ကျန်းမာရေးအရ စိတ်မပူကြရန်နှင့် အားလုံးကိုသတိရကြောင်း နိုင်ငံတော်သမ္မတဟောင်း ဦးထင်ကျော် ပြောကြား

ကျန်းမာရေးအရ စိတ်မပူကြရန်နှင့် အားလုံးကိုသတိရကြောင်း နိုင်ငံတော်သမ္မတဟောင်း ဦးထင်ကျော်က ပြောကြားသည်။

နေပြည်တော် MICC-2 တွင် ကျင်းပသည့် ၁၇ ကြိမ်မြောက် အရှေ့တောင်အာရှ နိုင်ငံများ၏စာကြည့်တိုက်မှူးများ ညီလာခံတွင် သတင်းမီဒီယာများ၏ မေးမြန်းမှုကို သမ္မတဟောင်းဦးထင်ကျော်က အထက်ပါကဲ့သို့ ပြောကြားခဲ့ခြင်းဖြစ်သည်။

“မစိုးရိမ်ပါနဲ့လို့ ကျွန်တော်ကျန်းမာရေး ကောင်းပါတယ်။ တချို့လည်း စိုးရိမ်စိတ်နဲ့ ပြောကြတာပေါ့။ ကျန်းမာပါတယ်။မြင်တဲ့အတိုင်းပါပဲ။ ဘာပဲပြောပြော သူတို့စိုးရိမ်စိတ်နဲ့ မေးကြတဲ့ဟာ ကျေးဇူးတင်ပါတယ်။ စိတ်မပူကြပါနဲ့ ကျန်းမာရေးကောင်းပါတယ် ဆိုတာပြောပေးပါ။ အားလုံးကိုလည်း သတိရပါတယ်”ဟု သမ္မတဟောင်း ဦးထင်ကျော်က ပြောကြားသည်။

လက်ရှိတွင် သမ္မတဟောင်းဦးထင်ကျော်အနေဖြင့် နေပြည်တော်တွင်နေထိုင်နေပြီး ၎င်း၏ အဖေဖြစ်သူ ဆရာမင်းသုဝဏ် ထားခဲ့သည့် စာအုပ်စာပေများအား စာရင်းခွဲကာ နောက်ပိုင်းတွင် မှတ်တမ်းရေးနိုင် ရန်အတွက် စီစဉ်နေကြောင်း ပြောကြားသည်။

ဦးထင်ကျော်သည် လက်ရှိတာဝန်များမှ အနားယူလိုသောကြောင့်ဟုဆိုကာ ၂၀၁၈ ခုနှစ် မတ် ၂၁ ရက်မှစ၍ နိုင်ငံတော်သမ္မတရာထူးက နုတ်ထွက်သွားပြီဖြစ်ကြောင်း နိုင်ငံတော်သမ္မတရုံးက မတ် ၂၁ ရက်တွင် သတင်းထုတ်ပြန်ခဲ့သည်။

ဦးထင်ကျော်သည် ပြည်ထောင်စုသမ္မတ မြန်မာနိုင်ငံတော်၏ ကိုးဦးမြောက်သမ္မတဖြစ်ပြီး ဦးထင်ကျော်ကို ၂၀၁၆ ခုနှစ် မတ် ၁၅ ရက်တွင် ကျင်းပသည့် ဒုတိယအကြိမ် ပြည်ထောင်စု လွှတ်တော်အစည်းအဝေး၌ ရွေးချယ်တင်မြှောက်ခဲ့ခြင်းဖြစ်သည်။

ဦးထင်ကျော်သည် ၂၀၁၆ ခုနှစ် မတ် ၃၀ ရက်တွင် ပြည်ထောင်စုလွှတ်တော်၌  ကတိသစ္စာပြုပြီးနောက် နိုင်ငံတော်သမ္မတတာဝန်ကို ယခင်သမ္မတဦးသိန်းစိန်ထံမှ လွှဲပြောင်းရယူခဲ့သည်။

ထို့နောက် ဦးထင်ကျော်သည် သမ္မတတာဝန် ထမ်းဆောင်နေစဉ်အတွင်း ဆေးစစ်ခံယူမှုများပြုလုပ်ခဲ့ရာ၌ အူလမ်းကြောင်း၌ (Colonic Polyp) တွေ့ရှိရ၍ ထိုင်းနိုင်ငံတွင် ၂၀၁၇ ခုနှစ် စက်တင်ဘာ ၁၀ ရက်တွင် လိုအပ်သည့် ခွဲစိတ်ကုသမှုများ ဆောင်ရွက်ခဲ့ရာ ခွဲစိတ်ကုသမှု အောင်မြင်မှုရှိကြောင်း ထိုစဉ်အချိန်က နိုင်ငံတော်သမ္မတရုံးက သတင်းထုတ်ပြန်ခဲ့သည်။

ထို့ပြင်သမ္မတဦးထင်ကျော်သည် ၂၀၁၈ ခုနှစ် ဇန်န၀ါရီ ၂၃ ရက်မှ ၂၆ ရက်ထိ ကျန်းမာရေးစစ်ဆေးမှု ခံယူရန်အတွက် စင်ကာပူနိုင်ငံသို့ သွားရောက်ခဲ့ပြီး ထိုစဉ်အချိန်ကတည်းက သမ္မတတာဝန်က အနားယူမည့်သတင်းများ ထွက်ပေါ်ခဲ့ကာ သမ္မတတာဝန်ထမ်းဆောင်သည့် သက်တမ်းနှစ်နှစ်ပြည့်ရန် ကိုးရက်အလို ၂၀၁၈ ခုနှစ် မတ် ၂၁ ရက်တွင် တာဝန်မှ တရားဝင် နုတ်ထွက်ခဲ့ခြင်းလည်း ဖြစ်သည်။

မြန်မာနိုင်ငံ၏ န၀မမြောက်သမ္မတ ဦးထင်ကျော် ဖြတ်သန်းခဲ့သော နေ့ရက်များ

၂၀၁၆ ခုနှစ် မတ် ၃၀ ရက်တွင် သမ္မတအိမ်တော်၌ သမ္မတဦးထင်ကျော်သည် ယခင်သမ္မတဦးသိန်းစိန်ထံမှ အာဏာလွှဲပြောင်းရယူနေစဉ် (ဓာတ်ပုံ – မျိုးမင်းထက်)

မြန်မာနိုင်ငံ၏ န၀မမြောက်သမ္မတဖြစ်သည့် နိုင်ငံတော်သမ္မတ ဦးထင်ကျော်သည် ၂၀၁၈ ခုနှစ် မတ် ၂၁ ရက်တွင် သမ္မတရာထူး တာဝန်က နုတ်ထွက်ခဲ့သည်။

ဦးထင်ကျော် နိုင်ငံတော်သမ္မတတာဝန်က နုတ်ထွက်သွားပြီးနောက် သူ၏လုပ်ငန်းတာဝန် ထမ်းဆောင်မှုများအပေါ် ဝေဖန်မှုများ ရှိခဲ့သော်လည်း သမ္မတတာဝန်ကို သစ္စာရှိရှိဖြင့် ရိုးသားစွာကြိုးပမ်းထမ်းဆောင်ခဲ့သည်ဟု မှတ်ချက်ပြုမှုများရှိခဲ့သည်။

သမ္မတဟောင်းဦးထင်ကျော်ကို ၁၉၄၆ ခုနှစ် ဇူလိုင် ၂၀ ရက်တွင် ဦးဝန် (စာရေးဆရာ မင်းသုဝဏ်)၊ ဒေါ်ကြည်ကြည်တို့မှ မွေးဖွားခဲ့ပြီး ဒုတိယမြောက်သားဖြစ်ကာ အခြေခံပညာကို လက်ရှိနိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့်အတူ Methodist Hight School အထက(၁)ဒဂုံတွင် တက်ရောက်ခဲ့ပြီး ၁၉၆၇ ခုနှစ်တွင် စီးပွားရေးတက္ကသိုလ်မှ စီးပွားရေးပညာဘွဲ့နှင့်  ၁၉၆၈ ခုနှစ်တွင် မဟာဘွဲ့ရရှိခဲ့သူ ဖြစ်သည်။

ထိုသို့ မဟာဘွဲ့တက်ရောက်စဉ် တက္ကသိုလ်နည်းပြအဖြစ် တာဝန်ထမ်းဆောင်ခဲ့ပြီး ၁၉၇၀ ပြည့်နှစ်တွင် အင်္ဂလန်နိုင်ငံရှိ University of Computer Centre သို့ ပြောင်းရွှေ့ ပညာသင်ယူခဲ့ပြီးနောက် ၁၉၇၁-၁၉၇၂ ခုနှစ်တွင်  Institute of Computer Science, University of Landon ၊ ၁၉၇၄ -၁၉၇၅ ခုနှစ်တွင် M.Sc (Computer Science) (RASU) ၊ ၁၉၇၄ ခုနှစ်တွင် Asia Electronic Union (Tokyo) စသည်တို့တွင် ပညာသင်ယူခဲ့ကာ ၁၉၇၅ ခုနှစ်တွင် ဌာနခွဲမှူး အကြီးစား စက်မှုလုပ်ငန်း၊ ၁၉၈၀ မှ ၁၉၉၂ ခုနှစ်အထိ နိုင်ငံခြားစီးပွားဆက်သွယ်ရေး ဦးစီးဌာနတွင် တာဝန်ထမ်းဆောင်ခဲ့ပြီး ဒုတိယညွှန်ကြားရေးမှူးအဆင့်ဖြင့် နုတ်ထွက်ခဲ့သည်။

အစိုးရ၀န်ထမ်းအဖြစ်မှ နုတ်ထွက်ပြီးနောက် အမျိုးသားဒီမိုကရေစီအဖွဲ့ချုပ်သို့ ၀င်ရောက်ခဲ့ပြီး ဒေါ်အောင်ဆန်းစုကြည်၏ သံတမန်ရေးအရာရှိအဖြစ် ဆောင်ရွက်ခဲ့ကာ  နောက်ပိုင်းတွင် ဒေါ်ခင်ကြည်ဖောင်ဒေးရှင်း၏ ဗဟိုအလုပ်အမှုဆောင်အဖွဲ့ဝင်တစ်ဦး အဖြစ်လည်း ဦးထင်ကျော်က တာဝန်ထမ်း ဆောင်ခဲ့သည်။

သမ္မတဟောင်းဦးထင်ကျော်သည်  ‘ဒလဘန်း’  ကလောင်ဖြင့် စာအုပ်များလည်း ရေးခဲ့သည်။

ထို့ပြင် ဦးထင်ကျော်၏ဇနီးမှာ NLD ပါတီခေါင်းဆောင်တစ်ဦးဖြစ်သည့် ကွယ်လွန်သူ အငြိမ်းစား ဗိုလ်မှူးကြီးဦးလွင်၏သမီး လက်ရှိသုံးခွမြို့နယ် ပြည်သူ့လွှတ်တော်ကိုယ်စားလှယ် ဒေါ်စုစုလွင် ဖြစ်သည်။

မြန်မာနိုင်ငံ လွတ်လပ်ရေးရပြီးနောက်ပိုင်း နိုင်ငံတော်သမ္မတတာဝန်ထမ်းဆောင်ခဲ့သည် သမ္မတကိုးဦးတွင်  ပထမဆုံးသမ္မတသည် စ၀်ရွှေသိုက်ဖြစ်ပြီး ကျန်သမ္မတများမှာ ဒေါက်တာဘဦး၊ မန်းဝင်းမောင်၊ ဦးနေ၀င်း၊ ဦးစန်းယု၊ ဦးစိန်လွင်၊ ဒေါက်တာမောင်မောင်၊ ဦးသိန်းစိန်၊ ဦးထင်ကျော်တို့ ဖြစ်ကြသည်။

 

နိုင်ငံတော်သမ္မတ ဦးထင်ကျော်

ဦးထင်ကျော် နိုင်ငံတော်သမ္မတဖြစ်လာပုံမှာ ၂၀၁၅ ခုနှစ် အထွေထွေရွေးကောက်ပွဲတွင် ဒေါ်အောင်ဆန်းစုကြည် ဦးဆောင်သည့် အမျိုးသားဒီမိုကရေစီအဖွဲ့ချုပ်ပါတီက ပြည်သူလူထု၏ ဆန္ဒမဲအများအပြားဖြင့် ပြိုင်ဘက်နိုင်ငံရေးပါတီများကို အပြတ်အသတ်အနိုင်ရရှိခဲ့သည်။

ထိုသို့ ပြည်သူများ၏ ထောက်ခံမှုဖြင့် အပြတ်အသတ်အနိုင်ရရှိခဲ့သည့်အတွက် လွှတ်တော်ထဲတွင် အမျိုးသားဒီမိုကရေစီ အဖွဲ့ချုပ်ပါတီမှ ကိုယ်စားလှယ်အများစု ရောက်ရှိလာခဲ့ပြီး နိုင်ငံတော်သမ္မတ ရွေးချယ်တင်မြှောက်ခွင့် ရရှိလာသည်။ ပါတီခေါင်းဆောင် ဒေါ်အောင်ဆန်းစုကြည်ကို ပြည်သူလူထုအများစု နိုင်ငံတော်သမ္မတအဖြစ် မြင်လိုကြသော်လည်း ၂၀၀၈ ဖွဲ့စည်းပုံအခြေခံ ဥပဒေ ပုဒ်မ ၅၉ ပုဒ်မခွဲ (စ) အရ သမ္မတဖြစ်ခွင့် မရှိခဲ့ပေ။

ထို့ကြောင့် ပါတီကို ဦးဆောင်နေသည့် ဒေါ်အောင်ဆန်းစုကြည်က သူမ၏ ငယ်သူငယ်ချင်း၊ ရိုးသားပြီး ယုံကြည်ရသူတစ်ဦးဖြစ်သည့် ဦးထင်ကျော်ကို နိုင်ငံတော်၏အကြီးအကဲ သမ္မတအဖြစ် ရွေးချယ်ခဲ့သည်။

ပြည်ထောင်စုသမ္မတမြန်မာနိုင်ငံတော်၏ ကိုးဦးမြောက်သမ္မတအဖြစ် ဦးထင်ကျော် ကို ၂၀၁၆ ခုနှစ် မတ် ၁၅ ရက်တွင် ကျင်းပသည့် ဒုတိယအကြိမ် ပြည်ထောင်စုလွှတ်တော် အစည်းအဝေး၌ ရွေးချယ်တင်မြှောက်ခဲ့ကြပြီး  ၂၀၁၆ ခုနှစ် မတ် ၃၀ ရက်တွင် ပြည်ထောင်စုလွှတ်တော်၌  ကျမ်းသစ္စာကျိန်ဆိုခဲ့ပြီးနောက် နိုင်ငံတော်သမ္မတတာဝန်ကို ယခင်သမ္မတ ဦးသိန်းစိန်ထံမှ လွှဲပြောင်းရယူခဲ့သည်။

နိုင်ငံတော်သမ္မတဦးထင်ကျော် လွှတ်တော်၌  ကျမ်းသစ္စာကျိန်ဆိုပြီးနောက် ပထမဆုံးပြောကြားခဲ့သည့် မိန့်ခွန်းတွင် အမျိုးသားရင်ကြားစေ့ရေး၊ ပြည်တွင်းငြိမ်းချမ်းရေး၊ ဒီမိုကရေစီဖက်ဒရယ် ပြည်ထောင်စုဖြစ်ပေါ်ရေးကို ရှေးရှုသည့်ဖွဲ့စည်းပုံအခြေခံဥပဒေတစ်ခု ပေါ်ပေါက်ရေးတို့ကို အကောင်အထည်ဖော် ဆောင်ရွက်သွားမည်ဟု ပြောကြားသည်။

