ကျောက်ဖြူမြို့နယ်မှ တောင်ရှည်ကျေးရွာသားများပိုင် လယ်ကွင်းများ ဆားငန်ရည် ၀င်ရောက်ပြီး ပျက်စီးသွားသည့်အတွက် စားသောက်ရေး ခက်ခဲမည်ကို စိုးရိမ်ကြောင်း ပြောကြား

တောင်ရှည်ကျေးရွာသားများပိုင် လယ်ကွင်းများသို့ ဆားငန်ရည် ၀င်ရောက်နေစဉ်

ရခိုင်ပြည်နယ် ကျောက်ဖြူမြို့နယ်မှ တောင်ရှည်ကျေးရွာသားများပိုင် လယ်ကွင်းများမှ ဧက ၆၀ ကျော်တို့မှာ ဆားငန်ရည် ၀င်ရောက်ပျက်စီးခဲ့သည့်အတွက် စားသောက်ရေး ခက်ခဲမည်ကို စိုးရိမ်ကြောင်း လယ်သမားများက ပြောကြားသည်။

အဆိုပါ ကျေးရွာသည် ကျောက်ဖြူမြို့နှင့် လေးမိုင်ခန့်ဝေးသော ပင်လယ်ပြင်အတွင်းမှ ကျွန်းငယ်တစ်ခုပေါ်တွင် တည်ရှိသည့် ကျေးရွာဖြစ်ကာ သြဂုတ် ၂၀ ရက်က ပင်လယ်ရေ တားဆီးထားသော တာပေါင်ကျိုးပေါက်သွားသည့်အတွက် စပါးခင်းများသို့ ဆားငန်ရည်များ ၀င်ရောက်သွားခဲ့ခြင်း ဖြစ်ကြောင်း၊ သဘာဝအလျောက် ပျက်စီးခဲ့ခြင်း ဖြစ်သော်လည်း လယ်သမား၏ စိုက်ပျိုးစရိတ်အပြင် ရရှိလာမည့် စပါးများလည်း ပျက်စီးသွားခဲ့ပြီဖြစ်ရာ ကျန်းမာရေး၊ လူမှုရေး၊ ပညာရေးအစရှိသော ကဏ္ဍပေါင်းစုံတွင် အခက်အခဲများ ဖြစ်လာမည်ကို စိုးရိမ်ကြောင်း လယ်သမားများ က ပြောကြားသည်။

ယင်းနှင့်ပတ်သက်ပြီး ဒေသခံတစ်ဦး ဖြစ်သူ ဦးမောင်မောင်က “တောင်ရှည်ကျေးရွာသားတွေ လုပ်ကိုင်ထားတဲ့ စပါးခင်းတွေဟာ အခုဆိုရင် အဖူးတွေ ဖူးနေပြီ ဖြစ်ပါတယ်။ ဒါပေမဲ့ သြဂုတ်လကုန်ခါနီးက တာပေါင်ကျိုးပြီး စပါးခင်းတွေ ပျက်စီးသွားတဲ့အတွက် စားသောက်ရေး၊ ကျန်းမာရေးနဲ့ ပညာရေးကိစ္စ အ၀၀အတွက် တောင်သူတွေ စိုးရိမ်နေကြရပါတယ်။ ဘာဖြစ်လို့လဲဆိုတော့ စပါးခင်းတွေက ပျက်စီးသွားပြီ ဖြစ်တယ်။ ဒီနှစ်သူတို့အတွက် စပါးမရနိုင်တော့ဘူး။ ဒါကြောင့် တာပေါင်တွေကို ပြန်ဆည်ဖို့နဲ့ လယ်သမားတွေရဲ့ မိသားစုရေရှည် ရပ်တည်နိုင်ရေးတို့အတွက် အခက်အခဲတွေ ရှိတယ်။ ဘယ်လိုလုပ်ရမှန်း မသိတော့ဘူး။ လွှတ်တော်ကိုယ်စားလှယ်တွေကိုလည်း အကြောင်းကြား တင်ပြဖို့ လုပ်ဆောင်နေပါတယ်”ဟု ဆိုသည်။

တောင်ရှည်ကျေးရွာသည် အိမ်ခြေ ၆၀ ခန့်ရှိပြီး အများစုမှာ လယ်သမားများဖြစ်ကာ လယ်ဧက ၄၀၀ ကျော်အနက် ဧက ၆၀ ကျော် ပျက်စီးသွားခဲ့ခြင်း ဖြစ်ကာ လုံးဝရိတ်သိမ်း၍ မရနိုင်သော အခြေအနေသို့ ရောက်ရှိသွားခဲ့သဖြင့် ဆုံးရှုံးမှုများစွာ ဖြစ်ပေါ်ခဲ့ကြောင်း၊ ယင်းအတွက် ပြည်နယ်အစိုးရအနေဖြင့် ကွင်းဆင်းလေ့လာပြီး အကူအညီများ ပေးစေလိုကြောင်းလည်း လယ်သမားများက ဆိုသည်။

“ပြောချင်တာကတော့ စပါးခင်းတွေဟာ အရိုးတောင် မကျန်သလောက် ဖြစ်သွားတယ်။ ပြန်ပြီး စိုက်ပျိုးဖို့ကလည်း မိုးရာသီက ကုန်သွားပြီဆိုတော့ မဖြစ်နိုင်တော့ဘူး။ သဘာဝအလျောက် ပျက်စီးသွားတယ် ဆိုပေမယ့် ပြည်သူတွေအတွက် အကူအညီတွေ လိုအပ်လာတယ်။ လယ်သမားတွေရဲ့ဘ၀တွေ ပျက်စီးသွားမယ့်သဘော ရှိနေတယ်။ ဒါကြောင့် အစိုးရကလည်း လာရောက်လေ့လာ ကွင်းဆင်းစစ်ဆေးပြီး နောက်နောင် ဒီလိုမဖြစ်ဖို့ တာပေါင်တွေကိုလည်း ပြန်လည်ဖို့ပြီး ခိုင်မာအောင် လုပ်ဆောင်ပေးဖို့ တောင်းဆိုချင်ပါတယ်”ဟု ဦးမောင်မောင်က ပြောကြားသည်။

ကျောက်ဖြူလေဆိပ်တွင် လေယာဉ်များ ဆီဖြည့်ရန် လေယာဉ်ဆီ သိုလှောင်စခန်း စတင်ဖွင့်လှစ်

ကျောက်ဖြူလေဆိပ်တွင် လေယာဉ်ဆီ ဖြည့်နေသည်ကို တွေ့ရစဉ်

ကျောက်ဖြူလေဆိပ်တွင် လေယာဉ်ဆီ ဖြည့်တင်းနိုင်ရန် လေယာဉ်ဆီ သိုလှောင်စခန်း စတင်ဖွင့်လှစ်ခဲ့ကြောင်း ပို့ ဆောင်ရေးနှင့် ဆက်သွယ်ရေး ၀န်ကြီးဌာနမှ သတင်းရရှိသည်။

ပြည်တွင်းလေဆိပ်များတွင် လေယာဉ်ဆီဖြည့်တင်းမှု ၀န်ဆောင်မှု ပေးလျက်ရှိသည့် National Energy Puma Aviation Services (NEPAS) သည် ကျောက်ဖြူလေဆိပ်တွင် လေယာဉ်များ ဆီဖြည့်တင်းနိုင်ရေးအတွက် လေယာဉ်ဆီ သိုလှောင်စခန်း အသစ်တစ်ခုကို ပြီးခဲ့သည့် စက်တင်ဘာ ၁ ရက်က စတင်ဖွင့်လှစ်ခဲ့ကြောင်း သိရသည်။

ယင်းသို့ဖွင့်လှစ်ခဲ့ပြီး ပြည်တွင်းလေကြောင်းလိုင်းမှ လေယာဉ်များ၏ လေယာဉ်ဆီဖြည့်တင်းမှုကို စက်တင်ဘာ ၁၂ ရက်မှစတင်ကာ လက်ခံဆောင်ရွက် ပေးခဲ့ကြောင်း သိရသည်။

“ကျောက်ဖြူလေဆိပ်မှာ လေယာဉ်ဆီ ဖြည့်တင်းနိုင်ဖို့အတွက် လေယာဉ်ဆီ သိုလှောင်စခန်းသစ်ကို စက်တင်ဘာ ၁ ရက်မှာ ဖွင့်လှစ်နိုင်ခဲ့ပါတယ်။ လေယာဉ်ဆီ ဖြည့်တင်းမှုတွေကိုတော့ စက်တင်ဘာ ၁၂  မှာ စတင်လက်ခံ ဆောင်ရွက်ပေးခဲ့ပါတယ်။ ပထမဆုံး လေယာဉ်ဆီဖြည့်တဲ့ ၀န်ဆောင်မှုပေးခဲ့တဲ့ လေယာဉ်က  မြန်မာအမျိုးသား လေကြောင်းလိုင်းက အေတီအာရ် လေယာဉ်ပဲ ဖြစ်ပါတယ်” ဟု လေကြောင်းပို့ဆောင်ရေး ညွှန်ကြားမှုဦးစီးဌာနမှ တာဝန်ရှိသူတစ်ဦးက ပြောကြား သည်။

သီလ၀ါဆိပ်ကမ်းရှိ Puma Energy Asia Sun Company က တည်ဆောက်ထားသည့် ကတ္တရာနှင့် ရေနံဆက်စပ်ပစ္စည်းတင်ချ ဆိပ်ခံတံတားကို ၂၀၁၆ ခုနှစ်တွင် စတင်ဖွင့်လှစ် ခဲ့ခြင်းဖြစ်သည်။

သီလ၀ါဆိပ်ကမ်းဒေသရှိ မြေ ၃၇ ဧကတွင် ကတ္တရာနှင့် ရေနံဆက်စပ်ပစ္စည်းများ တင်ချဆိပ်ခံတံတားနှင့် အထောက်အကူပြု အဆောက်အအုံများကို Puma Energy Asia Sun Company မှ BOT စနစ်ဖြင့် တည်ဆောက်ထားခြင်း ဖြစ်ကြောင်း သိရသည်။

