စီးပွားရေး နာလန်ပြန်ထ လာစေရန်အတွက် အီဂျစ်အစိုးရက လောင်စာဈေးနှုန်းများ တိုးမြှင့်

Photo : AFP

အီဂျစ်အစိုးရသည် လောင်စာဈေးနှုန်းများ ထပ်မံတိုးမြှင့်လိုက်သည့်အကြောင်း ဇွန် ၁၆ ရက်က ကြေညာခဲ့သည်။ IMF ထံမှ ချေးငွေရရှိထားခြင်းကြောင့် အီဂျစ်သည် ခြိုးခြံချွေတာရေး အစီအစဉ်များ၏ တစ်စိတ်တစ်ပိုင်း အနေဖြင့် ထောက်ပံ့ကြေးများ ဖြတ်တောက်ခြင်း၊ နိုင်ငံ့ ကြွေးမြီများကို လျှော့ချခြင်းများကို လုပ်ဆောင်ရန် ကြိုးပမ်းလျက်ရှိစဉ် ယခုကဲ့သို့ လောင်စာဈေးနှုန်းများ တိုးမြှင့်လိုက်ခြင်းဖြစ်သည်။

လောင်စာဈေးနှုန်းကို ၃၅ မှ ၅၀ ရာခိုင်နှုန်းကြား တက်မည့်အကြောင်းကို ရေနံဝန်ကြီး တီရက်အယ်မိုလာက ကြေညာခဲ့ခြင်းဖြစ်ပြီး ယင်းသည် ချက်ချင်းအသက်ဝင်မည်ဟု အစိုးရ မီဒီယာများတွင် ဖော်ပြခဲ့သည်။

လူဦးရေ အထူထပ်ဆုံး အာရပ်နိုင်ငံဖြစ်သော အီဂျစ်သည် ကျယ်ပြန့်လှသည့် စီးပွားရေး ပြုပြင်ပြောင်းလဲရေးသို့ ဦးတည်ရွေ့လျားနေစဉ် ယခုသီတင်းပတ် အတွင်းမှာပင် အစိုးရသည် လျှပ်စစ်မီတာ ထောက်ပံ့ကြေးများကို ထပ်မံလျှော့ချလိုက်ခြင်း၊ ပုံမှန်ဈေးနှုန်းများကို လေးပုံတစ်ပုံခန့် ထပ်မံတိုးမြှင့်ခြင်းတို့ လုပ်ဆောင်ခဲ့သည်။

အီဂျစ်သည် ၂၀၁၆ ခုနှစ်က  အပြည်ပြည်ဆိုင်ရာ ငွေကြေးရန်ပုံငွေအဖွဲ့ (IMF) ထံမှ သုံးနှစ်ချေးငွေ ဒေါ်လာ ၁၂ ဘီလျံကို ရရှိခဲ့သည်။ ထိုအချိန်မှစ၍ အီဂျစ်အစိုးရသည် ပြင်းထန်လှသည့် ခြိုးခြံချွေတာရေး စည်းကမ်းများကို ပြဋ္ဌာန်းပြီး ကုန်နှင့်ဝန်ဆောင်မှု အများအပြား၌ ထောက်ပံ့ကြေးများကို တဖြည်းဖြည်းချင်း လျှော့ချခဲ့သည်။ ထို့ကြောင့် ကုန်ဈေးနှုန်းများမှာလည်း မြင့်တက်လာခဲ့သည်။ ၂၀၁၅- ၂၀၁၆ အခွန်နှစ်အတွင်းက အီဂျစ်ဘဏ္ဍာရေး အကျပ်အတည်း၌ အစိုးရ၏ လိုငွေသည် ဂျီဒီပီ၏ ၁၂ ဒသမ ၅ ရာခိုင်နှုန်းအထိ ကြီးထွားလာခဲ့သည်။

ယခုနောက်ဆုံး ဈေးနှုန်းမြင့် တက်မှုကြောင့် လူသုံးများသော ၉၂ octane (ပတ်ဝန်းကျင်ညစ်ညမ်းမှုမှ ကာကွယ်ရန် ခဲဒြပ်ပေါင်းထုတ်ထားသော ဓာတ်ဆီ) ဈေးနှုန်းသည် ၃၅ ရာခိုင်နှုန်း ထပ်မံမြင့်တက် သွားမည်ဖြစ်သည်။ ဒီဇယ်ဈေးနှုန်းမှာမူ ရာခိုင်နှုန်း ၅၀ ထပ်မံ မြင့်တက်သွားမည်ဟု အစိုးရသတင်းစာ Al-Akhbar တွင် ဖော်ပြခဲ့သည်။

