ဦးကိုနီ လုပ်ကြံခံရမှုတွင် အောင်ဝင်းဇော်ကို ကရင်ပြည်နယ်သို့ လိုက်ပို့မှုဖြင့် စွဲချက်တင် ခံထားရသည့် အောင်ဝင်းဇော်၏ အစ်ကို အောင်ဝင်းထွန်းအား စစ်ဆေး

တရားရုံးသို့ လာရောက် အစစ်ဆေးခံနေသည့် အောင်ဝင်းထွန်းကို တွေ့ရစဉ်

ဦးကိုနီ လုပ်ကြံခံရမှုတွင် အောင်ဝင်းဇော်ကို ကရင်ပြည်နယ်သို့ လိုက်ပို့မှုဖြင့် စွဲချက်တင်ခံထားရသူ အောင်ဝင်းထွန်းကို စက်တင်ဘာ ၆ ရက်တွင် ရန်ကုန်မြောက်ပိုင်းခရိုင် တရားရုံး၌ စစ်ဆေးခဲ့သည်။

ဦးကိုနီအား လုပ်ကြံရန် ကြည်လင်းကို စေခိုင်းမှုဖြင့် တရားစွဲခံထားရသူ အောင်ဝင်းဇော်ကို ဦးကိုနီ လုပ်ကြံခံရပြီး နောက်တစ်ရက် ၂၀၁၇ ခုနှစ် ဇန်န၀ါရီ ၃၀ ရက်ညပိုင်းတွင် ကရင်ပြည်နယ် ဘားအံမြို့သို့ လိုက်ပို့မှုဖြင့် အောင်ဝင်းထွန်းကို စွဲချက်ထားခြင်း ဖြစ်သည်။

အောင်ဝင်းထွန်းအား စစ်ဆေးစဉ် အောင်ဝင်းထွန်းက ၎င်းသည် ၁၉၈၉ ခုနှစ်က ရန်ကုန်တိုင်းဒေသကြီး ဒလမြို့နယ်တွင် လူဝင်မှုကြီးကြပ်ရေးနှင့် ပြည်သူ့အင်အားဦးစီးဌာန၌ တာဝန် ထမ်းဆောင်ခဲ့ကြောင်း၊ ၁၉၉၄ ခုနှစ်တွင် ယင်းဌာနမှ တရားဝင် အလုပ်ထွက်ပြီး ရန်ကုန် ရွှေတိဂုံဘုရားလမ်းရှိ ရှန်ဟိုင်းကုမ္ပဏီတွင် လျှပ်စစ်ပစ္စည်းရောင်းဝယ်ရေး တာဝန်ခံဖြင့် လုပ်ကိုင်ခဲ့ကြောင်း၊ လ၀ကတွင် လုပ်စဉ်က လစာမှာ ကျပ် ၇၅၀ ခန့်သာရ ရှိပြီး ရှန်ဟိုင်းကုမ္ပဏီတွင် လစာ ၅၀၀၀ ကျပ် ရရှိသဖြင့် အလုပ်ထွက်ခဲ့ခြင်း ဖြစ်ကြောင်း၊ ထို့နောက် လျှပ်စစ်ပစ္စည်းတပ်ဆင်ရေးကုမ္ပဏီ နှင့် ကုမ္ပဏီအချို့တွင် လုပ်ကိုင်ခဲ့ကြောင်း၊ ၂၀၀၀ ပြည့်နှစ်တွင် ရန်ကုန်မြို့ မဟာဗန္ဓုလလမ်းရှိ ၎င်းတို့နေထိုင်သောအိမ်မှာ မီးလောင်သွားသည့်အတွက် စီးပွားပျက်ခဲ့ကြောင်း၊ ၂၀၀၄ တွင် ကုမ္ပဏီလုပ်ငန်းမှ ထွက်ပြီး ၂၀၁၄ ခုနှစ်အထိ တီဗွီ၊ ရေခဲသေတ္တာ၊ အဲကွန်း အရောင်းဆိုင် ဖွင့်ခဲ့ကြောင်း၊ ၂၀၁၄ ခုနှစ် နောက်ပိုင်းတွင် လျှပ်စစ်ပစ္စည်း လုပ်ငန်းများ မှာ စီးပွားရေး ကျဆင်းလာသဖြင့် ဧရာဝတီတိုင်းဒေသကြီး ပုသိမ် မော်တင်စွန်းရှိ ဇီးချိုင်ရွာတွင် သဘာဝအခြေပြု ခရီးသွားလုပ်ငန်းကို စတင်ဆောင်ရွက်ခဲ့ပြီး ယနေ့အချိန်ထိ ဆောင်ရွက်နေကြောင်း၊ ဦးကိုနီ လုပ်ကြံခံရ သည့် ၂၀၁၇ ခုနှစ် ဇန်န၀ါရီ ၂၉ ရက်က ယင်းနေ့ ည ၇ နာရီအထိ မော်တင်စွန်းတွင် ရှိနေကြောင်း၊ ထိုနေ့က ၎င်း၏ လက်သမားဆရာ၊ ပန်းရန်ဆရာတို့နှင့်အတူ ဘန်ဂလို ဆောက်လုပ်နေကြောင်း၊ အခင်းဖြစ်ည ၇ နာရီခန့်တွင်မှ ရန်ကုန်သို့ ပြန်လာခဲ့ကြောင်း အောင်ဝင်းထွန်းက ထွက်ဆိုသည်။

