ရန်ကုန်တိုင်းအတွင်း ရွှေ့ပြောင်းနေထိုင်သူများ နေစရာရရှိနိုင်ရေးအတွက် နှစ်ရှည်ချေးငွေစနစ်ဖြင့် အိမ်ရာစီမံကိန်း ဆောင်ရွက်နိုင်ရန်စီစဉ်

ရန်ကုန်တိုင်းအတွင်း ရွှေ့ပြောင်းနေထိုင်သူများ နေစရာရရှိနိုင်ရေးအတွက် နှစ်ရှည်ချေးငွေစနစ်ဖြင့် အိမ်ရာစီမံကိန်း ဆောင်ရွက်နိုင်ရန် စီစဉ်နေကြောင်း ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောကြားသည်။

“ဒီနေရာမှာ နေစရာအခက်အခဲ ဖြစ်နေသူတွေကတော့ အပိုင်းသုံးပိုင်းရှိပါတယ်။ တစ်ပိုင်းကတော့ အကြောင်းကြောင်းကြောင့် ရွှေ့ပြောင်းလာပြီးလက်လုပ်လက် စားဘ၀နဲ့နေထိုင်နေရပြီး လက်ငင်းချေးငွေ မပေးနိုင်လို့ နေစရာမရှိဖြစ်နေတဲ့သူတွေ ဖြစ်ပါတယ်။ တချို့ကတော့ ကုမ္ပဏီမှာ အလုပ်လုပ်နေမယ့် လစာမပေးနိုင်တဲ့အတွက် အိမ်ငှားနေရတဲ့ သူတွေဖြစ်ပါတယ်။ တချို့ကတော့ အစိုးရ၀န်ထမ်းဖြစ်ပြီး အိမ်ငှားနေနေရတဲ့သူတွေ ဖြစ်ပါတယ်။ ဒီလို နေထိုင်နေ ရတဲ့သူတွေကို နေစရာခိုင်ခိုင်မာမာ ရရှိစေဖို့အတွက် နှစ်ရှည်ချေးငွေစနစ်တစ်ခုနဲ့ အိမ်ရာစီမံကိန်းတွေ ဆောင်ရွက်ပေးနိုင်ဖို့ နိုင်ငံတော်က မူဝါဒချမှတ်ပြီး ဆောင်ရွက်နေပါတယ်” ဟု ၀န်ကြီးချုပ်က ပြောကြားသည်။

အဆိုပါ အခြေအနေအား တိုင်းဒေသကြီးအတွင်း အကောင်အထည်ဖော်ဆောင်ရွက်နိုင်ရန်အတွက် လာမည့်နှစ်များတွင် ကြိုးပမ်းသွားမည်ဖြစ်ကြောင်း၊ အစိုးရသစ် စတင်တာဝန်ယူသည့် အချိန်မှစတင်ကာ ကျူးကျော်စာရင်းများကို စနစ်တကျ ကောက်ခံခဲ့ကြောင်း၊ ကျူးကျော်အိမ်ရာများတွင် နေထိုင်သူများ၏ ဘ၀အားမြှင့်တင် ဆောင်ရွက်ပေးနိုင်ရန်အတွက် ကျူးကျော်စာရင်း ကောက်ယူခဲ့ခြင်းဖြစ်ကြောင်း၊ ကျူးကျော်စာရင်းကောက်ယူရာတွင် လက်ဗွေ၊ မျက်နှာများကို မှတ်တမ်းတင်ထားကြောင်း၊ အိမ်ရာစနစ်မရှိသဖြင့် ကျူးကျော်နေရာများတွင် နေထိုင်သူကျူးကျော်ကတ်ပြား ထုတ်ယူထားသူ တစ်သိန်းကျော်ခန့် ရှိနေကြောင်း ၄င်းက ဆက်လက်ပြောကြားသည်။

“ဒီနေထိုင်သူတွေကို စနစ်တကျ နေရာပြန်လည်ချထားပေးနိုင်ဖို့နဲ့ အိမ်ရာတွေ ရရှိနိုင်ဖို့နဲ့ လူမှုဘ၀မြှင့်တင်ပေးနိုင်မယ်ဆိုရင် လူသားအရင်းအမြစ်တစ်ခုကို ပြုစုပျိုး ထောင်ပေးနိုင်ရာ ရောက်မှာဖြစ်ပါတယ်။ ဒါကြောင့်မို့ ကျွန်တော်တို့ ဒီအခြေအနေကို ပြုပြင်ပြောင်းလဲဖို့ ဆောင်ရွက်နေပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

ရန်ကုန်တိုင်းသည် အလုပ်အကိုင်အခွင့်အလမ်း တိုးပွားသည့်အတွက် စက်ရုံ၊ အလုပ်ရုံများ၊ ရင်းနှီးမြှုပ်နှံမှုများသည် ရန်ကုန်မြို့ကို စိတ်ဝင်စားကြကြောင်း၊ ရန်ကုန်မြို့သည် အခြေခံအဆောက်အအုံနှင့် စက်မှုဇုန်များတည်ရှိသည့် မြို့ဖြစ်သဖြင့် ရွှေ့ပြောင်းလုပ်သားများသည် ရန်ကုန်တိုင်း အတွင်းသို့ ၀င်ရောက်လာကြောင်း ၀န်ကြီးချုပ် ဦးဖြိုးမင်းသိန်းက ပြောကြားသည်။

“ရန်ကုန်မြို့သို့ ပြောင်းရွှေ့လာသည့် ရွှေ့ပြောင်းလုပ်သားများအတွက် တန်ဖိုးသင့်၊ တန်ဖိုးနည်း၊ တန်ဖိုးမြင့်အိမ်ရာတွေ ရောင်းချပေးနိုင်ဖို့ ဆောင်ရွက်နေပါတယ်။ ကျွန်တော်တို့တိုင်းမှာ ရင်းနှီးမြှုပ်နှံတဲ့သူတွေကို ကျွန်တော်တို့ စတင်တာဝန်ယူတဲ့အချိန်ကစပြီး အခုအချိန်ထိ မြေပေးမယ်။ အလုပ်အကိုင်အခွင့်အလမ်းတွေရအောင် ဖန်တီးပေးနိုင်မယ်။ စက်ရုံအလုပ်ရုံတွေ လာရင်းနှီးမြှုပ်နှံရင် ဘယ်လိုစီစဉ်ဆောင်ရွက်ပေးနိုင်မယ်ဆိုတာတွေကို လုပ်ပေးနိုင်ဖို့ အားနည်းခဲ့ပါတယ်။ ဘာကြောင့်လဲဆိုတော့ မြေကွက်လပ်တွေ အားလုံးက ပိုင်ဆိုင်တဲ့သူတွေရှိနေတာ ဖြစ်ပါတယ်” ဟု ၀န်ကြီးချုပ်က ပြောကြားသည်။

