ဧရာဝတီမြစ် မန္တလေး-ညောင်ဦး ရေလမ်းတွင် ချထားမည့် ရေကြောင်းပြ အမှတ်အသားများကို ရေယာဉ်မောင်းသူများ သိရှိရန် သင်တန်းပေး

မန္တလေးနှင့် အင်းဝကြား ရေလမ်းကြောင်း၌ ရေလမ်းညွှန် အမှတ်အသားများ စမ်းသပ်ချထားစဉ်

ဧရာဝတီမြစ် ရေလမ်းကြောင်းဖွံ့ဖြိုး ကောင်းမွန်ရေးနှင့် ရေယာဉ်များ ၂၄ နာရီ မြင်တွေ့သွားလာနိုင်မည့် အဆင့်မြင့်ရေလမ်းကြောင်းပြ အမှတ်အသား ချထားခြင်းများကို ကမ္ဘာ့ဘဏ်ချေးငွေဖြင့် ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေး ဦးစီးဌာနမှ ဆောင်ရွက်လျက်ရှိရာ လက်ရှိတွင် မန္တလေးနှင့် အင်းဝကြား ရေလမ်းကြောင်း၌ ရေလမ်းညွှန် အမှတ်အသားများ စမ်းသပ်ချထားသည့်အတွက် ချထားသည့် အမှတ်အသားများကို ရေယာဉ်မောင်းသူများ သိရှိနားလည်ရန် သင်တန်းပေး ရှင်းလင်းခြင်းကို သြဂုတ် ၂၅ ရက်က မန္တလေးကမ်းနားလမ်းရှိ Ayarwaddy River Views Hotel တွင် ကျင်းပခဲ့သည်။

မန္တလေးနှင့် ညောင်ဦးရေလမ်းကြောင်းအတွင်း ချထားသွားမည့် နေ့မြင် ညမြင် ရေလမ်းညွှန် အမှတ်အသား လေးမျိုးနှင့် ပတ်သက်ကာ ရေယာဉ်မောင်းများ သိရှိနားလည်ရန် သင်တန်းပေးခြင်းဖြစ်ပြီး အမှတ်အသား အရောင်၊ ပုံသဏ္ဌာန်နှင့် အချက်ပြမီးစနစ် များအလိုက် သင်္ဘောခုတ်မောင်းရမည့် လမ်းကြောင်းမှန်ကန်ကာ အန္တရာယ်ကင်းရှင်းစွာ သွားလာနိုင်မည်ဖြစ်ကြောင်း သိရသည်။

“မြစ်အတွင်းမှာ ၂၀ ရက်နေ့ကစပြီး အဆင့်မြင့်ရေလမ်းပြ အမှတ်အသားချထား ခြင်းကို ဆောင်ရွက်ခဲ့တယ်။ အခုမိုးတွင်းကာ လမှာ ကနဦးချထားခြင်းအနေနဲ့ မန္တလေးနဲ့ အင်းဝကြားရေလမ်းမှာ အခု ၂၀ ချမှာ ဖြစ် တယ်။ လက်ရှိမှာက မင်းကွန်းအောက်ဘက် မန္တလေးရေလမ်းမှာ ရေနက်ကြောင်းပြ ရေလမ်းညွှန် ၁၀ ခုကို ချထားခဲ့တာဖြစ်ပြီး နောက်ထပ် အနီ၊ အစိမ်း အမှတ်အသားတွေကို လည်း ချထားမှာဖြစ်တဲ့အတွက် ရေယာဉ် မောင်းတွေက အမှတ်အသားကို တွေ့တာနဲ့ ဘယ်ကမောင်းရမလား၊ ညာဘက်ကမောင်း ရမလားဆိုတာတွေ၊ ညပိုင်းမှာ အချက်ပြမီး စနစ်ကွာခြားပုံတွေကိုကြည့်ပြီး သိနိုင်ဖို့အတွက် ချထားမယ် အမှတ်အသားလေးမျိုးရဲ့ ပုံသဏ္ဌာန်နဲ့ ဘယ်ပုံဆို ဘာအမှတ်အသားသိ အောင် ရေယာဉ်မောင်းတွေကို သင်တန်း ပေးဆောင်ရွက်တာပါ” ဟု ရေအရင်းအမြစ် နှင့် မြစ်ချောင်းများဖွံ့ဖြိုးတိုးတက်ရေးဦးစီးဌာန၊ ရေလမ်းညွှန်ဌာနခွဲ အထက်မြန်မာ ပြည်မှ ဒုညွှန်ကြားရေးမှူး ဦးခင်မောင်ဇော် က ပြောကြားသည်။

ချထားမည့် အမှတ်အသားလေးမျိုးမှာ ရေနက်ကြောင်းပြ အမှတ်အသား၊ အန္တရာယ်ပြ အမှတ်အသားနှင့် ရေစီးကြောင်း အနား သတ်၌ချထားမည့် အနီ၊ အစိမ်း အချက်ပြ လမ်းညွှန်များဖြစ်ပြီး ရေယာဉ်မောင်းများ အနေဖြင့် ရေနက်ကြောင်းပြ အမှတ်အသား ဖြူနီအစင်းကြားကိုတွေ့ပါက ယင်းအမှတ် အသားတစ်ဝိုက်တွင် ခုတ်မောင်းနိုင်မည်ဖြစ် ပြီး၊ အန္တရာယ်ပြအမှတ်အသား အဖြူ၊ အနက်အမှတ်သားမှာ အန္တရာယ်ရှိသည့် နေရာတွင် ချထားပေးမည်ဖြစ်ကာ၊ ရေစီးကြောင်း အနားသတ် အမှတ်အသား အနီရောင်မှာ  သင်္ဘော ဘယ်ဘက်ခြမ်းတွင် ထားရှိမောင်းနှင်ရမည်ဖြစ်ကာ အစိမ်းရောင်မှာ သင်္ဘောညာဘက်ခြမ်းတွင် ထားရှိမောင်းနှင်ရမည် ဖြစ်ကြောင်း သိရသည်။

ယခုကဲ့သို့ အဆင့်မြင့် ရေလမ်းညွှန် အမှတ်အသားများကို မန္တလေးနှင့် ညောင်ဦးကြား ရေလမ်းတစ်လျှောက်တွင် ၂၀၁၈ ခုနှစ် ရေနည်းကာလ၌ အပြီးချထား ဆောင်ရွက်သွားမည်ဖြစ်က နောင်နှစ်များတွင် မန္တလေး မှ ရန်ကုန် ရေလမ်းတစ်လျှောက် ထားရှိရန် လျာထားပြီး ကြားကာလတွင် ယင်းအဆင့်မြင့် အမှတ်အသားများ ချထားနိုင်ခြင်း မရှိသည့် မြစ်အစိတ်အပိုင်း ရေလမ်းများတွင် ဌာနမှချထား ဆောင်ရွက်လျက်ရှိသည့် ၀ါးဖြင့်ပြုလုပ်သည့် ရေလမ်းညွှန် အမှတ်အသားများကို ချထားဆောင်ရွက် သွားမည်ဖြစ်ကြောင်း သိရသည်။

မန္တလေးမြို့ ဧရာဝတီမြစ်ရေမှာ သြဂုတ်လ ဒုတိယပတ်အတွင်း လက်ရှိရေမှတ်ထက် သုံးပေခန့်အထိ မြင့်တက်နိုင်

