အီရန်၏ စစ်ပွဲ သတိပေးချက်အား ထရန့်က ပြင်းပြင်းထန်ထန် ပြန်လည် တုံ့ပြန်

ဇူလိုင် ၂၂ ရက်က နယူးဂျာစီပြည်နယ် မော်ရက်စ်တောင်းလေဆိပ်တွင် အမေရိကန်သမ္မတ ဒေါ်နယ်ထရန့်ကို တွေ့ရစဉ် (Photo: AFP)

အမေရိကန်က အစ္စလာမ္မစ်သမ္မတနိုင်ငံ အီရန်အား ဝေဖန်တိုက်ခိုက်မှုကို အရှိန်မြှင့်တင်နေချိန်တွင် အမေရိကန်သမ္မတ ဒေါ်နယ်ထရန့်က အီရန်သမ္မတ၏ စစ်ပွဲဆိုင်ရာ မှတ်ချက်များအား ဇူလိုင် ၂၂ ရက်တွင် ပြန်လည် တုံ့ပြန်ခဲ့သည်။ အမေရိကန်ပြည်ထောင်စုအား မည်သည့်အခါမျှ မခြိမ်းခြောက်ရန် သို့မဟုတ်ပါက သမိုင်းတစ်လျှောက်လုံးတွင် ထိခိုက် ခံစားခဲ့ရသူများကဲ့သို့ပင် ၎င်းတို့လည်း နောက်ဆက်တွဲ ဆိုးကျိုးများကို ခံစားရလိမ့်မည် ဖြစ်ကြောင်း ထရန့်က အီရန်သမ္မတ ဟက်ဆန်ရိုဟာနီအား တိုက်ရိုက် ရည်ရွယ်၍ Twitter တွင် ရေးသား သတိပေးခဲ့သည်။

ထရန့်သည် ခြင်္သေ့အမြီးနှင့် မကစားရန် ရိုဟာနီက ဇူလိုင် ၂၂ ရက် အစောပိုင်းတွင် သတိပေးခဲ့ပြီး အီရန်နှင့် ပဋိပက္ခသည် စစ်ပွဲအားလုံး၏ မိခင်ဖြစ်သွားမည် ဖြစ်ကြောင်း ပြောကြားခဲ့သည်။

ထရန့်သည် Twitter တွင် တန်ပြန် သတိပေးချက် တစ်ခုလုံးအား စာလုံးကြီးများဖြင့်သာ ရေးသားခဲ့ပြီး ထပ်မံ တင်ခဲ့မှုတွင် အမေရိကန်သည် ၎င်း၏ အကြမ်းဖက်မှုနှင့် သေဆုံးမှုဆိုင်ရာ ရူးနှမ်းသော စကားများကို သည်းခံသည့်နိုင်ငံ မဟုတ်တော့ကြောင်း၊ သတိထားစေလိုကြောင်း အီရန်ကို ရည်ရွယ်၍ ရေးသားခဲ့သည်။

အီရန်အစိုးရ ထိပ်တန်း တာဝန်ရှိသူများအား ပိတ်ဆို့ အရေးယူမှုပြုလုပ်ရန် ၀ါရှင်တန်က တွန့်ဆုတ်နေခြင်း မရှိကြောင်း အမေရိကန်နိုင်ငံခြားရေးဝန်ကြီး မိုက်ပွန်ပီယိုက ဇူလိုင် ၂၂ ရက် ညတွင် ကယ်လီဖိုးနီးယားတွင် ပြည်ပရောက် အီရန်နိုင်ငံသားများ အစုအဝေးအား အဓိက မိန့်ခွန်းပြောကြားမှု၌ သတိပေးခဲ့ပြီးနောက် ထရန့်၏ မှတ်ချက်များ ထွက်ပေါ်လာခဲ့ခြင်း ဖြစ်သည်။

