ဦးကိုနီ တစ်ဦးတည်းကိုသာ သေနတ်ဖြင့် ပစ်သတ်ခဲ့ပြီး ဦးနေ၀င်းအား မပစ်သတ်ခဲ့ကြောင်းနှင့် ဦးကိုနီအား သတ်ရန် စေခိုင်းခံနေရစဉ် စေခိုင်းသူထံ ဖုန်းတစ်ကြိမ် ၀င်လာကြောင်း ကြည်လင်း ထွက်ဆို

ဦးကိုနီ လုပ်ကြံခံရမှုနှင့် ပတ်သက်၍ ရန်ကုန်မြောက်ပိုင်းခရိုင် တရားရုံး ဇူလိုင် ၁၂ ရက် ရုံးချိန်းတွင် တွေ့ရစဉ်

ဦးကိုနီ တစ်ဦးတည်းကိုသာ သေနတ်ဖြင့် ပစ်သတ်ခဲ့ပြီး ဦးနေ၀င်းကို မပစ်သတ်ခဲ့ကြောင်းနှင့် ဦးကိုနီအား သတ်ရန် စေခိုင်းခံနေရစဉ် စေခိုင်းသူထံသို့ ဖုန်းတစ်ကြိမ် ၀င်လာကြောင်း ကြည်လင်းက တရားရုံးတွင် ထွက်ဆိုခဲ့ကြောင်း သိရသည်။

ဦးကိုနီ လုပ်ကြံခံရမှုနှင့် ပတ်သက်၍ ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်းတို့ လေးဦးကို ဇူလိုင် ၁၂ ရက်တွင် ရန်ကုန်မြောက်ပိုင်းခရိုင် တရားရုံး၌ ရုံးချိန်းခေါ်ယူခဲ့ပြီး ယင်းနေ့တွင် ကြည်လင်း ကို တရားခံအနေဖြင့် စစ်ဆေးခဲ့ခြင်း ဖြစ်သည်။

ကြည်လင်း၏ ထွက်ဆိုချက်များတွင် ဦးကိုနီကို မလုပ်ကြံမီ ၁ ရက် (၂၀၁၇ ခုနှစ် ဇန်န၀ါရီ ၂၈) ရက်၌ လွန်ခဲ့သော နှစ်များစွာကတည်းက မန္တလေးမြို့တွင် ခင်မင်ခဲ့သည့် မြင့်ဆွေဆိုသူက ၎င်း၏ ဖုန်းကို ဆက်သွယ်လာပြီး ဘယ်ရောက်နေသလဲဟု မေးသဖြင့် ရန်ကုန် ရောက်နေသည်ဟု ပြန်ပြောရာ မြင့်ဆွေက သူလည်း ရန်ကုန်ရောက်နေကြောင်း၊ မတွေ့တာကြာ၍ မနက်ဖြန် တွေ့ချင်သည်ဟု ပြောကြောင်း၊ ၂၀၁၇ ခုနှစ် ဇန်န၀ါရီ ၂၉ ရက်တွင် မြင့်ဆွေက ဖုန်းဆက်၍ ရန်ကုန်မြို့လယ်ကောင်ရှိ မဟာဗန္ဓုလပန်းခြံသို့ လာရန် ချိန်းဆိုသဖြင့် သွားရာ မတွေ့သဖြင့် မြင့်ဆွေထံ ဖုန်းပြန်ဆက်ခဲ့ရာ မြင့်ဆွေက ရန်ကုန်လေဆိပ်သို့ လိုက်ခဲ့ရန်ပြောသဖြင့် ရန်ကုန်လေဆိပ်သို့ လိုက်သွားကြောင်း၊ ထိုအချိန်တွင် မြင့်ဆွေနှင့် နောက်ဆုံး ဖုန်းပြောခြင်း ဖြစ်ကြောင်း ထွက်ဆိုချက်တွင် ပါဝင်သည်။

ထိုသို့ လိုက်သွားရာ ရန်ကုန်လေဆိပ် ကားပါကင်တွင် မြင့်ဆွေနှင့် တွေ့ကြောင်း၊ မြင့်ဆွေနှင့်အတူ လူမျိုးခြား နှစ်ဦးလည်း ပါကြောင်း၊ ထို့နောက် မြင့်ဆွေက ကားထဲ ၀င်ထိုင်ခိုင်းပြီး ကြည်လင်း၏ အလုပ်အကိုင် အခြေအနေကို မေးမြန်းရာ ကြည်လင်းက ကျောက်အရောင်းအ၀ယ် လုပ်နေသည်ဟု ပြန်ဖြေခဲ့ကြောင်း၊ ကြည်လင်းကလည်း မြင့်ဆွေကို ခင်ဗျားလည်း မဲဆောက်က မိန်းမနဲ့ ကလေးတွေ ဘာတွေရပြီလားဟု မေးမြန်းရာ မြင့်ဆွေက ကလေး နှစ်ဦး ရကြောင်း၊ မန္တလေး ပြန်ရောက်လျှင် သူနှင့်တွေ့ခဲ့သည့်အကြောင်း သူ့မိန်းမကို ပြန်မပြောရန် ဘယ်သူကိုမှ မပြောရန် မှာကြောင်း၊ သူ့ကိုယ်သူ သေပြီဟု သတင်းလွှင့်ထားကြောင်း၊ ထို့နောက် ကြည်လင်းက မြင့်ဆွေ၏ အလုပ်အကိုင် အခြေအနေကို မေးမြန်းရာ မြင့်ဆွေက ၀စ်သောက်ကားလေး ဘာလေး ရောင်းဝယ်နေသည်ဟု ဖြေကြောင်း ကြည်လင်း၏ ထွက်ဆိုချက်တွင် ပါရှိသည်။

ထို့ပြင် ကြည်လင်းက ၎င်းကို မြင့်ဆွေဆိုသူက ဖုန်းထဲရှိ အမျိုးသားတစ်ဦး၏ ဓာတ်ပုံများပြသ၍ သေနတ်ဖြင့် ဦးခေါင်းကို ပစ်သတ်ရန် စေခိုင်းကြောင်း၊ ကြည်လင်းက ၎င်းသည် ထောင်ကို ကြောက်သဖြင့် လူသတ်ရန် မဆိုထားနှင့်၊ မူးယစ်ဆေးဝါးပင် မလုပ်ကြောင်း၊ မြင့်ဆွေဆိုသူ၏ လူသတ်ရန် ကမ်းလှမ်းချက်ကို စိတ်ဆိုးစွာ ငြင်းပယ်ခဲ့သော်လည်း မြင့်ဆွေဆိုသူက သူခိုင်းသည့်အတိုင်း ဦးကိုနီအား သေနတ်ဖြင့် ပစ်သတ်ခြင်း မပြုပါက ၎င်းကို သတ်ပစ်မည်ဟု ခြိမ်းခြောက်ကြောင်း၊ ကြည်လင်းအနေဖြင့် ထွက်ပြေးပါကလည်း ကြည်လင်း၏ မိသားစုကို သတ်ပစ်မည်ဟု ခြိမ်းခြောက်ခဲ့ကြောင်း၊ ထိုသို့ မြင့်ဆွေဆိုသူက ဦးကိုနီအား သတ်ရန် ကြည်လင်းကို စေခိုင်းစဉ် မြင့်ဆွေထံ ဖုန်းတစ်ကြိမ် ၀င်လာကြောင်း၊ တစ်ဖက်က ပြောသံကို မကြားရသော်လည်း မြင့်ဆွေက အေးအေးဟု ပြန်ပြောသည်ကို ကြားရကြောင်း၊ ယင်းနောက် မြင့်ဆွေက ကြည်လင်းကို လွယ်အိတ် တစ်လုံး ပေးလိုက်ကြောင်း၊ ဦးကိုနီ လေဆိပ်ခန်းမထဲမှ အပြင်သို့ ထွက်လာစဉ် မြင့်ဆွေက ဦးကိုနီအား ရည်ညွှန်းကာ အဲဒီလူပဲဟု တိုးတိုးကပ် ပြောကြောင်း၊ ဦးကိုနီကို သေနတ်ဖြင့် ပစ်ပြီး ကားရပ်နားထားသည့် နေရာသို့ ပြန်ပြေးလာရန် ပြောကြောင်း၊ ဦးကိုနီကို သတ်ရန် တွေဝေနေသော်လည်း ၎င်းကို သတ်မည်ဆိုသဖြင့် ဦးကိုနီအား သေနတ်ဖြင့် ပစ်သတ်ခဲ့ခြင်း ဖြစ်ကြောင်း၊ ဦးကိုနီကို သေနတ်ဖြင့် ပစ်သတ်ပြီး ပြေးရာ ရဲသုံးဦးခန့်နှင့် လူအုပ်စုက ၎င်းနောက် လိုက်လာသဖြင့် ကျွန်တော် အဖမ်းခံပါမည်ဟုပြောကာ သေနတ်ကို မြေကြီးပေါ် ချထားကြောင်း၊ ထို့နောက် လူအုပ်စုက ခဲများနှင့် ထုသဖြင့် ချထားသည့် သေနတ်ကို ပြန်ကိုင်ပြီး ဆက်ပြေးခဲ့ရာ ကားလမ်း အရောက်တွင် တက္ကစီတစ်စီးကို တား၍ စီးနေစဉ် လူအုပ်စုက ၎င်းကို ထိုးကြိတ်ဖမ်းကြောင်း၊ ထိုသို့ ၎င်းမှာ အထိုးကြိတ်ခံနေရစဉ် ဒိုင်းဆိုသည့် သေနတ်သံကြားလိုက်ရပြီး သေနတ်မှာ မိမိလက်ထဲတွင် မရှိကြောင်း ကြည်လင်း၏ ထွက်ဆိုချက်တွင် ပါရှိသည်။

