ရာဖေးတိုက်လေယာဉ်နှင့် ပတ်သက်သော အိန္ဒိယ၌ အငြင်းပွားမှုကို ပြင်သစ်သမ္မတဟောင်းက မီးထိုးပေးခဲ့

၂၀၁၇ ခုနှစ် ဇွန် ၉ ရက်တွင် ပြင်သစ်တောင်ပိုင်းရှိ မွန့်ဒီမာဆန် လေတပ်စခန်း၌ ပြင်သစ်လေတပ်၏ ရာဖေးတိုက်လေယာဉ်တစ်စင်း ပျံသန်းနေမှုကို တွေ့ရစဉ် (Photo : AFP)

အိန္ဒိယသည် ပြင်သစ်လေယာဉ် ထုတ်လုပ်ရေးကုမ္ပဏီ Dassault ထံမှ ၂၀၁၆ ခုနှစ်တွင် ဒေါ်လာဘီလျံပေါင်း များစွာဖြင့် ရာဖေးတိုက်ဂျက်လေယာဉ် ၃၆ စင်းကို ၀ယ်ခဲ့သည်။ ထိုစဉ်က Dassault သည် ယင်းအတွက် အိန္ဒိယမိတ်ဖက် လုပ်ငန်းကို ရွေးချယ်ခွင့်မရခဲ့ဟု ပြင်သစ်သမ္မတဟောင်း ဖရန်ဆွာအော်လွန်းက ပြောကြားခဲ့သဖြင့် အိန္ဒိယမှ အငြင်းပွားမှုများမှာ ပိုမိုကြီးထွားလာခဲ့သည်။

အတိုက်အခံ ကွန်ဂရက်ပါတီက အိန္ဒိယ၀န်ကြီးချုပ် နာရင်ဒရာမိုဒီ အစိုးရသည် ရာဖေးလေယာဉ် သဘောတူညီချက်တွင် အစိုးရကုမ္ပဏီတစ်ခုကို ကျော်ပြီး ပုဂ္ဂလိက လုပ်ငန်းစု တစ်ခုကို မျက်နှာသာ ပေးခဲ့သည်ဟု စွပ်စွဲနေသဖြင့် ပြီးခဲ့သည့် သီတင်းပတ်များ ကတည်းက နိုင်ငံတွင်း၌ အငြင်းပွားမှုများ ဖြစ်ပေါ်နေခဲ့သည်။ ထိုစဉ် စက်တင်ဘာ ၂၁ ရက်က ထွက်ပေါ်လာခဲ့သော အော်လွန်း၏ မှတ်ချက်သည် ထိုအငြင်းပွားမှုကို ထပ်မံမီးထိုး ပေးသကဲ့သို့ ဖြစ်ခဲ့သည်။

မိုဒီသည် စီးပွားရေးလုပ်ငန်းရှင် အနီအမ်ဘာနီ (Reliance အုပ်စု၏ ဘီလျံနာဥက္ကဋ္ဌ) အား ဦးစားပေးခဲ့သဖြင့် အစိုးရပိုင် Hindustan Aeronautics Limited (HAL) သည် နစ်နာခဲ့ရသည်ဟု ကွန်ဂရက်ပါတီက စွပ်စွဲခြင်း ဖြစ်သည်။ အိန္ဒိယနှင့် ပြင်သစ်မှ အစိုးရ အရာရှိများကမူ Dassault သည် ယင်း၏ မိတ်ဖက်အဖြစ် Reliance ကို လွတ်လွတ်လပ်လပ် ရွေးချယ်ခဲ့ခြင်း ဖြစ်သည်ဟု ဆိုခဲ့ကြသော်လည်း Reliance သည် လေကြောင်းလုပ်ငန်းနှင့် ပတ်သက်ပြီး ယခင်က အတွေ့အကြုံ မရှိထားပေ။

“အိန္ဒိယအစိုးရဘက်က အဲဒီဝန်ဆောင်မှုအုပ်စု (Reliance) ကို တင်ပြလာတဲ့အတွက် Dassault ကလည်း အမ်ဘာနီနဲ့ပဲ ဆွေးနွေးလိုက်တာ ဖြစ်ပါတယ်” ဟု ၂၀၁၂ -၂၀၁၇ ခုနှစ်အတွင်း ပြင်သစ်သမ္မတ ဖြစ်ခဲ့သော အော်လွန်းက စုံစမ်းစစ်ဆေးရေး ၀က်ဆိုက် Mediapart သို့ ပြောကြားခဲ့သည်။

“ကျွန်တော်တို့မှာ ရွေးချယ်စရာ မရှိခဲ့ပါဘူး။ သူတို့ပေးတဲ့သူနဲ့ပဲ ကျွန်တော်တို့ ဆွေးနွေးခဲ့တာပါ” ဟု အော်လွန်းက ဆိုသည်။

ပြင်သစ်လုပ်ငန်း Dassault သည်အစိုးရပိုင်လုပ်ငန်း HAL နှင့် တွဲပြီး အိန္ဒိယထဲတွင် ဂျက်တိုက်လေယာဉ် ၁၂၆ စင်းထုတ်လုပ်ရန် သဘောတူညီချက် ရရှိရေးအတွက် ဆွေးနွေးနေသည်မှာ နှစ်ပေါင်းများစွာ ကြာခဲ့သော်လည်း  မဖြစ်မြောက်ခဲ့ပေ။ မိုဒီအစိုးရ တက်လာချိန်တွင် ထိုဆွေးနွေးမှုကို ဖျက်သိမ်းခဲ့ခြင်းဖြစ်သည်။

အိန္ဒိယကာကွယ်ရေး ၀န်ကြီးဌာနကမူ အိန္ဒိယနှင့် ပြင်သစ်အစိုးရ နှစ်ရပ်စလုံးက ကုန်သွယ်မှုဆိုင်ရာ ဆုံးဖြတ်ချက်တွင် တစ်ခွန်းမှ ၀င်မပါခဲ့ဟု Twitter ၌ရေးသားခဲ့သည်။ ပြင်သစ်နိုင်ငံခြားရေး ၀န်ကြီးဌာနက  ပြင်သစ်အစိုးရ၏ တစ်ခုတည်းသော တာဝန်မှာ ကုန်ပို့ဆောင်ပေးရေးနှင့် ပစ္စည်းအရည်အသွေး မှန်ကန်ရေးသာဖြစ်ပြီး အိန္ဒိယမိတ်ဖက်လုပ်ငန်း ရွေးချယ်ရာတွင် ၀င်ပါခဲ့ခြင်း မရှိဟု ဖော်ပြခဲ့သည်။ Dassault ကမူ ထိုသဘောတူညီချက်သည် အစိုးရအချင်းချင်း လုပ်ခဲ့ခြင်းသာ ဖြစ်သည်ဟု ပြောခဲ့ပြန်သည်။

“ကျေးဇူးပါပဲ ဖရန်ဆွာအော်လွန်း။ အခုဆိုရင် သူ ( မိုဒီ) ဟာ ဒေါ်လာဘီလျံနဲ့ချီ တန်ဖိုးရှိတဲ့ သဘောတူညီချက် တစ်ခုကို ဒေ၀ါလီခံထားရတဲ့  အနီအမ်ဘာနီကို ပုဂ္ဂိုလ်ရေးအရ ပေးလိုက်တယ်ဆိုတာ ကျွန်တော်တို့ သိသွားပါပြီ။ ဒီဝန်ကြီးချုပ်ဟာ အိန္ဒိယကို သစ္စာဖောက်တာ ဖြစ်ပါတယ်။ သူဟာ ကျွန်တော်တို့ စစ်သားတွေရဲ့ သွေးကို ဂုဏ်သိက္ခာ ညှိုးနွမ်းစေပါတယ်” ဟု  ကွန်ဂရက်ပါတီ၏ ခေါင်းဆောင် ရာဟူးဂန္ဓီက Twitter တွင် ရေးခဲ့သည်။

Dassault သည် Reliance နှင့် ပူးတွဲ လုပ်ကိုင်မှုတွင် ယူရိုသန်း ၁၀၀ ကျော် ရင်းနှီးမြှုပ်နှံခဲ့သည်ဟု သိရသည်။

Ref : AFP

အိန္ဒိယအမျိုးသား တစ်ဦးက သားဖြစ်သူအား သေဆုံးစေခဲ့သည့် လမ်းပေါ်မှချိုင့်များကို မြေဖို့နေ

သြဂုတ် ၂၉ ရက်တွင် မွမ်ဘိုင်း၌ အဝေးပြေးလမ်းမ တစ်ခုပေါ်မှ ချိုင့်ခွက်တစ်ခုကို ဘီလ်ဟိုးက မြေဖို့နေစဉ် (Phtoto : AFP)

ဒါဒါရောင်ဘီလ်ဟိုးသည် လမ်းမျက်နှာပြင်ကို ပေါက်ပြားဖြင့်ညီအောင် လုပ်လိုက်ပြီး ကောင်းကင်ကို မော့ကြည့်လျက် အိန္ဒိယတွင် လမ်းပေါ်ရှိ ချိုင့်များကြောင့် နှစ်စဉ်သေဆုံးခဲ့ရသူ ထောင်ပေါင်းများစွာအနက် တစ်ဦးဖြစ်သည့် ၎င်း၏သား ဖြစ်သူအတွက် ဆုတောင်းပေးခဲ့သည်။ ထင်ရှားသော ကျောင်းသားတစ်ဦးဖြစ်သူ ပရာကက်ရ်ှဘီလ်ဟိုးသည် လူသန်း ၂၀ ခန့် နေထိုင်သော အိန္ဒိယ၏ စည်ကားသည့် ဘဏ္ဍာရေးနှင့် ဘောလိဝုဒ်မြို့တော် မွမ်ဘိုင်းတွင် ၂၀၁၅ ခုနှစ် ဇူလိုင်၌ သေဆုံးခဲ့သည့် အချိန်တွင် အသက် ၁၆ နှစ်သာ ရှိသေးသည်။