မြန်မာနိုင်ငံ၏ အရပ်သားသမ္မတ စစ်စစ်ကို ရွေးချယ်တင်မြှောက်နိုင်ခဲ့သည့်အတွက် လူထုက ပျော်ရွှင်ဂုဏ်ယူခဲ့ကြသလို နိုင်ငံတကာကလည်း ချီးကျူးဂုဏ်ပြုခဲ့ကြသည်။

 

ဘာတွေဆောင်ရွက်ခဲ့လဲ

ဦးထင်ကျော် နိုင်ငံတော်သမ္မတ ဖြစ်လာပြီးနောက်  ဒုတိယအကြိမ် ပြည်ထောင်စုလွှတ်တော်က ပထမဆုံးရေးဆွဲအတည်ပြု ပြဋ္ဌာန်းခဲ့သည့် ဥပဒေမှာ နိုင်ငံတော်၏အတိုင်ပင်ခံပုဂ္ဂိုလ်ဆိုင်ရာ ဥပဒေဖြစ်ပြီး ၎င်းဥပဒေ ကို ၂၀၁၆ခုနှစ် ဧပြီ ၆ရက်တွင် ပြဋ္ဌာန်းခဲ့ကာ ဒေါ်အောင်ဆန်းစုကြည် နိုင်ငံတော်၏ အတိုင်ပင်ခံပုဂ္ဂိုလ် ဖြစ်လာခဲ့သည်။

ထို့နောက် မြန်မာနိုင်ငံ၏ အဓိက နိုင်ငံရေး၊ စီးပွားရေး၊ လူမှုရေးကဏ္ဍများတွင် သမ္မတဦးထင်ကျော်ထက် နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က ဦးဆောင်ကာ ဆောင်ရွက်လာသည်ဟု ရှုမြင်ကြသည်။ သို့သော်လည်း သမ္မတဦးထင်ကျော်၏ နိုင်ငံအတွက် ရိုးသားစွာ တာဝန်ထမ်းဆောင်ခဲ့မှုများကိုလည်း သတိချပ်စေချင်သည်။

ဦးထင်ကျော် နိုင်ငံတော်သမ္မတတာဝန် စတင်ထမ်းဆောင်ပြီး မကြာမီကာလအတွင်း တစ်နိုင်ငံလုံးရှိ အကျဉ်ထောင်းအသီးသီးတွင် အကျဉ်းချခံနေရသည့် နိုင်ငံရေးအကျဉ်းသား၊ နိုင်ငံရေးတက်ကြွလှုပ်ရှားသူများ အပါအ၀င် အကျဉ်းသားများကို ပြစ်ဒဏ်လွတ်ငြိမ်းပြုခဲ့ဖူးသည်။

သမ္မတဦးထင်ကျော် တာဝန်ထမ်းဆောင်သည့် နှစ်နှစ်အတွင်း အမျိုးသားကာကွယ်ရေးနှင့် လုံခြုံရေးကောင်စီအစည်းအဝေး တစ်ခါမျှ မခေါ်ယူခဲ့ကြောင်း သတင်းများအရ သိရသည်။

နိုင်ငံတစ်နိုင်ငံ၏ အကြီးအကဲမှာ သမ္မတဖြစ်ပြီး နိုင်ငံ၏ နိုင်ငံရေး၊ စီးပွားရေး၊ လူမှုရေး တိုးတက်ကောင်းမွန်အောင် သမ္မတကသာ အဓိကဦးဆောင်ကြပြီး လူထုဘေးကင်းလုံခြုံ ကာ နိုင်ငံ့အရေးကို တိုးတက်ကောင်းမွန်အောင် လုပ်ဆောင်နိုင်မှသာ အရည်အချင်းရှိသည့် သမ္မတဟု ဆို၍ရသည်။

သမ္မတ တာဝန်ထမ်းဆောင်သည့် နှစ်နှစ်အတွင်း တိုင်းပြည်၏ နိုင်ငံရေး၊ စီးပွားရေး၊ လူမှုရေး တိုးတက်မှု ရှိ မရှိ၊ ပြည်သူလူထု အဆင်ပြေမှု ရှိ မရှိ စာဖတ်ပရိသတ် ပြည်သူလူထုသာ အသိဆုံးဖြစ်မည်။ သမ္မတ၏ လုပ်ငန်းဆောင်ရွက်ချက်များနှင့် ပတ်သက်၍ ထင်ထင်ရှားရှား ပြောစရာများစွာမရှိဟု သုံးသပ်မှုများ ရှိခဲ့သည်။

သမ္မတဦးထင်ကျော် တာဝန်ထမ်းဆောင်သည့် ကာလအတွင်း နိုင်ငံ၏ ဆယ်စုနှစ်များစွာ ကြာမြင့်နေသည့် ပြဿနာတစ်ခုဖြစ်သော ပြည်တွင်းငြိမ်းချမ်းရေးနှင့်ပတ်သက်၍ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘော တူစာချုပ် (NCA) တွင် မွန်ပြည်သစ်ပါတီ (NMSP) နှင့် လားဟူဒီမိုကရက်တစ်အစည်းအရုံး (LDU) တို့က ပါဝင်လက်မှတ်ရေးထိုး လာခဲ့ကြသည်။ သို့သော်လည်း ငြိမ်းချမ်းရေးကို နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဦးဆောင်ကာ ဆောင်ရွက်နေသည်။

ထိုသို့ တစ်နိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် (NCA) တွင် မွန်ပြည်သစ်ပါတီ (NMSP) နှင့် လားဟူဒီမို ကရက်တစ်အစည်းအရုံး (LDU) တို့မှ ပါဝင်လက်မှတ်ရေးထိုးပွဲ အခမ်းအနား၌ နိုင်ငံတော်သမ္မတ ဦးထင်ကျော်လည်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒုတိယသမ္မတနှစ်ဦးဖြစ်သည့် ဦးမြင့်ဆွေ၊ ဦးဟင်နရီဗန်ထီးယူ၊ လွှတ်တော်ဥက္ကဋ္ဌနှစ်ဦး၊ တပ်မတော်ကာကွယ်ရေးဦးစီးချုပ်တို့နှင့် အတူ တက်ရောက်လက်မှတ်ရေးထိုးခဲ့သည်။

သမ္မတဦးထင်ကျော်အနေဖြင့် လုပ်ပိုင်ခွင့် အပြည့်အ၀ဖြင့် တာဝန်ထမ်းဆောင်သည့် သမ္မတအဖြစ် မမြင်ကြောင်းနှင့် တိုင်းပြည်၏ကိစ္စအားလုံးကို နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အဓိက ဆောင်ရွက်နေသည့်အတွက် သမ္မတဦးထင်ကျော်၏ ဆောင်ရွက်ချက်များမှာ မှေးမှိန်ကြောင်း ရှမ်းတိုင်းရင်းသားများဒီမိုကရေစီ အဖွဲ့ချုပ်မှ ပြည်သူ့လွှတ်တော်ကိုယ်စားလှယ် ဦးစိုင်းသီဟကျော်က သုံးသပ်သည်။

“အားလုံးလည်း သိတဲ့အတိုင်းပဲ။ သမ္မတက သူကတကယ့် လုပ်ပိုင်ခွင့်အပြည့်အ၀နဲ့ တာဝန်ကိုထမ်းဆောင်ခဲ့တဲ့ သမ္မတအနေနဲ့ ကျွန်တော်တို့ မမြင်ဘူးလေ။ အဲဒီတော့ သူ့ကိုယ်ပိုင်ဆုံးဖြတ်ချက်၊ သူ့ဟာသူဆုံးဖြတ်ချက် ချပြီးတော့ လုပ်ကိုင်ဆောင်ရွက်သွားတဲ့ကိစ္စ သိပ်ထူးထူးခြားခြား မတွေ့ရဘူးပေါ့။ ရှားရှားပါးပါး ပြောရမယ်ဆိုရင်တော့ ကလေးစာပေ ဖွံ့ဖြိုးတိုးတက်ရေးကိစ္စတွေလောက်ပဲ လုပ်သွားတာ အဲဒါတွေပဲ မြင်ရပြီးတော့ကျန်တဲ့ ကိစ္စတွေကတော့ ဒါကတော့ လုပ်ရိုးလုပ်စဉ်တွေဖြစ်တဲ့ ဥပဒေကြမ်းတွေကို အတည်ပြု လက်မှတ်ရေးထိုးတဲ့ ကိစ္စတွေသာ သမ္မတရုံးကမှ ဆောင်ရွက်တဲ့ကိစ္စတွေ တွေ့ရတယ်။ ဆိုတော့ အစိုးရတစ်ဖွဲ့လုံးရဲ့ လုပ်ဆောင်ချက်လောက်ပဲ  အဓိကမြင်ရပြီးတော့မှ တကယ့်သမ္မတရဲ့ ထူးထူးခြားခြား ဆောင်ရွက်တဲ့ဟာတွေက ထင်သာမြင်သာ သိပ်မတွေ့ရဘူး။ လုံးဝမရှိ ဘူးရယ်လို့ ကျွန်တော် မဆိုလိုပါဘူး။ နိုင်ငံခြားခရီးစဉ်တွေ သွားခဲ့တယ်။ သွားခဲ့တဲ့အခါ အောင်မြင်တဲ့ခရီးစဉ်တွေ သုံးသပ်လို့ရတယ်ဆို ပေမယ့်လည်း တကယ့်သမ္မတရဲ့ တာဝန်ထမ်းဆောင်တဲ့ ကာလအတွင်းမှာ လုံးဝတိုင်းပြည်အတွက် အပြောင်းအလဲ ဖြစ်စေလောက်တဲ့ သမ္မတရဲ့ ဆောင်ရွက်ချက်ဆိုပြီးတော့  လက်ဆုပ်လက်ကိုင်ပြရလောက်တဲ့ အနေအထားအထိ သိပ်တော့မတွေ့ရဘူးလို့ သုံးသပ်ရပါတယ်” ဟု ဦးစိုင်းသီဟကျော်က ပြောကြားသည်။

ထို့ပြင် ဦးစိုင်းသီဟကျော်က “ဒါကလည်း သမ္မတတစ်ယောက်ကို သူလုပ်နိုင်တာ မလုပ်နိုင်တာဆိုတာထက် အားလုံးလည်း သိပြီးဖြစ်တဲ့အတိုင်းပဲ ဒေါ်အောင်ဆန်းစုကြည်က သမ္မတရာထူး ရယူနိုင်ဖို့ အခက်အခဲ ဖြစ်တဲ့အတွက်ကြောင့် တာဝန်ယူရတယ်ဆိုတာ အားလုံးသိပြီးဖြစ်တယ်။ ဒါကြောင့်မို့လည်း တိုင်းပြည်ကိစ္စ ဆောင်ရွက်ရတဲ့အပိုင်း အားလုံးက ဒေါ်အောင်ဆန်းစုကြည်က ဆောင်ရွက်တဲ့ကိစ္စဖြစ်နေတော့ သမ္မတရဲ့ ဆောင်ရွက်ချက် နည်းနည်းမှိန်နေတဲ့အခါမှာ တွေ့ရတာပေါ့” ဟု သုံးသပ်သည်။

သမ္မတဦးထင်ကျော်၏ ဆောင်ရွက်ချက်များနှင့်ပတ်သက်၍ ရခိုင်အမျိုးသားပါတီမှ ပြည်သူ့လွှတ်တော်ကိုယ်စားလှယ် ဦးဖေသန်း က “သူ့ဆောင်ရွက်ချက်တွေကတော့သူ့ရဲ့ သက်တမ်းနှစ်နှစ်အတွင်းမှာ ဘာမှ ပေါ်ပေါ်လွင်လွင် ထင်ထင်ရှားရှား လုပ်ဆောင်ခဲ့တာရယ်လို့ ဘာမှမမြင်တွေ့ရဘူးလေ။ နိုင်ငံတော်အခြေပြမိန့်ခွန်းကိုတောင်မှ မပြောနိုင်ခဲ့ဘူး။ ဒါပေမဲ့ သူက သမ္မတရဲ့အပေါ်မှာ နေမယ်ဆိုတဲ့ ဒေါ်အောင်ဆန်းစုကြည်ရဲ့ ပါရမီကိုတော့ ကောင်းကောင်းဖြည့်ပေးခဲ့တာပေါ့” ဟု သုံးသပ်ပြောကြားသည်။

ဦးထင်ကျော်သည် သမ္မတတာဝန်ထမ်း ဆောင်စဉ်အတွင်း တိုင်းပြည်အတွက် ဒေါ်အောင်ဆန်းစုကြည် ပြောခဲ့သလို ကိုယ်ဘာပေးနိုင်မလဲဆိုတာကို စဉ်းစားကြောင်းနှင့်  တိုင်းပြည်ကနေ ဘာရနိုင်မလဲဆိုတာကို တစ်ခါမှ မစဉ်းစားကြောင်း ဇနီးဖြစ်သူ ဒေါ်စုစုလွင်က ဆိုသည်။

 

သမ္မတ၏ နိုင်ငံတကာသို့ ခြေဆန့်မှုများ

မည်သို့ပင်ဖြစ်စေ သမ္မတဦးထင်ကျော် လုပ်ငန်းဆောင်ရွက်မှု ထင်ထင်ရှားရှားပြောစရာ များစွာမရှိဟု ဝေဖန်မှုများရှိခဲ့သော်လည်း သမ္မတတာဝန်ထမ်းဆောင်သည့် နှစ်နှစ်အတွင်း ပြည်တွင်း၌ ပြုလုပ်ခဲ့သည့် အခမ်းအနားများကို တက်ရောက်ခြင်း၊ နိုင်ငံတကာမှ တာဝန်ရှိဧည့်သည်များကို လက်ခံတွေ့ဆုံ ဆွေးနွေးမှုများလည်း တွေ့ရပြီး နိုင်ငံတကာ ချစ်ကြည်ရေးခရီး၊ ကမ္ဘာ့စီးပွားရေးဖိုရမ်၊ ရုရှား- အာဆီယံ ဆက်ဆံရေး နှစ် (၂၀) ပြည့် အထိမ်းအမှတ် ထိပ်သီးအစည်းအဝေး၊ ကမ္ဘာ့အင်အား ကြီးနိုင်ငံများ၏ ခေါင်းဆောင်များနှင့်လည်း သွားရောက်တွေ့ဆုံမှုများကိုလည်း သတိပြုသင့်သည်။

နိုင်ငံတော်သမ္မတဦးထင်ကျော် တာဝန်ထမ်းဆောင်စဉ် နှစ်နှစ်ကာလအတွင်း နိုင်ငံတကာ ခရီးစဉ်များအဖြစ် (၁၂) ကြိမ်ခန့်သွားခဲ့ပြီး ပထမဆုံးနိုင်ငံတကာခရီးစဉ်မှာ လာအိုနိုင်ငံဖြစ်ပြီး လာအိုနိုင်ငံသမ္မတနှင့်ဇနီးတို့၏ ဖိတ်ကြားချက်အရ သွားရောက်ခဲ့ခြင်း ဖြစ်သည်။