မန္တလေးမြို့ရှိ ဧရာဝတီမြစ်ကြောင်းတစ်နေရာအား တွေ့ရစဉ်

ဧရာဝတီမြစ် မန္တလေးမြို့ရေအမှတ်မှာ သြဂုတ်ဒုတိယပတ်အတွင်း လက်ရှိရေ အမှတ်များထက် သုံးပေခန့်အထိ မြင့်တက်လာနိုင်ကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာနမှ ခန့်မှန်းထုတ်ပြန်ထားသည်။

သြဂုတ် ၉ ရက် နံနက်ပိုင်း တိုင်းထွာချက်များအရ မန္တလေးမြို့မြစ်ရေမှာ ၁၁၂၀ စင်တီမီတာသို့ ရောက်ရှိနေပြီဖြစ်ကာ မန္တလေးမြို့၏ စိုးရိမ်ရေအမှတ်ဖြစ်သော ၁၂၆၀ စင်တီမီတာသို့ ရောက်ရှိရန် လေးပေခန့်အလိုတွင် တည်ရှိနေသည့်အတွက် ဒုတိယအပတ်အတွင်း မြင့်တက်မှုဖြစ်ပေါ်ပါက ဧရာဝတီမြစ် မန္တလေးရေအမှတ်မှာ စိုးရိမ်ရေအမှတ်သို့ ရောက်ရှိနိုင်ကြောင်း သိရသည်။

ယခုနှစ် မိုးတွင်းကာလတွင် ဧရာဝတီမြစ်ရေမှာ မြစ်အထက်ပိုင်းရှိ မြစ်တစ်လျှောက်မြို့များ၌ စိုးရိမ်ရေမှတ်ရောက်သည်အထိ မြင့်တက်ခြင်း မရှိသေးသော်လည်း နှစ်စဉ် မြစ်ရေမြင့်တက်မှု အလေ့အထများအရ ဇူလိုင်နှောင်းပိုင်းနှင့် သြဂုတ်များတွင် စိုးရိမ်ရေအမှတ်နှင့် စိုးရိမ်ရေအမှတ် အထက်ရောက်ရှိသည်အထိ မြင့်တက်လေ့ရှိကြောင်း သိရသည်။

“အခုမန္တလေးမြို့ရဲ့ မြစ်ရေက စိုးရိမ်ရေမှတ်အောက်မှာပဲ ရှိနေပါသေးတယ်။ ဒီနှစ်မြစ်ရေ အခြေအနေအရ မြင့်တက်လိုက် ပြန်ကျသွားလိုက်နဲ့ ဖြစ်ပေါ်နေတဲ့အတွက် စိုးရိမ်ရေမှတ်အထိ ရောက်တာတော့ မရှိသေးဘူး။ မြစ်ရေမြင့်တက်နိုင်တဲ့ အခြေအနေက မိုးသည်းထန်စွာ ရွာသွန်းမှုနဲ့ ဆက်စပ်နေတယ်။ လက်ရှိမှာတော့ မြစ်ရေတိုးဖို့ ရှိပေမယ့် နှစ်ရက် သုံးရက်အတွင်း စိုးရိမ်ရေအမှတ်ရောက်အောင်အထိတော့ မြင့်တက်လာနိုင်ခြေ နည်းပါတယ်” ဟု အထက်မြန်မာပြည် မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူး ဦးကျော်လွင်ဦးက ပြောကြားသည်။

ဧရာဝတီမြစ်ရေမှာ ပြီးခဲ့သည့် ဇူလိုင်လအတွင်း မန္တလေးမြစ်ရေမှတ်မှာ ၁၁၀၀ စင်တီမီတာကျော်သည်အထိ မြင့်တက်ခဲ့သော်လည်း စိုးရိမ်ရေမှတ်သို့ ရောက်ရှိခဲ့ခြင်း မရှိဘဲ ပြန်လည်ကျဆင်းခဲ့ကာ ယခု သြဂုတ်လဆန်းပိုင်းတွင် တဖြည်းဖြည်း ပြန်လည် မြင့်တက်လာခြင်းဖြစ်ပြီး ခန့်မှန်းချက်အရ သြဂုတ်လ ဒုတိယ (၁၀) ရက်ပတ်အတွင်း ဧရာဝတီမြစ်ရေသည် မြစ်ကြီးနားမြို့၊ ဗန်းမော်မြို့၊ ရွှေကူမြို့နှင့် သပိတ်ကျင်းမြို့တို့တွင် လေးပေမှ ငါးပေ၊ မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့၊ ညောင်ဦးမြို့၊ ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟသာင်္တမြို့နှင့် ဇလွန်မြို့တို့တွင် သုံးပေမြင့်တက်လာနိုင်ကြောင်း သိရသည်။

လက်ရှိတွင် သြဂုတ် ၉ ရက် နံနက်ပိုင်း တိုင်းထွာချက်များအရ ဧရာဝတီမြစ်တွင် ပခုက္ကူ၊ ညောင်ဦး၊ ဟင်္သာတ၊ ဇလွန်မြို့များမှာ ယင်းမြို့များ၏ စိုးရိမ်ရေမှတ်အနီး ရောက်သည်အထိ မြင့်တက်နေကြောင်း သိရသည်။ ဧရာဝတီမြစ် မန္တလေးရေအမှတ်မှာ ပြီးခဲ့သည့် ၂၀၁၇ ခုနှစ် သြဂုတ်အတွင်းက စိုးရိမ်ရေအမှတ်အထက် ၂၀ စင်တီမီတာ ကျော်လွန်ခဲ့ကာ ၂၀၀၄ ခုနှစ်တွင် စံချိန်တင် အမြင့်ဆုံး ၁၃၈၂ စင်တီမီတာအထိ မြင့်တက်ခဲ့ဖူးကြောင်း သိရသည်။

မြစ်ကြီးနားမြို့တွင် တစ်ရက်အတွင်း ဧရာဝတီမြစ်ရေ ခြောက်ပေခန့် မြင့်တက်ခဲ့ပြီး ဧရာဝတီမြစ်ကြောင်းတစ်လျှောက်ရှိ မြို့ကြီးများတွင် လက်ရှိရေမှတ်ထက် ပိုမိုမြင့်မားလာနိုင်သဖြင့် ဂရုပြုနေထိုင်သင့်

မေ ၆ ရက်တွင် မြစ်ကြီးနားမြို့၌ တစ်ရက်အတွင်း ဧရာဝတီမြစ်ရေ ခြောက်ပေခန့် မြင့်တက်ခဲ့ပြီး မန္တလေးမြို့၊ စစ်ကိုင်းမြို့များ အပါအ၀င် ဧရာဝတီမြစ်ကြောင်းတစ်လျှောက်ရှိ မြို့ကြီးများတွင် လက်ရှိရေမှတ်ထက် ပိုမိုမြင့်မားလာနိုင်သဖြင့် မြစ်ကြောင်းအတွင်း သွားလာနေသည့် ရေယာဉ်၊ လှေ၊ သင်္ဘောများနှင့် မြစ်ရေနည်းစဉ် သဲသောင်ခုံများတွင် စိုက်ပျိုး နေထိုင်သူများအနေဖြင့် မြစ်ရေရုတ်တရက် မြင့်တက်နိုင်မှုကို ဂရုပြုနေထိုင်သင့်ကြောင်း မိုးလေ၀သနှင့် ဇလဗေဒညွှန်ကြားမှုဦးစီးဌာနက သတင်းထုတ်ပြန်သည်။

