တပ်မတော်နှင့် ကေအိုင်အေတို့ တိုက်ပွဲများကြောင့် အင်ဂျန်းယန်မြို့နယ်ရှိ ကျေးရွာအချို့မှ ဒေသခံများ မြစ်ဆုံ တန်ဖဲကျေးရွာဘက်သို့ ထွက်ပြေးတိမ်းရှောင်

တိုက်ပွဲများကြောင့် အင်ဂျန်းယန်မြို့နယ်ရှိ ကျေးရွာအချို့မှ ဒေသခံများ မြစ်ဆုံ တန်ဖဲကျေးရွာဘက်သို့ ထွက်ပြေးတိမ်းရှောင်လာကြစဉ်

တပ်မတော်နှင့် ကေအိုင်အေတို့အကြား တိုက်ပွဲများ ပြင်းထန်လာခြင်းကြောင့် အင်ဂျန်းယန်မြို့နယ်ရှိ ဇွပ်မိုင်ယန်၊ ပုန်ဆွေယန်၊ ဆွတ်ငိုင်၊ ဘွမ်ဆယ်ဇွပ်ကျေးရွာများမှ ဒေသခံပြည်သူ တစ်ထောင်ကျော်သည် ဧပြီ ၂၅ ရက် ညနေပိုင်းတွင် မြစ်ကြီးနားမြို့ မြစ်ဆုံတန်ဖဲကျေးရွာဘက်သို့ ထွက်ပြေး တိမ်းရှောင်ခဲ့ကြကြောင်း သိရသည်။

ကေအိုင်အေ တပ်ရင်း (၄) နယ်မြေဖြစ်သည့် အင်ဂျန်းယန်မြို့နယ်ဘက်တွင် တပ်မတော်စစ်ကြောင်းများ ၀င်ရောက်လာခြင်းကြောင့် ယင်းနယ်မြေတွင် တိုက်ပွဲများ ပြင်းထန်နိုင်ခြင်းကြောင့် နှစ်ဖက်တပ်မှ တိမ်းရှောင်ပေးရန် ပြောဆိုခဲ့ကြောင်း ထွက်ပြေးတိမ်းရှောင်လာသည့် ဒေသခံများက ပြောကြားသည်။

ပုန်ဆွေယန်ကျေးရွာမှ ထွက်ပြေးတိမ်းရှောင်လာသော ဒေါ်လုနန်က “မနေ့ကတည်းက တိမ်းရှောင်ခဲ့တယ်။ သက်ကြီးရွယ်အိုတွေပါတယ်။ သယ်ပိုးတဲ့သူကသယ်ပိုး။ ပစ္စည်းတွေကလည်း ကိုယ်နိုင်သလောက်ပဲယူခဲ့တယ်။ တစ်ညလုံး လမ်းလျှောက်တယ်။ အိပ်လည်းမအိပ်ရဘူး။ တချို့သက်ကြီးရွယ်အိုတွေဆို သေမလိုဖြစ်တဲ့သူလည်း ပါတယ်။ ဓာတ်မီး ရောထိုးလို့မရဘူး။ အမှောင်ထဲမှာ တစ်ညလုံး လမ်းလျှောက်ခဲ့တယ်” ဟု ပြောကြားသည်။

ထွက်ပြေးတိမ်းရှောင်လာသူများကို မြစ်ဆုံတန်ဖဲကျေးရွာ ကက်သလစ်ဘုရားကျောင်းတွင် ယာယီနေရာချထားမည်ဖြစ်ပြီး လိုအပ်ချက်အရ ညှိနှိုင်းလုပ်ဆောင်ခြင်းများ ပြုလုပ်သွားမည်ဟု အင်ဂျန်းယန် မဲဆန္ဒနယ် ပြည်နယ်လွှတ်တော်ကိုယ်စားလှယ် ဒေါ်ဂျာဆိုင်းခေါန်က ပြောကြားသည်။

“အခုလောလောဆယ်တော့ ဘာသာရေး အဖွဲ့အစည်းတွေရော၊ လွှတ်တော်ကိုယ်စားလှယ်တွေရော၊ တာဝန်ရှိတဲ့သူတွေ အားလုံးစုပေါင်း ပြီးတော့ လောလောဆယ် အခြေနေအရ အနီးဆုံးဖြစ်တဲ့ တန်ဖဲမှာစခန်းချမယ်။ လိုအပ်ချက်အရ ညှိနှိုင်းပြီး ဆောင်ရွက်မယ်” ဟု ဒေါ်ဂျာဆိုင်းခေါန်က ပြောကြားသည်။