ထို့ကြောင့် အသစ်ဖော်ထုတ်မည့် စက်မှုဇုန်နေရာများတွင် အလုပ်အကိုင် အခွင့်အလမ်းများ ဖန်တီးနိုင်မှုများကို ပြင်ဆင်သွားမည်ဖြစ်ကြောင်း၊ အဆိုပါနေရာများတွင် တန်ဖိုးနည်း၊ တန်ဖိုးသင့်၊ တန်ဖိုးမြင့် အိမ်ရာများကိုလည်း တည်ဆောက်သွားမည်ဖြစ်ကြောင်း သိရသည်။

“ရွှေ့ပြောင်းလုပ်သားတွေထဲမှာ ကိုယ့်ရဲ့အလုပ်အကိုင်အခွင့်အလမ်းကြောင့် ရောက်လာပြီး အဆင်ပြေမှုတွေရှိသလိုပဲ။ အချို့က အလုပ်အကိုင်အခွင့်အလမ်းရပေမယ့် နယ်ကို ငွေပြန်ပို့ဖို့၊ တချို့က ကျူးကျော်ကို အကြောင်းပြုပြီး လုပ်ကွက်၊ ကိုင်ကွက်တစ်ခုလိုမျိုး စီးပွားရှာစားနေတာကို တွေ့ရတယ်။ ကျူးကျော်နေရာတွေကို ခြေကုပ်ယူပြီး ရာဇ၀တ်မှုကျူးလွန်နေတာကိုလည်း တွေ့ရပါတယ်” ဟု ၀န်ကြီးချုပ် ဦးဖြိုးမင်းသိန်းက ပြောကြားသည်။

ဆောက်လုပ်ရေးဝန်ကြီးဌာနက အိမ်ရာတစ်သန်း တည်ဆောက်မည်ဖြစ်ပြီး လိုအပ်သည့် အာမခံဆိုင်ရာများနှင့် ပတ်သက်၍ လေးနိုင်ငံ ပူးပေါင်း ဆောင်ရွက်ရန် MoU ရေးထိုး

ဆောက်လုပ်ရေးဝန်ကြီးဌာန၏ အိမ်ရာတစ်သန်း စီမံကိန်းအတွက် လိုအပ်သည့် အာမခံဆိုင်ရာ ကိစ္စရပ်များ ပူးပေါင်းဆောင်ရွက်ရန် မြန်မာ၊ ဂျပန်၊ ဂျာမနီနှင့် မလေးရှားနိုင်ငံ တို့သည် သြဂုတ် ၂၈ ရက်က မြန်မာ့အာမခံလုပ်ငန်း အစည်းအဝေးခန်းမ၌ နားလည်မှုစာချွန်လွှာ MoU ရေးထိုးခဲ့ကြောင်း သိရသည်။

ယင်းသို့ ပြုလုပ်ရခြင်းမှာ နိုင်ငံတော်အတွက် အိုးအိမ်သည် အမှန်တကယ် လိုအပ်ကြောင်း၊ ထို့ကြောင့် ပြည်သူများအနေဖြင့် အိုးအိမ်များ ပိုင်ဆိုင်နိုင်ရန်အတွက်အာမခံလုပ်ငန်းက မဖြစ်မနေ ဆောင်ရွက်ခြင်း ဖြစ်ကြောင်း မြန်မာ့အာမခံလုပ်ငန်းမှ ဦးဆောင်ညွှန်ကြားရေးမှူး ဒေါက်တာ စန္ဒာဦးက ပြောကြားသည်။

“အဓိက ကတော့ နိုင်ငံတော်က ဆောက်လုပ်မယ့် အိမ်ရာစီမံကိန်းတွေပေါ့။ အိမ်ရာတစ်သန်း ဆောက်လုပ်ဖို့ ၂၀၃၀ အထိ ရည်ရွယ်ချက် ထားပါတယ်။ အဲဒီအတွက်ကို နိုင်ငံပိုင်ဖြစ်တဲ့ မြန်မာ့အာမခံ လုပ်ငန်းကနေ အိမ်ရာ ၀ယ်ချင်တဲ့ သူတွေအတွက်ကို အာမခံပေါ့။ အိမ်ရာဝယ်ဖို့ အရစ်ကျနဲ့ ငွေသွင်းမယ်။ သွင်းနေတဲ့အချိန်မှာ အိမ်ထောင်ဦးစီးက အကြောင်းမလှလို့ ဆုံးပါးသွားမယ်။ ဒါမှမဟုတ်ရင် ထာဝစဉ် မသန်မစွမ်း ဖြစ်သွားမယ်ဆိုရင် မြန်မာ့အာမခံလုပ်ငန်းက ဒါကို အာမခံထားတဲ့ ကုမ္ပဏီက ဆက်ပြီး ငွေသွင်းပေးသွားမယ်။ အိမ်ရာကတော့ သူတို့ပဲရမှာပါ” ဟု ၎င်းက ပြောကြားသည်။

လက်ရှိတွင် ပေးသွင်းရမည့် ပရီမီယံကြေးနှုန်းထား၊ ချေးမည့် ငွေပမာဏ၊ မည်သည့် အခြေအနေမျိုးတွင် လျော်ကြေးရမည် စသည့် အချက်အလက်များ အသေးစိတ်ညှိနှိုင်းဆဲ ဖြစ်ကြောင်း ၎င်းက ပြောကြားသည်။

အိမ်ရာ ၀ယ်ယူသူများအတွက် ဂျပန်ကုမ္ပဏီ တစ်ခုဖြစ်သည့် DI Tokyo က ချေးငွေချေးမည်ဖြစ်ပြီး ဆောက်လုပ်ရေးနှင့် အိုးအိမ်ဖွံ့ဖြိုးရေးဘဏ်မှ တစ်ဆင့် ချေးမည်ဖြစ်ကြောင်း သိရသည်။ “ဆရာမတို့အနေနဲ့ အိမ်ရာနဲ့ ပတ်သက်လို့ကတော့ ဒါက ပထမဦးဆုံး လုပ်ဆောင်တာပေါ့။ အိမ်ရာ တစ်သန်း ဆိုတော့ ကိုယ်ယူရမယ့် အန္တရာယ်က နည်းနည်းများတော့ ဒါကိုပြန်ပြီး နိုင်ငံခြားတစ်ဆင့် အာမခံဈေးကွက်မှာ ပြန်ပြီးတော့ တစ်ဆင့်ခံ အာမခံကုမ္ပဏီပေါ့။ သူကတော့ ဂျာမနီ။ သူ့ဆီမှာ တစ်ဆင့် အာမခံပြန်ထားမယ်။ မလေးရှားနိုင်ငံကတော့ ဘယ်ပရောဂျက်ဆို ဘယ်လောက် Risk များတယ် ဆိုပြီးတော့ စုဆောင်းမှု အန္တရာယ်တွေကို တွက်ချက်ပေးမယ်။ ပရောဂျက်က အသေးစိတ်တော့ ဆွေးနွေးနေပြီ။ ပြီးတော့ စောနိုင်သမျှ စောအောင် စပါ့မယ်” ၎င်းက ပြောကြားသည်။

