ပြင်ဦးလွင်မြို့နယ် ဇီးပင်ကြီးကျေးရွာ အထက်တန်းကျောင်း မျက်နှာကြက် ပြိုကျမှုဖြစ်ပွားပြီး ဆရာမတစ်ဦးအပါအ၀င် ကျောင်းသားကျောင်းသူကိုးဦး ဒဏ်ရာရ

ဇီးပင်ကြီးကျေးရွာ အထက်တန်းကျောင်း မျက်နှာကြက် ပြိုကျမှုဖြစ်ပွားပြီးနောက်တွေ့ရစဉ်

မန္တလေးတိုင်းဒေသကြီး ပြင်ဦးလွင်မြို့နယ် ဇီးပင်ကြီးကျေးရွာရှိ အထက်တန်းကျောင်းဆောင် မျက်နှာကြက်ပြိုကျမှု စက်တင်ဘာ ၇ ရက် နံနက် ၁၀ နာရီခန့်က ဖြစ်ပွားရာ ဆရာမတစ်ဦး အပါအ၀င် ကျောင်းသား ကျောင်းသူ ကိုးဦး ဒဏ်ရာရရှိခဲ့ကြောင်း သတင်းရရှိသည်။

အဆိုပါပြိုကျခဲ့သည့် ကျောင်းဆောင်သည် ၁၉၉၇-၁၉၉၈ ခုနှစ်တွင် တည်ဆောက်ထားသည့် ကျောင်းဆောင်ဖြစ်ပြီး ယင်းကျောင်းဆောင်တွင် ကျောင်းသား ၂၅ ဦး၊ ကျောင်းသူ ၂၇ ဦးကို အတန်းပိုင် ဆရာမ ဒေါ်မျိုးမျိုးသူက စာသင်ကြားနေစဉ် စာသင်ခန်းမျက်နှာကြက် ပြိုကျမှုဖြစ်ပွားခဲ့ခြင်းဖြစ်သည်။

ကျောင်းဆောင်မျက်နှာကြက် ပြိုကျမှုနှင့်ပတ်သက်ပြီး ပြင်ဦးလွင်မြို့နယ်မဲဆန္ဒနယ် အမှတ် (၁) မှ တိုင်းဒေသကြီးလွှတ်တော်ကိုယ်စားလှယ် ဦးအောင်မင်းက “၂၄ ပေx ပေ ၃၀ မျက်နှာကြက် တစ်ခန်းစာ ပြိုကျတာပါ။ ထိခိုက်မှုတွက်က အားလုံးစိုးရိမ်စရာ မရှိပါဘူး။ကျောင်းသားတစ်ယောက်နဲ့ ကျောင်းသူတစ် ယောက်ကတော့ ဆေးရုံမှာပါ။ ခေါင်းလေး ဘာလေးနည်းနည်းထိလို့ ဆေးကုသမှုစနစ်အရ တစ်ရက်တက်ခိုင်းတာပါ။ ကျန်တာတွေက ပွန်းပဲ့ဒဏ်ရာပဲရပြီး ကျောင်းသူတစ်ယောက်ကတော့ မျက်နှာကြက်ပြိုကျချိန် ရှောင်လိုက်လို့ သံချောင်းထိုးမိတဲ့ ဒဏ်ရာလေးတော့ရတယ်”ဟု ပြောကြားသည်။

မျက်နှာကြက်ပြိုကျခဲ့သည့် အဆိုပါ ကျောင်းဆောင်ရှိ မျက်နှာကြက်များကို အားလုံးဖြိုချကာ စနေ၊ တနင်္ဂနွေနှစ်ရက်အတွင်း အပြီး ပြန်လည်ဆောက်လုပ်မည်ဖြစ်ကာ လာမည့်တနင်္လာတွင် စာ ပြန်လည်သင်ယူနိုင်မည်ဖြစ်ကြောင်း၊ ကျောင်းဆောင်မျက်နှာကြက်အသစ် ပြန်လည်ဆောက်လုပ်ရန်အတွက် ကျောင်းနှင့် ကျောင်းအကျိုးတော်ဆောင်အဖွဲ့ စသည့် အဖွဲ့အစည်းအသီးသီးက ဆောင်ရွက်မည်ဖြစ်ကြောင်း သိရသည်။

ထိုကဲ့သို့ ကျောင်းဆောင် မျက်နှာကြက် ပြိုကျမှုဖြစ်စဉ်ကြောင့် အဋ္ဌမတန်းအတန်းပိုင် ဆရာမ ဒေါ်မျိုးမျိုးသူမှာ ဦးခေါင်းမူးဝေ ဒဏ်ရာနှင့် ကျောင်းသားကျောင်းသူရှစ်ဦးမှာ ခြေထောက်၊ နောက်ကျောပွန်းပဲ့ ဒဏ်ရာများ၊ ဦး ခေါင်းပေါက်ပြဲ ဒဏ်ရာများ ရရှိခဲ့သည်ဟု သိရသည်။

 

၂၀၁၆-၂၀၁၇ ဘဏ္ဍာနှစ် ဘတ်ဂျက်တွင်ဆောက်လုပ်ခဲ့ပြီး ပညာရေးဌာနသို့ မလွှဲအပ်ဖြစ်သေးသည့် ရမ်းဗြဲမြို့နယ် သရက်ချောင်း အလကနှစ်ထပ်ကျောင်းဆောင်သစ် အန္တရာယ်ဖြစ်နိုင်သည်ဟု ဆိုသဖြင့် ကွင်းဆင်းစစ်ဆေး

အန္တရာယ်ဖြစ်နိုင်သည်ဟုဆိုသဖြင့် ကွင်းဆင်းစစ်ဆေးခဲ့ရသည့်သရက်ချောင်း အလက နှစ်ထပ်ကျောင်းဆောင်ကို တွေ့ရစဉ်

 

 

 

၂၀၁၆-၂၀၁၇ ဘဏ္ဍာနှစ်ဘတ်ဂျက်တွင် ဆောက်လုပ်ခဲ့ပြီး ပညာရေးဌာနသို့ မလွှဲအပ်ဖြစ်သေးသည့် ရမ်းဗြဲမြို့နယ် သရက်ချောင်း အလက နှစ်ထပ်ကျောင်းဆောင်သစ် အန္တရာယ်ဖြစ်နိုင်သည်ဟုဆိုသဖြင့် ရခိုင်ပြည် နယ်လွှတ်တော်၊ ဆောက်လုပ်ရေး၊ ပို့ဆောင်ရေး၊ လမ်းပန်း၊ လျှပ်စစ်၊ စက်မှုလက်မှုရေး ရာကော်မတီမှ တာဝန်ရှိသူများ သြဂုတ် ၁၆ ရက်က ကွင်းဆင်းစစ်ဆေးခဲ့ကြောင်း သိရသည်။

အဆိုပါကျောင်းအခြေအနေအား ရခိုင်ပြည်နယ် လွှတ်တော်၊ ဆောက်လုပ်ရေး၊ ပို့ဆောင်ရေး၊ လမ်းပန်း၊ လျှပ်စစ်၊ စက်မှုလက်မှုရေးရာကော်မတီဥက္ကဋ္ဌ ဦးသန်းနိုင် ဦးဆောင်သော စုံစမ်းစစ်ဆေးရေးအဖွဲ့သည် မြို့နယ်အုပ်ချုပ်ရေးမှူး၊ လ/ထပညာရေးမှူးများနှင့်အတူ ကွင်းဆင်းပြီး အသေးစိတ်လေ့လာခြင်း၊ မေးမြန်းစုံစမ်းခြင်း၊ မှတ်တမ်းတင်ခြင်း၊ ညှိနှိုင်းဆွေးနွေးခြင်းများ ပြုလုပ်ခဲ့ကြောင်း သိရသည်။

အဆိုပါကျောင်းဆောင်တွင် စာသင်ခန်းတိုင်းလိုလို မိုးယိုနေပြီး မျက်နှာကြက် ပျက်စီးခြင်း၊ ကြမ်းခင်းများတွင် အက်ကြောင်းပေါ်ခြင်းနှင့် တံခါးစေ့မရခြင်းတို့ ဖြစ်ပေါ်နေသဖြင့် ကျောင်းသားကျောင်းသူများ စာမသင်ရဲဖြစ်နေကြောင်း သိရသည်။

ရခိုင်ပြည်နယ် လွှတ်တော်၊ ဆောက်လုပ်ရေး၊ ပို့ဆောင်ရေး၊ လမ်းပန်း၊ လျှပ်စစ်၊ စက်မှုလက်မှုရေးရာကော်မတီဥက္ကဋ္ဌ ဦးသန်းနိုင်က “ရမ်းဗြဲမြို့နယ်မှာ ဌာနဆိုင်ရာတွေ အကုန်လုံးနဲ့ တွေ့ဆုံတဲ့အခါ မြို့နယ်ပညာရေးမှူးက ၂၀၁၆-၂၀၁၇ ဘတ်ဂျက်မှာ ဆောက်ခဲ့တဲ့ကျောင်းဟာ အခုထိ ကျောင်းတက်လို့ မရဖြစ်နေပါတယ်။ အဲဒါကြောင့် လက်တွေ့ကွင်းဆင်း စစ်ဆေးပေးစေလိုပါတယ်လို့ တင်ပြတဲ့အတွက် ကျွန်တော်တို့က သွားပြီး စစ်ဆေးခဲ့ပါတယ်။ အဲဒီမှာတွေ့ရတာက ကျောင်းမျက်နှာကြက်တွေ၊ နောက်ပြီး First Floor မှာ အက်ကြောင်းဖြစ်နေတာတွေ တွေ့ရတယ်။ နောက်မျက်နှာကြက်ကိုလည်း သွပ်ကြိုးနဲ့ တွဲထားတယ်။ မျက်နှာကြက်တွေ ပျက်စီးနေတယ်။ မိုးယိုနေတာ အခန်းတိုင်းလိုလို လေးခန်းစလုံး မိုးယိုတယ်။ အဲဒါကြောင့် ကလေးတွေက စာမသင်ရဲဘူး။ မှန်တွေတပ် ထားတာတွေ ကွဲနေတယ်။ ပြတင်းတွေ၊ တံခါးတွေကလည်း ပိတ်လို့မရ စေ့လို့မရဖြစ်နေတယ်။ အဲဒါတွေကို တွေ့ရှိခဲ့ရပါတယ်” ဟု ပြောကြားသည်။

