မာစီဒီး၊ ဖို့ဒ်နှင့် အ၀ါရောင်ကျောင်းကားများ ပြဿနာ

လူမှုကွန်ရက်တွင် ပျံ့နှံ့ခဲ့သော တန်ဖိုးကြီးကားများ ထားရှိသော ဂိုဒေါင်အတွင်းမြင်ကွင်း

အမျိုးသားဒီမိုကရေစီ အစိုးရအဖွဲ့သက်တမ်း နှစ်နှစ်ကျော်ကာလမှာ ရန်ကုန်တိုင်းဒေသကြီးက ၀န်ကြီးတွေ စီးနင်းမယ့် မော်တော်ယာဉ်ကိစ္စနဲ့ ပတ်သက်ပြီး ဝေဖန်သံတွေ ထွက်လာပါတယ်။

အစပြုခဲ့တာကတော့ ရန်ကုန်တိုင်းဒေသကြီး အစိုးရအဖွဲ့က ရန်ကုန်တိုင်းလွှတ်တော်မှာ မော်တော်ယာဉ်စီးနင်းဖို့ ဘတ်ဂျက်တောင်းခံခြင်းကနေ အစပြုခဲ့တာပဲ ဖြစ်ပါတယ်။

မေ ၃၁ ရက်မှာ ပြုလုပ်ခဲ့တဲ့ ရန်ကုန်တိုင်းဒေသကြီးလွှတ်တော် အစည်းအဝေးမှာ အစိုးရအဖွဲ့က ၂၀၁၈-၂၀၁၉ ခုနှစ် ရန်ကုန်တိုင်း ဒေသကြီး၏ အရအသုံးမှန်းခြေ ငွေစာရင်းမှာ ကျပ်သိန်း ၁၀၀၀ တန် FORD ကား ၁၀ စီးဝယ်ယူဖို့ ကျပ်သန်း ၁၀၀၀ ထည့်သွင်းတောင်းခံခဲ့ခြင်းပဲ ဖြစ်ပါတယ်။

ရန်ကုန်တိုင်းအစိုးရအဖွဲ့ဝင် ၀န်ကြီးတွေ စီးနင်းအသုံးပြုနေတဲ့ မော်တော်ယာဉ်တွေက ဟောင်းနွမ်းနေပြီ ဖြစ်တာကြောင့် အခုလို တောင်းခံရခြင်း ဖြစ်တယ်လို့ ရန်ကုန်တိုင်းဒေသကြီး အစိုးရအဖွဲ့ စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက လွှတ်တော်သို့ တင်သွင်းခဲ့ခြင်းပဲ ဖြစ်ပါတယ်။

အစိုးရသက်တမ်း နှစ်နှစ်ကျော်သာ ကျန်ရှိတဲ့အချိန်မှာ အခုလို မော်တော်ယာဉ်အသစ် စီးနင်းဖို့ တောင်းဆိုတာနဲ့ ပတ်သက်ပြီး လွှတ်တော်ကိုယ်စားလှယ် အများစုက ဝေဖန်ခဲ့ပြီး နောက်မှာတော့ ဒီကားတွေကို ၀ယ်ယူမယ့် ငွေကြေးအတွက် ပြည်ထောင်စု ဘတ်ဂျက်ထဲကနေ ၀ယ်ယူခြင်းသာ ဖြစ်တယ်လို့ ၀န်ကြီးချုပ် ဦးဖြိုးမင်းသိန်းက ပြန်လည်ပြောကြား ခဲ့ပါတယ်။

အဲဒီလိုပြောကြားပြီး မကြာမီမှာပဲ နိုင်ငံတော်သမ္မတဦးဝင်းမြင့်က ယခင်အစိုးရအဖွဲ့ လက်ထက်မှာ ၀ယ်ယူသွားတဲ့ မော်တော်ယာဉ်တွေ ရှိပြီးတော့  အဲဒီမော်တော်ယာဉ်တွေကို ပြည်နယ်နဲ့ တိုင်းဒေသကြီး အစိုးရအဖွဲ့တွေကို ခွဲဝေပေးမယ်လို့ ပဲခူးတိုင်းအစိုးရအဖွဲ့၊ ရန်ကုန်တိုင်းဒေသကြီး အစိုးရအဖွဲ့နဲ့ တွေ့ဆုံစဉ်မှာ ပြောကြားခဲ့ပါတယ်။

အဲဒီမော်တော်ယာဉ်တွေက ယခင်အစိုးရလက်ထက်က ၀ယ်ယူခဲ့တာဖြစ်ပြီး ၂၀၁၄ ခုနှစ် ပြုလုပ်ခဲ့တဲ့ အာဆီယံထိပ်သီး အစည်းအဝေးတွေ ပြုလုပ်ချိန်မှာ ဧည့်သည်တော်တွေ စီးနင်းဖို့ ၀ယ်ယူခဲ့တာပဲ ဖြစ်ပါတယ်။

အဲဒီမော်တော်ယာဉ်တွေထဲမှာ တန်ဖိုးကြီး မာစီဒီး အမျိုးအစားယာဉ် အများစုဖြစ်ပြီးတော့ အဲဒီမော်တော်ယာဉ်တွေကို ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနက တာဝန်ယူ ထိန်းသိမ်းထားခဲ့တာပဲ ဖြစ်ပါတယ်။

မာစီဒီးတွေကို ဘယ်လိုပြန်တွေ့တာလဲ

ဦးသိန်းစိန်အစိုးရ လက်ထက်က ၀ယ်ယူခဲ့တဲ့ မာစီဒီးအမျိုးအစား မော်တော်ယာဉ်အပါအ၀င် ဇိမ်ခံမော်တော်ယာဉ်မျိုးစုံ ၁၇၂ စီးအတွက် ၂၀၁၃ ခုနှစ်မှာ လွှတ်တော်ကို ကျပ် ၁၈ ဘီလျံ တောင်းခံခဲ့ပါတယ်။ ငွေကြေးပမာဏများတဲ့ အတွက်ကြောင့် လွှတ်တော်ကိုယ်စားလှယ် အချို့က ကန့်ကွက်ခဲ့ပေမယ့် အစိုးရအဖွဲ့က ၀ယ်ယူခဲ့ပါတယ်။

အဲဒီမော်တော်ယာဉ်တွေကို အာဆီယံထိပ်သီး အစည်းအဝေး ကျင်းပချိန်မှာ ရောက်လာမယ့် နိုင်ငံ့ခေါင်းဆောင်တွေ စီးနင်းဖို့ ၀ယ်ယူခဲ့တာဖြစ်ပြီး နောက်ပိုင်းမှာတော့ ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနက ထိန်းသိမ်းထားခဲ့တာပဲ ဖြစ်ပါတယ်။

၂၀၁၈- ၂၀၁၉ ဘဏ္ဍာနှစ်မှာတော့ ၀န်ကြီးဌာနတွေ တင်ပြထားတဲ့ အသုံးစရိတ်တွေကို စိစစ်နိုင်ဖို့အတွက် ပြည်ထောင်စု လွှတ်တော်က အဖွဲ့ ၁၇ ဖွဲ့ ဖွဲ့စည်းခဲ့ပါတယ်။

အဲဒီအဖွဲ့ ၁၇ ဖွဲ့မှာ အဖွဲ့နံပါတ် ၆ ကိုတော့ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ဦးဆောင်ပြီးတော့ အမျိုးသားလွှတ်တော် ကိုယ်စားလှယ် ဦးတင်ထွန်းနိုင်က အတွင်းရေးမှူး ဖြစ်ပါတယ်။ အဲဒီအဖွဲ့က နာမည်ကြီးနေတဲ့ မော်တော်ယာဉ်တွေနဲ့ ပတ်သက်ပြီး ထိန်းသိမ်းထားတဲ့ ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနကို စစ်ဆေးရပါတယ်။