အစိုးရသတင်းစာ Al-Ahram ၌ ဖော်ပြချက်တွင်မူ နေအိမ်အများအပြား၌ ဟင်းချက်ရန် (သို့မဟုတ်) အပူပေးရန်အတွက် အသုံးပြုကြသော ဂက်စ်အိုးများ၏ ဈေးနှုန်းမှာမူ ၆၆ ရာခိုင်နှုန်းအထိ မြင့်တက်သွားမည် ဖြစ်သည်ဟု သိရသည်။

ရေနံဝန်ကြီး မိုလာကမူ ယခု နောက်ဆုံးဈေးနှုန်းများ ထပ်မံတိုးမြှင့်ခြင်းသည် ရေနံထောက်ပံ့ကြေးများကို ပြင်ဆင်ရန်၊ ဈေးနှုန်း ပုံမမှန်မှုကို ထိန်းညှိရန်အတွက် ရည်ရွယ် သည်ဟု ပြောကြားခဲ့သည်။

လူဦးရေ ၉၇ သန်းနေထိုင်ပြီး မွတ်စလင်အများစုရှိသည့် အီဂျစ်နိုင်ငံတွင် အိဒ်ပွဲတော်အတွက် ဆင်နွှဲနေကြစဉ် ဇွန် ၁၆ ရက်က အစိုးရသည် ဈေးနှုန်းတိုးမြှင့်မှုများကို ကြေညာခဲ့ခြင်းဖြစ်သည်။

ပြီးခဲ့သည့်လကလည်း အီဂျစ်အာဏာပိုင်များသည် မြေအောက်ရထားလက်မှတ် ဈေးနှုန်းများကို တိုးမြှင့်ခဲ့ရာ မြေအောက်ရထား ဘူတာရုံများတွင် ကန့်ကွက်ဆန္ဒပြမှုများစွာကို ဖြစ်ပေါ်စေခဲ့သည်။ ယင်းဆန္ဒပြမှုများအတွင်း လုံခြုံရေးတပ်ဖွဲ့များက လူ ၃၀ ခန့်ကို ဖမ်းဆီးထိန်းသိမ်းခဲ့သည်။ ဂျော်ဒန်နိုင်ငံတွင်လည်း အလားတူ ကုန်ဈေးနှုန်း တိုးမြှင့်မှုများ ဖြစ်ပွားပြီး အစိုးရ၏ ၀င်ငွေခွန်ကောက်ခံရန် အဆိုပြုခြင်းတို့ကြောင့် နိုင်ငံတွင်း၌ ဒေါသများ ထွက်လာကြကာ ယခုလအစောပိုင်းက ဆန္ဒပြပွဲများ (ငြိမ်းချမ်းစွာ) ဖြစ်ပွားခဲ့ကြသည်။ ယင်းကြောင့် ၀န်ကြီးချုပ်ပင် ရာထူးမှ နုတ်ထွက်ခဲ့ရပြီး အခွန်ပြဋ္ဌာန်းရန် အဆိုပြုချက်ကိုလည်း ပြန်လည်ရုပ်သိမ်း လိုက်ရသည်။

Ref : AFP

အီဂျစ်သမ္မတရွေးကောက်ပွဲတွင် လက်ရှိသမ္မတစီစီက ဒုတိယမြောက်သက်တမ်းအတွက် ရွေးကောက်ခံရ

မတ် ၁၄ ရက်က ကိုင်ရိုရှိ လမ်းတစ်လမ်းတွင် သမ္မတ စီစီ၏ မဲဆွယ်ပိုစတာတစ်ခုကို တွေ့ရစဉ် (Photo: AFP)

အီဂျစ်လက်ရှိသမ္မတအဗ္ဗဒယ်ဖာတာ အယ်စီစီသည် မတ် ၂၉ ရက်တွင် ထုတ်ပြန်ခဲ့ သော ရွေးကောက်ပွဲအကြိုရလဒ်များအရ ထောက်ခံမဲ ၉၆ ဒသမ ၉  ရာခိုင်နှုန်း ရရှိခဲ့ပြီး ဒုတိယမြောက် သက်တမ်းအတွက် ရွေးကောက်ခံခဲ့ရကြောင်း သိရသည်။