၂၀၁၅ ခုနှစ်တွင် ရရှိခဲ့သော အီရန်နျူကလီးယား အစီအစဉ်ဆိုင်ရာ သဘောတူညီချက်မှ အမေရိကန်က နုတ်ထွက်ခဲ့ပြီးနောက် ထုတ်ပြန်ခဲ့သော တင်းမာသည့် ရပ်တည်ချက်တွင် အီရန်သည် ပဲ့ထိန်းဒုံး စီမံကိန်းများ၊ ယီမင်မှသည် ဆီးရီးယားအထိ ဒေသဆိုင်ရာ ပဋိပက္ခများတွင် ၀င်ရောက် စွက်ဖက်မှုများအား အဆုံးသတ်လျှင် အမေရိကန်က ပိတ်ဆို့ အရေးယူမှုသစ်များ ချမှတ်မှုမှ ရုပ်သိမ်းပေးမည် ဖြစ်ကြောင်း ပွန်ပီယိုက ပြောကြားခဲ့သည်။ အမေရိကန်၏ ထိုခြိမ်းခြောက်မှုအား ရိုဟာနီက ဇူလိုင် ၂၂ ရက်တွင် ချက်ချင်း ပယ်ချခဲ့ပြီး အမေရိကန်သည် အီရန်ပြည်သူများ၏ ကိုယ်ပိုင်လုံခြုံရေးနှင့် အကျိုးစီးပွားများအား ရန်စ၍ မရကြောင်း သတိပေးခဲ့သည်။

ပွန်ပီယို၏ မိန့်ခွန်း မပြောကြားမီ ရိုဟာနီက အီရန်သည် ရေနံတင်ပို့သည့် အလွန်အမင်း အရေးပါသော အပြည်ပြည်ဆိုင်ရာ လမ်းကြောင်းတစ်ခုဖြစ်သည့် မဟာဗျူဟာမြောက် ဟော်မုဇ်ရေလက်ကြားကို ပိတ်ပစ်နိုင်ကြောင်း ရုပ်သံမိန့်ခွန်းတွင် သတိပေးခဲ့သည်။ အီရန်ဘာသာရေး ခေါင်းဆောင် အယာတိုလာအလီခါမေနီကလည်း အမေရိကန်၏ စကားများ၊ ၎င်းတို့၏ အပြုအမူများသည် ယုံကြည်၍ မရသဖြင့် အမေရိကန်နှင့် ညှိနှိုင်းမှုများသည် အသုံးမ၀င်ကြောင်း ဇူလိုင် ၂၁ ရက်တွင် ပြောကြားခဲ့သည်။

ဝါရှင်တန်သည် နိုင်ငံအားလုံးအား အီရန်သို့ ရေနံတင်ပို့မှုများကို နိုဝင်ဘာ ၄ ရက် မတိုင်မီ သုည အနေအထားအထိ လျှော့ချရန် တိုက်တွန်းလိုကြောင်း၊ မလိုက်နာပါက အမေရိကန်၏ ပိတ်ဆို့အရေးယူမှုများ ကြုံတွေ့ရမည် ဖြစ်ကြောင်း ပွန်ပီယိုက သတိပေးခဲ့သည်။

ဥရောပသမဂ္ဂက နယ်စပ်နှင့် ရွှေ့ပြောင်းအခြေချမှုအတွက် ဘတ်ဂျက်ကို သုံးဆတိုးမြှင့်ရန် ကြိုးပမ်း

ဇွန် ၁၂ ရက်က ဥရောပပါလီမန်တွင် အီရန်နျူကလီးယား သဘောတူညီချက်မှ အမေရိကန် နုတ်ထွက်မှု၏ သက်ရောက်မှုနှင့် တုံ့ပြန်မှုကိစ္စရပ်များကို ဆွေးနွေးနေကြစဉ် (Photo – AFP)