“ပူးပေါင်းစိစစ်ရေးအဖွဲ့ ၆ ပါ။ ကျွန်မတို့က မြန်မာနိုင်ငံတော် ဗဟိုဘဏ်နဲ့ စီမံဘဏ္ဍာဝန်ကြီးဌာနကို စစ်ရတယ်။ စီမံဘဏ္ဍာဝန်ကြီးဌာန အောက်မှာရှိတဲ့ ဗဟိုစက်ပစ္စည်း စာရင်းဌာနကလည်း ကျွန်မတို့ စစ်ရတဲ့ ဌာနထဲမှာ တစ်ခုအပါအ၀င်ပဲ” လို့ ပြည်သူ့လွှတ်တော် ကိုယ်စားလှယ် ဒေါ်ခင်စန်းလှိုင်က ပြောပါတယ်။

သူတို့ ၀င်စစ်ရတဲ့ အကြောင်းရင်းကတော့ ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာနက တောင်းခံထားတဲ့ မော်တော်ယာဉ် ပြင်ဆင်ထိန်းသိမ်း စရိတ်တွေ များနေလို့ ဖြစ်ပါတယ်။

“နိုင်ငံတော်က သိမ်းထားတဲ့ယာဉ်တွေ ပြင်ဆင်ရတာရှိတယ်။ နောက်တစ်ခုက နိုင်ငံတော်ရဲ့ အဆောင်အယောင်ယာဉ်တွေကို ထိန်းသိမ်းထားရတာရှိတယ်။ ဒီကားတွေကို တစ်လနှစ်ကြိမ် နှိုးစမ်းပြီးတော့ မောင်းရတဲ့အခါမှာ ဒီအတွက် ကုန်ကျရတဲ့ ဆီဖိုးတွေရှိတယ်။ နောက်တစ်ခုက နိုင်ငံတော်မှာ ပွဲကြီးတွေ လုပ်တဲ့အခါမှာ ဒီကားတွေကို သုံးစွဲရတဲ့အခါမှာ ကုန်ကျရတဲ့ စက်ဆီချောဆီတွေရှိတယ်။ ဒါတွေကို တင်ပြလာတာ” လို့ ဒေါ်ခင်စန်းလှိုင်က ဆိုပါတယ်။

အဲဒါကြောင့် မြေပြင်ကွင်းဆင်း စစ်ဆေးတဲ့အချိန်မှာပဲ တန်ဖိုးကြီး ဇိမ်ခံမော်တော်ယာဉ်တွေကို တွေ့ရှိခဲ့တာပဲ ဖြစ်ပါတယ်။

အခုလိုစစ်ဆေးတာက ဗဟိုစက်ပစ္စည်း စာရင်းအင်းနှင့် စစ်ဆေးရေးဦးစီးဌာနရဲ့ ဂိုဒေါင် ၁၀ လုံးအနက် သုံးလုံးကို ၀င်ရောက်စစ်ဆေးခဲ့တဲ့ အချိန်မှာ တွေ့ရှိခဲ့တာပဲ ဖြစ်ပါတယ်။ လက်ရှိအချိန်မှာ စစ်ဆေးတွေ့ရှိထားတဲ့ မော်တော်ယာဉ် အစီးရေကတော့ တစ်ထောင်ကျော် ရှိပါတယ်။

မာစီဒီးယာဉ်တွေနဲ့ ပတ်သက်ပြီး တုံ့ပြန်လိုက်တဲ့ ယခင်အစိုးရရဲ့ ပြောရေးဆိုခွင့်ရှိသူ

အရင်အစိုးရ လက်ထက်တုန်းက ၀ယ်ယူထားတဲ့ မာစီဒီး အပါအ၀င် ဇိမ်ခံမော်တော်ယာဉ်တွေနဲ့ ပတ်သက်လို့ အဲဒါတွေကို အမျိုးသားဒီမိုကရေစီ အစိုးရအဖွဲ့ကို စာရင်းဇယားနဲ့ လွှဲပြောင်းပေးခဲ့တာလို့ ဦးရဲထွဋ်က ဆိုပါတယ်။

“အစိုးရတာဝန်လွှဲတော့လည်း ဒီကားတွေဟာ ၀န်ကြီးဌာန လွှဲပြောင်းလက်ခံမှာ ပါပြီးသားပါ။ ဒီကားတွေ ရှိတယ်။ သုံးလို့ရတယ်ဆိုတာ အစိုးရသစ် မသိစရာလည်း အကြောင်းမရှိပါဘူး။ သူတို့လက်ထက် နိုင်ငံတကာ အစည်းအဝေးတွေမှာလည်း သုံးခဲ့ပြီးသားပါ” လို့ ဦးရဲထွဋ်က ရေးသားထားပါတယ်။

အစိုးရအဖွဲ့ တာဝန်လွှဲပြောင်းတဲ့အထဲမှာ အဲဒီမော်တော်ယာဉ်တွေရဲ့ စာရင်းဇယားတွေ ပါပြီးသား ဖြစ်ပြီးတော့ အခုမှ တွေ့သလိုလို လုပ်တာကတော့ ပိန်းတယ်လို့ ဦးရဲထွဋ်က သူ့ရဲ့လူမှုကွန်ရက် စာမျက်နှာမှာ ရေးသားထားပါတယ်။

“အစိုးရပိုင်ကားမှန်သမျှ ငယ်စာရင်း၊ မွေးစာရင်း ECC ( ဗဟိုစက်ပစ္စည်း စာရင်းအင်းနှင့် စစ်ဆေးရေး ဦးစီးဌာန) မှာရှိတယ်။ စာရင်းစစ်ချုပ်ရုံးရဲ့ စစ်ဆေးတာကို ခံရတယ်။ အရင်ကတော့ တစ်လတစ်ခါ အစိုးရအဖွဲ့ အစည်းအဝေးမှာ ECC မှာရှိတဲ့ ကားတွေနဲ့ ပတ်သက်ပြီး ရှင်းလင်းတင်ပြရတယ်။ အစိုးရအဖွဲ့ အစည်းအဝေးက မှတ်တမ်းတင်တယ်။ လူမသိ သူမသိ ၀ယ်ထား၊ သစ်ပင်ကြား ထိုးထားလို့ရတဲ့ ကိစ္စမဟုတ်ဘူး။ အဲဒီလို ထင်နေရင်လည်း အတော်ပိန်းတယ်လို့ပဲ ပြောရမှာပဲ” လို့ ဦးရဲထွဋ်က ရေးသားထားပါတယ်။

အဲဒီကားတွေကို သူတို့လက်ထက်မှာ အမြဲတမ်း အဆင်သင့်စီးနိုင်အောင် လုပ်ထားရပြီးတော့ သွားလာမယ့် ခရီးစဉ်တွေကိုလည်း စမ်းသပ်မောင်းနှင်ခဲ့တယ်လို့ ဦးရဲထွဋ်က ဆက်လက်ရေးသားပါတယ်။

“အဲဒီကားတွေကို ECC က ထိန်းထားတယ်။ ပုံမှန်စစ်ဆေးရတယ်။ အချိန်မရွေး သုံးနုိုင်အောင် အသင့်လုပ်ထားရတယ်။ ခရီးစဉ်ရှိတယ်ဆိုရင် အဲဒီခရီးစဉ်အတွက် သီးခြားထုတ်ပြီးစမ်းတယ်။ သွားရမယ့် လမ်းကြောင်းအတိုင်း ယာဉ်မောင်းတွေ အကျွမ်းတ၀င်ဖြစ်အောင် မောင်းကြည့်တယ်။ ယာဉ်ထိန်း ဆိုင်ကယ်တွေကလည်း အတူလိုက်ပြီး စမ်းသပ်ရတယ်။ (တစ်ခါတုန်းက အဲဒီလို စမ်းသပ်မောင်းနှင်တဲ့ အချိန်မှာ ယာဉ်ထိန်းဆိုင်ကယ် မှောက်ဖူးတယ်)။ ခရီးစဉ်အတွက် တွဲထားတဲ့ယာဉ်တွေ တစ်ခုခုချို့ယွင်းရင် လဲလှယ်နိုင်ဖို့ အရန်ပြင်ထားရတယ်။ ယာဉ်တန်းမှာလည်း ကားအပို ထည့်ပေးရတယ်” လို့ ဦးရဲထွဋ်က ဆက်လက် ရေးသားထားပါတယ်။