မဲပေးရန် မှတ်ပုံတင်ထားသူ သန်း ၆၀ အနက် ၂၅ သန်း သို့မဟုတ် ၄၂ ဒသမ ၀၈ ရာခိုင်နှုန်းက မတ် ၂၈ ရက်တွင် ပြီးဆုံးခဲ့သော သုံးရက်ကြာရွေးကောက်ပွဲ၌ မဲလာ ထည့်ခဲ့ကြကြောင်း အစိုးရသတင်းစာ Al-Ahram က ဖော်ပြခဲ့သည်။ မဲပေးသူ ၂၃ သန်းက စီစီ ကို မဲပေးခဲ့ကြောင်း သိရသည်။ အခြားသတင်းစာ Akhbarel Youm က စီစီသည် ထောက်ခံမဲ ၂၁ ဒသမ ၄ ရာခိုင်နှုန်းရရှိခဲ့ပြီး ၎င်း၏တစ်ဦးတည်းသော ပြိုင်ဘက် မူဆာမိုစတာဖာက ထောက်ခံမဲ ၇၂၁၀၀၀၊ ၃ ဒသမ ၁ ရာခိုင်နှုန်း ရရှိခဲ့ကြောင်း ဖော်ပြခဲ့သော်လည်း ပယ်မဲအရေအတွက်ကိုမူ မထုတ်ပြန်ခဲ့ပေ။ Al-Ahram သတင်းစာက လူ ၂၃ သန်းက ခိုင်လုံမဲပေးခဲ့ ကြောင်း၊ နှစ်သန်းက ပယ်မဲဖြစ်ခဲ့ကြောင်း ဖော်ပြခဲ့သည်။

စီစီအား ထောက်ခံသူပင်ဖြစ်ပြီး ရွေးကောက်ပွဲ မှတ်ပုံတင်ရန် နောက်ဆုံးရက်မတိုင်မီ အချိန်ကပ်၍ မှတ်ပုံတင်ခဲ့သည့်

မူဆာက ၎င်းသည် ရှုံးနိမ့်ခဲ့ကြောင်း မတ် ၂၈ ရက်ညတွင် ရုပ်သံတစ်ခုသို့ ၀န်ခံပြောကြားခဲ့ပြီး သူသည် ထောက်ခံမဲ ၁၀ ရာခိုင်နှုန်း ရရှိရန် မျှော်လင့်ခဲ့ကြောင်း ဆိုခဲ့သည်။

အခြားအင်အားကောင်းသော ပြိုင်ဘက် ကိုယ်စားလှယ်လောင်းများသည် ထိန်းသိမ်းခံခဲ့ရခြင်း သို့မဟုတ် နုတ်ထွက်ခဲ့ခြင်းတို့ကြောင့် ထိုရွေးကောက်ပွဲ၌ မပါဝင်ခဲ့ပေ။

၂၀၁၃ ခုနှစ်တွင် ဧရာမလူထုဆန္ဒပြမှုများ ဖြစ်ပွားခဲ့အပြီး အစ္စလာမ္မစ်သမ္မတမိုဟာ မက်မော်စီအား ရာထူးမှဖြုတ်ချခဲ့သည့် စစ် ဦးစီးချုပ်ဟောင်းဖြစ်သည့် စီစီသည် ၂၀၁၄ ခုနှစ် ရွေးကောက်ပွဲတွင် ထောက်ခံမဲ ၉၆ ဒသမ ၉ ရာခိုင်နှုန်းဖြင့် အနိုင်ရခဲ့သည်။ ထို ရွေးကောက်ပွဲတွင် မဲလာထည့်သူ အရေအတွက်သည် ၄၇ ရာခိုင်နှုန်းအထိ ရှိခဲ့သည်။ ယခုနှစ်ရွေးကောက်ပွဲတွင် မဲလာထည့်ကြရန် ၀န်ကြီးချုပ်ရှရစ်အစ္စမေးက တိုက်တွန်းခဲ့ သော်လည်း မဲလာထည့်သူအရေအတွက် ရာခိုင်နှုန်း ၄၀ ကျော်သာရှိခဲ့သည်။ ရွေးကောက် ပွဲတွင် မဲမပေးရန် ခိုင်လုံသောအကြောင်းပြ ချက် မပြနိုင်သူသည် ငွေဒဏ် အီဂျစ်ပေါင် ၅၀၀ (၂၂ ယူရို) ချမှတ်ခံရနိုင်ဟု ရွေးကောက် ပွဲကော်မရှင်က သတိပေးခဲ့သည်။