အဆိုပါ ကျောင်းဆောင်ဆောက်လုပ်ခဲ့သည့်ကုမ္ပဏီအား ကျောင်းဆောင်အား ပြန်လည်ပြုပြင်ရန် ညွှန်ကြားသွားမည်ဖြစ်ပြီး တွေ့ရှိချက်အစီရင်ခံစာအား ရခိုင်ပြည်နယ် လွှတ်တော်ဥက္ကဋ္ဌထံ တင်ပြမည်ဖြစ်ကြောင်း  သိရသည်။ ထို့ပြင် အဆိုပါကျောင်းဆောင်အား ကျေးရွာရပ်မိရပ်ဖ၊ ကျောင်းကော်မတီ  နှင့် ဆရာ၊ ဆရာမတို့က လက်မခံဖြစ်နေကြကြောင်း သိရသည်။

“ကျွန်တော်တို့ကတော့ မြို့နယ်အုပ်ချုပ်ရေးမှူးကို ပြောခဲ့တယ်။ ကုမ္ပဏီကိုခေါ်ပြီးတော့ ပြန်လည်ပြုပြင်ပေးဖို့။ မလုပ်ပေးဘူးဆိုရင် ကျွန်တော်တို့အဖွဲ့ကို အကြောင်းကြားပေးဖို့ မှာခဲ့ပါတယ်။ ၂၀၁၆-၂၀၁၇ ဘတ်ဂျက်မှာ ဆောက်တဲ့ကျောင်းဟာ ၂၀၁၇- ၂၀၁၈ ကုန်သွားပြီ။ ပြီးတော့ ၂၀၁၈ ရဲ့ မီနီ ဘတ်ဂျက်တောင် နောက်လဆိုကုန်တော့မယ့်အနေအထားမှာ အခုအချိန်အထိ စာမသင်ရတဲ့အတွက်ကြောင့် အဲဒီ အလကကျောင်းဟာ ကျောင်းသား၂၁၀ ရှိတဲ့အတွက် အခန်းတွေလည်း မလုံမလောက်ဆိုတော့ ကျောင်းသားတွေ အခက်အခဲရှိပါတယ်။ ရွာကရပ်မိရပ်ဖတွေ၊ ကျောင်းကော်မတီတွေ၊ ဆရာ၊ ဆရာမတွေရော၊ ကျောင်းအုပ်ဆရာကြီးရော ဒီကျောင်းကို ကျွန်တော်တို့အနေနဲ့ လက်မခံလိုပါဆိုပြီးတော့ ကျွန်တော်တို့ကို ပြောဆို တင်ပြပါတယ်။ ကျွန်တော်တို့အဖွဲ့အနေနဲ့  ဒီဟာကို လွှတ်တော်မှာ လွှတ်တော်ဥက္ကဋ္ဌထံ အစီရင်ခံပြီး ဘာဆက်လုပ်ရမလဲဆိုတာကို လွှတ်တော်ဥက္ကဋ္ဌဆီကခွင့်ပြုချက်ရမှ ပြောလို့ရမှာပါ” ဟု ဦးသန်းနိုင်က ဆက်လက်ပြောကြားသည်။

အဆိုပါကျောင်းမှာ ၁၃၀x ၃၀ နှစ်ထပ် အဆောက်အအုံဖြစ်ပြီး ကျပ်သိန်း ၁၈၀၀ ခန့်ကို ပြည်ထောင်စုဘတ်ဂျက်ဖြင့် တည်ဆောက်ခဲ့ခြင်းဖြစ်သည်။

စာသင်ကျောင်းကလေး

ငါတို့ရွာရှိ စာသင်ကျောင်းကလေးအကြောင်းကို ပြောရပေဦးမည်။ စာသင်ကျောင်းကလေးသည် ငါတို့ရွာသို့မ၀င်မီ ပေတရာလမ်းမ တစ်ဖက်တွင် တည်ရှိသည်။ မိုးဦးကျကာစ ကာလများတွင် ငါတို့သည် စာသင်ကျောင်းကလေးဆီသို့ စာသင်နှစ်တစ်နှစ်၏ အဦးအစအဖြစ် သွားရောက် ပညာသင်ယူကြရသည်။ စာသင်ကျောင်းကလေးသည် စတုတ္ထတန်းအထိသာ ခွင့်ပြုသော မူလတန်းကျောင်းကလေး ဖြစ်ပါသည်။ ငါတို့ရွာရှိ ကလေးတစ်တွေ အကုန်လုံးနီးပါးသည် စာသင်ကျောင်းကလေးမှာသာ တက်ရောက်ကြရသည်။ ငါတို့ရွာအနီးအနားတွင် အခြားစာသင်ကျောင်းဟူ၍ မရှိချေ။ ပဉ္စမတန်းကို တက်ရောက်သွားသူများကတော့ ရွာမှ အတန်ငယ်ဝေးလံသော အလယ်တန်း၊ အထက်တန်းကျောင်းများဆီသို့ ကွဲပြားရောက်ရှိသွားသည်။ ငါတို့အားလုံး ကျောင်းဝတ်စုံအဖြစ် အင်္ကျီအဖြူ ဘောင်းဘီလုံချည် အစိမ်းကို ၀တ်ဆင်ကာ စာသင်ကျောင်းကလေးဆီသို့ ခြေကျင်သာ လျှောက်သွားကြသည်က များပါသည်။ ကျောင်းသူကျောင်းသား အနည်းငယ်ကသာ စက်ဘီးဖြင့် ကျောင်းတက်ကြ၏။

စာသင်ကျောင်းကလေး၏ မြေပြင်အကျယ်သည် တစ်ဧကခန့်သာ ကျယ်ဝန်းပြီး စာသင်ကျောင်းကလေးမှ ဆရာ၊ ဆရာမများသည် ငါတို့အပေါ် အမြဲတစေ နွေးထွေးကြင်နာစွာ ဆက်ဆံကြသည်။ စာသင်ကျောင်းကလေးတွင် တက်ရောက်ကြသော ကျောင်းသားကျောင်းသူအားလုံး ငါတို့ရွာကချည်းတော့ မဟုတ်ချေ။ ငါတို့ရွာကကလေးများ အပြင် ငါတို့ရွာနှင့်ကပ်လျက် နှစ်ရွာ သုံးရွာခန့်က ကလေးများလည်း လာတက်ကြသည်။ စာသင်ကျောင်းကလေး၏ ပင်မကျောင်းဆောင်သည် ဝေဟင်ပေါ်က ကြည့်လျှင် အင်္ဂ လိပ်အက္ခရာ ‘E’ ပုံသဏ္ဌာန်ဖြစ်သည်။ ပင်မကျောင်းဆောင်အပြင် ထပ်မံဆောက်လုပ်ထားသော အဆောင်ငယ်တစ်ခုလည်း ရှိသေးသည်။ ပင်မကျောင်းဆောင်သည် အကျယ် ၁၀ ပေ၊ အရှည်ပေ ၆၀ ခန့်ရှိပြီး ပျဉ်ကာသွပ်မိုး အဆောက်အအုံလေး ဖြစ်ပေသည်။ ကြမ်းခင်းသည် သစ်သားဖြစ်ကာ မြေကြီးနှင့် သုံးပေခန့် ခွာထားသည်။  အဆောင်ငယ်မှာမူ ထရံကာသွပ်မိုး ပျဉ်ခင်း ဖြစ်သည်။

စာသင်ကြားနေစဉ်အတွင်း ငါတို့၏ ခဲတံများ၊ ကျောက်တံများသည် ကြမ်းပြင်တစ်ချပ်နှင့် တစ်ချပ်ကြား ခြားထားသော ကျယ်လွန်းသည့် အချို့ အဟအစပ်များမှနေ၍ မကြာခဏ လိမ့်ကာလိမ့်ကာ ပြုတ်ကျသွားတတ်သည်ကို ငါ ပြန်အောက်မေ့မိ၏။ ကြမ်းပြင် အပေါက်မှ ကုန်း၍ငုံ့ကြည့်လိုက်လျှင်ကား မြေကြီးပေါ်ကျနေသော ငါ့ခဲတံကို မြင်ရလေသည်။ ငါသည် ဆရာမကိုခွင့်ပန်ကာ ကျောင်းအောက်သို့ ခဲတံကောက်ရန် ဆင်းရသည်။ ကျောင်းဆောင်ပေါ်မှ အတက်အဆင်းကို ကျယ်ပြောသော သစ်သားလှေကားဖြင့် ဆင်းတက်ရသည်။ ကျောင်းအောက်သို့ ရောက်သည့်အခါ မြေကြီးပေါ်၌ ငါ့ခဲတံသာမက အခြားကျောင်းသားများ၏ ခဲတံ၊ ကျောက်တံ၊ ပေတံ၊ ခဲဖျက်တို့ကို တွေ့ရလေ့ရှိသည်။ ထိုအခါမျိုးတွင် မည်သည့်ကျောင်းသားမဆို တွေ့သမျှ စုစည်းကောက်ယူ၍ ဆရာမထံ ငါတို့ ပြန်အပ်ကြရသည်။