ကချင်ပြည်နယ်တွင် ယခုလအစောပိုင်းမှစ၍ တပ်မတော်နှင့် ကေအိုင်အေတို့အကြား တိုက်ပွဲများ ပြင်းထန်လာခြင်းကြောင့် ကေအိုင်အေ တပ်ရင်း (၁၁)၊ (၁၄)၊ (၄) နယ်မြေရှိ ကျေးရွာများမှ ဒေသခံများ ထွက်ပြေးတိမ်းရှောင်ခဲ့ရကြောင်း သိရသည်။ အလားတူ ကချင်ပြည်နယ် ကဆုန့်ဒေသ တိုက်ပွဲများကြောင့် ဧပြီ ၂၂ ရက်တွင် စစ်ဘေးရှောင် ၈၀၀ နီးပါးနမ္မတီးမြို့နှင့် မြစ်ကြီးနားမြို့သို့ တိမ်းရှောင်လာကြကြောင်း သတင်းရရှိသည်။

ဧပြီ ၂၀ ရက် ညနေပိုင်းတွင် ကဆုန့်ဒေသရှိ ကေအိုင်အေ တပ်မဟာ (၂) လက် အောက်ခံတပ်ရင်း (၁၁) ၀န်းကျင်တွင် တပ်မတော်နှင့် ကေအိုင်အေတို့ ပစ်ခတ်မှုဖြစ်ပွားပြီးနောက် ကဆုန့်ကျေးရွာ၊ ဇွတ်မိုင်ယန်ကျေးရွာမှ ရွာသူရွာသားများ နမ္မတီးမြို့နှင့် မြစ်ကြီးနားမြို့သို့ ထွက်ပြေးတိမ်းရှောင်လာခဲ့ကြခြင်း ဖြစ်သည်။

အဆိုပါ စစ်ရှောင်များကို ဘာသာရေး အဖွဲ့အစည်းများနှင့် ငြိမ်းချမ်းရေးအကျိုးဆောင် အဖွဲ့ဝင်များက ကူညီမှုများလုပ်ဆောင်နေပြီး အစိုးရအဖွဲ့အစည်းများကလည်း မှတ်တမ်းကောက်ယူခြင်း၊ အိမ်ထောင်စုများ ကောက်ယူခြင်းများ ပြုလုပ်နေကြောင်း သိရသည်။ လက်ရှိတွင် နမ္မတီးမြို့ လမ်းခွကျေးရွာရှိ KBC ကချင်နှစ်ခြင်းဘုရားကျောင်းတွင် ၃၁၁ ဦး၊ မြို့ဦးကက်သလစ်ကျောင်းတွင် ၁၈၂ ဦး၊ လမ်းခွကျေးရွာ ကစ်သလစ်ဘုရားကျောင်းတွင် ၁၀၄ ဦး၊ အပြင်ဆွေမျိုးများထံတွင် မှီခိုသူ ၁၈၉ ဦး၊ စုစုပေါင်း ၇၈၆ ဦးရှိနေကြောင်း သိရသည်။

နမ္မတီးမြို့ လူမှုကူညီရေးအသင်းမှ ဦးဝင်းဗိုလ်က “NLD လူငယ်တွေသံချပ်ဆုရတဲ့ ဆန်ငါးအိတ် လာလှူတယ်။ တိုက်ပွဲကြောင့် ကျေးရွာတွေမှာ သေဆုံးခဲ့ကြတာတော့ မရှိဘူး။ တပ်မတော်ကလည်း ရင်း (၁၁) နေရာကို ၀င်ယူလိုက်ပြီလို့ သိရတယ်။ စစ်ပြေးရယ်လို့တော့ မဟုတ်ဘူး။ ရှောင်လာကြတာပေါ့။ လောလောဆယ်တော့ ဘုရားကျောင်းတွေမှာပဲ။ ဆွေမျိုးအိမ်သွားတဲ့လူတွေလည်း ရှိနေသေးတယ်။ နောက်ထပ်လိုတာကို တတ်နိုင်သလောက် ဖြည့်ဖို့စာရင်းလာကြည့်နေတယ်။ ဟိုကဒီက လာလှူကြတာတွေလည်း ရှိပါတယ်” ဟု ပြောကြားသည်။