မိုးလေ၀သနှင့် ဇလဗေဒညွှန်ကြားမှု ဦးစီးဌာန၏ မေ ၆ ရက် ညနေ ၃ နာရီခွဲအချိန် တိုင်းထွာမှုများအရ ယင်းနေ့တစ်ရက်အတွင်းတွင် မြစ်ကြီးနားမြို့၌ ဧရာဝတီမြစ်ရေမှတ် ၃၉၅ စင်တီမီတာသို့ ရောက်ရှိခဲ့ပြီး တစ်ရက်တာအတွင်း မြစ်ရေခြောက်ပေခန့် မြင့်တက်ခဲ့ပြီး ထိုကဲ့သို့ မြစ်ရေမြင့်တက်ရခြင်းမှာ ဧရာဝတီမြစ် အထက်ပိုင်းဖြစ်သည့် မြန်မာနိုင်ငံ မြောက်ပိုင်းဒေသများတွင် မိုးများရွာသွန်းခဲ့ခြင်းနှင့် နေ့အပူချိန်မြင့်တက်မှုများကြောင့် ရေခဲတောင်များ အရည်ပျော်ခြင်းကြောင့်ဖြစ်ကြောင်း သိရသည်။

“ဇန်န၀ါရီ၊ ဖေဖော်ဝါရီကာလတွေပေါ့။ အဲဒီကာလတွေက မြစ်ရေနည်းတဲ့ကာလတွေ။ အခုက မုတ်သုံကလည်း ၀င်တော့မယ်ဆိုတော့ မြစ်ရေတိုးလာတာလည်းပါတယ်။ ပြီးတော့ မြောက်ပိုင်းဒေသတွေမှာ မိုးတွေရွာထားတာရယ်၊ နေ့အပူချိန်မြင့်တုန်း ရေခဲတောင်တွေ အရည်ပျော်တာတွေကြောင့် ဧရာဝတီမြစ်အထက်ပိုင်းမှာ မြစ်ရေတွေ မြင့်လာတာပေါ့။ မြင့်လာတဲ့ မြစ်ရေတွေက အထက်ပိုင်းကနေ ဆက်စီးသွားမှာဆိုတော့ မြစ်ကြောင်းတစ်လျှောက်မှာ ဆက်မြင့်တက်နိုင်တယ်။ အရင်နှစ်ကဆို ဇန်န၀ါရီလလောက်မှာ မြစ်ရေတိုးတယ်” ဟု မိုးလေ၀သနှင့် ဇလဗေဒညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးကျော်မိုးဦးက ပြောကြားသည်။

ထိုကဲ့သို့ ဧရာဝတီမြစ်အထက်ပိုင်းတွင် မြင့်တက်ခဲ့သည့် မြစ်ရေများသည် မြစ်အထက်ပိုင်းမှ မြစ်အောက်ပိုင်းသို့ ဆက်လက်စီးဆင်းမည်ဖြစ်သဖြင့် လာမည့်တစ်ရက်မှ သုံးရက်အတွင်း ဗန်းမော်မြို့၊ ရွှေကူမြို့နှင့် ကသာမြို့တို့တွင် လေးပေမှ ငါးပေခန့်၊ သုံးရက်မှ ခုနစ်ရက်အတွင်း သပိတ်ကျင်းမြို့၊ မန္တလေးမြို့၊ စစ်ကိုင်းမြို့၊ မြင်းမူမြို့၊ ပခုက္ကူမြို့နှင့် ညောင်ဦးမြို့တို့တွင် နှစ်ပေခွဲမှ သုံးပေခွဲခန့်၊ ၆ ရက်မှ ၁၂ ရက်အတွင်း ချောက်မြို့၊ မင်းဘူးမြို့၊ မကွေးမြို့၊ အောင်လံမြို့၊ ပြည်မြို့၊ ဆိပ်သာမြို့၊ ဟင်္သာတမြို့နှင့် ဇလွန်မြို့တို့တွင် တစ်ပေခွဲမှ နှစ်ပေခွဲခန့် လက်ရှိရေမှတ်များထက် မြင့်တက်လာနိုင်ကြောင်း သိရသည်။

ထို့ကြောင့် ဧရာဝတီမြစ်ကြောင်းအတွင်း သွားလာနေသည့် ရေယာဉ်၊ လှေ၊ သင်္ဘောများနှင့် မြစ်ရေနည်းစဉ် သဲသောင်ခုံများတွင် စိုက်ပျိုးနေထိုင်သူများအနေဖြင့် မြစ်ရေရုတ်တရက် မြင့်တက်နိုင်မှုကို ဂရုပြုနေထိုင်သင့်ကြောင်း မိုးလေ၀သနှင့် ဇလဗေဒညွှန်ကြားမှု ဦးစီးဌာနက သတင်းထုတ်ပြန်သည်။

အချိန်အခါမဟုတ် ရွာသွန်းသည့်မိုးကြောင့် မန္တလေးမြို့ အနောက်ဘက်ရှိ မြေနုကျွန်းများပေါ်တွင် စိုက်ပျိုးသည့် စိုက်ခင်းများ ရောဂါပိုးများကျရောက်

အချိန်အခါ မဟုတ်သောမိုးကြောင့် စိုက်ခင်းထဲမှ သီးနှံများ ပျက်စီးနေသည်ကို တွေ့ရစဉ်

မန္တလေးမြို့ အနောက်ဘက်ရှိ  ရှမ်းလေးကျွန်းစံပြကျေးရွာ၊ ယဉ်တော်ရွာ ကျေးရွာအုပ်စု စသည့်ကျေးရွာ အုပ်စုများရှိ တောင်သူများသည် ဧရာဝတီမြစ်ရေကျချိန်တွင် ဆောင်းသီးနှံများ စိုက်ပျိုးလျက်ရှိရာ ယခုအခါတွင် အချိန်အခါမဟုတ် ရွာသွန်းသည့်မိုးကြောင့် စိုက်ခင်းများ ရောဂါပိုးများ ကျရောက်လျက်ရှိကြောင်း တောင်သူများထံက သိရသည်။

ဧရာဝတီမြစ်ရေ ကျဆင်းချိန်၌ ဒေသခံတောင်သူများက မြေနုကျွန်းများပေါ်တွင် ဆောင်းသီးနှံဖြစ်သည့် မြေပဲ၊ ပြောင်း၊ ဖရဲသီးနှင့် ပဲမျိုးစုံကို စိုက်ပျိုးလျက်ရှိရာမှ  ပြီးခဲ့သည့် ရက်ပိုင်းကစတင်၍ အချိန်အခါမဟုတ် ရွာသွန်းသည့် မိုးများကြောင့်  စိုက်ခင်းများတွင် ရွက်ဖြတ်ပိုး၊ ပိုးနီလုံး စသည့်ရောဂါပိုးများ ကျဆင်းနေသဖြင့် စိုက်ခင်းများ အောင်မြင်ဖြစ်ထွန်းရန်အတွက် ပိုးသတ်ဆေးများ သုံးစွဲနေရကြောင်း ယဉ်တော်ရွာ ကျေးရွာအုပ်စုမှ တောင်သူ ဦးမင်းအောင်က ပြောကြားသည်။

“ဒီလို မိုးမှာက အန္တရာယ်ပြုတယ်။ ပိုးနီလုံးနဲ့ ရွက်ဖြတ်ပိုးတွေက တအားစားတာ၊ မိုးက ရွာလိုက်ရင် တော်သေးတယ်။ လုံးလုံးမရွာဘဲ ခုလိုအုံ့နေတော့ ပိုးသတ်ဆေး တအားလိုက်ရတယ်။ မိုးခါးတွေပါတော့ ရွက်ဖြတ်ပိုးတွေကျတယ်။ တောင်သူတွေက မိုးခါးတို့၊ နှင်းခါးတို့ပါမှာတော့ စိုးရိမ်တယ်။ စိုက်ခင်းတွေ  ပိုးတအားကြီးကျလို့” ဟု ဦးမင်းအောင်က ပြောကြားသည်။