မသုံးစွဲဘဲ ပစ်ထားရတဲ့ မော်တော်ယာဉ်တွေအကြောင်း သမ္မတ သိသလား

ယခင်အစိုးရအဖွဲ့ရဲ့ ပြောရေးဆိုခွင့်ရှိသူက ဓာတ်ပုံအထောက်အထားတွေနဲ့ ပြန်လည်ရေးသားထားမှု အပေါ်မှာတော့ လက်ရှိအစိုးရအဖွဲ့ကတော့ တုံ့ပြန်ပြောကြားခြင်း မရှိသေးပါဘူး။

အဲဒီကားတွေရှိတယ် ဆိုတာကိုတော့ နိုင်ငံတော်သမ္မတ ဦးဝင်းမြင့် သိရှိထားပြီး ဖြစ်ပါတယ်။

ဇူလိုင် ၂၉ ရက်က ရန်ကုန်တိုင်းဒေသကြီး အစိုးရအဖွဲ့ရုံးမှာ ပြုလုပ်တဲ့ နိုင်ငံတော်သမ္မတ၊ တိုင်းဒေသကြီး အစိုးရအဖွဲ့နဲ့ လွှတ်တော်ကိုယ်စားလှယ်တွေ တွေ့ဆုံပွဲမှာ မော်တော်ယာဉ်တွေအကြောင်း ပြောကြားခဲ့တာ ဖြစ်ပါတယ်။

“သမ္မတက သိတယ်ဗျ။ သူပြည်သူ့လွှတ်တော်ဥက္ကဋ္ဌ လုပ်တုန်းက အဲဒီကားတွေရှိတယ်ဆိုတာ သိထားတယ်။ အသုံးလိုတဲ့ အစိုးရအဖွဲ့တွေကို ခွဲဝေပေးမယ်။ ကိုယ့်ဘာသာကိုယ် ပြင်စရာရှိရင်လည်းပြင်၊ ဆီလည်း ကိုယ့်ဘာသာကိုယ်ထည့်ဆိုပြီး ပြောသွားတယ်” လို့ အဆိုပါ တွေ့ဆုံပွဲကို တက်ရောက်ခဲ့တဲ့ ဒဂုံမြို့နယ် မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ပြောပါတယ်။

အဲဒီမော်တော်ယာဉ်တွေက အစီး ၁၀၀၀ ကျော်ရှိတယ်လို့ သိရပြီး လက်ရှိမှာ တိုင်းဒေသကြီး အစိုးရအဖွဲ့တွေ စီးနင်းနေတဲ့ မော်တော်ယာဉ် အဟောင်းတွေ နေရာမှာ အစားထိုးနိုင်ဖို့ လုပ်ဆောင်ခဲ့တာပဲ ဖြစ်ပါတယ်။

အဲဒီယာဉ်တွေကို စစ်ဆေးပြီးတဲ့ အချိန်မှာတော့ ၂၀၁၈- ၂၀၁၉ ဘဏ္ဍာနှစ်မှာ တင်သွင်းထားတဲ့ နိုင်ငံတော် အဆောင်အယောင်အဖြစ် ထိန်းသိမ်းထားတဲ့ ဒီကားတွေရဲ့ ပြုပြင်ထိန်းသိမ်း စရိတ်တွေကို ပြန်လည်စိစစ်မယ်လို့ ဒေါ်ခင်စန်းလှိုင်က ပြောပါတယ်။

“နှစ်စဉ်နှစ်တိုင်းလည်း တင်သလောက် တောင်းသလောက် ပေးခဲ့တာ ဘယ်တုန်းကမှ မရှိဘူး။ ဖြတ်သင့်ဖြတ်ထိုက်တာ ဖြတ်ခဲ့တယ်။ ပေးသင့်ပေးထိုက်တာ ပေးခဲ့တယ်။ ဆိုလိုတာကတော့ နိုင်ငံတော်အတွက် ပေါ်လစီတစ်ရပ်၊ မူဝါဒတစ်ရပ် ချမှတ်နိုင်အောင် အတွက်တော့ ကျွန်မတို့ရဲ့ အစီရင်ခံစာကတစ်ဆင့် တင်ပြသွားမှာပေါ့။ ဆိုလိုတာကတော့ ဒီကားတွေရှိနေတယ်။ နောင်မှာ ဒီကားတွေ ၀ယ်ဖို့ သင့်၊ မသင့်။ ဒါမှမဟုတ် ရှိနေတဲ့ မော်တော်ကားတွေကို ပျက်စီးမသွားအောင် နှစ်အလိုက် အရေအတွက်နဲ့ အချို့ဆိုရင် မော်ဒယ်တွေ အောက်ကုန်တာတွေ ရှိတဲ့အတွက် ဒါတွေကို အကျိုးရှိရှိ သုံးနိုင်အောင်အတွက် ဒါလေးတွေကို အကြံပြုသွားမှာ ဖြစ်ပါတယ်” လို့  ဒေါ်ခင်စန်းလှိုင်က ပြောပါတယ်။

ရန်ကုန်တိုင်းက အစပြုခဲ့တဲ့ မော်တော်ယာဉ်ဇာတ်လမ်းမှာတော့ ပြည်သူ့ဘဏ္ဍာနဲ့ ၀ယ်ယူထားတဲ့ မော်တော်ယာဉ်တွေကို အသုံးပြုဖို့ ဖြစ်လာခဲ့ပါတယ်။ ဂိုဒေါင်ထဲမှာ ထည့်သိမ်းထားတဲ့ မော်တော်ယာဉ်တွေကို အသုံးပြုခွင့် ရခဲ့ပါတယ်။

ဒါပေမဲ့ ရန်ကုန်တိုင်းအစိုးရအဖွဲ့က ပြည်သူ့ဘဏ္ဍာနဲ့ ၀ယ်ယူထားတဲ့ ကျောင်းကားတွေကတော့ လွှတ်တော်ရုံးက မြေကွက်လပ်ထဲမှာ အသုံးမပြုရသေးပါဘူး။

ရန်ကုန်အစိုးရအဖွဲ့ရဲ့ မပြီးဆုံးသေးတဲ့ ကျောင်းကား

ဝယ်ယူထားသော ကျောင်းကားများကို ၂၀၁၇ ခုနှစ် ဇွန်လအတွင်းက တွေ့ရစဉ် (ဓာတ်ပုံ-ကြည်နိုင်)

ရန်ကုန်တိုင်းဒေသကြီး အစိုးရအဖွဲ့ အနေနဲ့ ယခင်ပညာသင်နှစ်မှာ ကျောင်းကားတွေကို ပုံစံပြောင်းလဲ ပြေးဆွဲသွားမယ်လို့ ကြေညာခဲ့ပါတယ်။

ရန်ကုန်မြို့ရဲ့ ယာဉ်ကြောကျပ်တည်းမှုကို ဖြေလျှော့ပေးနိုင်ဖို့ ရည်ရွယ်ချက်နဲ့ လုပ်ကိုင်ခဲ့တာပဲ ဖြစ်ပါတယ်။

အခြေခံပညာကျောင်းတွေမှာ တက်ရောက်နေတဲ့ ကျောင်းသားအများစုက ကိုယ်ပိုင်မော်တော်ယာဉ်တွေနဲ့ မိဘတွေက လာကြိုကြတာကြောင့် လမ်းပိတ်ဆို့မှုတွေ ဖြစ်ပေါ်နေတာလို့ ရန်ကုန်တိုင်းဒေသကြီး အစိုးရအဖွဲ့က ထင်မြင်ယူဆခဲ့ပါတယ်။ နောက်တစ်ချက်က လက်ရှိပြေးဆွဲနေတဲ့ ကျောင်းကားတွေမှာ စီးနင်းနေတဲ့ ကျောင်းသူကျောင်းသားတွေရဲ့ လုံခြုံရေး အခြေအနေတွေကြောင့် ပြောင်းလဲခဲ့တာ ဖြစ်ပါတယ်။

ကျောင်းကားစီးပွားရေးမှာ ရန်ကုန်အစိုးရ ဘယ်လောက်ရင်းနှီးမြုပ်နှံခဲ့တာလဲ

ရန်ကုန်မြို့တွင်းမှာရှိတဲ့ ပြေးဆွဲနိုင်ဖို့အတွက် ကျောင်းကားများ ပြုပြင်ပြောင်းလဲရေး စီမံချက်အတွက် ရန်ကုန်တိုင်းဒေသကြီး အစိုးရအဖွဲ့က ကျပ် ၁၀ ဘီလျံကျော် အသုံးပြုခဲ့ပါတယ်။

ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ရဲ့ လေ့လာချက်အရ ရန်ကုန်မြို့ရှိ ကျောင်း ၂၂ ကျောင်းမှာ တက်ရောက်ပညာ သင်ကြားနေတဲ့ ကျောင်းသားပေါင်း ၅၈၀၀၀ ကျော်ရှိပြီး ကျောင်းကြိုပို့ယာဉ်နဲ့ ကျောင်းတက်ရောက်နေသူ ၁၉၃၄၂ ဦး ရှိပါတယ်။

အဲဒီ ကျောင်းသားတွေထဲမှာ ကိုယ်ပိုင်ယာဉ် ၁၈၉၉ စီးနဲ့ ကျောင်းတက်ရောက်နေသူ၊ ကျောင်းကြိုပို့ယာဉ် ၈၄၅ စီးနဲ့ ကျောင်းတက်ရောက်သူတွေ ရှိတယ်လို့ သိရပါတယ်။

အဲဒီကျောင်းကားတွေထဲမှာမှ လိုက်ထရပ်ယာဉ် ၃၄၀ ခန့်ရှိပြီး ကျောင်းသားပေါင်း ၁၀၀၀၀ ကျော် စီးနင်းလျက် ရှိတယ်လို့ ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့က ထုတ်ပြန်ခဲ့ပါတယ်။

အဲဒီကျောင်းကားတွေအစား ရန်ကုန်တိုင်းဒေသကြီးက ရောင်းချမယ့် ကျောင်းကားတွေကို ၀ယ်ယူပြီး ပြေးဆွဲရမယ်လို့ ကြေညာခဲ့ပါတယ်။

ဒါမှမဟုတ် နောက်ပွင့် လိုက်ထရပ်ယာဉ်တွေအစား နောက်ပိတ်ယာဉ်တွေနဲ့ ပြေးဆွဲရမယ်လို့ စည်းကမ်းထုတ်ခဲ့ပါတယ်။

ကျောင်းကား ပြေးဆွဲတဲ့သူတွေ အနေနဲ့ အစိုးရဆီကတစ်ဆင့် ၀ယ်ယူနိုင်ဖို့ ရန်ကုန်တိုင်းဒေသကြီး အစိုးရအဖွဲ့က ဟွန်ဒိုင်းကုမ္ပဏီထံက ၀ယ်ယူထားတဲ့ ကျောင်းကားတွေအနက် ပထမအသုတ်အဖြစ် အစီးရေ ၂၀၀ ဟာ ၂၀၁၇ ခုနှစ် ဇွန်လအတွင်းက ရန်ကုန်မြို့ကို ရောက်ရှိလာခဲ့ပါတယ်။

အဲဒီကျောင်းကားတွေမှာ ကျောင်းသားဦးရေ ၂၈ ဦးဆံ့ပြီး ၂၀၁၇ ခုနှစ်ထုတ် ကိုရီးယားနိုင်ငံထုတ် ဖြစ်ပြီးတော့ တန်ဖိုးအားဖြင့် အမေရိကန်ဒေါ်လာ ၃၆၈၄၀ ရှိပါတယ်။

အဲဒီကားတွေကို ၀ယ်ယူမယ်ဆိုရင် အခွန်နှုန်းထား သက်သာခြင်း၊ အသစ်ဖြစ်ခြင်း၊ ဘဏ်ချေးငွေ ရရှိနိုင်ခြင်း စတာတွေရမယ်လို့ အစိုးရအဖွဲ့ လက်အောက်မှာရှိတဲ့ YRTA အဖွဲ့ က ကြေညာခဲ့တယ်။ ဒါ့အပြင် ဒီကားတွေကို အပြင်ပြခန်းမှာ သွားဝယ်မယ် ဆိုရင်တော့ ဒီထက်ဈေးပိုများ နိုင်တယ်လို့လည်း ၂၀၁၇ ခုနှစ် မေ ၁၂ ရက်က ကျောင်းကားကိစ္စနဲ့ ပတ်သက်ပြီး ရန်ကုန်တိုင်းဒေသကြီး အစိုးရအဖွဲ့ရုံးမှာ လွှတ်တော်ကိုယ်စားလှယ်တွေနဲ့ တွေ့ဆုံစဉ်မှာ ရန်ကုန်တိုင်းဒေသကြီး အစိုးရအဖွဲ့ လျှပ်စစ်၊ စက်မှု လက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောကြားခဲ့ပါတယ်။

မှန်းချက်နဲ့ နှမ်းထွက်မကိုက်တဲ့ ကျောင်းကား

ဘဏ်ချေးငွေတွေရမယ်၊ အခွန်သက်သာမယ်လို့ ရန်ကုန်တိုင်းဒေသကြီး အစိုးရအဖွဲ့က မက်လုံးပေး ဆွဲဆောင်ခဲ့ပေမယ့် ကျောင်းကားအစီအစဉ်ကို ယာဉ်ပိုင်ရှင်တွေက စိတ်မ၀င်စားခဲ့ပါဘူး။

ဘာကြောင့်ဆိုရင်တော့ ပထမဆုံးအနေနဲ့ ကျောင်းကားက ဈေးကြီးပါတယ်။ နောက်တစ်ချက်ကတော့ ကျောင်းကားစီးတဲ့ ကလေးငယ်တွေကို အိမ်ရှေ့အထိ လာကြိုနိုင်မလားဆိုတဲ့ မေးခွန်းပါ။ နောက်မေးခွန်း တစ်ခုကတော့ အဲဒီယာဉ်တွေနဲ့ ကျောင်းကြိုပို့လုပ်ပြီဆိုရင် ကျောင်းကားခ တက်ပါပြီ။ အဲဒီအတွက်ကြောင့် ရန်ကုန်တိုင်းဒေသကြီး အစိုးရအဖွဲ့ရဲ့ စီမံချက်က လွဲမှားသွားတယ်လို့ ဆိုရမှာ ဖြစ်ပါတယ်။

“ကျောင်းကား အစီး ၂၀၀ က နှစ်ချီပြီး အောင်းနေရတာ။ စီမံမှုတွေက အလွဲလွဲ အချော်ချော်တွေ ဖြစ်နေတာ။ YBS ပြီးတော့ မဖြစ်သင့်တဲ့ အမှားလို့ပဲ ပြောချင်တယ်။ YRTA က မနိုင်ဘူး။ အဲဒီအောက်မှာ လုပ်ငန်းတွေက အများကြီး။ အခုကျောင်းကားပါ ကိုင်တယ်ဆိုတော့ သူတို့မနိုင်ဘူး” လို့  ဦးကျော်ဇေယျက ပြောပါတယ်။

အစိုးရအဖွဲ့က ကျောင်းကားပြေးဆွဲဖို့ စီစဉ်တုန်းကတော့ Golden Hand အမည်ရှိတဲ့ ကုမ္ပဏီတစ်ခု တည်ထောင်ပြီး ပြေးဆွဲပေးမယ်လို့ ကြေညာခဲ့ပေမယ့် အခုထိတော့ အဲဒီကုမ္ပဏီက ကျောင်းကားနဲ့ ပတ်သက်ပြီး တစ်စုံတစ်ရာ လှုပ်ရှားမှု မရှိသေးပါဘူး။

ကျောင်းကား ပြေးဆွဲသူတွေရဲ့ တစ်လအမြတ်မှာ ဆီဖိုး၊ ယာဉ်မောင်းစရိတ်၊ ယာဉ်ပြင်ခတွေ နုတ်လိုက်မည်ဆိုလျှင် ကျပ်လေးသိန်းခန့် ရရှိပါတယ်။

ကျောင်းကားတွေကို မ၀ယ်နိုင်ပါက အစိုးရက ငှားရမ်းပေးမယ်လို့ ဆိုပေမယ့် ငှားရမ်းခက တစ်လလျှင် ၁၀ သိန်းကျော်ရှိတော့ ကျောင်းကား ပြေးဆွဲသူတွေအတွက် တွက်ခြေမကိုက်ပါဘူး။

