အမေရိကန်အား တိုက်ခိုက်ရန် တရုတ်ဗုံးကြဲလေယာဉ်များ လေ့ကျင့်နေဖွယ်ရှိဟု ပင်တဂွန်ထုတ်ပြန်

၂၀၀၈ ခုနှစ် မတ် ၂၇ ရက်တွင် ၀ါရှင်တန်ရှိ ပင်တဂွန်အဆောက်အအုံအား တွေ့ရစဉ် (Photo – AP)

တရုတ်ဗုံးကြဲလေယာဉ်များသည် ပစိဖိတ်ထဲမှ အမေရိကန်နှင့် မဟာမိတ်များကို ပစ်မှတ်ထားတိုက်ခိုက်ရန် လေ့ကျင့်နေကြ ဖွယ်ရှိကြောင်း ပင်တဂွန်၏ အစီရင်ခံစာသစ်တစ်ခု၌ ဖော်ပြခဲ့သည်။ ယင်းအစီရင်ခံစာ၌ တရုတ်အစိုးရသည် ၎င်း၏ ကြည်းတပ်အား စစ်ပွဲများတွင် တိုက်ခိုက်၊ အောင်နိုင်မှု ရရှိစေရေးအတွက် ပြောင်းလဲနေသည့်အကြောင်းကိုလည်း အသေးစိတ်ဖော်ပြခဲ့သည်။

သြဂုတ် ၁၆ ရက်က ထုတ်ပြန်ခဲ့သည့် လွှတ်တော်သို့ နှစ်စဉ်တင်သွင်းနေကျ ထိုအစီရင်ခံစာတွင် တရုတ်၏ ကြီးထွားလာသော စစ်ရေး၊ စီးပွားရေး၊သံတမန်ရေး အင်အားများအကြောင်းနှင့် ဒေသတွင်းကို လွှမ်းမိုးနိုင်ရေး၊ နိုင်ငံတကာသို့ ပျံနှံ့ရောက်ရှိရေးတို့အတွက် တရုတ်ကမည်သို့အရှိန်မြှင့် လုပ်ဆောင်နေသည့် အကြောင်းတို့ကို အလေးပေး ဖော်ပြထားသည်။

နိုင်ငံနှင့် ဝေးနိုင်သမျှဝေးသော နေရာရှိ ပစ်မှတ်များအား ထိမှန်နိုင်စွမ်းရှိစေရန် တရုတ်ဗုံးကြဲလေယာဉ်များကို တည်ဆောက်လေ့ကျင့်ပေးနေသည်ဟု တရုတ်လေကြောင်း အင်အားနှင့် ပတ်သက်၍ ထိုအစီရင်ခံစာ၌ ဖော်ပြချက်အရ သိရသည်။

“ ပြီးခဲ့တဲ့ သုံးနှစ်အတွင်းမှာ PLA (ပြည်သူ့လွတ်မြောက်ရေးတပ်မတော်) ဟာ ဗုံးကြဲလေယာဉ်တွေရဲ့ ရေပြင်ပေါ် ပျံသန်းတဲ့ဧရိယာကို တိုးချဲ့ခဲ့ပါတယ်။ ဒါ့အပြင် အမေရိကန်နဲ့ မဟာမိတ်ပစ်မှတ်တွေကို ပစ်ခတ်ဖို့လို့ ယူဆရတဲ့လေ့ကျင့်မှုတွေ ပြုလုပ်ပြီး အရေးပါတဲ့ ရေပိုင်နက်တွေမှာ အတွေ့အကြုံတွေ တိုးပွားလာပါတယ်” ဟု အစီရင်ခံစာတွင် ဖော်ပြခဲ့သည်။

၂၀၁၇ ခုနှစ်၊ သြဂုတ်က တရုတ်၏ H-6K ဗုံးကြဲလေယာဉ်များသည် ဂျပန်ကျွန်းစု၏ အနောက်တောင်အရပ်၌ရှိသော မီယာကို ရေလက်ကြားအား ဖြတ်ပျံခဲ့သည်။ ထို့နောက် တရုတ်ဗုံးကြဲလေယာဉ်များသည် အမေရိကန်တပ်ဖွဲ့ဝင် ၄၇၀၀၀ စခန်းချနေသော အိုကီနာဝါ၏ အရှေ့ဘက်သို့ ပျံသန်းရန် မြောက်အရပ်သို့ ပထမဆုံးအကြိမ် ဦးတည်ခဲ့သေးသည်။

PLA  သည် ဂူအမ်ကျွန်းအပါအ၀င် ပစိဖိတ်သမုဒ္ဒရာအနောက်ခြမ်းရှိ အမေရိကန်နှင့် မဟာမိတ်တို့၏ စစ်ရေးအခြေစိုက်စခန်းများကို ပစ်ခတ်နိုင်သောစွမ်းရည်ရှိသည့် အကြောင်းပြသလိုခြင်းဖြစ်နိုင်သည်ဟု ယင်း အစီရင်ခံစာက ဖော်ပြခဲ့သည်။

ကမ္ဘာ့အကြီးဆုံး ကြည်းတပ်ကြီး

တရုတ်သည် တစ်ချိန်က ခေတ်နောက်ကျခဲ့သော ၎င်း၏ လက်နက်ကိုင်တပ်ဖွဲ့ကို အင်အားကြီးထွားလာစေရေးနှင့် ခေတ်မီစေရေးတို့အတွက် နှစ်မြှုပ်လုပ်ဆောင်လျက်ရှိပြီး တရုတ်စစ်ခေါင်းဆောင်များသည် ၂၀၅၀ ပြည့်တွင် ကမ္ဘာ့အဆင့်မီ စစ်တပ်တစ်ခုဖြစ်လာစေရန် ရည်မှန်းချက်ထားကြသည်။

စစ်ပွဲများအား တိုက်ခိုက်အောင်မြင်ရန် အသင့်ရှိနေသည့် စစ်တပ်တစ်ခုကို နိုင်ငံက လိုအပ်နေသည်ဟု တရုတ်သမ္မတရှီကျင်ပင်းသည် ယမန်နှစ်က ပြောကြားရင်း PLA ကို ပိုမိုအားစိုက်ထုတ်ရန် ညွှန်ကြားခဲ့သည်။

ယခုအစီရင်ခံစာတွင် ဖော်ပြချက်အရ PLA  သည် ယင်း၏ ဖွဲ့စည်းပုံဆိုင်ရာ ပြုပြင်ပြောင်းလဲမှုများ၏ တစ်စိတ်တစ်ပိုင်းအနေဖြင့် ၂၀၁၇ ခုနှစ် ဧပြီတွင် စစ်ဆင်ရေးပိုင်း နှင့် မဟာဗျူဟာပိုင်းတွင် အကြီးစားပြောင်းလဲမှုများ လုပ်ဆောင်ခဲ့သည်ဟု သိရသည်။ တပ်ဖွဲ့ဝင်အင်အား သန်းဝက်ခန့်ရှိသော PLA သည် ကမ္ဘာ့အကြီးဆုံး မြေပြင်တပ်ဖွဲ့ကြီးအဖြစ် ရပ်တည်နေသည်။

တရုတ်၏ ၂၀၁၇ ခုနှစ်အတွက်စစ်ရေး ဘတ်ဂျက်မှာ ဒေါ်လာဘီလျံ ၁၉၀ ခန့်ရှိသည်ဟု ယင်းအစီရင်ခံစာက ဖော်ပြခဲ့သည်။ သို့သော် ယင်းပမာဏသည်ပင်တဂွန်၏ ဒေါ်လာ ဘီလျံ ၇၀၀ ရှိသော နှစ်စဉ်ဘတ်ဂျက်နှင့် များစွာကွာဟနေသေးသည်။

Ref ; AFP

တူရကီက လက်တုံ့ပြန်သည့်အနေဖြင့် အမေရိကန်၏ အဓိကသွင်းကုန်များအား သွင်းကုန်ခွန်များ တိုးမြှင့်စည်းကြပ်

သြဂုတ် ၁၄ ရက်က အစ္စတန်ဘူရှိ ငွေလဲသည့်နေရာတစ်ခုတွင် လူများတန်းစီနေကြသည်ကို တွေ့ရစဉ် (Photo: AP)

တူရကီအစိုးရသည် ၎င်းအပေါ် အမေရိကန်၏ အရေးယူမှုများအား လက်တုံ့ပြန်သည့် အနေဖြင့် အမေရိကန်၏ အဓိကသွင်းကုန်အချို့အပေါ် အခွန်များ တိုးမြှင့်စည်းကြပ်လိုက်သည်ဟု သြဂုတ် ၁၅ ရက်တွင် ထုတ်ပြန်ခဲ့သည်။ မဟာမိတ်နှစ်နိုင်ငံ၏ ခါးသီးသော အငြင်းပွားမှုကြောင့် တူရကီ ငွေကြေးလိုင်ရာမှာမူ ဈေးနှုန်းထိုးဆင်းနေခဲ့သည်။ သြဂုတ် ၁၄ ရက်တွင် အချို့သောနယ်ပယ်များ၌ လိုင်ရာငွေတန်ဖိုး ပြန်တက်လာမှု ရှိသော်လည်း သြဂုတ် ၁၀ ရက်နှင့် ၁၃ ရက်တွင် ကုန်သွယ်ရေး၌ တူရကီလိုင်ရာငွေ တန်ဖိုးသည် လေးပုံတစ်ပုံခန့် လျော့နည်းသွားခဲ့သည်။

လိုင်ရာငွေတန်ဖိုးကျဆင်းမှုကြောင့် မီးကုန်ယမ်းကုန် စီးပွားရေးစစ်ပွဲကြီး ဖြစ်လာမည့်အပေါ် တူရကီနိုင်ငံထဲ၌ စိုးရိမ်မှုများလည်း မြင့်တက်လာခဲ့သည်။ ထိုသို့ဖြစ်ပွားပါက အထူးသဖြင့် ဘဏ်စနစ်တွင် ဥရောပနှင့် အခြားဈေးကွက်များသို့ပါ ပျံ့နှံ့ကူးစက်နိုင်ခြေ ရှိနေသည်။ သြဂုတ် ၁၅ ရက်တွင်မူ အမေရိကန်တစ်ဒေါ်လာလျှင် တူရကီငွေ ၆ ဒသမ ၀၂ လိုင်ရာ ဈေးရှိခဲ့သည်။

“ကျွန်တော်တို့ရဲ့ စီးပွားရေးအပေါ် အမေရိကန်အစိုးရရဲ့ တိုက်ခိုက်မှုကြောင့် အပြန်အလှန် လက်တုံ့ပြန်တဲ့ မူဘောင်အတွင်းကနေ အခွန်တွေကို တိုးမြှင့်ဖို့ ညွှန်ကြားထားပါတယ်” ဟု တူရကီဒုတိယသမ္မတ ဖူယက်အော့တေက ပြောကြားခဲ့သည်။

တူရကီ၏ သံမဏိနှင့် အလူမီနီယံတို့အပေါ် အခွန်နှစ်ဆ တိုးမြှင့်လိုက်သည်ဟု အမေရိကန်သမ္မတဒေါ်နယ်ထရန့်က ကြေညာထားသည်။ အမေရိကန်သင်းအုပ်ဆရာ အန်ဒရူးဘရန်ဆန်ကို တူရကီအာဏာပိုင်တို့က ဖမ်းဆီးထားမှုဖြင့် နေတိုးမဟာမိတ် နှစ်နိုင်ငံကြားတွင် အချင်းများနေကြစဉ် ယခုကုန်သွယ်ရေးပဋိပက္ခ ထပ်မံဖြစ်ပေါ်ခဲ့ခြင်း ဖြစ်သည်။

သမ္မတရီဆပ်တေရစ်အာဒိုဂန်က လက်မှတ်ရေးထိုးထားသော အမိန့်စာအရ အခွန်များ တိုးမြှင့်လိုက်သည့်အကြောင်း တူရကီနိုင်ငံပိုင်သတင်းစာတွင် ဖော်ပြခဲ့သည်။ အာဒိုဂန်သည် စီးပွားရေးစစ်ပွဲတစ်ခု ဖြစ်ပွားပါက တူရကီသာ နိုင်လိမ့်မည်ဟု ထပ်တလဲလဲ ပြောနေသူဖြစ်သည်။ နိုင်ငံပိုင် သတင်းအေဂျင်စီ Anadolu ၏ ဖော်ပြချက်အရ အခွန်များကို လက်ရှိနှုန်းထားထက် နှစ်ဆတိုးမြှင့်ခြင်းဖြစ်သဖြင့် ထရန့်၏ လုပ်ရပ်ကို ထပ်တူ တုံ့ပြန်လိုက်ခြင်းဖြစ်သည်။

ထိုအမိန့်စာ၌ ဖော်ပြချက်အရ တူရကီနိုင်ငံသို့ တင်သွင်းလာသည့် အမေရိကန်ဆန်များအပေါ် အခွန်ရာခိုင်နှုန်း ၅၀၊ အယ်ကိုဟော ပါဝင်သော သောက်စရာများအပေါ် အခွန်ရာခိုင်နှုန်း ၁၄၀၊ ဆေးရွက်ကြီးအရွက်အပေါ် အခွန်ရာခိုင်နှုန်း ၆၀၊ အလှကုန်များအပေါ် အခွန်ရာခိုင်နှုန်း ၆၀ စည်းကြပ်မည်ဟု သိရသည်။ ကားများအပေါ် အခွန်စည်းကြပ်မှုမှာမူ အမျိုးအစားပေါ်လိုက်ပြီး ရာခိုင်နှုန်း ၁၂၀ အထိ မြင့်တက်သွားမည်ဖြစ်သည်။

အာဒိုဂန်သည် သြဂုတ် ၁၄ ရက်ကလည်း တူရကီသည် အိုင်ဖုန်းကဲ့သို့ အမေရိကန်၏ အီလက်ထရွန်နစ်ထုတ်ကုန်များကို သပိတ်မှောက်မည်ဟု ပြောကြားခဲ့သည်။ သို့သော် အာဒိုဂန်သည် ၎င်းကိုယ်တိုင် ဓာတ်ပုံရိုက်ကူးရာတွင် အိုင်ဖုန်းကိုသာ ကြိမ်ဖန်များစွာ အသုံးပြုခဲ့သူဖြစ်သည်။

Ref: AFP

အမေရိကန်က အရှေ့တောင်အာရှအတွက် လုံခြုံရေးထောက်ပံ့ငွေ ဒေါ်လာသန်း ၃၀၀ နီးပါးပေးမည်ဟု ကတိပြု

၂၀၁၇ ခုနှစ် ဧပြီ ၂၁ ရက်တွင် တောင်တရုတ်ပင်လယ်၌ တရုတ်၏ လူလုပ်ကျွန်း Subi Reef ၌ အဆောက်အအုံများကို တွေ့ရစဉ် (Photo: AFP)

