အမြန်လမ်းမကြီးပေါ်တွင် သြဂုတ်လအတွင်း ယာဉ်မတော်တဆမှု ၃၈ ကြိမ်ဖြစ်ပွားပြီး ခြောက်ဦး သေဆုံးကာ ၄၄ ဦး ဒဏ်ရာရ

ရန်ကုန်-မန္တလေး အမြန်လမ်းမကြီးပေါ်တွင် သြဂုတ်လအတွင်းက ယာဉ်မတော်တဆမှုပေါင်း ၃၈ ကြိမ် ဖြစ်ပွားခဲ့ရာ ယာဉ်မတော်တဆမှုများကြောင့် သေဆုံးသူခြောက်ဦး၊ ထိခိုက်ဒဏ်ရာရရှိသူ ၄၄ ဦး ရှိခဲ့ကြောင်း နေပြည်တော် အမြန်လမ်းမကြီး ရဲတပ်ဖွဲ့မှူးရုံးမှ သိရသည်။

သြဂုတ်လအတွင်း ဖြစ်ပွားသည့် ယာဉ်မတော်တဆမှု ၃၈ ကြိမ်တွင် သေဆုံးသူ ကျား လေးဦး၊ မ နှစ်ဦး စုစုပေါင်းသေဆုံးသူ ခြောက်ဦးနှင့် ထိခိုက်ဒဏ်ရာရရှိသူ ကျား၂၈ ဦး၊ မ ၁၆ ဦး စုစုပေါင်း ၄၄ ဦးတို့ ထိခိုက်ဒဏ်ရာ ရရှိခဲ့ခြင်းဖြစ်သည်။

ရန်ကုန်-မန္တလေး အမြန်လမ်းမကြီးပေါ်တွင် ၂၀၁၈ ခုနှစ် ဇန်န၀ါရီလမှ သြဂုတ်လကုန်အထိ ရှစ်လတာ ကာလအတွင်း ယာဉ်မတော်ဆမှုပေါင်း ၂၉၇ ကြိမ်ဖြစ်ပွား၍ သေဆုံးသူ ၆၀၊ ထိခိုက်ဒဏ်ရာရရှိသူ ၅၇၁ ဦးရှိခဲ့ရာ တစ်လပျမ်းမျှ ယာဉ်မတော်တဆမှုပေါင်း ၃၇ ကြိမ်၊ တစ်လပျမ်းမျှ သေဆုံးသူ ခုနစ်ဦးနှင့် တစ်လပျမ်းမျှ ထိခိုက်ဒဏ်ရာရရှိသူ ၇၁ ဦးရှိခဲ့ကြောင်း အမြန်လမ်း ရဲတပ်ဖွဲ့မှူးရုံးမှ သိရသည်။