တောင်သူများအနေနဲ့ ယင်းကဲ့သို့ သီးနှံများ ပိုးကျသောကြောင့် ပိုးသတ်ဆေးများစွာ သုံးစွဲနေသဖြင့် တွက်ခြေမကိုက်မှုများ ဖြစ်ပေါ်နေသဖြင့် ပိုးသတ်ဆေးများအား တောင်သူများထံ ဈေးနှုန်းချိုသာစွာဖြင့် ရောင်းချပေးစေလိုကြောင်း၊ မန္တလေးမြို့ အနောက်ဘက်ရှိ မြေနုကျွန်းများပေါ်တွင် စိုက်ပျိုးသည့် တောင်သူများ အနေဖြင့် ယမန်နှစ်က ယခုကဲ့သို့ စိုက်ခင်းများ ပိုးကျသောကြောင့်  ပိုးသတ်ဆေး များစွာ သုံးစွဲခဲ့ရသဖြင့် စိုက်တောင်သူများ အရှုံးပေါ်ခဲ့ကြောင်း၊ ယခုနှစ် ဆောင်းသီးနှံစိုက်ပျိုးချိန်၌ မြေနုကျွန်းများပေါ်တွင် စိုက်ပျိုးချိန် ကျရောက်သည့် အချိန်အခါတွင် ဧရာဝတီမြစ်ရေကြီးခြင်း၊ မိုးရွာသွန်းမှုများကြောင့် ယမန်နှစ်များထက် နောက်ကျ၍ စိုက်ပျိုးရကြောင်း တောင်သူ ဦးမင်းအောင်က ဆက်လက်ပြောကြားသည်။

“မနှစ်က ပိုးသတ်ဆေးက အဆမတန် ဈေးပေးပြီး ၀ယ်ရတဲ့အခါရယ်၊ အောက်က ပိုးဥကမနိုင်တော့  မျိုးကသိပ်မထွက်တော့ အရှုံးပြတယ်။ ဒီနှစ်က ခန့်မှန်းလို့မရသေးဘူး။ ဘာလို့လဲဆိုတော့  ပုံမှန်ဆို  ဒီပေါ်တွေမှာ တန်ဆောင်မုန်းဆန်ဆန်ခြင်း စိုက်တယ်။ ခုက တန်ဆောင်မုန်းမှာ မစိုက်ရဘူး။ ရေကတိုး၊ မိုးတွေကရွာတော့ နတ်တော်လမှ စိုက်ရတယ်” ဟု ၎င်းက ပြောကြားသည်။

ဧရာဝတီမြစ်ရေ ကျဆင်းချိန်၌ ယင်းမြစ်ကမ်းနံဘေးရှိ ကျေးရွာများမှ တောင်သူများသည်  မြေနုကျွန်းပေါ်များတွင် အောက်တိုဘာ၊ နိုဝင်ဘာလ အတွင်းမှ စတင်ကာ သီးနှံများ စိုက်ပျိုးထုတ်လုပ်၍ မန္တလေးမြို့သို့ အဓိကထား တင်ပို့ရောင်းချကြကြောင်း တောင်သူများထံက သိရသည်။

ရေစကြိုမြို့နယ် ဧရာဝတီမြစ်ကမ်းနံဘေးရှိ ကွေ့ထောင့်ကျေးရွာ မြစ်ရေတိုက်စားမှုကြောင့် ကမ်းပါးပြိုကာ နေအိမ်ငါးလုံး ရွှေ့ပြောင်းထားရပြီး ရွာလုံးကျွတ်ရွှေ့ပြောင်းရမည့် အခြေအနေနှင့် ကြုံတွေ့နေ

ဧရာဝတီမြစ်ရေ တိုက်စားမှုကြောင့် ပြိုကျပျက်စီးနေသည့် ကွေ့ထောင့်ကျေးရွာအနီး ကမ်းပါးကို အောက်တိုဘာ ၂ ရက်က တွေ့ရစဉ်

ရေစကြိုမြို့နယ် ဧရာဝတီမြစ်ကမ်းနံဘေးရှိ ကွေ့ထောင့်ကျေးရွာ ယခုမြစ်ရေကျ ကာလတွင် မြစ်ရေတိုက်စားမှုကြောင့် ကမ်းပြို မှုဖြစ်ပေါ်ကာ နေအိမ်ငါးလုံး ရွှေ့ပြောင်းထားရပြီး ကမ်းပြိုမှု ဆက်လက် ဖြစ်ပေါ်နေပါက ရွာလုံးကျွတ် ရွှေ့ပြောင်းရမည့် အခြေအနေနှင့် ကြုံတွေ့နေကြောင်း ဒေသခံများထံမှ သိရသည်။

ပြီးခဲ့သည့် စက်တင်ဘာလကုန်ပိုင်း ရေကျကာလတွင် ကျေးရွာဆီသို့ ဦးတည်၍ မြစ်ရေစီးကြောင်း ပြောင်းလဲလာသည့် စိုက်ပျိုးမြေဧက ပေ ၇၀၀ ကျော် ပြိုကျပျက်စီးခဲ့ပြီး ကမ်းပါးနှင့် လူနေအိမ်များမှာလည်း ပေ ၂၀၀ ကျော်သာ ကွာဝေးတော့ကြောင်း ဒေသခံများက ပြောကြားသည်။

“ဒီနှစ် ရေကျကာလမှာ ကမ်းပြိုတာ ပိုသိသာလာတယ်။ ရေစီးကလည်း ရွာဆီဦးတိုက်နေတော့ ပိုးဆိုးတယ်။ မနေ့ညကတင် ပေ ၂၀ လောက် တစ်ညတည်းနဲ့ မြစ်ထဲပါသွားတယ်။ ကမ်းကလည်း ဆက်ပြိုနေတုန်းပဲ။ ခုရေက မြေရင့်တွေဆီ တိုက်စားနေတာမို့ ဒီလောက်ပဲ ပြိုသေးတာ။ သဲလွှာပေါ်သွားလို့ သဲလွှာရေတိုက်စားရင် ကမ်းပြိုတာခုထက် မြန်တယ်။ မြို့နယ်လူကြီးတွေဆီတော့ လက်ရှိအခြေအနေကို စာတင်ထားတယ်။ ကျေးရွာပြောင်းဖို့ ဆိုတာက မလွယ်ဘူး။ ဖြစ်နိုင်ရင် ကမ်းပါးဘေးတွေမှာ ရေကာတွေ လုပ်ပေးစေချင်တယ်” ဟု ကွေ့ထောင့်ကျေးရွာ အုပ်ချုပ်ရေးမှူး ဦးမောင်မောင်က ပြောကြားသည်။

ကွေ့ထောင်ကျေးရွာ ၁၉၈၈ ခုနှစ်မှစ၍ ဧရာဝတီမြစ်ရေ တိုက်စားမှုကြောင့် ကမ်းပြိုမှုဖြစ်ပေါ်ကာ ရွာမြေဧက ၈၀၀ နီးပါး ပျက်စီးဆုံးရှုံးခဲ့ပြီး ကျေးရွာမှာလည်း ၁၉၈၈ ခုနှစ်မှ ယခု ၂၀၁၇ ခုနှစ်ထိ ခုနစ်ကြိမ်ခန့် ရွှေ့ပြောင်းမှု ပြုလုပ်ခဲ့ရကြောင်း ဒေသခံဦးကျော်မြင့် က ပြောကြားသည်။