မြန်မာနိုင်ငံနှင့် ဂျပန်၊ ဂျာမနီ၊ မလေးရှားနိုင်ငံအကြား ပူးပေါင်းဆောင်ရွက်မှု၏ ရလဒ်ဖြစ်သော ဆောက်လုပ်ရေးဝန်ကြီးဌာန၏ အိမ်ရာ တစ်သန်း စီမံကိန်းအတွက် လိုအပ်သော အာမခံဆိုင်ရာ ကိစ္စရပ်များ ဆောင်ရွက်ရန် သက်ဆိုင်ရာ နိုင်ငံကိုယ်စားပြု နိုင်ငံတကာ အာမခံလုပ်ငန်းများနှင့် နားလည်မှုစာချွန်လွှာ ရေးထိုးခြင်းဖြင့် မြန်မာနိုင်ငံ၏ စီးပွားရေး ဖွံ့ဖြိုးတိုးတက်မှုနှင့် ပြည်သူများ၏ အဓိက လိုအပ်ချက်ဖြစ်သော အိမ်ရာပိုင်ဆိုင်မှုများတွင် များစွာ အထောက်အကူပြုကြောင်း ၎င်းက ပြောကြားသည်။

နယ်သာလန်တွင် သရီးဒီပရင်တာဖြင့် ကမ္ဘာ့ပထမဆုံး အိမ်ရာစီမံကိန်းတစ်ခု တည်ဆောက်မည်

သရီးဒီပရင်တာနှင့် တည်ဆောက်သော အိမ်ပုံစံများကို စိတ်ကူးဖော်ပြထားသော ဒီဇိုင်းပုံစံ (Photo: Houben)

နယ်သာလန်နိုင်ငံတောင်ပိုင်းရှိ အန်းဟိုဗင်မြို့သည် သရီးဒီပရင်တာဖြင့် ဆောက်လုပ်မည့် ကမ္ဘာ့ပထမဆုံး အိမ်ရာစီမံကိန်းကို လာမည့်နှစ်တွင်ချပြရန် စီစဉ်နေသည်။ ပိုမိုလျင်မြန်ပြီး ကိုယ်ပိုင်ပုံစံတစ်ခုကို ဆောက်လုပ်နိုင်မည့် ထိုစနစ်သည် ဆောက်လုပ်ရေးလောကကို တော်လှန်ပြောင်းလဲနိုင်လိမ့်မည်ဟု တီထွင်သူများက ယုံကြည်နေကြသည်။

စက်ရုပ်လက်တံတစ်ခုဖြင့် ကွန်ကရစ်များကို ပရင့်ထုတ်ကာ ဆောက်လုပ်နိုင်မည့် ထိုပရောဂျက်အား မြို့ကောင်စီ၊ အန်းဟိုဗင်နည်းပညာတက္ကသိုလ်၊ ဆောက်လုပ်ရေး ကုမ္ပဏီအချို့က ပံ့ပိုးပေးထားပြီး ၎င်းတို့၏ ပထမဆုံး အိပ်ခန်းသုံးခန်းပါ နေအိမ်ကို ၂၀၁၉ ခုနှစ် ဇွန်လတွင် မြင်တွေ့ရန် ရည်ရွယ်ထားသည်။

Project Milestone ဟု အမည်ပေးထားသော ထိုအိမ်ရာစီမံကိန်းထဲတွင် ပါဝင်မည့် ပုံစံအမျိုးမျိုး၊ အရွယ်အစား အမျိုးမျိုးရှိသည့် နေအိမ်ငါးလုံးကို လာမည့်သုံးနှစ်မှ ငါးနှစ်အတွင်း ဆောက်နိုင်မည်ဖြစ်ပြီး ပုဂ္ဂလိကရင်းနှီးမြှုပ်နှံသူများက ငွေကြေးပံ့ပိုးပေးထားသည်ဟု စီမံကိန်းမန်နေဂျာတစ်ဦးဖြစ်သည့် ရူဒီဗန်ဂတ်က ပြောခဲ့သည်။

“ဒါဟာ အစပဲရှိပါသေးတယ်။ ဒီဆောက်လုပ်မှုပုံစံသစ်ရဲ့ တော်လှန်တဲ့နည်းပညာရပ်ဟာ အချိန်နဲ့ အမျှတိုးတက်လာမှာပါ” ဟု ၎င်းက ပြောကြားခဲ့သည်။

သရီးဒီပရင်တာဖြင့် ဆောက်လုပ်မှု၏ ကြီးမားသော အကျိုးကျေးဇူးမှာ အိုးပုံစံနေအိမ်များကို ကိုယ်ပိုင်အမှတ်သညာအနေနှင့် ဆောက်လုပ်နိုင်မည်ဖြစ်ပြီး သဘာဝအတိုင်း ဖြစ်ပေါ်နေသော အရာများ ၀န်းကျင်မှာပင် ဆောက်လုပ်နိုင်သည်ဟု ဗန်ဂတ်က ဆက်လက် ပြောကြားခဲ့သည်။ “အရာအားလုံး ဖြစ်နိုင်ပါတယ်။ ကျွန်တော်တို့ဟာ ဒီဇိုင်းကို လုံးဝအံဝင်ခွင်ကျဖြစ်အောင် ဆောက်နိုင်ပါတယ်။ ကျွန်တော်တို့ ဧည့်သည်တွေဟာ တောတောင် သဘာဝထဲမှ နေထိုင်နေရသလို ခံစားရမှာပါ” ဟု ၎င်းက ဆိုသည်။

ထို့ပြင် သရီးဒီပရင်တာဖြင့် ဆောက်လုပ်မှုသည် လအနည်းငယ်မှ သီတင်းပတ်အနည်းငယ်အထိ ဆောက်လုပ်မှုအချိန်ကို တိုတောင်းစေနိုင်သည်။

နယ်သာလန်တွင် ကျွမ်းကျင်လက်မှုပညာသည် ရှားပါးမှုကြောင့် ဆောက်လုပ်မှုစရိတ်ကို မြင့်တက်စေခဲ့သည်။ ယခုသရီးဒီပရင်တာဖြင့် ဆောက်လုပ်မှုသည် ထိုအခက်အခဲကိုလည်း ဖြေရှင်းပေးနိုင်မည် ဖြစ်သည်။