၂၀၂၀ ပြည့်နှစ်လွန် ဘတ်ဂျက်တွင် ယူရို ၃၅ ဘီလျံကို ဖယ်ထားပြီးနယ်စပ်လုံခြုံရေး နှင့် ဒုက္ခသည်များအား ထိန်းချုပ်ဟန့်တားရေးအတွက် ရန်ပုံငွေကို သုံးဆတိုးမြှင့်ပေးရန် ဥရောပသမဂ္ဂသည် ဇွန် ၁၂ ရက်က အဆိုပြုခဲ့သည်။

ရွှေ့ပြောင်းအခြေချသူတစ်သန်းကျော် ၀င်ရောက်ခဲ့ပြီးနောက် ကသောင်းကနင်း အခြေအနေများမြင့်တက်ခဲ့ပြီး နိုင်ငံရေးကွဲ လွဲမှုများကြီးထွားခဲ့သည့် ၂၀၁၅ ခုနှစ်က ရရှိခဲ့သည့် သင်ခန်းစာအပေါ်အခြေခံပြီး ဥရောပ ကော်မရှင် (ဥရောပသမဂ္ဂ၏ အမှုဆောင်အ ဖွဲ့) က ယခုကဲ့သို့ အဆိုပြုခဲ့ခြင်း ဖြစ်သည်။

အာဖရိကရွှေ့ပြောင်းအခြေချများကို သယ်ဆောင်ထားသော ကယ်ဆယ်ရေးလှေ တစ်စင်းကို အီတလီနှင့် မော်လ်တာတို့က ပြန်လွှတ်ခဲ့ပြီးနောက် လူဝင်မှုကြီးကြပ်ရေးနှင့် ပတ်သက်၍ တင်းမာမှုများ တဖန်ပြန်လည် မြင့်တက်လာစဉ်ယခု တောင်းဆိုမှုထွက်ပေါ်လာခြင်းလည်း ဖြစ်သည်။

အပိုထပ်ဆောင်းရန်ပုံငွေများကို နယ်စပ်များ၌ အင်အားဖြည့်ရန်နှင့် စီးပွားရေးအရ ရွှေ့ပြောင်းအခြေချသူများအား ရပ်တန့်ရန်၊ နေရပ်သို့ ပြန်ပို့ရန်တို့တွင် အသုံးပြုသွားမည်ဖြစ်သည်ဟု ကော်မရှင်က ဆိုသည်။ သို့သော် ဒုက္ခသည် အစစ်အမှန်များကိုမူ ခွင့်ပြုကာ ပူးပေါင်းဆောင်ရွက်သွားမည်ဟု ကတိပြုခဲ့သည်။

“စိန်ခေါ်မှုဟာ ပိုပြီးကြီးမားတဲ့အတွက် ရင်းမြစ်များများ ပိုလိုအပ်လာပါတယ်။ ဒါကြောင့် အဲဒီကဏ္ဍမှာ ကျွန်တော်တို့ ရန်ပုံငွေကို သုံးဆနီးပါးတိုးမြှင့်ဖို့ အဆိုပြုတာ ဖြစ်ပါတယ်” ဟု ဥရောပလူဝင်မှုကြီးကြပ်ရေး ကော်မရှင်နာဖြစ်သူ ဒီမီထရစ်အက်ဗာရမ်ပိုလို့စ်က ပြောခဲ့သည်။ ၂၀၂၁ -၂၀၂၇ ဘတ်ဂျက်တွင် လူဝင်မှုကြီးကြပ်ရေးနှင့် နယ်စပ်ထိန်းချုပ်ရေးအတွက် ယူရို ၃၄ ဒသမ ၉ ဘီလျံ ဖယ်ထားပေးရန် ဘရပ်ဆဲက တောင်းဆိုခဲ့ခြင်း ဖြစ်သည်။ ယင်းသည် လက်ရှိ ၂၀၁၄-၂၀၂၀ ဘတ်ဂျက်ဖြစ်သော ယူရို ၁၃ ဘီလျံထက် သုံးဆနီးပါး မြင့်တက်သွားခြင်း ဖြစ်သည်။