မှတ်တမ်းများအရ ၂၀၁၈ ခုနှစ် ဇန်န၀ါရီ ယာဉ်တော်တဆမှုပေါင်း ၄၁ ကြိမ်တွင် သေဆုံးသူ ကိုးဦးနှင့် ထိခိုက်ဒဏ်ရာရရှိသူ ၈၃ ဦး၊ ဖေ ဖော်ဝါရီတွင် ယာဉ်မတော်တဆ မှုပေါင်း ၃၆ ကြိမ်၊ သေဆုံးသူ ၁၁ ဦးနှင့် ထိခိုက်ဒဏ်ရာရရှိသူ ၇၆ ဦး၊ မတ်တွင် ယာဉ်မတော်တဆမှုပေါင်း ၃၃ ကြိမ်၊ သေဆုံးသူ လေးဦးနှင့် ထိခိုက်ဒဏ်ရာ ၆၂ ဦး၊ ဧပြီတွင် ယာဉ်မတော်တဆမှုပေါင်း ၄၄ ကြိမ်၊ သေဆုံးသူ ၁၂ ဦးနှင့် ထိခိုက်ဒဏ်ရာ ရရှိ သူ ၁၃၇ ဦး၊ မေတွင် ယာဉ်မတော် တဆမှုပေါင်း ၃၇ ကြိမ်တွင် သေဆုံး သူ ရှစ်ဦးနှင့်ထိခိုက်ဒဏ်ရာရရှိသူ ၇၇ ဦး၊ ဇွန်တွင် ယာဉ်မတော်တဆ မှုပေါင်း ၄၀ ကြိမ်တွင် သေဆုံးသူ ခြောက်ဦးနှင့် ထိခိုက်ဒဏ်ရာရရှိသူ ၅၅ ဦး၊ ဇူလိုင်တွင် ယာဉ်မတော် တဆမှုပေါင်း ၂၈ ကြိမ် ဖြစ်ပွားခဲ့ရာ သေဆုံးသူ လေးဦး၊ ထိခိုက်ဒဏ်ရာ ရရှိသူ ၃၇ ဦးနှင့် သြဂုတ်တွင် ယာဉ် မတော်တဆမှုပေါင်း ၃၈ ကြိမ် ဖြစ် ပွားခဲ့ရာ သေဆုံးသူ ခြောက်ဦး ရှိခဲ့ ကြောင်း မှတ်တမ်းအချက်အလက် များအရ သိရသည်။

အမြန်လမ်းတွင် ယာဉ်မတော်တဆ ဖြစ်ပွားမှုများ လျော့နည်းစေရန် အမြန်လမ်း တာဝန်ရှိသူများ ပူးပေါင်း၍ သတ်မှတ်အရှိန်နှုန်းထက် ပိုမောင်းသောယာဉ်များ၊ ခါးပတ်မပတ်ယာဉ်များအား စစ်ဆေးဖမ်းဆီးလျက်ရှိပြီး ယာဉ်များကို တရားရုံးများတွင် ဒဏ်ရိုက် အရေးယူ ဆောင်ရွက်လျက်ရှိကြောင်း၊ အမြန်လမ်းမကြီးပေါ်၌ ယာဉ်မတော်တဆမှုများ ဖြစ်ပွားရာတွင် အရှိန်လွန်မောင်း နှင်ခြင်း၊ မော်တော်ယာဉ် ဘီးပေါက်ခြင်းနှင့် ယာဉ်မောင်း အိပ်ငိုက်ခြင်းများကြောင့် ယာဉ်မတော်တဆမှုများ အဖြစ်များလေ့ရှိကြောင်း သိရသည်။

 

အမြန်လမ်း ၁၁၅ မိုင်ရှိ PIONEER စားသောက်ဆိုင်၏ အလုပ်သမားများ နားနေဆောင် မီးလောင်ကျွမ်းမှု ဖြစ်ပွား

ပဲခူးတိုင်းဒေသကြီး၊ ဖြူးမြို့နယ်၊ အမြန်လမ်းမကြီး ၁၁၅ မိုင် ယာဉ်ရပ်နားစခန်း အတွင်းရှိ PIONEER စားသောက်ဆိုင်၏ နောက်ကျောဘက်၊ အလုပ်သမားများ နားနေဆောင်တွင် ၀ါယာရှော့ဖြစ်ရာမှ မီးလောင်ကျွမ်းမှု ဖြစ်ပွားခဲ့ကြောင်း ဖြူးမြို့နယ် ရဲတပ်ဖွဲ့မှူးရုံးမှ သိရသည်။

မီးလောင်မှု အခြေအနေနှင့် ပတ်သက်ပြီး ဖြူးမြို့နယ်ရဲတပ်ဖွဲ့မှူး ရဲမှူုးမြင့်လွင်သန်းက “မီးလောင်တာတော့မှန်တယ်။ စာကတော့ ကိုယ့်ဆီတက်မလာသေးဘူး။ စခန်းကို မေးမှရမယ်။ လောလောဆယ် ၀ါယာရှော့ ဆိုတာပဲ သိသေးတယ်။ လူတွေဘာတွေတော့ ထိခိုက်တာ မရှိပါဘူး” ဟု ပြောကြားသည်။