“ဥပမာအားဖြင့် ပန်းရံဆရာလိုမျိုး လက်မှုပညာသည်တွေဟာ လာမယ့်နှစ်တွေအတွင်းမှာ လုံလုံလောက်လောက် ရှိတော့မှာ မဟုတ်ပါဘူး။ အခုလို စက်ရုပ်နည်းပညာကို ဆောက်လုပ်ရေးကဏ္ဍမှာ မိတ်ဆက်ပေးခြင်းဖြင့် ကျွန်တော်တို့ဟာ အနာဂတ်မှာ ငွေကြေးကုန်ကျမှု သင့်တင့်တဲ့နေအိမ်တွေကို ပိုမိုဆောက်လုပ်နိုင်မှာ ဖြစ်ပါတယ်” ဟု ဗန်ဂတ်က ပြောကြားခဲ့သည်။

သို့သော် လက်ရှိအခြေအနေတွင်မူ သရီးဒီပရင်တာဖြင့် ဆောက်လုပ်မှုသည် သမားရိုးကျနည်းလမ်းများထက် များစွာအကုန်အကျ များနေဆဲဖြစ်သည်။ သို့သော် ထိုနည်းပညာ တိုးတက်လာမှုနှင့်အတူ ကုန်ကျစရိတ်မှာလည်း ကျဆင်းလာမည်ဟု သိရသည်။

သရီးဒီပရင်တာဖြင့် ဆောက်လုပ်မည့် အိမ်ရာစီမံကိန်းကို စိတ်ဝင်စားနေကြသည့် အိမ်ငှားလိုသူများမှာလည်း ရာနှင့်ချီရှိနှင့်ပြီးဖြစ်သည်။ ထိုအိမ်တစ်အိမ်အား လစဉ် အငှားစရိတ်သည် ယူရို ၉၀၀ မှ ၁၂၀၀ ကြား (၁၀၅၃ ဒေါ်လာ မှ ၁၄၀၀ ကြား) ရှိလိမ့်မည်ဖြစ်သည်။

အဆောက်အအုံဆောက်ရာတွင် သရီးဒီပရင်တာကို အသုံးပြုပါက လူတို့သည် ၎င်းတို့နေအိမ်၏ ဒီဇိုင်းနှင့် တည်ဆောက်ပုံတို့အပေါ် ပိုမိုလွှမ်းမိုးမှု ရှိနိုင်လိမ့်မည်ဖြစ်ကြောင်း အန်းဟိုဗင်မြို့၏ ဒုတိယမြို့တော်ဝန် ယာဆင်တိုရူနိုဂလူက ပြောကြားခဲ့သည်။

“ဒီစနစ်ဟာ ဈေးကွက်ကို ပြောင်းလဲလိမ့်မယ်။ ကျွန်တော့် အထင် ပြောရမယ်ဆိုရတော့ ဒါဟာ ကစားပွဲတစ်ခုလုံးကို ပြောင်းသွားစေမယ့် တီထွင်ဆန်းသစ်မှုပဲ ဖြစ်ပါတယ်” ဟု ဒုတိယမြို့တော်ဝန်က ဆိုခဲ့ပြီး သရီဒီးပရင်တာသုံးစွဲမှုများသည် ဆက်တိုက်တိုးတက်လာကာ ပို၍လည်း ရေပန်းစားလာလိမ့်မည်ဟုလည်း ပြောခဲ့သည်။

မကြာသေးမီကပင် ပြင်သစ်နိုင်ငံတွင် သရီးဒီပရင်တာဖြင့် ဆောက်လုပ်ထားသည့် နေအိမ်တစ်လုံးကို Nantes တက္ကသိုလ်က ထုတ်ဖော်ပြသခဲ့သည်။ လက်ရှိတွင် ထိုအိမ်ကို လူမှုလုပ်ငန်းများအတွက် အသုံးပြုနေသည်။

နယ်သာလန်နိုင်ငံသည် ၂၀၁၇ ခုနှစ် အောက်တိုဘာလကလည်း အမ်စတာဒမ်တွင် ကမ္ဘာ့ပထမဆုံး သရီးဒီပရင်တာဖြင့်ဆောက်သည့် တံတားကို ပွဲထုတ်နိုင်ခဲ့သည်။

Ref: AFP

ကျပ်သိန်း ၂၀၀ နှင့်အထက် ကွန်ဒိုမီနီယံ၊ တိုက်ခန်းနှင့် အိမ်ရာများကို ချေးငွေအရစ်ကျဖြင့် ၁၅ နှစ်အထိ ပြန်လည်ပေးဆပ်နိုင်မည့် Aya Home Loan ၀န်ဆောင်မှု ဧရာဝတီဘဏ် စတင်

ကျပ်သိန်း ၂၀၀ နှင့်အထက် နိုင်ငံတကာအဆင့်အတန်းမီ ကွန်ဒိုမီနီယံ၊ တိုက်ခန်းနှင့် အိမ်ရာများကို Aya Home Loan ၀န်ဆောင်မှုဖြင့် ချေးငွေရယူပြီး နှစ်ရှည်အရစ်ကျ ၁၅ နှစ်အထိ အရစ်ကျပေးချေစနစ်ဖြင့် ၀ယ်ယူနိုင်မည့်ဝန်ဆောင်မှု စတင်လိုက်ကြောင်း ဧရာဝတီဘဏ်က မတ် ၃၁ ရက်တွင် ရန်ကုန်မြို့ရှိ နိုဗိုတယ်ဟိုတယ်၌ ကျင်းပသည့် Aya Home Loan Launch ဖွင့်ပွဲမှ သိရသည်။

Aya Home Loan ၀န်ဆောင်မှုဖြင့် နှစ်ရှည်အရစ်ကျဝယ်ယူနိုင်မည့် အစီအစဉ် မိတ်ဆက်မှုကို ဧရာဝတီဘဏ်မှ Novotel Yangon Max Hotel တွင် မတ် ၃၁ ရက်မှ ဧပြီ ၂ ရက်အထိကျင်းပနေပြီး Aya Home Loan ဖြင့် သိန်း ၂၀၀ နှင့်အထက်ရှိ ကွန်ဒိုမီနီယံ၊ တိုက်ခန်းနှင့် အိမ်ရာများကို ချေးငွေရယူ ၀ယ်ယူနိုင်မည်ဖြစ်သည်။ လက်ရှိသတ်မှတ်ချက်အရ ကွန်ဒိုနှင့် တိုက်ခန်းများကို ကျပ်သိန်း ၂၀၀ အထက်ဖြစ်ရန်နှင့် အသင့်နေအိမ်နှင့်မြေကို ကျပ်သိန်း ၅၀၀ အထက် ချေးငွေစတင်ရယူနိုင်မည်ဖြစ်သည်။