ထို့ပြင် အောင်ဝင်းထွန်းက ရန်ကုန်သို့ ပြန်လာရခြင်းမှာ ၎င်းတို့ကိုးကွယ်သည့် ကရင်ပြည်နယ် ဘားအံ ဇာသပြင်ကျေးရွာရှိ တောင်ကလေးဆရာတော်၏ ၂၀၁၇ ခုနှစ် ဖေဖော်ဝါရီ ၃ ရက်မှ ဇန်န၀ါရီ ၁၁ ရက်အထိ ကျင်းပမည့် သိက္ခာထပ်ပွဲ၊ သိမ်သမုတ်ပွဲ၊ ပဋ္ဌာန်းပူ ဇော်ပွဲသို့ ဆရာတော်၏ မိန့်မှာချက်အရ ကြိုတင်သွားရောက်ရခြင်း ဖြစ်ကြောင်း၊ အခြားအကြောင်းတစ်ခုမှာ လက်သမားဆရာက ရန်ကုန်တိုင်းဒေသကြီး မင်္ဂလာဒုံမြို့နယ် ကုန်းတလပေါက်ကျေးရွာရှိ နေအိမ်တစ်လုံးကိုရွှေ့ ပြီး ပြန်ပြင်ဆောက်ရန်တို့ကြောင့် ရန်ကုန်သို့ ပြန်လာရခြင်းဖြစ်ကြောင်း၊ ပုံမှန်ပြန်နေကျရက်မှာ လကုန် ၃၁ ရက် ဖြစ်ကြောင်း၊ ထို့ နောက် တောင်ကလေး ဆရာတော်ထံသို့ ညီ ဖြစ်သူ အောင်ဝင်းဇော်နှင့်အတူ သွားစဉ် ၂၀၁၇ ခုနှစ် ဇန်န၀ါရီ ၃၁ ရက် နံနက် ၃ နာရီခွဲခန့်တွင် ဘားအံ သံလွင်တံတားပေါ်ရောက်ရာ ဒုရဲအုပ်တစ်ဦးက ကားတား၍ စစ်ဆေးခဲ့ကြောင်း၊ အောင်ဝင်းဇော်မှာ ကားနောက်ခန်းတွင် အိပ်နေသဖြင့် ၎င်းက နှိုးခဲ့ရကြောင်း၊ ထို့နောက် ရဲများက စစ်ဆေးမေးမြန်းရန် ရှိသဖြင့် ဘားအံရဲစခန်းသို့ မောင်းပေးရန် ပြော၍ ၎င်းကိုယ်တိုင် မောင်းနှင်ပေးခဲ့ကြောင်း၊ ထိုသို့ မောင်းရာတွင် မိနစ် ၄၀ ခန့်ကြာမြင့်ပြီး ရဲကားမှာလည်း အနောက်မှ လိုက်လာကြောင်း၊ ယင်းနောက် စခန်းသို့ ရောက်ရာတွင် ၎င်းတို့ ညီအစ်ကိုနှစ်ဦးအား ခွဲထားခဲ့ပြီး ပါလာသည့် ပိုက်ဆံအိတ်၊ တယ်လီဖုန်း၊ ဒိုင်ယာရီစာအုပ်၊ ကားသော့ စသည့်ပစ္စည်းများကို ရဲများက သိမ်းသွားခဲ့ကြောင်း၊ ထို့နောက် ဘားအံရဲများ က ရန်ကုန်မှရဲများ လာခေါ်မည်ဟု ပြောကြောင်း၊ ယင်းနေ့ နံနက် ၇ နာရီ ၀န်းကျင်တွင် ရန်ကုန်ရဲများ ရောက်လာပြီး ၎င်းအား ပရိုဘောက်ယာဉ်ဖြင့် လာခေါ်ခဲ့ကြောင်း၊ ထိုသို့ ခေါ်ဆောင်ရာတွင် လက်ထိတ်နောက်ပြန်ခတ်ခြင်း၊ ခြေချင်းခတ်ခြင်း၊ မျက်နှာစည်းခြင်းတို့ ပြုလုပ်ခံခဲ့ရကြောင်း၊ ထို့နောက် ရန်ကုန်သို့ ရောက်လာပြီးနောက် ၎င်း၏နေအိမ်တွင် ရဲများ ရှာဖွေမှုများ ပြုလုပ်ခဲ့ကြောင်း၊ ထိုသို့ ရှာဖွေစဉ် ၎င်း၏ဇနီးဖြစ်သူက ရဲများကို ဘာကြောင့်ရှာဖွေသလဲဟု မေးမြန်းရာ သုံးပွင့်နှင့် ရဲအရာရှိက မမေးနဲ့၊ လုပ်ငန်းစဉ်ကိုသာ ပူးပေါင်းဆောင်ရွက်ပါဟု ပြန်လည်ပြောကြား ခဲ့ကြောင်း၊ မိမိနှင့်ညီဖြစ်သူ အောင်ဝင်းဇော်ကို ဘားအံ တံတားပေါ်တွင် ဖမ်းဆီးစဉ်နှင့် ၎င်း၏နေအိမ်သို့ ရှာဖွေမှုများ ပြုလုပ်ခြင်းကို အဘယ်ကြောင့် ထိုသို့ပြုလုပ်ရသည်ဟု ရဲတပ်ဖွဲ့က ၎င်းတို့အား ပြောကြားခဲ့ခြင်း မရှိသလို ၎င်းင်းတို့လည်း သိရှိခဲ့ခြင်း မရှိကြောင်း၊ အောင်ဝင်းထွန်းက ထွက်ဆိုခဲ့သည့်အပြင် အခြားထွက်ချက်များကိုလည်း ထွက်ဆိုခဲ့ကြောင်း သိရသည်။