ဖြစ်စဉ်မှာ မေ ၄ ရက် ည ၈ နာရီကျော်ခန့်က ဖြူးမြို့နယ် ရေသျှံကြီးကျေးရွာအုပ်စု၊ အမြန်လမ်းမကြီး ၁၁၅ မိုင် ယာဉ်ရပ်နားဝန်း အတွင်းရှိ ဦးဇော်လှမြင့် ၄၂ နှစ်(ဘ) ဦးလှမြင့်ပိုင် PIONEER စားသောက်ဆိုင်၏ နောက်ကျောဘက် ကိုက် ၁၀၀ ခန့်အကွာ အလုပ်သမားများ နားနေဆောင်တွင် လျှပ်စစ်ဝါယာရှော့ဖြစ်ရာမှ နားနေဆောင်အား မီးလောင်ကျွမ်းခဲ့ခြင်းဖြစ်ကြောင်း သိရသည်။

မီးလောင်ကျွမ်းမှု ဖြစ်ပွားရာသို့ ဖြူးမြို့နယ် ရဲတပ်ဖွဲ့ဝင်များ၊ ဖြူးမြို့နယ် မီးသတ်ဦးစီးမှူး ဦးသက်ဝင်းနှင့် တပ်ဖွဲ့ဝင်များ၊ ဖြူးအမြန်လမ်း မီးသတ်စခန်းမှ ဒုဦးစီးမှူး ဦးသိန်းထွန်းနှင့် တပ်ဖွဲ့ဝင်များမှ သွားရောက်ကူညီ ငြိမ်းသတ်ခဲ့ကြပြီး မီးသတ်ရေယာဉ် ၃ စီး၊ ရေသယ်ယာဉ် ၄ စီးတို့ဖြင့် ၀ိုင်းဝန်းငြိမ်းသတ်ခဲ့ရာ ည ၈ နာရီခွဲ အချိန်ခန့်တွင် မီးညွန့်ကျိုးကျကာ ည ၈ နာရီ ၄၀ မိနစ်အချိန်ခန့်တွင် မီးငြိမ်းသွားခဲ့ကြောင်း၊ မီးလောင်ကျွမ်းမှုကြောင့် လူများထိခိုက်ဒဏ်ရာ ရရှိခြင်း မရှိခဲ့ကြောင်း သိရသည်။

အဆိုပါ မီးလောင်ကျွမ်းမှုဖြစ်စဉ်နှင့် ပတ်သက်ပြီး ဖြူးမြို့မရဲစခန်းမှ မီးလောင်ကျွမ်းမှု ဖြစ်ပွားစေရန် ပေါ့ဆခဲ့သည့် ဦးလင်းဦး ၅၂ နှစ်(ဘ) ဦးတင်ထွန်း၊ PIONEER စားသောက်ဆိုင် လျှပ်စစ်မီးတာဝန်ခံအား (ပ) ၂၅၅/၂၀၁၈၊ ပြစ်မှုပုဒ်မ ၂၈၅ ဖြင့် အမှုဖွင့် အရေးယူထားကြောင်း သိရသည်။

 

 

 

အမြန်လမ်းမကြီးပေါ်တွင် သင်္ကြန်အကြိုနေ့ တစ်ရက်အတွင်း ယာဉ်မတော်တဆမှု လေးကြိမ်ဖြစ်ပွားပြီး လူ ၁၀ ဦးခန့် ထိခိုက်ဒဏ်ရာရ