တရုတ်က ဒေသတွင်း၌ ထိတွေ့မှုကို အရှိန်မြှင့်တင်ရန် အစီအစဉ်များကို ရှေ့တိုးလုပ်ဆောင်နေချိန်တွင် အမေရိကန်နိုင်ငံခြားရေးဝန်ကြီး မိုက်ပွန်ပီယိုက အရှေ့တောင်အာရှဒေသအတွက် လုံခြုံရေးထောက်ပံ့မှု သစ်အဖြစ် ဒေါ်လာသန်း ၃၀၀ နီးပါး ထောက်ပံ့ပေးမည်ဟု သြဂုတ် ၄ ရက်တွင် ကတိပြုခဲ့သည်။ အဖွဲ့ဝင် ၁၀ နိုင်ငံပါသည့် အာဆီယံမှ နိုင်ငံခြားရေးဝန်ကြီးများနှင့် အခြားနိုင်ငံများမှ တာဝန်ရှိသူများက စင်ကာပူတွင် တွေ့ဆုံဆွေးနွေးပွဲ၏ ဘေးဆွယ်တွေ့ဆုံမှု၌ ပွန်ပီယိုက ထိုအစီအစဉ်ကို ကြေညာခဲ့ခြင်း ဖြစ်သည်။

အင်ဒို-ပစိဖိတ်တွင် ဒေသဆိုင်ရာလုံ ခြုံရေးအဆင့်မြှင့်တင်ရန်အတွက် ၎င်းတို့၏ ကတိပြုမှု တစ်စိတ်တစ်ပိုင်းအဖြစ် အမေရိကန်သည် ဒေသတွင်းတစ်ခုလုံး၌ လုံခြုံရေးဆိုင်ရာ ပူးပေါင်းဆောင်ရွက်မှုကို အားဖြည့်ရန် ဒေါ်လာသန်း ၃၀၀ နီးပါးအစီအစဉ်ကို ကြေညာကြောင်း ပွန်ပီယိုက ပြောကြားခဲ့သည်။ ထိုလုံခြုံရေးအကူအညီသစ်သည် ရေကြောင်းလုံခြုံရေးကို အားကောင်းစေရန်၊ လူသားချင်းစာနာမှုဆိုင်ရာ အကူအညီပေးမှုနှင့် ငြိမ်းချမ်းရေးထိန်းသိမ်းမှုဆိုင်ရာ စွမ်းဆောင်ရည်များ တိုးတက်စေရန်၊ နိုင်ငံဖြတ်ကျော် ခြိမ်းခြောက်မှုများအား တန်ပြန်နိုင်ရန် အထောက်အပံ့ဖြစ်စေမည်ဖြစ်ကြောင်းလည်း ၎င်းက ပြောကြားခဲ့သည်။

ခေတ်သစ်တွင် ဒေသတွင်း၌ အမေရိကန်၏ စီးပွားရေးဆိုင်ရာ ကတိက၀တ် တစ်စိတ်တစ်ပိုင်းပေးချေမှုဟု ပွန်ပီယိုက ခေါ်ဆိုသော အင်အားကြီးထွားစ အာရှတွင် နည်းပညာ၊ စွမ်းအင်နှင့် အခြေခံအဆောက် အအုံစီမံကိန်းများအတွက် ဒေါ်လာ ၁၁၃ သန်းရင်းနှီးမြှုပ်နှံသွားမည်ဟု အမေရိကန် က ယခုသီတင်းပတ်အစောပိုင်း၌ ကြေညာထားပြီးဖြစ်သည်။

အရှေ့တောင်အာရှနှင့် ယင်းမှ ကျော်လွန်သောဒေသမှ နိုင်ငံများနှင့် ကုန်သွယ်ရေးဆိုင်ရာ ဆက်ဆံမှုကို မြှင့်တင်ရန်ရည်ရွယ်သည့် Belt and Road စီမံကိန်း၏တစ်စိတ်တစ်ပိုင်းအရ တရုတ်သည် ၎င်း၏ သြဇာလွှမ်း မိုးမှုအား အရှိန်မြှင့်တင်နေချိန်၌ အမေရိကန်ကလည်း လွတ်လပ်ပြီး ပွင့်လင်းသော အင်ဒို -ပစိဖိတ်ဒေသတစ်ခုအတွက် စိတ်ကူးကို မြှင့်တင်နေသည်။ ဒီမိုကရေစီနည်းကျ ဦးဆောင်သောဒေသကို အတိုကောက်ခေါ် ဆိုသည့် အင်ဒို-ပစိဖိတ်ဆိုသောအသုံးအနှုန်းကို ဂျပန်၊ သြစတြေးလျ၊ အိန္ဒိယနှင့် အမေရိ ကန်တို့မှ သံတမန်များက မကြာသေးမီနှစ် များအတွင်း သုံးစွဲမှုမြင့်တက်လာသည်။

တောင်တရုတ်ပင်လယ်တွင် တရုတ်၏ စစ်ပုံသွင်းနေမှုကိစ္စအတွက် စိုးရိမ်မှုနှင့် ဒေသတွင်း၌ စည်းမျဉ်းအခြေပြုအစီအစဉ်က အရေးပါကြောင်းကို ဆွေးနွေးပွဲတွင်ပြောကြားခဲ့ကြောင်း ပွန်ပီယိုက သတင်းထောက်များကို ပြောကြားခဲ့သည်။ မြန်မာနိုင်ငံ ရခိုင်ပြည်နယ်၌ လူသားချင်းစာနာမှု အကျပ်အတည်းနှင့် အခြားလုံခြုံရေးပြဿနာများအား ဖြေရှင်းမှုတွင် တိုးတက်မှုသည် လွတ်လပ်ပြီး ပွင့်လင်းသော အင်ဒို-ပစိဖိတ်ဒေသအတွက် အလွန်အမင်း အရေးပါကြောင်းလည်း ပွန်ပီယိုက ပြောကြားခဲ့သည်။

မြောက်ကိုရီးယား၏ ကတိများ အသက်ဝင်လာရေး ရုန်းကန်နေရသည့် အမေရိကန်

အလွန်အမင်း အမွှမ်းတင်ခဲ့ကြသည့် ဒေါ်နယ်ထရန့်-ကင်ဂျုံအွန် ထိပ်သီးဆွေးနွေးပွဲပြီးနောက် တစ်လကျော် အကြာတွင် နျူကလီးယား ဖျက်သိမ်းရေးနှင့် ပတ်သက်၍ အမှန်တကယ် တိုးတက်မှုရရှိရန် ခက်ခဲနေကြောင်း အထင်အရှား ပြသနေသည့် မြောက်ကိုရီးယားအား ထိရောက်သည့် ပိတ်ဆို့မှု အပြည့်အ၀ ပြုလုပ်ရန်အတွက် အမေရိကန်က ကုလသမဂ္ဂကို မေတ္တာရပ်ခံလျက်ရှိသည်။

ဇွန် ၁၂ ရက်က စင်ကာပူတွင် ပြုလုပ်သည့် သမိုင်းဝင် တွေ့ဆုံဆွေးနွေးမှုပြီးနောက် ပူးတွဲကြေညာချက်၌ မြောက်ကိုရီးယား ခေါင်းဆောင်က ကိုရီးယား ကျွန်းဆွယ်တွင် နျူကလီးယား ဖျက်သိမ်းရေး အပြည့်အ၀ လုပ်ဆောင်ရန် သူ၏ကတိကို ထပ်လောင်းအတည်ပြုခဲ့သည်။

သို့သော် မြောက်ကိုရီးယား၏ နျူကလီးယားစီမံကိန်းကို ဖျက်သိမ်းရန် မည်သို့မည်ပုံ ပြုလုပ်မည်နှင့် မည်သည့် အချိန်ဇယားအတိုင်း ပြုလုပ်မည်ဟူသော အချက်များ အပါအ၀င် လုပ်ငန်းစဉ်၏ အသေးစိတ်များအား ယခုအထိ စေ့စပ်ညှိနှိုင်းရခြင်း မရှိသေးပေ။

ယခုအချိန်တွင် အလွန်လျင်မြန်စွာ စတင်သင့်ကြောင်း အဆိုပြုနေကြသည့် နျူကလီးယား အလျင်အမြန် ဖျက်သိမ်းရေးကို အမေရိကန် အစိုးရအဖွဲ့က အခိုင်အမာ တွန်းအားပေးလာခဲ့သည်။

မြောက်ကိုရီးယား၏ နျူကလီးယား ဖျက်သိမ်းရေးအား ဒေါ်နယ်ထရန့်၏ လက်ရှိ သမ္မတသက်တမ်း ကုန်ဆုံးချိန်ဖြစ်သော ၂၀၂၀ ပြည့်နှစ် အရောက်၌ အပြီးသတ်ရရှိရန် မျှော်လင့်ထားကြောင်း အမေရိကန် နိုင်ငံခြားရေးဝန်ကြီး မိုက်ပွန်ပီယိုက ပြောကြားခဲ့သည်။

စင်ကာပူ ကတိက၀တ်များနှင့် ပတ်သက်၍ အသေးစိတ် အချက်အလက်များ ပုံပေါ် လာရေးအတွက် စိန်ခေါ်မှုများကို လက်ခံရန် ပွန်ပီယိုအား တာဝန်ပေးထားသည်။

သို့သော် ပွန်ပီယိုသည် နောက်ပိုင်း၌ ပြုံယမ်းသို့ သွားရောက်ခဲ့ပြီး စင်ကာပူ တွေ့ဆုံဆွေးနွေးမှုနောက်ပိုင်း ရက်ပေါင်း ၄၀ ကျော်လာချိန်၌ အမေရိကန်တို့ဘက်မှ သိသိသာသာ လေသံပြောင်းလာခဲ့သည်။

“ကျွန်တော်တို့မှာ အချိန်အကန့်အသတ် မရှိဘူး။ ကျွန်တော်တို့မှာ အမြန်နှုန်း အကန့်အသတ် မရှိဘူး” ဟု ထရန့်က ဇူလိုင် ၁၈ ရက်တွင် သတင်းထောက်များအား ပြောကြားခဲ့သည်။

လေသံပြောင်းသွားခြင်းနှင့် ပတ်သက်၍ မေးမြန်းခဲ့ရာတွင် နိုင်ငံခြားရေးဌာန ပြောရေးဆိုခွင့်ရ အမျိုးသမီး ဟီသာနူအက်က “ကျွန်မတို့ ဒီကိစ္စနှင့် ပတ်သက်ပြီး နေ့တိုင်း ပြင်းပြင်းထန်ထန် လုပ်ပါမယ်လို့ ကတိထားခဲ့ကြပါတယ်။ လုပ်စရာ ကျန်တာတွေ အများကြီး ရှိတဲ့အကြောင်း ကျွန်မတို့ ပြောခဲ့ကြပါတယ်” ဟု ဖြေကြားခဲ့သည်။

၁၅ နှစ်ကြာမည့် လုပ်ငန်းစဉ်လား

စင်ကာပူ ထိပ်သီးဆွေးနွေးပွဲသည် စန်းတင်ခံရခြင်း၊ ခမ်းနားထည်ဝါခြင်း၊ မျှော်လင့်ချက်မြင့်မားစွာ ထားခံရခြင်းတို့ ရှိသော်လည်း ရှည်လျားပြီး ခက်ခဲကြမ်းတမ်းသည့် လုပ်ငန်းစဉ်တစ်ရပ်၏ အရှင်းဆုံး ပုံကြမ်းမျှသာ ပေးခြင်းဖြစ်ကြောင်း ကျွမ်းကျင်သူ များစွာတို့က သတိပေးခဲ့သောကြောင့် အရှိတရားသို့ ပြန်လည် ရောက်ရှိခြင်းက ကြိုဆိုရမည်သာ ဖြစ်သည်။

“အောင်မြင်ဖို့ စေ့စပ်ညှိနှိုင်းမှုတွေက အချိန်လိုအပ်ပါတယ်” ဟု ၀ါရှင်တန်မြို့မှ အကြံပေးအဖွဲ့ဖြစ်သော ၀ီလ်ဆင်စင်တာမှ အေဘရာဟင်ဒန်းမက်က ပြောကြားခဲ့သည်။ သူက “တချို့ကျွမ်းကျင်သူတွေက ပြီးပြည့်စုံပြီး အတည်ပြုလို့ရတဲ့ နျူကလီးယား ဖျက်သိမ်းရေးဟာ ၁၅ နှစ် ကြာနိုင်ပါတယ်လို့ သတိပေးထားပါတယ်” ဟုလည်း ပြောကြားခဲ့သည်။

လွန်ခဲ့သည့် ခြောက်လကို ပြောင်းပြန်ပြောင်းလဲနိုင်ခြင်းများနှင့် မူးဝေလောက်သည့်  အဖြစ်အပျက်များပြီးနောက် ယခုအခါ အကောင်အထည်ဖော်ရန် ကာလကြာရှည်စွာ  စောင့်ဆိုင်းရဦးမည် ဖြစ်သည်။

အချို့သော လေ့လာသူများအတွက် စင်ကာပူဆွေးနွေးပွဲက ပေးခဲ့သည့် အရှိန်အဟုန် ပျောက်ဆုံးသွားခြင်းမှာ စိုးရိမ်ဖွယ်ဖြစ်နေသည်။ တိုးတက်မှု အမှန်တကယ် ရှိခဲ့သည် ဆိုလျှင်ပင် မဖြစ်စလောက်သာ ဖြစ်လိမ့်မည်။

ပွန်ပီယိုက ယခုအခါ လာမည့် သီတင်းနှစ်ပတ်အတွင်း ဖြစ်လိမ့်မည်ဟု ပြောဆိုခဲ့ခြင်းနှင့်အတူ ကိုရီးယားစစ်ပွဲ (၁၉၅၀-၅၃) အတွင်း ကျဆုံးသွားခဲ့သည့် အမေရိကန်စစ်သားများ၏ ရုပ်ကြွင်းများကို မြောက်ကိုရီးယားက အမေရိကန်ကို ပြန်ပေးသည့် ကိစ္စအား ဇွန် ၁၂ ရက် ဆွေးနွေးပွဲ၏ လတ်တလော သက်ရောက်မှုဟု ဆိုခဲ့လျှင်ပင် ပို၍ရှုပ်ထွေးမှုများ ရှိနေပုံရသည်။

ယခုအထိ အမေရိကန်-မြောက်ကိုရီးယား နှင်းခဲအရည်ပျော်ကျမှု၏ ခိုင်မာသော တစ်ခုတည်းသော ရလဒ်မှာ မြောက်ကိုရီးယားက နျူကလီးယားနှင့် ဒုံးကျည်စမ်းသပ်မှုများ ရပ်ဆိုင်းထားပြီး အမေရိကန်ဘက်ကလည်း မြောက်ကိုရီးယားက ရန်စမှုဟု စွပ်စွဲထားသော စီစဉ်ပြီးသား တောင်ကိုရီးယားနှင့် ပူးတွဲစစ်ရေးလေ့ကျင့်မှုကို ရွှေ့ဆိုင်းထားခြင်းသာ ဖြစ်သည်။