ထိုသို့ ကျပ်သိန်း ၂၀၀ နှင့်အထက် နိုင်ငံတကာအဆင့်အတန်းမီ ကွန်ဒိုမီနီယံများ၊ တိုက်ခန်းနှင့် အိမ်ရာများကို Aya Home Loan ၀န်ဆောင်မှုဖြင့် ၀ယ်ယူမည်ဆိုပါက ကနဦးပေးသွင်းငွေ အနည်းဆုံးရာခိုင်နှုန်း ၃၀၊ လစဉ်ပုံသေပေးချေရမည့် အရစ်ကျစနစ် အများဆုံး ၁၅ နှစ်အထိရရှိနိုင်မည့် ချေးငွေသက်တမ်းနှင့် အတိုးနှုန်းအဖြစ် တစ်နှစ်လျှင် ၁၃ ရာခိုင်နှုန်း (Amortization Method) ဖြင့် တွက်ချက်ကောက်ခံသွားမည်ဖြစ်သည်။

“ပုဂ္ဂလိက၀န်ထမ်းဆိုရင် ကုမ္ပဏီရဲ့ထောက်ခံစာနဲ့ လစာပြေစာသုံးလစာနဲ့ ခြောက်လအတွင်း ဘဏ်စာရင်းရှင်းတမ်းတွေ တင်ပြဖို့လိုအပ်ပါတယ်။ BCC ကျပြီးတဲ့ တိုက်ခန်းဖြစ်ဖို့ လိုအပ်ပါတယ်” ဟု ဧရာဝတီဘဏ်မှ တာဝန်ရှိသူတစ်ဦးက ပြောကြားသည်။

လစာကျပ်ရှစ်သိန်း ရရှိသူအနေဖြင့် ဧရာဝတီဘဏ်မှာ ကျပ်သိန်း ၂၁၀ ခန့်အထိ ချေးယူနိုင်မည်ဖြစ်သည်။ ငွေချေးယူသူမှ ကျပ်သိန်း ၂၀၀ ကို ဧရာဝတီဘဏ်မှချေးယူပြီး ငါးနှစ်အတွက် အတိုးနှုန်း ၁၃ ရာခိုင်နှုန်းဖြင့် ပြန်လည်ပေးဆပ်မည်ဆိုပါက တစ်လလျှင် ၄၅၅၀၆၁ ကျပ်ပေးသွင်းရန် လိုအပ်မည်ဖြစ်ပြီး အတိုးနှုန်းပါဝင်သော ပြန်လည်ပေးဆပ်ရမည့်ပမာဏမှာ ကျပ် ၂၇၃ သိန်းကျော်ဖြစ်ကြောင်း သိရသည်။

“အိမ်ပိုင်လိုသူတွေက စိတ်ကြိုက်ရွေးချယ်ထားတဲ့အိမ်တွေကို သက်သောင့်သက်သာ ၀ယ်ယူနိုင်ပြီး အိမ်ပိုင်ရာပိုင်ဖြစ်အောင် အခွင့်အရေးတွေ ဖော်ဆောင်ပေးခြင်းအားဖြင့် တိုင်းပြည်ရဲ့ စီးပွားရေး၊ ဆောက်လုပ်ရေးကဏ္ဍကို ကူညီတာလည်းဖြစ်ပါတယ်” ဟု ဧရာဝတီဘဏ် အုပ်ချုပ်မှုဒါရိုက်တာ ဦးမြင့်ဇော်က ပြောကြားသည်။

Aya Home Loan ၀န်ဆောင်မှု ရယူလိုသူများအနေဖြင့် လျှောက်လွှာကြေး ကျပ် ၅၀၀၀၀၊ မိမိချေးယူသည့် ငွေပမာဏအပေါ် အတိုးနှုန်းသုံးရာခိုင်နှုန်း၊ ၀ယ်ယူမည့် အိမ်ရာတိုက်ခန်းဆိုင်ရာ အထောက်အထားများနှင့် မိမိ၏ ၀င်ငွေအထောက်အထားများ အပြည့်အစုံပါဝင်ပါက နှစ်ပတ်၊ သုံးပတ်အတွင်း အိမ်ရာချေးငွေရရှိမှု ရှိမရှိ သိရှိရမည်ဖြစ်သည်။

ရန်ကုန်လွှတ်တော်ဆီ ရောက်မလာဘဲ စတင်ခဲ့တဲ့ Eco Green City အိမ်ရာစီမံကိန်းနဲ့ အနည်းဆုံးအခကြေးငွေ ကျပ် ၄၈၀၀ ဂယက်

အနည်းဆုံး အခကြေးငွေ တစ်ရက် ကျပ် ၅၆၀၀ ရရှိရေး အထည်ချုပ်စက်ရုံ အလုပ်သမားများ ဆန္ဒထုတ်ဖော်နေသည်ကို ယခုလပိုင်းအတွင်း တွေ့ရစဉ် (ဓာတ်ပုံ – ကြည်နိုင်)

စီးပွားရေး ကျဆင်းမှုတွေနဲ့ ပြည်သူတွေရဲ့ စားဝတ်နေရေး ကျပ်တည်းမှုတွေ ပန်းဝင်ခဲ့တဲ့ ငြိမ်းချမ်းရေးနှစ်အမည်တပ် ၂၀၁၇ ခုနှစ် ကုန်ဆုံးခဲ့ချိန်မှာ မြန်မာနိုင်ငံအတွက် ၂၀၁၈ ခုနှစ် ဒီဇင်ဘာမှာ စတင်ပါဝင်ရတော့မယ့် အာဆီယံစီးပွားရေး အသိုက်အ၀န်းက စောင့်ကြိုနေမယ့် စိန်ခေါ်မှုဆီ ဦးတည်ခဲ့ပါပြီ။

အစိုးရဘက်က မြန်မာနိုင်ငံ ကုမ္ပဏီများ ဥပဒေအသက်ဝင်လာမယ့် ၂၀၁၈ ခုနှစ် သြဂုတ်ကို ပစ်မှတ်ထား လုပ်ဆောင်နေသလို ပုဂ္ဂလိက လုပ်ငန်းတွေထဲက အသေးစား အလတ်စားလုပ်ငန်းတွေအတွက်လည်း ချေးငွေဆိုင်ရာ အတိုးနှုန်းတွေနဲ့ ကာလတွေ လျှော့ချမှုတွေ ပြင်ဆင်လာတာ မြင်စပြုခဲ့ပါတယ်။

ဆန်စင်ရာ ကျည်ပွေ့လိုက်ရင်း မဟာဗျုဟာမြောက် ချမှတ်နိုင်ခြင်း မရှိသေးတဲ့ မြန်မာ့စီးပွားရေးအမြင်ဟာ ဘာလုပ်နေသလဲလို့ မေးခွန်းထုတ်ရမယ့် စီးပွားရေးမူဝါဒ ၁၂ ချက်နဲ့ ရှေ့ဆက်ဖို့ ခဲယဉ်းနေဆဲပါ။