ထို့အတူပင် သမ္မတဦးထင်ကျော်၏ သမိုင်းဝင်ခရီးစဉ်ဖြစ်သည့် ရုရှား-အာဆီယံ ဆက်ဆံရေး နှစ် (၂၀) ပြည့် အထိမ်းအမှတ် ထိပ်သီးအစည်းအဝေးများသို့ တက်ရောက်ရန်အတွက် ၂၀၁၆ ခုနှစ် မေလအတွင်းက အင်အားကြီး ရုရှားဖက်ဒရေးရှင်းနိုင်ငံသို့ သွားရောက်ခဲ့သည်။

သမိုင်းဝင်ခရီးစဉ်အတွင်း သမ္မတဦးထင်ကျော်သည် ရုရှားဖက်ဒရေးရှင်းနိုင်ငံသမ္မတ  မစ္စတာဗလာဒီမာပူတင်နှင့် မြန်မာ-ရုရှားနှစ် နိုင်ငံအကြား တွေ့ဆုံဆွေးနွေးမှုများ ပြုလုပ်ခဲ့သည်ကို တွေ့ရသည်။

ထိုသို့ တွေ့ဆုံခဲ့ရာတွင် ၁၉၄၈ ခုနှစ်ကတည်းက စတင်တည်ထောင်ခဲ့သည့် မြန်မာ-  ရုရှား နှစ်နိုင်ငံဆက်ဆံရေးကဏ္ဍနှင့် ပူးပေါင်းဆောင်ရွက်မှုများကို နီးနီးကပ်ကပ်ဖြင့် ဆက်လက်မြှင့်တင်ဖော်ဆောင်ရေး၊ နှစ်နိုင်ငံ ပူးပေါင်းဆောင်ရွက်မှုများအနေဖြင့် ချစ်ကြည်ရေးအသင်းများကို နှစ်နိုင်ငံလုံးတွင် တည်ထောင်ပြီး ယဉ်ကျေးမှုနှင့် စီးပွားရေးဆိုင်ရာ  ပူးပေါင်းဆောင်ရွက်မှုများ ဖော်ဆောင်ရေး၊ မြန်မာနိုင်ငံတွင် ရုရှားနိုင်ငံမှ စီးပွားရေးလုပ်ငန်းရှင်များ လာရောက်ရင်းနှီးမြှုပ်နှံရေးနှင့် ပြည်သူအချင်းချင်း ပိုမိုထိတွေ့ဆက်ဆံခွင့် ရရှိအောင်ဖော်ဆောင်ရေးဆိုင်ရာကိစ္စများကို အထူးအလေးထား ဆွေးနွေးခဲ့ကြကြောင်း သမ္မတရုံးက ထုတ်ပြန်ခဲ့သည်။

အဆိုပါထိပ်သီးအစည်းအဝေး ကာလအတွင်း သမ္မတဦးထင်ကျော်သည် အာဆီယံခေါင်းဆောင်များနှင့်လည်း တွေ့ဆုံဆွေးနွေးမှု ပြုလုပ်ခဲ့သည်ကိုလည်း တွေ့ရသည်။

ထို့အတူပင် နိုင်ငံတော်သမ္မတဦးထင်ကျော်၏ သမိုင်းဝင်ခရီးစဉ်တစ်ခုဖြစ်သည့် ၂၀၁၆ ခုနှစ် ဇူလိုင်လအတွင်းက မွန်ဂိုလီးယားနိုင်ငံ၌ ကျင်းပသည့် အာရှ-ဥရောပ ထိပ်သီးအစည်းအဝေးကို တက်ရောက်ခဲ့ခြင်း ဖြစ်သည်။

အဆိုပါ အာရှ-ဥရောပထိပ်သီး အစည်းအဝေးဖွင့်ပွဲ အခမ်းအနားတွင် မွန်ဂိုလီးယား နိုင်ငံသမ္မတ အယ်လ်ဘတ်ခ်ဒေါ့ဂ်ျဇတ်ခ် ဟီးလ်ယာဒ်၊ ဥရောပကောင်စီဥက္ကဋ္ဌ ဒေါ်နယ်တက်စ်၊ နိုင်ငံတော်သမ္မတ ဦးထင်ကျော်၊ ဆလိုဗက်ဝန်ကြီးချုပ် မစ္စတာရောဘတ်ဖီလ်ကိုးနှင့် နယူးဇီလန် နိုင်ငံခြားရေးဝန်ကြီး မစ္စတာ မူရေးလ်မက်ခါလီတို့က မိန့်ခွန်းပြောကြားကြသည်။

နိုင်ငံတော်သမ္မတဦးထင်ကျော်က (၁၁) ကြိမ်မြောက် အာရှ-ဥရောပ ထိပ်သီးအစည်း အဝေးတွင် အာဆီယံအဖွဲ့ဝင်နိုင်ငံ၏ ညှိနှိုင်းရေးမှူးအဖြစ် အဖွင့်စကား ပြောကြားခွင့်ရ သည့်အတွက် များစွာဂုဏ်ယူမိကြောင်း၊ နိုင်ငံတော်သမ္မတအဖြစ် တာဝန်ယူပြီး သုံးလတာကာလအတွင်း အာရှ-ဥရောပ ထိပ်သီး အစည်းအဝေးကို ပထမဆုံးအကြိမ် တက်ရောက်လာခြင်းဖြစ်ကြောင်း၊ ASEM အဖွဲ့၏ သက်တမ်းမှာ ဆယ်စုနှစ်သုံးခုအတွင်း ၀င်ရောက်လာပြီဖြစ်သည့်အတွက် မိမိတို့အနေဖြင့် ချိတ်ဆက်မှု၊ စဉ်ဆက်မပြတ်သော ဖွံ့ဖြိုးတိုးတက်မှုအတွက် ၂၀၃၀ ပြည့်နှစ် လုပ်ငန်းစဉ်၊ အစဉ်အလာမဟုတ်သော လုံခြုံရေးဆိုင်ရာ စိန်ခေါ်မှုများ၊ တရားဥပဒေစိုးမိုးရေး၊ မူးယစ်မှောင်ခိုတိုက်ဖျက်ရေး၊ အကျင့်ပျက်ခြစားမှု တိုက်ဖျက်ရေး၊ ဘက်စုံဖွံ့ဖြိုးတိုးတက်မှုနှင့် သဘာဝဘေးအန္တရာယ်စီမံခန့်ခွဲမှု အပါအ၀င် ဘုံအကျိုးစီးပွား နယ်ပယ်များအပေါ် အလေးထားမှုကို တိုးချဲ့လုပ်ဆောင်သင့်ကြောင်း ထည့်သွင်းပြောကြားခဲ့သည်။

ထို့ပြင် သမ္မတဦးထင်ကျော်သည် အိမ်နီးချင်း အင်အားကြီးနိုင်ငံတစ်ခုဖြစ်သည့် အိန္ဒိယနိုင်ငံသို့ ၂၀၁၆ ခုနှစ် သြဂုတ်လ အတွင်းက အိန္ဒိယသမ္မတနိုင်ငံသမ္မတ မစ္စတာ ပရာနာ့ဗ်မူခါဂျီး၏ ဖိတ်ကြားချက်အရ ချစ်ကြည်ရေးခရီး သွားရောက်ခဲ့သည်။ ခရီးစဉ်အတွင်း အိန္ဒိယသမ္မတနိုင်ငံ သမ္မတ မစ္စတာ ပရာနာ့ဗ်မူခါဂျီး၊ အိန္ဒိယ၀န်ကြီးချုပ် မစ္စတာ နာရန်ဒရာမိုဒီတို့နှင့် တွေ့ဆုံဆွေးနွေးခဲ့သည်။

အဆိုပါခရီးစဉ်အတွင်း တိုင်းရင်းဆေး ကဏ္ဍဆိုင်ရာ ပူးပေါင်းဆောင်ရွက်ရေး နားလည်မှုစာချွန်လွှာ၊ ပြန်ပြည့်မြဲစွမ်းအင်နယ်ပယ်တွင် ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ၊ မြန်မာနိုင်ငံရှိ သုံးနိုင်ငံ အဝေးပြေးလမ်းမကြီး၏ တမူး-ကျီကုန်း-ကလက်ဝ အပိုင်းရှိ တံတားများနှင့် ချဉ်းကပ် လမ်းတည်ဆောက်ရေး၊ အဆင့်မြှင့်တင်ရေးဆိုင်ရာ ပူးပေါင်းဆောင်ရွက်မှု နားလည်မှု စာချွန်လွှာ၊ မြန်မာနိုင်ငံရှိ သုံးနိုင်ငံ အဝေးပြေး လမ်းမကြီး၏ ပလက်ဝ-ယာကြီး ကားလမ်းအပိုင်း တည်ဆောက်ရေး၊ အဆင့်မြှင့်တင် ရေးဆိုင်ရာ ပူးပေါင်းဆောင်ရွက်မှု နားလည်မှု စာချွန်လွှာတို့ကို လက်မှတ်ရေးထိုးနိုင်ခဲ့သည်ကို တွေ့ရသည်။

ဗီယက်နမ်နိုင်ငံ ဟနွိုင်းမြို့၌ကျင်းပသည့် ကမ္ဘာ့စီးပွားရေးဖိုရမ် (မဲခေါင်ဒေသ) သို့လည်း ၂၀၁၆ ခုနှစ် အောက်တိုဘာလ အတွင်းက ဦးထင်ကျော် တက်ရောက်ခဲ့သည်ကို တွေ့ရသည်။

ယင်းအပြင် သမ္မတဦးထင်ကျော် တာဝန်ထမ်းဆောင်သည့် နှစ်နှစ်အတွင်း အိမ်နီးချင်းနိုင်ငံလည်းဖြစ်သည့် ကမ္ဘာ့အင်အားကြီး တရုတ်နိုင်ငံသို့လည်း ၂၀၁၇ ခုနှစ် ဧပြီလ အတွင်းက ချစ်ကြည်ရေးခရီးသွားရောက် ခဲ့သည်။ ခရီးစဉ်အတွင်း မြန်မာ-တရုတ် အပြန်အလှန် ပူးပေါင်းဆောင်ရွက်မှုတိုးမြှင့်ရေးကို နိုင်ငံတော်သမ္မတဦးထင်ကျော်နှင့် တရုတ်ပြည်သူ့သမ္မတနိုင်ငံ သမ္မတ မစ္စတာရှီကျင့်ဖျင်တို့ ပေကျင်းမြို့၌ တွေ့ဆုံဆွေးနွေးခဲ့ကြသည်။

သမ္မတဦးထင်ကျော်၏ တရုတ်ခရီးစဉ်အတွင်း ပြည်ထောင်စုသမ္မတမြန်မာနိုင်ငံတော်အစိုးရနှင့် တရုတ်ပြည်သူ့သမ္မတနိုင်ငံအကြား ယဉ်ကျေးမှုအမွေအနှစ်ဆိုင်ရာ ပစ္စည်းများအား တရားမ၀င်တူးဖော်ခြင်း၊ မှောင်ခိုတင်သွင်းရောင်းချခြင်း ကိစ္စရပ်များကို ကာကွယ်ဟန့်တားနိုင်ရေးအတွက် သဘောတူညီမှုစာချုပ်၊ ရေနံစိမ်းသယ်ယူပို့ဆောင်ရေး သဘောတူစာချုပ်၊ ပြည်ထောင်စုသမ္မတ မြန်မာနိုင်ငံတော်အစိုးရနှင့် တရုတ်ပြည်သူ့သမ္မတနိုင်ငံ အစိုးရတို့အကြား စီးပွားရေးနှင့် အတတ်ပညာ ပူးပေါင်းဆောင်ရွက်ရေးဆိုင်ရာ သဘောတူညီချက်စာချုပ်တို့ကို လက်မှတ်ရေးထိုးနိုင်ခဲ့ကြောင်း သိရသည်။

နှစ်နှစ်အတွင်း နိုင်ငံတော်သမ္မတ ဦးထင်ကျော်သည် ဂျပန်နိုင်ငံ တိုကျိုမြို့၌ ကျင်းပခဲ့သည့် Universal Health Coverage Forum 2017 ကို ၂၀၁၇ ခုနှစ် ဒီဇင်ဘာလက သွားရောက်ခဲ့ပြီး ခရီးစဉ်အတွင်းဂျပန်နိုင်ငံ ၀န်ကြီးချုပ် မစ္စတာရှင်ဇိုအာဘေးက ဂုဏ်ပြုအခမ်းအနားဖြင့် ကြိုဆိုခဲ့ကာ ဂျပန်နိုင်ငံ၏ အကူအညီများလည်း ရရှိခဲ့သည်။

သမ္မတဦးထင်ကျော်အတွက် အဆိုပါ ဂျပန်ခရီးစဉ်သည် လုပ်ငန်းသဘောဖြင့် တာဝန်ထမ်းဆောင်သွားရောက်သည့် နောက်ဆုံး နိုင်ငံတကာခရီးစဉ်တစ်ခုအဖြစ်လည်း သတ်မှတ်နိုင်သည်။

ဦးထင်ကျော်သည် သမ္မတတာဝန် စတင်ထမ်းဆောင်သည့် ၂၀၁၆ ခုနှစ်အတွင်းတွင် လာအို၊ ရုရှား၊ မွန်ဂိုလီးယား၊ အိန္ဒိယ၊ ဗီယက်နမ်၊ ထိုင်းနိုင်ငံတို့ကိုသွားရောက်ခဲ့ပြီး ၂၀၁၇ ခုနှစ်တွင် ကမ္ဘောဒီးယား၊ တရုတ်၊ ထိုင်း၊ ဂျပန်၊ စင်ကာပူနိုင်ငံတို့ကို သွားရောက်ခဲ့သည်။

နိုင်ငံတော်သမ္မတဦးထင်ကျော်၏ နိုင်ငံတကာ ခရီးစဉ်များနှင့်ပတ်သက်၍ အောင်မြင်မှုရရှိသည့် ခရီးစဉ်များလည်းရှိကြောင်း ရှမ်းတိုင်းရင်းသားများ ဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ် ဦးစိုင်းသီဟကျော်က မှတ်ချက်ပြုသည်။

 

နိုင်ငံတော်သမ္မတနားမည်ဟု သတင်းထွက်

နိုင်ငံတော်သမ္မတဦးထင်ကျော်သည် ဆေးစစ်ခံယူမှုများပြုလုပ်ခဲ့ရာ၌ အူလမ်းကြောင်းတွင် (Colonic Polyp) တွေ့ရှိရ၍ ထိုင်းနိုင်ငံ၌ ၂၀၁၇ ခုနှစ် စက်တင်ဘာလအတွင်းက လိုအပ်သည့် ခွဲစိတ်ကုသမှုများ ဆောင်ရွက်ခဲ့ရာ ခွဲစိတ်ကုသမှုအောင်မြင်မှု ရှိခဲ့ကြောင်း သမ္မတရုံးက သတင်းတစ်ရပ် ထုတ်ပြန်ခဲ့သည်။

ထို့နောက် နိုင်ငံတော်သမ္မတ၏ ကျန်းမာရေးအခြေအနေနှင့်ပတ်သက်၍ မေးခွန်းထုတ်မှုများရှိလာခဲ့ပြီး သမ္မတကြီး ကျန်းမာပါစေဟု ဆုတောင်းပေးမှုများလည်း ရှိခဲ့သည်။ တစ်ပြိုင်နက်တည်းမှာလည်း နိုင်ငံတော်သမ္မတ ဦးထင်ကျော် သမ္မတတာဝန်မှ အနားယူမည်ဟု ကောလာဟလများလည်း ပျံ့လွင့်လာခဲ့သည်။