Brexit  နောက်ပိုင်း ဗြိတိန်၏ ထည့်ဝင်မှုကို ဆုံးရှုံးလိုက်ရခြင်းကို ဖာထေးရန်အတွက် ဆင်းရဲသော ဒေသများဖွံ့ဖြိုးရေးနှင့် စိုက်ပျိုးရေးကဏ္ဍတို့ကို ဝေစုကြီးကြီးပေးပြီး ၂၀၂၀ နောက်ပိုင်းအတွက် ဘတ်ဂျက်ကို ယူ ရို ၁ ဒသမ ၃ ထရီလျံ ထားရှိပေးရန် ပြီးခဲ့သည့်လတွင် ကော်မရှင်က အဆိုပြုခဲ့သည်။

၂၀၁၉ ခုနှစ် မေလတွင် ပြုလုပ်မည့် ဥရောပ ပါလီမန်ရွေးကောက်ပွဲများ (ဗြိတိန်နုတ်ထွက်သွားပြီး နှစ်လအကြာ) မတိုင်မီ ဘတ်ဂျက်သစ်ကို အဖွဲ့ဝင်နိုင်ငံများက အတည်ပြုပေးရန် ကော်မရှင်က လိုလားနေခြင်း ဖြစ်သည်။ နယ်စပ်ထိန်းချုပ်မှုနှင့် ပတ်သက်၍ တောင်းဆိုမှုထဲတွင် ဥရောပနယ်စပ်နှင့် ကမ်းရိုးတန်းစောင့်အင်အားကို လက်ရှိ ၁၅၀၀ မှ အင်အား ၁၀၀၀၀ အထိ မြှင့်တင်ရေးလည်း ပါဝင်သည်။ ရွှေ့ပြောင်းအခြေချမှုအား လျှော့ချခြင်းအပြင် ငွေစက္ကူအတုများ သို့မဟုတ် အန္တရာယ်ရှိ ကုန်ပစ္စည်းများအား အကောက်ခွန်မှ ထိန်းချုပ်မှုကို တိုးမြှင့်သွားမည် ဖြစ်သည်။

Ref ; AFP

အီရန်နျူကလီးယား သဘောတူညီချက်မှ အမေရိကန်နုတ်ထွက်ခဲ့ပြီးနောက် ပင်လယ်ကွေ့ဒေသတွင် မရေရာဖြစ်နေဟု အမေရိကန်ရေတပ် သုံးသပ်

၂၀၁၂ ခုနှစ် အောက်တိုဘာ ၈ ရက်က Bab el- Mandeb ရေလက်ကြား ဖြတ်သန်းသည့်နေရာ၌ အမေရိကန်လေယာဉ်တင်သင်္ဘော USS Enterprise (၀ဲ) နှင့် ပဲ့ထိန်းဒုံးတပ် ဖျက်သင်္ဘော USS Nitze ကို တွေ့ရစဉ် (Photo – AFP)

အမေရိကန်သမ္မတ ဒေါ်နယ်ထရန့် က အီရန်နျူကလီးယား သဘောတူညီမှုမှ နုတ်ထွက်ရန် ဆုံးဖြတ်ခဲ့ပြီးနောက် ပင်လယ်ကွေ့တွင် အီရန်၏ ပြုမူဆောင်ရွက်မှုများသည် မရေရာမှု ကာလတစ်ခုကို ချင်းနင်းလာပြီဟု အမေရိကန်ရေတပ် အကြီးအကဲက မေ ၁၄ ရက်တွင် ပြောကြားခဲ့သည်။