ဒီလိုအခြေအနေတွေ ကြုံနေပေမယ့်လည်း အစိုးရအနေနဲ့ ပွင့်လင်းမြင်သာမှု အားနည်းတယ်လို့ ဝေဖန်ခံနေရတဲ့ဖြစ်စဉ်အဖြစ် ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းရဲ့ မဲဆန္ဒနယ်လှည်းကူးမှာ Eco Green City အိမ်ရာစီမံကိန်းကို အကောင်အထည် ဖော်ခဲ့တာကြောင့် လွှတ်တော်ကို အသေးစိတ် ရှင်းလင်းမှုမရှိခဲ့လို့ လွှတ်တော်ကိုယ်စားလှယ်တွေ ဝေဖန်ခဲ့ကြသလို အလုပ်ရှင်က များတယ်ထင်ပြီး အလုပ်သမားက နည်းတယ်ထင်တဲ့ အနည်းဆုံး အခကြေးငွေကို မူလကထက် ကျပ် ၁၂၀၀ တိုးမြှင့်လိုက်မှုဂယက်တွေလည်း ရှိနေပြီး ဒီလိုလုပ်ဆောင်မှုတွေကိုပဲ ဒီတစ်ပတ်ရဲ့ စီးပွားရေး သုံးသပ်ချက်ကဏ္ဍမှာ တင်ပြလိုပါတယ်။

ရန်ကုန်မြို့သစ် အိမ်ရာစီမံကိန်းနဲ့ ကျုးကျော်အိမ်ရာအရင် စတင်လာတဲ့ Eco Green City အိမ်ရာစီမံကိန်း

အရင်အစိုးရလက်ထက်က လုပ်ခဲ့တဲ့ ဝေဖန်ခံရန်ကုန်မြို့သစ် စီမံကိန်းနဲ့ လက်ရှိ အစိုးရလက်ထက်မှာ စတင်အကောင်အထည်ဖော်မယ့် ကျုးကျော်အိမ်ရာ စီမံကိန်းတွေ အရင်ခြေလှမ်းပြင်လာတာက ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းရဲ့ မဲဆန္ဒနယ် လှည်းကူးမှာ Eco Green City အိမ်ရာစီမံကိန်းကို အကောင်အထည်ဖော်လာမှု ဖြစ်ပါတယ်။

ရန်ကုန်မြို့သစ်စီမံကိန်းကို စတင်ပြီး အကောင်အထည်ဖော်ရာမှာ အနောက်တောင်မြို့သစ်စီမံကိန်းကို ကျပ် ၆၄ ဘီလျံနဲ့ အကောင်အထည်ဖော်မှာဖြစ်ပြီး ရန်ကုန်တိုင်းဒေသကြီး အစိုးရက ၅၁ ရာခိုင်နှုန်းနဲ့ ၄၉ ရာခိုင်နှုန်းကို မြန်မာနိုင်ငံ ဆောက်လုပ်ရေးလုပ်ငန်းရှင်များအသင်းက ဖွဲ့စည်းထားတဲ့ ဆောက်လုပ်ရေး လုပ်ငန်းရှင်တွေ ပါဝင်တဲ့ MCD ဆိုတဲ့အဖွဲ့နဲ့ ဆောက်လုပ်မှာကလွဲရင် ဘာမှသိခွင့်မရသေးတဲ့ မြို့သစ်စီမံကိန်းက ၂၀၁၈ ခုနှစ်ထဲမှာ စတင်ဖို့ ရှိနေပါတယ်။ ဒီစီမံကိန်း စတင်ဖို့အတွက် ရန်ကုန်တိုင်းဒေသကြီး အစိုးရအဖွဲ့က Yangon Metro- politan Development Public Co.,Ltd ဆိုပြီး ရန်ကုန်မြို့သစ်စီမံကိန်း လုပ်ဆောင်ဖို့ တည်ထောင်ထားပေမယ့် အကျိုးအမြတ် ခွဲဝေမှုအတွက် အဓိကကျတဲ့ အစုရှယ်ယာပါဝင်မှုနဲ့ ဘယ်လိုလူတွေပါနေလဲ ဆိုတာကတော့ ပြည်သူတွေ သိခွင့်မရသေးပါဘူး။

ဒီလိုအချိုးအစားအလိုက် စတင်တော့မယ့် ရန်ကုန်အနောက်တောင် မြို့သစ်စီမံကိန်းမှာဆိုရင် ရင်းနှီးမြှုပ်နှံမှုက ရှင်းလင်းမှုမရှိဘဲ ပြည်သူတွေရဲ့ ဘဏ္ဍာငွေနဲ့ ရင်းနှီးမြှုပ်နှံမယ့် အစိုးရဘက်ခြမ်းက ၅၁ ရာခိုင်နှုန်းမှာ ပုဂ္ဂလိက လုပ်ငန်းရှင်တစ်ဦးက ဒါရိုက်တာဘုတ်အဖွဲ့ဝင်အဖြစ် ပါဝင်မယ်လို့ဆိုပါတယ်။ ဒီလိုပါဝင်မှာကို လက်မခံနိုင်ဘူးလို့လည်း ဒေါ်စန္ဒာမင်းက ဆွေးနွေးခဲ့ဖူးပါတယ်။

ဒီလို ရန်ကုန်မြို့သစ်စီမံကိန်း လုပ်ဆောင်နေမှု ပွင့်လင်းမြင်သာမှု မရှိတာကြောင့် အဝေဖန်ခံနေရချိန်မှာ ကျုးကျော်အိမ်ရာစီမံကိန်း အတွက်လည်း လက်မှတ်ရေးထိုးရုံ အဆင့်သာရှိနေသေးပေမယ့် သူတို့ကို ကျော်တက်လာတဲ့ Eco Green City အိမ်ရာစီမံကိန်းကလည်း လွှတ်တော်မှာ ရှင်းပြမှုမရှိခဲ့တာကြောင့် ကိုယ်စားလှယ်တွေက ဝေဖန်မှုရှိနေပါတယ်။