သီလ၀ါဆိပ်ကမ်းဒေသရှိ မြေကွက် အမှတ် ၃ ရှိ ဧရိယာ ၃၇ ဒသမ ၀၆ ဧကပေါ်တွင် စုစုပေါင်း ရင်းနှီးမြှုပ်နှံမှုပမာဏ အမေရိကန်ဒေါ်လာ ၈၆ ဒသမ ၄ သန်း အကုန်ကျခံကာ ကတ္တရာနှင့် ရေနံဆက်စပ်ပစ္စည်းများ တင်ချဆိပ်ခံတံတားနှင့် အထောက်အကူပြု အဆောက်အအုံများ တည်ဆောက်မည်ဖြစ်သည်။

Puma Energy Asia Sun Company အနေဖြင့် သီလ၀ါဆိပ်ကမ်း ဒေသရှိ မြေကွက်အမှတ် ၃ အား ငှားရမ်းခြင်း အတွက် မြေအသုံးချမှု ပရီမီယံကြေးအဖြစ် မြေတစ်စတုရန်း မီတာလျှင် အမေရိကန် ဒေါ်လာ  ၆ ဒသမ ၆၆၇ နှုန်း၊ နှစ်စဉ်မြေငှားရမ်းခ တစ်နှစ်လျှင် အမေရိကန်ဒေါ်လာ ၃၆၀၀၀၀၀၀ (မြေတစ်စတုရန်း မီတာလျှင် အမေရိကန်ဒေါ်လာ ၀ ဒသမ ၁၆၇ နှုန်း) ဖြင့်  မြန်မာ့ဆိပ်ကမ်း အာဏာပိုင်ထံ ပေးသွင်းရမည်ဖြစ်သည်။

Puma Energy Asia Sun Company အား လုပ်ငန်းလုပ်ကိုင်ခွင့်ပြုခြင်းနှင့် စပ်လျဉ်း၍ မြန်မာနိုင်ငံသားများ ရင်းနှီးမြှုပ်နှံမှု ဥပဒေနှင့်အညီ လုပ်ငန်းလုပ်ကိုင်ခွင့်ကာလ၊ မြေငှားကာလကို ကနဦး နှစ် ၅၀ နှင့် နောက်ထပ် သက်တမ်း တစ်ကြိမ်လျှင် ၁၀ နှစ်နှင့် သက်တမ်း နှစ်ကြိမ် တိုးမြှင့်သည့် စနစ်ဖြင့် စုစုပေါင်း နှစ် ၇၀ လုပ်ငန်း ဆောင်ရွက်ခွင့် ပြုမည်ဟု သိရသည်။

ကျောက်ဖြူမြို့တား တာပေါင်ကျိုးပေါက်မှု ဖြစ်ပွားရာ အရေးပေါ် ပြန်လည်ဆည်ဖို့ခဲ့ရပြီး ဒီရေ၀င်ရောက်သည့် အတွက် စပါးစိုက်ဧက ရာနှင့်ချီ ပျက်စီး

ကျောက်ဖြူမြို့တား တာပေါင်ကျိုးပေါက်မှု ဖြစ်ပွားခဲ့သည်ကို တွေ့ရစဉ်

ရခိုင်ပြည်နယ် ကျောက်ဖြူမြို့တွင် မြို့ကိုကာရံထားသော တာပေါင်ကျိုးပေါက်မှု ဖြစ်ပွားခဲ့သည့်အတွက် အရေးပေါ် ပြန်လည်ဆည်ဖို့မှုများ ပြုလုပ်ခဲ့ရပြီး ယင်းသို့ ကျိုးပေါက်ခဲ့သည့်အတွက် မြစ်မှဒီရေများ ၀င်ရောက်ခဲ့ရာ စပါးစိုက်ဧက ရာချီပျက်စီးခဲ့ကြောင်း သိရသည်။

“မနက်ပိုင်းက ပေါက်သွားတာပေါ့။ ဒီတာပေါင်က မြို့ကိုတားထားတဲ့ တာပေါင်ဖြစ်တယ်။ ဒီရေမ၀င်နိုင်အောင် တားထားတာပေါ့။ အရင်တစ်ခေါက် ပေါက်တာက အခုပေါက်တာလောက် အန္တရာယ်မများခဲ့ဘူး။ အခုပေါက်တာက စပါးစိုက်ခင်းတွေ ပျက်စီးမှုရှိတယ်။ လယ်ဧကရာချီ ရှိမယ်လို့ ခန့်မှန်းတယ်။ အခုက ရေထရက်လည်း ဖြစ်နေတော့ မြေရေ၀င်သွားတဲ့အတွက် စပါးခင်းတွေ ပျက်စီးသွားတာ ဖြစ်ပါတယ်။ အရေးပေါ် ပြန်လည်ဆည်ဖို့မှုတွေ လုပ်ဆောင်လိုက်တယ်လို့ သိရတယ်” ဟု ကျောက်ဖြူဒေသခံ ဦးထွန်းကျော်က ပြောသည်။

ငလပွေ့ချောင်းညာဘက်ခြမ်း၊ ကျောက်ပြင်ရပ်ကွက် အောက်ဘက်၊ စိုင်ခြုံကူးတို့ဆိပ်မှ ကျောက်ဖြူမြို့ထိန်း တာပေါင် ဖြစ်ကြောင်းလည်း သိရပြီး တာပေါင်ကျိုးပေါက် ခဲ့သည့်အတွက် မြစ်မှဒီရေများ ၀င်ရောက်လာရာ စပါးခင်းများ ပျက်စီးခဲ့ခြင်းဖြစ်ကြောင်း၊ အခြားပျက်စီးမှု မရှိသလောက် ဖြစ်ကြောင်းလည်း သိရသည်။

 

ငါးဖမ်းလုပ်သား ၂၀ ပါဝင်သည့် ငါးဖမ်းစက်လှေ နစ်မြုပ်ရာတွင် ပါသွားသည့် ပျောက်ဆုံးနေသူ အချို့အား ရှာဖွေမတွေ့သေး

ရခိုင်ပြည်နယ် ကျောက်ဖြူမြို့မှ သြဂုတ် ၁၇ ရက် ငါးဖမ်းရန် ပင်လယ်ပြင်သို့ ထွက်ခွာလာသောလှေ နစ်မြုပ်မှု ဖြစ်ပွားခဲ့ပြီးနောက် သုံးဦး၏ ရုပ်အလောင်းအား ရှာမတွေ့သေးကြောင်း သိရသည်။

ဖြစ်စဉ်မှာ စိုးပိုင်အောင် အမည်ရှိ ငါးဖမ်းစက်လှေမှာ သြဂုတ် ၁၇ ရက်က ပင်လယ်ပြင်သို့ ထွက်ခွာခဲ့ပြီးနောက် ၂၀ ရက်တွင် ဆိုးရွားသော ရာသီဥတုဒဏ်ကြောင့် စက်လှေနစ်မြုပ်ခဲ့ပြီးနောက် အလောင်းသုံးလောင်းကို ပေါက်တောမြ်ို့နယ် သဲခုံကျေးရွာအနီးတွင် တွေ့ရှိခဲ့ရပြီး ကျန်လှေသမားများမှ ပျောက်ဆုံးနေခြင်းဖြစ်ကာ အလောင်းကို ရှာမတွေ့သေးခြင်း ဖြစ်ကြောင်းလည်း သိရသည်။

ယင်းနှင့်ပတ်သက်ပြီး ကျောက်ဖြူငါးလုပ်ငန်း ဦးစီးဌာနမှ အရာရှိ တစ်ဦးဖြစ်သူ ဦးသိန်းထွန်းက “ကျွန်တော်တို့ သတင်းရတာက သဲခုံဘက်မှ အလောင်းသုံးလောင်း တွေ့တယ်လို့ ပြောတယ်။ ကျန်တဲ့အလောင်းတွေတော့ မတွေ့သေးဘူး။ အဲဒီငါးဖမ်းလှေသမား တွေကလည်း ကျောက်ဖြူဒေသခံတွေ မဟုတ်ဘဲ တနင်္သာရီတိုင်း ဘက်က ငါးဖမ်းသမားတွေ ဖြစ်တယ်လို့ သိရတယ်” ဟု ပြောကြားသည်။

တွေ့ရှိသော အလောင်းများကို သဲခုံကျေးရွာတွင် သင်္ဂြိုဟ်ခဲ့ပြီး ကျန်ပျောက်ဆုံးနေသူများကို ရှာဖွေလျက်ရှိကြောင်း သိရသည်။

ကျောက်ဖြူမြို့နယ်ရှိ သံဇစ်မြစ်ရေတွင် ခဲဓာတ်ပါဝင်မှု ၁၀ ဆအထိရှိနေပြီး ရေထုညစ်ညမ်းမှု အလွန်မြင့်မား နေခြင်းကြောင့် လူနှင့်တိရစ္ဆာန်များ အတွက် အန္တရာယ်ရှိနိုင်ဟု သိရ

ခဲဓာတ်ပါဝင်မှု ၁၀ ဆအထိ ရှိနေသည်ဆိုသော သံဇစ်မြစ် အစိတ်အပိုင်း တစ်နေရာကို တွေ့ရစဉ် (ပုံကြီး)၊ အနည်ကျနေသော ရေနမူနာကို တွေ့ရစဉ် (ပုံသေး)

ရခိုင်ပြည်နယ် ကျောက်ဖြူမြို့နယ်ရှိ သံဇစ်မြစ်ရေတွင် ခဲဓာတ်ပါဝင်မှု ၁၀ ဆ အထိရှိနေပြီး ရေထုညစ်ညမ်းမှု အလွန်မြင့် မားနေခြင်းကြောင့် လူနှင့် တိရစ္ဆာန်များအ တွက် အန္တရာယ်ရှိနိုင်ကြောင်း စိမ်းလန်းအမိ မြေအသင်း၏ သဘာဝပတ်ဝန်းကျင်ဓာတ်ခွဲ ခန်း၏ ထုတ်ပြန်ချက်အရ သိရသည်။