ကျောင်းကား ပြောင်းလဲပြေးဆွဲမယ်ဆိုရင် လက်ရှိကောက်ခံနေတဲ့ ကျောင်းကားလခထက် အနည်းဆုံး ကျပ်တစ်သောင်း ပိုမိုကောက်ခံရတော့မှာပဲ ဖြစ်ပါတယ်။

ထို့အတူ တန်ဖိုးကျပ်သိန်း ၅၀၀ တန် ရင်းနှီးမြှုပ်နှံထားပေမယ့် တစ်လကျပ်လေးသိန်းသာ ပြန်ဝင်မယ့်အတွက် ကျောင်းကားပြေးဆွဲသူတွေ အနေနဲ့ မရင်းနှီးနိုင်ပါဘူး။

“သိန်း ၅၀၀ ကျော် ရင်းဖို့ကြတော့ မိဘတွေအနေနဲ့လည်း မတတ်နိုင်ကြဘူး။ ကျွန်မတို့ကလည်း မ၀ယ်နိုင်ဘူး။ အဲဒီတော့ လက်ရှိ ကျောင်းကားကိုပဲ သူတို့သတ်မှတ်ထားတဲ့ မူဝါဒတွေကို လိုက်နာလိုက်တယ်လေ။ အခက်အခဲတွေက လက်ရှိ ညာပေါက်ကားတွေကို ခွင့်မပြုတော့ဘူးဆိုတော့ ငိုတဲ့သူကငို။ အကြွေးတွေက မကြေသေးဘူးလေ” လို့ ကျောင်းကားပြေးဆွဲနေတဲ့ အမျိုးသမီးတစ်ဦးက ပြောပါတယ်။

အဲဒီအတွက်ကြောင့် ရန်ကုန်တိုင်းဒေသကြီး အစိုးရအဖွဲ့က ရောင်းချပေးမယ့် ကျောင်းကားကို ၀ယ်ယူဖို့ လက်တွန့်ခဲ့ကြတာပဲ ဖြစ်ပါတယ်။

၂၀၁၈- ၂၀၁၉ စာသင်နှစ်မှာတော့ အစိုးရက ရောင်းချတဲ့ ကျောင်းကားကို ၀ယ်ယူပြီး ပြေးဆွဲနေတဲ့ ကျောင်းက TTC တစ်ကျောင်းတည်းသာ ရှိပါတယ်။

“အခုကတော့ ကျွန်တော်သိသလောက်ဆိုရင် TTC တစ်ကျောင်းပဲရှိတယ်။ ကျွန်တော့်မဲဆန္ဒနယ်မြေဖြစ်တဲ့ ဒဂုံ (၁) မှာတောင် ဆွဲဖို့လုပ်တာ အဆင်မပြေသေးဘူး။ အစပိုင်းတုန်းကတော့ ဆွဲမလို လုပ်ပေမယ့် မဆွဲဖြစ်ဘူး” လို့ ဒဂုံမြို့နယ် မဲဆန္ဒနယ်မှ တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ဆိုပါတယ်။

ကျောင်းကားပြေးဆွဲဖို့ အဓိက အတားအဆီး နှစ်ခုကတော့ ကျောင်းကားခ ဈေးကြီးခြင်းနဲ့ ကျောင်းကား ၀ယ်ယူရတဲ့ ဈေးနှုန်းပဲ ဖြစ်ပါတယ်။

နှစ်နှစ်ကျော် ကြာလာတဲ့ အချိန်မှာတော့ ရန်ကုန်တိုင်းဒေသကြီး အစိုးရအဖွဲ့ရဲ့ ကျောင်းကား ၂၀၀ အနက် ၁၀၀ ခန့်သာ အသုံးပြုနိုင်ခဲ့ပြီး ကျန်တဲ့အစီး ၁၀၀ ကျော်ကတော့ ရွာနေတဲ့မိုး၊ ပူနေတဲ့ နေရောင်အောက်မှာ အသက်မဲ့နေတုန်းပဲ ဖြစ်ပါတယ်။

အစိုးရအဖွဲ့ အနေနဲ့လည်း ၀ယ်ယူထားတဲ့ ကျောင်းကားတွေကို ဘယ်နေရာမှာ ပြန်သုံးမလဲ ဆိုတာက အဖြေလည်း မရှိသေးပါဘူး။

ပြည်သူ့ဘဏ္ဍာနဲ့ ၀ယ်ယူထားတဲ့ ကျောင်းကား အလကားဖြစ်ပြီလား

ယခင် မထသအဖွဲ့ထံမှ ကျပ်ငါးဘီလျံကို ရန်ကုန်တိုင်းဒေသကြီး အစိုးရအဖွဲ့က လွှဲပြောင်းရယူခဲ့ပြီး အဲဒီ ငွေကြေးတွေကိုတော့ YBS စနစ်ကို ပြောင်းလဲခြင်းနဲ့ ကျောင်းကားဝယ်ယူရေးအတွက် အသုံးပြုခဲ့ပါတယ်။

မထသအဖွဲ့က ရရှိထားတဲ့ ငွေကြေးတွေကလည်း ပြည်သူတွေဆီက ရရှိထားတဲ့ ငွေကြေးတွေပဲ ဖြစ်ပါတယ်။

မေ ၃၁ ရက်မှာ ပြုလုပ်ခဲ့တဲ့ ရန်ကုန်တိုင်းဒေသကြီးလွှတ်တော် ဆဋ္ဌမပုံမှန် အစည်းအဝေး ၃၇ ရက် မြောက်နေ့မှာ ၂၀၁၈-၂၀၁၉ ခုနှစ် ရန်ကုန်တိုင်းဒေသကြီး၏ အရအသုံးမှန်းခြေငွေစာရင်း (လျာထားချက်)နဲ့ ပတ်သက်ပြီး လွှတ်တော်ကိုယ်စားလှယ်တွေက ဆွေးနွေးခဲ့ရာမှာတော့ ပြည်သူ့ဘဏ္ဍာကို အလေးထား သုံးစွဲဖို့ ထောက်ပြခဲ့ကြပါတယ်။

“ဘတ်ဂျက်ဆိုတာ ပြည်သူ့ဘဏ္ဍာဖြစ်လို့ ပြည်သူတွေ လိုအပ်တဲ့ဟာကို အဓိကထား ရေးဆွဲရမှာ ဖြစ်ပါတယ်။ နှစ်စဉ် ဘတ်ဂျက်လိုငွေပြနေလို့ အင်မတန်မှ အလေးထားပြီး ရငွေတွေကို စိစိစစ်စစ်ကောက်ဖို့ လိုသလို သုံးငွေတွေ သုံးစွဲရမှာလည်း အစိုးရဘတ်ဂျက်လို့ မသတ်မှတ်ဘဲ မိမိပိုင်ငွေကို မိမိလိုအပ်သလိုမျိုးကို စိစစ်ဖို့ အင်မတန်မှ အရေးကြီးလှပါတယ်” လို့ လှိုင်မြို့နယ် မဲဆန္ဒနယ် အမှတ် (၂) မှ တိုင်းဒေသကြီး လွှတ်တော်ကိုယ်စားလှယ် ဒေါ်ခိုင်မာဌေးက ပြောကြားခဲ့ပါတယ်။

မထသဆီက လွှဲပြောင်းရယူထားတဲ့ ကျပ်ငါးဘီလျံကျော်ကလည်း ပြည်သူတွေဆီက ကောက်ခံထားတဲ့ ငွေကြေးတွေပဲ ဖြစ်ပါတယ်။

အဲဒီလို ရရှိထားတဲ့ ငွေကြေးတွေကို အလဟသ မသုံးစွဲမိစေဖို့ အစိုးရတစ်ရပ် အနေနဲ့ အရေးကြီးပါတယ်။

အားနည်းချက်တွေ များလှတဲ့ ရန်ကုန်မြို့ကို ပြုပြင်ဖို့အတွက် လိုအပ်ချက်တွေ များပြားလှတဲ့အချိန်မှာ ပြည်သူ့ဘဏ္ဍာငွေကို အကျိုးမရှိတဲ့ နေရာမှာ မသုံးစွဲဖို့ ဆင်ခြင်ရမှာပဲ ဖြစ်ပါတယ်။