ကြည်လင်းက ၎င်းသည် လေဆိပ်တွင် ဦးကိုနီမှ လွဲ၍ မည်သူ့ကိုမျှ သေနတ်ဖြင့် ပစ်သတ်ခဲ့ခြင်းမရှိဘဲ ဦးကိုနီကိုလည်း မိမိ ခြိမ်းခြောက်ခံရသဖြင့်သာ ပစ်သတ်ခဲ့ခြင်းဖြစ်ကာ သေစေလိုသည့် ဆန္ဒမရှိကြောင်း၊ ဦးနေ၀င်းကို ပစ်ခဲ့ခြင်းမရှိဘဲ မည်သည့် နည်းဖြင့် သေနတ်မှန်သည်၊ မည်သို့ သေဆုံးသည်ကို ၎င်းမသိကြောင်း ထွက်ဆိုခဲ့ပြီး ၎င်းအဖမ်းခံရစဉ် ရဲများက သိမ်းဆည်းခဲ့သည့် ဆိုင်ကယ်မှာ နယ်မှ ၎င်း၏ သူငယ်ချင်းဖြစ်သူက လူကြုံဝယ်ပေးရန် မှာထားသဖြင့် ပြန်ထုတ်ပေးရန် တင်ပြလိုကြောင်း ထွက်ဆိုခဲ့သည်။

ဦးကိုနီ လုပ်ကြံခံရမှုကို စစ်ဆေးနေဆဲတွင် မည်သူမဆို တရားစီရင်ရေးနှင့် ပတ်သက်၍ စကားဦးသန်းသည့် ကိစ္စများမပြောရန် တရားသူကြီးက သတိပေးခဲ့ပြီး လာမည့်ရုံးချိန်းတွင် ကြည်လင်းက တရားခံအနေဖြင့် အစစ်ဆေးခံမည်ဟု သိရ

ဦးကိုနီအမှုတွင် စွပ်စွဲခံရသူများအား ဇူလိုင် ၅ ရက်က ရုံးထုတ်လာစဉ် (ဓာတ်ပုံ-နေမျိုးဝင်း)

ဦးကိုနီ လုပ်ကြံခံရမှုကို စစ်ဆေးနေဆဲတွင် မည်သူမဆို တရားစီရင်ရေးနှင့် ပတ်သက်၍ စကားဦးသန်းသည့်ကိစ္စများ မပြောရန် တရားသူကြီးက သတိပေးခဲ့ပြီး လာမည့်ရုံးချိန်းတွင် ဦးကိုနီကို လုပ်ကြံသူ ကြည်လင်းက တရားခံအနေဖြင့် အစစ်ဆေးခံမည် ဖြစ်ကြောင်း တရားခွင် စစ်မေးမှုများအရ သိရသည်။

ဦးကိုနီ လုပ်ကြံခံရမှုနှင့် ပတ်သက်၍ ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်း တို့လေးဦးကို ဇူလိုင် ၅ ရက်တွင် မြောက်ပိုင်းခရိုင် တရားရုံး၌ ရုံးချိန်းခေါ်ယူ စစ်ဆေးခဲ့ခြင်း ဖြစ်သည်။

ရုံးချိန်းတွင် အဆိုပါအမှုကို စစ်ဆေးနေသည့် အထူးခုံရုံးမှ ဥက္ကဋ္ဌ တရားသူကြီးက အမှုစစ်ဆေးနေဆဲ ကာလတွင် မည်သူမဆို တရားစီရင်ရေးနှင့် ပတ်သက်၍ စကားဦးသန်းသည့် ကိစ္စများကို မပြောကြားရန် သတိပေး မှာကြားခဲ့သည်။ ထို့နောက် ခုံရုံးဥက္ကဋ္ဌ တာဝန်ယူထားသည့် တရားသူကြီးက ကြည်လင်းအား တရားခံအနေဖြင့် အစစ်ခံမည်လား၊ သက်သေအနေဖြင့် အစစ်ခံမည်လား ဟု မေးမြန်းခဲ့ပြီး တရားခံအနေဖြင့် အစစ်ဆေးခံမည် ဆိုပါက ခုံရုံးတရားသူကြီးများ ကိုယ်တိုင် မေးမြန်းမည်ဖြစ်ကာ မည်သည့် ရှေ့နေမျှ မေးမြန်း၍ မရကြောင်း၊ သက်သေအနေဖြင့် အစစ်ဆေးခံမည်ဆိုပါက ရှေ့နေများက ပြန်လှန်မေးခွန်းများ မေးမြန်းမည်ဖြစ်ကြောင်း ရှင်းပြရာ ကြည်လင်းက တရားခံအနေဖြင့် အစစ်ဆေးခံပါမည်ဟု ပြန်လည်ဖြေကြားခဲ့သဖြင့် လာမည့်ရုံးချိန်းတွင် ကြည်လင်း ကို တရားခံအနေဖြင့် စစ်ဆေးရန် ဇူလိုင် ၁၂ ရက် (ကြာသပတေး) သို့ ချိန်းဆိုခဲ့သည်။

အထူးခုံရုံးမှ ဥက္ကဋ္ဌ တရားသူကြီးက အမှုစစ်ဆေးနေဆဲ ကာလတွင် မည်သူမဆို တရားစီရင်ရေးနှင့် ပတ်သက်၍ စကားဦးသန်းသည့် ကိစ္စများကို မပြောကြားရန် မှာကြားခဲ့ခြင်းမှာ ထူးခြားချက် တစ်ခုဖြစ်ပြီး ပြီးခဲ့သည့် ရုံးချိန်းများက မကြားဖူးသည့် စကားတစ်ခု ဖြစ်ကြောင်း၊ စစ်ဆေးစီရင်ဆဲအမှုကို ကြိုတင်ဆုံးဖြတ်ရာ ရောက်သည့် ပြောဆိုဝေဖန် ရေးသားမှုများမလုပ်ရန် သတိပေးလိုက်ခြင်းမှာ တရားရုံးများ မထီမဲ့မြင်မှုဥပဒေအရ အရေးယူမည်ဆိုသည့် လမ်းကြောင်းပေါ်သို့ ရောက်ရှိသွားကြောင်း၊ ဥပမာအနေဖြင့် မည်သည့် ပြစ်ဒဏ်ချမည် ဆိုသည့် စကားမျိုးဖြစ်ကြောင်း ကြည်လင်း၏ ရှေ့နေ ဦးကျော်ကျော်ထိုက် (တရားလွှတ်တော်ရှေ့နေ) က မီဒီယာများ၏ မေးမြန်းမှုကို ဖြေကြားရာတွင် ထည့်သွင်းဖြေကြားသည်။

“ကျွန်တော်တို့က စွပ်စွဲခံရသူတွေကို ဥပဒေအရ တရားရုံးရှေ့မှာ စစ်ဆေးတဲ့အခါမှာ ရာဇ၀တ်ကျင့်ထုံး ဥပဒေပုဒ်မ ၃၄၂ (၁)နဲ့ ၃၄၂ (၂) ဆိုတာ ရှိတယ်။ ၃၄၂ (၁) က သက်သေအဖြစ် အစစ်ခံတာ။ သက်သေအဖြစ် အစစ်ခံတယ်ဆိုတာ ဟုတ်တိုင်းမှန်စွာ ထွက်ဆိုပါမည် ဆိုပြီး ကျမ်းကျိန်ဆိုပြီးတော့ အစစ်ခံတာ။ ဒီအပေါ်မှာ တစ်ဖက်ကနေပြီးတော့ သူက ကျမ်းကျိန်ဆိုပြီး အစစ်ခံတယ် ဆိုသော်ငြားလည်း တရားရုံး လုပ်ထုံးလုပ်နည်းနဲ့ တရားရုံးကျင့်စဉ်အရ တစ်ဖက်ရဲ့ ပြန်လှန် မေးခွန်းကို ဖြေကြားခွင့် ရှိတယ်။ ဆိုလိုတာက သူဖြူတယ်လို့ ပြောတာကို တစ်ဖက်က မဖြူနိုင်တဲ့ အကြောင်းတရားတွေ မေးတာကို သူ့မှာဖြေရှင်းလို့ ရတယ်။ ဖြေရှင်းခွင့် ရှိတယ်။ မေးခွင့်ရှိတယ်။ အခုကျတော့ ၃၄၂ (၂) တရားခံအဖြစ် အစစ်ခံတာ ဖြစ်တဲ့အတွက်ကြောင့် နှစ်ဘက် ရှေ့နေတွေက ဘာမှလုပ်ဆောင်ခွင့် မရှိတော့ဘူး။ တရားရုံးနဲ့ စွပ်စွဲခံရသူနဲ့ တိုက်ရိုက် အမေးအဖြေ လုပ်မယ်။ ဒီလိုဟာမျိုးက ဖြစ်ဖူးတယ်။ လွန်ခဲ့တဲ့ ၂၀၀၇ လား ၂၀၀၉ လားတော့ မသိဘူး။ မေ ၂၆ ရက်တုန်းက ယက်တော (ဂျွန်ယက်တော) အမှု။ ဒါကတော့ အများသိပြီးသား အမှုပါ။ ဒီအချိန်မှာက မပြောသင့်၊ မပြောအပ်ဘူးလို့ ယူဆတဲ့အတွက် ကျွန်တော်တို့က မပြောတော့ဘူး”ဟု ဦးကျော်ကျော်ထိုက်က ပြောကြားသည်။

တရားရုံး မထီမဲ့မြင်ပြုမှုမှာ ပြစ်ဒဏ်အနေဖြင့် ထောင်ဒဏ် ခြောက်လအထိရှိပြီး ဒဏ်ငွေ၊ ခံဝန်ချုပ် စသည်တို့ဖြင့်လည်း အရေးယူနိုင်သည်ဟု ပြဋ္ဌာန်းချက် ရှိကြောင်း ဦးကိုနီ၏ ရှေ့နေတစ်ဦးဖြစ်သူ ဦးနေလ (တရားလွှတ်တော်ရှေ့နေ) က မီဒီယာများ၏ မေးမြန်းမှုကို ဖြေကြားရာတွင် ထည့်သွင်းပြောကြားသည်။

ဦးကိုနီအား လုပ်ကြံခဲ့ခြင်းမှာ ၎င်းနှင့် ၎င်း၏မိသားစုကို သတ်မည်ဟု ခြိမ်းခြောက်ခံရသဖြင့် လုပ်ကြံခဲ့ခြင်းဖြစ်ကြောင်း ကြည်လင်း ပြောကြား