ကျောင်းဖွင့်စ မိုးကာလများတွင် ငါတို့ လွယ်အိတ်များသည် ကျောင်းစာအုပ်များ၊ ကျောက်သင်ပုန်းများအပြင် မိုးကာအင်္ကျီများ၊ မိုးကာစများဖြင့် ပြည့်ဖောင်းနေတတ်သည်။  ထီးယူလာသော ကျောင်းသားမှာ အရေအတွက် နည်းပါးလှပြီး ငါအပါအ၀င် ကျောင်း သားအများစုသည် စားပွဲခင်း မိုးကာစများကိုသာ ယူဆောင်လာကြသည်။ မိုးသည်းထန်သော ကျောင်းဆင်းရက်အချို့တွင် ငါတို့သည် စားပွဲခင်း မိုးကာစအောက်တွင် သူငယ်ချင်း သုံးလေးယောက် ခိုဝင်ကာ တရွေ့ရွေ့ အိမ် ပြန်ကြရပုံများကို ယခုတိုင် ငါ ပြန်မြင်ယောင် နေမိသည်။ ရွာသွန်းနေသော မိုးစက်များအောက်၌ စာသင်ကျောင်းကလေး တည်ရှိနေပုံမှာလည်း သက်ငြိမ်ပန်းချီကားလေး တစ်ချပ်ပမာ။

စာသင်ကျောင်းကလေး၏ နောက်ကျောဘက်တွင် အတန်ငယ် ပြန့်ပြူးသော မြေကွက်လွတ်တစ်ခု ရှိသော်လည်း မိုးအခါ  ရေ၀ပ်သဖြင့် ဆောင်းအခါကျမှသာ ငါတို့အတွက် ကစားကွင်းဖြစ်ရသည်။ ငါတို့အတွက် အချို့သော ကစားနည်းများမှာလည်း စာသင် ကျောင်းကလေးတွင် ကစား၍ အဆင်မပြေချေ။ ဥပမာ ဖိနပ်ပစ်တမ်းလို ဖိနပ်ကို လက်ဖြင့် ကိုင်ပစ်ရသည့် ကစားနည်းမျိုး၊ ပိုက်ဆံပစ်တမ်းလို လောင်းကစားဆန်သော ကစားနည်းမျိုး။ ထို ကစားနည်းများကိုတော့ ငါတို့သည် ရွာ၌သာ ကစားရပေသည်။ သားရေပင်ကို သဲပုံထဲ အကွင်းလိုက် မြှုပ်ပြီး အုန်းတံမြက်စည်းရိုးဖြင့် ထိုးကာထိုးကာ ကစားရသော ကစားနည်းသည် စာသင်ကျောင်းကလေးမှာ ငါတို့ တရားဝင် ကစားခွင့်ရသည့် ပေကျံမှု အများဆုံးသော ကစားနည်းပင်တည်း။

စာသင်ခန်း ပြတင်းပေါက်မှတစ်ဆင့် အပြင်ဘက်တွင် ရွာသွန်းနေသော မိုးရေစက်များအား ငေးကြည့်ရသည်ကို ငါ အင်မတန် နှစ်ခြိုက်သည်။ ငါတို့သည် စာသင်ချိန်တစ်ခု နှင့်တစ်ခု အကူးအပြောင်း သင်ကြားပေးမည့် ဆရာ၊ ဆရာမ ရောက်ရှိမလာသေးသခိုက်  ပြတင်းပေါက်များမှနေ၍ ငါတို့၏ ကျောက်သင်ပုန်းများကို ဆန့်ထုတ်ကာ တံစက်မြိတ်မှ ကျဆင်းနေသည့် မိုးရေစက်များအောက် ထိုးခံကြသည်။ ရံဖန်ရံခါ ထမင်းစားကျောင်းဆင်းချိန်တွင်ဖြစ်စေ၊ မုန့်စားကျောင်းဆင်းချိန်တွင်ဖြစ်စေ မိုးက ရုတ်တရက် ဝေါခနဲ ရွာသွန်းလိုက်သည်တွင် ငါတို့တစ်တွေ ကလေးများသည် ကျောင်းပေါ်သို့ သူ့ထက်ငါ အလုအယက် ပြေးတက်ကြရသည်။ မိုးဆက်တိုက် ရွာသွန်းသော နေ့ရက်များတွင်မူ ငါတို့သည် ပျင်းရိစွာ စာသင်ကြားကြရသည်။ ထိုအခိုက် အတန့်များတွင် ဆရာမတိုင်ပေးသော စာ များအား ငါတို့သည် မိုးသံကို ထိုးဖောက်မတတ် အတင်း အာခေါင်ခြစ်ကာ လိုက်အော်တတ်ကြသေးသည်။

စာသင်ကျောင်းကလေးတွင် ငါတို့တစ်တွေ အပျော်ရွှင်ရဆုံး အချိန်သည် မုန့်စား ကျောင်းဆင်းချိန်ဖြစ်သည်။ တိုတောင်းလှသော မုန့်စားဆင်းချိန်လေးအတွင်း ငါတို့သည် ထွေပြားစုံလင်သော အမှုတို့ကို ပြုကြကုန်သည်။ ငါတို့ထံတွင် နောက်ဆုံးကျန်ရှိသော ငွေအကြွေလေး တချို့တလေနှင့် မုန့်လည်း ၀ယ်စားသည်။ လက်သီးထိုးတမ်းလည်း ကစားသည်။ စာကြည့်တိုက်ဖွင့်ထားလျှင် ရွှေသွေးလည်း သွားဖတ်သည်။ မုန့်ဈေးတန်းတွင် ငါတို့ ၀ယ်စားလေ့ရှိသည်မှာ သင်္ဘောသီးသုပ်လို ရှူးရှူးရှဲရှဲ အစပ်မျိုးမှသည် မာလကာသီး၊ သစ်တော်သီးလို တဂျွမ်းဂျွမ်း ကိုက်ဝါးရသော သစ်သီးများနှင့် မန်းကျည်းစေ့လှော်လို တမြုံ့မြုံ့ဝါးရသော စားစရာမျိုးအထိ စုံလင်လှသည်။ ကစားစရာ အရုပ်များမှာမူ အမြဲမရှိ။ အရေပြားမှာ ရေစွတ်ကပ်ရသော ဆေးမင်ကြောင်ရုပ်များ၊ ၀င်ရိုးတပ် သံပြား ပန်ကာလေးများ၊ တမံသလင်းပေါ် ကြိုးဆွဲ မောင်းနှင်ရသော ဘယ်မှမရွေ့သည့် ခဲဘီးတပ် မော်တော်ဆိုင်ကယ်ရုပ်များ စသည်တို့ ဖြစ်သည်။ တစ်ခါတစ်ရံ စာသင်ကျောင်းကလေးနှင့် ကပ်လျက် ဘုန်းတော်ကြီးကျောင်း မြေထဲတွင် လာရောက်ရောင်းချသော ဂျုံရုပ်ကလေးများကိုလည်း ငါတို့ သွားငေးတတ်ပေ သေးသည်။

နိုင်ငံတော်အလံ အလေးပြုရသောနေ့ မျိုးတွင် ငါတို့သည် စာသင်ကျောင်းကလေးသို့ အခါတိုင်းထက် စောစီးစွာ လာကြရသည်။ ရံဖန်ရံခါတွင်မူ မြက်နုတ်ခြင်း၊ အမှိုက်ကောက်ခြင်း စသည့် ကျောင်းသန့်ရှင်းရေးများကို ပြုလုပ်ကြရသည်။ ဗုဒ္ဓဘာသာ နေ့ထူးနေ့မြတ် များ ရောက်ပြီဆိုလျှင် ဆရာ၊ ဆရာမတို့သည် မိမိတို့ တာဝန်ယူရသော အတန်းများမှ ကျောင်းသားများကို ဦးဆောင်ကာ သတ်မှတ်ထားသော ဘုန်းတော်ကြီးကျောင်းရှိရာသို့ သွားကြရသည်။ ငါတို့တစ်တွေ ကျောင်းသားလေးများသည် နှစ်ယောက်တစ်တွဲ လက်များတွဲလျက် ညီညာစွာ စီတန်း၍လျှောက်ကြရသည်။ ငါတို့သည် ဘုန်းတော်ကြီးကျောင်းသို့ ရောက်လျှင် ကျောင်းထိုင် ဆရာတော်ဘုရားကြီးများထံမှ ငါးပါးသီလခံယူခြင်း၊ သီလဆောက်တည်ခြင်းများကို ဆရာ၊ ဆရာမများ၏ ဦးဆောင်မှုဖြင့် ပြုလုပ်ကြရသည်။ ငါတို့ သွားရောက်ရသော ဘုန်းတော်ကြီးကျောင်းများကား တစ်ခေါက်နှင့်တစ်ခေါက် မတူညီကြချေ။ အချို့ ဘုန်းတော်ကြီးကျောင်းများကား များစွာ အလှမ်းဝေးလှသည်။ အချို့ဘုန်းတော်ကြီးကျောင်းများကား သိပ်မသွားရ။ အချို့ဘုန်း တော်ကြီးကျောင်းများကား ခမ်းနားထည်ဝါသည်။ အချို့ ဘုန်းတော်ကြီးကျောင်းများကား  ဆင်းရဲနွမ်းပါးလှပေ၏။