ရန်ကုန်-မန္တလေး အမြန်လမ်းမကြီးပေါ်တွင် ဧပြီ ၁၃ ရက် (သင်္ကြန်အကြိုနေ့) တစ်ရက်ထဲ၌ ယာဉ်မတော်တဆမှု ၄ ကြိမ်ထက်မနည်းဖြစ်ပွား၍ ၁၀ ဦးထက်မနည်း ထိခိုက်ဒဏ်ရာရရှိခဲ့ပြီး လူသေဆုံးမှု မရှိခဲ့ကြောင်း နေပြည်တော် အမြန်လမ်းမကြီး ရဲတပ်ဖွဲ့မှူးရုံး မှတ်တမ်းများအရ သိရသည်။

ဖြစ်စဉ်များမှာ ဧပြီ ၁၃ ရက် နံနက် ၁၀ နာရီခွဲ၌ ရေတာရှည်မြို့နယ်၊ သာဂရ အမြန်လမ်းမကြီးရဲစခန်းအပိုင် မိုင်တိုင်အမှတ် ၁၇၅ မိုင် ၄ ဖာလုံနှင့် ၅ ဖာလုံအကြားတွင် တစ်ကြိမ်၊ နံနက် ၁၁ နာရီ ၂၅ မိနစ်ခန့်တွင် နေပြည်တော် ဒက္ခိဏသီရိမြို့နယ် အမြန်လမ်းမကြီး မိုင်တိုင်အမှတ် ၁၉၂ မိုင် ၂ ဖာလုံနှင့် ၃ ဖာလုံအကြားတွင် တစ်ကြိမ်၊ ညနေ ၅ နာရီ ၁၅ မိနစ်ခန့်၌ ပဲခူးမြို့နယ် ဘောနတ်ကြီး အမြန်လမ်းမကြီး ရဲစခန်းအပိုင် မိုင်တိုင်အမှတ် ၄၀ မိုင် ၃ ဖာလုံနှင့် ၅ ဖာလုံအကြားတွင် တစ်ကြိမ်၊ ညနေ ၅ နာရီခွဲခန့်၌ အုတ်တွင်းမြို့နယ် ဗောဓိကုန်း အမြန်လမ်းမကြီး ရဲစခန်းအပိုင် မိုင်တိုင်အမှတ် ၁၄၀ မိုင် ၀ ဖာလုံနှင့် ၁ ဖာလုံအကြားတွင် တစ်ကြိမ်၊ စုစုပေါင်း ၄ ကြိမ်ထက်မနည်း ယာဉ်မတော်တဆမှုများ ဖြစ်ပွားခဲ့ခြင်းဖြစ်သည်။

ယင်းဖြစ်စဉ်များအနက် မိုင်တိုင်အမှတ် ၁၉၂ မိုင်အနီးတွင် ဖြစ်ပွားခဲ့သော ယာဉ်မတော်တဆမှု ဖြစ်စဉ်မှာ လူအားထိခိုက်ဒဏ်ရာ ရရှိခြင်း မရှိသော်လည်း ကျန်ဖြစ်စဉ် ၃ ခုမှ ကျား ၃ ဦး မ ၇ ဦး စုစုပေါင်း ၁၀ ဦးအထိ ထိခိုက်ဒဏ်ရာ (မစိုးရိမ်ရ) များရရှိသွားခဲ့ပြီး နီးစပ်ရာ ဆေးရုံများတွင် ဆေးကုသမှု ခံယူခဲ့ရကြောင်း သိရသည်။