ကြည်လင်း အပါအ၀င် ဦးကိုနီအမှုတွင် စွပ်စွဲခံရသူများကို ဇွန် ၂၈ ရက်က ရုံးထုတ်လာစဉ် (ဓာတ်ပုံ- နေမျိုးဝင်း)

ဦးကိုနီအား လုပ်ကြံခဲ့ခြင်းမှာ ၎င်းနှင့် ၎င်း၏မိသားစုကို သတ်မည်ဟု ခြိမ်းခြောက်ခံခဲ့ရသဖြင့် လုပ်ကြံခဲ့ခြင်း ဖြစ်ကြောင်း ကြည်လင်းက ပြောကြားသည်။

ဇွန် ၂၈ ရက်တွင် ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်း တို့ကို ရန်ကုန်မြောက်ပိုင်းခရိုင် တရားရုံးတွင် ရုံးချိန်းခေါ်ယူခဲ့ပြီး တရားသူကြီးက ကြည်လင်းကို အပြစ် ရှိ မရှိ မေးမြန်းရာတွင် ကြည်လင်းက “ကျွန်တော့်မှာ အပြစ်မရှိပါဘူး။ ကျွန်တော့် မိသားစုနဲ့ ကျွန်တော့်အသက်ကို သတ်မယ်လို့ ခြိမ်းခြောက်စေခိုင်းတဲ့အတွက် ဖြစ်ပါတယ်” ဟု ဖြေကြားခဲ့ခြင်း ဖြစ်သည်။

ထို့ပြင် ဇေယျာဖြိုးကိုလည်း တရားသူကြီးက အပြစ် ရှိ မရှိ မေးမြန်းရာ ဇေယျာဖြိုးက “အောင်ဝင်းခိုင်နဲ့ ကျွန်တော် အဆက်အသွယ် မရှိပါဘူး။ အဖမ်းခံရတဲ့ အချိန်ကနေ ခုချိန်ထိလည်း အဆက်အသွယ် မရှိပါဘူး။ ဘယ်တုန်းကမှလည်း မရှိခဲ့ပါဘူး။ နောက်ပြီး ရဲထွဋ်လှိုင်ဟာ ကျွန်တော့်ဝန်ထမ်း မဟုတ်ပါဘူး။ အောင်ဝင်းခိုင်ရဲ့ ၀န်ထမ်းပါ။ နေပြည်တော်က အစိုးရ ရုံးစိုက်ရာနေရာပါ။ ရာဇ၀တ်သားတွေ ထွက်ပြေးတဲ့နေရာ မဟုတ်ပါဘူး” ဟု ဇေယျာဖြိုး က ဖြေကြားသည်။

အလားတူ အောင်ဝင်းဇော်ကို မေးမြန်းရာ အောင်ဝင်းဇော်က “ကျွန်တော်နဲ့ အဆက်အသွယ်လည်း မရှိပါဘူး။ ပူးပေါင်း ဆောင်ရွက်မှုလည်း မရှိပါဘူး” ဟု ဖြေကြားသည်။

ထိုနည်းတူ အောင်ဝင်းထွန်းကို မေးမြန်းရာတွင်လည်း အောင်ဝင်းထွန်းက “ဒီဖြစ်စဉ်ကို ကျွန်တော် သိလည်း မသိပါဘူး။ နေတာကလည်း မော်တင်စွန်းမှာပါ။ ရိုးသားစွာနဲ့ အများပြည်သူသုံးတဲ့ လမ်းသွားတာပါ။ ဗုဒ္ဓဘာသာတို့ ထုံးစံအတိုင်း အလှူသွားလုပ်တာပါ။ သိမ်းခံထားရတဲ့ ကျွန်တော့် ဖုန်းထဲမှာလည်း ကျွန်တော်သွားတဲ့ လမ်းကြောင်းပါ ပါတယ်” ဟု ဖြေကြားသည်။

ဇွန် ၂၈ ရက် ရုံးချိန်းတွင် ကြည်လင်းပါ စွပ်စွဲခံရသူ လေးဦးက ၎င်းတို့တွင် အပြစ်မရှိကြောင်း ပြသရန် တရားခံပြ သက်သေစာရင်းကို တရားရုံးသို့ တင်ပြခဲ့သည်။

ကြည်လင်း ခြိမ်းခြောက် စေခိုင်းခံထားရသည့် ကိစ္စနှင့် ပတ်သက်၍ ကြည်လင်း၏ ရှေ့နေဖြစ်သူ ဦးကျော်ကျော်ထိုက် (တရားလွှတ်တော်ရှေ့နေ) က “ သူက စကတည်းက ဒီသေနတ်ကို မြင့်ဆွေ ဆိုတဲ့သူ ပေးတယ်လို့ ပြောတယ်။ အဲဒီမြင့်ဆွေ ဘယ်မှာနေတယ်လို့လည်း သူပြောပြီးသား။ ဆိုလိုတာက မြင့်ဆွေဆိုတာ ဘယ်သူဆိုတာ သူဖြေရှင်းပြီးသား။ ဒီဖြေရှင်းချက်အပေါ်ကို သက်သေခံ အထောက်အထားလိုက်ပြီး မထောက်လှမ်းနိုင်တာတော့ ဒါ သက်ဆိုင်ရာ တာဝန်ရှိသူတွေရဲ့ ကိစ္စလို့ပဲ ကျွန်တော် ထင်တယ်။ ကျွန်တော်တို့လည်း စုံစမ်းခွင့်မရှိဘူး။ သူက အစကတည်းက ပြောနေတာ။ အဲဒီ မြင့်ဆွေဆိုတာ ဘယ်သူမှန်းကို တိတိကျကျ မဖော်ထုတ်နိုင်ဘဲနဲ့ ဒီမှာလည်ပြီးတော့ ကိုအောင်စိုးရဲ့ပြောကြားချက်အရ မြင့်ဆွေဆိုတာ အောင်ဝင်းဇော်။ စီစီတီဗွီလည်း တွေ့တယ်ဆိုပြီးတော့ ဖြေရှင်းနေရတာ” ဟု ပြောကြားသည်။

ကြည်လင်းက ထိုကဲ့သို့ ပြောကြားသဖြင့် အဆိုပါပြောကြားချက်အပေါ် ကြည်လင်း အနေဖြင့် သက်သေပြရန် လိုအပ်လာကြောင်း တရားလိုဘက်မှ ရှေ့နေတစ်ဦးဖြစ်သူ ဦးရောဘတ်စန်းအောင် (တရားလွှတ်တော်ရှေ့နေ) က ပြောကြားသည်။

“သူတို့အနေနဲ့ တရားရုံးက လက်ခံနိုင်အောင် သုံးသပ်နိုင်အောင်တော့ သက်သေပြပေါ့။ မပြနိုင်ရင်တော့ သူတို့ဘက်က တင်ပြချက်က တန်ဖိုးမရှိဘူးပေါ့။ သက်သေပြဖို့ တာဝန်က သူတို့အပေါ် လုံးလုံးလျားလျား ကျရောက်သွားပါပြီ”ဟု ဦးရောဘတ်စန်းအောင်က ပြောကြားသည်။

ဦးကိုနီ လုပ်ကြံခံရမှုနှင့် ပတ်သက်၍ အမှုကို စစ်ဆေးနေသည်မှာ ရုံးချိန်းအားဖြင့် အကြိမ် ငါးဆယ်ကျော် ရှိပြီဖြစ်ပြီး ကာလအားဖြင့် တစ်နှစ်ကျော် ကြာမြင့်နေပြီ ဖြစ်ကြောင်း သိရသည်။ လာမည့် ရုံးချိန်းကို ဇူလိုင် ၅ ရက်သို့ ချိန်းဆိုထားပြီး ယင်းနေ့တွင် ကြည်လင်းကို စစ်ဆေးမည်ဖြစ်ကြောင်း မြောက်ပိုင်းခရိုင်တရားရုံးမှ သိရသည်။

ဦးကိုနီ လုပ်ကြံခံရမှုနှင့် စပ်လျဉ်း၍ တိုင်းတရားလွှတ်တော်သို့ ပြင်ဆင်မှု တက်ထားခြင်းတွင် အောင်ဝင်းဇော် လက်နက်မှုမှ တရားရှင် လွတ်မြောက်ပြီး ဇေယျာဖြိုးကို စွဲချက်တင်ထားသည့် ပုဒ်မအချို့ အပြောင်းအလဲဖြစ်

ဦးကိုနီ လုပ်ကြံခံရမှုနှင့် စပ်လျဉ်း၍ တရားလိုနှင့် စွပ်စွဲခံရသူများဘက်က ခရိုင်တရားရုံးမှ စွဲချက်တင်ထားသည့် အမိန့်များအပေါ် ကျေနပ်မှုမရှိသဖြင့် ရန်ကုန်တိုင်းဒေသကြီး တရားလွှတ်တော်သို့ ပြင်ဆင်မှုတက်ထားခြင်းအမှုကို ဇွန် ၁၈ ရက်တွင် ယင်းတရားရုံး ရုံးခန်းအမှတ် ၇ တွင် အမိန့်ချမှတ်ခဲ့သည်။

ထိုသို့ အမိန့်ချမှတ်ရာ၌ ရန်ကုန်မြောက်ပိုင်းခရိုင် တရားရုံးမှ ၁၈၇၈ ခုနှစ် လက်နက်ဥပဒေပုဒ်မ ၁၉(ဃ)(စ)ဖြင့် စွဲချက်တင်ထားသည့် အောင်ဝင်းဇော်မှာ ယင်းလက်နက်အမှုမှ တရားရှင် လွတ်မြောက်ခဲ့ပြီး ရာဇသတ်ကြီး ဥပဒေပုဒ်မ ၃၀၂(၁)(ခ)/၃၄ ဖြင့် စွဲချက်တင်ခံထားရသည့် ဇေယျာဖြိုးကို ၃၀၂(၁) (ခ) / ၁၀၉ ဖြင့် ပြောင်းလဲစစ်ဆေးရန် တရားသူကြီးက အမိန့်ချမှတ်ခဲ့ကာ ကျန်သည့်အမှုများကိုမူ ပလပ်ခဲ့သည်။