Eco Green City အိမ်ရာစီမံကိန်း၊ တိုင်းအစိုးရနဲ့ လွှတ်တော်ကိုယ်စားလှယ်ကဏ္ဍ

“ကျွန်တော်တို့က အဲဒီစီမံကိန်း အကြောင်းကို အဲဒီနေရာတွေ၊ ကျူးကျော်တွေ ရှင်းလင်းဖယ်ရှားကတည်းက အနာဂတ်စီမံကိန်းကို သိနေတယ်။ Alliance Star ဆိုတာ ရွှေသံလွင်ပါပဲ။ ပထမသိတာက ရွှေသံလွင်က Media Village အတွက် မြေတောင်းတယ်။ မြေတောင်းတာက ဧက ၂၀ လောက် တောင်းတာထင်တယ်။ ရန်ကုန်တိုင်းအစိုးရက Media Village အပြင် ဒီနေရာမှာ အိမ်ရာဆောက်ခွင့်ပေးမယ်။ တိုင်းဒေသကြီးအစိုးရကလည်း ယူမယ်ပေါ့။ ဘယ်လိုစာချုပ်ချုပ်လဲ မသိဘူးပေါ့။ ဒီစီမံကိန်းကြီးက ဘယ်လိုအကောင်အထည်ဖော်မလဲ။ ကျူးကျော်တွေလည်း ရောက်နေတာပေါ့။ ကျူးကျော်တွေ ရှိနေတာကို မြန်မြန်ရှင်းထုတ်သင့်တယ်။ ရောင်းမှားဝယ်မှား ဖြစ်မယ်ဆိုပြီး အကြံပြုခဲ့တယ်။ နောက်ဆုံးအနေအထားကတော့ ရှင်းထုတ်လိုက်တယ်ပေါ့။ စီမံကိန်းကြီးကို ဆက်လက်အကောင်အထည် ဖော်တယ်ပေါ့။ ပြည်ထောင်စုဝန်ကြီး ကိုယ်တိုင် အဲဒီပွဲကို တက်ရောက်တယ်။ ပြည်ထောင်စုကို အမြဲတမ်း စောင့်ကြည့်နေတာ။ ပြည်ထောင်စုမှာ ဒီစီမံကိန်းကို မကြားမိဘူး။ တိုင်းဒေသကြီးမှာတော့ ကျွန်တော်ကိုယ်တိုင် ပါဝင်နေတော့ အသိဆုံးပေါ့။ ရန်ကုန်မြို့သစ် စီမံကိန်းကိုလည်း ရှင်းလင်းခွင့်မရခဲ့ဘူး။ အခု ဒီစီမံကိန်းကိုလည်း မသိရဘူး။ လုပ်ထုံးလုပ်နည်းနဲ့ မညီညွတ်ဘူးပေါ့ဗျာ။ လွှတ်တော်ထဲလည်း မဖြတ်ဘူး။ အကောင်အထည်ဖော်လိုက်တယ်။ ဒီကိစ္စကို လွှတ်တော်ထဲမှာ တင်ပြသွားမယ်။ ပြည်သူ့လွှတ်တော်ကတော့ စတော့မှာပေါ့။ ဒီဟာကို ပြည်ထောင်စုက ကိုင်သင့်တာပေါ့။

ကျွန်တော်က စီမံကိန်းကော်မတီ အတွင်းရေးမှူးဆိုတော့လည်း အမှန်ဘက်ကဖြစ်အောင် ဆွေးနွေးခွင့်ရအောင်၊ ပြည်သူ့ဆန္ဒပါအောင် စာချုပ်ချုပ်တာ ပွင့်လင်းမြင်သာမှုရှိအောင် တခြားကုမ္ပဏီတွေရော ဆောက်ချင်တာ မရှိဘူးလား။ အဲဒါို မေးခွန်းမေးသွားမယ်။ Alliance Star နဲ့ လုပ်မယ်ဆိုတာကို ရန်ကုန်တိုင်းဒေသကြီး အစိုးရတက်ကတည်းက ကြားနေတာ” လို့ဆိုသူက ဒဂုံမြို့နယ် မဲဆန္ဒနယ်အမှတ် (၁) တိုင်းဒေသကြီးလွှတ်တော် ကိုယ်စားလှယ်ဘဏ္ဍာရေး၊ စီမံကိန်းနှင့် စီးပွားရေးကော်မတီ အတွင်းရေးမှူး ဦးကျော်ဇေယျပါ။

ဦးကျော်ဇေယျနည်းတူ ဝေဖန်ခဲ့တာက လှည်းကူးမြို့နယ် ပြည်သူ့လွှတ်တော်ကိုယ်စားလှယ် ဦးသိန်းနိုင်ဖြစ်ပြီး ဒီစီမံကိန်းက တိုင်းဒေသကြီးအစိုးရက လုပ်တာဖြစ်လို့ ရန်ကုန်တိုင်းဒေသကြီး လွှတ်တော်နဲ့ပဲဆိုင်တယ်လို့ ဆိုခဲ့ပါတယ်။

“ဒီစီမံကိန်းက ပြည်ထောင်စု လွှတ်တော်နဲ့တော့မဆိုင်ဘူး။ ရန်ကုန်တိုင်းအစိုးရအစီအမံနဲ့ လုပ်တာဖြစ်တဲ့အတွက် ရန်ကုန်တိုင်းဒေသကြီးလွှတ်တော်နဲ့ပဲ ဆိုင်တယ်။ ဒီစီမံကိန်းက ပြည်ထောင်စုအဆင့်မဟုတ်တဲ့အတွက် အသေးစိတ်မသိရဘူး။ အခမ်းအနားလုပ်တဲ့နေ့ ရှင်းပြတာပဲ သိရတာပေါ့။ စီမံကိန်းအနေအထားကို လွှတ်တော်မှာလည်း ဆွေးနွေးထားတာ မဟုတ်တဲ့အတွက် လက်ရှိသူတို့ပြောတာပဲ ကြားရတယ်။ ပိုပြီးတော့မသိပါဘူး။ ဆောက်လုပ်ရေး ၀န်ကြီးရဲ့အောက်မှာ အိုးအိမ်တို့၊ ဘာတို့ရှိတယ်။ ဒီဟာက ရန်ကုန်တိုင်းရဲ့ မြို့အိုးအစီအစဉ်နဲ့ ပြည်ထောင်စုဝန်ကြီးကို အသိအမှတ်ပြုတဲ့အတွက် ဖိတ်လိုက်တာ။ ဆောက်လုပ်ရေးဝန်ကြီးရဲ့ ပြည်ထောင်စုစီမံကိန်း မဟုတ်ပါဘူး။ ဒါက တိုင်းဒေသကြီးကလုပ်တဲ့ စီမံကိန်းပါ။ သူတို့ဟာနဲ့ ဘယ်လိုလုပ်ခဲ့လဲ။ တိုင်းအစီအစဉ်နဲ့ ဘယ်လိုလုပ်ခဲ့လဲမသိရဘူး။ ကျွန်တော်တို့ သိထားတာက ကျူးကျော်နဲ့ ပတ်သက်လို့ ဆောက်လုပ်ရေးနဲ့ Alliance Star က အရင် အစိုးရလက်ထက်ကတည်းက Joint လုပ်ထားတယ်လို့ သိရတယ်။ အဲဒီလို အချိတ်အဆက်လေးတွေတော့ ရှိတယ်” လို့ ဆိုခဲ့ပါတယ်။

ဒါ့အပြင် ဒီစီမံကိန်းကြီးက အကြီးကြီးဖြစ်လို့ လွှတ်တော်ကိုဖြတ်ပြီးမှပဲသွားမှ ဒီမိုကရေစီကျမှာဖြစ်သလို ပွင့်လင်းမြင်သာမှုရှိသင့်တယ်လို့ လှိုင်မြို့နယ် မဲဆန္ဒနယ်အမှတ် (၁) တိုင်းဒေသကြီးလွှတ်တော်ကိုယ်စားလှယ် ဦးကျော်ကျော်ထွန်းက ထောက်ပြပေမယ့် လက်ရှိမှာတော့ စီမံကိန်းက ကုမ္ပဏီအကျိုးအတွက် လုပ်သလားဆိုတာကို ပြည်သူသိခွင့် မရခင်မှာ စတင်နေပါပြီ။