“၁၉၈၈ ခုနှစ်မှာ ကမ်းစပြိုတယ်။ အဲဒီကနေ ကမ်းပြိုလို့ တဖြည်းဖြည်း ရွှေ့လာတာ ၂၀၀၇ ခုနှစ် မတိုင်ခင်မှာ ရွာပိုင်မြေကုန်သွားတယ်။ ပြောင်းစရာမြေ မရှိတော့ဘူး။ အနီးနားရွာက မြေကိုဝယ်ပြီး ဆောက်ရတယ်။ အဲဒီတုန်းကလည်း မြေ၀ယ်တဲ့ရွာက အိမ်ဆောက်မခံဘူး။ လုပ်စားမြေအတွက်ပဲ ရောင်းတာ။ ဦးတို့က မြေမရှိတော့ စိုက်ပျိုးမြေမှာ အိမ်ဆောက်နေရတဲ့အတွက် ပြဿနာတွေ ဖြစ်ကြသေးတယ်။ နောက် နှစ်ဦး နှစ်ဖက် ညှိယူရတယ်။ လက်ရှိရွာက ၂၀၀၇ ခုနှစ်ကမှ တည်နိုင်တယ်။ အကြိမ်ကြိမ် အိမ်တွေရွှေ့ခဲ့ ကြတော့ ရွာလည်း ပင်ပန်းလှပြီ။ ခုတစ်ခါ ကမ်းဆက်ပြိုလို့ ရွှေ့ရရင်ရွှေ့စရာမြေ မရှိတော့ဘူး။ ဒီနေရာလေးမှာပဲ မရွှေ့ရအောင် ရေကာတန်းတွေ ရိုက်ပေးရင်တော့ တစ်ရွာလုံးက ၀မ်းသာကြမှာပါ” ဟု ကွေ့ထောင့်ရွာခံ ဦးကျော်မြင့်က ပြောကြားသည်။

ကွေ့ထောင်ကျေးရွာဒေသခံများမှာ ကမ်းပြိုမှုကြောင့် စိုက်ပျိုးမြေများ ဆုံးရှုံးသွား သည့်အတွက် ရေလုပ်ငန်းနှင့် အနီးနာကျေး ရွာများရှိ တောင်သူများ၏ စိုက်ခင်းများတွင် နေ့စားလုပ်သားများအဖြစ် အသက်မွေးဝမ်းကျောင်း ပြုရကြောင်း သိရသည်။

အိမ်ခြေ ၁၀၀ နီးပါးရှိသည့် ကွေ့ထောင့်ကျေးရွာမှာ ယခုနှစ်တွင် မူလတန်းကျောင်း တည်ဆောက်ခွင့်ရရှိပြီ ဖြစ်သော်လည်း ကမ်းပြိုမှုကြောင့် ကျောင်းဆောင် ဆောက်လုပ်နိုင်ခြင်း မရှိသေးကြောင်း ဒေသခံများထံမှ သိရသည်။

ရေစကြိုမြို့နယ်တွင်း ချင်းတွင်းမြစ်ကမ်းဘေးရှိ ချင်းယား၊ ဇရပ်နီ၊ ပေါက်တောကျွန်း၊ နွယ်နီကျွန်းနှင့် ဧရာဝတီမြစ်ကမ်း နံဘေးရှိ ဗလဗကျေးရွာတို့တွင် ကမ်းပြိုမှုများ ကြုံတွေ့ရခြင်းပြီး ယခုနှစ် မြစ်ရေတက်ကာလ မှစ၍ လက်ရှိရေကျကာလထိ အိမ်ခြေ ၁၅၀ နီးပါး ရွှေ့ပြောင်းထားရကြောင်း သိရသည်။

ရေစကြိုမြို့နယ်တွင်း ကမ်းပြိုမှု ကြုံတွေ့နေရသည့် ကျေးရွာများတွင်  လူနေအိမ်များ ရွှေ့ပြောင်းရသည့်အပြင် စိုက်ပျိုးမြေအများအပြား ပြိုကျပျက်စီးခဲ့သည့်အတွက် လုပ်စားမြေရှားပါးမှုပါ ကြုံတွေ့လာရပြီး ရွာရှိလူငယ်များ နိုင်ငံရပ်ခြား သွားရောက်လုပ်ကိုင်မှု မြင့်တက်လာကြောင်း သိရသည်။

 

ရေစကြိုမြို့နယ်အတွင်း ဧရာဝတီမြစ်နှင့် ချင်းတွင်းမြစ်ကမ်းနံဘေး ကျေးရွာများတွင် မြစ်ရေကျဆင်းပြီးနောက် ကမ်းပြိုမှု ပြန်လည်ကြုံတွေ့ပြီး နေအိမ်များရွှေ့ပြောင်းနေရ

ရေစကြိုမြို့နယ် ပေါက်တောကျွန်း ကျေးရွာတွင် ကမ်းပြိုမှုကြောင့် နေအိမ်များ ရွှေ့ပြောင်းနေရသည်ကို တွေ့ရစဉ်

မကွေးတိုင်းဒေသကြီး ရေစကြိုမြို့နယ်အတွင်း ဧရာဝတီမြစ်နှင့် ချင်းတွင်းမြစ်ကမ်းနံဘေး ကျေးရွာ များတွင် စက်တင်ဘာနောက်ဆုံး ပတ်မှစ၍ မြစ်ရေကျဆင်းလာပြီးနောက် ကမ်းပြိုမှု ပြန်လည်ကြုံတွေ့ ပြီး လူနေအိမ်များ ရွှေ့ပြောင်းမှုပြု လုပ်နေရကြောင်း ဒေသခံများနှင့် လွှတ်တော်ကိုယ်စားလှယ်များထံမှ သိရသည်။

ရေစကြိုမြို့နယ်အတွင်း ချင်းတွင်းမြစ်ကမ်းနံဘေး ချင်းယား၊ ဇရပ်နီ၊ ပေါက်တောကျွန်း၊ နွယ်နီကျွန်းနှင့် ဧရာဝတီမြစ်ကမ်းနံဘေးရှိ ဗလဗကျေးရွာတို့တွင် ကမ်းပြိုမှုများ ကြုံတွေ့ရနေပြီး ယခုနှစ်မြစ်ရေတက် ကာလမှစ၍ လက်ရှိရေကျကာလအထိ အိမ်ခြေ ၁၅၀ နီးပါး ရွှေ့ပြောင်းထားရကြောင်း သိရသည်။

“ရေပြန်ကျသွားတော့ ရေစီးကြောင်း အနေအထားကြောင့် ကမ်းပြန်ပြိုတာတွေ ဖြစ်လာပါတယ်။ မနေ့က ချင်းယားရွာမှာ ငါးအိမ်လောက် ထပ်ရွှေ့ရတယ်။ ကမ်းဆက်တိုက် ပြိုနေတဲ့ ပေါက်တောကျွန်းရွာက တော့  အရင်သုံးရက်လောက်က ကမ်းပြိုလို့အိမ်တွေရွှေ့ပြီး နောက်ပိုင်း ကမ်းပြိုတာရပ်သွားတယ်။ ကမ်းပြို တဲ့ရွာတွေက အိမ်ထောင်စုတွေကို အကူအညီပေးဖို့ စီစဉ်နေပါတယ်။ FAO အစီအစဉ်နဲ့ ကမ်းပြိုအိမ်ထောင်စုတွေက လူတစ်ယောက်ကို ကျပ် ၂၆၀၀၀ စီ ထောက်ပံ့ပေးဖို့ စီစဉ်နေပါတယ်။ လူဦးရေ သုံးယောက်၊ လေးယောက်လောက်ရှိတဲ့ အိမ်တွေ ကတော့ ထောက်ပံ့ငွေအပြည့်ရပါ မယ်။ တစ်အိမ်တည်း ကိုးဦးလောက် ရှိနေတဲ့ အိမ်တွေကတော့ ခြောက်ဦး ဒါမှမဟုတ် ခုနစ်ဦးလောက်အတွက် ရပါမယ်” ဟု ရေစကြိုမြို့နယ် ပြည်သူ့လွှတ်တော် ကိုယ်စားလှယ် ဦးတင့်ဌေးအောင်က ပြောကြားသည်။