သြဂုတ်လအတွင်းက မဒေးကျွန်း ရေနံတင်ဆိပ်ကမ်းအရှေ့ဘက် အဆိုပါသံဇစ်မြစ်အတွင်း သုံးမိုင်ခန့်တွင် သဘာဝ အနေအထားနှင့် မတူဘဲ ညစ်ညမ်းနေသော အရည်များ ပါဝင်နေသည်ကို ဒေသခံများ သတိထားမိကြပြီးနောက် ယင်းရေများကို စမ်းသပ်မှုများပြုလုပ်ရန် ဆောင်ရွက်ခဲ့ကြသည်။

သို့သော်လည်း ဒေသခံများ ကျေနပ်လောက်သော အဖြေကို မရရှိခဲ့သည့်အတွက် ယင်းရေတွင် ပါဝင်နေသော အရာများနှင့် ပတ်သက်ပြီး စိမ်းလန်းအမိမြေအသင်း၏ သဘာဝပတ်ဝန်းကျင် ဓာတ်ခွဲခန်းသို့ သွားရောက်ပြီး စစ်ဆေးခဲ့ခြင်း ဖြစ်ကြောင်း သိရသည်။

ယင်းနှင့်ပတ်သက်ပြီး ဒေသခံတစ်ဦးဖြစ်သူ ဦးထွန်းနိုင်က “ရေတွေ နောက်နေတာဟာ သဘာဝအတိုင်း မဟုတ်ဘူး။ အဆီအချွဲတွေ ပါဝင်နေတယ်။ ဒါကြောင့် တစ်ခုခုနဲ့ ပတ်သက်ရမယ်လို့သာ ကျွန်တော်တို့က ပြောနိုင်တယ်။ ဘာကြောင့်ဆိုတာကို ကျွန်တော်တို့ မပြောနိုင်ပေမယ့် ကျွန်တော်တို့ သွားရောက် လေ့လာချက်အရ ငါးဖမ်းပိုက်တွေမှာ ဆီတွေ ချွဲနေတဲ့အတွက် ရက်တော်တော်ကြာ ဆေးကြောရတယ်လို့ ရေလုပ်သားတွေက ပြောတယ်။ ဂုံးသွားရှာတဲ့လူတွေရဲ့ ကိုယ်တွေမှာလည်း ဆီတွေချွဲလာတယ်လို့ ပြောတယ်။  ဒါဟာ ဆီလိုအရာမျိုး တစ်ခုခုပါဝင်နေတယ် ဆိုတာကို ငြင်းလို့မရပါဘူး။ ကျွန်တော်တို့က ရေနမူနာ ငါးနေရာလောက်ကို ယူထားတော့ အဲဒီရေတွေမှာ အနည်တွေကျတယ်။အနည် တွေဟာ ဆီလိုပျစ်ချွဲနေတာကို တွေ့ရတယ်။ ဒါကြောင့် အစိုးရအနေနဲ့ ဒီကိစ္စကို သေချာ ဖြေရှင်းပေးဖို့လိုတယ်။ တာဝန်ယူ ဖြေရှင်း ပေးဖို့လိုပါတယ်” ဟု ပြောကြားသည်။

စိမ်းလန်းအမိမြေ အသင်း၏ သဘာဝပတ်ဝန်းကျင် ဓာတ်ခွဲခန်းမှ ထုတ်ပြန်ချက်များအရ သံဇစ်မြစ်ရေ ညစ်ညမ်းမှု အလွန်မြင့်မားနေပြီး လူနှင့် ရေသတ္တ၀ါများ အန္တရာယ်ရှိနိုင်သော စံနှုန်းသတ်မှတ်ချက်ထက် ကျော်နေ သည်ကို တွေ့ရှိရကြောင်း၊ ပေးပို့လာသော နမူနာ၏ ရူပ-ဓာတု ဂုဏ်သတ္တိ ၁၆ မျိုးကို စမ်းသပ်စစ်ဆေးခဲ့ရာ သတ်မှတ်စံနှုန်းထက် ခဲဓာတ်မှာ ၁၀ ဆပါဝင်နေပြီး ဖီနောဓာတ်မှာ ၂၆ ဆ များနေသည်ကို တွေ့ရှိရကြောင်း ဖော်ပြထားသည်။

လက်ရှိအနေအထားတွင် အဆိုပါ နောက်ကျိနေသော ရေများသည် ကျောက်ဖြူမြို့နယ်မှတစ်ဆင့် မြေပုံမြို့နယ်နှင့် အမ်းမြို့နယ်များ အတွင်းရှိ မြစ်ချောင်းများသို့လည်း ပျံ့နှံ့နေသည်ကို တွေ့ရှိရကြောင်း သိရပြီး ယင်းရေ ပျံ့နှံ့ရောက်ရှိသော နေရာများတွင် ငါး၊ ပုစွန်များ ဖမ်းဆီး၍ မရနိုင်ကြောင်းလည်း ကွင်းဆင်း လေ့လာသူများက ဆိုသည်။

“အဲဒီရေရှိတဲ့နေရာမှာ ငါးပုစွန် ဖမ်းဆီးလို့ မရနိုင်ဘူး ဆိုပြီးတော့ ပြောကြတယ်။ တံငါသည်တွေရဲ့ ပြောစကားသာဖြစ်တယ်။ ဒါပေမဲ့ အဲဒီနောက်ကျိနေတဲ့ ရေတွေမရောက်တဲ့ နေရာတွေမှာတော့ ပုံမှန်ငါးဖမ်းဆီး ရရှိနိုင်တာမျိုးကို တွေ့ရတယ်။ ဒါကြောင့် အစိုးရအနေနဲ့ အကောင်းဆုံး ဖြေရှင်းချက်ပေးဖို့ လိုပါတယ်။ အခုက ဓာတ်ခွဲခန်းက ထွက်လာတဲ့ အဖြေကလည်း ရထားပြီဆိုတော့ ဒေသခံတွေအတွက် ထိခိုက်ပါတယ်” ဟု ဦးထွန်းနိုင်က ပြောကြားသည်။

 

ကျောက်ဖြူမြို့တွင် ဒီရေတိုက်စားမှုကြောင့် တာပေါင်ကျိုးပေါက်မှု ဖြစ်ပွားပြီး ဒေသခံများအား ဘေးလွတ်ရာသို့ ပြောင်းရွှေခဲ့ရ

ကျောက်ဖြူမြို့တွင် ဒီရေတိုက်စားမှုကြောင့် တာပေါင်ကျိုးပေါက်မှု ဖြစ်ပွားပြီး ဒေသခံများ ဘေးလွတ်ရာသို့ ပြောင်းရွှေ့နေစဉ်

ကျောက်ဖြူတွင် ဒီရေတိုက်စားမှုကြောင့် သြဂုတ် ၁၃ ရက် နေ့လယ်ပိုင်းက တာပေါင်ကျိုးပေါက်မှု ဖြစ်ပွားခဲ့ပြီး ဒေသခံများကို ဘေးလွတ်ရာသို့ ပြောင်းရွှေ့ပေးခဲ့ရကြောင်း သိရသည်။

ကျိုးပေါက်သွားသည့် တာပေါင်မှာ ကျောက်ဖြူမြို့ တောင်ရင်းအုပ်စု ကုဘာတောင်ကျေးရွာ၌ ဆည်မြောင်း ဦးစီးဌာနမှ ထိန်းသိမ်းသည့် ငလပွေ့တာတမံဖြစ်ပြီး မိုင်တိုင်အမှတ် (၂၄/၂၅) ကြား တာပေါင် ပေ ၄၀ ကျော် ကျိုးပေါက်မှု ဖြစ်ပွားခဲ့ခြင်းဖြစ်ကြောင်း သိရသည်။

တာပေါင်ကျိုးပေါက်မှုကြောင့် လူနေအိမ် ၇၀ ခန့် ရေ၀င်နစ်မြုပ်ခဲ့သဖြင့် ဒေသခံများကို ကုဘာတောင်ကျေးရွာရှိ သိမ်တောင် ဘုန်းတော်ကြီးကျောင်းသို့ ယာယီပြောင်းရွှေ့ နေရာချထား ပေးခဲ့ရကြောင်း သိရသည်။

“တာပေါင်က ကျောက်ဖြူ ငလပွေ့တံတားအနားတောင်နားမှာ စံပြရပ်ကွက်ဆိုတာ ရှိပါတယ်။ တာပေါင်က ဒီရေတက်တဲ့ အချိန်မှာပဲ ပေ ၂၀ လောက်ကျိုးတယ်။ တဖြည်းဖြည်းချင်း ပေ ၃၀ လောက် ကျိုးသွားတာ ဖြစ်ပါတယ်။ အဲဒီဘက်မှာ ငါးကန်ထဲမှာ နေတဲ့အိမ်တွေ၊ အိမ်အောက်ထပ်တွေ မြုပ်ကုန်တယ်။ အဲဒီမှာနေတဲ့ လူ ၈၀ လောက်ကိုတော့ ဘုန်းကြီးကျောင်းကို အရေးပေါ် ပြောင်းရွှေ့လိုက်ရတယ်။ နေ့လယ် ၂ နာရီလောက်မှာ ရေပြန်ကျသွားတော့ လူတွေတော့ ကိုယ့်နေအိမ်တွေကို ပြန်ရောက်လာကြပါပြီ။ ညဘက်ကျရင် ဒီရေက ပိုကြီးလာမှာ ဖြစ်တဲ့အတွက် ကျိုးသွားတဲ့ အဲဒီတောင်ပေါင်ကို ပြန်ဆည်လိုက်ပါတယ်။ ဌာနဆိုင်ရာတွေ၊ ရဲတွေ၊ စစ်တပ်တွေ၊ ရွာကလူတွေနဲ့ပေါင်းပြီး ၀ါးတွေနဲ့ ပြန်ဆည်လိုက်ပါတယ်။ အခုရက်ပိုင်းက ဒီရေအများကြီးတက်တဲ့ အနေအထား ဖြစ်တဲ့အတွက် တာပေါင်ကို အရေးပေါ် အမြန်ဆုံး ပြန်ဆည်လိုက်ပါတယ်။ အခုပေါက်တဲ့ တာပေါင်က အရင်က ငါးမွေးကန်ဟောင်းပါ။ အခုမလုပ်တာ ကြာပြီဆိုတော့ တာပေါင်က မခံနိုင်လို့ ပေါက်တာပါ” ဟု ကျောက်ဖြူမြို့ခံ ကိုထွန်းထွန်းနိုင်က ပြောကြားသည်။