အမေရိကန်သည် ယခင်ကလည်း ယင်းကဲ့သို့သော နှစ်ဦးနှစ်ဖက် ရပ်ဆိုင်းထားသည့် ကိစ္စများကို ပြန်လည် ပယ်ချခဲ့ဖူးသည်။ ထို့ကြောင့် ယခုကဲ့သို့ ရွှေ့ဆိုင်းထားမှုများသည်ပင်လျှင် မျက်စိတစ်မှိတ် လျှပ်တစ်ပြက် အတွင်း ပြန်လည်ပြောင်းလဲ သွားနိုင်သည်။

(၀ဲမှယာ) မိုက်ပွန်ပီယို၊ ကုလသမဂ္ဂအတွင်းရေးမှူးချုပ် အန်တိုနီယိုဂူတာရက်စ်နှင့် ကုလသမဂ္ဂဆိုင်ရာ အမေရိကန်သံအမတ်ကြီး နစ်ကီဟာလေးတို့ ဇူလိုင် ၂၀ ရက်က နယူးယောက်မြို့တွင် တောင်ကိုရီးယား အာဏာပိုင်များနှင့် ဆွေးနွေးပြီးနောက် ထွက်ခွာလာစဉ် (Photo : AFP)

“ကျွန်မတို့ရဲ့ ပန်းတိုင်က ပြီးပြည့်စုံတဲ့၊ အတည်ပြုနိုင်တဲ့၊ ပြန်လည်ပြောင်းလဲခြင်း မပြုနိုင်တဲ့ မြောက်ကိုရီးယားရဲ့ နျူကလီးယား စီမံကိန်း ဖျက်သိမ်းရေး ဖြစ်နေတုန်းပဲဆိုရင် ကျွန်မတို့ အောင်မြင်မှာ မဟုတ်ဘူး” ဟု မဟာဗျူဟာနှင့် နိုင်ငံတကာဆိုင်ရာ လေ့လာရေးဌာနမှ ဆူးမီတယ်ရီက ကော်လိုရာဒိုပြည်နယ် အက်စပန်မြို့တွင် ပြုလုပ်သည့် လုံခြုံရေးညီလာခံတစ်ရပ်၌ ပြောကြားခဲ့သည်။

“သူတို့ဟာ သူတို့ရဲ့ နျူကလီးယားလက်နက်စီမံကိန်းကို စွန့်လွှတ်မှာ မဟုတ်တဲ့အပြင် သူတို့ရဲ့ စီမံကိန်း တိုးတက်ဖို့ အချိန်နဲ့အမျှ လုပ်ဆောင်နေပါတယ်” ဟုလည်း အဆိုပါ အမျိုးသမီးက ပြောကြားခဲ့သည်။

စင်ကာပူတွင် အဓိက ရည်ရွယ်ချက်နှင့် ပတ်သက်၍ စာဖြင့် ရေးသားထားသော ကတိတစ်ရပ်ကို ရယူရန် ပျက်ကွက်ခဲ့သည့်အတွက်  ထရန့်အစိုးရအဖွဲ့သည် ဝေဖန်မှုခံနေရပြီး စေ့စပ်ညှိနှိုင်းမှုများသည် မြောက်ကိုရီးယား၏ နောက်ဆုံးဖြစ်သော အပြည့်အ၀ အတည်ပြုနိုင်သော နျူကလီးယား ဖျက်သိမ်းရေးဆီသို့ ဦးတည်သွားရေးသာ ဖြစ်သည်ဟု အခိုင်အမာ ဆိုကြသည်။

အစီအစဉ် (ခ) ဟူ၍ မရှိ

သို့သော် ဇူလိုင်လအစောပိုင်းက ပွန်ပီယို မြောက်ကိုရီးယားသို့ သွားရောက်ခဲ့ခြင်းသည် သူကိုယ်တိုင် အကြီးအကျယ် စိတ်ပျက်သွားရုံမှတစ်ပါး ဘာအကြောင်းမျှ မရှိခဲ့ဟု ဘရွတ်ကလင်း အင်စတီကျုရှင်းအတွက် ရေးသားသော ဆောင်းပါးတစ်ပုဒ်၌ ဂျက်ဖရီဘာဒါနှင့် ရိုင်ယန်ဟက်စ်က ဆိုသည်။ အဆိုပါ ကျွမ်းကျင်ပညာရှင် နှစ်ဦးက ပြဿနာမှာ မြောက်ကိုရီးယား၏ ပူးပေါင်းဆောင်ရွက်မှုအတွက် အာမခံချက်ရရှိရန် ထရန့်အနေဖြင့် သြဇာအရှိန်အ၀ါ များစွာကို အလဟသ စွန့်ပစ်ခဲ့ခြင်း ဖြစ်သည်ဟု ပြောကြားခဲ့ကြသည်။

အမေရိကန်က အချိုးညီညီ လှုပ်ရှားရန် အကူအညီပေးခဲ့သည့် မြောက်ကိုရီးယားအပေါ် အမြင့်ဆုံး ဖိအားပေးရန် နိုင်ငံတကာ လှုပ်ရှားမှု-ပြင်းထန်သည့် ပိတ်ဆို့မှုများနှင့် သံတမန်ရေးအရ အထီးကျန်အောင် ပြုလုပ်ခြင်းတို့သည် စတင်၍ အားနည်းလာပြီဖြစ်သည်။

“တရုတ်က အမှန်တကယ် အကောင်အထည်ဖော်ခဲ့ခြင်း မရှိတာကြောင့် ပိတ်ဆုိ့မှုတွေဟာ ချည့်နဲ့သွားခဲ့ပြီး ဖြစ်ပါတယ်” ဟု တယ်ရီက ပြောကြားခဲ့သည်။

ထို့ကြောင့် ပွန်ပီယို၏ ဇူလိုင် ၂၀ ရက်က ကုလသမဂ္ဂသို့ သွားရောက်ခဲ့မှုသည် ပိတ်ဆို့မှုစည်းမျဉ်းကို ချိုးဖောက်သော အစိုးရအဖွဲ့များကို ရှုတ်ချရန်နှင့် နိုင်ငံတကာ အသိုင်းအ၀ိုင်း အနေဖြင့် ပြင်းထန်သည့် ဖိအားပေးမှုကို  ဆက်လက် ထိန်းသိမ်းထားရေး တောင်းဆိုရန် ဖြစ်သည်။

သို့သော် ယင်းသည် စိန်ခေါ်မှုတစ်ရပ် ဖြစ်နိုင်သည်ဟု ကျွမ်းကျင်သူများက ဆိုသည်။ မြောက်ကိုရီးယား၏ ရန်စမှုအသစ်အပေါ် အမြင့်ဆုံး ဖိအားပေးမှုသည် နိုင်ငံအချို့မပါဘဲ ဆက်ထိန်းထားရန် ခက်ခဲလိမ့်မည်ဖြစ်သည်။

“တကယ်မှာ အလုပ်မဖြစ်ဘူးဆိုရင် ကျွန်မတို့မှာ အစီအစဉ်တစ်ရပ် ရှိထားဖို့လို ပါတယ်။ ဒါပေမဲ့ ကျွန်မတို့မှာ တကယ်တော့ အစီအစဉ် (ခ) ဆိုတာ ရှိမနေပါဘူး” ဟု တယ်ရီက ဆိုသည်။

လော့စ်အိန်ဂျလိစ်၌ လူအများအပြား ဓားစာခံအဖြစ် ဖမ်းဆီးခံခဲ့ရပြီး တစ်ဦး သေဆုံး

ဇူလိုင် ၂၁ ရက်က လော့စ်အိန်ဂျလိစ်ရှိ Trader Joe စူပါမားကက်တွင် ဓားစာခံဖမ်းဆီးမှု ဖြစ်ပွားပြီးနောက် ရဲများ၊ မီသတ်များအား တွေ့ရစဉ် (Photo : AFP)

အမေရိကန်ပြည်ထောင်စု လော့စ်အိန်ဂျလိစ်မြို့တွင် ဇူလိုင် ၂၁ ရက်က သေနတ်သမား တစ်ဦးသည်  လူဒါဇင်ပေါင်း များစွာကို စူပါမားကက် တစ်ခုထဲတွင် သုံးနာရီခန့်ကြာ ဓားစာခံအဖြစ် ဖမ်းဆီးထားမှု ဖြစ်ပွားခဲ့သည်။ သို့သော် နောက်ပိုင်းတွင် ထိုသေနတ်သမားသည် ရဲတပ်ဖွဲ့ထံ ကိုယ်တိုင် အဖမ်းခံခဲ့ကြောင်း သိရသည်။ ထိုဖြစ်စဉ်အတွင်း အမျိုးသမီးတစ်ဦး သေဆုံးခဲ့ရသည်။

ဖြစ်စဉ်မှာ အမျိုးသား တစ်ဦးသည် မိသားစုရန်ပွဲ တစ်ခုအတွင်း ၀င်ပါရာမှ အဘွားဖြစ်သူကို သေနတ်ဖြင့် ခုနစ်ချက် ပစ်ခတ်ခဲ့ပြီး အခြားအမျိုးသမီး တစ်ဦးကို ဒဏ်ရာရစေခဲ့သည်။ ထို့နောက် အဆိုပါ အမျိုးသားသည် အဘွား၏ကားကို မောင်းနှင်ကာ ထိုနေရာမှ ထွက်ပြေးသွားပြီး ဒဏ်ရာရသွားသည့် အမျိုးသမီးကိုလည်း ၎င်းနှင့်အတူ ခေါ်ဆောင်သွားခဲ့ကာ နောက်ဆုံးတွင် Trader Joe စူပါမားကက်ထဲသို့ ၀င်ရောက်သွားခဲ့သည်ဟု ရဲတပ်ကြပ်ကြီး ဘာရီမောင့်ဂိုမာရီက သတင်းထောက်များကို ပြောကြားခဲ့သည်။

ရဲများသည် ထိုသို့ထွက်ပြေးသွားသည့် အမျိုးသားကို ကားဖြင့် လိုက်လံဖမ်းဆီးရင်း အပြန်အလှန် သေနတ်ပစ်ခတ်မှုများ ဖြစ်ပေါ်ခဲ့ကြသည်။ စူပါမားကက် အပြင်ဘက်တွင် ထပ်မံဖြစ်ပွားခဲ့သည့် အပြန်အလှန် ပစ်ခတ်မှုတွင်မူ အမျိုးသမီးတစ်ဦး ကျည်ဆန်ထိမှန်ပြီး သေဆုံးသွားခဲ့သည်။ ထိုအမျိုးသမီးသည် မည်သည့်ဘက်က ပစ်ခတ်လိုက်သည့် ကျည်ကြောင့် သေဆုံးခဲ့သည်ကိုမူ ရှင်းရှင်းလင်းလင်း မသိရသေးပေ။ ယင်းပစ်ခတ်မှုအတွင်း သေနတ်သမားသည်လည်း လက်မောင်းတွင် ဒဏ်ရာရသွားခဲ့သည်။

ပစ်ခတ်မှုများ ဖြစ်ပွားပြီးနောက် သေနတ်သမားသည် စူပါမားကတ်ထဲတွင် ၀န်ထမ်းနှင့် ဈေးဝယ်သူ ၄၀၊ ၅၀ ခန့်ကို ဓားစာခံအဖြစ် သုံးနာရီကြာ ဖမ်းဆီးထားခဲ့ပြန်သည်။ ရဲများနှင့် ညှိနှိုင်းဆွေးနွေးမှုများ ပြုလုပ်ခဲ့အပြီးတွင် ဒေသစံတော်ချိန် ညနေ ၆ နာရီခွဲခန့်၌  ထိုအမျိုးသားသည် ကိုယ့်ကိုယ်ကို လက်ထိပ်ခတ်ကာ ဓားစာခံလေးဦး ခြံရံလျက် အပြင်သို့ ထွက်လာ၍ အဖမ်းခံသည်ဟု သိရသည်။ ထို့နောက် အသက် ၂၈ နှစ်ခန့်ရှိသော ထိုအမျိုးသားကို ရဲများက ချက်ချင်း ဖမ်းဆီးခေါ်ဆောင် သွားခဲ့ကြသည်။

ယင်းဖြစ်စဉ်ကြောင့် လော့စ်အိန်ဂျလိစ်၏ ဈေးဆိုင်များ၊ လူနေတိုက် အဆောက်အအုံများဖြင့် ပြည့်ကျပ်စည်ကားနေသော ကုန်သွယ်ရေး ဧရိယာတွင် ရဲများ၊ မီးသတ်ကားများဖြင့် ၀ရုန်းသုန်းကား ဖြစ်ခဲ့ရသည်။

မျက်မြင်သက်သေ တစ်ဦး၏ ပြောကြားချက်အရ ထိုအမျိုးသားသည် ဓာတ်တိုင်တစ်တိုင်ကိုလည်း ကားဖြင့် ၀င်တိုက်သွားခဲ့ကြောင်း သိရသည်။ “နေရာတိုင်းမှာ ကျည်တွေ ၀ဲပျံသွားခဲ့ပါတယ်” ဟု ထိုမျက်မြင်သက်သေက ပြောကြားခဲ့သည်။

သို့သော် ယခုဖြစ်စဉ်အတွင်း အဘွားဖြစ်သူမှအပ ပြင်းပြင်းထန်ထန် ဒဏ်ရာရသွားခဲ့သူ မရှိခဲ့ပေ။ အမေရိကန်သမ္မတ ဒေါ်နယ်ထရန့်ကလည်း လော့စ်အိန်ဂျလိစ်မှ ဓားစားခံဖမ်းဆီးမှု ဖြစ်စဉ်ကို သေသေချာချာ စောင့်ကြည့်နေသည်ဟု Twitter ပေါ်တွင် ရေးသားခဲ့သည်။

Ref : AFP/AP

တရုတ်-အမေရိကန် ကုန်သွယ်ရေးစစ်ပွဲနဲ့ ကြုံလာရနိုင်တဲ့ ကမ္ဘာ့စီးပွားပျက်ကပ်မှာ မြန်မာနိုင်ငံ ဘယ်လိုရင်ဆိုင်မလဲ

လက်ရှိအစိုးရသက်တမ်း နှစ်နှစ်ကျော် ကာလအတွင်း ကျဆင်းလာသည့် ဂျီဒီပီ ဖွံ့ဖြိုးတိုးတက်မှုနှုန်းကို တွေ့ရစဉ်