၎င်း၏၀မ်းနည်းပူဆွေးမှုကို ဖြေသာရန်အတွက် ပရာကက်ရှ်၏ ဖခင်ဖြစ်သူ ဒါဒါရောင်က အိန္ဒိယ၏ လမ်းအများစု ကဲ့သို့ပင်ဖြစ်သော နာမည်ဆိုးဖြင့် ယိုယွင်းနေသည့် မွမ်ဘိုင်း၏ လမ်းများကို တစ်စုံတစ်ရာ လုပ်ဆောင်ရန် ဆုံးဖြတ်ခဲ့သည်။ ဆောက်လုပ်ရေး လုပ်ငန်းခွင်များမှ သဲများနှင့် ကျောက်စရစ်များကိုယူလျက် ဘီလ်ဟိုးသည် ပြီးခဲ့သောသုံး နှစ်ကျော်အတွင်း ဘဏ္ဍာရေးမြို့တော် တစ်ဝန်းရှိ လမ်းများပေါ်မှ ချိုင့်ခွက် ၆၀၀ နီးပါးကို မြေဖို့ပစ်ခဲ့သည်။ အသက် ၄၈ နှစ်ရှိပြီဖြစ်သော ဟင်းသီးဟင်းရွက်ဈေးသည်ဖြစ်သူ ဘီလ်ဟိုးက ချစ်လှစွာသော သားဖြစ်သူအား ဂုဏ်ပြုရန်အတွက် ယင်းကဲ့သို့ လုပ်ဆောင်နေခြင်း ဖြစ်သည်ဟု ပြောကြားခဲ့ပြီး လူ့အသက်များကို ကယ်တင်ပေးနိုင်မည်ဟု မျှော်လင့်ထားသည်။

၎င်းတို့၏ ချစ်ခင်မြတ်နိုးရသူ ဆုံးရှုံးခဲ့ရသကဲ့သို့ပင် အခြားသူများကို မခံစားစေလိုကြောင်း တော်သင့်ရုံ ကောင်းမွန်သော တိုက်ခန်းတွင် ဇနီး၊ သမီးနှင့် ထပ်တိုးမိသားစုနှင့်အတူ နေထိုင်နေသည့် ဘီလ်ဟိုးက ပြောကြားခဲ့သည်။ ပရာကက်ရ်ှသည် ၎င်း၏၀မ်းကွဲဖြစ်သူနှင့်အတူ ဆိုင်ကယ်ဖြင့် သွားနေစဉ် အလွန်နက်သော ချိုင့်ခွက်ထဲသို့ ဆိုင်ကယ်ထိုးကျခဲ့ပြီး ၎င်းတို့နှစ်ဦးစလုံး လွင့်စဉ်သွားခဲ့သည်။ ဆိုင်ကယ်ဦးထုပ် မဆောင်းထားသော ပရာကက်ရ်ှသည် ဦးနှောက်တွင် ပြင်းထန်စွာ ဒဏ်ရာရပြီး သေဆုံးခဲ့သည်။ ဆိုင်ကယ်ဦးထုပ်ဆောင်းသော ၎င်း၏၀မ်းကွဲမှာမူ ဒဏ်ရာအနည်းငယ်သာ ရရှိခဲ့သည်။

မွမ်ဘိုင်းတွင် မိုးသည်းထန်စွာ ရွာသွန်းမှုကြောင့် ကမ်းရိုးတန်းမြို့၏ လမ်းများ၌ မီးတောင်ဝနှင့်ဆင်တူသော ချိုင့်ခွက်ကြီးများစွာ ဖြစ်ပေါ်ခဲ့သည့် နွေရာသီ မုတ်သုံကာလအတွင်း ပရာကက်ရှ်၏ ကြေကွဲဖွယ် ဖြစ်ရပ်ဆိုး ဖြစ်ပွားခဲ့ခြင်း ဖြစ်သည်။ ချိုင့်ခွက်များအား မွမ်ဘိုင်း၌ မြင်တွေ့နေကျဖြစ်ပြီး ကမ္ဘာတွင် ချိုင့်ခွက်အများဆုံး မြို့အဖြစ် ဂင်းနက်စ်မှတ်တမ်းဝင်နိုင်ရန် လှုပ်ရှားမှုကို ပြုလုပ်နေကြောင်း သိရသည်။ မွမ်ဘိုင်းဒေသခံ တစ်ဦးဖြစ်သူ နာဗင်လာဒီက မွမ်ဘိုင်းတွင် ချိုင့်ခွက် ၂၇၀၀၀ ကျော်ရှိကြောင်း www.mumbaipotholes.com ၌ တင်ခဲ့ရာ ဒေသဆိုင်ရာ တာဝန်ရှိသူများက ထိုအရေအတွက်ကို ငြင်းချက်ထုတ်ခဲ့သည်။

တစ်နေ့လျှင် ၁၀ ဦး သေဆုံးနေ

အိန္ဒိယနိုင်ငံတစ်ဝန်းတွင် ပြီးခဲ့သောနှစ်၌ ချိုင့်ခွက်များနှင့် ဆက်နွှယ်ပြီး လူ ၃၅၉၇ ဦး သေဆုံးခဲ့ရပြီး တစ်နေ့လျှင် ပျမ်းမျှ လူ ၁၀ ဦး သေဆုံးမှုနှင့် ညီမျှကြောင်း အစိုးရက ထုတ်ပြန်ခဲ့သည်။ ဒေသဆိုင်ရာ တာဝန်ရှိသူများသည် လမ်းများကို စနစ်တကျ ပြုပြင်ထိန်းသိမ်းရန် ပျက်ကွက်ခဲ့ကြကြောင်း ဒေသခံများက အပြစ်တင်ခဲ့ကြသည်။

လမ်းပေါ်မှ အပေါက်များအား ပြန်ဖာရန် ငှားရမ်းခဲ့သော ကန်ထရိုက်တာများသည် နောက်နှစ်တွင်လည်း ယင်းကဲ့သို့ ငှားရမ်းစေရန် အကြံအစည်ဖြင့် အလုပ်ကို ဖြစ်ကတတ်ဆန်း လုပ်ဆောင်ခဲ့ကြကြောင်း တက်ကြွ လှုပ်ရှားသူများက စွပ်စွဲခဲ့ကြသည်။ ထိုဖြစ်ရပ်များအတွက် အစိုးရက တာဝန်ခံရန်နှင့် ပိုမိုကောင်းမွန်သော အခြေခံ အဆောက်အအုံများ ဖန်တီးပေးရန် လိုအပ်ကြောင်း ဘီလ်ဟိုးက ပြောကြားခဲ့သည်။

ဘီလ်ဟိုးက ချိုင့်ခွက် ၅၈၅ ခုကို သူတစ်ဦးတည်းဖြင့် အများစုကို ဖို့ပစ်ခဲ့ပြီး ကျန်ချိုင့်ခွက်များကိုမူ ၎င်း၏အကြောင်းကို လေးစားအားကျသည့် စေတနာ့ဝန်ထမ်းများ၏ အကူအညီဖြင့် ဖို့ခဲ့ကြောင်း ပြောကြားခဲ့သည်။ ဘီလ်ဟိုးသည် သတင်းစာဆောင်းပါး အများအပြားတွင် မရေမတွက်နိုင်အောင် ဖော်ပြခံခဲ့ရပြီး ဆုအများအပြားလည်း ချီးမြှင့်ခံခဲ့ရကာ အိန္ဒိယတွင် လေးစားသမှုဖြင့် ခေါ်ဆိုသည့် အမည်ပြောင် “ချိုင့်ခွက်ဒါဒါ” ကိုလည်း ရရှိခဲ့သည်။

“ကျွန်တော်တို့ရဲ့အလုပ်ကို အသိအမှတ်ပြုပေးမှုက နာကျင်မှုကို ဖြေသာဖို့ အားအင်ရစေခဲ့ပါတယ်။ ကျွန်တော် ဘယ်နေရာသွားသွား ပရာကက်ရ်ှက ကျွန်တော့်ဘေးမှာ ရပ်နေတယ်လို့ ခံစားရစေပါတယ်” ဟု ဘီလ်ဟိုးက ပြောကြားခဲ့သည်။ “ကျွန်တော် အသက်ရှင်နေသရွေ့၊ လမ်းလျှောက်နိုင်သေးသရွေ့ ဒီချိုင့်ခွက်အားလုံးကို လိုက်ဖို့ပစ်မှာပါ” ဟု ၎င်းက ပြောကြားခဲ့သည်။

Ref : AFP

အမေရိကန်နှင့် အိန္ဒိယတို့က ပူးတွဲစစ်ရေးလေ့ကျင့်မည့်အကြောင်း ကြေညာပြီး နှစ်နိုင်ငံဆက်ဆံရေးကို အမွှမ်းတင်

စက်တင်ဘာ ၆ ရက်တွင် နယူးဒေလီ၌ အမေရိကန်ကာကွယ်ရေးဝန်ကြီး မာတစ် (ယာ)၊ နိုင်ငံခြားရေးဝန်ကြီး ပွန်ပီယို (၀ဲ) နှင့် အိန္ဒိယ၀န်ကြီးချုပ် မိုဒီ (လယ်) တို့ကို တွေ့ရစဉ် (Photo: AFP)

အမေရိကန်နှင့် အိန္ဒိယမှ ထိပ်တန်းအရာရှိများသည် စက်တင်ဘာ ၆ ရက်က နှစ်နိုင်ငံကြားမှ နက်ရှိုင်းသော ဆက်ဆံရေးကို အမွှမ်းတင်ခဲ့ကြသည်။ ယင်းကြောင့်နှစ်နိုင်ငံ စစ်တပ်အချင်းချင်း ပူးပေါင်းမှု ပိုမိုမြင့်တက်လာမည့်အပြင် အမေရိကန်စစ်လက်နက်များအား အိန္ဒိယက ပို၍ ၀ယ်ယူလာနိုင်စေ မည်ဖြစ်သည်။

အမေရိကန်သည် ဒေသတွင်း၌ တရုတ်၏စီးပွားရေးနှင့် စစ်ရေးအင်အားကြီးထွားလာမှုကို တန်ပြန်ရန်အတွက် မိတ်ဖက်များရှာဖွေနေစဉ် အိန္ဒိယနှင့် ပိုမိုနီးကပ်သော ဆက်ဆံရေးရရှိလာခြင်းဖြစ်သည်။ ဥပမာအားဖြင့် အိန္ဒိယနှင့် အမေရိကန်တို့သည် လာမည့်နှစ်တွင် ပူးတွဲ စစ်ရေးလေ့ကျင့်မှုကြီးများ ကျင်းပရန် အစီအစဉ်များကို အိန္ဒိယကာကွယ်ရေးဝန်ကြီး နီယာမာလာစီသာရာမန်က ကြေညာခဲ့သည်။

အိန္ဒိယနှင့် အမေရိကန်ကြားတွင် ယခင်က ကြည်း၊ ရေ၊ လေတပ်ဖွဲ့များ တစ်ပြိုင်နက် စစ်ရေးလေ့ကျင့်မှုမျိုးမရှိသဖြင့် ယခုကျင်းပမည့် စစ်ရေးလေ့ကျင့်မှုများက ပထမဆုံးဖြစ်လာလိမ့်မည်ဖြစ်သည်။ “၂၀၁၉ ခုနှစ်ကျရင် အိန္ဒိယ အရှေ့ဘက်ကမ်းလွန်ပင်လယ်ပြင်မှာ အမေရိကန်နဲ့ ပထမဆုံးအကြိမ် ကြည်း၊ ရေ၊ လေ ပူးတွဲစစ်ရေးလေ့ကျင့်မှုကြီး ပြုလုပ်သွားဖို့ ဆုံးဖြတ်ထားပါတယ်”  ဟု စီသာရာမန်က ပြောကြားခဲ့သည်။