ဝိုင်းမော်မြို့နယ်အတွင်း မလော်လယ်ကွင်းတွင် လီဆူတိုင်းရင်းသားလေးဦးအား ကေအိုင်အေအဖွဲ့က ဖမ်းဆီးခေါ်ဆောင်သွားကြောင်း ဒေသခံများ ပြောကြား

ဝိုင်းမော်မြို့နယ်အတွင်း မလော်လယ်ကွင်းတွင် လီဆူတိုင်းရင်းသားလေးဦးအား ကေအိုင်အေအဖွဲ့က ဒီဇင်ဘာ ၁၉ ရက် ညပိုင်းက ဖမ်းဆီးခေါ်ဆောင်သွားကြောင်း ဒေသခံများက ပြောကြားသည်။

ယင်းကိစ္စကို ကူညီဖြေရှင်းရန် ကြိုးစားနေသည့် တာလောကြီးကျေးရွာမှ ရပ်မိရပ်ဖ တစ်ဦးက “ဖမ်းသွားတာ လေးဦးပေါ့။ ရွှေညောင်ပင်နဲ့ တာလောကြီးကျေးရွာကြား မလော်ကြိုးဝိုင်းမှာပေါ့။ မလခမီး အသက် (၁၅ နှစ်)၊ မောင်တုံငွား (၁၈ နှစ်)၊ မောင်လဆား (၁၈ နှစ်)၊ မောင်ဗျာကားတဲ့ အားလုံးကို ဖမ်းသွားတယ်။ အရပ်ဝတ်နဲ့ လက်နက်ပါတယ်။ ကေအိုင်အေလို့ပြောတယ်။ ရောက်တာကစောမယ်။ ခေါ်သွားတာ ည ၇ နာရီ လောက်လို့ အကြောင်းကြားလာတယ်။ အင် ဗွေယန် (တဘတ်ချောင်းအထက်) ကို တက်သွားတယ်လို့ပြောတယ်။ ဘယ်သူ့ကို ပြောရမှန်းမသိတော့ ဘာမှမလုပ်ရသေးဘူလေ” ဟု ပြောကြားသည်။

လီဆူ အမျိုးသားဖွံ့ဖြိုးတိုးတက်ရေးပါတီ (ဒူးလေးပါတီ) ဥက္ကဋ္ဌ ဦးဆီဖာလာလူးက “ဖမ်းသွားတာက ဟုတ်ပါတယ်။ ကေအိုင်အေ အဖွဲ့ကလို့ သိရတယ်။ ဒီဇင်ဘာ ၂၀ ရက်မှာ အစောကြီး ပါတီကိုအကြောင်းကြားလာတယ်။ လူငယ်တွေ လေးယောက်ပါ။ အောင်မြေ (၁) ကျေးရွာက နှစ်ယောက်။ ၀ိုင်းမော်သာဂရက တစ်ယောက်။ လယ်ကုန်းက ကလေးမတစ်ယောက် ပါသွားတယ်လို့ သိရတယ်။ တက်လမ်းရှိတဲ့ လူငယ်တွေကို ဒီလို အဓမ္မလုပ်တာတွေကတော့ မဖြစ်စေချင်တော့ဘူး။ ငြိမ်းချမ်းသင့်ပါပြီ။ ကျွန်တော်တို့လည်း ခရီးလွန်နေကြလို့ ပြန်ပြီး အဲဒီကိစ္စဆောင်ရွက်ဖို့လုပ်နေကြပါတယ်” ဟု ပြောကြားသည်။

မြစ်ကြီးနားမြို့နယ်နှင့် ၀ိုင်းမော်မြို့နယ်များတွင် ၂၀၁၇ ခုနှစ် နိုဝင်ဘာလအတွင်းက ကေအိုင်အေအဖွဲ့က စုဆောင်းရေး ခေါ်ဆောင်မှုများရှိခဲ့ပြီး အချို့ပြန်လွှတ်ပေးခဲ့ကြောင်း၊ တစ်ချိန်တည်းတွင် ၀ိုင်းမော်မြို့နှင့် မြစ်ကြီးနားမြို့များတွင်လည်း တရားမ၀င် ငွေကြေးများ ကောက်ခံခဲ့ကြောင်း၊ တရားမ၀င် ငွေကြေးကောက်ခံသူကိုလည်း ဖမ်းမိခဲ့ကြောင်း ပြည်နယ်အစိုးရအဖွဲ့ မှတ်တမ်းများအရ သိရသည်။