တရုတ်-အမေရိကန် ကုန်သွယ်ရေးစစ်ပွဲရဲ့ ဂယက်ကြောင့် ကမ္ဘာ့စီးပွားပျက်ကပ်ကို ကြုံလာရနိုင်တယ်လို့ ခန့်မှန်းနေချိန်မှာ အထိနာနိုင်တာက မြန်မာနိုင်ငံလို ဖွံ့ဖြိုးဆဲနိုင်ငံတွေပါ။

ဒီလို ဖွံ့ဖြိုးဆဲနိုင်ငံတွေထဲမှာမှ ပိုပြီးတော့ အထိနာနိုင်တဲ့ နိုင်ငံကို ရွေးထုတ်ပေးပါဆိုရင် အဓိက ကုန်သွယ်ဖက်က တရုတ်ဖြစ်နေတဲ့အပြင် ရခိုင်အရေး၊ ပြည်တွင်းစစ်ပဋိပက္ခ၊ နိုင်ငံခြား ရင်းနှီးမြှုပ်နှံမှု ကျဆင်းမှု၊ နိုင်ငံခြား ခရီးသွား ကျဆင်းမှုတွေနဲ့ မြန်မာကျပ်ငွေတန်ဖိုး ကျဆင်းမှုအပြင် အထွေထွေ ပြိုကျနေတဲ့ ပြည်တွင်းစီးပွားရေး ကဏ္ဍတွေထဲမှာ ပိတ်မိနေတဲ့ မြန်မာနိုင်ငံကပဲ အထိနာနိုင်ဆုံး နိုင်ငံအဖြစ် ရွေးထုတ်ခံရမှာပါ။

တရုတ်-အမေရိကန် ကုန်သွယ်ရေးစစ်ပွဲမှာ အထိနာနိုင်တဲ့ နိုင်ငံက တရုတ်နိုင်ငံလို့ ကမ္ဘာက ခန့်မှန်းနေချိန်မှာ နိုင်ငံရေး၊ စီးပွားရေး၊ ငြိမ်းချမ်းရေး အတွက်ပါ တရုတ်ကို မှီခိုနေရတဲ့ မြန်မာနိုင်ငံဟာ သေချာပေါက်ကို အထိနာနိုင်တယ်လို့ သတ်မှတ်နေချိန်မှာ ဒီအခြေအနေဆိုးကို ဘယ်လိုကြိုတင် အဖြေရှာမလဲဆိုတာ စဉ်းစားထားဖို့ လိုအပ်တဲ့ အခြေအနေ ဖြစ်လာပါတယ်။

“၂၁ ရာစု တတိယပင်လုံ ကျင်းပနေတယ်။ ပြီးခါနီးနေပြီ။ သူတို့ဘယ်လောက် အောင်မြင်မလဲဆိုတာ စောင့်ကြည့်ရမှာပေါ့။ အဲဒီဘက်က အောင်မြင်ရင် အောင်မြင်သလောက်၊ ဒီနိုင်ငံရေးလိုင်းချည်း အာရုံစိုက်နေမယ့်အစား စီးပွားရေးဘက်ကို အာရုံစိုက်လာလို့ ရတာပေါ့။ အခုဟာက တစ်လမ်းသွားကြီး ဖြစ်နေတယ်။ စီးပွားရေးက အခုအချိန်မှာ နောက်ဘယ်တော့ ကောင်းလာမလဲ ပြောရခက်တယ်။ နိုင်ငံရေး ဆိုတာက လူမျိုးရေးနဲ့ ဘာသာရေး ပဋိပက္ခမှာလည်း တိုင်းပြည်ရဲ့ ပုံရိပ်က တော်တော်လေးကျနေတယ်။ အဲဒီဟာကို ဘယ်လိုဆွဲတင်မလဲဆိုတာ အရေးတကြီး စဉ်းစားဖို့လိုတယ်။ အဲဒီဘက်က ရိုဟင်ဂျာလို့ ကမ္ဘာက သုံးကြတယ်။ ရှစ်သိန်းကျော် တစ်သန်းနီးနီး ထွက်ပြေးသွားတယ် ဆိုတာကြီးက ပြန်လက်ခံဖို့ကိုလည်း ပြဿနာမျိုးစုံ လုပ်နေတယ်။ အဲဒီဟာကို အင်မတန် ခေါင်းကောင်းကောင်းနဲ့ မြန်မြန်လေး ဖြေရှင်းပေးမယ်ဆို စီးပွားရေးဘက် ပြန်လှည့်လို့ရမှာပေါ့” စီးပွားရေး ဆောင်းပါးရှင် အောင်ချိန်ဘွားက သုံးသပ်ပြောကြားပါတယ်။

ကုန်သွယ်ရေးစစ်ပွဲ ကောက်ကြောင်း

တရုတ်ရဲ့ ပို့ကုန်တွေကို အမေရိကန်နိုင်ငံက စည်းကြပ်လိုက်မှုမှာ ကမ္ဘာ့စီးပွား ပျက်ကပ်လို့ ယူဆမှုတွေရှိသလို ကမ္ဘာ့နိုင်ငံ အများအပြားကိုလည်း ဂယက်ရိုက်ပြီး စီးပွားရေး ကျဆင်းမှုတွေ ဖြစ်စေမယ်လို့ ခန့်မှန်းမှုတွေလည်း ရှိနေပါတယ်။

အခြားသော တစ်ဖက်မှာလည်း အမေရိကန်က တရုတ်ရဲ့ ပို့ကုန်တွေနဲ့ သူ့နိုင်ငံဆီကို အများအပြား ပို့ကုန်တင်သွင်းနေတာကို တုန့်ပြန်ဖို့၊ ကုန်သွယ်မှု လိုငွေကို လျှော့ချဖို့အတွက် ပို့ကုန်အများအပြား တင်ပို့နေတဲ့ တရုတ်၊ ကနေဒါ၊ မက္ကဆီကိုနဲ့ ဥရောပသမဂ္ဂ စတဲ့နိုင်ငံတွေကိုပဲ အဓိကထား တုံ့ပြန်နေတာဖြစ်လို့ ပို့ကုန်အခွန် မြှင့်တင်ခံရတဲ့ နိုင်ငံကြီးတွေဆီက ရင်းနှီးမြှုပ်နှံမှုတွေက ပို့ကုန်အခွန် မြှင့်တင်ခံရတဲ့ နိုင်ငံလေးတွေဆီကို သူတို့ရဲ့ ရင်းနှီးမြှုပ်နှံမှုတွေ စီးဝင်လာနိုင်တာမို့လို့ နိုင်ငံငယ်လေးတွေအတွက် အခွင့်အရေး ရလာနိုင်တယ်လို့ တွက်ဆမှုတွေလည်း ရှိနေပါတယ်။

ဘယ်လိုပဲ ခန့်မှန်းနေပါစေ။ ကြုံလာရနိုင်တဲ့ ကမ္ဘာ့စီးပွားပျက်ကပ်မှာ ကိုယ့်နိုင်ငံ မထိခိုက်ဖို့ဟာ အစိုးရတစ်ရပ်ရဲ့ အမြော်အမြင်နဲ့ တိုင်းပြည်အခြေအနေကို ကမ္ဘာကြည့် ကြည့်ပြီး ရေရှည်ကို ရင်ဆိုင်တတ်ဖို့ပါ။ မြန်မာနိုင်ငံဟာ ဟိုးတုန်းက တံခါးပိတ် ကြားနေနိုင်ငံဖြစ်လို့ အရင်က ကြုံခဲ့ရတဲ့ ကမ္ဘာ့စီးပွား ပျက်ကပ်တွေမှာ မထိခိုက်ခဲ့ဘူး ဆိုပေမဲ့ အခုအခြေအနေကတော့ ဈေးကွက်စီးပွားရေးစနစ် ဖြစ်တာနဲ့အညီ မြန်မာနိုင်ငံဟာ ပြည်ပသွင်းကုန်တွေကို အဓိကထား ရပ်တည်နေရသလို နိုင်ငံခြား ရင်းနှီးမြှုပ်နှံမှုများများဝင်မှ တိုင်းပြည်စီးပွားရေး တိုးတက်တယ်ဆိုတဲ့ အခြေအနေမို့လို့ ကမ္ဘာ့စီးပွားပျက်ကပ်သာ ကြုံလာရမယ်ဆိုရင် မလွဲမသွေထိခိုက်မှု ကြုံလာရနိုင်ပါတယ်။

အမေရိကန်နဲ့ တရုတ်က ဒေါ်လာ ၃၄ ဘီလျံဖိုးရှိတဲ့ စည်းကြပ်ခွန်တွေကို အပြန်အလှန်ချမှတ်မှု စတင်အသက်ဝင်လာတဲ့နောက်မှာ ဒေါ်လာဘီလျံ ၂၀၀ တန်ဖိုးရှိတဲ့ တရုတ်သွင်းကုန်တွေကို ထပ်ပြီးတော့ စည်းကြပ်သွားမယ်လို့ အမေရိကန်က ခြိမ်းခြောက်မှုဟာ ကုန်သွယ်ရေးစစ်ပွဲရဲ့ အရှိန်ကို ပိုမိုမြင့်တက် လာစေခဲ့ပါတယ်။

တရုတ်သွင်းကုန် ဒေါ်လာဘီလျံ ၂၀၀ ကို စည်းကြပ်ခွန် ၁၀ ရာခိုင်နှုန်းချမှတ်ဖို့ လုပ်ငန်းစဉ်ကို ဒေါ်နယ်ထရန့်က ကုန်သွယ်ရေးဌာနကို ညွှန်ကြားခဲ့တယ်လို့ အမေရိကန် ကုန်သွယ်ရေး အကြံပေး ရောဘတ်လိုက်သီဇာက ကြေညာချက် ထုတ်ပြန်ခဲ့ပြီး ပစ်မှတ်ထားမယ့် ကုန်ပစ္စည်းစာရင်းကို သြဂုတ်လကုန်ပိုင်းမှာ ဆွေးနွေးမှာဖြစ်ပြီး ဒီဆွေးနွေးမှုက နှစ်လလောက်ပဲ ကြာမြင့်မှာဖြစ်လို့ Trade War ဂယက်ဟာ ၂၀၁၈ အကုန်ပိုင်းထဲမှာကို ပိုပြီးတော့ ပြင်းထန်လာမယ့် အခြေအနေပါ။ ဒါ့အပြင် လက်ရှိကုန်သွယ်ရေးစစ်ပွဲရဲ့ ဂယက်ဟာ လာမယ့် ၂၀၁၉ ခုနှစ်ထဲမှာ ပိုပြီးအရှိန်ပြင်းထန်လာမယ်လို့ ခန့်မှန်းထားတာကြောင့် ဘယ်သူတွေပိုပြီး အထိနာမလဲဆိုတာ စိတ်ဝင်တစား စောင့်ကြည့်ချင်စရာပါ။

တရုတ်နဲ့ ကုန်သွယ်မှုက ကုန်သွယ်ရေးလိုငွေပြမှုဟာ ပြီးခဲ့တဲ့နှစ်မှာ ၃၇၅ ဘီလျံကျော် စံချိန်တင် ဖြစ်ခဲ့ပြီးတဲ့နောက်မှာ ဒေါ်နယ်ထရန့်က ဒေါ်လာဘီလျံ ၄၅၀ အထိရှိနေတဲ့ တရုတ်သွင်းကုန် အားလုံးကိုလည်း စည်းကြပ်မယ်လို့ ကြွေးကြော်ခဲ့ပြီး တရုတ်ကလည်း တန်ပြန်ဆောင်ရွက်မယ်လို့ တုံ့ပြန်ခဲ့ပါတယ်။ တရုတ်တုံ့ပြန်မှုအတိုင်း အမေရိကန်နိုင်ငံကလည်း စည်းကြပ်ခွန်တွေတိုးဖို့ ပြင်ဆင်နေတာကြောင့် ကုန်သွယ်ရေးစစ်ပွဲ ဂယက်ဟာ အရှိန်မြင့်လာဖို့ပဲ ရှိပါတယ်။

ဘီလျံ ၅၀၀ လောက်ရှိတဲ့ တရုတ်သွင်းကုန်တွေကို အမေရိကန်က စည်းကြပ်မယ်ဆိုရင် တရုတ်နိုင်ငံအနေနဲ့ လက်တုံ့ပြန်နိုင်မှာက ဘီလျံ ၁၅၀ မပြည့်တဲ့ အမေရိကန်သွင်းကုန်တွေ အပေါ်ပဲဖြစ်လို့ ကုန်သွယ်ရေးစစ်ပွဲမှာ အထိနာနိုင်တာက တရုတ်လို့ ခန့်မှန်းနေကြတာပါ။ လက်ရှိမှာဆိုရင်ကို တရုတ်နိုင်ငံဟာ ယွမ်ငွေတန်ဖိုး ကျဆင်းမှုအပြင် အခြားသော ဆိုးကျိုးတွေအဖြစ် ရှန်ဟိုင်းအညွန်း ကျဆင်းတာတွေလည်း ဖြစ်လာပါတယ်။ ဒါပေမဲ့ မြင်နေရတဲ့ ကုန်သွယ်မှု ကိန်းဂဏန်းတွေကိုပဲ တွက်ဆနေတာဖြစ်ပြီး တခြားသောအကြောင်း အရာတွေအဖြစ် တရုတ်နိုင်ငံက အမေရိကန်ထုတ် ဇိမ်ခံကားတွေကို သပိတ်မှောက်တာ၊ တရုတ်ခရီးသွားတွေနဲ့ ကျောင်းသားတွေရဲ့ အမေရိကန်နိုင်ငံဆီ သွားရောက် လည်ပတ်တာနဲ့ ပညာသင်ကြားမှုတွေ ကန့်သတ်လိုက်တာ၊ အမေရိကန်လေယာဉ်ကုမ္ပဏီ ဘိုးအင်းဆီက လေယာဉ်မှာယူမှုတွေ ချုပ်ကိုင်လိုက်တာ၊ ကမ္ဘာ့အများဆုံး နိုင်ငံခြားအရန်ငွေကြေး ကိုင်ထားမှုနဲ့ အမေရိကန် ဘဏ္ဍာရေး စာချုပ်မှာ ဒေါ်လာဘီလျံနဲ့ချီ မြှုပ်နှံထားတာတွေကြောင့် တရုတ်က ဒီကုန်သွယ်ရေးစစ်ပွဲမှာ နိုင်မယ်လုိ့ ခန့်မှန်းမှုတွေ ရှိနေပါတယ်။