ဆောင်းရက်များ ရောက်ရှိလာပေပြီ။  ငါတို့ခန္ဓာကိုယ်ပေါ်မှာ အနွေးထည်များဝတ်လျက် စာသင်ကျောင်းကလေးဆီ သွားကြရပြီ။ ငါတို့ ကျောင်းလွယ်အိတ်ထဲတွင် မိုးကာ အင်္ကျီများ၊ စားပွဲခင်းမိုးကာစများလည်း မပါရှိတော့ချေ။ ငါတို့ ကျောက်သင်ပုန်းများကိုလည်း ကျောင်းတံစက်မြိတ် မိုးရေစက်များ ဖြင့် ဆေးကြောခွင့်မရှိတော့ပြီ။ ထိုအစား ကျောက်သင်ပုန်းပင်ဟု ငါတို့ဘာသာ နာမည်ပေးထားသော အလေ့ကျ ပေါက်ပင်လေးများကို ရှာဖွေနုတ်ယူကြသည်။ ရိုးတံကြည်လင်ပြီး အရည်ရွှမ်းသော မြက်ပင်သာသာ အပင်ငယ်လေးတွေ ဖြစ်ပါသည်။ ငါတို့သည် ထိုအပင်လေးများကို ဆုပ်ခြေလိုက်ခြင်းအားဖြင့် ထွက်လာသော အရည်ဖြင့် ကျောက်သင်ပုန်းပေါ်က ကျောက်တံရာတွေကို ဖျက်ကြပြန်သည်။ စာသင်ကျောင်းကလေးဆီ သွားရာလမ်းတစ်လျှောက် မြက်ပင်ထိပ်ဖျားများသည်ကား နှင်းရည်ရောင် တလဲ့လဲ့။

ဘာသာရေးပွဲများ ရှိသည့်အနက် စာသင်ကျောင်းကလေး အလုပ်ရှုပ်ဆုံးအချိန်သည် ကျောင်းကထိန်ပင် ဖြစ်သည်။ ဆရာ၊ ဆရာမများအပြင် အချို့သော ကျောင်းသား မိဘများပါ စာသင်ကျောင်းကလေးသို့ စုစည်း ရောက်ရှိလာကြကာ တက်ညီလက်ညီ လုပ်ကိုင်ကြသည်။ ထိုနေ့ရက်များတွင် ငါတို့တစ်တွေ ကလေးများသည် စာသင်ကြားမှုနည်းပါးသဖြင့် လွတ်လပ်နေကြသည်။ ငါတို့သည် ဆင်ယင်လက်စ ပဒေသာပင်များအနီး သွားရောက်စပ်စုကြသည်။ တစ်ဦးနှင့်တစ်ဦး ဘယ်လောက် လှူဒါန်းကြောင်း ကြွားဝါကြသည်။  ကထိန်ခင်းသည့်နေ့ကတော့ အပျော်ဆုံးပါပင်။ ငါတို့သည် ပဒေသာပင်များကို စီတန်း သယ်ဆောင်၍ သတ်မှတ်ထားသော ဘုန်းတော်ကြီးကျောင်းရှိရာသို့ သွားကြသည်။ စာသင်ကျောင်းကလေး၏ ဘုံကထိန်သည် ဝေစည်သော်လည်း ဆူညံမှုနည်းပါးသည်။ ဖျော် ဖြေရေးဆို၍ အိုးစည်ဒိုးပတ်ဝိုင်းလေး တစ်ဝိုင်းလောက်သာ ပါပေသည်။ ရံဖန်ရံခါ ဦးရွှေရိုးနှင့်ဒေါ်မိုးနှစ်ယောက် အဆစ်ပါလာတာပဲရှိ၏။

နှစ်ကာလများစွာကို စည်းချက်မှန်မှန် ဖြတ်သန်းလာခဲ့သော စာသင်ကျောင်းကလေးသည် ငါတို့ တက်ရောက်ပြီး မကြာမီမှာပင် လပေါင်းများစွာ ပိတ်သွားရန် အကြောင်းဖန်ခဲ့သည်။ ကြာမြင့်လှသော ကျောင်းပိတ်ရက် ရှည်ကြီးတစ်ခုကို ငါတို့ ဖြတ်သန်းခဲ့ရသည်။ နေရောင်ခြည်အောက်က အလံတလူလူဖြင့် စာသင်ကျောင်းကလေးဆီ ငါတို့တစ်တွေ ကျောင်းသားများ မရောက်နိုင်ခဲ့သော နေ့ရက်များပါပေ။ ကကြီး ခခွေးသံများအစား ဂျင်ကလိသံ တ၀ှီးဝှီးကို ငါတို့ နားစွင့်ထားရသည်။ မောင်ရေခဲ ကဗျာရွတ်သံအစား ဆိုင်းဘုတ်ကိုင် ကြွေးကြော်သံများ ငါတို့ ကြားရသည်။ မပုကြွယ်နှင့် ခရုငယ်အစား ဦးမောင်မောင်နှင့် ဗိုလ်ချုပ်နေ၀င်း နာမည်များ လျှံကာနေသည်။ ငါသည် စာသင်ကျောင်းကလေး၏ စာကြည့်တိုက်ဆီမှ အရေအတွက် မများလှသော ကာတွန်းစာအုပ်ငယ်လေးများကို လွမ်းနေမိခဲ့သည်။

လပွတ္တာမြို့နယ် ညာဏ်ကွင်းကျေးရွာတွင် လေပြင်းတိုက်၍ စာသင်ကျောင်းပြိုကျပျက်စီးခဲ့ခြင်းကြောင့် ကျောင်းသားကျောင်းသူများ စာသင်ကြားရန်အခက်တွေ့

လပွတ္တာမြို့နယ် ညာဏ်ကွင်းကျေးရွာတွင် လေပြင်းတိုက်ခတ်၍ ပြိုကျပျက်စီးနေသော စာသင်ကျောင်းကို တွေ့ရစဉ်

လပွတ္တာမြို့နယ် ပြင်စလူမြို့ ကညင်ကိုင်းကျေးရွာအုပ်စု ညာဏ်ကွင်းကျေးရွာတွင် ဇွန် ၉ ရက်က ဖြစ်ပွားခဲ့သည့် လေပြင်းတိုက်ခတ်မှုကြောင့် ကျေးရွာ အခြေခံပညာမူလတန်းကျောင်းရှိ စာသင်ဆောင်ပြိုကျပျက်စီးပြီးနောက် ကျောင်းသားကျောင်းသူ ၆၇ ဦးမှာ စာသင်ကြားရန် နေရာအခက်အခဲတွေ့နေရကြောင်း သတင်းရရှိသည်။

ဖြစ်စဉ်မှာ အဆိုပါနေ့ မွန်းလွဲ ၂ နာရီခန့်တွင် လေပြင်းတိုက်ခတ်မှုကြောင့် ညာဏ်ကွင်း အခြေခံပညာမူလတန်းကျောင်းရှိ တစ်ခုတည်းသော စာသင်ဆောင်မှာ အမိုးများပျက်စီးခြင်း အကာများပျက်စီးခြင်းများ ဖြစ်ပေါ်ခဲ့ကြောင်း၊ စာသင်ဆောင်ပျက်စီးမှုကို ကျောင်း တာဝန်ရှိသူများမှ သက်ဆိုင်ရာဌာနအသီးသီးသို့ တင်ပြခဲ့ပြီးဖြစ်ကြောင်း၊ ကျေးရွာဒေသခံများမှာ နွမ်းပါးသောကြောင့် စာသင်ဆောင်အား အရေးပေါ်ပြင်ဆင်နိုင်ခြင်းမရှိသောကြောင့် ကျေးရွာအပြင်ဘက်ရှိ ဘုန်းတော်ကြီးကျောင်းဝင်းအတွင်းရှိ သိမ်တော် နှင့် ဆွမ်းစားဆောင်တွင် ကျောင်းသူ ၆၇ ဦး အားနေရာခွဲ၍ ယာယီစာသင်ဆောင်အဖြစ် သတ်မှတ်ကာ စာသင်ကြားပေးနေရပြီး စာသင်ဆောင်အား အလျင်အမြန် ပြန်လည် ပြုပြင်ပေးနိုင်ရန် လိုအပ်နေကြောင်း သိရသည်။

“အဲဒီနေ့က လေတိုက်ပြီးတော့ စာသင်ကျောင်းက အမိုးလန်သွားတယ်၊ အကာတွေကလည်း အရင်ကတည်းက သိပ်မကောင်းတော့ အကာတွေလည်းလွတ်သွားတယ်။ မိုးက တောက်လျှောက်ရွာနေတော့ အမိုးမရှိတော့ အောက်ခင်းတိုင်အချို့လည်း အခုဆို ဆွေးလာတာပေါ့။ ကလေးတွေကိုတော့ ဘုန်းကြီးကျောင်းမှာ နေရာရွှေ့ပြီးတော့ စာသင်ပေးနေပါတယ်၊ ဘုန်းကြီးကျောင်းက ဝေးပြီး ချောင်းလေးတွေရှိတော့ ကလေးတွေကို စာသင်ဖို့လာရင် သတိထားပြီးလာဖို့ စောင့်ကြည့် သတိပေးနေရပါတယ်။ စဖြစ်တဲ့နေ့မှာပဲ ကျွန်တော် ဌာနကို ဖုန်းသတင်းပေးပို့ပြီးတော့ နောက်နေ့ကျတော့ ကိုယ်တိုင်သွားပြီး တင်ပြခဲ့ပါတယ်။ သဘာဝဘေးအဖြစ် အမြန်ပြုပြင်ဖို့ ကျတော့ ငွေတောင်းခံဖို့က အင်ဂျင်နီယာ တွက်ချက်မှုတွေရော အဆင့်ဆင့်လိုအပ်တာကြောင့် အခုထိတော့ မပြင်ဆင်နိုင်သေးပါဘူး” ဟု ညာဏ်ကွင်း အခြေခံပညာမူလတန်းကျောင်းမှ ကျောင်းအုပ်ဆရာကြီး ဦးရဲဝင်းနိုင်က ပြောကြားသည်။