လက်ရှိမှာတော့ မအောင်မြင်တဲ့ ကျောင်းကားစနစ်ကြောင့် ဘဏ္ဍာငွေအများအပြား နစ်နာနေပြီ ဖြစ်ပါတယ်။ ပြည်သူတွေဆီက ကောက်ခံထားတဲ့ငွေကို အလိုအပ်ဆုံးနေရာမှာ အသုံးပြုဖို့က အစိုးရတစ်ရပ်ရဲ့ စီမံခန့်ခွဲမှု ဆိုတာ အရေးကြီးတဲ့ နေရာမှာ ရှိပါတယ်။ တိုးကောက်ထားတဲ့ ဘီးခွန်လိုဟာမျိုးကို လမ်းပြုပြင်ရာမှာ မသုံးစွဲတဲ့ အတွက်ကြောင့် ပျက်စီးနေတဲ့ ရန်ကုန်မြို့ရဲ့ လမ်းတွေကို နေရာအနှံ့အပြားမှာ တွေ့နေရပြီ ဖြစ်ပါတယ်။

အဲဒီလိုပဲ ကျောင်းကားစနစ်ကို ပြောင်းလဲဖို့အတွက် အကောင်အထည်ဖော်တဲ့ နေရာမှာ အောက်ခြေမြေပြင် အခြေအနေကို မစုံစမ်းဘဲနဲ့ လုပ်ကိုင်ခဲ့တဲ့ အတွက်ကြောင့် တစ်စီးကို ကျပ်သိန်း ၅၀၀ ခန့် တန်ဖိုးရှိတဲ့ ကျောင်းကားတွေက နေဒဏ်မိုးဒဏ်တွေကြောင့် ပျက်စီးတော့မယ့် အနေအထားပဲ ဖြစ်ပါတယ်။

တိုင်းဒေသကြီးနဲ့ ပြည်နယ်အစိုးရအဖွဲ့တွေအတွက် လိုအပ်တဲ့ကားတွေကို ဘတ်ဂျက်ထဲက မထိဘဲနဲ့ ရှိတဲ့ကားတွေကို ထုတ်သုံးဖို့ နိုင်ငံတော်သမ္မတက ညွှန်ကြားနေတဲ့ အချိန်မှာ ရန်ကုန်တိုင်းဒေသကြီး အစိုးရအဖွဲ့ရဲ့ ပြည်သူ့ဘဏ္ဍာနဲ့ ၀ယ်ယူထားတဲ့ မော်တော်ယာဉ်တွေကတော့ အခုချိန်ထိ ပွင့်လင်းမြင်သာမှုရှိစွာ ပြည်သူကို ချပြခြင်း မရှိသေးပါဘူး။ ပြည်သူ့ဘဏ္ဍာငွေနဲ့ အစိုးရအဖွဲ့က စီးပွားရေး လုပ်နေတဲ့ အချိန်မှာ အဲဒီစီးပွားရေး တိုးတက်သလား ဆုတ်ယုတ်နေသလား ဆိုတာကိုလည်း ပြည်သူ့ကိုယ်စားပြု လွှတ်တော်ကိုယ်စားလှယ်တွေလည်း ရှင်းရှင်းလင်းလင်း မသိရှိရသေးပါဘူး။

၂၀၁၆ ခုနှစ် ဇန်န၀ါရီ ၁၆ ရက်မှာ ပြောင်းလဲကျင့်သုံးခဲ့တဲ့ YBS စနစ်ဆိုရင်လည်း နှစ်နှစ်ကျော် ကြာမြင့်လာပြီ ဖြစ်ပေမယ့် အခုချိန်ထိ ပွင့်လင်းမြင်သာစွာ ချပြနိုင်ခြင်း မရှိသေးပါဘူး။ ထို့အတူပဲ မအောင်မြင်တဲ့ ကျောင်းကားစနစ်က ဆုံးရှုံးသွားတဲ့ ပြည်သူ့ဘဏ္ဍာ တွေကိုလည်း ဘယ်လိုပုံစံနဲ့ ပြန်ဆယ်မလဲဆိုတာ ရန်ကုန်တိုင်းဒေသကြီး အစိုးရအဖွဲ့ကို မေးခွန်းထုတ်ရမယ့် အခြေအနေပဲ ဖြစ်ပါတယ်။

YRTA ကျောင်းကားများ စတင်ပြေးဆွဲသည့်နေ့တွင် ကျောင်းချိန်အမီ ကျောင်းကား မရောက်ရှိခြင်း အပါအ၀င် အခြားအခက်အခဲများစွာ ကျောင်းသားမိဘများ ကြုံတွေ့

ဇွန် ၁ ရက်တွင် YRTA ကျောင်းကားများကို ရန်ကင်း TTC နှင့် ကမာရွတ် TTC ကျောင်းများတွင် စတင်ပြေးဆွဲခဲ့ပြီး ကျောင်းချိန်အမီ မရောက်ခြင်း အပါအ၀င် အခြားအခက်အခဲများစွာကို ကျောင်းသားမိဘများ ကြုံတွေ့နေရကြောင်း သိရသည်။

ဇွန် ၁ ရက်တွင် အခြေခံပညာကျောင်းများ စတင်ဖွင့်လှစ်ခဲ့ပြီး ယင်းနေ့တွင် ရန်ကုန်တိုင်းဒေသကြီး အစိုးရအစီအစဉ်ဖြင့် ၀ယ်ယူထားသည့် YRTA ကျောင်းကားများကို ရန်ကင်း TTC နှင့် ကမာရွတ် TTC ကျောင်းများ၌ စတင်ပြေးဆွဲရာတွင် ကျောင်းချိန်အမီ ကျောင်းကားမရောက်ရှိခြင်း၊ ကျောင်းသားမိဘများအနေဖြင့် ကျောင်းကြိုရာတွင် အခက်အခဲများ ဖြစ်ပေါ်ခြင်း၊ သတ်မှတ်လမ်းကြောင်းပေါ်တွင် မရှိသည့် ကျောင်းသားများအနေဖြင့်  YRTA ကျောင်းကားများ လိုက်ပါစီးနင်းရန် အခက်အခဲများ ရှိခြင်းများကို

ကျောင်းသားမိဘများ ကြုံတွေ့နေရကြောင်း သိရသည်။

YRTA ကျောင်းကားများကို သတ်မှတ်လမ်းကြောင်း သုံးခုဖြင့် စတင်ပြေးဆွဲနေခြင်း ဖြစ်ပြီး စတင်ပြေးဆွဲသည့် ဇွန် ၁ ရက်တွင် မြောက်ဒဂုံမြို့နယ်ဘက်မှ လာရောက်ပြီး ရန်ကင်း TTC ကျောင်းသို့ လာရောက်သည့် ကျောင်းသားအချို့ ကျောင်းချိန်မမီခဲ့ကြောင်း သိရသည်။

“မနက်က စစီးတာ။ ကျောင်းကားက ၉ နာရီကျော်မှ ကျောင်းကိုရောက်တယ်။ ကျောင်းချိန်က ၈ နာရီလေ။ ကျောင်းမမီဘူး”  ဟု မြောက်ဒဂုံမြို့နယ်မှ လာရောက်သည့် ကျောင်းသား မိဘတစ်ဦးက ပြောကြားသည်။

YRTA ကျောင်းကားများ စီးနင်းရာတွင် ကျောင်းသားမိဘအချို့က  ၎င်းတို့သားသမီးများနှင့်အတူ ကျောင်းကားလိုက်စီးခြင်းများ ရှိခဲ့သော်လည်း အချို့မိဘများအတူ လာရောက်ခြင်း မရှိဘဲ ကျောင်းရှေ့သို့ ကြိုတင်ရောက်ရှိ၍ စောင့်နေခြင်းများ ရှိသည်ကိုတွေ့ရသည်။