ကုန်သွယ်ရေးစစ်ပွဲမှာ အမေရိကန်နိုင်ခြင်း၊ တရုတ်နိုင်ခြင်းက မြန်မာနိုင်ငံအတွက် အဓိက မကျပါဘူး။ အဓိကကျတာက ကုန်သွယ်ရေးစစ်ပွဲသာ တကယ်ဖြစ်လာရင် မြန်မာနိုင်ငံ အထိမနာဖို့ပါ။ ဒီလိုဖြစ်လာဖို့ဆိုရင် အနည်းဆုံး အဆင့်မှာကို အမေရိကန်က တရုတ်ဆီက ဘယ်လိုသွင်းကုန်မျိုးကို စည်းကြပ်သလဲ။ မြန်မာက တရုတ်နဲ့ အမေရိကန်ဆီတိုးပြီး တင်ပို့လာနိုင်မယ့် ပို့ကုန်မျိုးကဘာလဲ။ အမေရိကန်လို ဒေါ်လာသန်း ရာဂဏန်းလောက် နိုင်ငံမျိုးကို ဘီလျံအဆင့် တင်ပို့နိုင်အောင် ဘယ်လိုမူဝါဒ ချမှတ်မလဲ။ တရုတ်ဘက်က မြန်မာ့ပို့ကုန်တွေကို ထိန်းချုပ်ထားတဲ့ အခြေအနေတွေကို ဘယ်လိုကျော်လွှားမလဲဆိုတဲ့ အခြေအနေမျိုးတွေကို ပြင်ဆင်ဖို့ လိုအပ်မှာ ဖြစ်ပါတယ်။ သူတို့ဘာသာ ဖြစ်နေတာ ငါတို့နဲ့ ဘာဆိုင်လဲတွေးနေပြီး ကြိုတင်ပြင်ဆင်မှု မရှိရင်တော့ လက်ရှိကြုံနေတဲ့ စီးပွားရေး ကျဆင်းမှုက ပိုဆိုးပါလိမ့်မယ်။ အာဏာမရခင် သုံးနှစ်လောက်မှာ ကြိုတင်ပြင်ဆင်မှု အားနည်းတာနဲ့ မဟာဗျုဟာ မရှိတာကြောင့် ဘာတစ်ခုမှ နားမလည်ဘဲ ပြောခဲ့တာတွေနဲ့ ကြုံလာရတာ တခြားစီ ဖြစ်နေလို့ စီးပွားရေး တုံ့သွားတာမျိုး ထပ်ဖြစ်လို့ မရတော့ဘူးဆိုတာ အသေအချာ သုံးသပ်ပြင်ဆင်ဖို့ လိုနေပါပြီ။

လတ်တလောမှာကြည့်ရင်ကိုပဲ ကုန်သွယ်ရေးစစ်ပွဲအစမှာကို မြန်မာနိုင်ငံက မြန်မာကျပ်ငွေတန်ဖိုး ထိုးကျသွားတာ၊ တရုတ်ကို တင်ပို့နေတဲ့ ကုန်ပစ္စည်းတွေက ယွမ်ငွေတန်ဖိုးကျဆင်းမှု၊ ဈေးနှုန်းကျဆင်းမှုတွေကို ရင်ဆိုင်နေရပြီ ဖြစ်ပါတယ်။ တစ်ခုခံသာနေတာက ဒေါ်လာဈေး မြင့်တက်မှုကြောင့် အဓိက ကုန်သွယ်ဖက် နိုင်ငံတွေရဲ့ ငွေကြေးတန်ဖိုးတွေလည်း ကျနေတာပါ။ ဒါပေမဲ့ တစ်ခုသတိချပ်ရမှာက မြန်မာနိုင်ငံဟာ ငွေကြေးတန်ဖိုး ကျဆင်းတိုင်း ဖြစ်သင့်တာထက် ပိုမိုကျဆင်းမှုဖြစ်ပြီး လက်ရှိဗဟိုဘဏ်ဥက္ကဋ္ဌ ဦးကျော်ကျော်မောင် လက်ထက်မှာ ကျပ်ငွေတန်ဖိုး ရာခိုင်နှုန်း ၄၀ ကျော် ကျဆင်းလာတာနဲ့ ကမ္ဘာ့စီးပွားပျက်ကပ် စိန်ခေါ်မှုအသစ်မှာ ဗဟိုဘဏ်က ကျပ်ငွေတန်ဖိုး လိုတာထက် ပိုမကျအောင် တောင့်ခံနိုင်ပါ့မလားဆိုတာ သံသယ၀င်စရာ ဖြစ်လာနေပါတယ်။

ကမ္ဘာ့စီးပွားပျက်ကပ်မှာ အခက်ကြုံနေဆဲ မြန်မာ

မြန်မာနိုင်ငံကို ရင်းနှီးမြှုပ်နှံသူတွေက လက်တွန့်ကြပါတယ်။ ဘာကြောင့် လက်တွန့်သလဲဆို မြေယာအငြင်းပွားမှု ပြဿနာ၊ အလုပ်သမား ဆန္ဒဖော်ထုတ်မှု၊ ဥပဒေ မခိုင်မာတဲ့အပြင် ပြောင်းလွယ်ပြုလွယ်တာ၊ လျှပ်စစ်၊ ရေ၊ မီး၊ လမ်း၊ သယ်ယူပို့ဆောင်ရေး ကုန်ကျစရိတ် ကြီးမြင့်လွန်းတာ၊ အချိန်မရွေး နောက်ပြန်လှိုင်း ရိုက်ခတ်နိုင်တာ (Democracy Back Wave) နဲ့ အဆိုးဆုံးက ရခိုင်အရေးမှာ ပုံရိပ်ကျဆင်းပြီး လူမျိုးရေး၊ ဘာသာရေး အကဲဆတ်လွန်းတဲ့ သွေးဆူဆူပူလွယ်တဲ့ နိုင်ငံအဖြစ် နိုင်ငံတကာက အမြင်စောင်း ခံနေရတာပါ။

ဒီလိုအမြင်စောင်း ခံရမှုမျိုးက မြန်မာနဲ့ ယှဉ်ပြိုင်ဖက် ကမ္ဘောဒီးယား၊ လာအို၊ ဗီယက်နမ်၊ ထိုင်း စတဲ့ နိုင်ငံမျိုးတွေမှာ မရှိပါဘူး။ ဒီလို ကမ္ဘာ့အလယ်မှာ မြန်မာ့ပုံရိပ်ကျဆင်းမှုကို ဘယ်လိုပြန်လည် ကုစားမလဲ ဆိုတာက NLD အစိုးရအတွက် အသေအချာ မဟာဗျု ဟာ ချမှတ်လုပ်ဆောင်ရမယ့် လုပ်ငန်းစဉ်တစ်ခု ဖြစ်လာပါတယ်။

ဒါ့အပြင် တခြားသော အာဆီယံနိုင်ငံတွေရဲ့ ရင်းနှီးမြှုပ်နှံမှု၊ လုပ်သားစီးဆင်းမှုတွေကို အလွယ်တကူ ခွင့်ပြုပေးရမယ့် အာဆီယံ စီးပွားရေး အသိုက်အ၀န်း (AEC) ကလည်း ၂၀၁၈ ဒီဇင်ဘာ ၃၁ ရက်မှာ စတင်တော့မှာ ဖြစ်ပါတယ်။ ဒီလိုအခြေအနေတွေအတွက်လည်း မြန်မာက အသင့်မဖြစ်သေးပါဘူး။

“အမေရိကန်နဲ့ တရုတ်ဆိုတာ ကမ္ဘာ့နံပါတ် (၁) နဲ့ နံပါတ် (၂) ပေါ့။ အမေရိကန်ကစပြီး ကုန်ပစ္စည်းအမျိုး ၈၀၀ ကို ပထမ ၃၄ ဘီလျံ၊ နောက်တော့ ဘီလျံ ၅၀၊ အခုဆို ဘီလျံ ၂၀၀ အထိ အကောက်ခွန် စည်းကြပ်မယ် ဆိုတော့ တရုတ်ကနေ အမေရိကန်ဆီ ပို့နေတဲ့ ကုန်တွေက အမေရိကန်မှာ ဈေးကြီးသွားမယ်။ ဈေးကြီးသွားမယ်ဆိုတော့ အ၀ယ်နည်းသွားမယ်။ အ၀ယ်နည်းသွားရင် တရုတ်က Export Promotion လုပ်နေတာဆိုတော့ သူတို့ US Market Only ဆိုတဲ့ ကုန်ပစ္စည်း အကောင်းစားတွေ အမေရိကန်ကို ပို့မရရင် သူတို့ဘာလုပ်မလဲ။ အဲဒီတော့ အိမ်နီးနားချင်း နိုင်ငံတွေကို ရောက်ဖို့များတော့ လူသုံးကုန်၊ လျှပ်စစ်၊ IT ပစ္စည်းတွေက အစပေါ့။ အမေရိကန်က မ၀ယ်ရင် အာဆီယံနိုင်ငံတွေဆီ ဈေးချိုချိုနဲ့ ထုတ်ရောင်းမယ့်သဘော ရှိတာပေါ့။

နောက်တစ်ချက်က အမေရိကန်ကနေ သူတို့ဝယ်မယ့် ပစ္စည်းတွေကိုလည်း ၂၅ ရာခိုင်နှုန်း အကောက်ခွန် စည်းကြပ်မှု တင်လိုက်တယ်။ ဘီလျံ ၅၀ အပေါ် စည်းကြပ်လိုက်တယ်။ ဆိုတော့ တရုတ်ကနေ အမေရိကန်ဆီ အဓိက သွားတာက ပဲပုပ်စေ့။ နောက်ပြီး ဟင်းသီးဟင်းရွက်၊ အသားငါး နည်းနည်းရှိတယ်။ အဲဒါတွေကို ဈေးတင်လိုက်ပြီဆိုတော့ သိပ်မ၀ယ်နိုင်တော့ဘူးပေါ့။ အဲဒီလိုဖြစ်နေတယ်။ အဓိက,ကတော့ အသေးစား၊ မော်တော်ကား၊ ၀ီစကီတို့ပေါ့။ မြန်မာက ဘာလုပ်လို့ရလဲဆိုရင် ပဲမျိုးစုံကို များများရောင်းဖို့ အခွင့်ကြုံတုန်း လုံးပန်းရမယ်။ စိုက်ပျိုးရေးသီးနှံ ကုန်သည်တွေရဲ့အလုပ်။ ဆန်လည်း ပိုပြီးရောင်းနိုင်အောင် ကြိုးစားရမယ်။ နောက်ပြီးတော့ တကယ်လို့ တော်လို့ရှိရင်ပေါ့။ အမေရိကန်က ၀ီစကီမသွင်းတော့ဘူး။ တို့ဆီက ၀ီစကီသွင်းနေတယ်။ ဘော်ဒါတွေကနေ ကုန်သည်တွေ သွားရောင်းရင် အမြတ်အစွန်း ရနိုင်တာပေါ့။ အဲဒီတော့ ဆိုလိုတာက ကမ္ဘာ့နံပါတ် (၁) နဲ့ (၂) ရဲ့ ကုန်သွယ်မှု ထိပ်တိုက်ဖြစ်တာကို တချို့ကလည်း Trade War လို့ သုံးတယ်ပေါ့။ ကုန်သွယ်မှု စစ်ပွဲသဘောမျိုးပေါ့။ အဲဒါဆိုရင် သူတို့နှစ်ခုစလုံးက WTO ကို ၀င်ထားတာဆိုတော့ ကုလသမဂ္ဂက ၀င်ကိုင်တွယ်ရမှာပေါ့။ သူတို့ဆီက ဖြစ်လာမယ့် ကိစ္စတွေက အခုနက ပြောသလို မြန်မာနိုင်ငံကလူတွေ ထိုင်မနေဘဲ အမြတ်ထုတ်တတ်ရင် ရမယ်ပေါ့။ နောက်တစ်ခုက AEC ဖြစ်လာရင်ပေါ့။ ဒါက သိပ်ပြီး ပြဿနာ မရှိနိုင်ဘူး။ ဘာလို့ မရှိဘူးလဲဆိုရင် ထိုင်းတို့၊ စင်ကာပူတို့ မလေးရှားတို့ ပစ္စည်းတွေက တန်းစီအောတိုက်ပြီး ၀င်နေတာက Securest ဖြစ်နေပြီ။ ဒီ့ထက်ပိုပြီး ထပ်ဝင်လာစရာလည်း မရှိဘူး။ ဘာရှိမလဲဆို ကိုယ်ကတော်လို့ရှိရင် အစားအစာ၊ ဆေးဝါးလုံခြံမှု (Food, Medical Security) မရှိဘူး။ ပြီးတော့ Standardization လို့ခေါ်တဲ့ စံထားသတ်မှတ်ချက် မရှိဘူး။ လွတ်လွတ်လပ်လပ် ၀င်နေတဲ့ဟာတွေကို စံနှုန်းတွေ သတ်မှတ်ပြီးတော့ စိတ်မချရတဲ့ပစ္စည်း၊ ဒီမှာ မှတ်ပုံတင်မထားတဲ့ပစ္စည်း ၀င်မရဘူး ဆိုတာမျိုး လုပ်လို့ရတယ်။ လွတ်လွတ်လပ်လပ် ဆိုပေမယ့် ဒီလိုစံနှုန်းတွေက တစ်ကမ္ဘာလုံး တားပိုင်ခွင့်ရှိတဲ့ ကုန်သွယ်ရေး စနစ်တစ်ခု။ အဲဒီနည်းတွေနဲ့ ပြန်ကိုင်လို့ရတယ်” လို့ စီးပွားရေးပညာရှင် ဦးလှမောင်က ပြောပါတယ်။

မြန်မာ့ပုံရိပ် မြှင့်တင်ရေး၊ Doing Business နဲ့ Trade War မှာ ဘာတွေပြင်ထားမလဲ

ဇူလိုင် ၆ ရက်က ကယ်လီဖိုးနီးယားရှိ လောင်းဘိခ်ျဆိပ်ကမ်းတွင် ဆိုက်ကပ်ထားသော သင်္ဘောတစ်စင်းပေါ်၌ China Shipping မှ ကွန်တိန်နာများ စီထားသည်ကို တွေ့ရစဉ်

ဆိုးဆိုးရွားရွား ကျဆင်းနေတဲ့ အထဲမှာ မြန်မာနိုင်ငံအတွက် ပထမဆုံး ဆွဲတင်သင့်တာက NLD အစိုးရလက်ထက်မှာ ပြန်ပြီးတော့ ကျဆင်းသွားတဲ့ Doing Business မှာ အဆင့်ပြန်လည် မြင့်တက်ရေးပါ။

တရားဥပဒေစိုးမိုးရေး၊ တရားစီရင်ရေးကာလ၊ လာဘ်ပေးလာဘ်ယူကစလို့ ရေ၊ မီး စတဲ့ ရင်းနှီးမြှုပ်နှံသူတွေ ကြုံရနိုင်တဲ့ ကဏ္ဍမျိုးစုံအားလုံးပါအောင် တွက်ချက်အမှတ်ပေးတဲ့ Doing Business မှာ အဆင့်ပြန်ပြီး ကောင်းမွန်လာရေး ကြိုးပမ်းမှုဟာ ၂၀၁၈ ခုနှစ် ညွှန်းကိန်းမှာ အဆင့်ပြန်လည် တက်လာမလားဆိုရင် လက်ရှိအနေအထား အရတော့ မလွယ်ကူသေးပါဘူး။