မကြာသေးမီနှစ်များအတွင်း အီရန်စစ်တပ်၏ အခွဲဖြစ်သော အစ္စလာမ္မစ်တော်လှန်ရေး အစောင့်တပ်ဖွဲ့နှင့် ပင်လယ်ကွေ့ရှိ အမေရိကန်စစ်တပ်အကြား ရံဖန်ရံခါ ထိပ်တိုက်ရင်ဆိုင်မှုများရှိခဲ့သော်လည်း ယမန်နှစ်မှစပြီး ကြီးမားသည့်ဖြစ်စဉ် မရှိခဲ့ပေ။

မေ ၈ ရက်တွင် ထရန့်က အီရန်နျူကလီးယား သဘောတူညီမှုမှ အမေရိကန်နုတ်ထွက်မည်ဟု ထုတ်ပြန်ခဲ့မှုသည် အီရန်က မည်သို့တုံ့ပြန်မည်နှင့်ပတ်သက်သည့် မေးခွန်းများ ဦးတည်စေခဲ့သည်။

“မရေရာမှုကာလတစ်ခုကို ကျွန်တော်တို့ ရောက်ရှိနေပြီ။ ကျွန်တော်တို့ ပုံမှန်ထက် သတိပေးချက်တွေ ထုတ်ပြန်ထားတယ်” ဟု ရေတပ်စစ်ဆင်ရေးအရာရှိချုပ် ဗိုလ်ချုပ်ကြီး ဂျွန်ရစ်ချက်ဆန်က ပြောကြားခဲ့သည်။ ထရန့်ဆုံးဖြတ်ချက်ကို ထုတ်ပြန်ပြီးနောက် အီရန်၏ ပြုမူဆောင်ရွက်မှုက ယခုအချိန်ထိ ပြောင်းလဲမှု မရှိသေးသော်လည်း အနီးကပ် စောင့်ကြည့်နေသည်ဟု ၎င်းက ပြောကြားခဲ့သည်။

အပြန်အလှန်ဆက်သွယ်မှုများသည်  ပရောဖက်ရှင်နယ်ပီသပြီး လုံခြုံမှုရှိနေဆဲဟု ၎င်းက ပြောကြားခဲ့သည်။ ၂၀၁၇ ခုနှစ်နှင့် ၂၀၁၆ ခုနှစ်တွင် အီရန်တော်လှန်ရေးတပ်ဖွဲ့ ရေယာဉ်များသည် မကြာခဏ နောက်ယောင်ခံလိုက်ကြပြီး အမေရိကန်သင်္ဘောများဆီသို့ ဦးတည်မောင်းနှင်မှုများ လုပ်ဆောင်ခဲ့သည်ဟု အမေရိကန်ရေတပ်က ထုတ်ပြန်ခဲ့သည်။

နောက်ဆုံးဖြစ်စဉ်တစ်ခုတွင် အမေရိကန်သင်္ဘောသားများသည် အချက်ပြမီး ပစ်လွှတ်ခဲ့ပြီး အီရန်ရေယာဉ်များကို ပြန်လှည့်ရန် သတိပေးပစ်ခတ်ခဲ့ရသည်။

ရစ်ချက်ဆန်သည် ဗာဂျီးနီးယားကမ်းလွန်ပင်လယ်ပြင်မိုင် ၁၀၀( ၁၆၀ ကီလိုမီ တာ) အကွာတွင် ပြင်သစ်သင်္ဘောသားနှင့် ရဟတ်ယာဉ်မှူး ၃၀၀ ကျော်နှင့် ပူးတွဲလေ့ကျင့်မှု ပြုလုပ်နေသည့် USS George H.W.Bush သင်္ဘောသို့ တစ်ရက်ကြာ သွားရောက်ခဲ့ပြီးနောက် သတင်းထောက်များကို ယင်းကဲ့သို့ ပြောကြားခဲ့ခြင်း ဖြစ်သည်။