စီသာရာမန်သည် အိန္ဒိယနိုင်ငံခြားရေးဝန်ကြီး ဆူရှာမာဆွာရာ့ဂ်ျနှင့်အတူ အမေရိကန်နိုင်ငံခြားဝန်ကြီး မိုက်ပွန်ပီယို၊ ကာကွယ်ရေးဝန်ကြီး ဂျင်မာတစ်တို့နှင့် ဆွေးနွေးပွဲများ ပြုလုပ်ခဲ့သည်။ ယင်းဆွေးနွေးပွဲအပြီးတွင် ပွန်ပီယိုက “ နှစ်နိုင်ငံကြားမှာ ယခင်ကမရှိဖူးတဲ့ သမိုင်းဝင် အထူးဆက်ဆံရေးတစ်ခု ရှိသွားပါပြီ” ဟု ပြောကြားခဲ့သည်။

ပူးတွဲ စစ်ရေးလေ့ကျင့်မှုအပြင် အိန္ဒိယ နှင့် အမေရိကန်တို့သည် ဆက်သွယ်ရေးစွမ်းရည်နှင့် လုံခြုံရေးသဘောတူညီချက်တစ်ခုတွင် လက်မှတ်ရေးထိုးခဲ့ကြသည်။ COMCASA ဟုခေါ်သော ထိုသဘောတူညီချက်အရ နှစ်နိုင်ငံကြားတွင် အရေးကြီးသော စစ်ရေးအချက်အလက်များကို လျင်လျင်မြန်မြန်နှင့် လျှို့ဝှက်စွာဖလှယ်နိုင်မည်ဖြစ်သည်။

အမေရိကန်နှင့် အိန္ဒိယသည် အခြေခံအခွင့်အရေးနှင့် လွတ်လပ်မှုတို့ကို လက်ကိုင်ပြုပြီး ပြည်ပမှ စီးပွားရေး အကျပ်ကိုင်မှုကို ကာကွယ်ရန်လည်း မျှော်လင့်သည်ဟု ပွန်ပီယိုက ပြောကြားခဲ့ပြီး တရုတ်နှင့် ၎င်း၏ Belt and Road စီမံကိန်းကို ရည်ညွှန်းသည်ဟု ယူဆရသည်။

အိန္ဒိယသည် အမေရိကန်နှင့် ကုန်သွယ်ရာတွင် ဒေါ်လာ ၂၅ ဘီလျံ ပိုငွေပြနေသည်။ ထို့ကြောင့် အိန္ဒိယဘက်မှ အမေရိကန်၏ အရပ်ဘက်သုံးလေယာဉ်များနှင့်  သဘာဝဓာတ်ငွေ့များကို ပိုမိုဝယ်ယူရန်

သဘောတူညီမှု မူကြမ်းတစ်ခုကို အမေရိကန်သည် ပြီးခဲ့သည့်လက အဆိုပြုထားကြောင်း Hindu Daily သတင်းစာတွင် စက်တင်ဘာ ၇ ရက်က ဖော်ပြခဲ့သည်။

အိန္ဒိယနှင့် အမေရိကန်တို့သည် အကြမ်းဖက်မှု တိုက်ဖျက်ရေးစီမံကိန်းများတွင် ပိုမိုပူး ပေါင်းဆောင်ရွက်ရန်လည်း ကတိပြုထားကြောင်း သိရသည်။

အမေရိကန်သည် နှစ်နိုင်ငံကြားတွင် လက်နက်သဘောတူညီချက်များ လုပ်ဆောင်ရာတွင် ပိုမိုလွယ်ကူရန်အတွက် ၂၀၁၆ ခုနှစ်တွင် အိန္ဒိယကို အဓိက ကာကွယ်ရေးမိတ်ဖက် နိုင်ငံဟု သတ်မှတ်ခဲ့သည်။ သို့သော်အိန္ဒိယသည် ရုရှား၏ S-400 တာဝေးပစ်နှင့် မြေပြင်မှ ဝေဟင်ပစ်ဒုံးကျည်များ အပါအ၀င် စနစ်သစ်များဝယ်ယူရန် သဘောတူညီချက်တစ်ခုကို အပြီးသတ်နေပြီဖြစ်သည်။ ယခု သတင်းစာရှင်းလင်းပွဲတွင် S-400 ကိစ္စအား မည်သို့ လုပ်ဆောင်မည်ကို မည်သည့်ဘက်ကမှ မရှင်းလင်းသွားခဲ့ပေ။

အိန္ဒိယတွင် ဆိုးရွားသော ရေလွှမ်းမှုက ရာသီဥတုပြောင်းလဲမှု ခန့်မှန်းချက်များနှင့် ကိုက်ညီနေ

သြဂုတ် ၁၈ ရက်တွင် ကေရာလာပြည်နယ် ကိုချီမြို့မြောက်ပိုင်း၌ ရေလွှမ်းနေမှုကို တွေ့ရစဉ် (Photo : AFP)

အိန္ဒိယနိုင်ငံရှိ ကေရာလာ ပြည်နယ်တွင် ရာစုနှစ်တစ်ခုအတွင်း တစ်ကြိမ်ဖြစ်သော အသည်းထန်ဆုံး မိုးရွာသွန်းမှုများ ဖြစ်ပွားခဲ့ပြီး လူ ၁ ဒသမ ၃ သန်းကျော် နေရပ်စွန့်ခွာ ထွက်ပြေးခဲ့ရမှုသည် ကမ္ဘာကြီးပူနွေးမှုက အားလျော့မှုမရှိဘဲ ဆက်လက်ဖြစ်ပေါ်နေလျှင် ပိုမိုဆိုးရွားသည့် ဖြစ်စဉ်များ ဖြစ်လာမည်ဖြစ်ကြောင်း သတိပေးထားသော ရာသီဥတုဆိုင်ရာ သိပ္ပံပညာရှင်များ၏ ကြိုတင်ခန့်မှန်းမှုများနှင့် ကိုက်ညီနေခဲ့သည်။

အိန္ဒိယအနောက်တောင်ပိုင်း ကေရာလာပြည်နယ်မှ လယ်သမားများက စားနပ်ရိက္ခာနှင့် အသက်မွေးဝမ်းကျောင်း ပြုမှုအတွက် မှီခိုနေရသော မုတ်သုံမိုးရွာသွန်းမှုသည် ပြည်နယ်တစ်ဝန်းတွင် ပြီးခဲ့သော သီတင်းပတ်က လိုအပ်သည့်ပုံမှန် ပမာဏထက် နှစ်ဆခွဲကျော် ပိုမိုရွာသွန်းခဲ့ကြောင်း အိန္ဒိယမိုးလေ၀သ ပညာရှင်များက ပြောကြားခဲ့သည်။

ယင်းသည် ကေရာလာရေ လွှမ်းမှုကဲ့သို့ အလွန်အမင်းပြင်းထန်သည့် မည်သည့်ရာသီဥတုဖြစ်စဉ် မဆိုသည် ရာသီဥတုပြောင်းလဲမှုဟု မှတ်ယူရန်ခက်ခဲကြောင်း မွမ်ဘိုင်းအနီးပါရှန်းမှ အိန္ဒိယအပူပိုင်းဒေသ မိုးလေ၀သဆိုင်ရာဌာနမှ ရာသီဥတု သိပ္ပံပညာရှင် ရိုစီမက်သယူးကူးက ပြောကြားခဲ့သည်။

တစ်ချိန်တည်းမှာပင် မကြာသေးမီက ၎င်းတို့ပြုလုပ်ခဲ့သည့် သုတေသနများအရ ၁၉၅၀ ပြည့်လွန် နှစ်များမှ ၂၀၁၇ ခုနှစ်ကာလအတွင်း အလွန်အမင်း မိုးသည်းထန်စွာရွာ သွန်းမှုများမှသည် ဧရာမ ရေလွှမ်းမိုးမှုများအထိ သုံးဆမြင့်တက်ခဲ့ကြောင်း ၎င်းက ပြောကြားခဲ့သည်။

အိန္ဒိယနိုင်ငံတစ်ဝန်းတွင် ထိုအလားတူကာလ၌ မုတ်သုံမိုးသည်းထန်စွာ ရွာသွန်းမှုကြောင့် ဖြစ်ပွားခဲ့သော ရေလွှမ်းမိုးမှုများကြောင့် လူ ၆၉၀၀၀ သေဆုံးခဲ့ရပြီး လူ ၁၇ သန်းခန့် အိုးအိမ်မဲ့ဖြစ်ခဲ့ရကြောင်း ၎င်းက ပူးတွဲပြုစုခဲ့ပြီး ပြီးခဲ့သောနှစ်တွင် Nature Communications ဂျာနယ်၌ ဖော်ပြခဲ့သည့် လေ့လာမှုတွင် ဖော်ပြခဲ့သည်။

ကေရာလာပြည်နယ်ရှိ အဓိက ဆည် ၃၅ ခုစလုံးသည် သြဂုတ် ၁၀ ရက်မတိုင်မီ မိုးရေများဖြင့် ပြည့်နေခဲ့ပြီး အာဏာပိုင်များသည် ၂၆ နှစ်အတွင်း ပထမဆုံးအကြိမ်အဖြစ် Idukki ဆည်၏ ရေလွှဲပေါက်များကို မဖွင့်မနေ ဖွင့်ချခဲ့ရသည်။

ကေရာလာတွင် မြင်တွေ့ခဲ့ရသော ထိုရေလွှမ်းမိုးမှုများသည် ယခုအခါ အခြေခံအားဖြင့် ရာသီဥတုဆိုင်ရာ ခန့်မှန်းချက်များနှင့် ကိုက်ညီနေခဲ့ကြောင်း၊ ကာဗွန်ဒိုင်အောက်ဆိုက် ထုတ်လွှတ်မှုများသည် လက်ရှိနှုန်းထားအတိုင်း ဆက်လက်ရှိနေပါက ထိန်းချုပ်၍ မရနိုင်သော အန္တရာယ်များကို ကြုံရနိုင်ကြောင်း ဂျာမနီရှိ Potsdam Institute for Climate Impact Research မှ သိပ္ပံပညာရှင် ကီရာဗင်ကီက ပြောကြားခဲ့သည်။