စီးပွားရေးလုပ်ငန်းတစ်ခု စတင်ခြင်း၊ အဆောက်အအုံ ဆောက်လုပ်ခွင့် ရယူခြင်း၊ လျှပ်စစ်သွယ်တန်းရယူခြင်း၊ မြေနှင့်အိမ်ရာ အဆောက်အအုံ မှတ်ပုံတင်ခြင်း၊ ချေးငွေရယူခြင်း၊ အနည်းစုသော ရင်းနှီးမြှုပ်နှံသူများကို အကာအကွယ်ပေးခြင်း၊ အခွန်များပေးဆောင်ခြင်း၊ ပြည်ပသို့ ကုန်သွယ်ခြင်း၊ စာချုပ်များ သဘောတူညီမှု အာဏာတည် လိုက်နာစေခြင်း၊ ဒေ၀ါလီခံမှုကို ဖြေရှင်းခြင်း စတဲ့အချက်တွေမှာ ၂၀၁၈ ရလဒ်မြင့်တက်ဖို့ ထူးထူးခြားခြား ကြိုးပမ်းနိုင်တာ မရှိဘဲ အမြင့်ဆုံး စွမ်းဆောင်ရည်က ကွာလှမ်းမှုရမှတ် (DTF Score) တွေမှာ အဆင့်တက်ဖို့ သိပ်မလွယ်ပါဘူး။ ကဏ္ဍတစ်ခုဖြစ်တဲ့ ဒေ၀ါလီခံမှုကို ဖြေရှင်းခြင်း အတွက်ဆိုရင် လူမွဲအဖြစ်ခံယူမှု ဥပဒေ (Insolvency Law) ဟာ ဥပဒေပြဋ္ဌာန်းဖို့တောင်မှ မလုပ်နိုင်သေးတာနဲ့ တချို့လုပ်ငန်း ဆောင်ရွက်မှုတွေက၂၀၁၈ အညွှန်းကိန်း သတ်မှတ်ချိန် ကာလအတွင်း မလုပ်နိုင်ခဲ့တာကြောင့် ၂၀၁၇ ခုနှစ်မှာ နိုင်ငံပေါင်း ၁၉၀ ထဲက အဆင့် ၁၇၁ မှာ ရပ်တည်နိုင်ခဲ့တာထက် မဆိုးသွားဖို့ဘဲ ဆုတောင်းရမှာပါ။

နောက်တစ်ချက် ကမ္ဘာ့ဘဏ်ကနေပြီးတော့ Doing Business မှာ အဆင့်ပြန်တက်ဖို့ အချက်ငါးချက် အကြံပြုထားပေမယ့် ဒီအချက်တွေကို မြန်မာနိုင်ငံဘက်က လုံးဝနီးပါး လုပ်ဆောင်နိုင်မှု မရှိသေးတာကလည်း အဆင့်တက်ဖို့ မဖြစ်နိုင်တဲ့ အခြေအနေမျိုးပါ။

ဥပမာအားဖြင့် Credit Bureau ကို ခွင့်ပြုလိုက်ပေမဲ့လည်း အကောင်အထည်ဖော်နိုင်ဖို့ သုံးနှစ်လောက် အချိန်ယူရမှာ၊ အခွန်ပေးဆောင်မှုတွေမှာ လာဘ်ပေးလာဘ်ယူတွေ ရှိနေဆဲ ဖြစ်နေတာ၊ အစိုးရအဖွဲ့ကနေ အဆင့်ဆင့်တင်ပြ၊ ဆင်းပြီးစစ်၊ အောက်ခြေ ပြန်ရောက်နဲ့ လုပ်ငန်းအသေးလေး တစ်ခုတောင်မှ ခြောက်လ၊ တစ်နှစ် ကြာတဲ့အထိ ဖြစ်လာတာတွေကို ပြင်ဆင်ဖို့ လိုအပ်မှာပါ။

“Rank (အဆင့်) ကတော့ တက်ချင်မှ တက်မှာပေါ့။ ဘာကြောင့်လဲဆို တခြားနိုင်ငံတွေကလည်း ကြိုးစားနေတာ။ ကျွန်တော်တို့ ကြိုးစားသလို တခြားနိုင်ငံတွေလည်း ကြိုးစားနေတာ။ စင်ကာပူတို့ ဆိုရင်လည်း ကြိုးစားနေရင်း အဆင့် (၁) ကနေ အဆင့် (၃) ပြန်ရောက်သွားပြီး သူ့နောက်ကသူတွေ တက်သွားတာတို့။ ကျွန်တော်တို့လည်း အလားတူပါပဲ။ သို့သော် အမှတ်ကတော့ အရင်ကထက်ကောင်းမယ် ထင်ပါတယ်” လို့ ဒုတိယသမ္မတ ဦးမြင့်ဆွေက Doing Business မှာ အဆင့်တက်ခြင်း မတက်ခြင်းအပေါ် ပြောကြားပါတယ်။

တကယ်တော့ ညွှန်းကိန်းတွေကို သတ်မှတ်ရာမှာ ပုံသေနည်းရှိတယ် ဆိုပေမဲ့ အုပ်ချုပ်တဲ့အစိုးရအပေါ် အမြင်မကြည်မှု၊ အဆင့်တွေ သတ်မှတ်ဖို့ စစ်တမ်းကောက်ယူချိန်တွေက မြန်မာနိုင်ငံမှာ  သီးနှံစိုက်ပျိုးချိန် မဟုတ်လို့ အလုပ်မရှိတာမျိုး၊ ရေကြီးရေလျှံနေလို့ အစိုးရက ဂရုမစိုက်နိုင်တာမျိုး၊ လာပြီးတော့  စစ်တမ်းကောက်ယူတဲ့ ကာလတွေနဲ့ မြန်မာ့ရေမြေ အခြေအနေအရ အလုပ်မလုပ်တဲ့ အချိန်ကာလမျိုး ဖြစ်နေမယ်ဆိုရင် စစ်တမ်းအမှန်ထွက်မှာ မဟုတ်ပါဘူး။ ဒီလို စစ်တမ်းအမှန် မထွက်နိုင်ဘူး ဆိုပေမဲ့လည်း ၀န်ကြီးဌာနတွေ လျှော့ချပြီး ကြိုးနီစနစ် မလျှော့နိုင်တာ၊ ငါးကြီးကြီးလည်း မဖမ်းနိုင်၊ ငါးသေးသေးလည်း မတားနိုင်ဘဲ ပေါ်တင်တောင်းခံနေတဲ့ လာဘ်ပေးလာဘ်ယူမှုတွေ ဆက်ရှိနေတာ တွေကလည်း မြန်မာနိုင်ငံအတွက် အားနည်းချက် ဖြစ်နေတဲ့အပြင် ၀န်ကြီးဌာနတွေတိုင်းမှာ ၀န်ထမ်းတစ်ယောက်ချင်းစီ၊ အဆင့်တိုင်းစီအတွက် တာဝန်ယူမှု၊ တာဝန်ခံမှု အလေ့အထ မရှိတာကလည်း မြန်မာနိုင်ငံဟာ ၀ါးအစည်းပြေနေတဲ့နိုင်ငံလို့ မြင်စေတဲ့ ဖြစ်ရပ်ပါ။ ဒီလိုအခြေအနေတွေကို ကျော်လွှားဖို့ဆိုရင် ၀န်ကြီးဌာနတိုင်းမှာ အဆင့်အလိုက် တာဝန်ယူမှု၊ တာဝန်ခံမှုနဲ့ တင်ပြလာတဲ့ လုပ်ငန်းတစ်ခုကို အချိန်ဘယ်လောက်အတွင်း လုပ်ကိုလုပ်ရမယ်ဆိုတဲ့ ဆုပေးဒဏ်ပေး Standard Operation Procedure တွေ မဖြစ်မနေရေး ဆွဲသတ်မှတ်ဖို့ လိုပါလိမ့်မယ်။ ဒါမှလည်း လာဘ်ငွေမရရင် အချိန်ဆွဲတဲ့ ၀န်ကြီးဌာနတွေရဲ့ အလေ့အထတွေကို တစ်ဖက်တစ်လမ်းက လျှော့ချနိုင်မှာပါ။

“နံပါတ် (၁) အနေနဲ့ ကြိုးနီစနစ်တွေကို လျှော့ချရမယ်။ ပိုပြီးလျော့အောင်လုပ်ရမယ်။ နံပါတ် (၂) က Business Friendly ဖြစ်အောင် ပိုပြီးလုပ်ရမယ်။ လုပ်ငန်းတွေ ပိုပြီးတော့ လွယ်ကူအောင်လုပ်ရမယ်။ တချို့သော အခွန်နှုန်းထားတွေကို ပြန်လည်ပြင်ဆင်ပြီးတော့ လျှော့သင့် လျှော့ထိုက်တာတွေ ပြန်ပြီးလျှော့ချရမယ်။ ဒါတွေက အဆိုးဆုံး အခြေအနေအတွက် ကြိုတင်ပြင်ဆင် ထားဖို့ပေါ့။ ဘာကြောင့်လဲဆိုတော့ အမေရိကန်ကလည်း ကမ္ဘာ့စီးပွားရေး အင်အားကြီးနိုင်ငံ၊ တရုတ်ကလည်း ဒုတိယ စီးပွားရေး အင်အားကြီးတဲ့နိုင်ငံ ဖြစ်တဲ့အခါကျတော့ ဒါကိုသူတို့ရဲ့ ဂုဏ်သိက္ခာအရ အလျှော့ပေးမှာ မဟုတ်ဘူး။ အရှုံးပေးလို့ မရတဲ့ အခါကျတော့ နှစ်ဖက်စလုံးကလည်း တစ်ဖက်နဲ့တစ်ဖက် စောင့်ကြည့်ပြီး အခြေအနေ အတိုင်းအတာအရ ကစားနေတာပေါ့။ ဒါက စီးပွားရေး အားပြိုင်မှုတင် မဟုတ်ဘဲ နိုင်ငံရေး အားပြိုင်မှုဆိုလည်း ဟုတ်တယ်။ ကျွန်တော်တို့နိုင်ငံကို ပြန်ကြည့်မယ်ဆိုရင် နိုင်ငံခြား အရန်ငွေအနေနဲ့ အမေရိကန်ဒေါ်လာကို အဓိကသုံးတဲ့နိုင်ငံပေါ့။ နောက်တစ်ခု တရုတ်နဲ့ကျတော့ အဓိက ကုန်သွယ်ဖက်နိုင်ငံ။ အဓိက ရင်းနှီးမြှုပ်နှံမှုနိုင်ငံ။ ပြီးတော့ နယ်စပ်မိုင်ထောင်ချီ ထိစပ်နေတဲ့ အကြီးဆုံး အိမ်နီးချင်းနိုင်ငံ။ နောက်ပြီးတော့ ငြိမ်းချမ်းရေးမှာ တရုတ်က ပါဝင်ပတ်သက်နေတဲ့နိုင်ငံ ဖြစ်တဲ့အခါကျတော့ အမေရိကန်နဲ့တရုတ် အားပြိုင်တဲ့အခါမှာ အင်မတန်ကို သတိကြီးစွာနဲ့ စောင့်ကြည့်ဖို့ လိုပါတယ်” လို့ မူဝါဒဆိုင်ရာ စီးပွားရေးပညာရှင် ဒေါက်တာအောင်ကိုကိုက သုံးသပ်ပါတယ်။

ရခိုင်ပဋိပက္ခကြောင့် အနောက်နိုင်ငံတွေက မြန်မာနိုင်ငံဆီ ရင်းနှီးမြှုပ်နှံမှု မလာကြတော့ဘဲ Sanction လှုပ်ရှားမှုတွေ စတင်လာချိန်မှာ မြန်မာနိုင်ငံအတွက် တရုတ်နဲ့ အာရှနိုင်ငံ အချို့ကိုပဲ မျှော်လင့်ရတော့မှာပါ။ ကမ္ဘာက အမြင်စောင်းနေတဲ့ အခြေအနေမျိုးမှာ လက်ရှိစွမ်းဆောင်ရည်ဟာ အနောက်နိုင်ငံတွေက ရင်းနှီးမြှုပ်နှံမှုတွေ တစ်ဟုန်ထိုး တိုးဝင်လာဖို့ ဘယ်လိုမှ မဖြစ်နိုင်ပါဘူး။ ပိုပြီးဆိုးနေတာက မြန်မာ့အဓိက ကုန်သွယ်ဖက်နဲ့ ရင်းနှီးမြှုပ်နှံမှုနိုင်ငံဖြစ်တဲ့ တရုတ်နိုင်ငံသာ ကမ္ဘာ့စီးပွားပျက်ကပ်မှာ ပြိုဆင်းသွားရင် OBOR မှာပါလာမယ့် ကျောက်ဖြူရေနက်ဆိပ်ကမ်း စီမံကိန်း၊ ကျောက်ဖြူ အထူးစီးပွားရေးဇုန်စီမံကိန်း၊ ကျောက်ဖြူ-ကူမင်း ရထားလမ်း၊ ထိုင်းနိုင်ငံအထိ ဖောက်လုပ်ဖို့ရှိတဲ့ အမြန်ရထားလမ်း စီမံကိန်းတွေနဲ့ တရုတ် CCCC ကို ပုံအပ်ထားတဲ့ ရန်ကုန်မြို့သစ် စီမံကိန်းတွေဟာ အဟောသိကံ ဖြစ်သွားနိုင်ပါတယ်။ အနောက်နိုင်ငံတွေဆီက ရင်းနှီးမြှုပ်နှံမှု တွေကလည်း အယုံအကြည်မရှိလို့ မလာ။ တရုတ်ကလည်း ပြိုဆင်းသွားမယ်ဆိုရင် ဒီကုန်သွယ်ရေး စစ်ပွဲမှာ အထိအနာနိုင်ဆုံး နိုင်ငံဟာ မြန်မာနိုင်ငံ ဖြစ်သွားမှာ မြေကြီးလက်ခတ်မလွဲ ဖြစ်နိုင်ပါတယ်။ ဒီအခြေအနေတွေကို ကျော်ဖြတ်နိုင်ဖို့ကတော့ လက်ရှိအစိုးရရဲ့ စွမ်းဆောင်ရည်ကိုပဲ စောင့်ကြည့်ရမှာဖြစ်ပြီး အရင်ကထက် စွမ်းဆောင်ရည် မြင့်တက်ပါစေ။ မြန်မာကို ကမ္ဘာကြည့်ကြည့်ပြီး မဟာဗျုဟာမြောက် ပြင်ဆင်နိုင်ပါစေလို့ပဲ ဆုတောင်းရမှာပါ။