ဦးကိုနီ လုပ်ကြံခံရမှုနှင့် စပ်လျဉ်း၍ ပုဒ်မအသီးသီးဖြင့် စွဲချက်တင်ခံထားရသူများဖြစ်သည့် ကြည်လင်း၊ အောင်ဝင်းဇော်၊ ဇေယျာဖြိုးတို့ကို ပြီးခဲ့သည့် ရုံးချိန်းများက စစ်ဆေးပြီးစီးခဲ့ပြီး ယခုရုံးချိန်းတွင် အောင်ဝင်းထွန်း အား စစ်ဆေးခဲ့ခြင်း ဖြစ်သည်။

အောင်ဝင်းထွန်းမှာ လက်ရှိတွင် အာမခံ ရရှိထားသဖြင့် အပြင်မှလာရောက်ကာ အမှုရင်ဆိုင်နေရခြင်း ဖြစ်သည်။

 

ရေကြီးမှုကြောင့် ရန်ကုန်-မန္တလေးလမ်းများ သွားလာရ ခက်ခဲသဖြင့် စွပ်စွဲခံရသူများဘက်မှ အမှုလိုက်ပါ ဆောင်ရွက်နေသည့် မန္တလေးမှ ရှေ့နေနှစ်ဦး ခွင့်တိုင်၍ ဦးကိုနီ လုပ်ကြံခံရမှုကို မစစ်ဆေးဖြစ်ဘဲ ရုံးချိန်းပြန်ချိန်း