ဧရာဝတီမြစ်ရေ တိုက်စားမှုကြောင့် အိမ်ခြေ ၆၀ ကျော် ရွှေ့ပြောင်းထားသည့် ဗလဗကျေးရွာမှာ ကမ်းပြိုမှု ရပ်တန့်ရန်အတွက် ရပ်ရွာလုပ်အားဖြင့် ကမ်းပါးခြေအား သဲအိတ်၊ သစ်ကိုင်းများဖြင့် ကမ်းပြိုမှု ကာကွယ်ရေး လုပ်ဆောင်ထားသည့်အတွက် ကမ်းပြိုမှု ရပ်တန့်နေကြောင်း သိရသည်။

“ကမ်းပါးခြေကို သဲအိတ်တွေ၊ သစ်ကိုင်းတွေကို ကြိုးချည်ပြီးလှိုင်း ရိုက်သက်သာအောင် ချလိုက်တယ်။ လူအား၊ ငွေအား အတော်ကုန်တယ်။ လူကတော့ ရွာရှိလူကုန် ထွက်ရတယ်။ ငွေလည်း သိန်း ၅၀ လောက်ကုန်သွားပြီ။ ကမ်းပြိုတာလည်း ရပ်သလောက်ပဲ။ ကျွန်တော်တို့ရွာ အောက်ဘက်က ရွာတွေမှာတော့ ကမ်းပြိုတာတွေ ဖြစ်နေတယ်။ ကွေ့ထောင့် ရွာသွားတဲ့လမ်းဆို ကမ်းပါးပြိုတဲ့ထဲ ပါသွားပြီ။ အဲဒီရွာတွေ ဘက်မှာတော့ အတော်ပြိုနေတယ်” ဟု ရေစကြိုမြို့နယ် ဗလဗကျေးရွာမှ ကိုနီလုံးက  ပြောကြားသည်။

ရေစကြိုမြို့နယ်အတွင်း ကမ်းပြိုမှု ကြုံတွေ့နေရသည့် ကျေးရွာများ၌ လူနေအိမ်များ ရွှေ့ပြောင်းရသည့်အပြင် စိုက်ပျိုးမြေအများအပြား ပြိုကျပျက်စီးခဲ့သည့်အတွက် လုပ်စားမြေရှားပါးမှုပါ ကြုံတွေ့လာရပြီး ရွာရှိလူငယ်များ နိုင်ငံရပ်ခြားသို့ သွားရောက်လုပ်ကိုင်မှုမြင့်တက်နေ ကြောင်း သိရသည်။

စက်တင်ဘာလဆန်းကလည်း ရေစကြိုမြို့နယ်အနီး ချင်းတွင်းမြစ် ရေမြင့်တက်လာသည့်အတွက် စပါးစိုက်ပျိုးပြီး ဧက ၃၀၀၀ ကျော် မြစ်ရေ နစ်မြုပ်မည့် အခြေအနေနှင့် ကြုံတွေ့နေခြင်းကြောင့် ဒေသခံများစုပေါင်း၍ ရေ၀င်ပေါက်များအား သဲအိတ်နှစ်သောင်းကျော်ဖြင့် ကာကွယ်ခဲ့ရကြောင်း သိရသည်။

လာမည့်ရေနည်း ကာလတွင် ကမ်းပြိုမှုကြုံတွေ့နေရသည့် ရေစကြိုမြို့ ထင်းတန်းရပ်ကွက် ကမ်းပြိုမှု ကာကွယ်ရေးအတွက် ကျပ်သန်း ၅၃၀ ကုန်ကျမည့် ရေကာတာတစ်ခု ထပ်မံတည်ဆောက်မည်ဖြစ်ပြီး အခြားကမ်းပြိုမှု ကြုံတွေ့နေရသည့် ကျေးရွာများတွင်လည်း ကမ်းပြိုကာကွယ်ရေး လုပ်ဆောင်နိုင်ရန် သက်ဆိုင်ရာ ၀န်ကြီးဌာနသို့ တင်ပြထားကြောင်း လွှတ်တော်ကိုယ်စားလှယ်များထံမှ သိရသည်။

 

ဧရာဝတီမြစ် ဒုတိယအကြိမ် ရေကြီးမှုကြောင့် မကွေးတိုင်းဒေသကြီးအတွင်း စာသင်ကျောင်း ၁၁၀ ကျော် ပိတ်ထားရကာ လူဦးရေ ၃၀၀၀၀ ခန့်နှင့် ကျွဲ၊ နွားတိရစ္ဆာန်များ ရေလွတ်ရာ ပြောင်းရွှေ့နေရပြီး သောက်သုံးရေ အခက်အခဲကြုံတွေ့

မင်းဘူးမြို့နယ် မန်းရေနံမြေအနီးသို့ ရေဘေးရှောင် ပြောင်းရွှေ့ထားသည့် တိရစ္ဆာန်များကို တွေ့ရစဉ်

ဧရာဝတီမြစ် ဒုတိယအကြိမ် ရေကြီးမှုကြောင့် သြဂုတ် ၂၃ ရက်အထိ မကွေးတိုင်းဒေသကြီးအတွင်း စာသင်ကျောင်း ၁၁၀ ကျော် ပိတ်ထားရကာ လူဦးရေ ၃၀၀၀၀ ခန့်နှင့် ကျွဲ နွားတိရစ္ဆာန်များ ရေလွတ်ရာ ကုန်းမြေများသို့ ပြောင်းရွှေ့နေရပြီး ရေဘေးသင့်ပြည်သူများ သောက်သုံးရေ အခက်အခဲ ကြုံတွေ့နေရကြောင်း ဒေသခံများ၊ တိုင်းပညာရေးမှူးရုံးနှင့် လူကယ်ပြန်ရုံး တာဝန်ရှိသူများထံမှ သတင်းရရှိသည်။

ဧရာဝတီမြစ်ရေသည် သြဂုတ် ၁၅ ရက် မှစ၍ ဒုတိယအကြိမ် ပြန်လည်မြင့်တက်လာကြောင်း သြဂုတ် ၂၁ ရက်တွင် စိုးရိမ်ရေမှတ် စင်တီမီတာ ၂၁၅၀ ရှိသည့် ပခုက္ကူမြို့၌ စိုးရိမ်ရေမှတ်အထက် စတင်ကျော်လွန်ခဲ့ကြောင်း၊ ထိုရက်များမှစ၍ ဧရာဝတီမြစ်နံဘေး ၀ဲယာရှိ ရေ၀င်ရောက်နေသည့် ကျေးရွာများနှင့် မြို့ပေါ်ရပ်ကွက်များမှ သက်ကြီးရွယ်အိုများ၊ ကလေးသူငယ်များနှင့် ကျွဲ၊ နွား၊ ဆိတ်၊ သိုး စသည့်တိရစ္ဆာန်များကို ရေဘေးလွတ်ရာ ကုန်းမြင့်ပိုင်းများသို့ ပြောင်းရွှေ့နေရကြောင်း သိရသည်။