 

အမေရိကန်က မြန်မာဝန်ကြီးဌာနနှစ်ခုမှ တာဝန်ရှိသူများနှင့် မိသားစုဝင်များအပေါ် ပြည်ဝင်ခွင့်ဗီဇာ ပိတ်ပင်

မြန်မာဝန်ကြီးဌာန နှစ်ခုအပေါ် ဇူလိုင် ၉ ရက်မှစ၍ ပြည်ဝင်ခွင့်ဗီဇာ ပိတ်ပင်လိုက်ကြောင်း အမေရိကန်နိုင်ငံ အမိမြေ လုံခြုံရေးဌာနက ထုတ်ပြန်ထားသည်။

မြန်မာအစိုးရက ပြည်နှင်ဒဏ်ပေးသော မြန်မာနိုင်ငံသားများအား လက်ခံရေးအတွက် ပူးပေါင်းဆောင်ရွက်ခြင်း လုံးဝမရှိဟုဆိုကာ အလုပ်သမား လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် ပြည်ထဲရေးဝန်ကြီးဌာနများမှ ညွှန်ကြားရေးမှူးချုပ်မှစ၍ ဝန်ကြီးရာထူးအထိ တာဝန်ထမ်းဆောင်နေသော ပုဂ္ဂိုလ်များနှင့် အဆိုပါပုဂ္ဂိုလ်များ၏ မိသားစုဝင်များအား အမေရိကန်အမိမြေလုံခြုံရေးဌာနက အမေရိကန်နိုင်ငံခြားရေးဝန်ကြီးဌာနနှင့် ပူးပေါင်းပြီး ပြည်ဝင်ခွင့်ဗီဇာ ပိတ်ပင်လိုက်ခြင်း ဖြစ်သည်ဟု သိရသည်။

ထိုသို့ မြန်မာဝန်ကြီးဌာန နှစ်ခုမှ တာဝန်ရှိသူများနှင့် မိသားစုဝင်များအား ပြည်ဝင်ခွင့်ဗီဇာ ပိတ်ပင်ခြင်းကို အမေရိကန် အမိမြေလုံခြုံရေးဌာနနှင့် အမေရိကန်နိုင်ငံခြားရေးဝန်ကြီးဌာနတို့ ပူးပေါင်းဆောင်ရွက်ခဲ့ခြင်းဖြစ်ပြီး  ပိတ်ပင်ခံရသော ပုဂ္ဂိုလ်များသည် အမေရိကန်နိုင်ငံသို့ ၀င်ရောက်ရန် ဗီဇာမျိုးစုံအား လျှောက်ခွင့်ရမည် မဟုတ်ကြောင်း အမေရိကန်နိုင်ငံ အမိမြေ လုံခြုံရေးဌာန၏ ထုတ်ပြန်ချက်တွင် ဖော်ပြထားသည်။

အလားတူ မြန်မာနိုင်ငံနှင့်အတူ အိမ်နီးချင်း လာအိုနိုင်ငံ အကြီးအကဲအချို့နှင့် ၀န်ကြီးဌာန တစ်ခုကိုလည်း အမေရိကန်နိုင်ငံ ပြည်ဝင်ခွင့်ဗီဇာ ပိတ်ပင်ခဲ့ကြောင်း သိရသည်။

အမေရိကန်နိုင်ငံခြားရေး ဝန်ကြီးဌာနက အမေရိကန်အခြေစိုက် မြန်မာနှင့် လာအိုနိုင်ငံ သံရုံးများသို့ ပေးပို့ထားသော ညွှန်ကြားမှုနှင့် အမိမြေလုံခြုံရေးဌာနက ထုတ်ပြန်ထားသော ကြေညာချက်တွင် ဗီဇာပိတ်ပင်သော ဆုံးဖြတ်ချက် မရောက်ခင် အမေရိကန်အစိုးရက သံတမန်နည်းလမ်းများနှင့် ပြည်နှင်ဒဏ် ပေးခံရသော ပုဂ္ဂိုလ်များအား မြန်မာနှင့်လာအိုမှ လက်ခံရန် ကြိုးပမ်းဆွေးနွေးခဲ့ကြောင်း၊ သို့ရာတွင် နှစ်နိုင်ငံလုံးမှ ပြည်နှင်ဒဏ် ပေးခံရသော ပုဂ္ဂိုလ်များအတွက် ခရီးသွားလက်မှတ်၊ Passport စသည့် စီစဉ်မှုများအား မလုပ်ဆောင်ပေးသောကြောင့် အမေရိကန်နိုင်ငံ လူဝင်မှုကြီးကြပ်ရေးနှင့် နိုင်ငံသားရေးရာ ဥပဒေပုဒ်မ ၂၄၃ (ဃ) အရ ဗီဇာပိတ်ပင်ခဲ့ကြောင်း သိရသည်။

ထိုင်ဝမ်ရေလက်ကြားထဲသို့ အမေရိကန်ဖျက်သင်္ဘောနှစ်စင်း ၀င်ရောက်

Photo: Reuters

အမေရိကန်နှင့် တရုတ်ကြား၌ တင်းမာမှုတို့ မြင့်တက်နေသည့်အချိန် ဇူလိုင် ၇ ရက် က ထိုင်ဝမ်ရေလက်ကြားထဲသို့ အမေရိကန် စစ်သင်္ဘောနှစ်စင်း ၀င်ရောက်လာခဲ့သည် ဟု သိရသည်။

ထိုင်ဝမ်နှင့် တရုတ်နိုင်ငံအား ပိုင်းခြားထားသော ထိုရေလက်ကြားထဲသို့ အမေရိကန်ဖျက်သင်္ဘောများဖြစ်သည့် USS Mustin  နှင့်  USS Benfold တို့သည် ဇူလိုင် ၇ ရက် နံနက်ပိုင်းက ၀င်လာကြခြင်းဖြစ်ကြောင်း ထိုင်ဝမ်ကာကွယ်ရေးဝန်ကြီးဌာနက အတည် ပြုခဲ့သည်။

“ထိုင်ဝမ်စစ်တပ်ဟာ အိမ်နီးချင်းနယ်မြေတွေရဲ့ အခြေအနေကို စောင့်ကြည့်နေပါတယ်။ ဒေသတွင်းတည်ငြိမ်ရေးကို ထိန်းသိမ်းပြီး အမျိုးသားလုံးခြုံရေးအတွက် ကာကွယ်နိုင်စွမ်း ရှိတယ်လို့လည်း စစ်တပ်မှာ ယုံကြည်မှုရှိပါတယ်” ဟု ၀န်ကြီးဌာန၏ ထုတ် ပြန်ချက်တွင် ဖော်ပြခဲ့သည်။

အမေရိကန်စစ်သင်္ဘောနှစ်စင်းသည် ဇူလိုင် ၇ ရက်ညအထိ ရေလက်ကြား၌ ဆက်လက်တည်ရှိနေပြီးနောက် နိုင်ငံတကာ ရေပိုင်နက်ထဲသို့ ဆက်လက်ထွက်ခွာသွားသည်ဟု ၀န်ကြီးဌာနမှ အရာရှိတစ်ဦးက အေအက်ဖ်ပီ သတင်းဌာနသို့ ပြောကြားခဲ့သည်။

အမေရိကန် ပစိဖိတ်ရေတပ်တပ်ရင်းမှ ပြောခွင့်ရပုဂ္ဂိုလ် ကပ္ပတိန် ချာလီဘရောင်းကလည်း ၎င်းတို့၏ သင်္ဘောနှစ်စင်း ထိုင်ဝမ်ရေလက်ကြားထဲသို့ ဖြတ်သန်းခုတ်မောင်းခဲ့သည့်အကြောင်းကို အတည်ပြုခဲ့သည်။ သို့သော်လည်း ထိုဖြတ်သန်းမှုကို ထင်ထင်ရှားရှား မဖြစ်စေရန် လျှောချ၍ ပြောကြားခဲ့ကြောင်း သိရသည်။ “အမေရိကန်ရေတပ် သင်္ဘောနှစ်စင်းဟာ တောင်တရုတ်ပင်လယ်ကနေ အရှေ့တရုတ်ပင်လယ်ကိုသွားဖို့အတွက် ထိုင်ဝမ်ရေလက်ကြားကို ဖြတ်သန်းခဲ့ပါတယ်။ ဒီလိုမျိုးဖြတ်သန်းမှုမျိုးကို လုပ်ခဲ့တာ နှစ်ပေါင်းများစွာ ရှိနေပါပြီ” ဟု ၎င်းက ပြောကြားခဲ့သည်။

သို့သော် ယင်းဖြစ်စဉ်သည် အမေရိကန်  နှင့် တရုတ်တို့ ကုန်သွယ်ရေးစစ်ပွဲစတင်နေပြီး တရုတ်နှင့် ထိုင်ဝမ်ကြားတွင် တင်းမာမှုတို့ မြင့်တက်နေသည့်အချိန်တွင်ဖြစ်ပေါ်ခဲ့ခြင်း ဖြစ်သည်။

ပူးတွဲစစ်ရေးလေ့ကျင့်မှုများအား ထရန့် ရပ်ဆိုင်းလိုက်မှုက ကိုရီးယားတွင် မဟာမိတ်ကာကွယ်ရေးကို အားနည်းသွားစေနိုင်

၂၀၁၆ ခုနှစ် ဇူလိုင် ၆ ရက်က ပိုဟန်မြို့တွင် ပူးတွဲစစ်ရေးလေ့ကျင့်မှု၌ တောင်ကိုရီးယားနှင့် အမေရိကန် တပ်ဖွဲ့ဝင်များကို တွေ့ရစဉ် (Photo : AP)

တောင်ကိုရီးယားတွင် အမေရိကန်၏ ပူးတွဲစစ်ရေးလေ့ကျင့်မှုများအား ရပ်ဆိုင်းရန် အမေရိကန်သမ္မတ ဒေါ်နယ်ထရန့်၏ ဆုံးဖြတ်ချက်ချမှုသည် ရပ်ဆိုင်းထားသည့် အချိန်ကာလ ကြာမြင့်မှုနှင့် အတိုင်းအတာကို မူတည်၍ မဟာမိတ်များ၏ ကာကွယ်ရေးကို အားနည်းသွားစေနိုင်ကြောင်း လေ့လာသူများက သုံးသပ်ခဲ့ကြသည်။ သို့သော် သံတမန်ရေးရာ ထိခိုက်မှု အလားအလာမှာ ပိုမိုကြီးမားနိုင်ကြောင်း ၎င်းတို့က သတိပေးခဲ့ကြသည်။

ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့အကြား သမိုင်းဝင် ထိပ်သီးရလဒ်အတွက်  စည်းလုံးညီညွတ်မှုကို အမေရိကန်၊ တောင်ကိုရီးယားနှင့် ဂျပန်တို့က ဇွန် ၁၄ ရက်တွင် ပြသခဲ့ကြသည်။ သို့သော် ထရန့်က ထိုရပ်ဆိုင်းမည့်ကိစ္စအား အာရှမဟာမိတ်များအပြင် ပင်တဂွန်ကိုပါ ကြိုတင်အသိပေးရန် ပျက်ကွက်ခဲ့မှုကို တုန်လှုပ်မိခဲ့ကြောင်း အမေရိကန်-အာရှမူဝါဒရေးရာ အတွေ့အကြုံများရှိသော တာဝန်ရှိသူဟောင်းများနှင့် လေ့လာသူများက ပြောကြားခဲ့သည်။

ထိုစစ်ရေး လေ့ကျင့်မှုများသည် အဟန့်အတားများ ဖြစ်သဖြင့် အလွန်အမင်း အရေးပါကြောင်း၊ ကင်နှင့်ဆွေးနွေးရန် ထရန့်၏ ဆန္ဒရှိမှုကို ကြိုဆိုသော်လည်း ထိုဆုံးဖြတ်ချက်ကြောင့် ပင်တဂွန်အတွက် ရှုပ်ထွေးမှု ဖြစ်ပေါ်စေမှုကို သမ္မတက လျှော့တွက်ခဲ့မှုအတွက် စိုးရိမ်မိကြောင်း သမ္မတဟောင်း ဘာရက်အိုဘားမား အစိုးရလက်ထက် ကာကွယ်ရေးဝန်ကြီး ချက်ဟေဂယ်က ပြောကြားခဲ့သည်။

နည်းဗျူဟာများ၊ လုပ်ထုံးလုပ်နည်းများနှင့် အစီအစဉ်များအား အဆင့်ဆင့်ပြောင်းလဲနိုင်ရန် ရည်ရွယ်သော ကြီးမားသော ပူးတွဲစစ်ရေးလေ့ကျင့်မှုများသည် မဟာမိတ်များအကြား စည်းလုံးညီညွတ်မှုကို ပြသခြင်းဖြစ်ပြီး ရန်သူ၏ တိုက်ခိုက်မှုများအား ဟန့်တားရန် စိတ်ဓာတ်ရေးရာ စစ်ဆင်မှု၏ တစ်စိတ်တစ်ပိုင်းဖြစ်ကြောင်း လေ့လာသူများက ဆိုခဲ့သည်။

၁၉၅၃ ခုနှစ်တွင် ငြိမ်းချမ်းရေး သဘောတူညီချက်ဖြင့် မဟုတ်ဘဲ အပစ်အခတ်ရပ်စဲရေးဖြင့် ရပ်ဆိုင်းခဲ့သည့် ကိုရီးယားစစ်ပွဲအပြီးတွင် အမေရိကန်က တောင်ကိုရီးယား၌ တိုက်ခိုက်ရေး တပ်ဖွဲ့ဝင်များအား ချထားခဲ့သည်။ တောင်ကိုရီးယားနှင့် ပူးတွဲပြုလုပ်သည့် နောက်ထပ် ထင်ရှားသော စစ်ရေးလေ့ကျင့်မှုဖြစ်သော Ulchi Freedom Guardian ကို ပြီးခဲ့သောနှစ် သြဂုတ်တွင် ၁၁ ရက်ကြာ ပြလုပ်ခဲ့ပြီး အမေရိကန် တပ်ဖွဲ့ဝင် ၁၇၀၀၀ ခန့် ပါဝင်ခဲ့ကြောင်း သိရသည်။

ထိုစစ်ရေး လေ့ကျင့်မှုများသည် မြောက်ကိုရီးယား၏ မည်သည့် ရန်စမှုကိုမဆို တန်ပြန်ရန် အမေရိကန်နှင့် တောင်ကိုရီးယား၏ ကြိုတင်ပြင်ဆင်ထားမှုကို ပြသသည့် ကာကွယ်ရေးဆိုင်ရာ လုပ်ဆောင်မှုများသာ ဖြစ်ကြောင်း အမေရိကန်က အခိုင်အမာ ထုတ်ပြန်ခဲ့သည်။ သို့သော် ထရန့်က ထိုစစ်ရေး လေ့ကျင့်မှုများအား ရပ်ဆိုင်းမည်ဟု ကြေညာခဲ့ချိန်တွင် မြောက်ကိုရီးယားနှင့် တရုတ်တို့က သုံးနှုန်းလေ့ရှိသည့် “ရန်စသော” နှင့် “စစ်ပွဲသရုပ်ဖော် လေ့ကျင့်မှုများ” ဟု သုံးနှုန်းခဲ့သည်။