“တစ်စုတစ်ဖွဲ့ကြီး စည်းဝေးပြီးတော့ မူလကတည်းက အကြံတူနဲ့လုပ်တာ။ အဲဒါ ၃၄ ပါ။ Plan တွေဆွဲပြီး လုပ်တာ။ အဲဒါမျိုးကို ခေါ်တာပေါ့။ ပြစ်ဒဏ်ကတော့ အတူတူပဲ။ ၁၀၉ နဲ့ ၃၄ နဲ့ပဲကွဲတာ။ ၁၀၉ က အခင်းဖြစ်ချိန်မှာ အနားမှာမရှိဘူး။ အားပေး ကူညီတာပေါ့။ ဒါပေမဲ့ အားပေးကူညီတာက အနားမှာ မရှိဘူး” ဟု ဇေယျာဖြိုး၏ အမှုနှင့်စပ်လျဉ်း၍ သတင်းထောက်များ၏ မေးမြန်းမှုကို ရန်ကုန်တိုင်းဒေသကြီး တရားလွှတ်တော်မှ သတင်းပြန်ကြားရေး အရာရှိက ဖြေကြားသည်။

ပုဒ်မပြောင်းလဲ စွဲချက်တင်ခံရသည့် ဇေယျာဖြိုး၏ ရန်ကုန်တိုင်းဒေသကြီး တရားလွှတ်တော်တွင် လျှောက်ထားသည့် ရာဇ၀တ်ပြင်ဆင်မှု အမှတ်မှာ ၅၄(ခ)/ ၂၀၁၈ ဖြစ်ပြီး အောင်ဝင်းဇော် လွတ်မြောက်ခဲ့သည့် လက်နက်မှု အမှုအမှတ်မှာ ၆၄(ခ)/၂၀၁၈ ဖြစ်ကြောင်း ယင်းတရားရုံးမှ သိရသည်။

ထို့အပြင် ပလပ်ခံရသည့် အမှုများမှာ ဦးကိုနီ၏ ဇနီး ဒေါ်တင်အေးက ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်းတို့ အပေါ် ခရိုင်တရားရုံးက ချမှတ်ထားသည့် အမိန့်များအပေါ် ကျေနပ်မှု မရှိသဖြင့် ပြစ်ဒဏ် တိုးမြှင့်ပေးရန် လျှောက်ထားသည့် ရာဇ၀တ်ပြင်ဆင်မှုအမှတ် ၁၄၃(ခ)/၂၀၁၈၊ ဦးနေ၀င်း၏ ဇနီး ဒေါ်စုသက်ခိုင်က ကြည်လင်းပါ လေးဦးကို ပြစ်ဒဏ်တိုးမြှင့် ချမှတ်ပေးရန် လျှောက်ထားသည့် ရာဇ၀တ်ပြင်ဆင်မှု အမှတ် ၅၇(ခ) / ၂၀၁၈၊ ကြည်လင်းက ၎င်းအပေါ် ခရိုင်တရားရုံးက ချမှတ်ထားသည့် စွဲချက်များအပေါ် မကျေနပ်သဖြင့် ပြင်ဆင်ပေးရန် လျှောက်ထားသည့် ရာဇ၀တ်ပြင်ဆင်အမှုအမှတ် ၆၁(ခ)/ ၂၀၁၈ တို့ဖြစ်ကြောင်း သိရသည်။

ထို့ပြင် အောင်ဝင်းဇော်က ၎င်းအပေါ် လူသတ်ရာတွင် ပူးပေါင်းပါဝင်မှုဖြင့် ခရိုင်တရားရုံးက ချမှတ်ထားသည့် အမိန့်အပေါ် မကျေနပ်သောကြောင့် ပြင်ဆင်ပေးရန် လျှောက်ထားသည့် ရာဇ၀တ်ပြင်ဆင်မှုအမှတ် ၆၂(ခ)/ ၂၀၁၈ ၊ အောင်ဝင်းထွန်းက ခရိုင်တရားရုံးမှ ၎င်းအပေါ် စွဲချက်တင်ထားခြင်းအပေါ် မကျေနပ်သဖြင့် ပြင်ဆင်ပေးရန် လျှောက်ထားသည့် ရာဇ၀တ်ပြင်ဆင်မှုအမှတ် ၆၃(ခ)/၂၀၁၈ နှင့် ကြည်လင်းက ၎င်းအပေါ် ခရိုင်တရားရုံးက ၁၈၇၈ လက်နက် ဥပဒေပုဒ်မဖြင့် စွဲချက်တင်ခံထားရမှုကို မကျေနပ်၍ ပြင်ဆင်ပေးရန် လျှောက်ထားမှုတို့လည်း ပလပ်ခံရသည့် အမှုများတွင် ပါဝင်ကြောင်း သိရသည်။

ယင်းကြောင့် ပလပ်ခံခဲ့ရသည့် အမှုများမှာ ခရိုင်တရားရုံး၏ မူလ စွဲချက်တင်ထားသည့် ပုဒ်များအတိုင်း ဆက်လက် စစ်ဆေးမည်ဖြစ်ကြောင်း သိရသည်။

“တရားဥပဒေအတိုင်း ဥပဒေရဲ့အတိုင်း ဆုံးဖြတ်ချက် ခံရမယ်လို့ ရဲရဲဝံ၀ံ ကျွန်တော် မြင်တယ်။ ဘာလို့လဲဆိုတော့ လုပ်ကြံခံရတဲ့ သူက NLD ပါတီရဲ့ ဥပဒေအကြံပေး ဥပဒေအဖွဲ့ဝင် ဖြစ်နေတယ်။ ဒီအပေါ်မှာလည်း ဘာမှ စိတ်အစွဲအလမ်း မထားဘူး။ ဒီတရားသူကြီးရဲ့ ဆုံးဖြတ်ချက်ဟာ သူမှန်ရာကို လုပ်တဲ့အတွက် ကျွန်တော် ထောက်ခံတယ်။ ဘာလိုလဲဆိုတော့ လေဆိပ်မှာ ကြည်လင်း ရှိနေတယ်။ အောင်ဝင်းဇော် ရှိနေတယ်။ ကြည်လင်း၊ အောင်ဝင်းဇော်နဲ့က လွဲလို့ ဘယ်သူမှမရှိဘူး။ သူတို့နှစ်ယောက် အတူတူပဲဆိုတာ မြင်သာနေတယ်။ ဒီအပေါ်မှာ သူတို့နှစ်ယောက် ကြိုတင်ကြံစည်ပြီးတော့ ပူးပေါင်းဆောင်ရွက်ခဲ့တာ မြင်တဲ့အတွက် ၃၄ နဲ့ ဆွဲချက်တင်ထားတယ်။ အလားတူပဲ ဇေယျာဖြိုးပာာ အမှုမှာ ပတ်သက်တဲ့ အထောက်အထားတွေတော့ ရှိတယ်။ သို့သော် အမှုဖြစ်တဲ့နေရာမှာ သူမရှိဘူး။ ၃၄ အရ ဆွဲချက်တင်လောက်တဲ့ အနေအထားမှာ မရှိဘူး။ ဇေယျာဖြိုးရဲ့ အနေအထားပာာ ပြစ်မှုကျူးလွန်တဲ့ တစ်စိတ်တစ်ပိုင်း ပတ်သက်ကူညီတဲ့ အကြောင်းအရာကြောင့်ဆိုရင် ၁၀၉ နဲ့ ဆွဲချက်တင်ရမယ်။ ဒါလည်း အမှန်ပဲ။ ဒီကိစ္စနဲ့ပတ်သက်ပြီးတော့ လွှတ်တော် တရားသူကြီးဟာ သူ့ရှေ့မှာ ရောက်လာတဲ့ကိစ္စမှာ အမှုမှာ သက်သေခံချက်တွေအတိုင်း ရဲရဲဝံ့ဝံ့ ဆောင်ရွက်သွားတယ်။ ဘယ်သူ့မျက်နှာမှ မထောက်ဘူး။ ဥပဒေမျက်နှာကို တစ်ခုတည်းကြည့်ပြီးတော့ ဆောင်ရွက်လာတဲ့ ကိစ္စမျိုးဖြစ်တဲ့အတွက် ကျွန်တော်တို့ကတော့ ကြိုဆိုပါတယ်။ တစ်ခုတော့ ရှိတယ်။ ဒီထက် နည်းနည်းလေး မြန်စေချင်တယ်” ဟု ဦးကိုနီ၏ ရှေ့နေတစ်ဦးဖြစ်သည့် ဦးခင်မောင်ဌေး (တရားလွှတ်တော်ရှေ့နေ) က မီဒီယာများ၏ မေးမြန်းမှုကို ဖြေကြားသည်။

အမှုကိုအမိန့်ချမှတ်ခဲ့သည့် တရားသူကြီးကမူ သတင်းစာ၊ လူမှုကွန်ရက် စသည်တို့ တွင် တွေ့ရသည့် အမှုနှင့်ပတ်သက်သည့် အရေးအသားများ၏ ဖိအားမပါဝင်ဘဲ အမှုစစ်ဆေး တွေ့ရှိချက်များကိုသာ အမိန့်ချမှတ်ခဲ့ခြင်း ဖြစ်ကြောင်း အမိန့်မချခင် တရားခွင်အတွင်း၌ ပြောကြားခဲ့သည်။

ဦးကိုနီ လုပ်ကြံခံရမှုနှင့် ပတ်သက်၍ တရားစွဲခံထားရသူများ ဖြစ်သည့် ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်း တို့ကို ရန်ကုန်မြောက်ပိုင်းခရိုင် တရားရုံးက ဖေဖော်ဝါ ရီ ၉ ရက်တွင် စွဲချက်တင်ခဲ့သည်။