ယခုသီတင်းပတ်အတွင်း ကျင်းပခဲ့သော ရွေးကောက်ပွဲသည် ဟန်ပြဖြစ်သည်ဟုဆို ကာ သပိတ်မှောက်ကြရန် အတိုက်အခံအဖွဲ့ များက လှုံ့ဆော်ခဲ့သည်။ ထို့ပြင် သမ္မတ လောင်းများ၏စကားစစ်ထိုးပွဲများကိုလည်း ပြုလုပ်ခဲ့ခြင်းမရှိဘဲ စီစီသည် အခမ်းအနားအချို့ တက်ရောက်ခဲ့သော်လည်း တရားဝင် မဲဆွယ်သည့်အခမ်းအနားများကိုမူ မတက်ရောက်ခဲ့ပေ။

စီစီသည် လူထုထောက်ခံမှုရရှိနေဆဲ ဖြစ်သော်လည်း ပြည်ပရင်းနှီးမြှုပ်နှံသူများက ကြိုဆိုသည့် တင်းကျပ်သောစီးပွားရေးဆိုင်ရာ ပြုပြင်ပြောင်းလဲမှုများကို လုပ်ဆောင်ရန် စတင်ခဲ့ရာ ပြည်တွင်း၌ ထောက်ခံမှုကို ထိခိုက်စေခဲ့သည်။

 

 

လက်ရှိသမ္မတစီစီက အနိုင်ရရန် သေချာနေသည့် အီဂျစ်သမ္မတရွေးကောက်ပွဲ စတင်

မတ် ၂၂ ရက်က ကိုင်ရိုရှိ တဟီရာရင်ပြင်၌ သမ္မတစီစီ၏ မဲဆွယ်ပိုစတာများအား ချိတ်ဆွဲထားစဉ် (Photo: AFP)

အီဂျစ်တွင် လက်ရှိသမ္မတ အဗ္ဗဒယ်ဖာတာအယ်စီစီနှင့် ပြိုင်ဘက်ဖြစ်ကြောင်း ပြသရန် ခက်ခက်ခဲခဲ ရုန်းကန်နေရသည့် မထင်မရှား ပြိုင်ဘက်တို့အနက် တစ်ဦးကို ရွေးချယ်ရမည့် သမ္မတရွေးကောက်ပွဲအား မတ် ၂၆ ရက်တွင် ကျင်းပခဲ့သည်။ သုံးရက်ကြာ ကျင်းပမည့် ယင်းရွေးကောက်ပွဲအတွက် မဲရုံများအား ဒေသစံတော်ချိန်နံနက် ၉ နာရီ၌ စတင်ဖွင့်လှစ်ခဲ့ပြီး စီစီသည် နောက်ထပ် လေးနှစ်သက်တမ်းကို အနိုင်ရမည်ဟု ရှုမြင်ခံထားရသည်။

သမ္မတစီစီသည် ပထမဆုံး မဲထည့်သူများတွင် ပါဝင်ခဲ့ပြီး မြို့တော်ကိုင်ရိုရှိ စာသင်ကျောင်းတစ်ကျောင်း၌ မဲရုံတွင် လုံခြုံရေး တင်းကျပ်ထားစဉ် စီစီက မဲလာထည့်မှုကို ရုပ်သံများက ထုတ်လွှင့်ခဲ့ကြသည်။ မဲရုံများအား ကာကွယ်ပေးရန် နိုင်ငံတစ်ဝန်း၌ လုံခြုံရေးများ ချထားခဲ့ပြီး ကိုင်ရိုတစ်ဝိုက်ရှိ နေရာအများအပြားတွင်လည်း သံချပ်ကာယာဉ်များဖြင့် စောင့်ကြပ်နေခဲ့သည်။

စစ်သားနှင့် အရပ်သားရာပေါင်းများစွာအား သတ်ဖြတ်ခဲ့သော IS အဖွဲ့၏အီဂျစ်အဖွဲ့ခွဲက ရွေးကောက်ပွဲအဆောက်အအုံများအား တိုက်ခိုက်မည်ဟု ခြိမ်းခြောက်ထားခဲ့သည်။ မတ် ၂၄ ရက်တွင် အလက်ဇန္ဒရီရာ ပြည်နယ်အုပ်ချုပ်ရေးမှူး၏ ပြည်နယ်လုံခြုံ ရေးခေါင်းဆောင်အား ပစ်မှတ်ထားသော ကားဗုံးခွဲတိုက်ခိုက်မှုတွင် ရဲနှစ်ဦး သေဆုံးခဲ့သည်။