ထို့ပြင် ကုန်ကျစရိတ်မြင့်မားမှုက အဓိက ပူးတွဲစစ်ရေး လေ့ကျင့်မှုများအား ရပ်ဆိုင်းရခြင်း၏ အကြောင်းရင်း တစ်ချက်ဖြစ်ကြောင်းလည်း ထရန့်က ပြောကြားခဲ့သည်။ သို့သော် ထိုစစ်ရေးလေ့ကျင့်မှု အားလုံးတွင် အမေရိကန် ပါဝင်မှုအတွက် ကုန်ကျစရိတ်ကျခံသည့် ပင်တဂွန်က မည်မျှကုန်ကျကြောင်း မထုတ်ပြန်ခဲ့ပေ။

အသေးစား စစ်ရေးလေ့ကျင့်မှု တစ်ခုအတွက် ဒေါ်လာနှစ်သန်းခန့် ကုန်ကျပြီး အကြီးစား စစ်ရေးလေ့ကျင့်မှု အတွက် ဒေါ်လာ ၁၅ သန်းခန့် ကုန်ကျကြောင်း ယခင်က ခန့်မှန်းတွက်ချက်မှုရှိခဲ့ပြီး ယခုအခါ အသုံးစရိတ် ဒေါ်လာဘီလျံ ၇၀၀ ကျော်နေသော ပင်တဂွန်အတွက် ထိုကုန်ကျစရိတ်သည် မဆိုစလောက် ပမာဏသာ ဖြစ်နေသည်။

စစ်ရေးလေ့ကျင့်မှုများအား ရပ်ဆိုင်းမည့် အကြောင်းကို မဟာမိတ် တောင်ကိုရီးယားနှင့် ဂျပန်တို့အား ကြိုတင်အသိပေးရန် ပျက်ကွက်ခဲ့မှုနှင့် ကုန်ကျစရိတ်ကို အာရုံစိုက်မှုတို့က ထိခိုက်ဆုံးရှုံးနိုင်ခြေအား သုံးဆကြီးမားစေနိုင်ကြောင်း သမ္မတဟောင်း ဂျော့ဒဗလျူဘုရှ် အစိုးရလက်ထက် အမျိုးသားလုံခြုံရေး ကောင်စီမှ အာရှဒါရိုက်တာ မိုက်ကယ်ဂရင်းက သုံးသပ်ခဲ့သည်။

မြောက်ကိုရီးယားသည် နျူကလီးယား ခြိမ်းခြောက်မှု မဟုတ်တော့ကြောင်း ထရန့်က Twitter တွင် ထုတ်ပြန်မှုကိုလည်း အငြိမ်းစား အမေရိကန်ရေတပ် ဗိုလ်ချုပ်ဟောင်း ဟာရီဟားရစ်က လက်မခံခဲ့ပေ။ သို့သော် စစ်ရေးလေ့ကျင့်မှုများအား ရပ်ဆိုင်းခြင်းသည် ကင်ဂျုံအွန်အစိုးရနှင့် နျူကလီးယား ဖျက်သိမ်းရန်အတွက် ဆွေးနွေးမှုများ တိုးတက်စေရန်အတွက် အသက်ရှူပေါက် ပေးလိုက်ခြင်းဖြစ်ကြောင်း တောင်ကိုရီးယားဆိုင်ရာ အမေရိကန် သံအမတ်အဖြစ် အတည်ပြုရန် အထက်လွှတ်တော် ကြားနာမှု၌ ဟားရစ်က ရှင်းလင်း ပြောကြားခဲ့သည်။ သို့သော် စစ်ရေးလေ့ကျင့်မှုများအား ရပ်ဆိုင်းခြင်းကို တစ်ဖက်သတ် မဆုံးဖြတ်သင့်ကြောင်း ၎င်းကဆိုခဲ့သည်။

အမေရိကန် အထက်လွှတ်တော် လက်နက်ကိုင်ရေးရာ ကော်မတီဥက္ကဋ္ဌ အထက်လွှတ်တော်အမတ် ဂျွန်မက်ကိန်းကလည်း ပူးတွဲစစ်ရေး လေ့ကျင့်မှုများအား ရပ်ဆိုင်းမှုသည် မှားယွင်းမှု၊ ဆိုးရွားသော ညှိနှိုင်းဆွေးနွေးမှုဆိုင်ရာ နည်းဗျူဟာနှင့် အမေရိကန်လုံခြုံရေးကို အားလျော့စေမှုဖြစ်ကြောင်း ပြောကြားခဲ့သည်။

ဆိုးလ်တွင် တောင်ကိုရီးယား၊ ဂျပန်နှင့် တရုတ်နိုင်ငံခြားရေးဝန်ကြီးများနှင့် ပူးတွဲသတင်းစာ ရှင်းလင်းပွဲတွင် အမေရိကန် နိုင်ငံခြားရေးဝန်ကြီး မိုက်ပွန်ပီယိုက မြောက်ကိုရီးယား နျူကလီးယား ဖျက်သိမ်းရေး အောင်မြင်ရန်မှာ မဟာမိတ်များအကြား အနီးကပ်ပူးပေါင်း ဆောင်ရွက်မှုက အလွန်အမင်း အရေးပါမည် ဖြစ်ကြောင်းသာ ပြောကြားခဲ့သည်။

မြောက်ကိုရီးယားနှင့် ညှိနှိုင်းဆွေးနွေးမှုများသည် အပြုသဘော ဆောင်နေသရွေ့ ယုံကြည်မှုပြသမှုအဖြစ် စစ်ရေးလေ့ကျင့်မှုများကို ရပ်ဆိုင်းထားမည်ဖြစ်ကြောင်း၊ သို့သော် ပုံမှန်ပြုလုပ်နေကျ အသင့်ဖြစ်စေရန် လေ့ကျင့်မှု၊ ဖလှယ်မှုများကို ဆက်လက်လုပ်ဆောင် သွားမည်ဖြစ်ကြောင်း အိမ်ဖြူတော်က ထုတ်ပြန်ခဲ့သည်။ ပင်တဂွန်ကမူ Ulchi Freedom Guardian စစ်ရေးလေ့ကျင့်မှုအား ဖျက်သိမ်း သို့မဟုတ် ရွှေ့ဆိုင်းမှု လုပ်၊ မလုပ်ကိုမူ အတည်မပြုသေးပေ။

နောက်ဆုံးတွင် တောင်ကိုရီးယားရှိ အမေရိကန်တပ်ဖွဲ့ဝင် အားလုံးကို ပြန်လည်ရုပ်သိမ်းနိုင်ကြောင်း ထရန့်၏ ပြောကြားထားမှုကလည်း အမေရိကန်၏ တည်ကြည်ခိုင်မာမှုကို ဆိုးလ်နှင့် တိုကျိုတို့က သံသယ ၀င်စေမည်ဟု ၂၀၁၄ ခုနှစ်မှ ၂၀၁၆ ခုနှစ်အထိ ပင်တဂွန်၏ မူဝါဒဆိုင်ရာ ထိပ်တန်းတာဝန်ရှိအဖြစ် ထမ်းဆောင်ခဲ့သည့် Christine Wormuth က သုံးသပ်ခဲ့သည်။

Ref : AFP

ထရန့်နှင့် ကင်တို့၏ ထိပ်သီးအစည်းအဝေးအတွက် တုံ့ပြန်မှုများ

ဇွန် ၁၂ ရက်က သမိုင်းဝင် ထိပ်သီးတွင် သဘောတူညီချက် လက်မှတ်ထိုးသည့် အခမ်းအနား၌ အမေရိကန်သမ္မတ ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့ကို တွေ့ရစဉ် (Photo : AP)

စင်ကာပူ သဘောတူညီချက်က ပထမခြေလှမ်းဟု အာဘေး ပြောကြား

စင်ကာပူတွင် အမေရိကန်သမ္မတ ဒေါ်နယ်ထရန့်နှင့် မြောက်ကိုရီးယားခေါင်းဆောင် ကင်ဂျုံအွန်တို့၏ သမိုင်းဝင် ထိပ်သီးဆွေးနွေးပွဲတွင် လက်မှတ်ရေးထိုးခဲ့သော သဘောတူညီချက်သည် နျူကလီးယား ဖျက်သိမ်းရေးအတွက် ပထမအဆင့် ခြေလှမ်းဖြစ်ကြောင်း ဂျပန်ဝန်ကြီးချုပ် ရှင်ဇိုအာဘေးက ပြောကြားခဲ့သည်။ ထို့ပြင် မြောက်ကိုရီးယား၏ ပြန်ပေးဆွဲ ခံခဲ့ရသော ဂျပန်တို့၏ အရေးကိုလည်း ထရန့်က ဆွေးနွေးခဲ့ခြင်းအတွက် ကျေနပ်ကြောင်း အာဘေးက ပြောကြားခဲ့သည်။

ထရန့်နှင့် ကင်တို့ လက်မှတ်ရေးထိုးခဲ့သော သဘောတူညီချက်တွင် စစ်ပွဲအတွင်း သေဆုံးခဲ့သူများနှင့် စစ်အကျဉ်းသားများ၏ ရုပ်အလောင်းများ လွှဲပြောင်းပေးရေးကို ရည်ညွှန်းခဲ့သော်လည်း မြောက်ကိုရီးယားက ပြန်ပေးဆွဲခဲ့သူများနှင့် ပတ်သက်၍ အထူးရည်ညွှန်းမှု မပါဝင်ခဲ့ပေ။ ပြန်ပေးဆွဲခံ ဓားစာခံများအရေးကို ပြုံယမ်းနှင့် ဆွေးနွေးရန် ဂျပန်က အကြိမ်ကြိမ် တောင်းဆိုထားသည်။ ယင်းအရေးကို ကင်ဂျုံအွန်နှင့် ဆွေးနွေးခဲ့ကြောင်း ထရန့်က ပြောကြားခဲ့သည်။

ထိပ်သီးဆွေးနွေးပွဲသည် အရေးကြီးသော ခြေလှမ်းဟု ဥရောပသမဂ္ဂ ချီးကျူး

ထရန့်နှင့် ကင်ဂျုံအွန်တို့အကြား ထိပ်သီးဆွေးနွေးပွဲသည် အရေးကြီးပြီး လိုအပ်သော ခြေလှမ်းတစ်ခု ဖြစ်ကြောင်း ဥရောပသမဂ္ဂက ချီးကျူးခဲ့သည်။ ကိုရီးယားကျွန်းဆွယ်တွင် နျူကလီးယား ကင်းစင်ရေးနှင့် ကိုရီးယားနှစ်နိုင်ငံ ဆက်ဆံရေး တိုးတက်ရန်အတွက် အပြုသဘောဆောင်သော တိုးတက်မှုများအပေါ် အခြေခံ တည်ဆောက်ရန် ယခုထိပ်သီးက အရေးကြီးဟု ဥရောပသမဂ္ဂ၏ နိုင်ငံခြားရေး တာဝန်ခံ ဖက်ဒရီဂါမိုဂီရီနီက ပြောကြားခဲ့သည်။

နျူထရန့်-ကင် ထိပ်သီးသည် အပြုသဘောဆောင်သည့် ခြေလှမ်းဟု ရုရှားပြောကြား

ဒေါ်နယ်ထရန့်နှင့် ကင်ဂျုံအွန်တို့၏ ထိပ်သီးဆွေးနွေးပွဲကို အပြုသဘောဆောင်သည့် ခြေလှမ်းတစ်ခုအဖြစ် ရုရှားနိုင်ငံခြားရေးဝန်ကြီး ဆာဂေးလက်ရော့ဗ်က ကြိုဆိုခဲ့သည်။ “(ထိပ်သီးအစည်းအဝေးမှ သဘောတူ လက်မှတ်ရေးထိုးခဲ့တဲ့) အချက်အလက်တွေကို ကျွန်တော်တို့ အခုထက်ထိ မတွေ့ရသေးဘူး။ ကျွန်တော့်အထင် သူတို့ထုတ်ပြန်မှာ မဟုတ်ဘူး။ ဒါပေမဲ့ ဆွေးနွေးပွဲ ကျင်းပတယ်ဆိုတဲ့ အချက်တစ်ခုတည်းနဲ့တင် အပြုသဘော ဆောင်နေပါပြီ” ဟု လက်ရော့ဗ်က ပြောခဲ့သည်။

နျူလီးယား ဖျက်သိမ်းရေး အပြည့်အ၀ ဆောင်ရွက်ရန် တရုတ်တိုက်တွန်း

အမေရိကန်သမ္မတ ဒေါ်နယ်ထရန့်နှင့် မြောက်ကိုရီးယားခေါင်းဆောင် ကင်ဂျုံအွန် အကြား ထိပ်သီးဆွေးနွေးပွဲကို သမိုင်းဝင် ဆွေးနွေးပွဲအဖြစ် တရုတ်က  ဇွန် ၁၂ ရက်တွင် ချီးကျူးခဲ့ပြီး ကိုရီးယားကျွန်းဆွယ် တင်းမာမှုများကို ပြေလည်စေရန် နျူကလီးယားလက်နက် အပြည့်အ၀ ဖျက်သိမ်းရန် တိုက်တွန်းခဲ့သည်။ ဆုံးဖြတ်ချက်အရ မြောက်ကိုရီးယားက ၎င်း၏၀တ္တရားများကို အပြည့်အ၀ လိုက်နာမည် ဆိုပါက အမေရိကန်က အရေးယူပိတ်ဆို့မှုများကို ဖြေလျော့ပေးရေးအတွက် စဉ်းစားရန်လည်း ပေကျင်းက အဆိုပြုခဲ့သည်။

နှစ်နိုင်ငံ ခေါင်းဆောင်နှစ်ဦးသည် အတူတကွ ယှဉ်တွဲထိုင်နိုင်ပြီး တန်းတူဆွေးနွေးမှု ရှိခြင်းသည် အရေးပါပြီး အပြုသဘောဆောင်သည့် အဓိပ္ပာယ်ဖြစ်ကြောင်း၊ ယင်းသည် သမိုင်းသစ်တစ်ခုကို ဖန်တီးမှုဖြစ်ကြောင်း တရုတ် နိုင်ငံခြားရေးဝန်ကြီး ၀မ်ယီက သတင်းထောက်များကို ပြောကြားခဲ့သည်။

Ref : AFP