ကျေးရွာဒေသခံများမှ ပျက်စီးသွားတော့ စာသင်ကျောင်းအား ပြုပြင်ရန်မှာလည်း ငွေကြေးအခက်အခဲများကြောင့် ပြုပြင်နိုင်ရန် နှောင့်နှေးကြန့်ကြာနေကြောင်း သိရသည်။

“ကျွန်တော်တို့ရွာက ဆင်းရဲတယ်။ ကျောင်းသားမိဘတွေကလည်း ပိုက်ဆံမရှိကြတာများတော့ မပြင်နိုင်ကြဘူး။ စာသင်ကျောင်း မရှိတော့ အခက်အခဲဖြစ်တာပေါ့ ဘုန်းကြီးကျောင်းမှာ သွားသင်နေရတယ်။ မိုးတွင်းကြီးဆိုတော့ သွားရတာ အဝေးကြီးပဲ လေ”ဟု ညာဏ်ကွင်းကျေးရွာ ရာအိမ်မှူး ဦးနေမျိုးဝင်းက ပြောကြားသည်။

မလှိုင်မြို့ အမှတ်(၄) မူလတန်းကျောင်းတွင် သိန်း ၃၆၀ ကျော် အကုန်အကျခံဆောက်လုပ်ခဲ့သော ကျောင်းဆောင်အား အသုံးမပြုရသေးမီ အန္တရာယ်ရှိအဆောက်အအုံအဖြစ်သတ်မှတ်ခဲ့ပြီး အသစ်ပြန်ဆောက်ရန် ကုမ္ပဏီသို့အကြောင်းကြားခဲ့သော်လည်း နှစ်နှစ်ကြာသည်အထိ ပြန်လည်ဆောက်လုပ်ပေးခြင်းမရှိဟု သိရ

မလှိုင်မြို့အမှတ်(၄)အခြေခံပညာ မူလတန်းကျောင်းတွင် ၂၀၁၅-၂၀၁၆ ဘဏ္ဍရေး နှစ်က ပေ ၁၀၀၊ ပေ ၃၀ တစ်ထပ်ကျောင်းဆောင်အား ခင်ဆုသျှင်ကုမ္ပဏီမှ တာဝန်ယူဆောက်လုပ်ခဲ့ပြီး သိန်း  ၃၆၀ ကျော်ကုန်ကျ ခဲ့သော်လည်း အသုံးမပြုရသေးမီနံရံအက်ကွဲမှုများ ဆိုးရွားစွာဖြစ်ပေါ်လာသဖြင့် အန္တရာယ်ရှိ အဆောက်အအုံအဖြစ်ဆုံးဖြတ်ကာ အသစ်ပြန်လည်ဆောက်လုပ်သင့်ပါကြောင်း အကြံပြုခဲ့ပြီးနှစ်နှစ်နီးပါး ကြာသည်အထိ ကုမ္ပဏီမှ ပြန်လည် ဆက်သွယ်ဆောက်လုပ်ပေးခြင်း  မရှိတော့သည့်အတွက် ကျောင်းသား၊ကျောင်းသူများမှ ယာယီကျောင်းဆောင်ဆောက်လုပ် ကာ ခက်ခဲစွာပညာသင်ကြားနေရကြောင်း မလှိုင်မြို့နယ် ပညာရေးဌာနမှ တာဝန်ရှိသူများနှင့်တိုင်းဒေသကြီး လွှတ်တော်ကိုယ်စားလှယ်ထံမှသိရှိရသည်။

“အခက်အခဲက ၂၀၁၆ ထဲကဆိုတော့ နှစ်နှစ်နီးပါးရှိတော့မယ်၊ တင်ပြတာကတော့ တောက်လျှောက်တင်ပြနေတာပဲ။ လွှတ်တော်မှာလည်း ၀န်ကြီးတွေဆီ မေးခွန်းတင်ပြထားတာရှိတယ်၊ ကြယ်ပွင့်မပြဆိုတော့ ခုထိလည်း မလာသေးဘူးပေါ့နော်” ဟု မလှိုင်မြို့နယ် တိုင်းဒေသကြီးလွှတ်တော် ကိုယ်စားလှယ် ဒေါ်သီတာငြိမ်းက ပြောကြားသည်။

“ကျွန်တော်တို့ ကျောင်းကို ၂၀၁၅-၂၀၁၆ ဘဏ္ဍနှစ်မှာ ခင်ဆုသျှင် ကုမ္ပဏီကနေပြီးတော့ အလျားပေ (၁၀၀)အနံပေ (၃၀)တစ် ထပ်အဆောက်အအုံဆောက်လုပ်ခွင့်ပေးခဲ့ တယ်၊ သူ့ရဲ့ဆောက်လုပ်ရေး ပြီးတဲ့အခါမှာ ဇွန်လမှာအဆောက်အအုံကိုသုံးစွဲခွင့်ရခဲ့တယ်၊ အဲဒီလိုသုံးစွဲပြီး အနည်းငယ်မှာပဲ နံရံ တွေအက်ကွဲနေတာကို တွေ့ရတယ်၊ အဲဒီလို သုံးရင်း အခြေအနေတော်တော်ဆိုးရွားလာလို့ မြို့နယ်ပညာရေးရုံးကို အဆင့်ဆင့်တင်ပြခဲ့တယ်၊ အဲဒီလိုတင်ပြတော့ မြို့နယ်က အကြီးအကဲတွေရော၊ လွှတ်တော်ကိုယ်စားလှယ်တွေရော၊ တတိယအဖွဲ့အစည်းတွေပါ ကွင်းဆင်း စစ်ဆေးကြတယ်၊ အဲဒီလိုကွင်းဆင်းစစ်ဆေးပြီးတော့ ၂၀၁၇ ခုနှစ် မေလကနေက စစ်ဆေးတဲ့ ဒီအ ဆောက်အဦကို အထူးပြင်ဆင်ခြင်း မလုပ်ရန်နှင့် ဖျက်သိမ်းပြီး အသစ်ပြန်ဆောက်ဖို့ ညွှန်ကြားခဲ့တယ်၊ အမြန်ဆုံးပြန်ဆောက်ပေး ဖို့ ညွှန်ချုပ်လက်မှတ်နဲ့ ထွက်ခဲ့ပါတယ်”ဟု  မလှိုင်မြို့နယ် လက်ထောက်ပညာရေးမှူး ဦးသန့်ဇင်က ပြောကြားသည်။

“လာမပြင်ဖူးပြောတော့ ချက်ချင်း ယာယီကျောင်းဆောင်ဆောက်လုပ်ရတယ်၊ အခက်အခဲကတော့ အများကြီးရှိတယ်၊ ယာယီ စာသင်ခန်းကတစ်ဖက်ကသင်ရင် တစ်ဖက်က ဘာမှသင်မရဘူး၊ အဲဒါနဲ့ ဒီကျောင်းဆောင်သစ်ထဲကို သင်လို့မရဘူးလားဆိုတော့လည်း  တကယ်လို့သင်လို့ က လေးတွေတစ်ခုခုဖြစ်ရင် ဆရာမကြီးတွေ တာဝန်ယူရမယ်၊ ဆရာမကြီးတွေခေါင်းဆိုတာနဲ့ ကျွန်မတို့ မသင်ရဲဘဲ အခု အခြေအနေဖြစ်သွားတာပဲ” ဟု မလှိုင်မြို့ အမှတ်(၄) မူလတန်းကျောင်း တာဝန်ခံဆရာမကြီး ဒေါ်ခင်မာကြွေ က ပြောကြားသည်။

၂၀၁၈-၂၀၁၉ ပညာသင်နှစ်အတွက် တစ်နိုင်ငံလုံးရှိ အခြေခံပညာကျောင်းများ ဇွန် ၁ ရက်တွင် စတင်ဖွင့်လှစ်ပြီး ဒုတိယတန်း သင်ရိုးညွှန်းတမ်းသစ်အား သင်ကြားမှုစတင်

အခြေခံပညာကျောင်းများ စတင်ဖွင့်လှစ်သည့် ဇွန် ၁ ရက်တွင် ကမာရွတ် TTC ကျောင်း၌ သူငယ်တန်း (KG) တက်ရောက်မည့် ကလေးငယ်အချို့ကို တွေ့ရစဉ် (ဓာတ်ပုံ-ကြည်နိုင်)

အခြေခံပညာကျောင်းများ၏ ကျောင်းအပ်နှံရေး ရက်သတ္တပတ်အဖြစ် ကျောင်းအပ်လက်ခံခြင်းကို တစ်နိုင်ငံလုံးအတိုင်းအတာအရ ၂၀၁၈ ခုနှစ် မေ ၂၅ ရက်မှစ၍ မေ ၃၁ ရက်အထိ လက်ခံခဲ့ပြီး ၂၀၁၈-၂၀၁၉ ပညာသင်နှစ်အတွက် အခြေခံပညာကျောင်းများကို  ၂၀၁၇ ခုနှစ် ဇွန် ၁ ရက်တွင် စတင်ဖွင့်လှစ်ခဲ့ကြောင်း သိရသည်။