“ရေနစ်မြုပ်တဲ့ ကျေးရွာတွေမှာ တုံကင်ရေတွင်းတွေ ရေမြုပ်ကုန်ပါတယ်။ တချို့ကျေးရွာတွေမှာ ပိုက်အမြင့် ဆက်ထားတဲ့ တုံကင်ရေတွင်း တစ်တွင်းတည်းက ရေကိုပဲ တစ်ရွာလုံးက မှီခိုနေရတာတွေလည်း ရှိပါတယ်။ အခုရေက နေ့စဉ်တိုးနေတော့ အဲဒီတွင်းတွေကလည်း ရေမြုပ်ကုန်တော့မှာပါ။ ရေ၀င်တဲ့ ကျေးရွာတွေရော၊ ကုန်းပိုင်းကို ပြောင်းရွှေ့လာသူတွေရောက မြစ်ရေအနောက်တွေကိုပဲ သောက်သုံးနေကြရပါတယ်” ဟု မင်းဘူးမြို့နယ် မယ်ဘေ့ကုန်းကျေးရွာမှ ဦးဝင်းချွန်က ပြောကြားသည်။

မင်းဘူးမြို့နယ် နိဗ္ဗာန်ကျွန်းကျေးရွာမှ ရေဘေးရှောင်လာသည့် ဦးလှမြင့်က “ကုန်းရှိတဲ့နေရာမှာ နွားတွေရော ရွှေ့လာရပြီး သီးနှံစိုက်ခင်းတွေလည်းရှိတော့ နွားလွှတ်ကျောင်းရတာလည်း အခက်အခဲ ရှိပါတယ်။ မိုးကလည်း ရွာနေတော့ ဗွက်တွေထဲမှာပဲ နေရပါတယ်။ လူလည်းဆင်းရဲ၊ နွားလည်းဆင်းရဲ စိတ်ဆင်းရဲ ကိုယ်ဆင်းရဲ နေကြရပါတယ်။ မဖြစ်တော့လည်း နေကြရမှာပဲလေ” ဟု ပြောကြားသည်။

ဧရာဝတီမြစ်ရေ ၀င်ရောက်နေမှုကြောင့် မကွေးတိုင်းအတွင်း ပခုက္ကူ၊ ရေစကြို၊ ချောက်၊ စလင်း၊ ပွင့်ဖြူ၊ ရေနံချောင်း၊ မင်းဘူး၊ ကံမမြို့ နယ်များအတွင်း စာသင်ကျောင်း ၁၁၆ ကျောင်း ပိတ်ထားရပြီး ကျောင်းသူ ကျောင်းသား ၁၁၀၀၀ ကျော် ပညာသင်ယူမှု ရပ်နားထားရကြောင်း တိုင်းပညာရေးမှူးရုံး တာဝန်ရှိသူများထံမှ သိရသည်။

အဆိုပါ ကျောင်းများသည် ပထမအကြိမ် မြစ်ရေကြီးစဉ်ကလည်း ရက်ရှည်ပိတ်ထား ရသောကြောင့် ကျောင်းသူ ကျောင်းသားများ၏ ပညာသင်ယူမှု နောက်ကျနေရကြောင်း ဒေသခံများက ပြောကြားသည်။

ဧရာဝတီမြစ်ရေကြီးမှုကြောင့် သြဂုတ် ၂၃ ရက်အထိ ပခုက္ကူမြို့နယ်နှင့် ရေစကြိုမြို့ နယ် အတွင်းမှာ လူဦးရေ ၂၃၁၄၈ ဦး ရေဘေး ရှောင်နေရကြောင်း ရေဘေးသင့်ပြည်သူများ အတွက် တစ်ပတ်စာ ဆန်ဖိုးအဖြစ် တစ်ဦးလျှင် ကျပ် ၂၁၀၀ နှုန်း ထောက်ပံ့ပေးနိုင်ရန် စီစဉ်လျက်ရှိကြောင်း ပထမအကြိမ် ရေကြီးစဉ်က ရေဘေးရှောင်ရသူပေါင်း ၆၈၀၀၀ ကျော်ရှိခဲ့ကြောင်း တိုင်းလူကယ်ပြန်ရုံး လက်ထောက်ညွှန်ကြားရေးမှူး ဒေါ်ဖြူသွဲ့သွဲ့အောင်ထံမှ သိရသည်။

ဧရာဝတီမြစ်ကမ်းတစ်လျှောက် ရေဘေးကြုံတွေ့နေရသည့် ကျေးရွာအများစုတွင် ကမ်းပြိုမှုများလည်း ဖြစ်ပေါ်လေ့ရှိကြောင်း၊ ပထမအကြိမ် ရေပြန်ကျစဉ်က မြစ်ကမ်းပြိုမှုကြောင့် စလင်း၊ ပွင့်ဖြူ၊ မင်းဘူးမြို့နယ်များရှိ ကျေးရွာ ၁၀ ရွာခန့်မှ နေအိမ်များ ပြောင်းရွှေ့ခဲ့ရကြောင်း ဒေသခံများထံမှ သိရသည်။

ဧရာဝတီမြစ်ရေသည် စိုးရိမ်ရေမှတ် စင်တီမီတာ ၁၇၀၀ စီရှိသည့် မင်းဘူးမြို့နှင့် မကွေးမြို့တို့တွင် စိုးရိမ်ရေမှတ်ရောက်ရန် တစ်ပေနှင့် နှစ်ပေစီသာ လိုတော့ပြီးနောက် နှစ်ရက်အတွင်း စိုးရိမ်ရေမှတ် ကျော်လွန်နိုင်သည်ဟု မိုးလေ၀သနှင့် ဇလဗေဒ ညွှန်ကြားမှု ဦးစီးဌာနက သြဂုတ် ၂၃ ရက်က ကြေညာထားသည်။

ပခုက္ကူမြို့တွင် ဧရာဝတီမြစ်ရေ စိုးရိမ်ရေမှတ်အထက် ၃၁ စင်တီမီတာ ကျော်လွန်ရောက်ရှိသွားပြီး ဒေသခံနှစ်သောင်းကျော် ရေလွတ်ရာသို့ ရွှေ့ပြောင်းထားရ

 

ပခုက္ကူမြို့အနီးတွင် ဧရာဝတီမြစ်ရေ မြင့်တက်လာမှုကြောင့် ရေလွတ်ရာသို့ရွှေ့ပြောင်းနေထိုင်သူများအား တွေ့ရစဉ် (ဓာတ်ပုံ-သက်ထိန်ဝင်း)

ပခုက္ကူမြို့အနီး ဧရာဝတီမြစ်ရေသည် သြဂုတ် ၂၂ရက် တိုင်းထွာချက်အရ စိုးရိမ်ရေမှတ် အထက် ၃၁ စင်တီမီတာ ကျော်လွန် ရောက်ရှိသွားပြီး ရေနစ်မြုပ်ဒေသများမှ ဒေသခံပြည်သူ နှစ်သောင်းကျော် ရေလွတ်ရာသို့ ရွှေ့ပြောင်းထားရကြောင်း ဌာနဆိုင်ရာစာရင်းများအရ သိရသည်။

ပခုက္ကူမြို့နယ်တွင်း ဧရာဝတီမြစ်ရေ မြင့်တက်လာပြီး မြို့ပေါ်ရပ်ကွက် ငါးခုနှင့် ကျေးရွာပေါင်း ၆၂ ရွာတွင် ရေဖုံးလွှမ်းခဲ့သည့်အတွက် အိမ်ထောင်စု ၄၄၇၉  စု၊ လူဦးရေ ၂၀၄၃၈ ဦး ရေလွတ်ရာ ကုန်းမြင့်များဆီ ရွှေ့ပြောင်းခဲ့ရကြောင်း သိရသည်။