ထို့ပြင် ကျောင်းဆင်းချိန် ကျောင်းကြိုရာတွင် အခက်အခဲများကြုံတွေ့ခဲ့ရသလို သတ်မှတ်ထားသည့် လမ်းကြောင်းပေါ်တွင် မရှိသည့် ကျောင်းသားများအနေဖြင့်လည်း လိုက်ပါစီးနင်းရန်အတွက် အခက်အခဲများ ရှိခဲ့ကြောင်း သိရသည်။

“ကျောင်းကြိုရတာက မနှစ်ကနဲ့ကို မတူပါဘူး။ အစီအစဉ်တကျလည်း မရှိဘူး။

ကျောင်းကားတွေနဲ့ ထွက်လာတာကတစ်မျိုး။ ကိုယ့်သားသမီးကိုယ် ရှာရတာကတစ်မျိုး။ တော်တော်ကို စိတ်ရှုပ်ရတယ်”   ဟု ရန်ကင်းမြို့တွင် နေထိုင်သည့် အလယ်တန်းကျောင်သူတစ်ဦး၏ မိခင်ဖြစ်သူ ပြောကြားသည်။

YRTA  ကျောင်းကားများကို ရန်ကင်း TTC တွင် တက်ရောက်နေသည့် ကျောင်းသားများက အများဆုံးစီးနင်းသည်ဟု သိရပြီး လက်ရှိတွင် ကျောင်းကားဈေးနှုန်းများ သတ်မှတ်ထားခြင်း မရှိသေးသော်လည်း တစ်လလျှင် ကျပ်လေးသောင်းမှ ကျပ်ခုနစ်သောင်းအထိ ကျောင်းကားခ ရှိနိုင်ကြောင်း သိရသည်။

ကမာရွတ် TTC ကျောင်းတွင်မူ ယခင် စီးနင်းခဲ့သည့် ကျောင်းကားများကို ယခုနှစ်အတွက် ဆက်လက်ခွင့်ပြုပေးထားသဖြင့် YRTA ကျောင်းကား စီးနင်းသူနည်းပါးကြောင်း သိရသည်။

ထို့ပြင် အခြေခံပညာကျောင်းများကို ဇွန် ၁ ရက်တွင် စတင်ဖွင့် လှစ်ခဲ့ပြီး ကျောင်းတက်ချိန်နှင့်ကျောင်းဆင်းချိန်များတွင် ယာဉ်ကြောကျပ်တည်းမှုအချို့ ဖြစ်ပေါ်ခဲ့ကြောင်း သိရသည်။

ကျောင်းတက်ချိန်နှင့် ကျောင်းဆင်းချိန်များတွင် ယာဉ်ကြောပိတ်ဆို့မှုဖြစ်ပွားခဲ့ပြီး ကျောင်းသားမိဘများသည်လည်း အခက်အခဲများ ရှိခဲ့ကြောင်း သိရသည်။

“ယာဉ်ကြောပိတ်တာကတော့ နှစ်တိုင်းပါပဲ။ မိုးရွာရင်ပိုဆိုးတယ်။ ကလေးတွေအတွက် အန္တရာယ်လည်းများတယ်။ ယာဉ်ထိန်းရဲတွေကတော့ ရှင်းပေးကြတယ်။အခက်အခဲတွေတော့ ရှိတာပေါ့” ဟု ကျောင်းသားမိဘတစ်ဦးက ပြောကြားသည်။

ရန်ကင်းမြို့နယ်တွင်ရှိသည့် ရန်ကင်းပညာရေးကောလိပ်  လေ့ကျင့်ရေးရေးအလယ်တန်းကျောင်းရှေ့တွင် ကျောင်းတက်ချိန်နှင့် ကျောင်းဆင်းချိန်များတွင် လမ်းတစ်လျှောက် ယာဉ်ကြောပိတ်ဆို့မှုများရှိခဲ့ကြောင်း သိရသည်။

“ပုံမှန်အချိန်တော့ ယာဉ်ကြောပိတ်တာ သိပ်မရှိဘူး။ ကျောင်းတက်ကျောင်းဆင်းချိန်ကတော့ ယာဉ်ကြောပိတ်တာတွေဖြစ်တယ်။ ကားလမ်းကူးရတာ အဆင်မပြေဘူး” ဟု ရန်ကင်း ပညာရေးကောလိပ် လေ့ကျင့်ရေး အလယ်တန်းကျောင်းတွင် ပညာသင်ကြားနေသည့် ကျောင်းသူတစ်ဦး၏မိခင်ဖြစ်သူ ဒေါ်သူဇာက ပြောကြားသည်။

ထို့အတူ သင်္ဃန်းကျွန်းမြို့နယ်ရှိ သင်္ဃန်းကျွန်း အထက (၁) ရှေ့ရှိ လေးထောင့်ကန်လမ်းမပေါ်တွင်လည်း ကျောင်းတက်ချိန်နှင့် ကျောင်းဆင်းချိန်များတွင် ယာဉ်ကြောပိတ်ဆို့မှုများရှိခဲ့ပြီး ကျောင်းသားမိဘများ အခက်အခဲများ ရှိခဲ့ကြောင်း သိရသည်။

“ကလေးတွေအတွက် စိတ်ပူတာပေါ့။ ကားတွေပိတ်တော့ ကျွန်တော်တို့အတွက်လည်း အခက်အခဲရှိတယ်။ ကျောင်းဆင်းချိန် ညနေပိုင်းဆို ပိုပိတ်တယ်။ သတိထားပြီး မောင်းရတယ်” ဟု ယာဉ်မောင်းတစ်ဦးက ပြောကြားသည်။

အိန္ဒိယတွင် ရထားက ကျောင်းကားကို တိုက်မိခဲ့ရာ ကလေး ၁၃ ဦး သေဆုံး

အိန္ဒိယမြောက်ပိုင်း၌ ဧပြီ ၂၆ ရက်တွင် ရထားတစ်စီးက ကျောင်းကားတစ်စီးကို တိုက်မိမှုဖြစ်ပွားခဲ့ရာ ကလေး ၁၃ ဦးထက်မနည်း သေဆုံးပြီး ငါးဦး ဒဏ်ရာရခဲ့သည်ဟု တာဝန်ရှိသူတစ်ဦးက ပြောကြားခဲ့သည်။

အသက် ၁၀ နှစ်အောက်များဖြစ်သည့် ကျောင်းသားများသည် ဥတာပရာဒေ့ရှ် ပြည်နယ်တွင် ကျောင်းတက်ရန် ကားဖြင့်လာစဉ် လူထိန်းရန်မလိုသော ရထားသံလမ်း လမ်းဆုံတစ်ခုတွင်  ခရီးသည်တင်ရထားက  ကျောင်းကားကို ၀င်တိုက်ခဲ့ခြင်းဖြစ်သည်။

ယင်းသို့တိုက်မိရာတွင် ကျောင်းကားသည် လေထဲသို့ မီတာအနည်းငယ်လွင့်တက်သွားကြောင်း၊ ကလေး ၁၀ ဦးသည် အခင်းဖြစ်ပွားရာနေရာတွင် သေဆုံးခဲ့ကြောင်း ခရိုင် ဆေးဘက်ဆိုင်ရာအရာရှိချုပ် Akhilesh Kumar Singh က ပြောကြားခဲ့သည်။

“နောက်ထပ် ကျောင်းသားသုံးဦး ဒဏ်ရာတွေကြောင့် ဆေးရုံမှာ ကွယ်လွန်ခဲ့တယ်။ ငါးဦးက စိုးရိမ်ရတဲ့ အခြေအနေမှာ ရှိနေတုန်းပါ” ဟု ၎င်းက ပြောကြားခဲ့သည်။

အိန္ဒိယသည် ကမ္ဘာ့လူသေဆုံးမှု အများဆုံးလမ်းများထဲတွင် ပါဝင်ပြီး နှစ်စဉ် လူ ၁၅၀,၀၀၀ ကျော် သေဆုံးခဲ့သည်။ ယခုနှစ် အစောပိုင်းတွင် ယာဉ်မောင်းက ကျောင်းကားကို အရှိန်မထိန်းနိုင်ဘဲ ဒေလီမြောက်ပိုင်းရှိ မီတာ ၁၀၀ နက်သည့် ချောက်နက်ထဲသို့ ကားထိုးကျခဲ့ရာ ကလေး ၂၃ ဦးနှင့်လူကြီး လေးဦး သေဆုံးခဲ့သည်။