ဦးကိုနီ လုပ်ကြံခံရမှုမှ တရားစွဲခံထားရသူများအား သြဂုတ် ၃၀ ရက် ရုံးထုတ်တွင် တွေ့ရစဉ် (ဓာတ်ပုံ-နေမျိုးဝင်း)

ဆွာရေကြီးမှုကြောင့် ရန်ကုန်-မန္တလေးလမ်းများ သွားလာရ ခက်ခဲသဖြင့် စွပ်စွဲခံရသူများဘက်က အမှုလိုက်ပါ ဆောင်ရွက်နေသည့် မန္တလေးမှ ရှေ့နေနှစ်ဦး ခွင့်တိုင်၍ ဦးကိုနီ လုပ်ကြံခံရမှုကို မစစ်ဆေးဖြစ်ဘဲ သြဂုတ် ၃၀ ရက် ရုံးချိန်းမှ သြဂုတ် ၃၁ ရက်သို့ ရုံးချိန်းပြန်လည် ချိန်းဆိုခဲ့ကြောင်း တရားလိုဘက်မှ ရှေ့နေတစ်ဦးဖြစ်သူ ဦးနေလ (တရားလွှတ်တော်) က မီဒီယာများ၏ မေးမြန်းမှုကို ဖြေကြားသည်။

အမှုတွင် စွပ်စွဲခံရသူများ ဖြစ်သည့် ကြည်လင်း၊ အောင်ဝင်းဇော်၊ အောင်ဝင်းထွန်း တို့၏ ရှေ့နေများမှာ အမှုရင်ဆိုင်ရန် မန္တလေးမှ လာရခြင်းဖြစ်ပြီး သွားရေးလာရေး အခက်အခဲကြောင့် ခွင့်တိုင်သဖြင့် ရုံးချိန်းကို သြဂုတ် ၃၁ (ယနေ့သို့) ပြန်လည် ချိန်းဆိုခဲ့ကြောင်း သိရသည်။

“ဒီနေ့ (သြဂုတ် ၃၀) က ဇေယျာဖြိုးကို ဆက်လက် ပြန်လှန် စစ်မေးဖို့ ချိန်းဆိုထားတာ။ ရုံးချိန်း ပြန်ချိန်းရတဲ့ အကြောင်းကတော့ အောင်ဝင်းဇော်၊ အောင်ဝင်းထွန်းတို့ရဲ့ ရှေ့နေ၊ ကြည်လင်းရဲ့ ရှေ့နေတို့က မန္တလေးက လာရတာ။ မန္တလေးက လာရပြီး ဆွာဘက်မှာလည်း ရေကြီးနေတာကြောင့် နေပြည်တော်လမ်းရော ပုံမှန် မန္တလေးလမ်းရော လုံးဝသွားလို့ လာလို့ မရတဲ့အတွက် ခွင့်တိုင်တယ်။ အဲဒီအတွက်ကြောင့် ရုံးချိန်း ပြန်ချိန်း ပေးလိုက်ရတာ။ ချိန်းတာလည်း မနက်ဖြန် (ယနေ့) ကိုပဲ ပြန်ချိန်းလိုက်တာ”ဟု ဦးကိုနီ၏ ရှေ့နေ ဦးနေလက ဆက်လက် ပြောကြားသည်။

လက်ရှိတွင် ဇေယျာဖြိုးကို ဆက်လက် စစ်ဆေးနေခြင်း ဖြစ်ပြီး ထိုသို့ ရုံးချိန်းပြန်လည် ချိန်းဆိုအပြီးတွင် ဇေယျာဖြိုးက အမှု၌ တရားလိုဘက်မှ တင်ပြထားသော ၎င်းနှင့် အောင်ဝင်းခိုင် ဖုန်းခေါ်ဆိုမှု မှတ်တမ်းများမှာ အမ်ပီတီ၊ အော်ရီဒူး စသည့် ဖုန်းအော်ပရေတာများထံမှ တရားဝင် ရယူထားသည့် မှတ်တမ်းများ မဟုတ်ကြောင်း မီဒီယာများအနေဖြင့် ယင်းအော်ပရေတာများထံသို့ စုံစမ်းနိုင်ကြောင်း ပြောကြားသည်။