ကမ္ဘာကြီးပူနွေးမှု၏ လက္ခဏာ အမှတ်အသားများအား ခွဲခြားရန် သိပ္ပံပညာရှင်များအတွက် ခက်ခဲနေဆဲ ဖြစ်လျှင်ပင် ထိုဖျက်အားပြင်း မိုးသည်းထန်စွာ ရွာသွန်းမှုနောက်ကွယ်မှ ရာသီဥတုပုံစံများကို ကောင်းမွန်စွာ နားလည်နိုင်ကြောင်း ၎င်းက ပြောကြားခဲ့သည်။ အာရေဗျပင်လယ်နှင့် အနီးရှိ ကျယ်ပြန့်သော ကုန်းမြေတွင် အလျင်အမြန် ပူနွေးလာမှုက မုတ်သုံလေများအား အတက်အကျမြန်စေပြီး သုံးရက်မှ လေးရက်အထိ ကာလတိုအတွင်း ပိုမိုပြင်းထန်စေကြောင်း၊ ထိုကာလများအတွင်း အာရေဗျပင်လယ်မှ စိုထိုင်းမှုသည် ကုန်းတွင်းပိုင်း၌ အလွန်အမင်း ထိုးကျသွားခဲ့ကြောင်း ကူးက ပြောကြားခဲ့သည်။

ရာသီဥတု ပြောင်းလဲမှုကြောင့် ပြီးခဲ့သော ဆယ်စုနှစ်အတွင်း ကုန်းမြေထု၌ အပူလွန်ကဲမှုသည် အိန္ဒိယ အလယ်ပိုင်းနှင့် တောင်ပိုင်းတို့တွင် မုတ်သုံမိုးရွာသွန်းမှုကို အရှိန်အဟုန် အားကောင်းစေခဲ့ကြောင်း ရုရှားသိပ္ပံအကယ်ဒမီမှ ပါမောက္ခနှင့် PIK မှ အကြီးတန်း သိပ္ပံပညာရှင်လည်းဖြစ်သည့် မုတ်သုံမိုး ကျွမ်းကျင်ပညာရှင် Elena Surovyatkina က ပြောကြားခဲ့သည်။

လတ်တလောအထိ စောင့်ကြည့်ခဲ့သော အပြောင်းအလဲများသည် ကမ္ဘာ့မျက်နှာပြင် ပျမ်းမျှအပူချိန်သည် စက်မှုခေတ် မတိုင်မီကထက် တစ်ဒီဂရီဆဲစီးယပ် (၁ ဒသမ ၈ ဒီဂရီဖာရင်ဟိုက်) သာ မြင့်တက်ခဲ့ပြီးနောက် ဖြစ်ပေါ်မှုများဖြစ်ကြောင်း သိရသည်။

လက်ရှိနှုန်းထားအရ အိန္ဒိယ၏ နှစ်စဉ်ပျမ်းမျှ အပူချိန်သည် ရာစုနှစ်လယ်မတိုင်မီ စံသတ်မှတ်ချက်နှင့် နှိုင်းယှဉ်ပါက ၁ ဒသမ ၅ ဒီဂရီဆဲစီးယပ်မှ သုံးဒီဂရီဆဲစီးယပ်သို့ မြင့်တက်လာနိုင်ကြောင်း South Asia’s Hotspots ဟုအမည်ပေးထားသော ကမ္ဘာ့ဘဏ် အစီရင်ခံစာ၌ ဖော်ပြခဲ့သည်။

မှန်ကန်သော အရေးယူ ဆောင်ရွက်မှုများ မရှိခဲ့လျှင် မိုးရွာသွန်းမှု ပုံစံပြောင်းလဲမှုနှင့် အပူချိန်မြင့်တက် လာမှုတို့ကြောင့် အိန္ဒိယအား ဂျီဒီပီ၏ ၂ ဒသမ ၈ ရာခိုင်နှုန်း ဆုံးရှုံးစေနိုင်ပြီး လူဦးရေအားလုံး၏ ထက်ဝက်နီးပါး၏ လူနေမှု အဆင့်အတန်းများကို ၂၀၅၀ ပြည့်နှစ်မတိုင်မီ ဆွဲချသွားနိုင်ကြောင်း ကမ္ဘာ့ဘဏ်က ကြေညာချက် ထုတ်ပြန်ခဲ့သည်။

နိုင်ငံပေါင်း ၁၉၆ နိုင်ငံပါဝင်သော ပါရီရာသီဥတုပြောင်းလဲမှု တိုက်ဖျက်ရေး သဘောတူညီချက်အရ ကမ္ဘာကြီးပူနွေးမှုအား နှစ်ဒီဂရီဆဲစီးယပ် (၃ ဒသမ ၆ ဒီဂရီဖာရင် ဟိုက်) ၌ ထားရှိရန် ဖြစ်နိုင်လျှင် ၁ ဒသမ ၅ ဒီဂရီဆဲစီးယပ်တွင် ထိန်းသိမ်းထားရန် တိုက်တွန်းထားသည်။ သို့သော် ထိုသဘောတူညီချက်အား လိုက်နာပြီး ဖန်လုံအိမ်ဓာတ်ငွေ့ ထုတ်လွှတ်မှုများကို လျှော့ချရန် နိုင်ငံများက ဆန္ဒအလျောက် ကတိပြုခဲ့လျှင်ပင် အပူချိန် မြင့်တက်မှုသည် သုံးဒီဂရီဆဲစီးယပ်၌ ဆက်ရှိနေမည် ဖြစ်ကြောင်း သိရသည်။

ကမ္ဘာကြီးပူနွေးမှု၏ နောက်ဆက်တွဲအဖြစ် ရေလွှမ်းမှုသည် အိန္ဒိယ၏ လျင်မြန်စွာ မြင့်တက်လာနေသော လူဦးရေက ရင်ဆိုင်ရမည့် ပြဿနာ တစ်ခုတည်းသာ မဟုတ်ပေ။ အိန္ဒိယတွင် မြင်တွေ့နေရမည့် ရာသီဥတု ပြောင်းလဲမှုသည် စိုစွတ်သော ရာသီဥတုက ပိုမိုစိုစွတ်ပြီး ခြောက်သွေ့သော ရာသီဥတုက ပိုမိုခြောက်သွေ့လာမည် ဖြစ်ကြောင်း၊ ၎င်းတို့က စောင့်ကြည့်နေသော မုတ်သုံမိုးသည် အစဉ်အလာ နည်းလမ်းများဖြင့် ခန့်မှန်းရန် ပိုမိုခက်ခဲလာနေကြောင်း ဗင်ကီက ပြောကြားခဲ့သည်။

လူကြောင့်ဖြစ်သော ကာဗွန်ဒိုင်အောက်ဆိုက် ထုတ်လွှတ်မှုများသည် လျော့နည်းသွားခြင်း မရှိလျှင် မကြာသေးမီက ပြုလုပ်ခဲ့သော သုတေသနတစ်ခုအရ အိန္ဒိယအရှေ့မြောက်ပိုင်းရှိ ဒေသအချို့တွင် အပူလှိုင်းများဖြတ်စဉ် ပူလောင်မှုနှင့် စိုထိုင်းမှု ပေါင်းစပ်မှုကြောင့် ရာစုနှစ်မကုန်မီ နေထိုင်၍ မရသည့် အခြေအနေ ဖြစ်လာနိုင်ကြောင်း သိရသည်။ အမှန်တကယ်ပင် ဂင်္ဂါ-ဗြဟ္မ ပုတြမြစ်ဝှမ်းအပါအ၀င် တောင်အာရှရှိ ကျယ်ပြန့်သော ဒေသများသည် အသက်ရှင်သန်နိုင်မှု၏ အပြင်ဘက် အခြေအနေသို့ ချဉ်းကပ်နိုင်ကြောင်း ထိုလေ့လာမှုက ဖော်ပြခဲ့သည်။

ယင်းအချိန်တွင် ရေခဲပြင်များ အရည်ပျော်မှုနှင့် သမုဒ္ဒရာရေပြင် ကျယ်ပြန့်လာခြင်းကြောင့် အထူးသဖြင့် ကမ်းရိုးတန်းမြို့များ၌ ပင်လယ်ရေမျက်နှာပြင် မြင့်တက်မှုအန္တရာယ်ကို ကြုံရနိုင်ပြီး တစ်ဖက်တွင်လည်း အလွန်အကျွံ ဖွံ့ဖြိုးတိုးတက်ရေး လုပ်ဆောင်မှုနှင့် မြေအောက်ရေများ ကုန်ခန်းလာမှုကြောင့် မြေမျက်နှာပြင် နိမ့်ဆင်းမှုများ ဖြစ်ပေါ်နိုင်ကြောင်း ဖော်ပြခဲ့သည်။

Ref : AFP

ရေဘေးအတွက် ဒေါ်လာသန်း ၁၀၀ ကူညီရန် ယူအေအီး၏ ကမ်းလှမ်းမှုကို အိန္ဒိယ ငြင်းပယ်

သြဂုတ် ၂၂ ရက်တွင် ကေရာလာပြည်နယ်၌ ရေဘေးအတွက် ကယ်ဆယ်ရေးပစ္စည်းများကို ကျောင်းသားများက လက်ဆင့်ကမ်း သယ်နေကြစဉ် (Photo : AFP)

သေဆုံးသူ ၄၀၀ ကျော်ရှိလာပြီဖြစ်သော အိန္ဒိယနိုင်ငံ ကေရာလာပြည်နယ်တွင် ရေလွှမ်းမိုးမှုကြောင့် ထိုပြည်နယ်၏ အထူးရန်ပုံငွေသို့ ယူအေအီးအစိုးရက ဒေါ်လာသန်း ၁၀၀ ကူညီရန် ကမ်းလှမ်းခဲ့မှုကို အိန္ဒိယအစိုးရက သြဂုတ် ၂၂ ရက်တွင် ပယ်ချခဲ့သည်။ အိန္ဒိယဗဟိုအစိုးရ၏ လတ်တလောအထိ ကတိပြုထားမှုထက် ပိုမိုများပြားသော အကူအညီကို တောင်းခံထားသည့် ကေရာလာပြည်နယ် ၀န်ကြီးချုပ်က ပင်လယ်ကွေ့နိုင်ငံ၏ အကူအညီကို လက်ခံရန် တောင်းဆိုမှု ရှိသော်လည်း ယခုကဲ့သို့ ပယ်ချခဲ့ခြင်းဖြစ်သည်။

လက်ရှိ မူဝါဒအရ ဗဟိုအစိုးရသည် ပြန်လည်ကယ်ဆယ်ရေးနှင့် ထူထောင်ရေးအတွက် လိုအပ်ချက်များကို ဖြည့်ဆည်းရန် ပြည်တွင်း၌ ကြိုးပမ်းမှုများမှတစ်ဆင့် လုပ်ဆောင်မည်ဖြစ်ကြောင်း အိန္ဒိယနိုင်ငံခြားရေး ၀န်ကြီးဌာနက ထိုငြင်းပယ်ရသည့် အကြောင်းရင်းကို ရှင်းလင်းချက် ထုတ်ပြန်ခဲ့သည်။ ပြည်ပငွေကြေးများသည် အိန္ဒိယ တစ်ဦးချင်း သို့မဟုတ် ဖောင်ဒေးရှင်းများထံသို့သာ လှူဒါန်းနိုင်ကြောင်း နိုင်ငံခြားရေး ၀န်ကြီးဌာနက ထုတ်ပြန်ခဲ့သည်။