ထိုသို့ မေးခွန်းထုတ်မှု၊ ကောလာဟလများနှင့်ပတ်သက်၍ နိုင်ငံတော်သမ္မတ ရုံးကတော့ သမ္မတဦးထင်ကျော်သည် ကျန်းမာရေးကောင်းပြီး အနားယူမည်ဆိုသည့် သတင်းများမှာ မဟုတ်ကြောင်း ပြန်လည်ရှင်းလင်းခဲ့သည်။

ထို့အတူပင် သမ္မတဦးထင်ကျော်သည် ၂၀၁၈ ခုနှစ် ဇန်န၀ါရီ ၂၃ ရက်တွင် ကျန်းမာရေး စစ်ဆေးမှုခံယူရန်အတွက် စင်ကာပူနိုင်ငံသို့ သွားရောက်ခဲ့သည်။

နှစ်နှစ်ပြည့်ရန် ကိုးရက်အလို

မြန်မာနိုင်ငံ၏ အရပ်သားစစ်စစ် သမ္မတဦးထင်ကျော်သည် သမ္မတတာဝန်ကို ၂၀၁၆ ခုနှစ် မတ် ၃၀ ရက်မှ စတင်ရယူခဲ့ပြီး နှစ်နှစ်ပြည့်ရန် ကိုးရက်အလို ၂၀၁၈ ခုနှစ် မတ် ၂၁ ရက်နေ့တွင် သမ္မတရာထူးတာဝန်က နုတ်ထွက်ခဲ့သည်။

နိုင်ငံတော်သမ္မတ ဦးထင်ကျော်သည် လက်ရှိအလုပ်တာဝန်များမှ အနားယူလိုသောကြောင့် ၂၀၁၈ ခုနှစ် မတ် ၂၁ ရက်မှစ၍ နိုင်ငံတော်သမ္မတရာထူးက နုတ်ထွက်သွားပြီးဖြစ်၍ ဖွဲ့စည်းပုံအခြေခံဥပဒေ ပုဒ်မ ၇၃ ပုဒ်မခွဲ(ခ)နှင့်အညီ လစ်လပ်သွားသည့် နိုင်ငံတော်သမ္မတရာထူးကို အလုပ်လုပ်ရက် ခုနစ်ရက်အတွင်း ဖြည့်စွက်နိုင်ရေးအတွက် ဆက်လက်ဆောင်ရွက်သွားမည်ဖြစ်ကြောင်း နိုင်ငံတော်သမ္မတရုံးက သတင်းထုတ်ပြန်ခဲ့သည်။

အများစုက ကျန်းမာရေးကြောင့် နုတ်ထွက်သွားသည်ဟု ထင်ကြေးပေးနေကြသော်လည်း ဦးထင်ကျော်အနေဖြင့် သမ္မတတာဝန်မှ အနားယူရန် ကြိုတင်စီစဉ်ထားခြင်းဖြစ်ပြီး ကျန်းမာရေးကြောင့် အနားယူခြင်း မဟုတ်ကြောင်း ဇနီးဖြစ်သူ ပြည်သူ့လွှတ်တော်ကိုယ်စားလှယ် ဒေါ်စုစုလွင်က ပြောကြားသည်။

မည်သို့ပင်ဖြစ်စေ သမ္မတတာဝန်ကို မှန်မှန်ကန်ကန်ဖြင့် ရိုးသားစွာ ကြိုးစားထမ်းဆောင်ခဲ့သည့် ဦးထင်ကျော်ကို ကျန်းမာပါစေဟု ဆုတောင်းမေတ္တာပို့မှုလည်း အများအပြားရှိခဲ့ပြီး ဇနီးဖြစ်သူ ဒေါ်စုစုလွင်က ကျေးဇူးတင်ကြောင်းနှင့် ဦးထင်ကျော်၏ ကျန်းမာရေးကို စိတ်မပူကြရန် ပြောကြားသည်။

“အခုထွက်တဲ့ကိစ္စ၊ အနားယူတဲ့ကိစ္စက ကျန်းမာရေးအတွက် မဟုတ်ပါဘူး။ ဒါပေမဲ့ လူတွေ တော်တော်များများကတော့ လွန်ခဲ့တဲ့ ခြောက်လကျော်လောက်က သူခွဲစိတ်မှု ခံယူထားတာ ရှိပါတယ်။ အဲဒီအတွက် သူကျန်းမာရေး အားနည်းခဲ့ပါတယ်။ တကယ်တော့ သူစားသင့်၊ စားထိုက်၊ နေသင့်၊ နေထိုက်တဲ့ ပုံတော့ အန်တီစကား နားမထောင်ဘဲနေတာတော့ အမှန်ပဲ။ နောက်တစ်ခုက ပူတာအိုခရီးက ပြန်လာတဲ့အခါကျတော့ တော်တော်လေး ၀မ်းတွေပျက်၊ နေမကောင်း ဖြစ်ပါတယ်။ ဒါပေမဲ့ ပြီးခဲ့တဲ့ တစ်လကျော်လောက်က ဆေးရုံမှာသွားပြီး ဆေးပြန်စစ်တော့ အားလုံးကောင်းပါတယ်။ သူလည်း အခုဝိတ်ပြန်တက်လာတယ်။ အန်တီ ပွင့်ပွင့်လင်းလင်းပြောရမယ်ဆိုရင် အန်တီတို့ ဒီလိုနားဖို့ဆိုတာ ရုတ်တရက်ကြီး လုပ်တာမဟုတ်ပါဘူး။ စောစောကတည်းက ကြိုပြီးတော့ စီစဉ်တာပါ” ဟု ဒေါ်စုစုလွင်က ဆိုသည်။

ဦးထင်ကျော်သည် သမ္မတလုပ်ရန် ဘယ်တုန်းကမှ မရည်ရွယ်ခဲ့ကြောင်း၊ သို့သော် သမ္မတတာဝန်ကို ပေးသည့်အတွက် အလွန်ဆုံး သုံးလ၊ ခြောက်လလောက်သာ သူ့၏ခေါင်းဆောင် ဒေါ်အောင်ဆန်းစုကြည်အတွက် လုပ်ပေးရလိမ့်မည်ဟု မျှော်လင့်ခဲ့ကြောင်း ဇနီးဖြစ်သူ ဒေါ်စုစုလွင်က ပြောကြားသည်။

လက်ရှိမှာတော့ သမ္မတဦးထင်ကျော်သည် သမ္မတရာထူးတာဝန်မှ နုတ်ထွက်သွားပြီဖြစ်ပြီး ပြည်ထောင်စုလွှတ်တော်ကလည်း သမ္မတသစ်ရွေးချယ်တင်မြှောက်ဖို့အတွက် စိုင်းပြင်းနေကြပြီ ဖြစ်သည်။

ဦးထင်ကျော် သမ္မတရာထူးက နုတ်ထွက်သွားပြီးနောက် ၎င်းသည် ရိုးသားပြီး တိုင်းပြည်အပေါ် သစ္စာရှိသူ၊ အာဏာ မယစ်မူးသူ၊ ကိုယ်ကျိုးမဖက်သူအဖြစ် ချီးကျူးဂုဏ်ပြုမှုများ ရှိခဲ့ကြသည်။

“အဂတိကိစ္စကတော့ ဘာမှမကြားရဘူး။ ဒီအပေါ်မှာ သုံးသပ်ဖို့ ခက်ခဲပါတယ်။ ဒါပေမဲ့ သိရတဲ့အနေအထားတွေကတော့ တော်တော်လေး ရိုးရိုးအေးအေးလေးနဲ့ သူ့တာဝန်ကို ထမ်းဆောင်စဉ်ကာလအတွင်းမှာ တကယ့်ကို ရိုးရိုးသားသားနဲ့ တာဝန်ထမ်းဆောင်သွားတယ်လို့ မြင်ရပါတယ်” ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ်ပါတီမှ ပြည်သူ့လွှတ်တော်ကိုယ်စားလှယ် ဦးစိုင်းသီဟကျော်က မှတ်ချက်ပြုသည်။

ရခိုင်အမျိုးသားပါတီမှ ပြည်သူ့လွှတ်တော်ကိုယ်စားလှယ် ဦးဖေသန်းက သမ္မတဟောင်း ဦးထင်ကျော်နှင့်ပတ်သက်၍ “ပညာတတ်တစ်ယောက် ဖြစ်ပါတယ်။ အလွန်ရိုးသားပြီးတော့ အေးဆေးတည်ငြိမ်တဲ့ သဘောလည်းရှိပါတယ်။ ပြဿနာတွေကို သိပ်ပြီးတော့ အဖြစ်မခံချင်တဲ့ပုံစံနဲ့ နေထိုင်ပါတယ်။ ဒေါ်အောင်ဆန်းစုကြည်အပေါ်မှာ အကောင်းဆုံး ပေးဆပ်မယ်ဆိုတဲ့ စိတ်သဘောထားနဲ့ နေတယ်လို့ ကျွန်တော်မြင်ပါတယ်။ လုပ်ပိုင်ခွင့်တွေက ဒေါ်အောင်ဆန်းစုကြည်ဆီကို ရောက်နေပေမယ့် သူ့မှာ မစ္ဆရစိတ်မရှိဘူး။ သူ့သက်တမ်းတစ်လျှောက်လုံးမှာ အခုနပြောသလိုပဲ ဒေါ်အောင်ဆန်းစုကြည်ရဲ့ လုပ်ပိုင်ခွင့် မြင့်မားဖို့အတွက်ပဲ သူ့ရဲ့သမ္မတသက်တမ်းကို ပေးဆပ်သွားတယ်လို့ပဲ ကျွန်တော်ထင်တယ်” ဟု သုံးသပ်ပြောကြားသည်။

ဦးထင်ကျော်၏ သမ္မတတာဝန်ထမ်းဆောင်သည့် ကာလအတွင်း အဂတိတရား ကင်းရှင်းမှုနှင့်ပတ်သက်၍ ဇနီးဖြစ်သူ ဒေါ်စုစုလွင်က ရဲရဲတင်းတင်း အာမခံခဲ့မှုတစ်ခုဟု ယူဆရသည့် ပြောဆိုမှုတစ်ခုရှိခဲ့သည်။

“ပြည်ထောင်စုလွှတ်တော်ကို ပေးပို့ထားသည့် ပိုင်ဆိုင်မှုကိစ္စနဲ့ ပတ်သက်လို့ အိတ်လည်း ပိတ်ထားစရာ မလိုပါဘူး။ အန်တီတို့ ပိုင်ဆိုင်မှုက အန်တီတို့ ပွင့်ပွင့်လင်းလင်းပဲ ရှိပါတယ်။ အဲဒီတော့ အဲဒီအိတ်ကို ဖွင့်ချင်တဲ့ သူရှိရင်လည်း ကြိုက်တဲ့သူ ဖွင့်ပါလို့ အန်တီပြောချင်ပါတယ်” ဟု ဒေါ်စုစုလွင်က ပြောကြားသည်။

မြန်မာနိုင်ငံ၏ သမိုင်းတွင် န၀မမြောက် သမ္မတဖြစ်သည့် ဦးထင်ကျော်၏ သမ္မတတာ ၀န်ထမ်းဆောင်စဉ်အတွင်း ဖြတ်သန်းဆောင်ရွက်ခဲ့သော နေ့ရက်များကို မှတ်တမ်းတင်ရေးသား လိုက်ပါသည်။

သမ္မတဟောင်း ဦးထင်ကျော်သည် ရပ်မိရပ်ဖဆန်ပြီး ဦးဝင်းမြင့်သည် နိုင်ငံရေးသမားဘ၀မှလာသည့်အတွက် သမ္မတဖြစ်လာပါက အရည်အချင်းပြည့်ဝစွာ လုပ်ဆောင်နိုင်မည်ဟု မျှော်လင့်ထားကြောင်း NLD ဗဟိုကော်မတီဝင် ပြောကြား

သမ္မတဟောင်း ဦးထင်ကျော်သည် ရပ်မိရပ်ဖဆန်ပြီး ဒုတိယသမ္မတအဖြစ် ရွေးချယ်ခံထားရသည့် ဦးဝင်းမြင့်သည်  နိုင်ငံရေးသမားဘ၀မှ လာသည့်အတွက် သမ္မတဖြစ်လာပါက အရည်အချင်းပြည့်ဝစွာ လုပ်ဆောင်နိုင်မည်ဟု မျှော်လင့်ထားကြောင်း အမျိုးသားဒီမိုကရေစီအဖွဲ့ချုပ် (NLD) ဗဟိုကော်မတီဝင် မုံရွာအောင်ရှင်က ပြောကြားသည်။

ရန်ကုန်မြို့ Orchid Hotel ၌ မတ် ၂၄ ရက်တွင် DVB သတင်းဌာနက “သမ္မတ အသစ်က ဘယ်လိုလူမျိုးဖြစ်သင့်လဲ” ခေါင်း စဉ်ဖြင့်ပြုလုပ်သည့် Debate တွင် ထိုသို့ ပြောကြားခဲ့ခြင်း ဖြစ်သည်။

“ပါတီသက်တမ်းအရလုပ်သက်ရှိတယ်။ အတွေ့အကြုံတွေလည်း များတယ်။ လွှတ်တော်မှာလည်း အတွေ့အကြုံတွေရှိတယ်။ အဲဒီလို အတွေ့အကြုံတွေများတဲ့ ပါတီအတွက်ရော၊ လွှတ်တော်အတွက်ရော အတွေ့အကြုံများတဲ့ ပုဂ္ဂိုလ်တစ်ယောက် သမ္မတဖြစ်လာမယ်ဆိုရင်တော့ သူ့ကို အများကြီးမျှော်လင့်ပါတယ်။ ပိုပြီးတော့ ထူးခြားတာကသူက နိုင်ငံရေးသမားတစ်ယောက်ဖြစ်တယ်။ အရင် သမ္မတကတော့ နိုင်ငံရေးသမားထက် လူကြီးလူကောင်း ရပ်မိရပ်ဖဆန်တဲ့ သမ္မတဗျ။ ရပ်မိရပ်ဖ သမ္မတနေရာမှာ နိုင်ငံရေးသမား သမ္မတ ၀င်လာတော့မယ်။ အဲဒီအတွက်ကြောင့် မျှော်လင့်ပါတယ်။ အရည်အချင်းပြည့်ပါတယ်”  ဟု NLD ဗဟိုကော်မတီဝင် မုံရွာအောင်ရှင်က ပြောကြားသည်။

ထို့ပြင် သမ္မတတာဝန်မှ အနားယူသွားသည့် ဦးထင်ကျော်မှာ ဒေါ်အောင်ဆန်းစုကြည်အား အထောက်အပံ့ပေးသူ တစ်ယောက်အဖြစ်သာရှိနေခဲ့ပြီး ရုပ်သေးသမ္မတဟု NLD ပါတီခေါင်းဆောင်တစ်ဦးက ယခင်ကပြောခဲ့သည့်အတိုင်း ရုပ်သေးသမ္မတအဖြစ်သာ ရှိနေခဲ့ကြောင်း Debate တွင် ပါဝင်ဆွေးနွေး သူတစ်ဦးက ပြောကြားမှုအပေါ် NLD က ရွေးချယ်ခဲ့သည့် သမ္မတများသည် ရုပ်သေးသမ္မတမဟုတ်ဘဲ ဒေါ်အောင်ဆန်းစုကြည် ကိုယ်ပွားများသာဖြစ်ကြောင်း မုံရွာအောင်ရှင်က ပြန်လည်ဆွေးနွေးသည်။