အာရပ်အများဆုံးနေထိုင်သော အီဂျစ်တွင် မတ် ၂၆၊ ၂၇၊ ၂၈ ရက်တို့၌ ကျင်းပမည့် ယင်းရွေးကောက်ပွဲ၌ မဲပေးရန် လူသန်း ၆၀ ခန့်က မှတ်ပုံတင်ထားကြပြီး တရားဝင်ရလဒ် များအား ဧပြီ ၂ ရက်တွင် ထုတ်ပြန်မည်ဟု မျှော်လင့်ရသည်။ စီစီ တစ်ဦးတည်း ယှဉ်ပြိုင်ရမည့်ရွေးကောက်ပွဲအဖြစ်မှ ရှောင်လွှဲနိုင်ရန်အတွက် ကိုယ်စားလှယ်လောင်းများ မှတ်ပုံတင်ရန် နောက်ဆုံးသတ်မှတ်ရက် မတိုင်မီကမှ မှတ်ပုံတင်ခဲ့သည့် မူဆာမိုစတာဖာမူဆာက စီစီနှင့် ယှဉ်ပြိုင်ရမည်ဖြစ်သည်။ ကိုယ်စားလှယ်လောင်းအဖြစ် မှတ်ပုံမတင်မီအထိ စီစီက ပြန်လည်ရွေးချယ်ခံရရန် မဲဆွယ်မှုများ၌ ဦးဆောင်ခဲ့ဖူးသည့် မူဆာက သူသည် ရုပ်သေးရုပ်မဟုတ်ကြောင်း ငြင်းဆန်ခဲ့သည်။

သမ္မတရွေးကောက်ပွဲယှဉ်ပြိုင်မည်ဟု ကြေညာခဲ့ပြီးနောက် မကြာမီ ပြီးခဲ့သောဇန်န၀ါရီတွင် ထိန်းသိမ်းခံခဲ့ရသော စစ်ဦးစီးချုပ်ဟောင်း ဆာမီအနန်အပါအ၀င် အခြားကိုယ်စားလှယ်လောင်းများက ရွေးကောက်ပွဲ မှ နုတ်ထွက်ခဲ့ကြသည်။ အငြိမ်းစား စစ်ဦးစီး ချုပ်ဟောင်းသည် ရွေးကောက်ပွဲယှဉ်ပြိုင်မည်ဟု တရားမ၀င်ကြေညာပြီး ဥပဒေချိုး ဖောက်ခဲ့သည်ဟု စစ်တပ်က စွပ်စွဲခဲ့သည်။

အသက် ၆၃ နှစ်ရှိပြီဖြစ်သော စစ်ဦးစီးချုပ်ဟောင်းဖြစ်သူ စီစီသည် အီဂျစ်၏ ပထမဆုံးရွေးကောက်ခံ အစ္စလာမ္မစ်သမ္မတ မိုဟာ မက်မော်စီအား ရာထူးမှဖယ်ရှားနိုင်ခဲ့ပြီး နောက် ၂၀၁၄ ခုနှစ်တွင် ပထမသက်တမ်းကို အနိုင်ရခဲ့သည်။

၂၀၁၄ ခုနှစ်က ရွေးကောက်ပွဲ၌ စီစီသည် မူဆာထက် ပို၍လူသိများသော လက်ဝဲယိမ်း နိုင်ငံရေးသမား ဟမ်ဒီးဆက်ဘာဟီ နှင့် ရင်ဆိုင်ခဲ့ရပြီး စီစီက ထောက်ခံမဲ ၉၆ ဒသမ ၆ ရာခိုင်နှုန်းဖြင့် အနိုင်ရခဲ့သည်။ ယခုရွေး ကောက်ပွဲတွင်မူ မဲလာပေးသူအရေအတွက် သည် ၃၇ ရာခိုင်နှုန်းအထိ ရောက်ရှိနိုင်ခြေမရှိဟု လေ့လာသူ မိုစတာဖာကာမယ်အယ်ဆာယက်က ပြောကြားခဲ့သည်။