ပြင်သစ်လေယာဉ်တင်သင်္ဘော Charles de Gaulle သည် လတ်တလောတွင် ပြုပြင်ထိန်းသိမ်းမှု လုပ်ဆောင်နေသည့် အတွက် ၎င်း၏ Rafale လေယာဉ်မှူးနှင့် အမှုထမ်းများသည် USS George H.W.Bush နှင့်အတူ လေ့ကျင့်မှုများ လုပ်ဆောင်နေသည်။

ပင်လယ်ကွေ့ရှိ အမေရိကန်လေယာဉ် တင်သင်္ဘောတစ်စင်းပေါ် ဆင်းသက်ရန်ပြင်ဆင်နေသည့် အမေရိကန် စစ်လေယာဉ်များမှ ပေ ၁၀၀ ( မီတာ ၃၀) အကွာအဝေးအတွင်း အီရန်မောင်းသူမဲ့လေယာဉ်တစ်စင်းက ၀င်ရောက်ခဲ့သည်ဟု အမေရိကန်တာဝန်ရှိသူများက ယမန်နှစ် သြဂုတ်တွင် ပြောကြားခဲ့သည်။

Ref ; AFP

ထရန့်က အီရန်နျူကလီးယားသဘောတူညီချက်မှနုတ်ထွက်၊ မထွက် မဆုံးဖြတ်မီ အီရန်က ပြဿနာကြုံရနိုင်ဟု အီရန်သမ္မတ သတိပေး

မေ ၆ ရက်က နိုင်ငံအနောက်မြောက်ပိုင်းရှိ ဆက်ဇီဗာမြို့တွင် စုဝေးမှုတစ်ခု၌ သမ္မတ ရိုဟာနီက နှုတ်ဆက်နေစဉ် (Photo – AFP)

အမေရိကန်သမ္မတ ဒေါ်နယ်ထရန့်က အီရန်နှင့် ကမ္ဘာ့အင်အားကြီးနိုင်ငံအချို့ အကြားရရှိခဲ့သည့် အီရန်နျူကလီးယား သဘောတူညီချက်မှ နုတ်ထွက်၊ မထွက်ကို မကြေညာသေးမီ အီရန်သမ္မတ ဟက်ဆန်ရိုဟာနီက မေ ၈ ရက်တွင် အီရန်သည် ပြဿနာအချို့ ကြုံတွေ့ရနိုင်ကြောင်း သတိပေးခဲ့သည်။ ထရန့်အား တိုက်ရိုက်မရည်ညွှန်းခဲ့သော်လည်း မြို့တော်တီဟီရန်တွင် ရေနံကွန်ဖရင့် တစ်ခု၌ ပြောကြားခဲ့သော ရိုဟာနီ၏ မှတ်ချက်များသည် အီရန်နျူကလီးယား သဘောတူညီချက်အတွက် ဆုံးဖြတ်ချက်ကို မေ ၈ ရက်တွင် ကြေညာမည်ဖြစ်ကြောင်း ထရန့်က မေ ၇ ရက် ညသန်းခေါင်တွင် Twitter ၌ တင်ခဲ့သည့် မှတ်ချက်ကို အီရန်က တရားဝင် မှတ်ချက်ပြုမှုလည်း ဖြစ်သည်။

၎င်းတို့သည် နှစ်လ သို့မဟုတ် သုံးလခန့် ပြဿနာအချို့ ကြုံရနိုင်ခြေရှိကြောင်း၊ သို့သော် ၎င်းတို့က ကျော်လွှားနိုင်မည်ဖြစ်ကြောင်း ရိုဟာနီက ပြောကြားခဲသည်။ အီရန်သည် ကမ္ဘာကြီးနှင့် ဆက်လက်လက်တွဲ လုပ်ကိုင်ရန်နှင့် အပြုသဘောပူးပေါင်းဆောင်ရန်လိုလားကြောင်း ၎င်းက အလေးထားပြောကြားခဲ့သည်။ ယင်းမှတ်ချက်သည် ၂၀၁၅ ခုနှစ်က အီရန်နျူကလီးယားသဘောတူညီချက် ရရှိခဲ့ပြီးနောက်ပိုင်း အီရန်နှင့် စီးပွားရေးသဘောတူညီချက်များ တစ်သီတစ်တန်း ရရှိခဲ့သည့် ဥရောပကို ခေါင်းညိတ်လိုက်မှု ဖြစ်ဖွယ်ရှိသည်။