“ဒေါ်အောင်ဆန်းစုကြည်ရဲ့ အခန်းကဏ္ဍက နိုင်ငံတော်အတိုင်ပင်ခံပုဂ္ဂိုလ်ဆိုတဲ့ အခန်းကဏ္ဍကို ဒီဟာကလည်း မြန်မာပြည်ရဲ့ထူးခြားတဲ့ ၂၀၀၈ ဖွဲ့စည်းပုံအခြေခံဥပဒေပေါ့လေ။ ဒီအခြေခံရဲ့ ကန့်သတ်မှုတွေကြောင့် ဒီလိုလုပ်ရတာပေါ့။ ပြောရလို့ရှိရင် မြန်မာ့နိုင်ငံရေး သမိုင်းရဲ့ ထူးခြားချက်အရ ဒေါ်အောင်ဆန်းစုကြည်က သမ္မတရဲ့အထက်မှာ နေရတာကိုး။ ဒီလို ကျွန်တော်ကမြင်တယ်။ နောက်တစ်ခုက တက်လာတဲ့ သမ္မတတွေဟာ စောစောက ပြောသလိုပဲ။ ရုပ်သေးရုပ်ဆိုတာတော့ ကျွန်တော်လက်မခံဘူး။ တက်လာတဲ့သမ္မတတွေဟာ ဒေါ်အောင်ဆန်းစုကြည်ရဲ့ ကိုယ်ပွားပဲ ဖြစ်ရမယ်။ ဒေါ်အောင်ဆန်းစုကြည်အတွက် တာဝန်ခွဲဝေပြီးတော့ လုပ်နိုင်မယ့်သမ္မတပဲ ဖြစ်ရမယ်လို့ ကျွန်တော်ယုံကြည်တယ်” ဟု မုံရွာအောင်ရှင်က ပြောကြားသည်။

ဒေါ်အောင်ဆန်းစုကြည်သည် အစိုးရအဖွဲ့အား အဓိကလည်ပတ်နေသည်ဟု ယူဆရသည့်အချက်များရှိပြီး အရေးကြီးသည့် နိုင်ငံရေးအရ ဖြေရှင်းရသော နိုင်ငံရေးတွေ့ ဆုံဆွေးနွေးမှုများတွင် ဦးဆောင်မှု၌ပါဝင်နေကြောင်း၊ သို့သော် အစိုးရအဖွဲ့နှင့် ပတ်သက်၍ မည်သို့ဆုံးဖြတ်ချက်ချနေသည်ကိုမူ မသိရှိရကြောင်း၊ အစိုးရအဖွဲ့တွင် သမ္မတတစ်ယောက်အနေဖြင့် ၀င်ရောက်လည်ပတ်နိုင်သည့် အနေအထားရှိပြီး နိုင်ငံတော်၏ အတိုင်ပင်ခံပုဂ္ဂိုလ်သည် အစိုးရအဖွဲ့ယန္တရားတွင် ၀င်ပါလိမ့်မည်ဟု မထင်ကြောင်း လွှတ်တော်စောင့်ကြည့်လေ့လာရေးဆောင်ရွက်နေသည့် ကိုထင်ကျော်အေးက Debate တွင် ပြောကြားသည်။

“အစိုးရအဖွဲ့က လည်ပတ်နေတဲ့ဟာကတော့ ဒီသမ္မတတစ်ယောက်က၀င်ပြီးတော့ လည်ပတ်နိုင်တဲ့ အနေအထားမှာရှိတယ်။ ကျွန်တော်တို့ လွှတ်တော်မှာမြင်ခဲ့ရတဲ့ ဦးဝင်းမြင့်က တကယ်လွှတ်တော်ကိုယ်စားလှယ်တွေနဲ့ ပတ်သက်လို့ရှိရင် မညှာဘူး။ ဆူလေ့ဆူထ ရှိတယ်။ ခပ်ကြမ်းကြမ်းကိုင်တွယ်တဲ့ သူဖြစ်တဲ့အတွက် သူက အစိုးရအဖွဲ့ကို ရောက်လာတဲ့အခါမှာလည်း အဲဒီပုံစံအရတော့ အရင်တုန်းကသမ္မတလည်း အဲဒီလိုတွေမလုပ်ခဲ့ဘူးလို့ ဆိုလိုတာမဟုတ်ဘူး။ အရင်တုန်းက သမ္မတလည်း သူ့ရဲ့ပင်ကိုပုံစံအရ အစိုးရအဖွဲ့ကို လည်ပတ်ခဲ့မှာပဲ။ အခု ဦးဝင်းမြင့်ကတော့ ပိုပြီးတော့ တက်ကြွတဲ့ပုံစံ၊ ပိုပြီးတော့ ဝေဖန်ပြီးတော့ ခပ်ကြမ်းကြမ်းကိုင်တွယ်တဲ့ပုံစံနဲ့တော့ အစိုးရအဖွဲ့ကို မောင်းနှင်မယ်။ ၀န်ကြီးတွေကို မောင်းနှင်မယ်လို့တော့ ယူဆရတယ်။ အဲဒါကလည်း ဒါဖွဲ့စည်းပုံအရလည်း မကန့်ထားဘူး။ ဒေါ်အောင်ဆန်းစုကြည်ကလည်း အဲဒီမှာဝင်ပါမယ်လို့ မထင်ဘူး။ မယူဆဘူး။ ရွေ့သွားလိမ့်မယ်။ အစိုးရယန္တရားမှာ လျော့တိလျော့ရဲမဖြစ်အောင် ပိုပြီးတော့ ကိုင်တွယ်လိမ့်မယ်လို့ထင်တယ်” ဟု ကိုထင်ကျော်အေးက ပြောကြားသည်။

ဦးဝင်းမြင့်သည် သမ္မတဖြစ်လာပါက ဒေါ်အောင်ဆန်းစုကြည်နှင့် ချိတ်တွဲဆောင်ရွက်နိုင်သည့် အခွင့်အလမ်းများရှိကြောင်း၊ ပြည်သူ့ဘဏ္ဍာရေး စီမံခန့်ခွဲမှုစနစ် ထူထောင်ရန် ကိစ္စအား ဆောင်ရွက်သင့်ကြောင်း၊ ပြည်သူ့ဘဏ္ဍာရေးစနစ်ကို ထူထောင်မည်ဆိုပါက ပြည်သူနှင့်အတူဆိုသည့် နိုင်ငံရေးကြွေးကြော်သံအရ ပြည်သူပါဝင်သည့် စီမံချက်များရေး ရန်လိုကြောင်း၊ ဒေါ်အောင်ဆန်းစုကြည်၏ အနာဂတ်အမြော်အမြင်များအပေါ် ၀န်ကြီးဌာနများက လိုက်ပါဆောင်ရွက်ရန် သမ္မတသစ်က ၀င်ရောက်ကစားရန်လိုကြောင်း၊ ပုဂ္ဂလိကလုပ်ငန်းများ လုပ်ပိုင်ခွင့်မသာသည့် ဖိနှိပ်ချုပ်ချယ်ထားသော ဥပဒေများကို ပြင်ဆင်သင့်ကြောင်း နိုင်ငံရေးသုတေသီ ဒေါက်တာတင်မောင်သန်းက Debate တွင် ပြောကြားသည်။

ဦးထင်ကျော်အနေဖြင့် သမ္မတတာဝန်မှ အနားယူရန် ကြိုတင်စီစဉ်ထားခြင်းဖြစ်ပြီး ကျန်းမာရေးကြောင့် အနားယူခြင်း မဟုတ်ကြောင်း ဇနီးဖြစ်သူ ပြည်သူ့လွှတ်တော် ကိုယ်စားလှယ် ဒေါ်စုစုလွင် ပြောကြား

ဦးထင်ကျော်အနေဖြင့် သမ္မတတာဝန်မှ အနားယူရန် ကြိုတင်စီစဉ်ထားခြင်းဖြစ်ပြီး ကျန်းမာရေးကြောင့် အနားယူခြင်း မဟုတ်ကြောင်း ဇနီးဖြစ်သူ ပြည်သူ့လွှတ်တော် ကိုယ်စားလှယ် ဒေါ်စုစုလွင်က ပြောကြားသည်။

နေပြည်တော်၌ မတ် ၂၃ ရက်က ပြုလုပ်သည့် သမ္မတရွေးချယ် တင်မြှောက်ရေးအဖွဲ့တွင် ပါဝင်သော ရွေးကောက်ခံ ပြည်သူ့လွှတ်တော် ကိုယ်စားလှယ်များ အစုအဖွဲ့ အစည်းအဝေး ဒုတိယပိုင်း အစီအစဉ် မစတင်မီ သတင်းထောက်များကို အထက်ပါအတိုင်း ပြောကြားခဲ့ခြင်းဖြစ်သည်။

“အခုထွက်တဲ့ကိစ္စ၊ အနားယူတဲ့ကိစ္စက ကျန်းမာရေးအတွက် မဟုတ်ပါဘူး။ ဒါပေမဲ့ လူတွေတော်တော် များများကတော့ လွန်ခဲ့တဲ့ ခြောက်လကျော်လောက်က သူခွဲစိတ်မှု ခံယူထားတာ ရှိပါတယ်။ အဲဒီအတွက် သူကျန်းမာရေး အားနည်းခဲ့ပါတယ်။ တကယ်တော့ သူ စားသင့်၊ စားထိုက်၊ နေသင့် နေထိုက်တဲ့ပုံတော့ အန်တီ့စကား နားမထောင်ဘဲ နေတာတော့ အမှန်ပဲ။ နောက်တစ်ခုက ပူတာအိုခရီးက ပြန်လာတဲ့ အခါကျတော့ တော်တော်လေး ၀မ်းတွေပျက်၊ နေမကောင်း ဖြစ်ပါတယ်။ ဒါပေမဲ့ ပြီးခဲ့တဲ့ တစ်လကျော်လောက်က ဆေးရုံမှာသွားပြီး ဆေးပြန်စစ်တော့ အားလုံး ကောင်းပါတယ်။ သူလည်း အခုဝိတ်ပြန်တက်လာတယ်။ အန်တီ ပွင့်ပွင့်လင်းလင်း ပြောရမယ်ဆိုရင် အန်တီတို့ ဒီလိုနားဖို့ဆိုတာ ရုတ်တရက်ကြီး လုပ်တာမဟုတ်ပါဘူး။ စောစောတည်းက ကြိုပြီးတော့ စီစဉ်တာပါ” ဟု ဒေါ်စုစုလွင်က ပြောကြားသည်။

ထို့ပြင် ဦးထင်ကျော်အနေဖြင့် သမ္မတတာဝန်မှ အနားယူခြင်းမှာ ၎င်း၏ဆန္ဒကြောင့်ဖြစ်ပြီး သမ္မတလုပ်ရန် မရည်ရွယ်ခဲ့ဘဲ တာဝန်ပေးသောကြောင့် အလွန်ဆုံး သုံးလ (သို့မဟုတ်) ခြောက်လခန့် လုပ်ပေးရလိမ့်မည်ဟုသာ မျှော်မှန်းခဲ့ကြောင်း ဒေါ်စုစုလွင်က ဆက်လက်ပြောကြားသည်။

“ဘာကြောင့် အနားယူတာလဲဆိုတော့ သူ့ရဲ့ဆန္ဒပေါ့နော်။ သူအနားယူဖို့ သင့်တယ်လို့ သူယူဆတဲ့ အတွက်ကြောင့် သူ့ဆန္ဒကလည်း တကယ်လို့ အနားယူဖို့ဆိုရင် အန်တီ ပြောရမယ်ဆိုရင် ဒီနေရာမှာ အန်တီတို့ (အန်တီတို့ဆိုတာ အန်တီအမျိုးသားကို ပြောတာ) သူအဲဒီနေရာလုပ်ဖို့ သူဘယ်တုန်းကမှ မရည်ရွယ်ခဲ့ဘူး။ သူ့ကို ဒီတာဝန်ကို ပေးတဲ့အတွက်ကြောင့် ဒီတာဝန်ကိုလည်း မျှော်မှန်းထားတာကတော့ အလွန်ဆုံး သုံးလလောက်၊ သုံးလထက်လွန်ရင် ခြောက်လလောက် အဲဒီလောက်ပဲ သူ့ရဲ့ခေါင်းဆောင်အတွက် သူလုပ်ပေးရလိမ့်မယ်လို့ သူမျှော်လင့်တယ်” ဟု ၎င်းကထပ်မံ ပြောကြားသည်။

ဦးထင်ကျော်သည် သမ္မတတာဝန်မှ အနားယူလိုသောကြောင့် ၂၀၁၈ ခုနှစ်၊ မတ် ၂၁ ရက်မှစ၍ နိုင်ငံတော်သမ္မတ ရာထူးက နုတ်ထွက်သွားကြောင်း မတ် ၂၁ ရက်တွင် နိုင်ငံတော် သမ္မတရုံးက ထုတ်ပြန်ခဲ့သည်။

နိုင်ငံတော်သမ္မတအဖြစ် သက်တမ်းစေ့ တာဝန်ထမ်းဆောင်မှသာ အငြိမ်းစား သမ္မတဟောင်းများ အနေဖြင့် ဥပဒေနှင့်အညီ ရရှိမည့် အခွင့်အရေးများ၊ လုံခြုံရေး အဆောင်အယောင်များကို ရရှိနိုင်မည်ဖြစ်ပြီး အဆောင်အယောင်နှင့် သမ္မတဟောင်း ဥပဒေများအရ သမ္မတအဖြစ် နှစ်ပြည့်တာဝန် ထမ်းဆောင်ပါက တစ်လုံးတစ်ခဲတည်း ချီးမြှင့်ငွေ၊ ပင်စင်လစာ ရရှိနိုင်သကဲ့သို့ ကျန်းမာရေး အကြောင်းပြချက်ဖြင့် နုတ်ထွက်ပါကလည်း ပင်စင်လစာ မရသော်လည်း တစ်လုံးတစ်ခဲတည်း ချီးမြှင့်ငွေ ရရှိနိုင်မည်ကာ ဦးထင်ကျော် အနေဖြင့် အဆိုပါအချက်နှင့် ကိုက်ညီမှု မရှိသောကြောင့် မည်သည့်ခံစားခွင့်မျှ ရရှိမည် မဟုတ်ကြောင်း သိရသည်။

အဆိုပါ ပင်စင်ကိစ္စနှင့် ပတ်သက်ပြီး ဦးထင်ကျော်၏ဇနီး ဒေါ်စုစုလွင်က “အန်တီက အဲဒါတွေ မသိဘူး။ ပင်စင်ဆိုတာလည်း အန်တီတို့ စိတ်မ၀င်စားပါဘူး။ ဘယ်တုန်းကမှ ပင်စင်အတွက်ပဲဖြစ်ဖြစ် ဘာအခွင့်အရေး အတွက်ပဲဖြစ်ဖြစ် အန်တီတို့က စဉ်းစားထားတဲ့သူတွေ မဟုတ်ပါဘူး။ အန်တီတို့က တိုင်းပြည်အတွက် အစ်မ (ဒေါ်အောင်ဆန်းစုကြည်) ပြောသလိုပေါ့။ ကိုယ်ဘာပေးနိုင်မလဲဘဲ အန်တီတို့က စဉ်းစားပါတယ်။ တိုင်းပြည်ကနေ ဘာရနိုင်မယ်ဆိုတာ တစ်ခါမှ စဉ်းစားတဲ့ကိစ္စ မဟုတ်ပါဘူး” ဟု ပြောကြားသည်။