အိန္ဒိယသည် ၂၀၀၄ ခုနှစ် ဆူနာမီဖြစ်စဉ်အပြီး ပြည်ပအကူအညီကို ပယ်ချခဲ့မှု အပါအ၀င် သဘာဝဘေးများ ကြုံတွေ့ရအပြီး ပြည်ပအကူအညီများကို ငြင်းပယ်ခဲ့သည့် အစဉ်အလာရှိခဲ့သည်။ မည်သည့် အရေးပေါ် အခြေအနေကိုမဆို ၎င်းတို့ကိုယ်တိုင် ကိုင်တွယ်ဖြေရှင်းနိုင်ကြောင်းကို အိန္ဒိယအစိုးရက သက်သေပြလိုခြင်း ဖြစ်သည်ဟု ကျွမ်းကျင်သူများက ပြောကြားခဲ့သည်။ ဆိုးရွားသော ရေလွှမ်းမိုးမှုများ ဖြစ်ပွားခဲ့ပြီးနောက် ကယ်ဆယ်ရေးနှင့် ပြန်လည်ထူထောင်ရေး လုပ်ငန်းများတွင် ကူညီခဲ့ကြသည့် ပြည်ပအစိုးရများ အပါအ၀င် နိုင်ငံအများအပြား၏ အကူအညီ ကမ်းလှမ်းမှုများကို အလွန်အမင်း ကျေးဇူးတင်ကြောင်း အိန္ဒိယက သြဂုတ် ၂၁ ရက်တွင် ထုတ်ပြန်ခဲ့သော်လည်း ယူအေအီး၏ အကူအညီကိုမူ ထည့်သွင်းမပြောခဲ့ပေ။

မော်လဒိုက် အစိုးရကလည်း ရေဘေးအတွက် ငွေကြေးကူညီမည်ဟု ကတိပြုထားပြီး ငြင်းပယ်ပါက နိုင်ငံရေးဆိုင်ရာ အငြင်းပွားမှုကို ဖြစ်ပေါ်စေနိုင်သည်။ ကေရာလာပြည်နယ် ၀န်ကြီးချုပ် ပီနာရာယီဝီဂျယန်က ယူအေအီး၏ အကူအညီကို လက်ခံနိုင်ရန်အတွက် ဗဟိုအစိုးရနှင့် ဆွေးနွေးရန် တောင်းဆိုခဲ့သည်။ ယူအေအီး၏ အကူအညီသည် အိန္ဒိယ ဗဟိုအစိုးရ၏ ကတိပြုထားသော ဒေါ်လာ ၉၇ သန်းထက် ပိုမိုများပြားနေသည်။

ဝီဂျယန်က အစိုးရထံမှ ဒေါ်လာ ၃၇၅ သန်း အကူအညီ တောင်းခံထားပြီး ၎င်း၏ပြည်နယ်တွင် ပျက်စီးဆုံးရှုံးမှု တန်ဖိုး ဒေါ်လာသုံးဘီလျံ ကျော်နိုင်ကြောင်း ပြောကြားခဲ့သည်။ မုတ်သုံမိုးကြောင့် ပြီးခဲ့သော ဇွန်နောက်ပိုင်း ကေရာလာတွင် လူ ၄၂၀ ကျော် သေဆုံးခဲ့ပြီး လူ ၁ ဒသမ ၃၄ သန်း ခန့်သည် ပြည်နယ်တစ်ဝန်းရှိ ကယ်ဆယ် ရေးစခန်း ၃၃၀၀ ကျော်တွင် နေထိုင်နေရကြောင်း သိရသည်။

Ref : AFP

အိန္ဒိယ၌ ရေကြီးမှုကြောင့် ကယ်ဆယ်ရေးစခန်းများတွင် လူတစ်သန်းကျော် ရောက်ရှိနေ

သြဂုတ် ၂၀ ရက်တွင် ကေရာလာပြည်နယ်၌ ရေလွှမ်းခဲ့ပြီးနောက် သက်ကြီးပိုင်းအမျိုးသမီးတစ်ဦးကို ကယ်ဆယ်ရေးစခန်းသို့ ရွှေ့ပြောင်းပေးနေစဉ်​ (Photo – AFP)

အိန္ဒိယနိုင်ငံ အနောက်တောင်ပိုင်းရှိ ကေရာလာပြည်နယ်တွင် လူ ၄၁၀ ကျော်ကို သေဆုံးစေခဲ့သော မုတ်သုံရေကြီးမှုမှ လွတ်မြောက်စေရန်အတွက် ကယ်ဆယ်ရေးစခန်း သို့ ရောက်လာကြသူဦးရေမှာ တစ်သန်းကျော်ရှိသည်ဟု သက်ဆိုင်ရာအရာရှိများက သြဂုတ် ၂၁ ရက်တွင် ပြောကြားခဲ့သည်။

ရေကြီးမှုအတွင်း နေအိမ်ပေါင်း ၅၀၀၀၀ ခန့် ပျက်စီးခဲ့ပြီး လူများသည် ကယ်ဆယ်ရေးစခန်းများသို့ စုပြုံရောက်လာကြကြောင်း ကေရာလာပြည်နယ်မှ လွှတ်တော်အမတ် တစ်ဦးက ဆိုသည်။ တစ်ဖက်တွင်လည်း ရေများပြန်ကျနေပြီဖြစ်သဖြင့် ပျက်စီးဆုံးရှုံးမှု မြင်ကွင်းမှာ ပိုမိုပီပြင်လာကြောင်း သိရသည်။

ပြည်နယ်တစ်ဝန်းရှိ ကယ်ဆယ်ရေး စခန်း ၃၂၀၀ တွင် စုစုပေါင်းလူ ၁၀၂၈၀၀၀ ခိုလှုံနေသည်ဟု ပြည်နယ်အစိုးရ ပြောခွင့်ရပုဂ္ဂိုလ်က ပြောကြားခဲ့သည်။

သြဂုတ် ၂၀ ရက်က အလောင်းခြောက်လောင်းကို ထပ်မံတွေ့ရှိခဲ့သဖြင့် မုတ်သုံရာသီစတင်သည့် ဇွန်လကတည်းက ကေရာလာ ပြည်နယ်ထဲ၌ သေဆုံးသူဦးရေမှာ ၄၁၀ ကျော်သွားခဲ့ပြီဖြစ်ကြောင်း ၎င်းက ဆက်လက်ပြောကြားခဲ့သည်။

ယခုရေကြီးမှုဖြစ်စဉ်အတွင်း အထိနာဆုံးဖြစ်ခဲ့သည့် မြို့တစ်မြို့ဖြစ်သော ချန်ဂန်နာတွင်မူ သြဂုတ် ၂၁ ရက်တွင် မိုးများ ပိုမိုရွာသွန်းနေကာ နှစ်ပေ ( စင်တာမီတာ ၆၀) မြင့်သော ရေများသည် လက်ရှိအချိန်အထိ လမ်းများကို ပိတ်နေဆဲဖြစ်သည်။

၁၀ ရက်ဆက်တိုက်ရွာသွန်းခဲ့သော မိုးကြောင့် ရေကြီးနေသည့် နေအိမ်များထဲတွင် လက်ရှိအချိန်အထိ နေထိုင်နေသူဦးရေမှာလည်း ထောင်ပေါင်းများစွာရှိနေသေးသည်ဟု စစ်ဘက်ဆိုင်ရာအဖွဲ့များက ထုတ်ပြန်ခဲ့သည်။ သို့သော် မြို့ထဲတွင် ကျန်နေသူအများစုသည် ဘေးလွတ်ရာသို့ ပြောင်းရွှေ့လိုခြင်း မရှိဘဲ စားနပ်ရိက္ခာနှင့် ရေများကိုသာရယူ လိုနေကြသည်ဟု ချန်ဂန်နာမြို့ ကယ်ဆယ်ရေးထဲတွင် ပါဝင်သော စစ်ဘက်အရာရှိတစ်ဦးက ပြောကြားခဲ့သည်။

ကြည်းတပ်၊ လေတပ်နှင့် ရေတပ်တို့မှ ထောင်နှင့်ချီသော တပ်ဖွဲ့ဝင်များသည် ပြည် နယ်တစ်ဝန်းရှိ ဝေးလံခေါင်သီပြီး ကုန်းမြင့်ဖြစ်နေသော နေရာများတွင် သောင်တင်နေသူများကို ကူညီရန်အတွက် လုပ်ဆောင်နေကြပြီ ဖြစ်သည်။ ဒါဇင်ပေါင်းများစွာရှိသော ရဟတ်ယာဉ်များ (မောင်းသူမဲ့လေယာဉ်များ ပင်ပါဝင်) မှာမူ အဆက်အသွယ်ပြတ်နေသော ကျေးရွာများသို့ အစားအစာများ၊ ရေ နှင့် ဆေးဝါးများကို ချပေးနေကြသည်။

ကေရာလာပြည်နယ်မြောက်ပိုင်းရှိ ကုန်းမြင့်ဒေသများမှ ရေများသည်မြေနိမ့်အရပ်များသို့ စီးဆင်းလာသည့်အတွက် ချန်ဂန်နာ အပါအ၀င် အနီးဝန်းကျင်ရှိမြို့များနှင့် ကျေးရွာများရှိ လူထောင်ပေါင်းများစွာသည် အစားစားရန်အတွက် ဘုံမီးဖိုချောင်များအပေါ် မှီခိုနေရသည်။

“လူတွေဟာ ပြီးခဲ့တဲ့ရက်တွေအတွင်းမှာပဲ သူတို့ ပိုင်ဆိုင်တာအားလုံး ဒါမှမဟုတ် အများစုကို ဆုံးရှုံးလိုက်ရပါတယ်” ဟု အရာရှိတစ်ဦးက ပြောကြားခဲ့သည်။

ကေရာလာပြည်နယ်အတွက် အိန္ဒိယပြည်တွင်းမှသာမက ပြည်ပမှ ဒေါ်လာသန်းနှင့်ချီသော အကူအညီများ စုပြုံရောက်ရှိလာနေကြပြီ ဖြစ်သည်။

Ref ; AFP

အိန္ဒိယတောင်ပိုင်းတွင် ရုတ်တရက်ရေကြီးမှု ဖြစ်ပွားခဲ့ရာ လူ ၂၇ ဦးထက်မနည်းသေဆုံး

သြဂုတ် ၉ ရက်တွင် ကိုချီမြို့၌ ရေလွှမ်းမှုကြောင့် ရှီဝဘုရားကျောင်း နစ်မြုပ်နေမှုအား ဒေသခံများက ကြည့်ရှုနေစဉ် (Photo – AFP)