အီဂျစ်စစ်တပ်က ဂျီဟတ်နှိမ်နင်းရေး ပင်မစစ်ဆင်ရေးကြီးတစ်ခု စတင်ကြောင်း ကြေညာ

အီဂျစ်မြောက်ပိုင်းနှင့် ဆိုင်နိုင်းမြေပုံဘေးတွင် ကြေညာချက်ဖတ်ကြားခဲ့သော အီဂျစ်စစ်တပ်ပြောခွင့်ရပုဂ္ဂိုလ် ဗိုလ်မှူးကြီး တာမာအယ်ရီဖိုင်အား ဖေဖော်ဝါရီ ၉ ရက်က တွေ့ရစဉ် (Photo – AFP)

အီဂျစ်စစ်တပ်သည် နိုင်းမြစ်ဝှမ်းဒေသ၊ ကာလရှည်ကြာ IS ပုန်ကန်မှု၏ ဗဟိုချက်ဖြစ်နေသော မြောက်ပိုင်း ဆိုင်နိုင်းကျွန်းဆွယ်တို့အပါအ၀င် နေရာအများအပြား၌ အဓိကကျသည့် စစ်ဆင်ရေးကြီးတစ်ခု စတင်လုပ်ဆောင်နေပြီဖြစ်ကြောင်း ဖေဖော်ဝါရီ ၈ ရက်က ကြေညာခဲ့သည်။

အီဂျစ်သမ္မတ အဗ္ဗဒူဖာတာ အယ်စီစီ ပြန်လည်ရွေးကောက်ပွဲဝင်မည့် မတ်လရွေးကောက်ပွဲမတိုင်မီ ဆိုင်နိုင်း၊ နိုင်းမြစ်ဝှမ်း၊ လစ်ဗျားနှင့် နယ်နိမိတ်ချင်းထိစပ်နေသော အနောက်ကန္တာရဒေသတို့၌ ယခုကဲ့သို့ လုံခြုံရေး တိုးမြှင့်နေခြင်းလည်း ဖြစ်သည်။

‘၂၀၁၈ ဆိုင်နိုင်း စစ်ဆင်ရေး’ လုပ်ဆောင်နေသည့် ကာလအတွင်း ရဲနှင့်တပ်ဖွဲ့ဝင်တို့သည် အမြင့်ဆုံးသတိအနေအထား ရှိနေကြမည်ဟု စစ်တပ်၏ထုတ်ပြန်ချက်၌ ဖော်ပြခဲ့သည်။ စစ်ဆင်ရေးအတွင်းလေတပ်နှင့် ရေတပ်တို့ပင် ပါဝင်မည်ဟု သိရသည်။

လုံခြုံရေးသတင်းရင်းမြစ်တို့၏ ပြောကြားချက်အရ မြေပြင်တွင် တပ်ဖွဲ့ဝင်များ၊ တင့်ကားနှင့် အမြောက်များအား တပ်ဖြန့်ထားစဉ် စစ်လေယာဉ်များသည် ဂျီဟတ်တို့ ပုန်းအောင်းနေသည့်နေရာသို့ ဗုံးကြဲမည်ဖြစ်ကြောင်း သိရသည်။

ပြီးခဲ့သည့်နှစ် ဧပြီလက တန်တာနှင့် အလက်ဇန်ဒရီယာမြို့နှစ်မြို့တွင် ခရစ်ယာန် ဘုရားကျောင်းများ၌ အသေခံဗုံးခွဲမှုနှစ်ခုဖြစ်ပွားခဲ့ပြီး သေဆုံးသူ ၄၅ ဦးထက်မနည်း ရှိခဲ့သည်။ ယင်းနောက်ပိုင်းကတည်းက အီဂျစ်နိုင်ငံတွင် အရေးပေါ်အခြေအနေ ကြေညာထားခြင်း ဖြစ်သည်။

‘၂၀၁၈ ဆိုင်နိုင်းစစ်ဆင်ရေး’ ၏ ရည်ရွယ်ချက်မှာ နယ်စပ်ဒေသများအား ထိန်းချုပ်နိုင်မှုပိုမိုတင်းကျပ်ရန်၊ အကြမ်းဖက်သမားများ၏ ခြေကုပ်ဖြစ်နေသည့်နေရာများအား ရှင်းလင်းရန်ဖြစ်ကြောင်း စစ်တပ်၏ ပြောခွင့်ရပုဂ္ဂိုလ်ဖြစ်သူ တာမာအယ်ရီဖိုင်က ပြောကြားသွားခဲ့သည်။