အဆိုပါ ကျိုးပေါက်သွားသော တာတမံအား ဆည်မြောင်းဦးစီးဌာနမှ စက်ယန္တရား (ဘက်ဟိုး) နှစ်စီး၊ မြေသယ်ယာဉ်ငါးစီး၊ တပ်ရင်းတပ်ဖွဲ့များမှ တပ်ဖွဲ့ဝင်များ၊ နယ်မြေခံတပ်ရင်းမှ တပ်ဖွဲ့ဝင်များ၊ မီးသတ်တပ်ဖွဲ့ဝင်များနှင့် ဒေသခံပြည်သူများ ပြန်လည်ဆည်ဖို့ ခဲ့ရကြောင်းလည်း သိရသည်။

တာပေါင်ကျိုးမှု ဖြစ်ပွားခဲ့ခြင်းနှင့် ပတ်သက်၍ ပြည်နယ်လွှတ်တော်ကိုယ်စားလှယ် ဦးဖိုးစံက “ငါးမွေးကန်ဟောင်းပေါ့။ ငါးမမွေးတာကတော့ န၀တအစိုးရခေတ် တစ်ခုလုံးပါ။ လေကြောင်း ပို့ဆောင်ရေး ဦးစီးဌာနကို လွှဲပေးထားတယ်လို့ သိရတယ်။ ဒါပေမဲ့ သူတို့ကလည်း ပြုပြင်ဆောင်ရွက်မှု မရှိတဲ့အတွက် ကြံ့ခိုင်မှု အားနည်းလာတယ်။ ကျိုးသွားတဲ့တာပေါင်ရဲ့ ဟိုဘက်ခြမ်းမှာ အိမ်ခြေ ၇၀ ကျော် နစ်မြုပ်သွားတယ်။ အိမ်အောက်ခြေအထိ နစ်တာပေါ့။ မိသားစု ၇၀ ကျော်ကို ရွှေ့ပြောင်းလိုက်ရတယ်။ ပြောချင်တာကတော့ ပြည်သူတွေ သတင်းပေးတဲ့ အချိန်ကတည်းက ပြုပြင်ထိန်းသိမ်း ခဲ့မယ်ဆိုရင် အခုလိုအဆင့်ထိ ဖြစ်လာခဲ့မှာ မဟုတ်ဘူး။ မဆိုင်ဆိုပြီး လျစ်လျူရှုခဲ့လို့ အခုလို ဖြစ်လာတာလို့ ပြောချင်ပါတယ်” ဟု ဆိုသည်။

 

ကျောက်ဖြူရေနက်ဆိပ်ကမ်းစီမံကိန်း ကုန်ကျစရိတ်လျှော့ချပြီး မူရင်းကုန်ကျစရိတ် ဒေါ်လာ ၇ ဒသမ ၃ ဘီလျံကို အဆင့်လေးဆင့်ခွဲ၍ ပထမအဆင့်တွင် ဒေါ်လာ ၁ ဒသမ ၃ ဘီလျံဖြင့် စတင်မည်

ကျောက်ဖြူရေနက်ဆိပ်ကမ်းစီမံကိန်းလုပ်ငန်းခွင်တစ်နေရာကို ၂၀၁၈ ခုနှစ် ဇွန်လအတွင်းက တွေ့ရစဉ် (ဓာတ်ပုံ-အောင်ရမ္မာ)

တရုတ်အစိုးရ ရင်းနှီးမြှုပ်နှံထားသည့် ကျောက်ဖြူရေနက်ဆိပ်ကမ်း ဆောက်လုပ်ရေး ကုန်ကျစရိတ်အား လျှော့ချမည်ဟု စီမံကိန်း နှင့် ဘဏ္ဍာရေးဝန်ကြီးဌာန ဒုတိယ၀န်ကြီး ဦးဆက်အောင်က ပြောကြားခဲ့သည်ဟု Reuter သတင်းဌာနတွင် ဖော်ပြခဲ့သည်။

ထိုသို့ လျှော့ချရာတွင် မူရင်းကုန်ကျစရိတ် အမေရိကန်ဒေါ်လာ ၇ ဒသမ ၃ ဘီလျံမှ အမေရိကန်ဒေါ်လာ ၁ ဒသမ ၃ ဘီလျံနီးပါးအထိ လျှော့ချသွားမည်ဟုသိရပြီး ဤသို့လျှော့ချခြင်းမှာ မြန်မာအစိုးရအနေဖြင့် လွန်မင်းစွာ အကြွေးနွံနစ်သွားမည်ကို စိုးရိမ်သောကြောင့် ဖြစ်သည်။

ကျောက်ဖြူရေနက်ဆိပ်ကမ်းစီမံကိန်း အရွယ်အစားအား ကြီးမားစွာလျှော့ချမည်ဟု ဦးဆက်အောင်က ပြောကြားခဲ့သလို နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ စီးပွားရေးအကြံပေးဖြစ်သော Sean Turnell ကလည်း အမေရိကန်ဒေါ်လာ ၇ ဒသမ ၃ ဘီလျံမှ အမေရိကန်ဒေါ်လာ ၁ ဒသမ ၃ ဘီလျံအထိလျှော့ချမှသာ မြန်မာနိုင်ငံအတွက် လက်တွေ့ကျပြီး ယုတ္တိရှိသောစီမံကိန်း တစ်ခုဖြစ်လာမည်ဟု Reuter သတင်းဌာနသို့ ပြောကြားသည်။

ကျောက်ဖြူရေနက်ဆိပ်ကမ်း စီမံကိန်းတွင် တရုတ်နိုင်ငံအစိုးရဘက်မှ အဓိကလုပ်ဆောင်မည်ဖြစ်သည့် CITIC အဖွဲ့အစည်းက အဆိုပါအမေရိကန်ဒေါ်လာ ၁ ဒသမ ၃ ဘီလျံ ကုန်ကျစရိတ်အား စီမံကိန်း၏ အဆင့်လေးဆင့်၌ ပထမအဆင့်အတွက်သာ အသုံးချမည်ဖြစ်ပြီး နှစ်နိုင်ငံညှိနှိုင်းမှုများ ဆက်လက်လုပ် ဆောင်မည်ဟု ပြောကြားခဲ့သော်လည်း စီမံကိန်း၏ကျန်သည့်အဆင့်များအတွက် အသေးစိတ်ရှင်းလင်းပြောကြားမှု မရှိချေ။

တရုတ်နိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ Geng Shaung က ဘေဂျင်းမြို့တွင် လုပ်ဆောင်ခဲ့သည့် သတင်းစာရှင်းလင်းပွဲ၌ ကျောက်ဖြူရေနက်ဆိပ်ကမ်းစီမံကိန်းတွင် အကောင်အထည်ဖော်မည့် မြန်မာနှင့် တရုတ်ကုမ္ပဏီများအကြား စီးပွားရေးနှင့်ပတ်သက်သော ညှိနှိုင်းမှုများရှိနေဆဲဖြစ်ပြီး တိုးတက်သည့်အခြေအနေရှိကြောင်း ပြောကြားသည်။

ကျောက်ဖြူရေနက်ဆိပ်ကမ်းသည် မူရင်းအစီအစဉ်များအရ ၂၅ မီတာအနက်ရှိပြီး သင်္ဘော ၁၀ စင်း ဆိုက်ကပ်နိုင်ရန်ဖြစ်သော်လည်း ကုန်ကျစရိတ်လျှော့ချပြီးနောက်ပိုင်းတွင် သင်္ဘောနှစ်စင်း ဆိုက်ကပ်နိုင်မည့်နေရာကိုသာ တည်ဆောက်သွားမည်ဖြစ်ကြောင်း အင်တာဗျူးတစ်ခုတွင်  ဦးဆက်အောင်က ပြောကြားခဲ့သည်ဟု သိရသည်။

ကျောက်ဖြူရေနက်ဆိပ်ကမ်းသည် တရုတ်နိုင်ငံ၏ မဟာဗျုဟာစီမံကိန်း One Belt One Road ၏ အဓိကကျသော အစိတ်အပိုင်းတစ်ခုဖြစ်ပြီး အဆိုပါစီမံကိန်းတွင် ပါဝင်ပတ်သက်သည့်နိုင်ငံများသည် အကျိုးအမြတ်များစွာ ခံစားရမည်ဖြစ်သည်ဟု တရုတ်က ကြွေးကြော်ခဲ့သည်။ ထိုသို့ ကြွေးကြော်သော် လည်း တရုတ်နိုင်ငံ၏ စီမံကိန်းကြီးအား ဖော်ဆောင်နိုင်ရန် စီမံကိန်းတွင် ပါဝင်သော နိုင်ငံများက တရုတ်နိုင်ငံမှ ကြွေးမြီများစွာ ချေးယူရမည့်အပေါ်  စီးပွားရေးပညာရှင်များနှင့် ကျွမ်းကျင်သူများက မေးခွန်းများထုတ်ခဲ့ကြသည်။