ထိုသို့ စွဲချက်တင်ရာတွင် ရာဇသတ်ကြီး အမှုအမှတ် ၄၅/၂၀၁၇ (လူသတ်မှုအမှုတွဲ)မှ ကြည်လင်းကို ရာဇသတ်ကြီး ဥပဒေပုဒ်မ ၃၀၂(၁)(ခ)/၃၄ ၊ ၃၀၂(၂) ဖြင့် လည်းကောင်း၊ အောင်ဝင်းဇော်ကို ရာဇသတ်ကြီး ဥပဒေပုဒ်မ ၃၀၂(၁)(ခ)/၃၄ ဖြင့်လည်းကောင်း၊ ဇေယျာဖြိုးကို ရာဇသတ်ကြီး ဥပဒေပုဒ်မ ၃၀၂(၁)(ခ)/၃၄ ဖြင့် လည်းကောင်း၊ အောင်ဝင်းထွန်း ကို ရာဇသတ်ကြီး ဥပဒေပုဒ်မ ၂၁၂ ဖြင့် လည်းကောင်း စွဲချက်တင်ခဲ့ခြင်း ဖြစ်သည်။

ထို့အပြင် ရာဇသတ်ကြီး အမှုအမှတ် ၄၆/၂၀၁၇ (လက်နက်မှုအမှုတွဲ) မှ ကြည်လင်း နှင့်အောင်ဝင်းဇော်တို့ကို လက်နက်ဥပဒေ ပုဒ်မ ၁၉(ဃ)(စ)တို့ဖြင့် စွဲချက်တင်ခဲ့သည်။

“မင်းတို့ ထမင်းဝအောင် စားထား” စာသားပါသည့် အင်္ကျီဝတ်ဆင်သူ အပါအ၀င် တရားရုံးချိန်းသို့ လာရောက်သူ လေးဦးအား ပုဒ်မ ၅၀၅ (ခ) နှင့် ပုဒ်မ ၁၈၉ တို့ဖြင့် အမှုဖွင့်ပြီး ဖမ်းဝရမ်းထုတ်

တရားလွှတ်တော်ရှေ့နေ ဦးကိုနီ လုပ်ကြံခံရသည့်အမှုကို စစ်ဆေးနေသည့် ရုံးချိန်းသို့ “မင်းတို့ ထမင်းဝအောင် စားထား” စာသားပါသည့် အင်္ကျီဝတ်ဆင်သူ အပါအ၀င် လာရောက်သူ လေးဦးအား အများပြည်သူကို ထိတ်လန့်စေမှု ရာဇသတ်ကြီးပုဒ်မ ၅၀၅ (ခ)၊ ပြည်သူ့ဝန်ထမ်းအား နစ်နာစေရန် ခြိမ်းခြောက်မှု ရာဇသတ်ကြီးပုဒ်မ ၁၈၉ တို့ဖြင့် ဖေဖော်ဝါရီ ၇ ရက်တွင် အင်းစိန်မြို့နယ်တရားရုံးက ဖမ်းဝရမ်းထုတ်ခဲ့ကြောင်း ရန်ကုန်မြို့ ရှေ့နေအသိုင်းအ၀ိုင်းမှ ရှေ့နေတစ်ဦး၏ ပြောကြားမှုအရ သိရသည်။

မြောက်ပိုင်းခရိုင် တရားရုံး၌ ဖေဖော်ဝါရီ ၂ ရက်တွင် ဦးကိုနီ လုပ်ကြံခံရမှုနှင့် ပတ်သက်၍ စစ်ဆေးခဲ့သည့် တရားရုံးချိန်းသို့ “မင်းတို့ ထမင်းဝအောင် စားထား” စာသားပါ အင်္ကျီဝတ်ဆင်သူ အပါအ၀င် လာရောက်ခဲ့သူ လေးဦးအား အင်းစိန်မြို့နယ် အထွေထွေအုပ်ချုပ်ရေးမှူးက ၎င်းတို့ လေးဦးသည် တရားခွင်သို့ လာရောက်၍ ခြိမ်းခြောက်ခဲ့သဖြင့် အရေးယူပေးရန်အတွက် တရားလိုပြုလုပ်၍ အင်းစိန်မြို့နယ် တရားရုံးသို့ ဦးတိုက်လျှောက်ထားကာ အမှုဖွင့်တိုင်ကြားခဲ့ကြောင်း သိရသည်။

“ဟုတ်ပါတယ်။ ဒီနေ့ပဲ ထမင်းဝအောင် စားထား အင်္ကျီဝတ်လာတဲ့သူ လေးယောက်ကို အင်းစိန်ထွေအုပ်က မြို့နယ်တရားရုံးကို ဦးတိုက်လျှောက်လို့ ဖမ်းဝရမ်း ထုတ်လိုက်တာပါ။ ပုဒ်မက နှစ်ခုနဲ့ပါ။ တစ်ခုက ၅၀၅ (ခ)၊ တစ်ခုကတော့ ၁၈၉ လို့ ကြားပါတယ်” ဟု ရန်ကုန်မြို့ ရှေ့နေအသိုင်းအ၀ိုင်းမှ ရှေ့နေတစ်ဦး က ပြောကြားသည်။

အဆိုပါ အမှုဖွင့် တိုင်ကြားခြင်းခံရသူ လေးဦးတို့အား အင်းစိန်မြို့နယ် တရားရုံးက ဖမ်းဝရမ်းထုတ်ခဲ့ပြီး ၎င်းတို့အား ဖမ်းဆီးရမိရေး ရဲတပ်ဖွဲ့က စုံစမ်းရှာဖွေလျက်ရှိကြောင်း မြောက်ပိုင်းခရိုင်ရဲတပ်ဖွဲ့မှ စုံစမ်းသိရသည်။

“မင်းတို့ ထမင်းဝအောင် စားထား” စာသားပါ အင်္ကျီဝတ်ဆင်ပြီး ဖေဖော်ဝါရီ ၂ ရက်တွင် ပြုလုပ်ခဲ့သည့် တရားလွှတ်တော်ရှေ့နေ ဦးကိုနီ လုပ်ကြံခံရမှုနှင့် ပတ်သက်သော တရားရုံးချိန်းသို့ လာရောက်ခဲ့သူများ၏ လုပ်ရပ်သည် တရားဥပဒေစိုးမိုးရေး၊ လွတ်လပ်စွာ တရားစီရင်ရေးနှင့် အမှန်တရား ပျောက်ကွယ်ပြီး အမှုမှန်လမ်းကြောင်းလွဲကာ ပဋိပက္ခ အသွင်ကူးပြောင်းစေသဖြင့် ကန့်ကွက်ကြောင်း နှင့် ၎င်းတို့အား အရေးယူပေးရန် ရှေ့နေအသင်း ခြောက်သင်းက ဖေဖော်ဝါရီ ၄ ရက်တွင် ရန်ကုန်ရှေ့နေများအသင်း ရုံးခန်း၌ သတင်းစာရှင်းလင်းပွဲပြုလုပ်၍ တောင်းဆိုခဲ့ကြောင်း သိရသည်။

ဦးကိုနီ လုပ်ကြံခံရမှုနှင့် ပတ်သက်၍ ကြည်လင်း၊ အောင်ဝင်းဇော်၊ ဇေယျာဖြိုးနှင့် အောင်ဝင်းထွန်းတို့အား ဖေဖော်ဝါရီ ၂ ရက် တွင် မြောက်ပိုင်းခရိုင် တရားရုံး၌ ရုံးထုတ်စစ်ဆေးခဲ့ပြီး ယင်းတရားရုံးချိန်းသို့ “မင်းတို့ ထမင်းဝအောင် စားထား” စာသားပါသည့် အင်္ကျီဝတ်ဆင်သူ အပါအ၀င် လေးဦး လာရောက်ခဲ့ကာ အခြားသော သူများအားလည်း ဝေငှပေးခဲ့ပြီး အင်္ကျီစာသား၏ အဓိပ္ပာယ်မှာ ပြည်သူများကို ထမင်း၀၀ စားစေချင်သည့်ဆန္ဒဖြစ်ကြောင်းနှင့် အခြားသော ရည်ရွယ်ချက်မရှိကြောင်း ၎င်းတို့က မီဒီယာများ၏ မေးမြန်းမှုကို ဖြေကြားထားသည်။

ကြည်လင်းအတွက် လိုအပ်သည့်ငွေကြေးများကို အောင်ဝင်းဇော်က ထောက်ပံ့ခဲ့ခြင်းဖြစ်ကြောင်း အမှုစစ်အရာရှိ ထွက်ဆို

ဇန်န၀ါရီ ၂၅ ရက်က ဦးကိုနီအသတ်ခံရမှုနှင့် ပတ်သက်ပြီး ကြည်လင်းတို့အား ရုံးထုတ်လာသည်ကို တွေ့ရစဉ်

ကြည်လင်းအတွက် လိုအပ်သည့် ငွေကြေးများကို အောင်ဝင်းဇော်က ထောက်ပံ့ခဲ့ ခြင်းဖြစ်သည်ဟု အမှုစစ်အရာရှိက ထွက်ဆိုခဲ့ကြောင်း သိရသည်။

ဦးကိုနီ လုပ်ကြံခံရမှုနှင့်ပတ်သက်၍ အဆိုပါအမှုကို ဇန်န၀ါရီ ၂၅ ရက်တွင် မြောက်ပိုင်းခရိုင်တရားရုံး၌ ရုံးထုတ်စစ်ဆေးစဉ် သက်သေအဖြစ်ထွက်ဆိုသည့် အမှုအား စစ်ဆေးသူ ရဲအရာရှိကို ပြန်လှန်မေးခွန်းများ မေးမြန်းရာ၌ ၎င်းကအထက်ပါအတိုင်း ပြန် လည်ဖြေကြားခဲ့ခြင်းဖြစ်သည်။

ကြည်လင်းက ဦးကိုနီအား လုပ်ကြံရာတွင် မည်သူ့ထံကမှ ပိုက်ဆံမရရှိခဲ့ဟု ကြည်လင်း၏ရှေ့နေမေးမြန်းမှုကို ကြည်လင်းရွာမှ ရန်ကုန်သို့တက်လာစဉ် သုံးစွဲရန်လိုအပ်သော ငွေကြေးများကို အောင်ဝင်းဇော်က ထောက်ပံ့ခဲ့ခြင်းဖြစ်ကြောင်း အမှုစစ်ကထွက် ဆိုသည်။