ယင်းနောက်မကြာမီတွင် လေတပ်သည် ဆိုင်နိုင်းအနောက်ပိုင်းနှင့် မြောက်ပိုင်းတို့ရှိ နေအိမ်များ၊ ပုန်းအောင်းရာနေရာများကို ပစ်မှတ်ထားတိုက်ခိုက်ခဲ့သည့် သတင်းထပ်မံ ထွက်ပေါ်ခဲ့သည်။ ရေတပ်မှာမူ ရေကြောင်းနယ်နိမိတ်ကိုစောင့်ကြပ်ကာ အကြမ်းဖက်သမားများ အလုံးအရင်းနှင့် ၀င်လာခြင်းကို ပိတ်ဆို့ရမည် ဖြစ်သည်။

ဖေဖော်ဝါရီ ၉ ရက်မှာပင် ဟာဆန်အဖွဲ့ကို နှိမ်နင်းသည့် စစ်ဆင်ရေးတစ်ခုကိုလည်း ပြည်ထဲရေးဝန်ကြီးဌာနက ကြေညာခဲ့သည်။ ဟာဆန်အဖွဲ့မှာ မွတ်စလင်ဘရားသားဟုဒ်၏ လက်နက်ကိုင်အဖွဲ့ဟု အာဏာပိုင်တို့က အမည်တပ်ခံထားရသည့် အဖွဲ့ဖြစ်သည်။

အီဂျစ်နိုင်ငံတွင် အစ္စလာမ္မစ်သမ္မတ မိုဟာမက်မော်စီအား ၂၀၁၃ ခုနှစ်တွင် စစ်တပ်က ဖြုတ်ချခဲ့ပြီးချိန်မှစပြီး လုံခြုံရေးတပ်ဖွဲ့များကို ဂျီဟတ်တို့၏ ပစ်မှတ်ထားတိုက်ခိုက်မှုများမှာ မြင့်တက်လာခဲ့သည်။ မြောက်ဆိုင်နိုင်းပြည်နယ်တွင် အကြမ်းဖက်မှုအများဆုံး ဖြစ်ပွားကြခြင်းဖြစ်သော်လည်း ဂျီဟတ်များသည် စစ်တပ်၊ ရဲတပ်ဖွဲ့တို့အပြင် ခရစ်ယာန်ဘုရားကျောင်းများကို ဦးတည်သည့်တိုက်ခိုက်မှုများကိုပါ လုပ်ဆောင်လာကြသည်။

Ref ;AFP

ကမ္ဘာ့အရပ်အရှည်ဆုံး အမျိုးသားနှင့် ကမ္ဘာ့အရပ်အပုဆုံး အမျိုးသမီးတို့ အီဂျစ်တွင် တွေ့ဆုံ

ဇန်န၀ါရီ ၂၆ ရက်က ဂီဇာပိရမစ်များရှေ့တွင် ဓာတ်ပုံရိုက်ခံနေသော ဂျေယိုတီ (ယာ)နှင် ဆူလ်တန် (၀ဲ) (Photo: AFP)

ကမ္ဘာ့အရပ်အပုဆုံး အမျိုးသမီးသည် ၎င်းအရပ်အမြင့်၏ လေးဆရှိသော ကမ္ဘာ့အရပ်အရှည်ဆုံး အမျိုးသားနှင့် အီဂျစ်နိုင်ငံတွင် ဇန်န၀ါရီ ၂၆ ရက်က တွေ့ဆုံခဲ့ကြသည်။

အိန္ဒိယနိုင်ငံမှ ဂျေယိုတီအမ့်ခ်ျ အမည်ရှိသည့် ထိုအမျိုးသမီးသည် ၀ ဒသမ ၆၃ မီတာ (နှစ်ပေကျော်) သာ အရပ်မြင့်သည်။ အသက် ၂၅ နှစ်အရွယ် ဂျေယိုတီအမ့်ခ်ျသည် လှုပ်ရှားသွားလာနိုင်သော အရပ်အပုဆုံး အမျိုးသမီးအဖြစ် ဂင်းနစ်စံချိန်ဝင်ထားသူလည်း ဖြစ်သည်။

တူရကီနိုင်ငံသားဖြစ်သော ဆူလ်တန်ကိုဆန်မှာမူ အရပ်အမြင့် ၂ ဒသမ ၅၁ မီတာ (၈ ပေ ၁ လက်မ) ရှိပြီး အသက် ၃၆ နှစ်ရှိပြီ ဖြစ်သည်။