အိန္ဒိယသည် လူထိန်းရန်မလိုသည့် ရထားလမ်းဆုံရာနှင့်ချီရှိသည့်နိုင်ငံဖြစ်သည်။ ယင်းရထားလမ်းဆုံများတွင် ကားမောင်းသူများက ရထားလာနေသည့် သတိပေးချက်ကို လျစ်လျူရှုမှုကြောင့် မတော်တဆများ မကြာခဏဖြစ်ပွားခဲ့သည်။ အိန္ဒိယ၏ မီးရထားလမ်းများတွင် နှစ်စဉ် လူ ၁၅,၀၀၀ ခန့် သေဆုံးခဲ့သည်ဟု ၂၀၁၂ ခုနှစ် အစိုးရ အစီရင်ခံစာ တစ်ခုက ဆိုသည်။

လာမည့် ကျောင်းဖွင့်ရာသီတွင် ကျောင်းကားများ စတင်အသုံးပြုနိုင်ရေး ကြိုးပမ်းဆောင်ရွက်နေကြောင်း သိရ

လာမည့်ကျောင်းဖွင့်ရာသီတွင် ကျောင်းကားများ စတင်အသုံးပြုနိုင်ရေး ကြိုးပမ်းဆောင်ရွက်နေကြောင်း ပန်းဘဲတန်းမြို့နယ်၊ မဲဆန္ဒနယ်အမှတ် (၁) တိုင်းဒေသကြီးလွှတ်တော်ကိုယ်စားလှယ်၊ ပို့ဆောင်ရေး၊ ဆက်သွယ်ရေး၊ ဆောက်လုပ်ရေးနှင့် စက်မှုလက်မှုရေးရာ ကော်မတီအဖွဲ့ဝင် ဦးသန်းနိုင်ဦး၏ ပြောကြားချက်အရ သိရသည်။

“လိုက်ထရပ်တွေကတော့ လုံခြုံမှုမရှိတဲ့အတွက်ကြောင့် မဆွဲစေချင်တော့ဘူး။ ဒီလိုပဲ ရွှေ့ရွှေ့လာတာလေ။ သီတင်းကျွတ်ကို လျာထားတယ်။ ဒီဇင်ဘာ လျာထားတယ်။ အဆင်မပြေဘူးဆိုတော့။ အစ်ကိုတို့ကတော့ ပြောလိုက်တယ်။ ဇန်န၀ါရီတို့ ဖေဖော်ဝါရီတို့မှာ ကျောင်းတွေမှာ Demonstration ပြမယ်ပေါ့။ အဓိက,ကတော့ အစိုးရကပဲ လုပ်မယ်ဆိုတာ မဟုတ်ပါဘူး။ နိုင်သလောက်ကတော့ အစိုးရက လုပ်မယ်။ ပုဂ္ဂလိက,ကလည်း လုပ်ကြပေါ့။ အဓိက,ကတော့ ဘယ်မောင်းကားတွေ ဖြစ်ဖို့လိုတယ်။ လိုက်ထရပ်မဖြစ်ဖို့ ဆန္ဒရှိတယ်။ လာမယ့် ကျောင်းဖွင့်ရာသီမှာ စသုံးနိုင်အောင် ကြိုးစားမယ်လို့ အစ်ကိုတို့ကို ပြောတယ်” ပန်းဘဲတန်းမြို့နယ်၊ မဲဆန္ဒနယ်အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးသန်းနိုင်ဦးက ပြောကြားသည်။

အဆိုပါ ကော်မတီသည် လွှတ်တော် ရပ်နားနေချိန်တွင် အပတ်စဉ်ကော်မတီ အစည်းအဝေးများ ပြုလုပ်ကြောင်း သိရသည်။

“လာမယ့် ကျောင်းဖွင့်ရာသီကျရင် ကျောင်းကားကို လိုက်ထရပ်ကားတွေကို ပေးမဆွဲတော့ဘူး။ သူတို့ရဲ့ သတ်မှတ်ချက်တွေ ရှိတယ်။ ဘယ်မောင်းဖြစ်ရမယ်တို့၊ လုံခြုံစိတ်ချရတဲ့ဟာ ဖြစ်ရမယ်တို့။ သူတို့ ကျောင်းကားတွေကို အရစ်ကျနဲ့ ၀ယ်ယူပြီးတော့ ဆွဲရင်လည်း ဆွဲပေါ့။ Town Ace တို့ အံစာတုံးတို့ ရှိတဲ့ဟာတွေကတော့ လက်ခံဦးမယ်ပေါ့။ နောက်ပိုင်းကျရင် သူတို့ရဲ့ သတ်မှတ်ချက်ပြည့်တာကိုပဲ ဆွဲစေချင်တာပေါ့” ဟု ပန်းဘဲတန်းမြို့နယ်၊ မဲဆန္ဒနယ်အမှတ် (၁) တိုင်းဒေသကြီး လွှတ်တော်ကိုယ်စားလှယ် ဦးသန်းနိုင်ဦးက ပြောကြားသည်။

ဒုတိယအကြိမ်၊ ရန်ကုန်တိုင်းဒေသကြီး လွှတ်တော်ပို့ဆောင်ရေး၊ ဆက်သွယ်ရေး၊ ဆောက်လုပ်ရေးနှင့် စက်မှုလက်မှုရေးရာ ကော်မတီ၏ ပြီးခဲ့သည့် အစည်းအဝေးတွင် ကျောင်းကားများနှင့်ပတ်သက်ပြီး ကော်မတီဝင်များနှင့် အစိုးရတာဝန်ရှိသူများ ဆွေးနွေးခဲ့ကြကြောင်း သိရသည်။

“လိုက်ထရပ်တွေကို ကျောင်းကား ပြေးဆွဲခွင့်မပြုဘူးဆိုရင် အမိန့်ကြေညာချက်မျိုးကို စောစောစီးစီး ထုတ်ပြန်ပေးဖို့။ ဒါမှ လိုက်ထရပ် ကျောင်းကားဆွဲတဲ့သူတွေက တခြားစီးပွားရေးကို ပြောင်းလဲလုပ်နိုင်မှာလို့ အကြံပြုလိုက်တယ်။ ဒါကတော့ ကလေးတွေ ကျောင်းကားကိစ္စက ကောင်းမွန်တဲ့ကိစ္စပါ။ ဒါပေမဲ့ တစ်ဖက်က ဒီလုပ်ငန်းကို လုပ်ကိုင်နေတဲ့သူတွေ အခြေပျက်မသွားဖို့ ကြိုတင်ပြီးတော့ ပြောထားသင့်တယ်လို့ ပြောလိုက်တယ်။ သူတို့ကလည်း ပြောပါမယ်လို့ ပြောသွားတယ်” ဟု တိုင်းဒေသကြီးလွှတ်တော် ကိုယ်စားလှယ် ဦးသန်းနိုင်ဦးက ပြောကြားသည်။

ရန်ကုန်တိုင်းဒေသကြီးအစိုးရနှင့် ကိုရီးယားနိုင်ငံ ကုန်သွယ်ရေးနှင့် ရင်းနှီးမြှုပ်နှံမှု မြှင့်တင်ရေးအေဂျင်စီ (KOTRA)၊ POSCO Daewoo ကော်ပိုရေးရှင်းတို့ သဘောတူညီမှု စာချုပ်ရေးထိုးပြီး ကျောင်းကားများ ၀ယ်ယူခဲ့သည်။

“အဲဒါတွေက အစိုးရနဲ့ ကုမ္ပဏီတစ်ခုနဲ့ လုပ်ထားတာ။ ကုမ္ပဏီတစ်ခုက တာဝန်ယူပြီးတော့ ဆွဲပေးမယ်ပြောတယ်။ ကားထဲမှာ စီစီတီဗွီတွေ၊ ဂျီပီအက်စ်တွေ တပ်ပေးရမယ်လို့ ဆွေးနွေးတာတွေရှိတယ်” ဟု ၎င်းက ဆက်လက် ပြောကြားသည်။