အိန္ဒိယတောင်ပိုင်းရှိ ကေရာလာပြည်နယ်တွင် ရုတ်တရက်ရေကြီးမှုဖြစ်ပွားခဲ့ရာ လူ ၂၇ ဦးထက်မနည်း သေဆုံးခဲ့ကြောင်း တာဝန်ရှိသူများက သြဂုတ် ၁၀ ရက်တွင် ပြောကြားခဲ့သည်။

ကမ်းရိုးတန်းဒေသဖြစ်သည့် ကေရာလာပြည်နယ်သည် ထန်းပင်များ စီတန်းပေါက်ရောက်နေသည့် ကမ်းခြေများနှင့် လက်ဖက်စိုက်ခင်းများကြောင့် ကျော်ကြားသောနေရာ ဖြစ်သည်။

နှစ်စဉ်မုတ်သုံမိုးဒဏ်ကို ရင်ဆိုင်နေရပြီး အထူးသဖြင့် ယခုရာသီတွင် မိုးပိုမိုသည်းထန်စွာ ရွာသွန်းခြင်း ဖြစ်သည်။ ယခုနှစ်တွင် မုတ်သုံမိုးရွာသွန်းပြီး ရေကြီးခြင်းကြောင့် နိုင်ငံအနှံ့ လူ ၇၀၀ ကျော် သေဆုံး ခဲ့ပြီး ယမန်နှစ်က လူ ၁၂၀၀ သေဆုံးခဲ့သည်။

နှစ်ရက်ကြာ မိုးရွာသွန်းပြီးနောက် ကေရာလာပြည်နယ်တွင် ကယ်ဆယ်ရေးလုပ်ငန်းများကို စစ်တပ်က လုပ်ဆောင်နေပြီး ရေများစီးဆင်းသွားစေရန် ရေကာတာ ၂၄ ခုကို အာဏာပိုင်များက ဖွင့်ပေးခဲ့ရသည်။

ပြည်သူ ၂၀၀၀၀ ခန့်အား ဘေးလွတ်ရာသို့ ရွှေ့ပြောင်းပေးခဲ့ပြီး ကယ်ဆယ်ရေးစခန်း ပေါင်း ၂၆၀ ကို တည်ဆောက်ပြီး ဖြစ်သည်။ နိုင်ငံခြားသား ၂၄ ဦး ပါဝင်သော ခရီးသွား ၅၇ ဦးတို့သည် တောင်ခြေမြို့ မန်နာမီးရထား ဘူတာရုံတွင် သောင်တင်နေကြကြောင်း သိရသည်။

အိန္ဒိယတွင် လည်ပတ်နေသည့် အမေရိကန်နိုင်ငံသားများအား ရေကြီးမှုဖြစ်ပွားနေသည့် နေရာများသို့ မသွားရောက်ကြရန်  အမေရိကန်သံရုံးက သြဂုတ် ၉ ရက်တွင် သတိပေးထားသည်။

ဇွန်မှ စက်တင်ဘာလထိ အပြင်းအထန်ရွာသွန်းသော မုတ်သုံမိုးကြောင့် ယခုနှစ်အတွင်း အိန္ဒိယနိုင်ငံတစ်ဝန်း၌ လူ ၇၀ ထက်မနည်း သေဆုံးခဲ့ပြီး ဒေါ်လာသန်းပေါင်းများစွာ တန်ဖိုးရှိသည့် ကောက်ပဲသီးနှံစိုက်ခင်းများစွာ ပျက်စီးဆုံးရှုံးခဲ့သည်။

Ref ; AFP

ယူနက်စကို၏ ကမ္ဘာ့ရှေးဟောင်းယဉ်ကျေးမှု အမွေအနှစ် စာရင်းတွင် မွမ်ဘိုင်းမှ Victorian Gothic လက်ရာ Art Deco အဆောက်အအုံများ၊ ဂျပန်မှ ခရစ်ယာန်ရွာများနှင့် ကိုရီးယားမှ ဗုဒ္ဓဘာသာ တောင်ပေါ် ဘုရားကျောင်းများ ထည့်သွင်းခံရ

နာဂါစကီရှိ နိုကူဘီခရစ်ယာန် ဘုရားကျောင်းဟောင်းအား ရိုက်ကူးထားသော ဓာတ်ပုံ (Photo : AFP)

ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှု အဖွဲ့အစည်း (ယူနက်စကို) ၏ ကမ္ဘာ့ရှေးဟောင်း ယဉ်ကျေးမှု အမွေအနှစ်များစာရင်းကို ဇွန် ၃၀ ရက်တွင် ဘာရိန်းမြို့တော် မန်နာမာ၌ ကျင်းပသည့် အစည်းအဝေး၌ ထုတ်ပြန်ခဲ့သည်။

ကမ္ဘာတွင် မိုင်ယာမီပြီးလျှင် ဒုတိယအများဆုံး အစုအဝေးဟု ယူဆရသည့် မွမ်ဘိုင်းမှ Art Deco အဆောက်အအုံများသည် ထင်ရှားသော Victorian Gothic ဗိသုကာလက်ရာနှင့်အတူ ရွေးချယ်ခံခဲ့ရသည်။ ဂျပန်တောင်ပိုင်းရှိ နာဂါစကီတွင် တည်ရှိသော ခရစ်ယာန်ရွာ ၁၀ ရွာ၊ ခရစ်ယာန် ဘုရားရှိခိုးကျောင်း တစ်ကျောင်းတို့လည်း ထိုစာရင်းတွင် ပါဝင်ခဲ့သည်။

ကိုရီးယားတွင် တိုင်းရင်းသားများ၏ ယုံကြည်မှုနှင့် ပုံစံများအား ပေါင်းစပ်ခဲ့သည့် ဗုဒ္ဓဘာသာကို ကိုယ်စားပြုသည့် ရှေးဟောင်းကိုရီးယားတောင်ပေါ် ဘုရားကျောင်း ခုနစ်ကျောင်းသည်လည်း ထိုစာရင်းတွင် ထည့်သွင်းခံခဲ့ရသည်။

မွမ်ဘိုင်း

အကျိုးအမြတ်မယူသော အဖွဲ့အစည်းတစ်ခုက မွမ်ဘိုင်းရှိ Art Deco အဆောက်အအုံ တစ်ခုချင်းစီအား မှတ်တမ်းတင်ခဲ့ကြသော်လည်း အိန္ဒိယ၏ ဘဏ္ဍာရေးမြို့တော် တစ်ဝန်းတွင် ယင်းကဲ့သို့ အဆောက်အအုံ အလုံးပေါင်း ၂၀၀ ကျော် ရှိဖွယ်ရှိဟု ခန့်မှန်းထားကြသည်။ ၁၉၃၀ ပြည့်လွန်နှစ်များ အစောပိုင်းနှင့် ၁၉၅၀ ပြည့်လွန်နှစ်များ အစောပိုင်း ကာလများအကြား ပြန်လည်သိမ်းယူထားသည့် မြေပေါ်တွင် ထိုအဆောက်အအုံ များစွာကို တည်ဆောက်ခဲ့ခြင်းဖြစ်ပြီး ကမ်းရိုးတန်းမြို့၏ တောင်ဘက်တွင် စုပြုံရှိနေခဲ့သည်။

Victorian Gothic လက်ရာတွင် လသာဆောင်များနှင့် ၀ရန်တာများ အပါအ၀င် ရာသီဥတုနှင့် ကိုက်ညီသော အိန္ဒိယ၏ လက်ရာများ စုဝေးပါဝင်ကြောင်း ယူနက်စကို၏ ကြေညာချက်တွင် ဖော်ပြခဲ့သည်။ အိန္ဒိယဒီဇိုင်းကို Art Deco စိတ်ကူးနှင့် ရောစပ်ထားသော Art Deco အဆောက်အအုံသည် Indo-Deco အဖြစ် ဖော်ညွှန်းခံခဲ့ရသည့် ပြိုင်ဘက်ကင်းသောပုံစံကို ဖန်တီးခဲ့ကြောင်း ဆိုခဲ့သည်။

ယင်းကဲ့သို့ အလွန်အမင်း ကွဲပြားနေသော ဗိသုကာလက်ရာနှစ်မျိုးသည် လူငယ်ခရစ်ကက် ကစားသမားများက ၎င်းတို့၏ အရည်အအသွေးများကို သွေးသည့်နေရာဖြစ်သော ထင်ရှားသည့် ၂၂ ဧကကျယ်ဝန်းသော Oval Maidan ကစားကွင်းတစ်လျှောက် မျက်နှာချင်းဆိုင်၌ တည်ရှိနေကြသည်။

မွမ်ဘိုင်းရှိ Art Deco အဆောက်အအုံများအား တွေ့ရစဉ် (Photo : AFP)

မွမ်ဘိုင်းရှိ Art Deco အဆောက်အအုံများသည် ကိုလိုနီပြုသူ ဗြိတိန်က တည်ဆောက်ခဲ့သော Victorian Gothic ပုံစံများ၏ အရိပ်မိုးမှုအား အမြဲတမ်း ခံခဲ့ရကြောင်း၊ သို့သော် ယူနက်စကို၏ ယခုအသိအမှတ်ပြုမှုသည် Art Deco ကို ၎င်း၏နေရာမှန်သို့ ပြန်ရောက်စေရန် အထောက်အကူ ဖြစ်စေမည်ဖြစ်ကြောင်း Art Deco Mumbai အား ထူထောင်သူ အတူကူးမားက ပြောကြားခဲ့သည်။

မွမ်ဘိုင်းတွင် Victoria Terminus ဟု သိထားကြသည့် ထင်ရှားသော အဓိကဘူတာရုံ အပါအ၀င် အသိအမှတ် ပြုခံရသည့် အဆောက်အအုံ အချို့သည် Victorian Gothic ပုံစံဖြင့် တည်ဆောက်ထားခြင်းဖြစ်သည်။ ဗြိတိန်က အိန္ဒိယကို အုပ်ချုပ်နေစဉ် ၁၉ ရာစုတွင် တည်ဆောက်ခဲ့သော ဘုံဘေအထက်တရားရုံး၊ မွမ်ဘိုင်းတက္ကသိုလ်နှင့် အရပ်ဘက် အာဏာပိုင်အဖွဲ့ရုံးချုပ် တို့ကိုလည်း ထိုဗိသုကာလက်ရာဖြင့် တည်ဆောက်ခဲ့ခြင်းဖြစ်သည်။