ဇေယျာဖြိုး၏ ထိုသို့ပြောကြားမှုနှင့် ပတ်သက်၍ ဇေယျာဖြိုးနှင့် ဇေယျာဖြိုး၏ ရှေ့နေတို့အနေဖြင့် အဆိုပါ ဖုန်းခေါ်ဆိုမှု မှတ်တမ်းများကို တရားလိုဘက်မှ သက်သေခံအဖြစ် တရားရုံးသို့ တင်ပြစဉ်ကတည်းက ဥပဒေနှင့် မညီညွတ်သည့်အတွက် သက်သေခံအဖြစ် တင်သွင်းခွင့် မပေးသင့်ကြောင်း တရားရုံးသို့ လျှောက်ထားခြင်း ကန့်ကွက်ခဲ့ခြင်း တစ်စုံတစ်ရာ မရှိခဲ့ဘဲ ယခုမှပြောဆိုကြခြင်း ဖြစ်ကြောင်း၊ ထိုကဲ့သို့ ကန့်ကွက်ခွင့် ရှိခဲ့ပါလျက် လုပ်ဆောင်ခဲ့ခြင်း မရှိကြောင်း သက်သေခံချက်များကို မခိုင်လုံကြောင်း ပြောကြားချက်သည် တရားရုံး၏ ဆုံးဖြတ်ချက်ကို ကြိုတင်ဝေဖန် သုံးသပ်ရာကျကြောင်း ဦးနေလက ပြန်လည်ပြောကြားသည်။

ဦးကိုနီ၏ ရှေ့နေ ဦးနေလက “ဒါ (ဖုန်းခေါ်ဆိုမှု မှတ်တမ်းများ) တွေဟာ ရှာဖွေပုံစံနဲ့ သက်ဆိုင်ရာ ဆက်သွယ်ရေးကနေ ရရှိလာတဲ့ အထောက်အထားတွေပဲ။ အဲဒီအပေါ်မှာ အရင်တုန်းကတော့ သက်သေခံ အထောက်အထားတွေနဲ့ ပတ်သက်လို့ သူတို့ဘက်ကနေ ပြီးတော့ ပြန်လှန် စစ်မေးခြင်းတုန်းက ဒါတွေက ဒီသက်သေ အထောက်အထားတွေက မခိုင်မာပါဘူးလို့ မငြင်းဘူး။ အခုကျမှ တရားရုံးမှာ အောင်ဝင်းခိုင်နဲ့ သူ (ဇေယျာဖြိုး) နဲ့ ဆက်သွယ်ထားတဲ့ မှတ်တမ်းတွေ ပေါ်ပေါက်လာတဲ့ အခါကျတော့မှ ဒီဆက်သွယ်မှု မှတ်တမ်းတွေက တရားဝင်တာ မဟုတ်ဘူးလို့ ငြင်းဆိုတဲ့ အခြေအနေမျိုး။ ပြင်ပမှာလည်း ပြောတယ်။ တရားခွင်မှာလည်း ပြောတယ်။ အဲဒီတော့ အဓိက ပြောချင်တာက အပြင်မှာပြောတဲ့ကိစ္စက လက်လွတ်စပယ် ပြောတာပဲ”ဟု ပြောကြားသည်။

ဇေယျာဖြိုးက အောင်ဝင်းခိုင်သည် ၎င်းထက် စီနီယာနှစ်နှစ်ကျသည့်အပြင် ရာထူးအားဖြင့်လည်း ဒုတိယဗိုလ်မှူးကြီးအဆင့်ဖြင့် လေးစားရသူဖြစ်သောကြောင့် နေပြည်တော်သို့သွားရန် စီမံပေးရမည့်အခြေအနေမျိုး ၎င်းတွင် မရှိဟု ထွက်ဆို

သြဂုတ် ၁၇ ရက် ရန်ကုန်မြောက်ပိုင်းခရိုင် ရုံးထုတ်မြင်ကွင်း

ဇေယျာဖြိုးက အောင်ဝင်းခိုင်သည် ၎င်းထက် စီနီယာ နှစ်နှစ်ကျသည့်အပြင် ရာထူးအားဖြင့်လည်း ဒုတိယဗိုလ်မှူးကြီးအဆင့်ဖြင့် လေးစားရသူဖြစ်သောကြောင့် ၎င်းမှာ အောင်ဝင်းခိုင် နေပြည်တော်သို့သွားရန် စီမံပေးရမည့် အခြေအနေမျိုးမဟုတ်ကြောင်း တရားခွင်တွင် ထွက်ဆိုသည်။