မြန်မာနိုင်ငံ လွတ်လပ်ရေးရပြီးနောက်ပိုင်း နိုင်ငံတော်သမ္မတတာဝန် ထမ်းဆောင်သူများတွင် ဦးထင်ကျော်သည် န၀မမြောက် သမ္မတဖြစ်ပြီး သမ္မတရာထူးတာဝန် ထမ်းဆောင်ချိန် နှစ်နှစ်ပြည့်ရန် ရက်ပိုင်းအလိုတွင် နုတ်ထွက်ခဲ့ခြင်းဖြစ်သည်။

နိုင်ငံတော်သမ္မတဦးထင်ကျော် စင်ကာပူနိုင်ငံတွင် ကျန်းမာရေးစစ်ဆေးမှုခံယူပြီး မြန်မာနိုင်ငံသို့ ပြန်လည်ရောက်ရှိ

နိုင်ငံတော်သမ္မတ ဦးထင်ကျော်သည် စင်ကာပူနိုင်ငံတွင် ကျန်းမာရေးစစ်ဆေးမှုခံယူပြီး မြန်မာနိုင်ငံသို့ ဇန်န၀ါရီ ၂၆ ရက် ညနေပိုင်း၌ ပြန်လည်ရောက်ရှိလာကြောင်း နိုင်ငံတော်သမ္မတရုံးက သတင်းထုတ်ပြန်ထားသည်။

စင်ကာပူနိုင်ငံသို့ နိုင်ငံတော်သမ္မတ ဦးထင်ကျော်သည် ကျန်းမာရေးစစ်ဆေးမှု ခံယူရန်အတွက် ဇန်န၀ါရီ ၂၃ ရက်က သွားရောက်ခဲ့ခြင်းဖြစ်ပြီး နိုင်ငံတော်သမ္မတနှင့်အတူ ပြည်ထောင်စုဝန်ကြီး ဒေါက်တာမြင့်ထွေးလည်း စင်ကာပူနိုင်ငံသို့ လိုက်ပါခဲ့ကြောင်း သိရသည်။

နိုင်ငံတော်သမ္မတ ဦးထင်ကျော်သည် ဆေးစစ်ခံယူမှုများ ပြုလုပ်ခဲ့ရာ၌ အူလမ်းကြောင်းတွင် Colonic Polyp တွေ့ရှိ၍ ထိုင်းနိုင်ငံတွင် ၂၀၁၇ ခုနှစ် စက်တင်ဘာ ၁၀ ရက်တွင် လိုအပ်သည့် ခွဲစိတ်ကုသမှုများ ဆောင် ရွက်ခဲ့ရာ ခွဲစိတ်ကုသမှု အောင်မြင်မှုရှိကြောင်း  နိုင်ငံတော်သမ္မတရုံးက ၂၀၁၇ ခုနှစ် စက်တင်ဘာ ၁၁ ရက်တွင် သတင်းထုတ်ပြန်ခဲ့သေးသည်။

ထိုသို့ နိုင်ငံတော်သမ္မတ၏ ကျန်းမာရေး အခြေအနေအား ထုတ်ပြန်ပြီးနောက် သတင်းများ၌ ပြန်လည်ထွက်ပေါ်လာသည့် နိုင်ငံတော်သမ္မတဦးထင်ကျော်၏ ဓာတ်ပုံများတွင် ခန္ဓာကိုယ်အနည်းငယ် ပိန်သွားသည့် ပုံစံဖြစ်ပေါ်နေသောကြောင့် နိုင်ငံတော်သမ္မတ၏ ကျန်းမာရေးအရ သမ္မတနေရာတွင် လူစားထိုးအပြောင်းအလဲရှိနိုင်ကြောင်း ထိုစဉ်အချိန်က ပြင်ပ၌ ပြောဆိုမှုများ ရှိနေခဲ့သည်။

သို့ရာတွင် နိုင်ငံတော်သမ္မတဦးထင်ကျော်သည် ကိုယ်အလေးချိန် အနည်းငယ်ကျသွားသည်မှလွဲ၍ ကျန်းမာရေးကောင်းမွန်နေကြောင်း ပါတီတာဝန်ရှိသူအချို့က ပြောကြားထားသည့်အပြင် အစိုးရတာဝန်ရှိသူ အချို့ကလည်း နိုင်ငံတော်သမ္မတဦးထင်ကျော် ကျန်းမာရေး ကောင်းမွန်လျက်ရှိကြောင်း ထုတ်ဖော်ပြောကြားထားသည်။

ထို့ပြင် နေပြည်တော်၌ ၂၀၁၇ ခုနှစ် ဒီဇင်ဘာ ၈ ရက်ကပြုလုပ်သည့် ၂၀၁၇ ခုနှစ်၊ ပညာရေး ဖွံ့ဖြိုးတိုးတက်မှု အကောင်အထည်ဖော်ရေး နှီးနှောဖလှယ်ပွဲဖွင့်ပွဲသို့ တက်ရောက်လာသည့် နိုင်ငံတော်၏အတိုင်ပင်ခံပုဂ္ဂိုလ်အား နိုင်ငံတော်သမ္မတ၏ ကျန်းမာရေးအခြေအနေနှင့်ပတ်သက်၍ သတင်းထောက်တစ်ဦးက မေးမြန်းရာတွင် နိုင်ငံတော်သမ္မတ ဦးထင်ကျော်၏ကျန်းမာရေးအခြေအနေ စိုးရိမ်စရာမရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြန်လည်ပြောကြားသည်။

ထို့နောက် နိုင်ငံတော်သမ္မတ၏ ကျန်းမာရေးနှင့်ပတ်သက်၍ သတင်းအမျိုးမျိုး ထွက်ပေါ်နေချိန်တွင် နိုင်ငံတော်သမ္မတ ဦးထင်ကျော်သည် ဂျပန်နိုင်ငံ တိုကျိုမြို့၌ ကျင်းပသည့် Universal Health Coverage (UHC) Forum 2017 အဆင့်မြင့်အစည်းအဝေးနှင့် ချစ်ကြည်ရေးခရီး လည်ပတ်ရန် ၂၀၁၇ ခုနှစ် ဒီဇင်ဘာ ၁၃ ရက်မှ ၁၇  ရက်အထိ ဂျပန်နိုင်ငံသို့ သွားရောက်ခဲ့သည်။

မြန်မာနိုင်ငံအနေဖြင့် ဂျပန်အစိုးရ၊ JICA၊ ကမ္ဘာ့ဘဏ်အဖွဲ့၊ WHO၊ ကုလသမဂ္ဂ လက်အောက်ခံ အဖွဲ့အစည်းများနှင့် Universal Health Coverage 2030 အဖွဲ့ဝင်နိုင်ငံများ၏ မယိုင်မလဲ ခိုင်မြဲသော မိတ်ဆွေအဖြစ် ရှိမြဲရှိနေမည်ဟု UHC ဖိုရမ် အဆင့်မြင့်အစည်းအဝေး၌ နိုင်ငံတော်သမ္မတ ဦးထင်ကျော် ကတိပြု

ဒီဇင်ဘာ ၁၄ ရက်က ဂျပန်နိုင်ငံ၊ တိုကျိုမြို့ရှိ Tokyo Prince ဟိုတယ်၌ ကျင်းပခဲ့သည့် Universal Health Coverage Forum အဆင့်မြင့်အစည်းအဝေးဖွင့်ပွဲ အခမ်းအနား၌ နိုင်ငံတော်သမ္မတ ဦးထင်ကျော်က အဖွင့်မိန့်ခွန်းပြောကြားစဉ် (Photo: AFP)

မြန်မာနိုင်ငံအနေဖြင့် ဂျပန်အစိုးရ၊ ဂျပန်နိုင်ငံတကာ ပူးပေါင်းဆောင်ရွက်ရေးအေဂျင်စီ (JICA) ၊ ကမ္ဘာ့ဘဏ်အဖွဲ့၊ WHO ၊ ကုလသမဂ္ဂ လက်အောက်ခံအဖွဲ့အစည်းများနှင့် Universal Health Coverage (UHC) 2030 အဖွဲ့ဝင်နိုင်ငံများ၏ မယိုင်မလဲ ခိုင်မြဲသော မိတ်ဆွေအဖြစ် ရှိမြဲရှိနေမည်ဟု Universal Health Coverage ဖိုရမ် အဆင့်မြင့်အစည်းအဝေး၌ သမ္မတဦးထင်ကျော်က ကတိပြုပြောကြားခဲ့ကြောင်း သိရသည်။

ဒီဇင်ဘာ ၁၄ ရက်က ဂျပန်နိုင်ငံ၊ တိုကျို မြို့ရှိ Tokyo Prince ဟိုတယ်၌ ကျင်းပခဲ့သည့် Universal Health Coverage Forum အဆင့်မြင့်အစည်းအဝေး ဖွင့်ပွဲအခမ်းအနား၌ နိုင်ငံတော်သမ္မတ ဦးထင်ကျော်က အဖွင့်မိန့်ခွန်းပြောကြားရာ၌ အထက်ပါကဲ့သို့ ထည့်သွင်း ပြောကြားခဲ့ခြင်းဖြစ်ကြောင်း နိုင်ငံတော်သမ္မတရုံး၏ သတင်းထုတ်ပြန်ချက်အရ သိရသည်။

မိမိတို့ ဒီမိုကရေစီအစိုးရ စတင်တာဝန်ယူသည့် ၂၀၁၆ ခုနှစ် မတ် ၃၀ ရက်မှစပြီး ပြည်သူများ၏ လိုအင်ဆန္ဒများဖြစ်သည့် ဒီမိုကရေစီ၊ ငြိမ်းချမ်းရေးနှင့် အမျိုးသားပြန်လည်သင့်မြတ်ရေးတို့ကို ဖော်ဆောင်ရန် အစွမ်းကုန်ကြိုးစားခဲ့ကြောင်း၊ Universal Health Coverage (UHC) ၏ မူဘောင်အတွင်း ကျန်းမာရေးလုပ်ငန်းများ ထိရောက်စွာ ဆောင်ရွက်နိုင်ရန် ငြိမ်းချမ်းရေးနှင့် လုံခြုံရေးသည် မရှိမဖြစ်လိုအပ်ကြောင်း သမ္မတ ဦးထင်ကျော်က ဆိုသည်။

ပြည်သူလူထုကို အရည်အသွေးမြင့်မားသည့် ကျန်းမာရေးဝန်ဆောင်မှုပေးနိုင်ရေးမှာ မိမိတို့အစိုးရ၏ အဓိက ဦးစားပေးလုပ်ငန်း တစ်ရပ်ဖြစ်ကြောင်း၊ ကျန်းမာရေးကဏ္ဍတွင် ရင်းနှီးမြှုပ်နှံခြင်းသည် ကျန်းမာသန်စွမ်းသည့် လူ့အဖွဲ့အစည်းတစ်ရပ် တည်ဆောက်ခြင်းနှင့် ကျန်းမာရေးကဏ္ဍတွင် လူသားအရင်းအမြစ်များ မြှင့်တင်ခြင်းဆိုသည့် မြန်မာအစိုးရ၏ အဓိက မဟာဗျူဟာထဲမှ တစ်ခုဖြစ်ကြောင်း သမ္မတက ဆက်လက်ပြောကြားသည်။

ထို့ပြင် မြန်မာနိုင်ငံသည် ၂၀၃၀ ပြည့်နှစ်တွင် UHC ရည်မှန်းချက် အောင်မြင်ရန် သန္နိဋ္ဌာန်ချမှတ်ပြီးဖြစ်ကြောင်း၊ ထိုရေရှည် ရည်မှန်းချက်သည် လူမျိုး၊ ဘာသာ၊ လူမှုစီးပွား အဆင့်အတန်းမခွဲခြားဘဲ မြန်မာနိုင်ငံသားတိုင်း ငွေကြေးအခက်အခဲမရှိ အဆင့်မြင့် ကျန်းမာရေးဝန်ဆောင်မှုကို လက်လှမ်းမီနိုင်ရေးဖြစ်ကြောင်း၊ နိုင်ငံတော်တည်ဆောက်ရေးတွင် ကျန်းမာရေးကဏ္ဍ၏ အထူးအရေးပါမှုကို အလေးအနက်ထားကာ အစိုးရ၊ တိုင်းရင်းသားလူမျိုးစုများ၊ အရပ်ဘက်လူ့အဖွဲ့အစည်း၊ ပုဂ္ဂလိကကဏ္ဍနှင့် ဖွံ့ဖြိုးရေး မိတ်ဖက်အဖွဲ့အစည်းများ ပူးပေါင်းပြီး ၂၀၃၀ ပြည့်နှစ်တွင် UHC ရည်မှန်းချက် အောင်မြင်ရန် အမျိုးသားကျန်းမာရေးစီမံကိန်း (၂၀၁၇-၂၀၂၁) ကို ရေးဆွဲခဲ့ကြောင်း သမ္မတဦးထင်ကျော်က ဆိုသည်။

ဆက်လက်၍ သမ္မတဦးထင်ကျော်က မြန်မာနိုင်ငံ၏ UHC ရည်မှန်းချက် အောင်မြင်ရေးတွင် ဂျပန်နိုင်ငံအစိုးရ၏ ကူညီပံ့ပိုးမှုကို ကျေးဇူးတင်ရှိပါကြောင်း၊ ဂျပန်နိုင်ငံအစိုးရ၏ နှစ်ပေါင်းများစွာကတည်းက အကူအညီကြောင့် မြန်မာနိုင်ငံ ကျန်းမာရေးနှင့် အားကစားဝန်ကြီးဌာနမှ တာဝန်ရှိသူများ ဂျပန်နိုင်ငံရှိ အင်စတီကျူးရှင်းများတွင် အဆင့်မြင့်ပညာရပ်များကို သင်ကြားခွင့် ရရှိခဲ့ကြကြောင်း၊ UHC နှင့်ပတ်သက်၍ ဆက်လက် ကူညီပံ့ပိုးမှု ပြုလုပ်ပေးကြသည့် ဂျပန်အစိုးရ၊ ဂျပန်နိုင်ငံတကာ ပူးပေါင်းဆောင်ရွက်ရေးအေဂျင်စီ (JICA) ၊ ကမ္ဘာ့ဘဏ်အဖွဲ့ ၊ WHO ၊ ကုလသမဂ္ဂ လက်အောက်ခံ အဖွဲ့အစည်းများ နှင့် UHC ၂၀၃၀ အဖွဲ့ဝင်နိုင်ငံများကို ကျေးဇူးတင်ရှိပါကြောင်းနှင့် မြန်မာနိုင်ငံအနေဖြင့် အဆွေတော်တို့၏ မယိုင်မလဲခိုင်မြဲသော မိတ်ဆွေအဖြစ် ရှိမြဲရှိနေမည်ဟု ကတိပြု ပြောကြားခဲ့ကြောင်း သမ္မတရုံး၏ သတင်းထုတ်ပြန်ချက်အရ သိရသည်။