ဂျပန်

နာဂါစကီဒေသတွင် ပြီးခဲ့သော ရာစုနှစ်လေးခုကျော်က ၎င်းတို့၏ ယုံကြည်မှုအတွက် ကွပ်မျက်ခံခဲ့ရသည့် ခရစ်ယာန် ၂၆ ဦးကို ရည်စူးသော Oura ကက်သလစ် ဘုရားကျောင်း၊ Hara ရဲတိုက်နှင့် ရွာ ၁၀ ရွာတို့သည် ယူနက်စကို၏ ရှေးဟောင်းယဉ်ကျေးမှု အမွေအနှစ် စာရင်းတွင် ရွေးချယ်ခံခဲ့ရသည်။

ဥရောပဘရင်ဂျီ ဘာသာရေးဂိုဏ်းမှ သာသနာပြု ဖရန်ဆွာဇာဗီယာသည် အဖော်နှစ်ဦးနှင့်အတူ  ရောက်ရှိခဲ့သည့် ၁၅၄၅ ခုနှစ်တွင် ခရစ်ယာန် အယူဝါဒသည် ဂျပန်အနောက်ပိုင်းတွင် စတင်ပျံ့နှံ့ခဲ့သည်။ ယင်းနောက် သာသနာပြုများ ထပ်မံရောက်လာပြီး ခရစ်ယာန်ကိုးကွယ်မှု ပျံ့နှံ့လာချိန်တွင် ဂျပန်စစ်ဘက် ခေါင်းဆောင်များက သံသယ၀င်ခဲ့ကြပြီး ၁၅၈၉ ခုနှစ်မှစ၍ ခရစ်ယာန်များအား စတင်ဖိနှိပ်ခဲ့သည်။

Oura ဘုရားကျောင်းတွင် ဂုဏ်ပြုခံခဲ့ရသော ဂျပန် ၂၀ ဦးနှင့် နိုင်ငံခြားသား ခြောက်ဦးတို့သည် နာဂါစကီတွင် ၁၅၇၉ ခုနှစ်၌ ကွပ်မျက်ခံခဲ့ရသည်။ ၁၈၆၄ ခုနှစ်တွင် ပြင်သစ်ခရစ်ယာန် ဘုန်းကြီးများက တည်ဆောက်ခဲ့ပြီး ဒေသခံများအကြား ပြင်သစ်ဘုရားကျောင်းဟု လူသိများသော ထိုဘုရားကျောင်းသည် ဂျပန်တွင် ခရစ်ယာန်နှင့် သက်ဆိုင်သည့် သက်တမ်းအရင့်ဆုံး အဆောက်အအုံဖြစ်သည်။

၁၆၀၃ ခုနှစ်မှ ၁၈၆၇ ခုနှစ်အထိ ကာလအတွင်း ခရစ်ယာန်ဘာသာကို လျှို့ဝှက်ကိုးကွယ်ခဲ့ကြရသည့် နိုင်ငံအနောက်တောင်ပိုင်း ကူမာမိုတိုမှ အမာကူဆာရှိ ဆာကစ်ဆူရွာ အပါအ၀င် အခြားနေရာများသည်လည်း ယူနက်စကို၏ စာရင်းတွင် ရွေးချယ်ခံခဲ့ရသည်။

ကိုရီးယား

အေဒီ ခုနစ်ရာစုအထိ တည်မြဲခဲ့သော ဘုရင်သုံးပါးခေတ်အတွင်း ထူထောင်ခဲ့ကြသည့် Seonamsa၊ Daeheungsa၊ Beopjusa၊ Tongdosa၊ Bongjeongsa၊ Magoksa နှင့် Buseoksa စသည့် တောင်ပေါ်ဘုရားကျောင်း ခုနစ်ကျောင်းသည် ယူနက်စကို၏ ကမ္ဘာ့ရှေးဟောင်း ယဉ်ကျေးမှု အမွေအနှစ် စာရင်းတွင် ဖော်ပြခံခဲ့ရသည်။

ဗုဒ္ဓအယူဝါဒသည် ကိုရီးယား ကျွန်းဆွယ်သို့ လေးရာစု၌ စတင်ရောက်ရှိလာခဲ့ပြီး Goguryeo Baekje နှင့် Silla ရှေးခေတ်ဘုရင်တို့က လက်ခံခဲ့ကြပြီး နိုင်ငံတော်ဘာသာအဖြစ် နှစ်ပေါင်း ၁၀၀၀ ကျော်ကြာ တည်တံ့ကိုးကွယ် ခဲ့ကြသည်။ ဗုဒ္ဓဘာသာ အထွတ်အထိပ်ရောက်သော ကာလဖြစ်သည့် ငါးရာစုနှင့် ခြောက်ရာစုတွင် နိုင်ငံတော်က အလွန်အမင်း အားပေးမှုဖြင့် ဗုဒ္ဓဘာသာ၏ ယဉ်ကျေးမှု၊ ဗိသုကာနှင့် ပုံစံများ အရှိန်အဟုန် အားကောင်းခဲ့သည်။

ဗုဒ္ဓဘာသာ အဆောက်အအုံများအား မင်္ဂလာရှိသည်ဟု ယူဆသောနေရာများတွင် တည်ဆောက်ခဲ့ကြပြီး တောင်တန်းများကို အလေးအမြတ်ထားသော ကိုရီးယားရိုးရာနှင့် တည်ငြိမ်အေးဆေးသော ပတ်ဝန်းကျင်တွင် တရားကျင့်ရန် အားပေးသော ဇင်ဗုဒ္ဓဘာသာနှင့်အညီ ထိုဘုရားကျောင်း အများအပြားကို တောင်ကုန်း ထူထပ်သော ဒေသများတွင် တည်ဆောက်ခဲ့ကြသည်။

သို့သော် ၁၄ ရာစုတွင် ထီးနန်း ဆက်ခံသော Chosun မင်းဆက် လက်ထက်၌ ဗုဒ္ဓဘာသာ၏ လွှမ်းမိုးမှုသည် စတင်ဆုတ်ယုတ် လာခဲ့သည်။ Chosun မင်းဆက်က ကွန်ဖြူးရှပ်ဝါဒအား လက်ခံသွတ်သွင်းခဲ့ပြီးနောက် ဗုဒ္ဓအယူဝါဒအား အဆက်မပြတ် ဖိနှိပ်ခဲ့ရာ မြို့ပြဒေသများရှိ ဗုဒ္ဓဘာသာ ဘုရားကျောင်း အများအပြားကို ပိတ်ပစ်ခဲ့ရပြီး ဝေးလံသော တောင်တန်းဒေသများရှိ ထိုဘုရားကျောင်းများသာ ရှင်သန်ခဲ့သည်။

Ref : AFP

အိန္ဒိယတောင်တန်းဒေသ ဆင်းမလားတွင် မကြုံစဖူး ရေရှားပါးမှုနှင့်ကြုံတွေ့

မေ ၂၈ ရက်က အိန္ဒိယမြောက်ပိုင်းရှိ ဆင်းမလားမြို့တွင် စစ်ဘက်ရေသယ်ကားမှ ရေများကို ယူရန် စောင့်ဆိုင်းနေသူများအား တွေ့ရစဉ်

ချမ်းသာကြွယ်ဝမှုနှင့် ထင်ရှားကျော်ကြားမှုတို့ဖြင့် လူသိများသော ဟိမ၀န္တာဒေသရှိ အိန္ဒိယ တောင်တန်းဒေသ ဆင်းမလားမြို့တွင် မကြုံစဖူး ရေရှားပါး ပြတ်လတ်မှု ကြုံခဲ့ရမှုကြောင့် ရန်ပွဲများနှင့် စိတ်ပျက်လက်ပျက် ဖြစ်မှုများ ဖြစ်ပေါ်ခဲ့ပြီးနောက် လမ်းတစ်လျှောက် ရေသယ်ကားများကို ရဲများက မေ ၃၀ ရက်တွင် စောင့်ကြပ်ခဲ့ရသည်။

ထိုတောင်တန်း အပန်းဖြေစခန်းသည် ပုံမှန်အားဖြင့် အားလပ်ရက် အပန်းဖြေ ထွက်လာသူများဖြင့် စည်ကားနေသော်လည်း ယခုအခါ အလွန်အမင်း ရေပြတ်လတ်နေခြင်းကြောင့် ဟိုတယ်များကို ပိတ်ထားရပြီး ခရီးသွားများကိုလည်း ထိုဒေသကို ရှောင်ကြရန် ညွှန်ကြားထားသည်။

မေ ၃၀ ရက်က စိုးရိမ်ပူပန်နေသောဒေသခံ ရာပေါင်းများစွာသည် ရဲများက စောင့်ကြပ်နေသည့် ရေသယ်ကားများမှ ရေကိုယူရန် နာရီနှင့်ချီ တန်းစီစောင့်ဆိုင်းခဲ့ရသည်။

ယခင်က ဗြိတိန်ကိုလိုနီ၏ နွေရာသီမြို့တော်ဖြစ်သော ဆင်းမလားသည် တစ်နေ့လျှင် ရေလီတာ ၄၂ သန်းခန့် လိုအပ်သော်လည်း နွေရာသီတွင် ရေပြတ်လတ်မှု အမြဲတမ်း ဖြစ်ပွားလေ့ရှိသည်။ သို့သော် ယခုနှစ် ပထမနှစ်ဝက်နီးပါးတွင် ရေထောက်ပံ့မှု အလွန်အမင်း ကျဆင်းခဲ့ပြီး ဒေသခံများက ၎င်းတို့၏ သက်တမ်းတစ်လျှောက် အဆိုးရွားဆုံး ရေရှားပါးမှုဖြစ်ကြောင်း ငြီးတွားခဲ့ကြသည်။

အိန္ဒိယမြောက်ပိုင်း ဟိမာချယ်ပရာဒေ့ရ်ှပြည်နယ်မြို့တော် ဆင်းမလားတွင် ပြီးခဲ့သော ဆောင်းရာသီ၌ ဆီးနှင်းကျမှု စံချိန်တင် နည်းပါးမှု ကြုံခဲ့ရမှုကြောင့် ပုံမှန်ထက် ဆောလျင်စွာ ရေရှားပါးမှု ဖြစ်စေခဲ့ခြင်း ဖြစ်ကြောင်း ကျွမ်းကျင်ပညာရှင်များက သုံးသပ်ခဲ့ကြသည်။ သို့သော် ဟိုတယ်များ သို့မဟုတ် အရေးကြီး ပုဂ္ဂိုလ်များ၏ နေအိမ်များကရေကို ကဲ့ယူနေကြခြင်းဖြစ်ကြောင်း ဆင်းမလားရှိ ဒေသခံအချို့က စွပ်စွဲခဲ့ကြသည်။