အဆိုပါ ယာဉ်မတော်တဆမှု ဖြစ်စဉ်များကြောင့် အမြန်လမ်း ၁၇၅ မိုင်အနီး ဖြစ်ပွားခဲ့သည့် ယာဉ်အမှတ် AA/—- FIELDER ယာဉ်မောင်း ကိုမျိုးဆွေထိုက်အား သာဂရ အမြန်လမ်းမကြီးရဲစခန်းမှ ယာဉ်(ပ)၁၁/၂၀၁၈၊ ပြစ်မှု ပုဒ်မ ၃၃၇/၃၃၈ အရလည်းကောင်း၊ အမြန်လမ်း ၁၉၂ မိုင်အနီးတွင် ဖြစ်ပွားခဲ့သည့် ယာဉ်အမှတ် 9M/—- Honda Insight ယာဉ်မောင်း ဦးအောင်နိုင်အား ပလွေး အမြန်လမ်းမကြီးရဲစခန်းမှ ယာဉ်(ပ)၁၄/၂၀၁၈၊ ပြစ်မှုပုဒ်မ ၂၇၉ အရလည်းကောင်း၊ အမြန်လမ်းမကြီး ၄၀ မိုင်အနီးတွင် ဖြစ်ပွားခဲ့သည့် ယာဉ်အမှတ် 6I/—-PROBOX ယာဉ်မောင်း စိုးဝင်း၊ အလုံမြို့နယ်နေသူအား ဘောနတ်ကြီး အမြန်လမ်းမကြီး ရဲစခန်းမှ ယာဉ် (ပ) ၆/၂၀၁၈၊ ပြစ်မှုပုဒ်မ ၃၃၇ အရလည်းကောင်း၊ အမြန်လမ်းမကြီး ၁၄၀ မိုင်အနီးတွင် ဖြစ်ပွားခဲ့သည့် ယာဉ်အမှတ်7/— HYUNDAI STAREX ယာဉ်မောင်း ဖြိုးမင်းဝေ ၂၃ နှစ်၊ လှိုင်သာယာမြို့နယ်နေသူအား၊ ဗောဓိကုန်းအမြန်လမ်းမBကီး ရဲစခန်းမှ ယာဉ်(ပ)၁၅/၂၀၁၈၊ ပြစ်မှုပုဒ်မ ၃၃၇ အရ လည်းကောင်း၊ အသီးသီး အမှုဖွင့် အရေးယူထားကြောင်း သိရသည်။

 

ရန်ကုန်-မန္တလေး အမြန်လမ်းမကြီး၏ မိုင် ၄၀ ခန့်ကို နိုင်ငံတကာအဆင့်မီ စတင် ဆောင်ရွက်မည်ဖြစ်ပြီး တစ်နှစ်လျှင် အနည်းဆုံး မိုင် ၂၀ ခန့် ကတ္တရာခင်းသွားရန် စီစဉ်ထား

ရန်ကုန် – မန္တလေး အမြန်လမ်းမကြီး၏ မိုင် ၄၀ ခန့်အား နိုင်ငံတကာအဆင့်မီအဖြစ် စတင်ဆောင်ရွက်မည်ဖြစ်ပြီး တစ်နှစ်လျှင် အနည်းဆုံး မိုင် ၂၀ ခန့် ကတ္တရာခင်းသွားရန် စီစဉ်ထားကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြည်သူ့ လွှတ်တော်တွင် ဖေဖော်ဝါရီ ၁၄ ရက်က ပြောကြားသည်။

မောက်မယ် မဲဆန္ဒနယ်မှ ပြည်သူ့လွှတ်တော် ကိုယ်စားလှယ် ဦးစိုင်းငေါင်းဆိုင်ဟိန်း က မေးမြန်းသည့် ယာဉ်မတော်တဆ ဖြစ်စဉ်များ လျော့နည်းပပျောက်စေရန် ရန်ကုန် – နေပြည်တော်-မန္တလေး အမြန်လမ်းမကြီးအား ခေတ်မီ လေးလမ်းသွားအဆင့် တိုးမြှင့်ဆောင် ရွက်ပေးခြင်းနှင့် အဆင့်မီလုံခြုံရေး အထောက်အကူပြုပစ္စည်းများ တပ်ဆင်ထိန်းကျောင်းပေးခြင်း၊ မော်တော်ယာဉ်နှင့် ပတ်သက်၍ လိုက်နာရမည့် စည်းမျဉ်းစည်းကမ်းများကို အထူးစီမံချက် ရေးဆွဲ၍ အကောင်အထည်ဖော် ဆောင်ရွက်ပေးရန် အစီအစဉ် ရှိ မရှိနှင့် စပ်လျဉ်းသည့် မေးခွန်းကို ဖြေကြားရာတွင် ဒုတိယ၀န်ကြီးက အထက်ပါအတိုင်း ပြောကြားခဲ့ခြင်း ဖြစ်သည်။