မြန်မာနိုင်ငံသည် ရခိုင်ပြည်နယ်ပဋိပက္ခ၊ တိုင်းရင်းသား လက်နက်ကိုင်အဖွဲ့အစည်းများနှင့် ငြိမ်းချမ်းရေး ရယူရေးအပါအ၀င် အခြားကိစ္စများအတွက် အနောက်တိုင်းနိုင်ငံများနှင့် နိုင်ငံတကာအသိုင်းအ၀ိုင်းထံမှ ဖိအားပေးမှုများကြောင့် တရုတ်နိုင်ငံ၏ စီးပွားရေးနှင့် သံတမန်ရေးရာအကူအညီများအပေါ် အားကိုးခြင်းများ တိုးမြင့်လာသည့်အတွက် မြန်မာအစိုးရအနေဖြင့် မြန်မာ-တရုတ် နှစ်နိုင်ငံအကြား ဆက်ဆံရေးကို နူးညံ့သိမ်မွေ့ပါးနပ်စွာ ကိုင်တွယ်ရမည်ဖြစ်သည်ဟု ကျွမ်းကျင်သူများက ဝေဖန်ထားသည်။

“လက်ရှိအချိန်မှာ တရုတ်နိုင်ငံအပေါ် လွန်မင်းစွာအားကိုးခြင်းအပေါ် စိုးရိမ်ပူပန်မှုတွေကို တွေ့ရတယ်။ အစိုးရထဲမှာလည်း ဒီကိစ္စအတွက် ငြင်းခုံမှုတွေ ရှိနေတယ်” ဟု ကမ္ဘာ့ကုလသမဂ္ဂ၏ သံသမန်ဟောင်းနှင့် ရန်ကုန်အခြေစိုက် နိုင်ငံရေးလေ့လာဆန်းစစ်သူ Richard Horsey က ပြောကြားခဲ့ကြောင်း Reuter သတင်းဌာနက ဖော်ပြထားသည်။

ကျောက်ဖြူဒေသသည် တရုတ်နိုင်ငံ၊ ယူနန်ဒေသသို့ ရေနံနှင့် သဘာဝဓာတ်ငွေ့များ ပို့ဆောင်သည့် မိုင် ၄၈၀ အရှည်ရှိသော ပိုက်လိုင်းစတင်သည့်နေရာဖြစ်ပြီး ကျောက်ဖြူရေနက်စီမံကိန်းအား ဖော်ဆောင်နိုင်ပါက အရှေ့အလယ်ပိုင်းမှ တင်သွင်းသော ရေနံ နှင့် အခြား စွမ်းအင်သွင်းကုန်များအတွက် မလက္ကာ ပင်လယ်ရေလက်ကြား မဟုတ်ဘဲ အခြား ရွေးချယ်စရာရေလမ်းကြောင်းတစ်ခု ပေါ်ပေါက်လာမည်ဖြစ်သည်။

မူရင်းအစီအစဉ်အရ ကျောက်ဖြူရေနက်ဆိပ်ကမ်းသည် ဖိလစ်ပိုင်နိုင်ငံ မနီလာမြို့ဆိပ်ကမ်း၊ စပိန်နိုင်ငံ Valencia မြို့ဆိပ်ကမ်းများအား ပြိုင်ဆိုင်နိုင်သည့် ကွန်တိန်နာသိုလှောင်နိုင်မှုစွမ်းရည်ရှိမည်ဖြစ်ပြီး အမေရိကန်ဒေါ်လာ ၁၀ ဘီလျံ ကုန်ကျမည်ဟု ခန့်မှန်းထားသော ဆိပ်ကမ်းဆောက်လုပ်ရေးနှင့် တွဲဖက်တည်ဆောက်မည့် အထူးစီးပွားရေးဇုန်အား ၂၀၁၈ ခုနှစ်တွင် စတင်ရမည်ဖြစ်သည်။ အဆိုပါစီမံကိန်းများတွင် ဧက ၄၂၀၀  အကျယ် အ၀န်းရှိမည်ဖြစ်သော အထူးစီးပွားရေးဇုန် ဆောက်လုပ်ရေးအတွက် အမေရိကန်ဒေါ်လာ ၂ ဒသမ ၃ ဘီလျံ ကုန်ကျမည်ဖြစ်ပြီး ရေနံသန့် စင်ရေးလုပ်ငန်းများနှင့် အထည်အလိပ် စသည့် စက်မှုလုပ်ငန်းများကို ဆွဲဆောင်နိုင်မည့်နေရာဖြစ်သည်ဟု သိရသည်။

သီရိလင်္ကာနိုင်ငံအနေဖြင့် တရုတ်နိုင်ငံမှ ရယူထားသောအကြွေးများကို မပေးဆပ်နိုင်သဖြင့် ယခုနှစ်အတွင်း အချက်အချာကျသော ဟန်ဘန်တိုတာဆိပ်ကမ်းအား တရုတ်နိုင်ငံသို့ အပ်နှံလိုက်ရခြင်းကို ဥပမာယူပြီး မြန်မာနိုင်ငံသည် တရုတ်၏ အကြွေးထောင်ချောက်များကို သတိထားရမည်ဖြစ်သည်။

“စီမံကိန်းအရွယ်အစားကို ပြန်ပြီး ညှိနှိုင်းမယ်ဆိုရင် ဘဏ္ဍာရေးအန္တရာယ်ကို အများကြီးလျှော့ချနိုင်ပြီး အကြွေးလွန်ကဲစွာ များပြားခြင်းနဲ့ အချုပ်အခြာအာဏာနဲ့ သက်ဆိုင်တဲ့အရာတွေကို ပိုပြီး ထိန်းချုပ်နိုင်လိမ့် မယ်။ ဒီလိုလုပ်နိုင်ခဲ့ရင် တရုတ်နိုင်ငံရဲ့ သြဇာအာဏာကို သိပ်ပြီးမလွန်ဆန်နိုင်တဲ့ နိုင်ငံအသေးလေးတွေ အတုယူနိုင်တဲ့ ပုံစံတစ်ခု ဖြစ်လာလိမ့်မယ်” ဟု Sean Turnell က ပြောကြားသည်။

ထို့အတူ တရုတ်နိုင်ငံဆီမှ ရယူသောအကြွေးများနှင့်ပတ်သက်ပြီး မြန်မာအစိုးရ အနေဖြင့် အချုပ်အခြာအာဏာကို ထိပါးမည့် အာမခံမှုများလုပ်ဆောင်မည်မဟုတ်ဟု ပြောကြားခဲ့ပြီး ကျောက်ဖြူ ရေနက်ဆိပ်ကမ်း စီမံကိန်း ကုန်ကျစရိတ်များ ဆန်းစစ်နိုင်ရန် နိုင်ငံတကာအဆင့်မီ အတိုင်ပင်ခံကုမ္ပဏီတစ်ခု ငှားရမ်းမည်ဖြစ်သောကြောင့် အဆိုပါစီမံကိန်း၏အချိန်ဇယားလည်း ထပ်မံရွှေ့ဆိုင်းသွားမည်ဟု ဦးဆက်အောင်က ပြောကြားသည်။

“စာချုပ်အသစ်ချုပ်ရင် ဒီစီမံကိန်းကို သရုပ်ဖော်နိုင်ဖို့ ယူရတဲ့ချေးငွေတွေက ပုဂ္ဂလိကကဏ္ဍထဲမှာ အကုန်အပြီးသတ်မှာဖြစ်ပြီး မြန်မာအစိုးရကို လာထိခိုက်မှာ မဟုတ်ပါဘူး။ လောလောဆယ်တော့ ကျွန်တော့်အတွက် အရေးကြီးဆုံး ဦးစားပေးလုပ်ဆောင်ရမှာကတော့ မြန်မာအစိုးရအနေနဲ့ အကြွေးဝန်တွေ မပိအောင်ဘဲ ဖြစ်ပါတယ်” ဟု ဦးဆက်အောင်က ပြောကြားသည်။

သို့သော် ကျောက်ဖြူရေနက်စီမံကိန်း ကုန်ကျစရိတ်များ ဆန်းစစ်နိုင်ရန် နိုင်ငံတကာ အဆင့်မီ အတိုင်ပင်ခံကုမ္ပဏီတစ်ခု ငှားရမ်းရေးအတွက် နှစ်ဦးနှစ်ဖက်စလုံးက ဆွေးနွေးခဲ့ခြင်းမရှိကြောင်း စီမံကိန်းအကောင်အထည်ဖော်မည့် CITIC က ပြောကြားသည်။

မြန်မာအစိုးရအနေဖြင့် ကျောက်ဖြူရေနက်စီမံကိန်းနှင့်ပတ်သက်၍ ဆွေးနွေးရာတွင် တရုတ်နိုင်ငံကိုယ်စားလှယ်များက သဘောထားတင်းမာမှုမရှိဘဲ ဆွေးနွေးရန် အဆင်ပြေခဲ့ပြီး စီမံကိန်း၏ကုန်ကျစရိတ်လျှော့ချခြင်း အပါအ၀င် အခြားပြုပြင်ပြောင်းလဲမှုများ ပါဝင်သော စာချုပ်အသစ်ကို တရုတ်ဘက်မှ အကြမ်းဖျင်းသဘောတူညီခဲ့ပြီး ဖြစ်သော်လည်း တရားဝင် သဘောတူမှုမရှိသေးကြောင်း သိရသည်။

စီမံကိန်းနှင့်ပတ်သက်၍ CITIC အဖွဲ့သည် ၂၀၁၅ ခုနှစ် ယခင်အစိုးရလက်ထက်တွင် ကျောက်ဖြူရေနက်ဆိပ်ကမ်းစီမံကိန်း တင်ဒါအောင်မြင်ခဲ့ပြီးနောက်ပိုင်း တင်ဒါစည်းမျဉ်းစည်းကမ်းများနှင့် ပတ်သက်သော အငြင်းပွားမှုများ ပေါ်ပေါက်ခဲ့သည်ဟု ဦးဆက်အောင်က ဆက်လက်ပြောကြားသည်။