အမေရိကန်၏ အလားအလာရှိသော ပိတ်ဆို့အရေးယူမှုများမှ ဥရောပကုမ္ပဏီများကို ကာကွယ်ပေးရန် ဥပဒေများအား ဥရောပသမဂ္ဂက ပြဋ္ဌာန်းပေးမည်ဟု အီရန်က မျှော်လင့်ထားသည်။

ထရန့်က မေ ၇ ရက်ညသန်းခေါင်တွင် Twitter ၌ ရေးသားခဲ့ခြင်းကြောင့် အီရန်ရှိ အဓိကသတင်းစာများက ထိုကြေညာချက်ကို မျက်နှာဖုံး၌ မဖော်ပြနိုင်ခဲ့ပေ။ အီရန်အစိုးရ ရုပ်သံသတင်းဌာနက ထရန့်၏မှတ်ချက်ကို ဒေသစံတော်ချိန် နံနက် ၁၀ နာရီ၌ ဖော်ပြခဲ့ပြီး အစိုးရသတင်းအေဂျင်စီ IRNA ကလည်း ထိုသတင်းကို ဖော်ပြခဲ့သည်။

၂၀၁၅ ခုနှစ် အီရန်နျူကလီးယား သဘောတူညီချက်အရ အစ္စလာမ္မစ်သမ္မတ နိုင်ငံအီရန်၏ နျူကလီးယားစီမံကိန်းများအား ကန့်သတ်မှုများ ချမှတ်ပြီး အပြန်အလှန်အားဖြင့် အီရန်အား ချမှတ်ထားသောပိတ်ဆို့ အရေးယူမှုများကို ဖြေလျှော့ပေးခြင်း ဖြစ်သည်။ သို့သော် ထိုသဘောတူညီချက်သည် အချိန်အကန့်အသတ်ရှိပြီး အီရန်၏ ပဲ့ထိန်းဒုံးစီမံကိန်းများ သို့မဟုတ် ဒေသတွင်းဆိုင်ရာ အီရန်၏မူဝါဒများကို လွှမ်းခြုံမှုမရှိကြောင်း ထောက်ပြလျက် အဆိုးရွားဆုံး သဘောတူ ညီချက်ဟု ထရန့်က ဝေဖန်ခဲ့သည်။

အီရန်ပါလီမန်ဥက္ကဋ္ဌ အလီလာရီဂျာနီက ထရန့်သာ ထိုသဘောတူညီချက်မှ နုတ်ထွက်လိုက်ပါက အီရန်ပြည်သူများအကြား ညီညွတ်မှု မြင့်တက်လာမည်ဟု ပြောကြားခဲ့သည်။ အီရန်ဗဟိုဘဏ်ဥက္ကဋ္ဌ ဗာလီယိုလာဆက်ဖ်ကလည်း အမေရိကန်ဆုံးဖြတ်ချက်များသည် အီရန်စီးပွားရေးအတွက် ပြဿနာ မဖန်တီးနိုင်ကြောင်း အစိုးရရုပ်သံသို့ ပြောကြားခဲ့သည်။ သို့သော် တီဟီရန်နှင့် နိုင်ငံတွင်းရှိ ဒေသများမှ ပြည်သူအများအပြားက ထရန့်၏ဆုံးဖြတ်ချက်သည် အီရန်အတွက် ဆိုးရွားစေနိုင်မည်ကို စိုးရိမ်နေကြသည်။

Ref ; AFP