မြန်မာနိုင်ငံ၏ ပညာရေးပြုပြင် ပြောင်းလဲမှု တစ်ခုအဖြစ် ၂၀၁၆-၂၀၁၇ ပညာသင်နှစ်မှစပြီး သူငယ်တန်းမပါ ၁၂ တန်း ပညာရေးစနစ်သစ် စတင်အကောင်အထည်ဖော်ဆောင်ရွက်ခဲ့ခြင်းဖြစ်ပြီး ၂၀၁၇-၂၀၁၈ ပညာသင်နှစ်၌ ပထမတန်း သင်ရိုးသစ်ကိုလည်းကောင်း၊ ယခု ၂၀၁၈-၂၀၁၉ ပညာသင်နှစ်၌ ဒုတိယတန်း သင်ရိုးသစ်ကိုလည်းကောင်း စတင်သင်ကြားခြင်းဖြစ်သည်။

“Grade သင်ရိုးသစ်က အခုပညာသင်နှစ်မှာ စတင်သင်ကြားမှာဆိုတော့ ဆရာ ဆရာမတွေ သင်ကြားပို့ချဖို့ အသင့်အနေအထားဖြစ်အောင် သင်တန်းတွေလည်း ဖွင့်လှစ်ပို့ချပေးပြီးဖြစ်ပါတယ်။ အသစ်ပြုပြင်ပြောင်းလဲ ရေးဆွဲတဲ့ သင်ရိုးညွှန်းတမ်းတွေမှာက ကျောင်းသားကို ဗဟိုပြုပြီးသင်ကြားတဲ့ အကြောင်းအရာတွေကို အဓိကထား ထည့်သွင်း ထားတာဖြစ်တဲ့အတွက် ကျောင်းသားတွေကို ပြန်လည်သင်ကြားတဲ့အခါမှာ သင်ကြားသင်ယူမှုတွေ ထိရောက်ဖို့ ဘယ်လိုချဉ်းကပ်သင် ကြားမလဲဆိုတာတွေကို ကျောင်းသားဗဟိုပြု သင်ကြားပေးနိုင်စေမယ့် သင်တန်းတွေကိုလည်း ဖွင့်လှစ်ပို့ချပေးထားပါတယ်” ဟု ပညာရေးဝန်ကြီးဌာနမှ တာဝန်ရှိသူတစ်ဦးက ပြောကြားသည်။

အခြေခံပညာကျောင်းများ စတင်ဖွင့်လှစ်သည့် ဇွန် ၁ ရက်တွင် ကမာရွတ် TTC ကျောင်း၌ သူငယ်တန်း (KG) တက်ရောက်မည့် ကလေးငယ်အချို့ကို တွေ့ရစဉ် (ဓာတ်ပုံ-ကြည်နိုင်)

ဒုတိယတန်းသင်ရိုးသစ်တွင် မြန်မာစာ၊ အင်္ဂလိပ်စာ၊ သင်္ချာ၊ သိပ္ပံ၊ လူမှုရေး၊ ဘ၀တွက်တာ ကျွမ်းကျင်စရာ၊  စာရိတ္တနှင့် ပြည်သူ့နီတိ၊ ပန်းချီ၊ ဂီတနှင့်ကာယဘာသာစသည့် ဘာသာရပ် ၁၀ ခုပါဝင်ပြီး အဓိက ဘာသာရပ် များအဖြစ်သင်ကြားမည်ဖြစ်ပြီး သင်ရိုးသစ်ဖြင့် သင်ကြားသည့် ဒုတိယတန်းအား စာမေးပွဲ စစ်ဆေးခြင်းကို ပြုလုပ်မည်မဟုတ်ဘဲ စာသင်ခန်းအတွင်း သင်ကြားသင်ယူစဉ် အကဲဖြတ်ခြင်း၊ စာသင်ကာလ တစ်နှစ်တာအတွင်း သင်ခန်းစာများကို တစ်နှစ်လျှင်နှစ်ကြိမ်ပြန်လည် လေ့ကျင့်စေခြင်းဖြင့်သာ စစ်ဆေးသွား မည်ဖြစ်ကြောင်း သိရသည်။

ကျောင်းအပ်နှံရေး ရက်သတ္တပတ်တွင် ရန်ကုန်တိုင်းဒေသကြီးအတွင်းရှိ ကျောင်းနေအရွယ် ကလေးများအားလုံး အဆင်ပြေချောမွေ့စွာ ကျောင်းအပ်နှံနိုင်ရန် မွေးစာရင်း၊ သန်းခေါင်စာရင်းများ ကြိုတင်ရရှိနိုင်ရေးအတွက် မိမိတို့မြို့နယ်ရှိ အလုပ်သမား လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊ ကျန်းမာရေးနှင့်အားကစားဝန်ကြီးဌာနနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနတို့နှင့် ပူးပေါင်းဆောင်ရွက်ရန် ကျောင်းအပ်နှံရေး သီတင်းပတ်လုပ်ငန်းစဉ်များ၊ ကျောင်းဖွင့်အမီ ကြိုတင်ဆောင်ရွက်ရမည့် လုပ်ငန်းများကို အလေးထား ဆောင်ရွက်နိုင်ရေးကို မိမိတို့မြို့နယ်အလိုက် ကြိုတင် စီမံဆောင်ရွက်ရန် ပညာရေးဝန်ကြီးဌာနမှ ညွှန်ကြားချက်များ ထုတ်ပြန်ထားခဲ့ခြင်းဖြစ်သည်။

အလားတူ ကျေးလက်နှင့်ဝေးလံခေါင်သီသော ဒေသများ၌ ကျောင်းအပ်နှံရေး ဆောင်ရွက်သည့်အခါတွင်လည်း ကျောင်းသားကျောင်းသူများ အဆင်ပြေစေရေးအတွက် မွေးစာရင်းနှင့် သန်းခေါင်စာရင်းများ မပါလျှင်လည်း လက်ခံဆောင်ရွက်ပေးခဲ့ခြင်း ဖြစ်ကြောင်း သိရသည်။

၂၀၁၇-၂၀၁၈ ပညာသင်နှစ်၌ ကျောင်းအပ်နှံရာတွင် အသက်ခြောက်နှစ်ပြည့်ပြီးသူများ ပထမတန်းသို့ တိုက်ရိုက် တက်ရောက်ခွင့်ပြုခဲ့ခြင်းဖြစ်ရာ ကျောင်းအပ်လက်ခံရန် အသက်ထောက်ခံချက် အပြည့်အစုံပါရှိရန် လိုအပ်ကြောင်း ပညာရေးဝန်ကြီးဌာန၊ အခြေခံပညာဦးစီးဌာန၊ နေပြည်တော်က ညွှန်ကြားချက် ထုတ်ပြန်ခဲ့သည်။

သို့ဖြစ်ရာ ပထမတန်းသို့ တိုက်ရိုက်တက်ရောက်မည့် ကျောင်းသားကျောင်းသူများအနက် အသက်ခြောက်နှစ် မပြည့်သူများကို ကလေး၏ ကိုယ်ကာယနှင့် ဥာဏ်ရည်ဖွံ့ဖြိုးမှုကို ကြည့်၍အသက်ခြောက်နှစ်ပြည့်ရန် တစ်လလိုသူ (ဇွန် ၁ ရက်မှ ၃၀ ရက်အထိ) ကို ကျောင်းအုပ်ကြီး၊ အသက်ခြောက်နှစ်ပြည့်ရန် နှစ်လလိုသူ (ဇူလိုင်၁ ရက်မှ ၃၁ ရက်အထိ)ကို မြို့နယ်ပညာရေးမှူး၊ အသက် ခြောက်နှစ်ပြည့်ရန် သုံးလလိုသူ (သြဂုတ်လ ၁ ရက်မှ ၃၁ ရက်အထိ) ကို ခရိုင်ပညာရေးမှူး ခွင့်ပြုချက်ဖြင့် လက်ခံပေးရန် အခြေခံပညာကျောင်းများသို့ အကြောင်းကြားမှုများပြုလုပ်ခဲ့သည်။

အလားတူပညာရေးဝန်ကြီးဌာနမှ ၂၀၁၇- ၂၀၁၈ ပညာသင်နှစ် ကျောင်းအပ် လက်ခံရာတွင် ငါးနှစ်အရွယ်ကလေးများကို သူငယ်တန်း (KG) သို့ အပ်နှံရန်၊ ခြောက်နှစ်အရွယ်ကလေး များကို ပထမတန်း (Grade 1) သို့အပ်နှံခွင့်ပြုခဲ့ခြင်းဖြစ်ကြောင်း သိရသည်။

မိုးကုတ်မြို့နယ် ပြောင်ခေါင်းကျေးရွာရှိ အလယ်တန်း ကျောင်းတစ်ကျောင်းတွင် ကျောင်းဝရန်တာ ပြိုကျမှုဖြစ်ပွားပြီး ကလေးငယ်အချို့ ဒဏ်ရာရရှိ

မိုးကုတ်မြို့နယ် ပြောင်ခေါင်းကျေးရွာရှိ အလယ်တန်းကျောင်းတစ်ကျောင်းတွင် ကျောင်းဝရန်တာ ပြိုကျမှုဖြစ်ပွားပြီးနောက် တွေ့ရစဉ်

မန္တလေးတိုင်းဒေသကြီး၊ မိုးကုတ်မြို့နယ်၊ သံလွင်ကျေးရွာအုပ်စုရှိ တွဲဖက်အလယ်တန်း ကျောင်းတစ်ကျောင်းတွင် ကျောင်း စတင် ဖွင့်လှစ်သည့် ဇွန် ၁ ရက် နံနက် ၈ နာရီ ခွဲဝန်းကျင်က ကျောင်းနှစ်ထပ်ဆောင် ၀ရန်တာပြိုကျမှုဖြစ်ပွားပြီး ကလေးငယ်အချို့ ဒဏ်ရာရရှိခဲ့ကြောင်း သတင်းရရှိသည်။