ထိုသို့အောင်ဝင်းဇော်က ထောက်ပံ့သည်ဆိုလျှင် မည်သည့်အချိန် မည်သည့်နေ့ရက် မည်သည့်အကြောင်း ကိစ္စကြောင့်
ထောက်ပံ့ခြင်းဖြစ်သည်ကိုတရားရုံးတွင် အထောက်အထား တင်ပြထားမှုမရှိဆိုလျှင်ဟု ကြည်လင်း၏ရှေ့နေက ထပ်မံမေးမြန်းရာ သက်သေထွက်ဆိုသည့် အမှုစစ်က အထောက်အထား တင်ပြထားခြင်းမရှိသော်လည်း ကြည်လင်းနှင့်အောင်ဝင်းဇော်တို့ ထွက်ဆို ချက်များကို တရားရုံးသို့ တင်ပြထားသည်ဟု ပြန်လည်ဖြေကြားခဲ့သည်။

ကြည်လင်းသည် ထိုင်းနိုင်ငံသို့ နှစ်ကြိမ် သွားရောက်ခဲ့စဉ်က တရားဝင်နယ်စပ်ဖြတ်ကျော်ဂိတ်မှ သွားရောက်ခဲ့ခြင်းဖြစ်သော်လည်း ကြည်လင်း၏ နယ်စပ်ဖြတ်ကျော်ခွင့် စာအုပ်၌ နှစ်ကြိမ်စလုံးတွင် အသွားသာရှိပြီး ပြန်ဝင်လာသည့် မှတ်တမ်းမရှိပေ။ ယင်းကိစ္စ နှင့်ပတ်သက်၍ ကြည်လင်းမှာ သက်ဆိုင်ရာ နယ်စပ်ဂိတ်မှတစ်ဆင့် တရားဝင်မှတ်ပုံတင်ပြီးမှ ပြည်တွင်းသို့ပြန်လာခဲ့သော်လည်း နယ်စပ်ဖြတ်ကျော်စာအုပ်တွင် ပြန်လာသည့် မှတ်တမ်းရေးမှတ်ထားမှု မရှိခြင်းမှာ သက်ဆိုင်ရာတာဝန်ရှိသူ၏ ပျက်ကွက်မှုသာဖြစ် သည်ဟု ဦးကျော်ကျော်ထိုက်က ဆက်လက် မေးမြန်းရာ အမှုစစ်က ကျွန်တော်ကိုယ်တိုင် တာဝန်မကျ၍ မသိပါ။ လ၀က၏ပြန်ကြားစာများအရ သိရပါသည်။ အဆိုပါကိစ္စများ မှာ သက်ဆိုင်ရာ လ၀က တာဝန်ကျဝန်ထမ်းများ၏ တာဝန်သာဖြစ်ပါသည်ဟု ပြန်လည်ဖြေကြားသည်။

“အမှုစစ်က သူ့တာဝန်အရလာ ပြောတာပြောကြားချက်ကို တရားဝင်သလား တရားဝင်အထောက်အထားအနေနဲ့ အသုံးပြုရမလားဆိုတာတော့ သက်ဆိုင်ရာ တရားသူကြီးတွေအနေနဲ့က စီရင်သုံးသပ်မှာဖြစ်ပါတယ်”ဟု ကြည်လင်း၏ရှေ့နေ ဦးကျော် ကျော်ထိုက် (တရားလွှတ်တော်ရှေ့နေ) က ယနေ့အမှုစစ်ဆေးချက်များနှင့် ပတ်သက်၍ မီဒီယာများ၏ မေးခွန်းအချို့ကို ဖြေကြားစဉ် ထည့်သွင်းပြောကြားသည်။

ထိုနေ့တွင်အမှုစစ်၏ ထွက်ဆိုထားချက်များအပေါ် ကြည်လင်း၏ရှေ့နေ ဦးကျော်ကျော်ထိုက်(တရားလွှတ်တော်ရှေ့နေ)အပါအ၀င် စွပ်စွဲခံရသူများဘက်မှ ရှေ့နေများက အမှုစစ်ကိုပြန်လှန်မေးခွန်းများ မေးမြန်းခဲ့ကြောင်း သိရသည်။ ဦးကိုနီအမှုတွင်တရားစွဲ ခံရသည့် ကြည်လင်းမှာ ထိုင်းနိုင်ငံမှ ပြန်လာရာတွင် တရားမ၀င် ပြန်လည်ဝင်ရောက်ခဲ့မှုဖြင့် မင်္ဂလာဒုံမြို့နယ်တရားရုံးက လူဝင်မှုကြီးကြပ်ရေးအက်ဥပဒေ ၁၃ (၁) ဖြင့်ထောင် တစ်နှစ် ချမှတ်ထားသည်။

ဦးကိုနီ လုပ်ကြံခံရမှုနှင့် ပတ်သက်၍ တရားလိုပြ သက်သေအဖြစ် စီအိုင်ဒီမှ ရဲအုပ်နှင့် ဇေယျာဖြိုးထံမှ ငွေချေးဖူးသူအား စစ်ဆေးဦးကိုနီ လုပ်ကြံခံရမှုနှင့် ပတ်သက်၍ တရားလိုပြ သက်သေအဖြစ် စီအိုင်ဒီမှ ရဲအုပ်နှင့် ဇေယျာဖြိုးထံမှ ငွေချေးဖူးသူအား စစ်ဆေး

ဦးကိုနီ လုပ်ကြံခံရမှုနှင့် ပတ်သက်ပြီး ကြည်လင်း အပါအ၀င် ငါးဦးကို ရုံးထုတ်လာစဉ်

တရားလွှတ်တော်ရှေ့နေ ဦးကိုနီ လုပ်ကြံခံရမှုနှင့် ပတ်သက်၍ သေနတ်ဖြင့် ပစ်ခတ်လုပ်ကြံခဲ့သည့် ကြည်လင်း အပါအ၀င် အမှုနှင့် ဆက်စပ်သူများဖြစ်သည့် အောင်ဝင်းဇော်၊ ဇေယျာဖြိုး၊ အောင်ဝင်းထွန်းတို့ လေးဦးအား ဒီဇင်ဘာ ၂၂  ရက်တွင် ရန်ကုန်တိုင်းဒေသကြီး မြောက်ပိုင်းခရိုင်တရားရုံး၌ ဆက်လက် ရုံးထုတ်ခဲ့သည်။

ထိုနေ့ရုံးချိန်းတွင် အမှုနှင့် ပတ်သက်၍ တရားလိုပြသက်သေများအဖြစ် စီအိုင်ဒီမှ ရဲအုပ်နှင့် ဇေယျာလင်းထံမှ ငွေချေးယူဖူးသူ ဦးတင်ထွန်းအောင်အား စစ်ဆေးခဲ့ကြောင်း သိရသည်။

စီအိုင်ဒီမှ ရဲအုပ်မှာ နည်းပညာ ကျွမ်းကျင်သူဖြစ်ပြီး ဦးတင်ထွန်းအောင်မှာ ဇေယျာဖြိုးထံမှ ငွေချေးငှားဖူးသူ ဖြစ်ကြောင်း တရားလိုဘက်မှ ရှေ့နေများက ပြောကြားသည်။

“ပြီးခဲ့တဲ့အပတ်က စီအိုင်ဒီက ဆက်သွယ်ရေးနဲ့ ပတ်သက်တဲ့ ကျွမ်းကျင်ပညာရှင် ရဲအုပ်ဇော်နိုင်အောင် ပြန်လှန်စစ်မေးချက်ပေါ့။ သူ့ရဲ့ Report အရ လေဆိပ်မှာရှိတဲ့ CCTV ကင်မရာရဲ့ ပေါ်ပေါက်ချက်တွေနဲ့ အောင်ဝင်းခိုင်၊ အောင်ဝင်းဇော်၊ ကြည်လင်း တို့ မှတ်တမ်းတွေကို တိုက်ဆိုင်စစ်ဆေးတဲ့ အချက်ပေါ့။ ပထမနေ့တုန်းကတော့ စာမျက်နှာ ၄၄ မျက်နှာလောက် မှတ်တမ်းတွေ ရှိတယ်။  အဓိကအချက်ကတော့ သူတို့အနေနဲ့ အချင်းဖြစ်ပွားတဲ့အချိန်နဲ့ တိုက်ဆိုင်ပြီးတော့ နောက်တစ်ခါ လေဆိပ်ထဲမှာ ရှိနေတဲ့အချိန်နဲ့ တိုက်ဆိုင်ပြီးတော့ ကြည်လင်းရယ်၊ အောင်ဝင်းဇော်တို့၊ အောင်ဝင်းခိုင်တို့ ဆက်သွယ်မှုတွေ အားလုံးကို CCTV မှတ်တမ်းမှာပါတဲ့ နေ့ရက်တွေ၊ အချိန်တွေနဲ့ တိုက်ဆိုင် ထွက်ဆိုခဲ့တာ ဖြစ်ပါတယ်”ဟု တရားလွှတ်တော်ရှေ့နေ ဦးနေလက ပြောကြားသည်။

ဦးကိုနီ လုပ်ကြံခံရမှုနှင့် ပတ်သက်၍ ရဲတပ်ဖွဲ့က ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်း၊ အောင်ဝင်းခိုင်တို့ ငါးဦးကို မြောက်ပိုင်းခရိုင် တရားရုံး၌ ပြစ်မှုကြီးအမှတ် ၄၅/၂၀၁၇၊ ရာဇသတ်ကြီးဥပဒေ ပုဒ်မ ၃၀၂/၃၄/၂၁၂ တို့ဖြင့် တရားစွဲဆိုထားကြောင်း သိရသည်။