“အမြန်လမ်းမကြီး တစ်ခုလုံးကို နိုင်ငံတကာအဆင့်မီ အမြန်လမ်းအဆင့် ရောက်ရှိအောင် ဆောင်ရွက်လျက်ရှိတဲ့ နေရာမှာ ADB ရဲ့ အကူအညီနဲ့ ပထမဆုံး (၀) မိုင်ကနေ (၄၀) မိုင်ခန့်ကို အဆင့်မြှင့်တင် ဆောင်ရွက်သွားမှာ ဖြစ်ပါတယ်။ အဆင့်မြှင့်တင် ဆောင်ရွက်သွားဖို့အတွက် ADB မှ ချေးငွေကို Cabinet ကနေ ခွင့်ပြုပြီး ဖြစ်ပါတယ်။ ဒါကြောင့်မို့ မကြာခင်မှာ ပြည်ထောင်စုလွှတ်တော်သို့ သ၀ဏ်လွှာပေးပို့တင်ပြီး မိုင် ၄၀ ခန့် ကို နိုင်ငံတကာအဆင့်မီ အဆင့်မြှင့်တင် ဆောင်ရွက်သွားမှာ ဖြစ်ပါတယ်။ ကွန်ကရစ်လမ်းမှာ ကားတာယာထိတွေ့မှုနဲ့ စာရင် ကတ္တရာလမ်းမှာ ကားတာယာထိတွေ့မှုက အများကြီး သက်သာပါတယ်။ အပူထွက်နှုန်းလည်း လျော့တဲ့အတွက် ယာဉ်အန္တရာယ် ဖြစ်နှုန်းလည်း လျော့ပါတယ်။ ဒါကြောင့်မို့ တစ်နှစ်ကို အနည်းဆုံး မိုင် ၂၀ လောက် ကတ္တရာခင်းသွားဖို့အတွက် အစီအစဉ်ရှိထားပါတယ်။ ဒါကလည်း ဒီအတိုင်း သွားမယ်ဆိုရင် မိုင် ၇၀၀ ကျော်ကြီးကို တစ်နှစ် မိုင် ၂၀ ဆိုရင် အကြာကြီးသွားမှာ ဖြစ်တဲ့အတွက် ADB အပြင် နိုင်ငံတကာ အကူအညီတွေလည်း တောင်းခံ ဆောင်ရွက်သွားမှာ ဖြစ်ပါတယ်”ဟု ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြောကြားသည်။

International Expressway အဆင့်တစ်ခု ဖြစ်ရန်အတွက် နိုင်ငံတကာစံနှုန်းနှင့် ကိုက်ညီရန် Fully Access Control ဖြစ်ရမည်ဖြစ်ပြီး ဖြစ်ရန် Fully Access Control အတွက် Fast ဟုခေါ်သော မြန်မြန်မောင်းနိုင်ခြင်း၊ Comfortable ဟုခေါ်သော ယာဉ်မောင်းနှင့် ခရီးသည် သက်သောင့်သက်သာ ဖြစ်ခြင်းနှင့် Safety ဟုခေါ်သော လုံခြုံစိတ်ချမှု အပြည့်ဖြစ်ရမည်ဖြစ်ကြောင်း ဦးကျော်လင်း က ပြောကြားသည်။