ဒုတိယအကြိမ် ဧရာဝတီမြစ်ရေ ရေကြီးရေလျှံမှုကြောင့် ပခုက္ကူမြို့နယ်တွင် စာသင်ကျောင်း ၄၄ ကျောင်း ပိတ်ထားခဲ့ရပြီး အဆိုပါ ကျောင်းများမှ ကျောင်းသားကျောင်းသူများ စာသင်ကြားမှု နောက်မကျစေရန် ရက်အစားထိုး သင်ကြားမှုများ စီစဉ်ထားကြောင်း သိရသည်။

“ကျွန်တော်တို့ ရပ်ကွက်မှာဆိုရင် မြစ်ဘေးနဲ့ အနိမ့်ပိုင်းတွေအားလုံးက အိမ်တွေ ရေ၀င်သွားပါပြီ။ ရွှေ့ပြောင်းနေထိုင်သူ အိမ်ထောင်စု ၁၉၀ ကျော်လောက် ရှိပါတယ်။ လူဦးရေလည်း များသွားပါတယ်။ လက်ရှိမိုးလည်း ရွာတာရော၊ အရွှေ့အပြောင်း နှစ်ခါလုပ်ရတာရောကြောင့် အခက်အခဲက အနည်းနဲ့အများ ရှိကြပါတယ်။ အတော်များများက ပထမရေ ပြန်အကျမှာ ပြောင်းထားကြတာ။ အခုရေက ထင်မထားဘဲ ပြန်တက်လာတော့ ပြန်ပြောင်းကြရတယ်။ အများစုမြေအမြင့်တွေဆီ ပြောင်းရတယ်။ ရေမြန်မြန်ကျမှ အဆင်ပြေမယ်” ဟု အမှတ် (၁) ရပ်ကွက်အုပ်ချုပ်ရေးမှူး ကိုထွန်းထွန်းက ပြောကြားသည်။

ပခုက္ကူမြို့နယ်တွင်း ရေကြီးရေလျှံမှုကြောင့် မြစ်ရေဖုံးလွှမ်းခံရသည့် ကျေးရွာများမှ လယ်ယာလုပ်ငန်းသုံး  နွား ၊ ကျွဲ ၆၅၇၉ ကောင်နှင့် အခြားအိမ်မွေးတိရစ္ဆာန် ၃၀၀၀ နီးပါး ရေလွတ်ရာရွှေ့ပြောင်းခဲ့ရကြောင်း ဌာနဆိုင်ရာမှ ကောက်ယူထားသည့် မှတ်တမ်းများအရ သိရသည်။

“ကျွန်တော်တို့ မြစ်လယ်က ကျွန်းရွာတွေကတော့ အိမ်အပေါ်ထပ်တွေနေကြတယ်။ အောက်ထပ်ကတော့ လုံးလုံးမြုပ်သွားပြီ။ သက် ကြီးတွေ ကျောင်းသားတွေနဲ့ မြို့ပေါ် အလုပ်လုပ်တဲ့ သူတွေကတော့ မြို့ဘက်ပြောင်းကြတယ်။ ကျန်တောင်သူလုပ်တဲ့သူတွေ့တော့ ရွာမှာပဲ။ နောက်ထပ် နှစ်ပေလောက်တက်မှ ကျွန်တော်တို့ကရွှေ့မယ်။ အိမ်ကိုလူစောင့် မရှိဘဲ ထားသွားဖို့က မဖြစ်နိုင်ဘူး။ နေလို့ရသည်ထိတော့ နေမယ်” ဟု ပခုက္ကူကျွန်းကျေးရွာမှ ဦးမျိုးမြင့်က ဆိုသည်။

ပခုက္ကူမြို့အနီး ဧရာဝတီမြစ်ရေမှာ သြဂုတ် ၂၂ရက် တိုင်းထွာချက်အရ ၂၁၈၁ စင်တီမီတာသို့ ရောက်ရှိနေပြီး စိုးရိမ်ရေမှတ် ၂၁၅၀ စင်တီမီတာအထက် ၃၁ စင်တီမီတာ ကျော်လွန်ရောက်ရှိကြောင်း မိုးလေ၀သနှင့်ဇလဗေဒ ညွှန်ကြားမှုဦးစီးဌာန ထုတ်ပြန်ချက်အရ သိရသည်။

ပခုက္ကူဆိပ်ကမ်း ကားလမ်းပေါ်သို့ မြစ်ရေလျှံတက်ခြင်း နှင့် မော်တော်များ ကမ်းကပ်ရန် အဆင်မပြေခြင်းများကြောင့် သြဂုတ် ၂၂ ရက် မွန်းလွဲပိုင်းမှစ၍ ပခုက္ကူဆိပ်ကမ်းကုန် တင်ချ ပြုလုပ်ခြင်းအား ရပ်နားလိုက်ကြောင်း ဆိပ်ကမ်းလုပ်သားများထံမှ သိရသည်။

ပခုက္ကူဆိပ်ကမ်းတွင် မြစ်ဝကျွန်းပေါ်ဒေသမှ ဆန်ပို့မော်တော်ယာဉ်များ အများဆုံး ရပ်နားရာနေရာဖြစ်ပြီးနေ့စဉ် ဆန်အိတ်ရေ တစ်သောင်းနှင့်အထက် သယ်ယူမှု ပြုလုပ်နေ ခြင်းကြောင့် အခြေခံ ကမ်းနားကုန်ထမ်းလုပ်သားများ အားထားရာနေရာတစ်ခုဖြစ်ကြောင်း သိရသည်။

 

 

ဧရာဝတီမြစ်​​ရေ မြင့်တက်မှုကြောင့် စစ်​ကိုင်းမြို့ ရပ်​ကွက်အချို့နှင့်​ အနီးတစ်ဝိုက်​ရှိ ​ကျေးရွာအချို့တို့မှ ရေဘေးသင့်ပြည်သူများ ပြောင်းရွှေ့နေရ

စစ်​ကိုင်းမြို့၊ အနိမ့်​ပိုင်းရပ်​ကွက်​ အချို့နှင့်​ အနီးတစ်ဝိုက်​ရှိ ​ကျေးရွာအချို့တို့တွင်​ ဧရာဝတီမြစ်​​ရေ တက်​လာမှုကြောင့်​ ​ရေ​ဘေးသင့်​ ပြည်​သူများသည်​ ဘုရားများနှင့်​ ဘုန်း​ကြီး​ကျောင်းများ၏ ပုရဝုဏ်​​များအတွင်း ​ပြောင်း​ရွှေ့​နေထိုင်​ လျက်​ရှိ​ကြောင်း သိရသည်​။

ဧရာဝတီမြစ်​​ရေသည်​ သြဂုတ်​လ ၂၀ ရက်​​နေ့ ည​နေ ၆ နာရီတိုင်းတာချက်​အရ ၁၁၇၃ စင်​တီမီတာ ရှိလာ​သော​ကြောင့်​ စိုးရိမ်​အမှတ်​ ၁၁၅၀ စင်​တီမီတာ ထက်​ ​ကျော်​လွန်​ခဲ့​ကြောင်း၊ ယခင်​နှစ်​ အမြင့်​ဆုံး​ရေအမှတ်​မှာ ၁၂၁၈ ထိ ရှိခဲ့​ကြောင်း၊ ယခုရေများ ပြန်လည်​​ကျဆင်းမှုမှာ ၄၈ နာရီ​ စောင့်​ဆိုင်းရမည်​ ဖြစ်​​ကြောင်း မိုး​လေဝသနှင့်​ ဇလဗေဒ ညွှန်​ကြားမှု ဦးစီးဌာန ခရိုင်းရုံး (စစ်​ကိုင်းမြို့) မှ သိရသည်​။