ပြည်သူများ အသက်ရှည်စွာ နေထိုင်နိုင်ပြီး အဆင့်မြင့်မားသည့် လူနေမှုဘ၀ ရရှိရေးအတွက် UHC ရည်မှန်းချက် အောင်မြင်ရေးတွင် မြန်မာအစိုးရအနေဖြင့် အစွမ်းကုန် ဆောင်ရွက်သွားမည်ဖြစ်ကြောင်း၊ UHC အခြေခံ မူဝါဒများနှင့်အညီ ပြည်သူလူထုကို ထိရောက်စွာ အကျိုးပြုမည့် ကျန်းမာရေးစနစ် တစ်ခုအတွက် ခိုင်မာသည့် အခြေခံအုတ်မြစ်များကို ချခဲ့ပြီး ၎င်းကျန်းမာရေးစနစ်အရ နိုင်ငံအတွင်းရှိ ပြည်သူများအားလုံး ကျန်းမာရေးဝန်ဆောင်မှုကို ပိုပြီး လက်လှမ်းမီလာအောင် ရည်မှန်းချက်များ ချမှတ်ထားပြီးဖြစ်ကြောင်း သမ္မတက ပြောကြားသည်။

ထို့အတူ သမ္မတဦးထင်ကျော်က ကျန်းမာရေးနှင့် ဆိုင်သည့် ဌာနများအားလုံး အပြည့်အ၀လည်ပတ်နိုင်ရေး၊ ယင်းဌာနများကို ကျွမ်းကျင် ကျန်းမာရေးဝန်ထမ်းများနှင့် စီမံခန့်ခွဲစေရေး၊ အရေးကြီးဆေးဝါးနှင့် ဆေးပစ္စည်းအားလုံး ရရှိနိုင်ရေးအတွက်လည်း ကြိုးပမ်းလျက်ရှိကြောင်း ပြောကြားသည်။

ထို့ပြင် နိုင်ငံတော်၏ ကျန်းမာရေးစနစ် ဖွံ့ဖြိုးတိုးတက်ရေးအတွက် ဘဏ္ဍာရေးအရင်းအမြစ် ရရှိရေး ဆောင်ရွက်ရာတွင် စဉ်ဆက်မပြတ် ငွေကြေးထောက်ပံ့မှု ရရှိရေးအတွက် သက်ဆိုင်ရာ ပြည်တွင်း၊ ပြည်ပ အဖွဲ့အစည်းများနှင့် ဆွေးနွေးညှိနှိုင်းလျက် ရှိကြောင်း၊ ထိုသို့ လုပ်ဆောင်ရာတွင် ရေရှည်တည်တံ့သည့် ကျန်းမာရေး ငွေကြေးထောက်ပံ့မှု မဟာဗျူဟာတစ်ရပ်ကို ဖော်ဆောင်နိုင်ရန် ဆောင်ရွက်လျက်ရှိကြောင်း၊ အမျိုးသားကျန်းမာရေးစီမံကိန်းကို စနစ်တကျ အကောင်အထည်ဖော်ခြင်းသည် UHC ၏ ရည်မှန်းချက်များ အောင်မြင်စွာ ရရှိနိုင်လိမ့်မည်ဟု မိမိတို့သိရှိကြောင်း၊ UHC ကို အကောင်အထည်ဖော်နေပြီ ဖြစ်သော်လည်း အထမြောက်ရန် လုပ်ဆောင်ရမည့် လုပ်ငန်းများစွာ ရှိနေသေးကြောင်း၊ ရည်မှန်းချက် အထမြောက်ရေးအတွက် အကျိုးတူ ပူးပေါင်းဆောင်ရွက်နိုင်မည့် နိုင်ငံနှင့် အဖွဲ့အစည်းများ၏ ပူးပေါင်းဆောင်ရွက်မှုကို စောင့်မျှော်နေကြောင်း သမ္မတဦးထင်ကျော် က ပြောကြားသည်။

မြန်မာနိုင်ငံသည် ဒီမိုကရေစီ အသွင်ကူးပြောင်းစ ဖွံ့ဖြိုးဆဲ နိုင်ငံတစ်နိုင်ငံဖြစ်သည့်အတွက် နိုင်ငံရေး၊ လူမှုရေးနှင့် စီးပွားရေးကဏ္ဍများတွင် စိန်ခေါ်မှုအမျိုးမျိုးနှင့် ရင်ဆိုင်နေရကြောင်း၊ ထိုစိန်ခေါ်မှုများကို အခွင့်အလမ်းများအဖြစ် သတ်မှတ်ကြောင်း၊ စိန်ခေါ်မှုများကို ပြည်သူနှင့်အတူ ရင်ဆိုင်ကျော်လွှား သွားမည်ဖြစ်ကြောင်း၊ ထိုသို့ ရင်ဆိုင်ကျော်လွှားနိုင်ရေးတွင် ပြည်တွင်းပြည်ပမှာရှိသည့် စိတ်တူကိုယ်တူ မိတ်ဖက်များ၏ ပူးပါင်းဆောင်ရွက်မှု လိုအပ်ကြောင်း သမ္မတ ဦးထင်ကျော်က ပြောကြားသည်။

Universal Health Coverage Forum အဆင့်မြင့် အစည်းအဝေးကို ဒီဇင်ဘာ ၁၂ ရက်မှ ၁၅ ရက်အထိ ကျင်းပခဲ့ပြီး ဖွင့်ပွဲအခမ်းအနားသို့ ကုလသမဂ္ဂနှင့် ကုလသမဂ္ဂ လက်အောက်ခံအဖွဲ့အစည်းများမှ ကိုယ်စားလှယ်များ၊ အဖွဲ့ဝင်နိုင်ငံများမှ ကိုယ်စားလှယ်များ နှင့် အဆင့်မြင့်အရာရှိကြီးများ၊ ကမ္ဘာ့ဘဏ်နှင့် အာရှဖွံ့ဖြိုးရေးဘဏ်တို့မှ ကိုယ်စားလှယ်များ၊ ဂျပန်နိုင်ငံအတွင်းရှိ NGOs ၊ INGO များမှ ကိုယ်စားလှယ်များ တက်ရောက်ခဲ့ကြောင်း သိရသည်။

ထို့နောက် နိုင်ငံတော်သမ္မတ ဦးထင်ကျော်အား ဂျပန်နိုင်ငံဝန်ကြီးချုပ် မစ္စတာ ရှင်ဇိုအာဘေးက ဒီဇင်ဘာ ၁၄ ရက်တွင် တိုကျိုမြို့ရှိ ၀န်ကြီးချုပ်ရုံး၌ ဂုဏ်ပြုအခမ်းအနားဖြင့် ကြိုဆိုခဲ့ကြောင်း သိရသည်။

ဆက်လက်၍ ဂျပန်-မြန်မာ ထိပ်သီးအစည်းအဝေး၌ ရှင်ဇိုအာဘေးက မြန်မာနိုင်ငံ၏ ဒီမိုကရေစီနိုင်ငံ တည်ဆောက်ရေးလုပ်ငန်းအတွက် ဂျပန်နိုင်ငံအစိုးရနှင့် ပုဂ္ဂလိက ပူးပေါင်း၍ ကူညီပံ့ပိုးရေး၊ မြန်မာနိုင်ငံ၏ Universal Health Coverage ရည်မှန်းချက် ပန်းတိုင် အကောင်အထည်ဖော်ရေးအတွက် ဂျပန်နိုင်ငံမှ ကူညီသွားရေး၊ မြန်မာနိုင်ငံ စီးပွားရေးဖွံ့ဖြိုးတိုးတက်မှုအတွက် ရန်ကုန်မြို့ပြ ဖွံ့ဖြိုးရေးနှင့် သယ်ယူပို့ဆောင်ရေး၊ လျှပ်စစ်ဓာတ်အား စသည့် ကဏ္ဍများတွင် အလေးပေး ပူးပေါင်းဆောင်ရွက်ရေး၊ ယဉ်ကျေးမှု ပူးပေါင်းဆောင်ရွက်မှု မြှင့်တင်ရေးအတွက် ရန်ကုန်မြို့တွင် ဂျပန်ယဉ်ကျေးမှုစင်တာ တည်ထောင်ရေး၊ ရခိုင်ပြည်နယ် ဖွံ့ဖြိုးတိုးတက်ရေးအတွက် လမ်းပန်းဆက်သွယ်ရေး၊ လျှပ်စစ်မီးနှင့် စာသင်ကျောင်းများ တည်ဆောက်ရေးအတွက် အကူအညီပေးရေး၊ လွတ်လပ်၍ ပွင့်လင်းသော အိန္ဒိယ-ပစိဖိတ်မဟာဗျူဟာ အစီအစဉ်အောက်မှ ဒေသတွင်း ချိတ်ဆက်မှုများမြှင့်တင်၍ မြန်မာနိုင်ငံနှင့် ဒေသတစ်ခုလုံး၏ တည်ငြိမ်အေးချမ်းရေးနှင့် ဖွံ့ဖြိုးတိုးတက်မှုကို ကူညီပံ့ပိုးသွားရေးတို့ကို ဆွေးနွေး ပြောကြားခဲ့ကြောင်း သမ္မတရုံးက ထုတ်ပြန်ခဲ့ သည်။

သမ္မတ ဦးထင်ကျော်က နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု မြှင့်တင်ရေး၊ စီးပွားရေးပူးပေါင်းဆောင်ရွက်မှု မြှင့်တင်နိုင်ရန်အတွက် ဂျပန်နိုင်ငံမှ မြန်မာနိုင်ငံတွင် ရင်းနှီးမြှုပ်နှံမှုများ ပိုမိုလာရောက်ရေး၊ မြန်မာနိုင်ငံ ငြိမ်းချမ်းရေး လုပ်ငန်းစဉ်နှင့် ဖွံ့ဖြိုးတိုးတက်ရေး လုပ်ငန်းများ၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေး၊ ရန်ကုန်မြို့ပြ ဖွံ့ဖြိုးတိုးတက်ရေး၊ လမ်းပန်းဆက်သွယ်ရေး နှင့် လျှပ်စစ်ဓာတ်အားကဏ္ဍတို့တွင် အကူအညီများအတွက် ကျေးဇူးတင်ရှိကြောင်း၊ ဆက်လက်၍ ကူညီပံ့ပိုးပေးရေး၊ ရခိုင်ပြည်နယ်အရေးကိစ္စနှင့် ပတ်သက်၍ မြန်မာနိုင်ငံအပေါ် နားလည်မှုနှင့် ကူညီပံ့ပိုးမှုများအတွက် ကျေးဇူးတင်ရှိကြောင်းနှင့် ဆက်လက် ပူးပေါင်းဆောင်ရွက်သွားလိုကြောင်း ဆွေးနွေးပြောကြားခဲ့သည်ဟု သတင်းထုတ်ပြန်ထားသည်။

နိုင်ငံတော်သမ္မတ ဦးထင်ကျော်၏ ကျန်းမာရေးအခြေအနေ စိုးရိမ်စရာ မရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် ပြောကြား

နေပြည်တော် MICC-2 ၌ ဒီဇင်ဘာ ၈ ရက်က ပြုလုပ်သော နှီးနှောဖလှယ်ပွဲတွင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား တွေ့ရစဉ် (ဓာတ်ပုံ-ကျော်မျိုး)

နိုင်ငံတော်သမ္မတ ဦးထင်ကျော်၏ ကျန်းမာရေးအခြေအနေ စိုးရိမ်စရာမရှိကြောင်း နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဒီဇင်ဘာ ၈ ရက်တွင် ပြောကြားသည်။

နေပြည်တော်၌ ဒီဇင်ဘာ ၈ ရက်က ပြုလုပ်သည့် ၂၀၁၇ ခုနှစ်၊ ပညာရေးဖွံ့ဖြိုးတိုးတက်မှု အကောင်အထည်ဖော်ရေးနှီးနှောဖလှယ်ပွဲဖွင့်ပွဲသို့ တက်ရောက်လာသည့် နိုင်ငံတော်၏ အတိုင်ပင်ခံပုဂ္ဂိုလ်အား နိုင်ငံတော်သမ္မတ၏ ကျန်းမာရေးအခြေအနေနှင့် ပတ်သက်၍ သတင်းထောက်တစ်ဦး၏ မေးမြန်းမှုအပေါ် ထိုသို့ဖြေကြားခဲ့ခြင်း ဖြစ်သည်။

“စိုးရိမ်စရာမရှိပါဘူး။ ဒီမှာ သမ္မတကြီး ကတော်ရှိတယ် (ဘေးတွင် ပါလာသည့် နိုင်ငံတော်သမ္မတ၏ ဇနီးဒေါ်စုစုလွင်အား ရည်ညွှန်း)။ ပြုစုစောင့်ရှောက်ဖို့။ ဒီလောက် ပြုစုစောင့်ရှောက်ဖို့ တစ်ယောက်ရှိနေတာ ဘာစိုးရိမ်စရာရှိလဲ”ဟု ဒေါ်အောင်ဆန်းစုကြည်က ပြောကြားသည်။

နိုင်ငံတော်သမ္မတ ဦးထင်ကျော်သည် ဂျပန်နိုင်ငံဝန်ကြီးချုပ် မစ္စတာရှင်ဇိုအာဘေး၏ ဖိတ်ကြားချက်အရ တိုကျိုမြို့တွင် ကျင်းပမည့် University Health Coverage (UH-C) Forum 2017 တက်ရောက်ရန်နှင့် ဆက်ဆံရေးမြှင့်တင်ရန် မကြာမီကာလအတွင်း ဂျပန်နိုင်ငံသို့ ချစ်ကြည်ရေးခရီး သွားရောက်မည်ဖြစ်ကြောင်း ဒီဇင်ဘာ ၈ ရက်တွင် နိုင်ငံတော်သမ္မတရုံးက သတင်းထုတ်ပြန်သည်။

နိုင်ငံတော်သမ္မတ ဦးထင်ကျော်သည် ဆေးစစ်ခံယူမှုများ ပြုလုပ်ခဲ့ရာ၌ အူလမ်းကြောင်းတွင် Colonic Polyp တွေ့ရှိ၍ ထိုင်းနိုင်ငံတွင် စက်တင်ဘာ ၁၀ ရက်တွင် လိုအပ်သည့် ခွဲစိတ်ကုသမှုများ ဆောင်ရွက်ခဲ့ရာ ခွဲစိတ်ကုသမှု အောင်မြင်မှုရှိကြောင်း နိုင်ငံတော်သမ္မတရုံးက စက်တင်ဘာ ၁၁ ရက်တွင် သတင်းထုတ်ပြန်ခဲ့သည်။

ထိုသို့ နိုင်ငံတော်သမ္မတ၏ ကျန်းမာရေး အခြေအနေအား ထုတ်ပြန်ထားပြီးနောက် ယခုရက်ပိုင်းတွင် သတင်းများ၌ ပြန်လည် ထွက်ပေါ်လာသည့် သမ္မတဦးထင်ကျော်၏ ဓာတ်ပုံများတွင် ခန္ဓာကိုယ်အနည်းငယ် ပိန်သွားသည့်ပုံစံ ဖြစ်ပေါ်နေသောကြောင့် သမ္မတ၏ ကျန်းမာရေးအရ သမ္မတနေရာတွင် လူစားထိုး အပြောင်းအလဲရှိနိုင်ကြောင်း ပြင်ပ၌ပြောဆိုမှုများ ရှိနေချိန်တွင် ယခုကဲ့သို့ ဂျပန်နိုင်ငံအား သွားရောက်မည့် ခရီးစဉ်ကို တရားဝင် ကြေညာလာခြင်း ဖြစ်သည်။