ဇေယျာဖြိုးအား တတိယအကြိမ်မြောက်အဖြစ် သြဂုတ် ၁၇ ရက်တွင် ရန်ကုန် မြောက်ပိုင်းခရိုင် တရားရုံး၌စစ်ဆေးခဲ့ခြင်း ဖြစ်သည်။

ထိုသို့စစ်ဆေးရာတွင် ရဲတပ်ဖွဲ့က သက် သေအဖြစ် တရားရုံးသို့တင်ပြထားသည့် ရှာဖွေပုံစံ၌  အောင်ဝင်းခိုင်က စာရွက်စာတမ်းများနှင့် ဖုန်းအချို့ကို မီးရှို့ဖျက်ဆီးသွားသည် ဆိုသောနေရာမှာ ၎င်းနှင့် မိသားစု ပိုင်ဆိုင် သောအိမ်နှင့် ကုမ္ပဏီမဟုတ်ကြောင်း၊ ၎င်းနှင့် မိသားစုပိုင်ဆိုင်ကြောင်း အထောက်အထားများကိုလည်း တရားရုံးသို့ တင်ပြနိုင်ခြင်း မရှိကြောင်း၊ တရားရုံးတွင် တရားလိုပြ သက်သေများ လာရောက်ထွက်ဆိုရာ၌လည်း ၎င်း ပိုင်ဆိုင်သည့်နေရာဖြစ်သည်ဟု သက်သေ မပြနိုင်ခဲ့ကြောင်း၊ ရဲထွဋ်လှိုင် (အောင်ဝင်းခိုင်ကို နေပြည်တော်သို့ ကားမောင်းလိုက်ပို့သူ) အား နေပြည်တော်သို့သွားရန်၊ အောင်ဝင်းခိုင်ကိုပါ ခေါ်သွားရန် ညွန်ကြားခဲ့ခြင်းမရှိကြောင်း၊ ရဲထွဋ်လှိုင် တရားရုံးသို့ တရားလိုပြသက်သေအနေဖြင့် လာရောက်ထွက်ဆိုရာတွင်လည်း ၎င်းက စေခိုင်းခဲ့သည်ဟု ထွက်ဆိုခြင်းမရှိကြောင်း၊ အောင်ဝင်းခိုင်မှာ ရောင်ဝါဖြိုးကုမ္ပဏီ၏ MD ဖြစ်ပြီး ရဲထွဋ်လှိုင်မှာ ရောင်  ၀ါဖြိုးကုမ္ပဏီ၏ ဒါရိုက်တာများဖြစ်ကြောင်း ၎င်းနှင့် သိကျွမ်းရင်းနှီးရုံမှတစ်ပါး လုပ်ငန်းကိစ္စ၊ ငွေကြေးကိစ္စ လုံးဝပါဝင်ပတ်သက်မှု မရှိကြောင်း ဇေယျာဖြိုးက ထွက်ဆိုသည်။