အီဂျစ်ခရီးသွားလုပ်ငန်း မြှင့်တင်ရေးဘုတ်အဖွဲ့၏ ဖိတ်ကြားမှုဖြင့် ရောက်ရှိလာကြသည့် အဆိုပါ ဆန့်ကျင်ဘက်နှစ်ဦးသည် နိုင်းမြစ်အနောက်ဘက်ကမ်းရှိ ဂီဇာမြို့တွင် တွေ့ဆုံခဲ့ကြသည်။ ထို့နောက် သမိုင်းဝင်ဂီဇာပိရမစ်များရှေ့တွင်လည်း ဓာတ်ပုံရိုက်ခံခဲ့ကြသည်။

ဂင်းနစ်စံချိန်ဝင် ထိုနှစ်ဦးသည် မြို့တော်ကိုင်ရိုရှိ Firmont Nile City ဟိုတယ်တွင် ကျင်းပသည့် ကွန်ဖရင့်တစ်ခုကို တက်ရောက်ပြီးနောက် အီဂျစ်၏ ခရီးသွားကဏ္ဍကို မြှင့်တင်ရန်အတွက် ကိုင်ရိုထဲရှိ အထင်ရှားဆုံးခရီးသွား ဆွဲဆောင်ရာနေရာများသို့လည်း လှည့်လည်သွားရောက်ခဲ့ကြသည်။

ထိုနှစ်ဦးစလုံးသည် ၂၀၁၁ ခုနှစ်က ၎င်းတို့၏ ဂင်းနစ်စံချိန်များကို တင်နိုင်ခဲ့ကြခြင်းဖြစ်သည်။

အိန္ဒိယနိုင်ငံ နက်ပါတွင် နေထိုင်သော ဂျေယိုတီသည် လူကိုယ်ခန္ဓာသေးငယ်စေသော အခြေအနေ တစ်မျိုးဖြစ်သည့် achondroplasia ရှိနေသူဖြစ်သည်။ ရုပ်ရှင်သရုပ်ဆောင်တစ်ဦးလည်းဖြစ်သည့် ဂျေယိုတီသည် American Horror Story: Freak Show တွင် ပါဝင်ခဲ့ဖူးသည့်အပြင် မှတ်တမ်း ရုပ်ရှင်များနှင့် ဟိန္ဒူရုပ်ရှင် Pan Supari တို့တွင်လည်း ပါဝင်သရုပ်ဆောင်ထားသူဖြစ်သည်။ ဆူလ်တန်မှာမူ နှစ်ပေါင်း ၂၀ ကျော်အတွင်း အရပ်ရှစ်ပေကျော်ဖြင့် ဂင်းနစ်စံချိန်ချိုးနိုင်သည့် ပထမဆုံးလူသားဖြစ်သည်။

ဆူလ်တန်သည် ယင်းကဲ့သို့ အရပ်မြင့်နေခြင်းမှာ Pituitary gigantism ဟုခေါ်သော အခြေအနေတစ်ရပ်ကြောင့်ဖြစ်သည်။ ထိုအခြေအနေကြောင့် ခန္ဓာကိုယ်ကြီး ထွားဖွံ့ဖြိုးမှုကို အကျိုးပြုသည့် ဟော်မုန်းထုတ်ပေးသော ဦးနှောက်အောက်ပိုင်းရှိ pituitary ဂလင်းမှနေ၍ ပုံမှန်ထက်ပို၍ ကြီးထွားလာစေရန် ဟော်မုန်းအမြောက်အမြား ထုတ်ပေးခဲ့ခြင်း ဖြစ်သည်။

ဆူလ်တန်တွင် မွေးချင်း လေးဦးရှိပြီး ၎င်း၏မိသားစုဝင်အားလုံးတွင် ပုံမှန်အရပ်အမြင့်ရှိကြသည်။ ဆူလတန်သည် ၂၀၁၃ ခုနှစ်က လက်ထပ်ခဲ့သည်။ ဂင်းနစ်ကမ္ဘာ့စံချိန်၏ သမိုင်းတွင် အရပ်ရှစ်ပေကျော်သူမှာ ၁၀ ဦးသာရှိကြောင်း အတည်ပြုနိုင်ခဲ့သည်။

Ref: AFP