“ဒါကြောင့်မို့လို့ အမြန်လမ်းမကြီးဟာ International အဆင့်မီ အမြန်လမ်းဖြစ်ဖို့ လိုအပ်တဲ့ Fully Access Control ဖြစ်ဖို့ သတ်မှတ်ချက် အချက်သုံးချက်နဲ့ ကိုက်ညီမှု မရှိသေးပါဘူး။ မူလက Expressway အဖြစ် ဖောက်ဖို့ ရည်ရွယ်ထားတဲ့ အနေအထားမှာ အခု ပြီးစီးသလောက် ပြည်သူတွေကို အသုံးပြုခွင့် ပေးထားတာ ဖြစ်တဲ့အတွက် လက်ရှိ အမြန်လမ်းလို့ ခေါ်တဲ့ ရန်ကုန် – မန္တလေး အမြန်လမ်းမကြီးဟာ နိုင်ငံတကာအဆင့်မီ လမ်းအဆင့် မရောက်သေးပါဘူး”ဟု ဦးကျော်လင်းက ပြောကြားသည်။

ရန်ကုန် – မန္တလေး အမြန်လမ်းမကြီးကို ၂၀၀၉ ခုနှစ်က စတင် ဖွင့်လှစ်ခဲ့ခြင်းဖြစ်ပြီး စုစုပေါင်း လမ်းအရှည် ၃၆၆ မိုင်ရှိကာ အသွားအပြန် မိုင်ပေါင်း ၇၃၂ မိုင်ရှိကြောင်း သိရသည်။

ရန်ကုန်-မန္တလေးအမြန်လမ်းအား နိုင်ငံတကာအဆင့်မီ အမြန်လမ်းဖြစ်ရန်အတွက် ပထမမိုင် ၄၀ ကို ရှေ့ပြေးစီမံချက်အနေဖြင့် ၂၀၂၀ ပြည့်နှစ်မတိုင်မီ အပြီးဆောင်ရွက်ရန် ADB ကမ်းလှမ်းထား

 

ရန်ကုန်-မန္တလေး အမြန်လမ်းအား နိုင်ငံတကာအဆင့်မီ အမြန်လမ်းဖြစ်စေရန်အတွက် ပထမမိုင် ၄၀ (ရန်ကုန်မှ ဘောနက်ကြီးအထိ)ကို ရှေ့ပြေးစီမံချက်အနေဖြင့် ၂၀၂၀ ပြည့်နှစ်မတိုင်မီ အပြီးဆောင်ရွက်ရန် အာရှဖွံ့ဖြိုးရေးဘဏ် ADB က ကမ်းလှမ်းထားကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီး ဦးကျော်လင်းက ပြောကြားသည်။

နိုဝင်ဘာ ၁ ရက်က ပြည်သူ့လွှတ်တော်သို့  တက်ရောက်လာသည့် ဆောက်လုပ်ရေး ဒုတိယ၀န်ကြီးက အစည်းအဝေးအပြီးတွင် မီဒီယာများအား ထိုသို့ပြောကြားခဲ့ခြင်းဖြစ်သည်။

လက်ရှိ ရန်ကုန်-မန္တလေး အမြန်လမ်းသည် သတ်မှတ်ချက်များမပြည့်စုံသေးသည့်အတွက် အမြန်လမ်းဟုပင်ခေါ်ဆို၍ မရသေးကြောင်း၊ ထို့ကြောင့် သုညမိုင်မှ မိုင် ၄၀ (ရန်ကုန်မှ ဘောနက်ကြီးအပိုင်း) ကို နိုင်ငံတကာ အဆင့်မီ အမြန်လမ်းမအဖြစ် အကောင်အထည်ဖော်ဆောင်ရွက်ရန် အာရှဖွံ့ဖြိုးရေးဘဏ် (ADB) က ကမ်းလှမ်းထားခြင်းဖြစ်ကြောင်း ဆောက်လုပ်ရေးဝန်ကြီးဌာန ဒုတိယ၀န်ကြီးက ပြောကြားသည်။