ထို့ပြင် ဇေယျာဖြိုးထံမှ ငွေကြေးချေးခဲ့ဖူးသူ ဦးတင်ထွန်းအောင်၏ တရားရုံးသို့ သက်သေထွက်ဆိုချက်များနှင့် ပတ်သက်၍ တရားလွှတ်တော်ရှေ့နေ ဦးခင်မောင်ဌေးက “ ဦးတင်ထွန်းအောင်ကို ကျွန်တော်တို့ သက်သေပြအဖြစ် ပြတာဟာ သူက ဇေယျာဖြိုးဆီက ၂၀၁၆ ခုနှစ် သုံးလပိုင်းမှာ သိန်း ၁၂၀၀ ချေးထားတယ်လို့ ပြောတယ်။၂၀၁၆ ခုနှစ်  ခြောက်လပိုင်းမှာ ၈၀၀ ပြန်ပေးလိုက်တယ်။ ခုနစ်လပိုင်းမှာ ၄၀၀ ပြန်ပေးလိုက်တယ်။ အဲဒီတော့ ဇေယျာဖြိုးဆီကို သိန်း ၁၂၀၀ ၀င်လာပြီ။ အဲဒီမတိုင်ခင်က ဇေယျာဖြိုးကုမ္ပဏီက စီးပွားရေး မကောင်းဘူး။ ဒါ သူ့ရှေ့နေပြောနေတာ။ ဒီလောက် ပိုက်ဆံသုံးဖို့ ခက်တယ်ဆိုတဲ့အကြောင်း။ ကျွန်တော်တို့ အရင်စွပ်စွဲချက်တွေ ရှိတာက  ဦးကိုနီကို သတ်ဖို့ သိန်း ၁၀၀၀ နဲ့ လိုက်ငှားနေတယ်။ ဒါကြောင့် ကျွန်တော်တို့က ဦးတင်ထွန်းအောင်ကို သက်သေတင်တာ”ဟု ပြောကြားသည်။

ယင်းအပြင် အမှုနှင့်ပတ်သက်၍ ကြည်လင်းနှင့် အောင်ဝင်းဇော်တို့အား ရာကြီးအမှတ် ၄၆/၂၀၁၇၊ လက်နက်ဥပဒေပုဒ်မ ၁၉ (ဃ)၊ ၁၉ (စ) ဖြင့် တရားစွဲဆိုထားပြီး ယင်းအမှုအတွက် သက်သေ ၁၀ ဦးကျော် တင်ပြထားကြောင်း သိရသည်။

ထိုသို့ တရားစွဲခံထားရသူ ငါးဦးအနက် ထွက်ပြေးလွတ်မြောက်နေသူ အောင်ဝင်းခိုင်ကို ရာဇ၀တ် အထွေထွေအမှုအမှတ် ၂၀/၂၀၁၇ တရားခံပြေးအမှုဖြင့် စစ်ဆေးချက်များအရ လတ်တလောတွင် ဖမ်းဆီးရမိနိုင်ခြေ မရှိသဖြင့် တရားခံပြေးအဖြစ် ကြေညာထားကြောင်း သိရသည်။

ဦးကိုနီ လုပ်ကြံခံရမှုတွင် အသုံးပြုခဲ့သော လက်နက်များကို စစ်ဆေးခဲ့သည့် လက်နက်ပါရဂူရဲအရာရှိ အပါအ၀င် ရဲအရာရှိ သုံးဦးအား တရားလိုပြသက်သေအဖြစ် စစ်ဆေး

ဦးကိုနီ လုပ်ကြံခံရမှုနှင့် ပတ်သက်ပြီး သေနတ်ဖြင့် ပစ်ခတ်လုပ်ကြံခဲ့သည့် ကြည်လင်း အပါအ၀င် လေးဦးကို ဒီဇင်ဘာ ၁၅ ရက်က မြောက်ပိုင်းခရိုင်တရားရုံး၌ ရုံးထုတ်စဉ်

တရားလွှတ်တော်ရှေ့နေ ဦးကိုနီ လုပ်ကြံခံရမှုနှင့် ပတ်သက်၍ သေနတ်ဖြင့် ပစ်ခတ်လုပ်ကြံခဲ့သည့် ကြည်လင်း အပါအ၀င် လေးဦးကို ဒီဇင်ဘာ ၁၅ ရက်တွင် ရန်ကုန်တိုင်းဒေသကြီး၊ မြောက်ပိုင်းခရိုင်တရားရုံး၌ ဆက်လက်ရုံးထုတ်ခဲ့သည်။

ထိုနေ့ရုံးချိန်းတွင် အမှုနှင့်ပတ်သက်၍ လုပ်ကြံမှုတွင် ဖမ်းဆီးရမိသည့် လက်နက်များ၊ ကျူးလွန်သူ ကြည်လင်း အသုံးပြုခဲ့သည့် လက်နက်အမျိုးအစား၊ ထုတ်လုပ်သည့် နေရာများ စသည်တို့ကို စစ်ဆေးခဲ့သော တရားလိုပြသက်သေ လက်နက်ပါရဂူ ဒုရဲမှူးဇော်သန်း ၏ ထွက်ဆိုချက်များနှင့် လေဆိပ်စီစီတီဗွီ မှတ်တမ်းနှင့် အောင်ဝင်းခိုင်၊ ကြည်လင်း၊ အောင်ဝင်းဇော်တို့၏ လုပ်ကြံမှုမတိုင်မီနှင့် လုပ်ကြံပြီးနောက် ဖုန်းဆက်သွယ်ရေး မှတ်တမ်းများကို စစ်ဆေးခဲ့သည့် ဒုရဲမှူး တင်အောင်မိုး၏ ထွက်ဆိုချက်များကို စစ်ဆေးခဲ့ပြီး ပြန်လှန်မေးခွန်းများ မေးမြန်းခဲ့ကြောင်း သိရသည်။

“ဒုရဲမှူး ဇော်သန်းက ဖမ်းဆီးရမိတဲ့ လုပ်ကြံမှုမှာ အသုံးပြုခဲ့တဲ့ လက်နက် အမျိုးအစားရယ်၊ ထုတ်လုပ်တဲ့ နေရာအကြောင်းတွေကို လက်နက်တွေကို စစ်ဆေးရတဲ့ ပါရဂူအနေနဲ့ ရုံးရှေ့မှာ လာထွက်ဆိုတယ်။ နောက်တစ်ယောက်ကတော့ အဓိက နည်းနည်းပိုကျတာက ဒုရဲမှူးတင်အောင်မိုးက သူက လေဆိပ်မှာရှိတဲ့ စီစီတီဗွီမှတ်တမ်းတွေနဲ့ ဆက်သွယ်ရေးကော်ပိုရေးရှင်းရရှိတဲ့ မှတ်တမ်းတွေနဲ့ အခြေအနေတိုက်ကြည့်အခါမှာ အောင်ဝင်းခိုင်၊ ကြည်လင်း၊ အောင်ဝင်းဇော်တို့ လေဆိပ်မှာ လုပ်ကြံမှုပြုလုပ်ဖို့ အလိုလောက်မှာ သူတို့ ဖုန်းဆက်သွယ်မှု ပြုလုပ်ခဲ့တာရယ်၊ ဦးကိုနီ လုပ်ကြံခံရအပြီးမှာ ဆက်သွယ်တဲ့ အကြောင်းအရာတွေကို လာရောက်ထွက်ဆိုပါတယ်။ အဓိကအားဖြင့် တရားခံတွေအားလုံးဟာ ထွက်ပြေးလွတ်မြောက်နေတဲ့ အောင်ဝင်းခိုင်ရယ်၊ ကြည်လင်းရယ်၊ အောင်ဝင်းဇော်ရယ်ဟာ ဒီလုပ်ကြံမှု ဖြစ်မြောက်အောင် ချိန်သားကိုက်ပြီး  လာရောက်စုံစမ်းတယ်။ လေယာဉ်ဆိုက်ရောက်တဲ့အချိန်၊ စီစီတီဗွီ မှတ်တမ်းတွေအရဆိုရင် ဦးကိုနီရဲ့သမီးဘေးနားမှာ ရပ်ပြီးတော့ စောင့်ဆိုင်းတယ်။ အစရှိတဲ့ အချက်တွေနဲ့ စီစီတီဗွီ မှတ်တမ်းအရရော ဒါကို Confirm ဖြစ်အောင် လာထွက်ဆိုပါတယ်။ အဲဒီတော့ ဒီထွက်ဆိုချက်တွေအရ ကြည့်မယ်ဆိုရင်တော့ ဒီအမှု ရဲ့ကွင်းဆက်က ပိုမိုပြီးတော့ ပြည့်ဝခိုင်မာ ပေါ်ပေါက်လာတယ်လို့ပဲ ပြောရမှာပါ”ဟု တရားလွှတ်တော်ရှေ့နေ ဦးနေလက ပြောကြားသည်။

ထို့ပြင် တရားလိုပြ သက်သေတစ်ဦးဖြစ်သည့် ရဲအုပ်ဇော်နိုင်၏ အဓိက ထွက်ဆိုချက်များ စစ်ဆေးခဲ့ပြီး ပြန်လှန်မေးခွန်း မေးမြန်းရန်အတွက် ရုံးချိန်းထပ်မံ ချိန်းဆိုခဲ့ကြောင်း သိရသည်။

လက်ရှိတွင် အမှုနှင့်ပတ်သက်၍ တရားလို သက်သေ ၈၀ အနက် ၆၈ ဦးကို စစ်ဆေးထားပြီး ၁၂ ဦးသာ ကျန်ရှိတော့ကြောင်း သိရသည်။

ဦးကိုနီ လုပ်ကြံခံရမှုနှင့် ပတ်သက်၍ ရဲတပ်ဖွဲ့က ကြည်လင်း၊ အောင်ဝင်းဇော်၊ ဇေယျာဖြိုး၊ အောင်ဝင်းထွန်း၊ အောင်ဝင်းခိုင်တို့ ငါးဦးကို မြောက်ပိုင်းခရိုင်တရားရုံး၌ ပြစ်မှုကြီးအမှတ် ၄၅/၂၀၁၇၊ ရာဇသတ်ကြီး ဥပဒေ ပုဒ်မ ၃၀၂/၃၄/၂၁၂ တို့ဖြင့် တရားစွဲ ဆိုထားကြောင်း သိရသည်။

ထို့ပြင် ကြည်လင်းနှင့် အောင်ဝင်းဇော်တို့အား ရာကြီးအမှတ် ၄၆/၂၀၁၇၊ လက်နက် ဥပဒေပုဒ်မ ၁၉ (ဃ)၊ ၁၉ (စ) ဖြင့် ထပ်မံ တရားစွဲဆိုထားကြောင်း သိရသည်။