အဆိုပါ မိုးကုတ်မြို့နယ် သံလွင်ကျေးရွာရှိ တွဲဖက်အလယ်တန်းကျောင်းတွင် ကျောင်းသားကျောင်းသူ ၆၀၀ ၀န်း ကျင်တက်ရောက် ပညာသင်ကြားနေခြင်းဖြစ်ပြီး ယင်းဖြစ်စဉ်နှင့် ပတ်သက်၍ သွားရောက်ကူညီ ဆောင်ရွက်ခဲ့သည့် မီးသတ်တပ်ဖွဲ့ဝင်တစ်ဦးက“တွဲဖက် အလက ကျောင်းပါ။ ဖြစ်တာက နံနက် ၈ နာ ရီ ၄၅ မိနစ်မှာ ၀ရန်တာရဲ့ ကြမ်းပြင် လျှောကျပြီး ကလေးတစ်ယောက်ကတော့ အဲဒီကြမ်းပြင်ပေါ်ကနေ အောက်ပြုတ်ကျပါသွားတယ်။ အဲဒီကလေးက ခါး ထိခိုက် ဒဏ်ရာရလို့ ဆေးရုံကြီးမှာ ဓာတ်မှန်ရိုက် စစ်ဆေးမှုတွေ လုပ်ပေးထားပါတယ်။ ပြင်းပြင်းထန်ထန် ဒဏ်ရာရတာမျိုး မဟုတ်ဘူးလို့တော့ ဆေးရုံက ပြောပါတယ်။ အခြားထိခိုက်မှုလည်း သိပ်မရှိခဲ့ပါဘူး”ဟု ပြောကြားခဲ့သည်။

“ကျွန်တော်တို့အနေနဲ့ ဖြစ်စဉ်သတင်း ရောက်ရောက်ချင်း သက်ဆိုင်ရာအဖွဲ့တွေနဲ့ ပူးပေါင်းဆောင်ရွက်ခဲ့တာပါ။ မြို့နယ်ကြက်ခြေနီအသင်းနဲ့ အရန်မီးသတ်တပ်ဖွဲ့က သွားရောက်ခဲ့ပြီး ကူညီဆောင်ရွက်မှုတွေ လုပ်ဆောင်ခဲ့ပါတယ်”ဟု ဆက်လက်ပြောကြားသည်။

“ကျွန်တော်တို့က အွန်လိုင်းမှာ သတင်းတစ်ခု တက်လာတာ တွေ့လိုက်တဲ့အတွက် သွားရောက်ပြီး ကူညီဆောင်ရွက်မှုတွေ လုပ်ဆောင်ပေးဖို့ သွားခဲ့တာပါ။ ဖြစ်တာက သံလွင်ကျေးရွာအုပ်စု ထခွဲ (၃) မှာ ဖြစ်ခဲ့တာပါ။ ကျွန်တော်တို့ ရောက်သွားတဲ့အချိန်မှာ ဒဏ်ရာရတဲ့ ကလေးတွေ မရှိတော့ဘူး။ ဆေးရုံရောက်တဲ့အခါမှာ ဆိုးဆိုးရွားရွားမြ ဖစ်ဘူးလို့ သိရတယ်” ဟု မိုးကုတ်မြို့မှ ကြက်ခြေနီတပ်ဖွဲ့ဝင် တစ်ဦးက ပြောကြားသည်။

ရန်ကုန်တိုင်းအတွင်းရှိ ကျောင်းမတက်နိုင်သည့် ကလေးများကို လိုက်လံစစ်ဆေးပြီး ကျောင်းပြင်ပပညာရေးနှင့် သက်မွေးကျောင်းများတွင် သင်ကြားနိုင်ရန် ဆောင်ရွက်ထားဟုဆို

၂၀၁၈-၂၀၁၉ ပညာသင်နှစ်  ရန်ကုန်တိုင်းအတွင်းရှိ ကျောင်းမတက်နိုင်သော ကလေးများကို လိုက်လံစစ်ဆေးပြီး ကျောင်းပြင်ပ ပညာရေးနှင့် သက်မွေးကျောင်းများတွင် သင်ကြားနိုင်ရန် ဆောင်ရွက်ထားကြောင်း ၂၀၁၈-၂၀၁၉ ကျောင်းအပ်နှံရေးနေ့ အခမ်းအနားတွင် ရန်ကုန်တိုင်းဒေသကြီး ပညာရေးမှူး ဒုတိယညွှန်ကြားရေးမှူးချုပ် ဒေါ်ခင်မာဆွေက ပြောကြားသည်။

အဆိုပါအခမ်းအနားကို မေ၂၅ ရက်က အ.ထ.ကအလုံ (၄) တွင်ပြုလုပ်ခဲ့ပြီး ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းတက်ရောက်ခဲ့သည်။

“ကျောင်းနေ အရွယ်ကလေးတိုင်း မနှစ်က ကျောင်းသားကို ပြန်လည်လက်ခံနိုင်ရေး နှင့် ငါးနှစ်ပြည့်၊ ခြောက်နှစ်ပြည့်ကလေးတိုင်း၊ ရန်ကုန်တိုင်းအတွင်းမှာရှိတဲ့ ကလေးတိုင်း တစ်ဦးတစ်ယောက်မှ  မကျန်နိုင်ရေးအတွက် လက်ခံဆောက်ရွက်သွားပါမယ်” ဟု  ရန်ကုန် တိုင်းဒေသကြီး ပညာရေးမှူး ဒုတိယညွှန်ကြားရေးမှူးချုပ် ဒေါ်ခင်မာဆွေက ပြောကြားသည်။

“မိသားစု စားဝတ်နေရေးကို သူလုပ်နေတယ်ဆိုရင် ကျောင်းပြင်ပမှာ သူတက်နိုင်မလား။ ချိတ်ဆက်ပေးမယ်။ ရှစ်တန်းအောင်ပြီး  ကိုးတန်းကျောင်းသားအဖြစ် ပညာသင်ကြား ခြင်းမရှိဘူးဆိုရင် ပညာရေးဝန်ကြီးဌာနအနေနဲ့ သက်မွေးကျောင်းတွေကို တိုးချဲ့ဖွင့်လှစ်ထားတဲ့ ချိတ်ဆက် ဆောင်ရွက်ပေးဖို့လည်းရှိတယ်။ အပ်မှတက်လို့ရတာမဟုတ်ဘူး။ စာရင်းသွင်းတာနဲ့ တက်လို့ရပြီ။ စာရင်းသွင်းတဲ့ အချိန်တိုင်းလက်ခံသွားမယ်” ဟု ရန်ကုန်တိုင်း ဒေသကြီးပညာရေးမှူး ဒေါ်ခင်မာဆွေ က ပြောကြားသည်။

အကြောင်းအမျိုးမျိုးကြောင့် ကျောင်းသို့ ရောက်ရှိမလာသည့်ကလေးများကို မြို့နယ် အထွေထွေအုပ်ချုပ်ရေးမှူး၊ လူမှုရေးအဖွဲ့အစည်း စသူတို့နှင့် ပူးပေါင်းကာ လိုက်လံ ကောက်ခံ ဆောင်ရွက်သွားမည်ဖြစ်ပြီး မိဘများအနေဖြင့် ပူးပေါင်းဆောင်ရွက်ကာ ကျောင်းအပ်နှံပေးစေလိုကြောင်း ၎င်းက ဆက်လက်ပြောကြားသည်။

၂၀၁၇-၂၀၁၈တွင် ရန်ကုန်တိုင်းဒေသကြီးအတွင်း၌ ကျောင်းနေခဲ့သည့် ကလေးပေါင်း ၁၀ သိန်းကျော်ရှိပြီး မူလတန်းကလေးပေါင်း ၅၇၀၀၀၀ ရှိခဲ့သည်ဟု အဆိုပါ အခမ်းအနားမှ သိရသည်။

၂၀၁၇-၂၀၁၈ ပညာသင်နှစ်တွင် မြန်မာတစ်နိုင်ငံလုံး၌ အခြေခံပညာအထက်တန်း၊ အလယ်တန်း၊ မူလတန်းကျောင်းပေါင်း  ၄၆၄၆၈ ကျောင်းရှိရာ ကျောင်းသား၊ ကျောင်းသူပေါင်း ၉ ဒသမ ၆ သန်းကျော်ရှိ သည်ဟု ပညာရေးဝန်ကြီးဌာနမှ သိရသည်။

ဧရာဝတီတိုင်းဒေသကြီး၌ ယိုယွင်းပျက်စီးနေသည့် အန္တရာယ်ရှိ စာသင်ကျောင်းပေါင်း ၉၈၀ ကျော်ရှိနေပြီး ဘက်ဂျက်ရရှိမှုပေါ် မူတည်ကာ ပြန်လည်ပြုပြင်မည်ဟုဆို

ဧရာဝတီတိုင်းဒေသကြီး၌ ယိုယွင်းပျက်စီးမှုများဖြစ်ပေါ်နေသည့် အန္တရာယ်ရှိ စာသင်ကျောင်းပေါင်း ၉၈၀ ကျော်ရှိနေကြောင်း တိုင်းပညာရေးမှူးရုံးမှ ရရှိသည့်စာရင်းအရ သိရသည်။

အဆိုပါအန္တရာယ်ရှိ ကျောင်းများစာရင်းကို သက်ဆိုင်ရာမြို့နယ်များမှ မြို့နယ်အုပ်ချုပ်ရေးမှူး၊ မြို့နယ်ပညာရေးမှူးနှင့် လွှတ်တော်ကိုယ်စားလှယ်များ ပါဝင်သည့်အဖွဲ့မှ စိစစ်တင်ပြမှုများ ဆောင်ရွက်ထားကြောင်း သိရသည်။