ယခု ၂၀၁၇ ခုနှစ်အတွင်း နိုင်ငံတော်သမ္မတ ဦးထင်ကျော်သည် ကမ္ဘောဒီးယားနိုင်ငံ ဘုရင်မင်းမြတ် ပရယ်ဘတ်ဆမ်ဒက်ပရယ် ဘိုရိုနစ်နိုရိုဒွန်သီဟာမိုနီ၏ ဖိတ်ကြားချက်အရ ကမ္ဘောဒီးယားနိုင်ငံသို့ ဖေဖော်ဝါရီလအတွင်း ချစ်ကြည်ရေးခရီး သွားရောက်ခဲ့ပြီး ကမ္ဘောဒီးယားနိုင်ငံ ဘုရင်မင်းမြတ်နှင့် တွေ့ဆုံခဲ့သည်။

ထို့အတူ နိုင်ငံတော်သမ္မတ ဦးထင်ကျော်သည် ကမ္ဘောဒီးယားနိုင်ငံဝန်ကြီးချုပ် ဆမ်ဒက်ဟွန်ဆန်နှင့် တွေ့ဆုံကာ နှစ်နိုင်ငံအကြား ကုန်သွယ်မှုနှင့် ရင်းနှီးမြှုပ်နှံမှု ပိုမိုတိုးမြှင့်ရေး၊ ခရီးသွားလုပ်ငန်းကဏ္ဍ ပူးပေါင်းမြှင့်တင်ရေးအတွက် နှစ်နိုင်ငံအကြား လေကြောင်းခရီးစဉ်များ ပြန်လည် စတင်ရေး၊ ပညာရေးကဏ္ဍအပိုင်းတွင် ကျောင်းသားများ အပြန်အလှန် စေလွှတ်ရေး၊ ဘာသာစကားများ အပြန်အလှန် လေ့လာသင်ကြားနိုင်ရေးတို့အတွက် ပူးပေါင်းဆောင်ရွက်နိုင်သည့် နည်းလမ်းများ အပါအ၀င် လက်ရှိ ပူးပေါင်းဆောင်ရွက်နေမှုများအား ပိုမိုတိုးမြှင့် ဆောင်ရွက်နိုင်ရေးတို့အား ဆွေးနွေးခဲ့သည်။

ဆက်လက်၍ နိုင်ငံတော်သမ္မတ ဦးထင်ကျော်သည် ဧပြီလအတွင်းက တရုတ်နိုင်ငံသို့ သွားရောက်ခဲ့ပြီး တရုတ်နိုင်ငံသမ္မတ ရှီကျင်ပင်း၊ တရုတ်နိုင်ငံဝန်ကြီးချုပ် လီခချန်း၊ တရုတ်ပြည်သူ့သမ္မတနိုင်ငံ အမျိုးသားပြည်သူ့ကွန်ဂရက်ဥက္ကဋ္ဌ မစ္စတာကျန်းတဲ့ကျန်းတို့နှင့် သီးခြားစီ တွေ့ဆုံခဲ့သည်။

တရုတ်နိုင်ငံ ခရီးစဉ်အတွင်း နိုင်ငံတော်သမ္မတ ဦးထင်ကျော်နှင့် တရုတ်နိုင်ငံသမ္မတ ရှီကျင်ပင်းတို့ ဆွေးနွေးမှုအပြီးတွင် နှစ်နိုင်ငံ သက်ဆိုင်ရာတာဝန်ရှိသူများက နှစ်နိုင်ငံအစိုးရအကြား ယဉ်ကျေးမှု အမွေအနှစ်ဆိုင်ရာ ပစ္စည်းများအား တရားမ၀င် တူးဖော်ခြင်း၊ မှောင်ခိုတင်သွင်း ရောင်းချခြင်း ကိစ္စရပ်များကို ကာကွယ်ဟန့်တားနိုင်ရေးအတွက် သဘောတူညီမှုစာချုပ်၊ စီးပွားရေးနှင့် အတတ်ပညာ ပူးပေါင်းဆောင်ရွက်ရေးဆိုင်ရာ သဘောတူညီချက်စာချုပ်၊ ပို့ဆောင်ရေးကဏ္ဍနှင့် သစ်တောကဏ္ဍ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ နှစ်စောင်တို့ လက်မှတ်ရေးထိုးခဲ့ကြသည်။

ထို့ပြင် နိုင်ငံတော်သမ္မတ ဦးထင်ကျော် နှင့် ဇနီး ဒေါ်စုစုလွင်တို့သည် အောက်တိုဘာ ၂၆ ရက်က နတ်ရွာစံ ထိုင်းနိုင်ငံဘုရင်မင်းမြတ် ဘူမိဘောအဒူလျာဒက်ဂ်ျ၏ တော်ဝင်ဈာပန အခမ်းအနားသို့ တက်ရောက်ရန် ထိုင်းနိုင်ငံသို့ နောက်ဆုံး သွားရောက်ခဲ့သည်။

NLD ပါတီ ဦးဆောင်သော အစိုးရသစ် တက်လာပြီးနောက် ၂၀၁၆ ခုနှစ် မေ ၆ ရက် တွင် နိုင်ငံတော်သမ္မတ ဦးထင်ကျော်သည် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လိုက်ပါလျက် ပထမဦးဆုံး ပြည်ပခရီးစဉ်အဖြစ် လာအိုပြည်သူ့ဒီမိုကရက်တစ် သမ္မတနိုင်ငံသို့ နေ့ချင်းပြန်ခရီးစဉ် သွားရောက်ခဲ့သည်။

အဆိုပါ ခရီးစဉ်အတွင်း မြန်မာ – လာအို နှစ်နိုင်ငံအကြား ချစ်ကြည်ရေးတံတား တည်ဆောက်ပြီးနောက်ပိုင်း နှစ်နိုင်ငံအစိုးရချင်း၊ ပြည်သူချင်း ပိုမိုပူးပေါင်း ဆောင်ရွက်နိုင်မည့် ကိစ္စရပ်များ၊ နှစ်နိုင်ငံအကြား ဖွဲ့စည်းဆောင်ရွက်ပြီးဖြစ်သည့် ပူးတွဲကော်မရှင် အစည်းအဝေး၊ နယ်ခြားကော်မတီ အစည်းအဝေးများတွင်လည်း သက်ဆိုင်ရာနိုင်ငံများအလိုက် ၀န်ကြီးဌာနအဆင့် ဆွေးနွေးဆောင်ရွက်သွားရန် ကိစ္စရပ်များနှင့် စပ်လျဉ်း၍ ဆွေးနွေးခဲ့သည်။

ထို့နောက် ၂၀၁၆ ခုနှစ် မေအတွင်း၌ပင် နိုင်ငံတော်သမ္မတသည် ရုရှား-အာဆီယံ ဆက်ဆံရေးနှစ် (၂၀) ပြည့် ထိပ်သီးအစည်းအဝေး တက်ရောက်ရန် ရုရှားနိုင်ငံသို့ သွားရောက်ခဲ့ပြီး ခရီးစဉ်အတွင်း ရုရှားသမ္မတ ဗလာဒီမာပူတင်နှင့် သီးခြားတွေ့ဆုံကာ မြန်မာနိုင်ငံ၏ ရေနံနှင့် သဘာဝဓာတ်ငွေ့ကဏ္ဍတွင် ရုရှားနိုင်ငံမှ စီးပွားရေးလုပ်ငန်းရှင်များ လာရောက် ရင်းနှီးမြှုပ်နှံရေး၊ သယ်ယူပို့ဆောင်ရေး ကဏ္ဍအနေဖြင့် မော်စကိုနှင့် ရန်ကုန် လေကြောင်း ၀န်ဆောင်မှုများ ပြန်လည် စတင်ရေး၊ စွမ်းအင်ကဏ္ဍတွင် လာရောက်ရင်း နှီးမြှုပ်နှံသည့် ကုမ္ပဏီအနေဖြင့် လူမှုရေးဆိုင်ရာ ပူးပေါင်းတာဝန်ယူမှုများကို ဆောင်ရွက်ပေးရေး၊ ယဉ်ကျေးမှု၊ ခရီးသွားလာရေးနှင့် ကာကွယ်ရေးကဏ္ဍများတွင် ပူးပေါင်းဆောင်ရွက်ရေးဆိုင်ရာ ကိစ္စရပ်များ စသည်တို့ကို ဆွေးနွေးခဲ့သည်။

ထို့နောက် ၂၀၁၆ ခုနှစ် ဇူလိုင်လအတွင်း အာရှ-ဥရောပ ထိပ်သီးအစည်းအဝေး တက်ရောက်ရန် မွန်ဂိုလီးယားနိုင်ငံသို့ သွားရောက်ခဲ့သည်။ ထို့အတူ နိုင်ငံတော်သမ္မတ ဦးထင်ကျော် သည် ၂၀၁၆ ခုနှစ် သြဂုတ်လအတွင်းက အိန္ဒိယနိုင်ငံသို့ ချစ်ကြည်ရေးခရီး သွားရောက်ခဲ့ပြီး အိန္ဒိယနိုင်ငံသမ္မတ မစ္စတာပရာနာ့ဗ်မူခါဂျီးနှင့် အိန္ဒိယနိုင်ငံဝန်ကြီးချုပ် နာရင်ဒရာမိုဒီ တို့အား သီးခြားစီ တွေ့ဆုံဆွေးနွေးခဲ့သည်။

အိန္ဒိယနိုင်ငံ ခရီးစဉ်အတွင်း နိုင်ငံတော် သမ္မတဦးထင်ကျော်နှင့် အိန္ဒိယနိုင်ငံဝန်ကြီးချုပ်တို့ရှေ့မှောက်၌ နှစ်နိုင်ငံ တာဝန်ရှိသူများ က မြန်မာနိုင်ငံရှိ သုံးနိုင်ငံ အဝေးပြေးလမ်းမကြီး၏ တမူး-ကျီကုန်း-ကလေးဝလမ်းပိုင်းရှိ တံတားများနှင့် ချဉ်းကပ်လမ်း တည်ဆောက်ရေးနှင့် အဆင့်မြှင့်တင်ရေးဆိုင်ရာ ပူးပေါင်းဆောင်ရွက်မှု နားလည်မှုစာချွန်လွှာ၊ မြန်မာနိုင်ငံရှိ သုံးနိုင်ငံ အဝေးပြေးလမ်းမကြီး၏ ပလက်ဝ-ယာကြီးကားလမ်းပိုင်း တည်ဆောက်ရေးနှင့် အဆင့်မြှင့်တင်ရေးဆိုင်ရာ ပူးပေါင်းဆောင်ရွက်မှုနားလည်မှု စာချွန်လွှာ၊ တိုင်းရင်းဆေးကဏ္ဍဆိုင်ရာ ပူးပေါင်းဆောင်ရွက်ရေး နားလည်မှု စာချွန်လွှာနှင့် ပြန်ပြည့်မြဲစွမ်းအင် နယ်ပယ်တွင် ပူးပေါင်းဆောင်ရွက်မှု နားလည်မှုစာချွန်လွှာတို့ကို လက်မှတ်ရေးထိုး လဲလှယ်ခဲ့ကြသည်။

နိုင်ငံတော်သမ္မတ ဦးထင်ကျော်သည် ၂၀၁၆ ခုနှစ် အောက်တိုဘာလအတွင်းက ချစ်ကြည်ရေးခရီးနှင့် (၈) ကြိမ်မြောက် CLMV ၊(၇) ကြိမ်မြောက် ACMECS ထိပ်သီး အစည်းအဝေးများနှင့် ကမ္ဘာ့စီးပွားရေးဖိုရမ် မဲခေါင်ညီလာခံသို့ တက်ရောက်ရန် ဗီယက်နမ်ဆိုရှယ်လစ် သမ္မတနိုင်ငံသို့ သွားရောက်ခဲ့ပြီး ခရီးစဉ်အတွင်း ဗီယက်နမ်ဆိုရှယ်လစ် သမ္မတနိုင်ငံ သမ္မတမစ္စတာကျန်းဒိုက်ကွမ်းနှင့်တွေ့ဆုံကာ နှစ်နိုင်ငံဆွေးနွေးပွဲ ကျင်းပခဲ့ပြီး ပူးတွဲကြေညာချက် ထုတ်ပြန်ရာတွင် နှစ်နိုင်ငံဆက်ဆံမှု တိုးမြှင့်ရေး၊ စီးပွားရေး ပူးပေါင်းဆောင်ရွက်ရေး၊ ရင်းနှီးမြှုပ်နှံမှုနှင့် ကုန်သွယ်မှုတိုးမြှင့်ရေး၊ CLMV နှင့် ACMECS မူဘောင်အောက်တွင် နီးကပ်စွာ ပူးပေါင်း ဆောင်ရွက်ရေးတို့ ပါဝင်သည်။

အလားတူ နိုင်ငံတော်သမ္မတ ဦးထင်ကျော်သည် ထိုင်းဘုရင်မင်းမြတ် နတ်ရွာစံခြင်းအတွက် လွမ်းသူ့ပန်းခွေချ အခမ်းအနားသို့ တက်ရောက်ရန် ၂၀၁၆ ခုနှစ် နိုဝင်ဘာ ၉ ရက်က ထိုင်းနိုင်ငံသို့ နေ့ချင်းပြန် သွားရောက်ခဲ့သည်။

နိုင်ငံတော်သမ္မတ ဦးထင်ကျော် အူလမ်းကြောင်း ခွဲစိတ်ကုသမှု အောင်မြင်

နိုင်ငံတော်သမ္မတ ဦးထင်ကျော်အား စက်တင်ဘာလ ၅ ရက်နေ့က တွေ့ရစဉ်

ထိုင်းနိုင်ငံ ဘန်ကောက်မြို့တွင် သွားရောက် ဆေးစစ်ဆေးမှု ခံယူနေသည့် နိုင်ငံတော်သမ္မတ ဦးထင်ကျော်သည် စက်တင်ဘာ ၁၀ ရက်နေ့က အူလမ်းကြောင်း ခွဲစိတ်ကုသမှု ပြုလုပ်ခံခဲ့ရပြီး ကုသမှု အောင်မြင်ကြောင်း သမ္မတရုံး ထုတ်ပြန်ချက်အရ သိရသည်။

နိုင်ငံတော်သမ္မတ ဦးထင်ကျော်သည် လိုအပ်သည့် ကျန်းမာရေး ဆေးစစ်မှုများ ခံယူရန်အတွက် ထိုင်းနိုင်ငံ ဘန်ကောက်မြို့သို့ စက်တင်ဘာ ၈ ရက်တွင် သွားရောက်ခဲ့ကြောင်း သိရသည်။

ယင်းသို့ ဆေးစစ်ခံယူမှုများ ပြုလုပ်ခဲ့ရာ၌ အူလမ်းကြောင်းတွင် (Colonic Polyp) တွေ့ရှိ၍ စက်တင်ဘာ ၁၀ ရက်တွင် လိုအပ်သည့် ခွဲစိတ်ကုသမှုများ ဆောင်ရွက်ခဲ့ရာ ခွဲစိတ်ကုသမှု အောင်မြင်ခဲ့ခြင်းဖြစ်ကြောင်း သိရသည်။