“အခုလောလောဆယ်မှာက အမြန်လမ်းလို့ ပြောလို့မရသေးဘူး။ အမြန်လမ်းဆိုတာက အချက်သုံးချက်နဲ့ပြည့်စုံမှ အမြန်လမ်းလို့ခေါ်တာ။ အမြန်လမ်းဖြစ်ဖို့အတွက် က နံပါတ် (၁) အချက်က First မြန်မြန် မောင်းနိုင်ရမယ်ပေါ့နော်။  မြန်မြန်မောင်းနိုင်ဖို့ မီးပွိုင့်တွေ မရှိရဘူး။ နံဘေးမှာ ဆိုင်ခန်းတွေမရှိရဘူး။ လူနေအိမ်တွေ မရှိရဘူး။ မြန်မြန်သွားနေရမယ်။ နံပါတ် (၂) က ယာဉ်သွားလမ်းက  Comfortable ဖြစ်ရမယ်။ နောက်အချက်က လမ်းညွှန်ဆိုင်းဘုတ်တွေ အပြည့်အစုံရှိရမယ်။ တစ်နာရီတိုင်း၊ တစ်နာရီခွဲတိုင်းမှာ နားနေရမယ့် Restaurant တွေ ရှိရမယ်။ နောက်တစ်ချက်ကတော့ Safety ။ Safety ဆိုတာက ယာဉ်မောင်းသူအတွက်ရော၊ ခရီးသည်အတွက်ရော Safety အန္တရာယ်ကင်းရှင်းတဲ့ စနစ်ရှိရမယ်။ အဲဒါတွေအကုန်လုံးက Fully Access Control လို့ ခေါ်တယ်။  Fully Access Control ရှိမှ အမြန်လမ်း၊ Expressway လို့ခေါ်တာ။ အခု ဒီလမ်းကြီးက အမြန်လမ်းလို့ ခေါ်နိုင်အောင် Fully Access Control မဖြစ်သေးဘူး။ နမူနာအားဖြင့် ဒီပေါ်မှာ ကျွဲတွေ၊ နွားတွေ သွားနေတယ်။ တစ်ခါတလေ မော်တော်ဆိုင်ကယ်တွေ၊ ထော်လာဂျီတွေ သွားနေတယ်။ နံဘေးမှာ Barrier ကာထားတာတွေ မရှိသေးဘူး။ Barrier ကာထားရင် တိုက်လိုက်လို့ရှိရင် ကားပဲပျက်စီးသွားမယ်။ လူဘာမှမဖြစ်တဲ့ Barrier တပ်ထားပြီး ဖြစ်ရမယ်။  အဲဒါတွေအားလုံးမရှိသေးတဲ့ လမ်း၊ တကယ်တော့ ဒါဟာ အမြန်လမ်းအဆင့် မရောက်သေးဘူး။ အဲဒီအဆင့်ရောက်ဖို့ကို ADB က ပိုင်းလော့ပရောဂျက်အနေနဲ့ သုညမိုင်ကနေ မိုင် ၄၀ အထိ  ကမ်းလှမ်းထားတယ်။ အဲဒါကို အစိုးရက သဘောတူတယ် ဆိုရင် လွှတ်တော်ကိုတင်ပြီး ဆောင်ရွက်သွားမယ်။ အရင်ဆုံး မိုင် ၄၀ ကို အဆင့်မြှင့်တင်မယ်။ မကြာဘူး။ ၂၀၂၀ မတိုင်ခင် ပြီးဖို့အတွက်ဆိုပြီး ADB ကနေ ကမ်းလှမ်းထားတာရှိတယ် ” ဟု ဦးကျော်လင်းက ဆိုသည်။

ထိုသို့ ဆောင်ရွက်ရန်အတွက် ADB က ဒေါ်လာသန်း ၁၀၀ ကျော်ဖြင့် ဆောင်ရွက်ရန် ကမ်းလှမ်းထားခြင်းဖြစ်ကြောင်း  ဆောက်လုပ်ရေးဝန်ကြီးဌာန ဒုတိယ၀န်ကြီး၏ ပြောကြားချက်အရ သိရသည်။