ထို့ပြင် အောင်ဝင်းခိုင်နှင့် ရဲထွဋ်လှိုင်သည် ၎င်း၏ အုပ်ချုပ်မှုအောက်တွင် ရှိသူများ မဟုတ်ကြောင်း၊ တရားရုံးသို့ လာရောက်ထွက်ဆိုကြသည့် သက်သေများနှင့် အမှုစစ်အရာရှိကလည်း အထက်ပါကိစ္စနှင့် ပတ်သက်၍ ၎င်း စီမံစီစဉ်ပေးသည်ဟု ထွက်ဆိုထားခြင်း မရှိကြောင်း၊ မည်သည့်အထောက်အထားမျှ တင်ပြထားခြင်းမရှိကြောင်း၊ နေပြည်တော်သည် မင်းအစိုးရ ရုံးစိုက်ရာနေရာဖြစ်သောကြောင့် တရားခံပြေးများ၊ ထွက်ပြေးတိမ်း ရှောင်သူများ၏ နေရာမဟုတ်ကြောင်း၊  နေပြည်တော်တွင် ၀င်ထွက်သည့်နေရာအားလုံး နှင့် အရေးကြီးနေရာများတွင် စီစီတီဗွီများလည်း တပ်ဆင်ထားကြောင်း၊ ထို့ကြောင့် တပ်မတော်တွင် ဒုတိယဗိုလ်မှူးကြီးအဆင့် ဖြင့် တာဝန်ထမ်းဆောင်ပြီး ဗိုလ်လောင်းဘ၀မှစ၍ စစ်ဦးစီးတက္ကသိုလ်အထိ သင်တန်း တက်ရောက်ခဲ့သော အရာရှိတစ်ယောက် အနေဖြင့် နေပြည်တော်သို့ ထွက်ပြေးတိမ်းရှောင်သည်ဆိုသည်မှာ လုံးဝမဖြစ်နိုင်ကြောင်း၊ ရဲထွဋ်လှိုင်၏ ထွက်ဆိုချက်တွင်လည်း အောင်ဝင်းခိုင်မှာ ထွက်ပြေးတိမ်းရှောင်သည့် အမူအရာ၊ မျက်နှာပျက်နေသည့် အမူအရာ ရှိမနေကြောင်း (ကားဖြင့် နေပြည်တော်သို့ လိုက်ပို့စဉ်)၊ အောင်ဝင်းခိုင်က ကားကို ဖြည်းဖြည်း မောင်းနှင်ရန် မှာကြားပြီး ဘုရားစာများ ရွတ်နေသည်ဟု ရဲထွဋ်လှိုင်က ထွက်ဆိုထားကြောင်း၊ ထို့ပြင် ဦးလင်းဇော်ထွန်း (မိုင်းဖြတ် ပြည်သူ့ လွှတ်တော်ကိုယ်စားလှယ်) ၏ ထွက်ဆိုချက်တွင်လည်း အောင်ဝင်းခိုင်က နက်ဖြန် မကွေးသို့ တင်ဒါကိစ္စဖြင့် သွားရန်ရှိသော ကြောင့် ကျပ်သိန်း ၂၀ ချေးပြီး နက်ဖြန်ဘဏ်ဖွင့်လျှင် ပြန်ပေးမည်ဟုပြောရာ ၁၀ သိန်းသာ ရှိသည်ဆိုသဖြင့် အောင်ဝင်းခိုင်က ငွေကျပ် ၁၀ သိန်းယူ၍ ထွက်သွားသည်ဟု ထွက်ဆို ထားကြောင်း၊ ယင်းကြောင့် အောင်ဝင်းခိုင်သည် ရန်ကုန်မှ နေပြည် တော်သို့ သွားရာတွင် ထွက်ပြေးလွတ်မြောက်ရန် ကြိုတင်ကြံစည်ထားမှုမရှိ၍ ထိုကဲ့သို့ ငွေချေးသွားရခြင်းဖြစ်ကြောင်း၊ နေပြည်တော်တွင် အောင်ဝင်းခိုင် ပျောက်ကွယ်သွားခြင်းဖြစ်၍ ရန်ကုန်မြို့တွင် ဘုန်းကြီးဝတ်နေသော ၎င်းနှင့် လုံးဝသက်ဆိုင်ခြင်းမရှိသည်မှာ ပေါ်ပေါက်ကြောင်း ဇေယျာဖြိုးက ထွက်ဆိုခဲ့သည်။

“ကျွန်တော် ဘယ်လောက်နစ်နာနေ တယ်ဆိုတာ မီဒီယာတွေ သိလောက်ပါပြီ။ ကျွန်တော်က Emotional တွေနဲ့ ပြောနေတာ ဘာမှမရှိဘူး။ ကျွန်တော်က အားလုံးကို အချက်အလက်တွေ အတိအကျ၊ အထောက် အထားအပြည့်အစုံနဲ့ ကျွန်တော် ပြောနေခဲ့တယ်။ အဲဒီတော့ မီဒီယာတွေ၊ ပြည်သူလူထုကို အမှန်အတိုင်းတင်ပြပေးပါ။ ကျွန်တော့်မှာ တရားခံမဟုတ်ဘဲနဲ့ မြင့်ဆွေဆိုတဲ့ဟာကို ရေဆုံးမြေဆုံး မလိုက်နိုင်ဘဲ ပြီးပြီးရော အလုပ်ခံခဲ့ရတယ်” ဟု ဇေယျာဖြိုးက တရားခွင်အထွက်၌ ပြောကြားသည်။