အနည်းဆုံးအခကြေးငွေ ကျပ် ၄၈၀၀ ဂယက်

အနည်းဆုံးအခကြေးငွေ ကျပ် ၃၆၀၀ သတ်မှတ်မယ်ဆိုရင် စက်ရုံပိတ်ပြီး ချက်ချင်းပြန်သွားမယ်လို့ ခြိမ်းခြောက်ခဲ့တာက တရုတ်အထည်ချုပ် လုပ်ငန်းရှင်တွေဖြစ်ပြီး သူတို့ ခြိမ်းခြောက်ခဲ့စဉ်က မြန်မာနိုင်ငံမှာ အနည်းဆုံး အခကြေးငွေကို စတင် သတ်မှတ်မှုကာလဖြစ်တဲ့ ၂၀၁၅ ခုနှစ်တုန်းကပါ။

ဒါပေမဲ့ အစိုးရက သတ်မှတ်တဲ့ ဒီနှုန်းထားဟာ နိုင်ငံခြားရင်းနှီးမြှုပ်နှံမှု အနေနဲ့ မြန်မာနိုင်ငံတွင်း ၀င်လာရင် မြန်မာလုပ်သားတွေကို သူတို့ပေးရမယ့်နှုန်းထားနီးပါး အောက်ပဲရှိတယ်လို့ ငြင်းချက်ထုတ်လာချိန်မှာ သူတို့ပါးစပ်ပိတ်ခဲ့သလို စက်ရုံပိတ်ပြန်သွားမှုလည်း မရှိခဲ့ဘူးဆိုတဲ့ အခြေအနေပါ။

အနည်းဆုံး အခကြေးငွေကို နှစ်နှစ်တစ်ကြိမ် ပြန်လည်သတ်မှတ်ရမယ်ဆိုတဲ့ အချက်အရ လက်ရှိ ၂၀၁၇ ခုနှစ်မှာ အလုပ်ရှင် အလုပ်သမား အကြိမ်ကြိမ် ဆွေးနွေးအပြီး ဒီဇင်ဘာ ၂၉ ရက်မှာ ကျပ် ၄၈၀၀ သတ်မှတ်လိုက်မှုဖြစ်စဉ် ဖြစ်လာခဲ့ပါတယ်။ အလုပ်ရှင်ဘက်ကို ပစားပေး စဉ်းစားခဲ့ပေမယ့် ဒီလို ၄၈၀၀ သတ်မှတ်မှုကို အလုပ်ရှင်တွေက များတယ်ထင်ပြီး မပေးချင်ကြတဲ့ အခြေအနေဖြစ်သလို ကျပ် ၅၆၀၀ နဲ့ ၆၆၀၀ အကြား ရလိုတဲ့ အလုပ်သမားတွေဘက်ကလည်း မနှစ်သက်ကြပါဘူး။

“ပုဂ္ဂလိက၀န်ထမ်းတွေကို လစာတိုးပေးမယ်ဆိုရင် ကျွန်တော်တို့ အစိုးရ၀န်ထမ်းတွေမှာလည်း အထိအခိုက် ရှိပါလိမ့်မယ်။ ဒါကိုလည်း ကျွန်တော်တို့ အသေးစိတ် စဉ်းစားရပါတယ်။ လက်ရှိအနေအထားမှာ ၃၆၀၀ ပေးတယ်ဆိုရာမှာ ကျွန်တော်တို့ ၀န်ထမ်းတွေက ၄၀၀၀ လောက်ပေးထားတာ ဖြစ်ပါတယ်။ သူတို့ကိုတိုးပေးမယ်ဆိုရင် ကျွန်တော်တို့ ၀န်ထမ်းတွေကိုလည်း အချိုးညီစွာ တိုးပေးရပါမယ်။ တိုးပေးဖို့လည်း ကျွန်တော်တို့အစိုးရမှာလည်း လိုငွေပြဘတ်ဂျက်ဖြစ်နေပါတယ်။ တိုးပေးဖို့လည်း အခက်အခဲတွေ ရှိပါတယ်။ မူလသတ်မှတ်ခဲ့တဲ့ ၂၀၁၅ ခုနှစ်တုန်းက နိုင်ငံခြားငွေလဲနှုန်းမှာ နှစ်ဒေါ်လာဝန်းကျင် ရှိနေပြီးတော့ အဲဒီအချိန်မှာ သူများတွေက သုံးဒေါ်လာလောက် ဖြစ်နေပါတယ်။ အစစအရာရာ ချိန်ထိုးပြီးတော့ ကျွန်တော်တို့ သတ်မှတ်ရာမှာ ၂၀၁၅ ခုနှစ်တုန်းက နိုင်ငံခြားငွေလဲနှုန်းက တစ်ဒေါ်လာကို ကျပ် ၁၀၀၀ ၀န်းကျင်ပဲရှိပြီး လက်ရှိကာလမှာ ကျပ် ၁၃၅၀ ၀န်းကျင်ပါ။ လက်ရှိ ၄၈၀၀ ကို ကျွန်တော်တို့က ပြန်တွက်တဲ့အခါကျတော့ နိုင်ငံခြားငွေလဲနှုန်း များလာတဲ့အတိုင်းပဲ ဖြစ်ပါတယ်” လို့ အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေက ဆိုပါတယ်။

ဒီနေရာမှာ ကြားချသတ်မှတ်ရရင် အလုပ်ရှင်တွေအနေနဲ့လည်း လက်ရှိတိုးမြှင့်လိုက်တဲ့နှုန်းက အာဆီယံမှာ အနည်းဆုံးဖြစ်နေသေးတယ်ဆိုတာကို တွေးဆပြီး ကန့်ကွက်ဖို့မသင့်သလို အစိုးရကနိုင်ငံဝန်ထမ်း ၁၅ သန်းလောက် လစာတိုးပေးရမယ်ဆိုရင် တိုင်းပြည်က စိုက်ထုတ်ရမှာ သတိချပ်သင့်ပါတယ်။ အလုပ်သမားတွေ အနေနဲ့လည်း တစ်ရက်ကို ၂ ဒသမ ၆၈ ဒေါ်လာပဲရနေတာကနေ တစ်ရက်ကို ၃ ဒသမ ၅၃ ဒေါ်လာနီးပါးရလာပြီး ၁၂၀၀ တိုးတာနဲ့ ကျေနပ်ပါလို့ပဲ တောင်းဆိုရင်း ဒီတစ်ပတ်ရဲ့ စီးပွားရေးသုံးသပ်ချက်ကို ရပ်နားလိုက်ပါတယ်။