“အရင်အစိုးရက စတာနဲ့ အကြီးကြီးလုပ်ချင်ခဲ့ပေမယ့် ကျွန်တော်တို့ကတော့ အသေးလေးကနေစပြီး လိုအပ်သလိုပဲ ချဲ့သွားမှာပါ”  ဟု ဦးဆက်အောင်က ပြောကြားသည်။

ကျောက်ဖြူရေနက်စီမံကိန်းနှင့် တွဲဖက် တည်ဆောက်မည့် အထူးစီးပွားရေးဇုန်အကြောင်း မေးမြန်းရာတွင်  ဦးဆက်အောင်နှင့် Sean Turnell တို့က ဆိပ်ကမ်း၏အောင်မြင်မှု အခြေအနေကို သုံးသပ်ပြီးမှ နောက်တစ်ဆင့် သွားရမည့်အစီအစဉ်များကို သတ်မှတ်မည်ဟု ပြောကြားခဲ့ကြောင်း Reuter သတင်းဌာနက ဖော်ပြခဲ့သည်။

မာန်အောင်လေယာဉ်ကွင်း တိုးချဲ့ရာတွင် နေအိမ်ဖယ်ရှားပေးမှု မရှိသည့်အတွက် ထောင်ဒဏ်ချမှတ် ခံရသည့် တောင်သူနှစ်ဦး၏ အယူခံ ပယ်ချခံရ

ရခိုင်ပြည်နယ် ကျောက်ဖြူခရိုင် မာန်အောင်မြို့ရှိ မာန်အောင်-စမုတဲ လေယာဉ်ကွင်း တိုးချဲ့တည်ဆောက်ရာတွင် နေအိမ်ဖယ်ရှားပေးမှု မရှိသည့်အတွက် ထောင်ဒဏ်ချမှတ် ခံထားရသူ တောင်သူနှစ်ဦး၏ အယူခံလွှာအား ကျောက်ဖြူခရိုင် တရားရုံးမှ ဇွန် ၂၅ ရက်က ပယ်ချလိုက်ကြောင်း သိရသည်။

အဆိုပါ တောင်သူနှစ်ဦးမှာ မာန်အောင်မြို့ မြတ်မချောင်ကျေးရွာမှ တောင်သူဦးသာနီနှင့် ဦးဖြူသီးခိုင်တို့ဖြစ်ပြီး သက်ဆိုင်ရာမှ လျော်ကြေးပေးငွေကို လက်မခံဘဲ နေအိမ်အား ဖယ်ရှားမှုမရှိခြင်းနှင့် ပတ်သက်ပြီး မာန်အောင်မြို့နယ် လယ်ယာမြေစီမံခန့်ခွဲရေး ကော်မတီ အတွင်းရေးမှူးက တရားလိုပြု တိုင်တန်းချက်များအရ ဥပဒေပုဒ်မ (၃၅) ဖြင့် ယခုနှစ် မတ် ၂၁ ရက်က မာန်အောင်မြို့နယ် တရားရုံးမှ ထောင်ဒဏ်ခုနစ်လ ချမှတ်ခံထားရသူများ ဖြစ်ကြောင်း သိရသည်။

“အခု သိမ်းဆည်းခံရတဲ့ လူတွေမှာကတော့ အကုန်လုံး လယ်ယာမြေနဲ့ပဲ ဖြစ်သွားတယ်။ ဥယဉ်ခြံမြေ အိမ်ခြံမြေတွေကို တစ်ဧကကို ကိုးသိန်းလောက်ပေးတယ်။ တကယ့်လယ်လုပ်စားနေတဲ့ လယ်ကျတော့ အဆနဲ့တိုးလိုက်ရင် ၂၈ သိန်းပဲရမယ်။ နစ်နာတာက အိမ်ခြံသမားတွေ နစ်နာပါတယ်။ အိမ်ဆောက်လုပ်ဖို့ ကိစ္စမှာလည်း ဆောက်လုပ်နိုင်တဲ့ အဆင့်ထိကို သူတို့မပေးဘူး။ သင့်တင့်လျောက်ပတ်တဲ့ အနေအထားပေးရင် ကျွန်တော်တို့က ပြောစရာ မလိုပါဘူး။ သူတို့ပေးတာက ပြောင်းရွှေ့ခလောက်တောင် မရှိဘူး” ဟု ထောင်ဒဏ်ချမှတ်ခံရပြီး အယူခံလွှာ ပယ်ချခံခဲ့ရသူ တစ်ဦးဖြစ်သည့် ဦးဖြူသီးခိုင်က ပြောကြားသည်။

လက်ရှိတွင် အဆိုပါ တောင်သူနှစ်ဦးမှာ ကျောက်ဖြူအကျဉ်းထောင်တွင် ကျခံနေရသူများဖြစ်ပြီး တောင်သူနှစ်ဦး၏ အယူခံ လျှောက်လွှာအား ယခုနှစ် ဇွန် ၂၀ ရက်တွင် ကျောက်ဖြူခရိုင်တရားရုံးသို့ တင်သွင်းခဲ့ခြင်းဖြစ်ပြီး တရားရုံးမှ ငါးရက်ကြာ စစ်ဆေးပြီးနောက် အယူခံလွှာအား ပယ်ချလိုက်ခြင်း ဖြစ်ကြောင်း တရားခွင်မှ သိရသည်။

“တောင်သူနှစ်ဦးရဲ့ အယူခံလွှာနဲ့ ပတ်သက်ပြီး စာရွက်စာတမ်းတွေ၊ မိတ္တူတွေကို ယူပြီး စစ်တွေ (ပြည်နယ်) ကို ထပ်အယူခံထပ်တက် ရပါမယ်” ဟု တောင်သူနှစ်ဦး၏ အထက်တန်းရှေ့နေ ကျောက်ဖြူမြို့ခံ ဦးထွန်းရီက ပြောကြားသည်။

မာန်အောင်-စမုတဲ တိုးချဲ့လေယာဉ်ကွင်းအား ၂၀၁၆ ခုနှစ်အတွင်းက တည်ဆောက်ခဲ့ပြီး လေယာဉ်ကွင်း တိုးချဲ့စီမံကိန်းနှင့် ပတ်သက်ပြီး မလွတ်ကင်းသည့် နေအိမ်ခုနစ်အိမ် ရှိခဲ့ပြီး နေအိမ်ငါးအိမ်အား နေအိမ်ခြံဝင်း အကျယ်အ၀န်းအားလိုက်ပြီး တစ်အိမ်ထောင်လျှင် ကျပ်သိန်း ၅၀ ကျော်ပေးပြီး ဖယ်ရှားခဲ့သော်လည်း အဆိုပါ နေအိမ်နှစ်လုံးရှိ တောင်သူဦးစီး နှစ်ဦးတို့မှာ လျော်ကြေးငွေအား နည်းပါးလွန်းသည် ဟုဆိုကာ လက်မခံဘဲ နေအိမ်အား ဖယ်ရှားပေးမှု မရှိခြင်းကြောင့် လေယာဉ်ကွင်းပေါ်တွင် ကျူးကျော်အိမ်ဆောက် နေသည့်အတွက် ပုဒ်မ (၃၅) ဖြင့် ထောင်ဒဏ် ခုနစ်လစီ ချမှတ်ခံနေရခြင်း ဖြစ်ကြောင်း သိရသည်။

 

ကျောက်ဖြူမြို့နယ် ဓာတ်ငွေ့သန့်စင်စက်ရုံအနီးရှိ လျှပ်စစ်မီးဖြန့်ဖြူးရေး စီမံကိန်းတွင် ကျန်နေခဲ့သည့် အိမ်ခြေ ၂၀ ကျော်ရှိကျေးရွာတစ်ရွာ လျှပ်စစ်မီးရရှိရေး ကျပ်သိန်း ၁၇၀ အကုန်အကျခံကာ မီးတိုင်များ ၀ယ်ယူစိုက်ထူ

လျှပ်စစ်မီးတိုင် စိုက်ထူရာတွင် ကျေးရွာသားများ အပါအ၀င် ကုမ္ပဏီမှ ၀န်ထမ်းများနှင့် ပူးပေါင်းကာ မီးတိုင်များကို ထမ်းပိုးရွှေ့ပြောင်းနေစဉ်

ရခိုင်ပြည်နယ် ကျောက်ဖြူမြို့နယ် ဓာတ်ငွေ့သန့်စင်စက်ရုံ အနီးရှိ လျှပ်စစ်မီးဖြန့်ဖြူးရေး ဘက်ဂျက်စီမံကိန်း ရေးဆွဲရာတွင် ကျန်နေခဲ့သည့် အိမ်ခြေ ၂၀ ကျော်ရှိ မ၀ိန်ကျေးရွာတွင် လျှပ်စစ်မီးရရှိရေးအတွက် ကျပ်သိန်း ၁၇၀ အကုန်အကျခံကာ လျှပ်စစ်မီးတိုင်များ ၀ယ်ယူစိုက်ထူနေကြကြောင်း သိရသည်။