ထိုသို့ တရားစွဲခံထားရသူ ငါးဦးအနက် ထွက်ပြေးလွတ်မြောက်နေသူ အောင်ဝင်းခိုင်ကို ရာဇ၀တ် အထွေထွေအမှုအမှတ် ၂၀/၂၀၁၇ တရားခံပြေးအမှုဖြင့် စစ်ဆေးချက်များအရ လတ်တလောတွင် ဖမ်းဆီးရမိနိုင်ခြေ မရှိသဖြင့် တရားခံပြေးအဖြစ် ကြေညာထားကြောင်း သိရသည်။

ဦးကိုနီ လုပ်ကြံခံရပြီး နောက်တစ်နေ့ တွင် နေပြည်တော်ရှိ ဇေယျာဖြိုးခြံဝင်းအတွင်း စာရွက်စာတမ်းအချို့နှင့် ဖုန်းတစ်လုံးကို  အောင်ဝင်းခိုင်က မီးရှို့စဉ် မီးဖိုပေးခဲ့ရသူ ၀န်ထမ်းအပါအ၀င် တရားလိုပြသက်သေ သုံးဦးအား ဒီဇင်ဘာ ၈ ရက်တွင် မြောက်ပိုင်းခရိုင် တရားရုံး၌ စစ်ဆေးခဲ့သည်။

အဆိုပါ ၀န်ထမ်းသုံးဦးမှာ နေပြည်တော် ရွှေကြာပင်ရပ်ကွက်ရှိ ဇေယျာဖြိုး၏ ကုမ္ပဏီမှဝန်ထမ်းများဖြစ်ပြီး ၎င်းတို့သုံးဦး အနက်နှစ်ဦးမှာ အောင်ဝင်းခိုင် မီးရှို့သည်ကို မျက်မြင်တွေ့ရှိသူများ ဖြစ်ကြောင်း တရားလိုဘက်မှ ရှေ့နေများက ပြောကြားသည်။

လက်ရှိတွင် အဆိုပါအမှုကို အပတ်စဉ် သောကြာနေ့တိုင်း ရုံးချိန်းပေးထားပြီး ရန်ကုန်မြောက်ပိုင်းခရိုင်တရားရုံးတွင် အထူးခုံရုံးဖွဲ့၍ တရားသူကြီး သုံးဦးဖြင့် စစ်ဆေးလျက်ရှိကြောင်း သိရသည်။

ဦးကိုနီ လုပ်ကြံခံရပြီးနောက် အောင်ဝင်းခိုင်ကို နေပြည်တော်သို့ ပို့ဆောင်ခဲ့သူအား မမှန်မကန် သက်သေခံမှုဖြင့် အရေးယူပေးရန် တရားလိုရှေ့နေဘက်က တရားရုံးသို့ လျှောက်ထား

ဒီဇင်ဘာ ၁ ရက်က ကြည်လင်း အပါအ၀င် လေးဦးကို မြောက်ပိုင်းခရိုင် တရားရုံး၌ ရုံးထုတ်လာစဉ်

တရားလွှတ်တော်ရှေ့နေ ဦးကိုနီ သေနတ်ဖြင့် လုပ်ကြံပစ်သတ်ခံရမှုနှင့် ပတ်သက်၍ ကြည်လင်း အပါအ၀င် လေးဦးကို ဒီဇင်ဘာ ၁ ရက်တွင် ရန်ကုန်တိုင်းဒေသကြီး မြောက်ပိုင်းခရိုင်တရားရုံး၌ ရုံးထုတ်ခဲ့သည်။

ထို့နေ့ ရုံးချိန်းတွင် အမှုနှင့် ပတ်သက်ပြီး သက်သေအဖြစ် ထွက်ဆိုထားသူ ကိုရဲထွဋ်လှိုင်ကို မမှန်မကန် သက်သေခံမှုဖြင့် စစ်ဆေးအရေးယူပေးရန် တရားလိုရှေ့နေများက ဥပဒေအရာရှိမှ တစ်ဆင့် တရားရုံးသို့ လျှောက်ထားခဲ့ကြောင်း သိရသည်။

“ဒီနေ့ သက်သေ ကိုရဲထွဋ္ဌ်လှိုင်နဲ့ ပတ်သက်ပြီးတော့ သူက မမှန်သက်သေခံတယ် ဆိုပြီးတော့ ရုံးရှေ့မှာ ထွက်တာက တစ်မျိုး၊ တရားသူကြီးဆီမှာ ကြိုတင် ထွက်ချက်ပေးတုန်းက တစ်မျိုးဖြစ်နေတဲ့အတွက် မမှန်သက်သေ ထွက်ဆိုတဲ့အတွက် အရေးယူပေးဖို့ တရားလိုဘက်က ရှေ့နေတွေက ဒီနေ့လျှောက်လွှာတင်ပါတယ်။ တင်တဲ့အခါမှာ ရာဇ၀တ်ဆိုင်ရာ ကျင့်ထုံးဥပဒေပုဒ်မ ၄၇၆ အရ ဒါ ရာဇ၀တ်အထွေထွေအမှု ဖွင့်ပါမယ်။ ဖွင့်ပြီးတော့မှ မမှန်သက်သေခံတာ ဟုတ် မဟုတ်ကို ရုံးက စစ်ဆေးပြီးတော့မှ သူ့ကို မမှန်သက်သေခံမှုနဲ့ အရေးယူမှာ ဖြစ်ပါတယ်။ သက်သေခံတာ မပေါ်ပေါက်ဘူး။ ထွက်ဆိုတာတွေ လွဲနေတာဆိုလည်း ဒါက ပြီးသွားမှာပါ။ မမှန်သက်သေခံတာ ပေါ်ပေါက်တယ်ဆိုရင်တော့ ရုံးကပဲ တရားလိုလုပ်ပြီးတော့ မမှန်သက်သေခံမှုနဲ့ အရေးယူမှာပါ”ဟု တရားလိုဘက်မှ ရှေ့နေတစ်ဦးဖြစ်သည့် တရားလွှတ်တော်ရှေ့နေ ဦးခင်မောင်ဌေးက ပြောကြားသည်။

ထို့ပြင် အမှုနှင့်ပတ်သက်၍ ရဲထွဋ်လှိုင်၏ ကြိုတင်ထွက်ဆိုချက်များ ယူထားခဲ့သည့် မြို့နယ်တရားသူကြီးနှစ်ဦးက ၎င်းးအနေဖြင့် ကြိုတင်ထွက်ဆိုချက် ယူရာတွင် ကျင့်ထုံးပုဒ်မ ၁၆၄ အရ ကြိုတင်ထွက်ဆိုချက် ယူခဲ့ခြင်းဖြစ်ကြောင်း သက်သေအဖြစ် တရားရုံး၌ လာ ရောက် ထွက်ဆိုခဲ့ကြောင်း သိရသည်။

“ယခင် အင်းစိန်မြို့နယ် တွဲဖက်တရားသူကြီးဖြစ်တဲ့ ရပ်စောက်မြို့နယ် တရားသူကြီး ဒေါ်မြငြိမ်းအေးက ရဲထွဋ်လှိုင်ကို ကြိုတင်ထွက်ဆိုချက် ယူထားခဲ့တဲ့ တရားသူကြီးပါ။ ဒက္ခိဏသိရီမြို့နယ် တရားသူကြီး ဒေါ်ဝတ်မှုံပါ။ သူကတော့ ကိုမင်းမင်းထွန်းရယ် ဦးကျော် လင်းသန်းရယ် ဦးသန်းဝင်းတို့ရဲ့ ကြိုတင်ထွက်ချက်တွေကို ယူထားတဲ့ တရားသူကြီးပါ။ သူတို့ဆီမှာ ကျင့်ထုံးပုဒ်မ ၁၆၄ အရ ကြိုတင်ထွက်ချက်ပေးခဲ့တယ်ဆိုတဲ့အကြောင်း ထွက်ချက်မပေးခင်မှာ အဲဒီလိုပေးဖို့ တာဝန်မရှိဘူး။ အဲဒီလိုပေးလို့ နောင်မှာ ထွက်ချက်နဲ့ လွဲမယ်ဆိုရင် အရေးယူခံရနိုင်တယ်ဆိုတဲ့အကြောင်းစသဖြင့် သတိပေးပြီးတော့မှ ကြိုတင်ထွက်ချက် ယူခဲ့တယ်ဆိုတဲ့အကြောင်းကို တရားရုံးရှေ့မှာ လာထွက်ဆိုတာပါ”ဟု တရားလွှတ်တော်ရှေ့နေ ဦးခင်မောင်ဌေးက ဆက်လက်ပြောကြားသည်။

ဦးကိုနီ လုပ်ကြံခံရမှုနှင့် ပတ်သက်ပြီး တရားလိုပြသက်သေအဖြစ် ထွက်ဆိုထားသူ ကိုရဲထွဋ်လှိုင်မှာ ထွက်ပြေးလွတ်မြောက်နေသူ အောင်ဝင်းခိုင်အား နေပြည်တော်သို့ ကားမောင်းလိုက်ပို့ခဲ့သူဖြစ်ပြီး မြို့နယ်တရားရုံးတွင် ကျမ်းကျိန်ပြီး ကြိုတင်ထွက်ဆိုထားသည့် ထွက်ဆိုချက်နှင့် အထူးခုံရုံး၌ ကျမ်းကျိန်ထွက်ဆိုသည့် ထွက်ဆိုချက်အချို့မှာ ကွဲလွဲနေသဖြင့် ဥပဒေအရ အရေးယူပေးရန် လျှောက်ထားခဲ့မှုကို နိုဝင်ဘာ ၂၄ ရက် ရုံးချိန်းတွင် သီးခြားအမှုအနေဖြင့် လျှောက်ထားရန် တရားရုံးမှ ညွန်ကြားခဲ့ခြင်းကြောင့် ယခုကဲ့သို့ လျှောက်ထားခဲ့ခြင်းဖြစ်ကြောင်း သိရသည်။

လက်ရှိတွင် အဆိုပါအမှုကို အပတ်စဉ် သောကြာနေ့တိုင်း ရုံးချိန်းပေးထားပြီး ရန်ကုန်မြောက်ပိုင်းခရိုင် တရားရုံး၌ အထူးခုံရုံးဖွဲ့ကာ တရားသူကြီး သုံးဦးဖြင့် စစ်ဆေးလျက်ရှိကြောင်း သိရသည်။