မေ ၂၉ ရက်နှောင်းပိုင်းက ပြည်နယ်ဝန်ကြီးချုပ်၏ နေအိမ်အပြင်ဘက်၌ ဆန္ဒပြမှုများသည် အကြမ်းဖက်မှုသို့ ပြောင်းသွားခဲ့ပြီး ဆန္ဒပြသူများက ရဲများနှင့် ပဋိပက္ခများ ဖြစ်ပွားခဲ့ကာ ဒေသဆိုင်ရာ အစိုးရအား ဆန့်ကျင်သည့် ကြွေးကြော်သံများကို ကြွေးကြော်ခဲ့ကြသည်။

ရေရှားပါးမှုနှင့် ပတ်သက်၍ အာဏာပိုင်များ အနေဖြင့် ဖြေရှင်းချက်ပေးရန်နှင့် ထိုပြဿနာအား စီမံခန့်ခွဲမှုအတွက် အစီအစဉ် ရေးဆွဲပေးရန် ပြည်နယ်ရှိ အထက်တရားရုံးက ညွှန်ကြားခဲ့သည်။ သို့သော် နွေရာသီရောက်တိုင်း လူထောင်ပေါင်းများစွာက ရောက်ရှိလာချိန်တွင် ဆင်းမလား၌ ကြုံတွေ့နေရသောဝန်ပိမှုကို ထိုရေရှားပါးမှုက ပြသနေကြောင်း ဝေဖန်သူများက ထောက်ပြခဲ့ကြသည်။ ဆင်းမလားတွင် ရေပြဿနာ ပြေလည်သွားသည့် အချိန်အထိ ထိုဒေသသို့ သွားရောက်မလည်ပတ်ရန် ခရီးသွားများအား တိုက်တွန်းသည့် လူမှုမီဒီယာ လှုံ့ဆော်မှု အစီအစဉ် တစ်ခုသည် အွန်လိုင်းတွင် ပျံ့နှံ့ခဲ့သည်။

ယင်းကဲ့သို့ အဆိုးသဘောဖြင့် ကျော်ကြားမှုကြောင့် သက်ရောက်မှု ရှိနေပြီဖြစ်ကြောင်း ဟိုတယ်များနှင့် ခရီးသွားအေဂျင်စီ အများအပြားက ပြောကြားခဲ့ကြသည်။ အိန္ဒိယ၏ မြေနိမ့်လွင်ပြင် ဒေသများတွင် အပူချိန်သည် နွေရာသီ၌ ၄၆ ဒီဂရီဆဲ စီးယပ် (၁၁၅ ဖာရင်ဟိုက်) ၀န်းကျင် ရှိနေချိန်တွင် တောင်ပေါ်ဒေသ ဆင်းမလား၌ ခရီးသွားများဖြင့် ပုံမှန်ပြည့်နှက်နေခဲ့သည်။

ယခုအချိန်တွင် ခရီးသွားအများအပြားသည် ကြိုတင်မှာယူထားမှုများအား ဖျက်သိမ်းခြင်း သို့မဟုတ် ခရီးစဉ်များအား ချုံ့ပစ်ခြင်းတို့ ပြုလုပ်ခဲ့ကြသည်ဟု ခရီးသွားအေးဂျင့် မိုဟစ်ရှာမားက ပြောကြားခဲ့သည်။

ဇွန်လအတွက် အခန်းကြိုတင်မှာမှုများသည် မရှိသလောက်ဖြစ်နေကြောင်း၊ ကြိုတင်မှာထားသူများ ကလည်း အခန်းများအား ဆင်းမလားမြို့ အပြင်ဘက်ရှိ အခြားနေရာများသို့ ရွှေ့ပေးရန် တောင်းဆိုခြင်း သို့မဟုတ် ကြိုတင်မှာထားမှုများအား ဖျက်သိမ်းခြင်းတို့ လုပ်ဆောင်ခဲ့ကြကြောင်း ရှာမားက ပြောကြားခဲ့သည်။

Ref : AFP

မြန်မာ-အိန္ဒိယနယ်စပ်တွင် မြန်မာဘက်ခြမ်း၌ ကျောက်တိုင်တစ်ခု အိန္ဒိယနိုင်ငံသားများ လာရောက်စိုက်ထူခဲ့ပြီး ဒေသဆိုင်ရာအာဏာပိုင်များက ပြန်လည်ဖယ်ရှားခဲ့ကြောင်း သိရ

မြန်မာ-အိန္ဒိယနယ်စပ် မြန်မာဘက်ခြမ်းတွင် ကျောက်တိုင်တစ်ခု အိန္ဒိယနိုင်ငံသားများက လာရောက်စိုက်ထူခဲ့ပြီး ဒေသဆိုင်ရာ အာဏာပိုင်များက ပြန်လည်ဖယ်ရှားခဲ့သည်ဟု သိရသည်။

“ကျွန်တော်တို့ နယ်စပ်မှာ ကျွန်တော်တို့ဖက်ကို ကျူးကျော်ပြီးတော့ တိုင်စိုက်ထားတာကို တွေ့တာပေါ့။ တစ်ဖက်က India လို့ ရေးထားပြီး တစ်ဖက်က Burma လို့ ရေးထားတယ်။ အဲဒီတိုင်ကိုတွေ့တော့ ဆရာစံကျေးရွာက တစ်ယောက်ကနေပြီး လိုင်းပေါ်တင်လိုက်တာ။ သတင်းတွေက ပျံ့သွားတာပေါ့။ သက်ဆိုင်ရာ ဒေသအာဏာပိုင်တွေနဲ့ စစ်တပ်နဲ့ပူးပေါင်းပြီးတော့ နောက်နေ့မှာ ဖျက်လိုက်တယ်ပေါ့။ ဒေသဆိုင်ရာ အာဏာပိုင်ထွေအုပ်ကလည်း တစ်ဖက် (အိန္ဒိယနိုင်ငံဘက်ကို) ကန့်ကွက်စာပို့ထားတယ်လို့ သိရပါတယ်။ နယ်စပ်မှာတော့ အဲဒီလို တစ်ချက်တစ်ချက်ဖြစ်ခဲ့ရင် သက်ဆိုင်ရာ ဒေသဆိုင်ရာအာဏာပိုင်က ဖျက်သိမ်း၊ ကန့်ကွက်စာပို့ဆိုတာမျိုးတွေ ရှိတာပေါ့။ အခု ကျောက်တိုင်စိုက်ခဲ့တဲ့ နေရာက ခန့်မှန်းခြေ လေးဖာလုံလောက်တော့ ကျွန်တော်တို့ ဘက်ရောက်နေတယ်လို့ သိရပါတယ်” ဟု တိုင်းဒေသကြီးလွှတ်တော်ကိုယ်စားလှယ် ဦးမြင့်နိုင်ဦးက ဆိုသည်။

အဆိုပါ ကျောက်တိုင်စိုက်ခြင်းသည် ၂၀၁၈ ခုနှစ် မေ ၁ ရက်တွင်ဖြစ်ပွားခဲ့ပြီး မေ ၂ ရက်တွင် နှစ်နိုင်ငံတာဝန်ရှိသူများက ပြန်လည်ဖယ်ရှားခဲ့သည်ဟု သိရသည် ။

“ကျွန်တော်တို့ ဆရာစံရွာနဲ့ တစ်ဖာလုံ လောက်အကွာမှာ အိန္ဒိယနိုင်ငံကလူတွေ ကျောက်တိုင်ကို လာစိုက်ထားတာရှိတယ်။ တမူးကနေလာမယ်ဆိုရင် လမ်းရဲ့ဘယ်ဘက်ကြား။ မနေ့က မွန်းလွဲ ၂ နာရီကျော်လောက်က လာပြီးစိုက်သွားတာပါ။ သူတို့က ကျောက်တိုင်တစ်တိုင်တည်း စိုက်သွားတာပါ။ ကျွန်တော်ကြားသိရတဲ့ သတင်းအရ ကားလေးစီးနဲ့ လူပေါင်း ၂၀ ကျော်လောက်ပါမယ်ပြောပါတယ်။ အဲဒီလူတွေက ရွာသားတစ်ယောက်၊ နှစ်ယောက်ပါတယ် ပြောတယ်။ အင်ဖာဘက်က လူတွေလို့ကြားတယ်။ အိမ်စီးကား လေးစီးပါတယ်ပြောတယ်။ စကားမပေါက်တော့ လာတဲ့သူတွေက ဘယ်သူဘယ်ဝါဆိုတာ သဲသဲကွဲကွဲ မသိဘူး။ လူအင်အား ၂၀ ကျော်၊ ၃၀ လောက်ပါတယ်။ အင်ဖာဘက်ကလူတွေနဲ့ ရွာသားတွေပါတယ်။ အိန္ဒိယနိုင်ငံဘက်က နောင်ကန်းစတန် ရွာသားတွေလို့ ပြောတယ်။ အိန္ဒိယနိုင်ငံ နောင်ကန်းစတန်ရွာနဲ့ မြန်မာ နိုင်ငံဘက်က ဆရာစံရွာနဲ့က တစ်မိုင်လောက်ပဲဝေးမယ်။ နယ်စပ်စည်းနဲ့လည်း နီးတယ်။ သူတို့က (အိန္ဒိယနိုင်ငံဘက်က) အိန္ဒိယ – မြန်မာနယ်စပ်မျဉ်းကြောင်း တည့်တည့်မှာကို အိမ်နှစ်လုံး ကျူးကျော်ထားတာ ရှိတယ်။ အဲဒါကို ၂၀၁၅ ခုနှစ်တုန်းက ဖယ်ရှားပေးဖို့ပြောထားတယ်။ အခုဟာက ကျောက်တိုင်လာစိုက်တာ။ အရင်တုန်းက ဆိုင်းဘုတ်နဲ့ အိမ်တွေကျူးကျော်တာ မဖျက်သေးဘူး။ ကျောက်တိုင်ကိုတော့ နုတ်ပစ်လိုက်တယ်။ တမူးမြို့ပေါ်က အာဏာပိုင်တွေနဲ့ အိန္ဒိယနိုင်ငံဘက်က စစ်တပ်လည်းပါတယ်။ ကျောက်တိုင်ကို လာနုတ်သွားတယ်။ ၁၂ နာရီလောက်က။ အိန္ဒိယစစ်တပ်ကလည်းပါတယ်။ ရွာသားတွေလည်းပါတယ်။ ကျောက်တိုင်တွေ လာစိုက်ပြီး ကျူးကျော်တာ ဒါပထမဆုံးအကြိမ်ပါ။ အိန္ဒိယနိုင်ငံဘက်က ကျန်းမာရေးနဲ့ပတ်သက်တာရော စားသောက်ဖို့အတွက်ရော ဆရာစံရွာကို လာဝယ်ကြရတယ်” ဟု ဆရာစံကျေးရွာမှ အုပ်ချုပ်ရေးမှူးဦးနိုင်နိုင်က ပြောကြားသည်။