဏ်ချေးငွေတွေကတော့ ထောင်ပေါင်းများစွာ စီးပွားရေးလုပ်ငန်းတွေအပေါ် အကျိုးရလဒ်တွေ ဖြစ်ပေါ်ခဲ့ပြီး ဖြစ်ပါတယ်။ ယခုဒုတိယ ဘဏ်ချေးငွေကလည်း အလားတူအကျိုး ဖြစ်ထွန်းစေမှာပါ” ဟု ပြောကြားသည်။

Hayman Capital အနေဖြင့် Maybank ထံမှ ပထမအကြိမ် ဘဏ်ချေးငွေအဖြစ် အမေရိကန်ဒေါ်လာ တစ်သန်းနှင့်ညီမျှသော မြန်မာကျပ်ငွေကို မေလအတွင်း ရယူခဲ့ပြီး အဆိုပါ ဘဏ်ချေးငွေဖြင့် ရန်ကုန်နှင့် ပဲခူးရှိ ငွေချေးဖောက်သည်ပေါင်း ငါးထောင်ကျော်ကို ထုတ်ချေးပေးခဲ့ပြီးဖြစ်ကြောင်း သိရသည်။