ကျောက်ဖြူမြို့နယ် ဓာတ်ငွေ့သန့်စင်စက်ရုံအနီး လိပ်ခမော်ကျေးရွာအုပ်စု မလကျွန်း မ၀ိန်ကျေးရွာတွင် လျှပ်စစ်မီး မရရှိသေးသဖြင့် ၂၀၁၃ ခုနှစ်မှ စတင်ကာ ဖြန့်ဖြူးပေးထားသည့် ပတ်ဝန်းကျင် ကျေးရွာများနည်းတူ လျှပ်စစ်မီး ရရှိရေးအတွက် သက်ဆိုင်ရာ အဖွဲ့အစည်းများနှင့် လွှတ်တော်ကိုယ်စားလှယ်များအား အကြိမ်ကြိမ် တင်ပြခဲ့သော်လည်း ဘတ်ဂျက်စီမံကိန်း အခက်အခဲများကြောင့် ယနေ့အချိန်ထိ လျှပ်စစ်မီးမရရှိဘဲ ဖယောင်းတိုင်မီးနှင့် ဆီမီးခွက်၊ ထင်းမီးတွေကိုသာ သုံးစွဲနေရဆဲဖြစ်သဖြင့် လက်ရှိတွင် နေပြည်တော်အခြေစိုက် ကိုရီးယား-မြန်မာကုမ္ပဏီ တစ်ခုဖြစ်သည့် မြန်မာဆယ်မာအူးလ်အွန် ဒုန်စီမံကိန်း (Saeman Undong Project in Myanmar) မှ ကျေးလက်ဒေသဖွံ့ဖြိုးရေး ခေါင်းစဉ်ဖြင့် ပေးအပ်ထားသည့် အမေရိကန်ဒေါ်လာ ၂၀၀၀ မှ မြန်မာငွေကျပ်သိန်း ၁၇၀ ထုတ်ယူပြီး လျှပ်စစ်မီးတိုင်နှင့် သွယ်တန်းကြိုး၊ လုပ်အားခများ အပါအ၀င် သုံးစွဲလုပ်ဆောင်နေခြင်း ဖြစ်ကြောင်း မ၀ိန်ကျေးရွာ လျှပ်စစ်မီးရရှိရေး ကော်မတီထံမှ သိရသည်။

“အစိုးရ မဟာဓာတ်အားလိုင်း လျှပ်စစ်မီးက ပတ်ဝန်းကျင်ကျေးရွာတွေ အကုန်လုံး ရရှိနေပြီ။ မလကျွန်းကျေးရွာမှာပါတဲ့ ကျွန်တော်တို့ မ၀ိန်ကျေးရွာမှာလည်း လျှပ်စစ်မီးရရှိရေးအတွက် လွှတ်တော်ကိုယ်စားလှယ်ကို အကြိမ်ကြိမ် တင်ပြတယ်။ လျှပ်စစ်ဌာနကိုလည်း ရွာသားတွေ လက်မှတ်ထိုးပြီး တင်တယ်။ စီမံကိန်းက ကျမလာဘူး။ လျှပ်စစ်မီး မရှိတော့ ကျေးရွာက အရင်အတိုင်း ဖယောင်းတိုင်မီး၊ ရေနံဆီ (ဒီဇယ်ဆီ) မီးနဲ့ ထင်းမီးတွေကိုပဲ သုံးစွဲနေရတယ်။ လျှပ်စစ်မီး ရရှိလာရင်တော့ ကလေးတွေ စာဖတ်စာကျက်ဖို့ ကုန်ကျစရိတ်တွေကို လျှော့ချနိုင်မှာ ဖြစ်သလို ကျေးရွာဖွံ့ဖြိုးမှု အပိုင်းမှာလည်း အကျိုးပြုလာမှာပါ” ဟု မ၀ိန်ကျေးရွာမှ ဦးမောင်သုဝဏ်က ပြောကြားသည်။

မ၀ိန်ကျေးရွာ လျှပ်စစ်မီးရရှိရေးအတွက် လက်ရှိတွင် ပတ်ဝန်းကျင် ကျေးရွာများဖြစ်သည့် လိပ်ခမော်၊ မလကျွန်း ကျေးရွာသားများ အပါအ၀င် လျှပ်စစ်မီးတိုင် စိုက်ထူရာတွင် ကုမ္ပဏီမှဝန်ထမ်းများနှင့် ပူးပေါင်းကာ ၀န်ချီကရိန်းစက်များ မပါရှိဘဲ မီးတိုင်များအား ထမ်းပိုးရွှေ့ပြောင်းခြင်း၊ စိုက်ထူခြင်း၊ မီးတိုင်စိုက်ထူရာတွင် ကိုယ်ထူကိုယ်ထ ဆောင်ရွက်လျက်ရှိပြီး မီးတိုင်စိုက်ထူ သွယ်တန်းကြိုးများ တပ်ဆင်ပြီးစီးပါက မလကျွန်းကျေးရွာရှိ မဟာဓာတ်အားလိုင်းမှ ချိတ်ဆက်ကာ လျှပ်စစ်မီး ဖြန့်ဖြူးနိုင်မည်ဖြစ်ကြောင်း သိရသည်။

“မီးတိုင်တွေကို မြို့ပေါ်က လျှပ်စစ်ဓာတ်အားလိုင်း ကျွမ်းကျင်သူတွေနဲ့ မီးတိုင်စိုက်ထူတာတွေ လုပ်နေပြီး တိုင်စိုက်ထူတဲ့ အပိုင်းပြီးရင် သွယ်တန်းကြိုးပါ တစ်ပါတည်း လုပ်ဆောင်သွားမှာပါ။ လုပ်ငန်းတွေ ပြီးစီးရင်တော့ လျှပ်စစ်ဌာနကို တင်ပြပြီးတော့ မီးရရှိရေး အမြန်ဆုံး အကောင်အထည် ဖော်သွားမှာပါ။ မီးတိုင်ကတော့ တစ်တိုင်ကို ကျပ်သုံးသိန်းနဲ့ မီးတိုင် ၂၂ တိုင် အပါအ၀င် 11-kv ဓာတ်အားလိုင်း သွယ်တန်းခနဲ့ဆို အားလုံးပေါင်း ကျပ်သိန်း ၁၇၀ နဲ့ စာချုပ်ချုပ်ဆိုပြီး ၀ယ်ယူကြတာပါ” ဟု မ၀ိန်ကျေးရွာရှိ လျှပ်စစ်မီးရရှိရေး ကော်မတီဝင် ဦးစောလှက ပြောကြားသည်။

ကျောက်ဖြူမြို့ လျှပ်စစ်အင်ဂျင်နီယာ ဦးချမ်းမြေ့အောင်က “ကျွန်တော်သိသလောက်တော့ ဆယ်မာအူးလ်အွန်ဒုန်က သူတို့ကို ထောက်ပံ့ကြေးပေးတယ်နဲ့ တူပါတယ်။ ဒီမီးရဖို့အတွက် တောင်းတာပေါ့ဗျာ။ လမ်းတောင်းတာတော့ရှိတယ်။ မီးတောင်းတာတော့ ရှိတယ်တဲ့ဗျ။ ကုမ္ပဏီတစ်ခုနဲ့ လုပ်ချင်ပါတယ်ပေါ့။ လုပ်ချင်တယ်ဆိုရင် ဟုတ်ပြီ၊ အဲတာဆိုလည်းနေဦး၊ ကျွန်တော်တို့ဌာနရဲ့ လုပ်ထုံးလုပ်နည်းအတိုင်း ဌာနရဲ့ ခွင့်ပြုမိန့်တွေ တောင်းရဦးမယ်ပေါ့။ အဲဒီတိုင်တွေဘာတွေ ကြိုသယ်လိုက်တယ်ပေါ့။ ကျွန်တော် သိရသလောက်တော့။ တိုင်တွေကြိုသယ်လိုက်တယ်။ ကျွန်တော်တို့ ဘက်ကတော့ ဘာမှဌာနရဲ့ ခွင့်ပြုချက်ကတော့ မပေးရသေးဘူး။ အခုမှပဲ ဥက္ကဋ္ဌကို ခေါ်ထားတယ်။ ကုမ္ပဏီနဲ့ ချုပ်ဆိုထားတဲ့ စာချုပ်ကိုပါ ယူလာပေးဖို့ ပြောထားပါတယ်” ဟု မြို့နယ်လျှပ်စစ် အင်ဂျင်နီယာရုံး ကျောက်ဖြူမြို့ လျှပ်စစ်အင်ဂျင်နီယာမှူး ဦးချမ်းမြေ့အောင်က ပြောကြားသည်။

ကျောက်ဖြူမြို့နယ်အတွင်း ၂၀၁၃ ခုနှစ်မှ စတင်ကာ ကျေးရွာပေါင်း ၃၀ ကျော်အား ၂၀၁၈ ခုနှစ် ယခုလအချိန်အထိ ငါးနှစ်ကျော် ကာလအတွင်း မဟာဓာတ်အားလိုင်းမှတစ်ဆင့် လျှပ်စစ်ဓာတ်အား ဖြန့်ဖြူးပေးထားကြောင်း သိရသည်။

ကျောက်ဖြူမြို့နယ် မဒေးကျွန်းဆိပ်ကမ်းတွင် မော်လ်တာနိုင်ငံ အလံတင် ရေနံတင်သင်္ဘောကြီးတစ်စင်း ကမ်းကပ်စဉ် ချဉ်းကပ်ကြိုး ပြတ်ထွက်မှုကြောင့် ဆိပ်ခံတံတား အနည်းငယ် ထိခိုက်မှုရှိသော်လည်း ရေနံယိုဖိတ်မှု ဖြစ်ပွားခဲ့ခြင်းမရှိ

ရခိုင်ပြည်နယ် ကျောက်ဖြူမြို့နယ် မဒေးကျွန်း ရေနံတင်ဆိပ်ကမ်းတွင် ရေနံစိမ်းတင်ပို့သည့် ရေနံတင်သင်္ဘောတစ်စင်း ကမ်းကပ်စဉ် ချဉ်းကပ်ကြိုး ပြတ်ထွက်မှုကြောင့် ကမ်းမကပ်နိုင်ဘဲ ပင်လယ်ပြင်တွင် ကျောက်ချရပ်နား နေရကြောင်းနှင့် ဆိပ်ခံတံတား အနည်းငယ် ထိခိုက်မှုရှိသော်လည်း ရေနံယိုဖိတ်မှု ဖြစ်ပွားခဲ့ခြင်း မရှိကြောင်း ကျောက်ဖြူမြို့ မြန်မာ့ရေကြောင်း ဆိပ်ကမ်းရုံးမှ သိရသည်။