“အန္တရာယ်ရှိ ကျောင်းဆောင်တင်ပြမှုတွေကို မြို့နယ်အုပ်ချုပ်ရေးမှူး၊ မြို့နယ်ပညာရေးမှူးနဲ့ လွှတ်တော်ကိုယ်စားလှယ်တွေ ပါဝင်တဲ့အဖွဲ့က စိစစ်ပြီး ဦးစားပေးအဆင့်အလိုက် တင်ပြပါတယ်။ တင်ပြလာတဲ့အပေါ်မှာ တိုင်းရုံးက ပြုပြင်ပြောင်းလဲတာမရှိပါဘူး။ တိုင်းဒေသကြီးအစိုးရအဖွဲ့ကို တင်ပြပေးပြီး သဘောထားမှတ်ချက်ရတာနဲ့ ရုံးချုပ်ကို ဆက်လက်တင်ပြပါတယ်။ ဘတ်ဂျက်ရရှိတဲ့အပေါ် မူတည်ပြီး ဦးစားပေးအဆင့်အလိုက်ပဲ ချထားပေးပါတယ်” ဟု ဧရာဝတီတိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူး (ဘဏ္ဍာ) ဒေါ်မြင့်မြင့်သိန်းက ပြောကြားသည်။ တင်ပြလာသည့် အန္တရာယ်ရှိကျောင်းဆောင်များအနက် စာသင်ကျောင်းဆောင် ၅၀၀ ကျော်ကို ၂၀၁၈-၁၉ ဘဏ္ဍာနှစ်တွင် အသစ်ပြန်လည်တည်ဆောက်နိုင်ရန် ပညာရေးဌာနမှ လျာထားထားကြောင်း ၎င်းက ဆက်လက်ပြောကြားသည်။

“အန္တရာယ်ရှိကျောင်းဆောင်အဖြစ် မြို့နယ်အသီးသီးက တင်ပြလာတာ ကျောင်းပေါင်း ၉၈၀ ကျော်ရှိပါတယ်။ ဌာနအနေနဲ့တော့ လက်ရှိမှာ အန္တရာယ်ရှိကျောင်းဆောင် ၅၀၀ ကျော်ကို ပြန်လည်တည်ဆောက်နိုင်ဖို့ လျာထားထားပါတယ်။ ဘတ်ဂျက်ရရှိမှုအပေါ်မူတည်ပြီး အပြောင်းအလဲရှိနိုင်ပါတယ်” ဟု ဧရာဝတီတိုင်းဒေသကြီး ပညာရေးမှူးရုံးမှ ဒုတိယညွှန်ကြားရေးမှူး (ဘဏ္ဍာ) ဒေါ်မြင့်မြင့်သိန်းက ပြောကြားသည်။

စာသင်ကျောင်းဆောင် ပြိုကျပျက်စီးနိုင်သည့် အန္တရာယ်ရှိနေသဖြင့် အချို့သောစာသင်ကျောင်းများတွင် ဆရာ၊ ဆရာမများနှင့် ကျောင်းသား၊ ကျောင်းသူများမှာ အခြားနေရာသို့ ပြောင်းရွှေ့သင်ကြားနေရမှုများလည်း ရှိနေကြောင်း သိရသည်။

ဟုမ္မလင်းမြို့နယ်အတွင်း အန္တရာယ်ရှိကျောင်းဆောင်ဟောင်းများအဖြစ် သတ်မှတ်ထားသော စာသင်ကျောင်း ၁၄ ကျောင်းရှိ

အန္တရာယ်ရှိကျောင်းဆောင်ဟောင်းတွင် ပါဝင်သော ဟုမ္မလင်းမြို့နယ် နားသဲကျေးရွာမူလတန်းကျောင်းကို တွေ့ရစဉ်

ဟုမ္မလင်းမြို့နယ်အတွင်း၌ အန္တရာယ်ရှိ ကျောင်းဆောင်ဟောင်းများအဖြစ် သတ်မှတ်ထားသော စာသင်ကျောင်းဆောင်ဟောင်း ၁၄ ကျောင်းရှိကြောင်း သိရသည်။

ထိုကျောင်းများသည် မူလဆောက်လုပ်ခဲ့သော သက်တမ်းကြာမြင့်ခြင်းကြောင့် ကြံ့ခိုင်မှုအားနည်းလာကာ ကျောင်းသားကျောင်းသူများ၏ ဘေးကင်းလုံခြုံမှုအတွက် စိုးရိမ်ရသဖြင့် အန္တရာယ်ရှိ ကျောင်းဆောင်ဟောင်းအဖြစ် သက်ဆိုင်ရာပညာရေးဌာနမှ သတ် မှတ်ခြင်းဖြစ်ကြောင်း သိရသည်။

ထိုစာသင်ကျောင်းဆောင်ဟောင်း ၁၄ ကျောင်းကိုဖျက်ပြီး အသစ်ပြန်လည်တည်ဆောက်နိုင်ရန် သက်ဆိုင်ရာပညာရေးဝန်ကြီးဌာနမှတစ်ဆင့် ပြည်သူ့လွှတ်တော်တွင် တင်ပြထားပြီး မကြာမီတွင် ခွင့်ပြုပေးနိုင်မည် ဖြစ်ကြောင်း ဟုမ္မလင်းမြို့နယ် ပြည်သူ့လွှတ် တော်ကိုယ်စားလှယ် ဦးမျိုးညွန့်က ပြောကြားသည်။

“အဲဒီကျောင်းတွေကိုဖျက်ပြီး အသစ် ပြန်ဆောက်ဖို့ လိုအပ်တဲ့ရန်ပုံငွေကို သက်ဆိုင်ရာ ပညာရေးဝန်ကြီးဌာနကတစ်ဆင့် ပြည်သူ့လွှတ်တော်ကို တင်ပြပြီးပါပြီ။ ၂၀၁၈-၂၀၁၉ ဘတ်ဂျက်နှစ်အတွက် လျာထားစာရင်းမှာလည်း ပါလာပါပြီ။ လိုအပ်တဲ့ရန်ပုံငွေရဲ့ ၁၅ ရာခိုင်နှုန်းကိုလည်း ချပေးပြီးပြီလို့ သိရပါတယ်။ ရန်ပုံငွေအကုန်လုံးကတော့ မကြာခင်ကျလာတော့မှာပါ”ဟု ဦးမျိုးညွန့် က ပြောကြားသည်။

အန္တရာယ်ရှိကျောင်းဆောင်ဟောင်းအဖြစ် သတ်မှတ်ထားသော စာသင်ကျောင်းများကို အသစ်ပြန်လည်တည်ဆောက်ရန် သက်ဆိုင်ရာသို့ တင်ပြထားသောကာလအတွင်း လတ်တလောတွင် အချို့ကျေးရွာများ၌ ထိုကျောင်းဆောင်ဟောင်းများကို အသုံး ပြုနေဆဲဖြစ်ကြောင်း အန္တရာယ်ရှိကျောင်းဆောင်ဟောင်းများအဖြစ် သတ်မှတ်ထားသော စာရင်းတွင် ပါဝင်သော ဟုမ္မလင်းမြို့နယ် နားသဲကျေးရွာမူလတန်းကျောင်းမှ ကျောင်းကော်မတီတစ်ဦးက ပြောကြားသည်။

“ဒီကျောင်းကို ၁၉၈၉ ခုနှစ်မှာ စဆောက်ခဲ့ပြီး ၁၉၉၀ ခုနှစ်မှာ စပြီးအသုံးပြုခဲ့တာပါ။ စဆောက်ခဲ့တုန်းကလည်း တစ်ရွာလုံးက လူတွေ စုပေါင်းပြီး ကိုယ့်အားကိုယ်ကိုး ပြီး ဆောက်ခဲ့ကြတာပါ။ ကျောင်းဆောက်ဖို့ မြေနေရာလည်း ရွာမှာပိုက်ဆံကောက်ပြီး စုပြီးဝယ်ခဲ့တာ။ ကျောင်းဆောက်ဖို့လိုတဲ့ တိုင်တွေ၊ ပျဉ်တွေကို တောထဲမှာ ကိုယ့်ဘာသာ တိုက်ခဲ့ကြတာ။ ကျောင်းသက်တမ်းက အခုဆိုရင် ၂၉ နှစ်ရှိပြီပေါ့။ စဆောက်တုန်းကတော့ အမိုးကို သက်ကယ်ပဲမိုးနိုင်တယ်။ နောက်မှ သွပ်ဝယ်ပြီးမိုးနိုင်တာ။ ဒီအတော အတွင်း ရွာကလူတွေလည်း ၀ိုင်းဝန်းထိန်းသိမ်းကြတော့ ကြီးကြီးမားမားမပျက်စီးပေမဲ့ ကြံ့ခိုင်မှုကတော့ အားနည်းလာတာပေါ့။ နောက်နှစ်ကို ကျောင်းအသစ်ဆောက်ဖို့ ရန်ပုံငွေကျမယ်လို့တော့ ကြားပါတယ်။ ဘေးမှာ ကျောင်းဆောင်သစ်တစ်ဆောင်ရှိပေမဲ့ ကျောင်းသားအင်အားနဲ့ မညီမျှတော့ KG ကလေးတွေနဲ့ KG+1 တွေကို ဒီကျောင်းဆောင်မှာပဲထားပြီး သင်နေကြတုန်းပါ”ဟု နားသဲကျေးရွာမူလတန်း ကျောင်းကော်မတီတစ်ဦးက ပြောကြားသည်။