ဇွန် ၁၄ ရက်က မော်လ်တာနိုင်ငံ အလံတင် ရေနံတင်သင်္ဘောကြီး တစ်စင်းသည် မဒေးကျွန်းဆိပ်ကမ်းသို့ ရေနံစိမ်းတင်ပို့လာစဉ် မဒေးကျွန်းဆိပ်ကမ်းတွင် ဆိုက်ကပ်ရာ မိုးသက်လေပြင်း တိုက်ခတ်မှုကြောင့် ကုန်ချိန် (၀ိတ်) ကို မထိန်းနိုင်ဘဲ ချဉ်းကပ်ကြိုးပြတ် ထွက်သွားသဖြင့် ဆိပ်ကမ်းမှ ထွက်ခွာကာ ကျောက်ဖြူမြို့ သံဇစ်မြစ်အ၀အောက်ဘက် ပင်လယ်ပြင်တွင် ကျောက်ချရပ်နားထားကြောင်း ကျောက်ဖြူမြို့ မြန်မာရေကြောင်းဆိပ်ကမ်းရုံးမှ သိရသည်။

“သင်္ဘောက ဆီလှပ်ဖို့လာတာဖြစ်တယ်။ မဒေးကျွန်းဆိပ်ကမ်းမှာ ကမ်းကပ်နေတဲ့အချိန် မိုးသက်လေပြင်း တိုက်နေတာကြောင့် ဆီကလည်း အပြည့်ဆိုတော့ သူရဲ့ ၀ိတ်ကို မထိန်းနိုင်ဘဲ ကမ်းချည်ကြိုး ပြတ်ထွက်သွားတာ ဖြစ်နိုင်တယ်။ ကြိုးတွေ ဆွေးမြေ့နေတာလည်း ဖြစ်နိုင်တာပေါ့။ အဲဒါကြောင့် ဆိပ်ကမ်းမှာ မကပ်ဘဲ ကျောက်ဖြူမြစ်ဝ ပင်လယ်ဘက်ကိုထွက်ပြီး ကျောက်ချရပ်နား ထားတယ်လို့ သိရတယ်။ ရာသီဥတု ကောင်းလာရင်တော့ ပြန်ကပ်မှာပေါ့” ဟု ကျောက်ဖြူမြို့ မြန်မာ့ရေကြောင်း ဆိပ်ကမ်းရုံးမှ ဒုတိယဆိပ်ကမ်းမှူးက ဆိုသည်။

မဒေးကျွန်းဆိပ်ကမ်းတွင် ဆိုက်ကပ်လာသည့် ရေနံတင်သင်္ဘောမှာ စတီးဝိုင်ယာကြိုး ငါးပင်နှင့် ချဉ်းကပ်ထားခြင်းဖြစ်ရာ ကြိုးများမှာ အလျော့အတင်း မညီသဖြင့် မြစ်ရေစီးကြမ်းခြင်း၊ မိုးသက်လေပြင်း တိုက်ခတ်ခြင်းတို့ကြောင့် သင်္ဘောကို မထိန်းနိုင်ဘဲ  ကြိုးတစ်ပင်ပြီးတစ်ပင် ပြတ်တောက်သွားခြင်း ဖြစ်ကြောင်း သိရသည်။

“သင်္ဘောကပ်တဲ့အခါ ကြိုးတွေက အလျော့အတင်း မညီတာရယ်၊ ဒီရေကြီးရက် ဖြစ်တာကြောင့် မြစ်ရေစီး ကြမ်းတာရယ်၊ မိုးသက်လေပြင်း တိုက်ခတ်တဲ့ အရှိန်ကြောင့်ရယ် ချည်ထားတဲ့ စတီးကြိုးတွေက တစ်ပင်ပြီးတစ်ပင် ပြတ်ထွက်သွားတယ်။ ကူတွန်းသင်္ဘောငယ် နှစ်စင်းလည်း တွန်းခံသေးတယ်။ ဘာမှထိရောက်မှု မရှိဘူး။ အဲဒါကြောင့် ပင်လယ်ကို ထွက်ပြီးနေရတာပေါ့။ သင်္ဘောကတော့ ဘာမှတော့ မဖြစ်လောက်ပါဘူး” ဟု ကျောက်ဖြူမြို့ခံ ကိုသန်းမောင်က ပြောကြားသည်။

ကျောက်ဖြူမြို့ မြန်မာ့ရေကြောင်း ဆိပ်ကမ်းမှူး ဦးစိုးလွင်ကလည်း “သင်္ဘောကပ်တော့ ကြိုးပြတ်တယ်လေ။ ကြိုးပြတ်တော့ သင်္ဘောပြန်ခွာတယ်လေ။ ပြန်ခွာပြီးတော့ လုံခြုံတဲ့ ပင်လယ်ဝ ပင်လယ်ထဲကို ပြန်ပို့ရတယ်။ ဘာမှပတ်ဝန်းကျင် ထိခိုက်မှု မရှိပါဘူး။ ကြိုးတွေပြတ်ကုန်တယ်။ နောက်တံတားကတော့ နည်းနည်းထိသွားတာပေါ့။ သင်္ဘောနာမည်ကတော့ AGIOS SOSTIS၊ ရေနံစိမ်း တန်ချိန်ကတော့ ၂၇၀၀၀၀ ပါတယ်။ တံတားကပ်တော့ ၁ နာရီခွဲ၊ ဖြစ်တာက ၂ နာရီခွဲပေါ့။ သင်္ဘောကို ပင်လယ်ထဲပေါ့ နှစ်မိုင်လောက် အကွာမှာ ပြန်ထုတ်ထားတယ်” ဟု ပြောကြားသည်။

AGIOS SOSTIS 1 အမည်ရှိ အဆိုပါ ရေနံတင်သင်္ဘောကြီးသည် မော်လ်တာအလံတင် သင်္ဘောဖြစ်ပြီး အလေးချိန်အသေ ၂၉၉၉၈၃ တန်ရှိကာ အရွယ်အစား ၃၃၀ x ၆၀ မီတာရှိကြောင်း သိရသည်။

ကျောက်ဖြူမြို့နယ် မဒေးကျွန်း ရေနက်ဆိပ်ကမ်းရှိ ရေနံစိမ်းကန်ကြီး ၁၂ ခုနှင့် ၀င်ရောက် သယ်ယူနေသော သင်္ဘောများမှ ရေနံယိုဖိတ်မှုများ ဖြစ်ပေါ်လာပါက ဆောင်ရွက်မည့် အခြေအနေနှင့် ပတ်သက်၍ ဂွမဲဆန္ဒနယ်မှ ဦးကြည်သာက ၂၀၁၄ ခုနှစ် မတ် ၁၂ ရက်က ကျင်းပသော ပြည်သူ့လွှတ်တော် အစည်းအဝေးတွင် မေးမြန်းရာ မြန်မာ့ပင်လယ်ပြင်တွင် ရေနံယိုဖိတ်မှုများကြောင့် ဆုံးရှုံးမှုနှင့် ရေပြင်ညစ်ညမ်းမှုများကို ကာကွယ်သွားနိုင်ရေးအတွက် သက်ဆိုင်ရာ ဆိပ်ကမ်းများအလိုက် ရေနံယိုဖိတ်မှု ကာကွယ်တားဆီးရေးနှင့် တုံ့ပြန်ဆောင်ရွက်မည့် အစီအမံများကို ရေးဆွဲထားပြီဖြစ်ကြောင်း ထိုစဉ်က စွမ်းအင်ဝန်ကြီးဌာန ဒုတိယ၀န်ကြီး ဦးအောင်ထူး ပြန်လည်ဖြေကြား ခဲ့ဖူးသည်။

အမျိုးသားအဆင့် ရေနံယိုဖိတ်မှု တုံ့ပြန်ဆောင်ရွက်ရေး အရေးပေါ် စီမံချက်ကို ပို့ဆောင်ရေး ၀န်ကြီးဌာနနှင့် ဆိပ်ကမ်းအာဏာပိုင် အဖွဲ့အစည်းများမှ မူကြမ်းရေးဆွဲထားပြီး နိုင်ငံတော်က အတည်ပြုပြဋ္ဌာန်းနိုင်ရန် တင်ပြမည်ဖြစ်ကြောင်း ထိုစဉ်က ဒုတိယ၀န်ကြီး ဦးအောင်ထူးက ပြောကြားခဲ့သည်။

ထို့ပြင် အရှေ့တောင်အာရှနှင့် ချုပ်ဆိုထားသော စာချုပ်များအရ နိုင်ငံတကာ ပင်လယ်ပြင် ရေကြောင်းဆိုင်ရာ အာမခံချက် ရရှိပြီးထားသော သင်္ဘောများကိုသာ မြန်မာ့ဆိပ်ကမ်းသို့ ဆိုက်ကပ်ခွင့် ပြုလျက်ရှိကြောင်း၊ ရေနံယိုဖိတ်မှုများ ဖြစ်ပေါ်လာပါက သဘာဝပတ်ဝန်းကျင်နှင့် နစ်နာသည့် လျော်ကြေးငွေ ရရှိရန်နှင့် အာမခံ ကုမ္ပဏီများနှင့် စီစဉ်နေပြီ ဖြစ်ကြောင်းနှင့် မြန်မာ့ဆိပ်ကမ်း နယ်နိမိတ်နှင့် နယ်နိမိတ်အပြင်ဘက် မြန်မာ့ရေပိုင်နက်အတွင်း ရေနံယိုစိမ့်မှု ဖြစ်ပါက ပို့ဆောင်ရေး ၀န်ကြီးဌာန၊ ရေကြောင်း ပို့ဆောင်ရေးညွှန်ကြားမှု ဦးစီးဌာနမှ ရေးဆွဲထားသည့် ဥပဒေများအရ ဆက်လက် ဆောင်ရွက်သွားမည် ဖြစ်ကြောင်း ၎င်းက ရှင်းပြခဲ့ဖူးသည်။